ရုရှားက အသံနှုန်းလွန်ဒုံးကျည် အသုံးပြုပြီး ယူကရိန်းကို လက်တုံ့ပြန်တိုက်ခိုက်

NoahJune222

News Image

  • ရုရှားက အသံနှုန်းလွန်ဒုံးကျည် အသုံးပြုပြီး ယူကရိန်းကို လက်တုံ့ပြန်တိုက်ခိုက်

         ရုရှားစစ်ဘက်သည် နိုင်ငံ၏နောက်ဆုံးပေါ် အဆင့်အမြင့်ဆုံးဒုံးကျည်ဖြစ်သောOreshnik အသံနှုန်းလွန်ဒုံးကျည် အသုံးပြု၍ ယူကရိန်းနိုင်ငံ ကိယက်မြို့ကို လက်တုံ့ပြန်တိုက်ခိုက်မှုလုပ်ကြောင်း သိရသည်။

ယူကရိန်းက ရုရှားနိုင်ငံနှင့် ပေါင်းစည်းထားသော လူးဟန့်ပြည်သူ့သမ္မတ နိုင်ငံအတွင်းရှိ ဆရာအတတ်သင်ကျောင်း အိပ်ဆောင်ကို မေလ ၂၂ ရက်တွင် ဒရုန်းများဖြင့် တိုက်ခိုက်မှုလုပ်ခြင်းအပေါ် ရုရှားဘက်က လက်တုံ့ပြန်သည့်အနေဖြင့် မေလ ၂၄ ရက်တွင် Oreshnik ဒုံးကျည်အပါအဝင် ဒုံးကျည်အစင်းပေါင်းများစွာ၊ ဒရုန်းအစင်းပေါင်း များစွာအသုံးပြု၍ ကိယက်မြို့ကို တိုက်ခိုက်ခြင်းဖြစ်သည်။

ယူကရိန်း၏  တိုက်ခိုက်မှုကြောင့် ဆယ်ကျော်သက် မိန်းကလေးအများစုအပါအဝင်လူ ၂၁ ဦးသေဆုံးကာ ၄၂ ဦးဒဏ်ရာရရှိခဲ့ခြင်းဖြစ်သည်။ ထို့နောက် ကာကွယ်ရေးဝန်ကြီးဌာနအနေဖြင့် ယူကရိန်းကို လက်တုံ့ပြန် တိုက်ခိုက်နိုင်သည့် နည်းလမ်းများတင်ပြရန် ရုရှားသမ္မတက ညွှန်ကြားခဲ့ခြင်းဖြစ်သည်။

Oreshnik ဒုံးကျည်သည် သမားရိုးကျ ဒုံးကျည်ထိပ်ဖူးများသာမက နျူကလီးယားထိပ်ဖူးများကိုပါ သယ်ဆောင်ကာ ရန်သူ့လေပိုင်နက်အတွင်းသို့ အသံထက်အလွန်မြန်သော နှုန်းဖြင့်ဝင်ရောက်၍ ပစ်မှတ်များကို တိကျစွာ ထိမှန်နိုင်စွမ်းရှိကြောင်း သိရသည်။

MDN

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အိမ်ဖြူတော်အနီး၌ သေနတ်ပစ်ခတ်သူကို ရဲတပ်ဖွဲ့က အသေပစ်ခတ်ဖမ်းဆီး
အိမ်ဖြူတော်အနီး၌ သေနတ်ပစ်ခတ်သူကို ရဲတပ်ဖွဲ့က အသေပစ်ခတ်ဖမ်းဆီး
    အမေရိကန်သမ္မတအိမ်တော်ဖြစ်သည့် အိမ်ဖြူတော်အနီး၌ သေနတ်ပစ်ခတ်မှု လုပ်သူ အမျိုးသားတစ်ဦးကို အထူးရဲတပ်ဖွဲ့က အသေပစ်ခတ် ဖမ်းဆီးလိုက်ကြောင်းသိရသည်။ ပစ်ခတ်မှုဖြစ်ပွားချိန်တွင် သမ္မတဒေါ်နယ်ထရမ့်သည် အိမ်ဖြူတော်အတွင်းရှိနေကာ အီရန်နှင့် သဘောတူညီချက်ကိစ္ စဆွေးနွေးနေခြင်းဖြစ်သည်။အသက် ၂၁ နှစ်ရှိအမျိုးသားတစ်ဦးက မေလ ၂၃ ရက်ည ၆ နာရီကျော်တွင် အိမ်ဖြူတော်လုံခြုံရေး သတ်မှတ်စည်းအတွင်းသို့ ဝင်ရောက်ကာ ၎င်း၏လွယ်အိတ်အတွင်းမှ သေနတ်တစ်လက်ကိုထုတ်ပြီး ပစ်ခတ်မှုလုပ်ဆောင်ခြင်းဖြစ်သည်။  ထို့နောက် အထူးရဲတပ်ဖွဲ့က အဆိုပါအမျိုးသားကို တုံ့ပြန်ပစ်ခတ်မှုများ လုပ်ဆောင်ခဲ့ခြင်းဖြစ်သည်။ ယင်းနောက်တွင် ထိုအမျိုးသားကို ဆေးရုံသို့ခေါ်ဆောင်သွားသော်လည်း ဆေးရုံရောက်ချိန်တွင် သေဆုံးနေပြီဖြစ်သည်ဟု တာဝန်ရှိသူများက ပြောသည်။အဆိုပါဖြစ်စဉ်တွင် အိမ်ဖြူတော်အနီးမှ ဖြတ်သွားသည့် လမ်းသွားလမ်းလာတစ်ဦးသည်လည်း သေနတ်ဒဏ်ရာရရှိကြောင်း အထူးရဲတပ်ဖွဲ့မှ ပြန်ကြားရေးအရာရှိ အန်တိုနီဂူလိုင်းယယ်မီက ပြောသည်။ ပစ်ခတ်မှုလုပ်သူသည် ယခင်က စိတ်ရောဂါဖြစ်ဖူးသူဖြစ်ကြောင်း၊ ရဲတပ်ဖွဲ့ဝင်များနှင့်လည်း ကတောက်ကဆဖြစ်ဖူးကြောင်း သတင်းဌာနများက ဖော်ပြထားသည်။MDN
Mon, 25-May-2026
ရုရှားက အသံနှုန်းလွန်ဒုံးကျည် အသုံးပြုပြီး ယူကရိန်းကို လက်တုံ့ပြန်တိုက်ခိုက်
ရုရှားက အသံနှုန်းလွန်ဒုံးကျည် အသုံးပြုပြီး ယူကရိန်းကို လက်တုံ့ပြန်တိုက်ခိုက်
         ရုရှားစစ်ဘက်သည် နိုင်ငံ၏နောက်ဆုံးပေါ် အဆင့်အမြင့်ဆုံးဒုံးကျည်ဖြစ်သောOreshnik အသံနှုန်းလွန်ဒုံးကျည် အသုံးပြု၍ ယူကရိန်းနိုင်ငံ ကိယက်မြို့ကို လက်တုံ့ပြန်တိုက်ခိုက်မှုလုပ်ကြောင်း သိရသည်။ယူကရိန်းက ရုရှားနိုင်ငံနှင့် ပေါင်းစည်းထားသော လူးဟန့်ပြည်သူ့သမ္မတ နိုင်ငံအတွင်းရှိ ဆရာအတတ်သင်ကျောင်း အိပ်ဆောင်ကို မေလ ၂၂ ရက်တွင် ဒရုန်းများဖြင့် တိုက်ခိုက်မှုလုပ်ခြင်းအပေါ် ရုရှားဘက်က လက်တုံ့ပြန်သည့်အနေဖြင့် မေလ ၂၄ ရက်တွင် Oreshnik ဒုံးကျည်အပါအဝင် ဒုံးကျည်အစင်းပေါင်းများစွာ၊ ဒရုန်းအစင်းပေါင်း များစွာအသုံးပြု၍ ကိယက်မြို့ကို တိုက်ခိုက်ခြင်းဖြစ်သည်။ယူကရိန်း၏  တိုက်ခိုက်မှုကြောင့် ဆယ်ကျော်သက် မိန်းကလေးအများစုအပါအဝင်လူ ၂၁ ဦးသေဆုံးကာ ၄၂ ဦးဒဏ်ရာရရှိခဲ့ခြင်းဖြစ်သည်။ ထို့နောက် ကာကွယ်ရေးဝန်ကြီးဌာနအနေဖြင့် ယူကရိန်းကို လက်တုံ့ပြန် တိုက်ခိုက်နိုင်သည့် နည်းလမ်းများတင်ပြရန် ရုရှားသမ္မတက ညွှန်ကြားခဲ့ခြင်းဖြစ်သည်။Oreshnik ဒုံးကျည်သည် သမားရိုးကျ ဒုံးကျည်ထိပ်ဖူးများသာမက နျူကလီးယားထိပ်ဖူးများကိုပါ သယ်ဆောင်ကာ ရန်သူ့လေပိုင်နက်အတွင်းသို့ အသံထက်အလွန်မြန်သော နှုန်းဖြင့်ဝင်ရောက်၍ ပစ်မှတ်များကို တိကျစွာ ထိမှန်နိုင်စွမ်းရှိကြောင်း သိရသည်။MDN
Mon, 25-May-2026
အိမ်ဖြူတော်အနီး သေနတ် ပစ်ခတ်မှုဖြစ်ပွား၊ သံသယရှိသူ သေဆုံး
အိမ်ဖြူတော်အနီး သေနတ် ပစ်ခတ်မှုဖြစ်ပွား၊ သံသယရှိသူ သေဆုံး
ဝါရှင်တန် မေ ၂၄အိမ်ဖြူတော်အနီး ပစ်ခတ်မှုတွင် သံသယရှိသူတစ်ဦး သေဆုံးခဲ့ကြောင်း အမေရိကန်စုံစမ်းစစ်ဆေးရေးဌာနက ယမန်နေ့တွင် ကြေညာခဲ့သည်။သေနတ်ပစ်ခတ်မှု ဖြစ်ပွားစဉ် သမ္မတ ဒေါ်နယ်ထရမ့် အိမ်ဖြူတော်၌ ရှိနေသော်လည်း ထိခိုက်မှုမရှိကြောင်း သိရသည်။ သံသယရှိသူမှာ အသက် ၂၁ နှစ်အရွယ် အမျိုးသားတစ်ဦးဖြစ်ကြောင်း အမေရိကန်မီဒီယာများက ဖော်ပြသည်။၎င်းသည် ဖက်ဒရယ်အေးဂျင့်များနှင့် ယခင်က တွေ့ဆုံခဲ့ဖူးပြီး စိတ်ပိုင်းဆိုင်ရာ အကဲဖြတ်ရန်အတွက် ထိန်းသိမ်းခံထားရသူတစ်ဦးဖြစ်ခဲ့ကြောင်း သိရသည်။အဆိုပါ အမျိုးသားသည် အိမ်ဖြူတော်ဝင်းအပြင်ဘက်ရှိ စစ်ဆေးရေးဂိတ်တစ်ခုသို့ ချဉ်းကပ်ကာ ၎င်း၏အိတ်ထဲမှ သေနတ်ဖြင့် လုံခြုံရေးအရာရှိများကို စတင်ပစ်ခတ်ခဲ့ရာ လုံခြုံရေးအရာရှိများက လည်း ပြန်လည်ပစ်ခတ်ခဲ့ကြောင်း စုံစမ်းစစ်ဆေးရေးဌာနမှ ပြောရေးဆိုခွင့်ရှိသူက ပြောကြားခဲ့သည်။အဆိုပါ သံသယရှိသူအား ဆေးရုံသို့ ပို့ဆောင်ခဲ့ရာ ဆေးရုံ၌ သေဆုံးခဲ့ကြောင်း ဆေးဘက်ဆိုင်ရာ တာဝန်ရှိသူများက အတည်ပြုပြောကြားခဲ့သည်။ အဆိုပါဖြစ်စဉ်တွင် အနီးဝန်းကျင်ရှိ ပြည်သူတစ်ဦးလည်း သေနတ်ထိမှန်ခဲ့ကြောင်း ပြောရေးဆိုခွင့်ရှိသူက ပြောကြားခဲ့သည်။ သို့သော် ၎င်းနှင့်ပတ်သက်ပြီး အသေးစိတ်ဖော်ပြခြင်း မရှိခဲ့ပေ။ပြီးခဲ့သည့်လက သမ္မတထရမ့် တက်ရောက်သည့် ညစာစားပွဲတစ်ခုတွင်လည်း လုံခြုံရေးဂိတ်သို့  လက်နက်ကိုင်အမျိုးသားတစ်ဦး အတင်းဝင်ရောက်ရန် ကြိုးပမ်းစဉ် လုံခြုံရေးအရာရှိများက ၎င်းအား ပစ်ခတ်ဖမ်းဆီးခဲ့ကြောင်း သိရသည်။ကိုးကား - အင်န်အိတ်ချ်ကေဘာသာပြန် - အောင်ကျော်ကျော်MDN
Mon, 25-May-2026
ပေါင်မြို့နယ်၌ မှုခင်းကျဆင်းရေး အသိပညာပေးဟောပြော
ပေါင်မြို့နယ်၌ မှုခင်းကျဆင်းရေး အသိပညာပေးဟောပြော
ပေါင် မေ ၂၄ မွန်ပြည်နယ် ပေါင်မြို့နယ်၌ မှုခင်းကျဆင်းရေးအသိပညာပေးဟောပြောပွဲကို ယနေ့နံနက်ပိုင်းက အုပ်ချုပ်ရေးမှူးရုံးတွင် ပြုလုပ်သည်။ ဦးစွာ ပေါင်မြို့မစခန်းမှူး ဒုတိယရဲမှူး ကျော်စိုးသန်းက ရပ်ကွက်၊ ကျေးရွာများအတွင်း မှုခင်းလျော့နည်းကျဆင်းရေးဆိုင်ရာ ကိစ္စရပ်များ၊ ခိုးမှု၊ လုယက်မှု၊ မုဒိမ်းမှုစသည့် မှုခင်းဆိုင်ရာများနှင့်ပတ်သက်၍ ကြိုတင်ကာကွယ်ရမည့် နည်းလမ်းများ၊ လိုက်နာဆောင်ရွက်ရမည့် အချက်များ၊ ပြစ်မှု၊ ပြစ်ဒဏ်များကို ရပ်ကွက်နေပြည်သူများအား အသိပညာပေး ဟောပြောဆွေးနွေးခဲ့ကြောင်း သိရသည်။မွန်မလေး(ပြန်/ဆက်)MDN
Mon, 25-May-2026
အွန်လိုင်းလိမ်လည်မှု (Telecom Fraud) လုပ်ငန်းများအား ဆက်လက်စစ်ဆေးဆောင်ရွက်လျက်ရှိပြီး တရုတ်နိုင်ငံသား ၂၇ ဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့
အွန်လိုင်းလိမ်လည်မှု (Telecom Fraud) လုပ်ငန်းများအား ဆက်လက်စစ်ဆေးဆောင်ရွက်လျက်ရှိပြီး တရုတ်နိုင်ငံသား ၂၇ ဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့
နေပြည်တော် မေ၂၄နိုင်ငံတော်အစိုးရအနေဖြင့် နယ်စပ်ဒေသများ၌ တရားမဝင် ဝင်ရောက်နေထိုင်ပြီး အွန်လိုင်းလောင်းကစားမှု၊ အွန်လိုင်းလိမ်လည်မှုအပါအဝင် ဒုစရိုက်မှုလုပ်ငန်းများတွင် ပါဝင်ဆောင်ရွက်ခဲ့ကြသည့် ပြည်ပနိုင်ငံသားများကို စုံစမ်းစစ်ဆေးဖော်ထုတ်၍ သက်ဆိုင်ရာနိုင်ငံများသို့ ဥပဒေ၊ လုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးအပ်လျက်ရှိသည်။ထိုသို့ပြည်နှင်လွှဲပြောင်းပေးလျက်ရှိရာ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ ကရင်ပြည်နယ်၊ မြဝတီမြို့ဝန်းကျင်ရှိ ဆိုဒ်များအတွင်းသို့ တရားမဝင် လမ်းကြောင်းမှတစ်ဆင့် ဝင်ရောက်နေခဲ့သည့် တရုတ်နိုင်ငံသား ၂၇ ဦီး ထပ်မံဖော်ထုတ်ထိန်းသိမ်းနိုင်ခဲ့ပြီး ပြည်နှင်နိုင်ရေး စစ်ဆေးနိုင်ခဲ့သည်။၂၀၂၅ ခုနှစ်၊ ဇန်နဝါရီလ ၃၀ ရက်မှ ၂ဝ၂၆ ခုနှစ်၊ မေလ ၂၄ ရက်အထိ မြဝတီမြို့နယ်အတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၁၄၆၈၅ ဦး ထိန်းသိမ်းနိုင်ခဲ့ကြောင်းနှင့် ယင်းနိုင်ငံသားအားလုံးကို စစ်ဆေးပြီးစီးခဲ့ပြီး ၎င်းတို့အနက်မှ ၁၃၅၂၁ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့ပါသည်။လွှဲပြောင်းပေးအပ်ရန်ကျန်ရှိသည့် ပြည်ပနိုင်ငံသား ၁၁၆၄ ဦးတွင် မြန်မာနိုင်ငံ လူဝင်မှုကြီးကြပ်ရေး (လတ်တလော) ပြဋ္ဌာန်းချက်များ အက်ဥပဒေပုဒ်မ ၃ (၁) / ၁၃ (၁) နှင့် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အပြစ်ပေးအရေးယူခဲ့သည့် ပြည်ပနိုင်ငံသား ၆၆၂ ဦးရှိသည့်အတွက် ကျန်ရှိသည့် ပြည်ပနိုင်ငံသား ၅၀၂ ဦးတို့အား သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာ ထိန်းသိမ်းစောင့်ရှောက်ထားရှိသည်။နိုင်ငံတော်အနေဖြင့် Online Scam Center လုပ်ငန်းများတွင် ပါဝင်ပတ်သက်နေသူများနှင့် နောက်ကွယ်မှ ကြိုးကိုင်သော နိုင်ငံခြားသားများကို ဖော်ထုတ်ဖမ်းဆီးပြီး ထိထိရောက်ရောက် ပြင်းပြင်းထန်ထန်အရေးယူနိုင်ရေး အိမ်နီးချင်းနှင့် ဒေသတွင်းနိုင်ငံများ၊ နိုင်ငံတကာအဖွဲ့အစည်းများနှင့် တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် ဒုက္ခရောက်နေကြသော နိုင်ငံခြားသားများနှင့် လူကုန်ကူးခံရသည့် နိုင်ငံခြားသားများကို သက်ဆိုင်ရာနိုင်ငံများသို့ အမြန်ဆုံးပြည်နှင်လွှဲပြောင်းပေးနိုင်ရေး ထိရောက်စွာ ညှိနှိုင်းဆောင်ရွက်လျက်ရှိကြောင်း သတင်းရရှိသည်။MOI
Mon, 25-May-2026
ရှမ်းပြည်နယ်၊ မူဆယ်မြို့နယ်၌ အကြမ်းဖက်သမား(စိစစ်ဆဲ)က သေနတ်ဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး ထိခိုက်ဒဏ်ရာရရှိ , ရှမ်းပြည်နယ်၊ မူဆယ်မြို့နယ်၌ အကြမ်းဖက်သမား(စိစစ်ဆဲ)က သေနတ်ဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး ထိခိုက်ဒဏ်ရာရရှိ
ရှမ်းပြည်နယ်၊ မူဆယ်မြို့နယ်၌ အကြမ်းဖက်သမား(စိစစ်ဆဲ)က သေနတ်ဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး ထိခိုက်ဒဏ်ရာရရှိ
24 May 2026    အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက်သတ်ဖြတ်ခြင်းများ လုပ်ဆောင်လျက်ရှိသည်။    ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မေ ၂၁ ရက် ည ၁၁ နာရီ ၄၅ မိနစ်တွင် ရှမ်းပြည်နယ်၊ မူဆယ်မြို့နယ်၊ ဟိုမွန်ရပ်ကွက်နေ ဦးအားချွင်း(၃၂)နှစ်သည် ၎င်း၏နေအိမ်၌ ဦးအားစူး (၃၂)နှစ်နှင့်အတူ ရှိနေစဉ် အကြမ်းဖက်သမား တစ်ဦး(စိစစ်ဆဲ) ရောက်ရှိလာပြီး သေနတ်ဖြင့် ပစ်ခတ်ထွက်ပြေးသွားခဲ့သဖြင့် ၎င်းတို့ နှစ်ဦးတွင် ကျည်ထိမှန်ဒဏ်ရာများရရှိခဲ့၍ ဆေးကုသနိုင်ရေး မူဆယ်ခရိုင်ပြည်သူ့ဆေးရုံသို့ ပို့ဆောင်ထားရှိကြောင်း သိရသည်။    အထက်ပါဖြစ်စဉ်တွင် PDF အမည်ခံ အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံ တရားကင်းမဲ့စွာ သေနတ်ဖြင့် ပစ်ခတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့် ပူးပေါင်း၍ အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။MOHA
Sun, 24-May-2026
© Copyright 2024 SAC All Rights Reserved.