နေပြည်တော်ကောင်စီဥက္ကဋ္ဌ ဦးကံမြင့်သန်း ဒေသဖွံ့ဖြိုးရေးလုပ်ငန်းများနှင့် လွှတ်တော်ကိုယ်စားလှယ်များ တည်းခိုမည့်ဧည့်ရိပ်သာပြင်ဆင်ထားရှိမှု ကြည့်ရှုစစ်ဆေး

NoahJune222

News Image

  • နေပြည်တော်ကောင်စီဥက္ကဋ္ဌ ဦးကံမြင့်သန်း ဒေသဖွံ့ဖြိုးရေးလုပ်ငန်းများနှင့် လွှတ်တော်ကိုယ်စားလှယ်များ တည်းခိုမည့်ဧည့်ရိပ်သာပြင်ဆင်ထားရှိမှု ကြည့်ရှုစစ်ဆေး

နေပြည်တော် မေ ၃၀

 

နေပြည်တော်ကောင်စီဥက္ကဋ္ဌ ဦးကံမြင့်သန်းသည် ယနေ့ နံနက်ပိုင်းတွင် ပျဉ်းမနားမြို့နယ် သစ်လေးလုံးကျေးရွာအုပ်စု ပုရွက်ဆိတ်ကုန်း‌ကျေးရွာရှိ တောင်သူဦးမိုးဆွေ၏ ကွင်းအမှတ် (၁၇၀၄) ၌ သဘာဝမြေဩဇာနှင့် ဓာတ်မြေဩဇာ စုပေါင်းကြဲပက်နေမှုနှင့် ကူးတိုးဆိပ်ကျေးရွာအုပ်စု အင်းသာကျေးရွာရှိ ဒေါက်တာကိုကိုနိုင်၏ အသားတိုးကြက်အကောင်ရေ ၁၂၇၀၀၀ မွေးမြူထားရှိမှုတို့ကို လှည့်လည်ကြည့်ရှုကာ လိုအပ်သည်များကို မှာကြားဖြည့်ဆည်းဆောင်ရွက်ပေးသည်။

 

ထို့နောက် ငဖယ်အင်းရေနုတ်မြောင်း ပြန်လည်တူးဖော်ခြင်းလုပ်ငန်း ဆောင်ရွက်နေမှုနှင့် ကျွန်းရောင်း-အိုင်စောက်-ပေါင်းလောင်းရေနုတ်မြောင်း ပြုပြင်တူးဖော်ခြင်းလုပ်ငန်း ဆောင်ရွက်နေမှု၊ အိုင်စောက်ကျေးရွာမှ ကျောက်ချက်တံတားအထိ ရန်ကုန်-မန္တလေးလမ်းဟောင်း လမ်းဘေး ဝဲ၊ ယာတွင် ရေနုတ် မြောင်းတူးဖော်ခြင်းလုပ်ငန်း ဆောင်ရွက်နေမှုတို့ကို လှည့်လည်ကြည့်ရှုစစ်ဆေးသည်။ 

 

ယင်းနောက် နေပြည်တော်စည်ပင်ဧည့်ရိပ်သာ (၂) ၌ လွှတ်တော်ကိုယ်စားလှယ်များ တည်းခိုနေထိုင်ရန် နေရာချထားမည့် အိပ်ဆောင်များနှင့် အဆောက်အအုံများ ပြင်ဆင်ဆောင်ရွက်ထားရှိမှု အခြေအနေများကို ကြည့်ရှုစစ်ဆေးပြီး လိုအပ်သည်များ မှာကြားခဲ့ကြောင်း သိရသည်။

 

ခရိုင်(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ပဲခူးတိုင်းဒေသကြီးဝန်ကြီးချုပ် အခြေခံစက်ချုပ်သင်တန်းဆင်းပွဲ တက်ရောက်
ပဲခူးတိုင်းဒေသကြီးဝန်ကြီးချုပ် အခြေခံစက်ချုပ်သင်တန်းဆင်းပွဲ တက်ရောက်
ပဲခူး မေ ၃ဝ  ပဲခူးတိုင်းဒေသကြီးအတွင်းရှိ တိုင်းရင်းသားလူငယ်များ အလုပ်အကိုင်အခွင့်အလမ်းများ ရရှိစေရေးအတွက် ရည်ရွယ်ဖွင့်လှစ်ခဲ့သည့်အခြေခံစက်ချုပ်သင်တန်းဆင်းပွဲကို ယနေ့ နံနက်ပိုင်းက ပဲခူးမြို့ တိုင်းဒေသကြီး လူငယ်စင်တာခန်းမ၌ ကျင်းပရာ တိုင်းဒေသကြီးဝန်ကြီးချုပ် ဦးမျိုးဆွေဝင်းနှင့် ဇနီးတို့  တက်ရောက်သည်။ ဦးစွာ ပဲခူးတိုင်းဒေသကြီးဝန်ကြီးချုပ်က အမှာစကားပြောကြားပြီး အခြေခံစက်ချုပ်သင်တန်းသူများအား သင်တန်းဆင်းလက်မှတ်များ ပေးအပ်ကာ အခြေခံစက်ချုပ်သင်တန်းအတွက် ခင်းကျင်းပြသထားသော သင်ထောက်ကူပစ္စည်းများကို လှည့်လည်ကြည့်ရှုသည်။ အဆိုပါ အခြေခံစက်ချုပ်သင်တန်းကို မေ ၁၁ ရက်မှ ၃၀ ရက်အထိ ဖွင့်လှစ်ခဲ့ခြင်းဖြစ်ပြီး သင်တန်းသား/ သင်တန်းသူ ၂၀ တက်ရောက်ကာ သင်တန်းနည်းပြ ဆရာ/ ဆရာမများက အခြေခံလက်ပြတ် (ရင်စေ့)၊ ခေါင်းစွပ်လက်ပြတ်၊ ရင်စေ့လက်ဆက်၊ ရင်ဖုံးလက်ဖောင်း၊ ဂျပန်ကော်လံထောင်၊ နောက်ကွဲဇစ် (ပုံစံအမျိုးမျိုး)၊ စတစ်ကော်လံ (လက်ဖောင်း (သို့) ရိုးရိုးလက်)၊ ဟာဝေယံရှပ်၊ ညဝတ်ဘောင်းဘီ၊ ချိတ်ထမီ၊ သုံးလွှာစကပ်စသည်တို့ကို စာတွေ့၊ လက်တွေ့ သင်ကြားပေးခဲ့ကြောင်း သိရသည်။  တိုင်းဒေသကြီး(ပြန်/ဆက်)MDN
Sun, 31-May-2026
ရန်ကုန်တိုင်းဒေသကြီး ဝန်ကြီးချုပ် ဒေသဖွံ့ဖြိုးရေးလုပ်ငန်းများ ကွင်းဆင်းကြည့်ရှု
ရန်ကုန်တိုင်းဒေသကြီး ဝန်ကြီးချုပ် ဒေသဖွံ့ဖြိုးရေးလုပ်ငန်းများ ကွင်းဆင်းကြည့်ရှု
ရန်ကုန် မေ ၃၀ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူသည် တိုင်းဒေသကြီးဝန်ကြီးများနှင့်အတူ ယနေ့ နံနက်ပိုင်းတွင် ရွှေတိဂုံစေတီတော် ၁၃၈၈ ခုနှစ် နယုန်လပြည့် မဟာသမယအခါတော်နေ့ လှည့်လည်ပူဇော်ပွဲသို့ တက်ရောက်ကြည်ညိုသည်။ ထို့နောက် ရန်ကုန်တိုင်းဒေသကြီး အင်းစိန်ခရိုင် လှိုင်သာယာ (အရှေ့ပိုင်း) မြို့နယ် စက်မှုဇုန်ကော်မတီရုံး ကနောင်ခန်းမ၌ ဌာနဆိုင်ရာများ၊ စက်မှုဇုန်များမှ ဥက္ကဋ္ဌများ၊ တာဝန်ရှိသူများနှင့်လည်းကောင်း၊ အင်းစိန်ခရိုင် လှိုင်သာယာ (အရှေ့ပိုင်း) မြို့နယ် FAME Pharmac- euticals ဆေးဝါးစက်ရုံ၌ စက်ရုံမှတာဝန်ရှိသူများနှင့်လည်းကောင်း သီးခြားစီတွေ့ဆုံ အမှာစကား ပြောကြားသည်။ ယင်းနောက် FAME Pharmaceuticals ဆေးဝါးစက်ရုံမှ ထုတ်လုပ်ထားသော ထုတ်ကုန် ၁၀၇ မျိုးနှင့် စက်ရုံအတွင်း ထုတ်ကုန်များထုတ်လုပ်နေမှုကို လည်းကောင်း၊ မင်္ဂလာဒုံခရိုင် ရွှေပြည်သာမြို့နယ် Green Circle Company စက်ရုံအတွင်း ထုတ်လုပ်ပုံအဆင့်ဆင့်နှင့် LEVEL (3) EV CHARGER ဆောင်ရွက်ထားရှိမှုများကိုလည်းကောင်း၊ မင်္ဂလာဒုံခရိုင် ရွှေပြည်သာမြို့နယ်ရှိ ပြည်လမ်းနှင့် အမှတ် (၄) လမ်းတို့ကို ဆက်သွယ်ထားသော လှော်ကားလမ်းမပေါ်ရှိ ရန်ကုန်အမှိုက်မှ စွမ်းအင်ထုတ်စက်ရုံ၏ စက်ရုံလုပ်ငန်းများ လည်ပတ်ဆောင်ရွက်နေမှုကိုလည်းကောင်း လှည့်လည်ကြည့်ရှုစစ်ဆေးပြီး လိုအပ်သည်များကို မှာကြားခဲ့ကြောင်း သိရသည်။  ဇွဲထက်ကို(ပြန်/ဆက်)MDN
Sun, 31-May-2026
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်း ဟိုပုံးတပ်နယ် တပ်မတော်ကွန်ပျူတာနှင့် နည်းပညာသိပ္ပံကျောင်းမှ နည်းပြများနှင့် သင်တန်းသားများအား တွေ့ဆုံ၊ နယ်မြေခံတပ်ရင်း/ တပ်ဖွဲ့များအား ကြည့်ရှုစစ်ဆေး
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်း ဟိုပုံးတပ်နယ် တပ်မတော်ကွန်ပျူတာနှင့် နည်းပညာသိပ္ပံကျောင်းမှ နည်းပြများနှင့် သင်တန်းသားများအား တွေ့ဆုံ၊ နယ်မြေခံတပ်ရင်း/ တပ်ဖွဲ့များအား ကြည့်ရှုစစ်ဆေး
နေပြည်တော် မေ ၃၀ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်းသည် ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ အရှေ့ပိုင်းတိုင်းစစ်ဌာနချုပ် တိုင်းမှူးနှင့် အဖွဲ့ဝင်များ လိုက်ပါ၍ ယနေ့ နံနက်ပိုင်းတွင် ဟိုပုံးတပ်နယ် တပ်မတော်ကွန်ပျူတာနှင့် နည်းပညာသိပ္ပံကျောင်းရှိ နည်းပြများနှင့် သင်တန်းသားများအား အဆိုပါကျောင်းသင်တန်းခန်းမ၌ သွားရောက်တွေ့ဆုံအမှာစကားပြောကြားသည်။  ဦးစွာ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်းနှင့် အဖွဲ့ဝင်များသည် တပ်မတော်ကွန်ပျူတာနှင့် နည်းပညာသိပ္ပံကျောင်း ဌာနချုပ်ရုံး အစည်းအဝေးခန်းမသို့ ရောက်ရှိကြရာ ခေတ္တကျောင်းအုပ်ကြီးက လေ့ကျင့်သင်ကြားရေးဆိုင်ရာ ဆောင်ရွက်နေမှုများ၊ သင်ထောက်ကူပစ္စည်းများအား အဆင့်မြှင့်တင် လေ့ကျင့်သင်ကြားပေးနေမှုများနှင့် တပ်တည်ဆောက်ရေးလုပ်ငန်းများ ဆောင်ရွက်နေမှုများကို ရှင်းလင်းတင်ပြရာ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) က သင်တန်းသားများအတွက် သင်ယူလျက်ရှိသည့် ဘာသာရပ်များနှင့် ပတ်သက်၍ လေ့လာဆည်းပူးနိုင်မည့် စာအုပ်၊ စာစောင်များအား စာကြည့်တိုက်များတွင် ထားရှိပေးရန်နှင့် အခြားလိုအပ်သည်များကို မှာကြားကာ တင်ပြချက်များအပေါ် တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးသည်။ ထို့နောက် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်းသည် သင်တန်းကျောင်းရှိ ဘုရင့်နောင်ခန်းမတွင် နည်းပြအရာရှိများ၊ သင်တန်းသားများအား သွားရောက်တွေ့ဆုံ၍ အမှာစကား ပြောကြားရာတွင် တပ်မတော်အတွက် လိုအပ်သော လူသားအရင်းအမြစ်များကို မွေးထုတ်ပေးနေသည့် သင်တန်းကျောင်းများစွာရှိသည့်အနက် ယခု သင်တန်းကျောင်းသည် ခေတ်မီတပ်မတော်တည်ဆောက်ရန်အတွက် လိုအပ်သော တပ်မတော်သား နည်းပညာရှင်များအား လေ့ကျင့်မွေးထုတ်ပေးနေသည့် သင်တန်းကျောင်းများထဲတွင် ပါဝင်သည့်အတွက် အလွန်ပင်အရေးကြီးကြောင်း၊ သင်တန်းနည်းပြများအနေဖြင့်လည်း ယခုကဲ့သို့ အရေးကြီးသည့် သင်တန်းသားများကို သင်ကြားလေ့ကျင့်ပေးနေရသဖြင့် နည်းပြများမှာ အလွန်တာဝန်ကြီးကြောင်း၊ ထို့ကြောင့် သင်တန်းနည်းပြများအနေဖြင့် မိမိတို့ သင်ကြားပေးရသည့် ပညာရပ်များအား ကျွမ်းကျင်ပိုင်နိုင်စွာ သင်ကြားလေ့ကျင့်ပေးနိုင်ရန် အတွက် သက်ဆိုင်ရာနယ်ပယ်များအလိုက် အမြဲလေ့လာဆည်းပူးနေရန်လိုကြောင်း၊ သင်ကြားပေးနေသည့် ပညာရပ်များကိုလည်း လက်တွေ့နယ်ပယ်တွင် ကျွမ်းကျင်ပိုင်နိုင်စွာ အသုံးချ နိုင်အောင် စိတ်ရင်းစေတနာ မှန်ကန်စွာဖြင့် သင်ကြားပေးရန်လိုကြောင်း၊ ထို့ပြင် ခေတ်မီစက်ပစ္စည်းကိရိယာများ ကိုင်တွယ်အသုံးပြုခြင်းများကို လေ့ကျင့်သင်ကြားပေးရသည့် အတွက် နည်းပြများအနေဖြင့်လည်း ဝမ်းစာပြည့်ဝနေရန်လိုကြောင်း၊ မိမိထက် ထူးချွန်ထက်မြက်သည့် တပည့်များဖြစ်အောင် သင်ကြားပေးရန်လိုကြောင်း၊ နိုင်ငံတော်နှင့် တပ်မတော်အတွက် အရေးကြီးသည့် လူသားအရင်းအမြစ်များကို သင်ကြားမွေးထုတ်ပေးရသည်ဖြစ်သည့်အတွက် အလေးထားသင်ကြားပေးရန်လိုကြောင်း၊ သင်ကြားသည့် အခါတွင်လည်း သင်တန်းသားများ နားလည်တတ်မြောက်လွယ်အောင် လေ့ကျင့်သင်ကြားပေးရန်လိုကြောင်း၊ တပ်မတော်အတွက် အမှန်တကယ် အားထားရသည့် နည်းပညာနှင့် ပတ်သက်သည့် တပ်မတော်သား ပညာသည်များကို မွေးထုတ်ပေးရခြင်းဖြစ်သည့်အတွက် ဖြစ်ပေါ်ပြောင်းလဲနေသည့် ခေတ်မီနည်းပညာများကို စဉ်ဆက်မပြတ် လေ့လာနေကြရန်လိုကြောင်း။  ခေတ်မီ တပ်မတော်တည် ဆောက်ရာတွင် နည်းပညာကျွမ်းကျင်သည့် အသိပညာရှင်၊ အတတ်ပညာရှင်များ၏ အခန်းကဏ္ဍသည် ပိုမိုကျယ်ပြန့်အရေးပါလာကြောင်း၊ ထို့ကြောင့် သင်တန်းနည်းပြများက သက်ဆိုင်ရာနယ်ပယ်အလိုက် စဉ်ဆက်မပြတ် လေ့လာနေသကဲ့သို့ သင်တန်းသားများအနေဖြင့်လည်း လိုအပ်သည့် နည်းပညာများကို အကျိုးရှိစွာ အသုံးပြုနိုင်စေရန် သင်ယူထားသည့် ဘာသာရပ်များကို အမှန်တကယ် ကျွမ်းကျင်တတ်မြောက်အောင် ကြိုးစားလေ့ကျင့် သင်ယူကြရန်လိုကြောင်း။ မိမိတို့ တပ်မတော်အနေဖြင့် ခေတ်နှင့် လျော်ညီသည့် တိုးတက်ပြောင်းလဲလာသော စစ်နည်းဗျူဟာများ၊ စစ်အတတ်ပညာများ၊ စစ်လက်နက်ပစ္စည်းများနှင့် နည်းပညာများအား ပြောင်းလဲကျင့်သုံးရန် လိုအပ်ကြောင်း၊ သို့ဖြစ်၍ သင်တန်းသားများအနေဖြင့် ပြောင်းလဲတိုးတက်လာသော နည်းပညာများအား စဉ်ဆက်မပြတ်လေ့လာ၍ မိမိတို့ သင်ကြားလေ့လာထားသည့် ဘာသာရပ်နယ်ပယ်အလိုက် Professional ကျကျ တတ်မြောက်သည်အထိ ကြိုးစားလုပ်ဆောင်ကြရန်လိုကြောင်း၊ အားလပ်ချိန်များတွင် ပညာရပ် ဆိုင်ရာစာပေများကို ဖတ်ရှုလေ့လာနေရန်လိုကြောင်း၊ သင်တန်းသားများအားလုံး စစ်အတတ်ပညာနှင့် လုပ်ငန်းအတတ်ပညာများတွင် အရည်အချင်း ပြည့်မီသူများ ဖြစ်ရန်လိုကြောင်း၊ မိမိတတ်ကျွမ်းသည့် အတတ်ပညာများကို အပြည့်အဝ အသုံးချခြင်းဖြင့် စွမ်းအားရှိသည့် တပ်မတော်ကို တည်ဆောက်နိုင်မည်ဖြစ်ကြောင်း။  တပ်မတော်သားများသည် တပ်မတော်အတွင်း ဝင်ရောက် အမှုထမ်းဆောင်ကြရာတွင် မည်သူတစ်ဦးတစ်ယောက်၏ တိုက်တွန်းချက်မျှမပါဘဲ မိမိတို့၏ဆန္ဒအလျောက် နိုင်ငံတော်ကာကွယ်ရေးတာဝန်များကို ထမ်းဆောင်ခဲ့ကြခြင်းဖြစ်ကြောင်း၊ တပ်မတော်က ချမှတ်ထားသည့် စည်းကမ်းများအတိုင်း လိုက်နာကျင့်သုံး၍ မိမိကိုယ်ကို ထိန်းသိမ်းနေထိုင်ပါက တစ်ဦးချင်းစီ၏ ရည်မှန်းချက်များ တိုးတက်အောင်မြင်လာမည် ဖြစ်ကြောင်း၊ မိမိတို့ဘဝကို ထိခိုက်ပျက်စီးစေနိုင်သည့် မူးယစ်သောက်စားမှုများနှင့် အပျော်အပါး လောင်းကစားမှုများကို ရှောင်ကြဉ်ရန်လိုကြောင်း။ သင်တန်းသားများအနေဖြင့် နိုင်ငံတော်နှင့် တပ်မတော်အတွက် လိုအပ်နေသော နည်းပညာရှင်ကောင်းများ၊ နိုင်ငံ့သားကောင်းများဖြစ်ရန်နှင့် နိုင်ငံတော်နှင့် တပ်မတော်အပေါ် သစ္စာရှိရန်လိုကြောင်း၊ သင်တန်းဆင်းပြီးနောက် သက်ဆိုင်ရာတပ်ရင်း၊ တပ်ဖွဲ့များ၌ ရောက်ရှိတာဝန်ထမ်းဆောင်ချိန်တွင်လည်း သင်ကြားပေးလိုက်သည့် ပညာရပ်များအား မှန်မှန်ကန်ကန်အသုံးချပြီး ပေးအပ်သည့်တာဝန်များကို ကျေပွန်အောင် ထမ်းဆောင်ကြရန် လိုကြောင်းနှင့် တာဝန်ထမ်း ဆောင်ကြရာတွင်လည်း မိမိ၏ ကျောင်းဂုဏ်သိက္ခာ တပ်မတော်၏ ဂုဏ်သိက္ခာကို စောင့်ထိန်းရန်နှင့် ဥပဒေမဲ့လုပ်ရပ်များ မလုပ်မိစေရန်လိုကြောင်း ပြောကြားသည်။ ယင်းနောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်းနှင့် အဖွဲ့ဝင်များသည် တက်ရောက်လာကြသည့် နည်းပြများနှင့် သင်တန်းသားများအား ရင်းရင်းနှီးနှီး လိုက်လံနှုတ်ဆက်သည်။ တွေ့ဆုံပွဲအပြီးတွင် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) နှင့် အဖွဲ့ဝင်များသည် သင်တန်းကျောင်းဝင်းအတွင်းရှိ စာသင်ဆောင်များ၊ အင်ဂျင်နီယာ သင်တန်းသား အိပ်ဆောင်များ၊ ပြည်သူ့စစ်မှုထမ်း သင်တန်းသားများ အိပ်ဆောင်ခင်းကျင်းထားရှိမှုများနှင့် သင်တန်းသားစားရိပ်သာများအား လှည့်လည်ကြည့်ရှုစစ်ဆေးကြရာ စားရိပ်သာများတွင် ချက်ပြုတ်ကျွေးမွေးရန် ပြင်ဆင်ထားရှိမှု၊ ထမင်းချက်ခန်း၊ ရိက္ခာစတို၊ အသားငါးနှင့် ဟင်းသီးဟင်းရွက်စတိုများအား ကြည့်ရှုစစ်ဆေးပြီး ချက်ပြုတ်ကျွေးမွေးရာတွင် ကျန်းမာရေးနှင့် သင့်လျော်ပြီး သတ်မှတ်နှုန်းထားများအတိုင်း စနစ်တကျချက်ပြုတ် ကျွေးမွေးရန်၊ သားငါးနှင့် ဟင်းသီး ဟင်းရွက်များအား သန့်ရှင်းလတ်ဆတ်စွာ ထားရှိရန်နှင့် အခြားလိုအပ်သည်များကို မှာကြားသည်။ ဆက်လက်၍ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်းသည် ဇနီး ဒေါ်နန်းကူးကူ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများနှင့် ဇနီးများ၊ အရှေ့ပိုင်းတိုင်းစစ်ဌာနချုပ် တိုင်းမှူးနှင့် တာဝန်ရှိသူများ လိုက်ပါလျက် တပ်နယ်အတွင်း တပ်ရင်း/ တပ်ဖွဲ့များရှိ နေအိမ်လိုင်းခန်းများနှင့် တစ်ပိုင်တစ်နိုင် စိုက်ပျိုးထားရှိသော ရာသီသီးနှံ စိုက်ခင်းများအား မော်တော်ယာဉ်များဖြင့် လှည့်လည်ကြည့်ရှု စစ်ဆေးကြပြီး စားသောက်ဖွယ်ရာများနှင့် ချီးမြှင့်ငွေများပေးအပ်ကာ မိသားစုဝင်များအား ရင်းရင်းနှီးနှီးနှုတ်ဆက်၍ တင်ပြချက်များအပေါ် တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။ သတင်းစဉ်MDN
Sun, 31-May-2026
ခရီးသွားလုပ်ငန်းဖွံ့ဖြိုးတိုးတက်စေရေး ညှိနှိုင်းအစည်းအဝေး ကျင်းပ
ခရီးသွားလုပ်ငန်းဖွံ့ဖြိုးတိုးတက်စေရေး ညှိနှိုင်းအစည်းအဝေး ကျင်းပ
မုံရွာ မေ ၃၀ ခရီးသွားလုပ်ငန်း ဖွံ့ဖြိုးတိုးတက်စေရေး ညှိနှိုင်းအစည်းအဝေးကို ယနေ့ နံနက်ပိုင်းတွင် မုံရွာမြို့ ရန်ကင်းရပ်ကွက်ရှိ ချင်းတွင်းမြင့် ဟိုတယ်၌ ကျင်းပရာ စစ်ကိုင်းတိုင်းဒေသကြီး ဝန်ကြီးချုပ် ဦးကိုလေး၊ တိုင်းဒေသကြီးဝန်ကြီးများ၊ တိုင်းဒေသကြီး၊ ခရိုင်နှင့် မြို့နယ်အဆင့် ဌာနဆိုင်ရာများ၊ ဟိုတယ်နှင့် တည်းခိုခန်းလုပ်ငန်းရှင်များနှင့် တာဝန်ရှိသူများ တက်ရောက်ကြသည်။ အစည်းအဝေးတွင် တိုင်းဒေသကြီးဝန်ကြီးချုပ်က ဒေသခံပြည်သူ လူထုအကျိုးရှိစေမည့် စီးပွားရေးလုပ်ငန်းများ လုပ်ဆောင်ရင်း ခရီးသွားလုပ်ငန်းဖြင့် လူမှုစီးပွားဘဝ ဖွံ့ဖြိုးတိုးတက်အောင် ကော်မတီအဖွဲ့ဝင်အားလုံး ဝိုင်းဝန်းကြိုးပမ်း ဆောင်ရွက်သွားကြရန် လိုအပ်ကြောင်း ပြောကြားသည်။ ထို့နောက် တက်ရောက်လာကြသည့် ဟိုတယ်နှင့် တည်းခိုခန်းလုပ်ငန်းရှင်များက လုပ်ငန်းများ လည်ပတ်ဆောင်ရွက်နေမှု၊ တွေ့ကြုံနေရသည့် အခက်အခဲများနှင့် ဖြည့်ဆည်းဆောင်ရွက်ပေးရန် လိုအပ်သည့်အချက်များကို ရှင်းလင်းတင်ပြကြရာ တိုင်းဒေသကြီးဝန်ကြီးချုပ်က တင်ပြချက်များအပေါ် တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးကာ နိဂုံးချုပ်အမှာစကား ပြောကြားခဲ့ကြောင်း သိရသည်။ တိုင်းဒေသကြီး(ပြန်/ဆက်)MDN
Sun, 31-May-2026
ဒုတိယဝန်ကြီး ဦးဖြိုးဇော်စိုး မန္တလေးမြို့ရှိ နိုင်ငံပိုင်ဟိုတယ်များ၏ လုပ်ငန်းလုပ်ကိုင်ဆောင်ရွက်နေမှု ကြည့်ရှုစစ်ဆေး
ဒုတိယဝန်ကြီး ဦးဖြိုးဇော်စိုး မန္တလေးမြို့ရှိ နိုင်ငံပိုင်ဟိုတယ်များ၏ လုပ်ငန်းလုပ်ကိုင်ဆောင်ရွက်နေမှု ကြည့်ရှုစစ်ဆေး
နေပြည်တော် မေ ၃၀ ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဦးဖြိုးဇော်စိုးသည် ယနေ့ နံနက်ပိုင်းတွင် မန္တလေးမြို့ရှိ နိုင်ငံပိုင်ဟိုတယ်များ၏ လုပ်ငန်းလုပ်ကိုင်ဆောင်ရွက်နေမှု အခြေအနေနှင့် မန္တလေးမြို့ ၂၇ လမ်း-၆၈ လမ်းထောင့်နှင့် မန္တလေးဘူတာကြီးတို့တွင် ဖွင့်လှစ်ထားသော သတင်းပြန်ကြားရေးကောင်တာများကို ကြည့်ရှုစစ်ဆေးသည်။ ယမန်နေ့ကလည်း မန္တလေးမြို့ ချမ်းအေးသာစံမြို့နယ်ရှိ ငလျင်ကြောင့် ထိခိုက်ပျက်စီးမှုများအပေါ် ပြန်လည်ပြုပြင်ပြီးစီးသည့် ဟိုတယ်နှင့် ခရီးသွားညွှန်ကြားမှုဦးစီးဌာန မန္တလေးတိုင်းဒေသကြီး နှစ်ထပ်ရုံး အဆောက်အအုံကို သွားရောက်ကြည့်ရှုစစ်ဆေးပြီး ဝန်ထမ်းများနှင့် တွေ့ဆုံအမှာစကားပြောကြားကာ သက်သာချောင်ချိရေးပစ္စည်းများ ထောက်ပံ့ပေးအပ်သည်။ ယင်းနောက် ချမ်းအေးသာစံမြို့နယ် မရမ်းခြံဆိပ်ကမ်း ၂၆ B လမ်းနှင့် မန္တလေးမြို့ပတ်လမ်းတွင် ဟိုတယ်နှင့် ခရီးသွားညွှန်ကြားမှုဦးစီးဌာန မန္တလေးတိုင်းဒေသကြီး ရုံးနှင့် သတင်းပြန်ကြားရေးကောင်တာအဖြစ် ယာယီဖွင့်လှစ်ထားသော သုံးထပ်ရုံးအဆောက်အအုံတို့ကို ကြည့်ရှုစစ်ဆေးခဲ့ကြောင်း သိရသည်။  သတင်းစဉ်MDN
Sun, 31-May-2026
နေပြည်တော်ကောင်စီဥက္ကဋ္ဌ ဦးကံမြင့်သန်း ဒေသဖွံ့ဖြိုးရေးလုပ်ငန်းများနှင့် လွှတ်တော်ကိုယ်စားလှယ်များ တည်းခိုမည့်ဧည့်ရိပ်သာပြင်ဆင်ထားရှိမှု ကြည့်ရှုစစ်ဆေး
နေပြည်တော်ကောင်စီဥက္ကဋ္ဌ ဦးကံမြင့်သန်း ဒေသဖွံ့ဖြိုးရေးလုပ်ငန်းများနှင့် လွှတ်တော်ကိုယ်စားလှယ်များ တည်းခိုမည့်ဧည့်ရိပ်သာပြင်ဆင်ထားရှိမှု ကြည့်ရှုစစ်ဆေး
နေပြည်တော် မေ ၃၀ နေပြည်တော်ကောင်စီဥက္ကဋ္ဌ ဦးကံမြင့်သန်းသည် ယနေ့ နံနက်ပိုင်းတွင် ပျဉ်းမနားမြို့နယ် သစ်လေးလုံးကျေးရွာအုပ်စု ပုရွက်ဆိတ်ကုန်း‌ကျေးရွာရှိ တောင်သူဦးမိုးဆွေ၏ ကွင်းအမှတ် (၁၇၀၄) ၌ သဘာဝမြေဩဇာနှင့် ဓာတ်မြေဩဇာ စုပေါင်းကြဲပက်နေမှုနှင့် ကူးတိုးဆိပ်ကျေးရွာအုပ်စု အင်းသာကျေးရွာရှိ ဒေါက်တာကိုကိုနိုင်၏ အသားတိုးကြက်အကောင်ရေ ၁၂၇၀၀၀ မွေးမြူထားရှိမှုတို့ကို လှည့်လည်ကြည့်ရှုကာ လိုအပ်သည်များကို မှာကြားဖြည့်ဆည်းဆောင်ရွက်ပေးသည်။ ထို့နောက် ငဖယ်အင်းရေနုတ်မြောင်း ပြန်လည်တူးဖော်ခြင်းလုပ်ငန်း ဆောင်ရွက်နေမှုနှင့် ကျွန်းရောင်း-အိုင်စောက်-ပေါင်းလောင်းရေနုတ်မြောင်း ပြုပြင်တူးဖော်ခြင်းလုပ်ငန်း ဆောင်ရွက်နေမှု၊ အိုင်စောက်ကျေးရွာမှ ကျောက်ချက်တံတားအထိ ရန်ကုန်-မန္တလေးလမ်းဟောင်း လမ်းဘေး ဝဲ၊ ယာတွင် ရေနုတ် မြောင်းတူးဖော်ခြင်းလုပ်ငန်း ဆောင်ရွက်နေမှုတို့ကို လှည့်လည်ကြည့်ရှုစစ်ဆေးသည်။  ယင်းနောက် နေပြည်တော်စည်ပင်ဧည့်ရိပ်သာ (၂) ၌ လွှတ်တော်ကိုယ်စားလှယ်များ တည်းခိုနေထိုင်ရန် နေရာချထားမည့် အိပ်ဆောင်များနှင့် အဆောက်အအုံများ ပြင်ဆင်ဆောင်ရွက်ထားရှိမှု အခြေအနေများကို ကြည့်ရှုစစ်ဆေးပြီး လိုအပ်သည်များ မှာကြားခဲ့ကြောင်း သိရသည်။ ခရိုင်(ပြန်/ဆက်)MDN
Sun, 31-May-2026
© Copyright 2024 SAC All Rights Reserved.