ကျောက်ဆည်မြို့၌ ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်စာစီစာကုံးနှင့် ရောင်စုံပန်းချီပြိုင်ပွဲကျင်းပ

KookieSpace97

News Image

  • ကျောက်ဆည်မြို့၌ ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် စာစီစာကုံးနှင့်ရောင်စုံပန်းချီပြိုင်ပွဲကျင်းပ

ကျောက်ဆည်၊ ဇွန်-၂

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့ အမှတ်(၁) အခြေခံပညာအထက်တန်းကျောင်း သုံးထပ်ဆောင်ခန်းမ၌ ခရိုင်ပတ်ဝန်းကျင်ထိန်းသိမ်းရေးဦးစီးဌာနနှင့် အခြေခံပညာဦးစီးဌာနတို့ပူးပေါင်း၍ ယနေ့ နံနက်ပိုင်းက ၂၀၂၆ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် စာစီစာကုံးနှင့် ရောင်စုံပန်းချီပြိုင်ပွဲ ကျင်းပပြုလုပ်ခဲ့ကြောင်း သိရသည်။

ပြိုင်ပွဲတွင် ကျောက်ဆည်ခရိုင်အတွင်းရှိ ကျောက်ဆည်၊ စဉ့်ကိုင်၊ မြစ်သားမြို့နယ်များမှ အခြေခံပညာ အထက်တန်း၊ အလယ်တန်း၊ မူလတန်းကျောင်းများမှ ကျောင်းသား/ကျောင်းသူများ ဝင်ရောက်ယှဉ်ပြိုင်ခဲ့ပြီး မူလတန်းအဆင့်စာစီစာကုံးပြိုင်ပွဲတွင် “ကလေးများလက်ထဲက စိမ်းလန်းသောကမ္ဘာ” ခေါင်းစဉ်ဖြင့် လည်းကောင်း၊ ရောင်စုံပန်းချီပြိုင်ပွဲတွင် “ရာသီဥတုကောင်းမွန်ဖို့ ပတ်ဝန်းကျင်ကိုထိန်းသိမ်းစို့”  ခေါင်းစဉ်ဖြင့် လည်းကောင်း၊ အလယ်တန်းနှင့် အထက်တန်းအဆင့် စာစီစာကုံးပြိုင်ပွဲတွင် “ရာသီဥတုပြောင်းလဲမှု တိုက်ဖျက်ဖို့ ဝိုင်းဝန်းကြိုးပမ်းဆောင်ရွက်စို့” ခေါင်းစဉ်များဖြင့်လည်းကောင်း အသီးသီး ယှဉ်ပြိုင်ခဲ့ကြောင်း သိရသည်။

အဆိုပါပြိုင်ပွဲများတွင် ထူးချွန်ကျောင်းသား/ကျောင်းသူများအား ၂၀၂၆ ခုနှစ် ဇွန်လ ၅ ရက်နေ့တွင် ကျင်းပမည့် ကမ္ဘာ့ပတ်ဝန်းကျင်ထိန်းသိမ်းရေးနေ့ အခမ်းအနားတွင် ဆုများချီးမြှင့်သွားမည်ဖြစ်ကြောင်း သိရသည်။

သက်မောင်(ကျောက်ဆည်) 

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

ပြင်သစ်အိုးပင်းအမျိုးသမီးတစ်ဦးချင်းပြိုင်ပွဲ ကွာတားဖိုင်နယ်သို့ ဘယ်လာရုစ်တင်းနစ်မယ် အရွိုင်နာ ဆာဘယ်လင်ကာ တက်ရောက်
ပြင်သစ်အိုးပင်းအမျိုးသမီးတစ်ဦးချင်းပြိုင်ပွဲ ကွာတားဖိုင်နယ်သို့ ဘယ်လာရုစ်တင်းနစ်မယ် အရွိုင်နာ ဆာဘယ်လင်ကာ တက်ရောက်
ကမ္ဘာ့အဆင့် (၁) ဘယ်လာရုစ် တင်းနစ်မယ် အရွိုင်နာ ဆာဘယ် လင်ကာသည် ပြင်သစ်အိုးပင်း အမျိုးသမီး တစ်ဦးချင်းပြိုင်ပွဲ စတုတ္ထအဆင့်တွင် ဂျပန်ထိပ်တန်း တင်းနစ်မယ် နာအိုမီ အိုဆာကာ ကို ၇-၅၊ ၆-၃ ရလဒ်ဖြင့် နိုင်ပွဲရရှိကာ ကွာတားဖိုင်နယ်သို့ တက်ရောက်နိုင်ခဲ့သည်။ ဆာဘယ်လင်ကာ(ယာပုံ)သည် ပြင်သစ်အိုးပင်းအမျိုးသမီး တစ်ဦးချင်းပြိုင်ပွဲ ကွာတားဖိုင်နယ်တွင် ရုရှားတင်းနစ်မယ် ဒိုင်ယာနာ ရှနိုက်ဒါနှင့် ယှဉ်ပြိုင်ရမည်ဖြစ်သည်။ ရှနိုက်ဒါသည် စတုတ္ထအဆင့်တွင် အမေရိကန်တင်းနစ်မယ် မက်ဒီဆင်ကီးစ်ကို အကြိတ်အနယ် ယှဉ်ပြိုင်ပြီး ၆-၃၊ ၃-၆၊ ၆-၀ ရလဒ်ဖြင့် နိုင်ပွဲရရှိကာ ကွာတားဖိုင်နယ်သို့ တက်လှမ်း လာသူဖြစ်သည်။   အောင်ဇော်MDN
Wed, 3-Jun-2026
AYA Tri –Nation Cup 2026 လက်ရွေးစင်အမျိုးသမီးဘောလုံးပြိုင်ပွဲ ပွဲစဉ်များ တိုက်ရိုက်ထုတ်လွှင့်ပြသမည်
AYA Tri –Nation Cup 2026 လက်ရွေးစင်အမျိုးသမီးဘောလုံးပြိုင်ပွဲ ပွဲစဉ်များ တိုက်ရိုက်ထုတ်လွှင့်ပြသမည်
နေပြည်တော်    ဇွန်  ၂မြန်မာနိုင်ငံက အိမ်ရှင်အဖြစ်လက်ခံကျင်းပမည့် AYA Tri- Nation Cup 2026 လက်ရွေးစင် အမျိုးသမီးဘောလုံးပြိုင်ပွဲအား ရန်ကုန်မြို့ သုဝဏ္ဏအားကစားကွင်း၌ ဇွန်လ  ၃ ရက်မှ ၉ ရက်အထိ ကျင်းပမည်ဖြစ်ရာ မြန်မာ့လက်ရွေးစင်အမျိုးသမီးဘောလုံးအသင်းနှင့် ဥဇဘက်ကစ္စတန်ပွဲစဉ်ကို ဇွန်လ ၃ ရက် (ယနေ့) ညနေ ၅ နာရီတွင်လည်းကောင်း၊ ထိုင်းအသင်းနှင့် ဥဇဘက်ကစ္စတန်ပွဲစဉ်ကို ဇွန်လ  ၆ ရက် ညနေ ၅ နာရီတွင်လည်းကောင်း၊ မြန်မာ့လက်ရွေးစင်အမျိုးသမီးဘောလုံးအသင်းနှင့် ထိုင်းအသင်းတို့ပွဲစဉ်ကို ဇွန်လ ၉ ရက် ညနေ ၅ နာရီတွင်လည်းကောင်း ယှဉ်ပြိုင်ကစားကြမည်ဖြစ်သည်။အဆိုပါ ပွဲစဉ်များအားလုံးကို MRTV Sports Channel နှင့်  MRTV Entertainment  Channel တို့မှ တိုက်ရိုက်(Live) ထုတ်လွှင့်ပြသသွားမည်ဖြစ်ကြောင်း သိရှိရသည်။ မြဝတီ
Wed, 3-Jun-2026
တိုင်းဒေသကြီးနှင့်ပြည်နယ် အသက် ၁၈ နှစ်အောက် အမျိုးသားဘောလုံးပြိုင်ပွဲတွင် ကရင်ပြည်နယ်အသင်းဗိုလ်စွဲ
တိုင်းဒေသကြီးနှင့်ပြည်နယ် အသက် ၁၈ နှစ်အောက် အမျိုးသားဘောလုံးပြိုင်ပွဲတွင် ကရင်ပြည်နယ်အသင်းဗိုလ်စွဲ
ရန်ကုန်   ဇွန်  ၂           မြန်မာ့ဘောလုံး  အားကစားအဆင့်အတန်းပိုမိုတိုးတက်မြင့်မားလာစေရန်နှင့် မျိုးဆက်သစ်ဘောလုံးအားကစားသမားများစွာ ပေါ်ထွက် လာစေရန် ရည်ရွယ်ပြီး အားကစားရေးရာဝန်ကြီးဌာနမှကြီးမှူး၍ သက်ဆိုင်ရာ တိုင်းဒေသကြီးနှင့် ပြည်နယ် အစိုးရအဖွဲ့များနှင့် မြန်မာနိုင်ငံဘောလုံးအဖွဲ့ချုပ်တို့ ပူးပေါင်းကျင်းပသည့် ၂၀၂၆ ခုနှစ် တိုင်းဒေသကြီးနှင့်ပြည်နယ် အသက် ၁၈နှစ်အောက် အမျိုးသားဘောလုံးပြိုင်ပွဲ  ဗိုလ်လုပွဲတွင်  ကရင်ပြည်နယ်အသင်းက ရှမ်းပြည်နယ်အသင်းကို    အနိုင်ရရှိကာ ချန်ပီယံဆုကို  ဆွတ်ခူးခဲ့ကြောင်း  သိရသည်။အမျိုးသားဘောလုံးပြိုင်ပွဲ တတိယလုပွဲ ပွဲစဉ်အဖြစ် ရန်ကုန်တိုင်းဒေသကြီး သင်္ဃန်းကျွန်းမြို့နယ် လူငယ်အားကစား လေ့ကျင့်ရေးစခန်း သုဝဏ္ဏဘောလုံးလေ့ကျင့်ရေးကွင်း(၁)ရှိ စက်ဘီးကွင်းတွင် ဧရာဝတီတိုင်းဒေသကြီးအသင်းနှင့် ကချင်ပြည်နယ် အသင်းတို့ယှဉ်ပြိုင်ကစားခဲ့ရာ ဧရာဝတီ တိုင်းဒေသကြီးအသင်းက ကချင်ပြည်နယ်အသင်းကို ၄ ဂိုး ဂိုးမရှိဖြင့် အနိုင်ရရှိသည်။ သင်္ဃန်းကျွန်းမြို့နယ် လူငယ်အားကစားလေ့ကျင့်ရေးစခန်း သုဝဏ္ဏဘောလုံးကွင်း၌ ဗိုလ်လုပွဲ ပွဲစဉ်အဖြစ် ကရင်ပြည်နယ်အသင်းနှင့်ရှမ်းပြည်နယ်အသင်းတို့ ယှဉ်ပြိုင်ကစားခဲ့ရာ   ကရင်ပြည်နယ်အသင်းက ရှမ်းပြည်နယ်အသင်းကို ၁ ဂိုး ဂိုးမရှိဖြင့်အနိုင်ရရှိခဲ့သည်။ပြိုင်ပွဲများအပြီးတွင် ဆုချီးမြှင့်ပွဲ အခမ်းအနားအား ဆက်လက်ကျင်းပခဲ့ရာ တစ်ဦးချင်းအကောင်းဆုံးဆုများနှင့် ငွေသားဆုများကို တာဝန်ရှိသူများက ပေးအပ်ချီးမြှင့်ခဲ့ကြသည်။ဆက်လက်ပြီး စတုတ္ထဆုရရှိသော ကချင် ပြည်နယ်အသင်း၊ တတိယဆုရရှိသော ဧရာဝတီတိုင်းဒေသကြီးအသင်း၊ ဒုတိယ ဆုရရှိသော ရှမ်းပြည်နယ်အသင်းတို့ကို  တာဝန်ရှိသူများက ဆုများပေးအပ်ချီးမြှင့်ပြီး ပထမဆုရရှိသော ကရင်ပြည်နယ်အသင်းအား ရန်ကုန်တိုင်းဒေသကြီး လွှတ်တော်ဥက္ကဋ္ဌ ဦးဌေးအောင် က တစ်ဦးချင်းဆုတံဆိပ်များကို ပေးအပ်ချီးမြှင့်ခဲ့သည်။ထို့နောက် ပထမဆုရရှိခဲ့သော ကရင် ပြည်နယ်အသင်းအား ငွေသားဆုကို မြန်မာ နိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်နှင့် တံခွန်စိုက်ဆုဖလားကို ရန်ကုန်တိုင်းဒေသကြီး အစိုးရအဖွဲ့ဝန်ကြီးချုပ် ဦးအောင်နိုင်သူတို့က ပေးအပ်ချီးမြှင့်ခဲ့ကြောင်း သိရှိရသည်။ လင်းခန့်MWD
Wed, 3-Jun-2026
သူနာပြုနှင့် သားဖွားဒီပလိုမာသင်တန်းသား သင်တန်းသူများအား ဂျူတီကုတ်နှင့် ဦးဆောင်းအပ်နှင်းပွဲ ကျင်းပ
သူနာပြုနှင့် သားဖွားဒီပလိုမာသင်တန်းသား သင်တန်းသူများအား ဂျူတီကုတ်နှင့် ဦးဆောင်းအပ်နှင်းပွဲ ကျင်းပ
တောင်ကြီး   ဇွန်   ၂     ရှမ်းပြည်နယ်(တောင်ပိုင်း) တောင်ကြီးမြို့ သားဖွား သင်တန်းကျောင်းခန်းမ၌ အမှတ်စဉ်(၆) သူနာပြုနှင့် သားဖွားဒီပလိုမာ သင်တန်းသား၊ သင်တန်းသူများ အား ဂျူတီကုတ်နှင့် ဦးဆောင်းအပ်နှင်းပွဲကို ဇွန်လ၂ ရက်တွင် ကျင်းပရာ ရှမ်းပြည်နယ်အစိုးရအဖွဲ့ဝင် လူမှုရေးရာဝန်ကြီး  ဒေါ်နန်းခမ်းလူ၊ အင်းတိုင်းရင်းသားလူမျိုးရေးရာ ဝန်ကြီး ဒေါ်တင်တင်ရီ၊ ကယန်း(ခ) ပဒေါင်တိုင်းရင်းသား လူမျိုးရေးရာဝန်ကြီး  ဒေါ်အေးချိုစိန်၊ တက္ကသိုလ်/ ဒီဂရီကောလိပ်မှ ပါမောက္ခချုပ် များ၊ ပြည်နယ်အဆင့်ဌာနဆိုင်ရာတာဝန်ရှိသူများ၊    သင်တန်းသား၊   သင်တန်းသူများ  တက်ရောက်ကြ သည်။ရှေးဦးစွာ သင်တန်းသား၊ သင်တန်းသူများက ကရုဏာအလင်းသီချင်းဖြင့်    သီဆိုဖျော်ဖြေကြပြီး ရှမ်းပြည်နယ်အစိုးရအဖွဲ့ဝင်   လူမှုရေးရာဝန်ကြီးက အမှာစကားပြောကြားရာတွင်  နိုင်ငံတစ်နိုင်ငံ ခေတ်မီဖွံ့ဖြိုးတိုးတက်ရေး ဆောင်ရွက်ရာတွင်  ကျန်းမာရေးကဏ္ဍသည် အရေးကြီးသည့် အခန်းကဏ္ဍတွင် ပါဝင်ကြောင်း၊  ပြည်သူလူထုနှင့် ဆက်ဆံရာတွင်  မေတ္တာ၊ စေတနာ အရင်းခံပြီး ပြည်သူနှင့်တစ်သားတည်းဖြစ်ရန် လိုအပ်ကြောင်း၊ မိမိနိုင်ငံနှင့်ပြည်သူများအတွက် အားကိုးအားထားပြုရသည့်    သူနာပြုကောင်းများ ဖြစ်အောင် ကြိုးစားကြရန် လိုအပ်ကြောင်း ပြောကြားသည်။ ဆက်လက်၍     သားဖွားသင်တန်းကျောင်းမှ ကျောင်းအုပ်ကြီးက  ဂျူတီကုတ်နှင့်   ဦးဆောင်း အပ်နှင်းရခြင်းနှင့် စပ်လျဉ်း၍ ရှင်းလင်းပြောကြားပြီး  သူနာပြုနှင့် သားဖွားဒီပလိုမာ သင်တန်းသား၊ သင်တန်းသူများအား ဂျူတီကုတ်နှင့် ဦးဆောင်းများကို တာဝန်ရှိသူများက အပ်နှင်းပေးကြကာ သူနာပြုသစ္စာအဓိဋ္ဌာန် ရွတ်ဆိုကြသည်။ယင်းနောက် ၂၀၂၆-၂၀၂၇ ပညာသင်နှစ် ပထမနှစ် Semester(1)အတွက် ဆုရရှိသူများအား ကယန်း(ခ)ပဒေါင် တိုင်းရင်းသား လူမျိုးရေးရာဝန်ကြီး ဒေါ်အေး ချိုစိန်ကလည်းကောင်း၊ ၂၀၂၅-၂၀၂၆ ပညာသင်နှစ် တွင် ပထမနှစ်အတွက် ဆုရရှိသူများအား အင်းတိုင်း ရင်းသားလူမျိုးရေးရာဝန်ကြီး   ဒေါ်တင်တင်ရီက လည်းကောင်း၊ ဒုတိယနှစ်အတွက်  ဆုရရှိသူများအား လူမှုရေးရာဝန်ကြီး ဒေါ်နန်းခမ်းလူကလည်းကောင်း ဆုများချီးမြှင့် ပေးအပ်ကြောင်း သိရသည်။           MWD
Wed, 3-Jun-2026
ကျောက်ဆည်မြို့၌ ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် စာစီစာကုံးနှင့်ရောင်စုံပန်းချီပြိုင်ပွဲကျင်းပ
ကျောက်ဆည်မြို့၌ ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်စာစီစာကုံးနှင့် ရောင်စုံပန်းချီပြိုင်ပွဲကျင်းပ
ကျောက်ဆည်၊ ဇွန်-၂မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့ အမှတ်(၁) အခြေခံပညာအထက်တန်းကျောင်း သုံးထပ်ဆောင်ခန်းမ၌ ခရိုင်ပတ်ဝန်းကျင်ထိန်းသိမ်းရေးဦးစီးဌာနနှင့် အခြေခံပညာဦးစီးဌာနတို့ပူးပေါင်း၍ ယနေ့ နံနက်ပိုင်းက ၂၀၂၆ ခုနှစ် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ် စာစီစာကုံးနှင့် ရောင်စုံပန်းချီပြိုင်ပွဲ ကျင်းပပြုလုပ်ခဲ့ကြောင်း သိရသည်။ပြိုင်ပွဲတွင် ကျောက်ဆည်ခရိုင်အတွင်းရှိ ကျောက်ဆည်၊ စဉ့်ကိုင်၊ မြစ်သားမြို့နယ်များမှ အခြေခံပညာ အထက်တန်း၊ အလယ်တန်း၊ မူလတန်းကျောင်းများမှ ကျောင်းသား/ကျောင်းသူများ ဝင်ရောက်ယှဉ်ပြိုင်ခဲ့ပြီး မူလတန်းအဆင့်စာစီစာကုံးပြိုင်ပွဲတွင် “ကလေးများလက်ထဲက စိမ်းလန်းသောကမ္ဘာ” ခေါင်းစဉ်ဖြင့် လည်းကောင်း၊ ရောင်စုံပန်းချီပြိုင်ပွဲတွင် “ရာသီဥတုကောင်းမွန်ဖို့ ပတ်ဝန်းကျင်ကိုထိန်းသိမ်းစို့”  ခေါင်းစဉ်ဖြင့် လည်းကောင်း၊ အလယ်တန်းနှင့် အထက်တန်းအဆင့် စာစီစာကုံးပြိုင်ပွဲတွင် “ရာသီဥတုပြောင်းလဲမှု တိုက်ဖျက်ဖို့ ဝိုင်းဝန်းကြိုးပမ်းဆောင်ရွက်စို့” ခေါင်းစဉ်များဖြင့်လည်းကောင်း အသီးသီး ယှဉ်ပြိုင်ခဲ့ကြောင်း သိရသည်။အဆိုပါပြိုင်ပွဲများတွင် ထူးချွန်ကျောင်းသား/ကျောင်းသူများအား ၂၀၂၆ ခုနှစ် ဇွန်လ ၅ ရက်နေ့တွင် ကျင်းပမည့် ကမ္ဘာ့ပတ်ဝန်းကျင်ထိန်းသိမ်းရေးနေ့ အခမ်းအနားတွင် ဆုများချီးမြှင့်သွားမည်ဖြစ်ကြောင်း သိရသည်။သက်မောင်(ကျောက်ဆည်) 
Tue, 2-Jun-2026
ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေ ရန်ကြိုတင်ပြင်ဆင်ထား
ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေရန် ကြိုတင်ပြင်ဆင်ထား
ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေ ရန်ကြိုတင်ပြင်ဆင်ထားကြောင်း ကျန်းမာရေးဝန်ကြီးဌာန၏ ထုတ်ပြန်ချက်အရ သိရသည်။နိုင်ငံတကာတွင် လတ်တလောကာလအတွင်း ကူးစက်ဖြစ်ပွားလျက်ရှိသောရောဂါများ၊ အခြားကူးစက်ရောဂါများနှင့်ပတ်သက်၍ ညှိနှိုင်းအစည်းအဝေးကို ယမန်နေ့ (ဇွန်လ ၁ရက်) က ကျင်းပရာ ကျန်းမာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း တက်ရောက်အမှာစကားပြောကြားခဲ့ကြောင်း သိရသည်။အဆိုပါ အစည်းအဝေးတွင် ပြည်ထောင်စုဝန်ကြီးက ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေရေး နိုင်ငံတကာတွင် ရောဂါကူးစက်မှုများကို စဉ်ဆက်မပြတ် စောင့်ကြည့်၍ ကမ္ဘာ့ကျန်းမာရေးအဖွဲ့၏ အကြံပြုချက်များနှင့်အညီ ကြိုတင်ပြင်ဆင်မှု လုပ်ငန်းဆောင်ရွက်ခဲ့မှု အခြေအနေများကို ရှင်းလင်းပြောကြားခဲ့ကြောင်း သိရသည်။ထို့အတူ ဒုတိယဝန်ကြီးက ကူးစက်ရောဂါစောင့်ကြပ်ကြည့်ရှုခြင်းနှင့်တုံ့ပြန်ဆောင်ရွက်ခြင်း လုပ်ငန်းဆောင်ရွက်နေမှု၊ ဆေးကုသမှုဆိုင်ရာ စီမံခန့်ခွဲမှုကော်မတီ ဖွဲ့စည်းဆောင်ရွက်နေမှုနှင့် ဓာတ်ခွဲခန်းဆိုင်ရာ ချိတ်ဆက်ဆောင်ရွက်နေမှုများကို ရှင်းလင်းပြောကြားခဲ့ကြောင်းလည်း သိရသည်။ထို့နောက် ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ် (ရောဂါနှိမ်နှင်းရေး)နှင့် ညွှန်ကြားရေးမှူး(ကူးစက်)တို့က နိုင်ငံတကာပြည်သူ့ကျန်းမာရေး အရေးပေါ်အခြေအနေ ကြေညာထားခြင်းခံရသော အီဘိုလာရောဂါ နိုင်ငံအတွင်းသို့ ကူးစက်ဝင်ရောက်မှုမရှိစေရေး စောင့်ကြပ်ကြည့်ရှုခြင်းနှင့် ကြိုတင်ပြင်ဆင်ခြင်းတို့ကို ရှင်းလင်းတင်ပြကြရာ ပြည်ထောင်စုဝန်ကြီးက လိုအပ်သည်များကို မှာကြားခဲ့ကြောင်းလည်းသိရသည်။Np News
Tue, 2-Jun-2026
© Copyright 2024 SAC All Rights Reserved.