အမေရိကန်ကြည်းတပ်က မြို့တော်နယ်မြေဒေသအတွင်း အကြီးစားဒရုန်းစစ်ဆင်ရေးလေ့ကျင့်မှုပြုလုပ်ခဲ့

dpWEB1234

အမေရိကန်ကြည်းတပ်သည် မြို့တော်နယ်မြေဒေသအတွင်း မောင်းသူမဲ့ လေယာဉ်များ ရှာဖွေထောက်လှမ်းရေးနှင့် တန်ပြန်တိုက်ဖျက်ရေးအတွက် ပင်တဂွန် စစ်ဌာနချုပ်၏ စွမ်းဆောင်ရည်များ ခိုင်မာ အားကောင်းစေရန် အကြီးစားဒရုန်း စစ်ဆင်ရေးလေ့ကျင့်မှု ပြုလုပ်ခဲ့ကြောင်း The Defense Post သတင်းဌာနက ဒီဇင်ဘာ ၉ ရက်တွင် ရေးသား ဖော်ပြခဲ့သည်။

ဤစစ်ဆင်ရေးလေ့ကျင့်မှုမှ တွေ့ရှိချက်များကို ၂၀၂၆ ခုနှစ် ဇန်နဝါရီလနှင့် မေလကြား ပြုလုပ်ရန်စီစဉ်ထားသော စစ်ရေးလေ့ကျင့်မှုကြီးတွင် ထပ်မံ ပြင်ဆင်၊ ထည့်သွင်း၊ အသုံးပြုသွားမည် ဖြစ်ပြီး သီးခြားစစ်ရေးလေ့ကျင့်မှုနေရာများလည်း ထပ်မံပါဝင်လာမည်ဟု မျှော် မှန်းထားကြသည်။

ရည်ရွယ်ချက်မှာ ဒရုန်းရန်ကာကွယ် ရေးများတွင် ဖြစ်ပေါ်နေဆဲ ဟာကွက်၊ ပျော့ကွက်များကို တိကျစွာ ဖော်ထုတ်နိုင် ရန်နှင့် အနီးအနားဝန်းကျင်ရှိ တပ်စခန်း အသီးသီးတွင် အဆိုပါသင်ခန်းစာ ဖော်ထုတ်ချက်များအတိုင်း လိုက်နာကျင့်သုံး၊ အကောင်အထည်ဖော် ဆောင်ရွက် သွားနိုင်ရန်ဖြစ်သည်။

စီမံကိန်းရေးဆွဲသူများသည် လေ ကြောင်းအခြေအနေ ကြိုတင်သတိပေး နိုင်မှုစွမ်းရည်များ တိုးတက်မြင့်မား ကောင်းမွန်စေရန် ရည်ရွယ်ထားသည်။ မြို့တော်ဝါရှင်တန်ဒီစီနှင့် အမေရိကန် တစ်လွှားနေရာဒေသများ တစ်လျှောက် တွင် ဒရုန်းပျံသန်းဝင်ရောက်လာမှုများကို တိတိကျကျ၊ လျင်လျင်မြန်မြန် ထောက် လှမ်းနိုင်စွမ်းရှိစေရန်လည်းဖြစ်သည်။

ဤစစ်ရေးလေ့ကျင့်မှုသည် အမေ ရိကန်နိုင်ငံ ကာကွယ်ရေးဝန်ကြီး Pete Hegseth က ဒရုန်းရန်ကာကွယ်ရေးကို အာရုံစိုက်ကြရန် ဇွန်လတွင် ညွှန်ကြား ချက်ထုတ်ပြန်ခဲ့ပြီးနောက် ပေါ်ပေါက် လာခြင်းလည်းဖြစ်သည်။

စစ်ရေးလေ့ကျင့်မှုကို စီစဉ်ရာတွင် ဝါရှင်တန်စစ်ဒေသခရိုင် ပူးပေါင်းစစ်ဆင် ရေးတပ်ဖွဲ့ပူးပေါင်းစစ်ဆင်ရေး ညွှန်ကြား ရေးမှူး ဒုတိယဗိုလ်မှူးကြီး Jesse Bur-nette၊ မစ်ရှင်အာမခံရေးဌာန အကြီးအကဲ ဒုတိယဗိုလ်မှူးကြီး Brian Reynolds တို့က ဦးဆောင်ခဲ့ကြပြီး ဝါရှင်တန်စစ် ဒေသခရိုင်အတွင်း၌ ပြုလုပ်ခဲ့ခြင်းလည်း ဖြစ်သည်။ အထောက်အကူပြု တပ်ဖွဲ့များတွင် လေတပ်၊ ရေတပ်၊ မရိန်းတပ်ဖွဲ့များ၊ ကမ်းခြေစောင့်တပ်ဖွဲ့နှင့် ဒေသန္တရ ရဲတပ်ဖွဲ့တို့ပါဝင်ခဲ့ကြသည်။

လေ့ကျင့်မှုများအတွင်း ဒရုန်းမောင်း နှင်သူများသည် Fort McNair တပ်မြို့နှင့် အမျိုးသားစစ်ကောလိပ် အနီးတစ်ဝိုက် နေရာများစွာမှ ဒရုန်းများ စေလွှတ်ပျံသန်း ခဲ့ကြပြီး အတွင်းလူပါဝင်ပတ်သက်မှုများ အပါအဝင် မတူညီသော ခြိမ်းခြောက်မှု အခြေအနေအရပ်ရပ်မျိုး သဏ္ဌာန်တူ ဖန်တီးလုပ်ဆောင်ခဲ့ကြသည်။

ပြင်ပမှကျူးကျော်ဝင်ရောက်လာသည့် ပုံစံမျိုးကို သရုပ်တူပြုလုပ်ရန်အတွက် Potomac မြစ်နှင့် Hains Point ကျွန်းဆွယ်ကို ဒရုန်းများ စေလွှတ်ပျံတက်ခိုင်းရန်နေရာအဖြစ် ထပ်မံသတ်မှတ်ခဲ့သည်။

ဤစစ်ဆင်ရေးလေ့ကျင့်မှုတွင် အော်ပရေတာများသည် ဒရုန်းများ၏ ပျံဝဲနိုင်စွမ်း၊ လှုပ်ရှားစစ်ကစားနိုင်စွမ်းနှင့် နေ့အလင်းရောင်အတွင်း ကန့်သတ်ထားသော ဧရိယာများအတွင်းသို့ အချိန်နှင့် တစ်ပြေးညီ ဝင်ရောက်နိုင်စွမ်းတို့ကို စမ်းသပ်ခဲ့ကြကြောင်း သိရသည်။

US Army Stages Large-Scale Drill to Boost Drone Detection in Washington ကို ဘာသာပြန်ဆိုထားပါသည်။ 

YDNP

Subject-Image

  • အမေရိကန်ကြည်းတပ်က မြို့တော်နယ်မြေဒေသအတွင်း အကြီးစားဒရုန်းစစ်ဆင်ရေးလေ့ကျင့်မှုပြုလုပ်ခဲ့

Posted-Date

MM-Subject-Category
လုံခြုံရေးကဏ္ဍ
လုံခြုံရေးကဏ္ဍ-နိုင်ငံတကာ

ဆက်စပ်ကဏ္ဍများ

အကောင်းနှင့် အဆိုးထင်ရှားသိမြင် အဖျက်သမားများ ဆန့်ကျင်တိုက်ဖျက်
အကောင်းနှင့် အဆိုးထင်ရှားသိမြင် အဖျက်သမားများ ဆန့်ကျင်တိုက်ဖျက်
လောကတွင် အမှန်နှင့်အမှား၊ အကောင်းနှင့်အဆိုး၊ အပြုနှင့် အဖျက်စသည်တို့ကို အမြဲဒွန်တွဲလျက်တွေ့ရလေ့ရှိသည်။ အသိဉာဏ်ဆင်ခြင်တုံတရားရှိသူများက အပြုသဘောဆောင် အကောင်းမြင်စိတ်ထားဖြင့် လောကကောင်းကျိုးများကို ဆောင်ကြဉ်းလေ့ရှိသော်လည်း အသိဉာဏ်ဆင်ခြင်တုံတရားအားနည်းပြီး မိုက်မဲသူများက လောကကောင်းကျိုး ပျက်စီးရာပျက်စီးကြောင်းတို့ကို အမြဲပြုလုပ်လေ့ရှိသည်ကို တွေ့ရသည်။ ထို့ကြောင့် မိုက်မဲသူများကို ဆန့်ကျင်ရှုတ်ချတိုက်ဖျက်ပြီး ကောင်းကျိုး ပြုသူများနှင့် ပူးပေါင်းလက်တွဲဆောင်ရွက်ကြရမည်ဖြစ်သည်။မျက်မှောက်ကာလတွင် ပြည်သူများကြား၌ လောကအကျိုးပြုသူများနှင့် လောကကောင်းကျိုးဖျက်ဆီးသူများအား ထင်ထင်ရှားရှားမြင်တွေ့နေကြရပြီ ဖြစ်သည်။ လောကကိုဖျက်ဆီးခြင်းဆိုရာ၌ တစ်ဦးချင်းတစ်ယောက်ချင်း ယုတ်မာကောက်ကျစ်သောအကြံအစည်ဖြင့် မသိမသာဖျက်ဆီးနေကြသူများရှိသလို လက်နက်အားကိုးဖြင့် အစုအဖွဲ့တစ်အုပ်တစ်မနှင့် သိသိသာသာဖျက်ဆီးနေကြသူများကိုလည်း တွေ့ရမည်ဖြစ်သည်။ အထူးသဖြင့် တိုင်းပြည်ကိုဖျက်ဆီးနေကြသည့် အဖျက်သမားများကို အထင်အရှားတွေ့မြင်နိုင်သည်။ နိုင်ငံတော်နှင့် ပြည်သူများ၏ အကျိုးစီးပွားများအား ဖျက်ဆီးနေကြသည့်သူများကို တစ်နိုင်ငံလုံးအတိုင်းအတာဖြင့် ဝိုင်းဝန်းပူးပေါင်း ဆန့်ကျင်တိုက်ဖျက်ကြရမည်ဖြစ်သည်။ပြီးခဲ့သည့်ရက်ပိုင်း ဖေဖော်ဝါရီ ၁၆ ရက်က စစ်ကိုင်းတိုင်းဒေသကြီး ဟုမ္မလင်းမြို့နယ် ထမံသီကျေးရွာအနီးတွင် အရှည်ပေ ၂၆၂၈ ပေရှိ သံကူကွန်ကရစ်အမျိုးအစား ချင်းတွင်းတံတား (ထမံသီ) ကို ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် တက်ရောက်ချီးမြှင့်ဖွင့်လှစ်ပေးခဲ့သည်။ မြန်မာပြည်အနောက်မြောက်ပိုင်း အလွန်ဝေးလံသည့် ဟုမ္မလင်းခရိုင်နှင့် နာဂကိုယ်ပိုင်အုပ်ချုပ်ခွင့်ရဒေသတို့ရှိ ပြည်သူများ၏ လူမှုစီးပွားဘဝများနှင့် ဒေသဖွံ့ဖြိုးတိုးတက်ရေး၊ ဒေသထွက်ကုန်များအား လွယ်ကူလျင်မြန်စွာ ပို့ဆောင်ပေးနိုင်ရေးနှင့် ဒေသခံတိုင်းရင်းသားပြည်သူများ၏ ပညာရေး၊ ကျန်းမာရေး၊ စီးပွားရေးစသည့်ကဏ္ဍများ ဖွံ့ဖြိုးတိုးတက်စေရေးတို့ကို များစွာအထောက်အကူပြုလာတော့မည်ဖြစ်သည်။နောက်တစ်နေ့ ဖေဖော်ဝါရီ ၁၇ ရက်နေ့နံနက်တွင် KNPP၊ KNDF အဖွဲ့များနှင့် PDF အမည်ခံအကြမ်းဖက်သောင်းကျန်းသူများသည် ကယားပြည်နယ် ဖားဆောင်းမြို့ကို ပြန်လည်သိမ်းပိုက်ထိန်းချုပ်နိုင်ခဲ့သော တပ်မတော်စစ်ကြောင်းများက လိုအပ်သည့် နယ်မြေလုံခြုံရေးလုပ်ငန်းများ ဆက်လက်မဆောင်ရွက်နိုင်စေရန်နှင့် ၎င်းတို့ကို လိုက်လံချေမှုန်းခြင်းမပြုလုပ်နိုင်ရန်အတွက် ကယားပြည်နယ် မယ်စဲ့မြို့နယ် ဖားဆောင်းမြို့၏အနောက်ဘက် ဖားဆောင်း-မယ်စဲ့သွား ကားလမ်းအကြားရှိ ဒေသခံပြည်သူများ အားထားအသုံးပြုလျက်ရှိသော အရှည်ပေ ၁၂၆၀ သံကူ ကွန်ကရစ်အမျိုးအစား သံလွင်တံတား (ဖားဆောင်း) ကို မိုင်းထောင်ဖောက်ခွဲဖျက်ဆီးခဲ့သည်။ တံတားကြီးကို မိုင်းထောင်ဖောက်ခွဲဖျက်ဆီးမှုကြောင့် လတ်တလောတွင် ပြည်သူများနှင့် မော်တော်ယာဉ်များ ဖြတ်သန်းသွားလာနိုင်ခြင်းမရှိတော့သဖြင့် သက်ဆိုင်ရာက အမြန်ဆုံးပြန်လည်ပြင်ဆင်ပေးသွားမည်ဖြစ်ပြီး လုံခြုံရေးတပ်ဖွဲ့ဝင်များက နယ်မြေဒေသတည်ငြိမ်အေးချမ်းရေးအတွက် လုံခြုံရေးကို တိုးမြှင့်ဆောင်ရွက်လျက်ရှိသည်။မြန်မာနိုင်ငံသည် ပထဝီအနေအထားအရ တိုင်းရင်းသားလူမျိုးများ မှီတင်းနေထိုင်ကြသည့် တောင်ပေါ်မြေပြန့်ဒေသများအားလုံးတို့တွင် လမ်းပန်းဆက်သွယ်မှုလွယ်ကူချောမွေ့စေရေးအတွက် နိုင်ငံတော်အစိုးရက လမ်း၊ တံတားများကို ဖြန့်ကြက်တည်ဆောက်ပေးလျက်ရှိသည်။ တိုင်းရင်းသားပြည်သူများ စိတ်ချမ်းမြေ့စွာ သွားလာလုပ်ကိုင်ဆောင်ရွက်မှုများကို ဖျက်ဆီးခဲ့ကြသောသူများသည် အကြမ်းဖက်သောင်းကျန်းသူများဖြစ်သည်။ ဒေသများတွင် အခြေပြုလှုပ်ရှားနေကြသော အကြမ်းဖက်သောင်းကျန်းသူများသည် ပြီးခဲ့သည့်ကာလများကလည်း ဧရာဝတီမြစ်ကူးတံတားနှင့် သမိုင်းဝင်ဂုတ်ထိပ်တံတားကြီးကို ဖျက်ဆီးခဲ့ကြသည်။ အကြမ်းဖက်သောင်းကျန်းသူများအနေဖြင့် ဒေသကောင်းစားရေးဟု ကြွေးကြော်သော်လည်း အမှန်တကယ်တွင် ၎င်းတို့၏ အကျိုးစီးပွားကိုသာရှေးရှု၍ အကြံပက်စက်စွာ လမ်း၊ တံတားများကို ဖျက်ဆီးလျက်ရှိသည်။သို့ဖြစ်ရာ နိုင်ငံတော်အစိုးရက တိုင်းရင်းသားပြည်သူများ လူမှုစီးပွားဘဝများ အဆင်ပြေချောမွေ့စေရေးအတွက် အခြေခံအဆောက်အအုံများကို တည်ဆောက်ပေးလျက်ရှိသဖြင့် ဝမ်းမြောက်ဝမ်းသာဖြစ်ကြရသော်လည်း အကြမ်းဖက်သောင်းကျန်းသူများက ပြန်လည်ဖျက်ဆီးနေကြသဖြင့် တည်ဆောက်သူနှင့် ဖျက်ဆီးသူတို့၏ အခြေအနေမှန်ကို ထင်ထင်ရှားရှားသိမြင်ပြီး အကြမ်းဖက်သောင်းကျန်းသူများ အပြီးတိုင်ချုပ်ငြိမ်းရေးအတွက် နိုင်ငံတော်အစိုးရ၊ တပ်မတော်နှင့်အတူ ပူးပေါင်းလက်တွဲတိုက်ဖျက်ကြရမည်ဖြစ်ပါကြောင်း။ ။moi
အကြမ်းဖက်အဖျက် ကင်းစင်ရေး ပြည်သူအားလုံး ဝိုင်းဝန်းဆန့်ကျင်
အကြမ်းဖက်အဖျက် ကင်းစင်ရေး ပြည်သူအားလုံး ဝိုင်းဝန်းဆန့်ကျင်
အများပြည်သူ ကူးသန်းသွားလာရေးနှင့် ကုန်စည်များ သယ်ဆောင်ရောင်းဝယ်ရေးတို့အတွက် အဓိကအားထားအသုံးပြုနေရသည့် မြစ်ကူးတံတားကြီးတစ်စင်းကို အကြမ်းဖက်သောင်းကျန်းသူများက မိုင်းထောင်ဖောက်ခွဲဖျက်ဆီးလိုက်ပြန်ပြီဖြစ်သည်။ ကယားပြည်နယ် ဖားဆောင်းမြို့အနီး ဖားဆောင်း-မယ်စဲ့ - ဘီပီ(၁၃) ကားလမ်းပေါ်တွင်တည်ရှိသော သံလွင်တံတား (ဖားဆောင်း) ကို KNPP ၊ KNDF အဖွဲ့များနှင့် PDF အမည်ခံ အကြမ်းဖက်သောင်းကျန်းသူများက ဖေဖော်ဝါရီ ၁၇ ရက် နံနက်ပိုင်းတွင် ဖျက်ဆီးခဲ့ကြခြင်းဖြစ်သည်။တပ်မတော်စစ်ကြောင်းများသည် အကြမ်းဖက်သောင်းကျန်းသူများ ယာယီစိုးမိုးထားသည့် ဖားဆောင်းမြို့ကို ပြန်လည်တိုက်ခိုက် ထိန်းချုပ်ရာတွင် တိုက်ပွဲကြီး/ငယ် ၃၁ ကြိမ်ဖြစ်ပွားခဲ့ပြီး ရန်သူ့ထံမှ လက်နက်မျိုးစုံ ၁၇ လက်၊ အကြမ်းဖက်သမား ရုပ်အလောင်းများနှင့် ဖောက်ခွဲရေးဆက်စပ်ပစ္စည်းများ သိမ်းဆည်းရမိခဲ့သည်။ အကြမ်းဖက်သောင်းကျန်းသူများသည် ဖားဆောင်းမြို့ကို ယာယီစိုးမိုးထားစဉ်အတွင်း ဘာသာရေးအဆောက်အအုံများ၊ ကျောင်းများ၊ ဌာနဆိုင်ရာအဆောက်အအုံများ၊ ဆေးရုံဆေးခန်းများ၊ လူနေအိမ်များကို အကာအကွယ်ယူ၍ ဘန်ကာများဆောက်လုပ်ကာ တပ်မတော်စစ်ကြောင်းများကို ပစ်ခတ်တိုက်ခိုက်ခြင်း၊ ဒေသခံပြည်သူများ၏ အိမ်များနှင့် ဈေးဆိုင်ခန်းများကိုဖောက်ထွင်း၍ တန်ဖိုးကြီးပစ္စည်းများ၊ စားသောက်ကုန်နှင့် အသုံးအဆောင်ပစ္စည်းများကို အဓမ္မယူဆောင်ခြင်း၊ လူနေအိမ်များအကြားနှင့် အများပြည်သူသွားလာသည့် လမ်းများပေါ်တွင် မိုင်းထောင်ခြင်း၊ ပြည်သူကို လူသားတံတိုင်းအဖြစ် အကာအကွယ်ယူ၍ ပစ်ခတ်တိုက်ခိုက်ခြင်း၊ မီးရှို့ဖျက်ဆီးခြင်းတို့ ပြုလုပ်ခဲ့သည့်အပြင် ဘော်လခဲ-ထူးချောင်း-ဖားဆောင်း ဆက်သွယ်ရေးလမ်းကြောင်းပေါ်ရှိ ထူးချောင်းတံတားကိုလည်း မိုင်းထောင်ဖောက်ခွဲဖျက်ဆီးခဲ့သည်။ယခုအခါ NUG ၊ CRPH အကြမ်းဖက်အဖွဲ့များနှင့် ၎င်းတို့၏ လက်အောက်ခံ PDF အကြမ်းဖက်များ၊ ဒေသအလိုက် လှုပ်ရှားနေကြသည့် လက်နက်ကိုင် အကြမ်းဖက်သောင်းကျန်းသူအဖွဲ့များမှာ တစ်စတစ်စ ပြိုကွဲပျက်စီးလျက်ရှိနေပြီး ခေါင်းဆောင်ပိုင်းများက ကိုယ်ကျိုးရှာမှုများ၊ အထက်အောက်ခွဲခြားမှု၊ အာဏာပြမှုများ၊ ဒေသခံပြည်သူများအပေါ် အနိုင်ကျင့်ဖိစီးမှုများ၊ လက်နက်အားကိုး ကျူးလွန်စော်ကားမှုများ စသည်တို့ကို ခံစားကြရသူများက လူမှုကွန်ရက်မီဒီယာများတွင် ထုတ်ဖော်ပြသလာကြသည်ကို အများအပြားတွေ့နေကြရသည်။ ၎င်းတို့၏ အကြမ်းဖက်လုပ်ရပ်များကို စိတ်ကုန်လာကြသည့် အဖွဲ့ဝင်အများအပြားတို့မှာ ဥပဒေဘောင်အတွင်း ပြန်လည်ဝင်ရောက်လာကြသည့်အပြင် အကြောင်းကြောင်းကြောင့် အကြမ်းဖက်သောင်းကျန်းသူအဖွဲ့များအတွင်း ရောက်ရှိနေကြသူ အများအပြားတို့မှာလည်း အမှောင်မှသည် အလင်းသို့ပြန်လည်ဝင်ရောက်ရန် ဆန္ဒရှိနေကြကြောင်း ကြားသိရသည်။နိုင်ငံတော်အကြီးအကဲ ဗိုလ်ချုပ်မှူးကြီး မင်းအောင်လှိုင်သည် ဖေဖော်ဝါရီ ၁၅ ရက်က စစ်ကိုင်းတိုင်းဒေသကြီး ဟုမ္မလင်းမြို့တွင် ဌာနဆိုင်ရာတာဝန်ရှိသူများ၊ မြို့မိမြို့ဖများနှင့်တွေ့ဆုံ၍ ဒေသဖွံ့ဖြိုးတိုးတက်ရေး ဆွေးနွေးပြောကြားရာတွင် “ နိုင်ငံအတွင်း ထာဝရငြိမ်းချမ်းရေးရရှိရေးအတွက် မိမိတို့အနေဖြင့် ငြိမ်းချမ်းရေးဖိတ်ခေါ်မှုများကို အမြဲမပြတ်ဆောင်ရွက်လျက်ရှိကြောင်း၊ ဒေသတည်ငြိမ်အေးချမ်းရေးကို ပျက်စီးအောင် လုပ်ဆောင်လျက်ရှိသည့် အကြမ်းဖက်အဖွဲ့များမရှိစေရေး အားလုံးဝိုင်းဝန်း ဆန့်ကျင်ဆောင်ရွက်သွားကြရန်လိုကြောင်း၊ မိမိတို့အနေဖြင့် နိုင်ငံတော်တိုးတက်ရေးအတွက် ဝိုင်းဝန်းကြိုးပမ်းဆောင်ရွက်သွားကြရန်လိုကြောင်း” ထည့်သွင်းဆွေးနွေးပြောကြားခဲ့သည်။ သို့ဖြစ်ရာ နိုင်ငံတော်သည် တစ်ဖက်တွင် ငြိမ်းချမ်းရေးအတွက် အမြဲမပြတ် ဖိတ်ခေါ်နေသည့်နည်းတူ တစ်ဖက်တွင်လည်း အကြမ်းဖက်သောင်းကျန်းမှုနှိမ်နင်းရေးကို နိုင်ငံတစ်ဝန်း တည်ငြိမ်အေးချမ်းမှုရရှိသည်အထိ ပြည်သူလူထုနှင့်လက်တွဲ၍ ဆောင်ရွက်သွားမည်သာဖြစ်သည်။မကြာမြင့်မီကာလအတွင်း မိမိတို့နိုင်ငံတွင် ဒီမိုကရေစီစနစ်နှင့်အညီ လွှတ်တော်များနှင့် အစိုးရအဖွဲ့တို့ ပေါ်ပေါက်လာတော့မည်ဖြစ်သည်။ ဒီမိုကရေစီလမ်းကြောင်းပေါ်သို့ ပြန်လည်ရောက်ရှိလာခြင်းအားဖြင့် နိုင်ငံရေးအရ လိုလားချက်များ၊ နိုင်ငံဖွံ့ဖြိုးတိုးတက်ရေး၊ ဒေသဖွံ့ဖြိုးတိုးတက်ရေးလိုလားချက်များ စသည်တို့ကို လွှတ်တော်တွင်း နိုင်ငံရေးလမ်းကြောင်းမှ ဂုဏ်သိက္ခာရှိစွာ၊ သွေးထွက်သံယိုကင်းပြီး ငြိမ်းချမ်းစွာဆောင်ရွက်နိုင်ကြပြီဖြစ်သည်။ဖွံ့ဖြိုးတိုးတက်ရေးဆောင်ရွက်ရာတွင် အဓိကလိုအပ်သည့်အရာမှာ တည်ငြိမ်အေးချမ်းမှုပင်ဖြစ်ရာ အကြမ်းဖက်အဖျက်သောင်းကျန်းမှုများ ချုပ်ငြိမ်းဖို့လိုသည်။ ဒေသအတွင်း အကြမ်းဖက်အဖျက်သမားများ တည်ရှိနေခြင်းသည် ဒေသအတွက် ဆုတ်ယုတ် ပျက်စီးမှုကိုသာဖြစ်ပေါ်စေရာ မိမိတို့ဒေသတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးတို့ ဖော်ဆောင်နိုင်ရန်အတွက် အကြမ်းဖက်အဖျက်ကင်းစင်ရေး ဆောင်ရွက်ရာတွင် ပူးပေါင်းပါဝင်ကြရပါမည့်အကြောင်း။ ။moi
မူးယစ်ဆေးဝါးနှင့် အွန်လိုင်းလိမ်လည်မှု ပပျောက်ရေး
မူးယစ်ဆေးဝါးနှင့် အွန်လိုင်းလိမ်လည်မှု ပပျောက်ရေး
အယ်ဒီတာ့အာဘော်(၂ဝ၂၆  ခုနှစ်၊ ဇန်နဝါရီ  ၁၈ ရက်)     မြန်မာနိုင်ငံအစိုးရအနေဖြင့် လူသားမျိုးနွယ်ကို အညွန့်တုံးစေနိုင်သည့် မူးယစ်ဆေးဝါးပပျောက်ရေးနှင့် အွန်လိုင်းလိမ်လည် လောင်းကစားမှု ပပျောက်ရေးကို နိုင်ငံတော်နှင့်ပြည်သူများအတွက် အမျိုးသားရေးအန္တရာယ်အဖြစ် သတ်မှတ်ကာ ပြတ်ပြတ်သားသား ချေမှုန်းတိုက်ဖျက်လျက်ရှိသည်။ EAO အမည်ခံ သောင်းကျန်းသူအဖွဲ့များနှင့် အကြမ်းဖက်သမားများက နိုင်ငံအတွင်းတည်ငြိမ်မှု မရှိအောင်လုပ်ဆောင်ပြီး အဆိုပါအခြေအနေများကို အခွင့်ကောင်းယူကာ ၎င်းတို့အတွက်ဝင်ငွေရ လမ်းဖြစ်သည့် မူးယစ်ဆေးဝါး ထုတ်လုပ်မှုနှင့် သယ်ဆောင်ရောင်းချသော အလုပ်များကို လုပ်ဆောင်လျက်ရှိသည်။ မူးယစ်ဆေးဝါး ထုတ်လုပ်ရောင်းချခြင်းမှာ ငွေကြေးခဝါချမှု၊ လက်နက်မှောင်ခိုမှု၊ အကြမ်းဖက်မှုတို့ကို အထောက်အပံ့ဖြစ်စေသည့်အတွက် နိုင်ငံတော်အတွင်း တည်ငြိမ်အေးချမ်းမှုကို ခြိမ်းခြောက်နေသော စိန်ခေါ်မှုတစ်ရပ်လည်းဖြစ်သည်။အကြမ်းဖက်လက်နက်ကိုင်သောင်းကျန်းသူ အဖွဲ့အစည်းများ  ပါဝင်ပတ်သက်နေသည့်  အွန်လိုင်းလိမ်လည်မှုနှင့် လောင်းကစားလုပ်ငန်းများ၊ မူးယစ်ဆေးဝါး ထုတ်လုပ်မှုနှင့် သယ်ဆောင်ရောင်းဝယ်မှု လုပ်ငန်းများမှာ လက်နက်ကိုင်သောင်းကျန်းသူ ခေါင်းဆောင်ပိုင်းများ ချမ်းသာကြွယ်ဝရန်ဖြစ်သကဲ့သို့ သောင်းကျန်းသူအဖွဲ့များရပ်တည်ရေး၊   လက်နက်ခဲယမ်းများ ဝယ်ယူရေးတို့အတွက် အရေးပါသော ငွေကြေးရရှိသည့် ဝင်ငွေလမ်းများဖြစ်သည်။ အကြမ်းဖက်သောင်းကျန်းသူ မှန်သမျှမှာ နိုင်ငံတော်နှင့် ပြည်သူများပျက်စီးရေးကိုသာ ရှေးရှုဆောင်ရွက်နေခြင်းဖြစ်၍ ပြည်သူများကလည်း ရွံရှာမုန်းတီးနေပြီ ဖြစ်သည်။လူသားမျိုးနွယ်တစ်ခုလုံးကို လူညွန့်တုံးပျက်စီးစေသည့် ဘိန်းဖြူ၊  မက်သ်အဖက်တမင်း၊ မူးယစ်ဆေးဝါးနှင့်စိတ်ကိုပြောင်းလဲစေသည့် ဆေးဝါးများနှင့် မူးယစ်ဆေးဝါးများကို အဓိကချက်လုပ်သည့် နေရာဟုယူဆရသည့် နေရာများ၊ အွန်လိုင်းလိမ်လည်လောင်းကစားမှုများ ပြုလုပ်သည့်နေရာနှင့် အသုံးပြုသည့် ပစ္စည်းများကို  လုံခြုံရေးတပ်ဖွဲ့ဝင်များ ပါဝင်သော ပူးပေါင်းအဖွဲ့ဖြင့် ရှင်းလင်းဖော်ထုတ် ဖမ်းဆီးရမိသည့် သတင်းအား ဇန်နဝါရီလ ၁၁ ရက်တွင်ထုတ်ပြန်ခဲ့သည်။  မူးယစ်ဆေးဝါးများနှင့် မူးယစ်ဆေးဝါး ချက်လုပ်ရာတွင် အသုံးပြုသည့်ပစ္စည်းများ  ပမာဏအများဆုံး သိမ်းဆည်းရမိမှု၊ အွန်လိုင်းလိမ်လည် လောင်းကစားမှုပြုလုပ်ရာတွင် အသုံးပြုသည့်ပစ္စည်းများ  ဖော်ထုတ်သိမ်းဆည်း ရမိမှုတို့နှင့်ပတ်သက်၍ ပြည်ထောင်စုသမ္မတ မြန်မာနိုင်ငံတော်အစိုးရ၏ သတင်းစာရှင်းလင်းပွဲကို ဇန်နဝါရီလ ၁၄ ရက်က ကျင်းပခဲ့သည်။ သတင်းစာရှင်းလင်းပွဲသို့ တက်ရောက်လာကြသည့် သံတမန်များနှင့်ပြည်တွင်း၊ ပြည်ပ မီဒီယာများအား မူးယစ်ဆေးဝါး ချက်လုပ်ရာ၌ အသုံးပြုခဲ့သည့် ယာယီအဆောက်အအုံများ၊ ဓာတုပစ္စည်းများ၊  မူးယစ်ဆေးဝါးချက်လုပ်ရာတွင် အသုံးပြုသော ဆက်စပ်ပစ္စည်းများကို နေရာတစ်ခုချင်းစီ အလိုက်လိုက်လံရှင်းလင်းပြသကာ တာဝန်ရှိသူများက ရှင်းလင်းဖြေကြားခဲ့သည်။မူးယစ်ဆေးဝါးချက်လုပ်သည့် နေရာများသည် စက်ရုံစနစ်ဖြင့် ပမာဏများစွာ ထုတ်လုပ်နေခြင်းဖြစ်သည်။အဆိုပါမူးယစ်ဆေးဝါး လုပ်ငန်းများတွင် ၎င်းဒေသ၌ လှုပ်ရှားလျက်ရှိသော SSA လက်နက်ကိုင် သောင်းကျန်းသူအဖွဲ့ ပါဝင်ပတ်သက်နေခြင်းဖြစ်သည်။ သိမ်းဆည်းရမိသည့် ဓာတုပစ္စည်းများနှင့်ပစ္စည်းကိရိယာများ၏ ပမာဏကိုကြည့်ပါက အိုက်စ် ၂၇ တန်ခန့် သို့မဟုတ် စိတ်ကြွဆေးပြား သန်း ၈၁၀ ခန့်ထက် ပိုမိုများပြားသည့် မူးယစ်ဆေးဝါးများ တန်ဖိုးငွေအားဖြင့် ငွေကျပ် ၅၄၀ ဘီလီယံကို ပုံမှန်ထုတ်လုပ်နေခြင်းဖြစ်သည်။ ထို့ပြင် သိမ်းဆည်းရမိသော ထုပ်ပိုးခွံ အထောက်အထားများအရ  ၂၀၂၅ ခုနှစ်အတွင်း တစ်နိုင်ငံလုံး၌ သိမ်းဆည်းရမိခဲ့သည့် အိုက်စ်ပမာဏ၏ ၃၃ ဒသမ ၄၄ ရာခိုင်နှုန်းမှာ ယခုသိမ်းဆည်းရမိခဲ့သော နေရာများအနက် နှစ်နေရာမှ ထုတ်လုပ်ခဲ့ခြင်းဖြစ်သည်။ ယခုနှစ် ဇန်နဝါရီလ ၉ ရက်၊ ၁၀ ရက်၊ ၁၁ ရက်နှင့် ၁၆ ရက်တို့တွင် ရှမ်းပြည်နယ်(မြောက်ပိုင်း)သီပေါမြို့နယ်နှင့် မိုင်းရယ်မြို့နယ်တို့အတွင်း အွန်လိုင်းလိမ်လည် လောင်းကစားတွင် အသုံးပြုသည့်ပစ္စည်းများနှင့်  မူးယစ်ဆေးဝါးချက်လုပ်ရာတွင် အသုံးပြုသည့်ပစ္စည်းများ ဖော်ထုတ်ဖမ်းဆီးရမိခဲ့ပြီး မူးယစ်ဆေးဝါး ထုတ်လုပ်သည့်လုပ်ငန်းများမှာ ပမာဏကြီးမားသည့် လုပ်ငန်းများဖြစ်ပြီး သမိုင်းစဉ်တစ်လျှောက် အများဆုံး သိမ်းဆည်းရမိခြင်းဖြစ်သည်။ ၂၀၂၅ ခုနှစ်အတွင်း ဖမ်းဆီးရမိခဲ့သော ဖြစ်စဉ်များကိုပြန်လည်လေ့လာပါက မူးယစ်ဆေးဝါး မြောက်မြားစွာဖမ်းဆီးရမိမှုများတွင်  လက်နက်ကိုင်အဖွဲ့များသည် တစ်နည်းနည်းနှင့် ပါဝင်ပတ်သက်လျက်ရှိသည်ကို တွေ့ရှိရသည်။  ဖမ်းဆီးရမိမှုများတွင် မှုခင်းနှင့်တရားခံအရေအတွက် လျော့ကျသွားခဲ့သော်လည်း ဖမ်းဆီးရမိသည့်မူးယစ်ဆေးဝါး ပမာဏမှာ လွန်စွာမြင့်မားသည်။ မူးယစ်ဆေးဝါး သယ်ဆောင်ရောင်းဝယ်မှုတွင် လူအနည်းငယ်က ဂိုဏ်းအုပ်စုဖွဲ့ကာ အမြောက်အမြား သယ်ဆောင်ရောင်းဝယ်သည့် ပုံစံမျိုးပြောင်းလာခြင်းဖြစ်သည်။  ရခိုင်ပြည်နယ်သည် စိတ်ကြွဆေးပြားများ တရားမဝင်သယ်ယူပို့ဆောင်ရာ အဓိကနေရာဖြစ်ပြီး AA အကြမ်းဖက်သောင်းကျန်းသူများ တစ်နည်းမဟုတ် တစ်နည်း ဆက်စပ်ပတ်သက်နေသည်။ မူးယစ်ဆေးဝါးနှင့် အွန်လိုင်းလိမ်လည်မှုများမှာ နိုင်ငံတော်နှင့်ပြည်သူများ၏ အကျိုးစီးပွားနှင့် ဂုဏ်သိက္ခာကို ထိခိုက်စေသည့်အတွက် ပြည်သူများကလည်း ပူးပေါင်းပါဝင် တိုက်ဖျက်ကြရန်ဖြစ်ပါကြောင်း ရေးသားလိုက်ရပေသည်။     ။MWD
အချုပ်အခြာနှင့် နယ်မြေရည်မှန်းချက် အမှန်တကယ်မဖြစ်ခဲ့သည့် အမှု
အချုပ်အခြာနှင့် နယ်မြေရည်မှန်းချက် အမှန်တကယ်မဖြစ်ခဲ့သည့် အမှု
လူမျိုးတုံးသတ်ဖြတ်မှုဆိုသည့် စွပ်စွဲချက်နှင့်ပတ်သက်၍ အပြည်ပြည်ဆိုင်ရာတရားရုံး ကြားနာပွဲသို့တက်ရောက်ရန် သမ္မတရုံးဝန်ကြီးဌာန(၂) ပြည်ထောင်စုဝန်ကြီး ဦးကိုကိုလှိုင်နှင့် ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦးတို့ ဦးဆောင်သည့် ကိုယ်စားလှယ်အဖွဲ့သည် ဇန်နဝါရီလ ၉ ရက် နံနက်ပိုင်းတွင် မြန်မာနိုင်ငံမှ ထွက်ခွာသွားခဲ့ပြီး ယခုအခါနယ်သာလန်နိုင်ငံသည်ဟိတ်ဂ်မြို့တွင် ရောက်ရှိနေပြီဖြစ်သည်။ ဇန်နဝါရီ ၁၂ ရက်မှ ၂၉ ရက်အထိ ကျင်းပမည့် အဆိုပါတရားရုံးကြားနာပွဲတွင် မြန်မာနိုင်ငံက ဇန်နဝါရီ ၁၆ ရက်မှ ၂၀ ရက်အထိလည်းကောင်း၊ ဇန်နဝါရီ ၂၈ ရက်မှ ၂၉ ရက်အထိလည်းကောင်း နှစ်ကြိမ်လျှောက်လဲရမည်ဖြစ်သည်။စင်စစ် ဤအမှုသည်နောက်ကွယ်မှ ဉာဏ်ကြီးရှင်တို့က အကွက်ချဖန်တီးကာ နိုင်ငံတကာမျက်နှာစာတွင် အာရုံစိုက်မှုရရှိရန်နှင့် မြန်မာနိုင်ငံကို တရားခံအခြေအနေသို့ရောက်ရှိစေရန် ဆင်ထားသည့် အမှုတစ်ခုသာဖြစ်သည်။ ဤအမှုနှင့်ပတ်သက်သည့် နောက်ခံအကြောင်းအရာများသည်လည်းကောင်း၊ အမှုဖြစ်စဉ်နှင့်ပတ်သက်၍လည်းကောင်း၊ မြန်မာနိုင်ငံရခိုင်ပြည်နယ်နှင့်ပတ်သက်၍လည်းကောင်း နိုင်ငံတကာမီဒီယာများတွင် မည်သည့်အခါကမျှ ပြည့်စုံစွာ၊ မှန်ကန်စွာ၊ မျှတစွာဖော်ပြခြင်းမခံခဲ့ရ။ ရခိုင်ပြည်နယ်မြောက်ပိုင်းဒေသကို အခြေပြုကာ လူ့အခွင့်အရေးချိုးဖောက်မှုခေါင်းစဉ်ဖြင့် ကုလသမဂ္ဂနှင့် နိုင်ငံတကာအသိုက်အဝန်းသို့ရောက်အောင် နည်းဗျူဟာကျကျ ဆွဲယူသွားနိုင်ခဲ့သောထိုကိစ္စသည် မြန်မာနိုင်ငံအနေဖြင့်မူ လူဝင်မှုကြီးကြပ်ရေးဆိုင်ရာ ပြဿနာတစ်ခု ဖြစ်ခဲ့ပြီး ယခုအခါတွင်မူ နိုင်ငံ၏ အချုပ်အခြာအာဏာနှင့် ပိုင်နက်နယ်နိမိတ်တို့ကို ထိပါးနိုင်သည်အထိ အန္တရာယ်ကြီးသည်ဟု မြန်မာတစ်မျိုးသားလုံးက ရှုမြင်နေကြသည့် ပြဿနာတစ်ခုဖြစ်လာပြီ ဖြစ်သည်။တစ်ဖက်သတ်ဖော်ပြခဲ့သည့် နိုင်ငံတကာမီဒီယာများအရ မြန်မာနိုင်ငံအစိုးရ၊ မြန်မာ့တပ်မတော်၊ ဒေသခံရခိုင်တိုင်းရင်းသားများ စသည်တို့မှာ ရာဇဝတ်မှုကျူးလွန်သူ၊ ဆိုးသွမ်းသူများအဖြစ် ပုံဖော်ခြင်းခံရပြီး ဤအမှု၏ဇာတ်ဆောင်များဖြစ်သော ဘင်္ဂါလီလူမျိုးများကို ကမ္ဘာပေါ်တွင် ခွဲခြားဖိနှိပ်ဆက်ဆံမှုအခံရဆုံး လူနည်းစု၊ လူမျိုးတုံးသတ်ဖြတ်ခံကြရသည့် သားကောင်များအဖြစ် ဇာတ်နာအောင် သုံးနှုန်းဖော်ပြကြသည်။ ကာလရှည်ကြာသည့် သမိုင်းနောက်ခံရှိပြီး ရှုပ်ထွေးသည့် ဤဇာတ်လမ်းတွင် နိုင်ငံရေးရည်မှန်းချက်ဖြင့် နောက်ကွယ်မှကြိုးကိုင်လှုပ်ရှားနေသည့် လက်နက်ကိုင် အကြမ်းဖက်အဖွဲ့အစည်းတစ်ခုထက်မနည်းရှိနေသော်လည်း ၎င်းတို့နှင့်ပတ်သက်၍ နိုင်ငံတကာသတင်းများတွင် မှိန်ဖျောက်ထားကြသည်။ ကုလသမဂ္ဂနှင့် နိုင်ငံတကာသံတမန်အသိုင်းအဝိုင်းတို့နှင့် ချိတ်ဆက်လှုပ်ရှားနေကြသည့် နိုင်ငံရေးသမားများကလည်း ၎င်းတို့၏ နိုင်ငံရေးရည်မှန်းချက်များကိုဖုံးကွယ်၍ လူ့အခွင့်အရေးခေါင်းစဉ်ဖြင့် လှုပ်ရှားနေကြခြင်းဖြစ်သည်။ ၎င်းတို့၏ ကျောထောက်နောက်ခံ နိုင်ငံအဖွဲ့အစည်းများကလည်း ငွေကြေးထောက်ပံ့မှုများဖြင့် ဝိုင်းဝန်းအားဖြည့်ကာ ၎င်းတို့၏ကိုယ်စား ဂမ်ဘီယာကဲ့သို့သော မြန်မာနိုင်ငံနှင့်အလှမ်းဝေးကွာလှသည့်နိုင်ငံကို ၎င်းတို့၏အကျိုးစီးပွားထိခိုက်ခြင်းလည်းမရှိ၊ အမှန်တကယ်ဖြစ်ပေါ်ခြင်းလည်း မရှိခဲ့သည့်ဖြစ်စဉ်အတွက် တရားစွဲစေခဲ့ခြင်းဖြစ်သည်။တကယ့်အဖြစ်အပျက်သည် ARSA အကြမ်းဖက်သမားတို့က ရခိုင်မြောက်ပိုင်းတွင် ရဲကင်းစခန်း ၃၀ ကို သာလွန်အင်အားများသုံး၍ ဝင်ရောက်တိုက်ခိုက်ကာ ဒေသခံတိုင်းရင်းသားများ၊ ဟိန္ဒူဘာသာဝင်များကို အစုလိုက်အပြုံလိုက်သတ်ဖြတ်ခြင်း၊ ဒေသခံဘင်္ဂါလီများကို ဘင်္ဂလားဒေ့ရှ်နိုင်ငံဘက်သို့ ထွက်ပြေးစေခြင်းတို့ကို အကွက်ချစီမံပြုလုပ်ခဲ့ကြခြင်းဖြစ်သည်။ မြန်မာ့တပ်မတော်၏ တိုက်ခိုက်မှုများမှာ အကြမ်းဖက်မှုကို တုံ့ပြန်ချေမှုန်းတိုက်ခိုက်ခဲ့ခြင်းဖြစ်သည်။ ရခိုင် ပြည်နယ်တွင် ကမန်ကဲ့သို့သော တိုင်းရင်းသားများရှိသကဲ့သို့ အကြမ်းဖက်မှုကို လက်မခံသည့် ဘင်္ဂါလီအစ္စလာမ်ဘာသာဝင်များ လည်းရှိရာ ဒေသခံတိုင်းရင်းသားတို့နှင့် ငြိမ်းချမ်းစွာ နေထိုင်နေကြခြင်းဖြစ်သည်။ တစ်ဖက်နိုင်ငံသို့ ထွက်ပြေးသွားခဲ့ကြသည့် ဘင်္ဂါလီများကိုလည်း အထောက်အထားများပြည့်စုံပါက ပြန်လည်လက်ခံမည်ဟု အတိအလင်းပြောကြားထားပြီးလည်းဖြစ်သည်။ သို့ရာတွင် အကြမ်းဖက်သမားများနှင့် သိက္ခာမဲ့နိုင်ငံရေးသမားများ၏ ရည်မှန်းချက်မှာ လူဝင်မှုပြဿနာပြေလည်ရေးနှင့် နိုင်ငံသားပြုခွင့်ရရေးမဟုတ်ဘဲ နယ်မြေနှင့်အာဏာအတွက်သာဖြစ်ရာ နိုင်ငံတော်၏ အချုပ်အခြာအာဏာနှင့် ပိုင်နက်နယ်နိမိတ်တို့ကို ကာကွယ်စောင့်ရှောက်ရာတွင် တိုင်းရင်းသူတိုင်းရင်းသား၊ နိုင်ငံသူနိုင်ငံသားအားလုံးက ပူးပေါင်းပါဝင်ကြရပါမည့်အကြောင်း။ ။moi
အမေရိကန်ကြည်းတပ်က မြို့တော်နယ်မြေဒေသအတွင်း အကြီးစားဒရုန်းစစ်ဆင်ရေးလေ့ကျင့်မှုပြုလုပ်ခဲ့
အမေရိကန်ကြည်းတပ်က မြို့တော်နယ်မြေဒေသအတွင်း အကြီးစားဒရုန်းစစ်ဆင်ရေးလေ့ကျင့်မှုပြုလုပ်ခဲ့
အမေရိကန်ကြည်းတပ်သည် မြို့တော်နယ်မြေဒေသအတွင်း မောင်းသူမဲ့ လေယာဉ်များ ရှာဖွေထောက်လှမ်းရေးနှင့် တန်ပြန်တိုက်ဖျက်ရေးအတွက် ပင်တဂွန် စစ်ဌာနချုပ်၏ စွမ်းဆောင်ရည်များ ခိုင်မာ အားကောင်းစေရန် အကြီးစားဒရုန်း စစ်ဆင်ရေးလေ့ကျင့်မှု ပြုလုပ်ခဲ့ကြောင်း The Defense Post သတင်းဌာနက ဒီဇင်ဘာ ၉ ရက်တွင် ရေးသား ဖော်ပြခဲ့သည်။ဤစစ်ဆင်ရေးလေ့ကျင့်မှုမှ တွေ့ရှိချက်များကို ၂၀၂၆ ခုနှစ် ဇန်နဝါရီလနှင့် မေလကြား ပြုလုပ်ရန်စီစဉ်ထားသော စစ်ရေးလေ့ကျင့်မှုကြီးတွင် ထပ်မံ ပြင်ဆင်၊ ထည့်သွင်း၊ အသုံးပြုသွားမည် ဖြစ်ပြီး သီးခြားစစ်ရေးလေ့ကျင့်မှုနေရာများလည်း ထပ်မံပါဝင်လာမည်ဟု မျှော် မှန်းထားကြသည်။ရည်ရွယ်ချက်မှာ ဒရုန်းရန်ကာကွယ် ရေးများတွင် ဖြစ်ပေါ်နေဆဲ ဟာကွက်၊ ပျော့ကွက်များကို တိကျစွာ ဖော်ထုတ်နိုင် ရန်နှင့် အနီးအနားဝန်းကျင်ရှိ တပ်စခန်း အသီးသီးတွင် အဆိုပါသင်ခန်းစာ ဖော်ထုတ်ချက်များအတိုင်း လိုက်နာကျင့်သုံး၊ အကောင်အထည်ဖော် ဆောင်ရွက် သွားနိုင်ရန်ဖြစ်သည်။စီမံကိန်းရေးဆွဲသူများသည် လေ ကြောင်းအခြေအနေ ကြိုတင်သတိပေး နိုင်မှုစွမ်းရည်များ တိုးတက်မြင့်မား ကောင်းမွန်စေရန် ရည်ရွယ်ထားသည်။ မြို့တော်ဝါရှင်တန်ဒီစီနှင့် အမေရိကန် တစ်လွှားနေရာဒေသများ တစ်လျှောက် တွင် ဒရုန်းပျံသန်းဝင်ရောက်လာမှုများကို တိတိကျကျ၊ လျင်လျင်မြန်မြန် ထောက် လှမ်းနိုင်စွမ်းရှိစေရန်လည်းဖြစ်သည်။ဤစစ်ရေးလေ့ကျင့်မှုသည် အမေ ရိကန်နိုင်ငံ ကာကွယ်ရေးဝန်ကြီး Pete Hegseth က ဒရုန်းရန်ကာကွယ်ရေးကို အာရုံစိုက်ကြရန် ဇွန်လတွင် ညွှန်ကြား ချက်ထုတ်ပြန်ခဲ့ပြီးနောက် ပေါ်ပေါက် လာခြင်းလည်းဖြစ်သည်။စစ်ရေးလေ့ကျင့်မှုကို စီစဉ်ရာတွင် ဝါရှင်တန်စစ်ဒေသခရိုင် ပူးပေါင်းစစ်ဆင် ရေးတပ်ဖွဲ့ပူးပေါင်းစစ်ဆင်ရေး ညွှန်ကြား ရေးမှူး ဒုတိယဗိုလ်မှူးကြီး Jesse Bur-nette၊ မစ်ရှင်အာမခံရေးဌာန အကြီးအကဲ ဒုတိယဗိုလ်မှူးကြီး Brian Reynolds တို့က ဦးဆောင်ခဲ့ကြပြီး ဝါရှင်တန်စစ် ဒေသခရိုင်အတွင်း၌ ပြုလုပ်ခဲ့ခြင်းလည်း ဖြစ်သည်။ အထောက်အကူပြု တပ်ဖွဲ့များတွင် လေတပ်၊ ရေတပ်၊ မရိန်းတပ်ဖွဲ့များ၊ ကမ်းခြေစောင့်တပ်ဖွဲ့နှင့် ဒေသန္တရ ရဲတပ်ဖွဲ့တို့ပါဝင်ခဲ့ကြသည်။လေ့ကျင့်မှုများအတွင်း ဒရုန်းမောင်း နှင်သူများသည် Fort McNair တပ်မြို့နှင့် အမျိုးသားစစ်ကောလိပ် အနီးတစ်ဝိုက် နေရာများစွာမှ ဒရုန်းများ စေလွှတ်ပျံသန်း ခဲ့ကြပြီး အတွင်းလူပါဝင်ပတ်သက်မှုများ အပါအဝင် မတူညီသော ခြိမ်းခြောက်မှု အခြေအနေအရပ်ရပ်မျိုး သဏ္ဌာန်တူ ဖန်တီးလုပ်ဆောင်ခဲ့ကြသည်။ပြင်ပမှကျူးကျော်ဝင်ရောက်လာသည့် ပုံစံမျိုးကို သရုပ်တူပြုလုပ်ရန်အတွက် Potomac မြစ်နှင့် Hains Point ကျွန်းဆွယ်ကို ဒရုန်းများ စေလွှတ်ပျံတက်ခိုင်းရန်နေရာအဖြစ် ထပ်မံသတ်မှတ်ခဲ့သည်။ဤစစ်ဆင်ရေးလေ့ကျင့်မှုတွင် အော်ပရေတာများသည် ဒရုန်းများ၏ ပျံဝဲနိုင်စွမ်း၊ လှုပ်ရှားစစ်ကစားနိုင်စွမ်းနှင့် နေ့အလင်းရောင်အတွင်း ကန့်သတ်ထားသော ဧရိယာများအတွင်းသို့ အချိန်နှင့် တစ်ပြေးညီ ဝင်ရောက်နိုင်စွမ်းတို့ကို စမ်းသပ်ခဲ့ကြကြောင်း သိရသည်။US Army Stages Large-Scale Drill to Boost Drone Detection in Washington ကို ဘာသာပြန်ဆိုထားပါသည်။ YDNP
ပြည်သူလူထုလူမှုစီးပွားလုံခြုံစိတ်ချဖို့ အွန်လိုင်းလိမ်လည်မှုတိုက်ဖျက်စို့
ပြည်သူလူထုလူမှုစီးပွားလုံခြုံစိတ်ချဖို့ အွန်လိုင်းလိမ်လည်မှုတိုက်ဖျက်စို့
အွန်လိုင်းလိမ်လည်မှု(Online Scam) အွန်လိုင်းလောင်းကစားမှု(Online Gambling)သည် ကမ္ဘာအနှံ့တွင် ပျံ့နှံ့ဖြစ်ပေါ်လျက်ရှိသည်။ နိုင်ငံများ၏ လူမှုစီးပွားဘဝများကို ခြိမ်းခြောက်လျက်ရှိသည်။ အွန်လိုင်းလိမ်လည်မှုနှင့် လောင်းကစားမှုသည် လူအများစုအပေါ် ကျူးလွန်သည့် ကြီးလေးသောရာဇဝတ်မှုများဖြစ်သည်ဟု မြန်မာနိုင်ငံအစိုးရအနေဖြင့် သတ်မှတ်ထားသည်။ ယင်းကိစ္စနှင့်ပတ်သက်၍ မြန်မာအစိုးရ၏မူဝါဒသည် Zero Tolerance Policy ဖြစ်သည်။ နည်းနည်းလိမ်သည်ဖြစ်စေ၊ များများလိမ်သည်ဖြစ်စေ ခွင့်လွှတ်မှုမရှိ ရေဆုံးရေဖျားလိုက်၍ နှိမ်နင်းချေမှုန်းသွားမည်ဖြစ်သည်။လက်ရှိတွင် မြန်မာနိုင်ငံ၌ ဖြစ်ပေါ်လျက်ရှိသော အွန်လိုင်းလိမ်လည်မှု၊ လောင်းကစားမှုဂိုဏ်းများကို အမြစ်ပါမကျန် ချေမှုန်းရှင်းလင်းလျက်ရှိသည်ကို တွေ့ရမည်ဖြစ်သည်။ ယင်းတို့ကိုဆောင်ရွက်ရန် အွန်လိုင်းလိမ်လည်မှုနှင့် လောင်းကစားမှုများ တိုက်ဖျက်ရေးကြီးကြပ်မှုဗဟိုကော်မတီကို ၁၀-၁၂-၂၀၂၅ ရက်တွင် အမျိုးသားအဆင့်၊ နိုင်ငံတော်အဆင့် ဖွဲ့စည်းဆောင်ရွက်လျက်ရှိသည်။ ပြည်သူလူထုလုံခြုံမှုရှိရေးသည် မြန်မာနိုင်ငံအစိုးရ၏ အဓိကတာဝန်ဖြစ်၍ အားလုံးဝိုင်းဝန်းပူးပေါင်းလက်တွဲဆောင်ရွက်ကြရမည်ဖြစ်သည်။အွန်လိုင်းလိမ်လည်မှုနှင့် လောင်းကစားမှုသည် နိုင်ငံတော်လုံခြုံရေးကို ခြိမ်းခြောက်သည့်ကိစ္စအဖြစ် မြန်မာနိုင်ငံအစိုးရကရှုမြင်သည်။ အဆိုပါဒုစရိုက်မှုသည် အစိုးရအပေါ် လူထု၏ယုံကြည်မှုကို ထိခိုက်စေသည်။ စီးပွားရေးလုံခြုံမှုကို ပျက်ပြားစေသည်။ နိုင်ငံတော်၏ တည်ငြိမ်အေးချမ်းမှုကို အနှောင့်အယှက်ဖြစ်စေသည်။ တိုင်းပြည်၏ ဂုဏ်သတင်းကို ညှိုးနွမ်းစေသည်။ အွန်လိုင်းလိမ်လည်မှုနှင့် လောင်းကစားမှုလုပ်ငန်းများကို မြန်မာနိုင်ငံသားများက ပြုလုပ်ခဲ့ခြင်းမဟုတ်ဘဲ မြန်မာနိုင်ငံအတွင်း တရားမဝင်လာရောက်နေထိုင်ကြပြီး အွန်လိုင်းလိမ်လည်မှုကို ဦးဆောင်လုပ်ကိုင်ခဲ့သည့် နိုင်ငံခြားသားများ၊ အချို့သော EAO များ၊ လက်နက်ကိုင်အဖွဲ့အစည်းများ၊ ဝိသမစီးပွားရေးသမားများကြောင့် ပေါ်ပေါက်လာခြင်းဖြစ်သည်။၎င်းတို့ကြောင့် ရှမ်းပြည်နယ်(အရှေ့မြောက်ဒေသ)၊ ကရင်ပြည်နယ်အချို့ဒေသများတွင် လုံခြုံရေးနှင့် တည်ငြိမ်အေးချမ်းရေး များစွာထိခိုက်ခဲ့ရသည်။ နိုင်ငံတကာတွင် တိုင်းပြည်၏ဂုဏ်သိက္ခာကျဆင်းခဲ့ရသည်။ ထို့ကြောင့် မြန်မာနိုင်ငံနှင့် မြန်မာလူမျိုးများသည် အွန်လိုင်းလိမ်လည်မှုနှင့်ရာဇဝတ်မှုများ၏ ဆိုးကျိုးများကို ပြင်းထန်စွာခံစားရသဖြင့် နိုင်ငံတကာက မနှစ်မြို့သည်ထက် မြန်မာနိုင်ငံက ပိုမိုစက်ဆုပ်ရွံရှာပြီး ၎င်းရာဇဝတ်မှုများသည် လူအများစုအပေါ် ကျူးလွန်သည့်ရာဇဝတ်မှုအဖြစ် သတ်မှတ်ထားသည်။ အွန်လိုင်းလိမ်လည်ရာဇဝတ်မှုများ ကျူးလွန်ကြသူများအနေဖြင့် ဒုတိယအကြိမ် အခွင့်အရေးမရှိ၊ ပုဂ္ဂိုလ်ရေးအရသော်လည်းကောင်း၊ နိုင်ငံရေးအရသော်လည်းကောင်း လုံးဝအကာအကွယ်ပေးသွားမည်မဟုတ်ဘဲ အစိုးရအနေဖြင့် ပြတ်ပြတ်သားသား အရေးယူဆောင်ရွက်သွားမည်ဖြစ်သည်။အွန်လိုင်းလိမ်လည်ရာဇဝတ်မှုများသည် တည်ငြိမ်အေးချမ်းမှုအားနည်းသည့်၊ လက်လှမ်းမမီသည့် နယ်စပ်ဒေသများတွင် အဖြစ်များပြီး နိုင်ငံဖြတ်ကျော် ရာဇဝတ်မှုပုံစံ၊ နိုင်ငံပေါင်းစုံမှ မသမာသူများပါဝင်ဆောင်ရွက်သည့် ပုံစံဖြစ်သဖြင့် နိုင်ငံတကာနှင့် ဒေသတွင်းနိုင်ငံများအကြား တက်ကြွစွာပူးပေါင်းဆောင်ရွက်လျက်ရှိသည်။ မြန်မာနိုင်ငံအစိုးရအနေဖြင့် Task များ၊ Cooperation အဖွဲ့များဖွဲ့စည်းပြီး ထိရောက်စွာ ပူးပေါင်းဆောင်ရွက်လျက်ရှိသည်။ ဆက်လက်၍လည်း တက်ကြွစွာပူးပေါင်းဆောင်ရွက်နေသည်။ အွန်လိုင်းလိမ်လည်မှုသည် ဆက်သွယ်ရေးကွန်ရက်များ ကိုအသုံးပြုပြီး လိမ်လည်ခြင်းဖြစ်သည်။ မြန်မာနိုင်ငံသူ နိုင်ငံသားများလည်း လိမ်လည်မှု၏ သားကောင်များဖြစ်ခဲ့ရသည်။ ၂၀၂၃ ခုနှစ်မှ ၂၀၂၅ ခုနှစ် နိုဝင်ဘာလအထိ မြန်မာနိုင်ငံအတွင်းရှိ ပြည်သူ ၈၀၀ ခန့် အွန်လိုင်းလိမ်လည်ခံရပြီး အမှုဖွင့်တိုင်ကြားခဲ့သည်။ အမှုဖွင့်တိုင်ကြားမှုမရှိဘဲ ကျိတ်ပြီးဖြေရှင်းမှုများသည် တိုင်ကြားမှုများထက် အဆပေါင်းများစွာပိုရှိနေသည်မှာ သေချာသည်။အဆိုပါဒုစရိုက်မှုများနှင့်ပတ်သက်၍ ပြည်သူလူထုအတွင်း ပြည်တွင်းမီဒီယာ များမှတစ်ဆင့် အသိပေး၊ သတိပေးမှုများ ပြုလုပ်ပေးလျက်ရှိသည်။ အွန်လိုင်း လိမ်လည်မှု သားကောင်များမဖြစ်အောင်ဆောင်ရန်၊ ရှောင်ရန်များကို ပုံစံမျိုးစုံဖြင့် အသိပေးလျက်ရှိသည်။ အရေးကြီးသည့်အချက်မှာ မိမိဖုန်းထဲသို့ဝင်ရောက်လာသည့် မသိသည့်လင့်များကို မဖွင့်မိရန်၊ မသိသည့်အကြောင်းကြားမှုများကို မကြည့်မိရန်လိုပေသည်။ အွန်လိုင်းလိမ်လည်ခံရလျှင် ကျိတ်မဖြေရှင်းဘဲ တာဝန်ရှိသူများကို သတင်းပေးတိုင်ကြားရန်လိုပေသည်။ ထိုမှတစ်ဆင့် ကွင်းဆက်လိုက်ပြီး လိမ်လည်သူများကို နှိမ်နင်းမည်ဖြစ်ရာ အစိုးရ၏တာဝန်ရှိသူများအပေါ် ယုံကြည်စွာဖြင့် ပူးပေါင်းဆောင်ရွက်ပေးကြပါရန် မေတ္တာရပ်ခံတိုက်တွန်းအပ်ပါကြောင်း။ ။moi
© Copyright 2024 SAC All Rights Reserved.