ဆန်းသစ်တီထွင်မှုများနှင့်အတူ MSME လုပ်ငန်းများကို နိုင်ငံတော်ကအားပေးမြှင့်တင်

ကောက်ရိုးစုဆောင်းခြင်းလုပ်ငန်း စပါးစိုက်ခင်းမှ စပါး  ၄ တန်ရရှိချိန်မှာ ကောက်ရိုး ၆ တန်ရရှိနိုင်သည်။  စပါးစိုက်ခင်းမှ   ကောက်ရိုးဖယ်ရှားခြင်းလုပ်ငန်းသည်   ပမာဏကြီးမားပြီး လုပ်အားခ အကုန်အကျများသောလုပ်ငန်း ဖြစ်သည်။ ကောက်ရိုးထုံး ပြုလုပ်သုံးစွဲခြင်းသည် သယ်ယူပို့ဆောင်ရလွယ်ကူစေပြီး အလွယ်တကူအသုံးပြုနိုင်သည့် အကျိုးရရှိသည်။ ကောက်ရိတ်စက်များကို အသုံးပြုလာသောအခါ စိုက်ကွင်းမှကောက်ရိုးစုဆောင်းခြင်းကိစ္စ   လျော့ပါးသွားပြီး  ကောက်ရိုးထုံးပြုလုပ်ခြင်း၊  စက်ကိရိယာသုံး၍ ကောက်ရိုးဘေထုပ်ပြုလုပ်ခြင်းတို့ တွေ့မြင်လာရသည်။ ကောက်ရိုးစုစက်ကို အသုံးပြု၍ ကောက်ရိုးဘေထုပ်ပြုလုပ်ကာ  သိပ်သည်းသောအထုပ်အပိုး ပုံစံပြုလုပ်သယ်ဆောင်နိုင်သည်။ကောက်ရိုးစုစက်ကို ပုံစံနှစ်မျိုးဖြင့်တွေ့မြင်နိုင်သည်။ စက်၏အတွင်းပိုင်းလုပ်ငန်းဆောင်ရွက်ပုံများကိုလည်း Figure1a.  နှင့် Figure 1b. တို့တွင် လေ့လာနိုင်သည်။စက်၏ဆောင်ရွက်နိုင်မှု  စွမ်းအားအနေဖြင့် တစ်နာရီလျှင်  သုည ဒသမ ၈၇ တန်မှ ၂ ဒသမ ၄၇ တန်အထိ ကောက်ရိုးစုဆောင်းနိုင်ပြီး ကောက်ရိုးအစိုဓာတ် ၁၂ ရာခိုင်နှုန်းအခြေအနေတွင် ၁ ကုဗမီတာအရွယ်အစားရှိပြီး ၇၃ ကီလိုဂရမ်မှ ၁၀၄ ကီလိုဂရမ်အလေးချိန်ရှိ  ကောက်ရိုးဘေထုပ်များ   ထုပ်ပိုးပေးနိုင်သည်။ ဤအခြေအနေကို ဗီယက်နမ်နိုင်ငံ မဲခေါင်မြစ်ဝှမ်းဒေသတွင်    ပြုလုပ်ကြရာ ကောက်ရိုးတစ်တန်လျှင် အမေရိကန်ဒေါ်လာ ၁၂ ဒေါ်လာမှ ၁၈ ဒေါ်လာအထိဈေးရရှိကြောင်းသိရသည်။ပါကစ္စတန်နိုင်ငံတွင်   ကောက်ရိုးဘေထုပ်ပြုလုပ်ပြီး တိရစ္ဆာန်အစာတင်ပို့မှုလုပ်ငန်းကို ကျယ်ကျယ်ပြန့်ပြန့် ဆောင်ရွက်လျက် ရှိကြောင်း သိရသည်။ ထို့ပြင် ကောက်ရိုးကိုသိပ်သည်းသော ဆေးတောင့်ပုံစံ၊ လောင်စာတောင့်ပုံစံပြုပြင်ပြောင်းလဲသုံးစွဲကြကြောင်း တွေ့ရှိရသည်။ ကောက်ရိုးကို ကောက်ရိုးတောင့်ပုံစံပြောင်းရာတွင် အမှုန့်ကြိတ်ပြီး ပုံသွင်းစက်ကိုအသုံးပြု၍  ပြုလုပ်ကြသည်။ သိပ်သည်းဆ အနေဖြင့် ရိုးရိုးကောက်ရိုးပြတ်မှာ တစ်မီတာထုထည်တွင် ၅၀ ကီလိုဂရမ်ရှိလျှင်   ကောက်ရိုးဘေထုပ်တွင် ၁၃၀ ကီလိုဂရမ်၊    ကောက်ရိုးတောင့်တွင်   ၆၀၀  ကီလိုဂရမ်သိပ်သည်းမှု ရှိသည်။  အစိုဓာတ်ပါဝင်မှုတွင်  ရိုးရိုးကောက်ရိုးမှာ ၁၀ ရာခိုင်နှုန်းမှ ၂၀  ရာခိုင်နှုန်း၊ ကောက်ရိုးဘေထုပ်တွင် ၁၀ ရာခိုင်နှုန်းမှ ၁၈ ရာခိုင်နှုန်း၊ ကောက်ရိုးတောင့်တွင် ၁၀ ရာခိုင်နှုန်းအောက်အစိုဓာတ်ရှိသည်။ စွမ်းအင်ရရှိနိုင်မှုတွင် ရိုးရိုးကောက်ရိုးသည် သုည ဒသမ ၇ (GJ/m3)၊ ကောက်ရိုးဘေထုပ်မှ ၁ ဒသမ ၉ (GJ/m3)၊ ကောက်ရိုးတောင့်မှ ၉(GJ/m3)အသီးသီးရှိသည်။Rice Straw Pellet Machine ဖြင့် ကောက်ရိုးတောင့်ပြုလုပ်ခြင်း (က      ) ကောက်ရိုးတွင်  ရောနှောပါဝင်သည့် အမှုန်အမွှားများ၊ ကောက်ရိုးမဟုတ်သည့်   ပစ္စည်းများကို ဖယ်ရှားသန့်စင်ပေးပါ။(ခ)       ကောက်ရိုးတောင့်စက်သို့မထည့်မီ ကောက်ရိုးကို ၅ မီလီမီတာအရွယ်ဖြစ်အောင် နွားစာစဉ်းဓား (သို့) တူဖြင့်ထုခြေပေးပါ။(ဂ)       ကောက်ရိုးသည်  စိုစွတ်မှုရှိပါက အခြောက်ခံပေးရန်လိုအပ်ပြီး အစိုဓာတ်  ၁၅  ရာခိုင်နှုန်းခန့်ရှိပါက   ထပ်မံအခြောက်ခံရန်မလိုအပ်ပါ။ ၁၅ ရာခိုင်နှုန်းထက်ပို၍ စိုစွတ်နေပါက လေအေးပေး အခြောက်ခံစက်ဖြင့် ခြောက်သွေ့အောင် ပြုလုပ်ပေးပါ။(ဃ)     ကြိတ်ခြေအခြောက်ခံပြီးသောကောက်ရိုးများကို  ကောက်ရိုးတောင့်ပြုလုပ်သည့်  စက်ထဲသို့ထည့်၍  ဖိအားပေးပြီး ၆ မီလီမီတာမှ ၈ မီလီမီတာအရွယ်ရှိ လောင်စာတောင့်ပုံစံကောက်ရိုးတောင့်များပြုလုပ်နိုင်သည်။(င)       ရရှိလာသည့် ကောက်ရိုးတောင့်များကို အပေါ်လွှာအုပ်ပေးခြင်းဖြင့်   အရည်အသွေးထိန်းထားနိုင်ပြီး သိုလှောင်ရန်နှင့်သယ်ယူရန်လွယ်ကူသော   ကောက်ရိုးတောင့်များကိုရရှိမည်။ သိုလှောင်ရာတွင်    အခန်းအပူချိန်ကို ထိန်းသိမ်းထားရန်လိုအပ်ပါသည်။ကောက်ရိုးအစာတောင့်အဖြစ်   ပြုပြင်ပြီး တိရစ္ဆာန်အစာတောင့်အမျိုးမျိုးပြုလုပ်ကာ ဈေးကွက်တင်ပို့ရောင်းချသည်လည်း ရှိပါသည်။စပါးစိုက်ပျိုးမှုအရ ကောက်ရိုးပြုပြင်အသုံးချရေးအတွက်  အခွင့်အလမ်းများသော ထိပ်တန်း (၁၀)နိုင်ငံကိုလေ့လာလျှင် တရုတ်၊ အိန္ဒိယ၊ အင်ဒိုနီးရှား၊ ဘင်္ဂလားဒေ့ရှ်၊ ဗီယက်နမ်၊ ထိုင်း၊ ဖိလစ်ပိုင်၊ မြန်မာ၊   ဘရာဇီးနှင့်  ဂျပန်နိုင်ငံတို့အစဉ်လိုက်တွေ့ရှိရသည်။   တိရစ္ဆာန်အစာတောင့်     အမျိုးမျိုးပြုလုပ်ရာတွင် ပြောင်းဆန်၊ ပဲပုပ်ဖတ်၊ ဂျုံဖွဲ၊ ငါးမှုန့်၊ အရိုးမှုန့်၊ နေကြာဆီကြိတ်ဖတ်၊ အစာစိမ်းအဖြစ်  ပဲရွက်အမျိုးမျိုးတို့ကို ထည့်၍  ကောက်ရိုးမှုန့်နှင့်ရောနှောကာ တိရစ္ဆာန်အစာတောင့်ပြုလုပ်ကြသည်။   အစာတောင့် ပြုလုပ်သည့်စက်ဖြင့်   မိမိဦးတည်ရောင်းချလိုသောအမျိုးအစားကို ထုတ်လုပ်ရောင်းချနေသော ဈေးကွက်သည် တဖြည်းဖြည်း ကျယ်ပြန့်လာနေပြီ ဖြစ်သည်။ကောက်ရိုးကိုအခြေခံ၍   အစားအစာထုပ်ပိုးပစ္စည်းပြုပြင်ထုတ်လုပ်ခြင်းဇီဝအခြေခံပိုလီလက်တစ်အက်စစ်နှင့် ကောက်ရိုးမှ ပလတ်စတစ်အစားထိုး အစားအစာထုပ်ပိုးပစ္စည်း ပြုပြင်ထုတ်လုပ်ခြင်း ကဏ္ဍသည်လည်း ကျယ်ပြန့်လာပြီဖြစ်သည်။ ကောက်ရိုးအခြေခံလူသုံးကုန်ပစ္စည်းအမျိုးမျိုးကို ပြုပြင်ထုတ်လုပ်နိုင်ကြပြီဖြစ်၍ တောင်သူအများလေ့လာဆန်းစစ်ကာ  အိမ်တွင်းမှုလုပ်ငန်းကို တိုးချဲ့ဆောင်ရွက်နိုင်ကြမည်ဖြစ်ကြောင်း ရေးသားလိုက်ရပါသည်။   ။MWD 

မြေဆီလွှာဖုံးပစ္စည်းအဖြစ် အသုံးပြုခြင်းကောက်ရိုးကိုဆင်ခြေလျှောရှိသောမြေပြင်များတွင်  မြေဆီလွှာဖုံးပစ္စည်းအဖြစ်အသုံးပြုပါက မြေဆီလွှာတိုက်စားမှုကို  အကာအကွယ်ပေးကြောင်းသိရသည်။ မြေကို ၃၀ ရာခိုင်နှုန်းဖုံးလွှမ်းပေးထားလျှင် မြေတိုက်စားမှု ၉၂ ဒသမ ၀၉ ရာခိုင်နှုန်းအထိ လျှော့ချပေးနိုင်သည်။ ၆၀ ရာခိုင်နှုန်းဖုံးလွှမ်းပေးနိုင်လျှင် မြေတိုက်စားမှု ၉၅ ဒသမ ၅၅  ရာခိုင်နှုန်းအထိလျှော့ချပေးသည်။ မြေပြင်ကို ၉၀ ရာခိုင်နှုန်းအထိဖုံးလွှမ်းပေးလျှင် ၉၈ ဒသမ ၂၁ ရာခိုင်နှုန်းအထိ မြေဆီလွှာတိုက်စားမှုကိုကာကွယ်ပေးနိုင်ကြောင်းသိရသည်။ ထို့ကြောင့်အမျှင်ဓာတ်များစွာ ပါဝင်သောကောက်ရိုးကို မြေဆီလွှာတိုက်စားမှုများနိုင်သောနေရာများတွင် မြေဖုံးပစ္စည်းအဖြစ် အသုံးပြုနိုင်သည်။ သီးနှံစိုက်ပျိုးချိန်တွင် အသုံးပြုနိုင်သကဲ့သို့ သီးနှံမစိုက်ပျိုးထားသောမြေတွင်လည်း မြေကိုဖုံးထားပေးခြင်းဖြင့် မြေဆီလွှာကို ရေလေတိုက်စားမှုမှကာကွယ်နိုင်ပြီး မိုးရေနှင့်စိမ့်စမ်းရေကို  ထိန်းထားနိုင်ကာ မြေအစိုဓာတ်ပျောက်ဆုံးမှုကိုလည်း   ဟန့်တားနိုင်သည်။ကောက်ရိုးသည်  အပူချိန်နှင့်အစိုဓာတ်သမမျှတနေပါက ရက် ၉၀ အတွင်း ကြေပျက်လွယ်သော  အခြေအနေရှိသည့်အတွက် မြေပြင်သို့  မြေဆွေးဓာတ်အဖြစ် ပြန်လည်ရရှိစေနိုင်စွမ်းပေးသည်။မြေပြင်ကို ၃၀ ရာခိုင်နှုန်းဖုံးအုပ်နိုင်ရန်အတွက် မြေတစ်ဧကလျှင် ကောက်ရိုး ၂ တန်နှုန်းဖုံးပေးခြင်းတွင် ၈၀၀ စတုရန်းပေ မြေတစ်ကွက်အတွက်  ၇၅  ပေါင် အလေးချိန်ရှိ ကောက်ရိုးတစ်ထုံးအသုံးပြုနိုင်သည်။ မြေပြင်ဆင်ခြေလျှောကို ဖုံးလွှမ်းပေးရာတွင် ကောက်ရိုးအထူအပါးသည် ဆင်ခြေလျှောအနိမ့်အမြင့်အပေါ်တွင်  များစွာမူတည်သည်။ ယေဘုယျအားဖြင့် ဆင်ခြေလျှောစောက် ၃ လက်မမှ ၄ လက်မအခြေအနေတွင် မြေပြင်အထက် ၁ လက်မမှ ၂ လက်မအထူဖုံးထားပေးသင့်ပြီးဆင်ခြေလျှောစောက် ၆ လက်မအထက်ရှည်လျားလျှင် ကောက်ရိုးဖြင့်သာ ဖုံးလွှမ်းကာကွယ်ခြင်းသည်   မပြည့်စုံပေ။လတ်တလောကာကွယ်ခြင်းအဖြစ် ကောက်ရိုးကို ၄ လက်မမှ ၆ လက်မအထူ ဖုံးထားပေးသင့်သည်။ ကောက်ရိုးကိုမြေဆွေးပြုလုပ်ခြင်းကောက်ရိုးကို မြေဆွေးပြုလုပ်ရာတွင်နွားချေးနှင့်ရောစပ်ပြုလုပ်ကြသည်။အကျိုးပြုအဏုဇီဝအီးအမ်ကိုထည့်၍ အသုံးပြုပေးပါက မြေဆွေးဖြစ်မှုလျင်မြန်စေပြီး ရရှိလာသော မြေဆွေးတွင်လည်းအာဟာရဓာတ်ပါဝင်မှုပိုမိုစေကြောင်း တွေ့ရှိရသည်။ အကျိုးပြုအဏုဇီဝအီးအမ်ထည့်၍အသုံးပြုပေးပါက နိုက်ထရိုဂျင် ၁ ဒသမ ၅၂ ရာခိုင်နှုန်း၊ ဖော့စဖောရပ် သုည ဒသမ ၃၄ ရာခိုင်နှုန်းနှင့် ပိုတက်စီယမ် ၁ ဒသမ ၃၆ ရာခိုင်နှုန်းရရှိစေပြီး ရိုးရိုးမြေဆွေးတွင် နိုက်ထရိုဂျင် သုည ဒသမ ၉၂ ရာခိုင်နှုန်း၊ ဖော့စဖောရပ် သုည ဒသမ ၁၈ ရာခိုင်နှုန်းနှင့်  ပိုတက်စီယမ် သုည ဒသမ ၉၁  ရာခိုင်နှုန်းပါရှိကြောင်း သိရသည်။ ကောက်ရိုးတွင် ကာဗွန်ပါဝင်မှုမြင့်မားပြီး ကာဗွန်နိုက်ထရိုဂျင် အချိုး (၈၀:၁)ထိရှိသည်။ ဆီလီကာနှင့် လစ်ဂနင်ဓာတ်များစွာပါဝင်သည်။ကောက်ရိုးမှိုစိုက်ပျိုးရန်အသုံးပြုခြင်းမှိုစိုက်ပျိုးရန်လိုအပ်သောပစ္စည်းများတွင် ခြောက်သွေ့ပြီးမှိုတက်ခြင်းမရှိသော ကောက်ရိုးအသစ်များကိုအသုံးပြုပါ။ မှိုမျိုးကို အရည်အသွေးကောင်းပြီး မှိုမျှင်များပြည့်ဝသော မှိုမျိုးကိုရွေးချယ်ပါ။ အာဟာရဖြည့်စွက်စာအဖြစ် ပဲမှုန့်၊ နှမ်းဖတ်ကြမ်းမှုန့် သို့မဟုတ် နွားချေးတို့ကိုသုံးနိုင်သည်။ ပလတ်စတစ်စကို အစိုဓာတ်ထိန်းရန်အတွက်အသုံးပြုပါ။ ထုံးမှုန့်ကို ရေထဲတွင် ချဉ်ငန်ဓာတ်မျှတစေရန်ထည့်ပါ။ မှိုစိုက်ပျိုးထုပ်အတွက် ရောစပ်စာပြုလုပ်ရာတွင် ကောက်ရိုးနှင့် သစ်ပွလွှစာ ၁၀၀ ရာခိုင်နှုန်း၊ ဆန်ဖွဲနု ၅ ရာခိုင်နှုန်းမှ ၇ ရာခိုင်နှုန်း၊ ပြောင်းဖွဲ ၃ ရာခိုင်နှုန်း၊ ပဲဖွဲ ၂ ရာခိုင်နှုန်း၊ သကြား/ဂလူးကို့စ် ၁ ရာခိုင်နှုန်း၊ ဆားခါး သုည ဒသမ ၂ ရာခိုင်နှုန်း၊  မဖောက်ထုံး ၁ ရာခိုင်နှုန်း၊ ရေ ၆၅ ရာခိုင်နှုန်းဖြင့် ရောစပ်ပြုလုပ်ရသည်။ စိုက်ပျိုးနည်းအဆင့်ဆင့် (ကောက်ရိုးပုံသုံးမှိုစိုက်နည်း)ကောက်ရိုးများကို ၈၀ စင်တီမီတာမှ ၉၅ စင်တီမီတာ (၃၂ လက်မခန့်)အရှည်ရှိသည့်   အစည်းငယ်များပြုလုပ်ပါ။ ကောက်ရိုးအစည်းများကို ရေတွင် ၁၂  နာရီမှ ၁၈ နာရီအထိစိမ်ထားပါ။  ထုံးမှုန့်အနည်းငယ်ထည့်ပေးနိုင်သည်။  ရေစိမ်ထားသောကောက်ရိုးများကို ရေစစ်သွားအောင်  ဝါးစင် သို့မဟုတ် မြေကြီးမှ အနည်းငယ်မြင့်သောနေရာတွင် တင်ထားပါ။ စိုက်ပေါင်၏ ပထမအလွှာအတွက် ကောက်ရိုးအစည်းလေးခု သို့မဟုတ် ငါးခုကို ဘေးချင်းကပ်၍စီပေးပါ။ ပထမအလွှာပေါ်တွင် မှိုမျိုးကို နေရာခုနစ်နေရာမှ ရှစ်နေရာခန့်ခွဲထည့်ပေးပါ။ မှိုမျိုးထည့်သောနေရာပေါ်တွင်  အာဟာရဖြည့်စွက်စာအနည်းငယ်ဖြူးပေးပါ။ နောက်တစ်လွှာကို ပထမအလွှာနှင့် ထောင့်မှန်ကျအောင် ထပ်၍တင်ပါ။ အလွှာလေးလွှာမှငါးလွှာအထိပြုလုပ်ပြီး မှိုမျိုးနှင့် အာဟာရဖြည့်စွက်စာထည့်ပေးပါ။ စိုက်ပေါင်တစ်ခုလုံးကို ပလတ်စတစ်ဖြင့် အုပ်ထားပြီး အစိုဓာတ် ၈၀ ရာခိုင်နှုန်းမှ ၈၅ ရာခိုင်နှုန်းနှင့် အပူချိန် ၃၀ ဒီဂရီစင်တီဂရိတ်မှ ၃၅ ဒီဂရီစင်တီဂရိတ်ကြားထိန်းသိမ်းထားပါ။ မှိုမျှင်များပွားလာချိန်တွင် အပူချိန်နှင့်အစိုဓာတ်ကို စောင့်ကြည့်ပါ။  မှိုဥငယ်များ စတင်ပေါ်လာသည့်အခါတွင် ပလတ်စတစ်အဖုံးကို ဖယ်ရှားပေးပါ။ မှိုဥများသည် မပွင့်မီ “ဥ” အဆင့်တွင်ရှိနေစဉ် ခူးယူရပါမည်။ ခူးဆွတ်ချိန်တွင် မှိုအားလုံးကို   အုံလိုက်ဆွဲခူးရပါမည်။ ပထမအကြိမ်  မှိုဥများခူးပြီးနောက် နောက်ထပ်နှစ်ကြိမ်မှ  သုံးကြိမ်အထိ ထပ်မံထွက်ရှိနိုင်သည်။ စိုက်ပျိုးသော မှိုမျိုး၏ အရည်အသွေးသည် အထွက်နှုန်းကို အဓိကသက်ရောက်မှုရှိသည်။ မှိုမျိုးကို အေးခဲအောင်မထားရ၊ ၂၅ ဒီဂရီစင်တီဂရိတ်မှ  ၃၀  ဒီဂရီစင်တီဂရိတ်ကြား အကောင်းဆုံးဖြစ်သည်။ မှိုစိုက်ပျိုးရာတွင် မှိုမျိုး၊ ကုန်ကြမ်း (ပွားစာ)နှင့် ပတ်ဝန်းကျင်အခြေအနေဟူသော အဓိကအချက် (၃) ချက်အနက် တစ်ခုခုချို့ယွင်းပါက အောင်မြင်မှုမရနိုင်ပါ။ ဘိုင်အိုချာခေါ် ဇီဝမီးသွေးမြေဩဇာထုတ်လုပ်ခြင်းနှင့်အသုံးပြုခြင်းဘိုင်အိုချာသည် ကာဗွန်ဓာတ်ကြွယ်ဝသော  ဇီဝမြေဩဇာတစ်ခုဖြစ်သည်။ မြေဆီလွှာကို ထုတ်လုပ်စွမ်းအားတိုးတက်စေသော မြေပြုပြင်ပစ္စည်း၊ ကာဗွန်စုဆောင်းခြင်း၊ မြေတွင်းရေကို စစ်ထုတ်ပေးသောပစ္စည်း စသည်ဖြင့်ခေါ်ဝေါ်အသုံးပြုကြသည်။ သဘာဝပစ္စည်းများဖြစ်သော သီးနှံအကြွင်းအကျန်၊စွန့်ပစ်ပစ္စည်း၊သစ်ကိုင်းသစ်ခက်များကိုအပူပေး၍ ချေဖျက်ခြင်းဖြင့်  ဇီဝအစိုင်အခဲ၊  မီးသွေးခဲအဖြစ်ပုံစံပြောင်း၍ မြေဩဇာအဖြစ်သုံးစွဲကြခြင်းဖြစ်သည်။ အောက်ဆီဂျင်ဖြင့် ဓာတ်တိုးပေးမှုကို  ကန့်သတ်ဆောင်ရွက်ခြင်း၊ လေထုတွင်းသို့ ကာဗွန်ဓာတ်ငွေ့များပျံ့လွင့်မှုကိုထိန်းချုပ်ကာ အပူချိန် ၅၀၀ ဒီဂရီစင်တီဂရိတ်မှ ၇၀၀ ဒီဂရီစင်တီဂရိတ်ပေး၍လောင်ကျွမ်းစေခြင်းဖြင့် ဘိုင်အိုချာကိုရရှိသည်။ကောက်ရိုးမှ ပိုတက်စီယမ်နှင့်ဆီလီကာပြန်လည်ရရှိနိုင်ခြင်းကောက်ရိုးတွင်လစ်ဂနင်ဆဲလ်လူးလို့စ်ခေါ် အမျှင်များသောဓာတ်ပစ္စည်းများ ပါဝင်နေပြီး ခွဲခြားကြည့်လျှင် ဆဲလ်လူးလို့စ် ၂၄  ရာခိုင်နှုန်း၊  ဟေမီဆဲလ်လူးလို့စ် ၂၇ ဒသမ ၈ ရာခိုင်နှုန်းနှင့် လစ်ဂနင် ၁၃ ဒသမ ၅ ရာခိုင်နှုန်း၊ ပြာ ၁၇ ရာခိုင်နှုန်းတို့ပါဝင်သည်။ ၎င်းနှင့်ဆက်စပ်လျက်ဆီလီကာများစွာပါရှိကြောင်းသိရသည်။ ကောက်ရိုးကိုမြေဆွေးပြုလုပ်ပြီး မြေမှာပြန်လည်သုံးစွဲခြင်းကြောင့်     ဆီလီကာဓာတ်ကို ပြန်လည်ရရှိနိုင်သည်။ မြေတွင်း၌မပျော်ဝင်လွယ်သော ပိုတက်စီယမ်နှင့်ဆီလီကာဓာတ်တို့မှာ ကောက်ရိုးတွင်ကြွယ်ဝစွာပါဝင်နေပြီး ကောက်ရိုးကိုဖယ်ရှားခြင်းဖြင့်   ၎င်းတို့ကို  ဆုံးရှုံးသွားစေသည်။ မြေမှာ ပြန်လည်အသုံးပြုခြင်းဖြင့် ပျော်ဝင်လွယ်သော   ပိုတက်စီယမ်ကွန်ပေါင်းနှင့်   ဆီလီကိတ်ဓာတ်ပေါင်းများအဖြစ် ပြောင်းလဲစေပြီး အပင်မှပြန်လည်ရရှိစေနိုင်သည်။နိုင်ငံတကာနှင့်ဆက်စပ်လုပ်ငန်းဖော်ဆောင်မှုမြန်မာနိုင်ငံအနေဖြင့် အခြားအာဆီယံနိုင်ငံများနည်းတူ အာဆီယံအတွင်းရေးမှူးချုပ်ရုံး၊ အကြံပေးအဖွဲ့များနှင့်ပူးပေါင်း၍ ကာဗွန်လျှော့ချရေးဆိုင်ရာအချက်အလက်များပံ့ပိုးပေးခြင်း၊ အာဆီယံအတွင်းရေးမှူးချုပ်ရုံး၊အကြံပေးအဖွဲ့တို့နှင့် သက်ဆိုင်သူများ၏ ဆွေးနွေးမှုများကို ပံ့ပိုး ဆောင်ရွက်ပေးခြင်း၊ ကာဗွန်လျှော့ချရေးမဟာဗျူဟာတွင် ထည့်သွင်းမည့်အချက်အလက်များဆွေးနွေးနိုင်ရန် ကူညီဆောင်ရွက်ပေးခြင်း   စသည်တို့ကိုပူးပေါင်း ဆောင်ရွက်လျက်ရှိသည်။မြန်မာနိုင်ငံသည်  ၂၀၂၃ ခုနှစ် ဧပြီလ ၁၇ ရက်တွင် ကျင်းပခဲ့သော "Briefing on carbon neutrality study" ၊ ၂၀၂၃ ခုနှစ် ဇွန်လ ၁၉ ရက်တွင် ကျင်းပခဲ့သော "Carbon neutrality plenary meeting"အစည်းအဝေးများကို အွန်လိုင်းဖြင့် တက်ရောက်ခဲ့သည်။ ASEAN Carbon Neutrality Strategy ကို အကောင်အထည်ဖော်ရာတွင် အထောက်အကူဖြစ်စေရန် စိုက်ပျိုးသီးနှံအကြွင်းအကျန်များ မီးရှို့မှုလျှော့ချရေး လက်ရှိ ကြိုးပမ်းအားထုတ်မှုများအနေဖြင့် သီးနှံအကြွင်းအကျန်များကို မီးရှို့မည့်အစား တောင်သူလယ်သမားများအား မြေဆွေး သို့မဟုတ် ဘိုင်အိုချာပြုလုပ်ခြင်းနှင့်သဘာဝမြေသြဇာအဖြစ်  အသုံးပြုခြင်းအကြောင်းတို့ကို ကျယ်ကျယ်ပြန့်ပြန့်အသုံးချနိုင်စေရန်အတွက် လေ့ကျင့်သင်ကြားပေးလျက်ရှိသည်။ စိုက်ပျိုးရေးကဏ္ဍမှအကောင်အထည်ဖော်ဆောင်ရွက်လျက်ရှိသော  လုပ်ငန်းများ- (၁) လယ်ယာစွန့်ပစ်ပစ္စည်းများနှင့် မြေဆွေးပုံများ ဆောင်ရွက်ခြင်း၊(၂)       မြေဆွေးပြုလုပ်ခြင်း  သရုပ်ပြလှုပ်ရှားမှုများ၊ (၃) မြေဖုံးခြင်း၊ စံပြကွက်စမ်းသပ်ကွက်များ ဆောင်ရွက်ခြင်း၊ (၄) သစ်စိမ်းမြေဩဇာထည့်သွင်းမှုစံပြကွက်၊ စမ်းသပ်ကွက်များဆောင်ရွက်ခြင်း၊ (၅)       သီးနှံစွန့်ပစ်ပစ္စည်းများ မီးရှို့မှုကို ကာကွယ်ရန်   နည်းပညာပေးသင်တန်းများဆောင်ရွက်ခြင်း၊(၆)       မြေဆွေးကိုအသုံးပြု၍ ဓာတ်မြေသြဇာအသုံးပြုမှု    လျှော့ချရန်အတွက်စမ်းသပ်မှုများပြုလုပ်ခြင်း အစရှိသောလုပ်ငန်းများကို တောင်သူစိုက်ခင်းများတွင် လက်တွေ့ပြသဆောင်ရွက်နေကြသည်။တောင်သူများအနေဖြင့် မိမိစိုက်ခင်းမှထွက်ရှိသော ကောက်ရိုးနှင့်သီးနှံအကြွင်းအကျန်များ၊ စိုက်ခင်းပတ်ဝန်းကျင်မှ အလွယ်တကူရယူ စုဆောင်းနိုင်သော သစ်ကိုင်းသစ်ခက်  လယ်ယာမြေအမှိုက်များကို  မြေဆီလွှာအာဟာရ ပြန်လည်ဖြည့်စွမ်းပေးနိုင်သော ရတနာတစ်ခုပမာတန်ဖိုးထား စံစနစ်ကျနစွာ ပြန်လည်အသုံးပြုကြပါလျှင်“ကျေးရွာအမှိုက် လယ်ယာမြေရတနာသိုက်” ဖြစ်လာမှာအမှန်ပင်ဖြစ်ပါသည်။   ။MWD 

စားသုံးသီးနှံပင်များစိုက်ပျိုးထုတ်လုပ်ကြရာတွင် အပင်မှအစာရေစာအများဆုံးသယ်ယူစားသုံးနိုင်စေရန်၊ ပတ်ဝန်းကျင်ထိခိုက်စေမှုလျှော့ချရန်၊ သဘာဝအရင်းအမြစ်များကို အကျိုးရှိရှိအသုံးချ၍ အကောင်းဆုံးသီးနှံအထွက်နှုန်းရရှိစေရန်၊ စီးပွားရေးနှင့်လူမှုရေး ပတ်ဝန်းကျင်ညီမျှစေပြီး ပန်းတိုင်အထွက်နှုန်း ပြည့်မီစေရန်ကြိုးပမ်းကြသည်။   ဤနေရာတွင် သီးနှံပင်လိုအပ်သော အပင်အာဟာရဓာတ်ကို စဉ်ဆက်မပြတ်စီမံခန့်ခွဲနိုင်စေရန်အတွက် သီးနှံစိုက်ပျိုးရာတွင် အပင်အာဟာရဓာတ်ထည့်သွင်း အသုံးပြုရာတွင် သတိပြုကြရမည့်မှန်(၄)မှန်ဆိုသော မှန်ကန်သည့်အရင်းအမြစ်၊ မှန်ကန်သောနှုန်းထား၊ မှန်ကန်သောအချိန်၊ မှန်ကန်သောနေရာရွေးချယ်ခြင်း အလေ့အကျင့်များကို ဆောင်ရွက်ကြရမည်ဖြစ်သည်။မှန်ကန်သောအရင်းအမြစ်      သီးနှံစိုက်ပျိုးရာတွင်   အပင်ကောင်းစွာကြီးထွား ဖွံ့ဖြိုးစေရန်နှင့်  သီးနှံအထွက်နှုန်းမြင့်မားစေရန်  အထောက်အကူရရေးအတွက် မှန်ကန်သောဓာတ်မြေဩဇာ အသုံးပြုရန်အရေးကြီးသည်။ သီးနှံအမျိုးအစားကွဲပြားသလို  နေရာဒေသလိုက်၍  လိုအပ်သည့်ဓာတ်မြေဩဇာ အမျိုးအစားလည်း ကွဲပြားမှုရှိသည်။ သီးနှံပင်မှစုပ်ယူစားသုံးနိုင်မည့် အပင်အာဟာရဓာတ်ကို မျှတစွာရောစပ်အသုံးပြုပေးနိုင်ခြင်းဖြင့် သီးနှံစိုက်ပျိုးထုတ်လုပ်မှုအတွက် မှန်ကန်သောအရင်းအမြစ်ကို စိုက်ထုတ်ပေးရာရောက်ပြီး အကျိုးအမြတ်ကောင်းရရှိနိုင်သည်။မှန်ကန်သောနှုန်းထား     သီးနှံပင်အတွက်လိုအပ်မည့် အပင်အာဟာရဓာတ် ပမာဏကို မှန်ကန်စွာထည့်ပေးနိုင်ပါက သီးနှံပင်အတွက် ကျန်းမာသန်စွမ်းကြီးထွားမှုဖြစ်ပေါ်ကာ  အထွက်တိုးရေးကို များစွာအထောက်အကူဖြစ်စေသည်။  သီးနှံအမျိုးအစားအလိုက်  အပင်ကြီးထွားသန်စွမ်းစေရန် လိုအပ်သည့်  ဓာတ်မြေဩဇာပမာဏ  ကွာခြားမှုရှိ၍ သင့်လျော်သောပမာဏကို ထည့်ပေးရန်အရေးကြီးသည်။ သီးနှံပင်၏အာဟာရဓာတ် လိုအပ်ချက်နှုန်းထားသည် စိုက်ပျိုးသည့်မြေ၊ သီးနှံမျိုးစေ့အမျိုးအစားနှင့် အထွက်နှုန်းရည်မှန်းချက်အရ ကွာခြားချက်ရှိသည်။ မြေဆီလွှာအာဟာရဓာတ်လျော့နည်းနေပါက ဖြည့်ဆည်းပေးရမည့်ပမာဏ လိုအပ်ချက်များပြားမည်။ ရည်မှန်းအထွက်နှုန်းမြင့်နေလျှင်လည်း အာဟာရဓာတ် လိုအပ်မှုမြှင့်ပေးရမည်ဖြစ်သည်။မှန်ကန်သောအချိန်    သီးနှံပင်ကိုအာဟာရဓာတ် ဖြည့်ဆည်းပေးရာတွင် အပင်မှစုပ်ယူစားသုံးနိုင်မည့် အချိန်ကိုမှန်းဆ၍  အချိန်ကိုက်ဖြည့်ပေးတတ်ရန် လိုအပ်သည်။  အပင်အများစုသည်  စိုက်ပျိုးမှုအစောပိုင်းအချိန်တွင်  အာဟာရစုပ်ယူမှုနှေးကာကြီးထွားဖွံ့ဖြိုးမှု  နိုးထလာသည်နှင့် အစာရေစာစုပ်ယူမှုလျင်မြန်လာတတ်သည်။   ထိုဖြစ်စဉ်ကြောင့်  ဓာတ်မြေဩဇာနှင့် အပင်အာဟာရဓာတ်များကို အချိန်ကိုက်အကျိုးရှိရှိဖြစ်အောင်ထည့်ပေးတတ်ရန်လိုအပ်သည်။မှန်ကန်သောနေရာ    သီးနှံပင်အတွက်  အပင်အာဟာရ ဓာတ်ဖြည့်ပေးရာတွင် သီးနှံပင်၏အမြစ်မှ လက်ခံနိုင်သောနေရာသို့ရောက်ရှိအောင်ထည့်ပေးရမည်။ သီးနှံအမျိုးအစားအလိုက် အမြစ်စဉ်ကြီးထွားဖွံ့ဖြိုးမှုမတူကြပေ။ထို့ကြောင့်  အစာရေစာစုပ်ယူစားသုံးမှုလည်း မတူကြကြောင်း လေ့လာသိရှိထားသင့်သည်။ အပင်စိုက်ပျိုးရာတွင် ထွန်ရေးပြင်ခြင်း၊ ကြားထွန်ထယ်ဝင်ပေးခြင်းနှင့် စိုက်ပျိုးသောသီးနှံပင်၏   အပင်ကြား အတန်းကြားအကွာအဝေးတို့အရ အမြစ်၏ကြီးထွား တိုးဝင်နိုင်မှုပြောင်းလဲတတ်၍ သီးနှံပင်အတွက် အာဟာရဓာတ်ပေးရာတွင် မှန်ကန်သောနေရာရွေးချယ်၍ ထည့်ပေးတတ်ရန်လိုအပ်သည်။ ထိုသို့မှန်ကန်သောနေရာရွေးချယ်ထည့်ပေးခြင်းအားဖြင့်   အသုံးပြုသည့်အာဟာရဓာတ် လေလွင့်ဆုံးရှုံးမှုများလျော့နည်းစေသည်။မှန်ကန်သောအရင်းအမြစ်ရွေးချယ်ခြင်းအတွက် အခြေခံအချက်အလက်များ    သီးနှံပင်လိုအပ်သည့် အာဟာရကိုလိုက်ဖက်အောင်ရွေးပါပြောင်းဖူးပင်ကြီးထွားမှုနှင့် အစေ့အဆန်အတွက် နိုက်ထရိုဂျင်ဓာတ်၊ အမြစ်ဖွံ့ဖြိုးမှုအတွက် ဖော့စဖောရပ်နှင့် ပင်စည်တောင့်တင်းခိုင်မာရန်နှင့် ဘေးဒုက္ခ (အပူဒဏ်၊ မိုးများခြင်း၊ရေငတ်ခြင်း၊ ရေလွှမ်းခြင်း၊ ပိုးမွှားရောဂါဒဏ် စသောအကျပ်အတည်း)ခံနိုင်မှုရှိစေရန် ပိုတက်စီယမ်ဓာတ်လိုအပ်သည်။ ကွန်ပေါင်းဓာတ်မြေဩဇာများ(ဥပမာ- NPK ၁၅:၁၅:၁၅ or NPK ၁၁:၂၂:၂၁)ကိုသုံးစွဲခဲ့လျှင် ဆာလဖာ၊ ဇင့်၊ ဘိုရွန်အာဟာရဓာတ်များဖြည့်စွက်ပေးရန်လိုအပ်သည်။ ဒုတိယအများလို အာဟာရဓာတ်နှင့် အနည်းလို အာဟာရဓာတ်များလည်းဖြည့်စွက်ပေးရန်လိုအပ်သည်။မြေဆီလွှာ၏အာဟာရဓာတ်ပါဝင်နေမှုအဆင့်အတန်း     မြေညံ့များတွင် ဖော့စဖောရပ်ပိုမိုဖြည့်ပေးရန် လိုအပ်မှုရှိနေတတ်ပြီး မြေဆီမြေနှစ်ကောင်းမွန်သော မြေများတွင် နိုက်ထရိုဂျင်ဓာတ်ဖြည့်ပေးမှသာ ပန်းတိုင်အထွက်နှုန်းရရှိနိုင်သည်ကိုသတိထားရမည်။ဒေသနှင့်သင့်လျော်အောင်ပြင်ဆင်ပေးခြင်းအက်စစ်ပေါက်မြေ (မြေချဉ်) များတွင် ဓာတ်မြေဩဇာနှင့် ထုံး၊ ကယ်စီယမ်တို့တွဲဖက်အသုံးပြုခြင်းက ပို၍အကျိုးအမြတ်ရရှိစေသည်။   သဲဆန်သောမြေများတွင် တဖြည်းဖြည်းအာဟာရဓာတ် ထုတ်လွှတ်သောဓာတ်မြေဩဇာများ၊ တည်ငြိမ်သည့် နိုက်ထရိုဂျင်အရင်းအမြစ် သဘာဝဓာတ်မြေဩဇာများကို သုံးစွဲခြင်းဖြင့် အာဟာရဓာတ်များစိမ့်ဝင်ပျောက်ကွယ်မှု၊ ဆုံးရှုံးမှုကိုလျော့နည်းစေသည်။ မိမိအသုံးပြုမည့်ဓာတ်မြေဩဇာ၏ အရည်အသွေးပြည့်မီမှုရှိ၊ မရှိကို အမြဲစစ်ဆေးအသုံးပြုသင့်သည်။ အမျိုးအစားကောင်းမွန်ပြီး အရွယ်အစားညီညာသော ဓာတ်မြေဩဇာကိုသုံးစွဲခြင်းဖြင့်   ပျော်ဝင်မှုကောင်းစေပြီး  အပင်မှအာဟာရဓာတ် ညီညွတ်မျှတစွာ ရရှိစေသည်။လက်တွေ့သုံးစွဲမှုဥပမာ    အခြေခံထည့်ပေးခြင်းအနေဖြင့် စိုက်ပျိုးချိန်တွင် နိုက်ထရိုဂျင်၊ ဖော့စဖောရပ်နှင့် ပိုတက်စီယမ်များကို အနည်းလိုအာဟာရဓာတ်များနှင့်ရောနှောသုံးစွဲခြင်းမျိုးလိုအပ်ပါကပြုလုပ်ပေးပါ။ ထပ်မံဖြည့်စွက်ထည့်ပေးခြင်းအနေဖြင့် သီးနှံစိုက်ပြီးခြောက်ပတ်အကြာတွင် ယူရီးယား သို့မဟုတ် အမိုနီယံဆာလဖိတ်ကို နိုက်ထရိုဂျင်ဓာတ်အတွက် ထပ်မံဖြည့်စွက်ထည့်ပေးခြင်းပြုလုပ်ပေးပါ။ အထူးကိစ္စအနေဖြင့် ပေါင်းမြက်ထူထပ်ခြင်းပြဿနာကြုံတွေ့ရပါက ပေါင်းရှင်းပြီး ဓာတ်မြေဩဇာကို  အသုံးပြုပေးခြင်းအားဖြင့် မြေဆီလွှာအာဟာရဓာတ်ကိုတိုးတက်စေပြီး   ပြောင်းသီးနှံကဲ့သို့သောအပင်အတွက် ပတ်ဝန်းကျင်ဒဏ်ကိုခံနိုင်စွမ်းရည်တိုးစေသည်။ဓာတ်မြေဩဇာသုံးစွဲမှု၏ဘေးအန္တရာယ်    ယူရီးယားဓာတ်မြေဩဇာတစ်မျိုးတည်းကိုသာ အလွန်အကျွံသုံးစွဲပါက  အပင်ယိုင်လဲမှုပြဿနာကြုံတွေ့နိုင်ပြီး မြေတွင်းအာဟာရဓာတ်မညီမျှမှုကိုဖြစ်စေသည်။ အပင်ဆဲလ်များပွားများမှုလျင်မြန်နေသော်လည်း  ဆဲလ်နံရံပါးလွှာပြီး  အရည်ရွှမ်းစို၍ ပိုးမွှားရောဂါကိုဖိတ်ခေါ်သကဲ့သို့ဖြစ်စေနိုင်သဖြင့် နိုက်ထရိုဂျင်ဓာတ်မြေဩဇာကို အလွန်အကျွံထည့်ပေးခြင်းမျိုးမဖြစ်စေရန်ဂရုစိုက်ရမည်။ အသုံးပြုသည့်ဓာတ်မြေဩဇာများ၏အရည်အသွေးပြည့်ဝပြီး ကောင်းမွန်သည့်ဓာတ်မြေဩဇာရရှိစေရန် ယုံကြည်စိတ်ချရသော ရောင်းချသူထံမှသာဝယ်ယူသုံးစွဲပါ။ တိကျသေချာသောဓာတ်မြေဩဇာသုံးစွဲမှုဖြစ်စေရန်အတွက် စိုက်ပျိုးမြေကို ဓာတ်ခွဲစစ်ဆေးခြင်း၊  အထွက်နှုန်းလျာထားချက်တို့ကိုအခြေခံ၍ ထည့်ပေးသင့်သည်။မရေမရာမှန်းဆသုံးစွဲမှုသည် တစ်ခါတစ်ရံမလိုလားအပ်သော ပျက်စီးဆုံးရှုံးမှုများကြုံတွေ့ရတတ်သည်။အမျိုးအစားကွဲပြားသောသီးနှံအမျိုးမျိုးအတွက် အပင်အာဟာရဓာတ်ဖြည့်ဆည်းမှုတွင် အကျိုးရှိရှိသိပ္ပံနည်းကျထည့်သွင်းပေးတတ်ရန် အာဟာရစီမံခန့်ခွဲမှုစနစ်ကျဖို့လိုအပ်သည်။ သမမျှတစွာဘက်စုံလေ့လာဆန်းစစ်၍ မှန်(၄)မှန်ဟုဆိုသော မှန်ကန်သည့်အရင်းအမြစ်၊ မှန်ကန်သောနှုန်းထား၊ မှန်ကန်သောအချိန်၊  မှန်ကန်သောနေရာရွေးချယ်ခြင်းသည်  သီးနှံအထွက်နှုန်းကောင်းမွန်စေရုံသာမက မြေတွင်းဓာတ်ကြွင်းစုပုံမှု၊ သဘာဝပတ်ဝန်းကျင်ထိခိုက်ပျက်စီးစေမှု၊ သတ္တဝါများ၏ ဇီဝကမ္မစက်ဝန်း ယိုယွင်းစေမှုဖြစ်စေသောအလေ့အကျင့်များကို ထိန်းချုပ်ပြုပြင်ပေးနိုင်အောင် ဆောင်ရွက်ကြရခြင်းပင်ဖြစ်သည်။ တောင်သူအတွက်အကျိုးအမြတ်ပိုမိုရရှိစေပြီး သီးနှံအထွက်တိုးတက်စေသည်။ သီးနှံ၏အရည်အသွေးကောင်းမွန်စေကာ နိုက်ထရိုဂျင်နှင့် ဖော့စဖောရပ်ကဲ့သို့သော အပင်အာဟာရဓာတ်ဆုံးရှုံးမှုကိုလျော့ကျစေသည်။ ပတ်ဝန်းကျင်ညစ်ညမ်းမှုတားဆီးနိုင်ပြီး  စဉ်ဆက်မပြတ်စိုက်ပျိုး ထုတ်လုပ်နိုင်မှုကို အားပေးရာရောက်စေသည်။ မြေနမူနာစမ်းသပ်စစ်ဆေးမှု၊ သီးနှံအလှည့်ကျစနစ်တကျ စိုက်ပျိုးခြင်းနှင့်တိကျသောစိုက်ပျိုးနည်း စနစ်သစ်ကိုဖော်ဆောင်ရန်  ဆုံးဖြတ်ဆောင်ရွက်ခြင်းအတွက် အထောက်အကူရရှိစေသည်။  ဓာတ်ကြွင်းများကြောင့် လူမှုရေးပတ်ဝန်းကျင်နှင့် စီးပွားရေးဆိုင်ရာထိခိုက်စေမှုများကို  လျော့ကျစေကာ စဉ်ဆက်မပြတ်ဖွံ့ဖြိုးတိုးတက်ရေးကို ဦးတည်ဆောင်ရွက်နိုင်သည်။  ထို့ကြောင့် အပင်အာဟာရဓာတ်များထည့်သွင်းသုံးစွဲကြရာတွင် ဂရုပြုလိုက်နာဆောင်ရွက်သင့်သောမှန်(၄)မှန်အကြောင်း  ရေးသားလိုက်ရပါသည်။    ။MWD

ယနေ့ခေတ် ကမ္ဘာကြီးသည် အရာရာတွင် တိုးတက်မှုအပေါင်းနှင့် ပြောင်းလဲဖြစ်ပေါ်လျက်ရှိသည်။  လူသားတို့၏ တီထွင်ကြံဆမှုကြောင့်  အသစ်အသစ်တို့သည် အဆက်မပြတ်ဖြစ်ပေါ်နေလျက်ရှိရာ စီးပွားရေးလုပ်ငန်းများသည်လည်း နည်းပညာသစ်များဖြင့် တိုးတက်လျက်ရှိသည်။ သို့ဖြစ်ရာ နိုင်ငံတစ်နိုင်ငံ၏  အသေးစား၊ အငယ်စားနှင့် အလတ်စားကုန်ထုတ်လုပ်ငန်းများ  ဖွံ့ဖြိုးတိုးတက်ရေးသည် အရေးပါလှသည့် အခန်းကဏ္ဍ၌ပါဝင်လျက်ရှိသည်။ မြန်မာနိုင်ငံ၌ နိုင်ငံတော် အစိုးရက အသေးစား၊ အငယ်စားနှင့် အလတ်စား  ကုန်ထုတ်လုပ်ငန်းဖွံ့ဖြိုးတိုးတက်ရေးအတွက်   ဦးတည်ချက်များချမှတ်ပြီး တွန်းအားပေးထောက်ပံ့ကူညီမှုများကို   စဉ်ဆက်မပြတ်ဆောင်ရွက်လျက်ရှိသကဲ့သို့   MSME  လုပ်ငန်းများသည်  မတူညီသည့်အတွေးအခေါ်များ၊ ဆန်းသစ်တီထွင် မှုများနှင့်အတူ ဈေးကွက်ထိုးဖောက်နိုင်ရေးအတွက် အရည်အသွေးမြင့်မားအောင် ကြိုးစားဆောင်ရွက်လျက်ရှိပြီး    ပြည်တွင်းအလုပ်အကိုင် အခွင့်အလမ်းများကိုပါ ဖန်တီးပေးလျက်ရှိသည်။ MSME ထုတ်ကုန်များ ဖွံ့ဖြိုးတိုးတက်ရေးအသေးစား၊ အငယ်စားနှင့် အလတ်စား(MSME)လုပ်ငန်းများသည် နိုင်ငံစီးပွားဖွံ့ဖြိုးတိုးတက်ရေးအတွက် အဓိကမောင်းနှင်အား ဖြစ်သကဲ့သို့ နိုင်ငံတစ်နိုင်ငံ ဖွံ့ဖြိုးတိုးတက်ရေးအတွက်လည်း အထောက်အကူဖြစ်စေသောကြောင့် MSME လုပ်ငန်းများနှင့် ထုတ်ကုန်များဖွံ့ဖြိုးတိုးတက်စေရန် ဆောင်ရွက်ကြရမည်ဖြစ်သည်။ လက်ရှိတွင် MSME လုပ်ငန်းများ ဖွံ့ဖြိုးတိုးတက်ရေးအတွက်   နိုင်ငံတော်မှ မတည်ပံ့ပိုးငွေကျပ်  ဘီလီယံ ၁၇၀ အနက် ကျပ် ၂၀ ဘီလီယံကို MSME ဖွံ့ဖြိုးတိုးတက်ရေး အကူအညီအဖြစ်လည်းကောင်း၊ ကျန်ရှိသည့်ဘီလီယံ ကျပ် ၁၅၀ ကို  ချေးငွေထုတ်ချေးနိုင်ရေးအတွက်လည်းကောင်း   သုံးစွဲလျက်ရှိကြောင်း အသေးစား၊  အငယ်စားနှင့် အလတ်စားစီးပွားရေးလုပ်ငန်း စီမံခန့်ခွဲမှု(၁/၂၀၂၆) အစည်းအဝေးပြောကြားချက်အရ သိရသည်။ မြန်မာနိုင်ငံ၏  အဓိကစီးပွားရေးမှာ စိုက်ပျိုးရေး၊ မွေးမြူရေးလုပ်ငန်းကဏ္ဍဖြစ်သည်။ အဆိုပါကဏ္ဍများမှ တန်ဖိုးမြှင့်ထုတ်ကုန်များ ထုတ်လုပ်နိုင်ပြီး ပြည်ပသို့တင်ပို့နိုင်ရေး ကြိုးစားဆောင်ရွက်ကြရမည်ဖြစ်သည်။ MSME လုပ်ငန်းများအတွက် အဓိကလိုအပ်ချက်လေးခုရှိသည်။ ၎င်းတို့မှာ ကုန်ကြမ်း၊ ရင်းနှီးမြှုပ်နှံမှု၊ သွင်းအားစုနှင့် လူသားအရင်းအမြစ်တို့ဖြစ်သည်။ ဒေသမှထွက်ရှိသည့် စိုက်ပျိုးမွေးမြူရေးကုန်ကြမ်းများကိုအသုံးပြုပြီး အသေးစား၊ အငယ်စားနှင့် အလတ်စား (MSME) လုပ်ငန်းများတွင် ထုတ်ကုန်ပစ္စည်းများထုတ်လုပ်၍ ဒေသတွင်းကုန်ထုတ်လုပ်မှုကို မြှင့်တင်ဆောင်ရွက်နိုင်မည်ဆိုပါက ဒေသတွင်းစီးပွားရေးတိုးတက်မှုကို  အထောက်အကူပြုစေမည်ဖြစ်သည်။ ထို့ကြောင့် နိုင်ငံတော်မှ MSME လုပ်ငန်းရှင်များ၏  လိုအပ်ချက်များဖြစ်သည့် ကုန်ကြမ်းရရှိရေးကိုလည်း ဖြည့်ဆည်းပေးလျက်ရှိရာတွင် MSME ထုတ်ကုန်များဖွံ့ဖြိုးတိုးတက်ရေးအတွက် နည်းပညာများလွှဲပြောင်းပေးခြင်း၊ ကုန်စည်ပြပွဲများ ဖိတ်ခေါ်ပြသခြင်း၊ ဒေသတွင်းထုတ်ကုန်ပြပွဲပြိုင်ပွဲများပြုလုပ်၍ ဆုများချီးမြှင့်ခြင်း၊ နိုင်ငံတကာကုန်ထုတ်လုပ်မှု ကွင်းဆက်များတွင် ဝင်ရောက်နိုင်ရန်အကူအညီပေးခြင်း၊ အရင်းအနှီး လိုအပ်ချက်အတွက်  ချေးငွေရရှိရေးဆောင်ရွက်ပေးခြင်းတို့ကို နိုင်ငံတော်ကပံ့ပိုးကူညီပေးလျက်ရှိရာ လုပ်ငန်းရှင်များအနေဖြင့်  ဆက်လက်ကြိုးပမ်းဆောင်ရွက်သွားကြရမည်ဖြစ်သည်။ ပြည်တွင်း၌ရှိသည့် စီးပွားရေးလုပ်ငန်းများ၏ ၉၀ ရာခိုင်နှုန်းသည် အသေးစား၊ အငယ်စားနှင့် အလတ်စားကုန် ထုတ်လုပ်ငန်းများဖြစ်ပြီး ပုဂ္ဂလိကစီးပွားရေးကဏ္ဍတွင်လည်း အသေးစား၊ အငယ်စားနှင့် အလတ်စားကုန်ထုတ်လုပ်ငန်းများ အများဆုံး ပါဝင်နေသည်။ MSME လုပ်ငန်းစုများသည် ပုဂ္ဂလိကစီးပွားရေးကဏ္ဍ၏ ကျောထောက်နောက်ခံဖြစ်သကဲ့သို့ တီထွင် ဆန်းသစ်မှုများ၏ အဓိကအရင်းအမြစ်များအဖြစ်လည်းကောင်း၊ အလုပ်အကိုင်အခွင့်အလမ်းဖန်တီးပေးနိုင်ခြင်း၊ ဆင်းရဲမှုလျှော့ ချရေးနှင့် စွန့်ဦးတီထွင်လုပ်ငန်းစုများ၏  အစပြုရာနေရာအဖြစ် လည်းကောင်း၊  MSME လုပ်ငန်းများမှတစ်ဆင့် နိုင်ငံအတွင်း ငွေကြေးလည်ပတ်စီးဆင်းမှုကို စဉ်ဆက်မပြတ်ဖြစ်ပေါ်စေပြီး နိုင်ငံ၏ စီးပွားရေးဖွံ့ဖြိုးတိုးတက်မှု အညွှန်းကိန်းတစ်ရပ်ဖြစ်သည့် ပြည်တွင်းအသားတင်ထုတ်လုပ်မှု (Gross Domestic Product) တိုးတက်စေရန်ကိုလည်းကောင်း  အထောက်အကူပြုနိုင်သည်။ပြည်ထောင်စုအဆင့် ကုန်စည်ပြပွဲ၊ ပြိုင်ပွဲ၂၀၂၆ ခုနှစ် (၇၉)နှစ်မြောက် ပြည်ထောင်စုနေ့ကို   ကြိုဆိုဂုဏ်ပြုသောအားဖြင့် နိုင်ငံတော်အစိုးရမှ ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော်ကို နေပြည်တော်၌ ဖေဖော်ဝါရီလ ၈  ရက်မှ ၁၃ ရက်အထိ  ၆  ရက်တာ ကျင်းပပြုလုပ်လျက်ရှိသည်။      အဆိုပါထုတ်ကုန်ပြပွဲနှင့် ဈေးရောင်းပွဲတော်တွင် နေပြည်တော်ကောင်စီ၊ တိုင်းဒေသကြီးနှင့်   ပြည်နယ်ကိုယ်စားပြုပြခန်း  ၁၅ ခန်း  ပါဝင်ပြသထားပြီး   ဝန်ကြီးဌာနပြခန်းများ၊ စီးပွားရေးချိတ်ဆက်မှု နည်းပညာပြခန်းများ၊ လယ်ယာသုံးစက်ပစ္စည်းနှင့် ထုတ်ကုန်ပြခန်းများ၊  အသေးစားစက်မှုလက်မှုလုပ်ငန်းနှင့်   ကုန်ထုတ်သမဝါယမပြခန်းများ၊ အသင်းအဖွဲ့ပြခန်းများစသည်ဖြင့် ပြခန်းစုစုပေါင်း ၁၂၆ ခန်းခန့် ပါဝင်ပြသထားသည်။MSME ထုတ်ကုန်ပြပွဲနှင့် ဈေးရောင်းပွဲတော်၌ MSME ထုတ်ကုန်များ၊ ဒေသထွက်ကုန်ပစ္စည်းများ၊ လယ်ယာလုပ်ငန်းနှင့် စက်မှုလုပ်ငန်းများကို ပြခန်းအလိုက်အမျိုးအစားစုံလင်စွာ    ပါဝင်ပြသထားသည်။   ထို့ပြင်  စိုက်ပျိုးရေးကဏ္ဍ၊ မွေးမြူရေးကဏ္ဍ ဆိုင်ခန်းများလည်း ပါဝင်မည်ဖြစ်ရာ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ငါးလုပ်ငန်းဦးစီးဌာနက ပြပွဲတွင် ငါးခြောက်၊ ပုစွန်ခြောက်အပါအဝင် ရေထွက်ကုန်ပစ္စည်းများကိုအခြေခံ၍ ထုတ်လုပ်ထားသည့် တန်ဖိုးမြှင့်ထုတ်ကုန်များ၊ အသေးစား၊ အလတ်စားလုပ်ငန်းများမှ ထုတ်လုပ်သည့် ရေထွက်ကုန်ပစ္စည်းများကို အမျိုးအစားစုံလင်စွာ ပါဝင်ခင်းကျင်းပြသထားသည်။ ထိုသို့ပြသရာတွင် ရေထွက်ကုန်ပစ္စည်းပြုပြင်ထုတ်လုပ်မှုအတွက် အရေးပါသည့် (GHP၊ GMP၊ SSOP)  ကဲ့သို့ သန့်ရှင်းရေးနှင့် ဘေးကင်းစေရေးအတွက် ထုတ်လုပ်သူများအနေဖြင့် သိရှိရမည့်အချက်များ၊ ထုတ်လုပ်ခွင့်လိုင်စင်များနှင့်ပတ်သက်သည့် လုပ်ငန်းစဉ်များကိုလည်း ပြပွဲလာရောက်သူများလေ့လာနိုင်ရန် ထည့်သွင်းပြသထားသည်။ နိုင်ငံတော်မှ အဆိုပါ ပြပွဲခင်းကျင်းပြသရသည့် ရည်ရွယ်ချက်မှာ ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော်ကို ထုတ်ကုန်ပြသခြင်းအတွက်သာမက MSME လုပ်ငန်းရှင်များနှင့် စိုက်ပျိုးတောင်သူများ၏ လုပ်ငန်းတိုးတက်ရေးအတွက် လက်တွေ့အကူအညီပေးသည့် ပလက်ဖောင်းတစ်ခုအဖြစ်   ရည်ရွယ်ကျင်းပပေးခြင်းဖြစ်သည်။စီးပွားရေးဖွံ့ဖြိုးတိုးတက်မှုဦးတည်ချက်များအောက်က MSMEနိုင်ငံတစ်နိုင်ငံ၏ စီးပွားရေးတိုးတက်မှု အခြေအနေများဖြစ်သည့်   ပြည်ပတင်ပို့မှု၊ တင်သွင်းမှုမျှတမှုများသည် နိုင်ငံ၏ စီးပွားရေးအပေါ် များစွာမူတည်သည်။ တင်ပို့မှု၊ တင်သွင်းမှုကွာဟချက် သို့မဟုတ် သွင်းကုန်သည် ပို့ကုန်ထက် များပြားနေပါက တိုင်းပြည်စီးပွားရေးတွင် Trade deficit အနုတ်လက္ခဏာကိုသာ  မြင်ရမည်ဖြစ်သည်။    မြေပေါ်မြေအောက်၊   ရေပေါ်ရေအောက်  သစ်တောသယံဇာတပေါများကြွယ်ဝသော    မြန်မာနိုင်ငံတွင် ခေတ်အဆက်ဆက် ပြည်ပပို့ကုန်ထက် ပြည်ပတင်သွင်းမှု ပမာဏများပြားလျက်ရှိသည်။ သို့သော်  အရေးကြီးကိစ္စရပ်များစွာနှင့်အတူ ပြုပြင်ပြောင်းလဲမှုများဖြင့် တည်ဆောက်နေသော အခြေအနေများတွင်  နိုင်ငံတော်အစိုးရအနေဖြင့် ရှေ့လုပ်ငန်းစဉ်များ၊ စီးပွားရေးနှင့်ပတ်သက်သည့် ဆက်စပ်စီးပွားရေးမူဝါဒများ ချမှတ်ပြီး အရှိန်အဟုန်ဖြင့် ကြိုးပမ်းဆောင်ရွက်လျက်ရှိသည်။ မြန်မာ့လူ့အဖွဲ့အစည်းရှိ လူမှုဘဝအများစု၏ ၉၉ ရာခိုင်နှုန်းခန့်သည် အသေးစား၊ အငယ်စားနှင့် အလတ်စား စီးပွားရေးလုပ်ငန်းအများစုအပေါ်တွင် ရပ်တည်နေရပြီး ၎င်းသည် နိုင်ငံစီးပွားရေးယန္တရားတွင် အဓိကမောင်းနှင်အားတစ်ခုဖြစ်သည်။ နိုင်ငံတော်၏ရှေ့လုပ်ငန်းစဉ်တွင် ပြည်သူများ၏လူမှုစီးပွားဘဝများ ဖွံ့ဖြိုးတိုးတက်စေရန် ရည်ရွယ်ထားပြီး ပြည်သူဗဟိုပြုဖွံ့ဖြိုးရေးလုပ်ငန်းများဖြင့် စားရေရိက္ခာဖူလုံရန်နှင့် တိုင်းပြည် သာယာဝပြောရေးကို ကြိုးပမ်းဆောင်ရွက်မည့် လုပ်ငန်းစဉ်များပါရှိသည်။MSME ဖွံ့ဖြိုးရေး ရည်ရွယ်ချက်များသည် ရေရှည်အာမခံချက်ရှိရန်နှင့်ကျွဲကူးရေပါဆိုသလို အလုပ်အကိုင်အခွင့်အလမ်းများစွာနှင့် ကျေးလက်ဒေသဖွံ့ဖြိုးတိုးတက်ရေးဖော်ဆောင်ပေးနိုင်မည့် လုပ်ငန်းစဉ်များဖြစ်သည်။ ထို့ကြောင့်  တိုင်းရင်းသားများပိုင် စိုက်ပျိုးမွေးမြူရေးကို  အခြေခံသည့်  ထုတ်ကုန်အမြောက်အမြားကို ခေတ်မီနည်းစနစ်များဖြင့် ထုတ်လုပ်ရန် ဆောင်ရွက်လျက်ရှိသည်ကို တွေ့မြင်ရမည်ဖြစ်သည်။    နိုင်ငံတော်၏စီးပွားရေးလုပ်ငန်းစဉ်များကို  လေ့လာကြည့်ပါက ပြည်သူတစ်ရပ်လုံး   စီးပွားရေးဖွံ့ဖြိုးတိုးတက်ပြီး မြို့ပြကျေးလက်ကွာဟမှုလျော့ပါးကာ  ဆင်းရဲမှုပပျောက်ရေးအတွက်   MSME  လုပ်ငန်းများအပေါ်  များစွာအခြေပြုထားကြောင်း တွေ့ရှိရမည်ဖြစ်သည်။ဈေးကွက်ခိုင်မာမှုစနစ်ကို ကိုယ်စားပြုခြင်းအသေးစား၊ အငယ်စားနှင့် အလတ်စား စီးပွားရေးလုပ်ငန်းများသည်  သုံးစွဲသူပြည်သူများကို ဗဟိုပြုသောလုပ်ငန်းများဖြစ်သည်။ လုပ်ငန်းများကောင်းမွန်စွာ လည်ပတ်နိုင်ရေးသုံးစွဲသူနှင့်   ထိတွေ့ဆက်ဆံခြင်းသည် ဈေးကွက်အတွင်းရှိ ကုန်စည်အရည်အသွေးကို စုံစမ်းခြင်းလည်းဖြစ်သည်။ ပြိုင်ဘက်ကောင်းများနှင့် တွေ့ဆုံခြင်းလည်းဖြစ်သည်။ အလားတူ မိမိ၏လုပ်ငန်း၊ ကုန်အမှတ်တံဆိပ်ကို တောက်ပလာအောင်  လုပ်ဆောင်ခြင်းနှင့်လည်းတူညီသည်။ အရောင်းမြှင့်တင်ခြင်း၊ ကြော်ငြာခြင်းဆိုင်ရာ  ဈေးကွက်ရှာဖွေသည့်လုပ်ငန်းများသည် မိမိကုန်ပစ္စည်းကို အာမခံခြင်းဖြစ်သည်။ ဝန်ဆောင်မှုလုပ်ငန်းသည်   တိုးတက်ပြောင်းလဲလျက် ရှိသည့် ခေတ်ကိုဆွဲဆောင်ခြင်းသာဖြစ်သည်။ ဥပမာအားဖြင့် ဆန်၊ ဆီ၊ ဆားအစ လူသုံးကုန်ပစ္စည်းများကို     ဖုန်းဖြင့်ဆက်သွယ်မှာယူနိုင်ပြီး အိမ်တိုင်ရာရောက် ပို့ဆောင်ပေးသည့် ဝန်ဆောင်မှုလုပ်ငန်းများ ပေါ်ပေါက်လာခြင်းဖြစ်သည်။ ဝယ်ယူသည့်ပစ္စည်းအပေါ် တာဝန်ခံမှု၊ တာဝန်ယူမှုဖြင့် အာမခံဆောင်ရွက်ပေးခြင်းသည် ဈေးကွက်ခိုင်မာမှုစနစ်ကို ကိုယ်စားပြုလာခြင်းဖြစ်သည်။ထို့ကြောင့် အသေးစား၊ အငယ်စားနှင့် အလတ်စား စီးပွားရေးလုပ်ငန်း အစီအစဉ်များတွင် စတင်လုပ်ကိုင်မည့်သူများကို လမ်းဖွင့်ကြိုဆိုကြရမည်ဖြစ်သည်။ ချေးငွေနှင့်အကူအညီရရှိရေး လမ်းပြကူညီကြရပါမည်။ အတွေ့အကြုံရင့်ကျက်သော လုပ်ငန်းတိုင်းတွင် မဟာဗျူဟာ၊ နည်းဗျူဟာလုပ်ငန်းအစီအစဉ်များရှိသကဲ့သို့ မတူညီသော လုပ်ငန်းအစီအစဉ်၊ မတူညီသော လုပ်ငန်းနယ်ပယ်များတွင် လုပ်ငန်းတစ်ခု ရေရှည်တည်တံ့ရေး  ရှုထောင့်ပေါင်းစုံမှ   စဉ်းစားဆောင်ရွက်ရလေ့ရှိသည်။ လုပ်ငန်းနှင့်   ရင်းနှီးမြှုပ်နှံခြင်းသည် အကျိုးအမြတ်ကို  ဖန်တီးပေးစွမ်းနိုင်သည်။ လုပ်ငန်းတစ်ခုသည် ဈေးကွက်နှင့်ဝန်းကျင်ကောင်းပေါ်တွင် တည်မှီနေခြင်းကြောင့် ခိုင်မာသောဈေးကွက်ကို ဖော်ဆောင်ကြရမည်ဖြစ်သည်။ လက်ရှိနိုင်ငံတော်က ချမှတ်ထားသည့် “နိုင်ငံတော်ရွှေသီးဖို့  ကုန်ထုတ်လုပ်မှုအားပေးစို့” ဟူသော ဆောင်ပုဒ်သည် အသေးစား၊ အငယ်စားနှင့်အလတ်စား စီးပွားရေး လုပ်ငန်းများအတွက် ပြည်တွင်းထုတ်ကုန်များကို တန်ဖိုးမြှင့်တင်ရန်နှင့် ပြည်ပမှီခိုမှုလျှော့ချရန် အသိပေးနေခြင်းဖြစ်ပြီး ဆောင်ပုဒ်အတိုင်း လုပ်ဆောင်သွားမည်ဆိုပါက နိုင်ငံတစ်ခုလုံး၏ စီးပွားရေးမှာ တိုးတက်လာမည်မှာ အမှန်ပင်ဖြစ်သည်။ အနှစ်ချုပ်ပါက အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ပိုမိုအားကောင်းလာပါက အလုပ်အကိုင် အခွင့်အလမ်းများ ပိုမိုဖန်တီးပေးနိုင်မည်ဖြစ်သည်။  အလုပ်အကိုင်အခွင့်အလမ်းများမှတစ်ဆင့် စီးပွားရေးသမားတစ်ယောက် ဖြစ်လာမည်ဖြစ်သည်။ တစ်နိုင်တစ်ပိုင် အိမ်တွင်းထုတ်လုပ်ငန်းများနှင့်  အသေးစား၊ အငယ်စားနှင့် အလတ်စား စီးပွားရေးလုပ်ငန်းများမှတစ်ဆင့် ပြည်တွင်းသာမက ပြည်ပ၌ပင် အသုံးချနိုင်သည့်  အရည်အသွေးမြင့်ထုတ်ကုန်များကို ထုတ်လုပ်လျက် နိုင်ငံတော်၏ အကျိုးစီးပွား၊ လူမှုစီးပွားဘဝ တိုးတက်ရေးကို ဖြည့်စွမ်းနိုင်မည်ဖြစ်သည်။သို့ဖြစ်ပါ၍ နိုင်ငံတော်၏ စီးပွားရေးဖွံ့ဖြိုးတိုးတက်စေရေး ဆန်းသစ်တီထွင်မှုများမှတစ်ဆင့် အသေးစား၊  အငယ်စားနှင့်အလတ်စား စီးပွားရေး(MSME)လုပ်ငန်းများကို အားပေးကူညီဆောင်ရွက်သွားရမည်ဖြစ်ပါကြောင်း  ရေးသားလိုက်ရပါသည်။     ။MWD

နိုင်ငံတစ်နိုင်ငံ၏ ဖွံ့ဖြိုးတိုးတက်မှုသည် ခိုင်မာပြတ်သားသောမူဝါဒများနှင့် လက်တွေ့ကျသော လမ်းညွှန်ချက်များအပေါ်တွင် များစွာတည်မှီနေသည်။ ၂၀၂၁ ခုနှစ် စက်တင်ဘာလမှ ၂၀၂၆ ခုနှစ် ဇန်နဝါရီလအထိ ကာလအတွင်း နိုင်ငံတော်အကြီးအကဲသည် တိုင်းဒေသကြီးနှင့် ပြည်နယ်အသီးသီးသို့ ကွင်းဆင်းကြည့်ရှုစစ်ဆေးလျက် ဒေသခံပြည်သူများ၏ လူမှုစီးပွားဘဝမြင့်မားရေးနှင့် နိုင်ငံတော်သစ်တည်ဆောက်ရေးအတွက် အဖိုးတန်သောမူဝါဒလမ်းညွှန်ချက်ပေါင်း (၅၃၄)ချက်ကို ချမှတ်ပေးခဲ့သည်။ကိန်းဂဏန်းများကပြောပြသော နိုင်ငံတော်တည်ဆောက်ရေးကြိုးပမ်းမှုလွန်ခဲ့သည့်ငါးနှစ်နီးပါးကာလအတွင်း နိုင်ငံတော်အကြီးအကဲ၏ လမ်းညွှန်ချက်များကိုလေ့လာကြည့်ပါက-•          ၂၀၂၁ ခုနှစ်မှ ၂၀၂၅ ခုနှစ်အတွင်း လမ်းညွှန်ချက်ပေါင်း  (၄၅၇) ချက်၊•          ၂၀၂၅ ခုနှစ် စက်တင်ဘာလမှ ၂၀၂၆  ခုနှစ် ဇန်နဝါရီလအထိ ငါးလတာကာလအတွင်း လမ်းညွှန်ချက် (၇၇)ချက်၊•          နှစ်အလိုက်လမ်းညွှန်ချက်များကိုကြည့်လျှင် ၂၀၂၃ ခုနှစ်တွင် (၁၄၅)ချက်ဖြင့် အများဆုံးဖြစ်ပြီး ၂၀၂၅ ခုနှစ်တွင် (၁၃၆)ချက်ဖြင့် နိုင်ငံတော်တည်ဆောက်ရေးကို အရှိန်အဟုန်မပျက် ဆောင်ရွက်ခဲ့သည်ကို တွေ့ရှိရသည်။စီးပွားရေးနှင့် စက်မှုမူဝါဒ - သွင်းကုန်အစားထိုးရေးမှသည် MSME မြှင့်တင်ရေးအထိနိုင်ငံတော်အကြီးအကဲ၏ စီးပွားရေးမူဝါဒတွင် “သွင်းကုန်အစားထိုးရေးနှင့် ပြည်တွင်းထုတ်ကုန်မြှင့်တင်ရေး(Import Substitution Policy)” မှာ အဓိကမဏ္ဍိုင်ဖြစ်သည်။•          MSME ကဏ္ဍ။ ကုန်ကြမ်း၊ သွင်းအားစု၊ အရင်းအနှီးနှင့် နည်းပညာဟူသော မဏ္ဍိုင်(၄)ရပ်ကို ဖြည့်ဆည်းပေးခြင်းဖြင့် တန်ဖိုးမြှင့်ထုတ်ကုန် (Value-added products) များထုတ်လုပ်ရန်  လမ်းညွှန်ခဲ့သည်။•          မဟာဗျူဟာမြောက်စက်မှုကဏ္ဍ။ နိုင်ငံတော်အတွက်မရှိမဖြစ်လိုအပ်သည့်  သံမဏိ၊  ဘိလပ်မြေနှင့် လျှပ်စစ်ဓာတ်အားပေးစက်ရုံများကို အစိုးရနှင့်ပုဂ္ဂလိက ကဏ္ဍနှစ်ရပ်လုံးက အောင်မြင်အောင်ဆောင်ရွက်ရန်အလေးထားခဲ့သည်။စိုက်ပျိုးရေးအခြေခံစက်မှုမြှင့်တင်ရေးနှင့် စွမ်းအင်မူဝါဒ“စားရေရိက္ခာ  ဖူလုံပိုလျှံရေး” ကို အမျိုးသားရေး   ရည်မှန်းချက်အဖြစ်သတ်မှတ်ကာ စိုက်ပျိုးရေးထွက်ကုန်များကို ကုန်ကြမ်းအတိုင်းရောင်းချခြင်းထက် ကုန်ချောအဖြစ်ပြောင်းလဲထုတ်လုပ်သည့် စိုက်ပျိုးရေးအခြေခံစက်မှုလုပ်ငန်းများ (Agrobased Industrialization) ပေါ်ထွန်းလာရေးကိုတွန်းအားပေးခဲ့သည်။စွမ်းအင်ကဏ္ဍတွင်လည်း ရုပ်ကြွင်းလောင်စာအပေါ် မှီခိုမှုလျှော့ချရန်အတွက် ရေအားလျှပ်စစ်အပြင် နေရောင်ခြည်စွမ်းအင် (Solar) နှင့် လေအား (Wind) တို့မှ လျှပ်စစ်ထုတ်လုပ်ရန်နှင့်လျှပ်စစ်ကား (EV) များအသုံးပြုရေးကို မဟာဗျူဟာမြောက် ဦးစားပေးဆောင်ရွက်ခဲ့သည်။လူသားအရင်းအမြစ်နှင့် လူမှုစီးပွားဘဝနိုင်ငံတော် ဖွံ့ဖြိုးတိုးတက်ရေးအတွက် ကျွမ်းကျင်လုပ်သားများမွေးထုတ်ပေးနိုင်ရန်  ဒေသအသီးသီးတွင်   စိုက်ပျိုးရေး၊ မွေးမြူရေးနှင့် စက်မှုနည်းပညာအထက်တန်းကျောင်းများ တွဲဖက်ဖွင့်လှစ်ရန်လမ်းညွှန်ခဲ့သည်။ ထို့ပြင် ပြည်သူများအတွက် ဈေးနှုန်းသက်သာပြီး အရည်အသွေးမီသောဆေးဝါးများ ထုတ်လုပ်နိုင်ရေးအတွက်  BPI  ဆေးဝါးစက်ရုံကို အဆင့်မြှင့်တင်ရန်မှာကြားခဲ့သည်။သဘာဝပတ်ဝန်းကျင်ထိန်းသိမ်းရေးရာသီဥတုပြောင်းလဲမှုကိုတုံ့ပြန်ရန်အတွက် မြို့ရွာများတွင် “Green Zone “ ဧရိယာများ သတ်မှတ်ဖော်ဆောင်ရန်နှင့် သစ်တောသယံဇာတများကို နောင်လာနောက်သားများအတွက် အမျိုးသားရေးတာဝန်အဖြစ် ထိန်းသိမ်းစောင့်ရှောက်ရန် လမ်းညွှန်ချက်များတွင် ထည့်သွင်းထားသည်။စိုက်ပျိုးရေးအခြေခံစက်မှုမြှင့်တင်ရေးမူဝါဒ၏ အနှစ်သာရမြန်မာနိုင်ငံသည် စိုက်ပျိုးရေးနိုင်ငံဖြစ်သည်နှင့်အညီ  “စားရေရိက္ခာဖူလုံပိုလျှံရေး” ကို အမျိုးသားရေး ရည်မှန်းချက်အဖြစ် ချမှတ်ထားပြီး စိုက်ပျိုးရေးကိုအခြေခံသည့် စက်မှုလုပ်ငန်းများပေါ်ထွန်းလာရေးကို အဓိကတွန်းအားပေး ဆောင်ရွက်လျက်ရှိသည်။အဓိကလမ်းညွှန်ချက်များနှင့် လုပ်ဆောင်ချက်များ•          စားရေရိက္ခာဖူလုံရေး  (Food Security)။ “စားရေရိက္ခာ” ကို အမျိုးသားရေးရည်မှန်းချက်အဖြစ်သတ်မှတ်ပြီး ဆန်၊ ဆီထွက်သီးနှံနှင့် အာလူးကဲ့သို့သောသီးနှံများကို ပန်းတိုင်အထွက်နှုန်းရရှိစေရန်နှင့် ကုန်ချောအဖြစ်ပြောင်းလဲထုတ်လုပ်ရန် လမ်းညွှန်ထားသည်။•          စားသုံးဆီဖူလုံရေး (Edible Oil Security)။ ပြည်ပမှ စားသုံးဆီတင်သွင်းမှုလျှော့ချနိုင်ရန် မြေပဲ၊ နှမ်းနှင့် နေကြာကဲ့သို့သော ဆီထွက်သီးနှံများကို တိုးချဲ့စိုက်ပျိုးရန်နှင့် ရှိပြီးသားဆီစက်များကို အဆင့်မြှင့်တင်ရန်အလေးပေးထားသည်။•          ဒေသအလိုက် အထူးပြုထုတ်ကုန်များ (Regionally Specialized Products)။ တိုင်းဒေသကြီးနှင့်ပြည်နယ်တစ်ခုချင်းစီ၏ ထူးခြားသောထွက်ကုန်များကိုအခြေခံသည့် စက်မှုလုပ်ငန်းများ ထူထောင်ရန်လမ်းညွှန်ထားသည်။ (ဥပမာ - ဟုမ္မလင်းမှ ရော်ဘာ၊ မိတ္ထီလာမှ ငရုတ်/ကြက်သွန်၊ တနင်္သာရီတိုင်းမှ အုန်း/ကော်ဖီ) ။•          စိုက်ပျိုးရေးနည်းပညာ (Agricultural Technology)။ မြေအသုံးချမှုအပြည့်အဝရရှိစေရန် ပက်ကြဲစနစ်အစား   တိုက်ရိုက်အစေ့ချစနစ်ကဲ့သို့သော ခေတ်မီနည်းစနစ်များအသုံးပြုရန်နှင့် သီးထပ်သီးညှပ်စိုက်ပျိုးရန်လိုအပ်ကြောင်း လမ်းညွှန်ထားသည်။•          ထုတ်ကုန်ကွင်းဆက်ချိတ်ဆက်မှု (Vertical Integration)။         စိုက်ပျိုးရေးမှ ထွက်ရှိလာသော ဘေးထွက်ပစ္စည်းများကို တိရစ္ဆာန်အစာအဖြစ် အသုံးပြု၍ မွေးမြူရေးလုပ်ငန်းများတိုးချဲ့ရန်နှင့် ထိုမှတစ်ဆင့် သားရေနှင့်အသားထွက် ကုန်ချောများထုတ်လုပ်ရန် လမ်းညွှန်ထားသည်။မူဝါဒ၏ အကျိုးသက်ရောက်မှုဤမူဝါဒသည် စိုက်ပျိုးရေးထွက်ကုန်များကို ကုန်ကြမ်းအတိုင်းရောင်းချခြင်းထက် တန်ဖိုးမြှင့်ကုန်ချော (Value-added) များအဖြစ် ပြောင်းလဲထုတ်လုပ်ခြင်းဖြင့် ပြည်တွင်းစီးပွားရေးကိုမြှင့်တင်ရန် ရည်ရွယ်ခြင်းဖြစ်သည်။ ၎င်းအပြင် စိုက်ပျိုးရေးမှထွက်ရှိသည့် ဘေးထွက်ပစ္စည်းများကို မွေးမြူရေးကဏ္ဍတွင် အကျိုးရှိရှိအသုံးပြုခြင်းဖြင့် ကဏ္ဍစုံဖွံ့ဖြိုးတိုးတက်မှုကိုဖော်ဆောင်ပေးသည်။စွမ်းအင်မူဝါဒနှင့်ပတ်သက်သည့် အသေးစိတ်အချက်အလက်များမှာ   အောက်ပါအတိုင်းဖြစ်သည် -ပြန်လည်ပြည့်ဖြိုးမြဲစွမ်းအင် (Renewable Energy)နိုင်ငံတော်၏ လျှပ်စစ်လိုအပ်ချက်ကို ပြည့်မီစေရန်နှင့် ဒေသတွင်း လျှပ်စစ်ဖူလုံစေရန်အတွက် အရင်းအမြစ်မျိုးစုံကို အသုံးပြုရန်လမ်းညွှန်ထားသည် -•          ရေအားလျှပ်စစ်။ အခြေခံလျှပ်စစ်ဓာတ်အားထုတ်လုပ်ရေးအတွက်အသုံးပြုရန်။•          နေရောင်ခြည်စွမ်းအင် (Solar)။ နေရောင်ခြည်မှတစ်ဆင့် လျှပ်စစ်ဓာတ်အားထုတ်လုပ်ရန်။•          လေအားလျှပ်စစ် (Wind)။ လေအားကိုအသုံးပြု၍ စွမ်းအင်ထုတ်လုပ်ရန်။     •          Gasifier စနစ်။ စပါးခွံသုံး Gasifier များမှတစ်ဆင့်   လျှပ်စစ်ထုတ်လုပ်ရန်။ရုပ်ကြွင်းလောင်စာသုံးစွဲမှုလျှော့ချရေး(Reducing Fossil Fuel Consumption)ပတ်ဝန်းကျင်ညစ်ညမ်းမှုကိုလျှော့ချရန်နှင့် ရေရှည်တည်တံ့သောသယ်ယူပို့ဆောင်ရေးကဏ္ဍဖော်ဆောင်ရန်အတွက် အောက်ပါတို့ကို ဦးစားပေးဆောင်ရွက်ရန်လမ်းညွှန်ခဲ့သည်-   •          လျှပ်စစ်ကား (EV)။ ရုပ်ကြွင်းလောင်စာသုံးစွဲမှုလျှော့ချရန် လျှပ်စစ်ကားများအသုံးပြုနိုင်ရေးကို မဟာဗျူဟာမြောက်ဆောင်ရွက်ရန်။•          လျှပ်စစ်ရထား။ ပြည်သူ့သယ်ယူပို့ဆောင်ရေးတွင် လျှပ်စစ်ရထားများအသုံးပြုနိုင်ရေးကို ဦးစားပေးရန်။နည်းပညာနှင့်ရေရှည်ဖွံ့ဖြိုးမှု•          နိုင်ငံတော်၏ အနာဂတ်အတွက် Solar နှင့် EV စနစ်များကို ဖော်ဆောင်ခြင်းသည် မဟာဗျူဟာမြောက် ဦးစားပေးကဏ္ဍဖြစ်သည်။•          နည်းပညာမြင့် စွမ်းအင်ကဏ္ဍများကို ဖော်ဆောင်ခြင်းဖြင့် နိုင်ငံတော်၏ အမျိုးသားအကျိုးစီးပွားကို ကာကွယ်မြှင့်တင်ရန်ရည်ရွယ်သည်။စိမ်းလန်းစိုပြည်ရေးမဟာဗျူဟာ (Greening Strategy)မြို့ရွာများသန့်ရှင်းသာယာလှပရေးနှင့် ရာသီဥတုမျှတစေရန်အတွက် လက်တွေ့ကျသောလုပ်ငန်းစဉ်များကို  လမ်းညွှန်ထားသည်-•          သစ်ပင်စိုက်ပျိုးခြင်း။ လမ်းဘေးဝဲယာနှင့် မြစ်ချောင်းများဘေးတွင် ဒေသအလိုက် အရိပ်ရလေကာပင်များနှင့် သစ်တောသစ်ပင်များကို စနစ်တကျစိုက်ပျိုးရန်။•          Green Zone သတ်မှတ်ခြင်း။ မြို့ရွာတိုင်းတွင် စိမ်းလန်းသောနယ်မြေ (Green Zone Area) များကို မဖြစ်မနေသတ်မှတ်ဖော်ဆောင်ရန်။သဘာဝသယံဇာတထိန်းသိမ်းရေး (Conservation of Natural Resources)နောင်လာနောက်သားများအတွက် သဘာဝအရင်းအမြစ်များကို အမျိုးသားရေးတာဝန်တစ်ရပ်အဖြစ်ထိန်းသိမ်းရန်လမ်းညွှန်ထားသည် -•          သစ်တောပြုန်းတီးမှုတားဆီးခြင်း။ သစ်တောများပြုန်းတီးမှုမရှိစေရေးအတွက် အလေးထား ဆောင်ရွက်ရန်။•          သယံဇာတစီမံခန့်ခွဲမှု။  မြေပေါ်မြေအောက်သယံဇာတများကို  ရေရှည်တည်တံ့သောဖွံ့ဖြိုးမှု (Sustainable Development) အတွက် စနစ်တကျထိန်းသိမ်းစောင့်ရှောက်ရန်။ဤလမ်းညွှန်ချက်များသည် သဘာဝသယံဇာတနှင့် လူသားအရင်းအမြစ်များကို အကျိုးရှိရှိပေါင်းစပ်အသုံးချကာ  ခေတ်မီဖွံ့ဖြိုး တိုးတက်သော နိုင်ငံတော်သစ်ဆီသို့တက်လှမ်းရာတွင် ပတ်ဝန်းကျင်ဂေဟစနစ်မပျက်စီးစေရန် ရည်ရွယ်ခြင်းဖြစ်သည်။မူဝါဒခြုံငုံသုံးသပ်ချက် (Policy Overview)၂၀၂၁ ခုနှစ်မှ ၂၀၂၆ ခုနှစ်အထိ နိုင်ငံတော်အကြီးအကဲ၏ လမ်းညွှန်မှာကြားချက်များကို  လေ့လာဆန်းစစ်ကြည့်ပါက “ပြည်တွင်းကုန်ထုတ်လုပ်မှုကို အခြေခံသည့် စီးပွားရေးမြှင့်တင်မှု”ကို  အဓိကမဏ္ဍိုင်အဖြစ်တွေ့ရှိရသည်။ သုံးသပ်ချက်အရ အဓိကအချက်များမှာ -•          စိုက်ပျိုးမွေးမြူရေးတန်ဖိုးမြှင့်ထုတ်ကုန်။ စိုက်ပျိုးရေးနှင့် မွေးမြူရေးထွက်ကုန်များကို ကုန်ကြမ်းအတိုင်းရောင်းချခြင်းထက် တန်ဖိုးမြှင့်ကုန်ချော (Value-added) ထုတ်လုပ်မည့် MSME လုပ်ငန်းများကို ဦးစားပေးရန် လမ်းညွှန်ခဲ့သည်။•          သွင်းကုန်အစားထိုးရေး။ ပြည်ပမှတင်သွင်းရသည့် ကုန်ပစ္စည်းများအစား ပြည်တွင်းဖြစ်များဖြင့် အစားထိုးရန်နှင့် နိုင်ငံတော်တည်ဆောက်ရေးအတွက် မရှိမဖြစ်လိုအပ်သော သံမဏိ၊ ဘိလပ်မြေတို့ကို ပြည်တွင်း၌ ကိုယ်တိုင်ထုတ်လုပ်ရန်လမ်းညွှန်ခဲ့သည်။•          မဟာဗျူဟာမြောက်ဦးစားပေးမှု။ ရေရှည်ဖွံ့ဖြိုးတိုးတက်မှုအတွက် လျှပ်စစ်ကဏ္ဍတွင် Solar နှင့် EV စနစ်များကို ဖော်ဆောင်ရန်နှင့် လူသားအရင်းအမြစ်အတွက် အသက်မွေးဝမ်းကျောင်းပညာရေးကို မြှင့်တင်ရန်လမ်းညွှန်ခဲ့သည်။•          MSME သည်အသက်သွေးကြော။ MSME ကဏ္ဍကို နိုင်ငံစီးပွားရေး၏ အဓိကမဏ္ဍိုင်အဖြစ်သတ်မှတ်ပြီး ကုန်ကြမ်း၊ သွင်းအားစု၊ အရင်းအနှီးနှင့် နည်းပညာများပြည့်စုံအောင် ဖြည့်ဆည်းပေးရန် အစဉ်တစိုက်လမ်းညွှန်ခဲ့သည်။နိဂုံးချုပ်အားဖြင့်  နိုင်ငံတော်အကြီးအကဲ၏လမ်းညွှန်မှာကြားချက်များသည် နိုင်ငံတော်၏စီးပွားရေးကို ခိုင်မာသည့် ပြည်တွင်း စီးပွားရေး အခြေခံကောင်းများဖြင့် ရပ်တည်နိုင်ရန်နှင့် ပြည်တွင်းကုန်ထုတ်လုပ်မှုကိုအခြေခံ၍ လူမှုစီးပွားဘဝ မြှင့်တင်ရန်ဟူသော မူဝါဒပေါင်းစပ်မှုကို ထင်ဟပ်လျက်ရှိသည်။ပြည်တွင်းရှိ ကြွယ်ဝသောသဘာဝသယံဇာတများနှင့် လူသားအရင်းအမြစ်များကို အကျိုးရှိရှိ ပေါင်းစပ်အသုံးချခြင်း၊ စိုက်ပျိုးရေးနှင့်မွေးမြူရေးကိုအခြေခံသည့် ခေတ်မီစက်မှုနိုင်ငံအဖြစ် အသွင်ကူးပြောင်းခြင်းနှင့် နည်းပညာမြင့် စွမ်းအင်ကဏ္ဍများကိုဖော်ဆောင်ခြင်းတို့ဖြင့် ခေတ်မီဖွံ့ဖြိုးတိုးတက်သော နိုင်ငံတော်သစ်ဆီသို့ အရှိန်အဟုန်ဖြင့် တက်လှမ်းနိုင်ရန်ရည်ရွယ်ချက်ဖြင့်    ထိရောက်စနစ်ကျစွာလမ်းညွှန်ခဲ့ခြင်းဖြစ်ကြောင်း သုံးသပ်တင်ပြအပ်ပါသည်။နိုင်ငံတော်အကြီးအကဲချမှတ်ပေးထားသော မူဝါဒလမ်းညွှန်ချက်များအား လက်တွေ့အကောင်အထည်ဖော်ဆောင်ရွက်ထားရှိမှု      အခြေအနေများကို နေပြည်တော်ရင်ပြင်၌ ကျင်းပသွားမည့် ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော်၌ ထုတ်ဖော်ပြသသွားမည်ဖြစ်ပါသဖြင့် မျက်ဝါးထင်ထင် မြင်တွေ့လေ့လာနိုင်စေရန်အလို့ငှာ ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော်သို့ ကြွလှမ်းခဲ့ကြပါရန်ဖိတ်ခေါ်အပ်ပါသည်။    ။MWD

နိုင်ငံတစ်နိုင်ငံ၏ဖွံ့ဖြိုးတိုးတက်မှုသည် ခိုင်မာပြတ်သားသောမူဝါဒများနှင့် လက်တွေ့ကျသော လမ်းညွှန်ချက်များအပေါ်တွင် များစွာတည်မှီနေပါသည်။ ၂၀၂၁ ခုနှစ် စက်တင်ဘာလမှ ၂၀၂၆ ခုနှစ် ဇန်နဝါရီလအထိ ကာလအတွင်း နိုင်ငံတော်အကြီးအကဲသည် တိုင်းဒေသကြီးနှင့် ပြည်နယ်အသီးသီးသို့ ကွင်းဆင်းကြည့်ရှုစစ်ဆေးလျက် ဒေသခံပြည်သူများ၏ လူမှုစီးပွားဘဝမြင့်မားရေးနှင့် နိုင်ငံတော်သစ်တည်ဆောက်ရေးအတွက် အဖိုးတန်သော မူဝါဒလမ်းညွှန်ချက်ပေါင်း (၅၃၄) ချက်ကို ချမှတ်ပေးခဲ့ပါသည်။ကိန်းဂဏန်းများက ပြောပြသော နိုင်ငံတော်တည်ဆောက်ရေး ကြိုးပမ်းမှုလွန်ခဲ့သည့် ၅ နှစ်နီးပါးကာလအတွင်း နိုင်ငံတော်အကြီးအကဲ၏ လမ်းညွှန်ချက်များကို လေ့လာကြည့်ပါက-- ၂၀၂၁ မှ ၂၀၂၅ ခုနှစ်အတွင်း လမ်းညွှန်ချက်ပေါင်း (၄၅၇) ချက်၊- ၂၀၂၅ စက်တင်ဘာမှ ၂၀၂၆ ဇန်နဝါရီအထိ (၅) လတာအတွင်း လမ်းညွှန်ချက် (၇၇) ချက်၊- နှစ်အလိုက် လမ်းညွှန်ချက်များကို ကြည့်လျှင် ၂၀၂၃ ခုနှစ်တွင် (၁၄၅) ချက်ဖြင့် အများဆုံးဖြစ်ပြီး ၂၀၂၅ ခုနှစ်တွင် (၁၃၆) ချက်ဖြင့် နိုင်ငံတော်တည်ဆောက်ရေးကို အရှိန်အဟုန်မပျက် ဆောင်ရွက်ခဲ့သည်ကို တွေ့ရှိရပါသည်။စီးပွားရေးနှင့် စက်မှုမူဝါဒ-သွင်းကုန်အစားထိုးရေးမှသည် MSME မြှင့်တင်ရေးအထိနိုင်ငံတော်အကြီးအကဲ၏ စီးပွားရေးမူဝါဒတွင် “သွင်းကုန် အစားထိုးရေးနှင့် ပြည်တွင်းထုတ်ကုန်မြှင့်တင်ရေး” (Import Substitution Policy) မှာ အဓိကမဏ္ဍိုင် ဖြစ်ပါသည်။- MSME ကဏ္ဍ။        ကုန်ကြမ်း၊ သွင်းအားစု၊ အရင်းအနှီးနှင့် နည်းပညာ ဟူသော မဏ္ဍိုင် (၄) ရပ်ကို ဖြည့်ဆည်းပေးခြင်းဖြင့် တန်ဖိုးမြှင့်ထုတ်ကုန် (Value-added products) များ ထုတ်လုပ်ရန် လမ်းညွှန်ခဲ့ပါသည်။- မဟာဗျူဟာမြောက် စက်မှုကဏ္ဍ။  နိုင်ငံတော်အတွက် မရှိမဖြစ်လိုအပ်သည့် သံမဏိ၊ ဘိလပ်မြေနှင့် လျှပ်စစ်ဓာတ်အား ပေးစက်ရုံများကို အစိုးရနှင့် ပုဂ္ဂလိကကဏ္ဍနှစ်ရပ်လုံးက အောင်မြင်အောင် ဆောင်ရွက်ရန် အလေးထားခဲ့ပါသည်။စိုက်ပျိုးရေးအခြေခံ စက်မှုမြှင့်တင်ရေးနှင့် စွမ်းအင်မူဝါဒ“စားရေရိက္ခာ ဖူလုံပိုလျှံရေး” ကို အမျိုးသားရေး ရည်မှန်းချက်အဖြစ် သတ်မှတ်ကာ စိုက်ပျိုးရေးထွက်ကုန်များကို ကုန်ကြမ်းအတိုင်းရောင်းချခြင်းထက် ကုန်ချောအဖြစ် ပြောင်းလဲထုတ်လုပ်သည့် စိုက်ပျိုးရေး အခြေခံစက်မှုလုပ်ငန်းများ (Agro-based Industrialization) ပေါ်ထွန်းလာရေးကို တွန်းအားပေးခဲ့ပါသည်။စွမ်းအင်ကဏ္ဍတွင်လည်း ရုပ်ကြွင်းလောင်စာအပေါ် မှီခိုမှုလျှော့ချ ရန်အတွက် ရေအားလျှပ်စစ်အပြင် နေရောင်ခြည်စွမ်းအင် (Solar)နှင့် လေအား (Wind)တို့မှ လျှပ်စစ်ထုတ်လုပ်ရန်နှင့် လျှပ်စစ်ကား (EV) များ အသုံးပြုရေးကို မဟာဗျူဟာမြောက် ဦးစားပေးဆောင်ရွက်ခဲ့ပါသည်။လူသားအရင်းအမြစ်နှင့် လူမှုစီးပွားဘဝနိုင်ငံတော်ဖွံ့ဖြိုးတိုးတက်ရေးအတွက် ကျွမ်းကျင်လုပ်သားများ မွေးထုတ်ပေးနိုင်ရန် ဒေသအသီးသီးတွင် စိုက်ပျိုးရေး၊ မွေးမြူရေးနှင့် စက်မှုနည်းပညာအထက်တန်းကျောင်းများ တွဲဖက်ဖွင့်လှစ်ရန် လမ်းညွှန်ခဲ့ပါသည်။ ထို့အပြင် ပြည်သူများအတွက် ဈေးနှုန်းသက်သာပြီး အရည်အသွေးပြည့်မီသောဆေးဝါးများ ထုတ်လုပ်နိုင်ရေးအတွက် BPI ဆေးဝါးစက်ရုံကို အဆင့်မြှင့်တင်ရန် မှာကြားခဲ့ပါသည်။သဘာဝပတ်ဝန်းကျင် ထိန်းသိမ်းရေးရာသီဥတုပြောင်းလဲမှုကို တုံ့ပြန်ရန်အတွက် မြို့ရွာများတွင် “Green Zone” ဧရိယာများ သတ်မှတ်ဖော်ဆောင်ရန်နှင့် သစ်တောသယံဇာတများကို နောင်လာနောက်သားများအတွက် အမျိုးသားရေးတာဝန်အဖြစ် ထိန်းသိမ်းစောင့်ရှောက်ရန် လမ်းညွှန်ချက်များတွင် ထည့်သွင်းထားပါသည်။စိုက်ပျိုးရေးအခြေခံ စက်မှုမြှင့်တင်ရေး မူဝါဒ၏ အနှစ်သာရမြန်မာနိုင်ငံသည် စိုက်ပျိုးရေးနိုင်ငံဖြစ်သည်နှင့်အညီ “စားရေရိက္ခာ ဖူလုံပိုလျှံရေး” ကို အမျိုးသားရေးရည်မှန်းချက်အဖြစ် ချမှတ်ထားပြီး စိုက်ပျိုးရေးကို အခြေခံသည့်စက်မှုလုပ်ငန်းများ ပေါ်ထွန်းလာရေးကို အဓိကတွန်းအားပေးဆောင်ရွက်လျက်ရှိပါသည်။အဓိကလမ်းညွှန်ချက်များနှင့် လုပ်ဆောင်ချက်များ- စားနပ်ရိက္ခာဖူလုံရေး (Food Security)။ “စားရေရိက္ခာ” ကို အမျိုးသားရေးရည်မှန်းချက်အဖြစ် သတ်မှတ်ပြီး ဆန်၊ ဆီထွက်သီးနှံနှင့် အာလူးကဲ့သို့သော သီးနှံများကို ပန်းတိုင်အထွက်နှုန်း ရရှိစေရန်နှင့် ကုန်ချောအဖြစ်ပြောင်းလဲထုတ်လုပ်ရန် လမ်းညွှန်ထားပါသည်။- စားသုံးဆီဖူလုံရေး (Edible Oil Security)။ ပြည်ပမှ စားသုံးဆီတင်သွင်းမှု လျှော့ချနိုင်ရန် မြေပဲ၊ နှမ်းနှင့် နေကြာကဲ့သို့သော ဆီထွက်သီးနှံများကို တိုးချဲ့စိုက်ပျိုးရန်နှင့် ရှိပြီးသားဆီစက်များကို အဆင့်မြှင့်တင်ရန် အလေးပေးထားပါသည်။- ဒေသအလိုက် အထူးပြုထုတ်ကုန်များ (Regionally Specialized Products)။ တိုင်းဒေသကြီးနှင့် ပြည်နယ်တစ်ခုချင်းစီ၏ ထူးခြားသောထွက်ကုန်များကို အခြေခံသည့် စက်မှုလုပ်ငန်းများ ထူထောင်ရန်လမ်းညွှန်ထားပါသည် (ဥပမာ - ဟုမ္မလင်းမှ ရော်ဘာ၊ မိတ္ထီလာမှ ငရုတ်/ကြက်သွန်၊ တနင်္သာရီတိုင်းမှ အုန်း/ကော်ဖီ)။- စိုက်ပျိုးရေးနည်းပညာ(Agricultural Technology)။ မြေ အသုံးချမှုအပြည့်အဝရရှိစေရန် ပက်ကြဲစနစ်အစား တိုက်ရိုက်အစေ့ချစနစ်ကဲ့သို့သော ခေတ်မီနည်းစနစ်များ အသုံးပြုရန်နှင့် သီးထပ်သီးညှပ် စိုက်ပျိုးရန်လိုအပ်ကြောင်း လမ်းညွှန်ထားပါသည်။- ထုတ်ကုန်ကွင်းဆက်ချိတ်ဆက်မှု (Vertical Integra-tion)။ စိုက်ပျိုးရေးမှ ထွက်ရှိလာသော ဘေးထွက်ပစ္စည်းများကို တိရစ္ဆာန်အစာအဖြစ် အသုံးပြု၍ မွေးမြူရေးလုပ်ငန်းများ တိုးချဲ့ရန်နှင့် ထိုမှတစ်ဆင့် သားရေနှင့်အသားထွက်ကုန် ကုန်ချောများ ထုတ်လုပ်ရန် လမ်းညွှန်ထားပါသည်။မူဝါဒ၏ အကျိုးသက်ရောက်မှုဤမူဝါဒသည် စိုက်ပျိုးရေးထွက်ကုန်များကို ကုန်ကြမ်းအတိုင်း ရောင်းချခြင်းထက် တန်ဖိုးမြှင့်ကုန်ချော (Value-added) များအဖြစ် ပြောင်းလဲထုတ်လုပ်ခြင်းဖြင့် ပြည်တွင်းစီးပွားရေးကို မြှင့်တင်ရန်ရည်ရွယ်ခြင်း ဖြစ်ပါသည်။ ၎င်းအပြင် စိုက်ပျိုးရေးမှ ထွက်ရှိသည့် ဘေးထွက်ပစ္စည်းများကို မွေးမြူရေးကဏ္ဍတွင် အကျိုးရှိရှိအသုံးပြုခြင်းဖြင့် ကဏ္ဍစုံဖွံ့ဖြိုးတိုးတက်မှုကို ဖော်ဆောင်ပေးပါသည်။စွမ်းအင်မူဝါဒနှင့်ပတ်သက်သည့် အသေးစိတ်အချက်အလက်များမှာ အောက်ပါအတိုင်း ဖြစ်ပါသည် -ပြန်လည်ပြည့်ဖြိုးမြဲစွမ်းအင် (Renewable Energy)နိုင်ငံတော်၏ လျှပ်စစ်လိုအပ်ချက်ကို ပြည့်မီစေရန်နှင့် ဒေသတွင်း လျှပ်စစ်ဖူလုံစေရန်အတွက် အရင်းအမြစ်မျိုးစုံကို အသုံးပြုရန် လမ်းညွှန်ထားပါသည် -- ရေအားလျှပ်စစ်။     အခြေခံလျှပ်စစ်ဓာတ်အားထုတ်လုပ်ရေးအတွက် အသုံးပြုရန်။- နေရောင်ခြည်စွမ်းအင် (Solar)။     နေရောင်ခြည်မှတစ်ဆင့် လျှပ်စစ်ဓာတ်အား ထုတ်လုပ်ရန်။- လေအားလျှပ်စစ် (Wind)။ လေအားကို အသုံးပြု၍ စွမ်းအင်ထုတ်လုပ်ရန်။- Gasifier စနစ်။        စပါးခွံသုံး Gasifier များမှတစ်ဆင့် လျှပ်စစ်ထုတ်လုပ်ရန်။ရုပ်ကြွင်းလောင်စာသုံးစွဲမှု လျှော့ချရေး(Reducing Fossil Fuel Consumption)ပတ်ဝန်းကျင်ညစ်ညမ်းမှုကို လျှော့ချရန်နှင့် ရေရှည်တည်တံ့သော သယ်ယူပို့ဆောင်ရေးကဏ္ဍ ဖော်ဆောင်ရန်အတွက် အောက်ပါတို့ကို ဦးစားပေးဆောင်ရွက်ရန် လမ်းညွှန်ခဲ့ပါသည်-- လျှပ်စစ်ကား(EV)။ ရုပ်ကြွင်းလောင်စာသုံးစွဲမှု လျှော့ချရန်လျှပ်စစ်ကားများ အသုံးပြုနိုင်ရေးကို မဟာဗျူဟာမြောက် ဆောင်ရွက်ရန်။- လျှပ်စစ်ရထား။       ပြည်သူ့သယ်ယူပို့ဆောင်ရေးတွင် လျှပ်စစ်ရထားများ အသုံးပြုနိုင်ရေးကို ဦးစားပေးရန်။နည်းပညာနှင့် ရေရှည်ဖွံ့ဖြိုးမှု- နိုင်ငံတော်၏ အနာဂတ်အတွက် Solar နှင့် EV စနစ်များကို ဖော်ဆောင်ခြင်းသည် မဟာဗျူဟာမြောက် ဦးစားပေးကဏ္ဍ ဖြစ်ပါသည်။- နည်းပညာမြင့် စွမ်းအင်ကဏ္ဍများကို ဖော်ဆောင်ခြင်းဖြင့် နိုင်ငံတော်၏ အမျိုးသား အကျိုးစီးပွားကို ကာကွယ်မြှင့်တင်ရန် ရည်ရွယ်ပါသည်။စိမ်းလန်းစိုပြည်ရေး မဟာဗျူဟာ (Greening Strategy)မြို့ရွာများ သန့်ရှင်းသာယာလှပရေးနှင့် ရာသီဥတု မျှတစေရန်အတွက် လက်တွေ့ကျသောလုပ်ငန်းစဉ်များကို လမ်းညွှန်ထားပါ သည်-- သစ်ပင်စိုက်ပျိုးခြင်း။          လမ်းဘေးဝဲယာနှင့် မြစ်ချောင်းများဘေးတွင် ဒေသအလိုက် အရိပ်ရလေကာပင်များနှင့် သစ်တော သစ်ပင်များကို စနစ်တကျ စိုက်ပျိုးရန်။- Green Zone သတ်မှတ်ခြင်း။ မြို့ရွာတိုင်းတွင် စိမ်းလန်း သောနယ်မြေ (Green Zone Area) များကို မဖြစ်မနေ သတ်မှတ်ဖော်ဆောင်ရန်။သဘာဝသယံဇာတ ထိန်းသိမ်းရေး (Conservation of Natural Resources)နောင်လာနောက်သားများအတွက် သဘာဝအရင်းအမြစ်များကို အမျိုးသားရေးတာဝန်တစ်ရပ်အဖြစ် ထိန်းသိမ်းရန် လမ်းညွှန်ထား ပါသည်-- သစ်တောပြုန်းတီးမှုတားဆီးခြင်း။   သစ်တောများ ပြုန်းတီးမှု မရှိစေရေးအတွက် အလေးထားဆောင်ရွက်ရန်။- သယံဇာတစီမံခန့်ခွဲမှု။ မြေပေါ်မြေအောက်သယံဇာတများကို ရေရှည်တည်တံ့သောဖွံ့ဖြိုးမှု (Sustainable Development) အတွက် စနစ်တကျထိန်းသိမ်းစောင့်ရှောက်ရန်။ဤလမ်းညွှန်ချက်များသည် သဘာဝသယံဇာတနှင့် လူသားအရင်း အမြစ်များကို အကျိုးရှိရှိ ပေါင်းစပ်အသုံးချကာ ခေတ်မီဖွံ့ဖြိုးတိုးတက်သော နိုင်ငံတော်သစ်ဆီသို့ တက်လှမ်းရာတွင် ပတ်ဝန်းကျင်ဂေဟစနစ်မပျက်စီးစေရန် ရည်ရွယ်ခြင်းဖြစ်ပါသည်။မူဝါဒခြုံငုံသုံးသပ်ချက် (Policy Overview)၂၀၂၁ ခုနှစ်မှ ၂၀၂၆ ခုနှစ်အထိ နိုင်ငံတော်အကြီးအကဲ၏ လမ်းညွှန်မှာကြားချက်များကို လေ့လာဆန်းစစ်ကြည့်ပါက “ပြည်တွင်းကုန်ထုတ်လုပ်မှုကို အခြေခံသည့် စီးပွားရေးမြှင့်တင်မှု” ကို အဓိကမဏ္ဍိုင်အဖြစ် တွေ့ရှိရပါသည်။ သုံးသပ်ချက်အရ အဓိကအချက်များမှာ -- စိုက်ပျိုးမွေးမြူရေး တန်ဖိုးမြှင့်ထုတ်ကုန်။ စိုက်ပျိုးရေးနှင့် မွေးမြူရေးထွက်ကုန်များကို ကုန်ကြမ်းအတိုင်းရောင်းချခြင်းထက် တန်ဖိုးမြှင့်ကုန်ချော (Value-added) ထုတ်လုပ်မည့် MSME လုပ်ငန်းများကို ဦးစားပေးရန်လမ်းညွှန်ခဲ့ပါသည်။- သွင်းကုန်အစားထိုးရေး။ ပြည်ပမှ တင်သွင်းရသည့်ကုန်ပစ္စည်းများအစား ပြည်တွင်းဖြစ်များဖြင့် အစားထိုးရန်နှင့် နိုင်ငံတော်တည်ဆောက်ရေးအတွက် မရှိမဖြစ်လိုအပ်သော သံမဏိ၊ ဘိလပ်မြေတို့ကို ပြည်တွင်း၌ ကိုယ်တိုင်ထုတ်လုပ်ရန် လမ်းညွှန်ခဲ့ပါသည်။- မဟာဗျူဟာမြောက် ဦးစားပေးမှု။   ရေရှည်ဖွံ့ဖြိုးတိုးတက်မှုအတွက် လျှပ်စစ်ကဏ္ဍတွင် Solar နှင့် EV စနစ်များကို ဖော်ဆောင်ရန်နှင့် လူသားအရင်းအမြစ်အတွက် အသက်မွေးဝမ်းကျောင်းပညာရေးကို မြှင့်တင်ရန် လမ်းညွှန်ခဲ့ပါသည်။- MSME သည် အသက်သွေးကြော။   MSME ကဏ္ဍကို နိုင်ငံစီးပွားရေး၏ အဓိကမဏ္ဍိုင်အဖြစ် သတ်မှတ်ပြီး ကုန်ကြမ်း၊ သွင်းအားစု၊ အရင်းအနှီးနှင့် နည်းပညာများ ပြည့်စုံအောင် ဖြည့်ဆည်းပေးရန် အစဉ်တစိုက်လမ်းညွှန်ခဲ့ပါသည်။နိဂုံးချုပ်အားဖြင့် နိုင်ငံတော်အကြီးအကဲ၏ လမ်းညွှန်မှာကြားချက်များသည် နိုင်ငံတော်၏ စီးပွားရေးကို ခိုင်မာသည့်ပြည်တွင်းစီးပွားရေး အခြေခံကောင်းများဖြင့် ရပ်တည်နိုင်ရန်နှင့် ပြည်တွင်းကုန်ထုတ်လုပ်မှုကို အခြေခံ၍ လူမှုစီးပွားဘဝမြှင့်တင်ရန်ဟူသော မူဝါဒပေါင်းစပ်မှုကို ထင်ဟပ်လျက်ရှိပါသည်။ပြည်တွင်းရှိ ကြွယ်ဝသော သဘာဝသယံဇာတများနှင့် လူသားအရင်းအမြစ်များကို အကျိုးရှိရှိ ပေါင်းစပ်အသုံးချခြင်း၊ စိုက်ပျိုးရေးနှင့်မွေးမြူရေးကို အခြေခံသည့် ခေတ်မီစက်မှုနိုင်ငံအဖြစ် အသွင်ကူးပြောင်းခြင်းနှင့် နည်းပညာမြင့် စွမ်းအင်ကဏ္ဍများကို ဖော်ဆောင်ခြင်းတို့ဖြင့် ခေတ်မီဖွံ့ဖြိုးတိုးတက်သော နိုင်ငံတော်သစ်ဆီသို့ အရှိန်အဟုန်ဖြင့် တက်လှမ်းနိုင်ရန် ရည်ရွယ်ချက်ဖြင့် ထိရောက်စနစ်ကျစွာ လမ်းညွှန်ခဲ့ခြင်းဖြစ်ကြောင်း သုံးသပ်တင်ပြအပ်ပါသည်။နိုင်ငံတော်အကြီးအကဲ ချမှတ်ပေးထားသော မူဝါဒလမ်းညွှန်ချက်များအား လက်တွေ့အကောင်အထည်ဖော် ဆောင်ရွက်ထားရှိမှုအခြေအနေများကို နေပြည်တော်ရင်ပြင်၌ ကျင်းပပြုလုပ်သွားမည့် ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော်၌ ထုတ်ဖော်ပြသသွားမည်ဖြစ်ပါသဖြင့် မျက်ဝါးထင်ထင် မြင်တွေ့လေ့လာနိုင်စေရန်အလို့ငှာ ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော်သို့ ကြွလှမ်းခဲ့ကြပါရန် ဖိတ်ခေါ်အပ်ပါသည်။ကိုးကား-       ဒေါက်တာမြရည်မွန်၏ “နိုင်ငံတော်အကြီးအကဲ၏ မူဝါဒဆိုင်ရာ လမ်းညွှန်မှာကြားချက်များ အနှစ်ချုပ်အစီရင်ခံစာ (၂၀၂၁ - ၂၀၂၆)”moi