ကျောက်ဆည်ခရိုင်အားကစားကွင်း၌ လွတ်လပ်ရေးနေ့အထိမ်းအမှတ် အားကစားပြိုင်ပွဲများ စည်ကား သိုက်မြိုက်စွာ ကျင်းပ၊ ဆုများချီးမြှင့်

KookieSpace97

News Image

  • ကျောက်ဆည်ခရိုင်အားကစားကွင်း၌ လွတ်လပ်ရေးနေ့အထိမ်းအမှတ် အားကစားပြိုင်ပွဲများ စည်ကား သိုက်မြုက်စွာ ကျင်းပ၊ ဆုများချီးမြှင့်

ကျောက်ဆည်  ဇန်နဝါရီ ၄

မန္တလေးတိုင်းဒေသကြီး၊ ကျောက်ဆည်ခရိုင် အားကစားကွင်း၌  ၂၀၂၆ ခုနှစ် (၇၈)နှစ် မြောက် လွတ်လပ်ရေးနေ့ အထိမ်းအမှတ် အားကစားပြိုင်ပွဲများကို နံနက် ၈ နာရီက စတင်၍ စည်ကား သိုက်မြိုက်စွာ ကျင်းပခဲ့ပြီး ထူးချွန်သူ များအား ဆုများချီးမြှင့်ခဲ့ကြောင်း သိရ သည်။ 

အားကစားပြိုင်ပွဲများကို ကျောက်ဆည်ခရိုင် စီမံခန့်ခွဲရေးနှင့်အုပ်ချုပ်ရေးကော်မတီ၏ ဦးဆောင်မှုဖြင့် ခရိုင် အားကစားနှင့် ကာယပညာဦးစီးဌာန၊ မြို့နယ်အခြေခံပညာဦးစီးဌာနတို့ ပူးပေါင်း၍ အမျိုးသား/ အမျိုးသမီး မီတာ ၁၀၀၊ ဂုန်နီအိတ်စွပ်၊ ပူးပေါင်းဖောက်၊ လွန်ဆွဲပြိုင်ပွဲများနှင့် အမျိုးသား ခေါင်းအုံးရိုက်၊ အမျိုးသမီး ထုပ်ဆီးထိုး၊ အာလူးကောက် ပြိုင်ပွဲများကျင်းပခဲ့ခြင်းဖြစ်ကြောင်း၊ ပြိုင်ပွဲများတွင် အခြေခံပညာကျောင်းများမှ ကျောင်းသား၊ ကျောင်းသူများ၊ ပြည်သူများ ပျော်ရွှင်စွာ ပါဝင်ယှဉ်ပြိုင်ခဲ့ကြောင်း သိရသည်။

ပြိုင်ပွဲများအပြီးတွင် ကျောက်ဆည်ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ဦးဇော်ဟိန်းအောင်၊ ခရိုင် အားကစားနှင့် ကာယပညာဦးစီးဌာနမှ ဦးစီးမှူး ဒေါ်မြင့်မြင့်ထူးနှင့်တာဝန်ရှိသူများက ဆုများ အသီးသီး ချီးမြှင့်ခဲ့ ကြောင်း သိရသည်။

သက်မောင် (ကျောက်ဆည်)

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ပရီးမီးယားလိဂ်ပြိုင်ပွဲ စပိန်လာလီဂါပြိုင်ပွဲနှင့် အီတလီစီးရီးအေပြိုင်ပွဲများ ပွဲကြိုသုံးသပ်ချက်
ပရီးမီးယားလိဂ်ပြိုင်ပွဲ စပိန်လာလီဂါပြိုင်ပွဲနှင့် အီတလီစီးရီးအေပြိုင်ပွဲများ ပွဲကြိုသုံးသပ်ချက်
ဝက်စ်ဟမ်း Vs အာဆင်နယ် ကစားမည့် ရက် / အချိန်(၁၀-၅-၂၀၂၆ ရက် ည ၁၀:၀၀နာရီ)နောက်ဆုံးသုံးပွဲတွေ့ဆုံမှုရလဒ်            အာဆင်နယ်     ၂          -           ၀          ဝက်စ်ဟမ်း            အာဆင်နယ်     ၀          -           ၁          ဝက်စ်ဟမ်း            ဝက်စ်ဟမ်း       ၂          -           ၅          အာဆင်နယ်နောက်ဆုံးသုံးပွဲ အနိုင်၊ အရှုံးအခြေအနေဝက်စ်ဟမ်း       ဝေး(သရေ)       အိမ်(နိုင်)          ဝေး(သရေ)အာဆင်နယ်     ဝေး(သရေ)       အိမ်(နိုင်)          အိမ်(နိုင်)ခန့်မှန်းရလဒ်ဝက်စ်ဟမ်း ၁ - ၂ အာဆင်နယ်ဝက်စ်ဟမ်းအသင်းက  တန်းဆင်းဇုန်ထဲရောက်နေလို့      ရမှတ်လိုအပ်ချက်ရှိနေတယ်ဆိုပေမယ့် ခြေစွမ်းပိုင်းက မတည်မငြိမ် ဖြစ်နေဆဲဖြစ်ပြီး ရလဒ်ပိုင်း အတက်အကျမြန်နေပါတယ်။       ဝက်စ်ဟမ်းအသင်းက    ပြီးခဲ့တဲ့ ဘရန့်ဖို့ဒ်အသင်းနဲ့ပွဲစဉ်မှာ ရှုံးနိမ့်ပြီးတော့   တန်းဆင်းဇုန်မှာ အတူတူရုန်းကန်နေရတဲ့ စပါးအသင်းကို ရမှတ်ဖြတ်တောက်နိုင်မယ့် အခွင့်အရေးလွဲချော်ခဲ့တဲ့အပြင် တန်းဆင်းဇုန်ထဲကို   ပြန်လည်ရောက်ခဲ့ရပါတယ်။  ဝက်စ်ဟမ်းအသင်းရဲ့ ဒီဘောလုံးရာသီ     လိဂ်အိမ်ကွင်းစွမ်းဆောင်ရည် ပိုင်းကို      ကြည့်မယ်ဆိုရင်   ၁၇ ပွဲကစားပြီးချိန်မှာ ငါးပွဲအနိုင်ရရှိပြီး    လေးပွဲသရေရလဒ်နဲ့   ရှစ်ပွဲ ရှုံးနိမ့်ထားလို့ ခြေစွမ်းပိုင်းက အားရစရာ မကောင်း တာကို တွေ့ရမှာပါ။ ဝက်စ်ဟမ်းအသင်းခံစစ်ပိုင်းကလည်း ပွဲစဉ်တိုင်းနီးပါးဂိုးပေးခဲ့ရတဲ့အထိ ကျဆင်းနေလို့ အာဆင်နယ်အသင်းတိုက်စစ်ပိုင်းကို ထိန်းချုပ် ရခက်ခဲမှာပါ။ချန်ပီယံဆုအတွက် မန်စီးတီးအသင်းနဲ့ အားပြိုင်နေရတဲ့ အာဆင်နယ်အသင်းက   လက်ကျန်ပွဲစဉ် အားလုံး အနိုင်ရလဒ် လိုအပ်နေပါတယ်။ အာဆင်နယ်အသင်းက    မန်စီးတီးအသင်းကိုရှုံးနိမ့်ပြီးနောက် နှစ်ပွဲဆက်နိုင်ပွဲပြန်ရယူနိုင်ခဲ့ကာ ချန်ပီယံဆု အတွက် မန်စီးတီးအသင်းထက်   အခြေအနေကောင်းတစ် ရပ်ကိုပိုင်ဆိုင်နေပါတယ်။   အာဆင်နယ်အသင်း ချန်ပီယံဆုအတွက်ဆိုရင်       လက်ကျန်သုံးပွဲမှာ သရေရလဒ်တောင်ထွက်ပေါ်လို့မရဘဲ   ပွဲစဉ်တိုင်း အနိုင်ရရှိမှသာဆွတ်ခူးနိုင်မှာ ဖြစ်လို့        အမှားခံ မှာမဟုတ်ပါဘူး။    ဒါပေမဲ့    ပြိုင်ဘက်အသင်းက လန်ဒန်မြို့ခံပြိုင်ဘက်အသင်းဖြစ်သလို တန်းဆင်း ဇုန်ဖိအားရှိနေတဲ့ အသင်းဖြစ်လို့     အလွယ်တကူ အသာစီးရယူဖို့အတွက်ခက်ခဲနေမှာပါ။ အာဆင်နယ် အသင်းရဲ့    အဝေးကွင်းခြေစွမ်းပိုင်းကိုကြည့်မယ် ဆိုရင်လည်း  ၁၇ ပွဲမှာ ကိုးပွဲနိုင်၊  ငါးပွဲသရေ၊ သုံးပွဲ ရှုံးရလဒ်ရရှိထားပြီး    အဝေးကွင်းစွမ်းဆောင်ရည်ပိုင်း အကောင်းဆုံးအသင်းအဖြစ် ရပ်တည်နေတာကို တွေ့ရမှာပါ။ဒီနှစ်သင်းကြား  ထိပ်တိုက်တွေ့ဆုံမှုအပိုင်းမှာတော့ အာဆင်နယ်အသင်းက ၂၂ ကြိမ်  အနိုင်ရရှိ ထားပါတယ်။  ဝက်စ်ဟမ်းအသင်းက ငါးကြိမ်အနိုင်ရရှိ ပြီး လေးကြိမ်သရေရလဒ်ထွက်ပေါ်ထားလို့ အာဆင်နယ်အသင်းက   အသာစီးမှာရှိနေသလို   လက်ရှိ ခြေစွမ်းပိုင်းအရ ဒီပွဲမှာ အာဆင်နယ်အသင်းပဲ အနိုင် ရယူသွားမှာပါ။ ဘာစီလိုနာ ‌Vs ရီးယဲလ်မက်ဒရစ်ကစားမည့် ရက် / အချိန်(၁၁-၅-၂၀၂၆ ရက် နံနက် ၁:၃၀နာရီ)နောက်ဆုံးသုံးပွဲတွေ့ဆုံမှုရလဒ်            ဘာစီလိုနာ       ၃          -           ၂          ရီးယဲလ်မက်ဒရစ်            ရီးယဲလ်မက်ဒရစ်          ၂          -           ၁          ဘာစီလိုနာ            ဘာစီလိုနာ       ၄          -           ၃          ရီးယဲလ်မက်ဒရစ်နောက်ဆုံးသုံးပွဲ အနိုင်၊ အရှုံးအခြေအနေဘာစီလိုနာ        အိမ်(နိုင်)           ဝေး(နိုင်)           ဝေး(နိုင်)ရီးယဲလ်မက်ဒရစ် အိမ်(နိုင်) ဝေး(သရေ) ဝေး(နိုင်)ခန့်မှန်းရလဒ်ဘာစီလိုနာ ၃ - ၁ ရီးယဲလ်မက်ဒရစ်‌အခုပွဲစဉ်မှာ သရေရလဒ်ရရှိမယ်ဆိုရင်တောင် ချန်ပီယံဆုဆွတ်ခူးနိုင်မှာဖြစ်တဲ့ ဘာစီလိုနာအသင်း က  အခါးသီးဆုံးပြိုင်ဘက် ရီးယဲလ်မက်ဒရစ်အသင်း နဲ့ပွဲစဉ်အပြီး  ချန်ပီယံဆုအတွက် အောင်ပွဲခံဖို့ အိမ် ကွင်းမှာ အကောင်းဆုံးပြင်ဆင်လာမှာပါ။ နောက် ဆုံးကစားခဲ့တဲ့ငါးပွဲဆက် နိုင်ပွဲရယူထားပြီး     ပုံစံ ကောင်းရှိနေတဲ့ ဘာစီလိုနာအသင်းက  အိမ်ကွင်းမှာ ရီးယဲလ်မက်ဒရစ်အသင်းကို  အကောင်းဆုံးဖိအားပေးကစားနိုင်မှာပါ။ ဘာစီလိုနာအသင်းရဲ့ ဒီဘောလုံး ရာသီ လိဂ်အိမ်ကွင်း ၁၇ ပွဲကစားပြီးချိန်မှာ ၁၇ ပွဲ စလုံးအနိုင်ရရှိခဲ့တဲ့အထိ  ရာနှုန်းပြည့်နိုင်ပွဲရယူထားပါတယ်။ ဘာစီလိုနာအသင်းတိုက်စစ်ပိုင်းကလည်း နောက်ပိုင်းပွဲစဉ်တွေမှာ ဂိုးသွင်းအားကောင်းနေလို့ လိုအပ်ချက်တွေရှိနေတဲ့ ရီးယဲလ်မက်ဒရစ်အသင်း ခံစစ်ပိုင်းကို   အကောင်းဆုံးဖိအားပေးကစားနိုင်ပါ လိမ့်မယ်။  ဘာစီလိုနာအသင်းရဲ့ တိုက်စစ်ပိုင်းက အိမ်ကွင်း ၁၇ ပွဲမှာ    ၅၂ ဂိုးသွင်းယူနိုင်ခဲ့တဲ့အထိ ထက်မြက်မှု ရှိနေတာတွေ့ရမှာပါ။ရီးယဲလ်မက်ဒရစ်အသင်းကတော့ နောက်ပိုင်း ပွဲစဉ်တွေမှာ ခြေစွမ်းပိုင်းမတည်ငြိမ်မှုတွေကြောင့် ရလဒ်ပိုင်းတွေဆိုးရွားနေသလို ပြီးခဲ့တဲ့ ရက်ပိုင်းမှာ လည်း အသင်းကစားသမားတွေကြား အချင်းများ မှုတွေရှိနေကာ ကွင်းပြင်ပမှာပြဿနာတွေတက်နေ ပါတယ်။ လက်ရှိ ရီးယဲလ်မက်ဒရစ်အသင်းခြေစွမ်း ပိုင်းကလည်း ဘာစီလိုနာအသင်းကို ပွဲချိန်ပြည့်ထိန်း ချုပ်ကစားနိုင်ဖို့အတွက် လိုအပ်ချက်ရှိနေမှာအမှန် ပါပဲ။ ရီးယဲလ်မက်ဒရစ်အသင်းက နောက်ဆုံးကစား ခဲ့တဲ့ ငါးပွဲမှာ နှစ်ပွဲသာအနိုင်ရရှိခဲ့တဲ့အထိ တည်ငြိမ်မှု အားနည်းနေတာကို တွေ့ရမှာပါ။  ဒီဘောလုံးရာသီ ရီးယဲလ်မက်ဒရစ်အသင်းရဲ့         လိဂ်အဝေးကွင်း စွမ်းဆောင်ရည်ပိုင်းကို ကြည့်မယ် ဆိုရင် ၁၇ ပွဲမှာ ၁၀  ပွဲနိုင်၊ လေးပွဲသရေရလဒ်နဲ့  သုံးပွဲရှုံးနိမ့်ခဲ့တာ ကိုတွေ့ရမှာပါ။ဒီနှစ်သင်းကြား ထိပ်တိုက်တွေ့ဆုံမှုအပိုင်းကို ကြည့်မယ်ဆိုရင်   ဘာစီလိုနာအသင်းက ၂၈ ကြိမ် အနိုင်ရရှိထားပါတယ်။  ရီးယဲလ်မက်ဒရစ်အသင်းက ၂၁ ကြိမ်အနိုင်ရရှိပြီး ၁၀ ကြိမ်  သရေရလဒ်ထွက်ပေါ် ထားလို့  ကွာခြားမှုသိပ်မရှိဘူးဆိုပေမယ့် လက်ရှိ ခြေစွမ်းပိုင်းအရရော အိမ်ရှင်အားသာချက်ပါရှိနေတဲ့ ဘာစီလိုနာအသင်းပဲ အနိုင်ရယူပြီး ချန်ပီယံဆုဆွတ် ခူးနိုင်ပါလိမ့်မယ်။   ကစားမည့် ရက် / အချိန်(၁၁-၅-၂၀၂၆ ရက် နံနက် ၁:၁၅ နာရီ)နောက်ဆုံးသုံးပွဲတွေ့ဆုံမှုရလဒ်            အတ္တလန္တာ       ၁          -           ၁          အေစီမီလန်            အေစီမီလန်      ၀          -           ၁          အတ္တလန္တာ            အတ္တလန္တာ       ၂          -           ၁          အေစီမီလန်နောက်ဆုံးသုံးပွဲ အနိုင်၊ အရှုံးအခြေအနေအေစီမီလန်      ဝေး(နိုင်)          အိမ်(သရေ)      ဝေး(ရှုံး)အတ္တလန္တာ       အိမ်(သရေ)      ဝေး(ရှုံး)            အိမ်(သရေ)ခန့်မှန်းရလဒ်အေစီမီလန် ၂ - ၁ အတ္တလန္တာပြီးခဲ့တဲ့ပွဲစဉ်မှာရှုံးပွဲတွေ့ကြုံခဲ့တဲ့ အေစီမီလန် အသင်းအနေနဲ့   ချန်ပီယံလိဂ်ပြိုင်ပွဲဝင်ခွင့်နေရာ အတွက် စိုးရိမ်စရာဖြစ်လာလို့    အခုအိမ်ကွင်းပွဲစဉ် မှာတော့   နိုင်ပွဲပြန်လည်ရယူနိုင်အောင်   သေချာ ပြင်ဆင်လာပါလိမ့်မယ်။ အေစီမီလန်အသင်းက အဆင့်(၃)နေရာမှာ  ရပ်တည်နေတယ်ဆိုပေမယ့် အဆင့်(၅)နေရာက ရိုးမားအသင်းနဲ့ ရမှတ်ကွာဟမှု က သုံးမှတ်တည်းသာရှိနေလို့ ရလဒ်တွေဆက်တိုက် ဆိုးရွားနေမယ်ဆိုရင်  ချန်ပီယံလိဂ်ပြိုင်ပွဲဝင်ခွင့်နဲ့ လွဲချော်နိုင်လို့   လက်ကျန်ပွဲစဉ်တွေကို  သေချာ ပြင်ဆင်ကစားလာပါလိမ့်မယ်။    ဒီဘောလုံးရာသီ အေစီမီလန်အသင်းရဲ့ လိဂ်အိမ်ကွင်းစွမ်းဆောင်ရည် ပိုင်းမှာတော့     ၁၇ ပွဲကစားပြီးချိန်မှာ   ကိုးပွဲနိုင်၊ ငါးပွဲသရေ၊ သုံးပွဲရှုံးရလဒ်ရရှိထားလို့ အိမ်ကွင်းစွမ်း ဆောင်ရည်ပိုင်းကတော့  ကောင်းမွန်တဲ့အထဲပါနေ ပါတယ်။   အေစီမီလန်အသင်းအတွက်  အခုပွဲစဉ်မှာ သာအနိုင်ရရှိမယ်ဆိုရင်   ချန်ပီယံလိဂ်ပြိုင်ပွဲဝင်ခွင့် အတွက်  အတော်လေး အခြေအနေကောင်းမှာဖြစ်လို့     အိမ်ကွင်းမှာ  ရမှတ်ပြည့်ရယူနိုင်ဖို့ အမှားခံ မှာမဟုတ်ပါဘူး။အတ္တလန္တာအသင်းကတော့ နောက်ဆုံးကစားခဲ့တဲ့  ငါးပွဲဆက်နိုင်ပွဲပျောက်ဆုံးနေပြီး သုံးပွဲသရေ ရလဒ်နဲ့ နှစ်ပွဲရှုံးနိမ့်ခဲ့ပြီး ခြေစွမ်းပိုင်းအတော်လေး ဆိုးရွားနေတာကို တွေ့ရမှာပါ။ အတ္တလန္တာအသင်း အတွက်    ဥရောပဝင်ခွင့်တစ်နေရာရရှိဖို့ကလည်း       မျှော်လင့်ချက်နည်းပါးနေပြီဖြစ်လို့  လက်ကျန်ပွဲစဉ် တွေမှာ ဖိအားမရှိရင်ဆိုင်ရမှာပါ။ အတ္တလန္တာအသင်း ရဲ့  ဒီဘောလုံးရာသီလိဂ် အဝေးကွင်း   စွမ်းဆောင် ရည်ပိုင်းကို ကြည့်မယ်ဆိုရင်  ၁၇ ပွဲမှာ ငါးပွဲအနိုင်ရရှိ ပြီး ခုနစ်ပွဲသရေရလဒ်နဲ့ ငါးပွဲရှုံးနိမ့်ထားလို့ အဝေး ကွင်းဆိုရင် ခြေစွမ်းပိုင်းက စိတ်ချလို့မရပါဘူး။ ဒါ့ပြင် အတ္တလန္တာအသင်းခံစစ်ပိုင်းကလည်း       နောက်ပိုင်း ပွဲစဉ်တွေမှာ   အမှားအယွင်းတွေများနေပြီး ပေးဂိုး တွေများနေလို့ အေစီမီလန်အသင်းတိုက်စစ်ပိုင်းကို ပွဲချိန်ပြည့်ထိန်းချုပ်နိုင်ဖို့အတွက်   လိုအပ်ချက်တွေ ရှိနေမှာ အမှန်ပါပဲ။   အတ္တလန္တာအသင်းအတွက်        တန်းဆင်းဇုန်ဖိအားလည်းမရှိတော့ လက်ကျန်ပွဲစဉ် တွေမှာ    သူတို့အတွက် ရလဒ်ပိုင်းက အရေးမကြီး တော့ပါဘူး။ဒီနှစ်သင်းကြား ထိပ်တိုက်တွေ့ဆုံမှုအပိုင်းကို ကြည့်မယ်ဆိုရင်   အေစီမီလန်အသင်းက ၁၀  ကြိမ် အနိုင်ရရှိထားပါတယ်။   အတ္တလန္တာအသင်းက ၁၁ ကြိမ်အနိုင်ရရှိပြီး   ကိုးကြိမ်သရေရလဒ်ထွက်ပေါ် ထားလို့ တွေ့ဆုံမှုပိုင်းကွာခြားမှုမရှိပါဘူး။ ဒါပေမဲ့လက်ရှိခြေစွမ်းပိုင်းနဲ့   ရမှတ်လိုအပ်ချက်ရှိနေတဲ့ အေစီမီလန်အသင်းပဲ အိမ်ကွင်းမှာအနိုင်ရမှာသေချာ ပါတယ်။စည်သူအောင်MWD
Sun, 10-May-2026
MFF U16/U19 Youth Futsal League 2026 ဖွင့်ပွဲကျင်းပ (ရန်ကုန်)
MFF U16/U19 Youth Futsal League 2026 ဖွင့်ပွဲကျင်းပ (ရန်ကုန်)
MFF U16/U19 Youth Futsal League 2026 ဖွင့်ပွဲကို ယနေ့နံနက်ပိုင်းတွင် ရန်ကုန်မြို့ MFF Futsal Stadium (သုဝဏ္ဏ)၌ ကျင်းပသည်။ဦးစွာ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူက အထောက်အကူပြု ဘောလုံးများကို ပေးအပ်ကာ ပြိုင်ပွဲအား ဖွင့်လှစ်ပေးသည်။ ထို့နောက် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က Football For Schools Program အတွက် ဘောလုံး ၅၀၀၀ ကို ပေးအပ်လှူဒါန်းသည်။ယင်းနောက် MFF U16/U19 Youth Futsal League 2026 ၏ ပထမပွဲစဉ်အဖြစ် YCDC Dream Team FC အသင်းနှင့် YRG FC အသင်းတို့ ယှဉ်ပြိုင်ကစားနေမှုကို ကြည့်ရှုအားပေးကြသည်။အဆိုပါ MFF U16/U19 Youth Futsal League 2026 ကို ပြိုင်ပွဲဝင်အသင်း ၂၄ သင်း၊ ပြိုင်ပွဲဝင်အားကစားသမား ၃၃၆ ဦးဖြင့် မေလ ၉ ရက်မှ အောက်တိုဘာလ ၄ ရက်အထိ ယှဉ်ပြိုင်ကစားသွားမည်ဖြစ်ကြောင်း သိရသည်။ဇွဲထက်ကို (ပြန်/ဆက်)MWD
Sun, 10-May-2026
ဂျပန်နိုင်ငံ၌ ယခုနှစ်အတွင်း ဝက်သက်ရောဂါဖြစ်ပွားသူဦးရေ ၄၀၀ ကျော်ရှိလာ
ဂျပန်နိုင်ငံ၌ ယခုနှစ်အတွင်း ဝက်သက်ရောဂါဖြစ်ပွားသူဦးရေ ၄၀၀ ကျော်ရှိလာ
 တိုကျို မေ ၈ ဂျပန်နိုင်ငံ၌ ယခုနှစ်အတွင်း ဝက်သက်ရောဂါဖြစ်ပွားသူဦးရေ ၄၀၀ ကျော်ရှိလာပြီး အဆိုပါ ပမာဏမှာ လွန်ခဲ့သည့်ဆယ်စုနှစ်အတွင်း အများဆုံးဖြစ်ပွားခဲ့သော  ၂၀၁၉ ခုနှစ် ပမာဏနှင့်နီးကပ်လာပြီ ဖြစ်သည်။ ဝက်သက်ရောဂါဖြစ်ပွားသူ၆၈ ဦး တိုးလာဧပြီလ နောက်ဆုံးပတ်တွင် ဝက်သက်ရောဂါဖြစ်ပွားသူ ၆၈ ဦး တိုးလာခဲ့ပြီး  ယခုနှစ်အတွင်း ဝက်သက်ရောဂါ ဖြစ်ပွားသူဦးရေ မှာ ၄၃၆ ဦး ဖြစ်လာခဲ့သည်ဟု ဂျပန် ကျန်းမာရေး အင်စတီကျုက ပြောသည်။  ပြည်တွင်းဗိုင်းရပ်စ်ပိုးကြောင့် ကူးစက်ရောဂါ ကူးစက်ခံရသူများ၏ ၇၀ ရာခိုင်နှုန်းမှာ ပြည်တွင်းကပင် ဗိုင်းရပ်စ်ပိုးကြောင့်  ကူးစက်ခံရ ခြင်းဖြစ်သည်ဟု ကျန်းမာရေး အင်စတီကျု၏ ခန့်မှန်းချက်အရ သိရသည်။  အပြီးတိုင် ရှင်းလင်းနိုင်ဂျပန်နိုင်ငံသည် ၂၀၁၅ ခုနှစ်၌ ဝက်သက်ရောဂါကို အပြီးတိုင် ရှင်းလင်းနိုင်ခဲ့ပြီဖြစ်ကြောင်း ကမ္ဘာ့ ကျန်းမာရေးအဖွဲ့ကြီးက အတည် ပြုခဲ့သည်။ ကာကွယ်ဆေးထိုးခြင်းဖြင့် ရောဂါကာကွယ်နိုင်အဓိက ကာကွယ်ရေးနည်း လမ်းမှာကာကွယ်ဆေးထိုးခြင်းဖြစ်ပြီး အထူးသဖြင့် ကလေးများတွင် ကာကွယ်ဆေး ထိုးခြင်းဖြင့် ဝက်သက်ရောဂါကို ကာကွယ်နိုင်သည်ဟု ကျန်းမာရေးဝန်ကြီးဌာန က ပြောသည်။  ကာကွယ်ဆေး မထိုးရသေးသော မွေးကင်းစကလေးများကို ပြုစုစောင့်ရှောက်သူများ၊ လေဆိပ် ဝန်ထမ်းများနှင့် ခရီးသွားများနှင့် ထိတွေ့ဆက်ဆံရသူများ အနေဖြင့် ကာကွယ်ဆေးထိုးနှံ ထားကြရန်လည်း အကြံပြုထားသည်။ အင်န်အိတ်ချ်ကေMDN
Sun, 10-May-2026
မြန်မာဖိုက်တာ ဂျိုရှုအာဗန်၏ UFC ဖလိုင်းဝိတ်တန်း ကမ္ဘာ့ချန်ပီယံခါးပတ်ကာကွယ်ပွဲ တနင်္ဂနွေနေ့ နံနက်အစောပိုင်း ကျင်းပမည်
မြန်မာဖိုက်တာ ဂျိုရှုအာဗန်၏ UFC ဖလိုင်းဝိတ်တန်း ကမ္ဘာ့ချန်ပီယံခါးပတ်ကာကွယ်ပွဲ တနင်္ဂနွေနေ့ နံနက်အစောပိုင်း ကျင်းပမည်
ရန်ကုန် မေ ၈ မြန်မာဖိုက်တာ ဂျိုရှုအာဗန်၏ UFC ဖလိုင်းဝိတ်တန်း ကမ္ဘာ့ချန်ပီယံခါးပတ် ကာကွယ်ပွဲကို မြန်မာစံတော်ချိန် မေ ၁၀ ရက် (တနင်္ဂနွေနေ့) နံနက်အစောပိုင်းတွင် ပြုလုပ်မည်ဖြစ်သည်။ UFC 328 ပြိုင်ပွဲကို အမေရိကန်နိုင်ငံတွင် ဒေသစံတော်ချိန် မေ ၉ ရက် ညပိုင်း (မြန်မာစံတော်ချိန် နံနက်အစောပိုင်း) တွင် စတင်ကျင်းပမည်ဖြစ်ပြီး ဂျိုရှုအာဗန်၏ ချန်ပီယံကာကွယ်ပွဲကို Co Main Event အဖြစ် ပြုလုပ်မည်ဖြစ်သည်။ ဂျိုရှုအာဗန်သည် ဂျပန်ဖိုက်တာ တက်ဆုရိုတိုင်ရာနှင့် ယှဉ်ပြိုင် ထိုးသတ်ရမည်ဖြစ်ပြီး ကမ္ဘာ့ချန်ပီယံဖြစ်ပြီးနောက် ပထမဆုံးထိုးသတ်ရမည့် ချန်ပီယံကာကွယ်ပွဲလည်း ဖြစ်သည်။ ယခင်က ဂျိုရှုအာဗန်၏ ချန်ပီယံကာကွယ်ပွဲကို ဧပြီ ၁၁ ရက်တွင် ကျင်းပရန် စီစဉ်ထားသော်လည်း ဒဏ်ရာအခြေအနေကြောင့် ရွှေ့ဆိုင်းခဲ့ရခြင်းဖြစ်သည်။ ဂျိုရှုအာဗန်သည် ဒီဇင်ဘာတွင် ထိုးသတ်သည့်ပွဲ၌ ပန်တိုဂျာကို အနိုင်ယူပြီးနောက် ကမ္ဘာ့ချန်ပီယံဖြစ်လာပြီး ငါးလ ဝန်းကျင်အကြာတွင် ချန်ပီယံကာကွယ်ပွဲ ထိုးသတ်ရခြင်းဖြစ်သည်။ ဂျိုရှုအာဗန်သည် ပရော်ဖက်ရှင်နယ် MMA ကစားသမားဘဝတွင် စုစုပေါင်း ၁၈ ပွဲထိုးသတ်ရာ ၁၆ ပွဲနိုင် နှစ်ပွဲ ရှုံးနိမ့်ထားပြီး UFC နှင့် ၁၀ ပွဲထိုးသတ်ရာတွင် ကိုးပွဲနိုင်တစ်ပွဲရှုံးနိမ့်ထားသည်။ ဂျိုရှုအာဗန်သည် UFC တွင် နောက်ဆုံး ခြောက်ပွဲဆက်တိုက်အနိုင်ရပြီး ကမ္ဘာ့ချန်ပီယံဖြစ်လာခဲ့သည်။ ဂျိုရှုအာဗန်သည် ၂၀၂၃ ခုနှစ်တွင် နာမည်ကျော် တိုက်ခိုက်ရေးအဖွဲ့အစည်း UFC နှင့် စတင်လက်တွဲပြီးနောက် နှစ်နှစ်ကျော်ကာလအတွင်း ကမ္ဘာ့ချန်ပီယံဖြစ်လာခဲ့သည်။ ဂျိုရှုအာဗန်နှင့် ထိုးသတ်မည့် ဂျပန်ဖိုက်တာတက်ဆုရိုသည် ပရော်ဖက်ရှင်နယ် MMA ကစားသမားဘဝတွင် စုစုပေါင်း ၁၉ ပွဲ ထိုးသတ်ရာ ၁၈ ပွဲနိုင်၊ တစ်ပွဲရှုံးနိမ့်ထားပြီး ပရော်ဖက်ရှင်နယ်ကစားသမားဘဝတွင် ၁၆ ပွဲဆက်တိုက် အနိုင်ရခဲ့ဖူးသူ ဖြစ်သည်။ သတင်း - ရှိုင်းထက်ဇော်၊ ဓာတ်ပုံ-UFCMDN
Sat, 9-May-2026
ပြည်နယ်ဝန်ကြီးချုပ်ဖလား မြို့နယ်ပေါင်းစုံအသက် ၂၅ နှစ်အောက် အမျိုးသား အမျိုးသမီး ဘော်လီဘောပြိုင်ပွဲ ဆုပေးအပ်ပွဲ ကျင်းပ
ပြည်နယ်ဝန်ကြီးချုပ်ဖလား မြို့နယ်ပေါင်းစုံအသက် ၂၅ နှစ်အောက် အမျိုးသား အမျိုးသမီး ဘော်လီဘောပြိုင်ပွဲ ဆုပေးအပ်ပွဲ ကျင်းပ
ဘားအံ   မေ   ၈    ၂၀၂၆ ခုနှစ် ကရင်ပြည်နယ်ဝန်ကြီးချုပ်ဖလား မြို့နယ်ပေါင်းစုံအသက် ၂၅ နှစ်အောက် အမျိုးသား၊အမျိုးသမီး  ဘော်လီဘောပြိုင်ပွဲ  ဗိုလ်လုပွဲစဉ်နှင့် ဆုပေးအပ်ပွဲကို မေလ ၇ ရက် နံနက်ပိုင်းတွင် ဘားအံမြို့   လှာကမြင်ကွက်သစ်   ဇွဲကပင် မိုးလုံလေလုံ အားကစားရုံ၌ ကျင်းပသည်။ရှေးဦးစွာ  အမျိုးသားဘော်လီဘောပြိုင်ပွဲ ဗိုလ်လုပွဲစဉ်အဖြစ် ဘားအံမြို့နယ်အသင်းနှင့် သံတောင်ကြီးမြို့နယ်အသင်းတို့ ယှဉ်ပြိုင်ကစားကြရာ ဘားအံမြို့နယ်အသင်းက သုံးပွဲ နှစ်ပွဲဖြင့် အနိုင်ရဗိုလ်စွဲသည်။ဗိုလ်လုပွဲစဉ်အပြီးတွင်  ဆုပေးအပ်ပွဲ အခမ်းအနားကို ကျင်းပရာ    ပြည်နယ်ဝန်ကြီးချုပ်   ဦးစောမြင့်ဦး၊  ပြည်နယ်အမျိုးသမီးရေးရာအဖွဲ့ နာယက  ဒေါ်နန်းဘေဘီမြင့်၊ ပြည်နယ်အမျိုးသမီး ရေးရာအဖွဲ့ဝင်များ၊ ပြည်နယ်ဝန်ကြီးများ၊ ပြည်နယ် တရားလွှတ်တော် တရားသူကြီးချုပ်၊  ပြည်နယ်လွှတ်တော် ဥက္ကဋ္ဌတို့က အမျိုးသား၊ အမျိုးသမီး ဘော်လီဘောပြိုင်ပွဲတွင်   ဆုရရှိသည့် အသင်းများကို တစ်ဦးချင်းလည်ဆွဲဆုနှင့် ငွေသားဆုများ ပေးအပ်သည်။အဆိုပါဘော်လီဘောပြိုင်ပွဲသို့  မြို့နယ်ခုနစ်မြို့နယ်မှ အမျိုးသား၊ အမျိုးသမီးဘော်လီဘော အသင်းခုနစ်သင်း၊ အားကစားသမားပေါင်း ၁၄၀ဝင်ရောက် ယှဉ်ပြိုင်ကြကြောင်း သိရသည်။MWD
Sat, 9-May-2026
၂၀၂၆ ခုနှစ် ကမ္ဘာ့ကြက်ခြေနီနေ့ အခမ်းအနား ကျင်းပ
၂၀၂၆ ခုနှစ် ကမ္ဘာ့ကြက်ခြေနီနေ့ အခမ်းအနား ကျင်းပ
မြိတ်   မေ   ၈     တနင်္သာရီတိုင်းဒေသကြီး မြိတ်မြို့ ကြက်ခြေနီအသင်းခွဲရုံး၌  ၂ဝ၂၆  ခုနှစ် မေလ ၈ ရက်တွင် ကျရောက်သော ကမ္ဘာ့ကြက်ခြေနီနေ့ အခမ်းအနားကို မေလ ၈ ရက် နံနက်ပိုင်းတွင်ကျင်းပသည်။ရှေးဦးစွာ   မြန်မာနိုင်ငံကြက်ခြေနီအသင်း ဥက္ကဋ္ဌ ပါမောက္ခ ဒေါက်တာမျိုးညွန့် ထံမှပေးပို့သော   ကမ္ဘာ့ကြက်ခြေနီနေ့ သဝဏ်လွှာကို   မြိတ်ခရိုင်ကြက်ခြေနီ ကြီးကြပ်မှုကော်မတီဥက္ကဋ္ဌ ဦးတင်မောင်ဆွေ က ဖတ်ကြားပြီး မြန်မာနိုင်ငံကြက်ခြေနီ အသင်းမှပေးပို့သော ကမ္ဘာ့ကြက်ခြေနီနေ့ ကို ဂုဏ်ပြုသည့် မှတ်တမ်းဗီဒီယိုအားပြသသည်။ဆက်လက်၍    ၂၀၂၅   ခုနှစ်  စံပြကြက်ခြေနီရရှိသူများ၊   ၁၅  ကြိမ်နှင့်အထက် သွေးလှူဒါန်းခဲ့သည့် တပ်ဖွဲ့ဝင် များ၊ ကမ္ဘာ့ကြက်ခြေနီနေ့အထိမ်းအမှတ် စာစီစာကုံးပြိုင်ပွဲ၊ အထွေထွေ ဗဟုသုတပြိုင်ပွဲ၊    တပ်ဖွဲ့ဝင်များ လိုက်နာရမည့် ကျင့်ဝတ်အပါး ၅၀ ပြိုင်ပွဲများတွင် ဆုရရှိသူများအား   မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ  ဦးပြည်ဟိန်းကျော်နှင့်   တာဝန်ရှိသူများက    ဆုများအသီးသီး ပေးအပ်ကြသည်။ထို့နောက် အခမဲ့ရွေ့လျားဆေးခန်းတွင် စေတနာ့ဝန်ထမ်းအဖြစ်    ဆေးကုသဆောင်ရွက်ပေးနေသော     ဆရာဝန်နှင့်၂ဝ၂၅ ခုနှစ် မတ်လတွင် ဖြစ်ပွားခဲ့သောမန္တလေးငလျင်ဘေး ကယ်ဆယ်ရေးလုပ်ငန်းများတွင်    တနင်္သာရီတိုင်းဒေသကြီး ကိုယ်စား  သွားရောက်ကူညီ ဆောင်ရွက်ခဲ့ကြသည့်    တပ်ဖွဲ့ဝင်များအား ဂုဏ်ပြု မှတ်တမ်းလွှာများကို တာဝန်ရှိသူများက အသီးသီး ပေးအပ်ကြကြောင်း သိရသည်။ MWD
Sat, 9-May-2026
© Copyright 2024 SAC All Rights Reserved.