ကယားပြည်နယ်ရှိ ကျောင်းသား၊ ကျောင်းသူများ ၂၀၂၅ -၂၀၂၆ ပညာသင်နှစ် အခြေခံပညာမူလတန်းအဆင့် Grade - 5 နှင့် အခြေခံပညာအလယ်တန်းအဆင့် Grade -9 နှစ်ဆုံးစာမေးပွဲ အေးချမ်းစွာဖြေဆိုနေမှု ဒုတိယဝန်ကြီး ဦး‌နေမျိုးလှိုင် ကြည့်ရှုအားပေး

dpWEB1234

News Image

  • ကယားပြည်နယ်ရှိ ကျောင်းသား၊ ကျောင်းသူများ ၂၀၂၅ -၂၀၂၆ ပညာသင်နှစ် အခြေခံပညာမူလတန်းအဆင့် Grade - 5 နှင့် အခြေခံပညာအလယ်တန်းအဆင့် Grade -9 နှစ်ဆုံးစာမေးပွဲ အေးချမ်းစွာဖြေဆိုနေမှု ဒုတိယဝန်ကြီး ဦး‌နေမျိုးလှိုင် ကြည့်ရှုအားပေး

နေပြည်တော်    ဖေဖော်ဝါရီ   ၂၃

      ပညာရေး၀န်ကြီးဌာန ဒုတိယ၀န်ကြီး ဦးနေမျိုးလှိုင်သည်  ကယားပြည်နယ် သယံဇာတရေးရာဝန်ကြီး၊ ညွှန်ကြားရေးမှူးချုပ်များ၊ သက်ဆိုင်ရာတာ၀န်ရှိသူများနှင့်အတူ ယနေ့ နံနက်ပိုင်းတွင် ကယားပြည်နယ် လွိုင်ကော်မြို့နယ် အမှတ်(၃)အခြေခံပညာအထက်တန်းကျောင်း၊ အမှတ်(၂) အခြေခံပညာအထက်တန်းကျောင်းတို့သို့ သွားရောက်၍ ၂၀၂၅-၂၀၂၆ ပညာသင်နှစ် အခြေခံပညာမူလတန်းအဆင့် Grade-5 နှင့် အခြေခံပညာအလယ်တန်းအဆင့် Grade-9 နှစ်ဆုံးစာမေးပွဲတွင် ကျောင်းသား၊ ကျောင်းသူများ အေးချမ်းစွာဖြေဆိုနေမှုများကို ကြည့်ရှုအားပေးသည်။

ထိုသို့ ကြည့်ရှုအားပေးစဉ်  ဒုတိယဝန်ကြီးက  ကြီးကြပ်ရေးမှူး၊  တွဲဖက်ကြီးကြပ်ရေးမှူးနှင့် လက်ထောက်ကြီးကြပ်ရေးမှူး  ဆရာ၊  ဆရာမများအနေဖြင့် ကျောင်းသား၊ ကျောင်းသူများ စိတ်အေးချမ်းသာစွာဖြေဆိုနိုင်ရေးအတွက် လိုအပ်သည်များကို ဖြည့်ဆည်း ဆောင်ရွက်ပေးကြရန်  မှာကြားကာ လိုအပ်သည်များကို ဖြည့်ဆည်းဆောင်ရွက်ပေးသည်။

ထို့နောက် ဒုတိယဝန်ကြီးသည် အဆိုပါ အမှတ်(၂) အခြေခံပညာအထက်တန်းကျောင်းရှိ  ၂၀၂၆ ခုနှစ် တက္ကသိုလ်ဝင်စာမေးပွဲ အောင်ချက်မြင့်မားရေး   စာဖတ်ဝိုင်းသို့ သွားရောက်၍ ကျောင်းသား၊ ကျောင်းသူများနှင့် တွေ့ဆုံကာ တက္ကသိုလ်ဝင်စာမေးပွဲ ဖြေဆိုအောင်မြင်နိုင်ရေး ပြင်းပြသောဆန္ဒများနှင့်အတူ ဇွဲသတ္တိအပြည့်ဖြင့်အောင်မြင်အောင်ကြိုးစားကြရန် အားပေးစကားပြောကြားသည်။

ယင်းနောက်  ဒုတိယဝန်ကြီးသည် လွိုင်ကော်တက္ကသိုလ်ရှိ  ပါမောက္ခချုပ်၊ ဒုတိယပါမောက္ခချုပ်၊ ပါမောက္ခများ၊ ဆရာ၊ ဆရာမများနှင့်  ရင်းရင်းနှီးနှီးတွေ့ဆုံပြီး လွိုင်ကော်တက္ကသိုလ် အဆောက်အအုံများ ပြင်ဆင်‌ဆောင်ရွက်ပြီးစီးမှု အခြေအနေကို  ကြည့်ရှုစစ်ဆေးကာ ပါမောက္ခချုပ်နှင့် ဆရာ၊ ဆရာမများအတွက် ထောက်ပံ့ငွေပေးအပ်သည်။

ဆက်လက်၍ လွိုင်ကော်ပညာရေးဒီဂရီကောလိပ် ကယားသဇင်ခန်းမ၌ ကျောင်း အုပ်ကြီး၊ ဆရာ၊ ဆရာမများ၊ သင်တန်းသား၊ သင်တန်းသူများနှင့်လည်းကောင်း၊ ကယား ပြည်နယ်ပညာရေးမှူးရုံး ပညာဗိမာန်ခန်းမ၌  အဆင့်မြင့်ပညာဦးစီးဌာနနှင့် ဆရာ အတတ်ပညာဦးစီးဌာနတို့မှ ဝန်ထမ်းများ၊ ပြည်နယ်ပညာရေးမှူး၊ ခရိုင်နှင့်မြို့နယ် ပညာရေးမှူးများ၊ အခြေခံပညာအထက်တန်း၊ အလယ်တန်း၊ မူလတန်းကျောင်းအုပ်ကြီးများ၊ အရာထမ်း၊ အမှုထမ်းများနှင့် လည်းကောင်း   ရင်းရင်းနှီးနှီး တွေ့ဆုံ၍ သင်ကြားသင်ယူရေးနှင့် စီမံရေးဆိုင်ရာ ပညာရေးလုပ်ငန်းများ   အောင်မြင်စွာ ဆောင်ရွက်နိုင်ရေးနှင့် စပ်လျဉ်း၍ ဆွေးနွေးမှာကြားပြီး   တက်ရောက်လာသူများ၏ တင်ပြချက်များအပေါ် ဒုတိယဝန်ကြီးနှင့် တာဝန်ရှိသူများက ဆွေးနွေးဖြေကြားကာ လိုအပ်သည်များကို ပေါင်းစပ်ညှိနှိုင်းဖြည့်ဆည်း ဆောင်ရွက်ပေးခဲ့ကြောင်း သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

ရီးယဲလ်မက်ဒရစ်အသင်းက လာမည့်နွေရာသီ ကစားသမား အပြောင်းအရွှေ့ကာလတွင် အန်ဇိုဖာနန်ဒက်အား ခေါ်ယူရန်ပြင်ဆင်
ရီးယဲလ်မက်ဒရစ်အသင်းက လာမည့်နွေရာသီ ကစားသမား အပြောင်းအရွှေ့ကာလတွင် အန်ဇိုဖာနန်ဒက်အား ခေါ်ယူရန်ပြင်ဆင်
မက်ဒရစ်  ဖေဖော်ဝါရီ  ၂၄‌     ရီးယဲလ်မက်ဒရစ်အသင်းက    လာမည့်နွေရာသီ ကစားသမားအပြောင်းအရွှေ့ကာလတွင် ချယ်လ်ဆီး အသင်းမှ ကွင်းလယ်ကစားသမား ဖာနန်ဒက်အား ခေါ်ယူရန် ပြောင်းရွှေ့ကြေး ယူရို သန်း ၆၀ အပြင် အသင်းမှ  ကွင်းလယ်ကစားသမား ကာမာဗင်ဂါကို  အလိုက်ပေးပြီး   ခေါ်ယူရန်ပြင်ဆင်နေကြောင်း သိရသည်။ရီးယဲလ်မက်ဒရစ်အသင်းသည် အသင်းကွင်းလယ်ပိုင်းတွင် ကက်စ်မဲရိုး၊ မိုဒရစ်နှင့် တိုနီခရူးတို့ထွက်ခွာ ပြီးနောက်ပိုင်းတွင် ကစားသမားသစ်များနှင့်အစားထိုးခဲ့သော်လည်း လိုအပ်ချက်များရှိနေသည့်အတွက် လာမည့်နွေရာသီကစားသမား အပြောင်းအရွှေ့ကာလ တွင် အသင်းကွင်းလယ်ပိုင်းကို ကြီးကြီးမားမား အပြောင်းအလဲ လုပ်ဆောင်လိုနေခြင်းဖြစ်သည်။ရီးယဲလ်မက်ဒရစ်အသင်းသည် အသင်းကွင်းလယ်ပိုင်းတွင်  ဗယ်ဗာဒီတစ်ဦးတည်းကိုသာ ချန်ထားပြီး ဘယ်လင်ဟမ်၊  ကာမာဗင်ဂါ၊ ချူအာမန်ဒီ   စသည့် ကစားသမားများကိုရောင်းချပြီး ထိပ်တန်းကစား သမားများနှင့် ပြန်လည်အစားထိုးလို နေခြင်းဖြစ်သည်။အသက် ၂၅ နှစ်အရွယ် အန်ဇိုဖာနန်ဒက်သည် ၂၀၂၂ ခုနှစ်က  ဘင်ဖီကာအသင်းမှ  ချယ်လ်ဆီးအသင်းသို့ ပြောင်းရွှေ့ကစားပြီးနောက်  ပထမဆုံးဘောလုံး ရာသီတွင်   ရုန်းကန်ခဲ့ရသော်လည်း   နောက်ပိုင်း ဘောလုံးရာသီများတွင် အကောင်းဆုံး ခြေစွမ်းပြနိုင်ပြီးနောက်  ရီးယဲလ်မက်ဒရစ်အသင်းက အစောပိုင်း ကတည်းက ခေါ်ယူရန်ကြိုးပမ်းနေပြီး လာမည့်နွေရာသီကစားသမား အပြောင်းအရွှေ့ကာလတွင် ပြောင်း‌ရွှေ့ ကြေးအပြင် ကာမာဗင်ဂါကို အလိုက်ပေးပြီး ကမ်းလှမ်းရန် ပြင်ဆင်နေကြောင်း သိရသည်။ MWD
Wed, 25-Feb-2026
လီဗာပူးအသင်း တိုက်စစ်ကစားသမား ဆာလက်ချ် ပရီးမီးယားလိဂ်ကိုးပွဲဆက် ဂိုးမသွင်းယူနိုင်သည့် မှတ်တမ်းဆိုးနှင့် ရင်ဆိုင်နေရ
လီဗာပူးအသင်း တိုက်စစ်ကစားသမား ဆာလက်ချ် ပရီးမီးယားလိဂ်ကိုးပွဲဆက် ဂိုးမသွင်းယူနိုင်သည့် မှတ်တမ်းဆိုးနှင့် ရင်ဆိုင်နေရ
လန်ဒန် ဖေဖော်ဝါရီ ၂၄‌     လီဗာပူးအသင်းတိုက်စစ် ကစားသမား ဆာလက်ချ် သည်  နော်တင်ဟမ်အသင်းနှင့်  ကစားသည့်ပွဲစဉ် အပြီးတွင်    ပရော်ဖက်ရှင်နယ်ကစားသမားဘဝ ပရီးမီးယားလိဂ်ပြိုင်ပွဲတွင်  ကိုးပွဲဆက်ဂိုးမသွင်းယူ နိုင်သည့် မှတ်တမ်းဆိုးနှင့် ရင်ဆိုင်နေရကြောင်း သိရသည်။ဆာလက်ချ်သည် ၂၀၁၇ ခုနှစ်က ရိုးမားအသင်း မှ လီဗာပူးအသင်းသို့  ပြောင်းရွှေ့ကစားပြီးနောက် ဘောလုံးရာသီတိုင်းတွင်   အကောင်းဆုံးခြေစွမ်း ပြနိုင်ခဲ့ကာ လီဗာပူးအသင်း ချန်ပီယံဆုဖလားများ ဆွတ်ခူးရာတွင် အဓိက ကစားသမားအဖြစ် ပါဝင်ခဲ့ပြီး တစ်ဦးချင်းဆုတံဆိပ်များစွာကိုလည်း ဆွတ်ခူးနိုင်သူဖြစ်ကာ ပရီးမီးယားလိဂ်ပြိုင်ပွဲတွင် အကောင်းဆုံး တိုက်စစ်ကစားသမားအဖြစ်လည်း ရပ်တည်နိုင်ခဲ့သူဖြစ်သည်။သို့သော် ဆာလက်ချ်သည် ယခုဘောလုံးရာသီ တွင် ခြေစွမ်းပိုင်းကျဆင်းနေပြီး သွင်းဂိုးများသွင်းယူ နိုင်ရန် ရုန်းကန်နေရကာ ပရီးမီးယားလိဂ်ပြိုင်ပွဲတွင် ၂၀၂၅ ခုနှစ် နိုဝင်ဘာလ ၂ ရက်က ကစားခဲ့သည့် အက်စ်တွန်ဗီလာအသင်းနှင့်ပွဲစဉ်တွင် ဂိုးသွင်းယူနိုင် ပြီးနောက် မန်စီးတီးအသင်းနှင့် ပထမအကျော့နှင့် ဒုတိယအကျော့နှစ်ပွဲ၊      နော်တင်ဟမ်အသင်းနှင့် ပထမအကျော့နှင့် ဒုတိယအကျော့နှစ်ပွဲ၊ ဆန်းဒါးလန်းအသင်းနှင့် ပထမအကျော့နှင့်ဒုတိယအကျော့နှစ်ပွဲ၊ ဘုန်းမောက်အသင်း၊  နယူးကာဆယ်အသင်း၊ နော်တင်ဟမ်အသင်းတို့နှင့် ကိုးပွဲဆက်ဂိုးသွင်းယူ နိုင်မှုမရှိခဲ့ခြင်းဖြစ်သည်။ဆာလက်ချ်သည်  ယခုဘောလုံးရာသီတွင် ပထမ ဆုံးအကြိမ်အဖြစ် ပရီးမီးယားလိဂ်ပြိုင်ပွဲတွင် ကိုးပွဲဆက်ဂိုးမသွင်းယူနိုင်သည့် မှတ်တမ်းဆိုးနှင့်ရင်ဆိုင်နေရခြင်းဖြစ်သည်။ဆာလက်ချ်အနေဖြင့်ယခုဘောလုံးရာသီတွင် ခြေစွမ်းပြနိုင်ရန် ရုန်းကန်နေရသည့်အတွက် လီဗာပူးအသင်းက လာမည့်နွေရာသီ ကစားသမားအပြောင်းအရွှေ့ကာလတွင်  ရောင်းချရန်ဆုံးဖြတ် ထားပြီး ဆာလက်ချ်ကိုယ်တိုင်ကလည်း ဆော်ဒီ ပရိုလိဂ်ပြိုင်ပွဲမှ  ထိပ်တန်းအသင်းတစ်သင်းထံ ပြောင်းရွှေ့ကစားရန် ကြိုးပမ်းလျက်ရှိသည်။ဆာလက်ချ်သည် လီဗာပူးအသင်းနှင့်အတူ ပြိုင်ပွဲစုံ ၄၂၉ ပွဲအထိကစားခဲ့ပြီး ၂၅၂ ဂိုးသွင်းယူနိုင်ခဲ့ကြောင်း သိရသည်။ MWD
Wed, 25-Feb-2026
ရန်ကုန်တိုင်းဒေသကြီး အတွင်းရှိ အားကစားကွင်း၊ အားကစားရုံများအား ပြည်ထောင်စုဝန်ကြီး Jeng Phang နော်တောင် ကြည့်ရှုစစ်ဆေး
ရန်ကုန်တိုင်းဒေသကြီး အတွင်းရှိ အားကစားကွင်း၊ အားကစားရုံများအား ပြည်ထောင်စုဝန်ကြီး Jeng Phang နော်တောင် ကြည့်ရှုစစ်ဆေး
ရန်ကုန် ဖေဖော်ဝါရီ   ၂၄     မြန်မာနိုင်ငံအိုလံပစ်ကော်မတီ ဥက္ကဋ္ဌ အားကစားနှင့် လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် တာဝန်ရှိသူများနှင့်အတူ ယမန်နေ့နံနက်ပိုင်းက ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်ရှိ အောင်ဆန်းအားကစားပြိုင်ဝင်း အဆင့်မြှင့်တင်ပြန်လည် တည်ဆောက်နိုင်ရေး ကြည့်ရှုစစ်ဆေးသည်။ဦးစွာ    ပြည်ထောင်စုဝန်ကြီးနှင့်အဖွဲ့သည်    အောင်ဆန်းအားကစားပြိုင်ဝင်းအတွင်းရှိ  ပွဲကြည့်စင်များ၊   အားကစားရုံများ၊ အစည်းအဝေးခန်းမနှင့် ရုံးခန်းများ၏ လက်ရှိအနေအထား၊ လျာထားသတ်မှတ် ထားသည့်အဆောက်အအုံများကို ကြည့်ရှုစစ်ဆေးပြီး လိုအပ်သည်များ မှာကြားသည်။ထို့နောက် မိုးလုံလေလုံဘော်လီဘောအားကစားရုံ၌ မြန်မာနိုင်ငံဘော်လီဘောအဖွဲ့ချုပ်က ကြီးမှူးကျင်းပသည့် မြန်မာဘော်လီဘော လူမှုရေးအသင်း အမှုဆောင်ဖလား၊ ရန်ကုန်တိုင်းဒေသကြီး အသက် ၂၅ နှစ်နှင့်အောက် ဘော်လီဘောပြိုင်ပွဲကို ကြည့်ရှုအားပေးသည်။ယင်းနောက် ပြည်ထောင်စုဝန်ကြီးသည် ရန်ကုန်တိုင်းဒေသကြီး လူမှုရေးရာဝန်ကြီး၊ တာဝန်ရှိသူများနှင့်အတူ မင်္ဂလာတောင်ညွန့်မြို့နယ်သိမ်ဖြူအားကစားခန်းမ၌    မြန်မာနိုင်ငံကစ်ဘောင်ဆင်အဖွဲ့ချုပ်က နိုင်ငံတော်အတွက် ဆုတံဆိပ်များ ရယူပေးနိုင်ရေးနှင့် နိုင်ငံတကာပြိုင်ပွဲများတွင် အဆင့်မီစွာ ဝင်ရောက်ယှဉ်ပြိုင်ပြီး ထူးချွန်သည့် မျိုးဆက်သစ်အားကစားသမားများ မွေးထုတ်ပေးနိုင်ရေး လိုအပ်သည့်လေ့ကျင့်ရေးရုံနှင့် ရုံးခန်းများတည်ဆောက်ရန်   တင်ပြတောင်းခံထားသည့် မြေနေရာတို့ကို ကြည့်ရှုစစ်ဆေးပြီး အားကစားနှင့်လူငယ်ရေးရာဝန်ကြီးဌာနနှင့် မြန်မာနိုင်ငံရိုးရာလက်ဝှေ့အဖွဲ့ချုပ်တို့ ပူးပေါင်းဖွင့်လှစ်သည့် ဒိုင်လူကြီးသင်တန်းအမှတ်စဉ်(၁/၂၀၂၆)ဖွင့်လှစ်သင်ကြားနေမှုကို ကြည့်ရှုစစ်ဆေးသည်။ဆက်လက်၍ ဒလမြို့နယ်၌ မီတာ ၄၀၀ ပြေးလမ်းပါဘောလုံးကွင်းနှင့် ပေ ၁၂၀ x ပေ ၉၀ ရှိသော အားကစားခန်းမကိုကြည့်ရှုစစ်ဆေးပြီး ဒလမြို့နယ်အားကစားကဏ္ဍ ဖွံ့ဖြိုးတိုးတက်ရေး ဆောင်ရွက်ရန်၊ ဘောလုံးကွင်းခြံစည်းရိုးနှင့်ဂိုးတိုင်၊ ဂိုးပိုက်များ ကောင်းမွန်သစ်လွင်နေစေရန်၊ ရေနုတ်‌မြောင်းများ ရေစီးရေလာကောင်းမွန်စေရန်၊ မီတာ ၄၀၀ Synthetic ပြေးလမ်းဆောင်ရွက်ရန်နှင့် အားကစားခန်းမ  ရေရှည်တည်တံ့ခိုင်မြဲစေရန်  မှာကြားခဲ့ကြောင်း သိရသည်။ MWD
Wed, 25-Feb-2026
ဒဂုံစတားယူနိုက်တက် အသင်းက ရခိုင်ယူနိုက်တက် အသင်းကို တစ်လုံးတည်းသော ဂိုးဖြင့်အနိုင်ယူ
ဒဂုံစတားယူနိုက်တက် အသင်းက ရခိုင်ယူနိုက်တက် အသင်းကို တစ်လုံးတည်းသော ဂိုးဖြင့်အနိုင်ယူ
ရန်ကုန်    ဖေဖော်ဝါရီ    ၂၄၂၀၂၅-၂၀၂၆ ရာသီ မြန်မာနေရှင်နယ်လိဂ် အမှတ်ပေးဘောလုံးပြိုင်ပွဲ ပွဲစဉ်(၁၉)ပြိုင်ပွဲ၏ ပွဲစဉ်တစ်ပွဲဖြစ်သည့်   ဒဂုံစတားယူနိုက်တက်အသင်းနှင့် ရခိုင်ယူနိုက်တက်အသင်းတို့ ယနေ့ညနေပိုင်းတွင် သန်လျင် မြို့ သီဟဒီပကွင်း၌ယှဉ်ပြိုင်ကစားကြရာ ဒဂုံစတားယူနိုက်တက်အသင်းက ရခိုင်ယူနိုက်တက်အသင်းကို တစ်လုံးတည်းသောဂိုးဖြင့် အနိုင်ရရှိသွားသည်။ပထမပိုင်း  ပွဲစသည်နှင့်   ဒဂုံစတားယူနိုက်တက်အသင်းက ဘောလုံးပိုင်ဆိုင်မှုဖြင့်   ရခိုင်ယူနိုက်တက်အသင်းဘက်ကို ထိုးဖောက်ကစားခဲ့သလို ရခိုင်ယူနိုက်တက်အသင်းကလည်း   တန်ပြန်တိုက်စစ်ဖြင့် အကောင်းဆုံး ဂိုးခြိမ်းခြောက်နိုင်ခဲ့ပြီး ဂိုးမရှိသရေဖြင့်သာ ပထမပိုင်း ပြီးဆုံးခဲ့သည်။ဒုတိယပိုင်းပြန်စသည်နှင့်နှစ်ဖက်အသင်း တိုက်စစ်မြှင့်ကစားလာကြသည်။  ပွဲကစားချိန် ၇၆ မိနစ်တွင် ရန်ကျော်ထွေး၏ပေးပို့မှုကနေ ဆော်လမာန်က အကောင်းဆုံးသွင်းယူနိုင်ခဲ့၍ ဒဂုံစတားယူနိုက်တက် အသင်း ဦးဆောင်ဂိုးရရှိပြီး အဆိုပါတစ်လုံးတည်းသော ဂိုးဖြင့်ပင် ရခိုင်ယူနိုက်တက် အသင်းကို အနိုင်ရရှိသွားကြောင်း သိရသည်။ MWD
Wed, 25-Feb-2026
အခြေခံပညာ မူလတန်းအဆင့် Grade-5 နှင့် အခြေခံပညာ အလယ်တန်းအဆင့် Grade-9 နှစ်ဆုံးစာမေးပွဲ ဒုတိယနေ့ တောင်ကြီးမြို့၌ ကျောင်းသား ကျောင်းသူများ အေးချမ်းစွာဖြေဆိုနေမှု ကြည့်ရှုအားပေး
အခြေခံပညာ မူလတန်းအဆင့် Grade-5 နှင့် အခြေခံပညာ အလယ်တန်းအဆင့် Grade-9 နှစ်ဆုံးစာမေးပွဲ ဒုတိယနေ့ တောင်ကြီးမြို့၌ ကျောင်းသား ကျောင်းသူများ အေးချမ်းစွာဖြေဆိုနေမှု ကြည့်ရှုအားပေး
နေပြည်တော် ဖေဖော်ဝါရီ ၂၄     ပညာရေး၀န်ကြီးဌာန ဒုတိယ၀န်ကြီး ဦးနေမျိုးလှိုင်သည်  ရှမ်းပြည်နယ်လူမှုရေးရာဝန်ကြီး ဦးမင်းမင်းလွင်၊ တာ၀န်ရှိသူများနှင့်အတူ ယနေ့နံနက်ပိုင်းတွင် တောင်ကြီးမြို့နယ်အတွင်း ၂၀၂၅-၂၀၂၆ ပညာသင်နှစ်အခြေခံပညာမူလတန်းဆင့် Grade-5 နှင့် အခြေခံပညာအလယ်တန်းဆင့် Grade-9 တတ်မြောက်မှုစစ်ဆေးခြင်းနှစ်ဆုံးစာမေးပွဲ ကျင်းပနေမှုများကို ကြည့်ရှုစစ်ဆေးသည်။ဦးစွာ ဒုတိယဝန်ကြီးသည် အမှတ်(၂)အခြေခံပညာ အထက်တန်းကျောင်း၊ အမှတ်(၄) အခြေခံပညာအထက်တန်းကျောင်း၊အမှတ်(၆)အခြေခံပညာအထက်တန်းကျောင်း၊ အမှတ်(၇) အခြေခံပညာအထက်တန်းကျောင်းနှင့် အမှတ်(၅)အခြေခံပညာအထက်တန်းကျောင်းတို့၌  ကျောင်းသား၊ကျောင်းသူများ စာမေးပွဲဒုတိယနေ့ အင်္ဂလိပ်စာဘာသာရပ် အေးချမ်းစွာဖြေဆိုနေမှုကို ကြည့်ရှုအားပေးပြီး စာမေးပွဲစည်းမျဉ်း စည်းကမ်းများနှင့်အညီ စနစ်တကျဆောင်ရွက်ရေး၊ စိတ်အေးချမ်းမြေ့စွာ စာမေးပွဲပြီးဆုံးသည်အထိ ဖြေဆိုနိုင်ရေး၊ အကြောင်းမဲ့ပျက်ကွက်ခြင်းများ မရှိစေရေး မှာကြားကာ လိုအပ်သည်များကို ဖြည့်ဆည်း‌ဆောင်ရွက်ပေးသည်။၂၀၂၅-၂၀၂၆ ပညာသင်နှစ်အတွက် ရှမ်းပြည်နယ်(တောင်ပိုင်း)၌ အခြေခံပညာကျောင်း၊ ဘုန်းတော်ကြီးသင်ပညာရေးကျောင်းနှင့် ကိုယ်ပိုင်ကျောင်းတို့မှ Grade-5 စာမေးပွဲဖြေဆိုသည့်   ‌ကျောင်းသား၊ ကျောင်းသူဦးရေ  ၅၃၄၄၀ နှင့် Grade-9 စာမေးပွဲဖြေဆိုသည့် ကျောင်းသား၊ ကျောင်းသူဦးရေ ၄၆၀၈ ဦးရှိကြောင်း သိရသည်။ထို့နောက် ဒုတိယဝန်ကြီးသည် ကျောင်းသား၊ ကျောင်းသူများ အင်္ဂလိပ်စာဘာသာရပ် အပြောစွမ်းရည် လက်တွေ့ဖြေဆိုနေမှုကို ကြည့်ရှုအားပေးပြီး    ကျောင်းအတွင်း တည်ဆောက်ဆဲ စာသင်‌ဆောင်၊ ကျောင်းဆောင်များကို ကြည့်ရှုစစ်ဆေးကာ သတ်မှတ်အချိန်အတွင်း စံချိန်စံညွှန်းနှင့်အညီ ပြီးစီးအောင်ဆောင်ရွက်ရေး မှာကြား၍ တောင်ကြီးတက္ကသိုလ် တက္ကသိုလ်မုခ်ဦး အဝင်လမ်း၊ လူသွားလမ်းနှင့်  ရေမြောင်းဆောင်ရွက်နေမှုကို ကြည့်ရှုစစ်ဆေးခဲ့ကြောင်း သိရသည်။ MWD
Wed, 25-Feb-2026
မြန်မာ့တိုင်းရင်းဆေး သမားတော်နေ့ အထိမ်းအမှတ် အခမ်းအနားကျင်းပ
မြန်မာ့တိုင်းရင်းဆေး သမားတော်နေ့ အထိမ်းအမှတ် အခမ်းအနားကျင်းပ
နေပြည်တော်  ဖေဖော်ဝါရီ  ၂၅     တပေါင်းလပြည့်နေ့တွင် ကျရောက်မည့် မြန်မာ့တိုင်းရင်းဆေးသမားတော်နေ့ အထိမ်းအမှတ် အခမ်းအနားကို   ယနေ့နံနက်ပိုင်းတွင်   ကျန်းမာရေးဝန်ကြီးဌာန တိုင်းရင်းဆေးပညာဦးစီးဌာန    အစည်း အဝေးခန်းမ၌ ကျင်းပသည်။ အခမ်းအနားတွင် သဘာပတိအဖြစ် ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်းကဆောင်ရွက်ပြီး အခမ်းအနားကို နဝရတ်ကတိသစ္စာ သံပြိုင်ရွတ်ဆို၍ ဖွင့်လှစ်သည်။ထို့နောက် ပြည်ထောင်စုဝန်ကြီးက မြန်မာ့တိုင်းရင်းဆေးသမားတော်နေ့သည် ပြည်သူလူထု၏ ကျန်းမာရေးကိုတိုင်းရင်းဆေးပညာဖြင့် စောင့်ရှောက်ခဲ့ကြသော တိုင်းရင်းဆေးသမားတော်ကြီးများ၏ ကြိုးစားအားထုတ်မှုများကို အမှတ်တရဂုဏ်ပြုချီးမြှင့်ခြင်းဖြစ်ကြောင်း၊ ခေတ်အဆက်ဆက် သမားတော်ကြီးများက မြန်မာ့တိုင်းရင်းဆေး သမားတော်နေ့ကို အစဉ်အလာမပျက်ကျင်းပခဲ့ကြောင်း၊ ယနေ့အခမ်းအနားမှ မြန်မာ့တိုင်းရင်းဆေးပညာကို ပြည်သူ့ကျန်းမာရေးအတွက်   အမြဲအားထားရမည့်  အင်အားတစ်ရပ်အဖြစ် တည်တံ့ခိုင်မြဲစေရန် ဆုမွန်ကောင်းတောင်းပါကြောင်း ပြောကြားသည်။ယင်းနောက် တိုင်းရင်းဆေးပညာ ဦးစီးဌာန ညွှန်ကြားရေးမှူးချုပ် ဒေါက်တာစုစုဒွေးက မြန်မာ့တိုင်းရင်းဆေးသမားတော်နေ့ ကျင်းပရခြင်းနှင့်ပတ်သက်၍   ရှင်းလင်းပြောကြားပြီး ပြည်ထောင်စုဝန်ကြီးက သက်ကြီးဝါကြီး တိုင်းရင်းဆေးသမားတော်ကြီးများအားဂါရဝပြုလက်ဆောင်နှင့် သိပ္ပကျော်စွာဘွဲ့ရ မြန်မာနိုင်ငံတိုင်းရင်းဆေးကောင်စီ နာယက     တိုင်းရင်းဆေး ဆရာကြီးဦးမြင့်လွင်အား ဂုဏ်ပြုဆုပေးအပ်ချီးမြှင့်သည်။ ဆက်လက်၍ တိုင်းရင်းဆေးပညာ ဦးစီးဌာန ညွှန်ကြားရေးမှူးချုပ်၊  မြန်မာနိုင်ငံ တိုင်းရင်းဆေးကောင်စီ၊ မြန်မာနိုင်ငံ တိုင်းရင်းဆေးဆရာအသင်း၊ တိုင်းရင်းဆေးဝါး ထုတ်လုပ်သူများနှင့် ဆေးပစ္စည်း လုပ်ငန်းရှင်များအသင်းတို့မှ  တာဝန်ရှိသူများက သက်ကြီးဝါကြီး   တိုင်းရင်းဆေးသမား တော်ကြီးများအား ဂါရဝပြုလက်ဆောင်ပေးအပ်ပြီး စွမ်းဆောင်ရည်ဆုနှင့် သင်တန်းထူးချွန်ဆုရရှိသူ တိုင်းရင်းဆေးဆရာများအား ဆုများပေးအပ်ချီးမြှင့်ရာ  စွမ်းဆောင်ရည်ဆုရ    ရန်ကုန်တိုင်းဒေသကြီး ဒလမြို့နယ် တိုင်းရင်းဆေးကုဌာနမှ ဒုတိယ တိုင်းရင်းဆေးမှူးက ကျေးဇူးတင်စကား ပြောကြားခဲ့ကြောင်းသိရသည်။ MWD
Wed, 25-Feb-2026
© Copyright 2024 SAC All Rights Reserved.