ဘရာဇီးအသင်းနည်းပြ အန်ဆယ်လော့တီက ၂၀၂၆ ကမ္ဘာ့ဖလားပြိုင်ပွဲအတွက် ကစားသမား ၁၈ ဦးကို စတင်ရွေးချယ်
News Image
ရီယိုဒီဂျနေးရိုး မတ် ၁
ဘရာဇီးအသင်းနည်းပြ အန်ဆယ်လော့တီက ၂၀၂၆ ကမ္ဘာ့ဖလားပြိုင်ပွဲအတွက် ကစားသမား ၁၈ ဦးကို စတင်ရွေးချယ်ခဲ့ကြောင်း သိရသည်။
နည်းပြအန်ဆယ်လော့တီသည် ပြီးခဲ့သည့်ဘောလုံး ရာသီအကုန်က ရီးယဲလ်မက်ဒရစ်အသင်းနှင့် စာချုပ် သက်တမ်းကုန်ဆုံးကာ လမ်းခွဲပြီးနောက် ဘရာဇီး အသင်းကို တာဝန်ယူ ကိုင်တွယ်ခဲ့သူဖြစ်သည်။
နည်းပြအန်ဆယ်လော့တီက ၂၀၂၆ ကမ္ဘာ့ဖလား ပြိုင်ပွဲအတွက် အသင်းကစားသမားစာရင်းတွင် ဂိုးသမားနေရာအတွက် အယ်လီဆန်ဘက်ကာ၊ ခံစစ် ကစားသမားနေရာအတွက် မာကွင်ဟို၊ မီလီတာအို၊ ဂါဘရီရယ်၊ အဲလက်ဆန်ဒရို၊ ဒေါက်ဂလက်ဆန်းတို့စ်၊ ကွင်းလယ်ကစားသမားနေရာအတွက် ကက်စ်မဲရိုး၊ အန်ဒရီဆန်းတို့စ်၊ ဂူမာရေးစ်၊ ပါကွေတာ၊ တိုက်စစ် ကစားသမားနေရာအတွက် ရိုဒရီဂို၊ ဂျာအိုပက်ဒရို၊ ဗင်နီစီးယက်စ်၊ လူးဝစ်ဟင်နရီကွေ့၊ ရာဖင်ဟာ၊ အက်စ် တီဗီအို၊ မာတင်နယ်လီနှင့် ကွန်ဟာတို့ကိုစတင်ရွေးချယ် ခဲ့ခြင်းဖြစ်သည်။
နည်းပြအန်ဆယ်လော့တီသည် ၂၀၂၆ ကမ္ဘာ့ဖလား ပြိုင်ပွဲအတွက် အသင်းကစားသမားစာရင်းတွင် ၁၈ဦး ကို ရွေးချယ်ပြီးနောက် နောက်ထပ်ကစားသမား ရှစ်ဦးကို ထပ်မံရွေးချယ်သွားမည်ဖြစ်သည်။
ဘရာဇီးအသင်းသည် ၂၀၂၆ ကမ္ဘာ့ဖလားပြိုင်ပွဲ တွင် ဟေတီအသင်း၊ စကော့တလန်အသင်း၊ မော်ရိုကို အသင်းတို့နှင့် တစ်အုပ်စုတည်း ကျရောက်နေပြီး ရှုံး ထွက်အဆင့်တက်ရောက်ရန် ရေပန်းအစားဆုံး အသင်း အဖြစ် ရပ်တည်နေကာ ၂၀၂၆ ကမ္ဘာ့ဖလားပြိုင်ပွဲ အဖွင့်ပွဲစဉ်အဖြစ် ဇွန်လ ၁၄ ရက်တွင် မော်ရိုကိုအသင်း နှင့် ကစားရမည်ဖြစ်ကြောင်း သိရသည်။
MWD
