အစ္စရေးက တီဟီရန်နှင့် ဘေရွတ်မြို့များတွင် တိုက်ခိုက်မှုများ တစ်ပြိုင်နက်တည်းပြုလုပ်နေကြောင်း ထုတ်ပြန်

yoonpresoff

News Image

  • အစ္စရေးက တီဟီရန်နှင့် ဘေရွတ်မြို့များတွင် တိုက်ခိုက်မှုများ တစ်ပြိုင်နက် တည်း ပြုလုပ်နေကြောင်း ထုတ်ပြန်

အစ္စရေးက "တီဟီရန်နှင့် ဘေရွတ်မြို့တို့တွင် တိုက်ခိုက်မှုများ တစ်ပြိုင်နက်တည်းပြုလုပ်နေကြောင်း" ထုတ်ပြန်ပြောကြားခဲ့သည်။ အင်္ဂါနေ့ (မတ် ၃) နံနက်ပိုင်းတွင် အစ္စရေးလေတပ်က ထုတ်ပြန်သောကြေညာချက်တစ်ခု၌ အဆိုပါ တိုက်ခိုက်မှုများသည် အီရန်အစိုးရနှင့် အီရန်ကျောထောက် နောက်ခံပြု ဟစ်ဇ်ဘိုလာအဖွဲ့တို့၏ "စစ်ရေးဆိုင်ရာ ပစ်မှတ်များ" ကို ဦးတည်ခြင်းဖြစ်ကြောင်း ဖော်ပြထားသည်။ 

အစ္စရေးစစ်တပ်က ၎င်းတို့၏ လေယာဉ်များကိုပစ်မှတ်ထားရန် အသုံးပြုသည့် အီရန်၏ ဒုံးကျည်ပစ်လွှတ်စင်များနှင့် လေကြောင်းရန်ကာကွယ်ရေး စနစ်များကို တိုက်ခိုက်ခဲ့ကြောင်း ပြောကြားခဲ့သည်။ ထို့အပြင် အစ္စရေး ဂျက်လေယာဉ်များသည် ဒုံးကျည်ပစ်လွှတ်စင်များသို့ လက်နက်တပ်ဆင်ရန် ကြိုးပမ်းမှုများသာမက လက်နက်တပ်ဆင်ထားသည့် ပစ်ခတ်မှုနေရာများ၊ ဒုံးကျည်စင်များနှင့် ဘလက်စတစ်ဒုံးကျည်များကိုလည်း ဆက်လက် တိုက်ခိုက်သွားမည်ဖြစ်ကြောင်း စစ်ဘက်က ဆိုသည်။

ယင်းတိုက်ခိုက်မှုများမတိုင်မီ နာရီပိုင်းအလိုတွင် အမေရိကန် အလယ်ပိုင်း စစ်ဌာနချုပ်က X လူမှုကွန်ရက်၌ ပို့စ်တစ်ခုတင်ခဲ့ပြီး အမေရိကန် တပ်ဖွဲ့ဝင် များသည် "အီရန်တော်လှန်ရေးအစောင့်တပ်ဖွဲ့ (IRGC) ၏ ကွပ်ကဲမှုနှင့် ထိန်းချုပ်ရေးဌာနများ၊ အီရန်၏ လေကြောင်းရန်ကာကွယ်ရေးစနစ်များ၊ ဒုံးကျည်နှင့် ဒရုန်းပစ်လွှတ်သည့်နေရာများနှင့် စစ်ဘက်ဆိုင်ရာ လေယာဉ်ကွင်းများ" ကို ဖျက်ဆီးခဲ့ကြောင်း ဖော်ပြခဲ့သည်။

တစ်ချိန်တည်းမှာပင် အီရန်သည် ပင်လယ်ကွေ့ဒေသရှိ အမေရိကန် မဟာမိတ်များကို တစ်ညလုံး လေကြောင်းမှတစ်ဆင့် ဆက်တိုက် တိုက်ခိုက်ခဲ့သည်။

ကိုးကား- CNN

Photo: France 24

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

မျက်မှောက်ကာလ အရှေ့အလယ်ပိုင်းရေးရာ အီရန်စစ်ပွဲမစတင်မီလုပ်ဆောင်ခဲ့သည့် အစ္စရေးမော့ ဆက်ထောက်လှမ်းရေးနှင့် အထူးတပ်ဖွဲ့ဝင်တို့၏ မြေပြင်စစ်ဆင်ရေး
မျက်မှောက်ကာလ အရှေ့အလယ်ပိုင်းရေးရာ အီရန်စစ်ပွဲမစတင်မီလုပ်ဆောင်ခဲ့သည့် အစ္စရေးမော့ ဆက်ထောက်လှမ်းရေးနှင့် အထူးတပ်ဖွဲ့ဝင်တို့၏ မြေပြင်စစ်ဆင်ရေး
အီရန်နိုင်ငံ၏ နျူကလီးယားစက်ရုံများ၊ ဒုံးကျည်စခန်းများ၊ သိပ္ပံပညာရှင်များနှင့် ဗိုလ်ချုပ်ကြီးများကို ပစ်မှတ်ထားသည့် အစ္စရေးနှင့် အမေရိကန်တို့၏စစ်ဆင်ရေးကြီးသည် ရှစ်လကြာအထူးလျှို့ဝှက်ပြင်ဆင်ခဲ့ပြီးနောက်  ပေါ်ပေါက်လာခြင်းဖြစ်ပြီး အစ္စရေးမော့ဆက် ထောက်လှမ်းရေးအဖွဲ့နှင့် အထူးတပ်ဖွဲ့ဝင်များသည် အီရန်နိုင်ငံအား ထိုးစစ်ဆင်တိုက်ခိုက်ခြင်း မပြုမီ ယခုနှစ် ဇန်နဝါရီလ ၂၁ ရက် ညပိုင်းတွင် မြေပြင်စစ်ဆင်ရေးများကို  လျှို့ဝှက်လုပ်ဆောင်ခဲ့သည်ဟု ဆော်ဒီအခြေစိုက် Al Arabiya ရုပ်သံသတင်းဌာနက  မတ်လ၃ ရက်တွင်ဖော်ပြသည်။အစ္စရေးမော့ဆက် ထောက်လှမ်းရေးအဖွဲ့နှင့် အထူးတပ်ဖွဲ့ဝင်များသည် ၎င်းတို့၏မြေပြင်စစ်ဆင်ရေးအတွင်း အီရန်နိုင်ငံ၏ ဒုံးကျည်နှင့် လေကြောင်းရန်ကာကွယ်ရေးစနစ်များ ထားရှိရာ နေရာအတိအကျကို ဖော်ထုတ်ခဲ့ခြင်းဖြစ်သည်။ထို့ကြောင့် အစ္စရေး လေတပ်မတော်သည်   စစ်ပွဲစတင်ပြီးနောက်ပိုင်းတွင် အီရန်နိုင်ငံ၏ မြေအောက်ဒုံးကျည်စခန်း သို့မဟုတ်  သိုလှောင်ရုံများကို လေကြောင်းမှ ထပ်ခါထပ်ခါ တိုက်ခိုက်ခဲ့ခြင်းဖြစ်ကြောင်း အမေရိကန်သတင်းဝက်ဆိုက်တစ်ခုဖြစ်သည့် axios တွင်   ဖော်ပြထားသည်။ ထို့ပြင်    အစ္စရေးကလုပ်ဆောင်သည့် တိုက်ခိုက်မှုများ၏အဓိကရည်ရွယ်ချက်ကို လေ့လာမည်ဆိုပါက    နျူကလီးယားလက်နက် ထုတ်လုပ်နိုင်သည့် နည်းပညာကိုရရှိထားသည့် အီရန်နျူကလီးယား သိပ္ပံပညာရှင်များကို လုပ်ကြံသတ်ဖြတ်ရန်ဖြစ်သည်။ထို့ကြောင့် စစ်ပွဲစတင်ပြီး  မကြာမီလုပ်ဆောင်ခဲ့သည့် တိုက်ခိုက်မှုများတွင် အစ္စရေးတပ်မတော်သည်  အီရန်သိပ္ပံပညာရှင်စုစုပေါင်း ၂၅ ဦးခန့်ကို ပစ်မှတ်ထားတိုက်ခိုက်ခြင်းဖြစ်ပြီး  ၎င်းတို့အနက် အနည်းဆုံးနှစ်ဦးကို ချေမှုန်းနိုင်ခဲ့ကြောင်း axios ကဆက်လက်ဖော်ပြထားသည်။အစ္စရေးနိုင်ငံအနေဖြင့်   အီရန်၏ နျူကလီးယားအစီအစဉ်ကို နိုင်ငံအတွက် ခြိမ်းခြောက်မှုတစ်ရပ်အဖြစ်  ကာလရှည်ကြာရှု မြင်နေခဲ့သည့်အပြင် မကြာမီနှစ်များအတွင်း ထူးထူးခြားခြား တိုးတက်လာသည့် အီရန်နိုင်ငံ၏ ဒုံးကျည်နည်းပညာများကြောင့်လည်း စိုးရိမ်မကင်းဖြစ်လျက် ရှိသည်ဟုဆိုနိုင်သည်။ ထို့ကြောင့်လည်း အစ္စရေးဝန်ကြီးချုပ် နေတန်ယာဟုအနေဖြင့် အီရန်၏အားနည်းချက် ရှိနေသည့် လေကြောင်းရန်   ကာကွယ်ရေးစနစ်ကို အကောင်းဆုံးအသုံးချ၍ တိုက်ခိုက်ရန် ညွှန်ကြားခဲ့ခြင်းဖြစ်သည်။ထို့ပြင်    အီရန်အပေါ်တိုက်ခိုက်မှုဖြစ်စဉ်တွင်   ထူးခြားသည့်အချက်မှာ အမေရိကန်သမ္မတ  ဒေါ်နယ်ထရမ့်နှင့် ၎င်း၏ အကြံပေး များသည် အီရန်အပေါ်အစ္စရေးက တိုက်ခိုက်ရန်ကြိုးပမ်းမှုကို လူအများ၏ရှေ့မှောက်တွင်  ကန့်ကွက် သယောင်ပြုခဲ့သော်လည်း  ကွယ်ရာတွင် လုံးဝကန့်ကွက်ခြင်းမရှိဟု အစ္စရေးအရာရှိ နှစ်ဦးက axios သတင်းဌာနအား ပြောကြားခဲ့ခြင်း ဖြစ်သည်။လက်ရှိတွင် အစ္စရေးနှင့်အမေရိကန်တို့၏တိုက်ခိုက်မှုများအတွင်း   အီရန်တပ်မတော်မှအရာရှိကြီးအချို့သေဆုံးခဲ့ပြီးဖြစ်သော်လည်း အီရန်အားအပြီးသတ်တိုက်ခိုက်နိုင်ရန်အတွက် သီတင်းပတ်အတော်များများအချိန်ယူရန်    လိုအပ်သည်ဟု အစ္စရေးအရာရှိများက ပြောကြားထားသည်။ယခုဖြစ်ပွားနေသည့်စစ်ပွဲသည် အမေရိကန်ပြည်ထောင်စုပါ ပါဝင်ပတ်သက်လာသည့် အရှေ့အလယ်ပိုင်းဒေသ၏ စစ်ပွဲသစ်တစ်ခုကို စတင်လိုက်ခြင်းဖြစ်ပြီး  အီရန်နှင့် အမေရိကန်တို့အကြား နျူကလီးယား သဘောတူညီချက်တစ်ရပ် ချမှတ်နိုင်ရေး မျှော်လင့်ချက် အားလုံးကိုလည်း ပျက်သုဉ်းစေခဲ့ပြီဖြစ်သည်။အချုပ်အားဖြင့်ဆိုရပါမူ   အစ္စရေးမော့ဆက်အဖွဲ့နှင့် အထူးတပ်ဖွဲ့တို့သည် အီရန်အား စစ်ရေးအရစတင် အရေးယူခြင်းမပြုမီ အီရန်နိုင်ငံအတွင်း၌ လျှို့ဝှက်မြေပြင်စစ်ဆင်ရေးကို လုပ်ဆောင်နိုင်ခဲ့ပြီး အီရန်၏ အားနည်းချက်များကို ဖော်ထုတ်နိုင်ခဲ့ခြင်း၊ မဟာမိတ် အမေရိကန်တို့နှင့် ပူးပေါင်း၍ အီရန်၏လုံခြုံရေးအရ  အထိအခိုက်မခံသည့်    အခြေခံအဆောက်အဦများကို လက်ဦးယူ တိုက်ခိုက်နိုင်ခြင်းတို့ကြောင့် လက်ရှိ   ဆက်လက်ဖြစ်ပွားနေသည့် စစ်ပွဲတွင်   တာထွက်လှစေရန်များစွာ အထောက်အကူပြု နိုင်ခဲ့ခြင်းဖြစ်ကြောင်း သုံးသပ်တင်ပြလိုက်ရပါသည်။(Ref: Iv, axios)MWD
Wed, 4-Mar-2026
မြောက်မြားလှသောအရန်ခဲယမ်းမီးကျောက်များဖြင့် စစ်ပွဲတစ်ပွဲကိုထာဝရတိုက်ခိုက်ဆင်နွှဲရန်အသင့်ရှိဟု ထရမ့်ပြော
မြောက်မြားလှသောအရန်ခဲယမ်းမီးကျောက်များဖြင့် စစ်ပွဲတစ်ပွဲကိုထာဝရတိုက်ခိုက်ဆင်နွှဲရန်အသင့်ရှိဟု ထရမ့်ပြော
အမေရိကန်ပြည်ထောင်စုအနေဖြင့် မြောက်မြားလှသော    အရန်ခဲယမ်းမီးကျောက်များကို  ပိုင်ဆိုင်ထားခြင်းကြောင့် စစ်ပွဲတစ်ပွဲကို ထာဝရတိုက်ခိုက်ဆင်နွှဲရန် အသင့်ရှိကြောင်း သမ္မတ ဒေါ်နယ်ထရမ့်ကပြောကြားသည်။အီရန်အစိုးရကိုဖြုတ်ချရန် ရည်ရွယ်လုပ်ဆောင်သည့် အမေရိကန်နှင့်အစ္စရေးတို့၏ လက်ရှိစစ်ဆင်ရေးတွင် ခဲယမ်းမီးကျောက်များ၊ အထူးသဖြင့် လေကြောင်းကာကွယ်ရေးဒုံးကျည်များကို    အသုံးပြုနိုင်မှုသည် အကန့်အသတ်ဖြစ်စေသည့် အချက်တစ်ချက် ဖြစ်ကြောင်း  စစ်ရေး လေ့လာသူများက ထောက်ပြထားသည်။သို့သော်  အဆိုပါထောက်ပြချက်ကို ထရမ့်ကပယ်ချခဲ့ပြီး အမေရိကန်အနေဖြင့် နိုင်ငံအတွင်းရှိ လက်နက်ခဲယမ်းများကို အသုံးပြု တိုက်ခိုက်နိုင်ကြောင်း၊ အမေရိကန်၏လက်နက်များသည် အခြားနိုင်ငံများ၏လက်နက်များထက် ပိုမိုအစွမ်းထက် သာလွန်မှုရှိကြောင်း၊ ထို့ပြင် အမေရိကန်က အခြားနိုင်ငံများတွင် သိုလှောင်ထားသည့် လက်နက်ခဲယမ်းများကိုလည်း   ရယူအသုံးပြုနိုင်ကြောင်း ထရမ့်က မတ်လ ၂ ရက်တွင် တုံ့ပြန်ပြောကြားခဲ့ကြောင်း သိရသည်။ထို့ပြင်  အီရန်အပေါ်ဆင်နွှဲနေသည့် စစ်ဆင်ရေးသည် မျှော်မှန်းထားသည်ထက် ကျော်လွန်လျက်ရှိသော်လည်း သီတင်းပတ် အနည်းငယ်ထက်မပိုဘဲ   ပြီးဆုံးမည်ဟု ခန့်မှန်းထားကြောင်း ထရမ့်က ဆက်လက်ပြောကြားသည်။ သို့သော် အီရန်အနေဖြင့် မြေအောက် သိုလှောင်ရုံများတွင် တာဝေးပစ်လက်နက်များကို စုဆောင်းထားရှိပြီး ရေရှည်စစ်ပွဲအတွက် ပြင်ဆင်ထားကြောင်း အီရန်တပ်မတော်မှ  တာဝန်ရှိသူများက ပြောကြားထားကြောင်း သိရသည်။(Ref: RT)
Wed, 4-Mar-2026
ရီယက်မြို့ရှိအမေရိကန်သံရုံး ဒရုန်းနှစ်စင်းဖြင့် တိုက်ခိုက်ခံရ
ရီယက်မြို့ရှိအမေရိကန်သံရုံး ဒရုန်းနှစ်စင်းဖြင့် တိုက်ခိုက်ခံရ
ဆော်ဒီအာရေဗျနိုင်ငံ ရီယက်မြို့ရှိ အမေရိကန်သံရုံးကို  ဒရုန်းနှစ်စင်းဖြင့် တိုက်ခိုက်ခဲ့ကြောင်း ဆော်ဒီကာကွယ်ရေးဝန်ကြီးဌာန၏ ပြောကြားချက်အရ သိရသည်။ကနဦးစစ်ဆေးမှုများအရ မြို့တော်ရှိ အမေရိကန်သံရုံးကို  မတ်လ ၃ ရက်က ဒရုန်းနှစ်စင်းဖြင့်   တိုက်ခိုက်ခဲ့ခြင်းဖြစ်ပြီး တိုက်ခိုက်မှုကြောင့် မီးလောင်ကျွမ်းမှုနှင့် ပျက်စီးမှု အနည်းငယ်ဖြစ်ပွားခဲ့ကြောင်း ဆော်ဒီကာကွယ်ရေးဝန်ကြီးဌာနက လူမှုကွန်ရက်တွင် ဖော်ပြထားသည်။ဒရုန်းတိုက်ခိုက်မှု ဖြစ်ပွားချိန်တွင် သံရုံးအတွင်း၌   တစ်စုံတစ်ဦးမျှရှိမနေသောကြောင့် ထိခိုက်ဒဏ်ရာရသူမရှိကြောင်း ဝန်ကြီးဌာနမှ  တာဝန်ရှိသူတစ်ဦးကို ကိုးကား၍ Fox  News  သတင်းဌာနမှ ဂျနီဖာဂရစ်ဖင်က ပြောကြားသည်။အမေရိကန်နှင့် အစ္စရေးတို့သည် ပြီးခဲ့သည့်သီတင်းပတ်အကုန်ပိုင်းတွင် တီဟီရန်မြို့ အပါအဝင် အီရန်နိုင်ငံအတွင်းရှိ  ပစ်မှတ်များအပေါ် တိုက်ခိုက်ခဲ့ရာ ပျက်စီးဆုံးရှုံးမှုများနှင့် အရပ်သားထိခိုက်သေဆုံးမှုများကို ဖြစ်ပေါ်စေခဲ့ပြီးနောက် အီရန်ဘက်မှ အစ္စရေး ပိုင်နက်နယ်မြေများအပြင် အရှေ့အလယ်ပိုင်းရှိ နိုင်ငံအချို့တွင် တည်ရှိသောအမေရိကန် စစ်အခြေစိုက်စခန်းများကိုပါ လက်တုံ့ပြန်၍    ပြန်လည်တိုက်ခိုက်ခဲ့ကြောင်း သိရသည်။အမေရိကန်သံရုံး တိုက်ခိုက်ခံရမှုနှင့် စပ်လျဉ်း၍ အမေရိကန်ပြည်ထောင်စုက လက်တုံ့ပြန်မှုများကို မကြာမီ လုပ်ဆောင်သွားမည်ဖြစ်ကြောင်း    အမေရိကန်သမ္မတ ဒေါ်နယ်ထရမ့်က  ပြောကြားထားသည်။(Ref: Sputnik)MWD
Wed, 4-Mar-2026
အမေရိကန်နှင့် အစ္စရေးတို့၏ ဗုံးကြဲတိုက်ခိုက်မှုအပြီး အီရန်နျူကလီးယားစက်ရုံ ပထမဆုံးအကြိမ် ပျက်စီးသွားကြောင်း ကုလသမဂ္ဂ အတည်ပြု
အမေရိကန်နှင့် အစ္စရေးတို့၏ ဗုံးကြဲတိုက်ခိုက်မှုအပြီး အီရန်နျူကလီးယားစက်ရုံ ပထမဆုံးအကြိမ် ပျက်စီးသွားကြောင်း ကုလသမဂ္ဂ အတည်ပြု
အမေရိကန်နှင့် အစ္စရေးတို့က အီရန်နိုင်ငံအပေါ် စစ်ရေးအရတိုက်ခိုက်မှုများ စတင်ပြုလုပ်ခဲ့ပြီးနောက်ပိုင်း အီရန်၏ နျူကလီးယား အဆောက်အအုံ များ ပျက်စီးသွားကြောင်း ကုလသမဂ္ဂ၏ နျူကလီးယား စောင့်ကြည့်ရေးအဖွဲ့က ပထမဆုံးအကြိမ်အဖြစ် အတည်ပြုလိုက်သည်။အပြည်ပြည်ဆိုင်ရာအနုမြူစွမ်းအင်အေဂျင်စီ (IAEA) က လတ်တလော ရရှိထားသော ဂြိုဟ်တုဓာတ်ပုံများကိုကိုးကား၍ ပြောကြားရာတွင် အီရန်၏ အထိခိုက်မခံဆုံး နျူကလီးယား အဆောက်အအုံများထဲမှ တစ်ခုဖြစ်သည့် Natanz လောင်စာသန့်စင်စက်ရုံ၏ အပြင်ဘက်အဆောက်အအုံများ ပျက်စီးသွားသည်ဟု ဆိုသည်။နျူကလီးယား ရောင်ခြည်ဖြာထွက်မှုဆိုင်ရာ နောက်ဆက်တွဲဆိုးကျိုးများမရှိကြောင်းနှင့် စက်ရုံအတွင်းပိုင်း၌လည်း ထပ်မံထိခိုက်မှုတစ်စုံတစ်ရာ မတွေ့ရှိရကြောင်း IAEA က ဖြည့်စွက်ပြောကြားသည်။ ပြီးခဲ့သည့် တနင်္လာနေ့ (မတ် ၂) က IAEA အကြီးအကဲ ရာဖေးလ် ဂရော့စီက အီရန်ရှိ နျူကလီးယား အဆောက်အအုံများ တိုက်ခိုက်ခံရသည့် အရိပ်အယောင် မရှိသေးဟု ပြောကြားခဲ့ခြင်းဖြစ်သည်။အာကာသထောက်လှမ်းရေး ကုမ္ပဏီတစ်ခုဖြစ်သည့် Vantor မှ ရရှိသော ဓာတ်ပုံများကို CNN က လေ့လာသုံးသပ်ချက်အရ အင်္ဂါနေ့ (မတ် ၃) အစောပိုင်းတွင် ဂိုဒေါင်ကြီးတစ်ခုနှင့် နှစ်ထပ်အဆောက်အအုံငယ်နှစ်ခုတို့ ထိမှန်ခဲ့သည်ကို ဂြိုဟ်တုဓာတ်ပုံများတွင် တွေ့ရှိရသည်။အကျိုးအမြတ်မယူသော နျူကလီးယားခြိမ်းခြောက်မှု လျှော့ချရေးအဖွဲ့ (NTI) ၏ အဆိုအရ ပြီးခဲ့သည့် ဇွန်လက အမေရိကန်၏ ဗုံးကြဲမှုကြောင့် အလွန်ခိုင်ခံ့အောင် တည်ဆောက်ထားသော အဆိုပါ စက်ရုံ၏ အစိတ်အပိုင်းအချို့တွင် လျှပ်စစ်ဓာတ်အား ပြတ်တောက်မှုများ ဖြစ်ပေါ်ခဲ့ဖူးသည်။ အဆိုပါ စက်ရုံတွင် မြေပေါ်အဆောက်အအုံ ၆ ခုနှင့် မြေအောက်အဆောက်အအုံ ၃ ခု ရှိပြီး ယင်းတို့အနက်နှစ်ခုမှာ သန့်စင်စက် (Centrifuges) အလုံးရေ ၅၀,၀၀၀ ခန့်အထိ ထားရှိနိုင်ကြောင်း သိရှိရသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
လုံခြုံရေးစိုးရိမ်ရမှုများကြောင့် ဂျော်ဒန်၊ ဘာရိန်း၊ အီရတ်၊ ကာတာနှင့် ကူဝိတ်ရှိ အရေးပေါ်မဟုတ်သော အစိုးရဝန်ထမ်းများ ထွက်ခွာရန် အမေရိကန် အမိန့်ထုတ်
လုံခြုံရေးစိုးရိမ်ရမှုများကြောင့် ဂျော်ဒန်၊ ဘာရိန်း၊ အီရတ်၊ ကာတာနှင့် ကူဝိတ်ရှိ အရေးပေါ်မဟုတ်သော အစိုးရဝန်ထမ်းများ ထွက်ခွာရန် အမေရိကန် အမိန့်ထုတ်
အမေရိကန်နိုင်ငံခြားရေးဝန်ကြီးဌာနသည် လုံခြုံရေးဆိုင်ရာ စိုးရိမ်ရမှုများကြောင့် ဂျော်ဒန်၊ ဘာရိန်း၊ အီရတ်၊ ကာတာနှင့် ကူဝိတ်နိုင်ငံများရှိ အရေးပေါ်မဟုတ်သော အစိုးရဝန်ထမ်းများနှင့် ၎င်းတို့၏ မိသားစုဝင်များ မဖြစ်မနေထွက်ခွာကြရန် တနင်္လာနေ့ (မတ် ၂) တွင် အမိန့်ထုတ်ပြန်ခဲ့သည်။ဂျော်ဒန်၊ ဘာရိန်း၊ ကာတာနှင့် ကူဝိတ်ရှိ ဝန်ထမ်းများသည် အီရန်ထံမှ ဒရုန်းနှင့် ဒုံးကျည်ဖြင့် တိုက်ခိုက်ခံရနိုင်သည့်ခြိမ်းခြောက်မှုများနှင့် ရင်ဆိုင်နေရပြီး လေကြောင်းလိုင်းများလည်း ကြီးကြီးမားမား အနှောင့်အယှက်ဖြစ်နိုင်သည်ဟု နိုင်ငံခြားရေးဝန်ကြီးဌာနက မှတ်ချက်ပြုထားသည်။ ထို့အပြင် ဂျော်ဒန်နှင့် ဘာရိန်းတို့တွင် အကြမ်းဖက် တိုက်ခိုက်မှုများ ဖြစ်ပွားနိုင်ခြေရှိကြောင်းနှင့် အီရတ်တွင် အကြမ်းဖက်မှုနှင့် ပြန်ပေး ဆွဲခံရမှု အန္တရာယ်မြင့်မားနေကြောင်း သတိပေးထားသည်။အမေရိကန်နှင့် အစ္စရေးတို့က အီရန်အပေါ် စစ်ရေးအရ စတင် တိုက်ခိုက်ပြီးနောက်ပိုင်း ယခုကဲ့သို့ သံရုံး (၅) ခုမှ ဝန်ထမ်းများအား မဖြစ်မနေထွက်ခွာခိုင်းခြင်းမှာ ပထမဆုံးအကြိမ် ဖြစ်သည်။ အီရန်၏ လက်တုံ့ပြန်မှုများကြောင့် ဒေသတွင်းလုံခြုံရေးအန္တရာယ် မြင့်တက်လာခြင်းကို ပြသနေပြီး အထူးသဖြင့် အမေရိကန် စစ်ရေးနှင့် သံတမန်ရေးရာ အဆောက်အအုံများကို ပစ်မှတ်ထားလာခြင်း ဖြစ်သည်။အင်္ဂါနေ့ (မတ် ၃) ညပိုင်း၌ ဆော်ဒီအာရေဗျရှိ အမေရိကန်သံရုံးသည် အီရန်ဒရုန်းဟုယူဆရသော ဒရုန်းနှစ်စင်းဖြင့် တိုက်ခိုက်ခံခဲ့ရပြီး ရီယာဒ် (Riyadh) ရှိ သံရုံးဝင်းအတွင်း သို့မဟုတ် အနီးအနားသို့ နောက်ထပ် ဒရုန်းနှစ်စင်း ကျရောက်ခဲ့သည်။ ကူဝိတ်ရှိ အမေရိကန်သံရုံးလည်း တိုက်ခိုက်ခံခဲ့ရသည်။ စစ်ပွဲစတင်ကတည်းက ဒေသတွင်းရှိ အမေရိကန် သံရုံး အများအပြားသည် ဝန်ထမ်းများအား ဘေးကင်းရာ၌သာ နေထိုင် ကြရန် (Shelter in place) အမိန့်ထုတ်ပြန်ထားပြီး အမေရိကန် နိုင်ငံသားများကိုလည်း ထိုသို့လုပ်ဆောင်ရန် တိုက်တွန်းထားသည်။ ဝန်ထမ်းများ ထွက်ခွာရန် အမိန့်ထုတ်ထားသော်လည်း သံရုံးများကို ပိတ်သိမ်းလိုက်ခြင်း မဟုတ်ပေ။ သို့သော် ကူဝိတ်ရှိ အမေရိကန်သံရုံးကမူ ထပ်မံ အကြောင်း မကြားမချင်း ပိတ်ထားမည်ဖြစ်ကြောင်း အင်္ဂါနေ့ (မတ် ၃) တွင် ကြေညာခဲ့သည်။အခြားသော သံရုံးများတွင်မူ အရေးကြီးသည့် ဝန်ထမ်းအနည်းငယ်သာ ကျန်ရှိနေမည်ဖြစ်ပြီး အရှေ့အလယ်ပိုင်းရှိ အမေရိကန်နိုင်ငံသားများကိုမူ လေကြောင်းလိုင်းများမှတစ်ဆင့် ချက်ချင်းထွက်ခွာကြရန် နိုင်ငံခြားရေးဝန်ကြီးဌာနက တိုက်တွန်းထားသည်။ လေကြောင်းလိုင်း အများအပြား သည် ဒေသတွင်းသို့ ပျံသန်းမှုများရပ်ဆိုင်းထားသဖြင့် လူအများစုမှာအမြန်ဆုံး ထွက်ခွာနိုင်ရန် ခဲယဉ်းနိုင်သည်။ လက်ရှိအချိန်အထိ အမေရိကန် အစိုးရအနေဖြင့် နိုင်ငံသားများအတွက် ကယ်ဆယ်ရေးလေယာဉ်များ စတင်ပြေးဆွဲပေးခြင်း မရှိသေးပေ။ကိုးကား- CNNPhoto: Investing.comဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
ယူကရိန်းက စုဆောင်းထားသူတစ်ဦး ရုရှားတွင် အဖမ်းခံရမည့်ဆဲဆဲ၌ ယူကရိန်းထောက်လှမ်းရေးများက ၎င်းအား ပြန်လည်ဖောက်ခွဲ သတ်ဖြတ် - FSB
ယူကရိန်းက စုဆောင်းထားသူတစ်ဦး ရုရှားတွင် အဖမ်းခံရမည့်ဆဲဆဲ၌ ယူကရိန်းထောက်လှမ်းရေးများက ၎င်းအား ပြန်လည်ဖောက်ခွဲသတ်ဖြတ် - FSB
ရုရှားတွင် ဗုံးခွဲတိုက်ခိုက်မှုပြုလုပ်ရန် ၎င်းတို့စုဆောင်းထားသည့် အမျိုးသားတစ်ဦးအား ဥပဒေစိုးမိုးရေးအဖွဲ့များက ဖမ်းဆီးရန်ကြိုးပမ်းစဉ်အတွင်း ယူကရိန်းထောက်လှမ်းရေးများက ပြန်လည်သတ်ဖြတ်ခဲ့ကြောင်း ရုရှား လုံခြုံရေးဌာန (FSB) က အင်္ဂါနေ့ (မတ် ၃) တွင် သတင်းထုတ်ပြန်ခဲ့သည်။ အဆိုပါ သေဆုံးသွားသူမှာ အသက် ၄၀ ကျော်အရွယ် ရုရှား နိုင်ငံသားတစ်ဦးဖြစ်ပြီး Sverdlovsk ဒေသရှိ ကာကွယ်ရေးစက်ရုံမှ အရာရှိတစ်ဦးအား ပစ်မှတ်ထားတိုက်ခိုက်ရန် ယူကရိန်းဘက်မှ စေခိုင်းထားသူဖြစ်ကြောင်း FSB က ဖော်ထုတ်ခဲ့သည်။FSB ၏ ဖော်ပြချက်အရ အဆိုပါသံသယရှိသူသည် ကိယက်ဗ်မှ ပေးအပ်ထားသော မှတ်ပုံတင်အတုကိုအသုံးပြု၍ ဒေသတွင်းမြို့တော် Ekaterinburg တွင် တိုက်ခန်းတစ်ခန်း ငှားရမ်းနေထိုင်ခဲ့ပြီး လုပ်ကြံသတ်ဖြတ်မှုအတွက် လက်လုပ်ဗုံး နှစ်လုံးကိုလည်း လက်ဝယ်ထားရှိခဲ့ကြောင်း သိရှိရသည်။အရာရှိများက ၎င်းအားရင်ဆိုင်ဖမ်းဆီးစဉ်အတွင်း အဆိုပါ အကြံအစည် မှာ ပျက်ပြားသွားခဲ့ကြောင်း ထုတ်ပြန်ချက်တွင်ဖော်ပြထားသည်။ ယူကရိန်းဘက်မှ စေခိုင်းသူများသည် ၎င်းတို့၏ လူမှာ ဖော်ထုတ်ခံလိုက်ရပြီဖြစ်ကြောင်း သိရှိသွားပြီးနောက် ဗုံးတစ်လုံးကို အဝေးထိန်းစနစ်ဖြင့် ဖောက်ခွဲကာ ၎င်းအား သတ်ဖြတ်ခဲ့ခြင်းဖြစ်သည်ဟု FSB က ဆိုသည်။ ဒုတိယမြောက်ဗုံးကိုမူ ဗုံးကျွမ်းကျင်သူများက နောက်ပိုင်းတွင် အောင်မြင်စွာ သက်မဲ့ဖြစ်အောင် ပြုလုပ်နိုင်ခဲ့သည်။ရုရှားအရာရှိများ၏ အဆိုအရ ယူကရိန်းအထူးဝန်ဆောင်မှုဌာနများသည် ရုရှားမြေပေါ်တွင် တိုက်ခိုက်မှုများပြုလုပ်ရာ၌ ကျူးလွန်သူပါ သေဆုံးစေမည့် နည်းလမ်းများကို ပိုမိုအသုံးပြုလာကြကြောင်း သိရှိရသည်။ ဒေသတွင်း စုဆောင်းခံရသူများကို များသောအားဖြင့် ငွေကြေးကမ်းလှမ်းမှုများဖြင့်ဆွဲဆောင်ခြင်း သို့မဟုတ် ငွေကြေးဆိုင်ရာလိမ်လည်မှုများဖြင့် ခြိမ်းခြောက်အကျပ်ကိုင်ခြင်းမျိုး ပြုလုပ်လေ့ရှိသည်။ ထိုကဲ့သို့ သေကျေ ပျက်စီးစေသည့် ချဉ်းကပ်မှုမှာ သက်သေများကို ဖျောက်ဖျက်ရန်နှင့် ကုန်ကျစရိတ်များကို လျှော့ချရန်အတွက် ရည်ရွယ်ခြင်းဖြစ်သည်ဟု ရုရှား အာဏာပိုင်များက ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
© Copyright 2024 SAC All Rights Reserved.