နီပေါနိုင်ငံရွေးကောက်ပွဲတွင် ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်လာရောက်မဲပေး

dpWEB1234

News Image

  • နီပေါနိုင်ငံရွေးကောက်ပွဲတွင် ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်လာရောက်မဲပေး

ခတ္တမန္ဒူ၊  နိုင်ငံရေး

နီပေါနိုင်ငံ၌  မတ်လ ၅ ရက်တွင် ကျင်းပခဲ့သောရွေးကောက်ပွဲအတွင်း ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်   လာရောက်မဲပေးခဲ့ကြကြောင်းရွေးကောက်ပွဲကော်မတီ၏   အဆင့်မြင့်အရာရှိတစ်ဦးက ပြောကြားသည်။

ရွေးကောက်ပွဲတွင် စုစုပေါင်းမဲပေးပိုင်ခွင့်ရှိသူ ၁၈၉၀၃၆၈၉ ဦးရှိပြီး  အောက်လွှတ်တော်ရှိ အမတ်နေရာ ၂၇၅ နေရာအတွက် ပါတီစုံနှင့် တစ်သီးပုဂ္ဂလကိုယ်စားလှယ်လောင်း စုစုပေါင်း ၆၅၄၁ ဦး ဝင်ရောက်ယှဉ်ပြိုင်ခဲ့ကြကြောင်း သိရသည်။

ယခုကျင်းပခဲ့သည့် ရွေးကောက်ပွဲသည် ပြီးခဲ့သည့်စက်တင်ဘာလက  ဖြစ်ပွားခဲ့သည့် အကြမ်းဖက်မှုများ ပြီးဆုံးပြီးနောက် ပထမဆုံးအကြိမ် ကျင်းပသည့် ရွေးကောက်ပွဲဖြစ်လာခဲ့သည်။ 

ရွေးကောက်ပွဲတွင်      တိုက်ရိုက်ရွေးကောက်တင်မြှောက်သည့် မဲဆန္ဒနယ် ၁၆၅ ခု၏ရလဒ်များကို နှစ်ရက်အတွင်း ထုတ်ပြန်ကြေညာ သွားမည်ဖြစ်ကြောင်း ရွေးကောက်ပွဲကော်မရှင်ကပြောကြားထားကြောင်း သိရသည်။

 Ref: Xinhua, RT

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

နီပေါနိုင်ငံရွေးကောက်ပွဲတွင် ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်လာရောက်မဲပေး
နီပေါနိုင်ငံရွေးကောက်ပွဲတွင် ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်လာရောက်မဲပေး
ခတ္တမန္ဒူ၊  နိုင်ငံရေးနီပေါနိုင်ငံ၌  မတ်လ ၅ ရက်တွင် ကျင်းပခဲ့သောရွေးကောက်ပွဲအတွင်း ဆန္ဒမဲပေးပိုင်ခွင့်ရှိသူ စုစုပေါင်း၏ ၆၀ ရာခိုင်နှုန်းခန့်   လာရောက်မဲပေးခဲ့ကြကြောင်းရွေးကောက်ပွဲကော်မတီ၏   အဆင့်မြင့်အရာရှိတစ်ဦးက ပြောကြားသည်။ရွေးကောက်ပွဲတွင် စုစုပေါင်းမဲပေးပိုင်ခွင့်ရှိသူ ၁၈၉၀၃၆၈၉ ဦးရှိပြီး  အောက်လွှတ်တော်ရှိ အမတ်နေရာ ၂၇၅ နေရာအတွက် ပါတီစုံနှင့် တစ်သီးပုဂ္ဂလကိုယ်စားလှယ်လောင်း စုစုပေါင်း ၆၅၄၁ ဦး ဝင်ရောက်ယှဉ်ပြိုင်ခဲ့ကြကြောင်း သိရသည်။ယခုကျင်းပခဲ့သည့် ရွေးကောက်ပွဲသည် ပြီးခဲ့သည့်စက်တင်ဘာလက  ဖြစ်ပွားခဲ့သည့် အကြမ်းဖက်မှုများ ပြီးဆုံးပြီးနောက် ပထမဆုံးအကြိမ် ကျင်းပသည့် ရွေးကောက်ပွဲဖြစ်လာခဲ့သည်။ ရွေးကောက်ပွဲတွင်      တိုက်ရိုက်ရွေးကောက်တင်မြှောက်သည့် မဲဆန္ဒနယ် ၁၆၅ ခု၏ရလဒ်များကို နှစ်ရက်အတွင်း ထုတ်ပြန်ကြေညာ သွားမည်ဖြစ်ကြောင်း ရွေးကောက်ပွဲကော်မရှင်ကပြောကြားထားကြောင်း သိရသည်။ Ref: Xinhua, RTMWD
Fri, 6-Mar-2026
အရှေ့အလယ်ပိုင်းဒေသ၏ ဆိုးရွားလာနေသော အခြေအနေနှင့်ပတ်သက်၍ စိုးရိမ်မကင်းဖြစ်မိဟု ရုရှားပြော
အရှေ့အလယ်ပိုင်းဒေသ၏ ဆိုးရွားလာနေသော အခြေအနေနှင့်ပတ်သက်၍ စိုးရိမ်မကင်းဖြစ်မိဟု ရုရှားပြော
အရှေ့အလယ်ပိုင်းဒေသ၏  ဆိုးရွားလာနေသော အခြေအနေနှင့် ပတ်သက်၍ စိုးရိမ်မကင်းဖြစ်မိကြောင်း ရုရှားနိုင်ငံခြားရေး ဝန်ကြီးဌာနက  မတ်လ ၅ ရက်တွင် ထုတ်ပြန်သည်။ အီရန်နိုင်ငံအပေါ် စစ်ဆင်ရေးဆင်နွှဲနေသည့်  အမေရိကန်နှင့် အစ္စရေးတို့သည် ၎င်းတို့၏တိုက်ခိုက်မှုများကို ရပ်တန့်မည့် အရိပ်အယောင်မျိုး မတွေ့ရကြောင်း ရုရှားဝန်ကြီးဌာနကထုတ်ပြန်သည့် ကြေညာချက်တွင် ဖော်ပြထားသည်။ ထို့ပြင် ယခုလုပ်ဆောင်လျက်ရှိသည့် စစ်ဆင်ရေးကို လုပ်ကြံဖန်တီးထားသော အကြောင်းပြချက်ဖြင့် စတင်ခဲ့ခြင်းဖြစ်သည်ဟု ရုရှားက ဆက်လက်ပြောကြားထားသည်။ထို့အတူ     အစ္စလာမ်ကမ္ဘာအတွင်း သွေးကွဲစေရန်နှင့် အီရန်နိုင်ငံကို လက်တုံ့ပြန်တိုက်ခိုက်မှုများ   ပြုလုပ်လာစေရန်အတွက် အမေရိကန်နှင့် အစ္စရေးနိုင်ငံတို့က ရည်ရွယ်ချက်ရှိရှိ လှုံ့ဆော်လျက်ရှိကြောင်း၊ ထိုသို့လှုံ့ဆော်မှုကြောင့် အာရပ်နိုင်ငံအချို့ရှိ အဆောက်အအုံများတွင် လူသေဆုံးမှုနှင့်ပျက်စီးဆုံးရှုံးမှုများ ဖြစ်ပေါ်ခဲ့ရကြောင်း ရုရှားဝန်ကြီးဌာနက ပြောကြားသည်။ထိုသို့သောလုပ်ရပ်များသည် အာရပ်နိုင်ငံများကို ပြင်ပအကျိုးစီးပွားအတွက် အသုံးချမည့် စစ်ပွဲအတွင်းသို့ဆွဲသွင်းရန်နှင့် ပါလက်စတိုင်းပြည်သူတို့ ရင်ဆိုင်နေရသော  ကပ်ဘေးဆိုက်နေသည့်ဒုက္ခများအပေါ်    အာရုံလွှဲရန်ရည်ရွယ်ခြင်းဖြစ်ကြောင်း၊ ထို့ကြောင့် ပင်လယ်ကွေ့ဒေသရှိ အာရပ်နိုင်ငံများ၏ နယ်မြေများအပေါ် တိုက်ခိုက်မှုများ အပါအဝင် ရန်လိုသည့် လုပ်ရပ်များအားလုံးကို ချက်ချင်းရပ်တန့်ရန်   ရုရှားက သက်ဆိုင်ရာနိုင်ငံများကို တိုက်တွန်းထားကြောင်း သိရသည်။Ref: XinhuaMWD
Fri, 6-Mar-2026
အမေရိကန်အထက်လွှတ်တော်ကြားနာပွဲတွင် အီရန်စစ်ပွဲ ဆန့်ကျင်ရေးနှင့်စပ်လျဉ်း၍ ရုန်းရင်းဆန်ခတ်ဖြစ်ပွား
အမေရိကန်အထက်လွှတ်တော်ကြားနာပွဲတွင် အီရန်စစ်ပွဲ ဆန့်ကျင်ရေးနှင့်စပ်လျဉ်း၍ ရုန်းရင်းဆန်ခတ်ဖြစ်ပွား
အမေရိကန်ပြည်ထောင်စု လွှတ်တော် အဆောက်အအုံ၌  မတ်လ ၄ ရက်တွင် ကျင်းပသည့် အထက်လွှတ်တော်ကြားနာပွဲ တစ်ခုအတွင်း  အီရန်စစ်ပွဲဆန့်ကျင်ရေး ဆန္ဒပြသူတစ်ဦးနှင့်  အထက်လွှတ်တော် အမတ်တစ်ဦးနှင့်  ရဲတပ်ဖွဲ့ဝင်တို့အကြား ရုန်းရင်းဆန်ခတ်ဖြစ်ပွားခဲ့ကြောင်း သိရသည်။အဆိုပါဖြစ်စဉ်တွင်    မြောက်ကာရိုလိုင်းနားပြည်နယ်  အထက်လွှတ်တော်အမတ်လောင်းနှင့် အမေရိကန်မရိန်းတပ်ဖွဲ့ဝင် ဟောင်းတစ်ဦးဖြစ်သူ ဘရိုင်ယန်မက်ဂင်း နစ်သည် ပူးတွဲစစ်ဦးစီးချုပ်များအဖွဲ့မှ အဖွဲ့ဝင်များ လာရောက်ထွက်ဆိုသည့် အထက် လွှတ်တော် လက်နက်ကိုင်တပ်ဖွဲ့များဆိုင်ရာ ဆပ်ကော်မတီကြားနာပွဲ    ကျင်းပနေစဉ်အတွင်း  ကြွေးကြော်သံများအော်ဟစ်၍ ဆန္ဒပြခဲ့ရာမှ ရုန်းရင်းဆန်ခတ်ဖြစ်ပွားခြင်း ဖြစ်သည်။ယင်းနောက်တွင် လွှတ်တော်အဆောက်အအုံရှိ   ရဲအရာရှိသုံးဦးနှင့်  အထက်လွှတ်တော်အမတ်တစ်ဦးဖြစ်သူ တင်ရှီးဟီးတို့က မက်ဂင်းနစ်ကို ကြားနာပွဲကျင်းပနေသည့်အခန်း၏ပြင်ပသို့    ခေါ်ထုတ်ရန်ကြိုးပမ်းစဉ် မက်ဂင်းနစ်က   အစ္စရေးနိုင်ငံအတွက် မည်သည့်အမေရိကန်နိုင်ငံသားမျှတိုက်ပွဲမဝင်လိုကြောင်း  အော်ဟစ်ခဲ့ခြင်းဖြစ်ကြောင်း သိရသည်။ သို့သော် မက်ဂင်းနစ်သည် ၎င်းအား အခန်းအတွင်းမှခေါ်ထုတ်ရန် ကြိုးပမ်းသည့်  ရဲအရာရှိများကို အကြမ်းဖက်ခုခံတွန်းလှန် ခဲ့ခြင်းကြောင့် ဒဏ်ရာရရှိခဲ့ခြင်းဖြစ်ကြောင်း ရဲတပ်ဖွဲ့ကထုတ်ပြန်ထားသည်။ ထို့ပြင်  မက်ဂင်းနစ်သည် ရဲအရာရှိများကို ကိုယ်ထိ လက်ရောက် ကျူးလွန်မှုသုံးမှုအပြင် ရဲတပ်ဖွဲ့၏ ဖမ်းဆီးမှုကိုခုခံခြင်း၊ လူစုလူဝေးဖြစ်ပေါ်စေခြင်း၊ နှောင့်ယှက်ခြင်းနှင့် တရားမဝင် ဆန္ဒပြမှုနှင့်  အဟန့်အတား ဖြစ်စေခြင်းစသည့်  စွဲချက်သုံးမှုတို့နှင့်ရင်ဆိုင်နေရကြောင်း   ရဲတပ်ဖွဲ့၏ ထုတ်ပြန်ချက်အရ သိရသည်။Ref: RTMWD
Fri, 6-Mar-2026
ယူကရိန်း၏ ရေနံပိတ်ဆို့မှုကို တုံ့ပြန်သည့်အနေဖြင့် EU ၏ ဆုံးဖြတ်ချက်တိုင်းကို ပိတ်ပင်မည်ဟု ဟန်ဂေရီ သတိပေး
ယူကရိန်း၏ ရေနံပိတ်ဆို့မှုကို တုံ့ပြန်သည့်အနေဖြင့် EU ၏ ဆုံးဖြတ်ချက်တိုင်းကို ပိတ်ပင်မည်ဟု ဟန်ဂေရီ သတိပေး
ယူကရိန်းနိုင်ငံက ရုရှားနိုင်ငံမှလာသော Druzhba ရေနံပိုက်လိုင်း စီးဆင်းမှုကို ပိတ်ဆို့ထားခြင်းအပေါ် တုံ့ပြန်သည့်အနေဖြင့် ယူကရိန်းအတွက် အရေးပါသော EU ၏ ဆုံးဖြတ်ချက်မှန်သမျှကို ဟန်ဂေရီနိုင်ငံက ဗီတို အာဏာသုံး၍ တားဆီးသွားမည်ဖြစ်ကြောင်း ဝန်ကြီးချုပ် ဗစ်တာ အော်ဘန် (Viktor Orban) က ပြင်းထန်စွာ သတိပေးလိုက်သည်။ အဆိုပါ ရေနံပိုက်လိုင်းသည် ရုရှား၏ တိုက်ခိုက်မှုကြောင့် ပျက်စီးသွားသည်ဟု ယူကရိန်း ဘက်က အကြောင်းပြသော်လည်း ဟန်ဂေရီနှင့် စလိုဗက်ကီးယားတို့ကမူ ၎င်းမှာ နိုင်ငံရေးအရ တမင်သက်သက် ဖြတ်တောက်ခြင်းသာ ဖြစ်သည် ဟု စွပ်စွဲထားကြသည်။ဝန်ကြီးချုပ် အော်ဘန်က ယူကရိန်းသည် ရုရှားစွမ်းအင်များ EU သို့ မရောက်ရှိစေရန် ဖျက်လိုဖျက်ဆီးလုပ်ဆောင်နေကြောင်းစွပ်စွဲခဲ့ပြီး ဟန်ဂေရီ နိုင်ငံအတွင်းရှိ စွမ်းအင်အခြေခံအဆောက်အအုံများကို စောင့်ကြပ်ရန်အတွက် စစ်တပ်ကို နေရာ ၇၅ ခုတွင် ချထားခဲ့သည်။ ထို့အပြင် ဂြိုဟ်တုပုံရိပ်များအရ ပိုက်လိုင်းမှာပျက်စီးခြင်းမရှိဘဲ ကောင်းမွန်စွာ အလုပ်လုပ်နေသည်ကိုတွေ့ရသဖြင့် ယူကရိန်းအနေဖြင့် နိုင်ငံတကာစစ်ဆေးရေးမှူးများကို ဝင်ရောက်စစ်ဆေးခွင့်ပြုရန် ၎င်းက တောင်းဆိုထားသည်။ သို့သော်လည်း ယူကရိန်း ဘက်ကမူ အဆိုပါ စစ်ဆေးရေးအဖွဲ့ လာရောက်မည့် အစီအစဉ်ကို ငြင်းပယ်ထားကြောင်း သိရှိရသည်။အဆိုပါတင်းမာမှုများကြောင့် ဟန်ဂေရီသည် ယူကရိန်းအတွက် ပေးအပ်မည့် ယူရို ၉၀ ဘီလီယံ အရေးပေါ်ချေးငွေနှင့် ရုရှားအပေါ်ချမှတ်မည့် ၂၀ ကြိမ်မြောက် ပိတ်ဆို့အရေးယူမှုများကို ဗီတိုအာဏာသုံး၍ ပိတ်ပင်ထားပြီးဖြစ်သည်။ တစ်ဖက်တွင်လည်း ရုရှားသမ္မတ ဗလာဒီမာ ပူတင်က ၎င်းတို့ အနေဖြင့် စွမ်းအင်ထောက်ပံ့မှု ကတိကဝတ်များကို အမြဲဖြည့်ဆည်းပေးရန် အဆင်သင့်ရှိကြောင်း ကရင်မလင်နန်းတော်တွင် ဟန်ဂေရီ နိုင်ငံခြားရေး ဝန်ကြီးနှင့်တွေ့ဆုံစဉ် ပြောကြားခဲ့သည်။ အဆိုပါအခြေအနေသည် EU အတွင်း ယူကရိန်းအား ကူညီရေးနှင့် ရုရှားအပေါ် စွမ်းအင်မှီခိုမှုလျှော့ချရေးဆိုင်ရာမူဝါဒများအပေါ် ကြီးမားသောစိန်ခေါ်မှုတစ်ရပ် ဖြစ်လာနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 5-Mar-2026
TPUSA သည် Charlie Kirk ၏ ရပ်တည်ချက်ကို မှားယွင်းစွာအသုံးချ၍ အီရန်စစ်ပွဲကို ကာကွယ်နေကြောင်း စွပ်စွဲခံရ
TPUSA သည် Charlie Kirk ၏ ရပ်တည်ချက်ကို မှားယွင်းစွာအသုံးချ၍ အီရန်စစ်ပွဲကို ကာကွယ်နေကြောင်း စွပ်စွဲခံရ
သတင်းထောက် Max Blumenthal က ကွန်ဆာဗေးတစ်အုပ်စုဖြစ်သော Turning Point USA (TPUSA) သည် ၎င်းတို့၏ တွဲဖက်တည်ထောင်သူ Charlie Kirk ၏ အီရန်အပေါ်ထားရှိသော သဘောထားအစစ်အမှန်ကို ဖုံးကွယ်ကာ အမေရိကန်-အစ္စရေးတို့၏ စစ်ပွဲကိုထောက်ခံရန် ကြိုးပမ်းနေကြောင်း ပြင်းပြင်းထန်ထန် စွပ်စွဲလိုက်သည်။ နာမည်ကြီး ပေါ့ကတ်စ် တင်ဆက်သူ Kirk သည် ၂၀၂၅ ခုနှစ်၊စက်တင်ဘာလက Utah ပြည်နယ်တွင် စနိုက်ပါဖြင့် ပစ်ခတ်ခံရပြီး သေဆုံးခဲ့ပြီးနောက် ၎င်း၏ဇနီးဖြစ်သူ Erika Kirk က အဖွဲ့အစည်းကို ဦးဆောင်နေခြင်းဖြစ်သည်။အမေရိကန်က အီရန်ကို လေကြောင်းတိုက်ခိုက်မှုများ စတင်ပြီးနောက် TPUSA က Kirk ၏ ဗီဒီယိုဟောင်းတစ်ခုကို လူမှုကွန်ရက်တွင် ပြန်လည် မျှဝေခဲ့သည်။ ထိုဗီဒီယို၌ Kirk က အီရန်ကို အနောက်တိုင်းပုံစံ (Westernize) ပြန်လည်ပြောင်းလဲရန် တိုက်တွန်းထားသော်လည်း ယင်းမှာ လွန်ခဲ့သော နှစ်ပေါင်းများစွာက ပြောကြားချက်ဖြစ်ကြောင်း X ၏ Community Note က ထောက်ပြခဲ့သည်။ အမှန်စင်စစ်အားဖြင့် Kirk သည် ၂၀၂၅ ခုနှစ် ဇွန်လတွင် အီရန်၌ အစိုးရအပြောင်းအလဲလုပ်ရန် ကြိုးပမ်းမှုကို ‘စိတ်ဖောက်ပြန်သည့် ရူးသွပ်သောကိစ္စ’ ဟု ခေါ်ဆိုကာ ပြင်းပြင်းထန်ထန် ကန့်ကွက်ခဲ့ဖူးသည်။Kirk က ၎င်း၏ ပေါ့ကတ်စ်တွင် အီရန်အစိုးရပြုတ်ကျသွားပါက လူဦးရေ သန်း ၉၀ ရှိသောနိုင်ငံ၌ ပြည်တွင်းစစ်များဖြစ်ပွားကာ ဥရောပသို့ ဒုက္ခသည် လှိုင်းလုံးကြီးများစီးဝင်လာနိုင်ကြောင်း သတိပေးခဲ့သည်။ သို့သော်လည်း လက်ရှိတွင် သမ္မတ ဒေါ်နယ်ထရမ့် က အီရန်ရှိ ဆူပူအုံကြွမှုများကိုလူသိရှင်ကြား ထောက်ခံနေပြီး အတိုက်အခံများအနေဖြင့် ယခု လေကြောင်းတိုက်ခိုက်မှုများကို အခွင့်အရေးအဖြစ်အသုံးချကာ အာဏာသိမ်းယူရန် တိုက်တွန်းလျက်ရှိသည်။ အဆိုပါအခြေအနေများကြောင့် TPUSA သည် Kirk ၏ မူလရပ်တည်ချက်ကို တမင်မှားယွင်းစွာဖော်ပြနေခြင်း ဖြစ်ကြောင်း Blumenthal က ဝေဖန်ခဲ့ခြင်းဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 5-Mar-2026
အမေရိကန်နှင့် အစ္စရေးတို့၏ စစ်ရေးလှုပ်ရှားမှုကို စပိန်ဝန်ကြီးချုပ် ပြင်းထန်စွာ ဝေဖန်ရှုတ်ချ
အမေရိကန်နှင့် အစ္စရေးတို့၏ စစ်ရေးလှုပ်ရှားမှုကို စပိန်ဝန်ကြီးချုပ် ပြင်းထန်စွာ ဝေဖန်ရှုတ်ချ
အမေရိကန်နှင့် အစ္စရေးတို့ ပူးပေါင်းလုပ်ဆောင်နေသည့် အီရန်အပေါ် စစ်မက်ပြုမှုများနှင့်ပတ်သက်၍ စပိန်ဝန်ကြီးချုပ် ပက်ဒရို ဆန်းချက်ဇ် က ပြင်းထန်စွာဝေဖန်ရှုတ်ချလိုက်ပြီး ၎င်းတို့၏ စစ်ရေးလှုပ်ရှားမှုများတွင် စပိန်နိုင်ငံအနေဖြင့် ပါဝင်ပတ်သက်မည်မဟုတ်ကြောင်း အတိအလင်း ကြေညာခဲ့သည်။စပိန်နိုင်ငံအတွင်းရှိ စစ်အခြေစိုက်စခန်းများကို အသုံးပြုခွင့်ပေးရန် ဝါရှင်တန်၏ တောင်းဆိုချက်ကိုငြင်းဆန်ခဲ့ခြင်းကြောင့် အမေရိကန် သမ္မတ ဒေါ်နယ်ထရမ့်က စပိန်နှင့် ကုန်သွယ်မှုအားလုံးရပ်ဆိုင်းမည်ဟု ခြိမ်းခြောက်ထားသော်လည်း ဝန်ကြီးချုပ် ဆန်းချက်ဇ်က မတုန်လှုပ်ဘဲ ယခုကဲ့သို့ တုံ့ပြန်လိုက်ခြင်းဖြစ်သည်။ဗုဒ္ဓဟူးနေ့ (မတ် ၄) က ပြောကြားခဲ့သည့်ရုပ်သံမိန့်ခွန်းတွင် ဝန်ကြီးချုပ်က စပိန်၏ ပြတ်သားသောရပ်တည်ချက်မှာ “စစ်ကို အလိုမရှိ” ဟူသော မူဝါဒပင်ဖြစ်ကြောင်း ပြောကြားခဲ့သည်။ ထို့ပြင် ယခုကဲ့သို့သော စစ်ရေးတင်းမာမှုများသည် လူသားမျိုးနွယ်အတွက် ကြီးမားသော ဘေးဒုက္ခများ ဆီသို့ ဦးတည်သွားနိုင်ကြောင်းနှင့် သန်းပေါင်းများစွာသောပြည်သူတို့၏ ကံကြမ္မာကိုစတေး၍ မရေရာသောစစ်ပွဲကစားပွဲများ မပြုလုပ်သင့်ကြောင်း သတိပေးပြောဆိုခဲ့သည်။အမေရိကန်၏ စီးပွားရေးအရလက်တုံ့ပြန်မည့် ခြိမ်းခြောက်မှုများနှင့်ပတ်သက်၍လည်း ဝန်ကြီးချုပ်က “တစ်စုံတစ်ဦး၏လက်တုံ့ပြန်မှုကို ကြောက်ရွံ့ ရုံဖြင့် ကမ္ဘာကြီးကို ဆိုးကျိုးဖြစ်စေမည့်ကိစ္စရပ်များတွင် မိမိတို့နိုင်ငံအနေဖြင့် ကြံရာပါအဖြစ် ခံမည်မဟုတ်” ဟု တိုက်ရိုက်တုံ့ပြန်ခဲ့သည်။ဝေဖန်မှုများတွင် ဝန်ကြီးချုပ် ဆန်းချက်ဇ်က အမည်တပ်ခြင်းမရှိသော်လည်း သမ္မတ ထရမ့်နှင့် အစ္စရေးဝန်ကြီးချုပ် နေတန်ယာဟုတို့ကို ရည်ညွှန်း၍ ခေါင်းဆောင်အချို့သည် ၎င်းတို့၏ အုပ်ချုပ်ရေးကျရှုံးမှုများကို ဖုံးကွယ်ရန်နှင့် အကျိုးစီးပွားအုပ်စုတစ်စုအတွက် စစ်ပွဲကိုအသုံးချ နေခြင်းမှာ လက်ခံနိုင်ဖွယ်မရှိကြောင်း ပြစ်တင်ပြောဆိုခဲ့သည်။ထို့အပြင် ဝါရှင်တန်၏ သြဇာကို မဆင်မခြင်လိုက်ပါနေကြသည့် ဥရောပသမဂ္ဂ (EU) မဟာမိတ်နိုင်ငံများကိုလည်းဝေဖန်ခဲ့ပြီး ကိုယ်ပိုင် ရပ်တည်ချက်မရှိဘဲ သူတစ်ပါးနောက်လိုက်ခြင်းမှာ ခေါင်းဆောင်မှုအရည်အသွေးမဟုတ်ကြောင်း ၎င်းက ဖြည့်စွက်ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 5-Mar-2026
© Copyright 2024 SAC All Rights Reserved.