အမြို့မြို့အနယ်နယ်၌ တက္ကသိုလ်ဝင်စာမေးပွဲအောင်မြင်စွာ ကျင်းပနိုင်ရေး စာဖြေဌာနများ ပြင်ဆင်ထားရှိမှုစစ်ဆေး

dpWEB1234

News Image

  • အမြို့မြို့အနယ်နယ်၌ တက္ကသိုလ်ဝင်စာမေးပွဲအောင်မြင်စွာ ကျင်းပနိုင်ရေး စာဖြေဌာနများ ပြင်ဆင်ထားရှိမှုစစ်ဆေး

မန္တလေး

      မန္တလေးတိုင်းဒေသကြီးဝန်ကြီးချုပ် ဦးမျိုးအောင်သည် မတ်လ  ၁၀ ရက်တွင် မန္တလေးတိုင်းဒေသကြီး ချမ်းအေးသာစံမြို့နယ်  အောင်နန်းရိပ်သာအရှေ့ရပ်ကွက် လမ်း ၈၀၊  ၃၂ လမ်းနှင့် ၃၃ လမ်းကြားရှိ အမှတ်(၁၄) အခြေခံပညာအထက်တန်းကျောင်းနှင့် ပြည်ကြီးမျက်မှန်ရပ်ကွက် ၆၈ လမ်း၊ ၂၈ လမ်းထောင့်ရှိ အမှတ်(၁၆)အခြေခံပညာအထက်တန်းကျောင်းတို့ရှိ  ၂၀၂၅ - ၂၀၂၆ ပညာသင်နှစ် တက္ကသိုလ်ဝင်စာမေးပွဲကျင်းပမည့် စာဖြေဌာန‌များအား ကြည့်ရှုစစ်ဆေးသည်။

မန္တလေးတိုင်းဒေသကြီး ဝန်ကြီးချုပ် ဦးမျိုးအောင်နှင့်  ဌာနဆိုင်ရာတာဝန်ရှိသူများသည်  စာဖြေဌာနရှိ စာဖြေခန်းများအား  လိုက်လံကြည့်ရှုစစ်ဆေးရာတွင်မန္တလေးတိုင်းဒေသကြီး   ပညာရေးမှူးဒုတိယ ညွှန်ကြားရေးမှူးချုပ် ဒေါက်တာစိုးမြင့်ထွန်း၊ မဟာအောင်မြေခရိုင် ပညာရေးမှူး ဒေါက်တာသက်လှစု၊ ချမ်းအေးသာစံမြို့နယ် ဒုတိယမြို့နယ်ပညာရေးမှူး ဦးသူရိန်စိုးနှင့်တာဝန်ရှိသူများက အသီးသီးလိုက်လံ ရှင်းလင်းပြသကြောင်းနှင့် လိုအပ်သည်များအား သက်ဆိုင်ရာ ဌာနများနှင့် ပေါင်းစပ်ညှိနှိုင်းဆောင်ရွက်ပေးကြောင်း သိရသည်။ 

MWD

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

ရန်ကုန်ယူနိုက်တက်အသင်း နောက်ကျဂိုးများဖြင့်  ရတနာပုံအသင်းကို အနိုင်ယူ
ရန်ကုန်ယူနိုက်တက်အသင်း နောက်ကျဂိုးများဖြင့်  ရတနာပုံအသင်းကို အနိုင်ယူ
ရန်ကုန် မတ် ၁၀     ၂၀၂၅-၂၀၂၆ ရာသီ မြန်မာနေရှင်နယ်လိဂ် အမှတ်ပေးဘောလုံးပြိုင်ပွဲ ပွဲစဉ်(၂၁)၏ပွဲစဉ် တစ်ပွဲဖြစ်သည့် ရတနာပုံအသင်းနှင့် ရန်ကုန် ယူနိုက်တက်အသင်းတို့ ယနေ့ညနေပိုင်းတွင် သန်လျင်မြို့ သီဟဒီပကွင်း၌ယှဉ်ပြိုင်ကစားကြရာ ရန်ကုန်ယူနိုက်တက်အသင်းက နောက်ကျဂိုးများသွင်း၍ ၃ ဂိုး ၂ ဂိုးဖြင့် အနိုင်ရရှိသွားသည်။ ရတနာပုံအသင်းသည် အမှတ်ပေးဇယားအဆင့်(၅)တွင် ရပ်တည်နေသည့်အသင်းဖြစ်ပြီး ရန်ကုန်ယူနိုက်တက်အသင်းသည် အမှတ်ပေးဇယား  အဆင့်(၂) နေရာတွင် ရပ်တည်နေသည့်   အသင်းဖြစ်သည်။ ရန်ကုန်ယူနိုက်တက်အသင်းပွဲစကတည်းက ပြိုင်ဘက်ကို ဖိအားပေးတိုက်စစ်ဆင်ကစားခဲ့ရာ  ပွဲကစားချိန်တစ်မိနစ်အတွင်း ဒေးဗစ်ထန်း၏ ပေးပို့မှုမှတစ်ဆင့် ကောင်းစည်သူက ရန်ကုန်ယူနိုက်တက်အသင်းအတွက် ဦးဆောင်ဂိုးကို သွင်းယူပေးခဲ့သည်။ဦးဆောင်ဂိုးပေးလိုက်ရပြီးနောက်ပိုင်း ရတနာပုံအသင်းချေပဂိုးရရှိရေး တိုက်စစ်အားမြှင့်ကစားလာပြီး   ပထမပိုင်းပြီး၍နာကျင်အချိန်ပို  သုံးမိနစ်အရောက်တွင် နေဦးလွင်က ပြိုင်ဘက်ဂိုးဧရိယာပြင်ပမှကန်သွင်းပြီး   ရတနာပုံအသင်းအတွက်ချေပဂိုးကို  ပြန်လည်သွင်းယူနိုင်ခဲ့၍ တစ်ဖက်တစ်ဂိုးစီဖြင့်   ပထမပိုင်းပြီးဆုံးသွားသည်။ဒုတိယပိုင်းတွင်  ရန်ကုန်ယူနိုက်တက်အသင်း  တိုက်စစ်မြှင့်ကစားခဲ့သည်။ ရန်ကုန်ယူနိုက်တက်နောက်တန်းကစားသမားလက်ထိ၍ပယ်နယ်တီခွင့်ပြုပေးလိုက်ရသည်။ရရှိလာသည့်ပယ်နယ်တီကို ပြည်မိုးကအမှားအယွင်းမရှိ ကန်သွင်းနိုင်ခဲ့သည့်အတွက် ရတနာပုံအသင်း ဒုတိယဂိုးရရှိသွားသည်။ မိနစ် ၆၀ ‌နောက်ပိုင်းတွင် နှစ်ဖက်အသင်းကစားသမားများ လူစားလဲလှယ်မှုပြုလုပ်ကြပြီး အကြိတ်အနယ်ယှဉ်ပြိုင်ခဲ့ကြသည်။ယနေ့ပွဲရှုံးနိမ့်ခဲ့ပါက ချန်ပီယံအိပ်မက်နှင့်ဝေးရမည်ဖြစ်သည့်  ရန်ကုန်ယူနိုက်တက်အသင်း  နောက်ဆုံးမိနစ်၊ နောက်ဆုံးစက္ကန့်အထိ တိုက်စစ်အားမချဘဲပြိုင်ဘက်ကိုဖိအားပေးကစားခဲ့ရာ ပွဲကစားချိန် ၈၉ မိနစ်တွင် မောင်မောင်လွင် ကန်သွင်းသည့်ဘောလုံး ဂိုးတိုင်ထိပြန်ထွက်လာစဉ် မျိုးဆက်ပိုင်ကထပ်ဆင့်ကန်သွင်းပြီး ချေပဂိုးပြန်လည်ရယူနိုင်ခဲ့သည်။ ထို့အတူ ပွဲကစားချိန်မိနစ် ၉၀ ပြည့်၍ နာကျင်အချိန်ပို လေးမိနစ်အရောက်တွင် ဒေးဗစ်ထန်း၏ပေးပို့မှုမှ    ဘလာမိုဝီးက ရန်ကုန်ယူနိုက်တက်အသင်းအတွက်  တတိယ မြောက်ဂိုးသွင်းယူနိုင်ခဲ့၍ ၃ ဂိုး ၂ ဂိုးဖြင့် ရန်ကုန်ယူနိုက်တက်အသင်း အနိုင်ရရှိသွားသည်။                                   MWD
Wed, 11-Mar-2026
နွေရာသီအားကစား သင်တန်းများ သင်တန်းဆင်းပွဲကျင်းပ
နွေရာသီအားကစား သင်တန်းများ သင်တန်းဆင်းပွဲကျင်းပ
သထုံ   မတ်   ၁၀     မွန်ပြည်နယ် သထုံမြို့နယ် ဘင်လှိုင်ရပ်ကွက်ရှိ မြို့နယ်အားကစားခန်းမ၌ မတ်လ ၁၀ ရက် နံနက်ပိုင်းတွင်  ခရိုင်အားကစားနှင့် ကာယပညာဦးစီးဌာနမှ  စီစဉ်ဖွင့်လှစ်ခဲ့သည့်  နွေရာသီအခြေခံအားကစား သင်တန်းများ    သင်တန်းဆင်းပွဲ  အခမ်းအနားကျင်းပသည်။ရှေးဦးစွာ     ခရိုင်စီမံခန့်ခွဲ‌ရေးနှင့် အုပ်ချုပ်ရေးကော်မတီဥက္ကဋ္ဌ   ဦးစိုးအောင်က   နွေရာသီကျောင်းပိတ်ရက်ကို      အကျိုးရှိစွာအသုံးချနိုင်ရေး၊ အားကစားကိုစိတ်ပါဝင်စားပြီး  အခြေခံအားကစားနည်းစနစ်များကို  စနစ်တကျလေ့လာ လိုက်စားတတ်ရေးနှင့် ကျန်းမာကြံ့ခိုင်ပြီး ဗလငါးတန်နှင့်ပြည့်စုံသော     လူငယ်များဖြစ်စေရေးတို့အတွက် အခြေခံအားကစားသင်တန်းများ   ဖွင့်လှစ်ခဲ့ခြင်းဖြစ်ကြောင်းပြောကြားသည်။ယင်းနောက် ခရိုင်စီမံခန့်ခွဲ‌ရေးနှင့်အုပ်ချုပ်ရေးကော်မတီဥက္ကဋ္ဌ ဦးစိုးအောင်၊ မြို့နယ်စီမံခန့်ခွဲ‌ရေးနှင့်အုပ်ချုပ်ရေးကော်မတီဥက္ကဋ္ဌ ဦးဇော်မိုးစိုး၊ ခရိုင်နှင့်  မြို့နယ်စီမံခန့်ခွဲ‌ရေးနှင့် အုပ်ချုပ်ရေးကော်မတီဝင်များနှင့် တာဝန်ရှိသူများက သင်တန်းနည်းပြများအား ဂုဏ်ပြုချီးမြှင့်ခြင်း၊ သင်တန်းသားများအားသင်တန်းဆင်း လက်မှတ်များ    ‌ပေးအပ်ခြင်းနှင့် သင်တန်းထူးချွန်သူများအား    ဂုဏ်ပြုဆုများ ချီးမြှင့်ပေးကြပြီးနောက် မြန်မာ့သိုင်းသင်တန်း‌တက်ရောက်ခဲ့ကြသည့်  ကျောင်းသား၊ ကျောင်းသူများက မြန်မာ့ရိုးရာသိုင်းဖြင့် သရုပ်ပြသကြသည်။ထို့ပြင် သထုံမြို့နယ်အတွင်း  ခရိုင်အားကစားနှင့် ကာယပညာ ဦးစီးဌာန၏ စီစဉ်မှုဖြင့်     နွေရာသီကျောင်းပိတ်ရက် ကာလတွင် မြန်မာ့သိုင်း၊ တင်းနစ်၊ ခြင်းလုံး၊  ကြက်တောင်၊ ဘတ်စကက်ဘော၊ ဘော်လီဘော၊  ဘောလုံးအားကစားနည်း သင်တန်းများကို ဖေဖော်ဝါရီလ ၁၈ ရက်မှမတ်လ ၁၀ ရက်ထိဖွင့်လှစ်ခဲ့ပြီး  သင်တန်းသား၊ သင်တန်းသူ  ၂၅၀ကျော် တက်ရောက်ခဲ့ကြကြောင်း သိရသည်။MWD
Wed, 11-Mar-2026
လီဗာပူးအသင်းက ရာသီအကုန်တွင် နည်းပြသစ်အဖြစ် အလွန်ဆိုအား သုံးနှစ်စာချုပ်ဖြင့်ခန့်အပ်ရန် သဘောတူညီမှုရရှိထား
လီဗာပူးအသင်းက ရာသီအကုန်တွင် နည်းပြသစ်အဖြစ် အလွန်ဆိုအား သုံးနှစ်စာချုပ်ဖြင့်ခန့်အပ်ရန် သဘောတူညီမှုရရှိထား
လန်ဒန်  မတ်   ၁၀‌လီဗာပူးအသင်းက ယခုဘောလုံးရာသီအကုန်တွင် နည်းပြအပြောင်းအလဲလုပ်ဆောင်ရန်  စီစဉ်ထားပြီး နည်းပြသစ်အဖြစ်  ကစားသမားဟောင်းတစ်ဦးဖြစ် သည့် အလွန်ဆိုအား သုံးနှစ်စာချုပ်ဖြင့်  ခန့်အပ်ရန် သဘောတူညီမှုရရှိထားကြောင်း သိရသည်။လက်ရှိလီဗာပူးအသင်းနည်းပြ   အာနီဆလော့ သည် ပြီးခဲ့သည့်ဘောလုံးရာသီက အသင်းကို စတင် တာဝန်ယူကိုင်တွယ်ခဲ့ရာ  ပရီးမီးယားလိဂ်ပြိုင်ပွဲတွင် ချန်ပီယံဆုဆွတ်ခူးနိုင်သည်အထိ အောင်မြင်မှုရရှိခဲ့သော်လည်း ယခုဘောလုံးရာသီတွင် ရလဒ်များမတည် မငြိမ်ဖြစ်နေသည့်အတွက် အသင်းတာဝန်ရှိသူများက ရာသီအကုန်တွင် နည်းပြအပြောင်းအလဲလုပ်ဆောင် ရန် စီစဉ်ထားခြင်းဖြစ်သည်။လီဗာပူးအသင်းသည်     ယခုဘောလုံးရာသီတွင် ချန်ပီယံလိဂ်ပြိုင်ပွဲ၌    (၁၆) သင်းရှုံးထွက်အဆင့်သို့ တက်ရောက်နိုင်သော်လည်း   ပရီးမီးယားလိဂ်ပြိုင်ပွဲ တွင်  ရုန်းကန်နေရပြီး   ၂၉ ပွဲကစားပြီးချိန်တွင်  ရမှတ် ၄၈ မှတ်ဖြင့် အမှတ်ပေးဇယားအဆင့်(၆)နေရာ၌သာ ရပ်တည်နေကာ ချန်ပီယံလိဂ်ပြိုင်ပွဲဝင်ခွင့်ရရှိရန်လည်း မရေမရာဖြစ်နေခြင်းဖြစ်သည်။အသက် ၄၄ နှစ်အရွယ်  နည်းပြအလွန်ဆိုသည် ကစားသမားဘဝက လီဗာပူးအသင်း၌ ၂၀၀၄ ခုနှစ်မှ  ၂၀၀၉ ခုနှစ်အထိကစားခဲ့သူဖြစ်ပြီး နည်းပြဘဝတွင်  လေဗာကူဆင်အသင်းနှင့် အောင်မြင်မှုများရရှိခဲ့သော်လည်း    ယခုဘောလုံးရာသီတွင်     ရီးယဲလ်မက်ဒရစ်အသင်းကို  တာဝန်ယူကိုင်တွယ်ခဲ့ရာ    ရာသီမကုန်မီထုတ်ပယ်ခံခဲ့ရပြီး    ကလပ်အသင်းလက်မဲ့ဖြစ်နေကြောင်း သိရသည်။ Ref;Goal.comMWD
Wed, 11-Mar-2026
2026 Ballon d'Or ဆုအတွက် အဆင့်သတ်မှတ်ချက်တွင် ရီးယဲလ်မက်ဒရစ်အသင်း တိုက်စစ်ကစားသမား အမ်ဘတ်ပီ ထိပ်ဆုံး၌ဦးဆောင်နေ
2026 Ballon d'Or ဆုအတွက် အဆင့်သတ်မှတ်ချက်တွင် ရီးယဲလ်မက်ဒရစ်အသင်း တိုက်စစ်ကစားသမား အမ်ဘတ်ပီ ထိပ်ဆုံး၌ဦးဆောင်နေ
မက်ဒရစ်   မတ်  ၁၀‌ကမ္ဘာ့ဘောလုံးအဖွဲ့ချုပ်(ဖီဖာ)နှင့် ပြင်သစ်မဂ္ဂဇင်းတို့ပူးပေါင်းချီးမြှင့်ပြီး ဘောလုံးလောကတွင် အဆင့်အမြင့်ဆုံးဆုဖြစ်သည့်  2026 Ballon d'Or ဆုအတွက် အဆင့်သတ်မှတ်ချက်တွင် ရီးယဲလ်မက်ဒရစ်အသင်း   တိုက်စစ်ကစားသမား     အမ်ဘတ်ပီက ထိပ်ဆုံး၌ ဦးဆောင်နေကြောင်း သိရသည်။2026 Ballon d'Or ဆုအတွက် အဆင့်သတ်မှတ် ချက်ကို  ကစားသမားများ၏ သွင်းဂိုးများ၊ ဂိုးဖန်တီးမှု၊ ဆုဖလားရရှိမှု၊ ပြစ်ဒဏ်သတ်မှတ်ခံရခြင်း နည်းပါးမှုနှင့် အသင်းအပေါ်အကျိုးသက်ရောက်မှု   စသည်တို့ကို အခြေခံတွက်ချက်ခြင်း ဖြစ်သည်။လက်ရှိ  2026 Ballon d'Or ဆုအတွက် အဆင့် သတ်မှတ်ချက်တွင် အကြိမ်အများဆုံးရရှိထားသည့် မက်ဆီအနေဖြင့် အဆင့်(၁၀)အတွင်း ရပ်တည်နေ သော်လည်း  စီရော်နယ်ဒိုအနေဖြင့်  ထိပ်ဆုံး ၁၀ ဦး စာရင်းအတွင်း မဝင်ရောက်နိုင်ခြင်းဖြစ်သည်။လက်ရှိတွင် အမ်ဘတ်ပီသည် ရီးယဲလ်မက်ဒရစ် အသင်းနှင့် ပြင်သစ်အသင်းတို့၌ အဓိကကစားသမားအဖြစ်ရပ်တည်နေသူဖြစ်ပြီး ယခုဘောလုံးရာသီတွင် ရီးယဲလ်မက်ဒရစ်အသင်းနှင့်အတူ     အကောင်းဆုံးခြေစွမ်းပြနိုင်ပြီးနောက်    2026 Ballon d'Or  ဆုအတွက် အဆင့်သတ်မှတ်ချက်တွင် ထိပ်ဆုံး၌ဦးဆောင် နေခြင်းဖြစ်သည်။အမ်ဘတ်ပီသည်  2026 Ballon d'Or ဆုအတွက် သတ်မှတ်ကာလအတွင်း   ၃၃ ပွဲကစားပြီးချိန်တွင် ၃၈ ဂိုးအထိသွင်းယူထားပြီး ဂိုးဖန်တီးမှုခြောက်ကြိမ်ပြုလုပ်ထားသူဖြစ်သည်။2026 Ballon d'Or ဆုအတွက် အဆင့်သတ်မှတ်ချက်တွင်   အမ်ဘတ်ပီ၏နောက်၌  ဘိုင်ယန်မြူးနစ် အသင်းမှ   ဟယ်ရီကိန်းက    အဆင့်(၂)၊ ဘာစီလိုနာအသင်းမှ ယာမယ်က အဆင့်(၃)၊  မန်စီးတီးအသင်းမှ ဟာလန်းက    အဆင့်(၄)၊   အာဆင်နယ်အသင်းမှ ဒီကလန်ရိုဒ်က    အဆင့်(၅)၊   ဘာစီလိုနာအသင်းမှ ပက်ဒရီက အဆင့်(၆)၊   အင်တာမိုင်ယာမီအသင်းမှ မက်ဆီက  အဆင့်(၇)၊  ပြီးခဲ့သည့်   ၂၀၂၅  ခုနှစ်က Ballon d'Or ဆုရရှိထားသည့် ပီအက်စ်ဂျီအသင်းမှ ဒမ်ဘီလီက အဆင့်(၈)၊  ရီးယဲလ်မက်ဒရစ်အသင်းမှ   ဗင်နီစီးယက်က အဆင့်(၉)၊ ဘိုင်ယန်မြူးနစ်အသင်းမှ လူးဝစ်ဒီယက်က    အဆင့်(၁၀)နေရာ၌     အသီးသီး ရပ်တည်နေကြောင်း သိရသည်။Ref;Give Me SportsMWD
Wed, 11-Mar-2026
အမြို့မြို့အနယ်နယ်၌ တက္ကသိုလ်ဝင်စာမေးပွဲအောင်မြင်စွာ ကျင်းပနိုင်ရေး စာဖြေဌာနများ ပြင်ဆင်ထားရှိမှုစစ်ဆေး
အမြို့မြို့အနယ်နယ်၌ တက္ကသိုလ်ဝင်စာမေးပွဲအောင်မြင်စွာ ကျင်းပနိုင်ရေး စာဖြေဌာနများ ပြင်ဆင်ထားရှိမှုစစ်ဆေး
မန္တလေး      မန္တလေးတိုင်းဒေသကြီးဝန်ကြီးချုပ် ဦးမျိုးအောင်သည် မတ်လ  ၁၀ ရက်တွင် မန္တလေးတိုင်းဒေသကြီး ချမ်းအေးသာစံမြို့နယ်  အောင်နန်းရိပ်သာအရှေ့ရပ်ကွက် လမ်း ၈၀၊  ၃၂ လမ်းနှင့် ၃၃ လမ်းကြားရှိ အမှတ်(၁၄) အခြေခံပညာအထက်တန်းကျောင်းနှင့် ပြည်ကြီးမျက်မှန်ရပ်ကွက် ၆၈ လမ်း၊ ၂၈ လမ်းထောင့်ရှိ အမှတ်(၁၆)အခြေခံပညာအထက်တန်းကျောင်းတို့ရှိ  ၂၀၂၅ - ၂၀၂၆ ပညာသင်နှစ် တက္ကသိုလ်ဝင်စာမေးပွဲကျင်းပမည့် စာဖြေဌာန‌များအား ကြည့်ရှုစစ်ဆေးသည်။မန္တလေးတိုင်းဒေသကြီး ဝန်ကြီးချုပ် ဦးမျိုးအောင်နှင့်  ဌာနဆိုင်ရာတာဝန်ရှိသူများသည်  စာဖြေဌာနရှိ စာဖြေခန်းများအား  လိုက်လံကြည့်ရှုစစ်ဆေးရာတွင်မန္တလေးတိုင်းဒေသကြီး   ပညာရေးမှူးဒုတိယ ညွှန်ကြားရေးမှူးချုပ် ဒေါက်တာစိုးမြင့်ထွန်း၊ မဟာအောင်မြေခရိုင် ပညာရေးမှူး ဒေါက်တာသက်လှစု၊ ချမ်းအေးသာစံမြို့နယ် ဒုတိယမြို့နယ်ပညာရေးမှူး ဦးသူရိန်စိုးနှင့်တာဝန်ရှိသူများက အသီးသီးလိုက်လံ ရှင်းလင်းပြသကြောင်းနှင့် လိုအပ်သည်များအား သက်ဆိုင်ရာ ဌာနများနှင့် ပေါင်းစပ်ညှိနှိုင်းဆောင်ရွက်ပေးကြောင်း သိရသည်။ MWD
Wed, 11-Mar-2026
ရွှေတိဂုံစေတီတော်မြတ်ကြီး (၅၉၉) ကြိမ်မြောက် ထုတိအနုမောဒနာ ချီးကျူးဂုဏ်ပြုမှတ်တမ်းလွှာပေးအပ်ပွဲနှင့် လှူဒါန်းမှုအစုစုတို့အတွက် ရေစက်ချအလှူတော်မင်္ဂလာ အခမ်းအနားကျင်းပ
ရွှေတိဂုံစေတီတော်မြတ်ကြီး (၅၉၉) ကြိမ်မြောက် ထုတိအနုမောဒနာ ချီးကျူးဂုဏ်ပြုမှတ်တမ်းလွှာပေးအပ်ပွဲနှင့် လှူဒါန်းမှုအစုစုတို့အတွက် ရေစက်ချအလှူတော်မင်္ဂလာ အခမ်းအနားကျင်းပ
ရန်ကုန် မတ် ၁၀ရွှေတိဂုံစေတီတော်မြတ်ကြီးသို့ စေတနာသဒ္ဓါတရားထက်သန်စွာ လှူဒါန်းထားကြသော ငွေကျပ်တစ်သိန်းနှင့်အထက် အလှူရှင်များအား ဘဏ္ဍာတော်ထိန်းဂေါပကအဖွဲ့က (၅၉၉) ကြိမ်မြောက် ထုတိအနုမောဒနာ ချီးကျူးဂုဏ်ပြုမှတ်တမ်းလွှာပေးအပ်ပွဲနှင့် လှူဒါန်းမှုအစုစုတို့အတွက် ရေစက်ချအလှူတော်မင်္ဂလာအခမ်းအနားကို ယနေ့မွန်းလွဲ ၁ နာရီတွင် ရွှေတိဂုံစေတီတော်ရင်ပြင် တောင်ဘက်မုခ်ရှိ ရှေးဟောင်းဗုဒ္ဓရုပ်ပွားတော်များ တန်ဆောင်း၌ ကျင်းပသည်။ဦးစွာ အလှူရှင်များက အလှူတော်ငွေများ ပေးအပ်လှူဒါန်းရာ အလှည့်ကျသဘာပတိ ဦးအောင်ဇေယျလင်းနှင့် ဘဏ္ဍာတော်ထိန်းဂေါပကအဖွဲ့ဝင်များက လက်ခံရယူပြီး ထုတိအနုမောဒနာ ဂုဏ်ပြုမှတ်တမ်းလွှာများ ပြန်လည်ပေးအပ်ကြသည်။ထို့နောက် ရွှေတိဂုံစေတီတော်ဘဏ္ဍာတော်ထိန်း ဂေါပကအဖွဲ့၏ ဩဝါဒါစရိယ တိပိဋက ရွေးချယ်ရေးအဖွဲ့ ဩဝါဒါစရိယ နိုင်ငံတော်ဗဟိုသံဃာ့ဝန်ဆောင် အဂ္ဂမဟာပဏ္ဍိတ အဂ္ဂမဟာဂန္ထဝါစကပဏ္ဍိတ အဂ္ဂမဟာသဒ္ဓမ္မဇောတိကဓဇ၊ သ.စ.အ ဓမ္မာစရိယ ဝဋံသကာပါဠိပါရဂူ စေတိယင်္ဂဏပဝရသိရီမဟာ ဓမ္မဂုရု ဘဒ္ဒန္တနာရဒါဘိဝံသ (လှရတနာဆရာတော်) ထံမှ ငါးပါးသီလခံယူဆောက်တည်ကြပြီး ရေစက်ချ အနုမောဒနာတရား နာယူကြကြောင်း သိရသည်။moi
Wed, 11-Mar-2026
© Copyright 2024 SAC All Rights Reserved.