ကူဝိတ်နိုင်ငံရှိ မီနာ အယ်လ်-အမာဒီ (Mina Al-Ahmadi) ရေနံချက်စက်ရုံ ဒရုန်းများဖြင့် ထပ်မံတိုက်ခိုက်ခံခဲ့ရ

KookieSpace97

News Image

  • ကူဝိတ်နိုင်ငံရှိ မီနာ အယ်လ်-အမာဒီ (Mina Al-Ahmadi) ရေနံချက်စက်ရုံ ဒရုန်းများဖြင့် ထပ်မံတိုက်ခိုက်ခံခဲ့ရ

သောကြာနေ့ (မတ် ၂၀) နံနက်ပိုင်းတွင် ကူဝိတ်နိုင်ငံ၏ မီနာ အယ်လ်-အမာဒီ (Mina Al-Ahmadi) ရေနံချက်စက်ရုံကို ဒရုန်းဖြင့် ထပ်မံ တိုက်ခိုက်ခဲ့ရာ စက်ရုံအတွင်းရှိ ယူနစ်အချို့တွင် မီးလောင်မှုများဖြစ်ပွားခဲ့ကြောင်း ကူဝိတ်ရေနံကော်ပိုရေးရှင်း (KPC) က ပြောကြားခဲ့သည်။မီးလောင်မှုကြောင့် "စက်ရုံ၏ အစိတ်အပိုင်းအချို့ကို ကြိုတင်ကာကွယ်သည့်အနေဖြင့် ပိတ်ထားခဲ့ရသည်" ဟု KPC ၏ ထုတ်ပြန်ချက်တွင် ဖော်ပြထားသည်။

ယခုတိုက်ခိုက်မှုကြောင့် လူထိခိုက်ဒဏ်ရာရရှိမှုမရှိကြောင်းနှင့် မီးသတ်သမားများက မီးကိုထိန်းချုပ်နိုင်ရန် ကြိုးပမ်းနေကြကြောင်းလည်း ကုမ္ပဏီက ဆက်လက်ပြောကြားခဲ့သည်။

မြို့တော် ကူဝိတ်စီးတီး၏ တောင်ဘက် ၄၀ ကီလိုမီတာ (၂၅ မိုင်) ခန့် အကွာတွင် တည်ရှိသော မီနာ အယ်လ်-အမာဒီ ရေနံချက်စက်ရုံသည် ကြာသပတေးနေ့ (မတ် ၁၉) ကလည်း ဒရုန်းဖြင့် တိုက်ခိုက်ခြင်းခံခဲ့ရသည်။

သောကြာနေ့ တိုက်ခိုက်မှုသည် ကူဝိတ်လက်နက်ကိုင်တပ်ဖွဲ့များက နိုင်ငံ၏ လေကြောင်းရန်ကာကွယ်ရေးစနစ်ဖြင့် ဒုံးကျည်နှင့် ဒရုန်း ခြိမ်းခြောက်မှုများကို တုံ့ပြန်နေကြောင်း ပြောကြားပြီးနောက် ထွက်ပေါ် လာခြင်းဖြစ်သည်။

ကိုးကား- CNN

Photo: Al Jazeera

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
၁။         လျှောက်ထားသူသည် အောက်ပါအရည်အချင်းများနှင့် ပြည့်စုံရမည်-            (က)     ပြည်ထောင်စုသမ္မတမြန်မာနိုင်ငံသား အိမ်ထောင်မရှိဖူးသူ(အပျို)ဖြစ်ရမည်။            (ခ)       လျှောက်ထားသူသည်  ၁၈-၅-၂ဝ၂၆ ရက်နေ့တွင်  အသက်(၁၈)နှစ်ပြည့်ပြီး   အသက်(၂၅)နှစ်ထက်  မကြီးရ။            (ဂ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ပြီးသူဖြစ်ရမည်။            (ဃ)     အနည်းဆုံး အရပ်(၅)ပေ(၂)လက်မ၊ ကိုယ်အလေးချိန် ပေါင်(၁ဝဝ)နှင့်အထက်ရှိရမည်။                      (အထက်ပါအတိုင်း ကိုယ်အလေးချိန် သတ်မှတ်ထားသော်လည်း အသက်ငယ်ရွယ်သူများ ဖြစ်သဖြင့် ကိုယ်အလေးချိန်အား ခြွင်းချက်အနေဖြင့် စဉ်းစားပါမည်။)            (င)       အမြင်အာရုံကြီးမားစွာချို့ယွင်းသူ မဖြစ်စေရ။၂။ လျှောက်လွှာများအား နီးစပ်ရာတပ်/ဌာနချုပ်များတွင် အခမဲ့ထုတ်ယူ၍ဖြစ်စေ Myawady   Webportal (www.myawady.net.mm/ private (female))တွင် Download ရယူ၍ဖြစ်စေ အောက်ပါစာရွက်စာတမ်းများနှင့်အတူ ၂၇-၂-၂၀၂၆ ရက်နေ့မှ ၂၁-၄-၂၀၂၆ ရက်နေ့အတွင်း နီးစပ်ရာတပ်/ဌာနချုပ်များသို့ လူကိုယ်တိုင်ဖြစ်စေ၊ စာတိုက်မှဖြစ်စေ ပေးပို့လျှောက်ထားရမည်-                    (က)     နိုင်ငံသားစိစစ်ရေးကတ်ပြား(မိတ္တူ)။                 (ခ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ကြောင်း သက်ဆိုင်ရာ ကျောင်းထွက်လက်မှတ်(မူရင်း)နှင့် ဒီပလိုမာ/ဘွဲ့ရရှိပြီးသူများဖြစ်ပါက ဒီပလိုမာ/ဘွဲ့လက်မှတ်(မူရင်း)။            (ဂ)       အကျင့်စာရိတ္တကောင်းမွန်ကြောင်း သက်ဆိုင်ရာပြည်နယ်/တိုင်းဒေသကြီး/ မြို့နယ် ရဲတပ်ဖွဲ့စခန်းတစ်ခုခုမှ တင်ပြသည့်နေ့မတိုင်မီ တစ်လအတွင်းရရှိသည့်ထောက်ခံစာ(မူရင်း)။            (ဃ)     တစ်လအတွင်းရိုက်ကူးထားသော ပတ်စ်ပို့အရွယ် ရောင်စုံဓာတ်ပုံ(၃)ပုံ။            (င)       အိမ်ထောင်စုဝင်စာရင်း(မိတ္တူ)။            (စ)       မိဘ/အုပ်ထိန်းသူ၏သဘောတူညီကြောင်းထောက်ခံချက်။         ၃။         ပဏာမရွေးချယ်ကြောင်း အကြောင်းကြားစာရရှိသူများသည် သတ်မှတ်ရက်အတွင်း လျှောက်ထားခဲ့သည့် စစ်ဌာနချုပ်များသို့ သတင်းပို့ရမည်။ ရွေးချယ်ခံရသူများသည် စစ်ဘက်ဆိုင်ရာဆေးစစ်ခြင်းများပြုလုပ်၍ ဆေးစစ်အောင်မြင်သူများအား သင်တန်းသူအဖြစ် အတည်ပြုရွေးချယ်မည်။၄။         အခြေခံတပ်သားသစ်သင်တန်းကို ၄ လ တက်ရောက်ရမည်။ သင်တန်းတက်ရောက်နေစဉ် ကာလအတွင်း တပ်သားသစ်လစာ (၁၄၄ဝဝဝ)ကျပ်ကိုခံစားခွင့်ပြုမည်။ သင်တန်းပြီးဆုံးပါက တပ်သားအခြေခံလစာ(၁၅ဝဝဝဝ)ကျပ်နှင့်စရိတ်များခံစားခွင့်ရရှိမည်။၅။        အခြေခံတပ်သားသစ် သင်တန်းတက်ရောက်နေစဉ် ကာလအတွင်း မိမိတာဝန် ထမ်းဆောင်လိုသည့် တပ်မတော်(ကြည်း၊ ရေ၊ လေ)  လက်ရုံး/ဝန်ထမ်း တပ်ဖွဲ့တစ်ခုခုသို့  ဆန္ဒပြုရွေးချယ်နိုင်ပြီး  သင်တန်းဆင်းပြီး  သတ်မှတ်ချက်ကိုက်ညီပါက မိမိဆန္ဒပြုရွေးချယ်ထားသည့် တပ်မတော်(ကြည်း၊ ရေ၊ လေ) လက်ရုံး/ ဝန်ထမ်းတပ်ဖွဲ့(သို့မဟုတ်) သင့်လျော်ရာ လက်ရုံးဝန်ထမ်းတပ်ဖွဲ့တစ်ခုခုတွင် တာဝန်ထမ်းဆောင်ရမည်။မှတ်ချက်။         အသေးစိတ်သိရှိလိုပါက နီးစပ်ရာ တပ်/ဌာနချုပ်များတွင် စုံစမ်းမေးမြန်းနိုင်သည်။MWD
Fri, 3-Apr-2026
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
     အီရန်၏ တိုက်ခိုက်မှုများကို ကြားဖြတ်ဟန့်တားရန်အတွက် ပိုလန်နိုင်ငံအနေဖြင့် ၎င်းတို့၏ အမေရိကန်လုပ် ပက်ထရီးယော့လေကြောင်း ကာကွယ်ရေးစနစ်များကို အရှေ့အလယ်ပိုင်းဒေသ သို့ ရွှေ့ပြောင်းသွားမည်မဟုတ်ကြောင်း ပိုလန်ကာကွယ်ရေးဝန်ကြီး ဝလက်ဒီစလော ကိုဆီနီယက် ကာမစ်က ပြောကြားသည်။အမေရိကန်အစိုးရအနေဖြင့် စစ်လက်နက်များကို ပင်တဂွန်စစ်ဌာနချုပ်တွင် အကန့်အသတ်မရှိ သိုလှောင်ထားသည်ဟု သမ္မတ ဒေါ်နယ်ထရမ့်က ပြောကြားခဲ့သော်လည်း အမေရိကန်နှင့် အစ္စရေးနိုင်ငံတို့က လုပ်ဆောင်လျက်ရှိသည့်  ပူးတွဲဗုံးကြဲတိုက်ခိုက်မှုများသည် ဒေသတွင်းရှိ အမေရိကန်စစ်အခြေစိုက်စခန်းများကို အီရန်နိုင်ငံက ဆက်လက်၍ တုံ့ပြန်တိုက်ခိုက်နိုင်စွမ်းကို ဟန့်တားနိုင်ခြင်းမရှိခဲ့ပေ။ထို့ကြောင့်   အမေရိကန်ပြည်ထောင်စုသည် အီရန်နှင့်ဖြစ်ပွားနေသော စစ်ပွဲအတွက် ပိုလန်နိုင်ငံမှ ပက်ထရီးယော့ဒုံးကျည်စနစ် အနည်းဆုံးနှစ်စုံနှင့် ပိုလန်သို့ ယခင်ကရောင်းချထားသည့် PAC-3 MSE ဒုံးကျည်အချို့ကို အမေရိကန်ထံသို့ ငှားရမ်းပေးရန် တောင်းဆိုခဲ့ကြောင်း ပိုလန်နိုင်ငံထုတ် သတင်းစာကြီးတစ်စောင်ဖြစ်သည့် Rzeczpospolita က မတ်လအကုန်ပိုင်းတွင် ဖော်ပြခဲ့ကြောင်းသိရသည်။သို့သော် ပိုလန်နိုင်ငံရှိ ပက်ထရီးယော့ဒုံးကျည် ကာကွယ်ရေးစနစ်များသည် နိုင်ငံ၏ဝေဟင်ပိုင်နက်နှင့် နေတိုးအဖွဲ့၏အရှေ့ပိုင်းအား အကာအကွယ်ပေးရန် အတွက်  အသုံးပြုနေခြင်းဖြစ်ကြောင်း၊ အဆိုပါဒုံးကျည် လွှဲပြောင်းပေးရေးနှင့် စပ်လျဉ်း၍ မည်သည့်အရာမျှ ပြောင်းလဲမည်မဟုတ်ကြောင်း၊ ၎င်းဒုံးကျည်စနစ်များအား မည်သည့်နေရာသို့မျှ ရွှေ့ပြောင်းရန် အစီအစဉ်မရှိကြောင်း ပိုလန်ကာကွယ်ရေးဝန်ကြီး ကိုဆီနီယက်ကာမစ်က   ၎င်း၏လူမှုကွန်ရက်တွင် ရေးသား ဖော်ပြခဲ့ကြောင်း သိရသည်။ MWD
Fri, 3-Apr-2026
ခေတ်သစ်စစ်ပွဲ၏ ပြောင်းလဲလာသည့် အခြေအနေများကို ထင်ဟပ်လာသည့် အီရန်၏ ဘာရိန်းရှိ Amazon အချက်အလက် စင်တာအပေါ် တိုက်ခိုက်မှု
ခေတ်သစ်စစ်ပွဲ၏ ပြောင်းလဲလာသည့် အခြေအနေများကို ထင်ဟပ်လာသည့် အီရန်၏ ဘာရိန်းရှိ Amazon အချက်အလက် စင်တာအပေါ် တိုက်ခိုက်မှု
      ဘာရိန်းနိုင်ငံရှိ Amazon ကုမ္ပဏီ၏ ဝက်ဆိုက်ဝန်ဆောင်မှုများနှင့် ဆက်စပ်နေသော အချက်အလက်စင်တာတစ်ခုသည် အီရန်နိုင်ငံ၏ တိုက်ခိုက်မှုကြောင့် ထိခိုက်ပျက်စီးခဲ့သည်ဟူသော သတင်းများ ထွက်ပေါ်လာခဲ့ပြီးနောက်ပိုင်းတွင် ၎င်းတိုက်ခိုက်မှုဖြစ်စဉ်သည် လက်ရှိဖြစ်ပွားနေသော ပဋိပက္ခဇုန်အတွင်း ဒစ်ဂျစ်တယ်အခြေခံ အဆောက်အအုံများအပေါ် တိုက်ရိုက်ပစ်မှတ်ထား လုပ်ဆောင်ခဲ့သည့်    ဖြစ်ထောင့်ဖြစ်ခဲ တိုက်ခိုက်မှုတစ်ရပ်အဖြစ် ထွက်ပေါ်လာသည်။ဘာရိန်းနိုင်ငံရှိ အမေရိကန်ကုမ္ပဏီကြီး တစ်ခုဖြစ်သည့် Amazon ၏   ဝက်ဆိုက်ဝန်ဆောင်မှုအချက် အလက်စင်တာသည်    အီရန်နိုင်ငံ၏ တိုက်ခိုက်မှုအတွင်း ပျက်စီးသွားခဲ့ကြောင်း အတွင်းသိအရင်းအမြစ်တစ်ခု၏ ပြောကြားချက်ကိုကိုးကား၍ Financial Times သတင်းဌာနက  ဧပြီလ ၁  ရက်တွင် ဖော်ပြသည်။အီရန်နိုင်ငံ၏တိုက်ခိုက်မှုကြောင့် နိုင်ငံအတွင်းရှိကုမ္ပဏီတစ်ခု၏ အဆောက်အအုံတွင် မီးလောင်ကျွမ်းမှုဖြစ်ပွားခဲ့ပြီး အဆိုပါမီးလောင်မှုကို အရပ်ဘက်ကာကွယ်ရေး တပ်ဖွဲ့ဝင်များက  ငြှိမ်းသတ်လျက်ရှိကြောင်း ဘာရိန်းပြည်ထဲရေး ဝန်ကြီးဌာနက အစောပိုင်းတွင် ထုတ်ပြန်ခဲ့သော်လည်း တိုက်ခိုက်ခံရသည့် အဆိုပါကုမ္ပဏီအမည်ကိုသော် လည်းကောင်း၊ ပျက်စီးမှုအတိုင်းအတာကိုသော် လည်းကောင်း ဖော်ပြခဲ့ခြင်းမရှိပေ။ထို့ပြင် Amazon ကုမ္ပဏီအနေဖြင့်လည်း တိုက်ခိုက်မှုနှင့် စပ်လျဉ်း၍ မှတ်ချက်ပေးရန် ငြင်းဆိုခဲ့ကြောင်း အဆိုပါသတင်းတွင် ဆက်လက်ဖော်ပြထားသည်။ယခုဖြစ်ပွားသည့်တိုက်ခိုက်မှုသည် အမေရိကန်၊ အစ္စရေးနှင့် အီရန်တို့ကြားဖြစ်ပွားနေသော ပဋိပက္ခများသည် ပင်လယ်ကွေ့ဒေသရှိ စီးပွားရေးလုပ်ငန်းဆိုင်ရာ နည်းပညာအခြေခံ အဆောက်အအုံများထံသို့ ကူးစက်လာနေသည်ကို ပြသလျက်ရှိသည်။ ယခုဖြစ်စဉ်သည် အမေရိကန်နည်းပညာ ကုမ္ပဏီကြီးများဖြစ်ကြသည့် Amazon၊ Microsoft၊ Google နှင့် Apple တို့ကို အရှေ့အလယ်ပိုင်းဒေသ အတွင်း၌ အဓိကပစ်မှတ်ထား တိုက်ခိုက်မည်ဟု အီရန်အစ္စလာမ်မစ်တော်လှန်ရေး အစောင့်တပ်ဖွဲ့က  ခြိမ်းခြောက်ခဲ့ပြီးနောက်ပိုင်းတွင် ဖြစ်ပွားခဲ့ခြင်းဖြစ်သည်။ ယခုဖြစ်ပွားခဲ့သည့်တိုက်ခိုက်မှုသည် ခေတ်သစ်စစ်ပွဲများပြောင်းလဲဖြစ်ပေါ်လာပုံနှင့် ပတ်သက်၍ အပြောင်းအလဲတစ်ခု ဖြစ်လာနိုင်သည်ဟူသော အရိပ်အမြွက်တစ်ခုအဖြစ် ထွက်ပေါ်လာခဲ့သည်ကားအမှန်ပင်ဖြစ်သည်။ ယခင်ကကဲ့သို့ ရေနံနှင့်စွမ်းအင်ဆိုင်ရာ အခြေခံအဆောက်အအုံများနှင့်    သင်္ဘောလမ်းကြောင်းများကဲ့သို့သော သမားရိုးကျပစ်မှတ်များကိုသာမကဘဲ ယခုအခါတွင်မူ ကမ္ဘာလုံးဆိုင်ရာ ဝန်ဆောင်မှုလုပ်ငန်းများ၏ အခြေခံကျောရိုးဖြစ်သည့် ဒစ်ဂျစ်တယ်စနစ်များအား ပစ်မှတ်ထားလာခြင်းဖြစ်သည်ဟုလည်း ဆိုနိုင်သည်။Amazon ၏ ဝက်ဆိုက်ဝန်ဆောင်မှု အချက်အလက်စင်တာသည် အရှေ့အလယ်ပိုင်းဒေသအတွက် ၎င်းတို့၏ ပထမဆုံး Cloud Region ကို ၂၀၁၉ ခုနှစ် ဇူလိုင်လတွင် ဘာရိန်းနိုင်ငံ၌ စတင်ဖွင့်လှစ်ခဲ့ခြင်းဖြစ်ပြီး ဒေသတွင်းရှိ Cloud အခြေခံအဆောက်အအုံကို အသုံးပြုလိုသူများအတွက် ပိုမိုမြန်ဆန်သော ဆက်သွယ်မှုစနစ်ကို ပံ့ပိုးပေးလျက်ရှိသည်။တစ်နည်းအားဖြင့် အီရန်က   ယခုပစ်မှတ်ထားတိုက်ခိုက်ခဲ့သည့်   ဘာရိန်းနိုင်ငံရှိ အဆိုပါ အချက် အလက်စင်တာသည် ဒေသတွင်းစီးပွားရေး လုပ်ငန်းများနှင့်   အစိုးရဌာနဆိုင်ရာဝန်ဆောင်မှုများကို ပိုမိုမြန်ဆန်သော ဆက်သွယ်မှု ပေးစွမ်းနိုင်ရန်၊ အရန်စနစ်များအပြည့်အဝရှိစေရန် အထောက်အကူပြုလျက်ရှိသည့်အပြင် ဒေသတွင်းရှိဘဏ်လုပ်ငန်းစနစ်များ၊ လေကြောင်းကွန်ရက်များ၊ ထောက်ပံ့ပို့ဆောင်ရေး ပလက်ဖောင်းများနှင့် အစိုးရအဖွဲ့များ၏ လုပ်ငန်းစဉ်များအပါအဝင် ဝန်ဆောင်မှုအမျိုးမျိုးကို ပံ့ပိုးပေးနိုင်ရန် ရည်ရွယ်၍ တည်ဆောက်ထားသည့် ဒေသတွင်း Cloud ဝန်ဆောင်မှုကွန်ရက်၏ အစိတ်အပိုင်းတစ်ခုဖြစ်သောကြောင့် အရှေ့အလယ်ပိုင်းဒေသ အတွက်အလွန်အရေးပါသည့်  ကွန်ရက်တစ်ခုလည်းဖြစ်သည်။ထို့ကြောင့်  အီရန်၏ ယခုလုပ်ဆောင်ခဲ့သည့် တိုက်ခိုက်မှုဖြစ်စဉ်သည် ဆိုက်ဘာစစ်ဆင်ရေးနှင့် ရုပ်ပိုင်းဆိုင်ရာစစ်ဆင်ရေးတို့ အကြား ပိုမိုထပ်တူဖြစ်ပွားလာနေသည့် အခြေအနေကို အထင်အရှား ပြသလျက်ရှိသည်။ လက်နက်ကိုင်ပဋိပက္ခတွင်  ပါဝင်လျက်ရှိသည့် ပြိုင်ဘက်နိုင်ငံများက အခြားတစ်နိုင်ငံ၏ အခြေခံ အဆောက်အအုံများအပေါ် ဆိုက်ဘာတိုက်ခိုက်မှုများအား ကျယ်ပြန့်စွာ လုပ်ဆောင်ခဲ့ကြသော်လည်း ယခုကဲ့သို့ အရေးပါလှသည့် အချက်အလက်စင်တာများကဲ့သို့သော အခြေခံအဆောက်အအုံများအပေါ် တိုက်ခိုက်မှုလုပ်ဆောင်ခြင်းမှာ ဖြစ်ခေါင့်ဖြစ်ခဲ အခြေအနေတွင်သာရှိနေသေးခြင်းကြောင့် လက်ရှိအခြေအနေမှာ ဒေသတွင်းနိုင်ငံများအတွက် အထူးသဖြင့် စိုးရိမ်ဖွယ်ကောင်းလှသည်။အီရန်နှင့် အမေရိကန်၊ အစ္စရေးနိုင်ငံတို့အကြား တင်းမာမှုများကိုလျှော့ချရန် သံတမန်ရေးရာကြိုးပမ်းမှုများမှာ ဆက်လက်ရှိနေသော်လည်း လက်ရှိအနေအထားမှာ   ရှင်းရှင်းလင်းလင်းမရှိသေးဘဲ ခြိမ်းခြောက်မှုများနှင့် လက်တုံ့ပြန်မှုများ ဆက်လက်ဖြစ်ပွားနေခြင်းကြောင့် မျက်မှောက်ကာလတွင် အရှေ့အလယ်ပိုင်းဒေသအတွင်း၌ ဖြစ်ပွားနေသည့် တိုက်ခိုက်မှုများသည် ခေတ်သစ်စစ်ပွဲအတွင်း ပြောင်းလဲဖြစ်ပေါ်လာနေသည့်အခြေအနေများကို  ထင်ဟပ်လာနေခြင်းဖြစ်ကြောင်း  ရေးသားဖော်ပြလိုက်ရပါသည်။MWD
Fri, 3-Apr-2026
အီရန်က စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့ဟု နေတန်ယာဟုပြော
အီရန်က စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့ဟု နေတန်ယာဟုပြော
     အီရန်နိုင်ငံသည်   ၎င်းတို့၏ စစ်ရေးဆိုင်ရာ အစီအစဉ်များအတွက် အမေရိကန်ဒေါ်လာ ၁  ထရီလီယံနီးပါး အသုံးပြုခဲ့ကြောင်း အစ္စရေးဝန်ကြီးချုပ် ဘင်ဂျမင်နေတန်ယာဟုက ပြောကြားသည်။အီရန်အစိုးရသည် အစ္စရေးကို ဖျက်ဆီးရန်၊ အရှေ့အလယ်ပိုင်းဒေသကို သိမ်းပိုက်ရန်နှင့် တစ်ကမ္ဘာလုံးကိုခြိမ်းခြောက်ရန် တမင်စီစဉ်လျက်ရှိကြောင်း နေတန်ယာဟုက အစ္စရေးရုပ်သံမှတစ်ဆင့် တစ်နိုင်ငံလုံးသို့ ပြောကြားသည့် မိန့်ခွန်းတွင်ပြောကြားသည်။ ထို့ပြင် အီရန်နိုင်ငံသည် ၎င်းအပေါ်ချမှတ်ထားသည့် ပြင်းထန်သော ပိတ်ဆို့အရေးယူမှုများကို ရှောင်ရှားပြီး ၎င်းတို့၏  နျူကလီးယားနှင့် ဒုံးကျည်အစီအစဉ်များ ဖွံ့ဖြိုးတိုးတက်စေရန်အတွက် ငွေကြေးအရင်းအမြစ်မြောက်မြားစွာကို အသုံးပြုခဲ့ခြင်းဖြစ်ကြောင်း ၎င်းကဆက်လက် ပြောကြားသည်။အီရန်နိုင်ငံသည် နှစ်ပေါင်းများစွာအတွင်း ၎င်းတို့၏ စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့သော်လည်း အဆိုပါငွေကြေးများသည် ယခုအခါ အလဟဿ ဖြစ်သွားခဲ့ပြီ ဖြစ်ကြောင်း နေတန်ယာဟုက ထပ်လောင်း ပြောကြားခဲ့ကြောင်း သိရသည်။MWD
Thu, 2-Apr-2026
ဟော်မုဇ်ရေလက်ကြားကို အင်အားသုံးသိမ်းပိုက်ရန် မဟာမိတ်များကို သမ္မတထရမ့် တိုက်တွန်းပြီး အီရန်အပေါ် လေကြောင်းတိုက်ခိုက်မှုများ တိုးမြှင့်မည်ဟု ခြိမ်းခြောက်
ဟော်မုဇ်ရေလက်ကြားကို အင်အားသုံးသိမ်းပိုက်ရန် မဟာမိတ်များကို သမ္မတထရမ့် တိုက်တွန်းပြီး အီရန်အပေါ် လေကြောင်းတိုက်ခိုက်မှုများ တိုးမြှင့်မည်ဟု ခြိမ်းခြောက်
အမေရိကန်သမ္မတ ဒေါ်နယ်ထရမ့်သည် ၎င်း၏ နိုင်ငံတော်မိန့်ခွန်းတွင် အရှေ့အလယ်ပိုင်းမှ ရေနံဝယ်ယူနေသည့် နိုင်ငံများအနေဖြင့် ပိတ်ဆို့နေသော ဟော်မုဇ်ရေလက်ကြားကို အင်အားသုံး၍ သွားရောက် သိမ်းပိုက်ကြရန် တိုက်တွန်းနှိုးဆော်လိုက်သည်။ အီရန်နိုင်ငံက အရေးပါသော အဆိုပါရေကြောင်းလမ်းကို ပြန်လည်ဖွင့်လှစ်ပေးခြင်းမရှိပါက မဟာမိတ် နိုင်ငံများအနေဖြင့် သတ္တိမွေး၍ ကိုယ်တိုင်သွားရောက် ထိန်းချုပ်ကြရန် ပြောကြားခဲ့ခြင်းဖြစ်သည်။ သမ္မတထရမ့်သည် NATO အဖွဲ့ဝင်နိုင်ငံများက အီရန်နှင့်စစ်ပွဲတွင် ပူးပေါင်းရန် ငြင်းဆန်နေမှုကို အပြင်းအထန်ဝေဖန်ခဲ့ပြီး အီရန်၏ စစ်ရေးစွမ်းဆောင်ရည်များကို အမေရိကန်က သိသိသာသာ လျှော့ချထားနိုင်ပြီဖြစ်သဖြင့် ရေလက်ကြားကို ထိန်းချုပ်ရန် လွယ်ကူလိမ့်မည်ဟု ဆိုသည်။ ထို့ပြင် အီရန်ဘက်က လိုက်လျောမှုမရှိပါက နောက်ထပ် ၂ ပတ်မှ ၃ ပတ်အတွင်း လေကြောင်းတိုက်ခိုက်မှုများကို ပိုမိုတိုးမြှင့် လုပ်ဆောင်သွားမည်ဟုလည်း ၎င်းက သတိပေးခဲ့သည်။လက်ရှိဖြစ်ပွားနေသော အမေရိကန်-အစ္စရေးနှင့် အီရန်တို့အကြား စစ်ပွဲကြောင့် ကမ္ဘာလုံးဆိုင်ရာ စွမ်းအင်စျေးကွက်တွင် ကြီးမားသောထိခိုက်မှု များရှိနေပြီး ကမ္ဘာ့ရေနံလိုအပ်ချက်၏ ငါးပုံတစ်ပုံဖြတ်သန်းရာ ဟော်မုဇ် ရေလက်ကြားပိတ်ဆို့မှုကြောင့် ရေနံစိမ်းစျေးနှုန်းများမှာ တစ်စည်လျှင် ဒေါ်လာ ၁၀၀ ကျော်အထိ စံချိန်တင်မြင့်တက်နေသည်။ မတ်လအတွင်း Brent ရေနံစျေးနှုန်းသည် ၆၀ ရာခိုင်နှုန်းကျော်အထိ မြင့်တက်ကာ ၁၁၈ ဒေါ်လာဝန်းကျင်သို့ ရောက်ရှိခဲ့သကဲ့သို့ အမေရိကန် ပြည်တွင်း၌လည်း ဓာတ်ဆီစျေးနှုန်းမှာ ၂၀၂၂ ခုနှစ်နောက်ပိုင်း ပထမဆုံး အကြိမ်အဖြစ် တစ်ဂါလန်လျှင် ၄ ဒေါ်လာအထက်သို့ မြင့်တက်သွားသဖြင့် ဝါရှင်တန်အနေဖြင့် စီးပွားရေးရိုက်ခတ်မှုကို ထိန်းချုပ်ရန် ရုန်းကန်နေရသည်။အခြားတစ်ဖက်တွင် အီရန်နိုင်ငံခြားရေးဝန်ကြီး အဘတ် အာရက်ချီက အမေရိကန်အထူးသံတမန် စတိဗ် ဝစ်ကော့ဖ်ထံမှ သတင်းစကားများရရှိနေသော်လည်း နှစ်နိုင်ငံကြား လျှို့ဝှက်ဆွေးနွေးမှုများရှိနေသည် ဆိုခြင်းကို ငြင်းဆိုထားသည်။ အီရန်အရာရှိများကမူ အမေရိကန်သည် ယခင်ညှိနှိုင်းမှုများကို ဖျက်ဆီးခဲ့သူဖြစ်ကြောင်း စွပ်စွဲထားပြီး ၎င်းတို့၏ ကိုယ်ပိုင်သတ်မှတ်ချက်များအတိုင်းသာ စစ်ပွဲကို အဆုံးသတ်သွားမည် ဖြစ်ကြောင်း တုံ့ပြန်ထားကြသည်။ ယခုအခြေအနေသည် ကမ္ဘာ့ရေနံ စီးဆင်းမှုနှင့် ဒေသတွင်း တည်ငြိမ်မှုအပေါ် စိုးရိမ်ဖွယ်ရာ ဆက်လက် တည်ရှိနေပါသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 2-Apr-2026
အစ္စရေးမြောက်ပိုင်းကို ဒုံးကျည်များဖြင့် ပစ်ခတ်တိုက်ခိုက်မှုကြောင့် လူနှစ်ဦး ဒဏ်ရာရရှိ
အစ္စရေးမြောက်ပိုင်းကို ဒုံးကျည်များဖြင့် ပစ်ခတ်တိုက်ခိုက်မှုကြောင့် လူနှစ်ဦး ဒဏ်ရာရရှိ
အစ္စရေးမြောက်ပိုင်းရှိ နေရာများစွာသို့ ဒုံးကျည်အစင်းရေ ဒါဇင်နှင့်ချီ၍ ပစ်ခတ်ခဲ့ကြောင်း အာဏာပိုင်များက ပြောကြားခဲ့ပြီး အဆိုပါ တိုက်ခိုက်မှုကြောင့် လူများဒဏ်ရာရရှိကာ ပျက်စီးဆုံးရှုံးမှုများ ဖြစ်ပေါ် ခဲ့သည်။အစ္စရေး အရေးပေါ်ကယ်ဆယ်ရေးဌာန (Magen David Adom) ၏ ပြောရေးဆိုခွင့်ရှိသူတစ်ဦး၏ အဆိုအရ ဆေးဘက်ဆိုင်ရာ ဝန်ထမ်းများသည် ဗုံးစထိမှန်၍ အနည်းငယ်ဒဏ်ရာရရှိခဲ့သော အသက် ၈၅ နှစ်အရွယ် အမျိုးသားတစ်ဦးနှင့် အသက် ၃၄ နှစ်အရွယ် အမျိုးသားတစ်ဦးတို့ကို ကုသပေးနေကြောင်း သိရှိရသည်။Kiryat Shmona မြို့တွင် ဗုံးစထိမှန်မှုကြောင့် ဂတ်စ်အိုးနှစ်လုံး ထိခိုက်ခဲ့ရာမှ ဓာတ်ငွေ့ယိုစိမ့်မှုဖြစ်ပွားခဲ့သဖြင့် မီးသတ်တပ်ဖွဲ့ဝင်များက သွားရောက်ကိုင်တွယ်လျက်ရှိသည်။ မီးလောင်ကျွမ်းမှုမဖြစ်ပွားစေရန်အတွက် စွမ်းအင်အရင်းအမြစ်များကို ပိတ်ပစ်ခဲ့ကြောင်း အစ္စရေး မြောက်ပိုင်း မီးသတ်နှင့် ကယ်ဆယ်ရေးဌာနက ထုတ်ပြန်ထားသည်။ထို့အပြင် Galilee ဒေသရှိ ဒုံးကျည်ကျရောက်ရာနေရာများသို့လည်း ရှာဖွေကယ်ဆယ်ရေးအဖွဲ့များ သွားရောက်လျက်ရှိကြောင်း အစ္စရေး ကာကွယ်ရေးတပ်ဖွဲ့ (IDF) က ပြောကြားခဲ့သည်။ကိုးကား- CNNPhoto: aa.com.trဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 2-Apr-2026
© Copyright 2024 SAC All Rights Reserved.