ပွင့်ဖြူမြို့နယ်၌ စားတော်ပဲဧက ၁၈၅၀ ရိတ်သိမ်းပြီးစီး ၊ တစ်ဧကလျှင် ၁၈ ဒသမ ၀၁ တင်းထွက်ရှိ

NoahJune222

News Image

  • ပွင့်ဖြူမြို့နယ်၌ စားတော်ပဲဧက ၁၈၅၀ ရိတ်သိမ်းပြီးစီး ၊ တစ်ဧကလျှင် ၁၈ ဒသမ ၀၁ တင်းထွက်ရှိ

ပွင့်ဖြူ       မတ်      ၂၄

     မကွေးတိုင်းဒေသကြီး ပွင့်ဖြူမြို့နယ်၌ ဆောင်းသီးနှံစိုက်ပျိုးရာသီတွင် စားတော်ပဲသီးနှံဧက  ၃၄၈၀ စိုက်ပျိုးနိုင်ပြီး   အဆိုပါ စားတော်ပဲစိုက်ခင်းများကို ဖေဖော်ဝါရီလမှ    စတင်ရိတ်သိမ်းခဲ့ရာ ယခုအခါ ဧက  ၁၈၅၀  ရိတ်သိမ်းပြီးစီးပြီဖြစ်ပြီး အထွက်နှုန်းမှာ တစ်ဧကလျှင် ၁၈ ဒသမ ၀၁ တင်းထွက်ရှိကြောင်း  သိရသည်။ 

“စားတော်ပဲသီးနှံ စိုက်ပျိုးတာနဲ့ပတ်သက်ပြီး  အထွက်နှုန်းတိုးတက်စေဖို့၊ စိုက်ဧကတွေ တိုးချဲ့စိုက်ပျိုးနိုင်ဖို့ မျိုးကောင်း မျိုးသန့်တွေ စိုက်ပျိုးနိုင်အောင် ဆောင်ရွက်ပေးပါတယ်။    ရိတ်သိမ်းခြွေလှေ့ရာမှာလည်း အထွက်နှုန်းတွေလေလွင့် ဆုံးရှုံးမှုမဖြစ်အောင် စနစ်တကျရိတ်သိမ်းကြဖို့နဲ့ လိုအပ်တဲ့ ရိတ်သိမ်းခြွေလှေ့နည်း စနစ်များကိုလည်း  ဆောင်ရွက်ပေးပါတယ်”   ဟု ပွင့်ဖြူမြို့နယ်     စိုက်ပျိုးရေးဦးစီးဌာန   မြို့နယ်ဦးစီးမှူး  ဒေါ်မိုးမိုးဝေက  ပြောသည်။

ပွင့်ဖြူမြို့နယ်၌ စားတော်ပဲသီးနှံ စိုက်ပျိုးတောင်သူများကို စိုက်ပျိုးရေးဦးစီးဌာနက သီးနှံအထွက်နှုန်းများ    တိုးတက်ရေး၊ မြေဩဇာနှင့် သွင်းအားစုများ မှန်မှန်ကန်ကန်သုံးစွဲတတ်စေရေး၊  ပိုးမွှားအန္တရာယ်ကင်းရှင်းရေး၊အချိန်မီသီးနှံရိတ်သိမ်းနည်းပညာများ စသည့် တောင်သူအသိပညာပေးလုပ်ငန်းများကို ပံ့ပိုးကူညီဆောင်ရွက်ပေးသည်။ 

ပွင့်ဖြူမြို့နယ်အတွင်းရှိ ဒေသခံတောင်သူများသည်  စိုက်ပျိုးရေးဦးစီးဌာန၏ ကြီးကြပ်မှုဖြင့်  နှစ်စဉ်  ဆောင်းသီးနှံစိုက်ပျိုးရာသီတွင်   စားတော်ပဲသီးနှံကို စီးပွားဖြစ် စိုက်ပျိုးလုပ်ကိုင်ကြပြီး သီးနှံစိုက်ပျိုးရာ၌ အချို့တောင်သူများက စားတော်ပဲကို သီးသန့်စိုက်ပျိုးကြသကဲ့သို့ နှစ်သီးစားဝင်ငွေရရှိရေးအတွက် အခြားသီးနှံများနှင့်ရောနှော၍ သီးထပ်သီးညှပ် စိုက်ပျိုးကြကြောင်း သိရသည်။ 

စားတော်ပဲသီးနှံကို နှစ်စဉ်တိုးချဲ့စိုက်ပျိုးကာ အထွက်နှုန်းများ တိုးတက်အောင် စိုက်ပျိုးထုတ်လုပ်နိုင်မည်ဆိုပါက နိုင်ငံတွင်း    စားသုံးမှုဖူလုံစေမည့်အပြင် ပြည်ပသို့ပါ    တင်ပို့ရောင်းချနိုင်သဖြင့် စားတော်ပဲကို    တိုးချဲ့စိုက်ပျိုးနိုင်ရေး  ကြိုးပမ်းဆောင်ရွက် ကြရမည်ဖြစ်ကြောင်း သိရသည်။ 

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

(၆-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့် ပမာဏနှင့်‌ ငွေလဲလှယ်နှုန်းများ
(၆-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့် ပမာဏနှင့်‌ ငွေလဲလှယ်နှုန်းများ
-          ဈေးကွက်အတွင်း ရောင်းဝယ်သည့်ပမာဏမှာ စားသုံးဆီ၊ စက်သုံးဆီ၊ ဓာတ်မြေဩဇာ၊ ဆေးနှင့်ဆေးဝါးပစ္စည်း ကုန်ကြမ်းပစ္စည်း၊ တိရစ္ဆာန်အစာ ၊ စက်မှုကုန်ကြမ်း၊ ကား/ဆိုင်ကယ်အပိုပစ္စည်း၊ အီလက်ထရောနစ်ပစ္စည်းနှင့် စားသုံးကုန်စည်များတင်သွင်းခြင်းအတွက်ရောင်းချပေးခဲ့ခြင်းဖြစ်ပါသည်။ CMP ကဏ္ဍဝင်ရောက်ငွေမှ စားသုံးဆီကဏ္ဍသို့ အမေရိကန်ဒေါ်လာ ၂.၉၉ သန်းကိုလည်းကောင်း၊ စက်သုံးဆီကဏ္ဍသို့ အမေရိကန်ဒေါ်လာ ၀.၂၆ သန်းကိုလည်းကောင်း၊ ပုံနှိပ်ပစ္စည်းကဏ္ဍ၊ စားသောက်ကုန်ကြမ်းကဏ္ဍ၊ လျှပ်စစ်ပစ္စည်းကဏ္ဍ၊ ဆေးနှင့်ဆေးဝါးပစ္စည်းကဏ္ဍ၊ စက်မှုကုန်ကြမ်းကဏ္ဍနှင့် ဆောက်လုပ်ရေး ကဏ္ဍတို့သို့ အမေရိကန်ဒေါ်လာ ၀.၃၅ သန်းကိုလည်းကောင်း ရောင်းချပေးခဲ့ပါသည်။ မြန်မာနိုင်ငံတော်ဗဟိုဘဏ်                               
Tue, 7-Apr-2026
ဥရောပဒေသ တစ်ဝန်းတွင် ဒီဇယ်ဆီဈေးနှုန်း ၃၀ ရာခိုင်နှုန်းကျော်မြင့်တက်
ဥရောပဒေသ တစ်ဝန်းတွင် ဒီဇယ်ဆီဈေးနှုန်း ၃၀ ရာခိုင်နှုန်းကျော်မြင့်တက်
      အရှေ့အလယ်ပိုင်းစစ်ပွဲ စတင်ဖြစ်ပွားချိန်မှစ၍  ဥရောပဒေသတစ်ဝန်းတွင် ဒီဇယ်ဆီဈေးနှုန်းသည်  ၃၀  ရာခိုင်နှုန်းကျော်မြင့်တက် လာခဲ့ကြောင်း သိရသည်။ထို့ကြောင့် ဥရောပတစ်ဝန်း၌ အီစတာအားလပ်ရက် ကာလအတွင်း  ဒီဇယ်ဆီ လိုအပ်ချက်မှာ   မြင့်တက်လာမည်ဟု ခန့်မှန်းထားပြီး   လောင်စာဆီဆိုင်များတွင်လည်း မော်တော်ယာဉ်များ တန်းစီစောင့်ဆိုင်းမှုများ ဖြစ်ပေါ်လာနိုင်သည်ဟု ခန့်မှန်းထားသည်။အရှေ့အလယ်ပိုင်းတွင် ဖြစ်ပွားသည့် စစ်ပွဲကြောင့်  ဒီဇယ်ဆီသည် အခြားလောင်စာဆီများနှင့် နှိုင်းယှဉ်ပါက ပိုမိုထိခိုက်မှုရှိပြီး စစ်ပွဲမစတင်မီကပင် ဒီဇယ်ဈေးနှုန်းမှာ ဖိအားများနှင့်ရင်ဆိုင်နေရသည့် အခြေအနေတွင် ရှိနေခဲ့သည်။ ထို့ပြင် ဟော်မုရေလက်ကြားမှတစ်ဆင့် လောင်စာဆီကုန်သွယ်မှုများ ပိတ်ဆို့နေသရွေ့ ဒီဇယ်ဆီဈေးနှုန်းမှာ ဆက်လက်မြင့်တက်နေမည်ဖြစ်ပြီး ၎င်း၏နောက်ဆက်တွဲ အကျိုးဆက်အဖြစ် ငွေကြေးဖောင်းပွမှုကိုလည်း ဖြစ်ပေါ်စေမည်ဟု ကျွမ်းကျင်သူများက    သုံးသပ်ထားကြောင်း သိရသည်။ဥရောပဒေသတွင် ဧပြီလ ၂ ရက်နေ့က ဒီဇယ်ဆီ တစ်စည်လျှင်  အမေရိကန်ဒေါ်လာ ၂၀၀ ကျော် အထိမြင့်တက်ခဲ့ပြီး ၎င်းပမာဏသည် ၂၀၂၂ ခုနှစ်  မတ်လနောက်ပိုင်း အမြင့်ဆုံးအဆင့်သို့ ရောက်ရှိလာခြင်းဖြစ်ကြောင်း သိရသည်။MWD
Mon, 6-Apr-2026
ရုရှားနိုင်ငံ၌ ရေနံနှင့်သဘာဝ ဓာတ်ငွေ့ရောနှော ထွက်ရှိရာ နေရာ ၄၁ ခုနှင့်  သတ္တုရိုင်းသိုက် ၂၇၆ ခုကို ရှာဖွေဖော်ထုတ်နိုင်ခဲ့
ရုရှားနိုင်ငံ၌ ရေနံနှင့်သဘာဝ ဓာတ်ငွေ့ရောနှော ထွက်ရှိရာ နေရာ ၄၁ ခုနှင့်  သတ္တုရိုင်းသိုက် ၂၇၆ ခုကို ရှာဖွေဖော်ထုတ်နိုင်ခဲ့
     ရုရှားနိုင်ငံ၌ ရေနံနှင့် သဘာဝဓာတ်ငွေ့ ရောနှောထွက်ရှိရာနေရာ ၄၁ ခုနှင့် အခြားတွင်းထွက် သတ္တုရိုင်းသိုက် ၂၇၆ ခုကို ၂၀၂၅ ခုနှစ်အတွင်း ရှာဖွေဖော်ထုတ်နိုင်ခဲ့ကြောင်း ရုရှားသမ္မတ ဗလာဒီမာပူတင်က ပြော ကြားလိုက်သည်။ရုရှားဘူမိဗေဒပညာရှင်များနှင့် အတွေ့အကြုံ ရင့်ကျက်သည့် ဝါရင့်ပညာရှင်များအနေဖြင့် ၎င်းတို့၏ အစဉ်အလာကောင်းများကို   မျိုးဆက်တစ်ခုမှတစ်ခုသို့ လက်ဆင့်ကမ်းလာခဲ့ကြခြင်း ဖြစ်သောကြောင့် နိုင်ငံ၏မြေအောက်သယံဇာတ တိုးတက်ဖော်ထုတ်ရေး လုပ်ငန်းများတွင် ခက်ခဲသောပြဿနာများကို ထိရောက်စွာ ဖြေရှင်းနိုင်ခြင်းဖြစ်ကြောင်း သမ္မတပူတင်က ပြောကြား၍ ၎င်းပညာရှင်များအတွက် ဂုဏ်ပြုလွှာကို  ဧပြီလ  ၅  ရက်တွင် ကရင်မလင်နန်းတော်၏ ဝက်ဆိုက်တွင် တင်ထားခဲ့ကြောင်း သိရသည်။ထို့ပြင် ရုရှားသဘာဝ သယံဇာတ ဝန်ကြီးဌာနအနေဖြင့် နိုင်ငံ၏စိန်ရှာဖွေ  ထုတ်လုပ်ရေး လုပ်ငန်းများတွင် ရင်းနှီးမြှုပ်နှံမှုများ တိုးမြှင့်သွားမည်ဖြစ်ကြောင်း    အဆိုပါဝန်ကြီးဌာနက ဧပြီလ ၅ ရက်တွင် ကြေညာထားသည်။ ၂၀၂၅ ခုနှစ်တွင် အစိုးရနှင့် ပုဂ္ဂလိကလုပ်ငန်းများမှ   စိန်ရှာဖွေရေးအတွက် အသုံးပြုသည့် စုစုပေါင်း  ရင်းနှီးမြှုပ်နှံမှုပမာဏမှာ ရူဘယ် ၆ ဒသမ ၁ ဘီလီယံ ရှိခဲ့ပြီး ၂၀၂၆ ခုနှစ်တွင် ၂၄  ရာခိုင်နှုန်း ခန့် တိုးမြှင့်ကာ ရူဘယ် ၇ ဒသမ ၆ ဘီလီယံအထိ   ရောက်ရှိရန်  လျာထားပြီးဖြစ်သည်။ MWD
Mon, 6-Apr-2026
၂၀၂၆ ခုနှစ် ပထမသုံးလပတ်အတွင်း ဗီယက်နမ်၏ ဂျီဒီပီတိုးတက်မှုနှုန်း ၇ ဒသမ ၈၃ ရာခိုင်နှုန်းအထိမြင့်တက်
၂၀၂၆ ခုနှစ် ပထမသုံးလပတ်အတွင်း ဗီယက်နမ်၏ ဂျီဒီပီတိုးတက်မှုနှုန်း ၇ ဒသမ ၈၃ ရာခိုင်နှုန်းအထိမြင့်တက်
     ဗီယက်နမ်နိုင်ငံ၏ ၂၀၂၆ ခုနှစ် ပထမသုံးလပတ်အတွင်း ဂျီဒီပီတိုးတက်မှုနှုန်းမှာ ယခင်နှစ် အလားတူကာလနှင့်နှိုင်းယှဉ်ပါက ၇ ဒသမ ၈၃ ရာခိုင်နှုန်းအထိ မြင့်တက်လာခဲ့ကြောင်း    ဗီယက်နမ်အမျိုးသား စာရင်းအင်းရုံးက  ဧပြီလ ၄ ရက်တွင် ထုတ်ပြန်လိုက်ကြောင်း သိရသည်။အဆိုပါ ဂျီဒီပီတိုးတက်မှုနှုန်းသည် လွန်ခဲ့သည့် ၁၆ နှစ်အတွင်း နှစ်တစ်နှစ်၏ ပထမသုံးလပတ်ကာလအတွက် အမြင့်ဆုံးတိုးတက်မှုနှုန်းဖြစ်လာကြောင်း VnExpress သတင်းစာတွင်ဖော်ပြထားသည်။ကဏ္ဍအလိုက် တိုးတက်မှုအခြေအနေများတွင် စိုက်ပျိုးရေး၊ သစ်တောနှင့် ငါးလုပ်ငန်းကဏ္ဍ၌ ယခင်နှစ်ထက် ၃ ဒသမ ၅၈ ရာခိုင်နှုန်း တိုးတက်ခဲ့ပြီး စက်မှုလုပ်ငန်းနှင့် ဆောက်လုပ်ရေးကဏ္ဍတွင် ၈ ဒသမ ၉၂ ရာခိုင်နှုန်းနှင့် ဝန်ဆောင်မှုကဏ္ဍတွင်မူ  ၈ ဒသမ ၁၈ ရာခိုင်နှုန်း တိုးတက်ခဲ့ကြောင်းသိရသည်။ဗီယက်နမ်နိုင်ငံ၏ ဝန်ဆောင်မှုနှင့် ကုန်သွယ်ရေးကဏ္ဍများ အားကောင်းလာရခြင်း၏ အဓိကအားသာချက်မှာ နှစ်သစ်ကူးပွဲတော်ကာလအတွင်း ပြည်တွင်းစားသုံးမှု မြင့်တက်လာခြင်းနှင့်    နိုင်ငံတကာမှ ခရီးသွားဧည့်သည်များ နိုင်ငံအတွင်းသို့ ဝင်ရောက်မှု တိုးတက်လာခြင်းတို့ကြောင့် ဖြစ်ကြောင်းသိရသည်။ MWD
Sun, 5-Apr-2026
ပြင်သစ်နိုင်ငံသည် ယခုဆယ်စုနှစ်အကုန်တွင် ၎င်း၏ အသေခံဒရုန်း (Kamikaze drones) သိုလှောင်မှုကို လေးဆအထိ တိုးမြှင့်ရန်နှင့် ဒုံးကျည် လက်နက်တိုက်များကို အကြီးအကျယ် ချဲ့ထွင်ရန် ကြိုးပမ်းနေကြောင်း Politico သတင်းဌာနက သောကြာနေ့ (ဧပြီ ၃) တွင် ဖော်ပြခဲ့သည်။ ၎င်းတို့ရရှိထားသော စစ်ဘက်ဆိုင်ရာ စီမံကိန်းဥပဒေမူကြမ်းတွင် ယင်း တွန်းအားပေးမှုကို စစ်ဘက်ဆိုင်ရာ စီးပွားရေးစနစ် (War Economy) အတွက် ပြင်ဆင်မှုများအဖြစ် ဖော်ပြထားသည်။ အစိုးရက လာမည့်သီတင်းပတ်တွင် တင်ပြရန်ရှိသည့် စာမျက်နှာ ၆၄ မျက်နှာပါ အဆိုပါစာတမ်းအရ ပြင်သစ်မူဝါဒချမှတ်သူ
ပြင်သစ်နိုင်ငံသည် စစ်ဘက်ဆိုင်ရာ စီးပွားရေးစနစ်အတွက် ပြင်ဆင်နေကြောင်း Politico သတင်းဌာနက ဖော်ပြ
ပြင်သစ်နိုင်ငံသည် ယခုဆယ်စုနှစ်အကုန်တွင် ၎င်း၏ အသေခံဒရုန်း (Kamikaze drones) သိုလှောင်မှုကို လေးဆအထိ တိုးမြှင့်ရန်နှင့် ဒုံးကျည် လက်နက်တိုက်များကို အကြီးအကျယ် ချဲ့ထွင်ရန် ကြိုးပမ်းနေကြောင်း Politico သတင်းဌာနက သောကြာနေ့ (ဧပြီ ၃) တွင် ဖော်ပြခဲ့သည်။ ၎င်းတို့ရရှိထားသော စစ်ဘက်ဆိုင်ရာ စီမံကိန်းဥပဒေမူကြမ်းတွင် ယင်းတွန်းအားပေးမှုကို စစ်ဘက်ဆိုင်ရာ စီးပွားရေးစနစ် (War Economy) အတွက် ပြင်ဆင်မှုများအဖြစ် ဖော်ပြထားသည်။အစိုးရက လာမည့်သီတင်းပတ်တွင် တင်ပြရန်ရှိသည့် စာမျက်နှာ ၆၄ မျက်နှာပါ အဆိုပါစာတမ်းအရ ပြင်သစ်မူဝါဒချမှတ်သူများသည် လက်နက်ကိုင် တပ်ဖွဲ့ဝင်အင်အား တိုးချဲ့ခြင်းထက် ခဲယမ်းလက်နက်တိုက်များ ချဲ့ထွင်ရေးကိုသာ အဓိကအာရုံစိုက်ရန် ရည်ရွယ်ထားကြသည်။ ယင်းသည် အနောက်နိုင်ငံများ၏ လက်နက်လက်ကျန်များကို စိုးရိမ်ဖွယ်နှုန်းထားဖြင့် လျော့ပါးစေခဲ့သည့် ယူကရိန်းနှင့် အရှေ့အလယ်ပိုင်းပဋိပက္ခများမှ သင်ခန်းစာ ယူ၍ ဆောင်ရွက်ခြင်းဖြစ်သည်။အဆိုပါလုပ်ငန်းစဉ်အရ ၂၀၃၀ ပြည့်နှစ်တွင် အသေခံဒရုန်းကဲ့သို့သော ဝေဟင်ပစ်ခဲယမ်း (Loitering Munitions) သိုလှောင်မှုများကို ၄၀၀ ရာခိုင်နှုန်း၊ Safran ကုမ္ပဏီထုတ် AASM Hammer လမ်းညွှန်ဗုံးများကို ၂၄၀ ရာခိုင်နှုန်းနှင့် Aster နှင့် Mica ဒုံးကျည်များကို ၃၀ ရာခိုင်နှုန်းအထိ တိုးမြှင့်သွားရန် စီစဉ်ထားကြောင်း Politico က ဖော်ပြခဲ့သည်။အဆိုပါ မူကြမ်းတွင် ယင်းကြိုးပမ်းအားထုတ်မှုများကို စစ်ဘက်ဆိုင်ရာ စီးပွားရေးစနစ်အတွက် ပြင်ဆင်ရန် ရည်ရွယ်ချက်ဖြင့် ဆောင်ရွက်နေခြင်း ဖြစ်ကြောင်း ဖော်ပြထားပြီး ရင်းနှီးမြှုပ်နှံမှုများကိုလည်း ဦးစားပေးထုတ်လုပ်မှုစွမ်းရည်များအတွက် ပူးတွဲဘဏ္ဍာရေး ထောက်ပံ့မှုကဏ္ဍများသို့ စီးဆင်းစေမည်ဖြစ်ကြောင်း ပါရှိသည်။ ယင်းအဆိုပြုချက်အရ ပြင်သစ်၏ စုစုပေါင်းကာကွယ်ရေးအသုံးစရိတ်သည် ၂၀၂၇ ခုနှစ်တွင် ယူရို ၆၃.၃ ဘီလီယံ (ဒေါ်လာ ၇၃ ဘီလီယံ) ရှိရာမှ ၂၀၃၀ ပြည့်နှစ်တွင် ယူရို ၇၆.၃ ဘီလီယံအထိ တဖြည်းဖြည်း မြင့်တက်လာမည်ဖြစ်သည်။ယင်းပမာဏများကို စီမံကိန်းဥပဒေတွင် သတ်မှတ်ထားသော်လည်း ဥပဒေပြုလွှတ်တော်က အတည်ပြုပြီးပါက နှစ်စဉ်လွှတ်တော်၏ အတည် ပြုချက်အသစ်ကို ထပ်မံရယူရန် လိုအပ်မည်ဖြစ်သည်။ ပြင်သစ်နိုင်ငံ အနေဖြင့် ၎င်း၏လက်နက်ကိုင်တပ်ဖွဲ့ဝင်အင်အားကိုတိုးမြှင့်ရန် သို့မဟုတ် Rafale တိုက်လေယာဉ်များနှင့် ဖရီးဂိတ်စစ်သင်္ဘောများကဲ့သို့သောအဓိကစစ်လက်နက်ပစ္စည်း အသစ်များကို ဝယ်ယူရန် အစီအစဉ် မရှိကြောင်း အစီရင်ခံစာတွင် ဖော်ပြထားသည်။ထို့အပြင် ပဲရစ်သည် ဂျာမနီ၊ အီတလီ၊ စပိန်တို့နှင့် ပူးပေါင်းလုပ်ဆောင်နေသည့် Eurodrone အမည်ရှိ တာဝေး ထောက်လှမ်းရေးအစီအစဉ်ကိုလည်း ဘေးဖယ်ထားပြီး အကြိမ်ကြိမ် ကြန့်ကြာနေသည့် အဆိုပါ စီမံကိန်းအတွက် ရန်ပုံငွေ ခွဲဝေချထားပေးခြင်း မရှိတော့ပေ။ သို့သော် ပြင်သစ် သည် ၁၉၉၂ ခုနှစ်ကတည်းက အသုံးပြုခဲ့သည့် Leclerc ပင်မတိုက်ပွဲဝင် တင့်ကား၏ ဆက်ခံမည့် မော်ဒယ်သစ်အတွက် လေ့လာမှုများပြုလုပ်ရန် စဉ်းစားနေကြောင်း အစီရင်ခံစာအရ သိရှိရသည်။အဆိုပါစီမံကိန်းသည် ပြင်သစ်နှင့် ၎င်း၏ဥရောပမဟာမိတ်များကို အမေရိကန်လက်နက်များအပေါ် မှီခိုမှုလျှော့ချရန်နှင့် မဟာဗျူဟာမြောက် ကိုယ်ပိုင်ပြဌာန်းခွင့် (Strategic Autonomy) ရရှိစေရန် ပြင်သစ်သမ္မတ အီမန်နျူရယ် မက်ခရွန်၏ ကာလရှည်ကြာ တွန်းအားပေးမှုနှင့် ကိုက်ညီ နေသည်။ ပဲရစ်အနေဖြင့် အင်အားကြီးနှစ်နိုင်ငံ၏ လက်အောက်ခံ မဖြစ်လိုကြောင်း ၎င်းက ယခုသီတင်းပတ်အစောပိုင်းတွင် ပြောကြားခဲ့သည်။၎င်းက ဆက်လက်၍ "ကျွန်တော်တို့အနေနဲ့ တရုတ်ရဲ့ လွှမ်းမိုးမှုအပေါ် မမှီခိုချင်သလို အမေရိကန်ရဲ့ ခန့်မှန်းရခက်တဲ့ အခြေအနေတွေအောက် မှာလည်း အလွန်အကျွံ အထိခိုက်မခံချင်ပါဘူး" ဟု ဖြည့်စွက် ပြောဆို ခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sun, 5-Apr-2026
ရုရှားအပေါ် ပိတ်ဆို့မှုများကြောင့် EU သည် ‘Suicide Ship’ ကဲ့သို့ ဖြစ်နေဟု စလိုဗက်ကီးယား ဝန်ကြီးချုပ် ဝေဖန်
ရုရှားအပေါ် ပိတ်ဆို့မှုများကြောင့် EU သည် ‘Suicide Ship’ ကဲ့သို့ ဖြစ်နေဟု စလိုဗက်ကီးယား ဝန်ကြီးချုပ် ဝေဖန်
စလိုဗက်ကီးယား ဝန်ကြီးချုပ် ရောဘတ် ဖီကို (Robert Fico) က ရုရှား အပေါ် ချမှတ်ထားသော စွမ်းအင်ဆိုင်ရာ ပိတ်ဆို့မှုများကို ရုပ်သိမ်းရန်နှင့် မော်စကိုနှင့်ပြန်လည်ဆွေးနွေးရန် ဥရောပသမဂ္ဂ (EU) ကို ပြင်းပြင်းထန်ထန် တိုက်တွန်းလိုက်ပြီး လက်ရှိ EU ၏ မူဝါဒများသည် ၎င်း၏ ကိုယ်ပိုင် စွမ်းအင်လုံခြုံရေးကို ဖျက်ဆီးနေသည့် Suicide Ship နှင့်တူနေကြောင်း ဝေဖန်လိုက်သည်။ ဖေဖော်ဝါရီလနှောင်းပိုင်းတွင် ဖြစ်ပွားခဲ့သော အမေရိကန်-အစ္စရေးနှင့် အီရန်တို့အကြား စစ်ပွဲကြောင့် EU တွင် ရေနံဈေး ၆၀ ရာခိုင်နှုန်းနှင့် ဂတ်စ်ဈေး ၇၀ ရာခိုင်နှုန်းအထိ မြင့်တက်နေချိန်တွင် ယခုကဲ့သို့ ဝေဖန်မှုများ ထွက်ပေါ်လာခြင်းဖြစ်သည်။ဖီကိုသည် ယူကရိန်းပိုင်နက်ကို ဖြတ်သန်းသွားသော Druzhba ပိုက်လိုင်းမှတစ်ဆင့် ရုရှားရေနံများ ပြန်လည်စီးဆင်းနိုင်ရေးအတွက် အဓိပ္ပာယ်မဲ့သော ပိတ်ဆို့မှုများကိုဖယ်ရှားရန် တောင်းဆိုခဲ့သည်။ သို့သော်လည်း ယူကရိန်းဘက်က အဆိုပါပိုက်လိုင်းသည် ရုရှားတိုက်ခိုက်မှုကြောင့် ပျက်စီးနေကြောင်း ပြောကြားထားပြီး အကယ်၍ EU အနေဖြင့် ကိယက်ဗ် သို့ ပေးမည့် ဒေါ်လာ ၁၀၄ ဘီလီယံ ချေးငွေအပေါ် ဟန်ဂေရီနှင့် စလိုဗက်ကီးယားတို့၏ ကန့်ကွက်မှုကို တားဆီးပေးနိုင်မှသာ ပိုက်လိုင်းကို ပြုပြင်ပေးမည်ဟု တုံ့ပြန်ထားသည်။တစ်ဖက်တွင်လည်း ဟန်ဂေရီဝန်ကြီးချုပ် ဗစ်တာ အော်ဘန်က ရုရှား စွမ်းအင်ပိတ်ဆို့မှုကို မရုပ်သိမ်းပါက EU သည် သမိုင်းတွင် အဆိုးရွားဆုံး စီးပွားရေးအကျပ်အတည်းနှင့် ရင်ဆိုင်ရမည်ဟု သတိပေးခဲ့သည်။ သို့သော် EU စွမ်းအင်ကော်မရှင်နာ ဒန် ဂျော်ဂန်ဆန်ကမူ အဖွဲ့ဝင်နိုင်ငံများတွင် လောင်စာဆီ ခွဲတမ်းစနစ် ကျင့်သုံးရမည့်အခြေအနေထိရောက်နိုင်ကြောင်း ဝန်ခံထားသော်လည်း ရုရှားအပေါ် ချမှတ်ထားသော ကန့်သတ်ချက်များ ကို လျှော့ပေါ့ပေးရန် အစီအစဉ်မရှိကြောင်း ပြတ်ပြတ်သားသား ငြင်းဆိုထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sun, 5-Apr-2026
© Copyright 2024 SAC All Rights Reserved.