ဗင်နီဇွဲလားနှင့် အီရန်တို့ကို တိုက်ခိုက်ပြီးနောက် ကျူးဘားက နောက်ထပ်ပစ်မှတ်ဖြစ်ဟု ဒေါ်နယ်ထရမ့် သတိပေး

NoahJune222

News Image

  • ဗင်နီဇွဲလားနှင့် အီရန်တို့ကို တိုက်ခိုက်ပြီးနောက် ကျူးဘားက နောက်ထပ်ပစ်မှတ်ဖြစ်ဟု ဒေါ်နယ်ထရမ့် သတိပေး

     အမေရိကန်က ဗင်နီဇွဲလားနှင့် အီရန်တို့အပေါ် တိုက်ခိုက်မှုများအပြီးတွင် ကျူးဘားနိုင်ငံသည် နောက်ထပ်ပစ်မှတ်ဖြစ်လာမည်ဖြစ်ကြောင်း အမေရိကန်သမ္မတ ဒေါ်နယ်ထရမ့်က မတ်လ ၂၇ ရက်တွင်သတိပေးစကားပြောသည်။ ဖလော်ရီဒါပြည်နယ် မိုင်ယာမီမြို့၌ကျင်းပသည့် အနာဂတ်ရင်းနှီးမြှုပ်နှံမှုဆိုင်ရာညီလာခံတွင်   ကျူးဘားသည် နောက်ထပ်ဖြစ်လာမည်ဟု ထရမ့်ကပြောခြင်းဖြစ်ပြီး ယင်းပြောဆိုမှုကို မီဒီယာများအနေဖြင့် လျစ်လျူရှုပေးရန် ထည့်သွင်းပြောထားသည်ကို တွေ့ရသည်။

အမေရိကန်စစ်ဘက်သည် ဇန်နဝါရီလ၃ ရက်တွင် တောင်အမေရိကတိုက်ရှိ ရေနံပေါကြွယ်ဝသည့် ဗင်နီဇွဲလားနိုင်ငံသမ္မတ နီကိုးလပ်မာဒူရိုကို ဝင်ရောက်ဖမ်းဆီးခေါ်ဆောင်ပြီးနောက် ဖေဖော်ဝါရီလ ၂၈ ရက်တွင် အစ္စရေးနှင့်ပူးပေါင်းကာ အီရန်နိုင်ငံအပေါ်အကြီးအကျယ်တိုက်ခိုက်မှုများကို စတင်ခဲ့ခြင်းဖြစ်သည်။

ဆယ်စုနှစ်များစွာ ကြာနေပြီဖြစ်သော အမေရိကန်နိုင်ငံ၏ ပိတ်ဆို့မှုများကြောင့် ကျူးဘားသည် ပြင်းထန်သောစီးပွားရေးနှင့် စွမ်းအင်အကျပ်အတည်းများ ရင်ဆိုင်နေရပြီး လောင်စာဆီပြတ်လပ်မှုကြောင့် လူသားချင်း စာနာထောက်ထားမှုဆိုင်ရာအကျပ်အတည်းသို့ ဦးတည်လျက်ရှိကြောင်း ကုလသမဂ္ဂက ထုတ်ပြန်ထားသည်။ 

ထို့ပြင်ထရမ့်သည် ကျူးဘားနိုင်ငံက မကြာမီ ပြိုလဲတော့မည်ဖြစ်ကြောင်း ယခုလ အစောပိုင်းတွင် သတိပေးခဲ့သော်လည်း ၎င်း၏အစိုးရအဖွဲ့မှာ လက်ရှိတွင် အီရန်နိုင်ငံအရေးကိုသာ အဓိကအာရုံစိုက်နေမည်ဟု ပြောထားကြောင်း သိရသည်။

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်ရန်နှင့် အခြေအနေများ ပုံမှန်ပြန်ဖြစ်လာစေရေး အစွမ်းကုန် ကူညီရန်အသင့်ရှိဟု ပူတင်ပြော
အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်ရန်နှင့် အခြေအနေများ ပုံမှန်ပြန်ဖြစ်လာစေရေး အစွမ်းကုန် ကူညီရန်အသင့်ရှိဟု ပူတင်ပြော
    ရုရှားနိုင်ငံအနေဖြင့် အရှေ့အလယ်ပိုင်းဒေသ  ပဋိပက္ခများ အမြန်ဆုံးအဆုံးသတ်သွားရန် မျှော်လင့်လျက်ရှိနေပြီး အခြေအနေများကို ပုံမှန်ပြန်ဖြစ်လာစေရေးအတွက် အစွမ်းကုန်ကူညီ ဆောင်ရွက်ရန် အသင့်ရှိကြောင်း ရုရှားသမ္မတ ဗလာဒီမာပူတင်က ပြောကြားလိုက်ကြောင်း သိရသည်။  ရုရှားနိုင်ငံအနေဖြင့် အရှေ့အလယ်ပိုင်းဒေသတွင် ဖြစ်ပွားနေသည့်  အခြေအနေအားလုံးကို  အမြန်ဆုံးပြီးဆုံးသွားစေရန် မျှော်လင့်လျက်ရှိကြောင်း သမ္မတပူတင်က အီဂျစ်နိုင်ငံခြားရေးဝန်ကြီး  ဘေဒါ အဗ္ဗဒယ်တီနှင့်  မော်စကိုမြို့ရှိ ကရင်မလင်နန်းတော်တွင် တွေ့ဆုံစဉ် ပြောကြားခဲ့ခြင်းဖြစ်သည်။ထို့ပြင် အရှေ့အလယ်ပိုင်း အခြေအနေများနှင့်စပ်လျဉ်း၍ အမေရိကန်သမ္မတ ဒေါ်နယ်ထရမ့်က မိမိအားပြောကြားခဲ့ကြောင်း၊ ရုရှားနိုင်ငံဘက်မှလည်း အခြေအနေအားလုံးကို ပုံမှန်ပြန်ဖြစ်လာစေရေးအတွက် အစွမ်းကုန်လုပ်ဆောင်ရန် အသင့်ရှိကြောင်း ပူတင်က ဆက်လက်ပြောကြားသည်။အရှေ့အလယ်ပိုင်းဒေသတွင်း အခြေအနေများသည် တစ်ကမ္ဘာလုံးက စိုးရိမ်ရသည့်ကိစ္စရပ်ဖြစ်ကြောင်း  ပူတင်ကဆက်လက်ပြောကြားခဲ့ပြီးရုရှားနိုင်ငံအတွက် အရှေ့အလယ်ပိုင်းရှိ အဓိက နိုင်ငံကြီးတစ်နိုင်ငံဖြစ်သည့် အီဂျစ်နိုင်ငံ၏ သုံးသပ်ချက်များကို နားထောင်ရန် အလွန်အရေးကြီးကြောင်း ၎င်းက ထပ်လောင်းပြောကြားသည်။MWD
Fri, 3-Apr-2026
တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကျင်းပ
တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကျင်းပ
နေပြည်တော် ဧပြီ ၂တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကို ယနေ့ နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်၊၊လွှတ်တော်၏ အတည်ပြုချက်ရယူဦးစွာ ပြည်ထောင်စုလွှတ်တော်နာယက ဦးအောင်လင်းဒွေးက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့သို့ တက်ရောက်ခွင့်ရှိသည့် ပြည်ထောင်စုလွှတ်တော် ကိုယ်စားလှယ်ဦးရေ စုစုပေါင်း ၅၈၆ ဦးရှိသည့်အနက် ယနေ့အစည်းအဝေးသို့ ၅၈၄ ဦး တက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။ထို့နောက် ကချင်ပြည်နယ် (မဲအများဆုံးရသူ အနိုင်ယူစနစ်) မဲဆန္ဒနယ် အမှတ် (၂) မှ Jeng Phang နော်တောင်က ဥပဒေကြမ်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်၊၊ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားယင်းနောက် ပြည်ထောင်စုလွှတ်တော်နာယကက ဥပဒေကြမ်းပူးပေါင်းကော်မတီကို ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီအဖွဲ့ဝင် ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ဥပဒေကြမ်းပူးပေါင်းကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဒေါ်နွယ်နွယ်ဦး၊ ဒုတိယဥက္ကဋ္ဌ (၂) အဖြစ် ဒဂုံမဲဆန္ဒနယ်မှ ဒေါက်တာ နန္ဒကျော်စွာ၊ အတွင်းရေးမှူးအဖြစ် ပဲခူးတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ်အမှတ် (၁) မှ ဦးဇင်မင်းထက်နှင့် တွဲဖက်အတွင်းရေးမှူးအဖြစ် အမရပူရမဲဆန္ဒနယ်မှ ဦးသိန်းထွန်းဦးနှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။လွှတ်တော်သို့ ရှင်းလင်းတင်ပြထို့နောက် ဧရာဝတီတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ် အမှတ် (၂) မှ ဦးချစ်ဆွေက ပြည်သူ့ငွေစာရင်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီကို ပြည်ထောင်စုလွှတ်တော်ဆိုင်ရာနည်းဥပဒေနှင့်အညီ ကော်မတီဝင်ဦးရေ ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် အဖွဲ့ဝင်များ၏ အမည်စာရင်းကို ဖတ်ကြားသည်။သဘောတူညီချက် ရယူဆောင်ရွက်သွားမည်ဆက်လက်၍ ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီတွင် ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၂) မှ ဦးချစ်ဆွေ၊ ဒုတိယဥက္ကဋ္ဌ (၂) အဖြစ် အောင်မြေသာစံမဲဆန္ဒနယ်မှ ဦးတေဇကျော်၊ အတွင်းရေးမှူးအဖြစ် တနင်္သာရီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဦးသန်းအောင်၊ တွဲဖက်အတွင်းရေးမှူးအဖြစ် အောင်လံမဲဆန္ဒနယ်မှ ဦးတင်အောင်ချစ်နှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။ထို့နောက် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဦးအောင်တင်မြင့်က လွှတ်တော်ကိုယ်စားလှယ်စိစစ်ရေး ကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်အတည်ပြုရေး လုပ်ငန်းတာဝန်ကို ဆက်လက်ဆောင်ရွက်နိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ကိုယ်စားလှယ် ၁၅ ဦး၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်ရေးကော်မတီဥက္ကဋ္ဌအဖြစ် ထားဝယ်မဲဆန္ဒနယ်မှ ဒေါက်တာ ကျော်ကျော်ဌေး၊ အတွင်းရေးမှူးအဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ် အမှတ် (၁) မှ ဦးအောင်တင်မြင့်တို့ကို တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက်ရယူဆောင်ရွက်သွားမည်ဖြစ်ကြောင်း ကြေညာသည်။စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြထို့နောက် ပြည်ထောင်စုလွှတ်တော်နာယကက သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့သုံးဖွဲ့က နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများနှင့်အညီ ရွေးချယ်တင်ပြထားသည့် ဒုတိယသမ္မတသုံးဦးသည် နိုင်ငံတော်သမ္မတအတွက် သတ်မှတ်ထားသည့် အရည်အချင်းများနှင့် ပြည့်စုံကြောင်း စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြသည်။အဆိုပါစိစစ်ရေးအဖွဲ့က ထောက်ခံတင်ပြထားသည့် ဒုတိယသမ္မတများမှာ ဗိုလ်ချုပ်မှူးကြီး မင်းအောင်လှိုင်၊ ကရင်ပြည်နယ်လွှတ်တော် (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဒေါ်နန်း နီနီအေးနှင့် ကိုကိုးကျွန်းမဲဆန္ဒနယ်မှ ဦးညိုစောတို့ဖြစ်သည်။ယင်းနောက် ပြည်ထောင်စုလွှတ်တော်နာယကက ပြည်ထောင်စုလွှတ်တော်ကိုယ်စားလှယ်များ အားလုံးပါဝင်သည့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့အနေဖြင့် ဖွဲ့စည်းပုံအခြေခံဥပဒေ၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာဥပဒေများနှင့်အညီ သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့အသီးသီးက ရွေးချယ်တင်ပြထားသည့် ဒုတိယသမ္မတ သုံးဦးအနက် မိမိတို့ကြိုက်နှစ်သက်သည့် ဒုတိယသမ္မတတစ်ဦးကို နိုင်ငံတော်သမ္မတအဖြစ် ဆန္ဒမဲပေးရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း ကြေညာသည်။ဆက်လက်၍ ပြည်ထောင်စုလွှတ်တော်နာယကက ဧပြီ ၃ ရက်တွင်ကျင်းပမည့် နိုင်ငံတော်သမ္မတ ရွေးချယ်တင်မြှောက်ပွဲတွင် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများအရ ဆန္ဒမဲလက်မှတ်ဆန္ဒပြုပုံနှင့် ပယ်မဲအဖြစ် ဆုံးဖြတ်သတ်မှတ်မည့် ဆန္ဒမဲလက်မှတ်ပုံစံများကို ရှင်းလင်းပြောကြားသည်။ထို့နောက် တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေး ဒုတိယနေ့ကို ရပ်နားလိုက်ပြီး တတိယအကြိမ် ပြည်ထောင်စုလွှတ်တော်နိုင်ငံတော်သမ္မတ ရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း သိရသည်။moi
Fri, 3-Apr-2026
အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်
အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်
      အရှေ့အလယ်ပိုင်းနှင့်  ပင်လယ်ကွေ့ဒေသတွင် ငြိမ်းချမ်းရေးကိုပြန်လည် ဆောင်ကြဉ်းနိုင်ရန်အတွက် တရုတ်နိုင်ငံခြားရေး ဝန်ကြီးဝမ်ယိနှင့်  ပါကစ္စတန်ဒုတိယဝန်ကြီးချုပ်နှင့် နိုင်ငံခြားရေးဝန်ကြီး  မိုဟာမက်အီရှက်ဒါးတို့က   အချက် ၅ ချက်ပါ အဆိုပြုချက်တစ်စောင်ကို ထုတ်ပြန်လိုက်သည်။နှစ်နိုင်ငံနိုင်ငံခြားရေးဝန်ကြီးများသည် အရှေ့အလယ်ပိုင်းဒေသနှင့်  ပင်လယ်ကွေ့ဒေသရှိ အခြေအနေများကို  ပြန်လည်သုံးသပ်ရန် မတ်လ ၃၁ ရက်တွင် ပေကျင်းမြို့၌ တွေ့ဆုံခဲ့ပြီးနောက် အဆိုပါ အဆိုပြုချက်ကို ထုတ်ပြန်ခြင်းဖြစ်သည်။အဆိုပြုချက်တွင် ပါဝင်သည့်အချက်များမှာ (၁)တိုက်ခိုက်မှုများကို ချက်ချင်းရပ်တန့်ရန်(၂) ငြိမ်းချမ်းရေး ဆွေးနွေးပွဲများကို အမြန်ဆုံးစတင်ရန် (၃)အရပ်သားများနှင့် စစ်ဘက်ဆိုင်ရာ မဟုတ်သော ပစ်မှတ်များအပေါ် တိုက်ခိုက်နေမှုများကို ချက်ချင်းရပ်တန့်ရန် (၄) သင်္ဘောလမ်းကြောင်းများ၏ လုံခြုံရေးကို  အကာအကွယ်ပေးရန်နှင့် ရေလက်ကြားမှ တစ်ဆင့် ပုံမှန်ဖြတ်သန်း သွားလာမှုကို အမြန်ဆုံးပြန်လည်ဖော်ဆောင်ရန်နှင့် (၅) ကုလသမဂ္ဂ ပဋိညာဉ်စာတမ်း၏ အခန်းကဏ္ဍကို ပူးပေါင်းမြှင့်တင်ရန်နှင့် ကုလသမဂ္ဂ ပဋိညာဉ်စာတမ်းပါ ရည်ရွယ်ချက်များ၊  အခြေခံမူများနှင့် နိုင်ငံတကာဥပဒေများအပေါ် အခြေခံ၍ ဘက်စုံငြိမ်းချမ်းရေး မူဘောင်တစ်ခု ထူထောင်ရန်နှင့် ရေရှည်တည်တံ့သော ငြိမ်းချမ်းရေးကို ဖော်ဆောင်ရန်တို့ ပါဝင်ကြောင်း သိရသည်။ MWD
Thu, 2-Apr-2026
ထရမ့်က အီရန်အရေးနှင့်ပတ်သက်သည့် အရေးကြီးသော နောက်ဆုံး အခြေအနေကို ဧပြီ ၁ ရက်နေ့ည နိုင်ငံတော်သို့ မိန့်ခွန်းပြောကြားရာတွင် ထည့်သွင်းပြောကြားမည်
ထရမ့်က အီရန်အရေးနှင့်ပတ်သက်သည့် အရေးကြီးသော နောက်ဆုံးအခြေအနေကို ဧပြီ ၁ ရက်နေ့ည နိုင်ငံတော်သို့ မိန့်ခွန်းပြောကြားရာတွင် ထည့်သွင်းပြောကြားမည်
အမေရိကန်သမ္မတ ဒေါ်နယ်ထရမ့်သည် အီရန်နိုင်ငံနှင့်ပတ်သက်၍ ဗုဒ္ဓဟူးနေ့ (ဧပြီ ၁) ညတွင် နိုင်ငံတော်သို့ မိန့်ခွန်းပြောကြားမည်ဖြစ်ကြောင်း အိမ်ဖြူတော် ပြောရေးဆိုခွင့်ရှိသူက ပြောကြားခဲ့သည်။အိမ်ဖြူတော် ပြောရေးဆိုခွင့်ရှိသူ Karoline Leavitt က “ဧပြီ ၁ ရက်နေ့ ည အရှေ့ဘက်စံတော်ချိန် (ET) ၉ နာရီမှာ သမ္မတထရမ့်ဟာ အီရန် အရေးနှင့်ပတ်သက်ပြီး အရေးကြီးသည့် နောက်ဆုံးအခြေအနေတွေကို တင်ပြဖို့ နိုင်ငံတော်ကို မိန့်ခွန်းပြောကြားသွားမှာ ဖြစ်ပါတယ်” ဟု ၎င်း၏ X လူမှုကွန်ရက်စာမျက်နှာတွင် ရေးသားဖော်ပြခဲ့သည်။မတ်လ ၃၁ ရက်နေ့အစောပိုင်းက သမ္မတရုံးခန်းတွင် ပြုလုပ်ခဲ့သည့်တွေ့ဆုံမှု၌ သမ္မတထရမ့်က အဆိုပါစစ်ပွဲသည် “ဖြစ်နိုင်လျှင် နှစ်ပတ်အတွင်း” အဆုံးသတ်သွားလိမ့်မည်ဟု ခန့်မှန်းကြောင်းပြောဆိုခဲ့ပြီး အခြေအနေများကို ပြေလည်စေမည့် သဘောတူညီချက်တစ်ခု ရရှိနိုင်ခြေရှိသည်ကို အလေးပေး ပြောကြားသွားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အမေရိကန်-အီရန် စစ်ပွဲသည် ၂ ပတ် သို့မဟုတ် ၃ ပတ်အတွင်း ပြီးဆုံးနိုင်ကြောင်း သမ္မတ ထရမ့် ပြောကြား
အမေရိကန်-အီရန် စစ်ပွဲသည် ၂ ပတ် သို့မဟုတ် ၃ ပတ်အတွင်း ပြီးဆုံးနိုင်ကြောင်း သမ္မတ ထရမ့် ပြောကြား
အမေရိကန်အနေဖြင့် အီရန်နှင့်ဖြစ်ပွားနေသောစစ်ပွဲကို နောက်လာမည့် နှစ်ပတ်မှ သုံးပတ်အတွင်း အဆုံးသတ်နိုင်ဖွယ်ရှိကြောင်း သမ္မတ ဒေါ်နယ်ထရမ့်က မတ်လ ၃၁ ရက်နေ့တွင် ပြောကြားလိုက်သည်။Oval Office မှနေ၍ ထရမ့်က "ကျွန်တော်တို့ အစိုးရအဖွဲ့ အပြောင်းအလဲ (Regime change) လုပ်နိုင်ခဲ့ပြီ၊ တကယ်တော့ အစိုးရအဖွဲ့ အပြောင်း အလဲဆိုတာ ကျွန်တော့်ရဲ့ ရည်မှန်းချက်ထဲမှာ မပါပါဘူး ၊ ကျွန်တော့်မှာ ရည်မှန်းချက်တစ်ခုပဲ ရှိတာပါ၊ အဲ့ဒါက သူတို့ (အီရန်) မှာ နျူကလီးယား လက်နက် လုံးဝမရှိစေရဘူးဆိုတာပါပဲ ၊ အခု အဲ့ဒီပန်းတိုင်ကို ရောက်သွားပြီ၊ သူတို့မှာ နျူကလီးယားလက်နက် ရှိတော့မှာမဟုတ်ဘူး ၊ ဒါပေမဲ့ ကျွန်တော်တို့ ဒီအလုပ်ကို အပြီးသတ်ဖို့လုပ်နေပါတယ် ၊ နောက် ၂ ပတ်၊ ဒါမှမဟုတ် အဲ့ဒီထက် နည်းနည်းပိုတဲ့ ရက်ပိုင်းအတွင်းမှာ အပြီးသတ်နိုင်မယ် လို့ ထင်ပါတယ် ၊ သူတို့ဆီမှာရှိတဲ့ အရာအားလုံးကို ကျွန်တော်တို့ အပြတ် ရှင်းပစ်ချင်တာပါ" ဟု ပြောကြားခဲ့သည်။အကယ်၍ သဘောတူညီချက်တစ်ခုရရှိခဲ့ပါက စစ်ပွဲမှာ ယခုထက် ပိုမို မြန်ဆန်စွာ ပြီးဆုံးသွားနိုင်ကြောင်းလည်း သမ္မတက ထည့်သွင်း ပြောကြား ခဲ့သည်။ "သူတို့ဘက်က သဘောတူညီချက်တစ်ခု လုပ်ချင်နေတဲ့အတွက် ကျွန်တော်တို့ သဘောတူညီမှု ရနိုင်ခြေရှိပါတယ်၊ သူတို့က ကျွန်တော့် ထက်တောင် ပိုပြီး သဘောတူညီမှုရချင်နေကြတာ၊ ဘာပဲဖြစ်ဖြစ် အချိန်တိုအတွင်းမှာပဲ ကျွန်တော်တို့ အပြီးသတ်နိုင်မှာပါ" ဟု ထရမ့်က ဆိုသည်။ဆွေးနွေးပွဲများနှင့် ပတ်သက်၍လည်း အကောင်းမြင်သည့် သဘောဖြင့် "အခု ကျွန်တော်တို့နဲ့ ဆွေးနွေးနေတဲ့အုပ်စုက အရင်လူတွေနဲ့မတူဘဲ အများကြီးကွဲပြားပါတယ်၊ သူတို့က ပိုပြီးတော့ အကျိုးအကြောင်း သိနားလည်ကြတယ်" ဟု ပြောကြားခဲ့သည်။ထို့အပြင် ဟော်မုဇ်ရေလက်ကြား ပြန်လည်ဖွင့်လှစ်ရေးမှာ အခြားနိုင်ငံများ၏ ပြဿနာသာဖြစ်ကြောင်း ထရမ့်က ထပ်လောင်းပြောကြားခဲ့ပြီး ထိုအရေးကြီးသည့် ရေလမ်းကြောင်းလုံခြုံရေးအတွက် သက်ဆိုင်ရာ နိုင်ငံများကသာ တာဝန်ယူရမည်ဟု ဆိုသည်။ "ပြင်သစ် ဒါမှမဟုတ် တခြားနိုင်ငံတစ်ခုခုက ရေနံနဲ့ဂတ် လိုချင်တယ်ဆိုရင် ဟော်မုဇ် ရေလက်ကြားထဲကို သူတို့ဘာသာ သွားကြရမယ်၊ သူတို့ဘာသာပဲ ခုခံကာကွယ်ကြရမယ် ၊ အဲ့ဒီ ရေလက်ကြားထဲမှာဘာပဲဖြစ်ဖြစ် ကျွန်တော်တို့နဲ့ ဘာမှ မဆိုင်တော့ပါဘူး" ဟု ၎င်းက ဖြည့်စွက်ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အီရန်စစ်ပွဲတွင် UAE ပါဝင်လာနိုင်ကြောင်း WSJ ဖော်ပြ
အီရန်စစ်ပွဲတွင် UAE ပါဝင်လာနိုင်ကြောင်း WSJ ဖော်ပြ
အီရန်ကိုတိုက်ခိုက်နေသည့် အမေရိကန်-အစ္စရေးစစ်ပွဲတွင် ယူအေအီး (UAE) နိုင်ငံသည် ၎င်း၏စစ်တပ်ကို ပထမဆုံးပါဝင်စေမည့် ပင်လယ်ကွေ့ နိုင်ငံဖြစ်လာရန် ပြင်ဆင်နေကြောင်း Wall Street Journal က အာရပ် အရာရှိများကို ကိုးကား၍ ဖော်ပြခဲ့သည်။လွန်ခဲ့သော တစ်လက ပဋိပက္ခစတင်ခဲ့ချိန်မှစ၍ UAE နိုင်ငံသည် အီရန်၏ ဒုံးကျည်နှင့်ဒရုန်းဖြင့် တိုက်ခိုက်မှုပေါင်း ၂,၅၀၀ ခန့် ခံခဲ့ရပြီး ၎င်းမှာ အစ္စရေးအပါအဝင် ဒေသတွင်းရှိ မည်သည့်နိုင်ငံထက်မဆို ပိုမို များပြားသော ပမာဏဖြစ်သည်။ တိုက်ပွဲများကြောင့် ဟော်မုဇ် ရေလက်ကြားမှာလည်း ထိရောက်စွာပိတ်ဆို့ခံထားရသဖြင့် UAE ၏ ရေနံထုတ်လုပ်မှုမှာ ထက်ဝက်ကျော် လျော့ကျသွားခဲ့ရုံမက ဒူဘိုင်းနှင့်အဘူဒါဘီ စတော့ စျေးကွက်များတွင်လည်း အမေရိကန်ဒေါ်လာ ၁၂၀ ဘီလီယံခန့် တန်ဖိုး ဆုံးရှုံးခဲ့ရသည်။UAE အနေဖြင့် ရေနံကုန်သွယ်ရေးအတွက် ဟော်မုဇ်ရေလက်ကြားကို အမြန်ဆုံးပြန်လည်ဖွင့်လှစ်လိုသဖြင့် အမေရိကန်အား စစ်ရေးအရ ကူညီရန် အသင့်ရှိနေကြောင်း အင်္ဂါနေ့ (မတ် ၃၁) က ထုတ်ဝေခဲ့သည့် WSJ ဆောင်းပါးတွင် ဖော်ပြထားသည်။အဆိုပါ ရေလမ်းကြောင်းကို ထိန်းချုပ်နိုင်ရန်အတွက် ဥရောပနှင့် အာရှ နိုင်ငံများ ပါဝင်သော စစ်ရေးမဟာမိတ်အဖွဲ့တစ်ခု ဖွဲ့စည်းရန် UAE သံတမန် များက ဝါရှင်တန်အား သီးသန့်တိုက်တွန်းထားကြောင်း သတင်းရင်းမြစ်များက ဆိုသည်။ ထို့အပြင် ဟော်မုဇ်ရေလက်ကြားတွင် အင်အားသုံးခွင့်ပြုမည့် ကုလသမဂ္ဂလုံခြုံရေးကောင်စီ၏ ဆုံးဖြတ်ချက်တစ်ရပ် ထွက်ပေါ် လာစေရန်အတွက်လည်း UAE က စည်းရုံးလှုံ့ဆော်လျက်ရှိသည်။အဘူဒါဘီခေါင်းဆောင်ပိုင်းသည် လက်ရှိတွင် မိုင်းရှင်းလင်းရေးနှင့် အခြားသောထောက်ပံ့ရေးလုပ်ငန်းများအပါအဝင် ရေလမ်းကြောင်း လုံခြုံရေးအတွက် စစ်ရေးအရမည်ကဲ့သို့ ပါဝင်ကူညီနိုင်မည်ကို တက်ကြွစွာ ရှာဖွေနေကြကြောင်း အရာရှိများက ပြောကြားခဲ့သည်။တစ်ဆက်တည်းမှာပင် အီရန်က နှစ်ပေါင်း ၅၀ ကြာ ထိန်းချုပ်ထားသော်လည်း UAE က ၎င်း၏ပိုင်နက်အဖြစ် အခိုင်အမာဆိုထားသည့် Abu Musa အပါအဝင် ရေလက်ကြားရှိ ကျွန်းများကို အမေရိကန်က သိမ်းပိုက်ပေးစေလိုကြောင်း အာရပ်အရာရှိများက ထပ်လောင်းပြောဆိုခဲ့သည်။သို့သော်လည်း အမေရိကန်သမ္မတ ဒေါ်နယ်ထရမ့်က အင်္ဂါနေ့ (မတ် ၃၁) တွင် ပြောကြားရာ၌ ဝါရှင်တန်အနေဖြင့် ၂ ပတ်မှ ၃ ပတ်အတွင်း ပဋိပက္ခမှ နုတ်ထွက်နိုင်ပြီး ထို့နောက်တွင် ဟော်မုဇ်ရေလက်ကြား၌ဖြစ်ပျက်သမျှနှင့် မည်သို့မျှ သက်ဆိုင်တော့မည်မဟုတ်ဟု ဆိုသည်။ ကမ္ဘာ့ ရေကြောင်းရေနံကုန်သွယ်မှု ၂၀ ရာခိုင်နှုန်း ဖြတ်သန်းရာ အဆိုပါ ရေလမ်းကြောင်းကို ပြန်လည်ဖွင့်လှစ်ရန်မှာ ရေလက်ကြားကို အသုံးပြုမည့်သူတိုင်း၏ တာဝန်သာဖြစ်ကြောင်း ၎င်းက အခိုင်အမာ ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
© Copyright 2024 SAC All Rights Reserved.