ယူကရိန်းက ထိန်းသိမ်းထားသည့် နောက်ဆုံးကျန်ရှိနေသော ကူးစ်ခ် (Kursk) အရပ်သားများ ရက်ပေါင်း ၅၀၀ အကြာတွင် ပြန်လည် လွတ်မြောက်လာ

KookieSpace97

News Image

  • ယူကရိန်းက ထိန်းသိမ်းထားသည့် နောက်ဆုံးကျန်ရှိနေသော ကူးစ်ခ် (Kursk) အရပ်သားများ ရက်ပေါင်း ၅၀၀ အကြာတွင် ပြန်လည် လွတ်မြောက်လာ

၂၀၂၄ ခုနှစ်အတွင်း ယူကရိန်း၏ ကူးစ်ခ်ဒေသ ကျူးကျော်မှုအတွင်း ဖမ်းဆီး ထိန်းသိမ်းခံခဲ့ရသည့် နောက်ဆုံးကျန်ရှိနေသော ရုရှားအရပ်သား ၇ ဦး သည် ရက်ပေါင်း ၅၀၀ နီးပါးအကြာတွင် ပြန်လည် လွတ်မြောက်လာခဲ့ပြီဖြစ်ကြောင်း ရုရှားအာဏာပိုင်များက အတည်ပြုခဲ့သည်။

၎င်းတို့သည် စနေနေ့ (ဧပြီ ၁၁) က ပြုလုပ်ခဲ့သည့် စစ်သည် ၁၇၅ ဦးစီ အပြန်အလှန်လဲလှယ်သော အကျဉ်းသားလဲလှယ်မှု အစီအစဉ်၏ အစိတ်အပိုင်း အဖြစ် လွတ်မြောက်လာခြင်းဖြစ်သည်။ ရုရှားလူ့အခွင့်အရေးဆိုင်ရာ ကော်မရှင်နာ တာတျာနာ မော့စ်ကာလ်ကိုဗာ၏ အဆိုအရ ၂၀၂၄ ခုနှစ်မှ စ၍ ကူးစ်ခ်ဒေသခံ စုစုပေါင်း ၁၆၅ ဦးသည် ယူကရိန်းဘက်တွင်ဓားစာခံအဖြစ် ထိန်းသိမ်းခံခဲ့ရပြီး၊ ယခုအခါ အားလုံးကို အိမ်ပြန် ခေါ်ဆောင်နိုင်ခဲ့ပြီဖြစ်ကြောင်း သိရှိရသည်။

ယခုလွတ်မြောက်လာသည့် အရပ်သား ၇ ဦးထဲတွင် အသက် ၉၁ နှစ် အရွယ် အပါအဝင် အမျိုးသမီး ၅ ဦးနှင့် အမျိုးသား ၂ ဦး ပါဝင်ကာ၊ ၎င်းတို့ အနက် အချို့မှာ မျက်စိကွယ်ခြင်းနှင့် ပြင်းထန်သော ကျန်းမာရေး ပြဿနာများ ခံစားနေရသဖြင့် လိုအပ်သော ဆေးကုသမှုများ စီစဉ်ပေးနေပြီဖြစ်သည်။ 

ရုရှားဘက်က ယူကရိန်း၏ လုပ်ရပ်ကို နိုင်ငံတကာစံနှုန်းများ ချိုးဖောက်ကာ အပြစ်မဲ့အရပ်သားများကို တရားမဝင် ဖမ်းဆီးထားခြင်းဖြစ်ကြောင်း ဝေဖန်ခဲ့ပြီး ယူကရိန်းဘက်ကမူ ယင်းအရပ်သားများကို ရုရှားတွင် ဖမ်းဆီးထားသည့် ၎င်းတို့၏ စစ်ရာဇဝတ်သားများနှင့် လဲလှယ်ရန် ကြိုးပမ်းခဲ့သော်လည်း ရုရှားက လက်မခံခဲ့ပေ။

စစ်ရေးအခြေအနေအရ ယူကရိန်း၏ ကူးစ်ခ်ဒေသ ကျူးကျော်မှုသည် ၂၀၂၅ ခုနှစ် ဧပြီလတွင် အပြီးသတ် ချေမှုန်းခံခဲ့ရသော်လည်း ထိုဒေသကို ပြန်လည်ထိန်းချုပ်နိုင်ပြီးနောက် အစုလိုက်အပြုံလိုက် မြှုပ်နှံထားသည့် နေရာများတွင် ရုပ်အလောင်း ၅၂၄ လောင်းကို တွေ့ရှိခဲ့ရကြောင်း သိရှိ ရသည်။ 

ထို့အပြင် ယူကရိန်းတပ်ဖွဲ့များ ရှိနေစဉ်အတွင်း မုဒိမ်းမှု၊ ပြန်ပေးဆွဲမှုနှင့် နှိပ်စက်ညှင်းပန်းမှုများ အပါအဝင် စစ်ရာဇဝတ်မှုများ ကျူးလွန်ခဲ့သည် ဟူသော ထွက်ဆိုချက်များစွာကိုလည်း ရုရှားအရာရှိများက အစီရင်ခံ တင်ပြထားသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ကမ္ဘောဒီးယားနှင့် နယ်စပ်ဆွေးနွေးပွဲတက်ရောက်ရန် ထိုင်းနိုင်ငံ အဆင်သင့်မဖြစ်သေးဟု ဆီဟာဆက် ပြောကြား
ကမ္ဘောဒီးယားနှင့် နယ်စပ်ဆွေးနွေးပွဲတက်ရောက်ရန် ထိုင်းနိုင်ငံ အဆင်သင့်မဖြစ်သေးဟု ဆီဟာဆက် ပြောကြား
လာမည့် ဧပြီလ ၁၇ ရက်မှ ၂၅ ရက်အတွင်း ကျင်းပရန် လျာထားသော ထိုင်း-ကမ္ဘောဒီးယား နယ်စပ် ပူးတွဲကော်မရှင် (JBC) အစည်းအဝေးသို့ တက်ရောက်ရန် ထိုင်းနိုင်ငံဘက်မှ အဆင်သင့်မဖြစ်သေးကြောင်း နိုင်ငံခြားရေးဝန်ကြီး ဆီဟာဆက် ဖွမ်းကေတော က စနေနေ့ (ဧပြီ ၁၁) တွင် ပြောကြားလိုက်သည်။ ပြည်တွင်း၌ လုပ်ဆောင်ရမည့် လုပ်ထုံးလုပ်နည်းများ မပြီးပြတ်သေးခြင်းကြောင့် ယခုကဲ့သို့ အဆင်သင့်မဖြစ်သေးခြင်း ဖြစ်ကြောင်း ၎င်းက ဆိုသည်။ကာလရှည် ကြန့်ကြာနေသည့် နယ်စပ်မှတ်တိုင် စိုက်ထူရေး လုပ်ငန်းများကို ရှေ့ဆက်နိုင်ရန် ရည်ရွယ်၍ ကမ္ဘောဒီးယားအစိုးရက တရားဝင် ဖိတ်ကြားလာမှုအပေါ် ဆီဟာဆက်က ပြန်လည်တုံ့ပြန်ခဲ့ခြင်း ဖြစ်သည်။ ထိုင်းနိုင်ငံအနေဖြင့် အစည်းအဝေးသို့ တက်ရောက်မည်ဟု အတည် မပြုမီ JBC ကိုယ်စားလှယ်အဖွဲ့၏ ဖွဲ့စည်းပုံအပြောင်းအလဲများကို ဦးစွာ အပြီးသတ်ရန် လိုအပ်ကြောင်း ၎င်းက ရှင်းပြခဲ့သည်။ ထို့ပြင် အဆိုပါ အစည်းအဝေးကျင်းပဖြစ်ခဲ့လျှင်ပင် နယ်စပ်မှတ်တိုင် စိုက်ထူခြင်းကို ချက်ချင်းဆောင်ရွက်နိုင်ဦးမည် မဟုတ်ကြောင်းနှင့် ကာလရှည်ကြာနေပြီ ဖြစ်သည့် နယ်စပ်ပြဿနာများအပေါ် အလျင်အမြန် တိုးတက်မှု ရရှိလာရန် မျှော်လင့်ချက်မထားကြရန်လည်း ၎င်းက သတိပေးခဲ့သည်။ထိုင်းနိုင်ငံအတွင်းကျင်းပမည့် မည်သည့် JBC အစည်းအဝေးမဆို ဦးစွာ ပထမ ပြည်တွင်းလုပ်ထုံးလုပ်နည်းများအတိုင်း ဆောင်ရွက်ရမည် ဖြစ်ကြောင်း ကမ္ဘောဒီးယားနိုင်ငံသို့ အကြောင်းကြားထားပြီးဖြစ်သည်ဟု ဆီဟာဆက် က ဆိုသည်။ အဆိုပါ လုပ်ငန်းစဉ်များတွင် JBC ဖွဲ့စည်းပုံအသစ်အတွက် အတည်ပြုချက်ရယူခြင်းနှင့် အစိုးရဌာနဆိုင်ရာများမှ ကော်မရှင်နာများ ခန့်အပ်ခြင်းတို့ ပါဝင်သည်။ ယင်းပြည်တွင်းလုပ်ငန်းစဉ်များပြီးဆုံးပါက ထိုင်းနိုင်ငံအနေဖြင့် ဆွေးနွေးမှုများကို ဆက်လက်လုပ်ဆောင်ရန် အသင့် ရှိမည်ဖြစ်သည်။JBC တွင် သဘာပတိအဖြစ် ဆောင်ရွက်မည့် ပုဂ္ဂိုလ်နှင့်ပတ်သက်၍ မေးမြန်းမှုကို ဝန်ကြီးကဖြေကြားရာတွင် ယခုကော်မရှင်သည် နိုင်ငံတကာ ဥပဒေနှင့် နယ်စပ်ရေးရာကိစ္စရပ်များကို အလေးပေးရသည့်အတွက်ထိုရာထူးကို နည်းပညာပိုင်းဆိုင်ရာ ကျွမ်းကျင်သူတစ်ဦးကသာ တာဝန်ယူ သင့်ကြောင်း၊ အဆိုပါအခန်းကဏ္ဍသည် အထူးပြုကျွမ်းကျင်မှုနှင့် သက်ဆိုင်ရာ အဓိကအဖွဲ့အစည်းများ၏ ပူးပေါင်းပါဝင်မှုလိုအပ်ကြောင်း ပြောကြားခဲ့သည်။အစည်းအဝေးကို ဆောလျင်စွာကျင်းပရန် ကမ္ဘောဒီးယား၏ တွန်းအားပေးမှုကို အသိအမှတ်ပြုသော်လည်း ထိုင်းနိုင်ငံအနေဖြင့် မိမိတို့၏ အချိန် ဇယားအတိုင်းသာ လုပ်ဆောင်ရမည်ဖြစ်ကြောင်း ၎င်းက အလေးပေးပြောဆိုခဲ့သည်။ မေလအစောပိုင်းတွင် ကျင်းပမည့် အာဆီယံထိပ်သီး အစည်းအဝေး အပြင်ဘက်ဆွေးနွေးပွဲများတွင် ကမ္ဘောဒီးယား နိုင်ငံခြားရေးဝန်ကြီးနှင့် ယင်းကိစ္စကို ထပ်မံဆွေးနွေးနိုင်ဖွယ်ရှိကြောင်း သိရှိရသည်။သမိုင်းဝင် နယ်စပ်မှတ်တမ်းစာရွက်စာတမ်းများနှင့် ပတ်သက်၍မူ ပြင်သစ် နိုင်ငံက ၎င်းတို့၏ မော်ကွန်းတိုက်ရှိ အထောက်အထားများကို ကြည့်ရှု လေ့လာခွင့်ပေးခြင်းဖြင့် ထိုင်းနိုင်ငံနှင့် ပူးပေါင်းဆောင်ရွက်ခဲ့ကြောင်း ဝန်ကြီးက ဖြည့်စွက်ပြောကြားခဲ့သည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 12-Apr-2026
အီရန်နိုင်ငံအနေဖြင့် နောက်ထပ်ညှိနှိုင်းဆွေးနွေးမှုများပြုလုပ်ရန် အစီအစဉ် မရှိကြောင်း အီရန်မီဒီယာများ ဖော်ပြ
အီရန်နိုင်ငံအနေဖြင့် နောက်ထပ်ညှိနှိုင်းဆွေးနွေးမှုများပြုလုပ်ရန် အစီအစဉ် မရှိကြောင်း အီရန်မီဒီယာများ ဖော်ပြ
အီရန်နိုင်ငံအနေဖြင့် နောက်ထပ်ဆွေးနွေးပွဲများ ပြုလုပ်ရန်အစီအစဉ်မရှိသေးကြောင်း ဆွေးနွေးပွဲအဖွဲ့နှင့် နီးစပ်သည့် သတင်းရင်းမြစ်တစ်ခုကို ကိုးကား၍ အီရန်အစိုးရပိုင် Fars သတင်းဌာနက တနင်္ဂနွေနေ့ (ဧပြီ ၁၂) တွင် ဖော်ပြခဲ့သည်။Fars သတင်းဌာန၏ ဖော်ပြချက်အရ အဆိုပါသတင်းရင်းမြစ်က "အီရန်သည် အလျင်စလိုမရှိကြောင်းနှင့် အမေရိကန်ဘက်က ကျိုးကြောင်း ဆီလျော်သော သဘောတူညီချက်ကို လက်မခံမချင်း ဟော်မုဇ်ရေလက်ကြား၏ အခြေအနေမှာ ပြောင်းလဲလာမည်မဟုတ်ကြောင်း" ပြောကြားခဲ့သည်။အစ္စလာမ်မာဘတ်မြို့တွင် နှစ်ဖက်အကြား တစ်ညလုံး အချိန်ကြာမြင့်စွာ ဆွေးနွေးခဲ့ကြသော်လည်း စစ်ပွဲကိုအဆုံးသတ်ရန် သဘောတူညီချက် တစ်စုံတစ်ရာ မရရှိဘဲ ပြီးဆုံးခဲ့သည်။အမေရိကန် ဒုတိယသမ္မတ JD Vance က ယခုရလဒ်သည် အီရန်အတွက် သတင်းဆိုးဖြစ်သည်ဟု ပြောကြားခဲ့သော်လည်း အီရန် ဒုတိယသမ္မတ ဟောင်း Ataollah Mohajerani ကမူ "ပို၍ ဆိုးရွားသောသတင်းမှာ အမေရိကန်အတွက်သာ ဖြစ်သည်" ဟု Fars သို့ ပြောကြားခဲ့သည်။"အမေရိကန်သည် ဆွေးနွေးရန် ကမ်းလှမ်းခဲ့သည်၊ ကြားခံညှိနှိုင်းသူကို စီစဉ်ခဲ့သည်၊ ဆွေးနွေးပွဲအတွက် အီရန်၏ အချက် (၁၀) ချက်ကိုလည်း သဘောတူခဲ့သည်၊ သို့သော် ၎င်းတို့သည် စစ်မြေပြင်တွင် မရရှိခဲ့သည့်အရာများကို ဆွေးနွေးပွဲစားပွဲပေါ်တွင် ရယူရန် ကြိုးပမ်းခဲ့ကြခြင်း ဖြစ်သည်" ဟု Mohajerani က ဆိုသည်။အီရန်ကိုယ်စားလှယ်အဖွဲ့သည် အစ္စလာမ်မာဘတ်မြို့မှ အရှေ့ဘက်စံတော်ချိန် သန်းခေါင်ယံအချိန်ခန့်တွင် ထွက်ခွာသွားပြီဖြစ်ကြောင်း အစိုးရ မီဒီယာများက ဖော်ပြခဲ့ကြသည်။ကိုးကား- CNNPhoto: Luxembourg Timesဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 12-Apr-2026
ယူကရိန်းက ထိန်းသိမ်းထားသည့် နောက်ဆုံးကျန်ရှိနေသော ကူးစ်ခ် (Kursk) အရပ်သားများ ရက်ပေါင်း ၅၀၀ အကြာတွင် ပြန်လည် လွတ်မြောက်လာ
ယူကရိန်းက ထိန်းသိမ်းထားသည့် နောက်ဆုံးကျန်ရှိနေသော ကူးစ်ခ် (Kursk) အရပ်သားများ ရက်ပေါင်း ၅၀၀ အကြာတွင် ပြန်လည် လွတ်မြောက်လာ
၂၀၂၄ ခုနှစ်အတွင်း ယူကရိန်း၏ ကူးစ်ခ်ဒေသ ကျူးကျော်မှုအတွင်း ဖမ်းဆီး ထိန်းသိမ်းခံခဲ့ရသည့် နောက်ဆုံးကျန်ရှိနေသော ရုရှားအရပ်သား ၇ ဦး သည် ရက်ပေါင်း ၅၀၀ နီးပါးအကြာတွင် ပြန်လည် လွတ်မြောက်လာခဲ့ပြီဖြစ်ကြောင်း ရုရှားအာဏာပိုင်များက အတည်ပြုခဲ့သည်။၎င်းတို့သည် စနေနေ့ (ဧပြီ ၁၁) က ပြုလုပ်ခဲ့သည့် စစ်သည် ၁၇၅ ဦးစီ အပြန်အလှန်လဲလှယ်သော အကျဉ်းသားလဲလှယ်မှု အစီအစဉ်၏ အစိတ်အပိုင်း အဖြစ် လွတ်မြောက်လာခြင်းဖြစ်သည်။ ရုရှားလူ့အခွင့်အရေးဆိုင်ရာ ကော်မရှင်နာ တာတျာနာ မော့စ်ကာလ်ကိုဗာ၏ အဆိုအရ ၂၀၂၄ ခုနှစ်မှ စ၍ ကူးစ်ခ်ဒေသခံ စုစုပေါင်း ၁၆၅ ဦးသည် ယူကရိန်းဘက်တွင်ဓားစာခံအဖြစ် ထိန်းသိမ်းခံခဲ့ရပြီး၊ ယခုအခါ အားလုံးကို အိမ်ပြန် ခေါ်ဆောင်နိုင်ခဲ့ပြီဖြစ်ကြောင်း သိရှိရသည်။ယခုလွတ်မြောက်လာသည့် အရပ်သား ၇ ဦးထဲတွင် အသက် ၉၁ နှစ် အရွယ် အပါအဝင် အမျိုးသမီး ၅ ဦးနှင့် အမျိုးသား ၂ ဦး ပါဝင်ကာ၊ ၎င်းတို့ အနက် အချို့မှာ မျက်စိကွယ်ခြင်းနှင့် ပြင်းထန်သော ကျန်းမာရေး ပြဿနာများ ခံစားနေရသဖြင့် လိုအပ်သော ဆေးကုသမှုများ စီစဉ်ပေးနေပြီဖြစ်သည်။ ရုရှားဘက်က ယူကရိန်း၏ လုပ်ရပ်ကို နိုင်ငံတကာစံနှုန်းများ ချိုးဖောက်ကာ အပြစ်မဲ့အရပ်သားများကို တရားမဝင် ဖမ်းဆီးထားခြင်းဖြစ်ကြောင်း ဝေဖန်ခဲ့ပြီး ယူကရိန်းဘက်ကမူ ယင်းအရပ်သားများကို ရုရှားတွင် ဖမ်းဆီးထားသည့် ၎င်းတို့၏ စစ်ရာဇဝတ်သားများနှင့် လဲလှယ်ရန် ကြိုးပမ်းခဲ့သော်လည်း ရုရှားက လက်မခံခဲ့ပေ။စစ်ရေးအခြေအနေအရ ယူကရိန်း၏ ကူးစ်ခ်ဒေသ ကျူးကျော်မှုသည် ၂၀၂၅ ခုနှစ် ဧပြီလတွင် အပြီးသတ် ချေမှုန်းခံခဲ့ရသော်လည်း ထိုဒေသကို ပြန်လည်ထိန်းချုပ်နိုင်ပြီးနောက် အစုလိုက်အပြုံလိုက် မြှုပ်နှံထားသည့် နေရာများတွင် ရုပ်အလောင်း ၅၂၄ လောင်းကို တွေ့ရှိခဲ့ရကြောင်း သိရှိ ရသည်။ ထို့အပြင် ယူကရိန်းတပ်ဖွဲ့များ ရှိနေစဉ်အတွင်း မုဒိမ်းမှု၊ ပြန်ပေးဆွဲမှုနှင့် နှိပ်စက်ညှင်းပန်းမှုများ အပါအဝင် စစ်ရာဇဝတ်မှုများ ကျူးလွန်ခဲ့သည် ဟူသော ထွက်ဆိုချက်များစွာကိုလည်း ရုရှားအရာရှိများက အစီရင်ခံ တင်ပြထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 12-Apr-2026
စပိန်၏ ဝေဖန်မှုများအပေါ် အစ္စရေးက တုံ့ပြန်အရေးယူပြီးနောက် နှစ်နိုင်ငံကြား သံတမန်ရေးရာ တင်းမာမှုများ မြင့်တက်လာ
စပိန်၏ ဝေဖန်မှုများအပေါ် အစ္စရေးက တုံ့ပြန်အရေးယူပြီးနောက် နှစ်နိုင်ငံကြား သံတမန်ရေးရာ တင်းမာမှုများ မြင့်တက်လာ
အစ္စရေးဝန်ကြီးချုပ် ဘင်ဂျမင် နေတန်ယာဟုသည် စပိန်နိုင်ငံက အစ္စရေး စစ်တပ် (IDF) ကို အသရေဖျက်စော်ကားသည်ဟုဆိုကာ ဂါဇာ အပစ်အခတ် ရပ်စဲရေး ပူးပေါင်းဆောင်ရွက်ရေးဌာနမှ စပိန်ကို ထုတ်ပယ်လိုက်ကြောင်း ကြေညာခဲ့သည်။ ပြီးခဲ့သည့် ဧပြီလ ၈ ရက်နေ့က လက်ဘနွန်အပေါ် အစ္စရေး၏ "Operation Eternal Darkness" လေကြောင်းတိုက်ခိုက်မှုကြောင့် လူပေါင်း ၃၅၀ ကျော် သေဆုံးခဲ့ရမှုကို စပိန်ဝန်ကြီးချုပ် ပက်ဒရို ဆန်းချက်ဇ်က "အသက်နှင့် အပြည်ပြည်ဆိုင်ရာ ဥပဒေအပေါ် မထီမဲ့မြင်ပြုမှု" ဟု ပြင်းထန်စွာ ဝေဖန်ခဲ့ပြီးနောက် ယခုကဲ့သို့ တုံ့ပြန်မှုများ ထွက်ပေါ်လာခြင်း ဖြစ်သည်။စပိန်နိုင်ငံသည် အစ္စရေးနှင့် သံတမန်အဆင့် လျှော့ချထားသည့်အပြင် တီဟီရန်ရှိ ၎င်း၏သံရုံးကို ပြန်လည်ဖွင့်လှစ်ရန် ဆုံးဖြတ်ခဲ့ခြင်းက အစ္စရေးကို ပိုမိုဒေါသထွက်စေခဲ့သည်။လက်ရှိတွင် ပါကစ္စတန်နိုင်ငံ၊ အစ္စလာမ္မာဘတ်မြို့၌ အမေရိကန် ဒုသမ္မတ ဂျေဒီဗန့်စ်နှင့် အီရန်ကိုယ်စားလှယ်အဖွဲ့တို့သည် ပျက်စီးလွယ်သော အပစ်အခတ်ရပ်စဲရေးကို ပိုမိုခိုင်မာသည့် သဘောတူညီချက် ဖြစ်လာစေရန် အဆုံးအဖြတ်ပေးမည့် ဆွေးနွေးပွဲများ ပြုလုပ်နေကြသော်လည်း နှစ်ဖက်ကြားတွင် နက်ရှိုင်းသော မယုံကြည်မှုများနှင့် သတိပေးမှုများ ရှိနေဆဲဖြစ်သည်။ စပိန်၏ ရပ်တည်ချက်သည် ဥရောပသမဂ္ဂအတွင်း အစ္စရေးအပေါ်ထား ရှိသည့် သဘောထားကို သက်ရောက်မှုရှိနိုင်သဖြင့် ယခုဖြစ်ရပ်သည် ဒေသတွင်း သံတမန်ရေးရာ အလှည့်အပြောင်းတစ်ခု ဖြစ်လာနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 12-Apr-2026
အမေရိကန်ထက် အီရန်က ပိုမိုအသာစီးရနေပြီး ‘ကြောက်မက်ဖွယ် စွမ်းဆောင်ရည်’ ရှိနေကြောင်း စေ့စပ်ညှိနှိုင်းရေးမှူးဟောင်း သုံးသပ်
အမေရိကန်ထက် အီရန်က ပိုမိုအသာစီးရနေပြီး ‘ကြောက်မက်ဖွယ် စွမ်းဆောင်ရည်’ ရှိနေကြောင်း စေ့စပ်ညှိနှိုင်းရေးမှူးဟောင်း သုံးသပ်
အမေရိကန်နှင့် အီရန်တို့အကြား ၂၁ နာရီကြာ ရှည်လျားသောဆွေးနွေးမှုများ ပြုလုပ်ခဲ့သော်လည်း တစ်စုံတစ်ရာ သဘောတူညီချက် မရရှိဘဲ ပြီးဆုံးသွားခဲ့ပြီးနောက် အီရန်နိုင်ငံသည် အမေရိကန်ထက် ပိုမို သာလွန်သောအနေအထားတွင် ရှိနေကြောင်း အမေရိကန် နိုင်ငံခြားရေး ဝန်ကြီးဌာန၏ အရှေ့အလယ်ပိုင်းဆိုင်ရာ စေ့စပ်ညှိနှိုင်းရေးမှူးဟောင်း Aaron David Miller က သုံးသပ်ပြောကြားလိုက်သည်။ ၎င်းက အီရန် သည် လိုက်လျောမှုများ ပြုလုပ်ရန် အလျင်စလိုမရှိဘဲ အမေရိကန်ထက် ပိုမိုနှေးကွေးသော အချိန်ဇယားတစ်ခုပေါ်တွင် မဟာဗျူဟာမြောက် လုပ်ဆောင်နေကြောင်း CNN သို့ ပြောကြားခဲ့သည်။Miller ၏ အဆိုအရ အီရန်အစိုးရသည် လက်ရှိတွင် သန့်စင်မှုအဆင့်မြင့် ယူရေနီယမ် (Highly Enriched Uranium) များကို ဆက်လက် ပိုင်ဆိုင် ထားသည့်အပြင် ကမ္ဘာ့ရေနံကုန်သွယ်မှုအတွက် အရေးပါသော ဟော်မုဇ် ရေလက်ကြားကိုလည်း အောင်မြင်စွာ ထိန်းချုပ်စီမံထားနိုင်ကြောင်း သိရှိ ရသည်။ ထို့အပြင် အီရန်သည် ၎င်း၏ ပထဝီဝင်အနေအထားကို လက်နက်သဖွယ် အသုံးချနိုင်စွမ်းရှိကြောင်း သက်သေပြခဲ့ပြီး ဒေသတွင်း လုံခြုံရေး နှင့်တည်ငြိမ်ရေးကို ထိပါးနှောင့်ယှက်နိုင်သည့် ‘ကြောက်မက်ဖွယ်ကောင်းသော စွမ်းဆောင်ရည်’ များရှိနေခြင်းက အီရန်အတွက် အသာစီးရစေမည့် အချက်များ ဖြစ်လာစေသည်ဟု ၎င်းက ဆိုသည်။နောက်ဆုံးအနေဖြင့် Miller က အီရန်သည် ဆွေးနွေးပွဲများမှ လက်ဗလာဖြင့် ပြန်လှည့်သွားမည့်အစား အမေရိကန်နှင့် အစ္စရေးတို့၏ စစ်ရေးအရ တိုက်ခိုက်မှုများကို ရင်ဆိုင်ရမည့် ဘေးအန္တရာယ် (Risk) ကိုသာ ပိုမို ရွေးချယ်လိမ့်မည်ဟု ယုံကြည်ကြောင်း ထည့်သွင်းပြောကြားခဲ့သည်။ ယင်းအချက်က အီရန် သည် ၎င်းတို့၏ ရပ်တည်ချက်ကို လွယ်လွယ်ကူကူ လျှော့ပေးမည်မဟုတ်ကြောင်း ဖော်ပြနေခြင်းလည်း ဖြစ်သည်။ကိုးကား- CNNPhoto: Instagramဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 12-Apr-2026
အမေရိကန်-အီရန် ဆွေးနွေးပွဲများအပြီးတွင် သဘောတူညီချက် တစ်စုံတစ်ရာ မရရှိခဲ့သဖြင့် စစ်ပွဲ၏ အနာဂတ်မှာ မရေမရာဖြစ်နေ
အမေရိကန်-အီရန် ဆွေးနွေးပွဲများအပြီးတွင် သဘောတူညီချက် တစ်စုံတစ်ရာ မရရှိခဲ့သဖြင့် စစ်ပွဲ၏ အနာဂတ်မှာ မရေမရာဖြစ်နေ
အီရန်နိုင်ငံနှင့် ၂၁ နာရီကြာ ပြုလုပ်ခဲ့သော ငြိမ်းချမ်းရေးဆွေးနွေးပွဲများတွင် သဘောတူညီချက်တစ်စုံတစ်ရာမရရှိဘဲ ကျရှုံးခဲ့ကြောင်း ဒုတိယ သမ္မတ JD Vance ၏ ထုတ်ဖော်ပြောကြားချက်က ပဋိပက္ခ၏ အနာဂတ်နှင့်ပတ်သက်၍ မေးခွန်းများစွာ ထွက်ပေါ်လာစေခဲ့သည်။ယင်းအခြေအနေသည် ပြီးခဲ့သည့်အင်္ဂါနေ့ (ဧပြီ ၇) က စတင်ခဲ့သော သီတင်းနှစ်ပတ်ကြာအပစ်အခတ်ရပ်စဲရေးကို သံသယဖြစ်ဖွယ် အခြေအနေသို့ တွန်းပို့လိုက်သည်။ Hormuz ရေလက်ကြားကို ပြန်လည်ဖွင့်လှစ်ပေးရန် အီရန်ဘက်မှ ကတိကဝတ်မပြုပါက ကမ္ဘာ့အင်အားဖြည့်တင်းမှု အရင်းအမြစ်များမှာ ဆက်လက်အကျပ်ရိုက်နေဦးမည်ဖြစ်သည်။အပစ်အခတ်ရပ်စဲရေး မစတင်မီက သမ္မတ Donald Trump က အီရန် ခေါင်းဆောင်များအနေဖြင့် သဘောတူညီချက်ကို လက်မခံပါက အီရန်၏ "လူ့ယဉ်ကျေးမှုတစ်ရပ်လုံး ပျက်သုဉ်းသွားလိမ့်မည်" ဟု ခြိမ်းခြောက်ကတိပြုခဲ့ဖူးသည်။ သို့သော်လည်း အမေရိကန်ပြည်သူများအကြား အလွန်အမင်း လူကြိုက်နည်းလာပြီး ၎င်းကိုယ်တိုင်ကလည်း အမေရိကန် က အနိုင်ရရှိပြီးဖြစ်သည်ဟုဆိုထားသော စစ်ပွဲကို ပြန်လည်စတင်ရန် ၎င်းတွင် အမှန်တကယ် ဆန္ဒရှိ၊ မရှိမှာမူ ရှင်းလင်းစွာ မသိရသေးပေ။Vance သည် အစ္စလာမ်မာဘတ်သို့ ရောက်ရှိနေစဉ်အတွင်း ယခုကဲ့သို့ ဆွေးနွေးပွဲများ ရပ်တန့်သွားပြီးနောက် မည်သို့ဆက်ဖြစ်မည်ကို ပြောကြား ခြင်းမရှိပေ။ အမေရိကန်၏ "နောက်ဆုံးနှင့် အကောင်းဆုံး ကမ်းလှမ်းချက်" ကို လက်ခံရန် အီရန်ဘက်မှ ပြန်လာနိုင်သေးကြောင်း ၎င်းက အရိပ်အမြွက် ပြောကြားခဲ့သော်လည်း ကွဲလွဲချက်များကို ညှိနှိုင်းရန် နောက်ထပ်ဆွေးနွေးမှုများ ပြုလုပ်မည့်အစီအစဉ်ကိုမူ ထုတ်ဖော်ပြောဆိုခြင်း မရှိ ခဲ့ပါ။တစ်ချိန်တည်းမှာပင် Trump ကမူ ဆွေးနွေးပွဲရလဒ် မည်သို့ ထွက်ပေါ်လာသည်ကို စိတ်မဝင်စားကြောင်း စနေနေ့ (ဧပြီ ၁၁) အစောပိုင်းတွင် ထုတ်ဖော်ပြောဆိုခဲ့သည်။ ၎င်းက "သဘောတူညီချက် ရသည်ဖြစ်စေ၊ မရသည်ဖြစ်စေ ကျွန်တော့်အတွက်တော့ ဘာမှမထူးခြားပါဘူး" ဟု ဆိုကာ အမေရိကန်အနေဖြင့် အီရန်ကို စစ်ရေးအရ အနိုင်ယူပြီးဖြစ်ကြောင်း ပြောကြားခဲ့သည်။ကိုးကား- CNNPhoto: Reutersဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 12-Apr-2026
© Copyright 2024 SAC All Rights Reserved.