မြစ်သားမြို့နယ် ရွှေကြာအင်းကျေးရွာ၌ စိုက်ပျိုးထားသော နွေနှမ်းများ အောင်မြင်ဖြစ်ထွန်းလျက်ရှိ

NoahJune222

News Image

  • မြစ်သားမြို့နယ် ရွှေကြာအင်းကျေးရွာ၌ စိုက်ပျိုးထားသော နွေနှမ်းများ အောင်မြင်ဖြစ်ထွန်းလျက်ရှိ

မြစ်သား     ဧပြီ      ၉ 

     မန္တလေးတိုင်းဒေသကြီး ကျောက်ဆည်ခရိုင် မြစ်သားမြို့နယ် ငါးဆူကျေးရွာအုပ်စု   ရွှေကြာအင်းကျေးရွာ၌   ဒေသတွင်းစားသုံးဆီ ဖူလုံပိုလျှံစေရေး ကင်းတားဆည်ရေနှင့် ပန်းလောင်မြစ်မှ မြစ်ရေတင်စနစ်ဖြင့်  ဆီထွက်သီးနှံနွေနှမ်းများ စိုက်ပျိုးထားရာ အောင်မြင်ဖြစ်ထွန်းလျက်ရှိကြောင်း သိရသည်။

ပေါင်ကြီးတင်စနစ်ဖြင့် နွေနှမ်းစိုက်ပျိုးမည်ဆိုပါက မြေအနေအထားပေါ် မူတည်၍ ၃ ပေ၊ ၄ ပေအကျယ် မြေပေါင်များပြုလုပ်ပြီး  မျိုးစေ့ချကိရိယာဖြင့်  စနစ် တကျစိုက်ပျိုးရကြောင်း၊ ထိုသို့စိုက်ပျိုးသဖြင့်  မျိုးစေ့ကုန်ကျမှုသက်သာပြီး ရေသွင်း၊ ရေထုတ်လွယ်ကူ သဖြင့် အပင်ဖြစ်ထွန်းမှုကောင်းမွန်ကြောင်း သိရသည်။

    တောင်သူများအနေဖြင့် နွေနှမ်းကို ကြဲပက်စနစ်ဖြင့်      စိုက်ပျိုးခြင်းထက်  ပေါင်ကြီးတင်စနစ်ဖြင့်   စိုက်ပျိုးခြင်းက အထွက်နှုန်း ပိုမိုရရှိပြီး များစွာအကျိုး ဖြစ်ထွန်းစေနိုင်ကြောင်း၊  ပေါင်ကြီးတင်စနစ်ဖြင့် စိုက်ပျိုးရာတွင် သီးနှံစိုက်ပျိုးချိန်   သဘာဝဘေး အန္တရာယ်များဖြစ်သည့်   မိုးခေါင်ခြင်း၊  မိုးများခြင်း စသည့် အခြေအနေများတွင် ရေသွင်း၊ ရေထုတ် လွယ်ကူစေခြင်း၊ အပင်ဝင်ဆံ့မှု အရေအတွက်မှန်ကန်ခြင်းနှင့် အပင်ပြုစုစောင့်ရှောက်မှုလွယ်ကူခြင်း စသည့်ကောင်းကျိုး များစွာရရှိကြောင်း   သိရသည်။

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

အီရတ်နိုင်ငံ၏ ရေနံစိမ်းတင်ပို့မှု မတ်လတွင် သိသိသာသာကျဆင်း
အီရတ်နိုင်ငံ၏ ရေနံစိမ်းတင်ပို့မှု မတ်လတွင် သိသိသာသာကျဆင်း
ဘဂ္ဂဒက် ဧပြီ ၁၃အရှေ့အလယ်ပိုင်းဒေသ ပဋိပက္ခများကြောင့် အီရတ်နိုင်ငံ၏ ရေနံစိမ်းတင်ပို့မှုသည် မတ်လတွင် ရေနံစိမ်းစည် ၁၈ ဒသမ ၆ သန်း ခန့်အထိ ကျဆင်းသွားခဲ့ကြောင်း အီရတ်နိုင်ငံပိုင်ရေနံဈေးကွက် ရှာဖွေရေးအဖွဲ့အစည်း (SOMO) က ဧပြီ ၁၃ ရက်တွင် ထုတ်ပြန်ကြေညာထားသည်။ ယင်းပမာဏမှာ ဖေဖော်ဝါရီလက တင်ပို့ခဲ့သည့် ရေနံစိမ်းစည် ၉၉ ဒသမ ၈ သန်းနှင့် နှိုင်းယှဉ်ပါက သိသိသာသာ ကျဆင်းသွားခြင်းဖြစ် သည်။ SOMO ၏ တရားဝင်ထုတ် ပြန်ချက်တွင် မတ်လ ရေနံစိမ်း စည်တင်ပို့မှုမှဝင်ငွေ အမေရိကန် ဒေါ်လာ ၁ ဒသမ ၉၅ ဘီလီယံ ကျော်သာရှိခဲ့ပြီး ဖေဖော်ဝါရီလက ရရှိသည့်ဝင်ငွေ အမေရိကန်ဒေါ်လာ ၆ ဒသမ ၈ ဘီလီယံနှင့် နှိုင်းယှဉ်ပါက အလွန်ထင်ရှားစွာ လျော့နည်း ကျဆင်းသွားခြင်း ဖြစ်ကြောင်း ဖော်ပြထားသည်။ ထို့အပြင် ရေကြောင်းပိတ်ဆို့မှုများကြောင့် အများဆုံးထိခိုက်ခံစားရသည့် အီရတ်နိုင်ငံ အလယ်ပိုင်း နှင့် တောင်ပိုင်းဒေသများရှိ ရေနံမြေများမှ စုစုပေါင်းတင်ပို့မှုမှာ မတ်လတွင် ရေနံစိမ်းစည် ၁၄ ဒသမ ၅ သန်းခန့်သာရှိခဲ့ကြောင်း သိရသည်။ အီရတ်နိုင်ငံသည် ပုံမှန်အားဖြင့် တစ်လလျှင် ရေနံစိမ်း စည် သန်း ၁၀၀ ဝန်းကျင်ခန့် တင်ပို့မှုရှိကြောင်း၊ သို့သော်လည်း အရှေ့အလယ်ပိုင်း ဒေသတွင် ဖေဖော်ဝါရီ ၂၈ ရက် ပဋိပက္ခ စတင်ဖြစ်ပွားပြီးနောက် ရေနံစိမ်းတင်ပို့မှုပမာဏမှာ သိသိသာသာ လျော့နည်းကျဆင်း လာကြောင်း သိရသည်။ အီရတ်နိုင်ငံ၏ စီးပွားရေးသည် ရေနံစိမ်းတင်ပို့မှုအပေါ်တွင် များစွာမှီခိုအားထားနေရကြောင်း၊ ထိုကဲ့သို့ တင်ပို့မှုမှရရှိသည့် ဝင်ငွေသည် တစ်နိုင်ငံလုံး စုစုပေါင်း ဝင်ငွေ ၏ ၉၀ ရာခိုင်နှုန်းခန့်ရှိကြောင်း သိရသည်။ ဆင်ဟွာMDN
Tue, 14-Apr-2026
ပြည်ပမှတင်သွင်းသည့် စွမ်းအင်အပေါ် မှီခိုမှု တူကီယဲ လျှော့ချမည်
ပြည်ပမှတင်သွင်းသည့် စွမ်းအင်အပေါ် မှီခိုမှု တူကီယဲ လျှော့ချမည်
အန်ကာရာ ဧပြီ ၁၂ တူကီယဲနိုင်ငံသည် ပြည်ပမှ တင်သွင်းနေရသည့် စွမ်းအင်အပေါ် မှီခိုနေရမှုကို လျှော့ချကာ ကိုယ်ပိုင်စွမ်းအင် ပိုမိုထုတ်လုပ်လိုကြောင်း တူကီယဲစွမ်းအင်နှင့် သဘာဝသယံဇာတဝန်ကြီး အယ်လ်ပါစလန် ဘိုင်ရက်တာက ဧပြီ ၁၁ ရက်တွင် ပြောသည်။ တူကီယဲနိုင်ငံသည် ရေနံ၊ သဘာဝဓာတ်ငွေ့နှင့် ကျောက်မီးသွေးအပါအဝင် အသုံးပြုနေသော စွမ်းအင် အများစုကို ပြည်ပမှတင်သွင်းနေရသည်ဟု ကေဆာရီမြို့၌ ပြုလုပ်သော စွမ်းအင်ဆိုင်ရာ အစည်းအဝေးတွင် ဘိုင်ရက်တာက ပြောသည်။ စွမ်းအင်လိုအပ်ချက် မြင့်မားလျက်ရှိသောကြောင့် ပြည်ပမှ တင်သွင်းမှုများအပေါ် မှီခို အားထားနေရမှုကို လျှော့ချခြင်းမှာ အရေးကြီးကြောင်း၊ စွမ်းအင်မရှိပါက စီးပွားရေးနှင့် စက်ရုံ အလုပ်ရုံ လုပ်ငန်းများ လည်ပတ်နိုင်မည်မဟုတ်ကြောင်း ၎င်းက ဆက်လက်ပြောသည်။ တူကီယဲအစိုးရသည် ပြန်လည်ပြည့်ဖြိုးမြဲစွမ်းအင်၊ ပြည်တွင်း စက်သုံးဆီထုတ်လုပ်မှုနှင့် နျူကလီးယား စွမ်းအင်အပါအဝင် အရင်းအမြစ်မျိုးစုံကို ပေါင်းစပ်၍ တိုးချဲ့ သွားရန် စီစဉ်နေကြောင်း သိရသည်။ တူကီယဲနိုင်ငံ၏ နေရောင်ခြည်စွမ်းအင်ထုတ်လုပ်မှုမှာ ၂၀၂၁ ခုနှစ်တွင် နှစ်ဆကျော် မြင့်တက်လာခဲ့ပြီး ၂၀၂၅ ခုနှစ် အစောပိုင်း တွင် ၂၁ ဂစ်ဂါဝပ်ကျော်အထိ ရောက်ရှိခဲ့သည်။ ထို့အပြင် လေအားလျှပ်စစ် ထုတ်လုပ်မှုမှာလည်း မြင့်တက်လာကြောင်း၊ ရေအားလျှပ်စစ်မှာ တူကီယဲနိုင်ငံ၏ အကြီးဆုံးလျှပ်စစ်အရင်းအမြစ်အဖြစ် ဆက်လက်တည်ရှိနေပြီး ၃၂ ဂစ်ဂါဝပ် အထိ ထုတ်လုပ်နိုင်စွမ်းရှိကြောင်း တရားဝင်အချက်အလက်များအရ သိရသည်။  ဆင်ဟွာMDN
Mon, 13-Apr-2026
ထိုင်ဝမ်အတွက် စီးပွားရေးဆိုင်ရာ မက်လုံးပေးမှုအသစ်များကို ပေကျင်း ထုတ်ဖော်ကြေညာ
ထိုင်ဝမ်အတွက် စီးပွားရေးဆိုင်ရာ မက်လုံးပေးမှုအသစ်များကို ပေကျင်း ထုတ်ဖော်ကြေညာ
တရုတ်နိုင်ငံသည် ထိုင်ဝမ်နှင့် ဆက်ဆံရေးအချို့ ပြန်လည်စတင်ရန် ကမ်းလှမ်းမှုနှင့်အတူ စီးပွားရေးဆိုင်ရာ အထူးအခွင့်အရေး အစီအမံသစ် များကို ထုတ်ဖော်ကြေညာလိုက်သည်။ ထိုကြေညာချက်သည် ထိုင်ဝမ်၏ အဓိကအတိုက်အခံပါတီဖြစ်သော ကူမင်တန် (KMT) ဥက္ကဋ္ဌ၏ ပေကျင်း ခရီးစဉ်အပြီးတွင် ထွက်ပေါ်လာခြင်းဖြစ်သည်။ထိုင်ဝမ်သည် ၁၉၄၉ ခုနှစ် ပြည်တွင်းစစ်တွင် ရှုံးနိမ့်ခဲ့သော တရုတ် အမျိုးသားရေးဝါဒီ တပ်ဖွဲ့များ ထွက်ပြေးတိမ်းရှောင်သွားခဲ့ချိန်မှစ၍ လက်တွေ့ ၌ ကိုယ်ပိုင်အုပ်ချုပ်ခွင့်ရနယ်မြေတစ်ခု ဖြစ်ခဲ့သည်။ ပေကျင်းကမူ ကုလ သမဂ္ဂအဖွဲ့ဝင်နိုင်ငံအများစုက ထောက်ခံထားသော "တရုတ်တစ်နိုင်ငံတည်း မူဝါဒ" (One China policy) အရ ထိုင်ဝမ်ကို ၎င်း၏ နယ်မြေ အစိတ်အပိုင်း တစ်ခုအဖြစ် မှတ်ယူထားသည်။ပေကျင်း၏ ထိုင်ဝမ်ရေးရာရုံးသည် ထိုင်ဝမ်ကျွန်းအတွက် အချက် (၁၀) ချက် ပါဝင်သော စီးပွားရေးဆိုင်ရာ အထူးအခွင့်အရေး အစီအစဉ်ကို တနင်္ဂနွေနေ့ (ဧပြီ ၁၂) တွင် ထုတ်ပြန်ခဲ့သည်။ ယင်းအစီအစဉ်တွင် ထိုင်ဝမ် ရေလက်ကြားကို ဖြတ်သန်းသည့် ပုံမှန်တိုက်ရိုက် လေကြောင်း ပျံသန်းမှု များကို အမြန်ဆုံးပြန်လည်စတင်ရန်နှင့် ထိုင်ဝမ်စားသောက်ကုန်များတရုတ်စျေးကွက်သို့တင်သွင်းရာတွင် ပိုမိုလွယ်ကူချောမွေ့စေရန်တို့ ပါဝင်သည်။ ထို့အပြင် တရုတ်ပြည်မကြီးနှင့် ပထဝီဝင်အနေအထားအရ ပိုမိုနီးကပ်ပြီး ထိုင်ဝမ်က အုပ်ချုပ်နေသော မတ်စု (Matsu) နှင့် ကင်မန် (Kinmen) ကျွန်းစုများသို့ စွမ်းအင်နှင့် ရေပေးဝေမှု မျှဝေရန်နှင့် ၎င်းကျွန်း များသို့ ဆက်သွယ်မည့် တံတားတစ်စင်း တည်ဆောက်ရန်အတွက်လည်း ထိုစီမံကိန်းတွင် ရည်မှန်းထားသည်။အဆိုပါကြေညာချက်သည် သောကြာနေ့ (ဧပြီ ၁၀) တွင် တရုတ်သမ္မတ ရှီကျင့်ဖျင်နှင့် တွေ့ဆုံခဲ့သည့် ကူမင်တန် (KMT) ဥက္ကဋ္ဌ ချန်လီဝမ် (Cheng Li-wun) ၏ ခြောက်ရက်ကြာ ခရီးစဉ်အပြီးတွင် ထွက်ပေါ်လာခြင်း ဖြစ်သည်။ ယင်းခရီးစဉ်ကို ထိုင်ဝမ်၏ အာဏာရ ဒီမိုကရက်တစ် တိုးတက်ရေးပါတီ (DPP) က အကြိမ်ကြိမ်ရှုတ်ချခဲ့ပြီး ထိုင်ဝမ်၏ ပြည်မ ရေးရာကောင်စီ (MAC) ကလည်း ချန်အနေဖြင့် ပြည်မကြီးခရီးစဉ် အတွင်း စည်းကျော်မှုများပြုလုပ်ခဲ့ပါက ထောင်ဒဏ်ကျခံရနိုင်ကြောင်း သတိပေးထားခဲ့သည်။ချန်ကမူ အဆိုပြုထားသည့် အထူးအခွင့်အရေး အစီအမံများအတွက် တရုတ်ခေါင်းဆောင်ပိုင်းကို အထူးပင် ကျေးဇူးတင်ရှိကြောင်း ပြောကြား ခဲ့သည်။ သူမက "ရှီနှင့်တွေ့ဆုံစဉ် ကျွန်မပြောခဲ့သလိုပဲ၊ ကိစ္စရပ်တွေကို တစ်ခုချင်းစီ လုပ်ဆောင်သွားရမှာပါ" ဟု ဆိုသည်။သို့သော်လည်း ထိုင်ဝမ်အာဏာပိုင်များက ပေကျင်းအပေါ် မယုံကြည်မှု ကို ပွင့်ပွင့်လင်းလင်း ပြသခဲ့ပြီး KMT ပါတီ၏ ဘေးဖယ်ထုတ်ခြင်းခံရမှု အပေါ် မကျေနပ်ကြောင်း ဖော်ပြခဲ့ကြသည်။ သမ္မတရုံးပြောရေး ဆိုခွင့် ရှိသူ ကရင်ကော် (Karen Kuo) က "ဘယ်လို အပြန်အလှန် ဆက်ဆံမှုမျိုးမဆို နိုင်ငံရေးအရ ကြိုတင်သတ်မှတ်ချက်တွေ မရှိသင့် သလို သတ်မှတ်ထားတဲ့ ပါတီအဖွဲ့အစည်းတွေရဲ့ နိုင်ငံရေးအမြတ်ထုတ်မှု ဒါမှမဟုတ် အပေးအယူလုပ်မှုတွေအတွက် ကိရိယာတစ်ခုအဖြစ် အသုံး မချသင့်ဘူး" ဟု ပြောကြားခဲ့သည်။MAC ကလည်း ပေကျင်း၏နောက်ဆုံးကြေညာချက်အပေါ် သတိထားရန် တိုက်တွန်းခဲ့ပြီး ယခင်ကလည်း အလားတူအစီအမံများကို တရုတ် ဘက်က အကြိမ်ကြိမ်လုပ်ဆောင်ခဲ့ပြီးမှ ပြန်လည်ရပ်ဆိုင်းခဲ့ဖူးကြောင်း ပြောကြားခဲ့သည်။ "အခုလည်း အရင်ပုံစံအတိုင်း ထပ်ဖြစ်နေတာပါ ၊ ထိုင်ဝမ်ရဲ့ စက်မှုကဏ္ဍ၊ တောင်သူလယ်သမားတွေ၊ ရေလုပ်သားတွေနဲ့ ပြည်သူလူထုရဲ့ အခွင့်အရေးနဲ့ အကျိုးစီးပွားတွေအတွက် ဘယ်လို အဖွဲ့အစည်းဆိုင်ရာ အကာအကွယ်မှ မရှိတဲ့အတွက် ဒီအစီအမံတွေဟာ အလွန်အန္တရာယ်များပါတယ်" ဟု ထုတ်ပြန်ချက်တွင် ဖော်ပြထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Mon, 13-Apr-2026
ကျောက်ဆည်မြို့နယ်၌ သီးနှံစုံ ၅၂၇၁၅ ဧက လျာထားပြီး ၅၂၇၁၉ ဧက စိုက်ပျိုးနိုင်သည့်အတွက် လျာထား ဧကထက် ၄ဧက ပိုမိုစိုက်ပျိုးနိုင်
ကျောက်ဆည်မြို့နယ်၌ သီးနှံစုံ ၅၂၇၁၅ ဧက လျာထားပြီး ၅၂၇၁၉ ဧက စိုက်ပျိုးနိုင်သည့်အတွက် လျာထား ဧကထက် ၄ဧက ပိုမိုစိုက်ပျိုးနိုင်
ကျောက်ဆည်၊ ဧပြီ ၁၂မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ ရေရရှိရေးနည်းလမ်းဖြင့် ၂၀၂၅-၂၀၂၆ ခုနှစ်တွင် စီမံကိန်းသီးနှံမျိုးစုံ ၅၂၇၁၅ဧက လျာထားပြီးစိုက်ပျိုးလျက်ရှိရာ ၅၂၇၁၉ ဧက စိုက်ပျိုးနိုင်သည့်အတွက် လျာထားဧကထက် ၄ ဧက ပိုမိုစိုက်ပျိုးနိုင်ခဲ့ကြောင်း မြို့နယ်မြေစာရင်းဦးစီးဌာနမှ သိရှိရသည်။နွေသီးနှံမျိုးစုံလျာထားစိုက်ပျိုးရာ၌ တိုက်နယ်(၁)တွင် ၈၁၁ ဧက၊ တိုက်နယ်(၂)တွင် ၄၂၅၉ ဧက၊ တိုက်နယ်(၃) တွင် ၅၇၈၂ ဧက၊ တိုက်နယ်(၄)တွင် ၄၃၆၈ ဧက၊ တိုက်နယ်(၅)တွင် ၆၀၈၁ ဧက၊ တိုက်နယ်(၆)တွင် ၄၃၈၈ ဧက၊ တိုက်နယ်(၇)တွင်စိုက်ပျိုးနိုင်ခြင်းမရှိကြောင်းနှင့် တိုက်နယ်(၈)တွင် ၆၀၃၅ ဧက၊ တိုက်နယ်(၉)တွင် ၄၆၄၀ ဧက၊ တိုက်နယ်(၁၀)တွင် ၅၅၃၅ ဧက၊ တိုက်နယ်(၁၁)တွင် ၅၁၈၂ ဧက၊ တိုက်နယ်(၁၂)တွင် ၅၆၃၈ ဧက စုစုပေါင်း ၅၂၇၁၉ ဧက စိုက်ပျိုးပြီးကြောင်း သိရသည်။လျာထားနွေစပါးသီးနှံများ အောင်မြင်ဖြစ်ထွန်းရေး မြို့နယ်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ စိုက်ပျိုးရေပေးဝေသည့်ရေမြောင်းများအလိုက် စိုက်ပျိုးရေများ အလှည့်ကျရေပေးဝေရေးစနစ်ဖြင့် ပြည့်ဝစွာ ပေးဝေလျက်ရှိကြောင်း သိရသည်။သက်မောင်(ကျောက်ဆည်)
Sun, 12-Apr-2026
မိုဇမ်ဘစ်နိုင်ငံတွင် လေယာဉ်လက်မှတ်ခများ အဆမတန် မြင့်တက် လာမည့် အရေးနှင့် ရင်ဆိုင်နေရ
မိုဇမ်ဘစ်နိုင်ငံတွင် လေယာဉ်လက်မှတ်ခများ အဆမတန် မြင့်တက်လာမည့်အရေးနှင့် ရင်ဆိုင်နေရ
ကမ္ဘာလုံးဆိုင်ရာ လေယာဉ်ဆီစျေးနှုန်းများ မြင့်တက်လာမှုကြောင့် မိုဇမ်ဘစ်နိုင်ငံတွင် လေကြောင်းခရီးသွားလာစရိတ်များ မကြာမီ မြင့်တက်လာနိုင်ကြောင်း အဆိုပါနိုင်ငံ၏ ဟိုက်ဒရိုကာဗွန်နှင့် လောင်စာဆီဆိုင်ရာ အမျိုးသားညွှန်ကြားရေးမှူး Felisbela Nhate က ကြာသပတေးနေ့ (ဧပြီ ၉) တွင် ပြောကြားခဲ့သည်။ကမ္ဘာ့စျေးကွက်တွင် မကြာသေးမီက လေယာဉ်ဆီစျေးနှုန်းများ အဆမတန်မြင့်တက်လာခဲ့ကြောင်း Nhate က သတင်းထောက်များကို ပြောကြားခဲ့သည်။ စျေးနှုန်းများသည် တစ်တန်လျှင် ၇၆၉ ဒေါ်လာ ဝန်းကျင်မှ ၁,၅၉၅ ဒေါ်လာ အထိ မြင့်တက်သွားကြောင်း သူမက မှတ်ချက်ပြုခဲ့သည်။အီရန်အပေါ် အမေရိကန်-အစ္စရေး စစ်ပွဲကြောင့် ဟော်မုဇ် ရေလက်ကြားပိတ်သွားပြီးနောက် ကမ္ဘာလုံးဆိုင်ရာထောက်ပံ့မှု ပြတ်တောက်မှုများ ဖြစ်ပေါ်နေချိန်တွင် Nhate ၏ မှတ်ချက်များ ထွက်ပေါ်လာခြင်းဖြစ်သည်။ ကမ္ဘာ့အဓိက စွမ်းအင်လမ်းကြောင်းတစ်ခု ပြတ်တောက်သွားခြင်းက ရေနံစျေးနှုန်းများကို မြင့်တက်စေခဲ့ပြီး ကမ္ဘာလုံးဆိုင်ရာထောက်ပံ့ရေး ကွင်းဆက်တစ်ခုလုံးကို ရိုက်ခတ်မှုများ ဖြစ်ပေါ်စေခဲ့သည်။Nhate ၏ ပြောကြားချက်အရ အဆိုပါ အခြေအနေများသည် လေကြောင်းလိုင်းများအတွက် လုပ်ငန်းလည်ပတ်မှုစရိတ်များကို မြင့်တက်စေပြီး နောက်ဆုံးတွင် ခရီးသည်များအနေဖြင့် လေယာဉ်လက်မှတ်ခများကို ပိုမို ပေးဆောင်ရမည့်အခြေအနေသို့ ရောက်ရှိလာနိုင်ကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 11-Apr-2026
ဥရောပတွင် နောက်သုံးပတ်အတွင်း လေယာဉ်ဆီပြတ်လပ်မှုများနှင့် ကြုံတွေ့ ရနိုင်ကြောင်း စက်မှုလုပ်ငန်းအဖွဲ့အစည်းတစ်ခုက သတိပေး
ဥရောပတွင် နောက်သုံးပတ်အတွင်း လေယာဉ်ဆီပြတ်လပ်မှုများနှင့် ကြုံတွေ့ ရနိုင်ကြောင်း စက်မှုလုပ်ငန်းအဖွဲ့အစည်းတစ်ခုက သတိပေး
ဟော်မုဇ်ရေလက်ကြားကို လာမည့်သုံးပတ်အတွင်း သိသိသာသာ တည်ငြိမ်သည့်ပုံစံမျိုးဖြင့် ပြန်မဖွင့်နိုင်ပါက ဥရောပတွင် လေယာဉ်ဆီ ပြတ်လပ်မှုများနှင့် ကြုံတွေ့ရနိုင်ကြောင်း လေဆိပ်လုပ်ငန်းစု ကိုယ်စားပြုအဖွဲ့က သတိပေးလိုက်သည်။တိုက်ကြီးတစ်ဝှမ်းရှိ လေဆိပ်ပေါင်း ၆၀၀ ကျော်ကို ကိုယ်စားပြုသည့် ဥရောပလေဆိပ်များကောင်စီ (ACI Europe) က ထိုသို့သော အခြေအနေ မျိုးကို ရှောင်ရှားနိုင်ရန်အတွက် ဥရောပသမဂ္ဂ (EU) အနေဖြင့် အရေးယူဆောင်ရွက်မှုများ ချက်ချင်းပြုလုပ်ရန် ဧပြီ ၉ ရက်နေ့က ဥရောပ ကော်မရှင်ထံ ပေးပို့သောစာတွင် တောင်းဆိုထားကြောင်း CNN က ဖော်ပြခဲ့သည်။အဆိုပါအဖွဲ့က အကြံပြုထားသော အစီအမံအချို့တွင် EU အနေဖြင့် စုပေါင်းဝယ်ယူမှုများ ပြုလုပ်ရန်နှင့် တိုက်ကြီးအတွင်းသို့ လေယာဉ်ဆီတင်သွင်းမှုကို အဟန့်အတားဖြစ်စေသည့် စည်းမျဉ်းစည်းကမ်းများကို ယာယီဖြေလျှော့ပေးရန်တို့ ပါဝင်သည်။ ထို့အပြင် ဥရောပ ကော်မရှင်အနေဖြင့် လေယာဉ်ဆီထုတ်လုပ်မှုနှင့် ရရှိနိုင်မှုအခြေအနေတို့ကို ကိုယ်တိုင် ကိုယ်ကျ စစ်ဆေးအကဲဖြတ်ရန်နှင့် စောင့်ကြည့်ရန်လည်း တိုက်တွန်းထားသည်။အကယ်၍ လောင်စာဆီပြတ်လပ်မှု အမှန်တကယ်ဖြစ်ပွားလာပါက လေကြောင်းခရီးသွားလာမှုကို ပြင်းထန်စွာ အနှောင့်အယှက်ဖြစ်စေမည် ဖြစ်ပြီး မြင့်တက်လာသော ရေနံဈေးနှုန်းများ၏ ရိုက်ခတ်မှုကို ပိုမို ဆိုးရွားစေကာ ဥရောပစီးပွားရေးကို သိသိသာသာ ထိခိုက်စေလိမ့်မည်ဟု အဆိုပါအဖွဲ့က သတိပေးထားသည်။နွေရာသီ ခရီးသွားအများဆုံးရာသီ နီးကပ်လာချိန်တွင် လောင်စာဆီပြတ်လပ်မှုသည် ဥရောပ၏ ပို့ကုန် ၂၆ ရာခိုင်နှုန်း (လေဆိပ်များမှတစ်ဆင့် ပို့ဆောင်နေရခြင်းဖြစ်သည်) ကို ထိခိုက်စေမည့်အပြင် ပြည်သူလူထုကိုလည်း သက်ရောက်မှုရှိစေမည်ဟု မှတ်ချက်ပြုထားသည်။အမေရိကန်-အစ္စရေးနှင့် အီရန်တို့ စစ်ဖြစ်ပွားပြီးကတည်းက လေယာဉ်ဆီဈေးနှုန်းများမှာ နှစ်ဆမြင့်တက်သွားခဲ့ပြီး အီရန်အနေဖြင့် ဟော်မုဇ် ရေလက်ကြားကို အမြန်ဆုံးပြန်ဖွင့်ပေးလျှင်ပင် လောင်စာဆီရရှိနိုင်မှုမှာ လပေါင်းများစွာအထိ ကန့်သတ်ချက်များ ဆက်လက်ရှိနေနိုင်ကြောင်းနိုင်ငံတကာ လေကြောင်းသယ်ယူပို့ဆောင်ရေးအသင်း (IATA) ၏ ညွှန်ကြားရေးမှူးချုပ် Willie Walsh က ဗုဒ္ဓဟူးနေ့ (ဧပြီ ၈) တွင် ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 11-Apr-2026
© Copyright 2024 SAC All Rights Reserved.