ရုရှားနိုင်ငံသည် အာရှ BRICS မိတ်ဖက် အင်ဒိုနီးရှားနိုင်ငံနှင့် အဓိက စွမ်းအင်သဘောတူညီချက်တစ်ရပ်ကို လက်မှတ်ရေးထိုး

KookieSpace97

News Image

  • ရုရှားနိုင်ငံသည် အာရှ BRICS မိတ်ဖက် အင်ဒိုနီးရှားနိုင်ငံနှင့် အဓိက စွမ်းအင်သဘောတူညီချက်တစ်ရပ်ကို လက်မှတ်ရေးထိုး

ကမ္ဘာလုံးဆိုင်ရာ စွမ်းအင်ထောက်ပံ့မှု ပြတ်တောက်မှုများ တိုးပွားလာနေချိန်တွင် စွမ်းအင်လုံခြုံရေးအတွက် စိုးရိမ်မှုများကြောင့် ရုရှားနိုင်ငံထံမှ ရေနံစိမ်းနှင့် သဘာဝဓာတ်ငွေ့ (LPG) ဝယ်ယူရန် BRICS အဖွဲ့ဝင် ရုရှားနှင့်အင်ဒိုနီးရှားနိုင်ငံတို့ သဘောတူညီလိုက်ကြောင်း ဂျကာတာရှိ စွမ်းအင်ဝန်ကြီးဌာနက ပြောကြားခဲ့သည်။

အင်ဒိုနီးရှား၏ ရုရှားထံမှရေနံဝယ်ယူမှုမှာ သမိုင်းတစ်လျှောက်တွင် အကန့်အသတ်ရှိပြီး ပုံမှန်မဟုတ်ခဲ့ဘဲ ယခုအခါ ဂျကာတာသည် ၎င်းတို့လိုအပ်သောရေနံ၏ လေးပုံတစ်ပုံခန့်ကို အရှေ့အလယ်ပိုင်းဒေသရှိ (လက်ရှိတွင် အမေရိကန်က ပိတ်ဆို့ထားသော) ဟော်မုဇ် ရေလက်ကြားမှတစ်ဆင့် တင်သွင်းနေခြင်းဖြစ်သည်။

ရုရှားသမ္မတ ဗလာဒီမာ ပူတင်သည် အင်ဒိုနီးရှား သမ္မတ ပရာဘိုဝို ဆူဘီယန်တိုကို တနင်္လာနေ့ (ဧပြီ ၁၃) က ကရင်မလင် နန်းတော်တွင် လက်ခံတွေ့ဆုံကာ အကျယ်တဝင့်ဆွေးနွေးခဲ့ပြီး နောက်တစ်နေ့တွင်လည်း နှစ်နိုင်ငံစွမ်းအင်ဝန်ကြီးများဖြစ်သည့် Sergey Tsivilev နှင့် Bahlil Lahadalia တို့ ထပ်မံတွေ့ဆုံခဲ့ကြသည်။

အင်ဒိုနီးရှားနိုင်ငံသည် ရေနံနှင့် LPG ရေရှည်ထောက်ပံ့ရေး၊ နျူကလီးယားစွမ်းအင်နှင့် သတ္တုကဏ္ဍတို့တွင်လည်း ရုရှားနှင့် ပူးပေါင်းဆောင်ရွက်မှု များတိုးချဲ့ရန် ကြိုးပမ်းနေကြောင်း ဝန်ကြီးဌာနက ထုတ်ပြန်ထားသည်။

အင်္ဂါနေ့ (ဧပြီ ၁၄) ဆွေးနွေးပွဲအပြီးတွင် ဝန်ကြီး Bahlil က “ကျွန်တော်တို့ တော်တော်လေး ကောင်းမွန်တဲ့ ရလဒ်တွေရရှိခဲ့ပါတယ် ၊ ဒါဟာ ကျွန်တော်တို့ရဲ့ ရေနံစိမ်းသိုလှောင်မှုကို တိုးမြှင့်နိုင်စေမှာဖြစ်တဲ့အပြင် LPG ကိုလည်း ရရှိနိုင်တော့မှာ ဖြစ်ပါတယ်” ဟု ပြောကြားခဲ့သည်။ LPG သည် ချက်ပြုတ်ခြင်း၊ အပူပေးခြင်းနှင့် သယ်ယူပို့ဆောင်ရေးတို့တွင်ကျယ်ကျယ်ပြန့်ပြန့်အသုံးပြုသည့် ပရိုပိန်း (Propane) နှင့် ဗျူတိန်း (Butane) အရည်များ ရောနှောထားသောဓာတ်ငွေ့ဖြစ်သည်။ အဆိုပါ အစည်းအဝေးသို့ Rosneft ၊ Ruschem ၊ Zarubezhneft နှင့် Lukoil အပါအဝင် ရုရှားစွမ်းအင်ကုမ္ပဏီ အများအပြားမှ ကိုယ်စားလှယ်များ တက်ရောက်ခဲ့ကြသည်။

ရုရှားရေနံစိမ်းများကို နိုင်ငံ၏အရှေ့ဖျားရှိ ပစိဖိတ်ဆိပ်ကမ်းများမှ တစ်ဆင့် တင်ပို့နိုင်ပြီး တရုတ်နှင့် အခြားအာရှဝယ်လက်များသို့ ပို့ဆောင်ရာတွင် အသုံးပြုနေကျလမ်းကြောင်းများဖြစ်သော တောင်တရုတ်ပင်လယ်နှင့် မလက္ကာရေလက်ကြားတို့ကို ဖြတ်သန်းသွားမည်ဖြစ်သည်။ ဥရောပသမဂ္ဂ (EU) နှင့် အမေရိကန်တို့၏ ကျယ်ပြန့်သော ပိတ်ဆို့အရေးယူမှုများကြောင့် အနောက်နိုင်ငံဈေးကွက်များသို့ တင်ပို့ခွင့် အကန့်အသတ်ဖြစ်သွား ပြီးနောက် ရုရှားသည် ၎င်း၏ စွမ်းအင်တင်ပို့မှု အများအပြားကို အာရှ ဘက်သို့ လမ်းကြောင်းလွှဲပြောင်းတင်ပို့ခဲ့ခြင်းဖြစ်သည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ရုရှားဖက်ဒရေးရှင်းနိုင်ငံမှ မြန်မာနိုင်ငံသို့ ရေနံနှင့် ရေနံထွက်ပစ္စည်းများ ထောက်ပံ့ပေးနိုင်ရေး အပါအဝင် လျှပ်စစ်နှင့်စွမ်းအင်ကဏ္ဍတွင် ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင်ရန် လျှပ်စစ်နှင့် စွမ်းအင်ဝန်ကြီးဌာနနှင့် ရုရှား ဖက်ဒရေးရှင်းနိုင်ငံ Investment Development Fund “RC Investments” တို့အကြား ပူးပေါင်း ဆောင်ရွက်မှုစာချွှန်လွှာ (Memorandum Of Cooperation) လက်မှတ်ရေးထိုး
ရုရှားဖက်ဒရေးရှင်းနိုင်ငံမှ မြန်မာနိုင်ငံသို့ ရေနံနှင့် ရေနံထွက်ပစ္စည်းများ ထောက်ပံ့ပေးနိုင်ရေး အပါအဝင် လျှပ်စစ်နှင့်စွမ်းအင်ကဏ္ဍတွင် ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင်ရန် လျှပ်စစ်နှင့် စွမ်းအင်ဝန်ကြီးဌာနနှင့် ရုရှား ဖက်ဒရေးရှင်းနိုင်ငံ Investment Development Fund “RC Investments” တို့အကြား ပူးပေါင်း ဆောင်ရွက်မှုစာချွှန်လွှာ (Memorandum Of Cooperation) လက်မှတ်ရေးထိုး
နေပြည်တော်   ဧပြီ   ၁၇ပြည်ထောင်စုဝန်ကြီး ဦးကိုကိုလွင် ဦးဆောင်သော မြန်မာကိုယ်စားလှယ်အဖွဲ့သည် ယမန်နေ့နံနက်ပိုင်းတွင် ရုရှားဖက်ဒရေးရှင်းနိုင်ငံမှ  မြန်မာနိုင်ငံ သို့   သဘာဝဓာတ်ငွေ့ရည်(LNG)၊ ရေနံဓာတ်ငွေ့ရည်(LPG)၊ ဓာတ်မြေဩဇာအပါအဝင်   ရေနံစိမ်းကုန်ကြမ်းနှင့်    ရေနံထွက်ပစ္စည်းများ တင်ပို့နိုင်ရေး အတွက် ရုရှားနိုင်ငံစွမ်းအင်ဝန်ကြီးဌာန၏ စီမံဆောင်ရွက်ပေးမှုဖြင့်  ရုရှားနိုင်ငံအခြေစိုက်ကုမ္ပဏီများမှ တာဝန်ရှိသူများနှင့် တွေ့ဆုံသည်။တွေ့ဆုံစဉ် နှစ်နိုင်ငံ ချစ်ကြည်ရင်းနှီးမှုကိုအခြေခံသည့် သက်သာသောဈေးနှုန်းဖြင့် ရရှိနိုင်ရေး၊ အရည်အသွေးအာမခံချက်ရရှိရေးနှင့် လမ်းခရီးလုံခြုံစိတ်ချရမှု အာမခံချက်ရှိစေရေး၊    ရေရှည်ထောက်ပံ့ပို့ဆောင်နိုင်ရေးတို့ကို အပြန်အလှန်ဆွေးနွေးခဲ့ကြပြီး စဉ်ဆက်မပြတ် ထိတွေ့ဆောင်ရွက်သွားနိုင်မည့်  အစီအမံများ ချမှတ်ခဲ့ကြသည်။မွန်းလွဲပိုင်းတွင် ပြည်ထောင်စုဝန်ကြီး   ဦးဆောင်သော   မြန်မာကိုယ်စားလှယ်အဖွဲ့သည်    ရုရှားနိုင်ငံ   Inter  RAO  ကုမ္ပဏီနှင့် တွေ့ဆုံ၍  ထားဝယ် ရေနက်ဆိပ်ကမ်းတွင် ကျောက်မီးသွေးလျှပ်စစ်ဓာတ်အားပေး စက်ရုံတည်ဆောက်မည့်ကိစ္စ၊  ရေနံချက်စက်ရုံတည်ဆောက်မည့်ကိစ္စ၊ LNG  ဆိပ်ကမ်းနှင့်  စက်ရုံတည်ဆောက်မည့်ကိစ္စတို့ကို ဆွေးနွေးပြီး  မြန်မာနိုင်ငံတွင် အသုံးပြုနေသည့်  သဘာဝဓာတ်ငွေ့သုံးတာဘိုင်များ၊ အင်ဂျင်များကို စွမ်းအားမြှင့်တင်ဆောင်ရွက်သွားနိုင်မည့်အခြေအနေများ၊  ပုံမှန်စစ်ဆေးထိန်းသိမ်း ပြုပြင်သွားလိုသည့်  အခြေအနေများ၊  တာဘိုင်စက်များနှင့် စပ်လျဉ်းသည့် နည်းပညာများကို လက်တွေ့လေ့ကျင့်သင်ကြားပေးရန် ဆောင်ရွက်ပေးနိုင်မှု အခြေအနေများကို  ညှိနှိုင်းဆွေးနွေးသည်။ညနေပိုင်းတွင် မြန်မာနိုင်ငံသို့ ရေနံစိမ်းကုန်ကြမ်းနှင့် ရေနံထွက်ပစ္စည်းများကို   ရေရှည်အစီအမံဖြင့် ရုရှားနိုင်ငံမှ ထောက်ပံ့ပေးနိုင်ရေး သဘောတူညီမှုအပါအဝင် လျှပ်စစ်နှင့် စွမ်းအင်ကဏ္ဍတွင် ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင်ရန်တို့အတွက် မြန်မာနိုင်ငံ လျှပ်စစ်နှင့် စွမ်းအင်ဝန်ကြီး ဌာနနှင့် ရုရှားဖက်ဒရေးရှင်း နိုင်ငံ Investment Development Fund   “RC Investments” တို့အကြား စီးပွားရေးနှင့် နည်းပညာဆိုင်ရာ  ပူးပေါင်းဆောင်ရွက်မှု စာချွှန်လွှာ(Memorandum   of Cooperation)ကို ပြည်ထောင်စုဝန်ကြီး၏  ရှေ့မှောက်တွင် လက်မှတ်ရေးထိုးခဲ့ကြသည်။မြန်မာနိုင်ငံ လျှပ်စစ်နှင့်စွမ်းအင်ဝန်ကြီးဌာနနှင့်  ရုရှားဖက်ဒရေးရှင်းနိုင်ငံ စွမ်းအင်ဝန်ကြီးဌာနတို့အကြား လျှပ်စစ်နှင့် စွမ်းအင်ကဏ္ဍဆိုင်ရာ  နယ်ပယ်တစ်ရပ်လုံးတွင် ရင်းနှီးမြှုပ်နှံမှုများ တိုးမြှင့်ဆောင်ရွက်ရေး၊  လူ့စွမ်းအားအရင်းအမြစ်များ   ဖွံ့ဖြိုးတိုးတက်လာစေရေးအတွက် လေ့ကျင့်သင်ကြားပေးရေးတို့အပါအဝင် ပူးပေါင်းဆောင်ရွက်မှုများ တိုးမြှင့်ဆောင်ရွက်သွားရန်အတွက် နားလည်မှုစာချွှန်လွှာ(MoU) တစ်ရပ်ကို မကြာမီအချိန်အတွင်း ရေးထိုးနိုင်မည်ဖြစ်ကြောင်း  သိရသည်။    
Sat, 18-Apr-2026
အမေရိကန်၏ ယာယီပိတ်ဆို့မှုဖြေလျှော့စဉ်အတွင်း အိန္ဒိယက အီရန် ရေနံကို တရုတ်ယွမ်ငွေဖြင့် စတင်ပေးချေဝယ်ယူ
အမေရိကန်၏ ယာယီပိတ်ဆို့မှုဖြေလျှော့စဉ်အတွင်း အိန္ဒိယက အီရန် ရေနံကို တရုတ်ယွမ်ငွေဖြင့် စတင်ပေးချေဝယ်ယူ
အမေရိကန်က အီရန်အပေါ်ချမှတ်ထားသော ပိတ်ဆို့အရေးယူမှုများကို တစ်လကြာ ယာယီကင်းလွတ်ခွင့်ပေးခဲ့ပြီးနောက် အိန္ဒိယရေနံချက် စက်ရုံများသည် အီရန်ထံမှ ရေနံစိမ်းဝယ်ယူမှုများအတွက် အမေရိကန် ဒေါ်လာအစား တရုတ်ယွမ်ငွေဖြင့် ပြောင်းလဲပေးချေနေကြောင်း ရိုက်တာ သတင်းတစ်ရပ်အရ သိရှိရသည်။အမေရိကန်က မတ်လ ၂၀ ရက်နေ့တွင် ထုတ်ပြန်ခဲ့သော အဆိုပါ ကင်းလွတ်ခွင့်သည် ဧပြီလကုန်တွင် သက်တမ်းကုန်ဆုံးမည်ဖြစ်ပြီး ထပ်မံ တိုးမြှင့်ပေးမည်မဟုတ်ကြောင်း အတည်ပြုထားသည်။ ထိုအတောအတွင်း အိန္ဒိယအစိုးရပိုင် Indian Oil Corp သည် ၇ နှစ်အတွင်း ပထမဆုံးအကြိမ် အဖြစ် အမေရိကန်ဒေါ်လာ သန်း ၂၀၀ ခန့်တန်ဖိုးရှိ အီရန်ရေနံစိမ်း စည်ပေါင်း ၂ သန်းကို ဝယ်ယူခဲ့ပြီး ပုဂ္ဂလိကကုမ္ပဏီကြီးဖြစ်သော Reliance Industries အတွက်လည်း အီရန်ရေနံတင်သင်္ဘော ၄ စင်းအား ဆိုက်ကပ် ခွင့်ပြုခဲ့သည်။အမေရိကန်၏ ပိတ်ဆို့အရေးယူမှုများကြောင့် အီရန်နှင့် ငွေကြေးလွှဲပြောင်းရန် ခက်ခဲနေသည့်ပြဿနာကို ဖြေရှင်းရန်အတွက် အိန္ဒိယ သည် ICICI Bank ၏ ရှန်ဟိုင်းဘဏ်ခွဲမှတစ်ဆင့် ယွမ်ငွေဖြင့် အခြေချပေးချေသည့်စနစ်ကို အသုံးပြုခဲ့ခြင်းဖြစ်သည်။ အိန္ဒိယရေနံချက် စက်ရုံ များသည် ယခင်ကလည်း ရုရှားရေနံဝယ်ယူမှုများတွင် ယွမ်ငွေကို အသုံးပြုခဲ့ဖူးပြီး ရောင်းချသူများဘက်ကလည်း ငွေကြေးလဲလှယ်စရိတ် သက်သာ စေရန်အတွက် ဒေါ်လာထက် ယွမ်ငွေကို ပိုမိုနှစ်သက်ကြသည်။တစ်ဖက်တွင်လည်း တရုတ်သမ္မတ ရှီကျင့်ဖျင်က ယွမ်ငွေကို ကမ္ဘာလုံးဆိုင်ရာငွေကြေးဖြစ်လာစေရန် ကြိုးပမ်းနေခြင်းက ၎င်းတို့နိုင်ငံအား ဘဏ္ဍာရေးအင်အားကြီးနိုင်ငံဖြစ်လာစေရန် အရေးကြီးကြောင်း ပြောကြား ထားသည်။အိန္ဒိယနိုင်ငံသည် ၎င်းတို့လိုအပ်သော ရေနံစိမ်း၏ ၉၀ ရာခိုင်နှုန်းကို ပြည်ပမှတင်သွင်းနေရသည့် ကမ္ဘာ့တတိယမြောက် ရေနံအများဆုံး သုံးစွဲ သည့်နိုင်ငံ ဖြစ်သည်။ ၂၀၁၉ ခုနှစ်တွင် ပိတ်ဆို့အရေးယူမှုများ မတင်းကျပ်မီက အီရန်ရေနံသည် အိန္ဒိယ၏ စုစုပေါင်းတင်သွင်းမှု၏ ၁၁.၅ ရာခိုင်နှုန်းအထိ ရှိခဲ့သည်။ ယခုကဲ့သို့ ယွမ်ငွေကိုအသုံးပြု၍ ရေနံဝယ်ယူလာခြင်းသည် ကမ္ဘာ့အရန်ငွေကြေးအဖြစ် အမေရိကန်ဒေါ်လာ၏ ရပ်တည်မှုအပေါ် စိုးရိမ်မှုများရှိနေချိန်တွင် နိုင်ငံတကာ ကုန်သွယ်မှုနယ်ပယ်၌ တရုတ်ယွမ်ငွေ၏ အခန်းကဏ္ဍ ပိုမိုမြင့်မားလာမှုကို သိသာ ထင်ရှားနေစေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 17-Apr-2026
အီရန်စစ်ပွဲကြောင့် ဥရောပတွင် လေယာဉ်ဆီ ပြတ်လပ်နိုင်ခြေရှိကြောင်း IEA သတိပေး
အီရန်စစ်ပွဲကြောင့် ဥရောပတွင် လေယာဉ်ဆီ ပြတ်လပ်နိုင်ခြေရှိကြောင်း IEA သတိပေး
အီရန်စစ်ပွဲကြောင့် ရေနံထောက်ပံ့မှုများ ဆက်လက်ပြတ်တောက် နေမည်ဆိုပါက ဥရောပတွင် သီတင်းပတ်အနည်းငယ်အတွင်း လေယာဉ်ဆီ ပြတ်လပ်သွားနိုင်ကြောင်း အပြည်ပြည်ဆိုင်ရာ စွမ်းအင်အေဂျင်စီ (IEA) အကြီးအကဲက ပြောကြားလိုက်သည်။ကြာသပတေးနေ့ (ဧပြီ ၁၆) က Associated Press နှင့် ပြုလုပ်ခဲ့သော အင်တာဗျူးတွင် IEA အမှုဆောင်ဒါရိုက်တာ Fatih Birol က ယခု အခြေအနေကို “မိမိတို့ တစ်ခါမျှ မကြုံတွေ့ဖူးသေးသည့် အကြီးမားဆုံးသော စွမ်းအင်အကျပ်အတည်း” ဟု ဖော်ပြခဲ့ပြီး ဟော်မုဇ် ရေလက်ကြား မှတစ်ဆင့် စီးဆင်းနေသော ရေနံ၊ သဘာဝဓာတ်ငွေ့နှင့် အခြား အရေးကြီး ကုန်စည်စီးဆင်းမှုများ ပြတ်တောက်သွားခြင်းကြောင့် ကမ္ဘာလုံးဆိုင်ရာ နောက်ဆက်တွဲဆိုးကျိုးများ ကြီးမားစွာ ဖြစ်ပေါ်လာနိုင်ကြောင်း သတိ ပေးခဲ့သည်။အမေရိကန်-အစ္စရေးတို့၏ ဗုံးကြဲတိုက်ခိုက်မှုများကြောင့် အီရန်နိုင်ငံ သည် ကမ္ဘာ့ရေနံ ၂၀ ရာခိုင်နှုန်းခန့်ဖြတ်သန်းရာ အရေးပါသော ထိုလမ်းကြောင်း ကို ရန်ဘက်နိုင်ငံများ၏ သင်္ဘောများအတွက် ပိတ်ပစ်ခဲ့ရာမှ ထောက်ပံ့ရေး ကွင်းဆက်များ ပြိုလဲမှုစတင်ခဲ့ခြင်းဖြစ်သည်။ အမေရိကန်သမ္မတ ဒေါ်နယ်ထရမ့်သည် တီဟီရန်နှင့် ဆွေးနွေးပွဲများပျက်ပြားသွားပြီးနောက် ဧပြီ ၁၂ ရက်နေ့တွင် အဆိုပါရေလက်ကြားကို ပိတ်ဆို့ထားကြောင်းကြေညာခဲ့သည်။ ထိုလုပ်ရပ်ကြောင့် ရေနံတင်သင်္ဘောများ နောက်ကြောင်း ပြန်လှည့်ခဲ့ရပြီး ရေနံစျေးနှုန်းမှာ တစ်စည်လျှင် ဒေါ်လာ ၁၀၀ ဝန်းကျင် သို့ ပြန်လည်မြင့်တက်သွားခဲ့သည်။လောင်စာဆီတင်ဆောင်လာသည့် သင်္ဘောများသည် ဥရောပဆိပ်ကမ်းများသို့ မရောက်ရှိနိုင်တော့ဘဲ အစားထိုးအသုံးပြုနိုင်မည့် လမ်းကြောင်း များမှာလည်း အကန့်အသတ်ရှိနေကြောင်း Birol က ပြောကြားခဲ့သည်။အေဂျင်စီအကြီးအကဲ၏ အဆိုအရ ဥရောပတွင် လေယာဉ်ဆီ လက်ကျန်မှာ သီတင်း ၆ ပတ်ခန့်စာသာရှိတော့ပြီး အကယ်၍ ဟော်မုဇ် ရေလက်ကြား ကို ပြန်မဖွင့်နိုင်ပါက လောင်စာဆီပြတ်လပ်မှုကြောင့် လေကြောင်းခရီးစဉ်များဖျက်သိမ်းရတော့မည့် သတင်းများကို မကြာမီ ကြားရ တော့မည် ဖြစ်သည်။Birol က လက်ရှိအခြေအနေကို ‘ဆိုးရွားသော အကျပ်အတည်း’ တစ်ခုအဖြစ် တင်စားခဲ့ပြီး ပြတ်တောက်မှုများ ကြာရှည်လေလေ ကမ္ဘာတစ်ဝှမ်း ရှိ စီးပွားရေးတိုးတက်မှုနှင့် ငွေဖောင်းပွမှုအပေါ် သက်ရောက်မှု ပိုမိုဆိုးရွားလေလေ ဖြစ်လိမ့်မည်ဟု သတိပေးခဲ့သည်။ ထိုနောက်ဆက်တွဲ အကျိုးဆက် များအနေဖြင့် ဓာတ်ဆီစျေးနှုန်းများ၊ ဂက်စ်စျေးနှုန်းများနှင့် လျှပ်စစ်ဓာတ်အားခစျေးနှုန်းများ ပိုမိုမြင့်တက်လာလိမ့်မည်ဟု ၎င်းက ဆိုသည်။အနောက်ဥရောပသည် ရုရှား၏ထောက်ပံ့မှုများကို ပိတ်ဆို့အရေးယူပြီးနောက် အရှေ့အလယ်ပိုင်း ရေနံအပေါ် အလွန်အမင်းမှီခိုနေရသဖြင့် ဟော်မုဇ်ရေလက်ကြားပိတ်ဆို့မှုတွင် အထိခိုက်ဆုံးဖြစ်လာနိုင်သူအဖြစ် ရှုမြင်ခံနေရသည်။Politico သတင်းဌာန၏ ယခုလအစောပိုင်း ဖော်ပြချက်အရ လန်ဒန်မြို့ရှိ Heathrow လေဆိပ်တွင် လေယာဉ်ဆီစျေးနှုန်း အဆမတန် မြင့်တက် လာမှုကြောင့် ခရီးစဉ်ဖျက်သိမ်းမှုများ ရှိနေပြီဖြစ်ကြောင်း၊ စကင်ဒီ နေးဗီးယားလေကြောင်းလိုင်း SAS သည်လည်း ခရီးစဉ်ပေါင်း ၁,၀၀၀ ခန့် ကို ဖျက်သိမ်းထားကြောင်း သိရှိရသည်။ ဗြိတိန်ဒေသတွင်း လေကြောင်း လိုင်းငယ်များဖြစ်သည့် Skybus နှင့် Aurigny တို့သည်လည်း လောင်စာဆီ စျေးနှုန်း တစ်နှစ်ထက်တစ်နှစ် ၁၂၀ ရာခိုင်နှုန်းခန့် မြင့်တက်လာခြင်းကြောင့် ခရီးစဉ်များကိုလျှော့ချခဲ့ရပြီး Air France လေကြောင်း လိုင်းကလည်း ခရီးဝေးလမ်းကြောင်းများအတွက် လက်မှတ်ခစျေးနှုန်းများကို မြှင့်တင်ခဲ့သည်။ အချို့သော အီးယူ (EU) နိုင်ငံများတွင် လေယာဉ်ဆီ သိုလှောင်မှု မှာ ၈ ရက်မှ ၁၀ ရက်စာခန့်သာရှိတော့ကြောင်း Corriere della Sera သတင်းအရ သိရှိရသည်။မော်စကိုဘက်ကမူ အရှေ့အလယ်ပိုင်း ပဋိပက္ခကြောင့် ဖြစ်ပေါ်လာသော လောင်စာဆီပြတ်လပ်မှုများကို ဖြည့်ဆည်းပေးရန် အသင့်ရှိကြောင်း အရိပ်အယောင်ပြထားသည်။ ယခုသီတင်းပတ်အစောပိုင်းတွင် အင်ဒိုနီးရှား နိုင်ငံသည် ရုရှားထံမှ ရေနံစိမ်းနှင့် သဘာဝဓာတ်ငွေ့ရည် (LPG) တင်သွင်းရန် သဘောတူညီချက်ရရှိခဲ့ပြီး ဖိလစ်ပိုင်နိုင်ငံသည်လည်း စွမ်းအင်ဆိုင်ရာ အရေးပေါ်အခြေအနေ ကြေညာပြီးနောက် ၅ နှစ်အတွင်း ပထမဆုံးအကြိမ်အဖြစ် ရုရှားရေနံကို တင်သွင်းခဲ့သည်။ ဗီယက်နမ်နိုင်ငံသည် ရုရှားနှင့် ရေနံနှင့်သဘာဝဓာတ်ငွေ့ ပူးပေါင်းဆောင်ရွက်ရေး စာချုပ်သစ်များ လက်မှတ်ရေးထိုးခဲ့ပြီး ထိုင်းနိုင်ငံကလည်း ရုရှား၏ထောက်ပံ့မှုများကို စိတ်ဝင်စားကြောင်း ဖော်ပြခဲ့သည်။ ထိုအချက်များသည် ယခုကဲ့သို့ အကျပ်အတည်းကာလတွင် ရုရှား၏ အဓိကစွမ်းအင် ထောက်ပံ့သူအဖြစ် အခန်းကဏ္ဍ ကျယ်ပြန့်လာမှုကို မီးမောင်းထိုးပြနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 17-Apr-2026
အရှေ့အလယ်ပိုင်း တင်းမာမှု လျော့ပါးလာခြင်းကြောင့် ရေနံဈေးနှုန်းများ ပြန်လည်ကျဆင်းလာ
အရှေ့အလယ်ပိုင်း တင်းမာမှု လျော့ပါးလာခြင်းကြောင့် ရေနံဈေးနှုန်းများပြန်လည်ကျဆင်းလာ
အမေရိကန်သမ္မတ ဒေါ်နယ်ထရမ့်က အီရန်နှင့်ဆွေးနွေးမှုများမှာ ယခု သီတင်းပတ်ကုန်တွင် ဖြစ်ပေါ်လာနိုင်ကြောင်း ပြောကြားခဲ့ခြင်းနှင့် လက်ဘနွန်တွင် (၁၀) ရက်ကြာ အပစ်အခတ်ရပ်စဲရေးမှာ ဒေသစံတော်ချိန် သန်းခေါင်ယံတွင် စတင်သက်ရောက်လာခဲ့ခြင်းတို့ကြောင့် ဧပြီ ၁၇ တွင် ရေနံဈေးနှုန်းများ ကျဆင်းခဲ့သည်။အရှေ့ပိုင်းစံတော်ချိန် နံနက် ၆:၀၄ နာရီတွင် ကမ္ဘာ့ရေနံ ရည်ညွှန်းဈေးဖြစ်သော Brent ရေနံဈေးမှာ တစ်စည်လျှင် ၉၆.၂ ဒေါ်လာအထိ ၃.၂ ရာခိုင်နှုန်း ကျဆင်းသွားခဲ့သည်။ အမေရိကန် ရေနံရည်ညွှန်းဈေးဖြစ်သော WTI မှာမူ တစ်စည်လျှင် ၈၇.၆ ဒေါ်လာအထိ ၄ ရာခိုင်နှုန်း ကျဆင်းခဲ့သည်။ ပြီးခဲ့သည့် ကြာသပတေးနေ့ (ဧပြီ ၁၆) က Brent ရေနံဈေးမှာ တစ်စည်လျှင် ၉၉.၃၉ ဒေါ်လာဖြင့် ဈေးပိတ်ခဲ့ပြီး ၎င်းမှာ ဧပြီလ ၇ ရက်နေ့နောက်ပိုင်း အမြင့်ဆုံးအဆင့်သို့ ရောက်ရှိခဲ့ခြင်းဖြစ်သည်။“မနေ့က အမြင့်ဆုံးဈေးနှုန်းကနေ ရေနံဈေးပြန်ကျလာတာဟာ ပြဿနာကို ဖြေရှင်းနိုင်မယ့် အလားအလာတွေအပေါ် သမ္မတထရမ့်က အကောင်း မြင်တဲ့လေသံနဲ့ ပြောဆိုခဲ့တာကြောင့် ဖြစ်ပါတယ်” ဟု Deutsche Bank မှ လေ့လာဆန်းစစ်သူများက ဧပြီ ၁၇ တွင်ထုတ်ပြန်သည့် မှတ်တမ်းတွင် ရေးသားထားသည်။ “အစောပိုင်းမှာလည်း အစ္စရေးနဲ့ လက်ဘနွန်ကြား (၁၀) ရက်ကြာ အပစ်အခတ်ရပ်စဲရေးကို ထရမ့်က ကြေညာခဲ့ပါတယ်” ဟု ၎င်းတို့က ဖြည့်စွက်ဖော်ပြခဲ့သည်။ထို့အပြင် အစ္စရေးနှင့်လက်ဘနွန်တို့အကြား အိမ်ဖြူတော်၌ တွေ့ဆုံဆွေးနွေးမှုကို နှစ်ပတ်အတွင်း ပြုလုပ်နိုင်ကြောင်း ထရမ့်က ပြောကြားခဲ့ရာ ၎င်းမှာ ရင်းနှီးမြှုပ်နှံသူများအကြား ပိုမိုတက်ကြွသောအခြေအနေကို ဖြစ်ပေါ်စေခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 17-Apr-2026
နောင်ချိုမြို့နယ်အတွင်း တစ်နိုင်တစ်ပိုင်မွေးမြူရေးလုပ်ငန်းများ ဖွံ့ဖြိုးတိုးတက်လာစေရေး ကွင်းဆင်းဆောင်ရွက်
နောင်ချိုမြို့နယ်အတွင်း တစ်နိုင်တစ်ပိုင်မွေးမြူရေးလုပ်ငန်းများ ဖွံ့ဖြိုးတိုးတက်လာစေရေး ကွင်းဆင်းဆောင်ရွက်
နောင်ချို ဧပြီ ၁၄ ရှမ်းပြည်နယ် (မြောက်ပိုင်း) နောင်ချိုမြို့နယ် မွေးမြူရေးနှင့် ကုသရေးဦးစီးဌာနမှ လက်ထောက် ညွှန်ကြားရေးမှူး ဒေါက်တာ ဇော်လွင်သည် နောင်ချိုမြို့နယ်အတွင်းရှိ မွေးမြူရေးလုပ်ငန်းများ အရှိန်အဟုန်ဖြင့် တိုးမြှင့်ဆောင်ရွက်နေပြီဖြစ်သော မွေးမြူရေးခြံများသို့ မြို့နယ်အတွင်း နွားနို့နှင့် ကြက်ဥစားသုံးမှု ဖူလုံစေရုံသာမက ထုတ်လုပ်မှု ပိုမိုတိုးတက်မြင့်မားလာစေရေး၊ ကူးစက်ရောဂါများ ကင်းဝေးစေရေးနှင့် မြစိမ်းရောင် စီမံကိန်းကျေးရွာရှိ တစ်နိုင်တစ်ပိုင် ဒေသကျွဲမွေးမြူရေး တောင်သူများ၏ မွေးမြူရေးအသိပညာ မြင့်မားလာစေရေး ကွင်းဆင်းဆောင်ရွက်ခဲ့ကြောင်း သိရသည်။ နောင်ချိုမြို့နယ် မွေးမြူရေးနှင့်ကုသရေးဦးစီးဌာန လက်ထောက်ညွှန်ကြားရေးမှူး ဒေါက်တာ ဇော်လွင်သည် ယမန်နေ့က  နောင်ချိုမြို့နယ် ခဲထိတ်ကျေးရွာရှိ မွေးမြူရေးလုပ်ငန်းရှင် ဦးထွန်းထွန်း ၏ နို့စားနွား ၃၅၇ ကောင် မွေးမြူထားရှိသော PEP နို့စားနွား မွေးမြူရေးခြံ၊ သုံးဆယ်ကျေးရွာရှိ မွေးမြူရေးလုပ်ငန်းရှင် ဦးအောင်ရဲလင်း၏ ဥစားကြက် ၂၂၅၀၀ မွေးမြူထားရှိသော ဥစားကြက် မွေးမြူရေးခြံ၊ အုမ္မခါးကျေးရွာရှိ မွေးမြူရေးလုပ်ငန်းရှင် ဒေါ်စိုးရှောက်ဟွာ၏ ဥစားကြက် ၃၆၇၀၀ မွေးမြူထားရှိသော ဥစားကြက်မွေးမြူရေးခြံများသို့ ကွင်းဆင်းစစ်ဆေးကာ နွားနို့နှင့် ကြက်ဥထုတ်လုပ်မှု ပိုမိုတိုးတက်ရရှိစေရေး၊ မြို့နယ်အတွင်း စားသုံးမှုဖူလုံစေရုံသာမက အခြားမြို့နယ်များသို့ပါ ပိုမိုတင်ပို့ ရောင်းချနိုင်ရေး၊ နွားစာစရိတ် သက်သာစေရန် စားကျက်မြက်ခင်း များတိုးချဲ့စိုက်ပျိုး၍ မြက်အစိုနှင့် မြက်ချဉ်ဖတ် တိုးမြှင့်ပြုလုပ် ကျွေးမွေးခြင်းဖြင့် ထုတ်လုပ်မှုစရိတ် လျှော့ချနိုင်ကာ နို့နှင့်နို့ထွက်ပစ္စည်း ကုန်ချောများကို ပြည်တွင်းရှိမြို့နယ် အသီးသီးသို့ ဈေးနှုန်းသင့်တင့်စွာဖြင့် ဖြန့်ဖြူးနိုင်ရေး၊ ကူးစက်ရောဂါများကြိုတင်ကာကွယ် တားဆီးနိုင်ရေးတို့ အတွက် လိုအပ်သည်များ ဖြည့်စွက်ဆောင်ရွက်ပေးခြင်း၊ လုပ်ငန်းဆောင်ရွက်ရမှု အခက်အခဲများအပေါ် ဆက်စပ်ဌာနများနှင့် ပေါင်းစပ်ဖြည့်ဆည်းပေးခြင်း၊ ပေါက်ကုန်းကျေးရွာ မြစိမ်းရောင်ကျေးရွာ စီမံကိန်းရှိ ဒေသကျွဲမွေးမြူရေးတောင်သူများအား တွေ့ဆုံကာ တိရစ္ဆာန်ကူးစက် ရောဂါများ ကြိုတင်ကာကွယ်တားဆီးရေး၊ နိုင်ငံတော်၏ အရင်းမပျောက် မတည်ရန်ပုံငွေအား ကျေးရွာ မွေးမြူရေးလုပ်ငန်းများ ဖွံ့ဖြိုးလာစေရေးအတွက် အကျိုးရှိစွာအသုံးချလျက် တစ်နိုင်တစ်ပိုင် ဒေသကျွဲများ ဖြစ်ထွန်းအောင်မြင်အောင် ကြိုးစားမွေးမြူနိုင်ရေးတို့ကို အသိပညာပေး ဟောပြောခြင်းများ ဆောင်ရွက်ခဲ့ကြောင်း သိရသည်။  မြို့နယ် (ပြန်/ဆက်)MDN
Wed, 15-Apr-2026
ရုရှားနိုင်ငံသည် အာရှ BRICS မိတ်ဖက် အင်ဒိုနီးရှားနိုင်ငံနှင့် အဓိက စွမ်းအင်သဘောတူညီချက်တစ်ရပ်ကို လက်မှတ်ရေးထိုး
ရုရှားနိုင်ငံသည် အာရှ BRICS မိတ်ဖက် အင်ဒိုနီးရှားနိုင်ငံနှင့် အဓိက စွမ်းအင်သဘောတူညီချက်တစ်ရပ်ကို လက်မှတ်ရေးထိုး
ကမ္ဘာလုံးဆိုင်ရာ စွမ်းအင်ထောက်ပံ့မှု ပြတ်တောက်မှုများ တိုးပွားလာနေချိန်တွင် စွမ်းအင်လုံခြုံရေးအတွက် စိုးရိမ်မှုများကြောင့် ရုရှားနိုင်ငံထံမှ ရေနံစိမ်းနှင့် သဘာဝဓာတ်ငွေ့ (LPG) ဝယ်ယူရန် BRICS အဖွဲ့ဝင် ရုရှားနှင့်အင်ဒိုနီးရှားနိုင်ငံတို့ သဘောတူညီလိုက်ကြောင်း ဂျကာတာရှိ စွမ်းအင်ဝန်ကြီးဌာနက ပြောကြားခဲ့သည်။အင်ဒိုနီးရှား၏ ရုရှားထံမှရေနံဝယ်ယူမှုမှာ သမိုင်းတစ်လျှောက်တွင် အကန့်အသတ်ရှိပြီး ပုံမှန်မဟုတ်ခဲ့ဘဲ ယခုအခါ ဂျကာတာသည် ၎င်းတို့လိုအပ်သောရေနံ၏ လေးပုံတစ်ပုံခန့်ကို အရှေ့အလယ်ပိုင်းဒေသရှိ (လက်ရှိတွင် အမေရိကန်က ပိတ်ဆို့ထားသော) ဟော်မုဇ် ရေလက်ကြားမှတစ်ဆင့် တင်သွင်းနေခြင်းဖြစ်သည်။ရုရှားသမ္မတ ဗလာဒီမာ ပူတင်သည် အင်ဒိုနီးရှား သမ္မတ ပရာဘိုဝို ဆူဘီယန်တိုကို တနင်္လာနေ့ (ဧပြီ ၁၃) က ကရင်မလင် နန်းတော်တွင် လက်ခံတွေ့ဆုံကာ အကျယ်တဝင့်ဆွေးနွေးခဲ့ပြီး နောက်တစ်နေ့တွင်လည်း နှစ်နိုင်ငံစွမ်းအင်ဝန်ကြီးများဖြစ်သည့် Sergey Tsivilev နှင့် Bahlil Lahadalia တို့ ထပ်မံတွေ့ဆုံခဲ့ကြသည်။အင်ဒိုနီးရှားနိုင်ငံသည် ရေနံနှင့် LPG ရေရှည်ထောက်ပံ့ရေး၊ နျူကလီးယားစွမ်းအင်နှင့် သတ္တုကဏ္ဍတို့တွင်လည်း ရုရှားနှင့် ပူးပေါင်းဆောင်ရွက်မှု များတိုးချဲ့ရန် ကြိုးပမ်းနေကြောင်း ဝန်ကြီးဌာနက ထုတ်ပြန်ထားသည်။အင်္ဂါနေ့ (ဧပြီ ၁၄) ဆွေးနွေးပွဲအပြီးတွင် ဝန်ကြီး Bahlil က “ကျွန်တော်တို့ တော်တော်လေး ကောင်းမွန်တဲ့ ရလဒ်တွေရရှိခဲ့ပါတယ် ၊ ဒါဟာ ကျွန်တော်တို့ရဲ့ ရေနံစိမ်းသိုလှောင်မှုကို တိုးမြှင့်နိုင်စေမှာဖြစ်တဲ့အပြင် LPG ကိုလည်း ရရှိနိုင်တော့မှာ ဖြစ်ပါတယ်” ဟု ပြောကြားခဲ့သည်။ LPG သည် ချက်ပြုတ်ခြင်း၊ အပူပေးခြင်းနှင့် သယ်ယူပို့ဆောင်ရေးတို့တွင်ကျယ်ကျယ်ပြန့်ပြန့်အသုံးပြုသည့် ပရိုပိန်း (Propane) နှင့် ဗျူတိန်း (Butane) အရည်များ ရောနှောထားသောဓာတ်ငွေ့ဖြစ်သည်။ အဆိုပါ အစည်းအဝေးသို့ Rosneft ၊ Ruschem ၊ Zarubezhneft နှင့် Lukoil အပါအဝင် ရုရှားစွမ်းအင်ကုမ္ပဏီ အများအပြားမှ ကိုယ်စားလှယ်များ တက်ရောက်ခဲ့ကြသည်။ရုရှားရေနံစိမ်းများကို နိုင်ငံ၏အရှေ့ဖျားရှိ ပစိဖိတ်ဆိပ်ကမ်းများမှ တစ်ဆင့် တင်ပို့နိုင်ပြီး တရုတ်နှင့် အခြားအာရှဝယ်လက်များသို့ ပို့ဆောင်ရာတွင် အသုံးပြုနေကျလမ်းကြောင်းများဖြစ်သော တောင်တရုတ်ပင်လယ်နှင့် မလက္ကာရေလက်ကြားတို့ကို ဖြတ်သန်းသွားမည်ဖြစ်သည်။ ဥရောပသမဂ္ဂ (EU) နှင့် အမေရိကန်တို့၏ ကျယ်ပြန့်သော ပိတ်ဆို့အရေးယူမှုများကြောင့် အနောက်နိုင်ငံဈေးကွက်များသို့ တင်ပို့ခွင့် အကန့်အသတ်ဖြစ်သွား ပြီးနောက် ရုရှားသည် ၎င်း၏ စွမ်းအင်တင်ပို့မှု အများအပြားကို အာရှ ဘက်သို့ လမ်းကြောင်းလွှဲပြောင်းတင်ပို့ခဲ့ခြင်းဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 15-Apr-2026
© Copyright 2024 SAC All Rights Reserved.