ဘုရင့်နောင်ကုန်စည်ဒိုင်သို့ တစ်ရက်လျှင် ကြက်သွန်နီပိဿာ နှစ်သိန်းခန့်ဝင်ရောက်

NoahJune222

News Image

  • ဘုရင့်နောင်ကုန်စည်ဒိုင်သို့ တစ်ရက်လျှင် ကြက်သွန်နီပိဿာ နှစ်သိန်းခန့်ဝင်ရောက်

ရန်ကုန်   ဧပြီ  ၂၄

     ရန်ကုန်မြို့ရှိ  ဘုရင့်နောင်ကုန်စည်ဒိုင် သို့  သင်္ကြန်ပြီးကာလတွင်  တစ်ရက်လျှင် ကြက်သွန်နီပိဿာနှစ်သိန်းခန့်ဝင်ရောက် နေကြောင်း မြန်မာနိုင်ငံ   ကြက်သွန်နီ၊ ကြက်သွန်ဖြူနှင့် စားဖိုဆောင်သီးနှံစိုက်ပျိုးထုတ်လုပ်တင်ပို့ရောင်းချသူများ အသင်း မှ သိရသည်။

"သင်္ကြန်မတိုင်မီက     တစ်ရက်ကို ကြက်သွန်နီပိဿာ သုံးသောင်းကျော်ပဲဝင် ခဲ့တယ်။ လက်ရှိမှာ  တစ်ရက်ကို  ပိဿာ နှစ်သိန်းလောက်ဝင်ရောက်မှုရှိပါတယ်"ဟု ဘုရင့်နောင်ကုန်စည်ဒိုင်မှ   ကြက်သွန် ကုန်သည် ဦးဖြိုးအောင်ကပြောသည်။

 ပြီးခဲ့သည့်သင်္ကြန်မတိုင်မီကာလက တစ်ရက်လျှင်  နယ်စုံမှကြက်သွန်နီကား အစီးရေခြောက်စီးမှ   ၁၀ စီးခန့်သာဝင် ရောက်ခဲ့ရာမှ လက်ရှိတွင် တစ်ရက်လျှင် ကြက်သွန်နီကားအစီးရေ  ၃၀ ကျော် အထိ  ဝင်ရောက်လျက်ရှိပြီး   အရောင်းအဝယ် ပုံမှန်ဖြစ်နေကြောင်း သိရသည်။

"လက်ရှိ ကြက်သွန်နီအဝင်လည်းများ လာပါတယ်။နယ်စုံက ဝင်နေတာပါ"ဟု ဦးဖြိုးအောင်က ပြောသည်။

ဆောင်းကြက်သွန်များမှာ  တာရှည်အထားခံခြင်းကြောင့် တစ်နှစ်ပတ်လုံး သိုလှောင်ထားနိုင်သော်လည်း တောင်သူတချို့က နုတ်သိမ်းပြီးချိန်တွင်     ရောင်းချလေ့ရှိပြီး တချို့က ကြက်သွန်ဈေးကောင်းသည့်အချိန်မှသာ     ထုတ်ရောင်းလေ့ရှိကြောင်း သိရသည်။               

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

လောင်စာဆီဈေးနှုန်းမြင့်တက်မှုကြောင့် ဖီဂျီစီးပွားရေးလုပ်ငန်းများ ထိခိုက်
လောင်စာဆီဈေးနှုန်းမြင့်တက်မှုကြောင့် ဖီဂျီစီးပွားရေးလုပ်ငန်းများ ထိခိုက်
ဆူဗာ ဧပြီ ၂၆ ဖီဂျီနိုင်ငံတွင် ကမ္ဘာ့လောင်စာဆီဈေးနှုန်း မြင့်တက်မှုအကျပ်အတည်းကြောင့် နိုင်ငံတစ်ဝန်းရှိ စီးပွားရေးလုပ်ငန်းများအပေါ် သက်ရောက်မှုများ စတင်ဖြစ်ပေါ်နေပြီး သွင်းကုန် ကုန်ကျစရိတ်များ မြင့်တက်လာခြင်းနှင့်အတူ စားသုံးကုန်ဈေးနှုန်းများလည်း ဆက်လက်မြင့်တက်လာနိုင်ကြောင်း ဆူဗာ လက်လီဖြန့်ချိသူများအသင်းက ပြောကြားသည်။ လောင်စာဆီဈေးနှုန်းမြင့်တက်မှုကြောင့် ကုန်စည်ပို့ဆောင်ရေးနှင့် တင်သွင်းရေးကုန်ကျစရိတ်များ တိုးမြင့်လာခဲ့ပြီး နယူးဇီလန်နှင့် ဩစတြေးလျနိုင်ငံတို့ကဲ့သို့သော အဓိကကုန်သွယ်ဖက်နိုင်ငံများထံမှ တင်သွင်းကုန်များ၏ ဈေးနှုန်းများလည်း မြင့်တက်လာခဲ့ကြောင်း အသင်း၏ဥက္ကဋ္ဌ ဂျက်တက်ရှ် ပက်တယ်က ဧပြီ ၂၄ ရက်တွင် ပြောကြားသည်။ သွင်းကုန်တန်ဖိုးများမှာ ပြောင်းလဲမြင့်တက်နေပြီး အချို့ကုန်ပစ္စည်းများတွင် ၁၀ ရာခိုင်နှုန်းခန့်၊ အချို့တွင် ဈေးကွက်အရင်း အမြစ်များပေါ်မူတည်၍ ၁၅ ရာခိုင်နှုန်းအထိ မြင့်တက်လျက်ရှိနေကြောင်း ၎င်းက ဆိုသည်။ ဖီဂျီနိုင်ငံတွင် လာမည့်သီတင်းပတ်များအတွင်း ဈေးနှုန်းမြင့်တက်မှုနှင့်အတူ ကုန်ပစ္စည်းသစ်များ ရောက်ရှိလာမည်ဖြစ်သဖြင့် စားသုံးသူများအနေဖြင့် ဈေးနှုန်းများ ထပ်မံမြင့်တက်မှု ကြုံလာနိုင်သေးကြောင်း အသင်းက သတိပေးထားသည်။ ဆင်ဟွာMDN
Mon, 27-Apr-2026
(၂၇.၄.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
(၂၇.၄.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
သိပ်သည်းဆ ၁၉.၂၅ ဂရမ်/ကုဗစင်တီမီတာနှင့်အထက်ရှိ စံချိန်မီရွှေ ၁ ကျပ်သား (၁၆.၃၂၉၃၂၅ ဂရမ်) ၏ ဈေးနှုန်း (၇,၁၀၀,၀၀၀) ကျပ်ဓာတ်သတ္တု(ရွှေ)ရည်ညွှန်းဈေးသတ်မှတ်ရေးကော်မတီ
Mon, 27-Apr-2026
ကင်းမွန်တစ်ကီလို ကျပ် ၂၀၀၀၀ ဖြင့် ပင်လယ်ပျော်ဆလုံများ ဈေးကောင်းရလျက်ရှိ
ကင်းမွန်တစ်ကီလို ကျပ် ၂၀၀၀၀ ဖြင့် ပင်လယ်ပျော်ဆလုံများ ဈေးကောင်းရလျက်ရှိ
ရန်ကုန် ဧပြီ ၂၆ ကော့သောင်းခရိုင် မကြုံဂလက်၊ ညောင်ဝှီး၊ ဂျအုံး၊ ဂျလန်း၊ ဇာဒက်ကြီးကျွန်းတို့တွင် နေထိုင်သည့် ဆလုံတိုင်းရင်းသားများ ယခုရာသီတွင် ရိုးရာလုပ်ငန်းဖြစ်သည့် မိသားစုလိုက် ပင်လယ်ပြင်ကင်းမွန်မျှားခြင်းဖြင့် ကင်းမွန်တစ်ကီလိုလျှင် ကျပ် ၂၀၀၀၀ ဖြင့် ဈေးကောင်းရလျက်ရှိကြောင်း သိရသည်။ ကင်းမွန်(ပြည်ကြီးငါး) ပေါက်ပွားနှုန်းနှင့် အထိအမိကောင်းသည့် မိုးရာသီမဟုတ်သော်လည်း ထိုင်းနိုင်ငံက ဈေးကောင်းပေးမှုကြောင့် ပင်လယ်ပြင်၌ ဆလုံတိုင်းရင်းသားများ ရာသီမပြတ် သန္တာနီ၊ သန္တာနက်ကျွန်းနှင့် ငါးမန်းကျွန်းအနီး၌ ကင်းမွန်မျှား၍ အတူလိုက်ပါသည့် ကဗန်းစက်လှေသို့ ပြန်လည်‌ရောင်းချလေ့ရှိကာ ထိုကဗန်းစက်လှေမှ ကော့သောင်း ဒိုင်သို့ပို့ပြီး ကော့သောင်းဒိုင်က ထိုင်းနိုင်ငံသို့တစ်ဆင့် ပြန်‌လည်ရောင်းချကြောင်း သိရသည်။ “ဒီရာသီက ကင်းမွန်အထိအမိမကောင်းပေမယ့် ဈေးကောင်းရတဲ့အတွက် ပင်လယ်ပြင်ထွက်ကြတာ များတယ်။ ရှေ့က ကဗန်းစက်လှေကြီးနောက်မှာ ကျွန်တော်တို့ စတော်ငယ်လှေလေးတွေ လိုက်ပါပြီး ကင်းမွန်မျှားမယ့်နေရာရောက်ရင် မျှားကြပါတယ်။ ဖမ်းမိတဲ့ ကင်းမွန်၊ ကျောက်ငါးတွေကို ကဗန်းလှေ ပိုင်ရှင်ဆီရောင်းတယ်။ သူကပဲဝယ်တယ်၊ ထမင်းကျွေးတယ်။ ကျွန်တော်တို့က မျှားတဲ့သူကမျှား၊ ရေငုပ်ပြီး ကျောက်ငါးရှာတဲ့သူက ရှာကြပါတယ်။ ကျွန်တော်တို့တွေက ရေလုပ်ငန်းပဲလုပ်တတ်ပြီး ကင်းမွန်ကို ရာသီမပြတ်မျှားပြီးတော့ အသက်မွေးကြတာပါ။ မိုးရာသီဆိုရင် ကင်းမွန်ပိုပြီး ရကြပါတယ်။ ဈေးတော့ကျသွားတယ်။ ဒီရာသီမှာ ကင်းမွန်ရှားတဲ့အတွက် ဈေးကောင်းရတာကြောင့် ကင်းမွန်ကိုပဲ အဓိကထားပြီး ဖမ်းကြတာများတယ်။ ရာသီဥတု ကောင်းမွန်ပြီး ကင်းမွန်ဈေးကောင်းတဲ့အတွက် အဆင်ပြေနေပါတယ်”ဟု ဇာဒက်ကြီးကျွန်းအနီး ပင်လယ်ပြင်တွင် ကင်းမွန်မျှားနေသည့် ဆလုံတိုင်းရင်းသား ကိုဇာန်မိုးက ပြောသည်။ ကင်းမွန်ကို လဆုတ် ၃ ရက်မှ လဆန်း ၃ ရက်အထိ ပင်လယ်ပြင်တွင်မျှားလေ့ရှိပြီး ၁၅ ရက်ကျော်အကြာ ကမ်းသို့ပြန်ဝင်သည်။ ဆလုံတိုင်းရင်းသားများ ကျွန်းပေါ်တွင် စည်ကားစွာ တွေ့မြင်ရသောအချိန်သည် သီတင်းကျွတ်ကာလနှင့် ဆလုံနတ်ပွဲကျင်းပရာ ဖေဖော်ဝါရီလ၊ မတ်လတို့ဖြစ်သည်။ ကော့သောင်းပင်လယ်ပြင် ကမ်းနီးရေတိမ်တွင် ဆလုံများ စတော်ငယ်လှေများဖြင့် ကင်းမွန်၊ ဗီးဇင်းငါး၊ ကျောက်ငါး၊ ကုလားငို၊ ဇာချမ်းငါးတို့ကို မျှားလေ့ရှိပြီး အခြားသော ဆလုံများက မိသားစုလိုက် ပင်လယ်ပြင်သို့ ကဗန်းစက်လှေဖြင့်ထွက်၍ စက်တပ်ဂလတ်၊ ဝါးအလယ်ကျွန်းအနီး၌ ညပိုင်းတွင် အောက်ဆီဂျင်ပေး၍ ရေအောက်သို့ငုပ်ကာ လျှပ်စစ်မီးဖြင့် ကျောက်ပုစွန်(ပုဂဲ) မျှော့၊ ကျောက်ငါးတို့ကို ဖမ်းဆီးပြီး နောက်တစ်ရက်တွင် မကြုံဂလက်ကျေးရွာ ဒိုင်သို့‌ရောင်းချလေ့ရှိသည်။ လက်ရှိတွင် ကျောက်ပုစွန် လေးကီလိုအထက် အကြီးဆိုဒ် တစ်ကီလိုလျှင် ကျပ် ၄၀၀၀၀ ကျော်၊ အသေးဆိုဒ် ကျပ် ၂၅၀၀၀ ရရှိကြပြီး ထိုင်းနိုင်ငံ ရနောင်းငါးဈေးကွက်၌ ကျောက်ပုစွန်တစ်ကီလိုလျှင် ဘတ် ၁၀၀၀ ဈေးရရှိကာ ကင်းမွန်အထိအမိကောင်းချိန်၌ တစ်ကီလို ကျပ် ၁၂၀၀၀ ရရှိသော ကင်းမွန်တစ်ကီလိုလျှင် ယခုအခါ ကျပ် ၂၀၀၀၀ ဈေးဖြင့် ဈေးကောင်းရလျက်ရှိကြောင်း သိရသည်။သစ္စာ(MNA)ဓာတ်ပုံ - ဇွဲမာန်MDN
Mon, 27-Apr-2026
မှော်ဘီမြို့နယ်၌ ပိုးသတ်ဆေးဓာတ်ကြွင်းကင်းစင်သော နွေစပါးစံပြစိုက်ကွက် သရုပ်ပြပွဲကျင်းပ
မှော်ဘီမြို့နယ်၌ ပိုးသတ်ဆေးဓာတ်ကြွင်းကင်းစင်သော နွေစပါးစံပြစိုက်ကွက် သရုပ်ပြပွဲကျင်းပ
မှော်ဘီ ဧပြီ ၂၆စိုက်ပျိုးရေးဦးစီးဌာန သီးနှံကာကွယ်ရေးဌာနခွဲမှ ဦးဆောင်မှုဖြင့် မှော်ဘီမြို့နယ် ညောင်ကုန်းကျေးရွာ တောင်သူ ဦးနေမျိုးလှိုင်၏ လယ် ၁၀ ဧက နွေစပါးစိုက်ခင်းတွင် တောင်သူများပါဝင်သော ပိုးသတ်ဆေး ဓာတ်ကြွင်းကင်းစင်သော နွေစပါးစံပြစိုက်ပျိုးကွက် သရုပ်ပြပွဲကို ယနေ့နံနက်ပိုင်းက ကျင်းပသည်။ပြောကြားဦးစွာ စိုက်ပျိုးရေးဦးစီးဌာန သီးနှံကာကွယ်ရေးဌာနခွဲ ညွှန်ကြားရေးမှူး ဦးဇော်လင်းက စပါးထုတ်လုပ်နိုင်ရေးအတွက် စတင်စိုက်ပျိုးသည်မှ ရိတ်သိမ်းပြီးသည်အထိ စိုက်ပျိုးရေးဆိုင်ရာ အလေ့အကျင့်ကောင်းများ လိုက်နာကျင့်သုံးခြင်း၊ သီးနှံစိုက်တောင်သူများအနေဖြင့် မိမိတို့၏စိုက်ခင်းတွင် ပိုးမွှား၊ ပေါင်းကျရောက်မှုအား အမြဲမပြတ် ကြိုတင်ကင်းထောက် စစ်ဆေးခြင်း၊ အပင်သက်တမ်းအလိုက် ကျသောဖျက်ပိုးများအား ဘက်စုံကာကွယ်နှိမ်နင်းနည်းများအသုံးပြု၍ သီးနှံရိတ်သိမ်း/ခူးဆွတ်ရန် စောင့်ဆိုင်းရမည့် ကာလ (Pre Harvest Interval- PHI) တို့ကို တိကျစွာလိုက်နာ၍ ပညာပေးစံပြကွက် ဆောင်ရွက်ခဲ့သည့်အပေါ် တောင်သူများ လိုက်နာလက်ခံ ကျင့်သုံးနိုင်ရေး ပြောကြားသည်။ထို့နောက် တောင်သူ ဦးနေမျိုးလှိုင်၏ ပိုးသတ်ဆေး ဓာတ်ကြွင်းကင်းစင်သော နွေစပါးစိုက်ကွက်အား ရိတ်သိမ်းခဲ့ရာ စပါးမျိုး တစ်ဧကလျှင် အစို ၁၃၂ တင်း (အခြောက် ၁၂၈ ဒသမ ၉ တင်း) ထွက်ရှိခဲ့ကြောင်း သိရသည်။ကောင်းမြတ်သူ(မှော်ဘီ)MDN
Mon, 27-Apr-2026
အမေရိကန်အစိုးရက သွင်းကုန်အခွန်များအနက် ဒေါ်လာ ၁၅၉ ဘီလီယံကို ပြန်ပေးမည်
အမေရိကန်အစိုးရက သွင်းကုန်အခွန်များအနက် ဒေါ်လာ ၁၅၉ ဘီလီယံကို ပြန်ပေးမည်
အမေရိကန်အစိုးရအနေဖြင့် ကောက်ခံရရှိထားသည့် သွင်းကုန်အခွန်များအနက် ဒေါ်လာ ၁၅၉ ဘီလီယံကို ပြန်လည်ပေးအပ်ရမည်ဟု တရားရုံးချုပ်၏ ဆုံးဖြတ်ချက်ထွက်ပေါ်ခဲ့ကြောင်း သိရသည်။သမ္မတ ဒေါ်နယ်ထရမ့်က အဆိုပါဆုံးဖြတ်ချက်ကို ဆိုးရွားသည်ဟု ဝေဖန်ခဲ့သော်လည်း တရားရုံးချုပ်၏ စီရင်ချက်အရ အစိုးရဘက်မှ ငွေပမာဏကို ပြန်လည်ပေးအပ်သွားမည်ဖြစ်ကြောင်း ဖော်ပြထားသည်။အဆိုပါ သွင်းကုန်အခွန်များကို ထရမ့်အစိုးရ၏ ကုန်သွယ်ရေးမူဝါဒအဖြစ် ၂၀၂၅ ခုနှစ်တွင် စတင်ကောက်ခံခဲ့သော်လည်း အစိုးရအာဏာအလွန်ကျော်လွန်မှုရှိသည်ဟု တရားရုံးများက နောက်ပိုင်းတွင် သတ်မှတ်ခဲ့သည်။ထိုဆုံးဖြတ်ချက်အပြီးတွင် အမေရိကန်သမ္မတက မကျေနပ်ကြောင်း ထုတ်ဖော်ပြောကြားခဲ့ပြီး ယင်းအခြေအနေသည် ဘဏ္ဍာရေးနှင့် ကုန်သွယ်ရေးစီမံချက်များအပေါ် သက်ရောက်မှုရှိနိုင်ကြောင်း လေ့လာသူများက သုံးသပ်ထားသည်။အဆိုပါဆုံးဖြတ်ချက်ကြောင့် ကုန်သည်များနှင့် စီးပွားရေးလုပ်ငန်းရှင်များအနေဖြင့် ပေးဆောင်ခဲ့သည့် အကောက်ခွန်များ ပြန်လည်ရရှိနိုင်မည့် အခွင့်အလမ်းတစ်ရပ် ဖြစ်လာသည်ဟုလည်း သိရသည်။MWD
Sun, 26-Apr-2026
ဘုရင့်နောင်ကုန်စည်ဒိုင်သို့ တစ်ရက်လျှင် ကြက်သွန်နီပိဿာ နှစ်သိန်းခန့်ဝင်ရောက်
ဘုရင့်နောင်ကုန်စည်ဒိုင်သို့ တစ်ရက်လျှင် ကြက်သွန်နီပိဿာ နှစ်သိန်းခန့်ဝင်ရောက်
ရန်ကုန်   ဧပြီ  ၂၄     ရန်ကုန်မြို့ရှိ  ဘုရင့်နောင်ကုန်စည်ဒိုင် သို့  သင်္ကြန်ပြီးကာလတွင်  တစ်ရက်လျှင် ကြက်သွန်နီပိဿာနှစ်သိန်းခန့်ဝင်ရောက် နေကြောင်း မြန်မာနိုင်ငံ   ကြက်သွန်နီ၊ ကြက်သွန်ဖြူနှင့် စားဖိုဆောင်သီးနှံစိုက်ပျိုးထုတ်လုပ်တင်ပို့ရောင်းချသူများ အသင်း မှ သိရသည်။"သင်္ကြန်မတိုင်မီက     တစ်ရက်ကို ကြက်သွန်နီပိဿာ သုံးသောင်းကျော်ပဲဝင် ခဲ့တယ်။ လက်ရှိမှာ  တစ်ရက်ကို  ပိဿာ နှစ်သိန်းလောက်ဝင်ရောက်မှုရှိပါတယ်"ဟု ဘုရင့်နောင်ကုန်စည်ဒိုင်မှ   ကြက်သွန် ကုန်သည် ဦးဖြိုးအောင်ကပြောသည်။ ပြီးခဲ့သည့်သင်္ကြန်မတိုင်မီကာလက တစ်ရက်လျှင်  နယ်စုံမှကြက်သွန်နီကား အစီးရေခြောက်စီးမှ   ၁၀ စီးခန့်သာဝင် ရောက်ခဲ့ရာမှ လက်ရှိတွင် တစ်ရက်လျှင် ကြက်သွန်နီကားအစီးရေ  ၃၀ ကျော် အထိ  ဝင်ရောက်လျက်ရှိပြီး   အရောင်းအဝယ် ပုံမှန်ဖြစ်နေကြောင်း သိရသည်။"လက်ရှိ ကြက်သွန်နီအဝင်လည်းများ လာပါတယ်။နယ်စုံက ဝင်နေတာပါ"ဟု ဦးဖြိုးအောင်က ပြောသည်။ဆောင်းကြက်သွန်များမှာ  တာရှည်အထားခံခြင်းကြောင့် တစ်နှစ်ပတ်လုံး သိုလှောင်ထားနိုင်သော်လည်း တောင်သူတချို့က နုတ်သိမ်းပြီးချိန်တွင်     ရောင်းချလေ့ရှိပြီး တချို့က ကြက်သွန်ဈေးကောင်းသည့်အချိန်မှသာ     ထုတ်ရောင်းလေ့ရှိကြောင်း သိရသည်။               MWD
Sat, 25-Apr-2026
© Copyright 2024 SAC All Rights Reserved.