မြန်မာ၊ ထိုင်းနှင့် ဥဇဘက်ကစ္စတန် အမျိုးသမီးလက်ရွေးစင်အသင်းများပါဝင်မည့် AYA BANK TRI NATIONS CUP 2026 ပြိုင်ပွဲ ရန်ကုန်တွင် ကျင်းပမည်

NoahJune222

News Image

  • မြန်မာ၊ ထိုင်းနှင့် ဥဇဘက်ကစ္စတန် အမျိုးသမီးလက်ရွေးစင်အသင်းများပါဝင်မည့် AYA BANK TRI NATIONS CUP 2026 ပြိုင်ပွဲ ရန်ကုန်တွင် ကျင်းပမည်

ရန်ကုန်၊ ဧပြီ ၂၉

မြန်မာ၊ ထိုင်းနှင့် ဥဇဘက်ကစ္စတန် အမျိုးသမီးလက်ရွေးစင်အသင်းများပါဝင်ကစားမည့် AYA BANK TRI NATIONS CUP 2026 (International Women’s Friendly Matches) ပြိုင်ပွဲကို လာမည့် ဇွန်လပထမပတ်အတွင်း ရန်ကုန်မြို့ သုဝဏ္ဏအားကစားကွင်း၌ ကျင်းပသွားမည်ဖြစ်ကြောင်း သိရသည်။

အဆိုပါပြိုင်ပွဲကို AYA Bank မှ အဓိကပံ့ပိုးကူညီထားပြီး မြန်မာအမျိုးသမီးလက်ရွေးစင်အသင်း၏ အဆင့်မြင့်မားတိုးတက်ရေးအတွက် နိုင်ငံတကာအသင်းများနှင့် ခြေစမ်းကစားနိုင်ရန် ရည်ရွယ်ကျင်းပခြင်းဖြစ်သည်။

ပြိုင်ပွဲတွင် ပါဝင်မည့်အသင်းများမှာ မြန်မာ (ကမ္ဘာ့အဆင့် ၅၅)၊ ထိုင်း (ကမ္ဘာ့အဆင့် ၅၀)နှင့် ဥဇဘက်ကစ္စတန် (ကမ္ဘာ့အဆင့် ၅၁) တို့ဖြစ်သည်။

ပွဲစဉ်များကို ဇွန်လ ၁ ရက် ညနေ ၅ နာရီတွင် မြန်မာနှင့် ဥဇဘက်ကစ္စတန်၊ ဇွန်လ ၄ ရက် ညနေ ၄ နာရီတွင် ဥဇဘက်ကစ္စတန်နှင့် ထိုင်း၊ ဇွန်လ ၇ ရက် ညနေ ၅ နာရီတွင် မြန်မာနှင့် ထိုင်းအသင်းတို့ ယှဉ်ပြိုင်ကစားမည်ဖြစ်သည်။

အဆိုပါပွဲစဉ်များကို ပြည်တွင်းရုပ်သံလိုင်းများနှင့် YouTube Channel များမှ တိုက်ရိုက်ထုတ်လွှင့်ပြသသွားမည်ဖြစ်ကြောင်း သိရသည်။

မြန်မာအမျိုးသမီးလက်ရွေးစင်အသင်းကို ယာယီနည်းပြချုပ် ဒေါ်စန်းစန်းသိန်းက ကိုင်တွယ်သွားမည်ဖြစ်ပြီး လက်ထောက်နည်းပြအဖြစ် ဒေါ်သူဇာထွေးနှင့် ဂိုးနည်းပြ ဦးစိန်အေးတို့က တာဝန်ယူဆောင်ရွက်မည်ဖြစ်သည်။

အသင်းအား ပဏာမကစားသမား ၃၅ ဦးဖြင့် ဧပြီ ၂၇ ရက်မှစတင်၍ စခန်းသွင်းလေ့ကျင့်နေပြီး ပြည်ပရောက်ကစားသမားများသည် မေလအစောပိုင်းတွင် အသင်းနှင့် ပူးပေါင်းမည်ဖြစ်ကြောင်း သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ရီးယဲလ်မက်ဒရစ် နည်းပြရာထူးအတွက် မော်ရင်ဟို ခန့်အပ်နိုင်ခြေ သတင်းထွက်ပေါ်
ရီးယဲလ်မက်ဒရစ် နည်းပြရာထူးအတွက် မော်ရင်ဟို ခန့်အပ်နိုင်ခြေ သတင်းထွက်ပေါ်
မက်ဒရစ်၊ ဧပြီ ၂၉ — ရီးယဲလ်မက်ဒရစ်အသင်းအနေဖြင့် လစ်လပ်နေသည့် နည်းပြရာထူးအတွက် နည်းပြဟောင်းဖြစ်သူ လက်ရှိ ဘင်ဖီကာအသင်းကို ကိုင်တွယ်နေသော မော်ရင်ဟိုအား ပြန်လည်ခန့်အပ်ရန် စဉ်းစားနေသည်ဟု သတင်းများ ထွက်ပေါ်လာသည်။ရီးယဲလ်မက်ဒရစ်အသင်းသည် ယခုဘောလုံးရာသီတွင် အလွန်ဆိုကို နည်းပြသစ်အဖြစ် ခန့်အပ်ခဲ့သော်လည်း ကစားသမားများနှင့် ဆက်ဆံရေးတင်းမာမှုများကြောင့် ရာသီမကုန်မီ ထုတ်ပယ်ခဲ့ကြောင်း သိရသည်။ ထို့နောက် ယာယီနည်းပြအဖြစ် အာဘီလိုအာကို ခန့်အပ်ခဲ့သော်လည်း ရလဒ်များ မကောင်းသဖြင့် ရာသီအကုန်တွင် လမ်းခွဲမည်ဖြစ်ပြီး နည်းပြသစ် ခန့်အပ်ရန် ပြင်ဆင်နေခြင်းဖြစ်သည်။အသင်းဥက္ကဋ္ဌ ဖလော်ရင်တီနို ပီရက်ဇ်သည် လူငယ်နည်းပြများထက် အတွေ့အကြုံရှိ ဝါရင့်နည်းပြတစ်ဦးကို ခန့်အပ်လိုကြောင်း အတည်ပြုထားပြီးနောက် ဥရောပအတွင်း အတွေ့အကြုံကြီးမားသည့် မော်ရင်ဟိုနှင့် သတင်းများ ဆက်စပ်ထွက်ပေါ်လာခြင်းဖြစ်သည်။အစောပိုင်းတွင် လီဗာပူးနည်းပြဟောင်း ကလော့ပ်ကို ခန့်အပ်ရန် စိတ်ဝင်စားခဲ့သော်လည်း ၎င်းကိုယ်တိုင် နည်းပြလောကသို့ ပြန်မဝင်တော့ကြောင်း ပြောကြားခဲ့သဖြင့် ရီးယဲလ်ဘက်မှ အစီအစဉ်ကို ပြောင်းလဲခဲ့ရသည်။မော်ရင်ဟိုသည် ယခင်က ၂၀၁၀ မှ ၂၀၁၃ ခုနှစ်အထိ ရီးယဲလ်မက်ဒရစ်အသင်းကို ကိုင်တွယ်ခဲ့ဖူးပြီး လာလီဂါဖလား ၁ ကြိမ်၊ ကိုပါဒယ်ရေးဖလား ၁ ကြိမ်နှင့် စပိန်စူပါဖလား ၁ ကြိမ် ဆွတ်ခူးပေးနိုင်ခဲ့သည်။လက်ရှိတွင် မော်ရင်ဟိုသည် ဘင်ဖီကာအသင်းကို ကိုင်တွယ်နေပြီး ပေါ်တူဂီလိဂ်တွင် ၃၁ ပွဲကစားပြီး ၂၂ ပွဲနိုင်၊ ၉ ပွဲသရေဖြင့် ရှုံးပွဲမရှိ စွမ်းဆောင်ထားကာ အမှတ်ပေးဇယားအဆင့် (၂) နေရာတွင် ရပ်တည်နေကြောင်း သိရသည်။Ref: Fabrizio RomanoMWD
Thu, 30-Apr-2026
မန်စီးတီးအသင်းမှ နေသန်အကီ ထွက်ခွာရန်ဆုံးဖြတ်
မန်စီးတီးအသင်းမှ နေသန်အကီ ထွက်ခွာရန်ဆုံးဖြတ်
မန်ချက်စတာ၊ ဧပြီ ၂၉ — မန်စီးတီးအသင်း၏ ခံစစ်ကစားသမား နေသန်အကီသည် ယခုဘောလုံးရာသီအကုန်တွင် အသင်းမှ အလွတ်ပြောင်းရွှေ့ကြေးဖြင့် ထွက်ခွာရန် ဆုံးဖြတ်ထားကြောင်း သိရသည်။အသက် ၃၁ နှစ်အရွယ်ရှိ နေသန်အကီသည် ၂၀၂၀ ပြည့်နှစ်တွင် ဘုန်းမောက်အသင်းမှ မန်စီးတီးအသင်းသို့ ပြောင်းရွှေ့လာခဲ့ပြီး အသင်းနှင့်အတူ ခြောက်ရာသီကြာ ပါဝင်ကစားခဲ့သည်။ ယခုရာသီအကုန်တွင် စာချုပ်သက်တမ်းကုန်ဆုံးမည်ဖြစ်၍ လမ်းခွဲရန် ဆုံးဖြတ်ခဲ့ခြင်းဖြစ်သည်။နေသန်အကီသည် မန်စီးတီးတွင် အစောပိုင်းနှစ်များ၌ အဓိကကစားသမားတစ်ဦးအဖြစ် ပါဝင်ခဲ့သော်လည်း ပြီးခဲ့သည့်ရာသီတွင် ဒဏ်ရာပြဿနာများကြောင့် ပြိုင်ပွဲစုံ ၁၈ ပွဲသာ ပါဝင်ကစားနိုင်ခဲ့သည်။ယခုရာသီတွင် ပြိုင်ပွဲစုံ ၃၁ ပွဲ ပါဝင်ကစားထားသော်လည်း ပွဲစဉ်အများစုကို လူစားဝင်ကစားသမားအဖြစ်သာ ပါဝင်ခဲ့ရပြီး အသင်းအတွင်း အရေးပါမှုလျော့နည်းလာသည့်အတွက် ထွက်ခွာရန် ဆုံးဖြတ်ထားခြင်းဖြစ်သည်။နေသန်အကီသည် မန်စီးတီးအသင်းအတွက် ပြိုင်ပွဲစုံ ၁၇၄ ပွဲ ပါဝင်ကစားထားပြီး ၁၀ ဂိုး သွင်းယူထားသည်။ ထို့အပြင် ပရီးမီးယားလိဂ်ဖလား ၄ ကြိမ်၊ အက်ဖ်အေဖလား ၁ ကြိမ်၊ ကာရာဘောင်းဖလား ၂ ကြိမ်၊ ချန်ပီယံလိဂ်ဖလား ၁ ကြိမ်၊ ဥရောပစူပါဖလား ၁ ကြိမ်နှင့် ကလပ်ကမ္ဘာ့ဖလား ၁ ကြိမ် ဆွတ်ခူးထားနိုင်ခဲ့ကြောင်း သိရသည်။Ref: Fabrizio RomanoMWD
Thu, 30-Apr-2026
ရန်ကုန်တိုင်းဒေသကြီး ဝန်ကြီးချုပ်ဖလား ဘော်လီဘောပြိုင်ပွဲတွင် အလုံခရိုင်နှင့် မင်္ဂလာဒုံခရိုင်တို့ ပထမဆုရရှိ
ရန်ကုန်တိုင်းဒေသကြီး ဝန်ကြီးချုပ်ဖလား ဘော်လီဘောပြိုင်ပွဲတွင် အလုံခရိုင်နှင့် မင်္ဂလာဒုံခရိုင်တို့ ပထမဆုရရှိ
၂၀၂၆ ခုနှစ် ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်ဖလား ၁၄ ခရိုင် အသက် ၂၅ နှစ်အောက် အမျိုးသား၊ အမျိုးသမီး ဘော်လီဘောပြိုင်ပွဲတွင် အလုံခရိုင်အမျိုးသားအသင်းနှင့် မင်္ဂလာဒုံခရိုင်အမျိုးသမီးအသင်းတို့သည် ပထမဆုဖလားများ ဆွတ်ခူးရရှိခဲ့ကြကြောင်း သိရသည်။ပြိုင်ပွဲအတွင်း ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူနှင့် တာဝန်ရှိသူများသည် အမျိုးသားပြိုင်ပွဲ ဗိုလ်လုပွဲဖြစ်သည့် တွံတေးခရိုင်အသင်းနှင့် အလုံခရိုင်အသင်းတို့၏ ယှဉ်ပြိုင်ကစားမှုကို ကြည့်ရှုအားပေးခဲ့ကြသည်။ဆုချီးမြှင့်ပွဲတွင် ပွဲစဉ်တစ်လျှောက် တာဝန်ယူခဲ့သည့် ဒိုင်ကြီးကြပ်နှင့် ဒိုင်လူကြီးများ၊ အမျိုးသားနှင့် အမျိုးသမီးပြိုင်ပွဲများတွင် နေရာအလိုက် အကောင်းဆုံးဆုများဖြစ်သည့် စပေးဘောဆု၊ ပင့်ထောင်ဆု၊ ဆယ်မဆု၊ ပိတ်ဆို့ဆုနှင့် ရိုက်ခုတ်ဆုများကို ချီးမြှင့်ခဲ့သည်။ ထို့ပြင် အမျိုးသမီးပြိုင်ပွဲတွင် အကောင်းဆုံးအားကစားသမားဆုကို မင်္ဂလာဒုံခရိုင်မှ ဇင်မာမြင့်၊ အမျိုးသားပြိုင်ပွဲတွင် အကောင်းဆုံးအားကစားသမားဆုကို အလုံခရိုင်မှ ရဲရင့်အောင်တို့ ရရှိခဲ့ကြသည်။ထို့နောက် အမျိုးသမီးပြိုင်ပွဲတွင် နှစ်သိမ့်ဆုရရှိသည့် လှည်းကူးခရိုင်အသင်း၊ အမျိုးသားပြိုင်ပွဲတွင် မရမ်းကုန်းခရိုင်အသင်း၊ အမျိုးသမီးပြိုင်ပွဲတွင် တတိယဆုရရှိသည့် တွံတေးခရိုင်အသင်း၊ အမျိုးသားပြိုင်ပွဲတွင် တတိယဆုရရှိသည့် မင်္ဂလာဒုံခရိုင်အသင်း၊ အမျိုးသမီးပြိုင်ပွဲတွင် ဒုတိယဆုရရှိသည့် အလုံခရိုင်အသင်းနှင့် အမျိုးသားပြိုင်ပွဲတွင် ဒုတိယဆုရရှိသည့် တွံတေးခရိုင်အသင်းတို့ကို တာဝန်ရှိသူများက ဆုတံဆိပ်များနှင့် ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ကြသည်။နောက်ဆုံးတွင် အမျိုးသမီးပြိုင်ပွဲ၌ ပထမဆုရရှိသည့် မင်္ဂလာဒုံခရိုင်အသင်းနှင့် အမျိုးသားပြိုင်ပွဲ၌ ပထမဆုရရှိသည့် အလုံခရိုင်အသင်းတို့အား ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူက ဆုတံဆိပ်များ၊ ဂုဏ်ပြုချီးမြှင့်ငွေများနှင့် ဆုဖလားများကို ကိုယ်တိုင်ပေးအပ်ချီးမြှင့်ခဲ့ကြောင်း သိရသည်။ဝန်းရံခMWD
Thu, 30-Apr-2026
မြန်မာ၊ ထိုင်းနှင့် ဥဇဘက်ကစ္စတန် အမျိုးသမီးလက်ရွေးစင်အသင်းများပါဝင်မည့် AYA BANK TRI NATIONS CUP 2026 ပြိုင်ပွဲ ရန်ကုန်တွင် ကျင်းပမည်
မြန်မာ၊ ထိုင်းနှင့် ဥဇဘက်ကစ္စတန် အမျိုးသမီးလက်ရွေးစင်အသင်းများပါဝင်မည့် AYA BANK TRI NATIONS CUP 2026 ပြိုင်ပွဲ ရန်ကုန်တွင် ကျင်းပမည်
ရန်ကုန်၊ ဧပြီ ၂၉မြန်မာ၊ ထိုင်းနှင့် ဥဇဘက်ကစ္စတန် အမျိုးသမီးလက်ရွေးစင်အသင်းများပါဝင်ကစားမည့် AYA BANK TRI NATIONS CUP 2026 (International Women’s Friendly Matches) ပြိုင်ပွဲကို လာမည့် ဇွန်လပထမပတ်အတွင်း ရန်ကုန်မြို့ သုဝဏ္ဏအားကစားကွင်း၌ ကျင်းပသွားမည်ဖြစ်ကြောင်း သိရသည်။အဆိုပါပြိုင်ပွဲကို AYA Bank မှ အဓိကပံ့ပိုးကူညီထားပြီး မြန်မာအမျိုးသမီးလက်ရွေးစင်အသင်း၏ အဆင့်မြင့်မားတိုးတက်ရေးအတွက် နိုင်ငံတကာအသင်းများနှင့် ခြေစမ်းကစားနိုင်ရန် ရည်ရွယ်ကျင်းပခြင်းဖြစ်သည်။ပြိုင်ပွဲတွင် ပါဝင်မည့်အသင်းများမှာ မြန်မာ (ကမ္ဘာ့အဆင့် ၅၅)၊ ထိုင်း (ကမ္ဘာ့အဆင့် ၅၀)နှင့် ဥဇဘက်ကစ္စတန် (ကမ္ဘာ့အဆင့် ၅၁) တို့ဖြစ်သည်။ပွဲစဉ်များကို ဇွန်လ ၁ ရက် ညနေ ၅ နာရီတွင် မြန်မာနှင့် ဥဇဘက်ကစ္စတန်၊ ဇွန်လ ၄ ရက် ညနေ ၄ နာရီတွင် ဥဇဘက်ကစ္စတန်နှင့် ထိုင်း၊ ဇွန်လ ၇ ရက် ညနေ ၅ နာရီတွင် မြန်မာနှင့် ထိုင်းအသင်းတို့ ယှဉ်ပြိုင်ကစားမည်ဖြစ်သည်။အဆိုပါပွဲစဉ်များကို ပြည်တွင်းရုပ်သံလိုင်းများနှင့် YouTube Channel များမှ တိုက်ရိုက်ထုတ်လွှင့်ပြသသွားမည်ဖြစ်ကြောင်း သိရသည်။မြန်မာအမျိုးသမီးလက်ရွေးစင်အသင်းကို ယာယီနည်းပြချုပ် ဒေါ်စန်းစန်းသိန်းက ကိုင်တွယ်သွားမည်ဖြစ်ပြီး လက်ထောက်နည်းပြအဖြစ် ဒေါ်သူဇာထွေးနှင့် ဂိုးနည်းပြ ဦးစိန်အေးတို့က တာဝန်ယူဆောင်ရွက်မည်ဖြစ်သည်။အသင်းအား ပဏာမကစားသမား ၃၅ ဦးဖြင့် ဧပြီ ၂၇ ရက်မှစတင်၍ စခန်းသွင်းလေ့ကျင့်နေပြီး ပြည်ပရောက်ကစားသမားများသည် မေလအစောပိုင်းတွင် အသင်းနှင့် ပူးပေါင်းမည်ဖြစ်ကြောင်း သိရသည်။MWD
Thu, 30-Apr-2026
ဘင်္ဂလားဒေ့ရှ်တွင် မတ်လမှစ၍ ဝက်သက်ရောဂါကြောင့် ကလေးငယ် ၂၂၀ ကျော် သေဆုံး
ဘင်္ဂလားဒေ့ရှ်တွင် မတ်လမှစ၍ ဝက်သက်ရောဂါကြောင့် ကလေးငယ် ၂၂၀ ကျော် သေဆုံး
ဘင်္ဂလားဒေ့ရှ်နိုင်ငံတွင် မတ်လမှစတင်၍ ဆယ်စုနှစ်များစွာအတွင်း အဆိုးရွားဆုံး ဝက်သက်ရောဂါကူးစက်မှုများ ဖြစ်ပွားနေပြီး ကလေးငယ် ၂၂၇ ဦး သေဆုံးခဲ့ကြောင်း အစိုးရ၏ ဧပြီလ ၂၉ ရက်ထုတ်ပြန်ချက်တွင် ဖော်ပြထားသည်။ ထို့အပြင် ရောဂါကူးစက်ခံရသည်ဟု သံသယရှိသူပေါင်း ၃၅၀၀၀ နီးပါးရှိလာကြောင်းလည်း သိရသည်။ရောဂါအပြင်းထန်ဆုံးဖြစ်ပွားနေသည့်ဒေသများအနက် တစ်ခုမှာ စစ်တကောင်းတောင်တန်းဒေသရှိ ကူရွတ်ပါတာဖြစ်သည်။ အဆိုပါကျေးလက်ဒေသရှိ ကလေးငယ်များသည် ကာကွယ်ဆေးထိုးနှံမှုလွှမ်းခြုံမှုအောက်တွင် ပါဝင်သော်လည်း မကြာခဏ ချန်လှပ်ခံရခြင်းများရှိပြီး မိသားစုအချို့သည် ကြောက်ရွံ့မှုကြောင့် ကာကွယ်ဆေးထိုးနှံခြင်းကို ရှောင်ရှားနေကြကြောင်း သိရသည်။ကူရွတ်ပါတာသည် ဘင်္ဂလားဒေ့ရှ်နိုင်ငံ၏ အစွန်အဖျားဒေသတစ်ခုဖြစ်ပြီး အဆိုပါဒေသတွင် ကလေးငယ် ၈၀ ကျော်ကို ဝက်သက်ရောဂါအတွက် ကုသပေးခဲ့ရကြောင်း ခရိုင်ကျန်းမာရေးမှူး ရှိတ်ဖာဇယ်ရက်ဘီက ပြောကြားခဲ့သည်။ဒေသခံအများစုသည် သွားလာရေးနှင့် ဆက်သွယ်ရေးခက်ခဲသော နေရာများတွင် နေထိုင်နေကြရသဖြင့် အစိုးရအနေဖြင့် အသိပညာပေးအစီအစဉ်များကို အားဖြည့်လုပ်ဆောင်ရန်နှင့် တိုင်းရင်းသားလူမျိုးစုများအား ကာကွယ်ဆေးထိုးလွှမ်းခြုံမှုအောက်သို့ ပါဝင်လာစေရန် ဆောင်ရွက်သင့်ကြောင်း ဒေသအကြီးအကဲက တိုက်တွန်းထားသည်။Ref: STMWD
Thu, 30-Apr-2026
ထိုင်းနိုင်ငံ ဗန်ကောက်မြို့၌ ကျင်းပသည့် ၂၀၂၆ ခုနှစ် ကမ္ဘာ့အသည်းရောင်ရောဂါဆိုင်ရာညီလာခံသို့ ပြည်ထောင်စုဝန်ကြီး ဒေါက်တာသက်ခိုင်ဝင်း ဦးဆောင်သော ကိုယ်စားလှယ်အဖွဲ့ တက်ရောက်
ထိုင်းနိုင်ငံ ဗန်ကောက်မြို့၌ ကျင်းပသည့် ၂၀၂၆ ခုနှစ် ကမ္ဘာ့အသည်းရောင်ရောဂါဆိုင်ရာညီလာခံသို့ ပြည်ထောင်စုဝန်ကြီး ဒေါက်တာသက်ခိုင်ဝင်း ဦးဆောင်သော ကိုယ်စားလှယ်အဖွဲ့ တက်ရောက်
နေပြည်တော် ဧပြီ ၂၉ ထိုင်းနိုင်ငံအစိုးရ ပြည်သူ့ကျန်းမာရေးဝန်ကြီးဌာနဝန်ကြီး H.E .Mr. Pattana Promphat ၏ ဖိတ်ကြားချက်အရ ထိုင်းနိုင်ငံ ဗန်ကောက်မြို့ Eastin Grand Hotel Phayathai တွင် ဧပြီ ၂၈ ရက်မှ ၃၀ ရက်အထိ ကျင်းပသည့် ၂၀၂၆ ခုနှစ် ကမ္ဘာ့အသည်းရောင် ရောဂါဆိုင်ရာ ညီလာခံသို့ ကျန်းမာရေး ဝန်ကြီးဌာန ပြည်ထောင်စုဝန်ကြီး ဒေါက်တာ သက်ခိုင်ဝင်း ဦးဆောင်သော မြန်မာ ကိုယ်စားလှယ်အဖွဲ့ တက်ရောက်သည်။ ညီလာခံသို့ အာဆီယံနိုင်ငံများနှင့် ကမ္ဘာ့နိုင်ငံများမှ ကျန်းမာရေးဝန်ကြီးများ၊ ဒုတိယဝန်ကြီးများ၊ ကျန်းမာရေးဝန်ကြီးဌာန အတွင်းဝန်များ၊ ကျန်းမာရေးဆိုင်ရာ အဆင့်မြင့်အရာရှိကြီးများ၊ World Hepatitis Alliance မှ ဥက္ကဋ္ဌနှင့် အဖွဲ့ဝင်များ၊ ကမ္ဘာ့ကျန်းမာရေး အဖွဲ့ (WHO) အရှေ့တောင်အာရှ နှင့် အနောက်ပစိဖိတ်ဒေသဆိုင်ရာ ရုံးမှ ဒေသဆိုင်ရာညွှန်ကြားရေးမှူးများ၊ ဖိတ်ကြားထားသော အသည်းအထူးကု ဆေးပညာရှင်များ၊ ဧည့်သည်တော်များ တက်ရောက်ကြသည်။ ဖွင့်ပွဲ အခမ်းအနားတွင် ထိုင်းနိုင်ငံ ပြည်သူ့ကျန်းမာရေးဝန်ကြီးက ကြိုဆိုနှုတ်ခွန်းဆက် စကား ပြောကြားပြီး ပြည်ထောင်စုဝန်ကြီးက အဖွင့်အမှာစကား ပြောကြားရာတွင် Elimination for Everyone, Everywhere, Right Now! ဆောင်ပုဒ်နှင့်အညီ ကျင်းပသော ယနေ့အခမ်းအနားသည် အသည်းရောင်ရောဂါ တိုက်ဖျက်ရေးတွင် မည်သူတစ်ဦး တစ်ယောက်မျှ နောက်ကျမကျန်ရစ်စေရေး မြန်မာနိုင်ငံ၏ ကြိုးပမ်းဆောင်ရွက်ချက်များနှင့်လည်း များစွာတူညီမှုရှိပါကြောင်း၊ ၂၀၃၀ ပြည့်နှစ်တွင် မြန်မာနိုင်ငံ၌ အသည်းရောင်ရောဂါ ကင်းဝေးရေး ပန်းတိုင်ရရှိနိုင်ရန် ကျန်းမာရေးဝန်ကြီးဌာနမှ သန္နိဋ္ဌာန်ချမှတ် ဆောင်ရွက်လျက်ရှိပါကြောင်း၊ ကျန်းမာရေးစောင့်ရှောက်မှုစနစ်များ အားကောင်း လာစေရေးနှင့် လူတိုင်းလက်လှမ်းမီ လွှမ်းခြုံနိုင်သော ကျန်းမာရေးစောင့်ရှောက်မှု (Universal Health Coverage-UHC) ရရှိစေရေး အခြေခံလိုအပ်ချက်ဖြစ်သည့် အားလုံးပါဝင်သည့် ငြိမ်းချမ်းရေး ဆွေးနွေးပွဲများ ဖြစ်ပေါ်လာစေရေး ဖိတ်ခေါ်ဆောင်ရွက်လျက်ရှိပါကြောင်း။ မြန်မာနိုင်ငံ၏ အသည်းရောင် ရောဂါကာကွယ်၊ ကုသမှုလုပ်ငန်းများတွင် အောင်မြင်တိုးတက်မှုများ အနေဖြင့် အခမဲ့အသည်းရောင်ရောဂါ စီပိုးကုသမှုကို ၂၀၂၅ ခုနှစ်တွင် နိုင်ငံတစ်ဝန်း ပြည်သူ့ဆေးရုံ ၃၆ ရုံအထိ တိုးချဲ့ဆောင်ရွက်နိုင်ခဲ့ပြီး အရေးပေါ် ကျန်းမာရေးစောင့်ရှောက်မှုများကို ပြည်သူလူထုနှင့် ပိုမိုနီးကပ်စွာ ဆောင်ရွက်နိုင်ခဲ့ပါကြောင်း၊ အသည်းရောင်ရောဂါဘီ ကာကွယ်ဆေးကို အမျိုးသား ကာကွယ်ဆေးထိုးလုပ်ငန်းအစီအစဉ်တွင် ထည့်သွင်းထားပြီး မွေးကင်းစကလေးငယ်တိုင်း အားလုံးကိုလည်း မွေးပြီးပြီးချင်း ထိုးနှံပေးလျက်ရှိပါကြောင်း၊ အမျိုးသားသွေးလှူဘဏ်နှင့် နိုင်ငံတစ်ဝန်းရှိ သွေးလှူဘဏ်များ အားလုံးတွင်လည်း ၂၀၁၂ ခုနှစ်မှစတင်၍ လုံခြုံစိတ်ချရသည့် သွေးလှူဒါန်းခြင်း ဆိုင်ရာအစီအစဉ်ကို စနစ်တကျ ဆောင်ရွက်နိုင်ခဲ့ပြီး အသည်းရောင်ရောဂါဘီ ရောဂါ ဖြစ်ပွားမှုနှုန်းနှင့် အသည်းရောင်ရောဂါစီ ဖြစ်ပွားမှုနှုန်းများ တစ်နှစ်ထက်တစ်နှစ် သိသိသာသာ ကျဆင်းလာသည်ကို တွေ့ရှိရပါကြောင်း။ အသည်းရောင်ရောဂါ ကုသရေး ဆေးဝါးများ ပြည်တွင်း၌ ထုတ်လုပ်ရေးဆောင်ရွက်လျက်ရှိပြီး မိခင်မှကလေးသို့ အသည်းရောင်ရောဂါများ မကူးစက်နိုင်ရေး ကာကွယ်ရေးနှင့် ပြည်သူဗဟိုပြု ကျန်းမာရေး စောင့်ရှောက်မှုများ ပေးအပ်နိုင်ရေး အထူးအလေးပေး ဆောင်ရွက်လျက်ရှိပါကြောင်း၊ အသည်းရောင်ရောဂါ ကာကွယ်ကုသရေးလုပ်ငန်းများ လူတိုင်းလက်လှမ်းမီစေရေး အသည်းရောင် ရောဂါဆိုင်ရာ အမျိုးသားမဟာဗျူဟာစီမံကိန်း ချမှတ်ပြီးဆောင်ရွက်လျက်ရှိပါကြောင်း၊ ဝန်ကြီးဌာနအနေဖြင့် မြန်မာနိုင်ငံအသည်းရောဂါ ဖောင်ဒေးရှင်း၊ နိုင်ငံတကာ အဖွဲ့အစည်းများနှင့် ပူးပေါင်း၍လည်း ရောဂါကာကွယ်ကုသရေးလုပ်ငန်းများအား အရှိန်အဟုန်မြှင့် တွန်းအားပေး ဆောင်ရွက်လျက် ရှိပါကြောင်း၊ ညီလာခံမှတစ်ဆင့် တက်ရောက်လာကြသော နိုင်ငံအသီးသီးမှ ကိုယ်စားလှယ်များ၊ ပညာရှင်များနှင့် မိတ်ဖက်အဖွဲ့အစည်းများအားလုံး အသည်းရောင်ရောဂါ ကာကွယ်ကုသရေးအပါအဝင် ကျန်းမာရေး စောင့်ရှောက်မှုလုပ်ငန်းများ ပိုမိုပူးပေါင်း ဆောင်ရွက်နိုင်ရေး တိုက်တွန်းလိုပါကြောင်း ပြောကြားသည်။ ဆက်လက်၍ ပြည်ထောင်စုဝန်ကြီးသည် ထိုင်းနိုင်ငံ ပြည်သူ့ကျန်းမာရေးဝန်ကြီးဌာန ဝန်ကြီး H.E.Mr. Pattana Promphat နှင့် မြန်မာ-ထိုင်း နှစ်နိုင်ငံကျန်းမာရေး စောင့်ရှောက်မှုလုပ်ငန်းများ ပိုမိုပူးပေါင်းမြှင့်တင် ဆောင်ရွက်နိုင်ရေး သီးခြားတွေ့ဆုံဆွေးနွေးသည်။ တွေ့ဆုံ ဆွေးနွေးစဉ် ပြည်ထောင်စုဝန်ကြီးက နိုင်ငံသားများ၏ မျှော်မှန်းလူ့သက်တမ်း တိုးမြင့်လာစေရေး၊ ပြည်သူများအတွက် တိုက်ရိုက်အကျိုးဖြစ်ထွန်းစေမည့် ကျန်းမာရေးစောင့်ရှောက်မှု လုပ်ငန်းများ ပိုမိုအားကောင်းလာစေရေး မူဝါဒများချမှတ်၍ ထိရောက်စွာအကောင်အထည်ဖော် ဆောင်ရွက်သွားမည့် အခြေအနေများ၊ လက်ရှိပူးပေါင်းဆောင်ရွက်လျက်ရှိသည့် နှစ်နိုင်ငံ နယ်စပ်ဒေသ ကျန်းမာရေး ပူးပေါင်းဆောင်ရွက်မှုများ တိုးမြှင့်ဆောင်ရွက်နိုင်ရေး၊ ကျန်းမာရေး လူ့စွမ်းအား အရင်းအမြစ် ဖွံ့ဖြိုးတိုးတက်ရေး နှစ်နိုင်ငံပူးပေါင်းဆောင်ရွက်မှုမြှင့်တင်ရေး၊ ထားဝယ်ဆေးရုံ အဆင့်မြှင့်တင်ရေး စီမံကိန်းနှင့် ဆရာဝန်၊ သူနာပြုများအား လုပ်ငန်းစွမ်းဆောင်ရည်မြှင့်တင်ရေး သင်တန်းများ ပို့ချနိုင်ရေး၊ ကျန်းမာရေး စောင့်ရှောက်မှုစနစ် အဆင့်မြှင့်တင်ရေးနှင့် လူတိုင်း လက်လှမ်းမီ လွှမ်းခြုံနိုင်သည့် ကျန်းမာရေး စောင့်ရှောက်မှု (Universal Health Coverage- UHC) ပန်းတိုင်ရရှိရေး နှစ်နိုင်ငံပူးပေါင်းဆောင်ရွက်နိုင်ရေး၊ နှစ်နိုင်ငံ ကျန်းမာရေးကဏ္ဍတွင် အပြန်အလှန် အကျိုးဖြစ်ထွန်းစေမည့်ကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြကြောင်း သိရသည်။ သတင်းစဉ်MDN
Thu, 30-Apr-2026
© Copyright 2024 SAC All Rights Reserved.