ကမ္ဘာ့ရေနံစိမ်းဈေး တစ်စည်လျှင် ၁၂၆ ဒေါ်လာဖြင့် လေးနှစ်အတွင်း အမြင့်ဆုံးသို့ရောက်ရှိ

NoahJune222

News Image

  • ကမ္ဘာ့ရေနံစိမ်းဈေး တစ်စည်လျှင် ၁၂၆ ဒေါ်လာဖြင့် လေးနှစ်အတွင်း အမြင့်ဆုံးသို့ရောက်ရှိ

    အမေရိကန်နှင့်အီရန် ဆွေးနွေးမှုများ ရပ်တန့်နေခြင်းနှင့်အတူ သမ္မတ ဒေါ်နယ်ထရမ့်က အီရန်ဆိပ်ကမ်းများကို ပိတ်ဆို့ထားမှုအပေါ် သက်တမ်းတိုးဖွယ်ရှိသည်ဟူသော သတင်းများကြောင့် ဧပြီလ ၃၀ ရက်တွင် ကမ္ဘာ့ရေနံစိမ်းဈေးနှုန်းသည် လေးနှစ်အတွင်းအမြင့်ဆုံးအဖြစ် တစ်စည်လျှင် ၁၂၆ ဒေါ်လာအထိ မြင့်တက်သွားကြောင်း သိရသည်။

အဆိုပါဈေးနှုန်းသည် ယူကရိန်းပဋိပက္ခ အရှိန်မြင့်သည့် ၂၀၂၂ ခုနှစ် မတ်လနောက်ပိုင်း အမြင့်ဆုံးဖြစ်လာပြီး နောက်ပိုင်းတွင် ၁၂၅ ဒသမ ၃၀ ဒေါ်လာသို့ ပြန်လည်ကျဆင်းသွားသည်။ ဟော်မုရေလက်ကြားတွင် သွားလာမှုများ အနှောင့်အယှက်ဖြစ်နေဆဲဖြစ်ရာ WTI ရေနံဈေးနှုန်းမှာလည်း ၁၀ ဒသမ ၅ ရာခိုင်နှုန်း မြင့်တက်ပြီး တစ်စည်လျှင် ၁၁၀ ဒသမ ၅ ဒေါ်လာ ဖြစ်လာသည်။ 

အီရန်ကမူ ၎င်းတို့အပေါ်ဖိအားပေးနေသရွေ့ ကမ္ဘာ့ရေနံကုန်သွယ်မှု၏ ၂၅ ရာခိုင်နှုန်းခန့်ရှိသော ဟော်မုရေလက်ကြားမှနေ၍အမေရိကန်နှင့် မဟာမိတ်သင်္ဘောများကိုဖြတ်သန်းခွင့်မပြုဘဲ ဆက်လက်တားဆီးသွားမည်ဖြစ်ကြောင်း အခိုင်အမာပြောထားသည်။

အမေရိကန်ကလည်း အီရန်အပေါ်တိုက်ခိုက်မှုများ လုပ်ဆောင်ရန်ပြင်ဆင်နေပြီး အဆိုပါတိုက်ခိုက်မှုတွင် အီရန်၏သန့်စင်ပြီး ယူရေနီယံများကို သိမ်းဆည်းရန် အထူးတပ်ဖွဲ့များကို အသုံးချခြင်း ပါဝင်နိုင်ကြောင်း Axios သတင်းက ဆိုသည်။ 

MWD

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ကမ္ဘာ့ရေနံစိမ်းဈေး တစ်စည်လျှင် ၁၂၆ ဒေါ်လာဖြင့် လေးနှစ်အတွင်း အမြင့်ဆုံးသို့ရောက်ရှိ
ကမ္ဘာ့ရေနံစိမ်းဈေး တစ်စည်လျှင် ၁၂၆ ဒေါ်လာဖြင့် လေးနှစ်အတွင်း အမြင့်ဆုံးသို့ရောက်ရှိ
    အမေရိကန်နှင့်အီရန် ဆွေးနွေးမှုများ ရပ်တန့်နေခြင်းနှင့်အတူ သမ္မတ ဒေါ်နယ်ထရမ့်က အီရန်ဆိပ်ကမ်းများကို ပိတ်ဆို့ထားမှုအပေါ် သက်တမ်းတိုးဖွယ်ရှိသည်ဟူသော သတင်းများကြောင့် ဧပြီလ ၃၀ ရက်တွင် ကမ္ဘာ့ရေနံစိမ်းဈေးနှုန်းသည် လေးနှစ်အတွင်းအမြင့်ဆုံးအဖြစ် တစ်စည်လျှင် ၁၂၆ ဒေါ်လာအထိ မြင့်တက်သွားကြောင်း သိရသည်။အဆိုပါဈေးနှုန်းသည် ယူကရိန်းပဋိပက္ခ အရှိန်မြင့်သည့် ၂၀၂၂ ခုနှစ် မတ်လနောက်ပိုင်း အမြင့်ဆုံးဖြစ်လာပြီး နောက်ပိုင်းတွင် ၁၂၅ ဒသမ ၃၀ ဒေါ်လာသို့ ပြန်လည်ကျဆင်းသွားသည်။ ဟော်မုရေလက်ကြားတွင် သွားလာမှုများ အနှောင့်အယှက်ဖြစ်နေဆဲဖြစ်ရာ WTI ရေနံဈေးနှုန်းမှာလည်း ၁၀ ဒသမ ၅ ရာခိုင်နှုန်း မြင့်တက်ပြီး တစ်စည်လျှင် ၁၁၀ ဒသမ ၅ ဒေါ်လာ ဖြစ်လာသည်။ အီရန်ကမူ ၎င်းတို့အပေါ်ဖိအားပေးနေသရွေ့ ကမ္ဘာ့ရေနံကုန်သွယ်မှု၏ ၂၅ ရာခိုင်နှုန်းခန့်ရှိသော ဟော်မုရေလက်ကြားမှနေ၍အမေရိကန်နှင့် မဟာမိတ်သင်္ဘောများကိုဖြတ်သန်းခွင့်မပြုဘဲ ဆက်လက်တားဆီးသွားမည်ဖြစ်ကြောင်း အခိုင်အမာပြောထားသည်။အမေရိကန်ကလည်း အီရန်အပေါ်တိုက်ခိုက်မှုများ လုပ်ဆောင်ရန်ပြင်ဆင်နေပြီး အဆိုပါတိုက်ခိုက်မှုတွင် အီရန်၏သန့်စင်ပြီး ယူရေနီယံများကို သိမ်းဆည်းရန် အထူးတပ်ဖွဲ့များကို အသုံးချခြင်း ပါဝင်နိုင်ကြောင်း Axios သတင်းက ဆိုသည်။ MWD
Fri, 1-May-2026
ရေနံထုတ်လုပ်သည့် နိုင်ငံများအဖွဲ့ (အိုပက်)မှ အာရပ်စော်ဘွားများပြည်ထောင်စု နုတ်ထွက်မည်
ရေနံထုတ်လုပ်သည့် နိုင်ငံများအဖွဲ့ (အိုပက်)မှ အာရပ်စော်ဘွားများပြည်ထောင်စု နုတ်ထွက်မည်
အဘူဒါဘီ ဧပြီ ၂၉ ရေနံအဓိကထုတ်လုပ်သည့် နိုင်ငံများအဖွဲ့ (အိုပက်)မှ အာရပ်စော်ဘွားများပြည်ထောင်စု (ယူအေအီး) နိုင်ငံ နုတ်ထွက်မည်ဖြစ်ကြောင်း နိုင်ငံပိုင်မီဒီယာတွင် ဖော်ပြထားသည်။ အဆိုပါ ဆုံးဖြတ်ချက်မှာ မေ ၁ ရက်တွင် စတင်အသက်ဝင်မည်ဖြစ်သည်။ ထို့ပြင် ယူအေအီးသည် အိုပက်ပလက်စ်ဟုခေါ်သော ပိုမိုကျယ်ပြန့်သည့် မိတ်ဖက်အဖွဲ့မှလည်း နုတ်ထွက်မည်ဖြစ်ကြောင်း ဖော်ပြထားသည်။ ယင်းဆုံးဖြတ်ချက်သည် ပြောင်းလဲနေသော စျေးကွက် လိုအပ်ချက်များကို တုံ့ပြန်နိုင်စွမ်း မြှင့်တင်ရန် ရည်ရွယ်ခြင်းဖြစ်ပြီး ရေနံထုတ်လုပ်မှုကိုလည်း ဂရုတစိုက်နှင့် ဖြည်းဖြည်းချင်း တိုးမြှင့်ထုတ်လုပ်သွားမည်ဟုဆိုသည်။ အိုပက်တွင် အဖွဲ့ဝင် ၁၂ နိုင်ငံ ပါဝင်ပြီး ၁၉၆၀ ပြည့်နှစ်က အနောက်တိုင်းရေနံကုမ္ပဏီများနှင့် ယှဉ်ပြိုင် နိုင်ရန် ဖွဲ့စည်းခဲ့ခြင်းဖြစ်သည်။ အိုပက်ပလက်စ်တွင် ရုရှားနှင့် မက္ကဆီကိုကဲ့သို့သော နိုင်ငံများ ပါဝင်ပြီး အင်အားကြီး ရေနံစျေးကွက်၏ တည်ငြိမ်မှုနှင့် လုံခြုံရေးကို အထောက်အကူပြုထားသည်။ အနောက်မီဒီယာများ၏ အဆိုအရ ယူအေအီး၏ နုတ်ထွက်မှုသည် အဖွဲ့ဝင်နိုင်ငံများကြား ရေနံ ထုတ်လုပ်မှုမူဝါဒနှင့် အဖွဲ့ဝင်နိုင်ငံများ၏ ပဋိပက္ခတင်းမာမှုအပေါ် တုံ့ပြန်မှုများနှင့် ပတ်သက်၍ သဘောထား ကွဲလွဲမှုများကြောင့်ဖြစ်ကြောင်း ဖော်ပြထားသည်။ ဘလွန်းဘာ့ဂျ် သတင်းဌာနကလည်း ယင်းနုတ်ထွက်မှုသည် အိုပက်အတွက် အရေးပါသော ဆုံးရှုံးမှုတစ်ခုဖြစ်ပြီးအဖွဲ့၏ ဖွဲ့စည်းပုံ အားနည်းသွား စေနိုင်ကြောင်း သုံးသပ်ထားသည်။ အင်န်အိတ်ချ်ကေMDN
Thu, 30-Apr-2026
ကျောက်ဆည်မြို့နယ်၌ မျိုးစပါးဖူလုံပိုလျှံရေး မျိုးစေ့ထုတ်စပါးများ စိုက်ပျိုး
ကျောက်ဆည်မြို့နယ်၌ မျိုးစပါးဖူလုံပိုလျှံရေး မျိုးစေ့ထုတ်စပါးများ စိုက်ပျိုး
ကျောက်ဆည်၊ ဧပြီ ၂၉မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်သည် ဆည်ရေသောက်စနစ်ဖြင့် ဆန်စပါးကို အဓိကထား စိုက်ပျိုးလျက်ရှိပြီး ဒေသတွင်း စပါးမျိုးစေ့ဖူလုံပိုလျှံရေး ၂၀၂၅-၂၀၂၆ ခုနှစ် နွေရာသီ၌ ရွှေမနော် စပါးမျိုးစေ့ထုတ် (၁၀၀)ဧက စိုက်ပျိုးထားကြောင်း သိရသည်။မျိုးစေ့ထုတ် ရွှေမနော် စပါးများကို အင်တိုင်းကျေးရွာ ကွင်းအမှတ် ၁၄၉ မှ တောင်သူများဖြစ်သော ဦးဆန်းဦး၏ ဦးပိုင်အမှတ်(၁၀၃/၁)တွင် ၅ ဒသမ ၅၀ ဧက၊ ဦးအေးလွင်၏ ဦးပိုင်အမှတ်(၁၀၂/၁)တွင် ၃ ဒသမ ၅၀ ဧက၊ ဦးသောင်းစိန်၏ ဦးပိုင်အမှတ်(၁၀၄/၆)တွင် ၈ ဒသမ ၅၀ ဧက၊ ဦးသိန်းဇော်၏ ဦးပိုင်အမှတ်(၁၂၃/၁)တွင် ၅ ဧက၊ ဦးဖိုးကျော်၏ ဦးပိုင်အမှတ်(၁၁၁)တွင် ၅ ဧက၊ ဦးစိုးဝင်း၏ ဦးပိုင်အမှတ်(၁၀၃/၂)တွင် ၆ ဧက၊ ဒေါ်တုတ်၏ ဦးပိုင်အမှတ်(၁၀၂/၂)တွင် ၄ ဒသမ ၅၀ ဧက၊ ဦးဆန်းကို ၏ ဦးပိုင်အမှတ်(၃၂/၁)တွင် ၃ ဒသမ ၅၀ ဧက၊ ဦးစိုးရွှေ၏ ဦးပိုင်အမှတ်(၁၀၃/၁)တွင် ၅ ဒသမ ၅၀ ဧက၊ ဦးထွန်းတင်၏ ဦးပိုင်အမှတ်(၁၃၃)တွင် ၉ ဧက၊ ဦးမြင့်၏ ဦးပိုင် အမှတ်(၁၃၀/၁)တွင် ၈ ဧက၊ ဦးစိုးသူဝင်း၏ ဦးပိုင်အမှတ်(၁၀၁/၁)တွင် ၁၅ ဧက၊ ဦးကျော်ဝင်းစိန်၏ ဦးပိုင်အမှတ် (၁၃၂/၄)တွင် ၁၁ ဧက စိုက်ပျိုးထားကြောင်း မြို့နယ်စိုက်ပျိုးရေးဦးစီးဌာနမှ သိရသည်။မျိုးစေ့ထုတ်စပါးခင်းများ အောင်မြင်ရေး သိပ္ပံနည်းကျစိုက်နည်းစနစ်ဖြင့် စိုက်ပျိုးထားပြီး မြို့နယ်စိုက်ပျိုးရေးဦးစီးဌာနမှ ဝန်ထမ်းများမှ တောင်သူများနှင့်ပူးပေါင်း၍ မြေပြုပြင်ချိန်၊ စပါးပျိုးထောင်ချိန်မှစ၍ ကွင်းဆင်းဆောင်ရွက်ပေးလျက်ရှိကြောင်း သိရသည်။သက်မောင်(ကျောက်ဆည်) 
Wed, 29-Apr-2026
ရေနံစျေးနှုန်းများ မြင့်တက်နေသည့်အတွက် သမ္မတ ထရမ့်နှင့် စွမ်းအင် ကဏ္ဍမှ အမှုဆောင်အရာရှိများ အိမ်ဖြူတော်တွင် တွေ့ဆုံ
ရေနံစျေးနှုန်းများ မြင့်တက်နေသည့်အတွက် သမ္မတ ထရမ့်နှင့် စွမ်းအင်ကဏ္ဍမှ အမှုဆောင်အရာရှိများ အိမ်ဖြူတော်တွင် တွေ့ဆုံ
သမ္မတ ဒေါ်နယ်ထရမ့်နှင့် ၎င်း၏ထိပ်တန်းလက်ထောက်အချို့သည် အင်္ဂါနေ့ (ဧပြီ ၂၈) က အိမ်ဖြူတော်တွင် စွမ်းအင်ကဏ္ဍမှ အမှုဆောင် အရာရှိ များနှင့်တွေ့ဆုံခဲ့ပြီး အီရန်နှင့်ဖြစ်ပွားနေသည့် စစ်ပွဲကြောင့် ရေနံစျေးနှုန်းများအပေါ် ဆက်လက်သက်ရောက်နေသည့် ဖိအားများအပါအဝင်အခြားသောအကြောင်းအရာများကို ဆွေးနွေးခဲ့ကြကြောင်း အိမ်ဖြူတော်အရာရှိတစ်ဦးက CNN သို့ ပြောကြားခဲ့သည်။ယင်းတွေ့ဆုံပွဲသို့ အိမ်ဖြူတော်စစ်ဦးစီးချုပ် Susie Wiles ၊ ဘဏ္ဍာရေးဝန်ကြီး Scott Bessent ၊ အထူးကိုယ်စားလှယ် Steve Witkoff နှင့် သမ္မတ၏ သမက်ဖြစ်သူ Jared Kushner တို့ တက်ရောက်ခဲ့ကြကြောင်း အဆိုပါအရာရှိက ဆိုသည်။ တက်ရောက်လာသည့် ရေနံနှင့် သဘာဝဓာတ်ငွေ့ဆိုင်ရာအမှုဆောင်များထဲတွင် Chevron ကုမ္ပဏီ၏ အမှုဆောင် အရာရှိချုပ် Mike Wirth လည်း ပါဝင်ခဲ့သည်။“သမ္မတဟာ ပြည်တွင်းနဲ့ နိုင်ငံတကာစွမ်းအင်စျေးကွက်တွေအပေါ်သူတို့ရဲ့ သဘောထားအမြင်တွေကို သိရှိနိုင်ဖို့အတွက် စွမ်းအင်ကဏ္ဍက အမှုဆောင်တွေနဲ့ မကြာခဏ တွေ့ဆုံလေ့ရှိပြီး မနေ့ကလည်း တွေ့ဆုံခဲ့တာဖြစ်ပါတယ်” ဟု အဆိုပါအရာရှိက ဆိုသည်။ “အမှုဆောင်တွေဟာ ပြည်တွင်း ထုတ်လုပ်မှု၊ ဗင်နီဇွဲလားနိုင်ငံရဲ့ တိုးတက်မှုအခြေအနေ၊ ရေနံကြိုပွိုင့်စျေးကွက်၊ သဘာဝဓာတ်ငွေ့နဲ့ သင်္ဘောကုန်စည်ပို့ဆောင်ရေးအပါအဝင် ခေါင်းစဉ်အတော်များများကို ဆွေးနွေးခဲ့ကြပါတယ်” ဟု ဆက်လက် ပြောကြားခဲ့သည်။ကိုးကား- CNNPhoto: Axiosဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
အီရန်ငွေကြေးတန်ဖိုး စံချိန်တင်ကျဆင်းမှုနှင့်အတူ စီးပွားရေး အကျပ်အတည်း ပိုမိုနက်ရှိုင်းလာ
အီရန်ငွေကြေးတန်ဖိုး စံချိန်တင်ကျဆင်းမှုနှင့်အတူ စီးပွားရေးအကျပ်အတည်း ပိုမိုနက်ရှိုင်းလာ
အီရန်နိုင်ငံ၏ အမျိုးသားငွေကြေးတန်ဖိုးသည် အမေရိကန်ဒေါ်လာနှင့် လဲလှယ်ရာတွင် တစ်ဒေါ်လာလျှင် ရီယယ် (Rials) ၁.၈ သန်းအထိ စံချိန်တင် အနိမ့်ဆုံးသို့ကျဆင်းသွားကြောင်း အီရန်မီဒီယာများက ဖော်ပြခဲ့ကြသည်။ ပြီးခဲ့သည့် နှစ်ရက်အတွင်း၌ပင် ဒေါ်လာစျေးသည် ၂၃,၀၀၀ တိုမန် (Tomans) ထက်မနည်း မြင့်တက်လာခဲ့ရာ ယင်းသည် နိုင်ငံအတွင်းအသုံးများသည့် ငွေကြေးယူနစ်အရ သိသာထင်ရှားသော တန်ဖိုးကျဆင်းမှု ဖြစ်သည်။(အီရန်နိုင်ငံတွင် ငွေကြေးဖောင်းပွမှု အလွန်မြင့်မားသည့်အတွက် Rial ဖြင့် ရေတွက်ပါက သုညများလွန်းသဖြင့် ရှုပ်ထွေးစေပါသည်။ ထို့ကြောင့် စျေးဆိုင်များ၊ စျေးနှုန်းဖော်ပြချက်များနှင့် နေ့စဉ်စကားပြောများတွင် သုညတစ်လုံးလျှော့ထားသည့် Toman ကိုသာ အစဉ်အလာအရ ပိုမိုအသုံးပြုကြခြင်း ဖြစ်ပါသည်။)ထိုကဲ့သို့ ငွေကြေးဖောင်းပွမှု အရှိန်အဟုန်ပြင်းလာရခြင်းမှာ အမေရိကန်နှင့် အစ္စရေးတို့အကြား ရရှိထားသည့် အပစ်အခတ်ရပ်စဲရေး သဘောတူညီချက်များအပေါ် ယုံကြည်မှုအားနည်းခြင်းနှင့် အမေရိကန်က အီရန် ဆိပ်ကမ်းများကို ရေကြောင်းပိတ်ဆို့ကာ ရေနံတင်ပို့မှုကို တင်းကျပ်ထားခြင်းတို့ကြောင့် ဖြစ်သည်။အီရန်နိုင်ငံ၏ စီးပွားရေးသည် လက်ရှိပဋိပက္ခများမတိုင်မီကပင် စီးပွားရေးပိတ်ဆို့မှုများ၊ အကျင့်ပျက်ခြစားမှုနှင့် ငွေကြေးဖောင်းပွမှုဒဏ်တို့ကြောင့် ယိုင်နဲ့နေခဲ့ပြီးဖြစ်သည်။ တစ်ဦးချင်း အမျိုးသားဝင်ငွေမှာလည်း ၂၀၁၂ ခုနှစ်တွင် ဒေါ်လာ ၈,၀၀၀ ရှိခဲ့ရာမှ ၂၀၂၄ ခုနှစ်၌ ဒေါ်လာ ၅,၀၀၀ သို့ သိသိသာသာ လျော့ကျသွားခဲ့သည်။ကုလသမဂ္ဂ ဖွံ့ဖြိုးမှုအစီအစဉ် (UNDP) ကလည်း ယခုဖြစ်ပွားနေသော ပဋိပက္ခများကြောင့် အီရန်ပြည်သူ ၄.၁ သန်းခန့်မှာ ဆင်းရဲမွဲတေမှုတွင်းသို့ ထပ်မံသက်ဆင်းသွားနိုင်ကြောင်းသတိပေးထားရာ အီရန်နိုင်ငံ၏ ရှေ့အလားအလာမှာ ပိုမိုစိုးရိမ်ဖွယ်ရာအခြေအနေသို့ ဆိုက်ရောက်နေပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
ရေနံစျေးနှုန်းများ ဆက်တိုက်မြင့်တက်နေပြီး Wall Street စတော့စျေးကွက် အဖွင့်တွင် သတိကြီးစွာ စောင့်ကြည့်နေကြ
ရေနံစျေးနှုန်းများ ဆက်တိုက်မြင့်တက်နေပြီး Wall Street စတော့စျေးကွက် အဖွင့်တွင် သတိကြီးစွာ စောင့်ကြည့်နေကြ
အမေရိကန်နှင့် အီရန်တို့အကြား သံတမန်ရေးရာ အကျပ်အတည်းများကြောင့် ဟော်မုဇ်ရေလက်ကြား ရေရှည်ပိတ်ဆို့သွားနိုင်သည်ဟူသော ခန့်မှန်းချက်များနှင့်အတူ ကမ္ဘာ့ရေနံစျေးနှုန်းမှာ ဧပြီ ၂၉ ရက်နေ့တွင် တစ်လအတွင်း အမြင့်ဆုံးအဆင့်သို့ ထပ်မံမြင့်တက်လာခဲ့သည်။ကမ္ဘာ့ရေနံစျေးနှုန်းသတ်မှတ်ချက်ဖြစ်သော Brent ရေနံစျေးမှာ ၃.၄ ရာခိုင်နှုန်းမြင့်တက်ပြီး တစ်စည်လျှင် ၁၁၄.၇ ဒေါ်လာ သို့ ရောက်ရှိကာ တစ်ပတ်ကြာ စျေးနှုန်းမြင့်တက်မှုကို ဆက်လက်ထိန်းထားသည်။ အမေရိကန် ရေနံစျေးနှုန်း WTI မှာလည်း ၃.၅ ရာခိုင်နှုန်းမြင့်တက်ပြီး တစ်စည်လျှင် ၁၀၃.၄ ဒေါ်လာ သို့ ရောက်ရှိခဲ့သည်။"စီးပွားရေးတုံ့ဆိုင်းပြီး ကုန်စျေးနှုန်းကြီးမြင့်မှု (Stagflation) ဒဏ်ကို ရေရှည်ခံစားရမှာ စိုးရိမ်မှုတွေမြင့်တက်နေတယ်" ဟု Deutsche Bank မှ လေ့လာဆန်းစစ်သူများက ပြောကြားခဲ့ပြီး ယခုနှစ်နှောင်းပိုင်းတွင် ပေးသွင်းရမည့် Brent ရေနံကြိုတင်ရောင်းဝယ်မှု စာချုပ်စျေးနှုန်းများသည် ပြီးခဲ့သည့် မတ်လကုန်ပိုင်းက ရောက်ရှိခဲ့သော အမြင့်ဆုံးစျေးနှုန်းများအနီးတွင်ရှိနေကြောင်း မှတ်ချက်ပြုခဲ့ကြသည်။ Stagflation ဆိုသည်မှာ စီးပွားရေး ဖွံ့ဖြိုးမှုနှေးကွေးပြီး ငွေကြေးဖောင်းပွမှုနှုန်း အလွန်မြင့်မားနေသည့် ကာလကို ဆိုလိုခြင်းဖြစ်သည်။စစ်ပွဲရပ်တန့်ရန် တီဟီရန်၏ နောက်ဆုံးတင်ပြချက်အပေါ် မိမိအနေဖြင့် ကျေနပ်မှုမရှိကြောင်း အမေရိကန်သမ္မတ ဒေါ်နယ်ထရမ့်က အရိပ်အမြွက် ပြောကြားခဲ့ပြီး အီရန်နိုင်ငံကို ရေရှည်ပိတ်ဆို့ထားနိုင်ရေးအတွက် ပြင်ဆင်ထားကြရန် လက်ထောက်များကို ညွှန်ကြားထားကြောင်း Wall Street Journal က အင်္ဂါနေ့ (ဧပြီ ၂၈) ညပိုင်းတွင် ဖော်ပြခဲ့သည်။အမေရိကန် စတော့စျေးကွက်ကြိုတင်အခြေအနေများ (Stock futures) မှာမူ ရောထွေးနေပြီး နည်းပညာကုမ္ပဏီကြီးများ၏ အမြတ်အစွန်းအစီရင်ခံ စာများ ထွက်ပေါ်လာရန်ရှိခြင်းနှင့် ဂျရုမ်းပါဝဲလ်၏ ဥက္ကဋ္ဌအဖြစ် နောက်ဆုံးအကြိမ်ဖြစ်လာနိုင်ဖွယ်ရှိသော ဗဟိုဘဏ် (Fed) အစည်းအဝေးမတိုင်မီ Wall Street စျေးကွက်တွင် သတိကြီးစွာဖြင့် စတင်ရန် ပြင်ဆင်နေကြသည်။Amazon ၊ Alphabet ၊ Meta နှင့် Microsoft ကုမ္ပဏီများအားလုံးသည် စျေးကွက်ပိတ်ချိန်နောက်ပိုင်းတွင် ၎င်းတို့၏ ဘဏ္ဍာရေးရလဒ်များကို အစီရင်ခံတင်ပြကြမည်ဖြစ်သည်။အီရန်စစ်ပွဲကြောင့် ကုန်စျေးနှုန်းများအပေါ် မည်မျှအထိ သက်ရောက်မှုရှိမည်ကို ရှင်းလင်းစွာ မသိရသေးမီအထိ ဗဟိုဘဏ်အနေဖြင့် အတိုးနှုန်း ကို ပြောင်းလဲမည်မဟုတ်ဟု ရင်းနှီးမြှုပ်နှံသူများက ခန့်မှန်းထားကြသည်။ ရေနံစျေးနှုန်းမြင့်တက်လာခြင်းကြောင့် ဥရောပစတော့ စျေးကွက်များ အပေါ် ဖိအားသက်ရောက်ခဲ့ပြီး ဧပြီ ၂၉ ရက် နေ့လယ်ပိုင်း အရောင်းအဝယ်များတွင် စျေးကွက်အများစု ကျဆင်းခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
© Copyright 2024 SAC All Rights Reserved.