ကျောက်ဆည်မြို့နယ်၌ မျိုးစပါးဖူလုံပိုလျှံရေး မျိုးစေ့ထုတ်စပါးများ စိုက်ပျိုး

KookieSpace97

News Image

  • ကျောက်ဆည်မြို့နယ်၌ မျိုးစပါးဖူလုံပိုလျှံရေး မျိုးစေ့ထုတ်စပါးများ စိုက်ပျိုး

ကျောက်ဆည်၊ ဧပြီ ၂၉

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်သည် ဆည်ရေသောက်စနစ်ဖြင့် ဆန်စပါးကို အဓိကထား စိုက်ပျိုးလျက်ရှိပြီး ဒေသတွင်း စပါးမျိုးစေ့ဖူလုံပိုလျှံရေး ၂၀၂၅-၂၀၂၆ ခုနှစ် နွေရာသီ၌ ရွှေမနော် စပါးမျိုးစေ့ထုတ် (၁၀၀)ဧက စိုက်ပျိုးထားကြောင်း သိရသည်။

မျိုးစေ့ထုတ် ရွှေမနော် စပါးများကို အင်တိုင်းကျေးရွာ ကွင်းအမှတ် ၁၄၉ မှ တောင်သူများဖြစ်သော ဦးဆန်းဦး၏ ဦးပိုင်အမှတ်(၁၀၃/၁)တွင် ၅ ဒသမ ၅၀ ဧက၊ ဦးအေးလွင်၏ ဦးပိုင်အမှတ်(၁၀၂/၁)တွင် ၃ ဒသမ ၅၀ ဧက၊ ဦးသောင်းစိန်၏ ဦးပိုင်အမှတ်(၁၀၄/၆)တွင် ၈ ဒသမ ၅၀ ဧက၊ ဦးသိန်းဇော်၏ ဦးပိုင်အမှတ်(၁၂၃/၁)တွင် ၅ ဧက၊ ဦးဖိုးကျော်၏ ဦးပိုင်အမှတ်(၁၁၁)တွင် ၅ ဧက၊ ဦးစိုးဝင်း၏ ဦးပိုင်အမှတ်(၁၀၃/၂)တွင် ၆ ဧက၊ ဒေါ်တုတ်၏ ဦးပိုင်အမှတ်(၁၀၂/၂)တွင် ၄ ဒသမ ၅၀ ဧက၊ ဦးဆန်းကို ၏ ဦးပိုင်အမှတ်(၃၂/၁)တွင် ၃ ဒသမ ၅၀ ဧက၊ ဦးစိုးရွှေ၏ ဦးပိုင်အမှတ်(၁၀၃/၁)တွင် ၅ ဒသမ ၅၀ ဧက၊ ဦးထွန်းတင်၏ ဦးပိုင်အမှတ်(၁၃၃)တွင် ၉ ဧက၊ ဦးမြင့်၏ ဦးပိုင် အမှတ်(၁၃၀/၁)တွင် ၈ ဧက၊ ဦးစိုးသူဝင်း၏ ဦးပိုင်အမှတ်(၁၀၁/၁)တွင် ၁၅ ဧက၊ ဦးကျော်ဝင်းစိန်၏ ဦးပိုင်အမှတ် (၁၃၂/၄)တွင် ၁၁ ဧက စိုက်ပျိုးထားကြောင်း မြို့နယ်စိုက်ပျိုးရေးဦးစီးဌာနမှ သိရသည်။

မျိုးစေ့ထုတ်စပါးခင်းများ အောင်မြင်ရေး သိပ္ပံနည်းကျစိုက်နည်းစနစ်ဖြင့် စိုက်ပျိုးထားပြီး မြို့နယ်စိုက်ပျိုးရေးဦးစီးဌာနမှ ဝန်ထမ်းများမှ တောင်သူများနှင့်ပူးပေါင်း၍ မြေပြုပြင်ချိန်၊ စပါးပျိုးထောင်ချိန်မှစ၍ ကွင်းဆင်းဆောင်ရွက်ပေးလျက်ရှိကြောင်း သိရသည်။

သက်မောင်(ကျောက်ဆည်)

 

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ကျောက်ဆည်မြို့နယ်၌ မျိုးစပါးဖူလုံပိုလျှံရေး မျိုးစေ့ထုတ်စပါးများ စိုက်ပျိုး
ကျောက်ဆည်မြို့နယ်၌ မျိုးစပါးဖူလုံပိုလျှံရေး မျိုးစေ့ထုတ်စပါးများ စိုက်ပျိုး
ကျောက်ဆည်၊ ဧပြီ ၂၉မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်သည် ဆည်ရေသောက်စနစ်ဖြင့် ဆန်စပါးကို အဓိကထား စိုက်ပျိုးလျက်ရှိပြီး ဒေသတွင်း စပါးမျိုးစေ့ဖူလုံပိုလျှံရေး ၂၀၂၅-၂၀၂၆ ခုနှစ် နွေရာသီ၌ ရွှေမနော် စပါးမျိုးစေ့ထုတ် (၁၀၀)ဧက စိုက်ပျိုးထားကြောင်း သိရသည်။မျိုးစေ့ထုတ် ရွှေမနော် စပါးများကို အင်တိုင်းကျေးရွာ ကွင်းအမှတ် ၁၄၉ မှ တောင်သူများဖြစ်သော ဦးဆန်းဦး၏ ဦးပိုင်အမှတ်(၁၀၃/၁)တွင် ၅ ဒသမ ၅၀ ဧက၊ ဦးအေးလွင်၏ ဦးပိုင်အမှတ်(၁၀၂/၁)တွင် ၃ ဒသမ ၅၀ ဧက၊ ဦးသောင်းစိန်၏ ဦးပိုင်အမှတ်(၁၀၄/၆)တွင် ၈ ဒသမ ၅၀ ဧက၊ ဦးသိန်းဇော်၏ ဦးပိုင်အမှတ်(၁၂၃/၁)တွင် ၅ ဧက၊ ဦးဖိုးကျော်၏ ဦးပိုင်အမှတ်(၁၁၁)တွင် ၅ ဧက၊ ဦးစိုးဝင်း၏ ဦးပိုင်အမှတ်(၁၀၃/၂)တွင် ၆ ဧက၊ ဒေါ်တုတ်၏ ဦးပိုင်အမှတ်(၁၀၂/၂)တွင် ၄ ဒသမ ၅၀ ဧက၊ ဦးဆန်းကို ၏ ဦးပိုင်အမှတ်(၃၂/၁)တွင် ၃ ဒသမ ၅၀ ဧက၊ ဦးစိုးရွှေ၏ ဦးပိုင်အမှတ်(၁၀၃/၁)တွင် ၅ ဒသမ ၅၀ ဧက၊ ဦးထွန်းတင်၏ ဦးပိုင်အမှတ်(၁၃၃)တွင် ၉ ဧက၊ ဦးမြင့်၏ ဦးပိုင် အမှတ်(၁၃၀/၁)တွင် ၈ ဧက၊ ဦးစိုးသူဝင်း၏ ဦးပိုင်အမှတ်(၁၀၁/၁)တွင် ၁၅ ဧက၊ ဦးကျော်ဝင်းစိန်၏ ဦးပိုင်အမှတ် (၁၃၂/၄)တွင် ၁၁ ဧက စိုက်ပျိုးထားကြောင်း မြို့နယ်စိုက်ပျိုးရေးဦးစီးဌာနမှ သိရသည်။မျိုးစေ့ထုတ်စပါးခင်းများ အောင်မြင်ရေး သိပ္ပံနည်းကျစိုက်နည်းစနစ်ဖြင့် စိုက်ပျိုးထားပြီး မြို့နယ်စိုက်ပျိုးရေးဦးစီးဌာနမှ ဝန်ထမ်းများမှ တောင်သူများနှင့်ပူးပေါင်း၍ မြေပြုပြင်ချိန်၊ စပါးပျိုးထောင်ချိန်မှစ၍ ကွင်းဆင်းဆောင်ရွက်ပေးလျက်ရှိကြောင်း သိရသည်။သက်မောင်(ကျောက်ဆည်) 
Wed, 29-Apr-2026
ရေနံစျေးနှုန်းများ မြင့်တက်နေသည့်အတွက် သမ္မတ ထရမ့်နှင့် စွမ်းအင် ကဏ္ဍမှ အမှုဆောင်အရာရှိများ အိမ်ဖြူတော်တွင် တွေ့ဆုံ
ရေနံစျေးနှုန်းများ မြင့်တက်နေသည့်အတွက် သမ္မတ ထရမ့်နှင့် စွမ်းအင်ကဏ္ဍမှ အမှုဆောင်အရာရှိများ အိမ်ဖြူတော်တွင် တွေ့ဆုံ
သမ္မတ ဒေါ်နယ်ထရမ့်နှင့် ၎င်း၏ထိပ်တန်းလက်ထောက်အချို့သည် အင်္ဂါနေ့ (ဧပြီ ၂၈) က အိမ်ဖြူတော်တွင် စွမ်းအင်ကဏ္ဍမှ အမှုဆောင် အရာရှိ များနှင့်တွေ့ဆုံခဲ့ပြီး အီရန်နှင့်ဖြစ်ပွားနေသည့် စစ်ပွဲကြောင့် ရေနံစျေးနှုန်းများအပေါ် ဆက်လက်သက်ရောက်နေသည့် ဖိအားများအပါအဝင်အခြားသောအကြောင်းအရာများကို ဆွေးနွေးခဲ့ကြကြောင်း အိမ်ဖြူတော်အရာရှိတစ်ဦးက CNN သို့ ပြောကြားခဲ့သည်။ယင်းတွေ့ဆုံပွဲသို့ အိမ်ဖြူတော်စစ်ဦးစီးချုပ် Susie Wiles ၊ ဘဏ္ဍာရေးဝန်ကြီး Scott Bessent ၊ အထူးကိုယ်စားလှယ် Steve Witkoff နှင့် သမ္မတ၏ သမက်ဖြစ်သူ Jared Kushner တို့ တက်ရောက်ခဲ့ကြကြောင်း အဆိုပါအရာရှိက ဆိုသည်။ တက်ရောက်လာသည့် ရေနံနှင့် သဘာဝဓာတ်ငွေ့ဆိုင်ရာအမှုဆောင်များထဲတွင် Chevron ကုမ္ပဏီ၏ အမှုဆောင် အရာရှိချုပ် Mike Wirth လည်း ပါဝင်ခဲ့သည်။“သမ္မတဟာ ပြည်တွင်းနဲ့ နိုင်ငံတကာစွမ်းအင်စျေးကွက်တွေအပေါ်သူတို့ရဲ့ သဘောထားအမြင်တွေကို သိရှိနိုင်ဖို့အတွက် စွမ်းအင်ကဏ္ဍက အမှုဆောင်တွေနဲ့ မကြာခဏ တွေ့ဆုံလေ့ရှိပြီး မနေ့ကလည်း တွေ့ဆုံခဲ့တာဖြစ်ပါတယ်” ဟု အဆိုပါအရာရှိက ဆိုသည်။ “အမှုဆောင်တွေဟာ ပြည်တွင်း ထုတ်လုပ်မှု၊ ဗင်နီဇွဲလားနိုင်ငံရဲ့ တိုးတက်မှုအခြေအနေ၊ ရေနံကြိုပွိုင့်စျေးကွက်၊ သဘာဝဓာတ်ငွေ့နဲ့ သင်္ဘောကုန်စည်ပို့ဆောင်ရေးအပါအဝင် ခေါင်းစဉ်အတော်များများကို ဆွေးနွေးခဲ့ကြပါတယ်” ဟု ဆက်လက် ပြောကြားခဲ့သည်။ကိုးကား- CNNPhoto: Axiosဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
အီရန်ငွေကြေးတန်ဖိုး စံချိန်တင်ကျဆင်းမှုနှင့်အတူ စီးပွားရေး အကျပ်အတည်း ပိုမိုနက်ရှိုင်းလာ
အီရန်ငွေကြေးတန်ဖိုး စံချိန်တင်ကျဆင်းမှုနှင့်အတူ စီးပွားရေးအကျပ်အတည်း ပိုမိုနက်ရှိုင်းလာ
အီရန်နိုင်ငံ၏ အမျိုးသားငွေကြေးတန်ဖိုးသည် အမေရိကန်ဒေါ်လာနှင့် လဲလှယ်ရာတွင် တစ်ဒေါ်လာလျှင် ရီယယ် (Rials) ၁.၈ သန်းအထိ စံချိန်တင် အနိမ့်ဆုံးသို့ကျဆင်းသွားကြောင်း အီရန်မီဒီယာများက ဖော်ပြခဲ့ကြသည်။ ပြီးခဲ့သည့် နှစ်ရက်အတွင်း၌ပင် ဒေါ်လာစျေးသည် ၂၃,၀၀၀ တိုမန် (Tomans) ထက်မနည်း မြင့်တက်လာခဲ့ရာ ယင်းသည် နိုင်ငံအတွင်းအသုံးများသည့် ငွေကြေးယူနစ်အရ သိသာထင်ရှားသော တန်ဖိုးကျဆင်းမှု ဖြစ်သည်။(အီရန်နိုင်ငံတွင် ငွေကြေးဖောင်းပွမှု အလွန်မြင့်မားသည့်အတွက် Rial ဖြင့် ရေတွက်ပါက သုညများလွန်းသဖြင့် ရှုပ်ထွေးစေပါသည်။ ထို့ကြောင့် စျေးဆိုင်များ၊ စျေးနှုန်းဖော်ပြချက်များနှင့် နေ့စဉ်စကားပြောများတွင် သုညတစ်လုံးလျှော့ထားသည့် Toman ကိုသာ အစဉ်အလာအရ ပိုမိုအသုံးပြုကြခြင်း ဖြစ်ပါသည်။)ထိုကဲ့သို့ ငွေကြေးဖောင်းပွမှု အရှိန်အဟုန်ပြင်းလာရခြင်းမှာ အမေရိကန်နှင့် အစ္စရေးတို့အကြား ရရှိထားသည့် အပစ်အခတ်ရပ်စဲရေး သဘောတူညီချက်များအပေါ် ယုံကြည်မှုအားနည်းခြင်းနှင့် အမေရိကန်က အီရန် ဆိပ်ကမ်းများကို ရေကြောင်းပိတ်ဆို့ကာ ရေနံတင်ပို့မှုကို တင်းကျပ်ထားခြင်းတို့ကြောင့် ဖြစ်သည်။အီရန်နိုင်ငံ၏ စီးပွားရေးသည် လက်ရှိပဋိပက္ခများမတိုင်မီကပင် စီးပွားရေးပိတ်ဆို့မှုများ၊ အကျင့်ပျက်ခြစားမှုနှင့် ငွေကြေးဖောင်းပွမှုဒဏ်တို့ကြောင့် ယိုင်နဲ့နေခဲ့ပြီးဖြစ်သည်။ တစ်ဦးချင်း အမျိုးသားဝင်ငွေမှာလည်း ၂၀၁၂ ခုနှစ်တွင် ဒေါ်လာ ၈,၀၀၀ ရှိခဲ့ရာမှ ၂၀၂၄ ခုနှစ်၌ ဒေါ်လာ ၅,၀၀၀ သို့ သိသိသာသာ လျော့ကျသွားခဲ့သည်။ကုလသမဂ္ဂ ဖွံ့ဖြိုးမှုအစီအစဉ် (UNDP) ကလည်း ယခုဖြစ်ပွားနေသော ပဋိပက္ခများကြောင့် အီရန်ပြည်သူ ၄.၁ သန်းခန့်မှာ ဆင်းရဲမွဲတေမှုတွင်းသို့ ထပ်မံသက်ဆင်းသွားနိုင်ကြောင်းသတိပေးထားရာ အီရန်နိုင်ငံ၏ ရှေ့အလားအလာမှာ ပိုမိုစိုးရိမ်ဖွယ်ရာအခြေအနေသို့ ဆိုက်ရောက်နေပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
ရေနံစျေးနှုန်းများ ဆက်တိုက်မြင့်တက်နေပြီး Wall Street စတော့စျေးကွက် အဖွင့်တွင် သတိကြီးစွာ စောင့်ကြည့်နေကြ
ရေနံစျေးနှုန်းများ ဆက်တိုက်မြင့်တက်နေပြီး Wall Street စတော့စျေးကွက် အဖွင့်တွင် သတိကြီးစွာ စောင့်ကြည့်နေကြ
အမေရိကန်နှင့် အီရန်တို့အကြား သံတမန်ရေးရာ အကျပ်အတည်းများကြောင့် ဟော်မုဇ်ရေလက်ကြား ရေရှည်ပိတ်ဆို့သွားနိုင်သည်ဟူသော ခန့်မှန်းချက်များနှင့်အတူ ကမ္ဘာ့ရေနံစျေးနှုန်းမှာ ဧပြီ ၂၉ ရက်နေ့တွင် တစ်လအတွင်း အမြင့်ဆုံးအဆင့်သို့ ထပ်မံမြင့်တက်လာခဲ့သည်။ကမ္ဘာ့ရေနံစျေးနှုန်းသတ်မှတ်ချက်ဖြစ်သော Brent ရေနံစျေးမှာ ၃.၄ ရာခိုင်နှုန်းမြင့်တက်ပြီး တစ်စည်လျှင် ၁၁၄.၇ ဒေါ်လာ သို့ ရောက်ရှိကာ တစ်ပတ်ကြာ စျေးနှုန်းမြင့်တက်မှုကို ဆက်လက်ထိန်းထားသည်။ အမေရိကန် ရေနံစျေးနှုန်း WTI မှာလည်း ၃.၅ ရာခိုင်နှုန်းမြင့်တက်ပြီး တစ်စည်လျှင် ၁၀၃.၄ ဒေါ်လာ သို့ ရောက်ရှိခဲ့သည်။"စီးပွားရေးတုံ့ဆိုင်းပြီး ကုန်စျေးနှုန်းကြီးမြင့်မှု (Stagflation) ဒဏ်ကို ရေရှည်ခံစားရမှာ စိုးရိမ်မှုတွေမြင့်တက်နေတယ်" ဟု Deutsche Bank မှ လေ့လာဆန်းစစ်သူများက ပြောကြားခဲ့ပြီး ယခုနှစ်နှောင်းပိုင်းတွင် ပေးသွင်းရမည့် Brent ရေနံကြိုတင်ရောင်းဝယ်မှု စာချုပ်စျေးနှုန်းများသည် ပြီးခဲ့သည့် မတ်လကုန်ပိုင်းက ရောက်ရှိခဲ့သော အမြင့်ဆုံးစျေးနှုန်းများအနီးတွင်ရှိနေကြောင်း မှတ်ချက်ပြုခဲ့ကြသည်။ Stagflation ဆိုသည်မှာ စီးပွားရေး ဖွံ့ဖြိုးမှုနှေးကွေးပြီး ငွေကြေးဖောင်းပွမှုနှုန်း အလွန်မြင့်မားနေသည့် ကာလကို ဆိုလိုခြင်းဖြစ်သည်။စစ်ပွဲရပ်တန့်ရန် တီဟီရန်၏ နောက်ဆုံးတင်ပြချက်အပေါ် မိမိအနေဖြင့် ကျေနပ်မှုမရှိကြောင်း အမေရိကန်သမ္မတ ဒေါ်နယ်ထရမ့်က အရိပ်အမြွက် ပြောကြားခဲ့ပြီး အီရန်နိုင်ငံကို ရေရှည်ပိတ်ဆို့ထားနိုင်ရေးအတွက် ပြင်ဆင်ထားကြရန် လက်ထောက်များကို ညွှန်ကြားထားကြောင်း Wall Street Journal က အင်္ဂါနေ့ (ဧပြီ ၂၈) ညပိုင်းတွင် ဖော်ပြခဲ့သည်။အမေရိကန် စတော့စျေးကွက်ကြိုတင်အခြေအနေများ (Stock futures) မှာမူ ရောထွေးနေပြီး နည်းပညာကုမ္ပဏီကြီးများ၏ အမြတ်အစွန်းအစီရင်ခံ စာများ ထွက်ပေါ်လာရန်ရှိခြင်းနှင့် ဂျရုမ်းပါဝဲလ်၏ ဥက္ကဋ္ဌအဖြစ် နောက်ဆုံးအကြိမ်ဖြစ်လာနိုင်ဖွယ်ရှိသော ဗဟိုဘဏ် (Fed) အစည်းအဝေးမတိုင်မီ Wall Street စျေးကွက်တွင် သတိကြီးစွာဖြင့် စတင်ရန် ပြင်ဆင်နေကြသည်။Amazon ၊ Alphabet ၊ Meta နှင့် Microsoft ကုမ္ပဏီများအားလုံးသည် စျေးကွက်ပိတ်ချိန်နောက်ပိုင်းတွင် ၎င်းတို့၏ ဘဏ္ဍာရေးရလဒ်များကို အစီရင်ခံတင်ပြကြမည်ဖြစ်သည်။အီရန်စစ်ပွဲကြောင့် ကုန်စျေးနှုန်းများအပေါ် မည်မျှအထိ သက်ရောက်မှုရှိမည်ကို ရှင်းလင်းစွာ မသိရသေးမီအထိ ဗဟိုဘဏ်အနေဖြင့် အတိုးနှုန်း ကို ပြောင်းလဲမည်မဟုတ်ဟု ရင်းနှီးမြှုပ်နှံသူများက ခန့်မှန်းထားကြသည်။ ရေနံစျေးနှုန်းမြင့်တက်လာခြင်းကြောင့် ဥရောပစတော့ စျေးကွက်များ အပေါ် ဖိအားသက်ရောက်ခဲ့ပြီး ဧပြီ ၂၉ ရက် နေ့လယ်ပိုင်း အရောင်းအဝယ်များတွင် စျေးကွက်အများစု ကျဆင်းခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
ရေနံစျေးနှုန်း အတက်အကျများကြောင့် TotalEnergies နှင့် UBS တို့၏ အကျိုးအမြတ်များ အဆမတန် မြင့်တက်လာ
ရေနံစျေးနှုန်း အတက်အကျများကြောင့် TotalEnergies နှင့် UBS တို့၏ အကျိုးအမြတ်များ အဆမတန် မြင့်တက်လာ
အီရန်စစ်ပွဲကြောင့် ရေနံစျေးနှုန်းများ မြင့်တက်လာခြင်းနှင့် စျေးကွက်အတွင်း အတက်အကျ အလွန်အမင်းဖြစ်ပေါ်နေခြင်းတို့ကြောင့် ပြင်သစ် စွမ်းအင်ကုမ္ပဏီ TotalEnergies နှင့် ဆွစ်ဇာလန်ဘဏ် UBS တို့၏ အမြတ်အစွန်းများ သိသိသာသာ မြင့်တက်လာခဲ့သည်။TotalEnergies ၏ ဧပြီ ၂၉ ရက်နေ့ထုတ်ပြန်ချက်အရ ယခုနှစ် ပထမသုံးလပတ်အတွင်း အမြတ်ငွေ ၂၉ ရာခိုင်နှုန်း မြင့်တက်ခဲ့ပြီး အမေရိကန် ဒေါ်လာ ၅.၄ ဘီလီယံအထိ ရရှိခဲ့ကြောင်း သိရှိရသည်။ ယင်းသို့ အမြတ်များရရှိခြင်းမှာ ရေနံစျေးနှုန်းအပြောင်းအလဲများကြောင့် တစ်စိတ်တစ်ပိုင်းပါဝင်ပြီး တစ်ဖက်တွင်မူ စစ်ပွဲကြောင့် အရှေ့အလယ်ပိုင်းရှိ ရေနံနှင့် သဘာဝဓာတ်ငွေ့ထုတ်လုပ်မှုအချို့ကို ရပ်နားခဲ့ရသဖြင့် ထိုအဖွဲ့၏ စုစုပေါင်းထုတ်လုပ်မှု ၁၅ ရာခိုင်နှုန်းခန့် ထိခိုက်ခဲ့ရသည်။ဧပြီ ၂၈ ရက်နေ့ကလည်း ပြိုင်ဘက်ရေနံကုမ္ပဏီတစ်ခုဖြစ်သော BP သည် ရေနံစျေးနှုန်း အပြောင်းအလဲအလွန်အမင်းဖြစ်ပေါ်မှုကိုအသုံးချ၍ အရောင်း အဝယ်ပြုလုပ်ခဲ့ရာမှ ပထမသုံးလပတ်အတွင်း အမြတ်ငွေနှစ်ဆကျော် ရရှိခဲ့ကြောင်း အစီရင်ခံခဲ့သည်။ စစ်ပွဲကြောင့် ရရှိလာသော ထိုကဲ့သို့သော အကျိုးအမြတ်များအပေါ် အထူးအခွန် (Windfall Taxes) များ စည်းကြပ်ရန် တောင်းဆိုမှုများပေါ်ထွက်လာနေပြီး အိမ်ထောင်စုများအတွက် မြင့်တက် နေသော ဂက်စ်နှင့် လျှပ်စစ်ဓာတ်အားခစရိတ်များကို အဆိုပါအခွန်ငွေဖြင့် ပြန်လည်ကုစားပေးရန် ရည်ရွယ်ခြင်းဖြစ်သည်။တစ်ချိန်တည်းမှာပင် UBS ဘဏ်သည်လည်း ဘဏ္ဍာရေးစျေးကွက် မတည်ငြိမ်မှုများကြောင့် ဖောက်သည်များ၏ ရင်းနှီးမြှုပ်နှံမှုနှင့် ကုန်သွယ်မှုများ ပိုမိုများပြားလာသဖြင့် ပထမသုံးလပတ် အမြတ်ငွေ ၈၀ ရာခိုင်နှုန်းအထိ မြင့်တက်ကာ ဒေါ်လာ ၃ ဘီလီယံ ရရှိခဲ့သည်။ UBS ၏ စီအီးအို Sergio Ermotti က “ပထမသုံးလပတ်အတွင်းမှာ ခန့်မှန်းရခက်တဲ့ ပထဝီ နိုင်ငံရေးနဲ့ စျေးကွက်အခြေအနေတွေကြားမှာ ကျွန်တော်တို့ရဲ့ ဖောက်သည်တွေကို လမ်းညွှန်ကူညီပေးနိုင်ခဲ့ပါတယ်” ဟု အမြတ်အစွန်း ထုတ်ပြန်ချက်တွင် ထည့်သွင်းပြောကြားခဲ့သည်။ ဇူးရစ်မြို့တွင် UBS ဘဏ်၏ ရှယ်ယာစျေးနှုန်းမှာလည်း ၄.၅ ရာခိုင်နှုန်း မြင့်တက်ခဲ့ပြီး ၃၄.၈ ဆွစ်ဖရန့် (၄၄ ဒေါ်လာ) သို့ ရောက်ရှိသွားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
OPEC မှ UAE နုတ်ထွက်သည့်သတင်းထက် ရေနံလမ်းကြောင်းပိတ်ဆို့မှုက ဈေးကွက်အပေါ် သက်ရောက်မှု ပိုကြီးမားနေ
OPEC မှ UAE နုတ်ထွက်သည့်သတင်းထက် ရေနံလမ်းကြောင်းပိတ်ဆို့မှုက ဈေးကွက်အပေါ် သက်ရောက်မှု ပိုကြီးမားနေ
UAE က OPEC အဖွဲ့မှ နုတ်ထွက်တော့မည်ဖြစ်၍ ရေနံစိမ်း ပိုမို ထုတ်လုပ်ခွင့်ရရှိတော့မည်ဆိုသည့် သတင်းထက် လက်ရှိဖြစ်ပေါ်နေသော ဟော်မုဇ် ရေလက်ကြား ပိတ်ဆို့မှုအပေါ် စိုးရိမ်ပူပန်မှုများက ပိုမိုကြီးမားနေသည့်အတွက် ဧပြီ ၂၉ ရက်နေ့တွင် ရေနံဈေးနှုန်းများ ပြန်လည်မြင့်တက် လာခဲ့သည်။ ကမ္ဘာ့ရေနံဈေးနှုန်းအညွှန်းကိန်းဖြစ်သော Brent ရေနံစိမ်းဈေးသည် ၂.၃ ရာခိုင်နှုန်း မြင့်တက်ကာ တစ်စည်လျှင် ၁၁၃.၈ ဒေါ်လာ သို့ ရောက်ရှိခဲ့ပြီး အင်္ဂါနေ့ (ဧပြီ ၂၈) က လေးပတ်တာကာလအတွင်း အမြင့်ဆုံးဈေးဖြင့် ဈေးပိတ်ခဲ့သည်။ အမေရိကန်ရေနံညွှန်းကိန်းဖြစ်သော WTI သည်လည်း ၂.၅ ရာခိုင်နှုန်း မြင့်တက်ကာ တစ်စည်လျှင် ၁၀၂.၄ ဒေါ်လာ ဖြစ်လာခဲ့သည်။ SPI Asset Management မှ စီမံခန့်ခွဲမှုဒါရိုက်တာ Stephen Innes က "ဈေးနှုန်းတွေ ၁၁၀ ဒေါ်လာအထက်ကို ပြန်တက်လာတာဟာ စနစ်တစ်ခုလုံးရဲ့ အရေးအပါဆုံး ရေနံလမ်းကြောင်းမှာ စီးဆင်းမှုတွေ ပြတ်တောက်နေတာကို ထင်ဟပ်နေတာ ဖြစ်ပါတယ်" ဟု မှတ်ချက်ပြုရေးသားခဲ့သည်။ အမေရိကန်သမ္မတ ဒေါ်နယ်ထရမ့်က အီရန်ကို ကာလရှည်ကြာ ပိတ်ဆို့ထားနိုင်ရေး ပြင်ဆင်ကြရန် လက်ထောက်များကို ညွှန်ကြားထားကြောင်း Wall Street Journal က အင်္ဂါနေ့ (ဧပြီ ၂၈) ညနေပိုင်းတွင် ဖော်ပြခဲ့သည်။ တစ်ဖက်တွင်လည်း ပါကစ္စတန်ရှိ ကြားဝင်စေ့စပ်ပေးသူများသည် စစ်ပွဲအဆုံးသတ်ရန်အတွက် အီရန်ထံမှ ပြင်ဆင်ထားသော အဆိုပြုချက်အသစ်ကို လာမည့်ရက်အနည်းငယ်အတွင်းရရှိရန် မျှော်လင့်ထားကြောင်း CNN သို့ ပြောကြားခဲ့သည်။ UAE နိုင်ငံသည် ယခုသီတင်းပတ်အတွင်း OPEC အဖွဲ့မှ နုတ်ထွက်တော့မည် ဟု အင်္ဂါနေ့ (ဧပြီ ၂၈) က ပြောကြားခဲ့ရာ ယင်းသည် ရေရှည်တွင် ကမ္ဘာ့ရေနံထောက်ပံ့မှုကိုတိုးလာစေပြီး ဈေးနှုန်းများကို ပြန်လည်ကျဆင်းစေနိုင်သည့် ထိတ်လန့်ဖွယ်ရာ လုပ်ဆောင်ချက်တစ်ခုဖြစ်လာခဲ့သည်။ ကိုးကား- CNN ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 29-Apr-2026
© Copyright 2024 SAC All Rights Reserved.