ဂျာမနီ ဆိုရှယ်ဒီမိုကရက်တစ် လူငယ်အဖွဲ့က လက်ထပ်ထိမ်းမြားခြင်းစနစ်ကို ဖျက်သိမ်းရန် အဆိုပြု

KookieSpace97

News Image

  • ဂျာမနီ ဆိုရှယ်ဒီမိုကရက်တစ် လူငယ်အဖွဲ့က လက်ထပ်ထိမ်းမြားခြင်း စနစ်ကို ဖျက်သိမ်းရန် အဆိုပြု

ဂျာမနီနိုင်ငံ၊ ဘာလင်မြို့ရှိ ဆိုရှယ်ဒီမိုကရက်တစ်ပါတီ (SPD) ၏ လူငယ် အဖွဲ့ခွဲ (Jusos) က လက်ရှိကျင့်သုံးနေသည့် လက်ထပ်ထိမ်းမြားခြင်း စနစ်ကို ဖျက်သိမ်းပြီး "တာဝန်ယူမှုရှိသော လူမှုအသိုက်အဝန်း" အမည်ရှိ အတူတကွနေထိုင်သည့် လက်တွဲဖော်စနစ်ဖြင့် အစားထိုးရန် အဆိုပြု လိုက်ခြင်းကြောင့် နိုင်ငံရေးလောကတွင် ဂယက်ရိုက်ခတ်မှုများ ဖြစ်ပေါ်နေသည်။

၎င်းတို့၏ ‘အချစ်ထက် လွတ်လပ်မှုနှင့်တန်းတူညီမျှမှုက ပို၍ အရေးကြီးသည်’ ဟူသော ခံယူချက်အရ လက်ထပ်ခြင်းသည် အမျိုးသားများက အမျိုးသမီးများကိုဖိနှိပ်သည့် ပဒေသရာဇ်စနစ်၏ အဓိကယန္တရားဖြစ်ပြီး လူသားတို့၏လွတ်လပ်ခွင့်ကို ကန့်သတ်နေသည်ဟု ဝေဖန်ထားသည်။ 

ထို့အပြင် လက်ထပ်ထိမ်းမြားခြင်းစနစ်သည် အရင်းရှင်စနစ်နှင့် လူမျိုးရေးခွဲခြားမှုဆိုင်ရာမူဝါဒများကို အားပေးနေသည့်အတွက် လက်ထပ်ခြင်းနှင့် သက်ဆိုင်သော အခွန်သက်သာခွင့်များနှင့် ဥပဒေကြောင်းဆိုင်ရာ အခွင့်အရေးအားလုံးကို ပယ်ဖျက်ကာ နှစ်ဦးသဘောတူစာဖြင့် လျှောက်ထားရုံဖြင့် တည်မြဲပြီး အချိန်မရွေး လွယ်ကူစွာလမ်းခွဲနိုင်သည့် စနစ်သစ်တစ်ခုကို ဖော်ဆောင်ရန် တောင်းဆိုထားခြင်း ဖြစ်သည်။

သို့သော်လည်း ယင်းအဆိုပြုချက်သည် ဂျာမနီအခြေခံဥပဒေ ပုဒ်မ (၆) အရ အကာအကွယ်ပေးထားသည့် မိသားစုတန်ဖိုးများနှင့် ဆန့်ကျင်ဘက်ဖြစ်နေပြီး မီဒီယာများ၏ ခန့်မှန်းချက်အရ အဆိုပါကိစ္စကို ၂၀၂၇ ခုနှစ် မတိုင်မီ ဆွေးနွေးဖြစ်ရန် အလားအလာ နည်းပါးနေသည်။ တစ်ဖက်တွင်လည်း SPD ပါတီ၏ လူထုထောက်ခံမှုနှုန်းသည် ၁၃ ရာခိုင်နှုန်းခန့်အထိ စံချိန်တင်ကျဆင်းနေချိန်တွင် မိသားစုတန်ဖိုးများကို အလေးထားသည့် လက်ယာယိမ်း Alternative for Germany (AfD) ပါတီကမူ ထောက်ခံမှုနှုန်း ၂၈ ရာခိုင်နှုန်းအထိ မြင့်တက်လာကာ လူကြိုက်များမှု အမြင့်ဆုံးအဆင့်သို့ ရောက်ရှိနေသည်။

ထို့ကြောင့် ယခုကဲ့သို့ အစွန်းရောက်သည်ဟု ယူဆရသည့် အဆိုပြုချက်များသည် ဂျာမနီနိုင်ငံ၏ နိုင်ငံရေးအခင်းအကျင်းနှင့် လူထုသဘောထား အပေါ် သိသာထင်ရှားသည့် ရိုက်ခတ်မှုများ ရှိလာနိုင်ကြောင်း သုံးသပ်ရပါသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ပြည်သူ့လွှတ်တော်ဥက္ကဋ္ဌ ဦးခင်ရီ ပဲခူးတိုင်းဒေသကြီးအတွင်းရှိ လွှတ်တော်ကိုယ်စားလှယ်များနှင့်တွေ့ဆုံ
ပြည်သူ့လွှတ်တော်ဥက္ကဋ္ဌ ဦးခင်ရီ ပဲခူးတိုင်းဒေသကြီးအတွင်းရှိ လွှတ်တော်ကိုယ်စားလှယ်များနှင့်တွေ့ဆုံ
ပဲခူး မေ ၁ပြည်သူ့လွှတ်တော်ဥက္ကဋ္ဌ ဦးခင်ရီသည် ပဲခူးတိုင်းဒေသကြီးအတွင်းရှိ ပြည်သူ့လွှတ်တော်၊ အမျိုးသားလွှတ်တော်နှင့် တိုင်းဒေသကြီးလွှတ်တော် ကိုယ်စားလှယ်များအား ယနေ့နံနက်ပိုင်းတွင် ပဲခူး တိုင်းဒေသကြီးလွှတ်တော်ရုံး ဥဿာပြည့်စုံခန်းမ၌ တွေ့ဆုံသည်။ တွေ့ဆုံစဉ် ပြည်သူ့လွှတ်တော်ဥက္ကဋ္ဌက နိုင်ငံတော်၏ မဏ္ဍိုင်ကြီးသုံးရပ်ထဲတွင် တစ်ခုအပါအဝင် ဖြစ်သည့် ဥပဒေပြုရေးမဏ္ဍိုင်ကို လွှတ်တော်ကိုယ်စားလှယ်များက တာဝန်ယူထမ်းဆောင်ရပါကြောင်း၊ လွှတ်တော်ကိုယ်စားလှယ်များအနေဖြင့် နိုင်ငံသူ နိုင်ငံသားများကို ဥပဒေအကာအကွယ်အောက်တွင် ငြိမ်းငြိမ်းချမ်းချမ်း သာသာယာယာနေနိုင်အောင် ဆောင်ရွက်ပေးရန် တာဝန်ရှိပါကြောင်း၊ လွှတ်တော် ကိုယ်စားလှယ်များအနေဖြင့် မိမိတာဝန်ကို မိမိကျေပွန်စွာ ထမ်းဆောင်နိုင်ကြစေရန် ဆန္ဒပြုပါကြောင်း၊ ပြည်သူ့ကိုယ်စားလှယ်များအနေဖြင့် ပြည်သူလူထုနှင့် တစ်သားတည်းဖြစ်စေရန်နှင့် ပြည်သူလူထု၏ ဆန္ဒများကို ဖြည့်ဆည်းကူညီဆောင်ရွက်ပေးရန် တာဝန်ရှိပါကြောင်း။ ဥပဒေပြုရေး လုပ်ငန်းတာဝန်များကို ဆောင်ရွက်သည့်အခါပြဋ္ဌာန်းထားသည့် တည်ဆဲဥပဒေများနှင့် စပ်လျဉ်း၍ ယနေ့ခေတ် ကာလအချိန်အခါနှင့် ကိုက်ညီမှု ရှိ မရှိ၊ ပြင်ဆင်ဖြည့်စွက်ရန် လိုမလို၊ ဖျက်သိမ်းရန်နှင့် အသစ်ပြန်လည်ပြဋ္ဌာန်းရန် လိုမလိုနှင့် ပြည်သူများကို ကာကွယ်ပေးနိုင်သည့် ဥပဒေ ဟုတ်၊ မဟုတ်တို့ကို စိစစ်ဆောင်ရွက်ရမည်မှာ လွှတ်တော်ကိုယ်စားလှယ်များ၏ တာဝန်ဖြစ်ပါကြောင်း။ဒီမိုကရေစီအစိုးရတစ်ရပ်တွင် ဥပဒေပြုရေးမဏ္ဍိုင်၊ အုပ်ချုပ်ရေးမဏ္ဍိုင်၊ တရားစီရင်ရေးမဏ္ဍိုင် စသည့် မဏ္ဍိုင်ကြီးသုံးရပ်ရှိပါကြောင်း၊ မိမိတို့အနေဖြင့် အုပ်ချုပ်ရေးမဏ္ဍိုင်၊ တရားစီရင်ရေးမဏ္ဍိုင်တို့နှင့် ပေါင်းစပ်ညှိနှိုင်းဆောင်ရွက်သွားရမည်ဖြစ်ပါကြောင်း၊ မိမိတို့လွှတ်တော်သည် ပြည်သူလူထု၏ ဆန္ဒနှင့်အညီ ရွေးကောက်တင်မြှောက်ခြင်းခံရသော လွှတ်တော်ကိုယ်စားလှယ်များဖြင့် ဖွဲ့စည်းထားသည့် ဥပဒေပြုအဖွဲ့ အစည်းတစ်ခုဖြစ်ပါကြောင်း၊ ထို့ကြောင့် လွှတ်တော်ကိုယ်စားလှယ်များကလည်း ပြည်သူလူထု၏ဆန္ဒများကို အထူးအလေးထား အကောင်အထည်ဖော် ဆောင်ရွက်ပေးကြ ရမည်ဖြစ်ပါကြောင်း။ လွှတ်တော်ကိုယ်စားလှယ်များအနေဖြင့် နိုင်ငံတော်တွင် လက်ရှိဖြစ်ပေါ်နေသည့် အခြေအနေကို အချိန်နှင့်တစ်ပြေးညီ သိရှိထားရန် လိုအပ်ပါကြောင်း၊ သို့မှသာ တစ်နိုင်ငံလုံး လွှမ်းခြုံနိုင်သော ကိစ္စရပ်များနှင့် ပြည်သူလူထု၏ လိုလားချက်များကို အနီးစပ်ဆုံး ဖော်ဆောင်ပေးသွားနိုင်မည်ဖြစ်ပါ ကြောင်း၊ လွှတ်တော်သည် နိုင်ငံနှင့် ပြည်သူလူထုအတွက် အားကိုးအားထားပြုရသည့် အဖွဲ့အစည်း တစ်ရပ်ဖြစ်အောင် ဆောင်ရွက်သွားကြစေလိုကြောင်း။ လွှတ်တော်ကိုယ်စားလှယ်များအနေဖြင့် ပြည်သူလူထုနှင့် တိုက်ရိုက်ထိတွေ့ဆောင်ရွက်နိုင်ရန်အတွက် လွှတ်တော်ကိုယ်စား လှယ်ရုံးခန်းများဖွင့်လှစ်၍ လူထုနှင့် တိုက်ရိုက်ထိတွေ့ဆက်ဆံပြီး ဒေသခံပြည်သူများ၏ ပုဂ္ဂိုလ်ရေးဆိုင်ရာလိုအပ်ချက်များ၊ ဒေသဆိုင်ရာလိုအပ်ချက်များကို နားထောင်၍ တွေ့ဆုံဖြေရှင်း ဆောင်ရွက်ပေးကြရန် လိုအပ်ပါကြောင်း၊ ကိုယ်စားလှယ်များအနေဖြင့် မိမိမဲဆန္ဒ နယ်မြေရှိ ပညာရှင်များ၊ ဒေသခံပြည်သူများနှင့် စဉ်ဆက်မပြတ် ထိတွေ့ဆက်ဆံဆောင်ရွက်သွား ရမည်ဖြစ်ပါကြောင်း။ နိုင်ငံတော်အစိုးရ၏ မူဝါဒနှင့်လုပ်ဆောင်ချက်များကို ပြည်သူလူထု သိရှိနားလည်ယုံကြည်မှုရှိလာစေရန် လွှတ်တော်မှ ဆောင်ရွက်ပေးကြရမည်ဖြစ်ပါကြောင်း၊ ဒီမိုကရေစီအစိုးရတစ်ရပ်တွင် လွှတ်တော်နှင့် အစိုးရအဖွဲ့ ဟန်ချက်ညီညီ ပူးပေါင်းဆောင်ရွက်ပြီး နိုင်ငံတော်ဖွံ့ဖြိုးတိုးတက်ရေးနှင့် အာဆီယံ ဒေသအတွင်း ပိုမိုပူးပေါင်းဆောင်ရွက်နိုင်ရေးလုပ်ငန်းများ ဖော်ဆောင်သွားရမည်ဖြစ်ပါကြောင်း၊ မိမိတို့တာဝန် ယူစဉ်အချိန်တွင်း ဥပဒေပြုရေးမဏ္ဍိုင်ဖြစ်သည့် လွှတ်တော်ကဏ္ဍကို မြင့်မားစေလိုပါ ကြောင်း၊ လွှတ်တော်သည် နိုင်ငံနှင့် ပြည်သူလူထုအတွက် တစ်ထောင့်တစ်နေရာမှ အရေးပါစေရေး အတွက် ကိုယ်စားလှယ်များအနေဖြင့် အရည်အသွေး၊ အရည်အချင်းများ ပြည့်စုံစေရန် မြှင့်တင် ဆောင်ရွက်သွားကြရမည်ဖြစ်ပါကြောင်း ပြောကြားသည်။ မွန်းလွဲပိုင်းတွင် ပြည်သူ့လွှတ်တော်ဥက္ကဋ္ဌသည် တိုင်းဒေသကြီးဝန်ကြီးချုပ် ဦးမျိုးဆွေဝင်းနှင့်အတူ ဥဿာရတနာခန်းမ၌ ပဲခူးမြို့မှ မြို့မိမြို့ဖများ၊ ကဏ္ဍအသီးသီးမှ လုပ်ငန်းရှင်များနှင့် တွေ့ဆုံပြီး ဒေသ ဖွံ့ဖြိုးတိုးတက်ရေးနှင့် တည်ငြိမ်အေးချမ်းရေးဆိုင်ရာကိစ္စရပ်များကို ရင်းရင်းနှီးနှီး ဆွေးနွေးခဲ့ကြကြောင်း သိရသည်။သတင်းစဉ်MDN
Sat, 2-May-2026
အီရန် ငြိမ်းချမ်းရေးအဆိုပြုချက်ကို ထရမ့်ပယ်ချမှုကြောင့် စစ်ရေးတင်းမာမှုများ တစ်ကျော့ပြန် မြင့်တက်လာ
အီရန် ငြိမ်းချမ်းရေးအဆိုပြုချက်ကို ထရမ့်ပယ်ချမှုကြောင့် စစ်ရေးတင်းမာမှုများ တစ်ကျော့ပြန် မြင့်တက်လာ
အီရန်နိုင်ငံမှတင်ပြခဲ့သည့် နောက်ဆုံးငြိမ်းချမ်းရေး အဆိုပြုချက်ကို အမေရိကန်သမ္မတ ဒေါ်နယ်ထရမ့်က ပယ်ချလိုက်ပြီးနောက် အီရန်နှင့်အမေရိကန်အကြား စစ်ရေးပဋိပက္ခများ တစ်ကျော့ပြန် ဖြစ်ပွားလာနိုင်ခြေရှိကြောင်း အီရန်စစ်ဘက်ဆိုင်ရာ အဆင့်မြင့်အရာရှိများက သတိပေးလိုက်သည်။ အီရန်စစ်ဌာနချုပ် ပြောရေးဆိုခွင့်ရှိသူ ဗိုလ်မှူးချုပ် မိုဟာမက် ဂျက်ဖာ အာဆာဒီက အမေရိကန်သည် မည်သည့်ကတိကဝတ်ကိုမျှ လိုက်နာလေ့မရှိကြောင်းဝေဖန်ခဲ့ပြီး ရန်သူများထင်မှတ်မထားနိုင်သည့် အံ့အားသင့်ဖွယ်တုံ့ပြန်မှုများကို ပြင်ဆင်ထားကြောင်း ပြောကြားခဲ့သည်။အဓိက တင်းမာမှုမှာ ဟော်မုဇ်ရေလက်ကြားအရေးနှင့် ပတ်သက်နေပြီး သမ္မတထရမ့်က ပြီးခဲ့သည့်လ အပစ်အခတ်ရပ်စဲရေး ကြေညာပြီးကတည်းက လွတ်လပ်စွာ ရေကြောင်းသွားလာခွင့်ကို အမြန်ဆုံး ပြန်လည် ဖော်ဆောင်ပေးရန် တောင်းဆိုနေခြင်းဖြစ်သည်။ သို့သော်လည်း အီရန် ဘက်ကမူ ၎င်းတို့အနေဖြင့် ပါရှန်ပင်လယ်ကွေ့နှင့် ရေလက်ကြားတစ်လျှောက် ကီလိုမီတာ ၂,၀၀၀ နီးပါးကို အပြည့်အဝစိုးမိုးထားဆဲဖြစ်ကြောင်းနှင့် အဆိုပါရေပြင်ကို အီရန်၏ ကြီးကြပ်မှုအောက်တွင်သာ ဆက်လက်ထားရှိမည်ဖြစ်ကြောင်း အလျှော့မပေးဘဲ တုံ့ပြန်ခဲ့သည်။အမေရိကန်ဘက်က ငြိမ်းချမ်းရေးအဆိုပြုချက်ကို ပယ်ချလိုက်ခြင်းကြောင့် နှစ်ဖက်အကြားရရှိထားသည့် အပစ်အခတ်ရပ်စဲရေးမှာ ပျက်ပြားမည့်အန္တရာယ်နှင့် ရင်ဆိုင်နေရသည်။ အထူးသဖြင့် အီရန် တော်လှန်ရေးအစောင့်တပ်ဖွဲ့ (IRGC) က ရေလက်ကြားအရေးကို ၎င်းတို့၏ အချုပ်အခြာ အာဏာနှင့် ဒေသတွင်းလုံခြုံရေးအတွက် အရေးပါသည့် အချက်အချာအဖြစ် ဆက်လက်သတ်မှတ်ထားခြင်းကြောင့် ဒေသတွင်းတည်ငြိမ်မှုမှာ ပိုမိုစိုးရိမ်စရာအခြေအနေသို့ ရောက်ရှိလာခဲ့ပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 2-May-2026
ဂျာမနီ ဆိုရှယ်ဒီမိုကရက်တစ် လူငယ်အဖွဲ့က လက်ထပ်ထိမ်းမြားခြင်း စနစ်ကို ဖျက်သိမ်းရန် အဆိုပြု
ဂျာမနီ ဆိုရှယ်ဒီမိုကရက်တစ် လူငယ်အဖွဲ့က လက်ထပ်ထိမ်းမြားခြင်းစနစ်ကို ဖျက်သိမ်းရန် အဆိုပြု
ဂျာမနီနိုင်ငံ၊ ဘာလင်မြို့ရှိ ဆိုရှယ်ဒီမိုကရက်တစ်ပါတီ (SPD) ၏ လူငယ် အဖွဲ့ခွဲ (Jusos) က လက်ရှိကျင့်သုံးနေသည့် လက်ထပ်ထိမ်းမြားခြင်း စနစ်ကို ဖျက်သိမ်းပြီး "တာဝန်ယူမှုရှိသော လူမှုအသိုက်အဝန်း" အမည်ရှိ အတူတကွနေထိုင်သည့် လက်တွဲဖော်စနစ်ဖြင့် အစားထိုးရန် အဆိုပြု လိုက်ခြင်းကြောင့် နိုင်ငံရေးလောကတွင် ဂယက်ရိုက်ခတ်မှုများ ဖြစ်ပေါ်နေသည်။၎င်းတို့၏ ‘အချစ်ထက် လွတ်လပ်မှုနှင့်တန်းတူညီမျှမှုက ပို၍ အရေးကြီးသည်’ ဟူသော ခံယူချက်အရ လက်ထပ်ခြင်းသည် အမျိုးသားများက အမျိုးသမီးများကိုဖိနှိပ်သည့် ပဒေသရာဇ်စနစ်၏ အဓိကယန္တရားဖြစ်ပြီး လူသားတို့၏လွတ်လပ်ခွင့်ကို ကန့်သတ်နေသည်ဟု ဝေဖန်ထားသည်။ ထို့အပြင် လက်ထပ်ထိမ်းမြားခြင်းစနစ်သည် အရင်းရှင်စနစ်နှင့် လူမျိုးရေးခွဲခြားမှုဆိုင်ရာမူဝါဒများကို အားပေးနေသည့်အတွက် လက်ထပ်ခြင်းနှင့် သက်ဆိုင်သော အခွန်သက်သာခွင့်များနှင့် ဥပဒေကြောင်းဆိုင်ရာ အခွင့်အရေးအားလုံးကို ပယ်ဖျက်ကာ နှစ်ဦးသဘောတူစာဖြင့် လျှောက်ထားရုံဖြင့် တည်မြဲပြီး အချိန်မရွေး လွယ်ကူစွာလမ်းခွဲနိုင်သည့် စနစ်သစ်တစ်ခုကို ဖော်ဆောင်ရန် တောင်းဆိုထားခြင်း ဖြစ်သည်။သို့သော်လည်း ယင်းအဆိုပြုချက်သည် ဂျာမနီအခြေခံဥပဒေ ပုဒ်မ (၆) အရ အကာအကွယ်ပေးထားသည့် မိသားစုတန်ဖိုးများနှင့် ဆန့်ကျင်ဘက်ဖြစ်နေပြီး မီဒီယာများ၏ ခန့်မှန်းချက်အရ အဆိုပါကိစ္စကို ၂၀၂၇ ခုနှစ် မတိုင်မီ ဆွေးနွေးဖြစ်ရန် အလားအလာ နည်းပါးနေသည်။ တစ်ဖက်တွင်လည်း SPD ပါတီ၏ လူထုထောက်ခံမှုနှုန်းသည် ၁၃ ရာခိုင်နှုန်းခန့်အထိ စံချိန်တင်ကျဆင်းနေချိန်တွင် မိသားစုတန်ဖိုးများကို အလေးထားသည့် လက်ယာယိမ်း Alternative for Germany (AfD) ပါတီကမူ ထောက်ခံမှုနှုန်း ၂၈ ရာခိုင်နှုန်းအထိ မြင့်တက်လာကာ လူကြိုက်များမှု အမြင့်ဆုံးအဆင့်သို့ ရောက်ရှိနေသည်။ထို့ကြောင့် ယခုကဲ့သို့ အစွန်းရောက်သည်ဟု ယူဆရသည့် အဆိုပြုချက်များသည် ဂျာမနီနိုင်ငံ၏ နိုင်ငံရေးအခင်းအကျင်းနှင့် လူထုသဘောထား အပေါ် သိသာထင်ရှားသည့် ရိုက်ခတ်မှုများ ရှိလာနိုင်ကြောင်း သုံးသပ်ရပါသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 2-May-2026
အီရန်သင်္ဘောများကို အမေရိကန်တပ်ဖွဲ့များ သိမ်းဆည်းခဲ့ခြင်းသည် ပင်လယ်ဓားပြများနှင့် တူနေကြောင်း သမ္မတ ထရမ့် နောက်ပြောင် ပြောဆို
အီရန်သင်္ဘောများကို အမေရိကန်တပ်ဖွဲ့များ သိမ်းဆည်းခဲ့ခြင်းသည် ပင်လယ်ဓားပြများနှင့် တူနေကြောင်း သမ္မတ ထရမ့် နောက်ပြောင် ပြောဆို
အီရန်ဆိပ်ကမ်းများကို ပိတ်ဆို့ထားမှုအား ကျော်ဖြတ်ရန်ကြိုးပမ်းသည့် ရေနံတင်သင်္ဘောများနှင့် ကုန်တင်သင်္ဘောများကို သိမ်းဆည်းရမိခြင်းနှင့်ပတ်သက်၍ ကြွားဝါပြောဆိုရာတွင် အမေရိကန်တပ်ဖွဲ့များသည် ပင်လယ်ဓားပြများကဲ့သို့ ပြုမူနေကြကြောင်း အမေရိကန်သမ္မတ ဒေါ်နယ်ထရမ့်က နောက်ပြောင်ပြောကြားခဲ့သည်။ယခုသီတင်းပတ်အတွင်း ရေနံစျေးနှုန်းများသည် ၂၀၂၂ ခုနှစ်နောက်ပိုင်း ပထမဆုံးအကြိမ်အဖြစ် တစ်စည်လျှင် ၁၂၀ ဒေါ်လာအထက်သို့ မြင့်တက်သွားခဲ့ပြီး Reuters/Ipsos လူထုသဘောထားစစ်တမ်းတွင် ထရမ့်၏ ထောက်ခံမှု နှုန်းမှာ ၃၄ ရာခိုင်နှုန်းအထိ စံချိန်တင် ကျဆင်းသွားခဲ့သည်။သောကြာနေ့ (မေ ၁) က ဖလော်ရီဒါပြည်နယ်ရှိ Forum Club of the Palm Beaches ညစာစားပွဲတွင် ထရမ့်ကပြောကြားရာ၌ ဧပြီလ ၁၉ ရက်နေ့ က ဟော်မုဇ်ရေလက်ကြား အနီးတွင် အီရန်အလံလွှင့်ထူထားသော Touska ကုန်တင်သင်္ဘောကို အမေရိကန်ဖျက်သင်္ဘောတစ်စင်းက ပစ်ခတ်ခဲ့ပြီးနောက် အမေရိကန် မရိန်းတပ်ဖွဲ့ဝင်များက စီးနင်းခဲ့သည့်ဖြစ်စဉ်ကို ပြန်လည်ပြောပြခဲ့သည်။"ကျွန်တော်တို့ သင်္ဘောကို သိမ်းလိုက်တယ်၊ ကုန်စည်တွေကို သိမ်းတယ်၊ ရေနံတွေကိုသိမ်းလိုက်တယ် ၊ ဒါက အမြတ်အစွန်းတော်တော်များတဲ့ လုပ်ငန်းပဲ၊ ကျွန်တော်တို့ ဒါမျိုးတွေ လုပ်နေလိမ့်မယ်လို့ ဘယ်သူ ထင်မှာလဲ? ကျွန်တော်တို့က ပင်လယ်ဓားပြတွေနဲ့ တူနေပြီ ၊ ပင်လယ်ဓားပြတွေလို ဖြစ်နေတာ" ဟု ထရမ့်က ပြောကြားခဲ့ရာ ပရိသတ်များထံမှ ရယ်မောသံများ ထွက်ပေါ်လာခဲ့သည်။အီရန်အစိုးရကမူ ယင်းသို့သိမ်းဆည်းမှုကို တရားမဝင်ကြောင်း ပြစ်တင်ရှုတ်ချထားပြီး အမေရိကန်၏ ပင်လယ်ဓားပြဆန်မှုနှင့် လူမိုက်ဆန်သော လုပ်ရပ်ကို မကြုံစဖူးသောတုံ့ပြန်မှုဖြင့် ရင်ဆိုင်ရမည်ဖြစ်ကြောင်း အစိုးရသတင်းရင်းမြစ်တစ်ခုက Press TV သို့ ယခုသီတင်းပတ်တွင် ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 2-May-2026
အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်
အီရန်စစ်ပွဲနှင့်ပတ်သက်၍ ရက်ပေါင်း ၆၀ သတ်မှတ်ချက်နှင့် ရင်ဆိုင်နေရသည့် ထရမ့်အစိုးရက စစ်ပွဲပြီးဆုံးသွားပြီဟုတုံ့ပြန်
အီရန်စစ်ပွဲနှင့်ပတ်သက်၍ ရက်ပေါင်း (၆၀) ကန့်သတ်ချက်နှင့် ရင်ဆိုင်နေရသည့် အမေရိကန်သမ္မတ ဒေါ်နယ်ထရမ့်အစိုးရအဖွဲ့က အဆိုပါစစ်ပွဲသည် ဧပြီလအစောပိုင်းတွင် စတင်ခဲ့သည့် အပစ်အခတ်ရပ်စဲရေးကြောင့် ပြီးဆုံးသွားပြီဖြစ်ကြောင်း တုံ့ပြန်ပြောဆိုခဲ့သည်။အဆိုပါထုတ်ပြန်ချက်သည် စစ်ရေးလှုပ်ရှားမှုများအတွက် လွှတ်တော်၏ ခွင့်ပြုချက်ရယူရမည့်ကာလကို ရှောင်လွှဲရန် ရည်ရွယ်သည်ဟုလည်း သုံးသပ်မှုများရှိသည်။၁၉၇၃ ခုနှစ်တွင် ပြဋ္ဌာန်းထားသည့် စစ်ပွဲဆိုင်ရာလုပ်ပိုင်ခွင့်ဥပဒေအရ သမ္မတသည် လွှတ်တော်၏ ခွင့်ပြုချက်မရှိဘဲ စစ်ရေးလှုပ်ရှားမှုများကို ရက်ပေါင်း (၆၀) ထက်ကျော်လွန် ဆောင်ရွက်ခွင့်မရှိပေ။ အဆိုပါသတ်မှတ်ရက်သည် မေလ ၁ ရက်တွင် ပြည့်မြောက်ခဲ့သည်။သို့သော် ကာကွယ်ရေးဝန်ကြီးက အပစ်အခတ်ရပ်စဲရေးကြောင့် စစ်ပွဲသည် ရပ်တန့်သွားပြီးဖြစ်သဖြင့် လွှတ်တော်ခွင့်ပြုချက်ကိစ္စကိုလည်း ဆိုင်းငံ့ထားနိုင်ကြောင်း အထက်လွှတ်တော်၌ ထွက်ဆိုခဲ့သည်။ထို့ပြင် ဖေဖော်ဝါရီလ ၂၈ ရက်မှ စတင်ခဲ့သည့် တိုက်ခိုက်မှုများသည် ဥပဒေအရ ပြီးဆုံးသွားပြီဖြစ်ကြောင်း အစိုးရအဆင့်မြင့်အရာရှိတစ်ဦးကလည်း ပြောကြားခဲ့သည်။ ဧပြီလ ၇ ရက်မှစတင်သည့် နှစ်ပတ်ကြာ အပစ်အခတ်ရပ်စဲရေးအပြီး အမေရိကန်နှင့် အီရန်အကြား တိုက်ခိုက်မှုများ မရှိတော့ကြောင်းလည်း သိရသည်။Ref: SCMPMWD
Sat, 2-May-2026
အီရန်နှင့်စစ်ပွဲ ပြီးဆုံးပြီဟု အိမ်ဖြူတော်ကြေညာခြင်းအပေါ် လွှတ်တော်နှင့် အငြင်းပွားမှုများ ဖြစ်ပေါ်နေ
အီရန်နှင့်စစ်ပွဲ ပြီးဆုံးပြီဟု အိမ်ဖြူတော်ကြေညာခြင်းအပေါ် လွှတ်တော်နှင့် အငြင်းပွားမှုများ ဖြစ်ပေါ်နေ
အမေရိကန်သမ္မတ ထရမ့်အစိုးရအဖွဲ့သည် အီရန်နှင့်ဖြစ်ပွားနေသောစစ်ပွဲမှာ လက်ရှိအပစ်အခတ်ရပ်စဲရေးကာလအတွင်း ပြီးဆုံးသွားပြီ ဖြစ်ကြောင်း ကြေညာလိုက်ပြီး အဆိုပါလုပ်ရပ်မှာ စစ်ပွဲဆက်လက်ဆင်နွှဲရန်အတွက် လွှတ်တော်၏ ခွင့်ပြုချက်ရယူရမည့်ဥပဒေကို ရှောင်ကွင်းရန် ကြိုးပမ်းမှုဖြစ်သည်ဟု ဝေဖန်မှုများ ထွက်ပေါ်နေသည်။၁၉၇၃ ခုနှစ်တွင် ပြဋ္ဌာန်းခဲ့သည့် စစ်အာဏာကျင့်သုံးမှုဆိုင်ရာဥပဒေ (War Powers Act) အရ သမ္မတသည် လွှတ်တော်၏ ခွင့်ပြုချက်မရရှိဘဲ စစ်ရေးဆောင်ရွက်မှုများကို ရက်ပေါင်း ၆၀ ထက်ပို၍ လုပ်ဆောင်ခွင့်မရှိပေ။ ဖေဖော်ဝါရီ ၂၈ ရက်တွင် စတင်ခဲ့သော အီရန်-အမေရိကန် ပဋိပက္ခ သည် ယနေ့ မေလ ၁ ရက်နေ့တွင် ရက်ပေါင်း ၆၀ ပြည့်မြောက်ပြီဖြစ်ရာ ပါတီနှစ်ရပ်လုံးမှ လွှတ်တော်အမတ်များက စစ်ပွဲဆက်လက်ဆင်နွှဲခြင်း ရှိ၊ မရှိကို မဲခွဲဆုံးဖြတ်ရန် အစိုးရအဖွဲ့အား ဖိအားပေး တောင်းဆိုနေကြသည်။သို့သော်လည်း အစိုးရအဖွဲ့၏ အဆင့်မြင့်အရာရှိတစ်ဦးက ဧပြီလ ၇ ရက်နေ့ကတည်းက နှစ်ဖက်အပြန်အလှန် ပစ်ခတ်မှုများမရှိတော့သဖြင့် တိုက်ခိုက်မှု များမှာ ဥပဒေအရ ပြီးဆုံးသွားပြီဖြစ်ကြောင်း တုံ့ပြန်ခဲ့သည်။ စစ်မက်ရေးရာ ဝန်ကြီး ပိဟက်ဆက်ကလည်း အပစ်အခတ်ရပ်စဲရေး သဘောတူညီချက် ရှိနေပါက ဥပဒေအရသတ်မှတ်ထားသည့် ရက်ပေါင်း ၆၀ သတ်မှတ်ချက် မှာ ရပ်တန့်သွားမည်ဖြစ်ကြောင်း လွှတ်တော်ကြားနာပွဲတွင် ပြောကြားခဲ့သည်။လက်ရှိတွင် နှစ်ဖက်အပစ်ရပ်ထားသော်လည်း ကမ္ဘာ့ရေနံကုန်သွယ်ရေးအတွက် အလွန်အရေးပါသည့် ဟော်မုဇ်ရေလက်ကြားတွင်မူ နှစ်ဖက်စလုံးက သင်္ဘောများဖြတ်သန်းခွင့်ကို ဆက်လက်ပိတ်ဆို့ထားဆဲဖြစ်သည်။ ထို့ကြောင့် စစ်ပွဲအဆုံးသတ်ပြီဟု အစိုးရအဖွဲ့ကဆိုသော်လည်း လက်တွေ့မြေပြင်တွင် တင်းမာမှုများလျော့ကျခြင်းမရှိသေးဘဲ လွှတ်တော်၏ စစ်ဆေးထိန်းကြောင်းမှုကိုရှောင်လွှဲရန် ဗျူဟာမြောက်လုပ်ဆောင်ချက်တစ်ခုသာ ဖြစ်သည်ဟု လေ့လာသူများက သုံးသပ်နေကြသည်။ကိုးကား- CNNPhoto: MS NOWဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 1-May-2026
© Copyright 2024 SAC All Rights Reserved.