တရုတ်နိုင်ငံက ရေတပ်လေကြောင်းရန်ကာကွယ်ရေးစနစ်အသစ်ကို ထုတ်ဖော်ပြသ

News Image

ထိုလက်နက်စနစ်သည် စစ်ဆင်ရေးလိုအပ်ချက်များအားလုံးနှင့် ကိုက်ညီကြောင်း အတည်ပြုသည့် နောက်ဆုံးအဆင့်စမ်းသပ်မှုကို ဘိုဟိုင်ပင်လယ်အတွင်း အောင်မြင်စွာ ဆောင်ရွက်နိုင်သဖြင့် ယင်းစနစ်ကို အမြောက်အမြား ထုတ်လုပ်ရန် အတည်ပြုချက် ရရှိသွားပြီဖြစ်သည်။

စမ်းသပ်မှုအတွင်း ထိုစနစ်က အလွန်နိမ့်သော အမြင့်ပေမှ ပျံသန်းလာသည့် ဒရုန်းများနှင့် ရေဒါတွင် ထောက်လှမ်းရန် ခဲယဉ်းသော ကိုယ်ပျောက်ဒရုန်းများ၏ တိုက်ခိုက်မှုများကို ကြားဖြတ်ဟန့်တားနိုင်ကြောင်း တွေ့ရသည်။ ထိုစမ်းသပ်မှုများကို ရှုပ်ထွေးသော လျှပ်စစ်သံလိုက်ပတ်ဝန်းကျင်နှင့် လက်တွေ့စစ်မြေပြင်ပုံစံတူ အခြေအနေများတွင် ပြုလုပ်ခဲ့ခြင်းဖြစ်သည်။

ကုန်းမြေမှ လွှတ်တင်လိုက်သော ဒရုန်းများက ရေပြင်အထက်ကပ်၍ ပျံသန်းလာစဉ် ဖျက်ဆီးခံလိုက်ရသည့် ရုပ်သံဖိုင်များမှာ သတင်းထုတ်ပြန်ချက်တွင် ပါဝင်သော်လည်း အသုံးပြုခဲ့သည့် လက်နက်အမည်နှင့် စမ်းသပ်သည့်ရက်စွဲကိုမူ ဖော်ပြထားခြင်း မရှိကြောင်း သိရသည်။

Ref: SCMP

MWD

MM-News-Category

လုံခြုံရေးကဏ္ဍသတင်းများ

လုံခြုံရေး-နိုင်ငံတကာသတင်း

ဗီယက်နမ်သမ္မတ၏ အိန္ဒိယနိုင်ငံ ချစ်ကြည်ရေးခရီးစဉ်အတွင်း BrahMos ဒုံးကျည်များ ဝယ်ယူရေး ဆွေးနွေးဖွယ်ရှိ

အိန္ဒိယဝန်ကြီးချုပ် နာရန်ဒရာ မိုဒီ၏ ဖိတ်ကြားချက်အရ ဗီယက်နမ်သမ္မတ တိုလမ်သည် အိန္ဒိယနိုင်ငံသို့ သုံးရက်ကြာ ချစ်ကြည်ရေးခရီးစဉ်အဖြစ် မေလ ၅ ရက်တွင် ရောက်ရှိလာပြီး ယင်းခရီးစဉ်အတွင်း ရုရှားနှင့် အိန္ဒိယတို့ ပူးပေါင်းထုတ်လုပ်ထားသည့် BrahMos ဒုံးကျည်များ ဝယ်ယူရေးကိစ္စကို ဆွေးနွေးသွားဖွယ်ရှိကြောင်း သိရသည်။တိုလမ်သည် သမ္မတအဖြစ် ရွေးချယ်ခံရပြီးနောက် အိန္ဒိယနိုင်ငံသို့ ပထမဆုံးလာရောက်ခြင်းဖြစ်ပြီး နယူးဒေလီမြို့သို့ မသွားရောက်မီ ဗုဒ္ဓဂယာသို့ ဦးစွာဝင်ရောက်လည်ပတ်ခဲ့သည်။ သမ္မတနှင့်အတူ ဝန်ကြီးများ၊ အစိုးရအဆင့်မြင့် အရာရှိကြီးများနှင့် စီးပွားရေးကိုယ်စားလှယ်အဖွဲ့များ လိုက်ပါလာပြီး အိန္ဒိယနှင့် ကာကွယ်ရေးဆိုင်ရာ ဆက်ဆံရေးတိုးမြှင့်ရန် ရည်ရွယ်ထားသည်။BrahMos ဒုံးကျည်အရောင်းအဝယ် သဘောတူညီချက် ဖြစ်ပေါ်လာပါက သင်တန်းပေးမှုနှင့် ထောက်ပံ့ပို့ဆောင်ရေးလုပ်ငန်းများ အပါအဝင် ရူပီးဘီလီယံ ၆၀ ခန့် တန်ဖိုးရှိနိုင်ကြောင်း သတင်းအရင်းအမြစ်များက ဆိုသည်။မေလ ၅ ရက်မှ ၇ ရက်အထိ ကြာမြင့်မည့် ယခုခရီးစဉ်အတွင်း နှစ်နိုင်ငံကြား ကာကွယ်ရေးပူးပေါင်းဆောင်ရွက်မှုဆိုင်ရာ ကြေညာချက်အချို့ ထွက်ပေါ်လာနိုင်သော်လည်း လက်နက်တိုက်ရိုက်ရောင်းချရေး စာချုပ် လက်မှတ်ထိုးရန်မှာမူ မသေချာသေးကြောင်း သိရသည်။Ref: STMWD

Wed, 6-May-2026

တရုတ်နိုင်ငံက ရေတပ်လေကြောင်းရန်ကာကွယ်ရေးစနစ်အသစ်ကို ထုတ်ဖော်ပြသ

ရုရှား-ယူကရိန်း စစ်ပွဲနှင့် အရှေ့အလယ်ပိုင်းဒေသ ပဋိပက္ခများတွင် ဒရုန်းများသည် ခေတ်သစ်စစ်သင်္ဘောများအတွက် ကြီးမားသော ခြိမ်းခြောက်မှုအဖြစ် ပေါ်ထွက်လာပြီးနောက် တရုတ်ရေတပ်က ဒရုန်းရန်ကို ကာကွယ်နိုင်မည့် လေကြောင်းရန်ကာကွယ်ရေးစနစ်အသစ်တစ်ခုကို ထုတ်ဖော်ပြသလိုက်ကြောင်း နိုင်ငံပိုင် CCTV သတင်းဌာနက ဖော်ပြထားသည်။ထိုလက်နက်စနစ်သည် စစ်ဆင်ရေးလိုအပ်ချက်များအားလုံးနှင့် ကိုက်ညီကြောင်း အတည်ပြုသည့် နောက်ဆုံးအဆင့်စမ်းသပ်မှုကို ဘိုဟိုင်ပင်လယ်အတွင်း အောင်မြင်စွာ ဆောင်ရွက်နိုင်သဖြင့် ယင်းစနစ်ကို အမြောက်အမြား ထုတ်လုပ်ရန် အတည်ပြုချက် ရရှိသွားပြီဖြစ်သည်။စမ်းသပ်မှုအတွင်း ထိုစနစ်က အလွန်နိမ့်သော အမြင့်ပေမှ ပျံသန်းလာသည့် ဒရုန်းများနှင့် ရေဒါတွင် ထောက်လှမ်းရန် ခဲယဉ်းသော ကိုယ်ပျောက်ဒရုန်းများ၏ တိုက်ခိုက်မှုများကို ကြားဖြတ်ဟန့်တားနိုင်ကြောင်း တွေ့ရသည်။ ထိုစမ်းသပ်မှုများကို ရှုပ်ထွေးသော လျှပ်စစ်သံလိုက်ပတ်ဝန်းကျင်နှင့် လက်တွေ့စစ်မြေပြင်ပုံစံတူ အခြေအနေများတွင် ပြုလုပ်ခဲ့ခြင်းဖြစ်သည်။ကုန်းမြေမှ လွှတ်တင်လိုက်သော ဒရုန်းများက ရေပြင်အထက်ကပ်၍ ပျံသန်းလာစဉ် ဖျက်ဆီးခံလိုက်ရသည့် ရုပ်သံဖိုင်များမှာ သတင်းထုတ်ပြန်ချက်တွင် ပါဝင်သော်လည်း အသုံးပြုခဲ့သည့် လက်နက်အမည်နှင့် စမ်းသပ်သည့်ရက်စွဲကိုမူ ဖော်ပြထားခြင်း မရှိကြောင်း သိရသည်။Ref: SCMPMWD

Wed, 6-May-2026

တပ်မတော်စစ်ကြောင်းများက KIA နှင့် PDF အမည်ခံအကြမ်းဖက်သောင်းကျန်းသူများ ယာယီစိုးမိုးထားသည့် မော်လူးမြို့အား ပြန်လည်ထိန်းချုပ်

နေပြည်တော် မေ ၅တပ်မတော်အနေဖြင့် နိုင်ငံတော်တည်ငြိမ်အေးချမ်းပြီးဖွံ့ဖြိုးတိုးတက်ရေးအတွက် အကြမ်းဖက်သောင်းကျန်းသူများ ယာယီစိုးမိုးထားပြီး အကြမ်းဖက်လုပ်ရပ်များ လုပ်ဆောင်လျက်ရှိသည့်ဒေသများ၌ အကြမ်းဖက်ချေမှုန်းရေးစစ်ဆင်ရေးများကို ဒေသခံပြည်သူများ၏ ပူးပေါင်းပါဝင်မှုနှင့်အတူ ကြိုးပမ်းဆောင်ရွက်ပြီး အဆင့်ဆင့်ပြန်လည်ထိန်းချုပ်လျက်ရှိရာ အကြမ်းဖက်သမားများ ယာယီစိုးမိုးထားသော ကသာခရိုင် အင်းတော်မြို့ကို ဧပြီ ၃၀ ရက်တွင် အလုံးစုံပြန်လည် သိမ်းပိုက်ထိန်းချုပ်နိုင်ခဲ့ပြီး ယနေ့တွင်လည်း အကြမ်းဖက်သောင်းကျန်းသူများ ယာယီစိုးမိုးထားသည့် အင်းတော်မြို့နယ် မော်လူးမြို့အား ထပ်မံ၍ ပြန်လည်ထိန်းချုပ်နိုင်ခဲ့ကြောင်း သိရှိရသည်။မော်လူးမြို့သည် ကသာခရိုင်အင်းတော်မြို့နယ်တွင် ပါဝင်သည့် မြို့တစ်မြို့ဖြစ်ပြီး အင်းတော်မြို့၏ မြောက်ဘက်မိုင် ၂၀ အကွာတွင် တည်ရှိကာ စစ်ကိုင်းတိုင်းဒေသကြီးနှင့် ကချင်ပြည်နယ်ကို ဆက်သွယ်ထားသည့် အချက်အချာကျသည့် ပြည်နယ်ချင်းဆက် လမ်းတစ်လမ်းဖြစ်သော ရွှေဘို- မြစ်ကြီးနား ကားလမ်းဘေး၌ တည်ရှိရာလမ်းပန်းဆက်သွယ်ရေးနှင့် ကုန်စည်စီးဆင်းမှုအတွက် အရေးကြီးသည့်နေရာတွင် တည်ရှိသည့် ဒေသတစ်ခုဖြစ်သည်။တပ်မတော်စစ်ကြောင်းများသည် အင်းတော်မြို့ကို ပြန်လည်သိမ်းပိုက်ထိန်းချုပ်ခဲ့ပြီးနောက် အဆိုပါဒေသတစ်ဝိုက် နယ်မြေရှင်းလင်းခြင်း၊ အောင်မြေချဲ့ခြင်းများ ဆက်လက်ဆောင်ရွက်ခဲ့ပြီး မော်လူးမြို့အား ဆက်လက်သိမ်းပိုက်ထိန်းချုပ်နိုင်ရေး စစ်ကြောင်းများခွဲ၍ စစ်နည်းဗျူဟာမြောက် ချီတက်ရှင်းလင်းခဲ့ရာ အင်းတော်မြို့နှင့် မော်လူးမြို့အကြားရှိ နားမကြိုင်းရွာ၊ ပင့်တင်ရွာနှင့် နဘားကြီးရွာတို့အား မေ ၂ ရက်တွင်လည်းကောင်း၊ ပွိုင့်-၃၀၅ တောင်ကုန်းနှင့် ပင်ဝယ်ရွာသစ်တို့အား မေ ၃ ရက်တွင်လည်းကောင်း၊ တုံလုံရွာနှင့် ဖားပန်ရွာတို့အား မေ ၄ ရက်တွင်လည်းကောင်း အဆင့်ဆင့်ပြန်လည် သိမ်းပိုက်ထိန်းချုပ်ခဲ့ပြီး မေ ၅ ရက် ယနေ့တွင် တပ်မတော် စစ်ကြောင်းများသည် စီပိန်းရွာ၊ နားခွင်းကျင်ရွာ၊ မော်လူးမြို့အား အပြည့်အဝပြန်လည်ထိန်းချုပ်နိုင်ခဲ့သည်။လုံခြုံရေးတပ်ဖွဲ့ဝင်များအနေဖြင့် မော်လူးမြို့နှင့် အဆိုပါဒေသတစ်ဝိုက်အား အလုံးစုံပြန်လည် ထိန်းချုပ်ရန် နယ်မြေရှင်းလင်း ဆောင်ရွက်ခဲ့ရာတွင် အကြမ်းဖက်သောင်းကျန်းသူများနှင့် ထိတွေ့တိုက်ပွဲများရှိခဲ့ပြီး သောင်းကျန်းသူများထံမှ အလောင်း၊ လက်နက်များ သိမ်းဆည်းရရှိခဲ့သည့်အပြင် အကြမ်းဖက်သောင်းကျန်းသူများ တရားမဝင်လုပ်ကိုင်နေသည့် စက်သုံးဆီသိုလှောင်သည့်နေရာများမှ စက်သုံးဆီထည့် သံပီပါခွံများနှင့် ကော်ပီပါခွံများ၊ ဆီလှောင် ကန်များနှင့် မော်တော်ယာဉ်များကို သိမ်းဆည်းရမိခဲ့သည်။အကြမ်းဖက်သောင်းကျန်းသူများ ယာယီစိုးမိုးထားသည့် မြို့/ရွာအချို့ကို ပြန်လည်သိမ်းပိုက်ပြီး နယ်မြေရှင်းလင်းချီတက်လာသော တပ်မတော်စစ်ကြောင်းများအား အကြမ်းဖက်သောင်းကျန်းသူများ၏ မတရားနှိပ်စက်ညှဉ်းပန်းမှုဒဏ်ကို ခါးသီးစွာခံစားခဲ့ရသည့် ဒေသခံပြည်သူများက လမ်းကြောင်းတစ်လျှောက်လုံး၌ အောင်သပြေပန်းများ၊ ပန်းကုံးများကိုင်ဆောင်ကာ သောင်းသောင်းဖြဖြ ဝမ်းပန်းတသာကြိုဆိုခဲ့ကြသည်။တပ်မတော်စစ်ကြောင်းများအနေဖြင့် အဆိုပါဒေသများအတွင်း လိုအပ်သည့် နယ်မြေစိုးမိုးရေးလုပ်ငန်းများ ဆောင်ရွက်ကာ မော်လူး - နန့်စီးအောင်လမ်းပိုင်းအား အမြန်ဆုံးပြန်လည်ထိန်းချုပ်ဖွင့်လှစ်နိုင်ရေး နယ်မြေလုံခြုံရေးနှင့် နယ်မြေစိုးမိုးရေးလုပ်ငန်းများကို အရှိန်အဟုန်မြှင့် ဆက်လက်ဆောင်ရွက်လျက ရှိကြောင်း သတင်းရရှိသည်။moi

Wed, 6-May-2026

ဟော်မုဇ်ရေလက်ကြား လုံခြုံရေးအတွက် အမေရိကန်စစ်တပ် Project Freedom စစ်ဆင်ရေးစတင်

ဟော်မုဇ်ရေလက်ကြားတွင် ကုန်တင်သင်္ဘောများ ဘေးကင်းစွာ ဖြတ်သန်းနိုင်ရေးအတွက် အမေရိကန်စစ်တပ်က "Project Freedom" စစ်ဆင်ရေး ကို စတင်လိုက်ပြီး ယင်းသည် အီရန်၏ ခြိမ်းခြောက်မှုများကို တားဆီးရန် ရည်ရွယ်သည့် "ခုခံကာကွယ်ရေး စစ်ဆင်ရေး" တစ်ရပ်ဖြစ်ကြောင်း အမေရိကန် အလယ်ပိုင်းစစ်ဌာနချုပ် (CENTCOM) အကြီးအကဲ ရေတပ် ဗိုလ်ချုပ်ကြီး ဘရက်ဒ်လေ ကူးပါး (Adm. Bradley Cooper) က ပြောကြားခဲ့သည်။ အဆိုပါ စစ်ဆင်ရေးတွင် သင်္ဘောများ၊ တိုက်လေယာဉ်များ၊ ရဟတ်ယာဉ်များနှင့် ဒရုန်းများကို အသုံးပြု၍ ရေလက်ကြားတစ်လျှောက် လုံခြုံရေး အကာအကွယ်ပေးထားပြီး အမေရိကန်အလံလွှင့်ထူထားသော သင်္ဘောအချို့ကိုလည်း စတင်လမ်းညွှန်ပေးလျက်ရှိသည်။သို့သော် နိုင်ငံတကာလေ့လာဆန်းစစ်သူအချို့က အမေရိကန်အနေဖြင့် တစ်ရက်လျှင် သင်္ဘောအစင်းရေ ၁၂၀ ခန့် ပုံမှန်ဖြတ်သန်းသွားလာနိုင်ရန် လုံလောက်သော စစ်လက်နက်ပစ္စည်း အင်အားရှိမရှိအပေါ် သံသယရှိနေကြသည်။ အထူးသဖြင့် ကာကွယ်ရေးကျွမ်းကျင်သူ ဆက်သ် ဂျုန်းစ် က သင်္ဘောအမြောက်အမြားကို တစ်ပြိုင်နက် လိုက်ပါစောင့်ရှောက်ရန် ဖျက်သင်္ဘောနှင့် တိုက်လေယာဉ်အရင်းအမြစ်များ လုံလောက်မှုမရှိနိုင်ကြောင်းနှင့် သင်္ဘောများကို ပိုမိုကူညီလေလေ အမေရိကန်အတွက် စွန့်စားရမှုပိုများလေလေဖြစ်ကြောင်း သတိပေးထားသည်။အခြားတစ်ဖက်တွင်မူ အငြိမ်းစား ရေတပ်အရာရှိ ကားလ် ရှုးစတားက အမေရိကန်သည် တစ်ဦးချင်းစောင့်ရှောက်သည့် စနစ်ထက် ဇုန်လိုက်ကာကွယ်သည့် (Zone Defense) ဗျူဟာကို ကျင့်သုံးနေသဖြင့် အင်အားအလုံးအရင်းမလိုအပ်ကြောင်း ယူဆထားသည်။ ၎င်းက အီရန်အနေဖြင့် အမေရိကန်၏အစောင့်အရှောက်ဖြင့် သွားနေသော သင်္ဘောများကို တိုက်ရိုက် တိုက်ခိုက်မည့်အစား ရေနံတင်ဆိပ်ကမ်းများနှင့် ရေနံအဆောက်အအုံများကို ပြောင်းလဲပစ်မှတ်ထားလာနိုင်ခြေရှိကြောင်း ခန့်မှန်းသုံးသပ်ထားသည်။ကိုးကား- CNNPhoto: centcomဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

Tue, 5-May-2026

အမေရိကန်နှင့် ၎င်း၏ မဟာမိတ်များသည် ရေကြောင်းလုံခြုံရေးကို အန္တရာယ် ဖြစ်စေသည်ဟု အီရန် အဓိကညှိနှိုင်းရေးမှူး စွပ်စွဲ

တင်းမာမှုများမြင့်တက်နေသည့် ဟော်မုဇ်ရေလက်ကြားတွင် အမေရိကန် နှင့် ၎င်း၏ မဟာမိတ်များသည် အပစ်အခတ်ရပ်စဲရေးကို ချိုးဖောက်ခြင်းနှင့် ပိတ်ဆို့မှုများ ပြုလုပ်ခြင်းတို့မှတစ်ဆင့် လုံခြုံစိတ်ချရသော သင်္ဘောသွားလာရေးနှင့် စွမ်းအင်သယ်ယူပို့ဆောင်ရေးတို့ကို အန္တရာယ်ဖြစ်စေခဲ့သည် ဟု အီရန်၏ သြဇာညောင်းသော လွှတ်တော်ဥက္ကဋ္ဌက ပြောကြားလိုက်သည်။"သေချာတာကတော့ သူတို့ရဲ့ မကောင်းမှုတွေဟာ လျော့ပါးသွားမှာပါ" ဟု တီဟီရန်အတွက် ဆွေးနွေးညှိနှိုင်းမှုများကို ဦးဆောင်နေပြီး အီရန် အစိုးရ၏ အဓိကပြောရေးဆိုခွင့်ရှိသူ Mohammad Bagher Ghalibaf က အင်္ဂါနေ့ (မေ ၅) တွင် X လူမှုကွန်ရက်၌ ပို့စ်တင်ခဲ့သည်။"လက်ရှိ အခြေအနေကို ဆက်ထိန်းထားဖို့က အမေရိကန်အတွက် သည်းခံနိုင်စရာမရှိဘူးဆိုတာ ကျွန်တော်တို့ ကောင်းကောင်းသိပါတယ်၊ ကျွန်တော် တို့ဘက်က ဘာမှတောင်မစရသေးပါဘူး" ဟု ၎င်းက ဆက်လက် ပြောဆိုခဲ့သည်။ဟော်မုဇ်ရေလက်ကြားတွင် နှစ်ဖက်စလုံးက ပစ်ခတ်မှုများရှိနေပြီး မရေရာသော အပစ်အခတ်ရပ်စဲရေးမှာ ပိုမိုတင်းမာလာချိန်တွင် ၎င်း၏ မှတ်ချက် ထွက်ပေါ်လာခြင်းဖြစ်သည်။ သမ္မတ ဒေါ်နယ်ထရမ့်ကမူ အမေရိကန်-အီရန် အပစ်အခတ်ရပ်စဲရေးသည် ဆက်လက်တည်မြဲခြင်း ရှိ၊ မရှိကို ထုတ်ဖော်ပြောဆိုခြင်းမရှိသော်လည်း အကယ်၍ အီရန်တပ်ဖွဲ့များ အနေဖြင့် ရေလက်ကြား သို့မဟုတ် ပါရှန်ပင်လယ်ကွေ့ရှိ အမေရိကန် သင်္ဘော များကို ပစ်မှတ်ထားပါက "ကမ္ဘာ့မြေပြင်ပေါ်မှ ပျောက်ကွယ်သွားအောင် အမှုန့်ကြိတ်ပစ်မည်" ဟု သတိပေးထားသည်။ကို့းကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

Tue, 5-May-2026

African Lion စစ်ရေးလေ့ကျင့်မှုအတွင်း အမေရိကန်စစ်သည်များ ပျောက်ဆုံးနေ

မော်ရိုကိုနိုင်ငံ အနောက်တောင်ဘက်ရှိ မြို့တစ်မြို့အနီးတွင် ကျင်းပပြုလုပ်နေသည့် နှစ်ပတ်လည် African Lion နိုင်ငံစုံစစ်ရေးလေ့ကျင့်မှုတွင်ပါဝင်နေသော အမေရိကန်စစ်သည်နှစ်ဦး ပျောက်ဆုံးနေကြောင်း အမေရိကန် အာဖရိကစစ်ဌာနချုပ် (AFRICOM) နှင့် မော်ရိုကိုတော်ဝင် တပ်မတော် တို့က တနင်္ဂနွေနေ့ (မေ ၃) တွင် ထုတ်ပြန်ခဲ့သည်။အဆိုပါ စစ်သည်များကို စနေနေ့ (မေ ၂) ညနေပိုင်းက Tan Tan မြို့အနီး အတ္တလန္တိတ်သမုဒ္ဒရာနှင့် ထိစပ်နေသည့် Cap Draa လေ့ကျင့်ရေး နယ်မြေ အနီးတွင် နောက်ဆုံးတွေ့ရှိခဲ့ခြင်းဖြစ်ကြောင်း AFRICOM က အစီရင်ခံထားသည်။ ထိုဒေသသည် ချောက်ကမ်းပါးများနှင့် သဲကန္တာရများရှိရာ ကြမ်းတမ်းသော နယ်မြေတစ်ခုဖြစ်သည်။AFRICOM ၏ ထုတ်ပြန်ချက်တွင် "အမေရိကန်၊ မော်ရိုကိုနှင့် African Lion စစ်ရေးလေ့ကျင့်မှုမှ အခြားအင်အားစုများသည် မြေပြင်၊ ဝေဟင်နှင့် ရေကြောင်းရှာဖွေရေးအစီအစဉ်များအပါအဝင် ပူးပေါင်းရှာဖွေကယ်ဆယ်ရေးလုပ်ငန်းများကို ချက်ချင်းစတင်ခဲ့ကြသည်။ ဖြစ်စဉ်ကိုဆက်လက်စုံစမ်းနေဆဲဖြစ်ပြီး ရှာဖွေမှုများလည်း လုပ်ဆောင်နေဆဲဖြစ်သည်" ဟု ဖော်ပြထားသည်။မြောက်အာဖရိကရှိ စစ်ရေးသတင်းများကို စောင့်ကြည့်ဖော်ပြနေသည့် Defense Atlas ၏ အဆိုအရ ပျောက်ဆုံးသွားချိန်တွင် အဆိုပါ စစ်သည် များသည် ပုံမှန်စစ်ရေးလေ့ကျင့်မှုတွင် ပါဝင်နေခြင်းမဟုတ်ဘဲ Tan Tan မြို့၏ မြောက်ဘက် ၂၅ ကီလိုမီတာအကွာရှိ Oued Draa မြစ်ဝတွင် ရေကူးနေစဉ် ပျောက်ဆုံးသွားခြင်း ဖြစ်နိုင်ခြေအများဆုံးဖြစ်ကြောင်း သိရှိရသည်။"မော်ရိုကို တော်ဝင်တပ်မတော်သည် ရှာဖွေရေးအတွက် ရဟတ်ယာဉ်များ၊ ဒရုန်းများ၊ တော်ဝင်ရေတပ် လေယာဉ်များနှင့် အခြားနည်းလမ်းပေါင်းစုံ ကို အသုံးပြုနေသည်" ဟုလည်း ဆက်လက်ဖော်ပြထားသည်။ ပျောက်ဆုံးနေသော စစ်သည်များ၏ အချက်အလက်များကိုမူ ထုတ်ပြန်ကြေညာခြင်း မရှိသေးပေ။၂၀၀၄ ခုနှစ်တွင် စတင်ခဲ့သော African Lion စစ်ရေးလေ့ကျင့်မှုသည် အာဖရိကတိုက်အတွင်း အမေရိကန်ဦးဆောင်သည့် အကြီးမားဆုံး နှစ်ပတ်လည် စစ်ရေးလေ့ကျင့်မှုများအနက် တစ်ခုဖြစ်သည်။ အဆိုပါ လေ့ကျင့်မှုသည် ပါဝင်သည့်နိုင်ငံများနှင့် NATO မဟာမိတ်တပ်ဖွဲ့များ အကြား အပြန်အလှန် ပူးပေါင်းဆောင်ရွက်နိုင်စွမ်းနှင့် အသင့်ရှိမှုကိုမြှင့်တင်ရန် ရည်ရွယ်ကြောင်း ဝါရှင်တန်က ပြောကြားထားသည်။၂၀၂၆ ခုနှစ် အတွက် စစ်ရေးလေ့ကျင့်မှုကို ဧပြီလ ၂၇ ရက်မှ မေလ ၈ ရက်နေ့အထိ မော်ရိုကို၊ တူနီးရှား၊ ဆီနီဂေါနှင့် ဂါနာ စသည့် လေးနိုင်ငံတွင် ကျင်းပပြုလုပ်လျက်ရှိသည်။ AFRICOM ၏ အဆိုအရ မော်ရိုကိုနိုင်ငံ တစ်ခုတည်းတွင်ပင် နိုင်ငံပေါင်း ၄၀ ကျော်မှ စစ်သည်အင်အား ၅,၀၀၀ ခန့်နှင့် အမေရိကန်အခြေစိုက် စက်မှုလုပ်ငန်းဖော်ဆောင်ဖက် ၃၀ ကျော် ပါဝင်နေကြောင်း သိရှိရသည်။ယခုကဲ့သို့ အမေရိကန်စစ်သည်များ ပျောက်ဆုံးမှုသည် African Lion လေ့ကျင့်မှုအတွင်း ပထမဆုံးဖြစ်ပွားသည့် မတော်တဆမှု မဟုတ်ပေ။ ပြီးခဲ့သည့် ၂၀၁၂ ခုနှစ်ကလည်း မော်ရိုကိုတွင် ပြုလုပ်သည့် စစ်ရေးလေ့ကျင့်မှုအတွင်း ရဟတ်ယာဉ်တစ်စင်းပျက်ကျခဲ့မှုကြောင့် အမေရိကန် မရိန်းတပ်ဖွဲ့ဝင်နှစ်ဦး သေဆုံးခဲ့ဖူးသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

Tue, 5-May-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

တရုတ်နိုင်ငံက ရေတပ်လေကြောင်းရန်ကာကွယ်ရေးစနစ်အသစ်ကို ထုတ်ဖော်ပြသ

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link