သီရိလင်္ကာနှင့်ဗီယက်နမ်နှစ်နိုင်ငံအကြား ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာများ လက်မှတ်ရေးထိုး

NoahJune222

News Image

  • သီရိလင်္ကာနှင့်ဗီယက်နမ်နှစ်နိုင်ငံအကြား ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာများ လက်မှတ်ရေးထိုး

ကိုလံဘို မေ ၈

 

သီရိလင်္ကာနှင့် ဗီယက်နမ်နှစ်နိုင်ငံအကြား ကဏ္ဍစုံ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ ငါးခုကို ယနေ့ လက်မှတ်ရေးထိုးခဲ့ကြောင်းသိရသည်။

 

သီရိလင်္ကာသမ္မတ အနုရ ကုမာရ ဒိသာနာယကနှင့် ဗီယက်နမ် ကွန်မြူနစ်ပါတီ အထွေထွေ အတွင်းရေးမှူးနှင့် နိုင်ငံတော်သမ္မတ တိုလမ်တို့က မြို့တော်ကိုလံဘိုရှိ သီရိလင်္ကာသမ္မတရုံး၌ ကျင်းပသည့် အဆိုပါလက်မှတ်ရေးထိုးပွဲအခမ်းအနားသို့ တက်ရောက်ခဲ့သည်။

 

နားလည်မှုစာချွန်လွှာများတွင် ရဲသင်တန်းများ၊ သိပ္ပံနည်းကျ သုတေသနပြုခြင်း၊ ယဉ်ကျေးမှု ဖလှယ်ခြင်းနှင့် သတင်းအချက်အလက်နှင့် ဆက်သွယ်ရေးတို့တွင် ပူးပေါင်းဆောင်ရွက်ခြင်းတို့ ပါဝင်သည်။

 

ခေါင်းဆောင်နှစ်ဦးက နှစ်နိုင်ငံဆက်ဆံရေးကို ကျယ်ကျယ်ပြန့်ပြန့် မိတ်ဖက်ဆက်ဆံရေးအဖြစ်သို့ အဆင့်မြှင့်တင်ခဲ့ကြကြောင်း ဗီယက်နမ်သတင်းအေဂျင်စီက ဖော်ပြခဲ့သည်။

 

နှစ်နိုင်ငံကုန်သွယ်မှုပမာဏ အမေရိကန်ဒေါ်လာ တစ်ဘီလီယံအထိမြှင့်တင်ရန် နှစ်ဖက်စလုံးက အရှိန်အဟုန်မြှင့် ဆောင်ရွက်သွားမည်ဖြစ်ကြောင်း နှစ်နိုင်ငံခေါင်းဆောင်များက ကတိပြုခဲ့ကြောင်း သိရသည်။ ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ သဘောတူညီချက်ကို အကောင်အထည် ဖော်ရန်လည်း သဘောတူညီခဲ့ကြောင်း သိရသည်။

 

ကိုးကား - ဆင်ဟွာ၊ ဘာသာပြန် - အောင်ကျော်ကျော်

MDN

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ဟော်မုရေလက်ကြားကို ထိန်းချုပ်ခြင်းက အက်တမ်ဗုံးကို ပိုင်ဆိုင်ခြင်းနှင့်တူဟု အီရန်ပြော
ဟော်မုရေလက်ကြားကို ထိန်းချုပ်ခြင်းက အက်တမ်ဗုံးကို ပိုင်ဆိုင်ခြင်းနှင့်တူဟု အီရန်ပြော
အမေရိကန်စစ်ဘက်က အိုမန်ပင်လယ်ကွေ့၌ အီရန်အလံတင် ရေနံတင်သင်္ဘောနှစ်စင်းကို တိုက်ခိုက်ပြီးနောက် ဟော်မုရေလက်ကြားကို ထိန်းချုပ်ခြင်းသည် အက်တမ်ဗုံးတစ်လုံးကို ပိုင်ဆိုင်ခြင်းနှင့်တူကြောင်း အီရန်ဦးသျှောင်၏ အကြံပေးက ပြောကြားခဲ့သည်။အမေရိကန် အလယ်ပိုင်းဒေသစစ်ဌာနချုပ်က ၎င်းတို့၏ ရေကြောင်းပိတ်ဆို့မှုကို ချိုးဖောက်ကာ အီရန်ဆိပ်ကမ်းသို့ ဝင်ရောက်ရန် ကြိုးပမ်းသည့် M/T Sea Star III နှင့် M/T Sevda ရေနံတင်သင်္ဘောနှစ်စင်းကို တိုက်ခိုက်ခဲ့ခြင်းဖြစ်ကြောင်း ထုတ်ပြန်ထားသည်။ ယင်းလုပ်ဆောင်ချက်သည် အပစ်အခတ်ရပ်စဲရေးကို ချိုးဖောက်ခြင်းဖြစ်ပြီး အမေရိကန်၏ အကြမ်းဖက်မှုဖြစ်ကြောင်း အီရန်စစ်ဘက်က တုံ့ပြန်ပြောဆိုသည်။ဟော်မုရေလက်ကြားသည် အီရန်နိုင်ငံအတွက် အက်တမ်ဗုံးတစ်လုံးကဲ့သို့ စွမ်းဆောင်ရည်ရှိကြောင်းနှင့် နိုင်ငံတကာဥပဒေအရဖြစ်စေ၊ တစ်နိုင်ငံတည်းသဘောဖြင့်ဖြစ်စေ ရေလက်ကြား၏ အုပ်ချုပ်မှုစနစ်ကို ပြောင်းလဲရန် ကြိုးပမ်းသွားမည်ဖြစ်ကြောင်း အီရန်ဦးသျှောင်၏ အကြံပေး မိုဟာမတ်မော့ဘာက ပြောကြားခဲ့သည်။ တိုက်ခိုက်မှုများ ဆက်တိုက်ဖြစ်ပွားနေခြင်းကြောင့် ကမ္ဘာ့စွမ်းအင်ဈေးကွက်၏ အဓိကရေလမ်းကြောင်းဖြစ်သော ဟော်မုရေလက်ကြားတွင် တင်းမာမှုများ ပိုမိုမြင့်တက်လျက်ရှိသည်။Ref: RTMWD
Sun, 10-May-2026
ဗြိတိန်ရွေးကောက်ပွဲတွင် လေဘာပါတီ အကြီးအကျယ်ရှုံးနိမ့်၊ ဝန်ကြီးချုပ် ကီယာစတာမာ ရာထူးမှနုတ်ထွက်ရန် ငြင်းဆန်
ဗြိတိန်ရွေးကောက်ပွဲတွင် လေဘာပါတီ အကြီးအကျယ်ရှုံးနိမ့်၊ ဝန်ကြီးချုပ် ကီယာစတာမာ ရာထူးမှနုတ်ထွက်ရန် ငြင်းဆန်
ဗြိတိန်ဝန်ကြီးချုပ် ကီယာ စတာမာ၏ လေဘာပါတီသည် ပြီးခဲ့သည့် ကြာသပတေးနေ့ (မေ ၇) က ကျင်းပခဲ့သော အင်္ဂလန်၊ စကော့တလန်နှင့် ဝေလပြည်နယ် ရွေးကောက်ပွဲများတွင် မမျှော်လင့်ထားဘဲ အပြတ်အသတ် ရှုံးနိမ့်မှုနှင့် ရင်ဆိုင်ခဲ့ရသည်။ ထွက်ပေါ်လာသော ရလဒ်များအရ လေဘာပါတီသည် အင်္ဂလန်နိုင်ငံ တစ်ဝှမ်းရှိ ဒေသန္တရကောင်စီ အမတ်နေရာ ၁,၃၀၀ ကျော် ဆုံးရှုံးခဲ့ရုံသာမက ဝေးလ်စ်ပြည်နယ် ဝန်ကြီးချုပ်ကိုယ်တိုင် အမတ်နေရာ ရှုံးနိမ့်ခဲ့ သည်အထိ ယခုရာစုအတွင်း ပထမဆုံးအကြိမ်အဖြစ် ဝေးလ်စ်ပြည်နယ်အပေါ် ထိန်းချုပ်နိုင်စွမ်းကိုပါ လက်လွှတ်ခဲ့ရသည်။ အလားတူပင် အဓိက အတိုက်အခံ ကွန်ဆာဗေးတစ်ပါတီသည်လည်း အမတ်နေရာ ရာနှင့်ချီ ဆုံးရှုံးခဲ့သဖြင့် ဗြိတိန်၏ ရိုးရာနှစ်ပါတီစနစ်မှာ သိသိသာသာယိုင်နဲ့သွား ခဲ့သည်။ယခုရွေးကောက်ပွဲတွင် နိုင်ဂျယ် ဖာရေ့ဂျ်၏ Reform UK ပါတီက အင်္ဂလန်တွင် အမတ်နေရာ ၁,၂၀၀ ကျော် အနိုင်ရရှိကာ အကြီးမားဆုံး အောင်ပွဲခံနိုင်ခဲ့သကဲ့သို့ ဂရင်းပါတီ (Green Party) သည်လည်း အစိုးရ၏ ခြွေတာရေးမူဝါဒနှင့် အစ္စရေးအပေါ်ထောက်ခံမှုတို့ကို မကျေနပ်သည့် လေဘာမဲဆန္ဒရှင်များ၏ ထောက်ခံမှုကို ရရှိခဲ့သည်။ Reform UK ပါတီ ခေါင်းဆောင် ဖာရေ့ဂျ်က “လေဘာပါတီမှာ သုတ်သင်ဖယ်ရှားခြင်း ခံလိုက် ရပြီ ဖြစ်ပြီး ဗြိတိန်နိုင်ငံရေးအခင်းအကျင်းမှာလည်း တစ်ခေတ်ဆန်း သွားပြီဖြစ်ကြောင်း” မှတ်ချက်ပြုခဲ့သည်။ထိုသို့ ပါတီတွင်းနှင့် အပြင်မှဝေဖန်တိုက်ခိုက်မှုများ၊ နုတ်ထွက်ရန် တောင်းဆိုမှုများ ပြင်းထန်နေသော်လည်း ဝန်ကြီးချုပ် ကီယာ စတာမာ ကမူ လက်ရှိအခြေအနေကို ပြန်လည်သုံးသပ်သွားမည် ဖြစ်သော်လည်း ရာထူးမှ နုတ်ထွက်မည်မဟုတ်ကြောင်း အတိအလင်း ငြင်းဆိုထားသည်။ ၎င်းက မိမိအနေဖြင့် တာဝန်မှစွန့်ခွာသွားခြင်းဖြင့် နိုင်ငံကို မငြိမ်မသက်မှုများအတွင်းသို့ တွန်းပို့မည်မဟုတ်ကြောင်း ပြောကြားထားသဖြင့် ဗြိတိန် နိုင်ငံရေး အပြောင်းအလဲမှာ ယခုရက်ပိုင်းအတွင်း ဆက်လက် အရှိန်မြင့်နေဦးမည် ဖြစ်သည်။ကိုးကား - RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sat, 9-May-2026
သီရိလင်္ကာနှင့်ဗီယက်နမ်နှစ်နိုင်ငံအကြား ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာများ လက်မှတ်ရေးထိုး
သီရိလင်္ကာနှင့်ဗီယက်နမ်နှစ်နိုင်ငံအကြား ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာများ လက်မှတ်ရေးထိုး
ကိုလံဘို မေ ၈ သီရိလင်္ကာနှင့် ဗီယက်နမ်နှစ်နိုင်ငံအကြား ကဏ္ဍစုံ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ ငါးခုကို ယနေ့ လက်မှတ်ရေးထိုးခဲ့ကြောင်းသိရသည်။ သီရိလင်္ကာသမ္မတ အနုရ ကုမာရ ဒိသာနာယကနှင့် ဗီယက်နမ် ကွန်မြူနစ်ပါတီ အထွေထွေ အတွင်းရေးမှူးနှင့် နိုင်ငံတော်သမ္မတ တိုလမ်တို့က မြို့တော်ကိုလံဘိုရှိ သီရိလင်္ကာသမ္မတရုံး၌ ကျင်းပသည့် အဆိုပါလက်မှတ်ရေးထိုးပွဲအခမ်းအနားသို့ တက်ရောက်ခဲ့သည်။ နားလည်မှုစာချွန်လွှာများတွင် ရဲသင်တန်းများ၊ သိပ္ပံနည်းကျ သုတေသနပြုခြင်း၊ ယဉ်ကျေးမှု ဖလှယ်ခြင်းနှင့် သတင်းအချက်အလက်နှင့် ဆက်သွယ်ရေးတို့တွင် ပူးပေါင်းဆောင်ရွက်ခြင်းတို့ ပါဝင်သည်။ ခေါင်းဆောင်နှစ်ဦးက နှစ်နိုင်ငံဆက်ဆံရေးကို ကျယ်ကျယ်ပြန့်ပြန့် မိတ်ဖက်ဆက်ဆံရေးအဖြစ်သို့ အဆင့်မြှင့်တင်ခဲ့ကြကြောင်း ဗီယက်နမ်သတင်းအေဂျင်စီက ဖော်ပြခဲ့သည်။ နှစ်နိုင်ငံကုန်သွယ်မှုပမာဏ အမေရိကန်ဒေါ်လာ တစ်ဘီလီယံအထိမြှင့်တင်ရန် နှစ်ဖက်စလုံးက အရှိန်အဟုန်မြှင့် ဆောင်ရွက်သွားမည်ဖြစ်ကြောင်း နှစ်နိုင်ငံခေါင်းဆောင်များက ကတိပြုခဲ့ကြောင်း သိရသည်။ ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ သဘောတူညီချက်ကို အကောင်အထည် ဖော်ရန်လည်း သဘောတူညီခဲ့ကြောင်း သိရသည်။ ကိုးကား - ဆင်ဟွာ၊ ဘာသာပြန် - အောင်ကျော်ကျော်MDN
Sat, 9-May-2026
အီရန်နှင့် ဆွေးနွေးမှုကောင်းများရရှိခဲ့ကြောင်း ထရမ့်ပြောကြား
အီရန်နှင့် ဆွေးနွေးမှုကောင်းများရရှိခဲ့ကြောင်း ထရမ့်ပြောကြား
ဝါရှင်တန်   မေ   ၇အမေရိကန်အနေဖြင့် ပြီးခဲ့သည့်တစ်ရက်အတွင်းက စစ်ပွဲပြီးဆုံးရေးအတွက် အီရန်နှင့် ဆွေးနွေးမှုများ ကောင်းစွာဆောင်ရွက်နိုင်ခဲ့ကြောင်း အမေရိကန်သမ္မတ ဒေါ်နယ်ထရမ့်က မေ ၇ ရက်တွင် ပြောကြားသည်။စစ်ပွဲဖြစ်ခဲ့သည်မှာ နှစ်လရှိနေပြီဖြစ်သည်။ အီရန်အနေဖြင့် ငြိမ်းချမ်းရေး သဘောတူညီချက်ရရှိရန် ဆန္ဒရှိနေပြီး နှစ်ဖက်ကြားဆွေးနွေးမှုအခြေအနေများ ကောင်းမွန်ကာ ငြိမ်းချမ်းရေးရရှိရန် နီးကပ်လာပြီဖြစ်ကြောင်း ၎င်းက ပြောကြားသည်။အီရန်မှ အမေရိကန်တပ်ဖွဲ့များ လက်ရှိအချိန်တွင်  ဆုတ်ခွာသွားသည့်တိုင် အီရန်နိုင်ငံကို ပြန်လည်ထူထောင်ရန် နှစ်  ၂၀ ခန့် အချိန်ယူရနိုင်ကြောင်း ၎င်းက ပြောကြားသည်။                                  ကိုးကား - ဆင်ဟွာဘာသာပြန် - စိုးသူရMDN
Fri, 8-May-2026
ပါကစ္စတန်ဝန်ကြီးချုပ်က အမေရိကန်၏ Project Freedom ဆောင်ရွက်ချက်များ ခေတ္တရပ်ထားရန် ဆုံးဖြတ်ချက်ကို ကြိုဆို
ပါကစ္စတန်ဝန်ကြီးချုပ်က အမေရိကန်၏ Project Freedom ဆောင်ရွက်ချက်များ ခေတ္တရပ်ထားရန် ဆုံးဖြတ်ချက်ကို ကြိုဆို
ပါကစ္စတန်ဝန်ကြီးချုပ် ရှာဘက် ရှာရစ်ဖ်က ဟော်မုဇ်ရေလက်ကြား၌ ဖြတ်သန်းသွားသော သင်္ဘောများကို လမ်းကြောင်းလိုက်လံပြသပေးသည့် အမေရိကန်စစ်ရေးဆောင်ရွက်မှု (Project Freedom)အစီအစဉ်ကို ခေတ္တရပ်ထားရန် အမေရိကန်သမ္မတ ထရမ့်၏ဆုံးဖြတ်ချက်ကို ကြိုဆိုကြောင်း ယမန်နေ့က ပြောကြားသည်။အဆိုပါလှုပ်ရှားမှုသည် ဒေသတွင်းတင်းမာမှုများဖြေလျှော့ရန် အပြုသဘောဆောင်သော ခြေလှမ်းတစ်ရပ်ဖြစ်ကြောင်း ၎င်းက ဆက်လက်ပြောကြားသည်။ပါကစ္စတန်နှင့် ဆော်ဒီအာရေးဗီးယားအပါအဝင် အခြားနိုင်ငံများ၏ တောင်းဆိုချက်အပေါ် အမေရိကန်သမ္မတ ဒေါ်နယ်ထရမ့်၏  တုံ့ပြန်မှုသည်  ဒေသတွင်းငြိမ်းချမ်းရေး၊ တည်ငြိမ်ရေးနှင့် ပြန်လည်သင့်မြတ်ရေး အရှိန်အဟုန်မြင့်မားလာစေရန်အတွက် ကောင်းမွန်သောလမ်းကြောင်းတစ်ခု ဖြစ်ကြောင်း  ဝန်ကြီးချုပ် ရှာဘက် ရှာရစ်ဖ်က  ပြောကြားသည်။တွေ့ဆုံဆွေးနွေးပွဲများကျင်းပခြင်း၊ သံခင်းတမန်ခင်းလမ်းကြောင်းမှတစ်ဆင့် ပဋိပက္ခများကို  ထိန်းထိန်းသိမ်းသိမ်းဆောင်ရွက်ရန်နှင့် ငြိမ်းချမ်းစွာ ထိတွေ့ဆက်ဆံမှုသည် ရေရှည်တည်ငြိမ်မှုအတွက် မရှိမဖြစ်လိုအပ်ကြောင်း ၎င်းက ပြောကြားသည်။အဆိုပါ Project Freedom ဆောင်ရွက်ချက်များကို ရပ်တန့်ထားရန်နှင့် ဝါရှင်တန်နှင့် တီဟီရန်ကြား ငြိမ်းချမ်းရေးသဘောတူညီချက်ဆိုင်ရာ ဆွေးနွေးမှုများကို ဆက်လက်စောင့်ကြည့်ရန်   လိုအပ်ကြောင်း သမ္မတထရမ့်က ယမန်နေ့တွင် ပြောကြားခဲ့သည်။ကိုးကား - အင်န်အိတ်ချ်ကေဘာသာပြန် - အောင်ကျော်ကျော်MDN
Fri, 8-May-2026
ဝန်ကြီးချုပ်ဟောင်း သက်ဆင်အား ခံဝန်ဖြင့်လွှတ်ပေးမည့်အစီအစဉ်ကို ကန့်ကွက်ကြောင်း ဆန္ဒပြသူများ တောင်းဆို
ဝန်ကြီးချုပ်ဟောင်း သက်ဆင်အား ခံဝန်ဖြင့်လွှတ်ပေးမည့်အစီအစဉ်ကို ကန့်ကွက်ကြောင်း ဆန္ဒပြသူများ တောင်းဆို
ထိုင်းဝန်ကြီးချုပ်ဟောင်း သက်ဆင် ရှင်နာဝပ်ထရာအား ခံဝန်ဖြင့် ပြန်လည်လွှတ်ပေးရန် စီစဉ်နေသည့်လုပ်ငန်းစဉ်များအပေါ် ကန့်ကွက်သည့်အနေဖြင့် ‘ထိုင်းနိုင်ငံ ပြုပြင်ပြောင်းလဲရေး ပြည်သူ-ကျောင်းသား ကွန်ရက် (KPT)’ က တရားရေးဝန်ကြီးဌာနသို့ ကြာသပတေးနေ့ (မေ ၇) တွင် အသနားခံစာ တင်သွင်းခဲ့သည်။ ဆန္ဒပြအဖွဲ့ခေါင်းဆောင် ပီချစ် ချိုင်မွန်ကောသည် အဆိုပါ အသနားခံစာကို ချန်းဝပ်သနာရှိ ဝန်ကြီးဌာနရုံးချုပ်သို့ သွားရောက် ပေးအပ်ခဲ့ခြင်းဖြစ်ပြီး အကျဉ်းဦးစီးဌာနအနေဖြင့် ဥပဒေကို အဓိပ္ပာယ်ကောက်လွဲနေကြောင်းနှင့် သက်ဆင် ရဲဆေးရုံ၌ ဆေးကုသမှုခံယူခဲ့သည့် ကိစ္စနှင့်ပတ်သက်သော တရားလွှတ်တော်ချုပ်၏ တွေ့ရှိချက်များကို လျစ်လျူရှုထားကြောင်း စွပ်စွဲထားသည်။KPT အဖွဲ့၏ ထောက်ပြချက်အရ အကျဉ်းဦးစီးဌာနသည် သက်ဆင်အား ခံဝန်ရပိုင်ခွင့်ရှိသူအဖြစ် သတ်မှတ်ရာတွင် ရာဇသတ်ကြီးပုဒ်မများကိုမှားယွင်းကိုးကားထားကြောင်း၊ အဓိကအားဖြင့် ထိန်းသိမ်းခံထားရစဉ်အတွင်း စည်းကမ်းဖောက်ဖျက်မှု ရှိ၊ မရှိကိုသာ အလေးထားသင့်ကြောင်း ဆိုသည်။ ထို့အပြင် သက်ဆင်အား အကျဉ်းထောင်ပြင်ပတွင် ဆေးကုသခွင့်ပြုခဲ့ခြင်းမှာ ဥပဒေနှင့်မညီဘဲ ၎င်း၏ ကျန်းမာရေးမှာလည်း စိုးရိမ်ရသည့် အခြေအနေမဟုတ်ကြောင်း တရားရုံးကတွေ့ရှိထားသည်ဟု အဆိုပါအဖွဲ့ကပြောကြားခဲ့ပြီး အကယ်၍ ထိုလုပ်ငန်းစဉ်ကို ဆက်လက် လုပ်ဆောင်ပါက တာဝန်ရှိသူများအနေဖြင့် တာဝန်ဝတ္တရားအလွဲသုံးစားမှုဖြင့် တရားစွဲဆိုခံရနိုင်ကြောင်း သတိပေးထားသည်။အခြားတစ်ဖက်တွင်မူ အကျဉ်းဦးစီးဌာနက ၎င်းတို့၏ ဆောင်ရွက်ချက်များသည် ဥပဒေနှင့်အညီဖြစ်ကြောင်း ခုခံပြောဆိုထားသည်။ သက်ဆင် သည် တော်ဝင်လွတ်ငြိမ်းချမ်းသာခွင့်ဖြင့် ထောင်ဒဏ်တစ်နှစ်သို့ လျှော့ပေါ့ခံထားရပြီးဖြစ်ရာ ‘အလတ်စားအဆင့်အကျဉ်းသား’ တစ်ဦးအဖြစ် ခံဝန် ရပိုင်ခွင့်အပြည့်အဝရှိသည်ဟု အာဏာပိုင်များက အခိုင်အမာဆိုသည်။ ထိုအတောအတွင်း ဝန်ကြီးချုပ်ဟောင်း၏ သမီးဖြစ်သူ ပေထုန်တန် ရှင်နာဝပ်ထရာ အပါအဝင် မိသားစုဝင်များသည် သတ်မှတ်ထားသည့် ခံဝန်ဖြင့်လွတ်မြောက်မည့်နေ့ (မေလ ၁၁ ရက်) မတိုင်မီ သက်ဆင်အား အကျဉ်းထောင်သို့ သွားရောက်တွေ့ဆုံခဲ့ကြပြီး ရှပ်နီ ထောက်ခံသူများကလည်း အားပေးဝန်းရံလျက်ရှိကြောင်း သိရှိရသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
© Copyright 2024 SAC All Rights Reserved.