နမ့်စန်မြို့ နမ့်စန်သင်တန်းစခန်းတွင် ဖွင့်လှစ်လျက်ရှိသော အခြေခံလေကြောင်းလူငယ်သင်တန်းအား တာဝန်ရှိသူများ သွားရောက်ကြည့်ရှု
News Image
နေပြည်တော် မေ ၁၁
ရှမ်းပြည်နယ်(တောင်ပိုင်း) နမ့်စန်မြို့ နမ့်စန်သင်တန်း စခန်းရှိအခြေခံလေကြောင်း လူငယ်သင်တန်း အမှတ်စဉ် (၁၀) ၌ တက်ရောက်လျက်ရှိသည့် သင်တန်းသားသင်တန်းသူများ၏ သင်ခန်းစာသင်ကြား ပို့ချသင်ယူနေမှုများကို ယနေ့နံနက်ပိုင်း တွင် အရှေ့အလယ်ပိုင်းတိုင်းစစ်ဌာနချုပ်မှ တာဝန်ရှိသူများက သွားရောက်ကြည့်ရှုအားပေးကြသည်။
ဦးစွာ တိုင်းစစ်ဌာနချုပ်မှ တာဝန်ရှိသူတစ်ဦးက သင်တန်းသား သင်တန်းသူများအား အမှာစကားပြောကြားပြီး သင်တန်းသား သင်တန်းသူများအတွက် ဂုဏ်ပြုချီးမြှင့်ငွေများနှင့် စားသောက်ဖွယ်ရာများ ချီးမြှင့်ပေးအပ်ကြရာ တာဝန်ရှိသူများနှင့် သင်တန်းသား သင်တန်းသူများက လက်ခံရယူကြသည်။
ထို့နောက် တိုင်းစစ်ဌာနချုပ်မှ တာဝန်ရှိသူများက သင်တန်းသား သင်တန်းသူများအား ရင်းရင်းနှီးနှီး လိုက်လံ နှုတ်ဆက်ကာ သင်ခန်းစာသင်ကြားနေမှုကို ကြည့်ရှုအားပေး ခဲ့ကြကြောင်း သိရသည်။
သတင်းစဉ်
MDN
MM-News-Category
, 