မွေးမြူရေးကဏ္ဍဖွံ့ဖြိုးတိုးတက်‌ရေး မွေးမြူရေးလုပ်ငန်းရှင်များ၊ မွေးမြူရေးတောင်သူများနှင့် တွေ့ဆုံဆွေးနွေး

နေပြည်တော် မေ ၁၁

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာရဲထွန်းဝင်းသည် ယမန်နေ့က မိတ္ထီလာမြို့နယ်ရှိ Garden Family ကုမ္ပဏီ ဆိတ်မွေးမြူရေးခြံတွင် မွေးမြူရေးနှင့် ကုသရေးဦးစီးဌာန ခရိုင်နှင့်မြို့နယ် တာဝန်ရှိသူများ၊ ဆိတ်မွေးမြူရေးလုပ်ငန်း လုပ်ကိုင်ကြသူများနှင့် တွေ့ဆုံသည်။

ပေါင်းစပ်ဆောင်ရွက်

တွေ့ဆုံစဉ် မိတ္ထီလာဒေသတွင် ကောင်းမွန်သော မွေးမြူရေးကျင့်စဉ် (Good Animal Husbandry Practices - GAHP) နှင့်အညီ လိုက်နာဆောင်ရွက်သော မွေးမြူရေးဇုန်များ ဆောင်ရွက်နိုင်ရေး ၊ မွေးမြူရေးကဏ္ဍ ဖွံ့ဖြိုးတိုးတက်ရေးနှင့် အသားကဏ္ဍ ထုတ်လုပ်မှုမြှင့်တင်ရေးအတွက် ပူးပေါင်းကြိုးပမ်းကြရန် တိုက်တွန်းပြောကြားပြီး ဆိတ်မွေးမြူရေး လုပ်ငန်းရှင်များက ဆိတ်မွေးမြူရာတွင် ကြုံတွေ့ကြရသည့် မျိုးလိုအပ်ချက်၊ သယ်ယူပို့ဆောင်ရေး အခက်အခဲနှင့် မြေယာအသုံးပြုမှု လိုအပ်ချက်များကို တင်ပြကြရာ သက်ဆိုင်ရာဌာနများနှင့် ပေါင်းစပ်ညှိနှိုင်း ဆောင်ရွက်ပေးသည်။

ထို့နောက် ဒုတိယဝန်ကြီးသည် ပျော်ဘွယ်မြို့နယ်နှင့် ရမည်းသင်းမြို့နယ်တို့တွင် အစာစပ် လုပ်ငန်းရှင်များ၊ ဝက်၊ ဆိတ်၊ ကြက်မွေးမြူသူများနှင့် တွေ့ဆုံ၍ လက်ရှိမွေးမြူရေးလုပ်ငန်း ဆောင်ရွက်မှုများ၊ ထုတ်လုပ်မှုအခြေအနေများကို ဆွေးနွေးခဲ့ကြောင်း သိရသည်။

သတင်းစဉ်

MDN