ရုရှားနှင့် သဘောတူညီချက်များကို အကောင်အထည်ဖော်ရန်နှင့် ပူးပေါင်းဆောင်ရွက်မှု မြှင့်တင်ရန် တရုတ် အဆင်သင့်ရှိဟုဆို

NoahJune222

News Image

  • ရုရှားနှင့် သဘောတူညီချက်များကို အကောင်အထည်ဖော်ရန်နှင့် ပူးပေါင်းဆောင်ရွက်မှု မြှင့်တင်ရန် တရုတ် အဆင်သင့်ရှိဟုဆို

     ရုရှားသမ္မတ ဗလာဒီမာပူတင်၏ တရုတ်နိုင်ငံခရီးစဉ်အတွင်း နှစ်နိုင်ငံခေါင်းဆောင်များကြား ရရှိထားသော သဘောတူညီချက်များကို အကောင်အထည်ဖော်ရန်နှင့် ပူးပေါင်းဆောင်ရွက်မှုများ ပိုမိုတိုးတက်ကောင်းမွန်အောင် မြှင့်တင်ရန် တရုတ်နိုင်ငံက အသင့်ရှိကြောင်း တရုတ်နိုင်ငံခြားရေး ဝန်ကြီးဌာနမှ ပြောရေးဆိုခွင့်ရှိသူ ဂိုကျာကွန်းက မေလ၂၁ ရက်တွင်ပြောသည်။

နှစ်နိုင်ငံဆက်ဆံရေး ပိုမိုဖွံ့ဖြိုး တိုးတက်စေရန်ရုရှားနှင့် တရုတ်နိုင်ငံတို့သည် ငြိမ်းချမ်းစွာဖွံ့ဖြိုး တိုးတက်ရေးလမ်းကြောင်းနှင့် အပြန်အလှန်အကျိုးဖြစ်ထွန်းစေမည့် ပူးပေါင်းဆောင်ရွက်မှုများကို လိုက်နာဆောင်ရွက်သွားမည်ဖြစ်ကြောင်း ၎င်းက သတင်းစာရှင်းလင်းပွဲတွင် ပြောသည်။

“ နိုင်ငံ့ခေါင်းဆောင်နှစ်ဦးကြား ရရှိထားတဲ့ အရေးကြီး သဘောတူညီချက်များကို အကောင်အထည်ဖော်ရန်၊ သမိုင်းဝင်အခွင့်အလမ်းများကို အပြည့်အဝအသုံးချကာ နှစ်နိုင်ငံကြား အပြန်အလှန်ယုံကြည်မှု ပိုမိုခိုင်မာစေရန်နှင့် ပူးပေါင်းဆောင်ရွက်မှုများ မြှင့်တင်ရန် တရုတ်နိုင်ငံက ရုရှားနိုင်ငံနဲ့အတူ လက်တွဲဆောင်ရွက်သွားဖို့ အဆင်သင့်ရှိပါတယ်”ဟု ၎င်းကပြောထားခြင်းဖြစ်သည်။

ဆိုက်ဘေးရီးယားစွမ်းအင်-၂ စီမံကိန်းဆိုင်ရာ နှစ်နိုင်ငံပူးပေါင်းဆောင်ရွက်မှုနှင့် ပတ်သက်၍လည်း တရုတ်နိုင်ငံအနေဖြင့် အပြန်အလှန်လေးစားမှုနှင့် အပြန်အလှန် အကျိုးစီးပွားကို အခြေခံ၍ ရုရှားနိုင်ငံနှင့် ဆက်လက်ပူးပေါင်း ဆောင်ရွက်သွားရန် အဆင်သင့်ရှိကြောင်း ဂိုကျာကွန်းက ပြောထားသည်ဟု သိရသည်။

MWD

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ယူကရိန်းအတွက် ကန့်သတ်ချက်ရှိသော တွဲဖက် အီးယူအဖွဲ့ဝင်အဆင့် ဂျာမနီ ဝန်ကြီးချုပ် အဆိုပြု
ယူကရိန်းအတွက် ကန့်သတ်ချက်ရှိသော တွဲဖက် အီးယူအဖွဲ့ဝင်အဆင့် ဂျာမနီ ဝန်ကြီးချုပ် အဆိုပြု
ဂျာမနီဝန်ကြီးချုပ် ဖရီးဒရစ် မာဇ် (Friedrich Merz) က ယူကရိန်းနိုင်ငံ၏ အီးယူ (EU) အဖွဲ့ဝင်ဖြစ်ရေး မျှော်မှန်းချက်များကို ကိုင်တွယ်ဖြေရှင်းရန် အတွက် ၎င်းအား အီးယူအတွင်း ကန့်သတ်ချက်ရှိသော ကြားဖြတ် သို့မဟုတ် တွဲဖက်အဖွဲ့ဝင်အဆင့် (Associate Membership) တစ်ခု သတ်မှတ်ပေးရန် အီးယူခေါင်းဆောင်များထံ စာရေးသားပေးပို့၍ အဆိုပြုလိုက်ကြောင်း ရိုက်တာနှင့် ယူရိုနယူးစ် အပါအဝင် မီဒီယာများက ဖော်ပြခဲ့ကြသည်။ယင်းအဆိုပြုချက်အရ ယူကရိန်းသည် အီးယူရန်ပုံငွေပံ့ပိုးသည့် အစီအစဉ်အချို့ကို အသုံးပြုခွင့်ရရှိမည်ဖြစ်ပြီး တိုက်ခိုက်ခံရပါကလည်း အဖွဲ့ဝင်များထံမှ အကူအညီတောင်းခံနိုင်မည့်အပြင် အီးယူအစည်းအဝေးများကို တက်ရောက်ခွင့်ရရှိမည်ဖြစ်သော်လည်း မဲခွဲဆုံးဖြတ်ပိုင်ခွင့်ကိုမူ (မဲပေးခွင့်) ရရှိမည်မဟုတ်ပေ။ ထို့ပြင် ယခုအဆင့်အတန်းသည် ပုံမှန်အဖွဲ့ဝင်ဖြစ်ရေးလုပ်ငန်းစဉ်ကို အစားထိုးမည်မဟုတ်ဘဲ တောင်းဆိုထားသောပြုပြင် ပြောင်းလဲမှုများကို ယူကရိန်းဘက်က ပျက်ကွက်ပါက ပြန်လည် ရုပ်သိမ်းခံရနိုင်ကြောင်း သိရှိရသည်။ဂျာမနီဝန်ကြီးချုပ် မာဇ်က မရေမတွက်နိုင်သော အတားအဆီးများနှင့် အဖွဲ့ဝင်နိုင်ငံများ၏ အတည်ပြုချက်ရယူရေး နိုင်ငံရေးရှုပ်ထွေးမှုများကြောင့် ယူကရိန်းအနေဖြင့် ချက်ချင်း သို့မဟုတ် မကြာခင်ကာလအတွင်း တင်းပြည့်အဖွဲ့ဝင်ဖြစ်လာရန်မှာ မဖြစ်နိုင်ကြောင်းနှင့် လက်တွေ့မကျကြောင်း ထည့်သွင်းပြောဆိုခဲ့သည်။ သို့သော်လည်း ၂၀၂၂ ခုနှစ် ဇွန်လကတည်းက အီးယူ အဖွဲ့ဝင်လောင်းအဆင့်ရရှိထားသည့် ယူကရိန်းသမ္မတ ဗလာဒီမာ ဇီလန်စကီးကမူ အထိမ်းအမှတ်သဘောသက်သက် အဆင့်အတန်းမျိုးကို ငြင်းပယ်ထားပြီး ယူကရိန်းသည် အီးယူအဖွဲ့ဝင်နေရာနှင့် ထိုက်တန်ကြောင်း ပြောဆိုကာ ၂၀၂၇ ခုနှစ် ကုန်ဆုံးချိန်တွင် တင်းပြည့်အဖွဲ့ဝင် ရရှိရေးကိုသာ အကြိမ်ကြိမ် တောင်းဆိုထားသည်။ တစ်ဖက်တွင်လည်း ရုရှားအစိုးရဘက်က အီးယူသည် ယူကရိန်းကို အဖွဲ့ဝင်အစစ်အမှန်ပေးရန်ထက် နိုင်ငံရေးအရလှည့်ကွက်အဖြစ်သာအသုံးပြုနေခြင်းဖြစ်ပြီး အီးယူ၏ ကတိကဝတ်သည် လှည်းရှေ့တွင်မြှူထားသည့် မုန်လာဥနီကဲ့သို့သာဖြစ်ကြောင်း ဝေဖန်ပြစ်တင်ထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 22-May-2026
အီရန်စစ်ပွဲတွင် အမေရိကန်က ဒုံးကျည်လက်နက်တိုက် ထက်ဝက်နီးပါး သုံးစွဲခဲ့ရစဉ် အစ္စရေးက ခြွေတာခဲ့ကြောင်း ဝါရှင်တန်ပို့စ် ဖော်ပြ
အီရန်စစ်ပွဲတွင် အမေရိကန်က ဒုံးကျည်လက်နက်တိုက် ထက်ဝက်နီးပါး သုံးစွဲခဲ့ရစဉ် အစ္စရေးက ခြွေတာခဲ့ကြောင်း ဝါရှင်တန်ပို့စ် ဖော်ပြ
Washington Post သတင်းစာ၏ ဖော်ပြချက်အရ အီရန်နှင့်ဖြစ်ပွားခဲ့သော စစ်ပွဲအတွင်း အမေရိကန်က ၎င်း၏ အဆင့်မြင့် လေကြောင်းရန် ကာကွယ်ရေး အရန်ဒုံးကျည်အမြောက်အမြားကို အသုံးပြုခဲ့ရသော်လည်း အစ္စရေးကမူ ၎င်း၏ လက်နက်တိုက်များကို ခြွေတာထိန်းသိမ်းထားခဲ့ကြောင်း သိရှိရသည်။ စစ်ပွဲအတွင်း အမေရိကန်တပ်ဖွဲ့ဝင်များသည် ၎င်းတို့၌ ရှိသော သိုလှောင်မှုစုစုပေါင်း၏ ထက်ဝက်ခန့်ဖြစ်သည့် THAAD ဒုံးခွင်းဒုံး ၂၀၀ ကျော်နှင့် SM-3၊ SM-6 ဒုံးကျည် ၁၀၀ ကျော်အထိ အသုံးပြု၍ဒုံးကျည်ကာကွယ်ရေးတာဝန်အများစုကို အဓိကတာဝန်ယူပေးခဲ့ရသည်။သို့သော် အစ္စရေးသည် Arrow ဒုံးခွင်းဒုံး ၁၀၀ နှင့် David’s Sling ဒုံးခွင်းဒုံး ၉၀ မျှသာ အသုံးပြုခဲ့ပြီး ၎င်းတို့အနက်အချို့ကို နည်းပညာနိမ့် ရန်သူ့ ဒုံးကျည်များကိုခုခံရာတွင်သာ သုံးစွဲခဲ့ခြင်းကြောင့် သုတေသီများနှင့် ဝေဖန်သူများက ယင်းကို မမျှတသောအခြေအနေအဖြစ် ထောက်ပြနေကြသည်။ ထို့ပြင် ပင်တဂွန်စစ်ဌာနချုပ်က တိုက်ရိုက်အသုံးစရိတ်မှာ ဒေါ်လာ ဘီလီယံ ၃၀ အောက်သာရှိကြောင်းပြောဆိုသော်လည်း စစ်ရေး ကျွမ်းကျင်သူများက ကုန်ဆုံးသွားသောခဲယမ်းများနှင့် ပိုင်ဆိုင်မှုများကို ပြန်လည်အစားထိုးရန် ကုန်ကျစရိတ်အပါအဝင် အမေရိကန် စီးပွားရေး အပေါ် ရေရှည်သက်ရောက်မှုများကြောင့် စုစုပေါင်းကုန်ကျစရိတ်မှာ ဒေါ်လာ ၁ ထရီလီယံကျော်အထိ ရှိနိုင်ကြောင်း ခန့်မှန်းထားကြသည်။ထိုကဲ့သို့ အမေရိကန်၏ ဒုံးခွင်းဒုံးသိုလှောင်မှုများလျော့နည်းလာပြီး ထုတ်လုပ်မှုပိုင်းက လိုအပ်ချက်ကို အမီမလိုက်နိုင်ဖြစ်နေချိန်တွင် အီရန် ဘက်ကမူ ၎င်းတို့၏ ရွှေ့လျားဒုံးကျည်ပစ်စင်များနှင့် ဒုံးကျည်လက်နက်တိုက်၇၀ ရာခိုင်နှုန်းခန့်အပြင် ဗုံးကြဲခံခဲ့ရသည့် မြေအောက်စစ်ဘက်ဆိုင်ရာအဆောက်အအုံ ၉၀ ရာခိုင်နှုန်းကိုပါ ပြန်လည်အသုံးပြုနိုင်အောင်လုပ်ဆောင်နိုင်ခဲ့သဖြင့် စစ်ရေးစွမ်းရည်အများစုကို ဆက်လက်ထိန်းသိမ်းထားနိုင်ဆဲ ဖြစ်သည်။လက်ရှိတွင် သမ္မတ ဒေါ်နယ်ထရမ့်က အီရန်အနေဖြင့် ငြိမ်းချမ်းရေးစည်းကမ်းချက်များကို မလိုက်နာပါက တိုက်ခိုက်မှုများပြန်စမည်ဟု ခြိမ်းခြောက်နေသော်လည်း ဧပြီလ အပစ်အခတ်ရပ်စဲရေးကို ဆက်တိုက်သက်တမ်းတိုးနေခြင်းက အမေရိကန်အနေဖြင့် လူထုထောက်ခံမှုမရတော့ဘဲ ကုန်ကျစရိတ်များပြားသည့် အဆိုပါပဋိပက္ခမှ ရုန်းထွက်ရန် လမ်းစရှာနေခြင်းဖြစ်ကြောင်း လေ့လာသူများက သုံးသပ်ကြသည်။ တစ်ချိန်တည်းတွင် အစ္စရေးက အီရန်အားနည်းနေချိန်တွင် စစ်ပွဲကို အပြတ်အသတ်အဆုံးသတ်ရန် ဝါရှင်တန်ကို တွန်းအားပေးနေသော်လည်း အီရန်သမ္မတ မာဆု ပီဇက်ရှ်ကီယန်က မိမိတို့အား အကျပ်ကိုင်လက်နက်ချခိုင်း၍မရနိုင်ကြောင်း တုံ့ပြန်ထားသည်။ လက်ရှိတွင် အီရန်သည် အမေရိကန်၏ မွမ်းမံထားသော အဆိုပြုချက်များကို ပြန်လည်သုံးသပ်နေပြီး ဆွေးနွေးပွဲများအောင်မြင်ရန်အတွက် အမေရိကန်အနေဖြင့် အီရန် သင်္ဘောများအပေါ် ဖိနှိပ်မှုများ ရပ်တန့်ရန်၊ ထိန်းချုပ်ထားသည့် ရန်ပုံငွေများ ပြန်လည်ထုတ်ပေးရန်နှင့် အစ္စရေးအနေဖြင့်လည်း လက်ဘနွန် စစ်ပွဲကို အဆုံးသတ်ရန် အီရန်က တောင်းဆိုထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 22-May-2026
ရုရှားနှင့် သဘောတူညီချက်များကို အကောင်အထည်ဖော်ရန်နှင့် ပူးပေါင်းဆောင်ရွက်မှု မြှင့်တင်ရန် တရုတ် အဆင်သင့်ရှိဟုဆို
ရုရှားနှင့် သဘောတူညီချက်များကို အကောင်အထည်ဖော်ရန်နှင့် ပူးပေါင်းဆောင်ရွက်မှု မြှင့်တင်ရန် တရုတ် အဆင်သင့်ရှိဟုဆို
     ရုရှားသမ္မတ ဗလာဒီမာပူတင်၏ တရုတ်နိုင်ငံခရီးစဉ်အတွင်း နှစ်နိုင်ငံခေါင်းဆောင်များကြား ရရှိထားသော သဘောတူညီချက်များကို အကောင်အထည်ဖော်ရန်နှင့် ပူးပေါင်းဆောင်ရွက်မှုများ ပိုမိုတိုးတက်ကောင်းမွန်အောင် မြှင့်တင်ရန် တရုတ်နိုင်ငံက အသင့်ရှိကြောင်း တရုတ်နိုင်ငံခြားရေး ဝန်ကြီးဌာနမှ ပြောရေးဆိုခွင့်ရှိသူ ဂိုကျာကွန်းက မေလ၂၁ ရက်တွင်ပြောသည်။နှစ်နိုင်ငံဆက်ဆံရေး ပိုမိုဖွံ့ဖြိုး တိုးတက်စေရန်ရုရှားနှင့် တရုတ်နိုင်ငံတို့သည် ငြိမ်းချမ်းစွာဖွံ့ဖြိုး တိုးတက်ရေးလမ်းကြောင်းနှင့် အပြန်အလှန်အကျိုးဖြစ်ထွန်းစေမည့် ပူးပေါင်းဆောင်ရွက်မှုများကို လိုက်နာဆောင်ရွက်သွားမည်ဖြစ်ကြောင်း ၎င်းက သတင်းစာရှင်းလင်းပွဲတွင် ပြောသည်။“ နိုင်ငံ့ခေါင်းဆောင်နှစ်ဦးကြား ရရှိထားတဲ့ အရေးကြီး သဘောတူညီချက်များကို အကောင်အထည်ဖော်ရန်၊ သမိုင်းဝင်အခွင့်အလမ်းများကို အပြည့်အဝအသုံးချကာ နှစ်နိုင်ငံကြား အပြန်အလှန်ယုံကြည်မှု ပိုမိုခိုင်မာစေရန်နှင့် ပူးပေါင်းဆောင်ရွက်မှုများ မြှင့်တင်ရန် တရုတ်နိုင်ငံက ရုရှားနိုင်ငံနဲ့အတူ လက်တွဲဆောင်ရွက်သွားဖို့ အဆင်သင့်ရှိပါတယ်”ဟု ၎င်းကပြောထားခြင်းဖြစ်သည်။ဆိုက်ဘေးရီးယားစွမ်းအင်-၂ စီမံကိန်းဆိုင်ရာ နှစ်နိုင်ငံပူးပေါင်းဆောင်ရွက်မှုနှင့် ပတ်သက်၍လည်း တရုတ်နိုင်ငံအနေဖြင့် အပြန်အလှန်လေးစားမှုနှင့် အပြန်အလှန် အကျိုးစီးပွားကို အခြေခံ၍ ရုရှားနိုင်ငံနှင့် ဆက်လက်ပူးပေါင်း ဆောင်ရွက်သွားရန် အဆင်သင့်ရှိကြောင်း ဂိုကျာကွန်းက ပြောထားသည်ဟု သိရသည်။MWD
Fri, 22-May-2026
မြန်မာ-ဖိလစ်ပိုင် နှစ်နိုင်ငံ နိုင်ငံခြားရေးဝန်ကြီးဌာန ဒုတိယဝန်ကြီးများဦးဆောင်၍ နှစ်နိုင်ငံ နိုင်ငံခြားရေးဝန်ကြီးဌာနများအကြား ပဉ္စမအကြိမ် မူဝါဒရေးရာ ညှိနှိုင်းအစည်းအဝေးကျင်းပ
မြန်မာ-ဖိလစ်ပိုင် နှစ်နိုင်ငံ နိုင်ငံခြားရေးဝန်ကြီးဌာန ဒုတိယဝန်ကြီးများဦးဆောင်၍ နှစ်နိုင်ငံ နိုင်ငံခြားရေးဝန်ကြီးဌာနများအကြား ပဉ္စမအကြိမ် မူဝါဒရေးရာ ညှိနှိုင်းအစည်းအဝေးကျင်းပ
နေပြည်တော် မေ ၂၁ ပဉ္စမအကြိမ်မြောက် မြန်မာ-ဖိလစ်ပိုင် နှစ်နိုင်ငံ နိုင်ငံခြားရေးဝန်ကြီးဌာနများအကြား မူဝါဒရေးရာ ညှိနှိုင်းအစည်းအဝေးကို မေ ၁၈ ရက် နံနက်ပိုင်းတွင် နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်နှင့် ဖိလစ်ပိုင်သမ္မတနိုင်ငံ နိုင်ငံခြားရေးဝန်ကြီးဌာန ဒုတိယဝန်ကြီး မစ္စတာ လီယို အမ် ဟာရီရာ လင်းမ်တို့ဦးဆောင်၍ ဖိလစ်ပိုင်နိုင်ငံခြားရေးဝန်ကြီးဌာန၌ ကျင်းပသည်။ အစည်းအဝေးတွင် နှစ်နိုင်ငံ သံတမန်ဆက်ဆံရေးနှင့် ပူးပေါင်းဆောင်ရွက်မှုတိုးမြှင့်ရေး၊ ကုန်သွယ်မှုနှင့် ရင်းနှီးမြှုပ်နှံမှုပိုမိုခိုင်မာလာစေရေး၊ စွမ်းအင်ပူးပေါင်းဆောင်ရွက်မှု မြှင့်တင်ရေး၊ နိုင်ငံဖြတ်ကျော်မှုခင်းများ တိုက်ဖျက်ရေးနှင့် ပြည်သူအချင်းချင်း ထိတွေ့ဆက်ဆံရေးတို့တွင် ပူးပေါင်းဆောင်ရွက်မှုမြှင့်တင်ရေးဆိုင်ရာ ကိစ္စရပ်များကို ဆွေးနွေးအမြင်ချင်းဖလှယ်ကြသည်။ မြန်မာအစိုးရသစ်၏ ဦးစားပေးလုပ်ငန်းစဉ်များ အပါအဝင် မြန်မာနိုင်ငံ၏ နိုင်ငံရေးဖြစ်ပေါ် တိုးတက်မှုများ၊ မြန်မာနိုင်ငံအနေဖြင့် အာဆီယံနှင့် ပုံမှန်ဆက်ဆံရေး ပြန်လည်ရရှိရေးအတွက် ပူးပေါင်းဆောင်ရွက်လျက်ရှိသည့် အခြေအနေများကို ဆွေးနွေးခဲ့ကြသည်။ ထို့အပြင် လက်ရှိဖြစ်ပွားနေသည့် အရှေ့အလယ်ပိုင်း ပဋိပက္ခနှင့် ဒေသတွင်း သက်ရောက်မှုများ ကဲ့သို့သော ဒေသတွင်းနှင့် နိုင်ငံတကာကိစ္စရပ်များအပြင် နှစ်ဖက်အကျိုးဖြစ်ထွန်းစေမည့် အခြားကိစ္စရပ်များအပေါ် ရင်းနှီးပွင့်လင်းစွာ ဆွေးနွေးအမြင်ချင်းဖလှယ်ခဲ့ကြသည်။ အစည်းအဝေးအပြီးတွင် ဒုတိယဝန်ကြီး ဦးဆောင်သည့် မြန်မာကိုယ်စားလှယ်အဖွဲ့သည် ဖိလစ်ပိုင်နိုင်ငံခြားရေးဝန်ကြီးဌာန ဒုတိယဝန်ကြီး မစ္စတာ လီယို အမ် ဟာရီရာ လင်းမ် က တည်ခင်းဧည့်ခံသည့် အလုပ်သဘောနေ့လယ်စာစားပွဲသို့ တက်ရောက်ခဲ့ကြသည်။ မွန်းလွဲပိုင်းတွင် ဒုတိယဝန်ကြီးသည် ဖိလစ်ပိုင်နိုင်ငံ မနီလာမြို့ရှိ မြန်မာသံရုံး၌ သံရုံး ဝန်ထမ်းများနှင့်တွေ့ဆုံကာ လိုအပ်သည်များကို မှာကြားခဲ့သည်။သတင်းစဉ်MDN
Fri, 22-May-2026
ထိုင်ဝမ်ခေါင်းဆောင်နှင့် စကားပြောရန် အဆင်သင့်ရှိကြောင်း ထရမ့် ပြောကြားမှုကြောင့် အမေရိကန်-တရုတ် သံတမန်ရေးရာ တင်းမာမှုများ မြင့်တက်လာနိုင်ခြေရှိ
ထိုင်ဝမ်ခေါင်းဆောင်နှင့် စကားပြောရန် အဆင်သင့်ရှိကြောင်း ထရမ့် ပြောကြားမှုကြောင့် အမေရိကန်-တရုတ် သံတမန်ရေးရာ တင်းမာမှုများ မြင့်တက်လာနိုင်ခြေရှိ
အမေရိကန်သမ္မတ ဒေါ်နယ်ထရမ့်က ၎င်းအနေဖြင့် ထိုင်ဝမ်သမ္မတ လိုင်ချင်းတယ်နှင့် တိုက်ရိုက်စကားပြောဆိုရန် အလားအလာရှိကြောင်း ဗုဒ္ဓဟူးနေ့ (မေ ၂၀) တွင် ထုတ်ဖော်ပြောကြားလိုက်ရာ အဆိုပါ လုပ်ရပ်သည် ၁၉၇၉ ခုနှစ်နောက်ပိုင်း ဆယ်စုနှစ် လေးခုကျော်ကြာ ထိန်းသိမ်းလာခဲ့သည့် အမေရိကန်၏ သံတမန်ရေးရာ လုပ်ထုံးလုပ်နည်းဟောင်းများမှ သိသိသာသာသွေဖည်သွားခြင်းဖြစ်ပြီး အမေရိကန်-တရုတ် ဆက်ဆံရေးကို ပိုမိုတင်းမာသွားစေနိုင်ကြောင်း သုံးသပ်ရသည်။ ထရမ့်သည် မေရီလန်းပြည်နယ်ရှိ မေရီလန်းပြည်နယ်ရှိ Joint Base Andrews လေတပ်စခန်း၌ သတင်းထောက်များနှင့်တွေ့ဆုံစဉ် ပြီးခဲ့သည့် ဇန်နဝါရီလက ကွန်ဂရက်မှ အတည်ပြုထားသည့် ဒေါ်လာ ၁၄ ဘီလီယံ တန်ဖိုးရှိ ထိုင်ဝမ်သို့ လက်နက်ရောင်းချမည့် အစီအစဉ်ကို လက်မှတ် ရေးထိုးရန် ဆုံးဖြတ်ချက်မချမီ ထိုင်ဝမ်သမ္မတထံ ဖုန်းခေါ်ဆိုရန် အစီအစဉ် ရှိ၊ မရှိ မေးမြန်းမှုကို "ကျွန်တော် လူတိုင်းနဲ့ စကားပြောပါတယ်၊ အခြေအနေကိုလည်း ကောင်းကောင်းထိန်းချုပ်ထား နိုင်ပါတယ်" ဟု ဖြေကြားကာ ထိုင်ဝမ်ခေါင်းဆောင်နှင့် စကားပြောရန် အဆင်သင့်ရှိကြောင်း အတည်ပြုခဲ့ခြင်းဖြစ်သည်။ ထို့ပြင် ၎င်းက "ကျွန်တော်တို့ အဲဒီ ထိုင်ဝမ် ပြဿနာကို ဖြေရှင်းသွားမှာပါ" ဟုလည်း ဖြည့်စွက်ပြောကြားခဲ့သည်။အဆိုပါမှတ်ချက်သည် ထရမ့် တရုတ်နိုင်ငံ ပေကျင်းမြို့သို့ သွားရောက်ခဲ့သည့် ခရီးစဉ်အပြီး ရက်ပိုင်းအတွင်းထွက်ပေါ်လာခြင်းဖြစ်ပြီး ထိုခရီးစဉ် အတွင်း တရုတ်ခေါင်းဆောင် ရှီကျင့်ဖျင်က ထိုင်ဝမ်ကိစ္စကို မှားယွင်းကိုင်တွယ်ပါက အလွန်အန္တရာယ်များသော အခြေအနေဖြစ်လာနိုင်ကြောင်း ထရမ့်ကို တိုက်ရိုက်သတိပေးခဲ့သည်။ တရုတ်ကွန်မြူနစ်ပါတီ (CCP) အနေဖြင့် ထိုင်ဝမ်ကို ၎င်းတို့၏ နယ်မြေတစ်ခုအဖြစ် ရှုမြင်ထားပြီး လိုအပ်ပါက အင်အားသုံး၍ ပြန်လည်ပေါင်းစည်းမည်ဟု ကြုံးဝါးထားသော်လည်း အမေရိကန်သည် 'တရုတ်တစ်နိုင်ငံတည်း' မူဝါဒအရတရုတ်၏ရပ်တည်ချက်ကို သိရှိနားလည်ထားရုံသာရှိပြီး တရုတ်၏ ထိုင်ဝမ်အပေါ် ပိုင်ဆိုင်မှုတောင်းဆိုချက်ကို တရားဝင် အသိအမှတ်ပြုထားခြင်း မရှိပေ။ ထို့ပြင် အမေရိကန်သည် 'ထိုင်ဝမ်ဆက်ဆံရေးအက်ဥပဒေ' အရ ထိုင်ဝမ် အား မိမိကိုယ်ကို ခုခံကာကွယ်နိုင်ရန် စစ်ဘက်ဆိုင်ရာလက်နက်များ ထောက်ပံ့ပေးရန် ဥပဒေအရ တာဝန်ရှိသည့်အပြင် ပြီးခဲ့သည့် ဒီဇင်ဘာလကလည်း သမိုင်းတစ်လျှောက် အကြီးမားဆုံးထဲမှတစ်ခုဖြစ်သည့် ဒေါ်လာ ၁၁ ဘီလီယံကျော်ဖိုး လက်နက်များ ရောင်းချပေးခဲ့သည်။လက်ရှိတွင် တရုတ်နိုင်ငံ၏ စစ်ရေးအရ နေ့စဉ်ဖိအားပေးခြိမ်းခြောက်မှုများကိုခံနေရသည့် ထိုင်ဝမ်သမ္မတ လိုင်ချင်းတယ်ကလည်း ဝါရှင်တန်နှင့် တိုင်ပေကြား ဆက်သွယ်ရေးလမ်းကြောင်းများ အမြဲပွင့်လင်းနေကြောင်းနှင့် ထရမ့်နှင့် တိုက်ရိုက်စကားပြောခွင့်ရပါက မိမိတို့အနေဖြင့် ထိုင်ဝမ် ရေလက်ကြား၏ လက်ရှိငြိမ်းချမ်းရေးအခြေအနေကို ဆက်လက် ထိန်းသိမ်းထားလိုကြောင်း ပြောကြားမည်ဟု ဆိုသည်။ သို့သော် တရုတ်ကာကွယ်ရေးဝန်ကြီးဌာနကမူ ထိုင်ဝမ်သမ္မတသည် ပြင်ပအင်အားစုများကို အားကိုး၍ လွတ်လပ်ရေးရယူရန် အမြင်မှားနေသူဟု စွပ်စွဲပြစ်တင်ထားသည်။ အမေရိကန်နှင့် ထိုင်ဝမ် ခေါင်းဆောင်နှစ်ဦးကြား တိုက်ရိုက်ဖုန်းခေါ်ဆိုမှုဖြစ်လာခဲ့ပါက ၎င်းသည် ၂၀၁၆ ခုနှစ်က ရွေးကောက်ခံသမ္မတအဖြစ် ရှိနေစဉ် ထိုင်ဝမ်သမ္မတဟောင်း ဆိုင်အင်းဝမ် နှင့် ထရမ့် ဖုန်းပြောဆိုခဲ့မှုကြောင့် သံတမန်ရေးရာကန့်ကွက်မှုများ ကြုံတွေ့ ခဲ့ရသည့်ဖြစ်စဉ်ကဲ့သို့ပင် ပေကျင်းအစိုးရကို အကြီးအကျယ် ဒေါသထွက်စေပြီး နိုင်ငံတကာသံတမန်ရေးရာတွင် ကြီးမားသောလှိုင်းဂယက်များ ရိုက်ခတ်လာနိုင်ကြောင်း သုံးသပ်လျက်ရှိကြသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 21-May-2026
ဂါဇာသို့ဦးတည်သည့် ကူညီရေးသင်္ဘောအုပ်စုမှ တက်ကြွလှုပ်ရှားသူများ အပေါ် ဆက်ဆံမှုနှင့်ပတ်သက်၍ အစ္စရေးသံအမတ်ကို အီတလီဆင့်ခေါ်
ဂါဇာသို့ဦးတည်သည့် ကူညီရေးသင်္ဘောအုပ်စုမှ တက်ကြွလှုပ်ရှားသူများအပေါ် ဆက်ဆံမှုနှင့်ပတ်သက်၍ အစ္စရေးသံအမတ်ကို အီတလီဆင့်ခေါ်
ဂါဇာကမ်းမြောင်ဒေသသို့ ဦးတည်မောင်းနှင်လာသည့် အကူအညီပေးရေးသင်္ဘောအုပ်စုကို အစ္စရေးက ကြားဖြတ်ဟန့်တားစဉ်အတွင်း ဖမ်းဆီးထိန်းသိမ်းခံခဲ့ရသည့် ပါလက်စတိုင်းလိုလားသူ တက်ကြွလှုပ်ရှားသူများ အပေါ်ဆက်ဆံခဲ့ပုံကို ပြစ်တင်ရှုတ်ချပြီးနောက် အီတလီ ဝန်ကြီးချုပ် ဂျော်ဂျီယာ မယ်လိုနီ (Giorgia Meloni) သည် ရောမမြို့ရှိ အစ္စရေး သံအမတ်ကို ဆင့်ခေါ်လိုက်သည်။ဗုဒ္ဓဟူးနေ့ (မေ ၂၀) က ထုတ်ပြန်ခဲ့သည့် ပြင်းထန်သောစကားလုံးများ ပါဝင်သည့် ကြေညာချက်တွင် မယ်လိုနီက ဖမ်းဆီးခံထားရသူများကို အစ္စရေးအမျိုးသားလုံခြုံရေးဝန်ကြီး အီတာမာ ဘန်ဂါဗီယာ (Itamar Ben-Gvir) က လှောင်ပြောင်သရော်နေသည့် ရုပ်သံမှတ်တမ်းသည် လက်ခံ နိုင်ဖွယ်မရှိကြောင်း ဖော်ပြခဲ့သည်။ “အီတလီနိုင်ငံသား အများအပြားပါဝင်တဲ့ ဒီတက်ကြွလှုပ်ရှားသူတွေအပေါ် လူသားတို့ရဲ့ဂုဏ်သိက္ခာကို ချိုးဖောက်တဲ့ အခုလိုဆက်ဆံမှုမျိုး ပြုလုပ်တာဟာ ခွင့်လွှတ်နိုင်စရာမရှိပါဘူး” ဟု သူမက ရေးသားခဲ့သည်။၂၀၂၃ ခုနှစ် အောက်တိုဘာလ ဟားမက်တို့၏ တိုက်ခိုက်မှုအပြီးတွင် မယ်လိုနီသည် အစ္စရေးကို အတိအလင်းထောက်ခံခဲ့သည့် ဥရောပသမဂ္ဂ (EU) ခေါင်းဆောင်များထဲတွင် ပါဝင်ခဲ့သော်လည်း ယခုအခါ ဂါဇာရှိ လူသားချင်းစာနာထောက်ထားမှုဆိုင်ရာ အခြေအနေများကို လက်ခံနိုင်ဖွယ် မရှိဟုဖော်ပြကာ အစ္စရေး၏လုပ်ရပ်များသည် လက်ခံနိုင်စရာ မူဘောင်များထက် ကျော်လွန်နေပြီဟုသတိပေးလျက် အစ္စရေး၏ လုပ်ရပ်များ အပေါ် ပိုမိုဝေဖန်လာခဲ့သည်။ကြေညာချက်အရ အစ္စရေးသံအမတ်အနေဖြင့် တရားဝင် ရှင်းလင်းချက်များပေးရန် တောင်းဆိုခံရမည်ဖြစ်ပြီး ရောမအစိုးရက အစ္စရေးဘက် က ဖမ်းဆီးထားသည့် အီတလီနိုင်ငံသားများကို ချက်ချင်း ပြန်လွှတ်ပေးရန်တောင်းဆိုထားသည်။ ထို့အပြင် မယ်လိုနီက ဆန္ဒပြသူများအပေါ်ဆက်ဆံခဲ့သည့်အခြေအနေနှင့် အီတလီအစိုးရ၏ အတိအလင်းတောင်းဆိုချက်များအပေါ် လုံးဝအလေးမထားဘဲ မထီမဲ့မြင်ပြုခဲ့မှုအတွက် တောင်းပန်ရန်ပါ တောင်းဆိုခဲ့သည်။ဂါဇာအတွက် လူသားချင်းစာနာထောက်ထားမှုဆိုင်ရာ အကူအညီများ တင်ဆောင်ကာ တူရကီနိုင်ငံမှထွက်ခွာလာသည့် သင်္ဘောအုပ်စုကို အစ္စရေး တပ်ဖွဲ့များက ကြားဖြတ်ဟန့်တားခဲ့ပြီးနောက် ယခုကဲ့သို့ သံတမန်ရေးရာ အငြင်းပွားမှုများ ပေါ်ပေါက်လာခြင်းဖြစ်သည်။ နိုင်ငံပေါင်း ၄၀ ကျော်မှ တက်ကြွလှုပ်ရှားသူ ၄၃၀ ခန့် ထိန်းသိမ်းခံခဲ့ရပြီး အချို့မှာ ရက်ပေါင်းများစွာ ကြာမြင့်ခဲ့သည်။ဘန်ဂါဗီယာသည် ဖမ်းဆီးခံထားရသူများ လက်ထိပ်ခတ်လျက် ဒူးထောက်နေရသည့် ရုပ်သံဗီဒီယိုတစ်ခုကို ဗုဒ္ဓဟူးနေ့ (မေ ၂၀) က X လူမှုကွန်ရက် တွင် တင်ခဲ့ပြီး ထိုရုပ်သံဖိုင်တွင် အစွန်းရောက်လက်ယာယိမ်းဝါဒီ ဝန်ကြီး က တက်ကြွလှုပ်ရှားသူများကို လှောင်ပြောင်နေပြီး ၎င်းတို့ကို ကာလရှည် ဆက်လက်အကျဉ်းချထားရန် အစ္စရေးဝန်ကြီးချုပ် ဘင်ဂျမင် နေတန်ယာဟု ကို တိုက်တွန်းထားသည်။နောက်ပိုင်းတွင် နေတန်ယာဟုက ဘန်ဂါဗီယာ၏ တက်ကြွလှုပ်ရှားသူများအပေါ် ပြုမူပုံသည် အစ္စရေးနိုင်ငံ၏ တန်ဖိုးထားမှုများနှင့် စံနှုန်းများနှင့် ကိုက်ညီမှုမရှိကြောင်းပြောကြားကာ အဆိုပါဖြစ်ရပ်နှင့်ပတ်သက်၍ ၎င်းနှင့်မသက်ဆိုင်ကြောင်း ခပ်ခွာခွာနေရန် ကြိုးပမ်းခဲ့သည်။ နိုင်ငံခြားရေးဝန်ကြီး ဂီဒီယွန် ဆား (Gideon Sa’ar) ကလည်း ဘန်ဂါဗီယာသည် ၎င်း၏ အရှက်ရဖွယ်လုပ်ရပ်ဖြင့် အစ္စရေးကိုထိခိုက်နစ်နာစေခဲ့သည်ဟု ဆိုသည်။ယင်းအပေါ် တုံ့ပြန်သည့်အနေဖြင့် ဘန်ဂါဗီယာက ၎င်း၏ရပ်တည်ချက် ကို ပိုမိုတင်းမာစေခဲ့ပြီး ဝန်ကြီး ဆားကို အကြမ်းဖက်မှု အားပေးကူညီ သူများထံ အညံ့ခံအရှုံးပေးနေသည်ဟု စွပ်စွဲခဲ့သည်။ သို့သော်လည်းအစ္စရေးအရာရှိများက အဆိုပါကြားဖြတ်ဟန့်တားမှုကို ကာကွယ်ပြောဆိုခဲ့ကြပြီး ယင်းသင်္ဘောအုပ်စုသည် “ဟားမက်အဖွဲ့အကျိုးအတွက် အများက သနားကရုဏာသက်လာစေရန် တမင်ဖန်တီးထားသည့် ဟန်ပြပြကွက်တစ်ခုကို လုပ်ဆောင်နေခြင်းသာဖြစ်ကြောင်း” ဖော်ပြခဲ့ကြသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 21-May-2026
© Copyright 2024 SAC All Rights Reserved.