ပျဉ်းမနားဘိုးဘွားရိပ်သာ၌ ကွင်းဆင်းကုသရေးအဖွဲ့ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေး

NoahJune222

News Image

  • ပျဉ်းမနားဘိုးဘွားရိပ်သာ၌ ကွင်းဆင်းကုသရေးအဖွဲ့ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေး

နေပြည်တော် မေ ၂၄

 

ပြည်ထောင်စုနယ်မြေ နေပြည်တော် ပျဉ်းမနားမြို့နယ် ခုတင် (၂၀၀) ပြည်သူ့ဆေးရုံကြီးမှ ဆေးရုံအုပ်ကြီးနှင့် အထူးကုဆရာဝန်ကြီးများ ပါဝင်သော ကွင်းဆင်းကုသရေးအဖွဲ့သည် ယနေ့နံနက်ပိုင်းတွင် ပျဉ်းမနားမြို့နယ် ပျဉ်းမနားဘိုးဘွားရိပ်သာသို့သွားရောက်၍ သက်ကြီးအဘိုး၊ အဘွားများအား ကျန်းမာရေးစောင့်ရှောက်မှုပေးခြင်းလုပ်ငန်းများကို ကွင်းဆင်းဆောင်ရွက်သည်။

 

ထိုသို့ ဆောင်ရွက်ရာတွင် ခုတင်(၂၀၀) ပြည်သူ့ဆေးရုံကြီးမှ ဆေးရုံအုပ်ကြီးနှင့် အထူးကုဆရာဝန်ကြီးများက ဘိုးဘွားရိပ်သာရှိ အဘိုး ၁၃ ဦး၊ အဘွား ၂၈ ဦး စုစုပေါင်း ၄၁ ဦးတို့ကို စစ်ဆေး၍ လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးခဲ့ကြောင်း သိရသည်။

မြို့နယ်(ပြန်/ဆက်)

MDN

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

ပရီးမီးယားလိဂ်ပြိုင်ပွဲ သမိုင်းတစ်လျှောက် တစ်ရာသီအတွင်း ဂိုးဖန်တီးမှု အများဆုံး ကစားသမားအဖြစ် ဖာနန်ဒက် စံချိန်သစ်တင်
ပရီးမီးယားလိဂ်ပြိုင်ပွဲ သမိုင်းတစ်လျှောက် တစ်ရာသီအတွင်း ဂိုးဖန်တီးမှု အများဆုံး ကစားသမားအဖြစ် ဖာနန်ဒက် စံချိန်သစ်တင်
မန်ချက်စတာ    မေ     ၂၅‌     မန်ယူအသင်းကွင်းလယ်ကစားသမား ဖာနန်ဒက် သည် ပရီးမီးယားလိဂ်ပြိုင်ပွဲ နောက်ဆုံးပွဲစဉ်အဖြစ် ကစားသည့် ဘရိုက်တန်အသင်းနှင့် မန်ယူအသင်းတို့ပွဲစဉ်တွင်   ဂိုးဖန်တီးမှုတစ်ကြိမ် ပြုလုပ်နိုင်ပြီးနောက် ပရီးမီးယားလိဂ်ပြိုင်ပွဲသမိုင်း တစ်လျှောက် တစ်ရာသီအတွင်း   ဂိုးဖန်တီးမှုအများဆုံး ကစားသမားအဖြစ် စံချိန်သစ်တင်နိုင်ခဲ့ကြောင်း သိရသည်။ဖာနန်ဒက်သည် ဘရိုက်တန်အသင်းနှင့် ပွဲစဉ်တွင်ပွဲချိန်  ၃၃ မိနစ်၌ သွင်းယူနိုင်သည့် အသင်းဖော်ဒိုကူ၏ သွင်းဂိုးကို  ဂိုးဖန်တီးမှုပြုလုပ်နိုင်သကဲ့သို့ ပွဲချိန် ၄၄ မိနစ်တွင်လည်း   ကိုယ်တိုင်တစ်ဂိုး သွင်းယူနိုင်သည်အထိ အကောင်းဆုံး ခြေစွမ်းပြနိုင်ခဲ့သည်။ဖာနန်ဒက်သည်   ယခုဘောလုံးရာသီတွင်  မန်ယူ အသင်းနှင့်အတူ အကောင်းဆုံးခြေစွမ်းပြနိုင်ပြီး မန်ယူအသင်း   ချန်ပီယံလိဂ်ပြိုင်ပွဲဝင်ခွင့် ရရှိရာတွင် အဓိက ကစားသမားအဖြစ်ပါဝင်ကာ ဘရိုက်တန် အသင်းနှင့်ပွဲစဉ်တွင် ဂိုးဖန်တီးမှု တစ်ကြိမ်ပြုလုပ်နိုင် ပြီးနောက် ယခုဘောလုံးရာသီတွင်  ဂိုးဖန်တီးမှု  ၂၁ကြိမ်အထိရှိလာခဲ့သည်။ ဖာနန်ဒက်သည်    ပရီးမီးယားလိဂ်ပြိုင်ပွဲသမိုင်း တစ်လျှောက်တွင်  ဘောလုံးတစ်ရာသီအတွင်း ဂိုးဖန်တီးမှုအများဆုံး ကစားသမားအဖြစ် ရပ်တည်နေသည့် အာဆင်နယ်အသင်း ကစားသမားဟောင်း အွန်နရီနှင့်မန်စီးတီးအသင်း ကစားသမားဟောင်း ဒီဘရိုင်းတို့ကိုကျော်ဖြတ်ပြီး စံချိန်သစ်တင်နိုင်ခဲ့ခြင်းဖြစ်သည်။အစောပိုင်းက  ဘောလုံးတစ်ရာသီဂိုး ဖန်တီးမှုအများဆုံး ကစားသမားများအဖြစ် အွန်နရီက ၂၀၀၂-၂၀၀၃   ဘောလုံးရာသီ၊  ဒီဘရိုင်းက    ၂၀၁၉-၂၀၂၀   ဘောလုံးရာသီတို့တွင်  ဂိုးဖန်တီးမှုအကြိမ် ၂၀ ပြုလုပ်နိုင်ခဲ့ပြီး     ဘောလုံးတစ်ရာသီအတွင်း    ဂိုးဖန်တီးမှုအများဆုံး ကစားသမားအဖြစ်     ရပ်တည်နေခြင်းကို ယခုအခါ ဖာနန်ဒက်က တစ်ကြိမ်အသာဖြင့် ကျော်ဖြတ်နိုင်ခဲ့ခြင်းဖြစ်သည်။ဖာနန်ဒက်သည်   ယခုဘောလုံးရာသီတွင်  မန်ယူ အသင်းနှင့်  အကောင်းဆုံး ခြေစွမ်းပြနိုင်ပြီးနောက် ဘောလုံးကလောင်ရှင် အစည်းအရုံးက ပေးအပ်သည့် တစ်နှစ်တာ အကောင်းဆုံးကစားသမားဆု၊ ပရီးမီးယားလိဂ်ပြိုင်ပွဲ၏တစ်နှစ်တာအကောင်းဆုံး ကစားသမားဆုနှင့် မန်ယူအသင်း၏ တစ်နှစ်တာ အကောင်းဆုံးကစားသမားဆု  စသည့် တစ်ဦးချင်း ဆုတံဆိပ်များကို ဆွတ်ခူးနိုင်ခဲ့ကြောင်း သိရသည်။MWD
Tue, 26-May-2026
ချယ်လ်ဆီးအသင်းကို အနိုင်ရရှိပြီး ဆန်းဒါးလန်းအသင်း နှစ်ပေါင်း ၅၃ နှစ်အတွင်း ဥရောပအဆင့် ပြိုင်ပွဲဝင်ခွင့်ရရှိ
ချယ်လ်ဆီးအသင်းကို အနိုင်ရရှိပြီး ဆန်းဒါးလန်းအသင်း နှစ်ပေါင်း ၅၃ နှစ်အတွင်း ဥရောပအဆင့် ပြိုင်ပွဲဝင်ခွင့်ရရှိ
လန်ဒန်    မေ   ၂၅‌     ဆန်းဒါးလန်းအသင်းသည်    ယခုဘောလုံးရာသီ ပရီးမီးယားလိဂ်ပြိုင်ပွဲ နောက်ဆုံးပွဲစဉ်တွင် ချယ်လ်ဆီး အသင်းကိုအနိုင်ရရှိပြီးနောက် နှစ်ပေါင်း  ၅၃   နှစ် အတွင်း   ဥရောပအဆင့်ပြိုင်ပွဲဝင်ခွင့် ရရှိခဲ့ကြောင်း သိရသည်။ဆန်းဒါးလန်းအသင်းသည်  နောက်ဆုံးပွဲစဉ်တွင် ချယ်လ်ဆီးအသင်းကို ၂ ဂိုး- ၁ ဂိုးဖြင့်  အနိုင်ရရှိပြီး နောက် ပရီးမီးယားလိဂ်ပြိုင်ပွဲတွင် အဆင့်(၇)နေရာ၌ ရပ်တည်နိုင်သည့်အတွက် လာမည့်ဘောလုံး ရာသီတွင် ဥရောပအဆင့်ပြိုင်ပွဲဖြစ်သည့်  ယူရိုပါလိဂ်ပြိုင်ပွဲ ဝင်ခွင့်ရရှိမည်ဖြစ်သည်။ဆန်းဒါးလန်းအသင်းသည် ယခုဘောလုံးရာသီတွင် အင်္ဂလန်ချန်ပီယံရှစ်ပြိုင်ပွဲမှ  ပရီးမီးယားလိဂ်ပြိုင်ပွဲ သို့တန်းတက်လာနိုင်ပြီးနောက်  ယခုဘောလုံးရာသီ တွင် ရလဒ်ကောင်းများရရှိအောင် စွမ်းဆောင်နိုင်ကာ   ပရီးမီးယားလိဂ်ပြိုင်ပွဲတွင် ဘောလုံးတစ်ရာသီသာ ကစားပြီး   နှစ်ပေါင်းအတန်ကြာ ဝေးကွာနေသည့် ဥရောပအဆင့်ပြိုင်ပွဲဖြစ်သည့်   ယူရိုပါလိဂ်ပြိုင်ပွဲကို ဝင်ခွင့်ရရှိခဲ့ခြင်းဖြစ်သည်။‌ဆန်းဒါးလန်းအသင်းသည်  ၁၉၇၃ ခုနှစ်က  ယူရိုပါလိဂ်ပြိုင်ပွဲ ကစားခွင့်ရရှိခဲ့ပြီး နောက်ပိုင်းနှစ်များတွင် ကစားခွင့်မရရှိဘဲ ယခုဘောလုံးရာသီမှသာ  ယူရိုပါလိဂ်ပြိုင်ပွဲဝင်ခွင့် ပြန်လည်ရရှိခဲ့ခြင်းဖြစ်သည်။ဆန်းဒါးလန်းအသင်းကို   ရှုံးနိမ့်ခဲ့သည့်  ချယ်လ်ဆီး အသင်းသည်  အမှတ်ပေးဇယား  အဆင့်(၁၀)နေရာ၌သာ ရပ်တည်နိုင်သည့်အတွက် လာမည့်ဘောလုံး ရာသီတွင်  ဥရောပဝင်ခွင့်နှင့် လွဲချော်ခဲ့ကြောင်း  သိရသည်။ MWD
Tue, 26-May-2026
၂၀၂၆ ခုနှစ် တိုင်းဒေသကြီးနှင့်ပြည်နယ် အသက် ၁၈ နှစ်အောက် အမျိုးသားဘောလုံးပြိုင်ပွဲ အုပ်စုပတ်လည်ပွဲစဉ်များ ဆက်လက်ကျင်းပ
၂၀၂၆ ခုနှစ် တိုင်းဒေသကြီးနှင့်ပြည်နယ် အသက် ၁၈ နှစ်အောက် အမျိုးသားဘောလုံးပြိုင်ပွဲ အုပ်စုပတ်လည်ပွဲစဉ်များ ဆက်လက်ကျင်းပ
နေပြည်တော်   မေ ၂၅     ၂၀၂၆ ခုနှစ် တိုင်းဒေသကြီးနှင့်ပြည်နယ် အသက် ၁၈ နှစ်အောက်  အမျိုးသားဘောလုံးပြိုင်ပွဲကို ယနေ့မွန်းလွဲပိုင်းတွင် ကရင်ပြည်နယ် ဘားအံမြို့ရှိ ဇွဲကပင်ကွင်း၊ ရှမ်းပြည်နယ် တောင်ကြီးမြို့ရှိ ပြည်နယ်ကွင်း၊   ပဲခူးတိုင်းဒေသကြီး  ပဲခူးမြို့ရှိ အားကစားဥယျာဉ်ကွင်းနှင့် ဧရာဝတီတိုင်းဒေသကြီး၊ ပုသိမ်မြို့ရှိ ကိုးသိန်း အားကစားကွင်းတို့၌ ဇုန်လေးဇုန်ခွဲ၍ကျင်းပရာ အားကစားရေးရာ ဝန်ကြီးဌာနမှ ပြိုင်ပွဲကျင်းပရေးဆိုင်ရာ တာဝန်ရှိသူများ၊ တိုင်းဒေသကြီးနှင့်ပြည်နယ် အစိုးရအဖွဲ့မှ တာဝန်ရှိသူများ၊   ဌာနဆိုင်ရာများနှင့် အားကစား ဝါသနာရှင်ပရိသတ်များ    တစ်ခဲနက် လာရောက်ကြည့်ရှု အားပေးကြသည်။ယနေ့ ဘောလုံးပြိုင်ပွဲ ပွဲစဉ်များအဖြစ် ညနေ ၃ နာရီမှစတင်၍  ကရင်ပြည်နယ်၊ ဘားအံမြို့  ဇွဲကပင်အားကစားကွင်း၌ စစ်ကိုင်းတိုင်းဒေသကြီးအသင်းနှင့် ရခိုင်ပြည်နယ်အသင်းတို့ ယှဉ်ပြိုင်ကစားခဲ့ရာ တစ်ဖက်တစ်ဂိုးစီ သရေရလဒ်ဖြင့် လည်းကောင်း၊  ပဲခူးတိုင်းဒေသကြီး ပဲခူးမြို့ အားကစားဥယျာဉ်ကွင်း၌  ချင်းပြည်နယ်အသင်းနှင့် မကွေးတိုင်းဒေသကြီးအသင်းတို့ ယှဉ်ပြိုင်ကစားခဲ့ရာ  ချင်းပြည်နယ်အသင်းက မကွေးတိုင်းဒေသကြီးအသင်းကို ၃ ဂိုး ဂိုးမရှိဖြင့်လည်းကောင်း၊ ရှမ်းပြည်နယ်၊ တောင်ကြီးမြို့ရှိ ပြည်နယ်အားကစားကွင်း၌  မွန်ပြည်နယ်အသင်းနှင့်  တနင်္သာရီတိုင်းဒေသကြီးအသင်းတို့ ယှဉ်ပြိုင်ကစားခဲ့ရာ မွန်ပြည်နယ်အသင်းက တနင်္သာရီတိုင်းဒေသကြီးအသင်းကို ၂ ဂိုး ၁ ဂိုးဖြင့်လည်းကောင်း၊ ဧရာဝတီတိုင်းဒေသကြီး ပုသိမ်မြို့  ကိုးသိန်းအားကစားကွင်း၌ ဧရာဝတီတိုင်း ဒေသကြီးအသင်းနှင့် မန္တလေး တိုင်းဒေသကြီးအသင်းတို့ ယှဉ်ပြိုင်ကစားခဲ့ရာ ဧရာဝတီတိုင်းဒေသကြီး အသင်းက မန္တလေးတိုင်းဒေသကြီးအသင်းကို  ၂ ဂိုး ၁ ဂိုးဖြင့် လည်းကောင်း ယှဉ်ပြိုင်အနိုင် ရရှိခဲ့ကြောင်း သိရသည်။ MWD
Tue, 26-May-2026
၂၀၂၆-၂၀၂၇ ပညာသင်နှစ် ကျောင်းအပ်နှံရေး သီတင်းပတ် အထိမ်းအမှတ် မြေစိုက်ပိုစတာဖွင့်ပွဲနှင့် ကျောင်းအပ်နှံရေးနေ့ အခမ်းအနားသို့ မကွေးတိုင်းဒေသကြီး ဝန်ကြီးချုပ် တက်ရောက်
၂၀၂၆-၂၀၂၇ ပညာသင်နှစ် ကျောင်းအပ်နှံရေး သီတင်းပတ် အထိမ်းအမှတ် မြေစိုက်ပိုစတာဖွင့်ပွဲနှင့် ကျောင်းအပ်နှံရေးနေ့ အခမ်းအနားသို့ မကွေးတိုင်းဒေသကြီး ဝန်ကြီးချုပ် တက်ရောက်
မကွေး    မေ    ၂၅     ၂၀၂၆-၂၀၂၇ ပညာသင်နှစ် ကျောင်းအပ်နှံရေး သီတင်းပတ်အထိမ်းအမှတ်     မြေစိုက်ပိုစတာဖွင့်ပွဲနှင့် ကျောင်းအပ်နှံရေးနေ့အခမ်း အနားကို ယနေ့နံနက်  ၈  နာရီတွင် တိုင်းဒေသကြီးပညာရေးမှူးရုံးရှေ့နှင့် မြို့တော်ခန်းမတို့၌ကျင်းပရာ တိုင်းဒေသကြီးဝန်ကြီးချုပ် ဦးတင်ကိုကိုနှင့်တာဝန်ရှိသူများ တက်ရောက်ကြပြီး မြေစိုက်ပိုစတာဆိုင်းဘုတ်ကို ဖဲကြိုး ဖြတ်ဖွင့်လှစ်ပေးသည်။ထို့နောက် ၂ဝ၂၆-၂ဝ၂၇ ပညာသင်နှစ် ကျောင်းအပ်နှံရေးနေ့ အထိမ်းအမှတ် အခမ်းအနားကို မကွေးမြို့ မြို့တော်ခန်းမ၌ကျင်းပရာ မကွေးမြို့ အခြေခံပညာအထက်တန်းကျောင်း(ခွဲ)မှ ကျောင်းသား၊ ကျောင်းသူများက ကျောင်းအပ်ကြမယ်တေးသီချင်းဖြင့် သီဆိုဖွင့်လှစ်ပြီး ဥယျာဉ်မှူးကိုယ်ပိုင်ကျောင်းမှ Grade-7 ကျောင်းသား မောင်လွင်သန့်ထူးအောင်နှင့်  တယောအဖွဲ့က တိမ်တမန်၊အလှကမ္ဘာမြေနှင့် မြန်မာ့ကျောင်းတေးသီချင်း များအား တယောဖြင့်ဖျော်ဖြေ တင်ဆက်ကြသည်။ယင်းနောက် အခြေခံပညာအထက်တန်း၊ အလယ်တန်း၊ မူလတန်းအဆင့် ကျောင်းသား၊ ကျောင်းသူများအတွက် အခမဲ့ထောက်ပံ့သော သင်ထောက်ကူပစ္စည်းနှင့် ကျောင်းသုံးပစ္စည်းများကို ပေးအပ်ခဲ့ကြောင်း သိရသည်။   MWD
Tue, 26-May-2026
အခြေခံပညာ စာသင်ကျောင်းများတွင် ကျောင်းအပ်နှံရေး သီတင်းပတ်အဖြစ် ကျောင်းသား၊ ကျောင်းသူများ ကျောင်းအပ်နှံခြင်း စတင်လက်ခံ ဆောင်ရွက်
အခြေခံပညာ စာသင်ကျောင်းများတွင် ကျောင်းအပ်နှံရေး သီတင်းပတ်အဖြစ် ကျောင်းသား၊ ကျောင်းသူများ ကျောင်းအပ်နှံခြင်း စတင်လက်ခံ ဆောင်ရွက်
မန္တလေး   မေ    ၂၅၂၀၂၆-၂၀၂၇ ပညာသင်နှစ် ကျောင်းဖွင့်ရာသီတွင် ကျောင်းသား၊ ကျောင်းသူများ အဆင်ပြေချောမွေ့စွာ ပညာသင်ကြားနိုင်ရေးအတွက် ပညာရေးဝန်ကြီးဌာနမှ မေလ ၂၅ ရက်မှ ၃၁ ရက်အထိ  အခြေခံပညာစာသင်ကျောင်းများ ကျောင်းအပ်နှံရေးသီတင်းပတ် အဖြစ် သတ်မှတ်ပြီး တိုင်းဒေသကြီးများနှင့် ပြည်နယ်များရှိ အခြေခံပညာစာသင်ကျောင်းများတွင် ကျောင်းသား၊ ကျောင်းသူများ ကျောင်းအပ်နှံခြင်းများကို စတင်လက်ခံ ဆောင်ရွက်ပေးလျက်ရှိသည်။ထိုသို့ဆောင်ရွက်လျက်ရှိရာ ယနေ့နံနက်ပိုင်းတွင် မန္တလေးမြို့အောင်မြေသာစံမြို့နယ်ရှိ အမှတ်(၁၈)အခြေခံပညာ အထက်တန်းကျောင်းနှင့် အမှတ်(၆) အခြေခံပညာ မူလတန်းလွန်ကျောင်းတို့၌ ကျောင်းသား၊ကျောင်းသူများအား မိဘ/အုပ်ထိန်းသူများမှ လာရောက် ကျောင်းအပ်နှံနေမှုကို တာဝန်ရှိသူများက သွားရောက်ကြည့်ရှု အားပေးပြီး စာသင်ခန်းသုံးပစ္စည်းများနှင့် အထွေထွေသုံးပစ္စည်းများ ထောက်ပံ့ဖြည့်ဆည်း ဆောင်ရွက်ပေးခဲ့သည်။MWD
Tue, 26-May-2026
နေပြည်တော်၌ အခြေခံပညာကျောင်းများ ကျောင်းအပ်နှံရေး ရက်သတ္တပတ် စတင်ဆောင်ရွက် , နေပြည်တော်၌ အခြေခံပညာကျောင်းများ ကျောင်းအပ်နှံရေး ရက်သတ္တပတ် စတင်ဆောင်ရွက်
နေပြည်တော်၌ အခြေခံပညာကျောင်းများ ကျောင်းအပ်နှံရေး ရက်သတ္တပတ် စတင်ဆောင်ရွက်
နေပြည်တော် မေ ၂၅      ၂၀၂၆-၂၀၂၇ ပညာသင်နှစ်အတွက် အခြေခံပညာ ဦးစီးဌာနအောက်ရှိ အထက်တန်းအဆင့်၊   အလယ်တန်းအဆင့်နှင့် မူလတန်းအဆင့်ကျောင်းများကို ဇွန်လ ၁ ရက်တွင် စတင်ဖွင့်လှစ်မည်ဖြစ်ပြီး ကျောင်းအပ်နှံမှု သီတင်းပတ်အဖြစ် မေလ ၂၅ ရက်မှ ၃၁ ရက်အထိ သတ်မှတ်၍ ကျောင်းသား၊  ကျောင်းသူများအား     ကျောင်းအပ်နှံ လက်ခံခြင်းများကို    ဆောင်ရွက်လျက်ရှိသည်။နေပြည်တော်ကောင်စီနယ်မြေအတွင်းရှိ  အခြေခံပညာကျောင်းများတွင်လည်း ယနေ့နံနက်ပိုင်းမှစတင်၍    “နိုင်ငံတော်စဉ်ဆက်မပြတ် ဖွံ့ဖြိုးတိုးတက်ဖို့ ကျောင်းနေ အရွယ်ကလေးအားလုံး ကျောင်းအပ်နှံကြပါစို့” ဆောင်ပုဒ်ဖြင့် ကျောင်းအပ်နှံရေး လုပ်ငန်းစဉ်များကို စတင်ဆောင်ရွက်လျက်ရှိရာ ကျောင်းသားမိဘများနှင့် ကျောင်းသား ကျောင်းသူများအား တာဝန်ကျဆရာ၊ ဆရာမများက ကျောင်းအပ်နှံရာတွင် စနစ်တကျနှင့် အဆင်ပြေချောမွေ့စေရေး ဆောင်ရွက်ပေးကြသည်။ကျောင်းအပ်နှံရာတွင် မူလတန်းအဆင့်အတွက် သင်ရိုးညွှန်းတမ်းပုံနှိပ်စာအုပ်တစ်စုံ၊ ဗလာစာအုပ်တစ်ဒါဇင်၊ ခဲတံလေးချောင်းနှင့် ကျောင်းဝတ်စုံတစ်စုံ၊   အလယ်တန်းနှင့် အထက်တန်းအဆင့်တို့တွင် သင်ရိုးညွှန်းတမ်းပုံနှိပ်စာအုပ် တစ်စုံ၊    ဗလာစာအုပ် တစ်ဒါဇင်၊ ခဲတံနှစ်ချောင်းနှင့်    ဘောပင် နှစ်ချောင်းတို့ကို နိုင်ငံတော်က အခမဲ့ထောက်ပံ့ပေးအပ်သွားမည့်အပြင် အခြေခံပညာကျောင်းများမှာ အခမဲ့ပညာရေးစနစ်ဖြစ်သောကြောင့် ကျောင်းဝင်ကြေးနှင့် အခြားမည်သည့်ကြေးမျှပေးသွင်းရန်မလိုဘဲ အခမဲ့ထောက်ပံ့ပေးလျက်ရှိသည်။ကျောင်းများပြန်လည်ဖွင့်လှစ်ရာတွင် ကျောင်းသား၊ ကျောင်းသူများ    သန့်ရှင်း သပ်ရပ်စွာ ပညာသင်ကြားနိုင်ရေးအတွက်လည်း ကျောင်းဥပဓိရုပ်ကောင်းမွန်စေရန် ဆောင်ရွက်ထားခြင်း၊ ပညာရေးဝန်ကြီးဌာနက ချမှတ်ထားသည့် စည်းကမ်းသတ်မှတ် ချက်များနှင့် ဆောင်ပုဒ်များစိုက်ထူထားခြင်း၊ ကျောင်းအပ်ရန် စာသင်ခန်းများပြစနစ်ပုံ ဆိုင်းဘုတ်များထားရှိခြင်း၊ စာသင်ခန်းများအတွင်း၌ စာသင်ခုံများ စနစ်တကျ နေရာ ချထားခြင်းနှင့် ကျောင်းတွင်း၊ ကျောင်းပြင် သန့်ရှင်းရေးလုပ်ငန်းများ ဆောင်ရွက်ထား သည်ကိုလည်း တွေ့မြင်ရသည်။ထို့ပြင်    တာဝန်ထမ်းဆောင်နေသော ဆရာ၊ ဆရာမများနှင့် ကျောင်းလာရောက် အပ်နှံသည့် ကျောင်းသား၊ ကျောင်းသူများဘေးအန္တရာယ် ကင်းရှင်းစေရေးအတွက်လည်း သက်ဆိုင်ရာမြို့နယ်အလိုက် အုပ်ချုပ်ရေးအဖွဲ့အစည်းများက လုံခြုံရေးဆောင် ရွက်ပေးလျက်ရှိသည့်အပြင် ကျောင်းသား၊ ကျောင်းသူများ လုံခြုံစိတ်ချစွာ ကျောင်းတက်၊ ကျောင်းဆင်းသွားလာနိုင်ရန်အတွက် ကျောင်းကြို၊ ပို့ယာဉ်များကိုလည်း စီစဉ်ဆောင်ရွက်ပေးထားသည်။နေပြည်တော်ကောင်စီနယ်မြေအတွင်းရှိ အခြေခံပညာကျောင်း၊ ဘုန်းတော်ကြီးသင် ပညာရေးကျောင်းနှင့် ကိုယ်ပိုင်ကျောင်းအသီးသီး၌ ယနေ့တွင် ကျောင်းအပ်နှံရေး လုပ်ငန်းစဉ်များကို ဆောင်ရွက်လျက်ရှိရာ မူလတန်းအဆင့်၌ ၂၅၁၄၄ ဦး၊ အလယ်တန်း အဆင့်၌ ၁၃၉၆၁ ဦးနှင့်    အထက်တန်းအဆင့်၌ ၃၃၇၁ ဦး  စုစုပေါင်း ၄၂၄၇၆ ဦး လာရောက်‌ကျောင်းအပ်နှံ ခဲ့ကြကြောင်း သိရသည်။MWD
Tue, 26-May-2026
© Copyright 2024 SAC All Rights Reserved.