ကိုမိုအသင်း ချန်ပီယံလိဂ်ပထမဆုံးဝင်ခွင့်ရ
News Image
၂၀၂၅-၂၀၂၆ ဘောလုံးရာသီရဲ့ အီတလီစီးရီးအေပြိုင်ပွဲနောက်ဆုံးပွဲစဉ်တွေကို မေ ၂၅ ရက် နံနက်ပိုင်းက ယှဉ်ပြိုင်ကစားပြီးနောက် နည်းပြ ဖာဘရီဂတ်ရဲ့ ကိုမိုအသင်းဟာ အသင်းရဲ့သမိုင်းတစ်လျှောက် ပထမဆုံးအကြိမ် ချန်ပီယံလိဂ်ဝင်ခွင့်ရရှိခဲ့ပြီး အေစီမီလန်အသင်းနဲ့ ဂျူဗင်တပ်အသင်းတို့ကတော့ ချန်ပီယံလိဂ်ဝင်ခွင့်နဲ့ လွဲချော်ခဲ့ရတာဖြစ်ပါတယ်။
ကိုမိုအသင်းဟာ နောက်ဆုံးပွဲစဉ်မှာ ခရီမိုနိစ်အသင်းကို လေးဂိုး-တစ်ဂိုးနဲ့ အနိုင်ရရှိခဲ့ပြီး ရမှတ်ဖြင့် အမှတ်ပေးဇယား အဆင့်(၄) နေရာမှာ ရပ်တည်နိုင်ခဲ့ကာ ချန်ပီယံလိဂ်ဝင်ခွင့်ရရှိခဲ့တာ ဖြစ်ပါတယ်။
ဂျူဗင်တပ်အသင်းကတော့ နောက်ဆုံးပွဲစဉ်မှာ တိုရီနိုအသင်းကို တစ်ဖက်နှစ်ဂိုးစီ သရေရလဒ်သာထွက်ပေါ်အောင် ကစားနိုင်ခဲ့တာကြောင့် အဆင့်(၆) နေရာမှာ ရပ်တည်နိုင်ခဲ့ကာ ချန်ပီယံလိဂ်ဝင်ခွင့်နဲ့ လွဲခဲ့ရတာဖြစ်ပါတယ်။
ယခုဘောလုံးရာသီ အီတလီစီးရီးအေပြိုင်ပွဲ ပြီးဆုံးချိန်မှာ အင်တာမီလန်အသင်းက ချန်ပီယံဖြစ်လာခဲ့ပြီး အင်တာမီလန်အသင်း၊ နာပိုလီအသင်း၊ ရိုးမားအသင်းနဲ့ ကိုမိုအသင်းတို့ဟာ ချန်ပီယံလိဂ် ဝင်ခွင့်ရရှိခဲ့ပါတယ်။
အေစီမီလန်အသင်းနဲ့ ဂျူဗင်တပ်အသင်းတို့ကတော့ ယူရိုပါလိဂ်ဝင်ခွင့်ရရှိခဲ့ပြီး အတ္တလန္တာအသင်းက ကွန်းဖရန့်လိဂ်ဝင်ခွင့်ရရှိခဲ့တာဖြစ်ပါတယ်။ အမှတ်ပေးဇယား အဆင့်(၁၈)၊ အဆင့်(၁၉) နဲ့အဆင့် (၂၀)တို့မှာ ရပ်တည်နေတဲ့ ခရိုမိုနိစ်အသင်း၊ ဗီရိုနာအသင်းနဲ့ ပီဆာအသင်းတို့ကတော့ အီတလီစီးရီး အေပြိုင်ပွဲကနေ တန်းဆင်းသွားခဲ့ရတာဖြစ်ပါတယ်။
ငွေကြယ်
MDN
, 