ဘန်ကောက်မြို့၌ ရေကြီးမှုကြီး ဖြစ်နိုင်ဟုဆို

NoahJune222

News Image

  • ဘန်ကောက်မြို့၌ ရေကြီးမှုကြီး ဖြစ်နိုင်ဟုဆို

ဘန်ကောက်၊ သဘာဝဘေး

သက်ဆိုင်ရာ တာဝန်ရှိသူများအနေဖြင့် ရေရှည်စီမံခန့်ခွဲမှုနှင့် ရာသီဥတုဒဏ်ခံစနစ်များကို ကိုင်တွယ်ဖြေရှင်းခြင်းမရှိပါက ၂၀၃၀ ပြည့်နှစ်အလွန်အစောပိုင်းတွင် ဘန်ကောက်မြို့၌ နောက်ထပ်ရေကြီးမှုကြီး တစ်ခုဖြစ်နိုင်ကြောင်း၊ အထူးသဖြင့် ၂၀၃၀ ပြည့်နှစ်မှ ၂၀၃၄ ခုနှစ်အတွင်း ဖြစ်မည်ဖြစ်ကြောင်း ကျွမ်းကျင်ပညာရှင်များက သတိပေးထားသည်။

ဘန်ကောက်မြို့၏ ရေကြီးနိုင်မှုအခြေအနေများကို သုံးသပ်ရန်နှင့် အနာဂတ်တွင် ကာကွယ်ရေးလုပ်ဆောင်ချက်များ ဆောင်ရွက်နိုင်ရေးအတွက် အုတ်မြစ်များချမှတ်နိုင်ရန် လုပ်ဆောင်သော ဖိုရမ်တစ်ခုတွင် ကျွမ်းကျင်ပညာရှင်များက တာဝန်ရှိသူများကို သတိပေးထားခြင်းဖြစ်သည်။

၂၀၃၀ ပြည့်နှစ်တွင် ဘန်ကောက်မြို့က အခြေခံအဆောက်အဦများစွာ လိုအပ်နေမည်ဖြစ်ကြောင်း၊ ရေကြီးမှုကာကွယ်ရေးလုပ်ငန်းများသည် မြို့ပြစီမံကိန်းအပေါ် မူတည်နေကြောင်း ၊ အကောင်းဆုံးအုပ်ချုပ်မှုနှင့် ပူးပေါင်းဆောင်ရွက်မှုရှိရမည်ဖြစ်ကြောင်း၊ သို့မဟုတ်ပါက ၂၀၁၁ ခုနှစ်တွင် ကြုံတွေ့ရသော ရေကြီးမှုကို နောက်ထပ်တစ်ကြိမ်ပြန်ကြုံရမည်ဖြစ်ကြောင်း ဖိုရမ်သို့ တက်ရောက်လာသူများက သဘောတူသည်။ အဆိုပါရေကြီးမှုအတွင်း စီးပွားရေးဆုံးရှုံးမှုသည် ဘတ် ၁ ဒသမ ၄၄ ဘီလံယံ ခန့် ရှိကြောင်း သိရသည်။

Ref: The Nation

မြဝတီသတင်းစာ

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

ဖိလစ်ပိုင်နိုင်ငံ၌ အင်အားပြင်းငလျင်တစ်ခုလှုပ်ခတ်မှုကြောင့် လူ ၃၅ ဦးသေဆုံးပြီး အဆောက်အအုံများစွာပြိုကျ
ဖိလစ်ပိုင်နိုင်ငံ၌ အင်အားပြင်းငလျင်တစ်ခုလှုပ်ခတ်မှုကြောင့် လူ ၃၅ ဦးသေဆုံးပြီး အဆောက်အအုံများစွာပြိုကျ
ဖိလစ်ပိုင်နိုင်ငံတောင်ပိုင်း ဆာရန်ဂါနီ ပြည်နယ်၌ ဇွန်လ ၈ ရက်နံနက်ပိုင်းတွင် ပြင်းအား ၇ ဒသမ ၈ မဂ္ဂနီကျုရှိအင်အားပြင်းငလျင်တစ်ခုလှုပ်ခတ်သွားရာ အနည်းဆုံး လူ ၃၅ ဦး သေဆုံးပြီး အဆောက်အအုံများစွာ ပြိုကျပျက်စီးကာ စာသင်ကျောင်းများနှင့် လေကြောင်းလိုင်းများကို ယာယီရပ်ဆိုင်းထားရကြောင်း တာဝန်ရှိသူများကပြောသည်။ ငလျင်ကြောင့် အိမ်နီးချင်းနိုင်ငံ အချို့၌ဆူနာမီသတိပေးချက် ထုတ်ပြန်ရသော်လည်း နောက်ပိုင်းတွင်ထုတ်ပြန်ချက်ကိုပြန်လည်ရုပ်သိမ်းခဲ့သည်။လူဦးရေခုနစ်သိန်းကျော်ရှိသော ဆိပ်ကမ်းမြို့ဖြစ်သည့် ဂျန်နရယ်ဆန်းတို့တွင် သေဆုံးသူ ၁၀ ဦးရှိပြီး လက်ရှိအချိန်ထိ အနည်းဆုံးလူ ၁၂ ဦး ပျောက်ဆုံးကြောင်း ဖိလစ်ပိုင်၏ အရပ်ဘက်ကာကွယ်ရေးရုံးမှ ပြောရေးဆိုခွင့်ရှိသူ ဂျူနီကာ့စတီလိုကပြောသည်။ သေဆုံးမှုများမှာ အဆောက်အအုံအပျက်အစီးများပိမိခြင်း၊ မြေပြိုခြင်းတို့ကြောင့်ဖြစ်ပြီး လူပေါင်း ၁၃၄ ဦးထက်မနည်း ဒဏ်ရာရရှိထားကြောင်း ရဲတပ်ဖွဲ့က အတည်ပြုသည်။ငလျင်လှုပ်ခတ်ချိန်က စာသင်ကျောင်းများ ပြန်ဖွင့်သည့်အချိန်နှင့် တိုက်ဆိုင်နေသဖြင့် ဂျန်နရယ်ဆန်းတို့ရှိ နှစ်ထပ်ကျောင်းဆောင်တစ်ခုပြိုကျသည့်နေရာ၌ ကျောင်းသားအချို့ပိတ်မိနေသည်။ လက်ရှိတွင်စာသင်ကျောင်းပေါင်း ၅၈၀၀ ကျော်ကိုအရေးပေါ်ပိတ်ထားရသည်။ ယခုလှုပ်ခတ်သည့်ငလျင်၏ဗဟိုချက်သည် မင်ဒါနာအိုပြည်နယ်ရှိရေပြင်အောက် အနက် ၃၃ ကီလိုမီတာ၌ ဖြစ်ပွားခြင်းဖြစ်ကြောင်း တာဝန်ရှိသူများက ပြောသည်။Ref: XinhuaMWD
Tue, 9-Jun-2026
ဖိလစ်ပိုင်တောင်ပိုင်းတွင် ပြင်းထန်သော ငလျင်လှုပ်ခတ်မှုကြောင့် အဆောက်အအုံများ ပြိုကျပြီး ဆူနာမီသတိပေးချက်များ ထုတ်ပြန်
ဖိလစ်ပိုင်တောင်ပိုင်းတွင် ပြင်းထန်သော ငလျင်လှုပ်ခတ်မှုကြောင့် အဆောက်အအုံများ ပြိုကျပြီး ဆူနာမီသတိပေးချက်များ ထုတ်ပြန်
တနင်္လာနေ့ (ဇွန် ၈) နံနက်ပိုင်းက ဖိလစ်ပိုင်နိုင်ငံတောင်ပိုင်း ပင်လယ်ပြင်ကိုဗဟိုပြု၍ ပြင်းထန်သောမြေငလျင်တစ်ခု လှုပ်ခတ်သွားခဲ့ရာ မင်ဒါနာအို (Mindanao) ကျွန်းစုကို တုန်ခါသွားစေခဲ့ပြီး အာရှဒေသအချို့တွင် ဆူနာမီသတိပေးချက်များ ထွက်ပေါ်လာခဲ့သည်။ ဒေသခံများမှာ အဆောက်အအုံများအတွင်းမှ ဘေးလွတ်ရာသို့ ထွက်ပြေးခဲ့ကြရပြီး ကမ်းရိုးတန်းဒေသရှိ ပြည်သူများကိုလည်း ကုန်းတွင်းပိုင်းသို့ အမြန် ရွှေ့ပြောင်း ကြရန် တိုက်တွန်းထားသည်။အချို့သော စောင့်ကြည့်ရေးအေဂျင်စီများနှင့် သတင်းဌာနများက အစပိုင်းတွင် အဆိုပါ ငလျင်ကို ပမာဏ (မဂ္ဂနီကျု) ၈.၂ ရှိသည်ဟု ဖော်ပြခဲ့ကြသော်လည်း နောက်ပိုင်းတွင် အမေရိကန် ဘူမိဗေဒတိုင်းတာရေးဌာန (USGS) က ပမာဏ ၇.၈ ရှိကြောင်း ပြင်ဆင် သတ်မှတ်ခဲ့သည်။ ငလျင်သည် ဒေသစံတော်ချိန် နံနက် ၇ နာရီ ၄၀ မိနစ်ခန့်တွင် မင်ဒါနာအိုကျွန်းအနီး၊ အနက် ၃၅ ကီလိုမီတာခန့်ကို ဗဟိုပြု၍ လှုပ်ခတ်သွားခဲ့ခြင်း ဖြစ်သည်။ ၎င်းပြင်းထန်သော ငလျင်လှုပ်ခတ်ပြီးနောက် ပမာဏ ၆.၁ အထိရှိသည့် နောက်ဆက်တွဲငလျင်များ ဆက်တိုက် ထပ်မံလှုပ်ခတ်ခဲ့သည်။ဖိလစ်ပိုင်တောင်ပိုင်းတစ်ခွင် ပျက်စီးဆုံးရှုံးမှု အခြေအနေများကို ဆက်လက်စိစစ်နေဆဲဖြစ်ပြီး လက်ရှိတွင် အနည်းဆုံး လူတစ်ဦးသေဆုံးကာ လေးဦးဒဏ်ရာ ရရှိခဲ့ကြောင်း ဒေသခံအာဏာပိုင်များက ပြောကြားခဲ့သည်။လူမှုကွန်ရက်စာမျက်နှာများတွင် ပျံ့နှံ့နေသော ဗီဒီယိုဖိုင်များ၌ အဆောက်အအုံများယိမ်းထိုးနေခြင်း၊ မျက်နှာကြက်များနှင့် နံရံများ အက်ကွဲကုန်ခြင်း၊ လမ်းမများပေါ်သို့ အဆောက်အအုံအပျက်အစီးများ ပြုတ်ကျလာခြင်းတို့နှင့်အတူ ထိတ်လန့်တကြား ဖြစ်နေသော ဒေသခံများက နေအိမ်များ၊ ဆိုင်ခန်းများနှင့် ရုံးခန်းများအတွင်းမှပြေးထွက်လာကြသည်ကို မြင်တွေ့ရသည်။ အခြားဗီဒီယိုများတွင်မူ ပျက်စီးသွားသော အဆောက်အအုံများနှင့် တစ်စိတ်တစ်ပိုင်း ပြိုကျမှုများကို တွေ့ရပြီး ငလျင်ဒဏ်သင့် မင်ဒါနာအိုဒေသရှိ လမ်းတံတားများ၊ ဆိပ်ကမ်းများ၊ လျှပ်စစ်ဓာတ်အားလိုင်းများနှင့် အများပြည်သူဆိုင်ရာ အဆောက်အအုံများကို စစ်ဆေးရန် အရေးပေါ်ကယ်ဆယ်ရေး အဖွဲ့များကို စေလွှတ်ထားရသည်။ဂျင်နရယ်ဆန်းတို့စ် (General Santos) မြို့ ရဲတပ်ဖွဲ့မှ အရာရှိ Robert Dagon က "အဆောက်အအုံ တော်တော်များများ ထိခိုက်ပျက်စီးသွားပါတယ် ၊ ဒါပေမဲ့ အခု လောလောဆယ် ကယ်ဆယ်ရေးလုပ်ငန်းတွေနဲ့ အလုပ်ရှုပ်နေတာမို့ စာရင်းအတိအကျ ကိုတော့ မပြောနိုင်သေးပါဘူး" ဟု AFP သတင်းဌာနသို့ ပြောကြားခဲ့ပြီး နေအိမ် အချို့ အပါအဝင် အဆောက်အအုံအနည်းငယ် ပြိုကျသွားကြောင်း ဖြည့်စွက်ပြောဆိုခဲ့သည်။ ဆာရန်ဂါနီ (Sarangani) ပြည်နယ်၊ အလာဘဲလ် (Alabel) မြို့ရှိ ရဲစခန်းသည်လည်း ငလျင်ဒဏ်ကြောင့် ပျက်စီးသွားခဲ့ပြီး ငလျင်လှုပ်ခတ်ချိန်မှာ ရဲအရာရှိများ နိုင်ငံတော်အလံအလေးပြုနေချိန်ဖြစ်ကြောင်း ဒေသခံရဲချုပ်က Reuters သတင်းဌာနသို့ ပြောကြားခဲ့သည်။ငလျင်လှုပ်ခတ်ပြီးနောက် ကမ်းရိုးတန်းဒေသအများအပြားအတွက် ဆူနာမီ သတိပေးချက်များ ထုတ်ပြန်ခဲ့သည်။ ပစိဖိတ်ဆူနာမီသတိပေးစင်တာက ဖိလစ်ပိုင်ကမ်းရိုးတန်း တစ်လျှောက်တွင် အမြင့် ၃ မီတာအထိရှိသော လှိုင်းလုံးကြီးများ ရိုက်ခတ်နိုင်ကြောင်းနှင့် အင်ဒိုနီးရှား၊ မလေးရှား၊ ဂျပန်၊ ထိုင်ဝမ်၊ ဂူအမ်၊ ပါပူဝါနယူးဂီနီနှင့် အခြားပစိဖိတ် အနောက်ဘက်ဒေသများတွင်လည်း ပိုမိုသေးငယ်သော ဆူနာမီလှိုင်းတိုများ ရိုက်ခတ်နိုင်ကြောင်း ပြောကြားထားသည်။အာဏာပိုင်များက ငလျင်ဒဏ်သင့် ကမ်းရိုးတန်းဒေသရှိ ပြည်သူများအနေဖြင့် ကမ်းခြေများ၊ ဆိပ်ကမ်းများနှင့် မြေနိမ့်ပိုင်းဒေသများမှ ချက်ချင်းရွှေ့ပြောင်းရန်နှင့် ဆူနာမီအန္တရာယ် လုံးဝကျော်လွန်သွားသည့်အထိ ရွှေ့ပြောင်းခိုင်းသည့်အမိန့်များကို လိုက်နာကြရန် တိုက်တွန်းထားသည်။ဖိလစ်ပိုင်နိုင်ငံသည် ကမ္ဘာပေါ်တွင် ငလျင်နှင့် မီးတောင်လှုပ်ရှားမှု အတက်ကြွဆုံးဇုန်တစ်ခုဖြစ်သည့် ပစိဖိတ် မီးကွင်းဂယက် (Ring of Fire) ပေါ်တွင် တည်ရှိ သောကြောင့် ငလျင်လှုပ်ခြင်း၊ မီးတောင်ပေါက်ကွဲခြင်းနှင့် ပြင်းထန်သော မုန်တိုင်းဒဏ်များကို မကြာခဏခံရလေ့ရှိသည်။ တာဝန်ရှိသူများက နောက်ဆက်တွဲငလျင်များ ထပ်မံလှုပ်ခတ်နိုင်ကြောင်း သတိပေးထားပြီး အဆောက်အအုံများကို အန္တရာယ်ကင်းရှင်းရေး စစ်ဆေးပြီးသည်အထိ ဒေသခံများအနေဖြင့် အပြင်ဘက် သို့မဟုတ် ဘေးကင်းသော ကွင်းပြင်များတွင်သာ နေထိုင်ကြရန် အကြံပြုထားသည်။ဒေသတွင်း အစောပိုင်းသတင်းထုတ်ပြန်ချက်များအရ အဆိုပါငလျင်ဒဏ်ကို အင်ဒိုနီးရှား နိုင်ငံအရှေ့ပိုင်းဖြစ်သော ဆူလာဝေစီမြောက်ပိုင်း (North Sulawesi) နှင့် မာလုကု မြောက်ပိုင်း (North Maluku) ဒေသအချို့တွင်လည်း ခံစားခဲ့ရကြောင်း သိရှိရသည်။ကိုးကား- RTPhoto: France 24ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 7-Jun-2026
အီတလီနိုင်ငံတောင်ပိုင်း၌ ပြင်းအား ၆ ဒသမ ၁ ပမာဏ ငလျင်လှုပ်ခတ်
အီတလီနိုင်ငံတောင်ပိုင်း၌ ပြင်းအား ၆ ဒသမ ၁ ပမာဏ ငလျင်လှုပ်ခတ်
ဇွန် ၂ အီတလီနိုင်ငံတောင်ပိုင်း ကာလာဘရီယာဒေသကမ်းရိုးတန်းတွင် ယနေ့အစောပိုင်းက ပြင်းအား ၆ ဒသမ ၁ ပမာဏရှိ ငလျင်တစ်ခု လှုပ်ခတ်ခဲ့ကြောင်း အီတလီအမျိုးသား ဘူမိရူပဗေဒနှင့် မီးတောင်ဗေဒဌာနက သတင်းထုတ်ပြန်ခဲ့သည်။ အဆိုပါငလျင်သည် ယနေ့ ဒေသစံတော်ချိန် မနက် ၀၀ နာရီ ၁၂ မိနစ်က မြေအောက်အနက် ၂၅၀ ကီလိုမီတာခန့်တွင်  ဗဟိုပြုလှုပ်ခတ်ခဲ့သည်ဟု  ထိုဌာနကပြောကြားသည်။  ကာလာဘရီယာ၊ စစ္စလီ၊ ကမ်ပန်နီးယားနဲ့ ပူဂလီယာ အပါအဝင် အီတလီတောင်ပိုင်းဒေသအများအပြားတွင် ငလျင်တုန်ခါမှုတွေကို ခံစားခဲ့ရသည်ဟု ဒေသခံမီဒီယာများက ဖော်ပြထားသည်။  ယခုအချိန်အထိ ထိခိုက်ဒဏ်ရာရရှိမှု သို့မဟုတ် ကြီးကြီးမားမား ပျက်စီးဆုံးရှုံးမှုတွေ မရှိသေးကြောင်းနှင့် ဒေသဆိုင်ရာအာဏာပိုင်များက အခြေအနေကို စောင့်ကြည့်လျက်ရှိကြောင်း ဖော်ပြထားသည်။  ကိုးကား-ဆင်ဟွာ  ဘာသာပြန်-မြင့်မြင့်ချိုMDN
Tue, 2-Jun-2026
ဘန်ကောက်မြို့၌ ရေကြီးမှုကြီး ဖြစ်နိုင်ဟုဆို
ဘန်ကောက်မြို့၌ ရေကြီးမှုကြီး ဖြစ်နိုင်ဟုဆို
ဘန်ကောက်၊ သဘာဝဘေးသက်ဆိုင်ရာ တာဝန်ရှိသူများအနေဖြင့် ရေရှည်စီမံခန့်ခွဲမှုနှင့် ရာသီဥတုဒဏ်ခံစနစ်များကို ကိုင်တွယ်ဖြေရှင်းခြင်းမရှိပါက ၂၀၃၀ ပြည့်နှစ်အလွန်အစောပိုင်းတွင် ဘန်ကောက်မြို့၌ နောက်ထပ်ရေကြီးမှုကြီး တစ်ခုဖြစ်နိုင်ကြောင်း၊ အထူးသဖြင့် ၂၀၃၀ ပြည့်နှစ်မှ ၂၀၃၄ ခုနှစ်အတွင်း ဖြစ်မည်ဖြစ်ကြောင်း ကျွမ်းကျင်ပညာရှင်များက သတိပေးထားသည်။ဘန်ကောက်မြို့၏ ရေကြီးနိုင်မှုအခြေအနေများကို သုံးသပ်ရန်နှင့် အနာဂတ်တွင် ကာကွယ်ရေးလုပ်ဆောင်ချက်များ ဆောင်ရွက်နိုင်ရေးအတွက် အုတ်မြစ်များချမှတ်နိုင်ရန် လုပ်ဆောင်သော ဖိုရမ်တစ်ခုတွင် ကျွမ်းကျင်ပညာရှင်များက တာဝန်ရှိသူများကို သတိပေးထားခြင်းဖြစ်သည်။၂၀၃၀ ပြည့်နှစ်တွင် ဘန်ကောက်မြို့က အခြေခံအဆောက်အဦများစွာ လိုအပ်နေမည်ဖြစ်ကြောင်း၊ ရေကြီးမှုကာကွယ်ရေးလုပ်ငန်းများသည် မြို့ပြစီမံကိန်းအပေါ် မူတည်နေကြောင်း ၊ အကောင်းဆုံးအုပ်ချုပ်မှုနှင့် ပူးပေါင်းဆောင်ရွက်မှုရှိရမည်ဖြစ်ကြောင်း၊ သို့မဟုတ်ပါက ၂၀၁၁ ခုနှစ်တွင် ကြုံတွေ့ရသော ရေကြီးမှုကို နောက်ထပ်တစ်ကြိမ်ပြန်ကြုံရမည်ဖြစ်ကြောင်း ဖိုရမ်သို့ တက်ရောက်လာသူများက သဘောတူသည်။ အဆိုပါရေကြီးမှုအတွင်း စီးပွားရေးဆုံးရှုံးမှုသည် ဘတ် ၁ ဒသမ ၄၄ ဘီလံယံ ခန့် ရှိကြောင်း သိရသည်။Ref: The Nationမြဝတီသတင်းစာ
Mon, 1-Jun-2026
ဂျပန်နိုင်ငံ၌မိုးသည်းထန်စွာရွာသွန်းမှုကြောင့် ဘေးအန္တရာယ်များ မြင့်တက်လာနိုင်
ဂျပန်နိုင်ငံ၌မိုးသည်းထန်စွာရွာသွန်းမှုကြောင့် ဘေးအန္တရာယ်များ မြင့်တက်လာနိုင်
မေ ၂၇ဂျပန်နိုင်ငံ အနောက်တောင်ပိုင်း ကာဂိုရှီးမားစီရင်စုတွင် မိုးသည်းထန်စွာရွာသွန်းမှုကြောင့် ဘေးအန္တရာယ်များ မြင့်တက်လာနိုင်ကြောင်း  မိုးလေဝသတာဝန်ရှိသူများက သတိပေး ပြောကြားထားသည်။ဂျပန်မိုးလေဝသအေဂျင်စီက နွေးထွေးစိုစွတ်သောလေသည် လေဖိအားနည်းရပ်ဝန်းတစ်ခုထဲသို့ စီးဆင်းလျက်ရှိကာ လေထုအခြေအနေများ မတည်မငြိမ်ဖြစ်စေပြီး ကျူရှူးဒေသ၏ တောင်ပိုင်းတွင် ဒေသတွင်း မိုးတိမ်များ ဖြစ်ပေါ်လာစေခဲ့သည်ဟု ဆိုသည်။ကာဂိုရှီးမားရှိ ကာနိုယာမြို့တွင် မေ ၂၇ ရက် မနက် ၅ နာရီမှတစ်နာရီအတွင်း မိုးရေချိန် ၃၄ ဒသမ ၅ မီလီမီတာ သည်းထန်စွာရွာသွန်းခဲ့သည်။ မေ ၂၇ ရက် ညနေပိုင်းအထိ မိုးကြိုးပစ်ခြင်းနှင့်အတူ ဒေသတွင်း မိုးသည်းထန်စွာရွာသွန်းမှု ကြုံတွေ့ရဖွယ်ရှိကြောင်း တာဝန်ရှိသူများက ပြောကြားခဲ့သည်။အာမာမီဒေသအပါအဝင် ကာဂိုရှီးမားစီရင်စုတွင် ညနေပိုင်းအထိ မိုးသည်းထန်စွာရွာသွန်းကာ မိုးတိမ်များ ဖြစ်ပေါ်နိုင်ပြီး ရေကြီးရေလျှံမှုနှင့် မြေပြိုမှုကဲ့သို့သော ဘေးအန္တရာယ်များ ဖြစ်ပေါ်လာနိုင်ခြေကို လျင်မြန်စွာ မြင့်တက်စေနိုင်သည်ဟု အေဂျင်စီကဆိုသည်။ထိုစီရင်စုတွင်  မေ ၂၈ ရက်နေ့ မနက်ပိုင်းအထိ ၂၄ နာရီအတွင်း မိုးရေချိန် ၁၅၀ မီလီမီတာအထိ ရွာသွန်းမည်ဟု မျှော်လင့်ရပြီး မိုးသည်းထန်စွာရွာသွန်းကာ မိုးတိမ်များ ဖြစ်ပေါ်ပါက မိုးရေချိန် မြင့်တက်လာနိုင်ကြောင်း ဖော်ပြထားသည်။မြေပြိုမှုများကို သတိပြုရန်၊ မြေနိမ့်ဒေသများနှင့် မြစ်ရေလျှံမှုများတွင် ရေကြီးရေလျှံမှုများ၊ မိုးကြိုးပစ်မှုများနှင့် လေပြင်းတိုက်ခတ်မှုများကို သတိပြုရန် အေဂျင်စီက ပြည်သူများအား တိုက်တွန်းပြောကြားလျက်ရှိသည်ဟု သိရသည်။ကိုးကား-အင်န်အိတ်ချ်ကေဘာသာပြန်-မြင့်မြင့်ချိုMDN
Wed, 27-May-2026
အာဖဂန်နစ္စတန်နိုင်ငံတွင် မိုးသည်းထန်စွာရွာသွန်းမှုများကြောင့် လူ ၂၈ ဦး သေဆုံးပြီး ၁၀ ဦး ဒဏ်ရာရရှိခဲ့
အာဖဂန်နစ္စတန်နိုင်ငံတွင် မိုးသည်းထန်စွာရွာသွန်းမှုများကြောင့် လူ ၂၈ ဦး သေဆုံးပြီး ၁၀ ဦး ဒဏ်ရာရရှိခဲ့
ကဘူးလ် မေ ၂၅ အာဖဂန်နစ္စတန်နိုင်ငံတစ်ဝန်းတွင် မေ ၂၄ ရက်မှစ၍ မိုးသည်းထန်စွာရွာသွန်းမှုများကြောင့် လူ ၂၈ ဦးသေဆုံးပြီး ၁၀ ဦး ဒဏ်ရာရရှိခဲ့ကြောင်း နိုင်ငံ၏ အမျိုးသားသဘာဝဘေးအန္တရာယ်စီမံခန့်ခွဲ ရေးအာဏာပိုင်(NDMA)၏ ယနေ့ထုတ်ပြန်ချက်အရ သိရသည်။ သေဆုံးသူနှင့် ဒဏ်ရာရရှိသူများသည် ကဘူးလ်၊ ပါဝမ်၊ ကာပီဆာ၊ ခိုစ်၊ ပက်တီးယား၊ ဝါဒက်၊ ဥရုဇ်ဂန်၊ ကန်ဒါဟာ၊ ဟီရတ်၊ ဘဒ်ဂစ်စ်၊ ဆမန်ဂန်၊ ဆာရီပူးလ်၊ ဘာဂ်လန်၊ တခါ၊ ဘာဒါခရှန်၊ လက်မန်နှင့် ကူနာပြည်နယ်တို့မှ ဖြစ်ကြောင်း၊ မိုးသည်းထန်စွာ ရွာသွန်းမှုကြောင့် ရုတ်တရက်ရေကြီးခြင်း၊ ပြင်းထန်သော လေပြင်းမုန်တိုင်းတိုက်ခြင်း၊ မြေပြိုခြင်း၊ မိုးသည်းထန်စွာရွာသွန်းခြင်းနှင့် မိုးကြိုးပစ်ခြင်းတို့ဖြစ်ပွားခဲ့ကြောင်း အမျိုးသားသဘာဝဘေးအန္တရာယ်စီမံခန့်ခွဲရေးအာဏာပိုင်(NDMA)၏ ပြောရေးဆိုခွင့်ရှိသူ ဟာဖစ်မိုဟာမက် ယူဆက်က ပြောကြားသည်။နိုင်ငံ၏ ဝေးလံခေါင်သီသော တောင်တန်းပြည်နယ်များတွင် ရေကြီးရေလျှံမှုကြောင့် ပြင်းထန်စွာထိခိုက်ခဲ့ပြီး အိမ်ခြေ ၇၁၀ လုံးဝပျက်စီးခဲ့သည့်အပြင် စိုက်ပျိုးမြေဧက ၄၀၀၀ ခန့်နှင့် လမ်းအရှည် ၁၀ ကီလိုမီတာကို ရေလွှမ်းမိုးခဲ့ကြောင်း သိရသည်။လက်ရှိ အရေးပေါ်ကယ်ဆယ်ရေးအဖွဲ့များနှင့် ဒေသအာဏာပိုင်များက ရေဘေးသင့် ဒေသများတွင် ကယ်ဆယ်ရေးနှင့် အကူအညီပေးရေးလုပ်ငန်းများကို ဆောင်ရွက်နေကြပြီး ပျက်စီးဆုံးရှုံးမှုကို စစ်ဆေးနေဆဲဖြစ်ကြောင်း၊ မိုးလေဝသဌာန၏ ခန့်မှန်းချက်များအရ လာမည့် ရက်ပိုင်းအတွင်း နိုင်ငံ၏ အချို့ဒေသများတွင် မိုးထပ်မံ ရွာသွန်းနိုင်ခြေရှိသည်ဟု သတိပေးထားကြောင်း သိရသည်။ရတနာပုံ
Tue, 26-May-2026
© Copyright 2024 SAC All Rights Reserved.