မတူညီသည့်အသင်း ၂၁ သင်းကို ဂိုးသွင်းယူနိုင်သော ကစားသမားအဖြစ် တိုက်စစ်မှူးဟယ်ရီကိန်းမှတ်တမ်းဝင်

NoahJune222

News Image

  • မတူညီသည့်အသင်း ၂၁ သင်းကို ဂိုးသွင်းယူနိုင်သော ကစားသမားအဖြစ် တိုက်စစ်မှူးဟယ်ရီကိန်းမှတ်တမ်းဝင်

လန်ဒန်    ဇွန်   ၈

‌အင်္ဂလန်အသင်း တိုက်စစ်ကစားသမား    ဟယ်ရီ ကိန်းသည် နိုင်ငံတကာခြေစမ်းပွဲအဖြစ်ကစားသည့်   အင်္ဂလန်အသင်းက   နယူးဇီလန်အသင်းကို  ၁ ဂိုး - ဂိုးမရှိဖြင့်အနိုင်ရရှိသောပွဲတွင် အသင်းအတွက် သွင်းဂိုး တစ်ဂိုးသွင်းယူနိုင်ပြီးနောက်  ရွန်းနီကိုကျော်ဖြတ်ပြီး အင်္ဂလန်အသင်း၌ မတူညီသည့် အသင်း ၂၁ သင်းကို ဂိုးသွင်းယူနိုင်သောကစားသမားအဖြစ် မှတ်တမ်းဝင် ခဲ့ကြောင်း သိရသည်။

ဟယ်ရီကိန်းသည် အင်္ဂလန်အသင်းက နယူးဇီလန် အသင်းကို  ၁ ဂိုး - ဂိုးမရှိဖြင့်အနိုင်ရရှိသည့်ပွဲ၌ ပွဲချိန် ၄၅ မိနစ်အပြီး အချိန်ပို နှစ်မိနစ်တွင် အသင်းအတွက်   သွင်းဂိုးတစ်ဂိုးသွင်းယူနိုင်ပြီးနောက် အင်္ဂလန်အသင်း ၌   မတူညီသည့်အသင်း  ၂၁ သင်းကို  ဂိုးသွင်းယူ

နိုင်သောကစားသမားအဖြစ်   မှတ်တမ်းဝင်ခဲ့ခြင်းဖြစ်သည်။

အစောပိုင်းက အင်္ဂလန်အသင်း၌ မတူညီသည့် အသင်းများကို       ဂိုးသွင်းယူနိုင်သော ကစားသမားအဖြစ် ဟယ်ရီကိန်းသည် ရွန်းနီနှင့်အတူ ပွဲ ၂၀ ဖြင့် ထိပ်ဆုံး၌ရပ်တည်နေသော်လည်း ယခုအခါ ဟယ်ရီကိန်းက    ရွန်းနီကို   တစ်ပွဲအသာဖြင့်ကျော်ဖြတ်ပြီး  အသင်းသမိုင်းတစ်လျှောက် မတူညီသည့်အသင်း ၂၁   သင်းကို  ဂိုးသွင်းယူနိုင်သော ပထမဆုံးကစားသမား ဖြစ်လာခဲ့ခြင်းဖြစ်သည်။

ဟယ်ရီကိန်းသည် အင်္ဂလန်အသင်းနှင့်အတူ  မတူ ညီသည့် အသင်း ၃၅ သင်းနှင့်ကစားရာတွင် ၂၁ သင်း ကို ဂိုးသွင်းယူနိုင်ခြင်းဖြစ်ပြီး အသင်းနှင့်အတူ ပြိုင်ပွဲစုံ ၁၁၃  ပွဲကစားရာ ၇၉ ဂိုး  သွင်းယူထားသူဖြစ်ကြောင်း သိရသည်။

Ref;B/R Football

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

တရုတ်က ဝက်အသည်းနှင့်ကျောက်ကပ်တစ်စုံကို လူသားတွင် ပထမဆုံးအစားထိုးမှုပြုလုပ်
တရုတ်က ဝက်အသည်းနှင့်ကျောက်ကပ်တစ်စုံကို လူသားတွင် ပထမဆုံးအစားထိုးမှုပြုလုပ်
တရုတ်နိုင်ငံမှ     ဆေးဘက်ဆိုင်ရာကျွမ်းကျင်ပညာရှင်များသည်    ဝက်၏အသည်းနှင့်   ကျောက်ကပ်တစ်စုံကို ဦးနှောက်သေနေသော လူနာတစ်ဦးထံသို့ အစားထိုးမှုပြုလုပ်ကြောင်း သိရသည်။ ယခင်က ထိုသို့အစားထိုးမှုကို ကိုယ်တွင်းအင်္ဂါတစ်ခုချင်းစီသာလုပ်ဆောင်ခဲ့ခြင်းဖြစ်သောကြောင့် ယခုကဲ့သို့ တိရစ္ဆာန်၏ ကိုယ်တွင်းအင်္ဂါ အစုံလိုက်ကို လူသားတွင် အစားထိုးခြင်းမှာ ကမ္ဘာ့ပထမဆုံးဖြစ်သည်။အဆိုပါခွဲစိတ်မှုလုပ်ဆောင်ပြီးနောက် ဝက်၏အသည်းနှင့်ကျောက်ကပ်များက ငါးရက်နီးပါးကြာကောင်းစွာ အလုပ်လုပ်ခဲ့ပြီး ယင်းနောက်တွင် အသက် ၅၃ နှစ်ရှိလူနာရှင်၏မိသားစုဆန္ဒအရ လေ့လာမှုကိုရပ်တန့်ခဲ့ခြင်းဖြစ်သည်။ ယခုခွဲစိတ်မှုက တိရစ္ဆာန်မှလူသားသို့ ကိုယ်တွင်းအင်္ဂါများစွာ အစားထိုးကုသပေးနိုင်စေမည့် လမ်းစတစ်ခုထွက်ပေါ်လာစေသည်။ထို့ပြင် မျိုးစိတ်တစ်ခုမှ အခြားမျိုးစိတ်တစ်ခုသို့ ကိုယ်တွင်းအင်္ဂါများကိုအစားထိုးကုသနိုင်ခြင်းသည် ကိုယ်တွင်းအင်္ဂါ အစားထိုးကုသမှုခံယူရန် မဖြစ်မနေ လိုအပ်သည့် လူနာများအတွက် ကိုယ်တွင်းအင်္ဂါရှားပါးမှု ပြဿနာကို ပြေလည်စေမည်ဖြစ်သည်ဟု ပညာရှင်များကပြောသည်။ အဆိုပါသုတေသနကို ကွမ်းရှီးဆေးတက္ကသိုလ်မှ သုတေသီများက လုပ်ဆောင်ခြင်းဖြစ်ပြီး ယင်းသုတေသနမှ ကိုယ်ခံအားထွက်ရှိမှုကိုလည်း တွေ့ရှိရသည်ဟု ပြောသည်။Ref: BPMWD
Wed, 10-Jun-2026
နေပြည်တော်ရှိ အားကစား လေ့ကျင့်ရေးစခန်း (Gold Camp)၌ ဂျူဒိုနည်းပြ သင်တန်းဖွင့်လှစ်
နေပြည်တော်ရှိ အားကစား လေ့ကျင့်ရေးစခန်း (Gold Camp)၌ ဂျူဒိုနည်းပြ သင်တန်းဖွင့်လှစ်
နေပြည်တော်    ဇွန်    ၈   အားကစားရေးရာ ဝန်ကြီးဌာနမှ ကြီးမှူး ၍ အိုလံပစ်သွေးစည်းညီညွတ်ရေး အစီအစဉ်ဖြင့် အပြည်ပြည်ဆိုင်ရာအိုလံပစ် ကော်မတီ(IOC)၊ မြန်မာနိုင်ငံ အိုလံပစ်ကော်မတီ(MOC)၊ အပြည်ပြည်ဆိုင်ရာဂျူဒိုအဖွဲ့ချုပ်(IJF)နှင့် မြန်မာနိုင်ငံဂျူဒိုအဖွဲ့ချုပ်(MJF)တို့ ပူးပေါင်း စီစဉ်ဖွင့်လှစ်သည့် ဂျူဒိုနည်းပြသင်တန်း (အဆင့်-၁) သင်တန်းဖွင့်ပွဲကို ယနေ့နံနက် ပိုင်းတွင် နေပြည်တော် အားကစားလေ့ကျင့် ရေးစခန်း (Gold Camp)ရှိ ဘက်စုံသုံးခန်းမ၌ ကျင်းပသည်။ဖွင့်ပွဲတွင် မြန်မာနိုင်ငံအိုလံပစ်ကော်မတီ ဥက္ကဋ္ဌ အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်းက ဂျူဒိုအားကစားနည်းသည် အိုလံပစ်အားကစား နည်းတစ်ခုဖြစ်ပြီး ရုပ်ပိုင်းဆိုင်ရာကြံ့ခိုင်မှု သာမက စည်းကမ်း၊ လေးစားမှုနှင့်စိတ်ဓာတ်ကြံ့ခိုင်မှုကိုပါ သွန်သင်ပေးနိုင်သည့် အားကစားနည်းတစ်ခုဖြစ်ပါကြောင်း၊ ယခုသင်တန်း တွင်  ခေတ်ပေါ်အားကစားသိပ္ပံနည်းကျ ကျွမ်းကျင်မှုများနှင့် ၂၁ ရာစု နည်းပြစွမ်းရည် များကို လေ့လာဆည်းပူးစေနိုင်ရန် စီစဉ် ဆောင်ရွက်ပေးထားသည့်အတွက် သင်တန်း အတွေ့အကြုံများကို  မိမိနေရပ်ဒေသများ သို့  ပြန်လည်ရောက်ရှိပါက  အချင်းချင်း ပြန်လည်မျှဝေပေးကြစေလိုကြောင်း တိုက်တွန်းမှာကြားသည်။အဆိုပါ ဂျူဒိုနည်းပြ သင်တန်းတွင် သင်တန်းနည်းပြ Mr. Amar Meridja က သင်တန်းသား၊ သင်တန်းသူ ၃၀ ကို ဇွန်လ၈ ရက်မှ ၁၂ ရက်အထိ ငါးရက်ကြာ သင်ကြား ပို့ချပေးသွားမည်ဖြစ်ကြောင်း သိရသည်။ MWD
Tue, 9-Jun-2026
၂၀၂၆ ခုနှစ် တိုင်းဒေသကြီးနှင့်ပြည်နယ် ဝင်ရောက်ယှဉ်ပြိုင်မည့် ရှမ်းပြည်နယ်ဘော်လီဘောအသင်းအား ရှမ်းပြည်နယ်ဝန်ကြီးချုပ် တွေ့ဆုံ
၂၀၂၆ ခုနှစ် တိုင်းဒေသကြီးနှင့်ပြည်နယ် ဝင်ရောက်ယှဉ်ပြိုင်မည့် ရှမ်းပြည်နယ်ဘော်လီဘောအသင်းအား ရှမ်းပြည်နယ်ဝန်ကြီးချုပ် တွေ့ဆုံ
တောင်ကြီး     ဇွန်   ၈၂၀၂၆ ခုနှစ် တိုင်းဒေသကြီးနှင့် ပြည်နယ်အမျိုးသား၊ အမျိုးသမီးဘော်လီဘောပြိုင်ပွဲ ဝင်ရောက်ယှဉ်ပြိုင်မည့်  ရှမ်းပြည်နယ် ဘော်လီဘောအသင်းအား တွေ့ဆုံပွဲကို ယနေ့ နံနက်ပိုင်းတွင်   တောင်ကြီးမြို့ ရှမ်းပြည်နယ်အစိုးရအဖွဲ့ရုံး အစည်းအဝေးခန်းမ၌ကျင်းပရာ ရှမ်းပြည်နယ်ဝန်ကြီးချုပ် ဦးစိုင်းထိန်စိုး တက်ရောက်သည်။အခမ်းအနားတွင် ပြည်နယ်ဝန်ကြီးချုပ်က အမှာစကားပြောကြားပြီး ရှမ်းပြည်နယ် ဘော်လီဘော လက်ရွေးစင်အသင်းအား ပြိုင်ပွဲကုန်ကျစရိတ်ငွေများ    ပေးအပ်ရာ အသင်းအုပ်ချုပ်သူ၊    နည်းပြများနှင့် အားကစားသမားများက လက်ခံရယူကြပြီး ရှမ်းပြည်နယ် ဘော်လီဘောဆပ်ကော်မတီ ဒုတိယဥက္ကဋ္ဌနှင့် ရှမ်းပြည်နယ်ဘောလုံးအဖွဲ့ချုပ်ဥက္ကဋ္ဌတို့က အလှူငွေများ ပေးအပ်ကြသည်။၂၀၂၆ ခုနှစ် တိုင်းဒေသကြီးနှင့် ပြည်နယ် အမျိုးသား၊ အမျိုးသမီးဘော်လီဘောပြိုင်ပွဲကို ရှမ်းပြည်နယ်က အိမ်ရှင်အဖြစ် လက်ခံကျင်းပသွားမည်ဖြစ်ပြီး   ပြိုင်ပွဲများကို ဇွန်လ ၁၀ ရက်မှ ၁၉ ရက်အထိ ပြည်နယ်လေ့ကျင့်ရေးကွင်း၌  ကျင်းပသွားမည် ဖြစ်ကြောင်း သိရသည်။မောင်မောင်သန်း(တောင်ကြီး)MWD
Tue, 9-Jun-2026
မတူညီသည့်အသင်း ၂၁ သင်းကို ဂိုးသွင်းယူနိုင်သော ကစားသမားအဖြစ် တိုက်စစ်မှူးဟယ်ရီကိန်းမှတ်တမ်းဝင်
မတူညီသည့်အသင်း ၂၁ သင်းကို ဂိုးသွင်းယူနိုင်သော ကစားသမားအဖြစ် တိုက်စစ်မှူးဟယ်ရီကိန်းမှတ်တမ်းဝင်
လန်ဒန်    ဇွန်   ၈‌အင်္ဂလန်အသင်း တိုက်စစ်ကစားသမား    ဟယ်ရီ ကိန်းသည် နိုင်ငံတကာခြေစမ်းပွဲအဖြစ်ကစားသည့်   အင်္ဂလန်အသင်းက   နယူးဇီလန်အသင်းကို  ၁ ဂိုး - ဂိုးမရှိဖြင့်အနိုင်ရရှိသောပွဲတွင် အသင်းအတွက် သွင်းဂိုး တစ်ဂိုးသွင်းယူနိုင်ပြီးနောက်  ရွန်းနီကိုကျော်ဖြတ်ပြီး အင်္ဂလန်အသင်း၌ မတူညီသည့် အသင်း ၂၁ သင်းကို ဂိုးသွင်းယူနိုင်သောကစားသမားအဖြစ် မှတ်တမ်းဝင် ခဲ့ကြောင်း သိရသည်။ဟယ်ရီကိန်းသည် အင်္ဂလန်အသင်းက နယူးဇီလန် အသင်းကို  ၁ ဂိုး - ဂိုးမရှိဖြင့်အနိုင်ရရှိသည့်ပွဲ၌ ပွဲချိန် ၄၅ မိနစ်အပြီး အချိန်ပို နှစ်မိနစ်တွင် အသင်းအတွက်   သွင်းဂိုးတစ်ဂိုးသွင်းယူနိုင်ပြီးနောက် အင်္ဂလန်အသင်း ၌   မတူညီသည့်အသင်း  ၂၁ သင်းကို  ဂိုးသွင်းယူနိုင်သောကစားသမားအဖြစ်   မှတ်တမ်းဝင်ခဲ့ခြင်းဖြစ်သည်။အစောပိုင်းက အင်္ဂလန်အသင်း၌ မတူညီသည့် အသင်းများကို       ဂိုးသွင်းယူနိုင်သော ကစားသမားအဖြစ် ဟယ်ရီကိန်းသည် ရွန်းနီနှင့်အတူ ပွဲ ၂၀ ဖြင့် ထိပ်ဆုံး၌ရပ်တည်နေသော်လည်း ယခုအခါ ဟယ်ရီကိန်းက    ရွန်းနီကို   တစ်ပွဲအသာဖြင့်ကျော်ဖြတ်ပြီး  အသင်းသမိုင်းတစ်လျှောက် မတူညီသည့်အသင်း ၂၁   သင်းကို  ဂိုးသွင်းယူနိုင်သော ပထမဆုံးကစားသမား ဖြစ်လာခဲ့ခြင်းဖြစ်သည်။ဟယ်ရီကိန်းသည် အင်္ဂလန်အသင်းနှင့်အတူ  မတူ ညီသည့် အသင်း ၃၅ သင်းနှင့်ကစားရာတွင် ၂၁ သင်း ကို ဂိုးသွင်းယူနိုင်ခြင်းဖြစ်ပြီး အသင်းနှင့်အတူ ပြိုင်ပွဲစုံ ၁၁၃  ပွဲကစားရာ ၇၉ ဂိုး  သွင်းယူထားသူဖြစ်ကြောင်း သိရသည်။Ref;B/R FootballMWD
Tue, 9-Jun-2026
မန်ယူအသင်းက လက်ရှိအပြောင်းအရွှေ့ကာလတွင် ဒုတိယမြောက်ကစားသမားခေါ်ယူမှုအဖြစ် တိုနယ်လီအား စတာလင်ပေါင် သန်း ၈၀ ဖြင့်ကမ်းလှမ်း
မန်ယူအသင်းက လက်ရှိအပြောင်းအရွှေ့ကာလတွင် ဒုတိယမြောက်ကစားသမားခေါ်ယူမှုအဖြစ် တိုနယ်လီအား စတာလင်ပေါင် သန်း ၈၀ ဖြင့်ကမ်းလှမ်း
မန်ချက်စတာ    ဇွန်   ၈‌မန်ယူအသင်းက  လက်ရှိကစားသမားအပြောင်း အရွှေ့ကာလတွင် ဒုတိယမြောက်ကစားသမားခေါ်ယူမှုအဖြစ်  နယူးကာဆယ် အသင်း ကွင်းလယ်ကစားသမား တိုနယ်လီအား မြင့်မားသည့် ပြောင်းရွှေ့ကြေးတစ်ရပ်ဖြစ်သော  စတာလင်ပေါင်  သန်း ၈၀ ဖြင့် ကမ်းလှမ်းခဲ့ကြောင်း သိရသည်။မန်ယူအသင်းသည်      ပြီးခဲ့သည့်နှစ်ကစားသမား အပြောင်းအရွှေ့ကာလက   အသင်းတိုက်စစ်ပိုင်းကို ကြီးကြီးမားမား အပြောင်းအလဲ   လုပ်ဆောင်ခဲ့ရာ ရက်ရှ်ဖို့ဒ်၊ ဆန်ချိုနှင့် ဂါနာချိုတို့ကို အသင်းမှထွက်ခွာ စေ၍  အမ်ဘူမို၊  ကွန်ဟာနှင့်ဆက်ကိုတို့ကို ခေါ်ယူခဲ့ပြီး    ခေါ်ယူခဲ့သည့် ကစားသမားအားလုံး   ခြေစွမ်းပြနိုင်ခဲ့သည်။   မန်ယူအသင်းသည်   လက်ရှိကစားသမား အပြောင်းအရွှေ့ကာလတွင် အသင်းကွင်းလယ်ပိုင်း ကို  ကြီးကြီးမားမားအပြောင်းအလဲလုပ်ဆောင်ရန် ပြင်ဆင်နေခြင်းဖြစ်သည်။မန်ယူအသင်းသည် လက်ရှိကစားသမားအပြောင်း အရွှေ့ကာလတွင်   ပထမဆုံးကစားသမားခေါ်ယူမှု အဖြစ်   အတ္တလန္တာအသင်းမှ  ကွင်းလယ်ကစားသမား    အီဒါဆန်ကိုခေါ်ယူနိုင်ပြီးနောက်  ယခုအခါ ဒုတိယ မြောက်ကစားသမားခေါ်ယူမှုအဖြစ်     တိုနယ်လီအား ခေါ်ယူရန် ကြိုးပမ်းနေခြင်းဖြစ်သည်။အသက်  ၂၆ နှစ်အရွယ် တိုနယ်လီသည်    ၂၀၂၃ ခုနှစ်က အေစီမီလန်အသင်းမှ နယူးကာဆယ်အသင်း သို့ပြောင်းရွှေ့ကစားခဲ့ပြီး    အသင်းနှင့်   ပထမဆုံး ဘောလုံးရာသီတွင် လောင်းကစားမှုကြောင့် ကာလ ရှည်ပွဲပယ်ခံရသည့်အတွက်  ပွဲစဉ်အနည်းငယ်သာ ပါဝင်ကစားနိုင်သော်လည်း  အကောင်းဆုံးခြေစွမ်း ပြနိုင်သူဖြစ်သည်။နယူးကာဆယ်အသင်းနှင့်    တိုနယ်လီတို့ကြား စာချုပ်သက်တမ်းကျန် ရှိနေသေးသော်လည်း တိုနယ်လီကိုယ်တိုင်က  လက်ရှိ ကစားသမား အပြောင်းအရွှေ့ကာလတွင် အသင်းမှ ထွက်ခွာလိုပြီး  ၎င်းကို မန်ယူအသင်းနှင့်အပြိုင် မြို့ခံပြိုင်ဘက် မန်စီးတီးအသင်း ကလည်း   ခေါ်ယူလိုသည့်အတွက်   မန်ယူအသင်းက လက်ဦးမှုရယူနိုင်ရန် စတာလင်ပေါင် သန်း ၈၀ ဖြင့်    စတင်ကမ်းလှမ်းခဲ့ခြင်း ဖြစ်ကြောင်း    သိရသည်။                       Ref;Top Skills Sports UKMWD
Tue, 9-Jun-2026
ကမ္ဘာ့ဖလားပြိုင်ပွဲအတွက် အီရန်ကစားသမားများ အမေရိကန်ပြည်ဝင်ခွင့်ဗီဇာရရှိခဲ့သော်လည်း အဖွဲ့ချုပ်တာဝန်ရှိသူများနှင့် နည်းပြအဖွဲ့ဝင်တချို့ ဗီဇာမရရှိသေး
ကမ္ဘာ့ဖလားပြိုင်ပွဲအတွက် အီရန်ကစားသမားများ အမေရိကန်ပြည်ဝင်ခွင့်ဗီဇာရရှိခဲ့သော်လည်း အဖွဲ့ချုပ်တာဝန်ရှိသူများနှင့် နည်းပြအဖွဲ့ဝင်တချို့ ဗီဇာမရရှိသေး
ဝါရှင်တန်   ဇွန်  ၇လာမည့်ကမ္ဘာ့ဖလားပြိုင်ပွဲအတွက် အီရန်အသင်းမှ ကစားသမားများအနေဖြင့် အမေရိကန်ပြည်ဝင်ခွင့်ဗီဇာရရှိခဲ့သော်လည်း အီရန်နိုင်ငံဘောလုံးအဖွဲ့ချုပ်မှ  တာဝန်ရှိသူများနှင့်  နည်းပြအဖွဲ့ဝင်တချို့  ဗီဇာမရရှိသေးကြောင်း သိရသည်။‌အမေရိကန်နိုင်ငံအစိုးရက      အီရန်အသင်းမှ ကစားသမားများအား နိုင်ငံအတွင်းဝင်ရောက်ခွင့်ပြု သည်ဟု ကြေညာခဲ့သော်လည်း အီရန်နိုင်ငံဘောလုံး အဖွဲ့ချုပ်မှ   တာဝန်ရှိသူများနှင့်  အသင်းနည်းပြအဖွဲ့ဝင်များကိုမူ နိုင်ငံအတွင်းဝင်ရောက်ရန် ခွင့်မပြု သေးသည့်အတွက် အငြင်းပွားမှုဖြစ်ပွားနေခြင်းဖြစ်သည်။‌လက်ရှိတွင် အမေရိကန်နိုင်ငံ၊ အစ္စ‌ရေးနိုင်ငံနှင့် အီရန်နိုင်ငံတို့ကြား      စစ်ရေးတင်းမာမှုများရှိနေသည့်အတွက် အမေရိကန်အစိုးရက အီရန်နိုင်ငံသား များကို    နိုင်ငံအတွင်းဝင်ရောက်ခွင့်ပိတ်ပင်ထားသော်လည်း   အီရန်အသင်းမှကစားသမားများအား   ပြည်ဝင်ခွင့် ပြန်လည်ခွင့်ပြုပေးခဲ့ခြင်း ဖြစ်သည်။အစောပိုင်းကတည်းက အရှေ့အလယ်ပိုင်းဒေသ တင်းမာမှုများကြောင့် အမေရိကန်နိုင်ငံနှင့် အီရန် နိုင်ငံတို့ကြား ဆက်ဆံရေးတင်းမာမှုများ ရှိနေသည့်အတွက် အီရန်အသင်းအနေဖြင့် ကမ္ဘာ့ဖလားပြိုင်ပွဲ ဝင်ရောက်ကစားခွင့်ရရှိရန်   မရေမရာဖြစ်ခဲ့သော်လည်း နောက်ပိုင်းတွင် ကမ္ဘာ့ဘောလုံးအဖွဲ့ချုပ်က အီရန်အသင်းကို     ဆက်လက်ကစားခွင့်ပေးခဲ့၍ အီရန်အသင်းကလည်း ဆက်လက်ကစားရန် ဆုံးဖြတ်ခဲ့ခြင်းဖြစ်သည်။လက်ရှိတွင်   အမေရိကန်နိုင်ငံအစိုးရက အီရန် အသင်းမှ  ကစားသမားများအား ပြည်ဝင်ခွင့်ပေးခဲ့သော်လည်း အီရန်နိုင်ငံဘောလုံး အဖွဲ့ချုပ်မှ တာဝန်ရှိသူများနှင့် နည်းပြအဖွဲ့မှ နည်းစနစ်အဖွဲ့ဝင်တချို့ကို ဆက်လက်ပိတ်ပင်ထားသည့်အတွက် ညှိနှိုင်းမှု များ ဆက်လက်လုပ်ဆောင်နေခြင်းဖြစ်သည်။အီရန်အသင်းသည်    ပြိုင်ပွဲအကြိုစခန်းသွင်း လေ့ကျင့်မှုများကို အမေရိကန်နိုင်ငံ၌  လုပ်ဆောင် ခြင်းမရှိဘဲ ပူးတွဲအိမ်ရှင်အဖြစ် လက်ခံကျင်းပမည့် မက္ကဆီကိုနိုင်ငံ၌ လုပ်ဆောင်နေခြင်းဖြစ်သည်။အီရန်အသင်းသည် ၂၀၂၆ ကမ္ဘာ့ဖလားပြိုင်ပွဲ အုပ်စုအဖွင့်ပွဲစဉ်အဖြစ် ဇွန်လ ၁၆ ရက်တွင် နယူးဇီလန်အသင်းနှင့် အမေရိကန်နိုင်ငံ၌ ကစားရမည်ဖြစ်ကြောင်း သိရသည်။ Ref;The AthleticMWD
Mon, 8-Jun-2026
© Copyright 2024 SAC All Rights Reserved.