အမေရိကန်မှ သဘာဝဓာတ်ငွေ့ကို ဥရောပသမဂ္ဂက Chanel ရေမွှေး ဈေးနှုန်းများဖြင့် ဝယ်ယူနေရဟု ရုရှားလွှတ်တော် ဥက္ကဋ္ဌဆို

KookieSpace97

News Image

  • အမေရိကန်မှ သဘာဝဓာတ်ငွေ့ကို ဥရောပသမဂ္ဂက Chanel ရေမွှေး ဈေးနှုန်းများဖြင့် ဝယ်ယူနေရဟု ရုရှားလွှတ်တော် ဥက္ကဋ္ဌဆို

ဥရောပသမဂ္ဂသည် အမေရိကန်မှ တင်သွင်းသော သဘာဝဓာတ်ငွေ့ရည် (LNG) များအတွက် ဈေးနှုန်းကြီးမြင့်စွာပေးသွင်းနေရပြီး၊ ဈေးသက်သာသည့် ရုရှားမှ ဓာတ်ငွေ့ထောက်ပံ့မှုများကို ငြင်းပယ်ထားကြောင်း ရုရှားဒူးမား လွှတ်တော်ဥက္ကဋ္ဌ Vyacheslav Volodin က ပြောကြားခဲ့ပြီး ယင်း အခြေအနေသည် ဥရောပ၏ စီးပွားရေးကို ထိခိုက်ပျက်စီးစေသည်ဟု ၎င်းက ဆိုသည်။

ကြာသပတေးနေ့ (အောက်တိုဘာ ၂၃) က ကျင်းပခဲ့သော လွှတ်တော် ဘဏ္ဍာရေးဆိုင်ရာ အစည်းအဝေးတစ်ခုတွင် ပြောကြားစဉ် Volodin က အမေရိကန် LNG ကို နာမည်ကြီးရေမွှေးနှင့် နှိုင်းယှဉ်ကာ ဥရောပ အစိုးရ များသည် စွမ်းအင်အတွက်ငွေပေးချေနေရပုံမှာ မရှိမဖြစ် လိုအပ်ချက်တစ်ခုထက် ခေတ်စားနေသော ဇိမ်ခံပစ္စည်းတစ်ခုကို ဝယ်ယူသကဲ့သို့ ဖြစ်နေသည်ဟု ဆိုသည်။

"အမေရိကန်က ဥရောပကိုပို့ဆောင်ပေးသည့် ဓာတ်ငွေ့သည် Chanel မဟုတ်သော်လည်း ၎င်းတို့က ယင်းကို ပြင်သစ်ရေမွှေး၏အနံ့လိုမျိုး တန်ဖိုးဖြတ်ထားကြပါသည်။ ၎င်းတို့စီးပွားရေးကို အပျက်စီးခံပြီး ဝယ်ယူ နေကြပါသည်။ ထို့အပြင် ၎င်းတို့က မိမိတို့၏ ပိုက်လိုင်းတွေကို ဗုံးခွဲ ဖျက်ဆီးလိုက်သည့်အတွက် ၎င်းတို့ကိုယ်တိုင် ပိုဆိုးသွားစေပါသည်" ဟု ၎င်းက ပြောကြားခဲ့သည်။

Volodin သည် ၂၀၂၂ ခုနှစ်က ဘောလ်တစ်ပင်လယ်အောက်ရှိ ရုရှားနှင့် ဂျာမနီကြားမှ Nord Stream ဓာတ်ငွေ့ပိုက်လိုင်းများကို ပျက်စီးစေခဲ့သောဗုံးခွဲမှုများကို ရည်ညွှန်းပြောဆိုခြင်းဖြစ်သည်။ ဂျာမန်အစိုးရ ရှေ့နေများက ယင်းတိုက်ခိုက်မှုကို ယူကရိန်းနိုင်ငံသားအစုအဖွဲ့တစ်ခုက လုပ်ဆောင်ခဲ့ခြင်း ဖြစ်နိုင်ကြောင်း ညွှန်ပြခဲ့သော်လည်း၊ မော်စကိုက ထိုသီအိုရီကို အဓိပ္ပာယ် မရှိဟု ငြင်းဆိုကာ အဆိုပါတိုက်ခိုက်ဖျက်ဆီးမှုကို ထိုစဉ်က သမ္မတ ဂျိုးဘိုင်ဒင် လက်ထက်တွင် အမေရိကန်ကစီစဉ်ခဲ့ခြင်းဖြစ်သည်ဟု စွပ်စွဲ ခဲ့သည်။

ဒူးမားလွှတ်တော်ဥက္ကဋ္ဌသည် ဥရောပသမဂ္ဂခေါင်းဆောင်များကို ဆက်လက် ဝေဖန်ပြောဆိုကာ ၎င်းတို့၏ အစိုးရများတွင် "မိမိနိုင်ငံသားများအား ပစ္စုပ္ပန်နှင့်အနာဂတ်အတွက် တာဝန်ယူမှုရှိသော သဘောထားမရှိကြောင်း" ယခုပင်သိသာနေပြီဖြစ်သည်ဟု ဆိုသည်။

၂၀၂၂ ခုနှစ်တွင် ယူကရိန်းပဋိပက္ခ မြင့်တက်လာခဲ့ပြီးနောက် ဥရောပ သမဂ္ဂသည် ရုရှားမှစွမ်းအင်အပေါ် မှီခိုမှုလျှော့ချရန်နှင့် ၂၀၂၇ ခုနှစ် မကုန်ဆုံးမီ ရုရှားဓာတ်ငွေ့၊ ရေနံနှင့် နျူကလီးယား လောင်စာ တင်သွင်းမှု များကို ဖြေးဖြေးချင်းရပ်ဆိုင်းရန် အစီအမံများကို ကြေညာခဲ့သည်။ သို့ရာတွင် ရုရှားဓာတ်ငွေ့အပေါ် အလွန်မှီခိုနေရသော ဟန်ဂေရီနှင့်ဆလိုဗက်ကီးယားနိုင်ငံတို့က အဆိုပါကာလသတ်မှတ်ချက်ကို ကန့်ကွက် ခဲ့ကြပြီး၊ ရပ်ဆိုင်းရေး အစီအစဉ်သည် လက်တွေ့မကျဟုဆိုကာ စွမ်းအင် လုံခြုံရေးကိုထိခိုက်စေပြီး စျေးနှုန်းများ သိသိသာသာ တိုးမြင့်လာစေမည် ဟု ဆိုသည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

အရှေ့အလယ်ပိုင်း ပဋိပက္ခများကြောင့် ဥရောပရှိပျမ်းမျှ သဘာဝဓာတ်ငွေ့စျေးနှုန်း ၁ ဆခွဲမြင့်တက်
အရှေ့အလယ်ပိုင်း ပဋိပက္ခများကြောင့် ဥရောပရှိပျမ်းမျှ သဘာဝဓာတ်ငွေ့စျေးနှုန်း ၁ ဆခွဲမြင့်တက်
     အရှေ့အလယ်ပိုင်းဒေသတွင် ဖြစ်ပွားနေသည့် ပဋိပက္ခများကြောင့်  ဥရောပရှိပျမ်းမျှ သဘာဝဓာတ်ငွေ့စျေးနှုန်းသည် ယခုနှစ် ဖေဖော်ဝါရီလနှင့် နှိုင်းယှဉ်ပါက မတ်လအတွင်း၌  ၁ ဆခွဲမြင့်တက်လာခဲ့ကြောင်းသိရသည်။ယခုနှစ် ဖေဖော်ဝါရီလ ၂၇ ရက်တွင် သဘာဝဓာတ်ငွေ့ခန့်မှန်းစျေးနှုန်းမှာ ကုဗမီတာ ၁၀၀၀ လျှင် အမေရိကန်ဒေါ်လာ  ၃၈၈ ဒေါ်လာဝန်းကျင်သာ ရှိခဲ့သော်လည်း မတ်လ ၃၁ ရက်    စျေးကွက်ပိတ်ချိန်၌ အမေရိကန် ဒေါ်လာ ၅၉၆ ဒေါ်လာအထိ မြင့်တက်လာခဲ့ရာ ဖေဖော်ဝါရီလကုန်နှင့် နှိုင်းယှဉ်ပါက ၅၄ ရာခိုင်နှုန်းမြင့်တက်လာခြင်းဖြစ်သည်။ထို့ပြင်  ဥရောပဒေသ၏   သဘာဝဓာတ်ငွေ့စျေးနှုန်းများသည် ပြီးခဲ့သည့် ၂၀၂၅ ခုနှစ် မတ်လအတွင်းက ပျမ်းမျှပေါက်စျေးထက် ၃၆ ရာခိုင်နှုန်း ပိုမိုမြင့်မားနေခဲ့ကြောင်းသိရသည်။ယခုနှစ် မတ်လအတွင်း သဘာဝဓာတ်ငွေ့စျေးနှုန်းများ ရုတ်တရက် အဆမတန် မြင့်တက်လာရခြင်းမှာ ဖေဖော်ဝါရီလကုန်ပိုင်းတွင် အမေရိကန်နှင့်အစ္စရေးတို့က အီရန်အပေါ် စတင်ခဲ့သည့် စစ်ပွဲကြောင့်ဖြစ်သည်။ထို့ပြင် အရှေ့အလယ်ပိုင်းပဋိပက္ခအတွင်း ဘာရိန်း၊ ဂျော်ဒန်၊ အီရတ်၊ ကာတာ၊ ကူဝိတ်၊ အာရပ်စော်ဘွားများပြည်ထောင်စုနှင့်ဆော်ဒီအာရေဗျ နိုင်ငံများအတွင်းရှိ အမေရိကန်၏ စစ်ဘက်အဆောက်အအုံများလည်း တိုက်ခိုက်ခံခဲ့ရပြီး ကမ္ဘာ့ရေနံနှင့် သဘာဝဓာတ်ငွေ့ရည် တင်ပို့မှု ငါးပုံတစ်ပုံ ဖြတ်သန်းရာ ဟော်မုရေလက်ကြား ပိတ်သွားခြင်းကလည်း အဆိုပါပဋိပက္ခ၏ နောက်ဆက်တွဲရလဒ်ပင် ဖြစ်ကြောင်း သိရသည်။ MWD
Thu, 2-Apr-2026
စစ်ပွဲအဆုံးသတ်နိုင်ခြေရှိသည့် အလားအလာများကြောင့် အာရှ စတော့စျေးကွက်များ သိသိသာသာ ပြန်လည်မြင့်တက်လာ
စစ်ပွဲအဆုံးသတ်နိုင်ခြေရှိသည့် အလားအလာများကြောင့် အာရှ စတော့စျေးကွက်များ သိသိသာသာ ပြန်လည်မြင့်တက်လာ
အမေရိကန်-အီရန်စစ်ပွဲကို မကြာမီအဆုံးသတ်ရန် ကြိုးပမ်းသွားမည် ဟူသော ထရမ့်အစိုးရအဖွဲ့၏ ပြောကြားချက်များကြောင့် အမေရိကန် စတော့စျေးကွက်တွင် တစ်နှစ်နီးပါးကာလအတွင်း အကောင်းဆုံး အရောင်းအဝယ်အခြေအနေသို့ ရောက်ရှိခဲ့ပြီးနောက် ဗုဒ္ဓဟူးနေ့ (ဧပြီ ၁) တွင် အာရှစတော့စျေးကွက် အညွှန်းကိန်းများလည်း လိုက်ပါ မြင့်တက်လာခဲ့သည်။ဂျပန်နိုင်ငံ၏ Nikkei 225 အညွှန်းကိန်းသည် ဒေသစံတော်ချိန် နံနက် ၁၀ နာရီ ၅၇ မိနစ်တွင် ၄ ရာခိုင်နှုန်းအထိ ထိုးတက်သွားခဲ့သကဲ့သို့ တောင်ကိုရီးယားနိုင်ငံ၏ Kospi အညွှန်းကိန်းသည်လည်း ၆.၄ ရာခိုင်နှုန်းအထိ မြင့်တက်ခဲ့သည်။ ထို့အတူ ဟောင်ကောင်၏ Hang Seng အညွှန်းကိန်းသည်လည်း ၁.၉ ရာခိုင်နှုန်း မြင့်တက်လာကြောင်း တွေ့ရှိရသည်။ဗုဒ္ဓဟူးနေ့ (ဧပြီ ၁) တွင် စျေးနှုန်းများ ခေတ္တ ပြန်လည်မြင့်တက်လာခဲ့သော်လည်း ပြီးခဲ့သည့်လအတွင်း ဖြစ်ပွားခဲ့သောစစ်ပွဲကြောင့် အာရှစျေးကွက်များတွင် မတည်ငြိမ်မှုများစွာဖြစ်ပေါ်ခဲ့ပြီး ငွေကြေးပမာဏ အမြောက်အမြား ဆုံးရှုံးမှုများနှင့် ရင်ဆိုင်ခဲ့ရသည်။ အာရှနိုင်ငံများသည် ပင်လယ်ကွေ့နိုင်ငံများမှ ရေနံနှင့်သဘာဝဓာတ်ငွေ့ တင်သွင်းမှုအပေါ် အဓိကမှီခိုနေရခြင်းကြောင့် ယခုကဲ့သို့ စျေးကွက်ရိုက်ခတ်မှု ပြင်းထန်ခဲ့ခြင်း ဖြစ်သည်။စစ်ပွဲစတင်ချိန်မှစ၍ လက်ရှိအချိန်ထိ တွက်ချက်ကြည့်ပါက ဂျပန် Nikkei 225 အညွှန်းကိန်းသည် ၁၀ ရာခိုင်နှုန်းခန့်၊ တောင်ကိုရီးယား Kospi သည် ၁၄ ရာခိုင်နှုန်းခန့်နှင့် ဟောင်ကောင် Hang Seng သည် ၅ ရာခိုင်နှုန်းခန့် အသီးသီးကျဆင်းခဲ့ကြောင်း သိရှိရသည်။ကိုးကား- CNNPhoto: DZRHဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အိန္ဒိယရှိ ဝန်ထမ်းပေါင်း ၁၂,၀၀၀ ကို Oracle အလုပ်ထုတ်ပယ်၊ တစ်ကမ္ဘာလုံးအတိုင်းအတာဖြင့် ဝန်ထမ်း ၃၀,၀၀၀ ခန့် လျှော့ချ
အိန္ဒိယရှိ ဝန်ထမ်းပေါင်း ၁၂,၀၀၀ ကို Oracle အလုပ်ထုတ်ပယ်၊ တစ်ကမ္ဘာလုံးအတိုင်းအတာဖြင့် ဝန်ထမ်း ၃၀,၀၀၀ ခန့် လျှော့ချ
အမေရိကန် နည်းပညာကုမ္ပဏီကြီးဖြစ်သည့် Oracle သည် အိန္ဒိယနိုင်ငံရှိ ဝန်ထမ်းပေါင်း ၁၂,၀၀၀ ကို အလုပ်ထုတ်ပယ်လိုက်ကြောင်း PTI သတင်း ဌာနက ဖော်ပြခဲ့သည်။ မီဒီယာများ၏ ဖော်ပြချက်အရ ကုမ္ပဏီသည် တစ်ကမ္ဘာလုံးအတိုင်းအတာဖြင့် ဝန်ထမ်းပေါင်း ၃၀,၀၀၀ ခန့်ကို လျှော့ချ ခဲ့ခြင်း ဖြစ်သည်။Oracle သည် အိန္ဒိယနိုင်ငံတွင် လက်ရှိအလုပ်ထုတ်ခံရသည့် ဝန်ထမ်းများအပါအဝင် စုစုပေါင်း ဝန်ထမ်း ၃၀,၀၀၀ ခန့်ကို ခန့်အပ်ထားခြင်း ဖြစ်သည်။ အလုပ်ထုတ်ခံရသည့် ဝန်ထမ်းများက နောက်ထပ် အလုပ်အကိုင်လျှော့ချမှုတစ်ရပ်ကို လာမည့်တစ်လအတွင်း ထပ်မံ ပြုလုပ်ဖွယ်ရှိကြောင်း Moneycontrol ဝက်ဘ်ဆိုက်သို့ ပြောကြားခဲ့သည်။ Oracle က သက်ဆိုင်ရာ ဝန်ထမ်းများထံ နံနက် ၆ နာရီတွင် အီးမေးလ်ပေးပို့၍ အဖွဲ့အစည်းဆိုင်ရာ အပြောင်းအလဲများကို အသိပေးခဲ့ရာတွင် “လုပ်ငန်းလည်ပတ်မှုများကို ပိုမိုထိရောက်စေရန် ဆုံးဖြတ်ခဲ့ပြီး ရလဒ်အနေဖြင့် ကံမကောင်းစွာဖြင့် သင်လက်ရှိတာဝန်ယူထားသော ရာထူးမှာ ပိုလျှံနေပြီ ဖြစ်ပါသည်” ဟု ဖော်ပြထားကြောင်း Moneycontrol က ဆိုသည်။ကုမ္ပဏီသည် အလုပ်ထုတ်ခံရသော အိန္ဒိယဝန်ထမ်းများအတွက် လုပ်သက် တစ်နှစ်လျှင် ၁၅ ရက်စာ လစာနှုန်းဖြင့် လျော်ကြေးပေးမည်ဟု သိရှိရသည်။ ထို့အပြင် ခွင့်ရက်များအတွက် ငွေကြေးအဖြစ်လဲလှယ်ပေးခြင်း၊ သတ်မှတ်ချက်နှင့်ကိုက်ညီပါက လုပ်သက်ဆုကြေးပေးခြင်း၊ ကြိုတင်အကြောင်းကြားစာကာလ တစ်လစာပေးခြင်းနှင့် အလုပ်ထုတ်ခံရမှုအတွက် အပိုဆောင်း နှစ်လစာပေးခြင်းတို့ကိုလည်း ကမ်းလှမ်းထားသည်။ယခုကဲ့သို့ အလုပ်ထုတ်မှုများသည် Oracle ကုမ္ပဏီအနေဖြင့် ဉာဏ်ရည်တု (AI) လုပ်ငန်းစဉ်များကို ကိုင်တွယ်နိုင်မည့် ဒေတာစင်တာ အခြေခံ အဆောက်အအုံများ တည်ဆောက်ရန် ရင်းနှီးမြှုပ်နှံမှု အသုံးစရိတ်များ တိုးမြှင့်နေချိန်တွင် ပေါ်ပေါက်လာခြင်းဖြစ်သည်။အိန္ဒိယအစိုးရ၏ အကြံပေးအဖွဲ့ဖြစ်သော NITI Aayog ၏ ၂၀၂၅ ခုနှစ် အစီရင်ခံစာအရ အိန္ဒိယရှိ IT ဝန်ဆောင်မှုနှင့် Call Center အလုပ်အကိုင် များ၏ ၂၀ ရာခိုင်နှုန်းအထိသည် ၂၀၃၁ ခုနှစ်တွင် အလိုအလျောက်စနစ် (Automation) ကြောင့် ထိခိုက်နိုင်ကြောင်း ခန့်မှန်းထားသည်။ Citrini Research ၏ ‘The 2028 Global Intelligence Crisis’ အစီရင်ခံစာ တွင်လည်း ၂၀၂၈ ခုနှစ်၌ အိန္ဒိယ၏ IT ဝန်ဆောင်မှုလုပ်ငန်းမှာ သိသိသာသာ နှေးကွေးသွားနိုင်ကြောင်း၊ အကြောင်းမှာ ဖောက်သည်များသည် စရိတ်သက်သာသော AI coding agents များကို ပြောင်းလဲအသုံးပြုလာခြင်း ကြောင့်ဖြစ်ကြောင်း ဖော်ပြထားသည်။အိန္ဒိယ၏ အကြီးဆုံး IT ဝန်ဆောင်မှုကုမ္ပဏီဖြစ်သော Tata Consultancy Services (TCS) သည်လည်း ၂၀၂၅ ခုနှစ်တွင် ၎င်းတို့၏ တစ်ကမ္ဘာလုံး ဆိုင်ရာ လုပ်သားအင်အား၏ ၂ ရာခိုင်နှုန်းခန့်ရှိသော ဝန်ထမ်း ၁၂,၀၀၀ ခန့်ကို အလုပ်ထုတ်ခဲ့သည်။ အလားတူ အိန္ဒိယရှိ Amazon ဝန်ထမ်း ၇၀၀ နီးပါးသည် ဇန်နဝါရီလအတွင်းက လုပ်ငန်းပြန်လည်ဖွဲ့စည်းမှု၏ အစိတ်အပိုင်းအဖြစ် အလုပ်လက်မဲ့ဖြစ်ခဲ့ရပြီး Microsoft သည်လည်း ၂၀၂၅ ခုနှစ် အတွင်း တစ်ကမ္ဘာလုံး၌ အလုပ်အကိုင်ပေါင်း ၁၅,၀၀၀ ခန့်ကို လျှော့ချခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အရှေ့အလယ်ပိုင်းပဋိပက္ခကြောင့် UK သည် ဆယ်စုနှစ်များစွာအတွင်း အဆိုးရွားဆုံး စီးပွားရေးရိုက်ခတ်မှုနှင့် ရင်ဆိုင်နေရဟု IMF သတိပေး
အရှေ့အလယ်ပိုင်းပဋိပက္ခကြောင့် UK သည် ဆယ်စုနှစ်များစွာအတွင်း အဆိုးရွားဆုံး စီးပွားရေးရိုက်ခတ်မှုနှင့် ရင်ဆိုင်နေရဟု IMF သတိပေး
အရှေ့အလယ်ပိုင်းဒေသ ပဋိပက္ခကြောင့်ဖြစ်ပေါ်လာသည့် စီးပွားရေး ရိုက်ခတ်မှုဒဏ်ကို အခြားနိုင်ငံများထက် UK (ဗြိတိန်) က ပိုမို ခံစားနေရကြောင်း အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) က သတိပေးလိုက်သည်။ UK သည် သဘာဝဓာတ်ငွေ့သုံး လျှပ်စစ်ထုတ်လုပ်မှုအပေါ် အလွန်အမင်း မှီခိုနေရသောကြောင့် မြင့်တက်လာသော စွမ်းအင်ဈေးနှုန်းများ၏ ဒဏ်ကို အထူးတလည် ခံစားရမည့် အခြေအနေတွင် ရှိနေသည်ဟု ဆိုသည်။ ဖေဖော်ဝါရီလနှောင်းပိုင်းတွင် အီရန်အပေါ် အမေရိကန်-အစ္စရေးတို့၏ တိုက်ခိုက်မှုများနှင့် ယင်းနောက်ပိုင်း ဒေသတွင်း အပြန်အလှန် လက်တုံ့ပြန် တိုက်ခိုက်မှုများကြောင့် စွမ်းအင်ဈေးနှုန်းများ ထိုးတက်သွားပြီးနောက် ဥရောပတစ်လွှားရှိ စွမ်းအင်တင်သွင်းသည့် နိုင်ငံများမှာ အပြင်းထန်ဆုံး ရိုက်ခတ်မှုကို ကြုံတွေ့နေရသည်။ ထိုအကျပ်အတည်းကြောင့် ကမ္ဘာ့ရေနံရောင်းလိုအား ငါးပုံတစ်ပုံခန့်ကို သယ်ယူပို့ဆောင်ပေးနေသည့်အဓိကရေကြောင်းလမ်းဖြစ်သော ဟော်မုဇ်ရေလက်ကြားမှာ ထိရောက်စွာ ပိတ်ဆို့သွားခဲ့ပြီး ရေနံစီးဆင်းမှုများရပ်တန့်ကာ လောင်စာဆီနှင့် ထုတ်လုပ်မှုကုန်ကျစရိတ်များကို မြင့်တက်စေခဲ့သည်။ယခုသီတင်းပတ်အစောပိုင်းက ထုတ်ပြန်ခဲ့သည့် IMF ၏ ဆောင်းပါး တစ်ပုဒ်တွင် အဖွဲ့၏ ထိပ်တန်းစီးပွားရေးပညာရှင် Pierre-Olivier Gourinchas အပါအဝင် တာဝန်ရှိသူများက ပြောကြားရာ၌ အကြွေးတင်နေသော အစိုးရများအနေဖြင့် အဆိုပါဒဏ်ကိုလျှော့ချပေးရန် ငွေကြေးအရင်းအမြစ် အနည်းငယ်သာရှိကြောင်း၊ ထို့ကြောင့် အိမ်ထောင်စုများနှင့် စီးပွားရေးလုပ်ငန်းများမှာ ပိုမိုထိခိုက်နိုင်ကြောင်း ဖော်ပြထားသည်။ ထို့ပြင် အရှေ့ အလယ်ပိုင်းစစ်ပွဲ၏ သက်ရောက်မှုသည် တစ်ကမ္ဘာလုံး အတိုင်းအတာဖြင့် ဖြစ်ပေါ်စေသော်လည်း နိုင်ငံအလိုက် ကွာခြားမှုကြီးမားလိမ့်မည်ဟု ထပ်လောင်းပြောကြားခဲ့ပြီး UK အပါအဝင် အချို့နိုင်ငံများမှာ နေထိုင်မှု စရိတ်ကျပ်တည်းမှုဒဏ်ကို တစ်ကျော့ပြန် ရင်ဆိုင်ရမည် ဖြစ်သည်။UK နှင့် အီတလီတို့သည် စွမ်းအင်ခများမြင့်တက်မှုကြောင့် နေထိုင်မှုစရိတ်မြင့်တက်မည့် အန္တရာယ်နှင့် အများဆုံးရင်ဆိုင်နေရသော်လည်း ပြင်သစ်နှင့် စပိန်တို့မှာမူ နျူကလီးယားနှင့် ပြန်လည်ပြည့်ဖြိုးမြဲ စွမ်းအင်ကို ပိုမိုအားထားသောကြောင့် ထိခိုက်မှုဒဏ်မှ အသင့်အတင့် ကင်းလွတ်နေကြောင်း IMF က ဆိုသည်။UK ဝန်ကြီးချုပ် Keir Starmer ကမူ လောင်စာဆီရရှိမှုမှာ လုံခြုံစိတ်ချရသည့် အခြေအနေတွင်ရှိကြောင်း အခိုင်အမာပြောကြားထားပြီး ပြည်သူများအနေဖြင့် ပုံမှန်အတိုင်း နေထိုင်ကြရန် တနင်္လာနေ့ (မတ် ၃၀) က တိုက်တွန်းခဲ့သည်။ သို့သော်လည်း စီးပွားရေးပညာရှင်များကမူ UK ၏ စီးပွားရေးသည် ယူကရိန်းပဋိပက္ခကြောင့် ရုရှား၏ ဈေးနှုန်းချိုသာသော ဓာတ်ငွေ့နှင့်ရေနံကို ဖြတ်တောက်ခဲ့သည့် လွန်ခဲ့သော လေးနှစ်ခန့်က ထက်စာလျှင် ပိုမိုအားနည်းသောအခြေအနေသို့ ရောက်ရှိနေပြီဟု သတိပေးနေကြသည်။အင်္ဂလန်ဗဟိုဘဏ် ဒုတိယဥက္ကဋ္ဌဟောင်း Howard Davies က ယခု သီတင်းပတ်အတွင်း ပြောကြားရာ၌ UK သည် ၁၉၇၃ ခုနှစ် အာရပ်-အစ္စရေး စစ်ပွဲအပြီး အာရပ်ထုတ်လုပ်သူများက အနောက်နိုင်ငံများကို ရေနံရောင်းချမှုပိတ်ပင်ခဲ့ခြင်းကြောင့် ရေနံဈေး ၄ ဆ မြင့်တက်ခဲ့ရသည့် ၁၉၇၀ ပြည့်လွန်နှစ်များက စွမ်းအင်အကျပ်အတည်းနှင့်တူညီသည့် အခြေအနေသို့ ဦးတည်နေနိုင်ကြောင်း သတိပေးခဲ့သည်။ ၎င်းက အရှေ့အလယ်ပိုင်း ရေနံရောင်းလိုအားမှာ ဆက်လက် ကန့်သတ်ခံထားရနိုင်ပြီး ရေနံဈေးသည် တစ်စည်လျှင် ဒေါ်လာ ၁၅၀ အထိ မရောက်ရှိခဲ့လျှင်ပင် လက်ရှိ အကျပ်အတည်းမတိုင်မီကရှိခဲ့သည့် ၆၀ ဒေါ်လာဝန်းကျင်ထက် အဆမတန် မြင့်တက်နေဦးမည်ဟု ဆိုသည်။UK ၏ သဘာဝဓာတ်ငွေ့ဈေးနှုန်းမှာ ဒီဇင်ဘာလမှစ၍ ၂ ဆကျော် မြင့်တက်ခဲ့ပြီး ပဋိပက္ခမတိုင်မီက တစ်စည်လျှင် ဒေါ်လာ ၆၀ နီးပါးရှိခဲ့သည့် Brent ရေနံစိမ်းဈေးမှာလည်း ယခုသီတင်းပတ်အစောပိုင်းတွင် ၁၁၆ ဒေါ်လာအထိ ခဏတာ ထိုးတက်သွားခဲ့ပြီးနောက် ဗုဒ္ဓဟူးနေ့ (ဧပြီ ၁) တွင် ၁၀၀ ဒေါ်လာဝန်းကျင်၌ တည်ရှိနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
JetBlue လေကြောင်းလိုင်းသည် ခရီးဆောင်အိတ် ဝန်ဆောင်ခများကို ပထမဆုံး တိုးမြှင့်သတ်မှတ်လိုက်သည့် အမေရိကန် လေကြောင်းလိုင်း ဖြစ်လာ
JetBlue လေကြောင်းလိုင်းသည် ခရီးဆောင်အိတ် ဝန်ဆောင်ခများကို ပထမဆုံး တိုးမြှင့်သတ်မှတ်လိုက်သည့် အမေရိကန် လေကြောင်းလိုင်း ဖြစ်လာ
အီရန်စစ်ပွဲကြောင့် ရေနံဈေးနှုန်းများ ဆက်တိုက်မြင့်တက်နေခြင်းနှင့်အတူ JetBlue လေကြောင်းလိုင်းသည် ၎င်း၏ ခရီးဆောင်အိတ် ဝန်ဆောင်ခများကို တိုးမြှင့်လိုက်ပြီဖြစ်သည်။လေကြောင်းလိုင်း၏ ဝက်ဘ်ဆိုက်တွင် ဖော်ပြထားချက်အရ လေယာဉ်ထွက်ခွာမည့် အချိန်အပေါ် မူတည်၍ ဝန်ဆောင်ခများကို ၄ ဒေါ်လာမှ ၉ ဒေါ်လာအတွင်း တိုးမြှင့်သတ်မှတ်လိုက်ခြင်းဖြစ်သည်။ ဥပမာအားဖြင့် ခရီးသွားလာမှုနည်းပါးသည့်ကာလ (Off-peak) များတွင် ပထမအိတ် အတွက် ဝန်ဆောင်ခကို ၃၅ ဒေါ်လာမှ ၃၉ ဒေါ်လာသို့လည်းကောင်း၊ အားလပ်ရက်ရှည်များနှင့် နွေရာသီကာလတစ်လျှောက်လုံးကဲ့သို့ ခရီး သွားလာမှုများပြားသည့် (Peak) ကာလများတွင် ၄၀ ဒေါ်လာမှ ၄၉ ဒေါ်လာသို့လည်းကောင်း အသီးသီး တိုးမြှင့်လိုက်သည်။"မိမိတို့အနေဖြင့် လုပ်ငန်းလည်ပတ်မှုစရိတ်များ မြင့်တက်လာမှုကိုကြုံတွေ့နေရချိန်တွင် အခြေခံလေယာဉ်လက်မှတ်ခများကို ယှဉ်ပြိုင်နိုင်စွမ်းရှိသည့် နှုန်းထားတွင် ဆက်လက်ထိန်းထားနိုင်ရန်နှင့် သုံးစွဲသူများ တန်ဖိုးထားသည့် ဝန်ဆောင်မှုများတွင် ဆက်လက် ရင်းနှီးမြှုပ်နှံနိုင်ရန်အတွက် ထိုကုန်ကျစရိတ်များကို မည်ကဲ့သို့စီမံခန့်ခွဲရမည်ကို ပုံမှန် သုံးသပ်လျက်ရှိပါသည်" ဟု အဆိုပါလေကြောင်းလိုင်းက CNN သို့ ပေးပို့ခဲ့သည့် ထုတ်ပြန်ချက်တွင် ဖော်ပြထားသည်။ ထို့အပြင် "ဝန်ဆောင်ခများ တိုးမြှင့်ခြင်းသည် အကောင်းဆုံးအခြေအနေ မဟုတ်သည်ကို နားလည်သော်လည်း လိုအပ်သည့်အခါမှသာ ယခုကဲ့သို့ အပြောင်းအလဲများကိုပြုလုပ်ရန် ဂရုတစိုက် ထည့်သွင်းစဉ်းစားခဲ့ခြင်းဖြစ်သည်" ဟုလည်း ဆိုသည်။ယင်းလေကြောင်းလိုင်း၏ ခရက်ဒစ်ကတ် ကိုင်ဆောင်ထားသူများနှင့် Loyalty Program Member များအတွက်မူ အိတ်ဝန်ဆောင်ခ ကင်းလွတ်ခွင့် များ ဆက်လက်ရရှိမည်ဖြစ်သည်။ အစဉ်အလာအရ ပြိုင်ဘက်လေကြောင်းလိုင်းများသည် ဈေးနှုန်းမြှင့်တင်ရာတွင် တစ်ခုပြီးတစ်ခုလိုက်ပါ လုပ်ဆောင် လေ့ရှိသော်လည်း ယခုအကြိမ်တွင်မူ JetBlue သည် ပထမဆုံး စတင်တိုးမြှင့်သည့် လေကြောင်းလိုင်း ဖြစ်လာခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
အမေရိကန်တွင် ဓာတ်ဆီဈေး တစ်ဂါလန် ၄ ဒေါ်လာအထိ မြင့်တက်လာ၊ စစ်ပွဲပြီးဆုံးသွားပါက ဈေးနှုန်းများ ပြန်လည်ထိုးဆင်းသွားလိမ့်မည်ဟု အိမ်ဖြူတော် ပြောကြား
အမေရိကန်တွင် ဓာတ်ဆီဈေး တစ်ဂါလန် ၄ ဒေါ်လာအထိ မြင့်တက်လာ၊ စစ်ပွဲပြီးဆုံးသွားပါက ဈေးနှုန်းများ ပြန်လည်ထိုးဆင်းသွားလိမ့်မည်ဟု အိမ်ဖြူတော် ပြောကြား
အမေရိကန်တစ်နိုင်ငံလုံးအတိုင်းအတာဖြင့် ပျမ်းမျှဓာတ်ဆီဈေးနှုန်းမှာ ၂၀၂၂ ခုနှစ်နောက်ပိုင်း ပထမဆုံးအကြိမ်အဖြစ် တစ်ဂါလန်လျှင် ၄.၀၂ ဒေါ်လာအထိ မြင့်တက်လာခဲ့သော်လည်း အိမ်ဖြူတော်ကမူ အဆိုပါ ဆီဈေးတက်မှုကို အရေးမထားသည့်သဘောဖြင့် ဆက်လက် တုံ့ပြန်လျက်ရှိပြီး အီရန်နှင့်ဖြစ်ပွားနေသော စစ်ပွဲပြီးဆုံးသည်နှင့် ဈေးနှုန်းများထိုးဆင်းသွားမည်ဟု အခိုင်အမာပြောကြားခဲ့သည်။အိမ်ဖြူတော် ပြောရေးဆိုခွင့်ရှိသူ Karoline Leavitt က CNN သို့ ပေးပို့ခဲ့သော ထုတ်ပြန်ချက်တွင် “Operation Epic Fury (မဟာဗျူဟာမြောက် စစ်ဆင်ရေး) ပြီးဆုံးသွားတဲ့အခါမှာ ဓာတ်ဆီဈေးနှုန်းတွေဟာ အခုလိုကာလတို အနှောင့်အယှက်တွေမဖြစ်ခင်က အမေရိကန်ယာဉ်မောင်းတွေ ခံစားခဲ့ရတဲ့ နှစ်ပေါင်းများစွာအတွင်း အနိမ့်ဆုံးဈေးနှုန်းတွေဆီ ပြန်လည် ထိုးဆင်းသွားမှာ ဖြစ်ပါတယ်” ဟု ပြောကြားခဲ့သည်။ ထို့အပြင် “သမ္မတ ထရမ့်အနေနဲ့ အမေရိကန်ရဲ့ စွမ်းအင်ကဏ္ဍအသာစီးရမှုကို အပြည့်အဝ ဖော်ဆောင်ဖို့၊ ကုန်ကျစရိတ်တွေ လျှော့ချဖို့နဲ့ ကြိုးစားအားထုတ်နေကြတဲ့ အမေရိကန်မိသားစုတွေရဲ့ အိတ်ကပ်ထဲကို ငွေကြေးတွေ ပိုမိုရောက်ရှိစေဖို့ အလေးအနက်ထား ဆောင်ရွက်နေပါတယ်” ဟုလည်း ဆိုသည်။သမ္မတ ဒေါ်နယ်ထရမ့်သည် စွမ်းအင်ကုန်ကျစရိတ်များ၊ အထူးသဖြင့် စက်သုံးဆီဈေးနှုန်းများ လျှော့ချပေးမည်ဟု မဲဆွယ်ကာလအတွင်း အတိအလင်း ကတိပေးခဲ့သူဖြစ်ပြီး ၎င်း၏ ရှေ့အဆက် သမ္မတ ဂျိုးဘိုင်ဒင်လက်ထက်က ဆီဈေးကြီးမြင့်မှုကိုလည်း မကြာခဏ ဝေဖန်ခဲ့သူ ဖြစ်သည်။အိမ်ဖြူတော် တာဝန်ရှိသူများက နိုဝင်ဘာလတွင်ကျင်းပမည့် ကြားဖြတ် ရွေးကောက်ပွဲမတိုင်မီ အဆိုပါပြဿနာဖြေရှင်းနိုင်ရေးကို အဓိက ဦးစားပေး အဖြစ် ရှုမြင်ထားကြသည်။ ထို့ပြင် အစ္စရေးနှင့်အတူ ပူးပေါင်း တိုက်ခိုက်မှုများ ပြုလုပ်ပြီးနောက် အီရန်ကထိန်းချုပ်ထားသော အဓိက ရေနံ သယ်ယူပို့ဆောင်ရေးလမ်းကြောင်းဖြစ်သည့် Hormuz ရေလက်ကြားလုံခြုံရေးအတွက် ကူညီပေးရန် အခြားနိုင်ငံများကိုလည်း ထရမ့်က တိုက်တွန်း ထားသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 1-Apr-2026
© Copyright 2024 SAC All Rights Reserved.