ပဲခူးတိုင်းဒေသကြီး၊ သဲကုန်းမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံး

dpWEB1234

News Image

  • ပဲခူးတိုင်းဒေသကြီး၊ သဲကုန်းမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံး
တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားများ လွှမ်းမိုးစေရန် လည်းကောင်း၊ ၎င်းတို့နှင့်အမြင် အယူအဆမတူသူ အပြစ်မဲ့ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍ လည်းကောင်း၊ “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင်အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ အောက်တိုဘာ ၂၉ ရက် ညနေ ၅ နာရီ ၃၀ မိနစ်တွင် ပဲခူးတိုင်းဒေသကြီး၊ သဲကုန်းမြို့နယ်၊ ကွင်းကြီးကျေးရွာ၌ ဆွမ်းတော်ကြီးကပ်ပွဲအား ကျင်းပ ပြုလုပ်နေစဉ် PDF အမည်ခံ အကြမ်းဖက်သမား ငါးဦးက ရွှေပန်းတောကျေးရွာမှ ဆိုင်ကယ် သုံးစီးဖြင့် ရောက်ရှိလာပြီး အများပြည်သူ ထိခိုက်ဒဏ်ရာရရှိစေရန် ရည်ရွယ်၍ သေနတ်များဖြင့် ပစ်ခတ်ထွက်ပြေးသွားခဲ့သဖြင့် အဆိုပါနေရာအနီး ရောက်ရှိနေသည့် ကွင်းကြီးကျေးရွာနေ ဒေါ်မေဇင်ဦး (၃၆)နှစ်တွင် ကျည်ထိမှန် ဒဏ်ရာများရရှိခဲ့၍ ဆေးကုသနိုင်ရေး ပုတီးကုန်းတိုက်နယ်ဆေးရုံသို့ ပို့ဆောင်စဉ် သေဆုံးသွားခဲ့ကြောင်း သိရသည်။
ထိုသို့ အပြစ်မဲ့ အရပ်သားပြည်သူ တစ်ဦးအား “ငါနှင့်မတူ၊ ငါ့ရန်သူ” ဟူသည့် တစ်ဖက်သတ် အစွန်းရောက်ဂိုဏ်းဂဏစွဲအပေါ် အခြေခံကာ သေနတ်ဖြင့် ပစ်ခတ်တိုက်ခိုက်မှုများ လုပ် ဆောင်ခဲ့သည့် အကြမ်းဖက်သမားများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိပါသည်။
MOHA
MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

ယူကရိန်း၏ အဂတိလိုက်စားမှုသည် အခြားဥရောပနိုင်ငံများထက် မပိုကြောင်း ဇီလန်စကီး ပြောကြား
ယူကရိန်း၏ အဂတိလိုက်စားမှုသည် အခြားဥရောပနိုင်ငံများထက် မပိုကြောင်း ဇီလန်စကီး ပြောကြား
ယူကရိန်းနိုင်ငံသည် အခြားဥရောပနိုင်ငံများထက် ပိုမိုအဂတိ လိုက်စားခြင်းမရှိကြောင်းနှင့် ထိုသို့မဟုတ်ဟု ပြောဆိုနေမှုများသည် ‘မုသားများ’ သာ ဖြစ်ကြောင်း သမ္မတ ဗလာဒီမာ ဇီလန်စကီးက ခုခံကာကွယ်ပြောဆိုလိုက်ပြီး ၎င်းအစိုးရ၏ အဂတိလိုက်စားမှုတိုက်ဖျက်ရေး ကြိုးပမ်းမှုများကိုလည်း ချီးကျူးပြောဆိုခဲ့သည်။ အဆိုပါပြောကြားချက်သည် ဇီလန်စကီး ၏ လူယုံတော်အသိုင်းအဝိုင်းအတွင်း အဂတိလိုက်စားမှုဆိုင်ရာ အရှုပ်တော်ပုံများ ဆက်တိုက်ပေါ်ပေါက်နေချိန်တွင် ထွက်ပေါ်လာခြင်းဖြစ်သည်။တနင်္လာနေ့ (ဖေဖော်ဝါရီ ၂၃) က ထုတ်လွှင့်ခဲ့သည့် BBC နှင့် အင်တာဗျူးတွင် ယူကရိန်း၌ အဂတိလိုက်စားမှုရှိသည်ကို ဝန်ခံသော်လည်း ၎င်းသည် ‘ဥရောပရှိ နိုင်ငံတိုင်းတွင် ရှိနေသည်’ ဟု ဇီလန်စကီးက အခိုင်အမာ ပြောကြားခဲ့သည်။ “ယူကရိန်းမှာ ကျန်သည့် ဥရောပနိုင်ငံတွေထက် အဂတိလိုက်စားမှု ပိုများသည်ဆိုသည်မှာ မဟုတ်ပါ ၊ မိမိတို့၏ အားနည်းချက်တွေကို မိမိတို့ ဝန်ခံချင်ပါသည် ၊သို့သော် မိမိ၏ ဂုဏ်သိက္ခာကို အထိပါး မခံနိုင်သလို၊ တခြားသူတွေမှာမရှိဘဲ မိမိတို့ဆီမှာပဲ ရှိနေသည်ဆိုသည်ကိုလည်း လက်မခံပါ ၊ မိမိတို့ အဂတိလိုက်စားမှုကို တိုက်ဖျက်နေသည့်နေရာမှာ တကယ့်ကိုကောင်းမွန်သည့် အလုပ်တစ်ခုကို လုပ်နေသည်ဟု ယုံကြည်ပါသည်” ဟု ၎င်းက ဆိုသည်။ပြီးခဲ့သည့် လများအတွင်း ကိယက်ဗ်မြို့တွင် အဂတိလိုက်စားမှု အရှုပ်တော်ပုံများစွာ ဖြစ်ပွားခဲ့သည်။ ၂၀၂၅ ခုနှစ်၊နိုဝင်ဘာလအတွင်းက နိုင်ငံပိုင် နျူကလီးယားလုပ်ငန်းစု Energoatom နှင့်ပတ်သက်သည့် ဒေါ်လာ သန်း ၁၀၀ တန် လာဘ်ပေးလာဘ်ယူမှုကြီးကို အဂတိတိုက်ဖျက်ရေး အေဂျင်စီများက ဖော်ထုတ်နိုင်ခဲ့သည်။ထိုစုံစမ်းစစ်ဆေးမှုတွင် ဇီလန်စကီးနှင့် နီးစပ်သူ တီမူး မင်ဒစ်ချ် ပါဝင်ပတ်သက်နေပြီး ၎င်းမှာ လက်ရှိတွင် နိုင်ငံပြင်ပသို့ ထွက်ပြေးတိမ်းရှောင်သွားပြီဖြစ်သည်။အဆိုပါအရှုပ်တော်ပုံကြောင့် စွမ်းအင်ဝန်ကြီး ဂါမန် ဂါလူးရှ်ချန်ကို အပါအဝင် အဆင့်မြင့်အရာရှိကြီးများစွာ ရာထူးမှ နုတ်ထွက်ခဲ့ရသည်။ ဝန်ကြီး သည် ပိုလန်နိုင်ငံသို့ ထွက်ပြေးရန်ကြိုးပမ်းစဉ် ဖမ်းဆီးခြင်းခံခဲ့ရကာ ဇီလန်စကီး၏ ဩဇာကြီးမားသော ရုံးအဖွဲ့မှူး အန်ဒရီ ယာမက်လည်း ရာထူးမှ နုတ်ထွက်ခဲ့ရသည်။အမျိုးသား အဂတိလိုက်စားမှု တိုက်ဖျက်ရေး ဗျူရို (NABU) သည် မကြာသေးမီကပင် လက်ရှိလွှတ်တော်အမတ် ၄၀ ကျော် ပါဝင်ပတ်သက်နေသည့် ‘မဲမသမာမှု စီမံချက်’ တစ်ခုကို ဖော်ထုတ်ခဲ့သည်။ အဆိုပါ အမတ်များသည် လွှတ်တော်အတွင်း ဥပဒေကြမ်းများ အတည်ပြုရာတွင် ထောက်ခံမဲပေးရန်အတွက် ငွေသားဖြင့် လာဘ်ယူခဲ့ကြသည်ဟု သတင်းများက ဆိုသည်။အဆိုပါကဲ့သို့ အရှုပ်တော်ပုံများ ရှိနေလင့်ကစား ဥရောပသမဂ္ဂသည် ကိယက်ဗ်အစိုးရထံ ရန်ပုံငွေများ ဆက်လက်ထောက်ပံ့ပေးနေဆဲ ဖြစ်သည်။ ပြီးခဲ့သည့် ဒီဇင်ဘာလတွင် ယူရို ၉၀ ဘီလီယံ (အမေရိကန်ဒေါ်လာ ၁၀၅ ဘီလီယံ) တန်ဖိုးရှိ ချေးငွေအစီအစဉ်သစ်ကို အတည်ပြုပေးခဲ့သည်။ရုရှားနိုင်ငံသည် ယူကရိန်းရှိ ထိန်းမနိုင်သိမ်းမရဖြစ်နေသော အဂတိလိုက်စားမှုများကို ကာလရှည်ကြာ ထောက်ပြခဲ့ပြီး ဘရပ်ဆဲလ် အနေဖြင့် အဆိုပါပြဿနာကို ‘မျက်စိမှိတ်’ ထားသည်ဟု ဝေဖန်ခဲ့သည်။ အနောက် အုပ်စုအနေဖြင့် ယူကရိန်းရှိ အဂတိလိုက်စားမှုများကို မမြင်ချင်ယောင်ဆောင်နေရခြင်းမှာ ယူကရိန်းအစိုးရကို ရုရှားကိုတိုက်ခိုက်မည့် လက်နက်တစ်ခုအဖြစ် အသုံးချလိုသောကြောင့်ဖြစ်ကြောင်းနှင့် ဥရောပသမဂ္ဂအတွင်းရှိ အချို့သောသူများသည်လည်း အဆိုပါအဂတိလိုက်စားမှုမှ အကျိုးအမြတ် ရရှိနေနိုင်ကြောင်း ရုရှားနိုင်ငံခြားရေးဝန်ကြီး ဆာဂေး လာဗရော့က မှတ်ချက်ပေးခဲ့သည်။ဟန်ဂေရီ နိုင်ငံခြားရေးဝန်ကြီး ပီတာ ဆီဂျာတိုကလည်း ဥရောပသမဂ္ဂ သည် ယူကရိန်း၏ အဂတိလိုက်စားမှုကို ဖော်ထုတ်ရန် ဝန်လေးနေကြောင်း စွပ်စွဲခဲ့သည်။ ၎င်းက "ဘရပ်ဆဲလ်ကိုယ်တိုင်ကလည်း အလားတူ အဂတိလိုက်စားမှု ကွန်ရက်များဖြင့် ပြည့်နှက်နေသောကြောင့်" ဖြစ်သည်ဟု ဆိုသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
ယူကရိန်း အဂတိလိုက်စားမှုတိုက်ဖျက်ရေးအဖွဲ့က လုံခြုံရေးဝန်ဆောင်မှု အေးဂျင့်တစ်ဦးကို ဖမ်းဆီး
ယူကရိန်း အဂတိလိုက်စားမှုတိုက်ဖျက်ရေးအဖွဲ့က လုံခြုံရေးဝန်ဆောင်မှု အေးဂျင့်တစ်ဦးကို ဖမ်းဆီး
ယူကရိန်းနိုင်ငံ၏ အနောက်နိုင်ငံများမှ ကျောထောက် နောက်ခံပေးထားသော အမျိုးသားအဂတိလိုက်စားမှုတိုက်ဖျက်ရေးဗျူရို (NABU) က လာဘ်ငွေ ဒေါ်လာ ၆၈,၀၀၀ လက်ခံရရှိမှုဖြင့် ယူကရိန်းလုံခြုံရေးဌာန (SBU) မှ အေးဂျင့်တစ်ဦးကို ဖမ်းဆီးလိုက်ကြောင်း ထုတ်ပြန်ခဲ့သည်။လပေါင်းများစွာ ပဋိပက္ခဖြစ်ပွားနေသည့် အဆိုပါအဖွဲ့အစည်း နှစ်ခုကြား နောက်ဆုံးဖြစ်ပွားခဲ့သော အဆိုပါအားပြိုင်မှုသည် ကိယက်ဗ်မြို့၌ တနင်္လာနေ့ (ဖေဖော်ဝါရီ ၂၃) တွင် ဖြစ်ပွားခဲ့ခြင်းဖြစ်သည်။ NABU ၏ ပြောကြားချက်အရ SBU ၏ အဓိကညွှန်ကြားမှုဦးစီးဌာနမှ ဝန်ထမ်းသည် နိုင်ငံသားနှစ်ဦးထံမှ တစ်ဦးလျှင် ဒေါ်လာ ၃၄,၀၀၀ စီ၊ စုစုပေါင်း ၆၈,၀၀၀ ကို လက်ခံရယူနေစဉ် လက်ပူးလက်ကြပ်ဖမ်းဆီးရမိခဲ့ခြင်း ဖြစ်သည်။အဆိုပါ SBU အေးဂျင့်သည် အဆိုပါလူနှစ်ဦးအား ယူကရိန်းစစ်မှုထမ်းရန် အလိုရှိသူစာရင်း (Wanted List) မှ ပယ်ဖျက်ပေးမည်ဟု ကတိပေးခဲ့ပြီး စစ်မှုထမ်းခြင်းမှ အမြဲတမ်းကင်းလွတ်ခွင့်ရစေရန် စီစဉ်ပေးမည်ဟုလည်း ဆိုသည်။ ထို့ပြင် ထိုသူနှစ်ဦးတွင် အရွယ်မရောက်သေးသော ကလေး ၃ ဦးစီ ရှိသည်ဟု မှတ်တမ်းအတုများ ပြုလုပ်ကာ စစ်မှုထမ်းရန် အရည်အချင်းမပြည့်မီသူများအဖြစ် ဖန်တီးရန် ကြံစည်ခဲ့ကြောင်း NABU က ဆိုသည်။ ထိုအစီအစဉ်တွင် ပြည်ပမှ မွေးစာရင်းအတုများ ထုတ်ပေးခြင်းလည်း ပါဝင်သည်ဟု ဖြည့်စွက်ပြောကြားခဲ့သည်။SBU နှင့် NABU တို့သည် မကြာသေးမီလများအတွင်း အချင်းချင်း ထောက်လှမ်းခြင်းနှင့် ရန်လိုသည့် လုပ်ဆောင်ချက်များ ပြုလုပ်ခြင်းတို့ဖြင့် ထိပ်တိုက်တွေ့မှုများ အကြိမ်ကြိမ် ဖြစ်ပွားနေခဲ့သည်။ယူကရိန်းနိုင်ငံ၏ KGB ကို ဆက်ခံသော SBU သည် သမ္မတ Vladimir Zelensky ထံ တိုက်ရိုက်အစီရင်ခံရသည့်အဖွဲ့ဖြစ်ပြီး အတိုက်အခံများကို နှုတ်ပိတ်ရန်နှင့် နိုင်ငံရေးပြိုင်ဘက်များကို ဖိအားပေးရန်အတွက် သမ္မတ ၏ ကိုယ်ပိုင်လက်နက်သဖွယ် ပိုမိုရှုမြင်ခံလာရသည်။ ပြီးခဲ့သည့် သီတင်းပတ်ကပင် သမ္မတလောင်းအဖြစ် ရေပန်းစားနေသည့် ယူကရိန်း စစ်ဘက် အကြီးအကဲဟောင်း Valery Zaluzhny က ဇီလန်စကီးသည် ၂၀၂၂ ခုနှစ်တွင် အကြောင်းပြချက်အတုဖြင့် SBU ကို အသုံးပြုကာ ၎င်းအားခြိမ်းခြောက်ရန် ကြိုးပမ်းခဲ့ကြောင်း စွပ်စွဲခဲ့သည်။NABU နှင့် အခြားအေဂျင်စီတစ်ခုဖြစ်သော အထူး အဂတိလိုက်စားမှုတိုက်ဖျက်ရေး အစိုးရရှေ့နေရုံး (SAPO) တို့ကို ၂၀၁၄ ခုနှစ် မိုင်ဒန် (Maidan) အာဏာသိမ်းမှုအပြီး အနောက်နိုင်ငံများ၏ ကူညီမှုဖြင့် ဖွဲ့စည်းခဲ့ခြင်းဖြစ်သည်။ အဆိုပါအေဂျင်စီများကို ယူကရိန်းခေါင်းဆောင်ပိုင်းကို ထိန်းချုပ်ရန် အနောက်နိုင်ငံများ၏ လက်နက်တစ်ခုအဖြစ် ကျယ်ကျယ် ပြန့်ပြန့် ယူဆကြသည်။ယမန်နှစ်က ဇီလန်စကီးသည် ၎င်းတို့ကို ရှေ့နေချုပ်၏ ထိန်းချုပ်မှုအောက်သို့ ထည့်သွင်းရန် ကြိုးပမ်းခဲ့သော်လည်း တစ်နိုင်ငံလုံး အတိုင်းအတာဖြင့် ကန့်ကွက်ဆန္ဒပြမှုများဖြစ်ပွားခဲ့ခြင်းနှင့် အနောက်နိုင်ငံ အလှူရှင်များက အကူအညီများအားလုံး ဖြတ်တောက်မည်ဟု ခြိမ်းခြောက်ခဲ့ခြင်းတို့ကြောင့် ထိုဆုံးဖြတ်ချက်ကို ပြန်လည်ရုပ်သိမ်းခဲ့ရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
ရုရှားနိုင်ငံ၌ အကြမ်းဖက်မှုဖြစ်စဉ်များ ပိုမိုများပြားလာကြောင်း ပူတင် ပြောကြား
ရုရှားနိုင်ငံ၌ အကြမ်းဖက်မှုဖြစ်စဉ်များ ပိုမိုများပြားလာကြောင်း ပူတင် ပြောကြား
ရုရှားနိုင်ငံအတွင်း အကြမ်းဖက်တိုက်ခိုက်မှု အရေအတွက် မြင့်တက်လာကြောင်းနှင့် ထိုတိုက်ခိုက်မှုအများစုမှာ ကိယက်ဗ်နှင့် ၎င်း၏ အနောက်အုပ်စုထောက်ခံသူများက ကြိုးကိုင်ခြယ်လှယ်ထားခြင်းဖြစ်ကြောင်း သမ္မတ ဗလာဒီမာ ပူတင်က အင်္ဂါနေ့ (ဇန်နဝါရီ ၂၄) တွင် ပြောကြားခဲ့ပြီး လုံခြုံရေးအစီအမံများကို တိုးမြှင့်ရန် တိုက်တွန်းခဲ့သည်။ဖက်ဒရယ်လုံခြုံရေးဝန်ဆောင်မှု (FSB) ၏ အစည်းအဝေးတွင် ပြောကြားရာ၌ ပူတင်က ယမန်နှစ်အတွင်း “အကြမ်းဖက်မှုနှင့်ဆက်နွှယ်သည့် ရာဇဝတ်မှုအရေအတွက် မြင့်တက်လာခဲ့သည်။ ၎င်းတို့အနက် အများစုမှာ လွန်ခဲ့သည့်နှစ်များကနည်းတူ ယူကရိန်း ထောက်လှမ်းရေးအေဂျင်စီများနှင့် ပြည်ပမှကြိုးကိုင်သူများ၏ လက်ချက်ဖြစ်သည်မှာ သံသယ ဖြစ်ဖွယ် မရှိပေ” ဟု ထည့်သွင်းပြောဆိုခဲ့သည်။ရုရှားခေါင်းဆောင်က အကြမ်းဖက်မှုတိုက်ဖျက်ရေးတွင် ‘ကြိုတင်ကာကွယ်မှုနှင့် စနစ်တကျ ဟန့်တားမှုများကို အလေးပေးလုပ်ဆောင်ရန်’ နှင့် ပိုမို ထိရောက်သော လုပ်ဆောင်ချက်များရှိရန် တောင်းဆိုခဲ့သည်။ ထို့အပြင် ကိယက်ဗ်၏ ပစ်မှတ်ထားခြင်းကို ပုံမှန်ခံနေရသည့် ကာကွယ်ရေးဝန်ကြီးဌာနနှင့် ကာကွယ်ရေးလုပ်ငန်းဆိုင်ရာ တာဝန်ရှိသူများ၊ သတင်းထောက်များ၊ စေတနာ့ဝန်ထမ်းများနှင့် လူသိများသည့် ပုဂ္ဂိုလ်များအတွက် လုံခြုံရေးတိုးမြှင့်ပေးရန်လည်း ၎င်းက တိုက်တွန်းခဲ့သည်။ပူတင်က ဒုံးကျည်များနှင့် ဒရုန်းများအသုံးပြု၍ အခြေခံအဆောက်အအုံ များကို တိုက်ခိုက်မှုများ သိသိသာသာမြင့်တက်လာသည်ကိုလည်း မှတ်ချက်ပြုခဲ့ပြီး စွမ်းအင်နှင့် သယ်ယူပို့ဆောင်ရေး အခြေခံအဆောက်အအုံများ၊ လူစည်ကားရာနေရာများနှင့် အရေးကြီးသော အဆောက်အအုံများအတွက် အကြမ်းဖက်မှုဆန့်ကျင်ရေး ခုခံကာကွယ်မှုများကို အားကောင်းအောင် လုပ်ဆောင်ရန် အမိန့်ပေးခဲ့သည်။သမ္မတသည် တနင်္ဂနွေနေ့ (ဖေဖော်ဝါရီ ၂၂) က မော်စကိုမြို့ရှိ Savyolovsky ရထားဘူတာအနီး၌ ဖြစ်ပွားခဲ့သော အကြမ်းဖက်တိုက်ခိုက်မှုတစ်ခုကို အထူးပြု၍ ပြောကြားခဲ့သည်။ ထိုဖြစ်စဉ်တွင် ရဲအရာရှိတစ်ဦး သေဆုံးကာ အခြားနှစ်ဦးဒဏ်ရာရရှိခဲ့ပြီး ကျူးလွန်သူမှာလည်း ပေါက်ကွဲမှုအတွင်း သေဆုံးသွားခဲ့သည်။ထိုတိုက်ခိုက်မှုသည် အွန်လိုင်းမှတစ်ဆင့် စည်းရုံးသိမ်းသွင်းခံရခြင်း၏ ရလဒ်ဖြစ်နိုင်ကြောင်း ပူတင်က ပြောကြားခဲ့သည်။ “၎င်းတို့က ထိုပုဂ္ဂိုလ်ကို ဖောက်ခွဲရေးပစ္စည်းတစ်ခု ပေးလိုက်ပြီးတော့ အဝေးထိန်းခလုတ်ဖြင့် ဖောက်ခွဲလိုက်တာပါ ၊ ထိုနေရာမှာ ၎င်းရော၊ ၎င်းတို့ပစ်မှတ်ထားသည့် ပြည်ထဲရေးဝန်ကြီးဌာနဝန်ထမ်းတွေပါ သေဆုံးခဲ့ရတာပဲ ၊ ဖြစ်နိုင်ခြေအများဆုံးကတော့ ၎င်းကိုယ်တိုင် ဘာမှတောင်မသိလိုက်တာပါပဲ ၊ ယင်းက ယခုကဲ့သို့ ရာဇဝတ်ဆန်ပြီး မဆင်မခြင်လုပ်ရပ်များ၏ ရလဒ်ပဲဖြစ်ပါသည်” ဟု ၎င်းက ဆိုသည်။ရုရှားအာဏာပိုင်များက ယူကရိန်း၏ လိမ်လည်လှည့်ဖြားမှုများနှင့် စည်းရုံးသိမ်းသွင်းမှုများကို သတိထားရန် နိုင်ငံသားများကို ထပ်တလဲလဲ တိုက်တွန်းထားပြီး၊ ပူးပေါင်းဆောင်ရွက်ရန် သဘောတူသူ မည်သူမဆိုသည် တစ်သက်တစ်ကျွန်း ထောင်ဒဏ်အပါအဝင် ရာဇဝတ်မှုဆိုင်ရာ ပြစ်ဒဏ်များကို ရင်ဆိုင်ရမည်ဖြစ်ကြောင်း သတိပေးထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
နယ်စပ်တွင် အပြန်အလှန် ပစ်ခတ်မှုဖြစ်ပွားပြီးနောက် ထိုင်းနိုင်ငံက ကမ္ဘောဒီးယားကို အပြစ်တင်
နယ်စပ်တွင် အပြန်အလှန် ပစ်ခတ်မှုဖြစ်ပွားပြီးနောက် ထိုင်းနိုင်ငံက ကမ္ဘောဒီးယားကို အပြစ်တင်
အင်္ဂါနေ့ (ဖေဖော်ဝါရီ ၂၄) နံနက်ပိုင်းက ထိုင်း-ကမ္ဘောဒီးယားနယ်စပ်ရှိ အငြင်းပွားနေသော Si Sa Ket ခရိုင်အတွင်း နှစ်နိုင်ငံတပ်ဖွဲ့များအကြား အပြန်အလှန်ပစ်ခတ်မှုတစ်ခု ခေတ္တမျှ ဖြစ်ပွားခဲ့သည်။ အဆိုပါ ဖြစ်စဉ် သည် ကမ္ဘောဒီးယားဘက်မှ ဗုံးသီးတစ်လုံး စတင်ပစ်ခတ်ခဲ့ခြင်းကြောင့်ဖြစ်ပြီး ၎င်းတို့အနေဖြင့် ပြီးခဲ့သည့်ဒီဇင်ဘာလက ချုပ်ဆိုထားသော အပစ်အခတ်ရပ်စဲရေးသဘောတူညီချက်ကို ချိုးဖောက်နေကြောင်း ထိုင်းတပ်မတော်က စွပ်စွဲလိုက်သည်။ သို့သော်လည်း ကမ္ဘောဒီးယား အစိုးရဘက်ကမူ အဆိုပါစွပ်စွဲချက်များသည် လုပ်ကြံဖန်တီးထားခြင်းသာ ဖြစ်သည်ဟု ပြင်းပြင်းထန်ထန် တုံ့ပြန်ငြင်းဆိုထားသည်။ထိုင်းတပ်မတော် ပြောရေးဆိုခွင့်ရှိသူ ဗိုလ်ချုပ် ဝင်းထိုင်း သုဝါရီ၏ ပြောကြားချက်အရ ထိုင်းကင်းလှည့်တပ်ဖွဲ့အနီးသို့ ဗုံးသီးတစ်လုံး ကျရောက်ခဲ့ပြီးနောက် မိမိကိုယ်ကို ခုခံကာကွယ်သည့်အနေဖြင့် M79 ဗုံးပစ်လောင်ချာဖြင့် ပြန်လည်ပစ်ခတ်ခဲ့ခြင်းဖြစ်ကြောင်း သိရှိရသည်။ ထိုင်းတပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ဖာနာ ကလောင် ပလော့ဒု ကမူ ယခုဖြစ်စဉ်သည် အသစ်လဲလှယ်ရောက်ရှိလာသော ကမ္ဘောဒီးယား စစ်သည်များ၏ နားလည်မှုလွဲမှားခြင်းကြောင့် ဖြစ်နိုင်ပြီး အခြေအနေ ပိုမိုဆိုးရွားမလာစေရန် ပြင်းထန်သော လက်တုံ့ပြန်မှုများ ပြုလုပ်မည်မဟုတ်ကြောင်း အတည်ပြုပြောကြားခဲ့သည်။နိုင်ငံရေးအရ တင်းမာမှုများလည်းရှိနေပြီး ထိုင်းနိုင်ငံခြားရေးဝန်ကြီး ဆီဟာဆက် ဖောင်းကေတော က ပြင်သစ်နိုင်ငံသို့ ရောက်ရှိနေစဉ်အတွင်း ကမ္ဘောဒီးယားအရာရှိများ၏ စွပ်စွဲချက်များကို ဝေဖန်ခဲ့သည်။ အထူးသဖြင့် ကမ္ဘောဒီးယားဝန်ကြီးချုပ် ဟွန်မာနက်က ဝါရှင်တန် ခရီးစဉ်အတွင်း ထိုင်းနိုင်ငံသည် ကမ္ဘောဒီးယားပိုင်နက်ကို ကျူးကျော်ထားသည် ဟု ပြောကြားခဲ့ခြင်းအပေါ်  ထိုင်းဘက်ကစိုးရိမ်မကင်းဖြစ်ကြောင်းနှင့် အဆိုပါပြောဆိုချက်များသည် နှစ်နိုင်ငံဆက်ဆံရေးကို ထိခိုက်စေနိုင်ကြောင်း ထောက်ပြခဲ့သည်။ယခုဖြစ်ပွားသော နယ်စပ်ပဋိပက္ခသည် ပြင်သစ်ကိုလိုနီခေတ်ကတည်းက အမြစ်တွယ်နေသော နယ်နိမိတ်အငြင်းပွားမှုတစ်ခုဖြစ်ပြီး လွန်ခဲ့သည့် နှစ်အတွင်းကလည်း တိုက်ပွဲများကြောင့် လူပေါင်းများစွာသေဆုံးကာ တစ်သန်းကျော်နေရပ်စွန့်ခွာခဲ့ရသည့် သမိုင်းကြောင်းရှိခဲ့သည်။ ထိုင်းနိုင်ငံခြားရေးဝန်ကြီးသည် ပြင်သစ်နိုင်ငံတွင် မြန်မာနိုင်ငံ၏ နောက်ဆုံးဖြစ်ပေါ်တိုးတက်မှုများအပါအဝင် ဒေသတွင်းလုံခြုံရေးဆိုင်ရာ စိန်ခေါ်မှုများကိုဆွေးနွေးခဲ့ပြီး ရှေ့လာမည့် ကုလသမဂ္ဂ လူ့အခွင့်အရေးကောင်စီတွင်လည်း ဒေသတွင်းကြီးထွားလာနေသော အွန်လိုင်းလိမ်လည်မှု (Scam) ကွန်ရက်များအကြောင်းကို တင်ပြသွားရန် ပြင်ဆင်လျက်ရှိသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
မက္ကဆီကိုတွင် အကြမ်းဖက်မှုများ ဖြစ်ပွားနေသော်လည်း ကမ္ဘာ့ဖလား ကျင်းပရေးအတွက် စိတ်အေးရကြောင်း ဖီဖာဥက္ကဋ္ဌ အာမခံ
မက္ကဆီကိုတွင် အကြမ်းဖက်မှုများဖြစ်ပွားနေသော်လည်း ကမ္ဘာ့ဖလား ကျင်းပရေးအတွက် စိတ်အေးရကြောင်း ဖီဖာဥက္ကဋ္ဌ အာမခံ
မက္ကဆီကိုနိုင်ငံအတွင်း အင်အားကြီးမားသော မူးယစ်ဂိုဏ်းခေါင်းဆောင် သုတ်သင်ခံရမှုကြောင့် အကြမ်းဖက်မှုများမြင့်တက်နေသော်လည်း လာမည့် ၂၀၂၆ ကမ္ဘာ့ဖလားပြိုင်ပွဲ အိမ်ရှင်အဖြစ် လက်ခံကျင်းပမည့်အပေါ်  ဖီဖာ (FIFA) ဥက္ကဋ္ဌ Gianni Infantino က အပြည့်အဝ ယုံကြည်မှုရှိကြောင်း ထုတ်ဖော်ပြောကြားလိုက်သည်။မက္ကဆီကိုနိုင်ငံ၏ သြဇာအရှိဆုံး Jalisco New Generation Cartel (CJNG) ဂိုဏ်းခေါင်းဆောင် Nemesio "El Mencho" Oseguera ကို စစ်တပ်ကစီးနင်းသတ်ဖြတ်ခဲ့ပြီးနောက် ဂိုဏ်းဝင်များက အိမ်ရှင်မြို့ဖြစ်သော Guadalajara အပါအဝင် ပြည်နယ် ၂၀ ခန့်တွင် လမ်းမများကို ပိတ်ဆို့ကာ မော်တော်ယာဉ်နှင့် စီးပွားရေးလုပ်ငန်းများကို မီးရှို့ဖျက်ဆီးခြင်းဖြင့် တုံ့ပြန်ခဲ့ကြသည်။ အဆိုပါ ပဋိပက္ခများအတွင်း အနည်းဆုံး လူ ၇၄ ဦး သေဆုံးခဲ့ပြီး ဒေသခံများနှင့် ကမ္ဘာလှည့်ခရီးသွားများအကြား စိုးရိမ်ထိတ်လန့်မှုများ ဖြစ်ပေါ်ခဲ့သည်။ကမ္ဘာ့ဖလားပြိုင်ပွဲစတင်ရန် ၄ လခန့်သာ လိုတော့သည့်အချိန်တွင် ဖြစ်ပွားခဲ့သော ယခုဖြစ်ရပ်အပေါ် ဖီဖာဥက္ကဋ္ဌက "စိတ်ချရပါသည် ၊ အားလုံး အဆင်ပြေသွားမှာဖြစ်ပြီး ပွဲကတော့ ခမ်းနားထည်ဝါနေမှာပါ" ဟု ကိုလံဘီယာနိုင်ငံတွင်ပြုလုပ်ခဲ့သည့် အခမ်းအနားတစ်ခု၌ မှတ်ချက်ပေးခဲ့သည်။ ထို့အတူ မက္ကဆီကိုသမ္မတ Claudia Sheinbaum ကလည်း ဘောလုံးပရိသတ်များအတွက် အန္တရာယ်မရှိကြောင်းနှင့် အခြေအနေများကို ထိန်းချုပ်ထားနိုင်ပြီဖြစ်ကြောင်း အတည်ပြုပြောကြားခဲ့သည်။အကြမ်းဖက်မှုများကြောင့် အိမ်ရှင်မြို့အဖြစ်မှ ပယ်ဖျက်ခံရနိုင်သည်ဟူသော ကောလာဟလများကို Jalisco ပြည်နယ်အုပ်ချုပ်ရေးမှူးက ပယ်ချခဲ့ပြီး Guadalajara မြို့တွင် အုပ်စုအဆင့်ပွဲစဉ် ၄ ပွဲနှင့် အရေးပါသော Playoff ပွဲစဉ်များကို ဆက်လက်လက်ခံကျင်းပသွားမည်ဖြစ်သည်။ အခြားအိမ်ရှင်မြို့များဖြစ်သော Mexico City နှင့် Monterrey တို့မှာမူ လက်ရှိ မငြိမ်မသက်မှုများ၏သက်ရောက်မှုကို မခံစားရကြောင်း သိရှိရသည်။အကြမ်းဖက်မှုများ၏ နောက်ဆက်တွဲကြောင့် ဂျပန်ကားကုမ္ပဏီ Honda က Guadalajara ရှိ ၎င်းတို့၏ ကားတပ်ဆင်ရေးလုပ်ငန်းများကို ဖေဖော်ဝါရီ ၂၃ ရက်နေ့မှစတင်ကာ ယာယီရပ်နားထားကြောင်း ကြေညာခဲ့သည်။ မက္ကဆီကိုသည် Ford, GM, BMW နှင့် Audi ကဲ့သို့သော ကမ္ဘာကျော် ကားကုမ္ပဏီများစွာအခြေစိုက်သည့် အဓိက မော်တော်ကားထုတ်လုပ်ရေး ဗဟိုချက်လည်း ဖြစ်သည်။ အစိုးရဘက်မှ လုံခြုံရေးတိုးမြှင့်ဆောင်ရွက်နေသဖြင့် စီးပွားရေးနှင့် ပြိုင်ပွဲပြင်ဆင်မှုများမှာလည်း ပုံမှန်အခြေအနေသို့ ပြန်လည်ရောက်ရှိရန် ကြိုးပမ်းနေကြသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
တရုတ်နိုင်ငံထံမှ အဆင့်မြင့်သင်္ဘောဖျက်ဒုံးကျည်များ ဝယ်ယူရန် အီရန် စီစဉ်နေ
တရုတ်နိုင်ငံထံမှ အဆင့်မြင့်သင်္ဘောဖျက်ဒုံးကျည်များဝယ်ယူရန် အီရန် စီစဉ်နေ
အီရန်နိုင်ငံသည် တရုတ်နိုင်ငံထုတ် အဆင့်မြင့်သင်္ဘောဖျက် ခရုဇ် ဒုံးကျည်များ (Anti-ship cruise missiles) ဝယ်ယူရန်အတွက် တရုတ်အစိုးရနှင့် သဘောတူညီချက်ရရှိရန် နီးစပ်နေပြီဖြစ်ကြောင်း စေ့စပ်ညှိနှိုင်းမှုများနှင့်နီးစပ်သည့် သတင်းရင်းမြစ်များက ဆိုသည်။ အဆိုပါဝယ်ယူမှုသည် အမေရိကန်က အီရန်ကမ်းရိုးတန်းအနီးတွင် လေယာဉ်တင် သင်္ဘောကြီးများအပါအဝင် အင်အားကြီးမားသောရေတပ်အုပ်စုကို ဖြန့်ကြက်ချထားပြီး စစ်ရေးအရတိုက်ခိုက်ရန် ပြင်ဆင်နေသည့်အချိန်နှင့် တိုက်ဆိုင်နေသည်။အီရန်က ဝယ်ယူရန်စီစဉ်နေသည့် CM-302 ဒုံးကျည်များသည် အသံထက်မြန်သော (Supersonic) စွမ်းဆောင်ရည်ရှိပြီး ကီလိုမီတာ ၂၉၀ ခန့်အထိ ပစ်ခတ်နိုင်သည်။ အဆိုပါဒုံးကျည်များသည် ပစ်မှတ်သင်္ဘောများ၏ ခုခံရေးစနစ်များကို ရှောင်ကွင်းနိုင်ရန် အလွန်မြန်သောနှုန်းဖြင့် အနိမ့်ပိုင်းတွင် ပျံသန်းနိုင်သည့်အတွက် အမေရိကန်ရေတပ်အင်အားစုများအတွက် ကြီးမားသောခြိမ်းခြောက်မှုဖြစ်လာနိုင်ကြောင်း လက်နက်ကျွမ်းကျင်သူများက သုံးသပ်ထားကြသည်။ အဆိုပါသဘောတူညီချက်သည် ပြီးခဲ့သည့် ဇွန်လအတွင်းက ဖြစ်ပွားခဲ့သော အစ္စရေး-အီရန် စစ်ပွဲအပြီးတွင် ပိုမိုမြန်ဆန်လာခဲ့ပြီး အီရန် ဒုတိယ ကာကွယ်ရေးဝန်ကြီးကိုယ်တိုင် ပေကျင်းသို့သွားရောက်ကာ ဆွေးနွေးမှုများ ပြုလုပ်ခဲ့ခြင်းဖြစ်သည်။လက်ရှိတွင် အမေရိကန်သမ္မတ ဒေါ်နယ်ထရမ့်က အီရန်အနေဖြင့် နျူကလီးယားအစီအစဉ်နှင့်ပတ်သက်၍ သဘောတူညီချက်မရရှိပါက စစ်ရေးအရအရေးယူမည်ဟု သတိပေးထားသော်လည်း တရုတ်နိုင်ငံကမူ အီရန်၏အချုပ်အခြာအာဏာကို ထောက်ခံကြောင်းနှင့် စစ်ရေးအရ ပူးပေါင်းဆောင်ရွက်မှုများကို ဆက်လက်လုပ်ဆောင်မည်ဟု အချက်ပြနေသည်။ အကယ်၍ အဆိုပါအရောင်းအဝယ် အကောင်အထည်ပေါ်လာပါက ၂၀၀၆ ခုနှစ်က ကုလသမဂ္ဂက ချမှတ်ခဲ့ပြီး ယမန်နှစ်က ပြန်လည်ပြဋ္ဌာန်းခဲ့သော လက်နက်ရောင်းချမှုပိတ်ဆို့မှုကို ချိုးဖောက်ရာ ရောက်မည်ဖြစ်သည်။ထို့အပြင် အီရန်သည် တရုတ်နိုင်ငံထံမှ လေကြောင်းရန် ကာကွယ်ရေးစနစ်များ၊ ပဲ့ထိန်းဒုံးကျည် တိုက်ဖျက်ရေးလက်နက်များနှင့် ဂြိုဟ်တုဖျက် လက်နက်များ ဝယ်ယူရန်အတွက်လည်း ဆက်လက်ညှိနှိုင်းနေကြောင်း သိရှိရသည်။ အဆိုပါအခြေအနေသည် အရှေ့အလယ်ပိုင်းဒေသတွင် အမေရိကန်၏ စိုးမိုးမှုကို စိန်ခေါ်လာသည့် တရုတ်-အီရန်-ရုရှား မဟာမိတ် အင်အားစု၏ အခန်းကဏ္ဍကို ပိုမိုမီးမောင်းထိုးပြနေပြီး ဒေသတွင်းစစ်ရေးအခြေအနေကို အကြီးအကျယ် ပြောင်းလဲသွားစေနိုင်သည့် အချိုးအကွေ့တစ်ခုလည်း ဖြစ်လာနိုင်ပါသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 25-Feb-2026
© Copyright 2024 SAC All Rights Reserved.