ရှမ်းပြည်နယ်၊ ကျိုင်းတုံမြို့နယ်၊ ပင်လောင်းမြို့နယ်၊ လွိုင်လင်မြို့နယ်၊ ဟိုပုံးမြို့နယ်၊ ဆီဆိုင်မြို့နယ်နှင့် မိုင်းတုံမြို့နယ်တို့၌ ဘိန်းခင်းများ ဖျက်ဆီး

NoahJune222

News Image

  • ရှမ်းပြည်နယ်၊ ကျိုင်းတုံမြို့နယ်၊ ပင်လောင်းမြို့နယ်၊ လွိုင်လင်မြို့နယ်၊ ဟိုပုံးမြို့နယ်၊ ဆီဆိုင်မြို့နယ်နှင့် မိုင်းတုံမြို့နယ်တို့၌ ဘိန်းခင်းများ ဖျက်ဆီး
     ၂၀၂၆ ခုနှစ်၊ ဇန်နဝါရီ ၂၉ ရက်က ရှမ်းပြည်နယ်၊ ကျိုင်းတုံမြို့နယ်၊ ပင်လောင်းမြို့နယ်၊ လွိုင်လင်မြို့နယ်၊ ဟိုပုံးမြို့နယ်၊ ဆီဆိုင်မြို့နယ်နှင့် မိုင်းတုံမြို့နယ်တို့၌ ဘိန်းခင်း စုစုပေါင်း ဧက ၂၀၀ ခန့်အား ဖျက်ဆီးခဲ့ကြောင်း သိရသည်။
     ဖြစ်စဉ်မှာ ဇန်နဝါရီ ၂၉ ရက် နံနက် ၈ နာရီ ၃၀ မိနစ်မှ ညနေ ၄ နာရီထိ ကျိုင်းတုံမြို့နယ်ရဲတပ်ဖွဲ့မှူး ဦးဆောင်သည့် တပ်ဖွဲ့ဝင်များနှင့် ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က ကျိုင်းတုံမြို့နယ်၊ ဝမ်ကန်ရွာသစ်အနီးတစ်ဝိုက်ရှိ သီးပွင့်ဆဲ ဘိန်းခင်း ၄၂ ဧကခန့်အား လည်းကောင်း။
     အလားတူ နံနက် ၉ နာရီ ၁၀ မိနစ်မှ ညနေ ၄ နာရီ ၃၅ မိနစ်ထိ ပင်လောင်းမြို့နယ်ရဲတပ်ဖွဲ့မှူး ဦးဆောင်သည့် တပ်ဖွဲ့ဝင်များနှင့် ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က ပင်လောင်းမြို့နယ်၊ ပင်သဲကျေးရွာအနီးတစ်ဝိုက်ရှိ သီးပွင့်ဆဲ ဘိန်းခင်း ၃၁ ဧကခန့်နှင့် ပင်ကာလကျေးရွာ အနီးတစ်ဝိုက်ရှိ သီးပွင့်ဆဲ ဘိန်းခင်း ၃၀ ဧကခန့်တို့အား လည်းကောင်း။
     အလားတူ နံနက် ၉ နာရီ ၁၀ မိနစ်မှ ညနေ ၄ နာရီထိ လွိုင်လင်ခရိုင်ရဲတပ်ဖွဲ့မှူး ဦးဆောင်သည့် တပ်ဖွဲ့ဝင်များနှင့် ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က လွိုင်လင်မြို့နယ်၊ ကျောက်တန်းကျေးရွာအနီးတစ်ဝိုက်ရှိ သီးပွင့်ဆဲ ဘိန်းခင်း ၅၀ ဧကခန့်အား လည်းကောင်း။ 
     အလားတူ နံနက် ၉ နာရီ ၂၅ မိနစ်မှ ညနေ ၂ နာရီ ၄၅ မိနစ်ထိ ဟိုပုံးမြို့နယ်ရဲတပ်ဖွဲ့မှူး ဦးဆောင်သည့် တပ်ဖွဲ့ဝင်များနှင့် ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က ဟိုပုံးမြို့နယ်၊ ဖက်ရမ်းကျေးရွာအနီးတစ်ဝိုက်ရှိ သီးပွင့်ဆဲ ဘိန်းခင်း ၂၃ ဧကခန့်အား လည်းကောင်း။
     အလားတူ နံနက် ၉ နာရီ ၃၀ မိနစ်မှ ညနေ ၄ နာရီ ၄၀ မိနစ်ထိ ဆီဆိုင်မြို့နယ်ရဲတပ်ဖွဲ့မှူး ဦးဆောင်သည့် တပ်ဖွဲ့ဝင်များနှင့် ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က ဆီဆိုင်မြို့နယ်၊ စံကားကျေးရွာအနီးတစ်ဝိုက်ရှိ သီးပွင့်ဆဲ ဘိန်းခင်း ၁၆ ဧကခန့်အား လည်းကောင်း။
     ထို့အတူ နံနက် ၁၁ နာရီ ၅ မိနစ်မှ မွန်းလွဲ ၁ နာရီ ၃၀ မိနစ်ထိ မိုင်းတုံမြို့နယ်ရဲတပ်ဖွဲ့မှူး ဦးဆောင်သည့် တပ်ဖွဲ့ဝင်များနှင့် ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က မိုင်းတုံမြို့နယ်၊ ပါခါးကျေးရွာအနီးတစ်ဝိုက်ရှိ သီးပွင့်ဆဲ ဘိန်းခင်း ၈ ဧကခန့်အား လည်းကောင်း အသီးသီး ဖျက်ဆီးရှင်းလင်းခဲ့ကြောင်း သတင်းရရှိပါသည်။
moha
MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

အီရန်ရှိ ဘူရှာနျူကလီးယား စက်ရုံကို အမေရိကန်နှင့်အစ္စရေးတို့ တိုက်ခိုက်
အီရန်ရှိ ဘူရှာနျူကလီးယား စက်ရုံကို အမေရိကန်နှင့်အစ္စရေးတို့ တိုက်ခိုက်
    အမေရိကန်-အစ္စရေးတို့က အီရန်နိုင်ငံရှိ ဘူရှာနျူကလီးယား စွမ်းအင်သုံး လျှပ်စစ်ဓာတ်အားပေးစက်ရုံကို ဧပြီလ ၄ ရက်တွင် တိုက်ခိုက်ခဲ့ရာ လူတစ်ဦးသေဆုံးခဲ့ကြောင်း အီရန်နိုင်ငံပိုင်မီဒီယာက ဖော်ပြသည်။အမေရိကန်နှင့်အစ္စရေးတို့က ပစ်ခတ်လိုက်သည့် လက်နက်တစ်ခုသည် အဆိုပါစက်ရုံအနီးတွင် ဒေသစံတော်ချိန် နံနက် ၈ နာရီ မိနစ် ၃၀  ခန့်က ကျရောက်ပေါက်ကွဲခဲ့ခြင်းဖြစ်ကြောင်း IRNA သတင်းဌာနကဖော်ပြထားသည်။ယခုလုပ်ဆောင်သည့် အမေရိကန်နှင့် အစ္စရေးတို့၏တိုက်ခိုက်မှုသည်  ပြီးခဲ့သည့် ဖေဖော်ဝါရီလ  ၂၈  ရက်တွင်  အီရန်နှင့် အမေရိကန်-အစ္စရေးတို့အကြား စစ်ပွဲစတင်ဖြစ်ပွားချိန်မှစ၍ အဆိုပါစက်ရုံအပေါ်လုပ်ဆောင်ခဲ့သည့် စတုတ္ထအကြိမ်မြောက်တိုက်ခိုက်မှုဖြစ်သည်။  အဆိုပါ နျူကလီးယားစက်ရုံသည်  အီရန်နိုင်ငံတောင်ပိုင်း ပင်လယ်ကွေ့ကမ်းရိုးတန်းတွင် တည်ရှိကြောင်းသိရသည်။အဆိုပါတိုက်ခိုက်မှုကြောင့် စက်ရုံလုံခြုံရေးဝန်ထမ်းတစ်ဦး သေဆုံးခဲ့သော်လည်း စက်ရုံမှာမူ ထိခိုက်ပျက်စီးမှုမရှိကြောင်း နိုင်ငံပိုင် IRNA သတင်းဌာနက ဆက်လက်ဖော်ပြထားသည်။ ထို့ပြင်  အဆိုပါနျူကလီးယားစက်ရုံအား ထပ်မံတိုက်ခိုက်ခြင်းမပြုရန်လည်း အီရန်နိုင်ငံခြားရေးဝန်ကြီး အဘတ်အာရတ်ချီက အမေရိကန်နှင့် အစ္စရေးတို့အား သတိပေးပြောကြားခဲ့ကြောင်း သိရသည်။MWD
Sun, 5-Apr-2026
ကုလသမဂ္ဂ ငြိမ်းချမ်းရေးတပ်စခန်းအနီး အစ္စရေးအလံစိုက်ထူမှုကြောင့် တပ်ဖွဲ့ဝင်များ အန္တရာယ်ရှိနိုင်ဟု သတိပေး
ကုလသမဂ္ဂ ငြိမ်းချမ်းရေးတပ်စခန်းအနီး အစ္စရေးအလံစိုက်ထူမှုကြောင့် တပ်ဖွဲ့ဝင်များ အန္တရာယ်ရှိနိုင်ဟု သတိပေး
လက်ဘနွန်တောင်ပိုင်းရှိ ကုလသမဂ္ဂ ငြိမ်းချမ်းရေးထိန်းသိမ်းမှု တပ်စခန်းတစ်ခု၏ဘေးတွင် အစ္စရေးကာကွယ်ရေးတပ်ဖွဲ့ (IDF) က အစ္စရေး အလံ ကို စိုက်ထူခဲ့ကြောင်း၊ အဆိုပါလုပ်ရပ်သည် ငြိမ်းချမ်းရေးတပ်ဖွဲ့ဝင်များအပေါ် ပစ်မှတ်ထားတိုက်ခိုက်မှုများ ကျရောက်လာစေနိုင်ကြောင်း ကုလ သမဂ္ဂက သတိပေးပြောကြားလိုက်သည်။နယ်စပ်တစ်လျှောက် အစ္စရေးတပ်ဖွဲ့များနှင့် လက်ဘနွန်အခြေစိုက် ဟစ်ဇဘိုလာအဖွဲ့တို့အကြား အပြန်အလှန်ပစ်ခတ်မှုများ ပြင်းထန်လာနေပြီး ယင်းပဋိပက္ခအတွင်း ကုလသမဂ္ဂတပ်ဖွဲ့ဝင်များပါ စစ်မီးအတွင်းသို့ ပိုမိုရောက်ရှိလာချိန်တွင် အဆိုပါဖြစ်ရပ် ပေါ်ပေါက်လာခြင်း ဖြစ်သည်။ မကြာသေးမီရက်ပိုင်းအတွင်းကပင် လက်ဘနွန်ရှိ ကုလသမဂ္ဂယာယီ တပ်ဖွဲ့ (UNIFIL) မှ အင်ဒိုနီးရှားနိုင်ငံသား တပ်ဖွဲ့ဝင် ၃ ဦးမှာ သီးခြားဖြစ်ရပ် နှစ်ခုအတွင်း သေဆုံးခဲ့ပြီး အခြားတပ်ဖွဲ့ဝင်တစ်ဦးလည်း ကျည်ဆန်ထိမှန် ဒဏ်ရာရရှိခဲ့သည်။ကြာသပတေးနေ့ (ဧပြီ ၂) က ပြုလုပ်ခဲ့သော ကုလသမဂ္ဂ သတင်းစာရှင်းလင်းပွဲတွင် ပြောရေးဆိုခွင့်ရှိသူ Stephane Dujarric က ကဖာကီလာ (Kfar Kila) ကျေးရွာအနီးရှိ စခန်းတစ်ခုတွင် အလံစိုက်ထူခဲ့ပြီးနောက် ငြိမ်းချမ်းရေးတပ်ဖွဲ့ဝင်များက ထိုအလံကို ဖယ်ရှားပေးရန် တောင်းဆိုခဲ့ကြောင်း ပြောကြားခဲ့သည်။ ထို့ပြင် အစ္စရေးတပ်ဖွဲ့များသည် ကုလသမဂ္ဂက သတ်မှတ်ထားသော Blue Line (အပြာရောင်မျဉ်း) ၏ အနောက်ဘက်ခြမ်းသို့ ကျူးကျော်ဝင်ရောက်မှုများ တိုးမြှင့်လုပ်ဆောင်လာပြီး အနောက်ဘက်ဒေသတွင် တင့်ကားများနှင့် တိုက်ခိုက်နေကြောင်း ၎င်းက ဆက်လက်ပြောဆိုခဲ့သည်။"ဒီအလံစိုက်ထူမှုဟာ UNIFIL ရဲ့ ဘက်မလိုက်မှုကို ထိခိုက်စေသလို လက်ရှိဖြစ်ပွားနေတဲ့ တိုက်ပွဲတွေကြားထဲမှာ ငြိမ်းချမ်းရေးတပ်ဖွဲ့ဝင်တွေဆီ ပစ်ခတ်မှုတွေ ဦးတည်လာအောင် ဖိတ်ခေါ်သလို ဖြစ်နေပါတယ်" ဟု Dujarric က သတင်းထောက်များကို ပြောကြားခဲ့ပြီး မစ်ရှင်ကို ပိုမို အန္တရာယ် ဖြစ်စေမည့်လုပ်ရပ်မျိုး မလုပ်ဆောင်ကြရန် အဖွဲ့အစည်းအားလုံးကို တိုက်တွန်းခဲ့သည်။ကဖာကီလာကျေးရွာသည် အစ္စရေးတပ်ဖွဲ့နှင့် ဟစ်ဇဘိုလာတို့ တိုက်ပွဲဖြစ်ပွားနေသော နယ်စပ်ရွာတစ်ရွာဖြစ်ပြီး အစ္စရေး (IDF) က လက်နက်ကိုင်များ၏ အခြေခံအဆောက်အအုံများကို ပစ်မှတ်ထားသည့် လုံခြုံရေးဇုန်ဖော်ဆောင်ရန်အတွက် ဖျက်ဆီးရန်လျာထားသော နေရာများထဲတွင်ပါဝင်နေကြောင်း သိရှိရသည်။ လက်ဘနွန်သံတမန်နှင့် ကုလသမဂ္ဂ အရပ်ဘက်လူမှုအဖွဲ့အစည်း ကိုယ်စားလှယ်ဖြစ်သူ Mohamad Safa က အဆိုပါအလံပုံကို X ပေါ်တွင် မျှဝေခဲ့သည်။ ၎င်းက ထိုပုံကို ကုလသမဂ္ဂငြိမ်းချမ်းရေးတပ်ဖွဲ့ဝင်တစ်ဦးက ရိုက်ကူးခဲ့ခြင်းဖြစ်ပြီး "ကုလသမဂ္ဂ တပ်ဖွဲ့ဝင် ၃ ဦးကို သတ်ဖြတ်ခံရပြီး နောက်တစ်ရက်မှာပင် IDF စစ်သားတွေက အလံစိုက်ထူခဲ့တာ ဖြစ်တယ်" ဟု ရေးသားခဲ့သည်။အင်ဒိုနီးရှားတပ်ဖွဲ့ဝင် ၂ ဦး သေဆုံးမှုအတွက် ကနဦး စုံစမ်းစစ်ဆေးချက်များအရ ဘာနီဟိုင်ယန် (Bani Haiyyan) မြို့အနီးတွင် ၎င်းတို့၏ ယာဉ်တန်းကို လမ်းဘေးဗုံးဖြင့် တိုက်ခိုက်ခံရခြင်းဖြစ်ကြောင်း သိရှိရပြီး တတိယမြောက်တပ်ဖွဲ့ဝင်မှာမူ အဒ်ချစ်အယ်လ်ကူဆေးရ် (Aadchit al-Qusayr) ရွာအနီးရှိ UNIFIL စခန်းသို့ လက်နက်ကြီးကျည်ကျရောက်မှုကြောင့် သေဆုံးခဲ့ခြင်းဖြစ်သည်။ ရုရှားနိုင်ငံကလည်း UNIFIL တပ်ဖွဲ့ဝင် များအပေါ် တိုက်ခိုက်မှုကို ပြင်းပြင်းထန်ထန်ရှုတ်ချခဲ့ပြီး တာဝန်ရှိသူများကို ဖော်ထုတ်ရန် ကုလသမဂ္ဂကို တောင်းဆိုထားသည်။၁၉၇၈ ခုနှစ်ကတည်းက စတင်ဖွဲ့စည်းခဲ့သော UNIFIL တွင် လက်ရှိ၌ နိုင်ငံပေါင်းစုံမှ ငြိမ်းချမ်းရေးတပ်ဖွဲ့ဝင် ၇,၅၀၀ ခန့် ပါဝင်သည်။ ပြီးခဲ့သည့် နှစ်က လုံခြုံရေးကောင်စီ၏ ဆုံးဖြတ်ချက်အရ ၎င်းတို့၏ တာဝန်ထမ်းဆောင်မှုကာလသည် ၂၀၂၆ ခုနှစ်ကုန်တွင် ကုန်ဆုံးမည်ဖြစ်ပြီး ၂၀၂၇ ခုနှစ်တွင် လက်ဘနွန်အစိုးရတပ်ဖွဲ့များထံ စခန်းများလွှဲပြောင်းကာ အပြီးအပိုင် ရုပ်သိမ်းသွားရန် စီစဉ်ထားသည်။ကိုးကား - RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
၁။         လျှောက်ထားသူသည် အောက်ပါအရည်အချင်းများနှင့် ပြည့်စုံရမည်-            (က)     ပြည်ထောင်စုသမ္မတမြန်မာနိုင်ငံသား အိမ်ထောင်မရှိဖူးသူ(အပျို)ဖြစ်ရမည်။            (ခ)       လျှောက်ထားသူသည်  ၁၈-၅-၂ဝ၂၆ ရက်နေ့တွင်  အသက်(၁၈)နှစ်ပြည့်ပြီး   အသက်(၂၅)နှစ်ထက်  မကြီးရ။            (ဂ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ပြီးသူဖြစ်ရမည်။            (ဃ)     အနည်းဆုံး အရပ်(၅)ပေ(၂)လက်မ၊ ကိုယ်အလေးချိန် ပေါင်(၁ဝဝ)နှင့်အထက်ရှိရမည်။                      (အထက်ပါအတိုင်း ကိုယ်အလေးချိန် သတ်မှတ်ထားသော်လည်း အသက်ငယ်ရွယ်သူများ ဖြစ်သဖြင့် ကိုယ်အလေးချိန်အား ခြွင်းချက်အနေဖြင့် စဉ်းစားပါမည်။)            (င)       အမြင်အာရုံကြီးမားစွာချို့ယွင်းသူ မဖြစ်စေရ။၂။ လျှောက်လွှာများအား နီးစပ်ရာတပ်/ဌာနချုပ်များတွင် အခမဲ့ထုတ်ယူ၍ဖြစ်စေ Myawady   Webportal (www.myawady.net.mm/ private (female))တွင် Download ရယူ၍ဖြစ်စေ အောက်ပါစာရွက်စာတမ်းများနှင့်အတူ ၂၇-၂-၂၀၂၆ ရက်နေ့မှ ၂၁-၄-၂၀၂၆ ရက်နေ့အတွင်း နီးစပ်ရာတပ်/ဌာနချုပ်များသို့ လူကိုယ်တိုင်ဖြစ်စေ၊ စာတိုက်မှဖြစ်စေ ပေးပို့လျှောက်ထားရမည်-                    (က)     နိုင်ငံသားစိစစ်ရေးကတ်ပြား(မိတ္တူ)။                 (ခ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ကြောင်း သက်ဆိုင်ရာ ကျောင်းထွက်လက်မှတ်(မူရင်း)နှင့် ဒီပလိုမာ/ဘွဲ့ရရှိပြီးသူများဖြစ်ပါက ဒီပလိုမာ/ဘွဲ့လက်မှတ်(မူရင်း)။            (ဂ)       အကျင့်စာရိတ္တကောင်းမွန်ကြောင်း သက်ဆိုင်ရာပြည်နယ်/တိုင်းဒေသကြီး/ မြို့နယ် ရဲတပ်ဖွဲ့စခန်းတစ်ခုခုမှ တင်ပြသည့်နေ့မတိုင်မီ တစ်လအတွင်းရရှိသည့်ထောက်ခံစာ(မူရင်း)။            (ဃ)     တစ်လအတွင်းရိုက်ကူးထားသော ပတ်စ်ပို့အရွယ် ရောင်စုံဓာတ်ပုံ(၃)ပုံ။            (င)       အိမ်ထောင်စုဝင်စာရင်း(မိတ္တူ)။            (စ)       မိဘ/အုပ်ထိန်းသူ၏သဘောတူညီကြောင်းထောက်ခံချက်။         ၃။         ပဏာမရွေးချယ်ကြောင်း အကြောင်းကြားစာရရှိသူများသည် သတ်မှတ်ရက်အတွင်း လျှောက်ထားခဲ့သည့် စစ်ဌာနချုပ်များသို့ သတင်းပို့ရမည်။ ရွေးချယ်ခံရသူများသည် စစ်ဘက်ဆိုင်ရာဆေးစစ်ခြင်းများပြုလုပ်၍ ဆေးစစ်အောင်မြင်သူများအား သင်တန်းသူအဖြစ် အတည်ပြုရွေးချယ်မည်။၄။         အခြေခံတပ်သားသစ်သင်တန်းကို ၄ လ တက်ရောက်ရမည်။ သင်တန်းတက်ရောက်နေစဉ် ကာလအတွင်း တပ်သားသစ်လစာ (၁၄၄ဝဝဝ)ကျပ်ကိုခံစားခွင့်ပြုမည်။ သင်တန်းပြီးဆုံးပါက တပ်သားအခြေခံလစာ(၁၅ဝဝဝဝ)ကျပ်နှင့်စရိတ်များခံစားခွင့်ရရှိမည်။၅။        အခြေခံတပ်သားသစ် သင်တန်းတက်ရောက်နေစဉ် ကာလအတွင်း မိမိတာဝန် ထမ်းဆောင်လိုသည့် တပ်မတော်(ကြည်း၊ ရေ၊ လေ)  လက်ရုံး/ဝန်ထမ်း တပ်ဖွဲ့တစ်ခုခုသို့  ဆန္ဒပြုရွေးချယ်နိုင်ပြီး  သင်တန်းဆင်းပြီး  သတ်မှတ်ချက်ကိုက်ညီပါက မိမိဆန္ဒပြုရွေးချယ်ထားသည့် တပ်မတော်(ကြည်း၊ ရေ၊ လေ) လက်ရုံး/ ဝန်ထမ်းတပ်ဖွဲ့(သို့မဟုတ်) သင့်လျော်ရာ လက်ရုံးဝန်ထမ်းတပ်ဖွဲ့တစ်ခုခုတွင် တာဝန်ထမ်းဆောင်ရမည်။မှတ်ချက်။         အသေးစိတ်သိရှိလိုပါက နီးစပ်ရာ တပ်/ဌာနချုပ်များတွင် စုံစမ်းမေးမြန်းနိုင်သည်။MWD
Fri, 3-Apr-2026
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
     အီရန်၏ တိုက်ခိုက်မှုများကို ကြားဖြတ်ဟန့်တားရန်အတွက် ပိုလန်နိုင်ငံအနေဖြင့် ၎င်းတို့၏ အမေရိကန်လုပ် ပက်ထရီးယော့လေကြောင်း ကာကွယ်ရေးစနစ်များကို အရှေ့အလယ်ပိုင်းဒေသ သို့ ရွှေ့ပြောင်းသွားမည်မဟုတ်ကြောင်း ပိုလန်ကာကွယ်ရေးဝန်ကြီး ဝလက်ဒီစလော ကိုဆီနီယက် ကာမစ်က ပြောကြားသည်။အမေရိကန်အစိုးရအနေဖြင့် စစ်လက်နက်များကို ပင်တဂွန်စစ်ဌာနချုပ်တွင် အကန့်အသတ်မရှိ သိုလှောင်ထားသည်ဟု သမ္မတ ဒေါ်နယ်ထရမ့်က ပြောကြားခဲ့သော်လည်း အမေရိကန်နှင့် အစ္စရေးနိုင်ငံတို့က လုပ်ဆောင်လျက်ရှိသည့်  ပူးတွဲဗုံးကြဲတိုက်ခိုက်မှုများသည် ဒေသတွင်းရှိ အမေရိကန်စစ်အခြေစိုက်စခန်းများကို အီရန်နိုင်ငံက ဆက်လက်၍ တုံ့ပြန်တိုက်ခိုက်နိုင်စွမ်းကို ဟန့်တားနိုင်ခြင်းမရှိခဲ့ပေ။ထို့ကြောင့်   အမေရိကန်ပြည်ထောင်စုသည် အီရန်နှင့်ဖြစ်ပွားနေသော စစ်ပွဲအတွက် ပိုလန်နိုင်ငံမှ ပက်ထရီးယော့ဒုံးကျည်စနစ် အနည်းဆုံးနှစ်စုံနှင့် ပိုလန်သို့ ယခင်ကရောင်းချထားသည့် PAC-3 MSE ဒုံးကျည်အချို့ကို အမေရိကန်ထံသို့ ငှားရမ်းပေးရန် တောင်းဆိုခဲ့ကြောင်း ပိုလန်နိုင်ငံထုတ် သတင်းစာကြီးတစ်စောင်ဖြစ်သည့် Rzeczpospolita က မတ်လအကုန်ပိုင်းတွင် ဖော်ပြခဲ့ကြောင်းသိရသည်။သို့သော် ပိုလန်နိုင်ငံရှိ ပက်ထရီးယော့ဒုံးကျည် ကာကွယ်ရေးစနစ်များသည် နိုင်ငံ၏ဝေဟင်ပိုင်နက်နှင့် နေတိုးအဖွဲ့၏အရှေ့ပိုင်းအား အကာအကွယ်ပေးရန် အတွက်  အသုံးပြုနေခြင်းဖြစ်ကြောင်း၊ အဆိုပါဒုံးကျည် လွှဲပြောင်းပေးရေးနှင့် စပ်လျဉ်း၍ မည်သည့်အရာမျှ ပြောင်းလဲမည်မဟုတ်ကြောင်း၊ ၎င်းဒုံးကျည်စနစ်များအား မည်သည့်နေရာသို့မျှ ရွှေ့ပြောင်းရန် အစီအစဉ်မရှိကြောင်း ပိုလန်ကာကွယ်ရေးဝန်ကြီး ကိုဆီနီယက်ကာမစ်က   ၎င်း၏လူမှုကွန်ရက်တွင် ရေးသား ဖော်ပြခဲ့ကြောင်း သိရသည်။ MWD
Fri, 3-Apr-2026
ခေတ်သစ်စစ်ပွဲ၏ ပြောင်းလဲလာသည့် အခြေအနေများကို ထင်ဟပ်လာသည့် အီရန်၏ ဘာရိန်းရှိ Amazon အချက်အလက် စင်တာအပေါ် တိုက်ခိုက်မှု
ခေတ်သစ်စစ်ပွဲ၏ ပြောင်းလဲလာသည့် အခြေအနေများကို ထင်ဟပ်လာသည့် အီရန်၏ ဘာရိန်းရှိ Amazon အချက်အလက် စင်တာအပေါ် တိုက်ခိုက်မှု
      ဘာရိန်းနိုင်ငံရှိ Amazon ကုမ္ပဏီ၏ ဝက်ဆိုက်ဝန်ဆောင်မှုများနှင့် ဆက်စပ်နေသော အချက်အလက်စင်တာတစ်ခုသည် အီရန်နိုင်ငံ၏ တိုက်ခိုက်မှုကြောင့် ထိခိုက်ပျက်စီးခဲ့သည်ဟူသော သတင်းများ ထွက်ပေါ်လာခဲ့ပြီးနောက်ပိုင်းတွင် ၎င်းတိုက်ခိုက်မှုဖြစ်စဉ်သည် လက်ရှိဖြစ်ပွားနေသော ပဋိပက္ခဇုန်အတွင်း ဒစ်ဂျစ်တယ်အခြေခံ အဆောက်အအုံများအပေါ် တိုက်ရိုက်ပစ်မှတ်ထား လုပ်ဆောင်ခဲ့သည့်    ဖြစ်ထောင့်ဖြစ်ခဲ တိုက်ခိုက်မှုတစ်ရပ်အဖြစ် ထွက်ပေါ်လာသည်။ဘာရိန်းနိုင်ငံရှိ အမေရိကန်ကုမ္ပဏီကြီး တစ်ခုဖြစ်သည့် Amazon ၏   ဝက်ဆိုက်ဝန်ဆောင်မှုအချက် အလက်စင်တာသည်    အီရန်နိုင်ငံ၏ တိုက်ခိုက်မှုအတွင်း ပျက်စီးသွားခဲ့ကြောင်း အတွင်းသိအရင်းအမြစ်တစ်ခု၏ ပြောကြားချက်ကိုကိုးကား၍ Financial Times သတင်းဌာနက  ဧပြီလ ၁  ရက်တွင် ဖော်ပြသည်။အီရန်နိုင်ငံ၏တိုက်ခိုက်မှုကြောင့် နိုင်ငံအတွင်းရှိကုမ္ပဏီတစ်ခု၏ အဆောက်အအုံတွင် မီးလောင်ကျွမ်းမှုဖြစ်ပွားခဲ့ပြီး အဆိုပါမီးလောင်မှုကို အရပ်ဘက်ကာကွယ်ရေး တပ်ဖွဲ့ဝင်များက  ငြှိမ်းသတ်လျက်ရှိကြောင်း ဘာရိန်းပြည်ထဲရေး ဝန်ကြီးဌာနက အစောပိုင်းတွင် ထုတ်ပြန်ခဲ့သော်လည်း တိုက်ခိုက်ခံရသည့် အဆိုပါကုမ္ပဏီအမည်ကိုသော် လည်းကောင်း၊ ပျက်စီးမှုအတိုင်းအတာကိုသော် လည်းကောင်း ဖော်ပြခဲ့ခြင်းမရှိပေ။ထို့ပြင် Amazon ကုမ္ပဏီအနေဖြင့်လည်း တိုက်ခိုက်မှုနှင့် စပ်လျဉ်း၍ မှတ်ချက်ပေးရန် ငြင်းဆိုခဲ့ကြောင်း အဆိုပါသတင်းတွင် ဆက်လက်ဖော်ပြထားသည်။ယခုဖြစ်ပွားသည့်တိုက်ခိုက်မှုသည် အမေရိကန်၊ အစ္စရေးနှင့် အီရန်တို့ကြားဖြစ်ပွားနေသော ပဋိပက္ခများသည် ပင်လယ်ကွေ့ဒေသရှိ စီးပွားရေးလုပ်ငန်းဆိုင်ရာ နည်းပညာအခြေခံ အဆောက်အအုံများထံသို့ ကူးစက်လာနေသည်ကို ပြသလျက်ရှိသည်။ ယခုဖြစ်စဉ်သည် အမေရိကန်နည်းပညာ ကုမ္ပဏီကြီးများဖြစ်ကြသည့် Amazon၊ Microsoft၊ Google နှင့် Apple တို့ကို အရှေ့အလယ်ပိုင်းဒေသ အတွင်း၌ အဓိကပစ်မှတ်ထား တိုက်ခိုက်မည်ဟု အီရန်အစ္စလာမ်မစ်တော်လှန်ရေး အစောင့်တပ်ဖွဲ့က  ခြိမ်းခြောက်ခဲ့ပြီးနောက်ပိုင်းတွင် ဖြစ်ပွားခဲ့ခြင်းဖြစ်သည်။ ယခုဖြစ်ပွားခဲ့သည့်တိုက်ခိုက်မှုသည် ခေတ်သစ်စစ်ပွဲများပြောင်းလဲဖြစ်ပေါ်လာပုံနှင့် ပတ်သက်၍ အပြောင်းအလဲတစ်ခု ဖြစ်လာနိုင်သည်ဟူသော အရိပ်အမြွက်တစ်ခုအဖြစ် ထွက်ပေါ်လာခဲ့သည်ကားအမှန်ပင်ဖြစ်သည်။ ယခင်ကကဲ့သို့ ရေနံနှင့်စွမ်းအင်ဆိုင်ရာ အခြေခံအဆောက်အအုံများနှင့်    သင်္ဘောလမ်းကြောင်းများကဲ့သို့သော သမားရိုးကျပစ်မှတ်များကိုသာမကဘဲ ယခုအခါတွင်မူ ကမ္ဘာလုံးဆိုင်ရာ ဝန်ဆောင်မှုလုပ်ငန်းများ၏ အခြေခံကျောရိုးဖြစ်သည့် ဒစ်ဂျစ်တယ်စနစ်များအား ပစ်မှတ်ထားလာခြင်းဖြစ်သည်ဟုလည်း ဆိုနိုင်သည်။Amazon ၏ ဝက်ဆိုက်ဝန်ဆောင်မှု အချက်အလက်စင်တာသည် အရှေ့အလယ်ပိုင်းဒေသအတွက် ၎င်းတို့၏ ပထမဆုံး Cloud Region ကို ၂၀၁၉ ခုနှစ် ဇူလိုင်လတွင် ဘာရိန်းနိုင်ငံ၌ စတင်ဖွင့်လှစ်ခဲ့ခြင်းဖြစ်ပြီး ဒေသတွင်းရှိ Cloud အခြေခံအဆောက်အအုံကို အသုံးပြုလိုသူများအတွက် ပိုမိုမြန်ဆန်သော ဆက်သွယ်မှုစနစ်ကို ပံ့ပိုးပေးလျက်ရှိသည်။တစ်နည်းအားဖြင့် အီရန်က   ယခုပစ်မှတ်ထားတိုက်ခိုက်ခဲ့သည့်   ဘာရိန်းနိုင်ငံရှိ အဆိုပါ အချက် အလက်စင်တာသည် ဒေသတွင်းစီးပွားရေး လုပ်ငန်းများနှင့်   အစိုးရဌာနဆိုင်ရာဝန်ဆောင်မှုများကို ပိုမိုမြန်ဆန်သော ဆက်သွယ်မှု ပေးစွမ်းနိုင်ရန်၊ အရန်စနစ်များအပြည့်အဝရှိစေရန် အထောက်အကူပြုလျက်ရှိသည့်အပြင် ဒေသတွင်းရှိဘဏ်လုပ်ငန်းစနစ်များ၊ လေကြောင်းကွန်ရက်များ၊ ထောက်ပံ့ပို့ဆောင်ရေး ပလက်ဖောင်းများနှင့် အစိုးရအဖွဲ့များ၏ လုပ်ငန်းစဉ်များအပါအဝင် ဝန်ဆောင်မှုအမျိုးမျိုးကို ပံ့ပိုးပေးနိုင်ရန် ရည်ရွယ်၍ တည်ဆောက်ထားသည့် ဒေသတွင်း Cloud ဝန်ဆောင်မှုကွန်ရက်၏ အစိတ်အပိုင်းတစ်ခုဖြစ်သောကြောင့် အရှေ့အလယ်ပိုင်းဒေသ အတွက်အလွန်အရေးပါသည့်  ကွန်ရက်တစ်ခုလည်းဖြစ်သည်။ထို့ကြောင့်  အီရန်၏ ယခုလုပ်ဆောင်ခဲ့သည့် တိုက်ခိုက်မှုဖြစ်စဉ်သည် ဆိုက်ဘာစစ်ဆင်ရေးနှင့် ရုပ်ပိုင်းဆိုင်ရာစစ်ဆင်ရေးတို့ အကြား ပိုမိုထပ်တူဖြစ်ပွားလာနေသည့် အခြေအနေကို အထင်အရှား ပြသလျက်ရှိသည်။ လက်နက်ကိုင်ပဋိပက္ခတွင်  ပါဝင်လျက်ရှိသည့် ပြိုင်ဘက်နိုင်ငံများက အခြားတစ်နိုင်ငံ၏ အခြေခံ အဆောက်အအုံများအပေါ် ဆိုက်ဘာတိုက်ခိုက်မှုများအား ကျယ်ပြန့်စွာ လုပ်ဆောင်ခဲ့ကြသော်လည်း ယခုကဲ့သို့ အရေးပါလှသည့် အချက်အလက်စင်တာများကဲ့သို့သော အခြေခံအဆောက်အအုံများအပေါ် တိုက်ခိုက်မှုလုပ်ဆောင်ခြင်းမှာ ဖြစ်ခေါင့်ဖြစ်ခဲ အခြေအနေတွင်သာရှိနေသေးခြင်းကြောင့် လက်ရှိအခြေအနေမှာ ဒေသတွင်းနိုင်ငံများအတွက် အထူးသဖြင့် စိုးရိမ်ဖွယ်ကောင်းလှသည်။အီရန်နှင့် အမေရိကန်၊ အစ္စရေးနိုင်ငံတို့အကြား တင်းမာမှုများကိုလျှော့ချရန် သံတမန်ရေးရာကြိုးပမ်းမှုများမှာ ဆက်လက်ရှိနေသော်လည်း လက်ရှိအနေအထားမှာ   ရှင်းရှင်းလင်းလင်းမရှိသေးဘဲ ခြိမ်းခြောက်မှုများနှင့် လက်တုံ့ပြန်မှုများ ဆက်လက်ဖြစ်ပွားနေခြင်းကြောင့် မျက်မှောက်ကာလတွင် အရှေ့အလယ်ပိုင်းဒေသအတွင်း၌ ဖြစ်ပွားနေသည့် တိုက်ခိုက်မှုများသည် ခေတ်သစ်စစ်ပွဲအတွင်း ပြောင်းလဲဖြစ်ပေါ်လာနေသည့်အခြေအနေများကို  ထင်ဟပ်လာနေခြင်းဖြစ်ကြောင်း  ရေးသားဖော်ပြလိုက်ရပါသည်။MWD
Fri, 3-Apr-2026
အီရန်က စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့ဟု နေတန်ယာဟုပြော
အီရန်က စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့ဟု နေတန်ယာဟုပြော
     အီရန်နိုင်ငံသည်   ၎င်းတို့၏ စစ်ရေးဆိုင်ရာ အစီအစဉ်များအတွက် အမေရိကန်ဒေါ်လာ ၁  ထရီလီယံနီးပါး အသုံးပြုခဲ့ကြောင်း အစ္စရေးဝန်ကြီးချုပ် ဘင်ဂျမင်နေတန်ယာဟုက ပြောကြားသည်။အီရန်အစိုးရသည် အစ္စရေးကို ဖျက်ဆီးရန်၊ အရှေ့အလယ်ပိုင်းဒေသကို သိမ်းပိုက်ရန်နှင့် တစ်ကမ္ဘာလုံးကိုခြိမ်းခြောက်ရန် တမင်စီစဉ်လျက်ရှိကြောင်း နေတန်ယာဟုက အစ္စရေးရုပ်သံမှတစ်ဆင့် တစ်နိုင်ငံလုံးသို့ ပြောကြားသည့် မိန့်ခွန်းတွင်ပြောကြားသည်။ ထို့ပြင် အီရန်နိုင်ငံသည် ၎င်းအပေါ်ချမှတ်ထားသည့် ပြင်းထန်သော ပိတ်ဆို့အရေးယူမှုများကို ရှောင်ရှားပြီး ၎င်းတို့၏  နျူကလီးယားနှင့် ဒုံးကျည်အစီအစဉ်များ ဖွံ့ဖြိုးတိုးတက်စေရန်အတွက် ငွေကြေးအရင်းအမြစ်မြောက်မြားစွာကို အသုံးပြုခဲ့ခြင်းဖြစ်ကြောင်း ၎င်းကဆက်လက် ပြောကြားသည်။အီရန်နိုင်ငံသည် နှစ်ပေါင်းများစွာအတွင်း ၎င်းတို့၏ စစ်ရေးအစီအစဉ်များအတွက် အမေရိကန် ဒေါ်လာ ၁ ထရီလီယံနီးပါး အသုံးပြုခဲ့သော်လည်း အဆိုပါငွေကြေးများသည် ယခုအခါ အလဟဿ ဖြစ်သွားခဲ့ပြီ ဖြစ်ကြောင်း နေတန်ယာဟုက ထပ်လောင်း ပြောကြားခဲ့ကြောင်း သိရသည်။MWD
Thu, 2-Apr-2026
© Copyright 2024 SAC All Rights Reserved.