အီရန်ရှိ ဘူရှာနျူကလီးယား စက်ရုံကို အမေရိကန်နှင့်အစ္စရေးတို့ တိုက်ခိုက်

NoahJune222

News Image

  • အီရန်ရှိ ဘူရှာနျူကလီးယား စက်ရုံကို အမေရိကန်နှင့်အစ္စရေးတို့ တိုက်ခိုက်

    အမေရိကန်-အစ္စရေးတို့က အီရန်နိုင်ငံရှိ ဘူရှာနျူကလီးယား စွမ်းအင်သုံး လျှပ်စစ်ဓာတ်အားပေးစက်ရုံကို ဧပြီလ ၄ ရက်တွင် တိုက်ခိုက်ခဲ့ရာ လူတစ်ဦးသေဆုံးခဲ့ကြောင်း အီရန်နိုင်ငံပိုင်မီဒီယာက ဖော်ပြသည်။

အမေရိကန်နှင့်အစ္စရေးတို့က ပစ်ခတ်လိုက်သည့် လက်နက်တစ်ခုသည် အဆိုပါစက်ရုံအနီးတွင် ဒေသစံတော်ချိန် နံနက် ၈ နာရီ မိနစ် ၃၀  ခန့်က ကျရောက်ပေါက်ကွဲခဲ့ခြင်းဖြစ်ကြောင်း IRNA သတင်းဌာနကဖော်ပြထားသည်။

ယခုလုပ်ဆောင်သည့် အမေရိကန်နှင့် အစ္စရေးတို့၏တိုက်ခိုက်မှုသည်  ပြီးခဲ့သည့် ဖေဖော်ဝါရီလ  ၂၈  ရက်တွင်  အီရန်နှင့် အမေရိကန်-အစ္စရေးတို့အကြား စစ်ပွဲစတင်ဖြစ်ပွားချိန်မှစ၍ အဆိုပါစက်ရုံအပေါ်လုပ်ဆောင်ခဲ့သည့် စတုတ္ထအကြိမ်မြောက်တိုက်ခိုက်မှုဖြစ်သည်။  အဆိုပါ နျူကလီးယားစက်ရုံသည်  အီရန်နိုင်ငံတောင်ပိုင်း ပင်လယ်ကွေ့ကမ်းရိုးတန်းတွင် တည်ရှိကြောင်းသိရသည်။

အဆိုပါတိုက်ခိုက်မှုကြောင့် စက်ရုံလုံခြုံရေးဝန်ထမ်းတစ်ဦး သေဆုံးခဲ့သော်လည်း စက်ရုံမှာမူ ထိခိုက်ပျက်စီးမှုမရှိကြောင်း နိုင်ငံပိုင် IRNA သတင်းဌာနက ဆက်လက်ဖော်ပြထားသည်။ ထို့ပြင်  အဆိုပါနျူကလီးယားစက်ရုံအား ထပ်မံတိုက်ခိုက်ခြင်းမပြုရန်လည်း အီရန်နိုင်ငံခြားရေးဝန်ကြီး အဘတ်အာရတ်ချီက အမေရိကန်နှင့် အစ္စရေးတို့အား သတိပေးပြောကြားခဲ့ကြောင်း သိရသည်။

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အီရန်ရှိ ဘူရှာနျူကလီးယား စက်ရုံကို အမေရိကန်နှင့်အစ္စရေးတို့ တိုက်ခိုက်
အီရန်ရှိ ဘူရှာနျူကလီးယား စက်ရုံကို အမေရိကန်နှင့်အစ္စရေးတို့ တိုက်ခိုက်
    အမေရိကန်-အစ္စရေးတို့က အီရန်နိုင်ငံရှိ ဘူရှာနျူကလီးယား စွမ်းအင်သုံး လျှပ်စစ်ဓာတ်အားပေးစက်ရုံကို ဧပြီလ ၄ ရက်တွင် တိုက်ခိုက်ခဲ့ရာ လူတစ်ဦးသေဆုံးခဲ့ကြောင်း အီရန်နိုင်ငံပိုင်မီဒီယာက ဖော်ပြသည်။အမေရိကန်နှင့်အစ္စရေးတို့က ပစ်ခတ်လိုက်သည့် လက်နက်တစ်ခုသည် အဆိုပါစက်ရုံအနီးတွင် ဒေသစံတော်ချိန် နံနက် ၈ နာရီ မိနစ် ၃၀  ခန့်က ကျရောက်ပေါက်ကွဲခဲ့ခြင်းဖြစ်ကြောင်း IRNA သတင်းဌာနကဖော်ပြထားသည်။ယခုလုပ်ဆောင်သည့် အမေရိကန်နှင့် အစ္စရေးတို့၏တိုက်ခိုက်မှုသည်  ပြီးခဲ့သည့် ဖေဖော်ဝါရီလ  ၂၈  ရက်တွင်  အီရန်နှင့် အမေရိကန်-အစ္စရေးတို့အကြား စစ်ပွဲစတင်ဖြစ်ပွားချိန်မှစ၍ အဆိုပါစက်ရုံအပေါ်လုပ်ဆောင်ခဲ့သည့် စတုတ္ထအကြိမ်မြောက်တိုက်ခိုက်မှုဖြစ်သည်။  အဆိုပါ နျူကလီးယားစက်ရုံသည်  အီရန်နိုင်ငံတောင်ပိုင်း ပင်လယ်ကွေ့ကမ်းရိုးတန်းတွင် တည်ရှိကြောင်းသိရသည်။အဆိုပါတိုက်ခိုက်မှုကြောင့် စက်ရုံလုံခြုံရေးဝန်ထမ်းတစ်ဦး သေဆုံးခဲ့သော်လည်း စက်ရုံမှာမူ ထိခိုက်ပျက်စီးမှုမရှိကြောင်း နိုင်ငံပိုင် IRNA သတင်းဌာနက ဆက်လက်ဖော်ပြထားသည်။ ထို့ပြင်  အဆိုပါနျူကလီးယားစက်ရုံအား ထပ်မံတိုက်ခိုက်ခြင်းမပြုရန်လည်း အီရန်နိုင်ငံခြားရေးဝန်ကြီး အဘတ်အာရတ်ချီက အမေရိကန်နှင့် အစ္စရေးတို့အား သတိပေးပြောကြားခဲ့ကြောင်း သိရသည်။MWD
Sun, 5-Apr-2026
EU သည် NATO ထက် ပိုမိုကြီးမားသော စစ်ရေးခြိမ်းခြောက်မှု ဖြစ်လာ နိုင်သည်ဟု မက်ဗီဒက်ဗ် ပြောကြား
EU သည် NATO ထက် ပိုမိုကြီးမားသော စစ်ရေးခြိမ်းခြောက်မှု ဖြစ်လာနိုင်သည်ဟု မက်ဗီဒက်ဗ် ပြောကြား
ရုရှားလုံခြုံရေးကောင်စီ ဒုတိယဥက္ကဋ္ဌ ဒမီထရီ မက်ဗီဒက်ဗ်က ဥရောပသမဂ္ဂ (EU) သည် နေတိုး (NATO) ထက် ပိုမိုပြင်းထန်သော စစ်ရေး ခြိမ်းခြောက်မှုတစ်ခု ဖြစ်လာနိုင်ကြောင်း သတိပေးပြောကြားလိုက်သည်။ နေတိုးအဖွဲ့အတွင်း အမေရိကန်နှင့် ဥရောပနိုင်ငံများအကြား သဘောထားကွဲလွဲမှုများရှိနေခြင်းက EU ခေါင်းဆောင်များကို သီးခြား လွတ်လပ်သော စစ်ရေးအင်အားစုတစ်ခုတည်ထောင်ရန် တွန်းအားပေးနေပြီး ယင်းသည် ရုရှားအပေါ်ရန်လိုသည့် အဖွဲ့အစည်းတစ်ခုအဖြစ် အချိန်တိုအတွင်း ပြောင်းလဲသွားနိုင်ကြောင်း ၎င်းက ထောက်ပြခဲ့သည်။ မော်စကိုအနေဖြင့် ယခင်က EU ကို စီးပွားရေးသမဂ္ဂတစ်ခုအဖြစ်သာ ရှုမြင်ခဲ့သော်လည်း ယခုအခါ စစ်ရေးအရ တက်ကြွစွာဆန့်ကျင်ရမည့် မဟာဗျူဟာမြောက်ခြိမ်းခြောက်မှုတစ်ခုအဖြစ် သတ်မှတ်ရန် လိုအပ်လာပြီဟု ဆိုသည်။အခြားတစ်ဖက်တွင်လည်း EU သည် ၂၀၃၀ ပြည့်နှစ်တွင် လက်နက်နှင့် လုံခြုံရေးဆိုင်ရာကဏ္ဍများ၌ ယူရို ၈၀၀ ဘီလီယံခန့် သုံးစွဲရန် စီစဉ်နေပြီး ယင်းသည် ရုရှားနှင့်ဖြစ်ပွားလာနိုင်သော စစ်ပွဲအတွက် ပြင်ဆင်ခြင်းဖြစ်သည်ဟု ဆိုသည်။ သို့သော် အဆိုပါ စီမံကိန်းသည် စီးပွားရေးဖိအားများနှင့် အဖွဲ့ဝင်နိုင်ငံများအကြား အငြင်းပွားမှုများကြောင့် အခက်အခဲအချို့နှင့် ရင်ဆိုင်နေရသည်။ မော်စကိုကမူ ၎င်းတို့အနေဖြင့် ဥရောပနိုင်ငံများကို တိုက်ခိုက်ရန် အစီအစဉ်မရှိကြောင်းနှင့် အနောက်အုပ်စုသည် လက်နက်ဝယ်ယူရန်အတွက်သာ ရုရှား၏ ခြိမ်းခြောက်မှုကို အကြောင်းပြချက်အဖြစ် အသုံးပြုနေခြင်းဖြစ်ကြောင်း တုံ့ပြန်ပြောကြားထားသည်။ ထို့အပြင် ဂျော်ဂျီယာ ကဲ့သို့သော နိုင်ငံများအပေါ် EU ၏ သဘောထားပြောင်းလဲလာမှုနှင့် အဖွဲ့အတွင်း အပြင်းအထန်ဖြစ်ပေါ်နေသော ရုရှား ဆန့်ကျင်ရေးဝါဒများက ရုရှားအစိုးရအတွက် ပိုမိုစိုးရိမ်စရာ ဖြစ်လာစေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
အီရန်အပေါ် ‘အပျော်သဘော’ တိုက်ခိုက်မည်ဟူသော ထရမ့်၏ ပြောကြားချက်မှာ စစ်ရာဇဝတ်မှုမြောက်နိုင်ကြောင်း ကျွမ်းကျင်သူများ သတိပေး
အီရန်အပေါ် ‘အပျော်သဘော’ တိုက်ခိုက်မည်ဟူသော ထရမ့်၏ ပြောကြားချက်မှာ စစ်ရာဇဝတ်မှုမြောက်နိုင်ကြောင်း ကျွမ်းကျင်သူများ သတိပေး
အီရန်နိုင်ငံအပေါ် အမေရိကန်၏ တိုက်ခိုက်မှုများသည် ကုလသမဂ္ဂပဋိညာဉ်ကို ချိုးဖောက်ခြင်း၊ အရပ်ဘက် အခြေခံအဆောက်အအုံများကို ပစ်မှတ်ထားခြင်းနှင့် အဆင့်မြင့်အရာရှိကြီးများ၏ စိုးရိမ်ဖွယ်ရာပြောဆိုမှုများကြောင့် စစ်ရာဇဝတ်မှုမြောက်နိုင်ကြောင်း အမေရိကန် အခြေစိုက် နိုင်ငံတကာဥပဒေကျွမ်းကျင်သူ ၁၀၀ ကျော်က သတိပေးလိုက်သည်။ကြာသပတေးနေ့ (ဧပြီ ၂) က Just Security မူဝါဒရေးရာဂျာနယ်တွင် ထုတ်ပြန်ခဲ့သည့် အိတ်ဖွင့်ပေးစာ၌ ဟားဗတ်၊ ယေးလ် နှင့် စတန်းဖို့ဒ် အပါအဝင် ထိပ်သီးတက္ကသိုလ်များမှ ပညာရှင်များက ဖေဖော်ဝါရီလ နှောင်းပိုင်းတွင်စတင်ခဲ့သည့် အမေရိကန်-အစ္စရေးတို့၏ အီရန်အပေါ် ရန်စကျူးကျော်မှုမှာ “ကုလသမဂ္ဂပဋိညာဉ်ကို ပြောင်ပြောင်တင်းတင်းချိုးဖောက်ခြင်းဖြစ်သည်” ဟု ဖော်ပြထားသည်။ အမေရိကန် တပ်ဖွဲ့များ၏ လက်တွေ့လုပ်ဆောင်ချက်များနှင့် တာဝန်ရှိသူများ၏ ပြောကြားချက်များသည် “နိုင်ငံတကာ လူ့အခွင့်အရေးဥပဒေနှင့် နိုင်ငံတကာလူသားချင်း စာနာထောက်ထားမှုဆိုင်ရာ ဥပဒေများကို ချိုးဖောက်နေပြီး ဖြစ်နိုင်ခြေရှိသော စစ်ရာဇဝတ်မှုများအပေါ် ပြင်းထန်သော စိုးရိမ်မှုများ ဖြစ်ပေါ် စေသည်” ဟု ၎င်းတို့က ဆိုသည်။ကျွမ်းကျင်သူများသည် ပြီးခဲ့သည့်လက သမ္မတ ဒေါ်နယ်ထရမ့်၏ အမေရိကန်အနေဖြင့် အီရန်ကို “အပျော်သဘော” (Just for Fun) တိုက်ခိုက်မှုများ ပြုလုပ်နိုင်သည်ဟူသော မှတ်ချက်ကို အထူးတလည် ထောက်ပြခဲ့ကြသည်။ ထို့အပြင် စစ်မက်ရေးရာဝန်ကြီး ဟက်ဆက်၏ မတ်လ ၂ ရက်နေ့က ပြောကြားခဲ့သော အမေရိကန်သည် တိုက်ပွဲဝင်စည်းကမ်းများ (Rules of Engagement) ဖြင့် တိုက်ခိုက်မည်မဟုတ်ကြောင်းနှင့် ရန်သူများအပေါ် လုံးဝသနားညှာတာမှုပေးမည်မဟုတ် (No Quarter, No Mercy) ဟူသော ကြေညာချက်ကိုလည်း ကိုးကားခဲ့ကြသည်။ ယင်းစကားရပ်သည် နိုင်ငံတကာဥပဒေအရ စစ်ရာဇဝတ်မှုမြောက်နိုင်သည့် အသုံးအနှုန်းဖြစ်သည်။အဆိုပါ အိတ်ဖွင့်ပေးစာတွင် ဖေဖော်ဝါရီ ၂၈ ရက်က မီနပ်ဘ်မြို့ရှိ Shajareh Tayyebeh အမျိုးသမီးကျောင်း တိုက်ခိုက်ခံရမှုကြောင့် ကလေးငယ် အများစုအပါအဝင် လူပေါင်း ၁၇၅ ဦး သေဆုံးခဲ့ရသည့်အပေါ် အထူးစိုးရိမ်ကြောင်း ဖော်ပြထားသည်။ ပင်တဂွန်စစ်ဌာနချုပ်က ယင်းတိုက်ခိုက်မှုမှာ ဟောင်းနွမ်းနေသော ထောက်လှမ်းရေးသတင်း အချက်အလက်ပေါ် အခြေခံကာ အမေရိကန်တပ်များက ကျူးလွန်ခဲ့ခြင်း ဖြစ်ကြောင်း အတည်ပြုခဲ့သော်လည်း ယနေ့တိုင် တောင်းပန်ခြင်းမရှိသေးပေ။ ထိုနေ့မှာပင် လာမတ်ဒ်မြို့ရှိ ကျောင်းနှင့် အားကစားခန်းမတစ်ခုကို အမေရိကန်ဒုံးကျည် ထိမှန်ခဲ့ရာ အနည်းဆုံး ၂၁ ဦး သေဆုံးခဲ့သည်။ ယင်းတိုက်ခိုက်မှုတွင် တစ်ကြိမ်တစ်ခါမျှ အသုံးမပြုဖူးသေးသည့် တန်စတင် (Tungsten) အစအနများ ထွက်ရှိစေသော Precision Strike Missile ကို အသုံးပြုခဲ့ကြောင်း The New York Times က ဖော်ပြ ထားသည်။အီရန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အက်စမေးလ် ဘာခေး က စာသင်ကျောင်းနှင့် ပညာရေးအဆောက်အအုံ ၆၀၀ ကျော် ပစ်မှတ် ထားခံခဲ့ရကြောင်းပြောကြားခဲ့ပြီး မီနပ်ဘ်မြို့ လူသတ်ပွဲမှာ “စနစ်တကျ ရက်စက်ကြမ်းကြုတ်သော တရားမဝင်စစ်ပွဲ၏ ပုံစံတစ်ခု” ဖြစ်သည်ဟု ဆိုသည်။ အမေရိကန်နှင့် အစ္စရေးတို့သည် လူမျိုးတုံး သတ်ဖြတ်မှု ကျူးလွန်နေသည်ဟု အီရန်က စွပ်စွဲထားသည်။တစ်ဖက်တွင်လည်း Bulletin of the Atomic Scientists ၏ အယ်ဒီတာချုပ် ဂျွန်မက်ကလင်က ယခုစစ်ပွဲမှာ အလွန်အမင်း မိုက်မဲသော လုပ်ရပ်ဖြစ်ကြောင်း ဖော်ပြခဲ့ပြီး စစ်ပွဲအတွင်း မတော်တဆမှုများ၊ မှားယွင်းတွက်ချက်မှုများနှင့် စိတ်မထိန်းချုပ်နိုင်သောကိစ္စရပ်များ ဖြစ်ပွားတတ်သဖြင့် တိုက်ပွဲများမရပ်တန့်သရွေ့ နျူကလီးယား မတော်တဆမှု ဖြစ်နိုင်ခြေကို ဖယ်ထုတ်၍မရကြောင်း သတိပေးခဲ့သည်။ဥပဒေကျွမ်းကျင်သူများနှင့် မက်ကလင်တို့က သံတမန်နည်းလမ်းဖြင့် ဖြေရှင်းရန် တိုက်တွန်းခဲ့ကြသော်လည်း သမ္မတထရမ့်အနေဖြင့် ၂၀၁၅ နျူကလီးယားသဘောတူညီချက်မှ နုတ်ထွက်ခဲ့ခြင်းကြောင့် ဆွေးနွေးညှိနှိုင်းမှုဖြင့်အဖြေရှာရန် အလွန်ခက်ခဲနေပြီဖြစ်ကြောင်းလည်း မှတ်ချက် ပြုထားကြသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
ကုလသမဂ္ဂ ငြိမ်းချမ်းရေးတပ်စခန်းအနီး အစ္စရေးအလံစိုက်ထူမှုကြောင့် တပ်ဖွဲ့ဝင်များ အန္တရာယ်ရှိနိုင်ဟု သတိပေး
ကုလသမဂ္ဂ ငြိမ်းချမ်းရေးတပ်စခန်းအနီး အစ္စရေးအလံစိုက်ထူမှုကြောင့် တပ်ဖွဲ့ဝင်များ အန္တရာယ်ရှိနိုင်ဟု သတိပေး
လက်ဘနွန်တောင်ပိုင်းရှိ ကုလသမဂ္ဂ ငြိမ်းချမ်းရေးထိန်းသိမ်းမှု တပ်စခန်းတစ်ခု၏ဘေးတွင် အစ္စရေးကာကွယ်ရေးတပ်ဖွဲ့ (IDF) က အစ္စရေး အလံ ကို စိုက်ထူခဲ့ကြောင်း၊ အဆိုပါလုပ်ရပ်သည် ငြိမ်းချမ်းရေးတပ်ဖွဲ့ဝင်များအပေါ် ပစ်မှတ်ထားတိုက်ခိုက်မှုများ ကျရောက်လာစေနိုင်ကြောင်း ကုလ သမဂ္ဂက သတိပေးပြောကြားလိုက်သည်။နယ်စပ်တစ်လျှောက် အစ္စရေးတပ်ဖွဲ့များနှင့် လက်ဘနွန်အခြေစိုက် ဟစ်ဇဘိုလာအဖွဲ့တို့အကြား အပြန်အလှန်ပစ်ခတ်မှုများ ပြင်းထန်လာနေပြီး ယင်းပဋိပက္ခအတွင်း ကုလသမဂ္ဂတပ်ဖွဲ့ဝင်များပါ စစ်မီးအတွင်းသို့ ပိုမိုရောက်ရှိလာချိန်တွင် အဆိုပါဖြစ်ရပ် ပေါ်ပေါက်လာခြင်း ဖြစ်သည်။ မကြာသေးမီရက်ပိုင်းအတွင်းကပင် လက်ဘနွန်ရှိ ကုလသမဂ္ဂယာယီ တပ်ဖွဲ့ (UNIFIL) မှ အင်ဒိုနီးရှားနိုင်ငံသား တပ်ဖွဲ့ဝင် ၃ ဦးမှာ သီးခြားဖြစ်ရပ် နှစ်ခုအတွင်း သေဆုံးခဲ့ပြီး အခြားတပ်ဖွဲ့ဝင်တစ်ဦးလည်း ကျည်ဆန်ထိမှန် ဒဏ်ရာရရှိခဲ့သည်။ကြာသပတေးနေ့ (ဧပြီ ၂) က ပြုလုပ်ခဲ့သော ကုလသမဂ္ဂ သတင်းစာရှင်းလင်းပွဲတွင် ပြောရေးဆိုခွင့်ရှိသူ Stephane Dujarric က ကဖာကီလာ (Kfar Kila) ကျေးရွာအနီးရှိ စခန်းတစ်ခုတွင် အလံစိုက်ထူခဲ့ပြီးနောက် ငြိမ်းချမ်းရေးတပ်ဖွဲ့ဝင်များက ထိုအလံကို ဖယ်ရှားပေးရန် တောင်းဆိုခဲ့ကြောင်း ပြောကြားခဲ့သည်။ ထို့ပြင် အစ္စရေးတပ်ဖွဲ့များသည် ကုလသမဂ္ဂက သတ်မှတ်ထားသော Blue Line (အပြာရောင်မျဉ်း) ၏ အနောက်ဘက်ခြမ်းသို့ ကျူးကျော်ဝင်ရောက်မှုများ တိုးမြှင့်လုပ်ဆောင်လာပြီး အနောက်ဘက်ဒေသတွင် တင့်ကားများနှင့် တိုက်ခိုက်နေကြောင်း ၎င်းက ဆက်လက်ပြောဆိုခဲ့သည်။"ဒီအလံစိုက်ထူမှုဟာ UNIFIL ရဲ့ ဘက်မလိုက်မှုကို ထိခိုက်စေသလို လက်ရှိဖြစ်ပွားနေတဲ့ တိုက်ပွဲတွေကြားထဲမှာ ငြိမ်းချမ်းရေးတပ်ဖွဲ့ဝင်တွေဆီ ပစ်ခတ်မှုတွေ ဦးတည်လာအောင် ဖိတ်ခေါ်သလို ဖြစ်နေပါတယ်" ဟု Dujarric က သတင်းထောက်များကို ပြောကြားခဲ့ပြီး မစ်ရှင်ကို ပိုမို အန္တရာယ် ဖြစ်စေမည့်လုပ်ရပ်မျိုး မလုပ်ဆောင်ကြရန် အဖွဲ့အစည်းအားလုံးကို တိုက်တွန်းခဲ့သည်။ကဖာကီလာကျေးရွာသည် အစ္စရေးတပ်ဖွဲ့နှင့် ဟစ်ဇဘိုလာတို့ တိုက်ပွဲဖြစ်ပွားနေသော နယ်စပ်ရွာတစ်ရွာဖြစ်ပြီး အစ္စရေး (IDF) က လက်နက်ကိုင်များ၏ အခြေခံအဆောက်အအုံများကို ပစ်မှတ်ထားသည့် လုံခြုံရေးဇုန်ဖော်ဆောင်ရန်အတွက် ဖျက်ဆီးရန်လျာထားသော နေရာများထဲတွင်ပါဝင်နေကြောင်း သိရှိရသည်။ လက်ဘနွန်သံတမန်နှင့် ကုလသမဂ္ဂ အရပ်ဘက်လူမှုအဖွဲ့အစည်း ကိုယ်စားလှယ်ဖြစ်သူ Mohamad Safa က အဆိုပါအလံပုံကို X ပေါ်တွင် မျှဝေခဲ့သည်။ ၎င်းက ထိုပုံကို ကုလသမဂ္ဂငြိမ်းချမ်းရေးတပ်ဖွဲ့ဝင်တစ်ဦးက ရိုက်ကူးခဲ့ခြင်းဖြစ်ပြီး "ကုလသမဂ္ဂ တပ်ဖွဲ့ဝင် ၃ ဦးကို သတ်ဖြတ်ခံရပြီး နောက်တစ်ရက်မှာပင် IDF စစ်သားတွေက အလံစိုက်ထူခဲ့တာ ဖြစ်တယ်" ဟု ရေးသားခဲ့သည်။အင်ဒိုနီးရှားတပ်ဖွဲ့ဝင် ၂ ဦး သေဆုံးမှုအတွက် ကနဦး စုံစမ်းစစ်ဆေးချက်များအရ ဘာနီဟိုင်ယန် (Bani Haiyyan) မြို့အနီးတွင် ၎င်းတို့၏ ယာဉ်တန်းကို လမ်းဘေးဗုံးဖြင့် တိုက်ခိုက်ခံရခြင်းဖြစ်ကြောင်း သိရှိရပြီး တတိယမြောက်တပ်ဖွဲ့ဝင်မှာမူ အဒ်ချစ်အယ်လ်ကူဆေးရ် (Aadchit al-Qusayr) ရွာအနီးရှိ UNIFIL စခန်းသို့ လက်နက်ကြီးကျည်ကျရောက်မှုကြောင့် သေဆုံးခဲ့ခြင်းဖြစ်သည်။ ရုရှားနိုင်ငံကလည်း UNIFIL တပ်ဖွဲ့ဝင် များအပေါ် တိုက်ခိုက်မှုကို ပြင်းပြင်းထန်ထန်ရှုတ်ချခဲ့ပြီး တာဝန်ရှိသူများကို ဖော်ထုတ်ရန် ကုလသမဂ္ဂကို တောင်းဆိုထားသည်။၁၉၇၈ ခုနှစ်ကတည်းက စတင်ဖွဲ့စည်းခဲ့သော UNIFIL တွင် လက်ရှိ၌ နိုင်ငံပေါင်းစုံမှ ငြိမ်းချမ်းရေးတပ်ဖွဲ့ဝင် ၇,၅၀၀ ခန့် ပါဝင်သည်။ ပြီးခဲ့သည့် နှစ်က လုံခြုံရေးကောင်စီ၏ ဆုံးဖြတ်ချက်အရ ၎င်းတို့၏ တာဝန်ထမ်းဆောင်မှုကာလသည် ၂၀၂၆ ခုနှစ်ကုန်တွင် ကုန်ဆုံးမည်ဖြစ်ပြီး ၂၀၂၇ ခုနှစ်တွင် လက်ဘနွန်အစိုးရတပ်ဖွဲ့များထံ စခန်းများလွှဲပြောင်းကာ အပြီးအပိုင် ရုပ်သိမ်းသွားရန် စီစဉ်ထားသည်။ကိုးကား - RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
တပ်မတော်(ကြည်း၊ ရေ၊ လေ)လက်ရုံး/ဝန်ထမ်းတပ်များတွင် စစ်မှုထမ်းဆောင်ရန် အခြားအဆင့်အမျိုးသမီးစစ်မှုထမ်းများအလိုရှိသည်
၁။         လျှောက်ထားသူသည် အောက်ပါအရည်အချင်းများနှင့် ပြည့်စုံရမည်-            (က)     ပြည်ထောင်စုသမ္မတမြန်မာနိုင်ငံသား အိမ်ထောင်မရှိဖူးသူ(အပျို)ဖြစ်ရမည်။            (ခ)       လျှောက်ထားသူသည်  ၁၈-၅-၂ဝ၂၆ ရက်နေ့တွင်  အသက်(၁၈)နှစ်ပြည့်ပြီး   အသက်(၂၅)နှစ်ထက်  မကြီးရ။            (ဂ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ပြီးသူဖြစ်ရမည်။            (ဃ)     အနည်းဆုံး အရပ်(၅)ပေ(၂)လက်မ၊ ကိုယ်အလေးချိန် ပေါင်(၁ဝဝ)နှင့်အထက်ရှိရမည်။                      (အထက်ပါအတိုင်း ကိုယ်အလေးချိန် သတ်မှတ်ထားသော်လည်း အသက်ငယ်ရွယ်သူများ ဖြစ်သဖြင့် ကိုယ်အလေးချိန်အား ခြွင်းချက်အနေဖြင့် စဉ်းစားပါမည်။)            (င)       အမြင်အာရုံကြီးမားစွာချို့ယွင်းသူ မဖြစ်စေရ။၂။ လျှောက်လွှာများအား နီးစပ်ရာတပ်/ဌာနချုပ်များတွင် အခမဲ့ထုတ်ယူ၍ဖြစ်စေ Myawady   Webportal (www.myawady.net.mm/ private (female))တွင် Download ရယူ၍ဖြစ်စေ အောက်ပါစာရွက်စာတမ်းများနှင့်အတူ ၂၇-၂-၂၀၂၆ ရက်နေ့မှ ၂၁-၄-၂၀၂၆ ရက်နေ့အတွင်း နီးစပ်ရာတပ်/ဌာနချုပ်များသို့ လူကိုယ်တိုင်ဖြစ်စေ၊ စာတိုက်မှဖြစ်စေ ပေးပို့လျှောက်ထားရမည်-                    (က)     နိုင်ငံသားစိစစ်ရေးကတ်ပြား(မိတ္တူ)။                 (ခ)       အခြေခံပညာအဋ္ဌမတန်း(သို့မဟုတ်) Grade-9 အောင်မြင်ကြောင်း သက်ဆိုင်ရာ ကျောင်းထွက်လက်မှတ်(မူရင်း)နှင့် ဒီပလိုမာ/ဘွဲ့ရရှိပြီးသူများဖြစ်ပါက ဒီပလိုမာ/ဘွဲ့လက်မှတ်(မူရင်း)။            (ဂ)       အကျင့်စာရိတ္တကောင်းမွန်ကြောင်း သက်ဆိုင်ရာပြည်နယ်/တိုင်းဒေသကြီး/ မြို့နယ် ရဲတပ်ဖွဲ့စခန်းတစ်ခုခုမှ တင်ပြသည့်နေ့မတိုင်မီ တစ်လအတွင်းရရှိသည့်ထောက်ခံစာ(မူရင်း)။            (ဃ)     တစ်လအတွင်းရိုက်ကူးထားသော ပတ်စ်ပို့အရွယ် ရောင်စုံဓာတ်ပုံ(၃)ပုံ။            (င)       အိမ်ထောင်စုဝင်စာရင်း(မိတ္တူ)။            (စ)       မိဘ/အုပ်ထိန်းသူ၏သဘောတူညီကြောင်းထောက်ခံချက်။         ၃။         ပဏာမရွေးချယ်ကြောင်း အကြောင်းကြားစာရရှိသူများသည် သတ်မှတ်ရက်အတွင်း လျှောက်ထားခဲ့သည့် စစ်ဌာနချုပ်များသို့ သတင်းပို့ရမည်။ ရွေးချယ်ခံရသူများသည် စစ်ဘက်ဆိုင်ရာဆေးစစ်ခြင်းများပြုလုပ်၍ ဆေးစစ်အောင်မြင်သူများအား သင်တန်းသူအဖြစ် အတည်ပြုရွေးချယ်မည်။၄။         အခြေခံတပ်သားသစ်သင်တန်းကို ၄ လ တက်ရောက်ရမည်။ သင်တန်းတက်ရောက်နေစဉ် ကာလအတွင်း တပ်သားသစ်လစာ (၁၄၄ဝဝဝ)ကျပ်ကိုခံစားခွင့်ပြုမည်။ သင်တန်းပြီးဆုံးပါက တပ်သားအခြေခံလစာ(၁၅ဝဝဝဝ)ကျပ်နှင့်စရိတ်များခံစားခွင့်ရရှိမည်။၅။        အခြေခံတပ်သားသစ် သင်တန်းတက်ရောက်နေစဉ် ကာလအတွင်း မိမိတာဝန် ထမ်းဆောင်လိုသည့် တပ်မတော်(ကြည်း၊ ရေ၊ လေ)  လက်ရုံး/ဝန်ထမ်း တပ်ဖွဲ့တစ်ခုခုသို့  ဆန္ဒပြုရွေးချယ်နိုင်ပြီး  သင်တန်းဆင်းပြီး  သတ်မှတ်ချက်ကိုက်ညီပါက မိမိဆန္ဒပြုရွေးချယ်ထားသည့် တပ်မတော်(ကြည်း၊ ရေ၊ လေ) လက်ရုံး/ ဝန်ထမ်းတပ်ဖွဲ့(သို့မဟုတ်) သင့်လျော်ရာ လက်ရုံးဝန်ထမ်းတပ်ဖွဲ့တစ်ခုခုတွင် တာဝန်ထမ်းဆောင်ရမည်။မှတ်ချက်။         အသေးစိတ်သိရှိလိုပါက နီးစပ်ရာ တပ်/ဌာနချုပ်များတွင် စုံစမ်းမေးမြန်းနိုင်သည်။MWD
Fri, 3-Apr-2026
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
အီရန်၏ တိုက်ခိုက်မှုများကို ကြားဖြတ်ဟန့်တားရန် လေကြောင်းကာကွယ်ရေး စနစ်များကို အရှေ့အလယ်ပိုင်းသို့ ရွှေ့ပြောင်းမည်မဟုတ်ဟု ပိုလန်ပြော
     အီရန်၏ တိုက်ခိုက်မှုများကို ကြားဖြတ်ဟန့်တားရန်အတွက် ပိုလန်နိုင်ငံအနေဖြင့် ၎င်းတို့၏ အမေရိကန်လုပ် ပက်ထရီးယော့လေကြောင်း ကာကွယ်ရေးစနစ်များကို အရှေ့အလယ်ပိုင်းဒေသ သို့ ရွှေ့ပြောင်းသွားမည်မဟုတ်ကြောင်း ပိုလန်ကာကွယ်ရေးဝန်ကြီး ဝလက်ဒီစလော ကိုဆီနီယက် ကာမစ်က ပြောကြားသည်။အမေရိကန်အစိုးရအနေဖြင့် စစ်လက်နက်များကို ပင်တဂွန်စစ်ဌာနချုပ်တွင် အကန့်အသတ်မရှိ သိုလှောင်ထားသည်ဟု သမ္မတ ဒေါ်နယ်ထရမ့်က ပြောကြားခဲ့သော်လည်း အမေရိကန်နှင့် အစ္စရေးနိုင်ငံတို့က လုပ်ဆောင်လျက်ရှိသည့်  ပူးတွဲဗုံးကြဲတိုက်ခိုက်မှုများသည် ဒေသတွင်းရှိ အမေရိကန်စစ်အခြေစိုက်စခန်းများကို အီရန်နိုင်ငံက ဆက်လက်၍ တုံ့ပြန်တိုက်ခိုက်နိုင်စွမ်းကို ဟန့်တားနိုင်ခြင်းမရှိခဲ့ပေ။ထို့ကြောင့်   အမေရိကန်ပြည်ထောင်စုသည် အီရန်နှင့်ဖြစ်ပွားနေသော စစ်ပွဲအတွက် ပိုလန်နိုင်ငံမှ ပက်ထရီးယော့ဒုံးကျည်စနစ် အနည်းဆုံးနှစ်စုံနှင့် ပိုလန်သို့ ယခင်ကရောင်းချထားသည့် PAC-3 MSE ဒုံးကျည်အချို့ကို အမေရိကန်ထံသို့ ငှားရမ်းပေးရန် တောင်းဆိုခဲ့ကြောင်း ပိုလန်နိုင်ငံထုတ် သတင်းစာကြီးတစ်စောင်ဖြစ်သည့် Rzeczpospolita က မတ်လအကုန်ပိုင်းတွင် ဖော်ပြခဲ့ကြောင်းသိရသည်။သို့သော် ပိုလန်နိုင်ငံရှိ ပက်ထရီးယော့ဒုံးကျည် ကာကွယ်ရေးစနစ်များသည် နိုင်ငံ၏ဝေဟင်ပိုင်နက်နှင့် နေတိုးအဖွဲ့၏အရှေ့ပိုင်းအား အကာအကွယ်ပေးရန် အတွက်  အသုံးပြုနေခြင်းဖြစ်ကြောင်း၊ အဆိုပါဒုံးကျည် လွှဲပြောင်းပေးရေးနှင့် စပ်လျဉ်း၍ မည်သည့်အရာမျှ ပြောင်းလဲမည်မဟုတ်ကြောင်း၊ ၎င်းဒုံးကျည်စနစ်များအား မည်သည့်နေရာသို့မျှ ရွှေ့ပြောင်းရန် အစီအစဉ်မရှိကြောင်း ပိုလန်ကာကွယ်ရေးဝန်ကြီး ကိုဆီနီယက်ကာမစ်က   ၎င်း၏လူမှုကွန်ရက်တွင် ရေးသား ဖော်ပြခဲ့ကြောင်း သိရသည်။ MWD
Fri, 3-Apr-2026
© Copyright 2024 SAC All Rights Reserved.