ဖင်လန်ရဲ့သဲဘက်ထရီနည်းပညာအသစ်က အပူစွမ်းအင်ကို ၁၀ ဆ မြန်ဆန်စွာကူးပြောင်းစေနိုင်

NoahJune222

News Image

  • ဖင်လန်ရဲ့သဲဘက်ထရီနည်းပညာအသစ်က အပူစွမ်းအင်ကို ၁၀ ဆ မြန်ဆန်စွာကူးပြောင်းစေနိုင်

ဖင်လန်နိုင်ငံမှ စွမ်းအင်ကုမ္ပဏီတစ်ခုက အရင်ကထက် အပူကူးပြောင်းမှုစွမ်းရည် ၁၀ ဆပိုမိုမြန်ဆန်တဲ့ သဲဘက်ထရီ အမျိုးအစားအသစ်ကို တီထွင်လိုက်ပြီလို့ သိရပါတယ်။ ဒီနည်းပညာကြောင့် အိမ်တွေ၊ စက်ရုံတွေမှာ သုံးစွဲရတဲ့ စွမ်းအင်ကုန်ကျစရိတ်ကို ၇၀ ရာခိုင်နှုန်းလောက်အထိ လျှော့ချပေးနိုင်တော့မှာဖြစ်ပါတယ်။

သဲဘက်ထရီဆိုတာက နေရောင်ခြည်နဲ့ လေစွမ်းအင်ကနေရတဲ့ ပိုလျှံလျှပ်စစ်ဓာတ်အားကို အပူအဖြစ်ပြောင်းပြီး သဲတွေထဲမှာ သိုလှောင်ထားတဲ့ စနစ်တစ်ခုပါ။ အခုနည်းပညာအသစ်မှာတော့ အပူသယ်ဆောင်ပေးတဲ့ ပိုက်လိုင်းစနစ်တွေကို အဆင့်မြှင့် တင်ထားလို့ အပူကို ၁၀ ဆ ပိုမိုမြန်ဆန်စွာသိုလှောင်နိုင်သလို ပြန်ထုတ်ယူတဲ့အခါမှာလည်း ပိုပြီးထိရောက်လာတာ ဖြစ်ပါတယ်။

ဒီနည်းပညာရဲ့ အဓိကအားသာချက်ကတော့ ဈေးနှုန်းကြီးမြင့်တဲ့ ဘက်ထရီတွေအစား အလွန်ဈေးပေါတဲ့ သဲကိုပဲသုံးထားတာကြောင့် ကုန်ကျစရိတ်များစွာ သက်သာသွားတာပါ။ ဖင်လန်နိုင်ငံလိုမျိုး အေးတဲ့ဒေသတွေမှာ      ဆောင်းရာသီအတွက် လိုအပ်တဲ့ အပူစွမ်းအင်ကို လပေါင်းများစွာ ကြာအောင် သိုလှောင်ထားပြီး ပြန်သုံးနိုင်လို့ ရုပ်ကြွင်းလောင်စာတွေပေါ် မှီခိုနေရမှုကိုလည်း ကောင်းစွာလျှော့ချပေးနိုင်မှာ ဖြစ်ပါတယ်။                                 

Ref: IE

ကိုထက်

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

မည်သည့်ဒရုန်းအမျိုးအစားနှင့်မဆို တွဲဖက်အသုံးပြုနိုင်သည့် ဒရုန်းထိန်းချုပ်ရေး ဆော့ဝဲတစ်ခုကို ရုရှားအင်ဂျင်နီယာများဖန်တီး
မည်သည့်ဒရုန်းအမျိုးအစားနှင့်မဆို တွဲဖက်အသုံးပြုနိုင်သည့် ဒရုန်းထိန်းချုပ်ရေး ဆော့ဝဲတစ်ခုကို ရုရှားအင်ဂျင်နီယာများဖန်တီး
     ရုရှားနိုင်ငံမှ အင်ဂျင်နီယာများသည် ဒရုန်းများ  ထိန်းချုပ်မောင်းနှင်သူများကို လေ့ကျင့်သင်ကြားပေးရာတွင်  အလုံးစုံအသုံးချနိုင်မည့်  ဒရုန်းထိန်းချုပ်ရေး ဆော့ဝဲတစ်ခုကို ဖန်တီးထုတ်လုပ်လိုက်ပြီဖြစ်ကြောင်း သိရသည်။ မော်စကိုလေကြောင်းတက္ကသိုလ်မှ လူငယ်အင်ဂျင်နီယာ အဖွဲ့တစ်ဖွဲ့သည် မည်သည့်ဒရုန်းအမျိုးအစား နှင့်မဆို တွဲဖက်အသုံးပြုနိုင်သည့်  ဆော့ဝဲတစ်ခုကို တီထွင်ဖန်တီးလိုက်ခြင်းဖြစ်သည်။အဆိုပါဆော့ဝဲသည် WiFi မှတစ်ဆင့် မည်သည့်ဒရုန်း အမျိုးအစားကိုမဆိုထိန်းချုပ်နိုင်သည့် အဝေးထိန်းစနစ်ပင်ဖြစ်သည်။ သာမန်လက်ကိုင်ထိန်းချုပ်စနစ်နှင့် အထူးကျွမ်းကျင်မှုများ မလိုအပ်ဘဲ ပျံသန်းမှုကို လုပ်ဆောင်နိုင်စေသောကြောင့် အော်ပရေတာများကို လေ့ကျင့်သင်ကြားပေးရာတွင်  ပိုမိုမြန်ဆန်စေမည်ဖြစ်သည်။ထို့ကြောင့် အဆိုပါ ဒရုန်းထိန်းချုပ်ရေး ဆော့ဝဲသည်     WiFi ချိတ်ဆက်မှုကို အသုံးပြု၍ မည်သည့်ဒရုန်း အမျိုးအစားနှင့်မဆို တွဲဖက်အသုံးပြုနိုင်သည့် မိုဘိုင်းအက်ပလီကေးရှင်း တစ်ခုဖြစ်လာမည်ဖြစ်သည်။ MWD
Thu, 2-Apr-2026
နောက်ဆုံးပေါ် မောင်းသူမဲ့ရေယာဉ်များကို တပ်ဖွဲ့ဝင်များထံ ရုရှားပေးအပ်
နောက်ဆုံးပေါ် မောင်းသူမဲ့ရေယာဉ်များကို တပ်ဖွဲ့ဝင်များထံ ရုရှားပေးအပ်
      ရုရှားနိုင်ငံသည်   အထူးစစ်ဆင်ရေး နယ်မြေအတွင်းရှိ ၎င်းတို့၏တပ်ဖွဲ့ဝင်များ အသုံးပြုနိုင်ရန်     ဖိုက်ဘာအော့ပတစ် ဆက်သွယ်ရေးစနစ်သုံး နောက်ဆုံးပေါ် မောင်းသူမဲ့ရေယာဉ်များကို ပေးအပ်လိုက်ပြီဖြစ်ကြောင်း ရုရှားစစ်ဘက်သုံးလက်နက် ထုတ်လုပ်ရေးနှင့်    သုတေသနဌာနမှ ဒုတိယအထွေထွေညွှန်ကြားရေးမှူး အဗ်ဂျီနီ မန်ဒယ်လ်စတမ်က မတ်လ ၃၁ ရက်တွင် ပြောကြားသည်။Shell ဟုအမည်ပေးထားသည့် အဆိုပါမောင်းသူမဲ့ရေယာဉ်များအား ရုရှားတပ်ဖွဲ့အချို့    လက်ခံရရှိထားပြီးဖြစ်ကြောင်း၊ ၎င်းတပ်ဖွဲ့များအား အော်ပရေတာများက ကြိုတင်လေ့ကျင့် ပေးထားပြီးဖြစ်ကြောင်း  မန်ဒယ်လ်စတမ်က TASS သတင်းဌာနနှင့် လုပ်ဆောင်ခဲ့သည့် တွေ့ဆုံမေးမြန်းခန်းတစ်ခုတွင်ပြောကြားသည်။ထို့ပြင် လူမဲ့စနစ်များဆိုင်ရာ နည်းပညာနှင့် စစ်ဆင်ရေးဌာနမှ စစ်ဘက်ကျွမ်းကျင်သူများသည် Koshchey ဟု အမည်ပေးထားသည့် အကြီးစားဒရုန်းအသစ်များကို အထူးစစ်ဆင်ရေး နယ်မြေအတွင်းရှိ ရုရှားတပ်ဖွဲ့များထံ ပေးပို့ရန် ပြင်ဆင်လျက်ရှိကြောင်း  ရုရှားကာကွယ်ရေး ဝန်ကြီးဌာနက ဇန်နဝါရီလ ၃၁ ရက်နေ့တွင် ထုတ်ပြန်ထားသည်။MWD
Thu, 2-Apr-2026
မျိုးသုဉ်းသွားသည့် အမွေးရှည်ကြံ့ကြီးများ၏ မေးရိုးများကို ပထမဆုံးအကြိမ်အဖြစ် ကွန်ပျူတာဓာတ်မှန်အား အသုံးပြု၍ ရုရှားသိပ္ပံပညာရှင်များ လေ့လာ
မျိုးသုဉ်းသွားသည့် အမွေးရှည်ကြံ့ကြီးများ၏ မေးရိုးများကို ပထမဆုံးအကြိမ်အဖြစ် ကွန်ပျူတာဓာတ်မှန်အား အသုံးပြု၍ ရုရှားသိပ္ပံပညာရှင်များ လေ့လာ
     ရုရှားနိုင်ငံ နိုဗိုစီဘတ်တက္ကသိုလ်မှ  သိပ္ပံပညာရှင်များသည်  သမိုင်းမတင်မီခေတ်အတွင်း၌ ရှင်သန်ကျက်စားပြီး မျိုးသုဉ်းသွားခဲ့သည့်  အမွေးရှည်ကြံ့ကြီးများ၏ မေးရိုးများကို  ပထမဆုံးအကြိမ်အဖြစ် ကွန်ပျူတာဓာတ်မှန်အား အသုံးပြု၍ လေ့လာခဲ့ကြကြောင်း သိရသည်။သိပ္ပံပညာရှင်များ၏ အဆိုပါလေ့လာမှုသည် ရှေးဟောင်းတိရစ္ဆာန်များ၏ သွားများ မည်သို့ပြောင်းလဲလာသည်ကို နားလည်သဘောပေါက်စေရန် အထောက်အကူပြုမည်ဖြစ်ပြီး ထိုသို့လေ့လာရာမှ ရရှိလာသည့်တွေ့ရှိမှုများကို   လက်ရှိမျိုးသုဉ်းမည့်ဘေးနှင့် ကြုံတွေ့နေရသည့်ကြံ့များအား လေ့လာရာတွင် အသုံးပြုသွားမည်ဖြစ်ကြောင်း အဆိုပါတက္ကသိုလ်ရှိ ပြန်ကြားရေးဌာနက ထုတ်ပြန်ထားသည်။လေ့လာခဲ့သည့်ပစ္စည်းများတွင် ပလိုက်စတိုဆင်းခေတ်အတွင်း    ဆိုက်ဘေးရီးယားတောင်ပိုင်း၌ နေထိုင်ခဲ့သည့် အမွေးရှည်ကြံ့များ၏ မေးရိုးအပိုင်းအစ ငါးခုပါဝင်ပြီး သိပ္ပံပညာရှင်များက အရည်အသွေးမြင့် 3D ပုံရိပ်ဖော်စနစ်ကိုအသုံးပြု၍ လေ့လာခဲ့ကြခြင်းဖြစ်သည်။ ယခုလေ့လာခဲ့သည့်နမူနာများသည်  အသက် ၃ နှစ်ခွဲမှ ၅ နှစ်ဝန်းကျင်ရှိ အမွေးရှည် ကြံ့အကောင်ပေါက်လေးများ၏ မေးရိုးများဖြစ်ကြောင်း၊ အဆိုပါအသက်အရွယ်သည် ၎င်းတို့၏ ငယ်သွားများမှ အရွယ်ရောက်ပြီး ကြံ့များ၏ သွားများအဖြစ် ပြောင်းလဲသည့် အချိန်ဖြစ်ကြောင်း ဘူမိဗေဒနှင့် တွင်းထွက်ပစ္စည်းဗေဒဌာနမှ    အကြီးတန်းသုတေသီ တစ်ဦးဖြစ်သူ ဒီမီထရီမာလီကော့က ပြောကြားထားကြောင်း သိရသည်။MWD
Thu, 2-Apr-2026
UFO နှင့် ဂြိုဟ်သားများမှာ မိစ္ဆာများသာဖြစ်ကြောင်း အမေရိကန် ဒုတိယသမ္မတ J.D. Vance ပြောကြား
UFO နှင့် ဂြိုဟ်သားများမှာ မိစ္ဆာများသာဖြစ်ကြောင်း အမေရိကန် ဒုတိယသမ္မတ J.D. Vance ပြောကြား
အမေရိကန်ဒုတိယသမ္မတ J.D. Vance က အမျိုးအမည်မသိယာဉ်ပျံ (UFO) များနှင့် ဂြိုဟ်သား (Aliens) ဆိုသည်မှာ အမှန်တကယ်တွင် "မိစ္ဆာများ (Demons)" သာဖြစ်ကြောင်းနှင့် ယင်းနှင့်ပတ်သက်သည့် အစိုးရ၏ လျှို့ဝှက်ဖိုင်တွဲများကို ရှာဖွေဖော်ထုတ်သွားမည်ဖြစ်ကြောင်း ထုတ်ဖော်ပြောကြားလိုက်သည်။ ပြီးခဲ့သည့် သောကြာနေ့ (မတ် ၂၇) က Podcaster Benny Johnson နှင့် အင်တာဗျူးရာတွင် Vance က ၎င်းအနေဖြင့် UFO ကိစ္စရပ်များကို အထူးစိတ်ဝင်စားပြီး အစိုးရ၏ အဆင့်မြင့်လျှို့ဝှက်ချက်များကို ကြည့်ရှုခွင့်ရသည့် လက်ရှိ ၃ နှစ်တာကာလအတွင်း Area 51 ကဲ့သို့သောလျှို့ဝှက်စခန်းများအထိ သွားရောက်ကာ အမှန်တရားကို စုံစမ်း ဖော်ထုတ်သွားမည်ဟု ဆိုသည်။Vance ၏ အမြင်အရ ဂြိုဟ်သားဆိုသည်မှာ အာကာသမှလာသူများမဟုတ်ဘဲ ခရစ်ယာန်ဘာသာရေးအယူအဆအရ လူသားတို့အပေါ် ထူးဆန်းသောအပြုအမူများပြုလုပ်လေ့ရှိသည့် "ကောင်းကင်ယံမှ နတ်မိစ္ဆာသတ္တဝါများ" သာဖြစ်ကြောင်း ဖွင့်ဆိုခဲ့သည်။ထိုအတောအတွင်း သမ္မတ Donald Trump ကလည်း အများပြည်သူ၏ စိတ်ဝင်စားမှုမြင့်တက်လာခြင်းကြောင့် UFO နှင့်ပတ်သက်သည့် အစိုးရ ဖိုင်တွဲများကို ရှာဖွေထုတ်ပြန်ရန် ဖက်ဒရယ်အေဂျင်စီများကို ညွှန်ကြားထားသည်။ ထို့ပြင် သမ္မတဟောင်း Barack Obama က ဂြိုဟ်သား များသည် "တကယ်ရှိကြောင်း" လူသိရှင်ကြားပြောဆိုခဲ့မှုအပေါ် Trump က ဝေဖန်ခဲ့ပြီး ယင်းသည် လျှို့ဝှက်သတင်းအချက်အလက်များကို မလို အပ်ဘဲ ထုတ်ဖော်ပြောဆိုခြင်းဖြစ်သည်ဟု မှတ်ချက်ပြုခဲ့သည်။အမေရိကန်အစိုးရသည် မကြာသေးမီနှစ်များအတွင်း ပင်တဂွန် စစ်ဌာနချုပ်၏ AARO ရုံးမှတစ်ဆင့် UFO သတင်းပို့မှုများကို စုံစမ်းစစ်ဆေးမှုများ တိုးမြှင့်လုပ်ဆောင်လာခဲ့သည်။ သို့သော်လည်း ၂၀၂၄ ခုနှစ်၊ မတ်လတွင် ပင်တဂွန်က ထုတ်ပြန်ခဲ့သည့် အစီရင်ခံစာအရ ယခုအချိန်အထိ တွေ့ရှိရသည့်ဖြစ်စဉ်များသည် ဂြိုဟ်သားနည်းပညာဖြစ်ကြောင်း သက်သေအထောက်အထားမရှိသေးဘဲ အများစုမှာ မိုးလေဝသပူဖောင်းများ၊ ဂြိုဟ်တုများနှင့် ထောက်လှမ်းရေးလေယာဉ်များကဲ့သို့သော ပုံမှန်အရာဝတ္ထုများသာဖြစ်ကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
Chery က စွမ်းဆောင်ရည်မြင့်မားပြီး တစ်ကြိမ်အားဖြည့်ရုံနဲ့ မိုင်ပေါင်း ၁၂၄၀ အထိ မောင်းနှင်နိုင်တဲ့ ကားအသစ်ကိုမိတ်ဆက်
Chery က စွမ်းဆောင်ရည်မြင့်မားပြီး တစ်ကြိမ်အားဖြည့်ရုံနဲ့ မိုင်ပေါင်း ၁၂၄၀ အထိ မောင်းနှင်နိုင်တဲ့ ကားအသစ်ကိုမိတ်ဆက်
     တရုတ်ကားကုမ္ပဏီကြီး Chery က စွမ်းဆောင်ရည် အလွန်မြင့်မားပြီး တစ်ကြိမ်အားသွင်းလိုက်ရုံနဲ့ မိုင်ပေါင်း ၁၂၄၀ အထိမောင်းနှင်နိုင်တဲ့ Fulwin T9L ဆိုတဲ့ကားအသစ်ကို မိတ်ဆက်လိုက်ပါတယ်။ ဒီကားကို 135 Air၊ 135 Pro၊ 230 Pro နဲ့ အဆင့်မြင့်ဆုံးဖြစ်တဲ့ 230 Max ဆိုပြီး အမျိုးအစားလေးမျိုးနဲ့ ထုတ်လုပ်တာဖြစ်တဲ့အတွက ်ဝယ်ယူသူရဲ့ စိတ်ကြိုက်ရွေးချယ်မှုအပေါ် မူတည်ပြီး စွမ်းဆောင်ရည်တွေ ကွဲပြားမှာပါ။ အထူးသဖြင့် အဆင့်မြင့်ဆုံး အမျိုးအစားမှာဆိုရင် အင်ဂျင်နဲ့လျှပ်စစ်မော်တာ ပေါင်းစပ်မှုကြောင့်ထွက်လာမယ့် စုစုပေါင်းစွမ်းအင်ဟာ ၃၇၅ ကီလိုဝပ်အထိ ရှိမှာဖြစ်လို့ သူ့ရဲ့အမျိုးအစားတူကားတွေထဲမှာ စွမ်းဆောင်ရည်မြင့် SUV တစ်စီးဖြစ်လာမှာပါ။လျှပ်စစ်စွမ်းအင်သီးသန့်အသုံးပြုတာနဲ့တင် မိုင် ၈၀ ကနေ ၁၄၀ ကျော်အထိ မောင်းနှင်နိုင်မှာဖြစ်ပြီး အင်ဂျင်နဲ့ လျှပ်စစ်ပေါင်းစပ်လိုက်ရင်တော့ ခရီးမိုင်ပေါင်း ၁၂၀၀ ကျော်အထိ အေးအေးဆေးဆေး သွားနိုင်မှာဖြစ်ပါတယ်။ နည်းပညာပိုင်းမှာလည်း အဆင့်မြင့် စနစ်တွေဖြစ်တဲ့ Lidar ဆင်ဆာတွေ၊ စမတ်မောင်းနှင်မှုစနစ်တွေကို ထည့်ပေးထားလို့ ဘေးကင်းလုံခြုံမှုကို ပိုမိုစိတ်ချရစေမှာပါ။ဒါ့အပြင် Chery ကုမ္ပဏီအနေနဲ့ ကားဝယ်ယူမယ့်သူတွေရဲ့ အကြံပြုချက်တွေကိုပါ ရယူဖန်တီးသွားမှာဖြစ်ပါတယ်။    MWD
Sun, 29-Mar-2026
တရုတ်နိုင်ငံရဲ့ ရိုင်ဖယ်တပ်စက်ရုပ်ခွေးတွေက စုဖွဲ့တိုက်ခိုက်နိုင်တဲ့ စနစ်အသစ်ကို အသုံးပြုနိုင်
တရုတ်နိုင်ငံရဲ့ ရိုင်ဖယ်တပ်စက်ရုပ်ခွေးတွေက စုဖွဲ့တိုက်ခိုက်နိုင်တဲ့ စနစ်အသစ်ကို အသုံးပြုနိုင်
     တရုတ်နိုင်ငံရဲ့ ရိုင်ဖယ်တပ်စက်ရုပ်ခွေး အမြောက်အမြားဟာ ဒရုန်းအုပ်စုတွေလို ဦးနှောက်တစ်ခုတည်းကို မျှဝေသုံးစွဲပြီး စုဖွဲ့တိုက်ခိုက်နိုင်တဲ့ စနစ်အသစ်ကို အသုံးပြုကာ မြို့ပြရှင်းလင်းရေး စစ်ဆင်ရေးတွေကို အောင်မြင်စွာ လုပ်ဆောင်နိုင်ခဲ့ပါတယ်။ ဝံပုလွေအုပ်စုလိုမျိုး စုပေါင်းလှုပ်ရှားနိုင်တဲ့ ဒီစက်ရုပ်ခွေးတွေဟာ ခန္ဓာကိုယ်ကြံ့ခိုင်မှုနဲ့ လုပ်ဆောင်နိုင်စွမ်းမြင့်မားအောင် တည်ဆောက်ထားပြီး ခက်ခဲတဲ့မြေပြင်အနေအထားတွေမှာပါ မြန်မြန်ဆန်ဆန်သွားလာနိုင်သလို ပစ္စည်းကိရိယာ အမြောက်အမြားကိုလည်း သယ်ဆောင်နိုင်ပါတယ်။ သူတို့ကို အသံနဲ့ဖြစ်စေ၊ လက်အိတ်နဲ့ဖြစ်စေ ထိန်းချုပ်နိုင်ပြီး တစ်နာရီကို ၁၅ ကီလိုမီတာနှုန်းအထိပြေးနိုင်ကာ အလေးချိန် ၂၅ ကီလိုဂရမ်အထိ သယ်ဆောင်နိုင်စွမ်း ရှိပါတယ်။ ဒီစက်ရုပ်ခွေးတွေဟာ ဒရုန်းတွေနဲ့ပါ ပူးပေါင်းပြီး ဝေဟင်နဲ့မြေပြင် ဟန်ချက်ညီ စစ်ဆင်ရေးတွေ လုပ်ဆောင်နိုင်တာကြောင့် အနာဂတ်စစ်ပွဲတွေရဲ့ပုံစံကို ပြောင်းလဲနိုင်တဲ့နည်းပညာတစ်ခု ဖြစ်လာမှာပါ။ ဒါ့အပြင်စက်ရုပ်တွေက ကိုယ်ပိုင်ဆုံးဖြတ်ချက်နဲ့ပါ တိုက်ခိုက်လာနိုင်မှာဖြစ်တယ်လို့ ပညာရှင်များက ပြောပါတယ်။MWD
Sun, 29-Mar-2026
© Copyright 2024 SAC All Rights Reserved.