ဂျပန်နိုင်ငံတွင် နှင်းထူထပ်စွာကျဆင်းမှုကြောင့် သေဆုံးသူ ၃၀ အထိရှိလာ

dpWEB1234

News Image

  • ဂျပန်နိုင်ငံတွင် နှင်းထူထပ်စွာကျဆင်းမှုကြောင့် သေဆုံးသူ ၃၀ အထိရှိလာ

တိုကျို၊ သဘာဝဘေး

ဂျပန်နိုင်ငံတွင် ပုံမှန်ထက်ထူးကဲသည့်နှင်းထူထပ်စွာကျဆင်းမှုကြောင့် လွန်ခဲ့သောသီတင်းပတ်နှစ်ပတ်အတွင်း သေဆုံးသူ ၃၀ အထိရှိလာကြောင်း တာဝန်ရှိသူများက ဖေဖော်ဝါရီလ ၃ ရက်တွင် ထုတ်ပြန်သည်။ နှင်းထု  အလွန်အမင်းထူထပ်မှုကြောင့်မြောက်ပိုင်းဒေသရှိ ဒေသခံများမှာ အိမ်ပြင်ထွက်ရန်ခက်ခဲနေသဖြင့်အစိုးရက ကယ်ဆယ်ရေးအဖွဲ့ဝင်များကို စေလွှတ်ကာ နှင်းများဖယ်ရှားရန် ကူညီဆောင်ရွက်ပေးနေရသည်။

နှင်းဒဏ်အဆိုးရွားဆုံးခံရသည့် အာအိုမိုရီ မြောက်ပိုင်းဒေသတွင် နှင်းထု ၄ ဒသမ ၅ မီတာအထိ စုပုံနေပြီး သေဆုံးသူအများစုမှာလည်း ထိုဒေသမှဖြစ်သည်။ အိမ်ပြင်ရှိ ၃ မီတာခန့်မြင့်သော နှင်းပုံအောက်တွင် အသက် ၉၁ နှစ်အရွယ် အမျိုးသမီးတစ်ဦး၏ ရုပ်အလောင်းကို   တွေ့ရှိရသည့် ဖြစ်စဉ်လည်း ပါဝင်သည်။

အလွန်အားကောင်းသော လေအေးစီးကြောင်းကြောင့် ဂျပန်ပင်လယ်ကမ်းရိုးတန်းတစ်လျှောက် နှင်းအလွန်အကျွံကျဆင်းခဲ့ခြင်းဖြစ်ပြီး ဟွန်ရှူးကျွန်းအလယ်ပိုင်းနှင့် မြောက်ပိုင်းဒေသအချို့တွင် ပုံမှန်ထက် နှစ်ဆကျော်ပိုမိုသော နှင်းထုကိုမြင်တွေ့နေရခြင်းဖြစ်သည်။ အစိုးရက အထူးအစည်းအဝေးပြုလုပ်ပြီး နောက်ထပ်သေဆုံးမှုမရှိစေရေးအစွမ်းကုန်ဆောင်ရွက်ရန် ဝန်ကြီးချုပ်ကညွှန်ကြားထားသည်။         

Ref: ST

MWD

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

မီးဘေးအန္တရာယ်ကြိုတင်ကာကွယ်ရေး စက်သုံးဆီအရောင်းဆိုင်များ အား မီးဘေးလုံခြုံရေး စစ်ဆေး
မီးဘေးအန္တရာယ်ကြိုတင်ကာကွယ်ရေး စက်သုံးဆီအရောင်းဆိုင်များအား မီးဘေးလုံခြုံရေးစစ်ဆေး
ကျောက်ဆည် ဖေဖော်ဝါရီ ၂၂နွေရာသီရောက်ရှိလာပြီဖြစ်သောကြောင့် မီးလောင်မှုမဖြစ်ပွားစေရေး ကြိုတင်ကွယ်သည့်အနေဖြင့် ကျောက်ဆည် မြို့နယ် မီးသတ်ဦးစီးဌာနမှ မီးဘေးကြိုတင်ကာကွယ်ရေးလုပ်ငန်းများ ဆောင်ရွက်လျက်ရှိရာ ယနေ့နံနက်ပိုင်းက မြို့နယ်အတွင်းရှိ စက်သုံးဆီအရောင်းဆိုင်များသို့ ကွင်းဆင်း၍ မီးဘေးလုံခြုံရေးစစ်ဆေးခြင်း များနှင့်191 Report Application အသုံးပြုတတ်စေရန် ပြသခြင်းများ ဆောင်ရွက်ခဲ့ကြောင်း သိရသည်။မီးဘေးလုံခြုံရေးစစ်ဆေးခြင်းများကို ကျောက်ဆည်မြို့နယ်မီးသတ် ဦးစီးမှူး ဦးသန့်ဇင်ဦးနှင့် သန္ဓေ တပ်ဖွဲ့ဝင်များက စက်သုံးဆီအရောင်းများ၏ ဆီသိုလှောင်ကန်များအားစစ်ဆေးခြင်း၊ မီးငြှိမ်းသတ်ရေကန်များနှင့် မီးသတ် ဆေးဗူးများအား စစ်ဆေးခဲ့ပြီး အရေးပေါ်မီးစတင်လောင်ခြင်းဖြစ်ပွားခဲ့ပါက အမြန်ချက်ချင်း မီးငြှိမ်းသတ်နည်းများ အသိပညာပေးဟောပြောခြင်းများ ပြုလုပ်ခဲ့ကြောင်း သိရသည်။ သက်မောင်(ကျောက်ဆည်) 
Sun, 22-Feb-2026
ကျောက်ဆည်မြို့နယ်၌ မန္တလေးငလျင်ဒဏ်ကြောင့် ပျက်စီးဆုံးရှုံးခဲ့သော နေအိမ်များအတွက် ထောက်ပံ့ပစ္စည်းများ ထုတ်ပေးလျက်ရှိ
ကျောက်ဆည်မြို့နယ်၌ မန္တလေးငလျင်ဒဏ်ကြောင့် ပျက်စီးဆုံးရှုံးခဲ့သော နေအိမ်များအတွက် ထောက်ပံ့ပစ္စည်းများ ထုတ်ပေးလျက်ရှိ
ကျောက်ဆည် ဖေဖော်ဝါရီ ၂၀မန္တလေးတိုင်းဒေသကြီး ကျောက်ဆည်မြို့နယ်တွင် မန္တလေးငလျင်ဒဏ်ကြောင့် ပျက်စီးဆုံးခဲ့သည့် နေအိမ် အဆောက်အဦများအတွက် နိုင်ငံတော်မှထောက်ပံ့သော သွပ်၊ သံ၊ ဘိလပ်မြေတို့ကို ပျက်စီးဆုံးရှုံးခဲ့သည့် သက်ဆိုင်ရာ ရပ်ကွက်၊ ကျေးရွာတို့မှ ပြည်သူများထံသို့ လက်ဝယ်အရောက် ထုတ်ပေးလျက်ရှိကြောင်း သိရသည်။ထောက်ပံ့ပစ္စည်းများကို ကျောက်ဆည်မြို့နယ်၊ ငှက္ကတောင်ကျေးရွာအုပ်စု၊ မြို့ရှောင်လမ်းရှိ သော်တာဝင်း လမ်းဖောက် လုပ်ရေး ရှေ့တန်းစခန်း၌ ထားရှိပြီး မြို့နယ်အထွေထွေအုပ်ချုပ်ရေး ဦးစီးဌာနမှ ဝန်ထမ်းများက အလှည့်ကျ တာဝန် ထမ်းဆောင်ပြီး ထုတ်ပေးလျက်ရှိကြောင်းနှင့် နေ့စဉ် အဝင်အထွက်ပစ္စည်းစာရင်းများအား စနစ်တကျ မှတ်တမ်း ပြုစု၍ ထုတ်ပေးကြောင်းသိရသည်။ကျောက်ဆည်မြို့နယ်အနေဖြင့် မန္တလေးငလျင်ဒဏ်ကြောင့် ဝါးထရံကာအိမ်၊ တစ်ထပ်ပျဉ်ထောင်အိမ်၊ နှစ်ထပ် ပျဉ်ထောင်အိမ်၊ တိုက်ခံအိမ်၊ တစ်စိတ်တစ်ပိုင်းပျက်စီး (၄၅၄၀)လုံး၊ လုံးဝပျက်စီး (၆၃၂)လုံး၊ စုစုပေါင်း (၅၁၇၂) လုံး ရှိကြောင်း သိရသည်။သက်မောင် (ကျောက်ဆည်) 
Fri, 20-Feb-2026
ပြင်းထန်သော ဆိုင်ကလုန်းမုန်တိုင်းကြောင့် မဒါဂတ်စကာနိုင်ငံတွင် လူပေါင်း ၅၀ ကျော် သေဆုံး
ပြင်းထန်သော ဆိုင်ကလုန်းမုန်တိုင်းကြောင့် မဒါဂတ်စကာနိုင်ငံတွင် လူပေါင်း ၅၀ ကျော် သေဆုံး
မဒါဂတ်စကာနိုင်ငံတွင်တိုက်ခတ်ခဲ့သော ဆိုင်ကလုန်းမုန်တိုင်း Gezani ကြောင့် အနည်းဆုံး လူပေါင်း ၅၉ ဦး သေဆုံးခဲ့ပြီး ဒေသခံ ၁၆,၀၀၀ ကျော် နေရပ်စွန့်ခွာထွက်ပြေးခဲ့ရကြောင်း အမျိုးသား သဘာဝ ဘေးအန္တရာယ် ဆိုင်ရာ စီမံခန့်ခွဲမှုရုံး (BNGRC) က တနင်္လာနေ့ (ဖေဖော်ဝါရီ ၁၆) တွင် သတင်း ထုတ်ပြန်ခဲ့သည်။ အဆိုပါ အေဂျင်စီ၏ ပြောကြားချက်အရ လူ ၁၅ ဦး ပျောက်ဆုံးနေဆဲဖြစ်ပြီး ၈၀၄ ဦး ဒဏ်ရာရရှိခဲ့ကာ မုန်တိုင်းဒဏ်ကြောင့် ထိခိုက်ခံစားရသူပေါင်း ၄၂၄,၀၀၀ ခန့် ရှိကြောင်း သိရှိရသည်။ဆိုင်ကလုန်းမုန်တိုင်းကြောင့် ပျက်စီးဆုံးရှုံးမှုများ ကျယ်ကျယ်ပြန့်ပြန့် ဖြစ်ပေါ်ခဲ့ပြီးနောက် မဒါဂတ်စကာအစိုးရသည် ဖေဖော်ဝါရီ ၁၄ ရက်နေ့ တွင် နိုင်ငံတော်အဆင့် အရေးပေါ်အခြေအနေအဖြစ် ကြေညာခဲ့သည်။ BNGRC မှ ထုတ်ပြန်သော ပဏာမ ပျက်စီးဆုံးရှုံးမှု အစီရင်ခံစာအရAtsinanana၊ Analamanga၊ Analanjirofo၊ Itasy နှင့် Alaotra Mangoro အစရှိသည့် ဒေသကြီး ၅ ခုရှိ ခရိုင်ပေါင်း ၂၅ ခုတွင် မုန်တိုင်းဒဏ် ခံခဲ့ရသည်။ ထောင်နှင့်ချီသော နေအိမ်များပျက်စီးခဲ့ပြီး အချို့ဒေသများတွင် ဆေးရုံများနှင့်စာသင်ကျောင်းများအပါအဝင် အခြေခံအဆောက်အအုံများ ဆိုးရွားစွာပျက်စီးဆုံးရှုံးခဲ့ကြောင်း အစီရင် ခံစာတွင် ဖော်ပြထားသည်။မဒါဂတ်စကာကျွန်းနိုင်ငံကို ဝင်ရောက်တိုက်ခတ်ချိန်တွင် ဆိုင်ကလုန်း မုန်တိုင်း Gezani သည် အလွန်အင်အားပြင်းသော အပူပိုင်း ဆိုင်ကလုန်း မုန်တိုင်းတစ်ခုဖြစ်ပြီး လေတိုက်နှုန်းမှာ တစ်နာရီလျှင် ၁၈၅ ကီလိုမီတာခန့် နှင့် လေပြင်းတိုက်ခတ်မှုမှာ ၂၇၀ ကီလိုမီတာခန့်အထိ ရှိခဲ့သည်။ ယင်းကြောင့် ခရိုင်များစွာတွင် မိုးသည်းထန်စွာရွာသွန်းပြီး ရေကြီး ရေလျှံမှု များ ဖြစ်ပေါ်ကာ အချို့သော လမ်းမကြီးများမှာ လုံးဝ ဖြတ်သန်း၍ မရအောင် ပျက်စီးခဲ့သည်။ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (OCHA) က မုန်တိုင်းသည် မိုဇမ်ဘစ်ရေလက်ကြားအတွင်းသို့ ရောက်ရှိသွားပြီဖြစ်ပြီး မိုဇမ်ဘစ်နိုင်ငံ အလယ်ပိုင်းနှင့် တောင်ပိုင်းတို့ကို သက်ရောက်မှု ရှိနိုင်ကြောင်း၊ ထို့ပြင် "မဒါဂတ်စကာနိုင်ငံ အနောက်တောင်ဘက် ကမ်းရိုးတန်း သို့ နောက်ကြောင်းပြန်လှည့်လာနိုင်ခြေရှိကြောင်း" သောကြာနေ့ (ဖေဖော်ဝါရီ ၁၃) တွင် သတိပေးထားသည်။Gezani မတိုက်ခတ်မီ ရက်ပိုင်းအလိုကလည်း မဒါဂတ်စကာတွင် အခြား မုန်တိုင်းတစ်ခု ဝင်ရောက်ခဲ့သေးသည်။ ဇန်နဝါရီ ၃၁ ရက်နေ့က အပူပိုင်း ဆိုင်ကလုန်း Fytia ကုန်းတွင်းသို့ဝင်ရောက်ခဲ့ရာ မဒါဂတ်စကာ အနောက် မြောက်ပိုင်းတွင် ရေကြီးမှုများဖြစ်ပေါ်ခဲ့ပြီး လူသားချင်းစာနာမှုဆိုင်ရာ ကူညီကယ်ဆယ်ရေးများ လုပ်ဆောင်ခဲ့ရကြောင်း OCHA က ဆိုသည်။ "ဖေဖော်ဝါရီ ၆ ရက်နေ့အထိ စာရင်းများအရ လူ ၁၂ ဦး သေဆုံးခဲ့ပြီး၊ လူပေါင်း ၃၁,၀၀၀ ကျော် နေရပ်စွန့်ခွာခဲ့ရကာ ဒေသကြီး ၉ ခုရှိ ခရိုင်ပေါင်း ၃၅ ခုတွင် လူ ၂၀၀,၀၀၀ ကျော် ထိခိုက်ခံစားခဲ့ရသည်။ Boeny ဒေသကြီးမှာ အဆိုးရွားဆုံး ထိခိုက်ခဲ့သည်" ဟု ကုလသမဂ္ဂ အေဂျင်စီက ဖော်ပြခဲ့သည်။ပြီးခဲ့သည့်လက သီတင်းပတ်ပေါင်းများစွာ မိုးသည်းထန်စွာ ရွာသွန်းခဲ့ ပြီးနောက် အာဖရိကတောင်ပိုင်းဒေသအချို့တွင် ပြင်းထန်သော ရေကြီးမှု များဖြစ်ပွားခဲ့ရာ မိုဇမ်ဘစ်နိုင်ငံသည်လည်း အပါအဝင်ဖြစ်သည်။ မြစ် ရေလျှံမှုများကြောင့် အစိုးရက ဇန်နဝါရီ ၁၆ ရက်နေ့တွင် အနီရောင် အဆင့် (Red Alert) အရေးပေါ်အခြေအနေ ကြေညာခဲ့ပြီး လူသားချင်း စာနာမှုဆိုင်ရာ အကူအညီများ ပေးအပ်ရန် တောင်းဆိုထားခဲ့ရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး -၂
Tue, 17-Feb-2026
စပိန်နှင့် ပေါ်တူဂီတို့တွင် မုန်တိုင်းများကြောင့် အမြင့်ဆုံးအဆင့် သတိပေးချက်များထုတ်ပြန်
စပိန်နှင့် ပေါ်တူဂီတို့တွင် မုန်တိုင်းများကြောင့် အမြင့်ဆုံးအဆင့် သတိပေးချက်များထုတ်ပြန်
စပိန်နိုင်ငံနှင့် ပေါ်တူဂီနိုင်ငံတို့၌ ပြင်းထန်သော မိုးသည်းထန်စွာရွာသွန်းမှုနှင့်အတူလေပြင်းတိုက်ခတ်မှုများကြောင့် သစ်ပင်များလဲခြင်း၊ သယ်ယူပို့ဆောင်ရေးကဏ္ဍတွင် အနှောင့်အယှက်ဖြစ်ခြင်းနှင့် စာသင်ကျောင်းများပိတ်ထားရခြင်းတို့ ဖြစ်ပေါ်နေသဖြင့် ဖေဖော်ဝါရီလ ၁၂ ရက်တွင် အမြင့်ဆုံးအဆင့်သတိပေးချက်များ ထုတ်ပြန်လိုက်ကြောင်း သိရသည်။ယခုနှစ်အတွင်း စပိန်နိုင်ငံသို့ ရှစ်ကြိမ်မြောက်အဖြစ်ဝင်ရောက်တိုက်ခတ်သော နေးမုန်တိုင်းကြောင့် ဂါလီစီယာ၊ ကန်တာဘရီယာနှင့် ဘတ်ဒေသတို့တွင် အမြင့်ဆုံးဖြစ်သော အနီရောင်အဆင့်သတိပေးချက်ထုတ်ပြန်ထားပြီး လှိုင်းတံပိုးများမှာ အမြင့်ကိုးမီတာခန့်အထိ ရောက်ရှိလာနိုင်သည်ဟုမိုးလေဝသဌာနက သတိပေးထားသည်။ ကာတာလိုနီးယားဒေသတွင် လေပြင်းတိုက်ခတ်မှုကြောင့် သစ်ပင်လဲကျမှုဖြစ်ပွားရာ လူ ၂၄ ဦးထိခိုက်ဒဏ်ရာရသည်။ ဘာစီလိုနာလေဆိပ်တွင် လေကြောင်းခရီးစဉ် ၄၀ကျော် ဖျက်သိမ်းလိုက်ရသည်။ပေါ်တူဂီနိုင်ငံတွင် မိုးသည်းထန်စွာထပ်မံရွာသွန်းရာ မြောက်ပိုင်းဒေသများတွင် ဒေသခံ ၃၀၀၀ ခန့်ကို ဘေးလွတ်ရာသို့ ရွှေ့ပြောင်းပေးထားရသည်။ ထို့ပြင်မွန်ဒီဂိုမြစ်ရေလျှံမှုကြောင့် ပေါ်တူဂီနိုင်ငံ၏ အဓိကအဝေးပြေးလမ်းမကြီးဖြစ်သော A1 လမ်းပိုင်းတစ်စိတ်တစ်ပိုင်း ပြိုကျပျက်စီးသည်။ ဇန်နဝါရီလကုန်ပိုင်းမှစတင်၍ ဆက်တိုက်ဝင်ရောက်တိုက်ခတ်သော မုန်တိုင်းများကြောင့် ပေါ်တူဂီနိုင်ငံတွင် အနည်းဆုံး လူ ၁၆ ဦး သေဆုံးပြီး ယူရို ၇၇၅ သန်းခန့် ပျက်စီးဆုံးရှုံးကြောင်း သိရသည်။Ref: STMWD
Fri, 13-Feb-2026
ကိုလံဘီယာနိုင်ငံတွင် ရေကြီးရေလျှံမှုများကြောင့် အရေးပေါ်အခြေအနေကြေညာ
ကိုလံဘီယာနိုင်ငံတွင် ရေကြီးရေလျှံမှုများကြောင့် အရေးပေါ်အခြေအနေကြေညာ
ကိုလံဘီယာနိုင်ငံ၌ ဆိုးဝါးသောရေကြီးရေလျှံမှုများကြောင့် လူ ၁၈ ဦးထက်မနည်းသေဆုံးပြီး အိမ်ထောင်စုထောင်ပေါင်းများစွာ အိုးမဲ့အိမ်မဲ့ဖြစ်ရသောကြောင့် အစိုးရက ဖေဖော်ဝါရီလ ၁၁ ရက်တွင် နိုင်ငံတော်အဆင့် အရေးပေါ်အခြေအနေတစ်ရပ်ကို ကြေညာလိုက်ကြောင်းသိရသည်။ဖေဖော်ဝါရီလအတွင်း စံချိန်တင်ရွာသွန်းသောမိုးကြောင့် ဆည်များကျိုးပေါက်ကာ မြစ်ရေလျှံမှုများဖြစ်ပေါ်ရာ ကော်ဒိုဘာပြည်နယ်က သဘာဝဘေးကို အဆိုးရွားဆုံး ခံစားရပြီး ဒေသခံ ၁၅၀၀၀၀ ကျော် ရေဘေးသင့်သည်။ ရေဘေးကြောင့် နေအိမ် ၄၃၀၀ ကျော် ပျက်စီးခဲ့ရုံသာမက စိုက်ပျိုးရေးနှင့် မွေးမြူရေးနယ်မြေများစွာမှာ ရေအောက်ရောက်ရှိသွားသည်။ မွေးမြူရေးလုပ်ငန်းရှင်များအသင်း၏ ထုတ်ပြန်ချက်အရ ကျွဲ၊နွားအကောင်ရေ အနည်းဆုံး ၁၂၀၀ ကျော်သေဆုံးကြောင်းသိရသည်။သမ္မတ ဂူစတာဗိုပတ်ထရိုသည် အဆိုပါ ဘေးအန္တရာယ်ကို ကိုင်တွယ်ဖြေရှင်းရန်ရက်ပေါင်း ၃၀ ကြာ အရေးပေါ်အမိန့်ကို ထုတ်ပြန်ခဲ့ခြင်းဖြစ်သည်။ ဤအမိန့်အရ လွှတ်တော်၏ အတည်ပြုချက်မလိုအပ်ဘဲ ရေဘေးသင့်ဒေသများသို့ ကူညီကယ်ဆယ်ရေးရန်ပုံငွေနှင့် အရင်းအမြစ်များကို တိုက်ရိုက်ခွဲဝေ အသုံးပြုသွားမည်ဖြစ်သည်။ လက်ရှိတွင် တာဝန်ရှိသူများကကယ်ဆယ်ရေးလုပ်ငန်းများကို အရှိန်အဟုန်မြှင့် ဆောင်ရွက်နေကြောင်း သိရသည်။Ref: STMWD
Fri, 13-Feb-2026
နောက်ဆက်တွဲမြေငလျင်သတင်းအမှတ်စဉ် -၂၇၇
နောက်ဆက်တွဲမြေငလျင်သတင်းအမှတ်စဉ် -၂၇၇
နေ့စွဲ ၁၀-၂-၂၀၂၆လှုပ်ခတ်သည့်အချိန် - ၀၆း၂၂း၀၈အင်အားပမာဏ - ၃.၀ ရစ်(ခ်)တာစကေးအနက် -  ၁၄ ကီလိုမီတာဗဟိုချက်တည်နေရာ - ပုဗ္ဗသီရိမြို့နယ်၏ အရှေ့မြောက်ဘက် (၁၅) မိုင်ခန့်DMH
Tue, 10-Feb-2026
© Copyright 2024 SAC All Rights Reserved.