ကျောက်ဆည်မြို့နယ်၌ မင်းရဲ၊ သင်းတွဲ၊ နွားတက် မြောင်းရေများဖြင့် ကျေးရွာအုပ်စု ၁၂ အုပ်စု၌ နွေနှမ်းနှင့် နွေစပါး ၆၀၀၀ ဧကကျော် လျာထားစိုက်ပျိုး

yoonpresoff

News Image

  • ကျောက်ဆည်မြို့နယ်၌ မင်းရဲ၊ သင်းတွဲ၊ နွားတက် မြောင်းရေများဖြင့် ကျေးရွာအုပ်စု ၁၂ အုပ်စု၌ နွေနှမ်းနှင့် နွေစပါး ၆၀၀၀ ဧကကျော် လျာထားစိုက်ပျိုး

ကျောက်ဆည် မတ် ၉

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ ဆည်ရေဖြင့် ဒေသန္တရစီမံကိန်းလျာထား ချက်ရေးဆွဲ၍ နွေသီးနှံမျိုးစုံ ၅၂၇၁၅ ဧက စိုက်ပျိုးသွားမည်ကြောင်း သိရှိရပြီး ယခုချိန်၌ မင်းရဲ၊ သင်းတွဲ၊ နွားတက် ‌မြောင်းရေများဖြင့် ကျေးရွာအုပ်စု ၁၂ အုပ်စု၌ နွေနှမ်းနှင့် နွေစပါး ၆၀၀၀ ဧကကျော် လျာထားကာ စတင် စိုက်ပျိုးနေပြီဖြစ်ကြောင်း သိရသည်။

ထိုသို့ စိုက်ပျိုးရာ၌ မင်ရဲမြောင်းရေဖြင့် တောင်နောက်ကျေးရွာအုပ်စု၌ နွေနှမ်း ၃၀၂ ဧက၊ နွေစပါး ၁၄၀ ဧက၊ သင်တောင်းကျေးရွာအုပ်စု၌ နွေနှမ်း ၃၇၇ ဧက၊ နွေစပါး ၄၃၇ ဧက၊ အင်ဒိုင်းကျေးရွာအုပ်စု၌ နွေနှမ်း ၃၄၇ ဧက၊ နွေစပါး ၃၇၈ ဧက၊ ကြက်မင်းတွန်ကျေးရွာအုပ်စု၌ နွေနှမ်း ၂၄ ဧက၊ နွေစပါး ၁၀ ဧက၊ ဖောင်ရွာကျေးရွာအုပ်စု၌ နွေနှမ်း ၉ ဧက၊ နွေစပါး ၁ ဧက၊ သင်းတွဲမြောင်းရေဖြင့် ပတ္တာကျေးရွာအုပ်စု၌ နွေနှမ်း ၈၈ ဧက၊ ၄၃၀ ဧက၊ ပင်တလယ်ကျေးရွာအုပ်စု၌ ၂၈၁ ဧက၊ နွေစပါး ၅၇၃ ဧက၊ နွားတက်မြောင်းရေဖြင့်ပတ္တာကျေးရွာအုပ်စု၌ နွေနှမ်း ၉၁ ဧက၊ နွေစပါး ၂၂၁ ဧက၊ ပြည်ပန်းကျေးရွာအုပ်စု၌ နွေနှမ်း ၂၃၉ ဧက၊ နွေစပါး ၁၈၅ ဧက၊ သမန္တလင်းကျေးရွာ အုပ်စု၌ နွေနှမ်း ၈၂၀ ဧက၊ မြင်းကဘက်ကျေးရွာအုပ်စု၌ ၃၇၉ ဧက၊ နွေစပါး ၄၀ ဧက၊ မုန့်ပေါင်းကျေးရွာအုပ်စု၌ နွေနှမ်း ၃၈၃ ဧက၊ ၂၀ ဧက၊ လက်ပံဇင်ကျေးရွာအုပ်စု၌ ၃၀၁ ဧက၊ နွေစပါး ၁၂ ဧက စိုက်ပျိုးသွားမည် ဖြစ်ကြောင်း သိရသည်။

နွေနှမ်းနှင့်နွေစပါးသီးနှံများ စိုက်ပျိုးနိုင်ရေး မြို့နယ်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ မြေပြင်၊ ပျိုးထောင်၊ စိုက်ပျိုးရေးများ ပြည့်ဝစွာပေးလျက်ရှိပြီး မြို့နယ်စိုက်ပျိုးရေးဦးစီးဌာနမှ မြေ၊မျိုး၊ပိုး တာဝန်ခံများမှလည်း သီးနှံများ အောင်မြင်ဖြစ်ထွန်းရေး ကူညီဆောင်ရွက်ပေးလျက်ရှိကြောင်း သိရသည်။

သက်မောင်(ကျောက်ဆည်) 

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ကျောက်တလုံးကြီးမြို့၌ တစ်နိုင်တစ်ပိုင် စိုက်ပျိုးထားသော လီလီပန်းများ အောင်မြင်ဖြစ်ထွန်းလျက်ရှိ
ကျောက်တလုံးကြီးမြို့၌ တစ်နိုင်တစ်ပိုင် စိုက်ပျိုးထားသော လီလီပန်းများ အောင်မြင်ဖြစ်ထွန်းလျက်ရှိ
ကျောက်တလုံးကြီး   မတ်   ၉     ရှမ်းပြည်နယ်(တောင်ပိုင်း)ကျောက်တလုံးကြီးမြို့၌  တစ်နိုင်တစ်ပိုင်စိုက်ပျိုးထားသော လီလီပန်းများ ယခုအခါ အောင်မြင်ဖြစ်ထွန်းလျက်ရှိကြောင်း သိရသည်။လီလီပန်းများစိုက်ပျိုးရာတွင်  ပန်းမျိုးဥများ   အရည်အသွေးကောင်းမွန်ပြီး လတ်ဆတ်ကာ    အမြစ်များရှင်သန်ရန်လိုအပ်ကြောင်း၊ စိုက်ပျိုးမည့်စိုက်ပေါင်နှင့် စိုက်ကျင်းအနက်တို့သည်  မျိုးဥပေါ် မူတည်၍ပြုလုပ်ပေးရပြီး မျိုးဥမချမီ စိုက်ပေါင်ကို နွားချေး၊ အာမိုနှင့် ဒီစူပါ မြေသြဇာများရော၍ထည့်ကာ  ရေဖြင့် ခြောက်နာရီခန့်ကြိုတင်နှပ်ထားပြီးမှ မျိုးဥချရကြောင်း၊ လီလီပန်းပင်များစိုက်ပျိုးရာတွင် တွင်းအနက်အနည်းဆုံး ၆ လက်မလိုအပ်ပြီး တစ်ပင်နှင့်တစ်ပင်ကြား  ၆  လက်မခြား စိုက်ပျိုးရကြောင်း၊  လီလီပန်းများသည် နေရောင်ခြည်ကြိုက်သော်လည်း အေးသောရာသီဥတုကိုနှစ်သက်သောကြာင့်  အပူဒဏ်ခံနိုင်ရန် အမိုးများမိုးထားပေးရန်လိုအပ်ကြောင်း၊ စိုက်ပျိုးပြီး နှစ်ရက်လျှင်တစ်ကြိမ် ရေလောင်းပေးရကာ ပေါင်းမြက်ပေါက်ရောက်မှုအပေါ်မူတည်၍   တစ်လတစ်ကြိမ်ခန့် ပေါင်းရှင်းပေးရန်လိုအပ်ကြောင်း   သိရသည်။လီလီပန်း   မျိုးကွဲပေါင်း ၁၀၀ ကျော်ရှိပြီး အရောင်အားဖြင့် အဖြူ၊ အဝါ၊ ပန်းရောင်၊ ခရမ်း၊ အနီရောင်တို့ရှိကြောင်း၊ လီလီပန်းသည် စိုက်ပျိုးပြီးရှစ်လကြာလျှင် ပန်းများခူးယူနိုင်ကြောင်း၊  ၂၀၂၅  ခုနှစ် သြဂုတ်လတွင် အဖြူရောင် လီလီပန်းမျိုးကို   စိုက်ပျိုးခဲ့ပြီး ၂၀၂၆ ခုနှစ် ဧပြီလတွင် ပန်းများစတင်ခူးယူရောင်းချနိုင်သဖြင့်  မိသားစုအပိုဝင်ငွေရရှိကြောင်း   လီလီပန်းစိုက်ပျိုးသူ တစ်ဦးထံမှသိရသည်။ MWD
Tue, 10-Mar-2026
ပွင့်ဖြူမြို့နယ်၌ စားတော်ပဲဧက ၇၀၀ ကျော် ရိတ်သိမ်းပြီးစီး တစ်ဧကလျှင် ၁၆ ဒသမ ၅၃ တင်းခန့်ထွက်ရှိ
ပွင့်ဖြူမြို့နယ်၌ စားတော်ပဲဧက ၇၀၀ ကျော် ရိတ်သိမ်းပြီးစီး တစ်ဧကလျှင် ၁၆ ဒသမ ၅၃ တင်းခန့်ထွက်ရှိ
ပွင့်ဖြူ       မတ်      ၉      မကွေးတိုင်းဒေသကြီး ပွင့်ဖြူမြို့နယ်၌ ဆောင်းသီးနှံ စိုက်ပျိုးရာသီက   စိုက်ပျိုးခဲ့သော   စားတော်ပဲဧက ၇၀၀ ကျော် ရိတ်သိမ်းပြီးစီးပြီဖြစ်ပြီး   တစ်ဧကလျှင် ၁၆  ဒသမ  ၅၃  တင်းခန့်ထွက်ရှိကြောင်း သိရသည်။ ပွင့်ဖြူမြို့နယ်၌ ဆောင်းသီးနှံစိုက်ပျိုးရာသီက  စားတော်ပဲ ဧက ၃၄၈၀ စိုက် ပျိုးနိုင်ခဲ့ပြီး   အဆိုပါစားတော်ပဲစိုက်ခင်း များကို ယခုနှစ် ဖေဖော်ဝါရီလမှ စတင် ရိတ်သိမ်းခဲ့ရာ လက်ရှိတွင် ဧက ၇၁၀ ရိတ် သိမ်းပြီးစီးပြီဖြစ်ပြီး  တစ်ဧကလျှင်  ၁၆  ဒသမ  ၅၃  တင်းခန့်ထွက်ရှိကြောင်း သိရ သည်။ "ဆောင်းသီးနှံစိုက်ပျိုးရာသီမှာ ပွင့်ဖြူ မြို့နယ်အတွင်း စားတော်ပဲ ဧက ၃၄၈၀ စိုက်ပျိုးနိုင်ခဲ့ပါတယ်။    အဲဒီစားတော်ပဲ စိုက်ခင်းတွေကို    ဖေဖော်ဝါရီလကစပြီး ရိတ်သိမ်းခဲ့တာ   လက်ရှိမှာ ဧက ၇၁၀ ရိတ်သိမ်းပြီးစီးပြီဖြစ်ပါတယ်။ စားတော်ပဲ ရိတ်သိမ်းတာနဲ့ပတ်သက်ပြီး လေလွင့်ဆုံးရှုံးမှုတွေ မဖြစ်အောင် စနစ်တကျရိတ်သိမ်း ဖို့နဲ့ လိုအပ်တဲ့ရိတ်သိမ်းခြွေလှေ့နည်း စနစ်တွေကိုလည်း ကွင်းဆင်းကြီးကြပ်ဆောင် ရွက်ပေးပါတယ်။  ရိတ်သိမ်းပြီးသီးနှံတွေ ကိုလည်း     အရည်အသွေးကောင်းမွန်အောင် အမိုးအကာအောက်မှာ သေချာ သိမ်းဆည်းနိုင်ဖို့  လိုအပ်တာတွေ  ကူညီဆောင်ရွက်ပေးပါတယ်"ဟု ပွင့်ဖြူမြို့နယ်စိုက်ပျိုးရေးဦးစီးဌာနမှ တာဝန်ရှိသူတစ်ဦး ကပြောသည်။ပွင့်ဖြူမြို့နယ်၌      စားတော်ပဲစိုက်တောင်သူများကို စိုက်ပျိုးရေးဦးစီးဌာနမှ   သီးနှံအထွက်နှုန်းတိုးတက်စေရန်   ဒေသနှင့်ကိုက်ညီသော မျိုးကောင်းမျိုးသန့်များ   ရွေးချယ်စိုက်ပျိုးရေး၊   စိုက်ပျိုးရေစနစ် တကျသုံးစွဲရေး၊ မြေဩဇာနှင့် သွင်းအားစု များ    မှန်မှန်ကန်ကန် သုံးစွဲတတ်စေရေး၊ ပိုးမွှားအန္တရာယ်ကင်းရှင်းရေးနှင့် အချိန်မီ သီးနှံရိတ်သိမ်းနည်းပညာများ   စသည့် တောင်သူအသိပညာပေးလုပ်ငန်းများကို  ပံ့ပိုးကူညီဆောင်ရွက်ပေးခဲ့သည်။ စားတော်ပဲကို အထွက်နှုန်းတိုးတက် အောင်  စိုက်ပျိုးထုတ်လုပ်နိုင်မည်ဆိုပါက ပြည်တွင်းစားသုံးမှု ဖူလုံစေမည့်အပြင် ပြည်ပသို့ပါ    တင်ပို့ရောင်းချနိုင်သဖြင့် တောင်သူများ၏ လူမှုစီးပွားဘဝများ ဖွံ့ဖြိုးတိုးတက် လာမည်ဖြစ်သောကြောင့်  တိုးချဲ့စိုက်ပျိုးနိုင်ရေး ဒေသမရွေး ကြိုးပမ်း ဆောင်ရွက်ကြရမည်ဖြစ်ကြောင်း  သိရသည်။             MWD
Tue, 10-Mar-2026
ကြံခင်းမြို့နယ်၌ ငါးသလောက်များ ဝယ်လိုအားကောင်းပြီး အရောင်းအဝယ် ကောင်းမွန်နေ
ကြံခင်းမြို့နယ်၌ ငါးသလောက်များ ဝယ်လိုအားကောင်းပြီး အရောင်းအဝယ် ကောင်းမွန်နေ
ကြံခင်း  မတ်  ၉      ဧရာဝတီတိုင်းဒေသကြီး မြန်အောင်ခရိုင်  ကြံခင်းမြို့နယ်၌  ဒေသထွက်ငါး သလောက်များ ဝယ်လိုအားကောင်းပြီး အရောင်းအဝယ် ကောင်းမွန်နေကြောင်း ကြံခင်းမြို့နယ် ရေထွက်ကုန်ပစ္စည်းများ ရောင်းဝယ်ရေးလုပ်ငန်း     လုပ်ကိုင်သူ ဒေါ်ရီရီထွန်း၏ပြောကြားချက်အရ    သိရသည်။ကြံခင်းမြို့နယ်၌ ယခုနှစ်  မတ်လပထမ ပတ်မှစ၍ လက်ရှိအချိန်ထိ ငါးသလောက်များ ဝယ်လိုအားကောင်းလာပြီး အရောင်းအဝယ်ကောင်းမွန်နေကြောင်း၊   လက်ရှိ အဆိုပါငါးသလောက်များ  တစ်ရက်လျှင် ပိဿာ ၄၅၀၀ အထိ အရောင်းအဝယ်ဖြစ်နေကြောင်း သိရသည်။"လက်ရှိ  အရောင်းအဝယ်ဖြစ်နေတဲ့ ငါးသလောက်ကလည်း လတ်ဆတ်မှုနဲ့ အရွယ်အစားပေါ် မူတည်ပြီး ဈေးအပြောင်း အလဲရှိပါတယ်။  လက်ရှိလည်း     ငါး သလောက်တွေ အဝယ်လိုက်နေပါတယ်။  ဒီဘက်ကနေ တင်ပို့တဲ့ငါးသလောက်တွေကို  ဒေသဈေးကွက်က ဒေသတွင်းအပြင်  တခြားဒေသတွေကို       ပြန်လည်တင်ပို့ရောင်းချနေပါတယ်" ဟု ဒေါ်ရီရီထွန်းကပြောသည်။ကြံခင်းမြို့နယ်၌    အရောင်းအဝယ် ကောင်းမွန်နေသည့်   ငါးသလောက်များသည် အရွယ်အစားပေါ် မူတည်ကာ ဈေး နှုန်းအမျိုးမျိုး သတ်မှတ်ထား‌ကြောင်း သိရသည်။MWD
Tue, 10-Mar-2026
အရှေ့အလယ်ပိုင်း တင်းမာမှုများကြောင့် ရုရှားစွမ်းအင်အပေါ် ပိတ်ဆို့ထားမှု ရုပ်သိမ်းရန် ဟန်ဂေရီ တိုက်တွန်း
အရှေ့အလယ်ပိုင်း တင်းမာမှုများကြောင့် ရုရှားစွမ်းအင်အပေါ် ပိတ်ဆို့ထားမှု ရုပ်သိမ်းရန် ဟန်ဂေရီ တိုက်တွန်း
အရှေ့အလယ်ပိုင်းဒေသတွင် တင်းမာမှုများအရှိန်အဟုန် မြင့်တက်လာပြီး အီရန်နိုင်ငံနှင့် ဆက်စပ်သည့် တိုက်ခိုက်မှုများကြောင့် ကမ္ဘာ့ရေနံဈေးနှုန်း များ အဆမတန် မြင့်တက်လာသည့်အတွက် ဥရောပသမဂ္ဂ (EU) အနေဖြင့် ရုရှားရေနံနှင့် သဘာဝဓာတ်ငွေ့ တင်သွင်းမှုအပေါ် ချမှတ်ထားသော ပိတ်ဆို့မှုများကို ချက်ချင်းရုပ်သိမ်းပေးရန် ဟန်ဂေရီ နိုင်ငံခြားရေးဝန်ကြီး ပီတာ ဆီဂျာတို (Peter Szijjarto) က တိုက်တွန်းလိုက်သည်။အမေရိကန်နှင့် အစ္စရေးတို့က အီရန်နိုင်ငံအပေါ် နောက်ဆုံး ပြုလုပ်ခဲ့သည့် တိုက်ခိုက်မှုများသည် ကမ္ဘာ့ရေနံထောက်ပံ့မှု၏ (၂၀%) ခန့် ဖြတ်သန်းရာ ဟော်မုဇ်ရေလက်ကြား (Strait of Hormuz) တွင် သင်္ဘောများသွားလာမှုကို အန္တရာယ်ကြီးမားစေခဲ့သည်။ ရေနံတင်သင်္ဘောအချို့ တိုက်ခိုက်ခံရပြီးနောက် အဆိုပါရေကြောင်းလမ်းတွင် သင်္ဘောသွားလာမှု (၈၀%) အထိ ကျဆင်းသွားခဲ့ရာ ရေနံစိမ်းဈေးနှုန်းမှာ တစ်စည်လျှင် ဒေါ်လာ (၁၀၀) ကျော်အထိ မြင့်တက်လာခဲ့ပြီး ဥရောပသမဂ္ဂနှင့် အခြားအဓိက စီးပွားရေးနိုင်ငံများအနေဖြင့် စွမ်းအင်ဆိုင်ရာ အရေးပေါ်အစီအမံများ လုပ်ဆောင်ရန် လိုအပ်လာပြီဟု မျှော်လင့်ထားကြသည်။ဝန်ကြီး ဆီဂျာတိုက တနင်္လာနေ့ (မတ် ၉) တွင် X လူမှုကွန်ရက်မှတစ်ဆင့် ယခုကဲ့သို့ မှတ်ချက်ပြုခဲ့သည်။ "အရှေ့အလယ်ပိုင်းမှာ စစ်ပွဲတွေ ပြင်းထန်လာပြီး ဟော်မုဇ်ရေလက်ကြားလည်း ပိတ်သွားသည့်အတွက် ကမ္ဘာ့စွမ်းအင်ထောက်ပံ့မှုရဲ့ အဓိကအစိတ်အပိုင်းကြီးဟာ အခုဆိုရင် အန္တရာယ်ရှိသည့် အခြေအနေမှာ ရှိနေပါပြီ ၊ ဒါကြောင့် EU အနေနဲ့ ရုရှားရေနံနဲ့ သဘာဝဓာတ်ငွေ့အပေါ် ပိတ်ဆို့ထားတာတွေကို ချက်ချင်း ရုပ်သိမ်းသင့်ပါတယ်" ဟု ၎င်းက ဆိုသည်။ဆက်လက်၍ ၎င်းက "ဘရပ်ဆဲလ်အနေနဲ့ ပိတ်ဆို့မှုတွေကို ဆက်လက်ထားရှိမယ်ဆိုရင် ဥရောပပြည်သူတွေနဲ့ ဥရောပစီးပွားရေးအတွက် ပြင်းထန်သည့် ထိခိုက်မှုတွေ ဖြစ်ပေါ်လာပါလိမ့်မယ် ၊ ဒါကြောင့် အခု အချိန်မှာအာရုံစိုက်ရမှာက အတွေးအခေါ်ဝါဒကို ကိုင်စွဲဖို့မဟုတ်ဘဲ ဥရောပသားတွေရဲ့ အကျိုးစီးပွားကို ကာကွယ်ဖို့ပဲ ဖြစ်ပါတယ်" ဟု အလေးပေး ပြောကြားသွားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 10-Mar-2026
အီရန်ပဋိပက္ခရှည်ကြာလာပါက စီးပွားရေးအပေါ် သက်ရောက်နိုင်ခြင်းကြောင့် တင်းမာမှုများကိုလျှော့ချရန် ဗြိတိန်ပြော
အီရန်ပဋိပက္ခရှည်ကြာလာပါက စီးပွားရေးအပေါ် သက်ရောက်နိုင်ခြင်းကြောင့် တင်းမာမှုများကိုလျှော့ချရန် ဗြိတိန်ပြော
အီရန်နိုင်ငံနှင့် ဖြစ်ပွားနေသည့် ပဋိပက္ခ ရှည်ကြာလာပါက စီးပွားရေးအပေါ် ဆိုးကျိုးများ သက်ရောက်နိုင်သောကြောင့် ယင်း နိုင်ငံနှင့်ပတ်သက်သည့် တင်းမာမှုများကို လျှော့ချရန် ကြိုးပမ်းရမည်ဖြစ်ကြောင်း ဗြိတိန်ဝန်ကြီးချုပ် ကီယာစတားမားက မတ်လ ၉ ရက်တွင် ပြောကြားလိုက်သည်။ စတားမားသည် မြို့တော်လန်ဒန်ရှိ လူထု အခြေပြုဗဟိုဌာနတစ်ခုသို့ သွားရောက်စဉ် ယခုကဲ့သို့ပြောကြားခဲ့ခြင်းဖြစ်ပြီး လက်ရှိ အခြေအနေကို လျှော့ချရန် လိုအပ်ကြောင်း အလေးပေးပြောကြားခြင်း ဖြစ်သည်ဟု ဗြိတိန်သတင်းဌာနကြီးတစ်ခုဖြစ်သည့် The Guardian သတင်းဌာနက ၎င်း၏လူမှု မီဒီယာပေါ်တွင် ဖော်ပြထားသည်။ အီရန်ပဋိပက္ခကြာ ရှည်လာသည်နှင့်အမျှ စီးပွားရေးအပေါ်ရိုက်ခတ်မှုများ ပိုမိုရှိလာနိုင်ကြောင်း၊   အဆိုပါပဋိပက္ခက ပိုမိုကြာရှည်လေလေ၊   စီးပွားရေးအပေါ် သက်ရောက်မှုရှိလာနိုင်ခြေ ပိုမိုများပြားလေလေဖြစ်ကြောင်း ၎င်းကဆက်လက် ပြောကြား သည်။ထို့ပြင် ဖြစ်ပေါ်လာနိုင်သည့် စီးပွားရေးဆိုင်ရာ သက်ရောက်မှုများကို ခံနိုင်ရည်ရှိစေရန်အတွက်  ဗြိတိန်အစိုးရအနေဖြင့် လွန်ခဲ့သည့် ၁၈ လအတွင်း စီးပွားရေးကြံ့ခိုင်မှု မြှင့်တင်ရန်  အစီအမံများလုပ်ဆောင် ထားကြောင်းလည်း  ၎င်းကထည့်သွင်း ပြောကြားခဲ့ကြောင်း သိရသည်။Ref: XinhuaMWD
Tue, 10-Mar-2026
ဟော်မုဇ်ရေလက်ကြား ပိတ်ဆို့မှုဆက်ဖြစ်နေပါက ကမ္ဘာ့စီးပွားရေးအတွက် 'ဆိုးရွားပြင်းထန်သည့် အကျိုးဆက်များ' ကြုံတွေ့ရနိုင်ကြောင်း Aramco သတိပေး
ဟော်မုဇ်ရေလက်ကြား ပိတ်ဆို့မှုဆက်ဖြစ်နေပါက ကမ္ဘာ့စီးပွားရေးအတွက် 'ဆိုးရွားပြင်းထန်သည့် အကျိုးဆက်များ' ကြုံတွေ့ရနိုင်ကြောင်း Aramco သတိပေး
ရိုက်တာသတင်းဌာန၏ ဖော်ပြချက်အရ ကမ္ဘာ့ထိပ်တန်းရေနံတင်ပို့သူဖြစ်သည့် ဆော်ဒီအာရေဗျနိုင်ငံ၏ Aramco ကုမ္ပဏီက အီရန်စစ်ပွဲကြောင့် စွမ်းအင်သယ်ယူပို့ဆောင်ရေးအတွက် အလွန်အရေးပါသည့် ဟော်မုဇ် ရေလက်ကြား (Strait of Hormuz) တွင် အနှောင့်အယှက်များ ဆက်လက်ဖြစ်ပေါ်နေပါက ကမ္ဘာ့ရေနံဈေးကွက်အတွက် "ဆိုးရွားပြင်းထန်သည့် နောက်ဆက်တွဲဆိုးကျိုးများ" ဖြစ်ပေါ်လာနိုင်ကြောင်း သတိပေးလိုက်သည်။Aramco ၏ စီအီးအို Amin Nasser က အင်္ဂါနေ့ (မတ် ၁၀) က ပြုလုပ်ခဲ့သော ဝင်ငွေဆိုင်ရာဆွေးနွေးပွဲတွင်ပြောကြားရာ၌ ယခုကဲ့သို့ အနှောင့်အယှက်များ ဆက်လက်ဖြစ်ပေါ်နေခြင်းသည် ပင်လယ်ရေကြောင်း သယ်ယူပို့ဆောင်ရေးနှင့် အာမခံကဏ္ဍများကို ထိခိုက်စေရုံသာမက လေကြောင်း၊ စိုက်ပျိုးရေး၊ မော်တော်ကားနှင့် အခြားစက်မှုလုပ်ငန်းများကိုပါ ခြိမ်းခြောက်လာနိုင်ကြောင်း ပြောကြားခဲ့သည်။"ကမ္ဘာ့ရေနံဈေးကွက်အတွက် ဆိုးရွားပြင်းထန်သည့် နောက်ဆက်တွဲဆိုးကျိုးများ ရှိလာပါလိမ့်မယ် ၊ ဒီအနှောင့်အယှက်တွေ ကြာရှည်လေလေ ကမ္ဘာ့စီးပွားရေးအတွက် သက်ရောက်မှုတွေ ပိုမိုပြင်းထန်လာလေလေ ဖြစ်ပါတယ်" ဟု ၎င်းက ပြောကြားခဲ့ပြီး လက်ရှိတွင် ကမ္ဘာတစ်ဝန်းတွင် သိုလှောင်ထားရှိသည့် ရေနံစိမ်းနှင့် ရေနံထွက်ပစ္စည်းများ၏ စုစုပေါင်းလက်ကျန်ပမာဏမှာ ငါးနှစ်အတွင်း အနိမ့်ဆုံးအဆင့်သို့ ရောက်ရှိနေကြောင်းလည်း ဖြည့်စွက်ပြောဆိုခဲ့သည်။ကိုးကား- CNNPhoto: The Cradleဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 10-Mar-2026
© Copyright 2024 SAC All Rights Reserved.