အမေရိကန်နှင့် အစ္စရေး၏ အီရန်စစ်ပွဲမှာ နိုင်ငံတကာဥပဒေနှင့် ဆန့်ကျင်နေဟု အီတလီဝန်ကြီးချုပ် မယ်လိုနီ ဝေဖန်

yoonpresoff

News Image

  • အမေရိကန်နှင့် အစ္စရေး၏ အီရန်စစ်ပွဲမှာ နိုင်ငံတကာဥပဒေနှင့် ဆန့်ကျင် နေဟု အီတလီဝန်ကြီးချုပ် မယ်လိုနီ ဝေဖန်

အမေရိကန်သမ္မတ ဒေါ်နယ်ထရမ့်၏ ရင်းနှီးသောမဟာမိတ်ဖြစ်သူ အီတလီဝန်ကြီးချုပ် ဂျော်ဂျီယာ မယ်လိုနီသည် အမေရိကန်နှင့် အစ္စရေး တို့၏ အီရန်နိုင်ငံအပေါ်ဆင်နွှဲနေသော စစ်ပွဲအား ပြင်းထန်စွာ ဝေဖန်လိုက်သည်။ ဗုဒ္ဓဟူးနေ့ (မတ် ၁၁) က ကျင်းပခဲ့သည့် အီတလီ အထက် လွှတ်တော်မိန့်ခွန်းတွင် မယ်လိုနီက အဆိုပါစစ်ရေးလှုပ်ရှားမှုများသည် နိုင်ငံတကာဥပဒေဘောင်ပြင်ပတွင်ရှိနေပြီး ကမ္ဘာ့အစီအစဉ်များ ပျက်ပြား နေသည့် လက္ခဏာဖြစ်ကြောင်း ထောက်ပြပြောဆိုခဲ့သည်။ 

အထူးသဖြင့် အီရန်တောင်ပိုင်းရှိ ကျောင်းတစ်ကျောင်း တိုက်ခိုက်ခံရမှုကြောင့် ကလေးငယ်အများစုအပါအဝင် လူပေါင်း ၁၇၀ ခန့် သေဆုံးခဲ့ရသည့် ဖြစ်ရပ်ကို "မိန်းကလေးငယ်များ အစုလိုက်အပြုံလိုက် သတ်ဖြတ်ခံရမှု" ဟု ခေါ်ဆိုကာ အသေးစိတ် စုံစမ်းစစ်ဆေးရန် တောင်းဆိုခဲ့သည်။ အမေရိကန်မီဒီယာများက အဆိုပါကျောင်းသည် အမေရိကန်၏ တိုမားဟော့ဒုံးကျည်ဖြင့် တိုက်ခိုက်ခံရခြင်းဖြစ်ကြောင်း ဖော်ပြနေ သော်လည်း သမ္မတ ထရမ့်ကမူ အဆိုပါစွပ်စွဲချက်များကိုပယ်ချခဲ့ပြီး အီရန်၏ လက်ချက်သာဖြစ်ကြောင်း တုံ့ပြန်ထားသည်။

အဆိုပါအခြေအနေသည် အမေရိကန်နှင့် ဥရောပသမဂ္ဂအကြား သံတမန်ရေးရာ အက်ကွဲကြောင်းကို ပိုမိုကြီးထွားစေခဲ့သည်။ အထူးသဖြင့် စပိန် ဝန်ကြီးချုပ်က တိုက်ခိုက်မှုများကို တရားမဝင်ဟု ဝေဖန်ခဲ့ခြင်းကြောင့် ထရမ့်က စပိန်နှင့် ကုန်သွယ်မှုများရပ်ဆိုင်းမည်ဟု ခြိမ်းခြောက်မှုများ ဖြစ်ပေါ်ခဲ့သည်။ 

ပြင်သစ်သမ္မတ မက်ခရွန်ကလည်း အဆိုပါတိုက်ခိုက်မှုများသည် နိုင်ငံတကာ ဥပဒေနှင့် ကိုက်ညီမှုမရှိကြောင်း ထောက်ပြခဲ့သည်။ နိုင်ငံတွင်း ၌လည်း မယ်လိုနီအနေဖြင့် စစ်ပွဲအတွင်း ပါဝင်မိမည်ကို စိုးရိမ်နေသည့် ပြည်သူများ၏ ဖိအားနှင့် တရားစီရင်ရေးပြုပြင်ပြောင်းလဲမှုဆိုင်ရာ လူထု ဆန္ဒခံယူပွဲကို ရင်ဆိုင်နေရသည်။ 

ထို့အပြင် အီတလီသည် စစ်ရေးလှုပ်ရှားမှုမတိုင်မီ ကြိုတင် အကြောင်းကြားခြင်း မခံခဲ့ရသဖြင့် အတိုက်အခံများက မယ်လိုနီကို "ထရမ့်နှင့် ဥရောပအကြား ပေါင်းကူးတံတား" ဟူသော ဂုဏ်ပုဒ်မှာ သတင်းမှားသာဖြစ်ကြောင်း ဝေဖန်တိုက်ခိုက်လာကြသည်။ ယခင်က ထရမ့်၏ "အံ့မခန်း ခေါင်းဆောင်" ဟု ချီးကျူးခံခဲ့ရသည့် မယ်လိုနီအတွက် ယခုဖြစ်စဉ်သည် သူမ၏ နိုင်ငံရေးရပ်တည်ချက်ကို စိန်ခေါ်မှုတစ်ရပ် ဖြစ်လာစေသည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ထိုင်းနိုင်ငံ၌ ပွန်ဂျေတိုင်းပါတီမှ ဆိုဖွန်ဇာရမ် အောက်လွှတ်တော်ဥက္ကဋ္ဌအဖြစ် တင်မြှောက်ခံရ
ထိုင်းနိုင်ငံ၌ ပွန်ဂျေတိုင်းပါတီမှ ဆိုဖွန်ဇာရမ် အောက်လွှတ်တော်ဥက္ကဋ္ဌအဖြစ် တင်မြှောက်ခံရ
ထိုင်းနိုင်ငံ၌ ပွန်ဂျေတိုင်းပါတီမှ လွှတ်တော်အမတ်ဖြစ်သည့် ဆိုဖွန်ဇာရမ်သည် မတ်လ ၁၅ ရက်တွင် အောက်လွှတ်တော်ဥက္ကဋ္ဌအဖြစ် တင်မြှောက်ခံရကြောင်း သိရသည်။ ထိုင်းနိုင်ငံ၏ ဖွဲ့စည်းပုံ အခြေခံဥပဒေအရ အောက်လွှတ်တော်ဥက္ကဋ္ဌသည် ပြည်ထောင်စုလွှတ်တော်၏ ဥက္ကဋ္ဌအဖြစ်လည်း တာဝန်ယူရမည်ဖြစ်သည်။ပြီးခဲ့သည့်လတွင် ထိုင်းနိုင်ငံ၌ အထွေထွေ ရွေးကောက်ပွဲကျင်းပပြီးနောက် မတ်လ ၁၄ ရက်တွင် လွှတ်တော်ကို တရားဝင်စတင်ဖွင့်လှစ်ကာ မတ်လ ၁၅ ရက်တွင် လွှတ်တော်ဥက္ကဋ္ဌရာထူးကို ရွေးချယ်တင်မြှောက်ခြင်းဖြစ်သည်။ဆိုဖွန်ဇာရမ်သည်   ပြည်သူ့ပါတီမှလွှတ်တော်အမတ် ပရစ်ဝါချာရာဆင်ဒူနှင့်ယှဉ်ပြိုင်ခဲ့ရခြင်းဖြစ်ပြီး ထောက်ခံမဲ ၂၈၉ မဲရရှိကာ အောက်လွှတ်တော်ဥက္ကဋ္ဌအဖြစ် တင်မြှောက်ခံရခြင်းဖြစ်ကြောင်း  ခေတ္တအောက်လွှတ်တော်ဥက္ကဋ္ဌ    ပိုင်ရို့လိုဆန်သွန်းက ကြေညာသည်။ဆိုဖွန်ဇာရမ်သည် ပွန်ဂျေတိုင်းပါတီသို့၂၀၀၈ ခုနှစ်တွင် ဝင်ရောက်ပြီး ၂၀၀၈ ခုနှစ်မှ ၂၀၁၁ ခုနှစ်အထိ ပို့ဆောင်ရေးဝန်ကြီး အဖြစ် တာဝန်ယူခဲ့သည့်အပြင် ၂၀၂၅ ခုနှစ်စက်တင်ဘာလမှစ၍ ထိုင်းနိုင်ငံအိမ်စောင့် အစိုးရအဖွဲ့၌ ဒုတိယဝန်ကြီးချုပ် တာဝန်ထမ်းဆောင် ခဲ့သူဖြစ်ကြောင်း သိရသည်။Ref: Xinhua
Mon, 16-Mar-2026
လက်တင်အမေရိကတွင် အင်ပါယာတစ်ခုတည်ဆောက်နိုင်ရေး ကြိုးပမ်းခြင်းမပြုရန် အမေရိကန် အစိုးရအား ကိုလံဘီယာသမ္မတ သတိပေး
လက်တင်အမေရိကတွင် အင်ပါယာတစ်ခုတည်ဆောက်နိုင်ရေး ကြိုးပမ်းခြင်းမပြုရန် အမေရိကန် အစိုးရအား ကိုလံဘီယာသမ္မတ သတိပေး
ကိုလံဘီယာသမ္မတ ဂူစတာဗို ပက်ထရိုက အမေရိကန်အစိုးရအနေဖြင့် လက်တင်အမေရိကဒေသတွင် အင်ပါယာတည်ဆောက်ရန်ကြိုးပမ်းခြင်းကို ရပ်တန့်ပြီး စစ်ရေးအရ ဝင်ရောက်စွက်ဖက်မည့်အစား ဆွေးနွေးညှိနှိုင်းမှုလမ်းစဉ်ကို ရွေးချယ်ရန် တိုက်တွန်းသတိပေးလိုက်သည်။ အဆိုပါပြောဆိုချက်သည် ဇန်နဝါရီလ အတွင်းက ဗင်နီဇွဲလားသမ္မတ နီကိုလက်စ် မာဒူရိုအား အမေရိကန် တပ်ဖွဲ့များက ကရာကတ်စ်မြို့၌ ဖမ်းဆီးခဲ့သည့်ဖြစ်စဉ်နှင့် ကျူးဘား နိုင်ငံအပေါ် အမေရိကန်၏ ဖိအားပေးမှုများ မြင့်တက်လာချိန်တွင် ထွက်ပေါ် လာခြင်းဖြစ်သည်။သမ္မတပက်ထရိုက လက်တင်အမေရိကသည် သိမ်းပိုက်ရမည့် နယ်မြေမဟုတ်ကြောင်းနှင့် ကျူးဘားအပါအဝင် ဒေသတွင်းနိုင်ငံများကို အင်ပါယာ ဆန်သောဖိနှိပ်မှုများထက် နည်းပညာနှင့် စွမ်းအင်ကဏ္ဍများတွင် ပူးပေါင်းဆောင်ရွက်မှုများပြုလုပ်ရန် လိုအပ်ကြောင်း အလေးပေး ပြောကြားခဲ့သည်။ ထို့ပြင် ၎င်းက အမေရိကန် နိုင်ငံခြားရေးဝန်ကြီး မာကိုရူဘီယိုနှင့် အီလွန်မက်တို့၏ အယူအဆများသည် လူ့အဖွဲ့အစည်းအတွင်း အကြမ်းဖက်မှုများကိုသာ ဖြစ်ပေါ်စေနိုင်ကြောင်းလည်း ဝေဖန်ခဲ့သည်။အမေရိကန်သည် ဗင်နီဇွဲလားအပြင် မူးယစ်ဆေးဝါးတိုက်ဖျက်ရေးခေါင်းစဉ်အောက်၌ အီကွေဒေါတွင် စစ်ဆင်ရေးများလုပ်ဆောင်ခြင်း၊ မက္ကဆီကိုကို ခြိမ်းခြောက်ခြင်းနှင့် ကာရေဘီယံပင်လယ်ပြင်တွင် သင်္ဘောများကိုတိုက်ခိုက်ခြင်းစသည့် စစ်ရေးလှုပ်ရှားမှုများကို ချဲ့ထွင်လျက်ရှိသည်။ တင်းမာမှုများရှိသော်လည်း ကိုလံဘီယာသည် မူးယစ်ဆေးဝါး တိုက်ဖျက်ရေးတွင် အမေရိကန်နှင့် ဆက်လက်ပူးပေါင်း ဆောင်ရွက်နေဆဲဖြစ်ပြီး နှစ်နိုင်ငံအနေဖြင့် နယ်စပ်တစ်လျှောက်ရှိ လက်နက်ကိုင် အဖွဲ့များအား ပူးတွဲစစ်ဆင်ရန် သဘောတူထားသည်။ တစ်ဖက်တွင်မူ ရုရှား နိုင်ငံက အမေရိကန်၏ လုပ်ရပ်များသည် နိုင်ငံတကာဥပဒေနှင့် အချုပ်အခြာအာဏာကို ပြောင်ပြောင်တင်းတင်း ချိုးဖောက်ခြင်း ဖြစ်ကြောင်း ပြင်းပြင်းထန်ထန် ရှုတ်ချခဲ့ပြီး သမ္မတမာဒူရိုအား ချက်ချင်းလွှတ်ပေးရန် ထပ်လောင်းတောင်းဆိုထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ဝန်ကြီး -၂
Sat, 14-Mar-2026
အီရန်နှင့် လက်ဘနွန်မှ စစ်ဘေးရှောင်များအတွက် ဂျာမနီနိုင်ငံသည် အဓိကဦးတည်ရာဖြစ်လာနိုင်ဟု အစီရင်ခံစာခန့်မှန်း
အီရန်နှင့် လက်ဘနွန်မှ စစ်ဘေးရှောင်များအတွက် ဂျာမနီနိုင်ငံသည် အဓိကဦးတည်ရာဖြစ်လာနိုင်ဟု အစီရင်ခံစာခန့်မှန်း
အမေရိကန်နှင့် အစ္စရေးနိုင်ငံတို့၏ရန်လိုမှုများ ဆက်လက် ဖြစ်ပေါ်နေပါက စစ်ဘေးကြောင့် ထွက်ပြေးတိမ်းရှောင်လာမည့် အီရန်နိုင်ငံသား အများစုသည် ဂျာမနီနိုင်ငံသို့ ဦးတည်လာဖွယ်ရှိကြောင်း ဘာလင်အခြေစိုက်သုတေသနအဖွဲ့တစ်ခုက ခန့်မှန်းထုတ်ပြန်လိုက်သည်။ လူဦးရေ သန်း ၉၀ ကျော်ရှိသည့် အီရန်နိုင်ငံ၌ ဖြစ်ပွားနေသော မငြိမ်သက်မှုများသည် ဥရောပသမဂ္ဂ (EU) အတွင်းသို့ ဒုက္ခသည်များအလုံးအရင်းဖြင့် ရောက်ရှိလာမည်ကို စိုးရိမ်မှုများ မြင့်တက်စေလျက်ရှိသည်။သောကြာနေ့ (မတ် ၁၃) က ထုတ်ဝေသည့် Munchner Merkur သတင်းစာ၏ ဖော်ပြချက်အရ Rockwool Foundation Berlin (RF) ၏ လေ့လာမှုတွင် အီရန်စစ်ဘေးရှောင်များ၏ ၂၈ ရာခိုင်နှုန်းက ဂျာမနီကို အကောင်းဆုံးဦးတည်ရာအဖြစ် ရွေးချယ်ထားကြောင်း ဖော်ပြပါရှိသည်။ ထို့အပြင် လက်ဘနွန်နိုင်ငံမှ ရွှေ့ပြောင်းလာသူများ၏ ၁၄ ရာခိုင်နှုန်းခန့်ကလည်း ဂျာမနီကိုပင် ခိုလှုံရာအဖြစ်ရွေးချယ်ကြလိမ့်မည်ဟု ၂၀၂၄ ခုနှစ် Gallup စစ်တမ်း၏ တွေ့ရှိချက်များအရ သိရှိရသည်။RF Berlin ၏ ဒါရိုက်တာနှင့် အစီရင်ခံစာတွဲဖက်ရေးသားသူ Christian Dustmann က ဂျာမနီနိုင်ငံတွင် အီရန်နှင့်လက်ဘနွန်နွယ်ဖွား လူမှု အသိုင်းအဝိုင်းများ ကြိုတင်အခြေချနေထိုင်ပြီးဖြစ်နေခြင်းက လာရောက်မည့်သူများအတွက် ပိုမိုဆွဲဆောင်မှုရှိစေကြောင်း ထောက်ပြပြောဆို သည်။ ထို့အပြင် ကနေဒါနှင့် အမေရိကန်နိုင်ငံများကဲ့သို့သော နေရာများသို့ ပထဝီဝင်အနေအထားအရ သွားရောက်ရန်ခက်ခဲခြင်းကြောင့် “ဥရောပ၊ အထူးသဖြင့် ဂျာမနီနိုင်ငံသည် ဒုက္ခသည်များ၏ အဓိက ဦးတည်ရာ ဖြစ်လာလိမ့်မည်” ဟု အဆိုပါသုတေသီက Merkur သတင်းစာသို့ ပြောကြားထားသည်။သောကြာနေ့ (မတ် ၁၃) ကပင် Politico သတင်းဌာန၏ ဖော်ပြချက်အရ အီရန်နိုင်ငံအတွင်း ဖြစ်ပွားနေသောစစ်ပွဲကြောင့် ထွက်ပြေးလာမည့် ဒုက္ခသည်များအတွက် ဥရောပသမဂ္ဂ (EU) က ကြိုတင်ပြင်ဆင်မှုများ ပြုလုပ်နေကြောင်း သိရှိရသည်။ ဆိုက်ပရပ်စ်နိုင်ငံ၏ ရွှေ့ပြောင်း သွားလာရေးဆိုင်ရာ ဒုတိယဝန်ကြီး Nicholas Ioannides က “ဒုက္ခသည် အရေးအခင်းအသစ်တစ်ခု ဖြစ်ပေါ်လာနိုင်ခြေကို လျစ်လျူရှုထား၍ မရပါ” ဟု အဆိုပါသတင်းဌာနသို့ ပြောကြားခဲ့သည်။Politico ၏ အဆိုအရ စစ်ပွဲမစတင်မီကတည်းက EU ၏ ခိုလှုံခွင့်ဆိုင်ရာ အေဂျင်စီတစ်ခုက “အီရန်နိုင်ငံ၏ မတည်မငြိမ်ဖြစ်မှု အနည်းငယ်မျှပင် လျှင် မကြုံစဖူးသောဒုက္ခသည်များ ရွေ့လျားမှုကို ဖြစ်ပေါ်စေနိုင်သည်” ဟု သတိပေးချက်ထုတ်ပြန်ခဲ့ဖူးကြောင်း သိရှိရသည်။၂၀၁၅ ခုနှစ် ဆီးရီးယားပြည်တွင်းစစ် အမြင့်ဆုံးကာလတွင် EU သည် ဒုက္ခသည်တစ်သန်းကျော်ကို လက်ခံခဲ့ရသည်။ ထိုသို့ ဒုက္ခသည်များ အလုံးအရင်းဖြင့်ဝင်ရောက်လာခြင်းသည် ဂျာမနီအပါအဝင် အဖွဲ့ဝင် နိုင်ငံများစွာ၌ ပြည်တွင်းရေးပဋိပက္ခများကို ဖြစ်ပေါ်စေခဲ့သည်။ တံခါးဖွင့်မူဝါဒကို ဝေဖန်သူများကမူ ပြစ်မှုကျူးလွန်မှုများ မြင့်တက်လာခြင်း၊ အကြမ်းဖက်မှုခြိမ်းခြောက်ခံရခြင်းနှင့် ဒုက္ခသည်များ လူ့အဖွဲ့အစည်း အတွင်းပေါင်းစည်းရန် ပျက်ကွက်ခြင်းတို့ကို ထောက်ပြဝေဖန်လေ့ ရှိကြသည်။ဆွီဒင်နိုင်ငံ၏ ရွှေ့ပြောင်းသွားလာရေးဆိုင်ရာ ဝန်ကြီး Johan Forssell ၏ ပြောကြားချက်ကို ကိုးကား၍ Politico က ဖော်ပြရာတွင် “မိမိတို့ အနေဖြင့် လွန်ခဲ့သော ၁၀ နှစ်က ဖြစ်ပျက်ခဲ့သည့် အကျိုးဆက်များကို ယနေ့တိုင်ခံစားနေရဆဲ ဖြစ်ပါတယ်၊ ထိုအခြေအနေမျိုး ထပ်မံဖြစ်ပွား ခြင်းမှာ EU အတွက် ရွေးချယ်စရာတစ်ခုမဟုတ်တော့ပါ” ဟု ဆိုသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ဝန်ကြီး -၂
Sat, 14-Mar-2026
ကျူးဘားတွင် စွမ်းအင်အကျပ်အတည်းဆိုးရွားနေစဉ် အမေရိကန်နှင့် ဆွေးနွေးမှုများ ပြုလုပ်နေကြောင်း သမ္မတ အတည်ပြု
ကျူးဘားတွင် စွမ်းအင်အကျပ်အတည်းဆိုးရွားနေစဉ် အမေရိကန်နှင့် ဆွေးနွေးမှုများ ပြုလုပ်နေကြောင်း သမ္မတ အတည်ပြု
ကျူးဘားနိုင်ငံအတွင်း စွမ်းအင်အကျပ်အတည်းနှင့် လျှပ်စစ်မီးပြတ်တောက်မှုများ တစ်နိုင်ငံလုံးအတိုင်းအတာဖြင့် ဆိုးရွားစွာကြုံတွေ့နေရစဉ် ဟာဗားနားအစိုးရ တာဝန်ရှိသူများသည် အမေရိကန် သမ္မတ ဒေါ်နယ်ထရမ့်၏ အစိုးရအဖွဲ့နှင့် ဆွေးနွေးမှုများပြုလုပ်နေကြောင်း ကျူးဘားသမ္မတ မီဂွယ် ဒိုင်ယာဇ်-ကန်နယ် (Miguel Diaz-Canel) က အတည်ပြုပြောကြားခဲ့သည်။ကာရေဘီယံနိုင်ငံဖြစ်သော ကျူးဘားအပေါ် စီးပွားရေးအရ ဖိအားပေးမှုများ မြင့်တက်နေချိန်တွင် ယခုကဲ့သို့ဆက်သွယ်မှုများ ပေါ်ပေါက်လာခြင်း ဖြစ်သည်။ ကျူးဘားအာဏာပိုင်များက နိုင်ငံ၏ လျှပ်စစ်ထုတ်လုပ်မှုကဏ္ဍ အကြပ်ရိုက်နေရခြင်းမှာ အမေရိကန်၏ ပိတ်ဆို့အရေးယူမှုများနှင့် လောင်စာဆီတင်သွင်းမှုအပေါ် ကန့်သတ်ချက်များကြောင့်ဖြစ်သည်ဟု ပြစ်တင်ဝေဖန်ထားသည်။ ထို့အပြင် အီရန်ပဋိပက္ခနှင့် ကမ္ဘာ့ရေနံစျေးနှုန်းမြင့်တက်လာမှုတို့က အခြေအနေကို ပိုမိုဆိုးရွားစေခဲ့ပြီး ယခုလအတွင်း ရေနံစိမ်းတစ်စည်လျှင် အမေရိကန်ဒေါ်လာ ၁၁၀ အထိ ရောက်ရှိခဲ့ရာ ၎င်းမှာ ကပ်ရောဂါဖြစ်ပွားပြီးနောက်ပိုင်း အမြင့်ဆုံးစျေးနှုန်းဖြစ်သည်။သောကြာနေ့ (မတ် ၁၃) က ရုပ်သံမှတစ်ဆင့် မိန့်ခွန်းပြောကြားရာတွင် ဒိုင်ယာဇ်-ကန်နယ်က အဆိုပါ ဆက်သွယ်မှုများသည် ဆွေးနွေးညှိနှိုင်းမှုမှတစ်ဆင့် အဖြေရှာရန် ရည်ရွယ်ခြင်းဖြစ်သည်ဟု ပြောကြားခဲ့သော်လည်း ဆွေးနွေးပွဲ မည်သည့်နေရာ၊ မည်သည့်အချိန်တွင် ပြုလုပ်သည် သို့မဟုတ် မည်သည့်အရာရှိများ ပါဝင်သည်ဆိုခြင်းကိုမူ အသေးစိတ်ထည့်သွင်းပြောကြားခဲ့ခြင်း မရှိပေ။ယခုကဲ့သို့ ဝါရှင်တန်နှင့် တရားဝင်ဆွေးနွေးမှုများရှိနေကြောင်း ဟာဗားနား အစိုးရက လူသိရှင်ကြားဝန်ခံလိုက်ခြင်းမှာ ဆယ်စုနှစ်တစ်ခုကျော် အတွင်း ပထမဆုံးအကြိမ်ဖြစ်သည်။ ဗင်နီဇွဲလားသမ္မတ နီကိုလက်စ် မာဒူရိုအား အမေရိကန်ကဖမ်းဆီးခဲ့ပြီးနောက် ဗင်နီဇွဲလားမှ ရေနံတင်ပို့မှုများရပ်ဆိုင်းသွားခြင်းနှင့် အခြားရေနံတင်သွင်းရာလမ်းကြောင်းများကို ဝါရှင်တန်က ပိတ်ဆို့ရန် ကြိုးပမ်းလာခြင်းတို့ကြောင့် ကျူးဘားတွင် ရက်သတ္တပတ်ပေါင်းများစွာ လျှပ်စစ်မီးပြတ်တောက်ခြင်း၊ လောင်စာဆီပြတ်လပ်ခြင်းနှင့် လူထု၏ မကျေနပ်မှုများ မြင့်တက်လာပြီးနောက် ယခု ကြေညာချက် ထွက်ပေါ်လာခြင်းဖြစ်သည်။ သမ္မတ ထရမ့်က ကျူးဘားအပေါ် လုံးဝဥဿုံ ရေနံပိတ်ဆို့မှု (Total oil blockade) ပြုလုပ်မည်ဟု အကြိမ်ကြိမ်ခြိမ်းခြောက်ထားပြီး ကျူးဘားသို့ ရေနံစိမ်းရောင်းချသည့် နိုင်ငံများကိုလည်း အခွန်တိုးမြှင့်ကောက်ခံမည်ဟု သတိပေးထားသည်။လွန်ခဲ့သည့် သုံးလအတွင်း နိုင်ငံအတွင်းသို့ မည်သည့်ရေနံတင်သွင်းမှုမျှ မရောက်ရှိခဲ့ကြောင်းနှင့် ထိုသို့ပိတ်ဆို့ထားမှုများကြောင့် ကလေးငယ် များအပါအဝင် လူပေါင်းသောင်းနှင့်ချီ၍ ခွဲစိတ်ကုသမှုများ မခံယူနိုင်ဘဲဖြစ်နေရကြောင်း ဒိုင်ယာဇ်-ကန်နယ်က ဖြည့်စွက်ပြောကြားခဲ့သည်။ပြီးခဲ့သည့် သီတင်းပတ်အတွင်းကလည်း သမ္မတ ထရမ့်က ကျူးဘား နိုင်ငံသည် မကြာမီ ပြိုလဲတော့မည်ဟု ပြောကြားခဲ့သည်။ ၎င်းက အမေရိကန် အနေဖြင့် ကျူးဘားကို "မိတ်ဆွေအဖြစ် သိမ်းပိုက်ခြင်း" (Friendly takeover) မျိုး ပြုလုပ်နိုင်သည်ဟု အစောပိုင်းတွင် အရိပ်အမြွက် ပြောဆိုခဲ့သော်လည်း တစ်ဆက်တည်းမှာပင် အခြားနည်းလမ်းဖြင့်သိမ်းပိုက်ခြင်းလည်းဖြစ်နိုင်ကြောင်း ထည့်သွင်းပြောဆိုခဲ့သည်။သမ္မတ ဒိုင်ယာဇ်-ကန်နယ်ကမူ ဟာဗားနားအစိုးရအနေဖြင့် မိမိတို့၏ မူဝါဒများနှင့် အချုပ်အခြာအာဏာကို စွန့်လွှတ်မည်မဟုတ်ဘဲ ဆွေးနွေးမှုများကို စတင်နေခြင်းဖြစ်ကြောင်း ပြောကြားခဲ့သည်။ ၎င်း၏ အစိုးရအဖွဲ့သည် ပြိုလဲလုနီးပါးဖြစ်နေသည်ဆိုသည့် ပြောဆိုချက်များကို ငြင်းဆိုခဲ့ သော်လည်း ကျူးဘားနိုင်ငံသည် သမိုင်းတစ်လျှောက်အဆိုးရွားဆုံးသော စီးပွားရေးနှင့် စွမ်းအင်အကျပ်အတည်းများထဲမှတစ်ခုကို ရင်ဆိုင်နေရကြောင်းကိုမူ မကြာသေးမီက ဝန်ခံခဲ့သည်။ကျူးဘား အစိုးရသည် ၎င်းတို့၏ စီးပွားရေးအခက်အခဲများမှာ ဆယ်စုနှစ်ပေါင်းများစွာ ကြာမြင့်နေပြီဖြစ်သော အမေရိကန်၏ ပိတ်ဆို့အရေးယူမှုများကြောင့်ဖြစ်ကြောင်း၊ ယင်းပိတ်ဆို့မှုများက နိုင်ငံ၏ ဖွံ့ဖြိုးတိုးတက်မှုကို အဟန့်အတားဖြစ်စေပြီး ကမ္ဘာ့စျေးကွက်သို့ ဝင်ရောက်ခွင့်ကို ကန့်သတ်ထားကြောင်း ကာလရှည်ကြာစွာ ပြစ်တင်ပြောဆိုခဲ့သည်။ ကျူးဘား နိုင်ငံသည် ၎င်း၏ စွမ်းအင်လိုအပ်ချက်ကို ဖြည့်ဆည်းရန်အတွက် မက္ကဆီကို၊ ရုရှားနှင့် ဗင်နီဇွဲလားနိုင်ငံတို့မှ ရေနံတင်သွင်းမှုအပေါ် ပိုမိုမှီခိုလာခဲ့ရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ဝန်ကြီး -၂
Sat, 14-Mar-2026
အမေရိကန်နှင့် အစ္စရေး၏ အီရန်စစ်ပွဲမှာ နိုင်ငံတကာဥပဒေနှင့် ဆန့်ကျင် နေဟု အီတလီဝန်ကြီးချုပ် မယ်လိုနီ ဝေဖန်
အမေရိကန်နှင့် အစ္စရေး၏ အီရန်စစ်ပွဲမှာ နိုင်ငံတကာဥပဒေနှင့် ဆန့်ကျင်နေဟု အီတလီဝန်ကြီးချုပ် မယ်လိုနီ ဝေဖန်
အမေရိကန်သမ္မတ ဒေါ်နယ်ထရမ့်၏ ရင်းနှီးသောမဟာမိတ်ဖြစ်သူ အီတလီဝန်ကြီးချုပ် ဂျော်ဂျီယာ မယ်လိုနီသည် အမေရိကန်နှင့် အစ္စရေး တို့၏ အီရန်နိုင်ငံအပေါ်ဆင်နွှဲနေသော စစ်ပွဲအား ပြင်းထန်စွာ ဝေဖန်လိုက်သည်။ ဗုဒ္ဓဟူးနေ့ (မတ် ၁၁) က ကျင်းပခဲ့သည့် အီတလီ အထက် လွှတ်တော်မိန့်ခွန်းတွင် မယ်လိုနီက အဆိုပါစစ်ရေးလှုပ်ရှားမှုများသည် နိုင်ငံတကာဥပဒေဘောင်ပြင်ပတွင်ရှိနေပြီး ကမ္ဘာ့အစီအစဉ်များ ပျက်ပြား နေသည့် လက္ခဏာဖြစ်ကြောင်း ထောက်ပြပြောဆိုခဲ့သည်။ အထူးသဖြင့် အီရန်တောင်ပိုင်းရှိ ကျောင်းတစ်ကျောင်း တိုက်ခိုက်ခံရမှုကြောင့် ကလေးငယ်အများစုအပါအဝင် လူပေါင်း ၁၇၀ ခန့် သေဆုံးခဲ့ရသည့် ဖြစ်ရပ်ကို "မိန်းကလေးငယ်များ အစုလိုက်အပြုံလိုက် သတ်ဖြတ်ခံရမှု" ဟု ခေါ်ဆိုကာ အသေးစိတ် စုံစမ်းစစ်ဆေးရန် တောင်းဆိုခဲ့သည်။ အမေရိကန်မီဒီယာများက အဆိုပါကျောင်းသည် အမေရိကန်၏ တိုမားဟော့ဒုံးကျည်ဖြင့် တိုက်ခိုက်ခံရခြင်းဖြစ်ကြောင်း ဖော်ပြနေ သော်လည်း သမ္မတ ထရမ့်ကမူ အဆိုပါစွပ်စွဲချက်များကိုပယ်ချခဲ့ပြီး အီရန်၏ လက်ချက်သာဖြစ်ကြောင်း တုံ့ပြန်ထားသည်။အဆိုပါအခြေအနေသည် အမေရိကန်နှင့် ဥရောပသမဂ္ဂအကြား သံတမန်ရေးရာ အက်ကွဲကြောင်းကို ပိုမိုကြီးထွားစေခဲ့သည်။ အထူးသဖြင့် စပိန် ဝန်ကြီးချုပ်က တိုက်ခိုက်မှုများကို တရားမဝင်ဟု ဝေဖန်ခဲ့ခြင်းကြောင့် ထရမ့်က စပိန်နှင့် ကုန်သွယ်မှုများရပ်ဆိုင်းမည်ဟု ခြိမ်းခြောက်မှုများ ဖြစ်ပေါ်ခဲ့သည်။ ပြင်သစ်သမ္မတ မက်ခရွန်ကလည်း အဆိုပါတိုက်ခိုက်မှုများသည် နိုင်ငံတကာ ဥပဒေနှင့် ကိုက်ညီမှုမရှိကြောင်း ထောက်ပြခဲ့သည်။ နိုင်ငံတွင်း ၌လည်း မယ်လိုနီအနေဖြင့် စစ်ပွဲအတွင်း ပါဝင်မိမည်ကို စိုးရိမ်နေသည့် ပြည်သူများ၏ ဖိအားနှင့် တရားစီရင်ရေးပြုပြင်ပြောင်းလဲမှုဆိုင်ရာ လူထု ဆန္ဒခံယူပွဲကို ရင်ဆိုင်နေရသည်။ ထို့အပြင် အီတလီသည် စစ်ရေးလှုပ်ရှားမှုမတိုင်မီ ကြိုတင် အကြောင်းကြားခြင်း မခံခဲ့ရသဖြင့် အတိုက်အခံများက မယ်လိုနီကို "ထရမ့်နှင့် ဥရောပအကြား ပေါင်းကူးတံတား" ဟူသော ဂုဏ်ပုဒ်မှာ သတင်းမှားသာဖြစ်ကြောင်း ဝေဖန်တိုက်ခိုက်လာကြသည်။ ယခင်က ထရမ့်၏ "အံ့မခန်း ခေါင်းဆောင်" ဟု ချီးကျူးခံခဲ့ရသည့် မယ်လိုနီအတွက် ယခုဖြစ်စဉ်သည် သူမ၏ နိုင်ငံရေးရပ်တည်ချက်ကို စိန်ခေါ်မှုတစ်ရပ် ဖြစ်လာစေသည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Fri, 13-Mar-2026
အမေရိကန်-အစ္စရေး၏ အီရန်စစ်ပွဲအပေါ် အီးယူ၏ ‘ကျွန်ခံသော သဘောထား’ ကို စပိန်ဒုတိယဝန်ကြီးချုပ် ပြင်းထန်စွာ ဝေဖန်
အမေရိကန်-အစ္စရေး၏ အီရန်စစ်ပွဲအပေါ် အီးယူ၏ ‘ကျွန်ခံသော သဘောထား’ ကို စပိန်ဒုတိယဝန်ကြီးချုပ် ပြင်းထန်စွာ ဝေဖန်
စပိန်ဒုတိယဝန်ကြီးချုပ် ယိုလန်ဒါ ဒီယာ့ဇ် (Yolanda Diaz) သည် အမေရိကန်နှင့် အစ္စရေးတို့၏ အီရန်အပေါ် စစ်ရေးလှုပ်ရှားမှုများနှင့် ပတ်သက်၍ ဥရောပသမဂ္ဂ (EU) ခေါင်းဆောင်များ၏ အားနည်းချက်ကို ပြင်းပြင်းထန်ထန် ဝေဖန်လိုက်သည်။ အီးယူအနေဖြင့် အမေရိကန် သမ္မတ ဒေါ်နယ်ထရမ့်အပေါ် "ကျွန်ခံသည့်သဘော (Servile)" ဆက်ဆံနေခြင်းသည် ဥရောပသမဂ္ဂအတွင်း အီးယူဆန့်ကျင်ရေး (Euroskeptic) စိတ်ဓာတ်များကို ပိုမိုအားပေးရာရောက်စေမည်ဟု သူမက သတိပေးခဲ့သည်။ကြာသပတေးနေ့ (မတ် ၁၂) က Politico သတင်းဌာနနှင့်ပြုလုပ်ခဲ့သည့် အင်တာဗျူးတွင် ဒီယာ့ဇ်က လက်ရှိ ဥရောပသမဂ္ဂ၏ အခြေအနေကို ‘သမိုင်းဝင် အရေးပါသောကာလတွင် အဖော်မဲ့ဖြစ်နေသည့် အသင်းအဖွဲ့တစ်ခု’ ဟု ခိုင်းနှိုင်းပြောကြားခဲ့သည်။ ထို့အပြင် အီးယူအနေဖြင့် အမေရိကန်သမ္မတ ထရမ့်၏ ‘ဓားစာခံ’ ဖြစ်နေမည့်အစား ကိုယ်ပိုင် နိုင်ငံခြားရေးမူဝါဒအတွက် ရပ်တည်တိုက်ပွဲဝင်သင့်ကြောင်း သူမက အလေးအနက် တိုက်တွန်းခဲ့သည်။ပြီးခဲ့သည့်လနှောင်းပိုင်းတွင် အမေရိကန်နှင့် အစ္စရေးတို့ စတင်ခဲ့သည့် စစ်ပွဲသည် ‘လုံးဝ တရားမဝင်သော စစ်ပွဲ’ ဖြစ်ကြောင်း ဒီယာဇ်က ဆိုသည်။ ထို့အပြင် အဆိုပါ တိုက်ခိုက်မှုများကို ချက်ချင်းရှုတ်ချရန် ပျက်ကွက်ခဲ့သည့် ဥရောပကော်မရှင် ဥက္ကဋ္ဌ အာဆူလာ ဗွန်ဒါလိုင်ယန်၏ လုပ်ရပ်ကိုလည်း သူမက ပြစ်တင်ဝေဖန်ခဲ့သည်။အီးယူခေါင်းဆောင်များ၏ ထရမ့်အပေါ် ကျိုးနွံလွန်းနေသည့် သဘောထားနှင့်ပတ်သက်၍ ဒီယာ့ဇ်က "ဒေါ်နယ်ထရမ့်ဆိုတာ သူ့ကိုကျွန်ခံသူတွေကို လေးစားမယ့်သူမဟုတ်မှန်း သိလျက်နှင့် အီးယူခေါင်းဆောင်တွေ ယခုလို ပြုမူနေတာဟာ ရူးသွပ်သည့်လုပ်ရပ်သာ ဖြစ်ပါတယ်" ဟု မှတ်ချက်ပြု ခဲ့သည်။ယခုကဲ့သို့ ဒီယာဇ်၏ ဝေဖန်မှုများသည် စပိန်နှင့်အမေရိကန်တို့အကြား တင်းမာမှုများ မြင့်တက်နေသည့်အချိန်တွင် ထွက်ပေါ်လာခြင်း ဖြစ်သည်။ အီရန်ကိုတိုက်ခိုက်ရန်အတွက် စပိန်ရှိ ပူးတွဲစစ်စခန်းများကို အသုံးပြုခွင့်ပေးရန် အမေရိကန်၏ တောင်းဆိုမှုကို စပိန်က ငြင်းပယ်ခဲ့သကဲ့သို့ NATO ၏ ကာကွယ်ရေးအသုံးစရိတ် GDP 5% ထိ တိုးမြှင့်ရမည်ဆိုသည့် သတ်မှတ်ချက်ကိုလည်း မဖြစ်နိုင်သောတောင်းဆိုမှုဟု ပယ်ချခဲ့သည်။ ယင်းလုပ်ရပ်များကြောင့် သမ္မတထရမ့်က စပိန်နှင့် ကုန်သွယ်မှုအားလုံးကို ရပ်ဆိုင်းပစ်မည်ဟု ခြိမ်းခြောက်ထားခြင်းဖြစ်သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Fri, 13-Mar-2026
© Copyright 2024 SAC All Rights Reserved.