တရုတ်က ရေအောက်မီတာ ၂၀၀ အနက်ရှိ ဖိအားမျိုးမှာ ဒုံးကျည်အင်ဂျင်ကို အောင်မြင်စွာစမ်းသပ်နိုင်

NoahJune222

News Image

  • တရုတ်က ရေအောက်မီတာ ၂၀၀ အနက်ရှိ ဖိအားမျိုးမှာ ဒုံးကျည်အင်ဂျင်ကို အောင်မြင်စွာစမ်းသပ်နိုင်

တရုတ်နိုင်ငံက ပင်လယ်ရေမျက်နှာပြင်အောက် မီတာ ၂၀၀ အနက်ရှိဖိအားမျိုးမှာ ဒုံးကျည်အင်ဂျင်ကို အောင်မြင်စွာ စမ်းသပ်နိုင်ခဲ့ပါတယ်။ မတ်လ ၂၅ ရက်မှာ ထုတ်ပြန်တဲ့သုတေသနအရ အခုလိုစမ်းသပ်မှုဟာ ရေငုပ်သင်္ဘောအခြေပြုပြီး ပစ်လွှတ်နိုင်တဲ့ဒုံးကျည်တွေကို အရင်ကထက်ပိုမိုနက်ရှိုင်းတဲ့ ရေအောက်ပိုင်းကနေ ပစ်ခတ်နိုင်စေဖို့ လမ်းခင်းပေးလိုက်တာပါ‌။

ပုံမှန်အားဖြင့် ရေငုပ်သင်္ဘောအခြေပြုဒုံးကျည်တွေကို အနက်မီတာ ၃၀ ခန့်ရှိတဲ့ ရေတိမ်ပိုင်းကပဲ ပစ်ခတ်နိုင်ပေမယ့် အခုလိုဒုံးကျည်အင်ဂျင်ရဲ့ ရှေ့ပြေးပုံစံကတော့ ပြင်းထန်တဲ့ ရေအောက်ဖိအားကြားမှာတောင် တည်ငြိမ်တဲ့ ပေါက်ကွဲအားကို ထုတ်ပေးနိုင်တာ တွေ့ရပါတယ်။ ဒီနည်းပညာကြောင့် တရုတ်တပ်မတော်ရဲ့ နျူကလီးယားတုံ့ပြန်မှု စွမ်းရည်ဟာ ပိုပြီးမြင့်မားလာမှာ ဖြစ်သလို ရန်သူကထောက်လှမ်းဖို့ခက်ခဲတဲ့ ပင်လယ်နက်ပိုင်းတွေကိုလည်း ဒုံးကျည်ပစ်လွှတ်နိုင်တဲ့ ပလက်ဖောင်းတွေအဖြစ် အသုံးပြုလာနိုင်မှာပါ။

သုတေသီတွေရဲ့အဆိုအရ ရေအောက်ဖိအားကြောင့် ဒုံးကျည်ရဲ့တွန်းအားဟာ ၃၂ ရာခိုင်နှုန်းကျော် လျော့နည်းတာမျိုး ရှိပေမယ့်ဒါဟာ ပင်လယ်ကြမ်းပြင်မှာ  အမြဲတမ်းတပ်ဆင်ထားမယ့် လက်နက်သစ်တွေအတွက် အရေးပါလာမှာ ဖြစ်ပါတယ်။     

Ref: IE

ကိုထက်

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

UFO နှင့် ဂြိုဟ်သားများမှာ မိစ္ဆာများသာဖြစ်ကြောင်း အမေရိကန် ဒုတိယသမ္မတ J.D. Vance ပြောကြား
UFO နှင့် ဂြိုဟ်သားများမှာ မိစ္ဆာများသာဖြစ်ကြောင်း အမေရိကန် ဒုတိယသမ္မတ J.D. Vance ပြောကြား
အမေရိကန်ဒုတိယသမ္မတ J.D. Vance က အမျိုးအမည်မသိယာဉ်ပျံ (UFO) များနှင့် ဂြိုဟ်သား (Aliens) ဆိုသည်မှာ အမှန်တကယ်တွင် "မိစ္ဆာများ (Demons)" သာဖြစ်ကြောင်းနှင့် ယင်းနှင့်ပတ်သက်သည့် အစိုးရ၏ လျှို့ဝှက်ဖိုင်တွဲများကို ရှာဖွေဖော်ထုတ်သွားမည်ဖြစ်ကြောင်း ထုတ်ဖော်ပြောကြားလိုက်သည်။ ပြီးခဲ့သည့် သောကြာနေ့ (မတ် ၂၇) က Podcaster Benny Johnson နှင့် အင်တာဗျူးရာတွင် Vance က ၎င်းအနေဖြင့် UFO ကိစ္စရပ်များကို အထူးစိတ်ဝင်စားပြီး အစိုးရ၏ အဆင့်မြင့်လျှို့ဝှက်ချက်များကို ကြည့်ရှုခွင့်ရသည့် လက်ရှိ ၃ နှစ်တာကာလအတွင်း Area 51 ကဲ့သို့သောလျှို့ဝှက်စခန်းများအထိ သွားရောက်ကာ အမှန်တရားကို စုံစမ်း ဖော်ထုတ်သွားမည်ဟု ဆိုသည်။Vance ၏ အမြင်အရ ဂြိုဟ်သားဆိုသည်မှာ အာကာသမှလာသူများမဟုတ်ဘဲ ခရစ်ယာန်ဘာသာရေးအယူအဆအရ လူသားတို့အပေါ် ထူးဆန်းသောအပြုအမူများပြုလုပ်လေ့ရှိသည့် "ကောင်းကင်ယံမှ နတ်မိစ္ဆာသတ္တဝါများ" သာဖြစ်ကြောင်း ဖွင့်ဆိုခဲ့သည်။ထိုအတောအတွင်း သမ္မတ Donald Trump ကလည်း အများပြည်သူ၏ စိတ်ဝင်စားမှုမြင့်တက်လာခြင်းကြောင့် UFO နှင့်ပတ်သက်သည့် အစိုးရ ဖိုင်တွဲများကို ရှာဖွေထုတ်ပြန်ရန် ဖက်ဒရယ်အေဂျင်စီများကို ညွှန်ကြားထားသည်။ ထို့ပြင် သမ္မတဟောင်း Barack Obama က ဂြိုဟ်သား များသည် "တကယ်ရှိကြောင်း" လူသိရှင်ကြားပြောဆိုခဲ့မှုအပေါ် Trump က ဝေဖန်ခဲ့ပြီး ယင်းသည် လျှို့ဝှက်သတင်းအချက်အလက်များကို မလို အပ်ဘဲ ထုတ်ဖော်ပြောဆိုခြင်းဖြစ်သည်ဟု မှတ်ချက်ပြုခဲ့သည်။အမေရိကန်အစိုးရသည် မကြာသေးမီနှစ်များအတွင်း ပင်တဂွန် စစ်ဌာနချုပ်၏ AARO ရုံးမှတစ်ဆင့် UFO သတင်းပို့မှုများကို စုံစမ်းစစ်ဆေးမှုများ တိုးမြှင့်လုပ်ဆောင်လာခဲ့သည်။ သို့သော်လည်း ၂၀၂၄ ခုနှစ်၊ မတ်လတွင် ပင်တဂွန်က ထုတ်ပြန်ခဲ့သည့် အစီရင်ခံစာအရ ယခုအချိန်အထိ တွေ့ရှိရသည့်ဖြစ်စဉ်များသည် ဂြိုဟ်သားနည်းပညာဖြစ်ကြောင်း သက်သေအထောက်အထားမရှိသေးဘဲ အများစုမှာ မိုးလေဝသပူဖောင်းများ၊ ဂြိုဟ်တုများနှင့် ထောက်လှမ်းရေးလေယာဉ်များကဲ့သို့သော ပုံမှန်အရာဝတ္ထုများသာဖြစ်ကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
Chery က စွမ်းဆောင်ရည်မြင့်မားပြီး တစ်ကြိမ်အားဖြည့်ရုံနဲ့ မိုင်ပေါင်း ၁၂၄၀ အထိ မောင်းနှင်နိုင်တဲ့ ကားအသစ်ကိုမိတ်ဆက်
Chery က စွမ်းဆောင်ရည်မြင့်မားပြီး တစ်ကြိမ်အားဖြည့်ရုံနဲ့ မိုင်ပေါင်း ၁၂၄၀ အထိ မောင်းနှင်နိုင်တဲ့ ကားအသစ်ကိုမိတ်ဆက်
     တရုတ်ကားကုမ္ပဏီကြီး Chery က စွမ်းဆောင်ရည် အလွန်မြင့်မားပြီး တစ်ကြိမ်အားသွင်းလိုက်ရုံနဲ့ မိုင်ပေါင်း ၁၂၄၀ အထိမောင်းနှင်နိုင်တဲ့ Fulwin T9L ဆိုတဲ့ကားအသစ်ကို မိတ်ဆက်လိုက်ပါတယ်။ ဒီကားကို 135 Air၊ 135 Pro၊ 230 Pro နဲ့ အဆင့်မြင့်ဆုံးဖြစ်တဲ့ 230 Max ဆိုပြီး အမျိုးအစားလေးမျိုးနဲ့ ထုတ်လုပ်တာဖြစ်တဲ့အတွက ်ဝယ်ယူသူရဲ့ စိတ်ကြိုက်ရွေးချယ်မှုအပေါ် မူတည်ပြီး စွမ်းဆောင်ရည်တွေ ကွဲပြားမှာပါ။ အထူးသဖြင့် အဆင့်မြင့်ဆုံး အမျိုးအစားမှာဆိုရင် အင်ဂျင်နဲ့လျှပ်စစ်မော်တာ ပေါင်းစပ်မှုကြောင့်ထွက်လာမယ့် စုစုပေါင်းစွမ်းအင်ဟာ ၃၇၅ ကီလိုဝပ်အထိ ရှိမှာဖြစ်လို့ သူ့ရဲ့အမျိုးအစားတူကားတွေထဲမှာ စွမ်းဆောင်ရည်မြင့် SUV တစ်စီးဖြစ်လာမှာပါ။လျှပ်စစ်စွမ်းအင်သီးသန့်အသုံးပြုတာနဲ့တင် မိုင် ၈၀ ကနေ ၁၄၀ ကျော်အထိ မောင်းနှင်နိုင်မှာဖြစ်ပြီး အင်ဂျင်နဲ့ လျှပ်စစ်ပေါင်းစပ်လိုက်ရင်တော့ ခရီးမိုင်ပေါင်း ၁၂၀၀ ကျော်အထိ အေးအေးဆေးဆေး သွားနိုင်မှာဖြစ်ပါတယ်။ နည်းပညာပိုင်းမှာလည်း အဆင့်မြင့် စနစ်တွေဖြစ်တဲ့ Lidar ဆင်ဆာတွေ၊ စမတ်မောင်းနှင်မှုစနစ်တွေကို ထည့်ပေးထားလို့ ဘေးကင်းလုံခြုံမှုကို ပိုမိုစိတ်ချရစေမှာပါ။ဒါ့အပြင် Chery ကုမ္ပဏီအနေနဲ့ ကားဝယ်ယူမယ့်သူတွေရဲ့ အကြံပြုချက်တွေကိုပါ ရယူဖန်တီးသွားမှာဖြစ်ပါတယ်။    MWD
Sun, 29-Mar-2026
တရုတ်နိုင်ငံရဲ့ ရိုင်ဖယ်တပ်စက်ရုပ်ခွေးတွေက စုဖွဲ့တိုက်ခိုက်နိုင်တဲ့ စနစ်အသစ်ကို အသုံးပြုနိုင်
တရုတ်နိုင်ငံရဲ့ ရိုင်ဖယ်တပ်စက်ရုပ်ခွေးတွေက စုဖွဲ့တိုက်ခိုက်နိုင်တဲ့ စနစ်အသစ်ကို အသုံးပြုနိုင်
     တရုတ်နိုင်ငံရဲ့ ရိုင်ဖယ်တပ်စက်ရုပ်ခွေး အမြောက်အမြားဟာ ဒရုန်းအုပ်စုတွေလို ဦးနှောက်တစ်ခုတည်းကို မျှဝေသုံးစွဲပြီး စုဖွဲ့တိုက်ခိုက်နိုင်တဲ့ စနစ်အသစ်ကို အသုံးပြုကာ မြို့ပြရှင်းလင်းရေး စစ်ဆင်ရေးတွေကို အောင်မြင်စွာ လုပ်ဆောင်နိုင်ခဲ့ပါတယ်။ ဝံပုလွေအုပ်စုလိုမျိုး စုပေါင်းလှုပ်ရှားနိုင်တဲ့ ဒီစက်ရုပ်ခွေးတွေဟာ ခန္ဓာကိုယ်ကြံ့ခိုင်မှုနဲ့ လုပ်ဆောင်နိုင်စွမ်းမြင့်မားအောင် တည်ဆောက်ထားပြီး ခက်ခဲတဲ့မြေပြင်အနေအထားတွေမှာပါ မြန်မြန်ဆန်ဆန်သွားလာနိုင်သလို ပစ္စည်းကိရိယာ အမြောက်အမြားကိုလည်း သယ်ဆောင်နိုင်ပါတယ်။ သူတို့ကို အသံနဲ့ဖြစ်စေ၊ လက်အိတ်နဲ့ဖြစ်စေ ထိန်းချုပ်နိုင်ပြီး တစ်နာရီကို ၁၅ ကီလိုမီတာနှုန်းအထိပြေးနိုင်ကာ အလေးချိန် ၂၅ ကီလိုဂရမ်အထိ သယ်ဆောင်နိုင်စွမ်း ရှိပါတယ်။ ဒီစက်ရုပ်ခွေးတွေဟာ ဒရုန်းတွေနဲ့ပါ ပူးပေါင်းပြီး ဝေဟင်နဲ့မြေပြင် ဟန်ချက်ညီ စစ်ဆင်ရေးတွေ လုပ်ဆောင်နိုင်တာကြောင့် အနာဂတ်စစ်ပွဲတွေရဲ့ပုံစံကို ပြောင်းလဲနိုင်တဲ့နည်းပညာတစ်ခု ဖြစ်လာမှာပါ။ ဒါ့အပြင်စက်ရုပ်တွေက ကိုယ်ပိုင်ဆုံးဖြတ်ချက်နဲ့ပါ တိုက်ခိုက်လာနိုင်မှာဖြစ်တယ်လို့ ပညာရှင်များက ပြောပါတယ်။MWD
Sun, 29-Mar-2026
လေထုညစ်ညမ်းမှုကို များစွာလျှော့ချပေးနိုင်မယ့် ဟိုက်ဒရိုဂျင်စွမ်းအင်သုံး Dash 8 ခရီးသည်တင် လေယာဉ်
လေထုညစ်ညမ်းမှုကို များစွာလျှော့ချပေးနိုင်မယ့် ဟိုက်ဒရိုဂျင်စွမ်းအင်သုံး Dash 8 ခရီးသည်တင် လေယာဉ်
     နယ်သာလန်အခြေစိုက် Conscious Aerospace ကုမ္ပဏီက ဟိုက်ဒရိုဂျင်စွမ်းအင်သုံး Dash 8 ခရီးသည်တင်လေယာဉ်ကို နောက်သုံးနှစ်အတွင်း စမ်းသပ်ပျံသန်းနိုင်ဖို့ အရှိန်အဟုန်မြှင့် ကြိုးစားနေပါတယ်။ ဒီဟိုက်ဒရိုဂျင်အင်ဂျင်စနစ်သစ်ဟာ လက်ရှိ ဒေသတွင်းပျံသန်းနေတဲ့ လမ်းကြောင်းတွေရဲ့ ၉၀ ရာခိုင်နှုန်းအထိ ပျံသန်းနိုင်မှာဖြစ်ပြီး လေထုညစ်ညမ်းမှုကိုလည်း အများကြီး လျှော့ချပေးနိုင်မှာပါ။ နယ်သာလန်အစိုးရကလည်း ဒီစီမံကိန်းအတွက် ယူရို ၇၃ သန်းအထိ ထောက်ပံ့ပေးထားသလို KLM နဲ့Transavia လို လေကြောင်းလိုင်းကြီးတွေကလည်း တော်တော်လေး စိတ်ဝင်စားနေကြပါတယ်။ဒီလေယာဉ်ဟာ ရေမိုင် ၄၀၄ မိုင်အထိပျံသန်းနိုင်မှာဖြစ်လို့ လက်ရှိလေကြောင်းစျေးကွက်အတွက် ဖြေရှင်းချက်တစ်ခုဖြစ်လာမှာပါ။ ဒါ့အပြင် ဒီလေယာဉ်ကိုကမ်းခြေစောင့်တပ်နဲ့ ရေကြောင်းကင်းလှည့်တာမျိုးလို ကာကွယ်ရေးလုပ်ငန်းတွေမှာပါ အသုံးပြုဖို့ရည်ရွယ်ထားပါတယ်။ အခုလောလောဆယ်မှာတော့ အင်ဂျင်ပိုင်းဆိုင်ရာတွေကို အသေးစိတ် စစ်ဆေးနေပြီး ပျံသန်းမှုဘေးကင်းစေဖို့ ဥရောပလေကြောင်းအာဏာပိုင်တွေနဲ့လည်း ညှိနှိုင်းနေတာကြောင့် ဒီနည်းပညာကို မကြာခင် လက်တွေ့မြင်ရတော့မှာဖြစ်ပါတယ်။ MWD
Sun, 29-Mar-2026
AI နည်းပညာအသုံးပြုမှုနှင့် ပတ်သက်၍ ပင်တဂွန်စစ်ဌာနချုပ်နှင့် Anthropic ကုမ္ပဏီတို့၏ အငြင်းပွားမှုတွင် တရားရုံးက ကုမ္ပဏီဘက်မှ အနိုင်ပေးဆုံးဖြတ်
AI နည်းပညာအသုံးပြုမှုနှင့် ပတ်သက်၍ ပင်တဂွန်စစ်ဌာနချုပ်နှင့် Anthropic ကုမ္ပဏီတို့၏ အငြင်းပွားမှုတွင် တရားရုံးက ကုမ္ပဏီဘက်မှ အနိုင်ပေးဆုံးဖြတ်
အမေရိကန် ဖက်ဒရယ်တရားရုံးသည် Anthropic အမည်ရှိ ထိပ်တန်း AI ကုမ္ပဏီအား နိုင်ငံတော်လုံခြုံရေးအတွက် ခြိမ်းခြောက်မှုအဖြစ် သတ်မှတ် ထားသည့် ပင်တဂွန်စစ်ဌာနချုပ်၏ အမိန့်ကိုပယ်ဖျက်လိုက်ပြီး အစိုးရ၏ လုပ်ဆောင်ချက်မှာ ဥပဒေနှင့်မညီကြောင်း ဆုံးဖြတ်ခဲ့သည်။အဆိုပါ အငြင်းပွားမှုသည် Claude အမည်ရှိ AI စနစ်ကို စစ်ဘက်ဆိုင်ရာတွင် အကန့်အသတ်မရှိ အသုံးပြုရေးနှင့်ပတ်သက်၍ စတင်ခဲ့ခြင်း ဖြစ်သည်။ ပင်တဂွန်က ၎င်းနည်းပညာကို ဥပဒေနှင့်အညီ အသုံးပြုမှုအားလုံးတွင် ခွင့်ပြုရန်တောင်းဆိုခဲ့သော်လည်း Anthropic ဘက်ကမူ ၎င်းတို့၏နည်းပညာကို ပြည်တွင်း၌ အလုံးအရင်းဖြင့် ထောက်လှမ်းခြင်း သို့မဟုတ် လူသားထိန်းချုပ်မှုမပါသော အလိုအလျောက်ပစ်ခတ်သည့် လက်နက်များ (Killer AI) တွင် အသုံးပြုမည်ကို စိုးရိမ်သဖြင့် ငြင်းဆန်ခဲ့သည်။ယင်းသို့ ငြင်းဆန်မှုကြောင့် သမ္မတ ဒေါ်နယ်ထရမ့်၏ အစိုးရအဖွဲ့သည် Anthropic ကို နိုင်ငံတော်လုံခြုံရေးအတွက် စိုးရိမ်ရသည့် စာရင်းသွင်းကာ ဖက်ဒရယ်အေဂျင်စီများအားလုံး ၎င်းတို့၏ နည်းပညာကို အသုံးမပြုရန် ပိတ်ပင်ခဲ့သည်။ ယင်းလုပ်ရပ်အပေါ် Anthropic က အစိုးရသည် ၎င်းတို့၏ လွတ်လပ်စွာထုတ်ဖော်ပြောဆိုခွင့်ကို လက်စားချေ တုံ့ပြန်ခြင်းဖြစ်သည် ဟုဆိုကာ တရားစွဲဆိုခဲ့ခြင်းဖြစ်သည်။ အမေရိကန် ခရိုင်တရားသူကြီး Rita Lin က အစိုးရ၏လုပ်ဆောင်ချက်မှာ ဖွဲ့စည်းပုံအခြေခံဥပဒေပါ လွတ်လပ်စွာပြောဆိုခွင့် (First Amendment) ကို ချိုးဖောက်ပြီး လက်စားချေခြင်းဖြစ်သည်ဟုထောက်ပြကာ အစိုးရနှင့် သဘောထားကွဲလွဲရုံဖြင့် ကုမ္ပဏီတစ်ခုကို ရန်သူအဖြစ် တံဆိပ်ကပ်ခြင်း မှာ "အိုဝဲလ်ယန်" (Orwellian) ဆန်လွန်းသော လုပ်ရပ်ဖြစ်ကြောင်း မှတ်ချက်ပြုခဲ့သည်။(Orwellian (အိုဝဲလ်ယန်) ဆိုသည့် စကားရပ်သည် ဗြိတိသျှစာရေးဆရာ George Orwell ၏ နာမည်ကျော် "1984" ဝတ္ထုမှ အယူအဆများကို ရည်ညွှန်းခြင်းဖြစ်ပြီး "အစိုးရ သို့မဟုတ် အာဏာပိုင်အဖွဲ့အစည်းက ပြည်သူတို့၏ နေ့စဉ်ဘဝ၊ အတွေးအခေါ်နှင့် လွတ်လပ်ခွင့်များကို အလွန် အကျွံ ထိန်းချုပ်ခြယ်လှယ်သည့် အခြေအနေ" ကို ဆိုလိုခြင်းဖြစ်သည်။)လက်ရှိတွင် ပင်တဂွန်စစ်ဌာနချုပ်သည် Anthropic အစား OpenAI ကုမ္ပဏီ နှင့် လက်တွဲလုပ်ဆောင်ရန် သဘောတူညီမှုရယူထားပြီး OpenAI ဘက် ကမူ ၎င်းတို့၏ နည်းပညာကို အသုံးပြုရာတွင် လူသား၏ ကြီးကြပ်မှု ပါဝင်မည်ဟု ကတိပြုထားသည်။ သို့သော် အစိုးရ၏ ပိတ်ပင်မှုများကြောင့် Anthropic အနေဖြင့် အနာဂတ်တွင်ရရှိမည့် ဝင်ငွေ ဒေါ်လာဘီလီယံနှင့်ချီ၍ထိခိုက်နိုင်ပြီး ဖောက်သည်များ အကြား စိုးရိမ်မှုများမြင့်တက်နေကြောင်း သိရှိရသည်။ ယခု တရားရုံး၏ ဆုံးဖြတ်ချက်သည် အစိုးရ၏ လုပ်ပိုင်ခွင့်အာဏာ အလွဲသုံးစားလုပ်မှုကို တားဆီးလိုက်ခြင်းဖြစ်ပြီး AI နည်းပညာကျင့်ဝတ်ဆိုင်ရာ အငြင်းပွားမှုများတွင် အရေးပါသော အချိုးအကွေ့တစ်ခုဖြစ်လာခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 28-Mar-2026
တရုတ်က ရေအောက်မီတာ ၂၀၀ အနက်ရှိ ဖိအားမျိုးမှာ ဒုံးကျည်အင်ဂျင်ကို အောင်မြင်စွာစမ်းသပ်နိုင်
တရုတ်က ရေအောက်မီတာ ၂၀၀ အနက်ရှိ ဖိအားမျိုးမှာ ဒုံးကျည်အင်ဂျင်ကို အောင်မြင်စွာစမ်းသပ်နိုင်
တရုတ်နိုင်ငံက ပင်လယ်ရေမျက်နှာပြင်အောက် မီတာ ၂၀၀ အနက်ရှိဖိအားမျိုးမှာ ဒုံးကျည်အင်ဂျင်ကို အောင်မြင်စွာ စမ်းသပ်နိုင်ခဲ့ပါတယ်။ မတ်လ ၂၅ ရက်မှာ ထုတ်ပြန်တဲ့သုတေသနအရ အခုလိုစမ်းသပ်မှုဟာ ရေငုပ်သင်္ဘောအခြေပြုပြီး ပစ်လွှတ်နိုင်တဲ့ဒုံးကျည်တွေကို အရင်ကထက်ပိုမိုနက်ရှိုင်းတဲ့ ရေအောက်ပိုင်းကနေ ပစ်ခတ်နိုင်စေဖို့ လမ်းခင်းပေးလိုက်တာပါ‌။ပုံမှန်အားဖြင့် ရေငုပ်သင်္ဘောအခြေပြုဒုံးကျည်တွေကို အနက်မီတာ ၃၀ ခန့်ရှိတဲ့ ရေတိမ်ပိုင်းကပဲ ပစ်ခတ်နိုင်ပေမယ့် အခုလိုဒုံးကျည်အင်ဂျင်ရဲ့ ရှေ့ပြေးပုံစံကတော့ ပြင်းထန်တဲ့ ရေအောက်ဖိအားကြားမှာတောင် တည်ငြိမ်တဲ့ ပေါက်ကွဲအားကို ထုတ်ပေးနိုင်တာ တွေ့ရပါတယ်။ ဒီနည်းပညာကြောင့် တရုတ်တပ်မတော်ရဲ့ နျူကလီးယားတုံ့ပြန်မှု စွမ်းရည်ဟာ ပိုပြီးမြင့်မားလာမှာ ဖြစ်သလို ရန်သူကထောက်လှမ်းဖို့ခက်ခဲတဲ့ ပင်လယ်နက်ပိုင်းတွေကိုလည်း ဒုံးကျည်ပစ်လွှတ်နိုင်တဲ့ ပလက်ဖောင်းတွေအဖြစ် အသုံးပြုလာနိုင်မှာပါ။သုတေသီတွေရဲ့အဆိုအရ ရေအောက်ဖိအားကြောင့် ဒုံးကျည်ရဲ့တွန်းအားဟာ ၃၂ ရာခိုင်နှုန်းကျော် လျော့နည်းတာမျိုး ရှိပေမယ့်ဒါဟာ ပင်လယ်ကြမ်းပြင်မှာ  အမြဲတမ်းတပ်ဆင်ထားမယ့် လက်နက်သစ်တွေအတွက် အရေးပါလာမှာ ဖြစ်ပါတယ်။     Ref: IEကိုထက်MWD
Thu, 26-Mar-2026
© Copyright 2024 SAC All Rights Reserved.