ပြည်ထောင်စုနယ်မြေ၊ နေပြည်တော်၊ ပဲခူးတိုင်းဒေသကြီးနှင့် တနင်္သာရီတိုင်းဒေသကြီးတို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် ကျေးရွာအုပ်စု အုပ်ချုပ်ရေးမှူး နှစ်ဦးနှင့် အပြစ်မဲ့ အရပ်သားပြည်သူ တစ်ဦး သေဆုံး

NoahJune222

News Image

  • ပြည်ထောင်စုနယ်မြေ၊ နေပြည်တော်၊ ပဲခူးတိုင်းဒေသကြီးနှင့် တနင်္သာရီတိုင်းဒေသကြီးတို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် ကျေးရွာအုပ်စု အုပ်ချုပ်ရေးမှူး နှစ်ဦးနှင့် အပြစ်မဲ့ အရပ်သားပြည်သူ တစ်ဦး သေဆုံး
  • ပြည်ထောင်စုနယ်မြေ၊ နေပြည်တော်၊ ပဲခူးတိုင်းဒေသကြီးနှင့် တနင်္သာရီတိုင်းဒေသကြီးတို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် ကျေးရွာအုပ်စု အုပ်ချုပ်ရေးမှူး နှစ်ဦးနှင့် အပြစ်မဲ့ အရပ်သားပြည်သူ တစ်ဦး သေဆုံး
  • ပြည်ထောင်စုနယ်မြေ၊ နေပြည်တော်၊ ပဲခူးတိုင်းဒေသကြီးနှင့် တနင်္သာရီတိုင်းဒေသကြီးတို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် ကျေးရွာအုပ်စု အုပ်ချုပ်ရေးမှူး နှစ်ဦးနှင့် အပြစ်မဲ့ အရပ်သားပြည်သူ တစ်ဦး သေဆုံး
    အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။
    ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မတ် ၂၅ ရက် နံနက် ၉ နာရီ ၂၀ မိနစ်တွင် ပြည်ထောင်စုနယ်မြေ၊ နေပြည်တော်၊ တပ်ကုန်းမြို့နယ်၊ လယ်ပြင်မကျေးရွာအုပ်စု အုပ်ချုပ်ရေးမှူး ဖြစ်သူ ဦးအောင်ကျော်(၅၅)နှစ်သည် ၎င်း၏တူ၊ တူမများဖြစ်ကြသည့် မောင်ကျော်ဇောမင်း၊ မောင်ဖြိုးမင်းထက်၊ မစုမွန်ကျော်တို့နှင့်အတူ ဆိုင်ကယ် နှစ်စီးဖြင့် ထန်းတပင်ကျေးရွာမှ ဥသျှစ်ကုန်း ကျေးရွာဘက်သို့ သွားရောက်စဉ် ထန်းတပင်ကျေးရွာအဝင် ဆိုင်းဘုတ်အနီးအရောက်၌ PDF အမည်ခံ အကြမ်းဖက်သမား လေးဦးက ဦးအောင်ကျော်အား သေနတ်ဖြင့် ပစ်ခတ်သတ်ဖြတ်၍ လက်ကိုင်ဖုန်း လေးလုံးနှင့် ဆိုင်ကယ် နှစ်စီးတို့အား လုယက်ယူဆောင်သွားခဲ့ကြောင်း သိရသည်။
    အလားတူ မွန်းလွဲ ၂ နာရီ ၃၀ မိနစ်တွင် ပဲခူးတိုင်းဒေသကြီး၊ သဲကုန်းမြို့နယ်၊ ညောင်ဝင်းကျေးရွာအုပ်စု အုပ်ချုပ်ရေးမှူးဖြစ်သူ ဦးဇော်မင်း(၅၃)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်သမား ခြောက်ဦးက ဆိုင်ကယ် သုံးစီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့မှုကြောင့် ၎င်းတွင် ကျည်ထိမှန် ဒဏ်ရာများရရှိကာ သေဆုံးသွားခဲ့ကြောင်း သိရသည်။ 
    အလားတူ နံနက် ၆ နာရီ ၃၀ မိနစ်တွင် တနင်္သာရီတိုင်းဒေသကြီး၊ မြိတ်မြို့နယ်၊ တောတန်း ကျေးရွာနေ ဦးအေးသန်း(၇၀)နှစ်သည် ခုံမော်ကျေးရွာမှ တောတန်းကျေးရွာဘက်သို့ ဆိုင်ကယ်ဖြင့် တစ်ဦးတည်း မောင်းနှင်ပြန်လာစဉ် မြိတ်-တနင်္သာရီကားလမ်းပေါ်အရောက်၌ PDF အမည်ခံ အကြမ်းဖက်သမား လေးဦးက ဦးအေးသန်းအား သေနတ်ဖြင့် ပစ်ခတ်သတ်ဖြတ်၍ ၎င်းစီးနင်းလာသည့် ဆိုင်ကယ်အား လုယက်ယူဆောင်သွားခဲ့ကြောင်း သိရသည်။ 
    အထက်ပါဖြစ်စဉ်များတွင် PDF အမည်ခံ အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အုပ်ချုပ်ရေးပိုင်းဆိုင်ရာ တာဝန်ရှိသူများနှင့် အပြစ်မဲ့ အရပ်သားပြည်သူ တစ်ဦးအား ဆင်ခြင်တုံတရားကင်းမဲ့စွာ သေနတ်ဖြင့် ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များ အနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက်သမားများအား အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။
MOHA
MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

အမေရိကန်နိုင်ငံရှိ နာမည်ကျော် သိပ္ပံပညာရှင်များ၏ သေဆုံးမှုများသည် စိုးရိမ်ဖွယ်ရာ ဖြစ်စဉ်တစ်ခုဖြစ်နေကြောင်း Daily Mail က ဖော်ပြ
အမေရိကန်နိုင်ငံရှိ နာမည်ကျော် သိပ္ပံပညာရှင်များ၏ သေဆုံးမှုများသည် စိုးရိမ်ဖွယ်ရာ ဖြစ်စဉ်တစ်ခုဖြစ်နေကြောင်း Daily Mail က ဖော်ပြ
လွန်ခဲ့သည့် ၃ နှစ်အတွင်း အမေရိကန်နိုင်ငံမှ ထင်ရှားကျော်ကြားသော သိပ္ပံပညာရှင် ၉ ဦး သေဆုံးခြင်းနှင့် ပျောက်ဆုံးခြင်းတို့သည် စိုးရိမ် ဖွယ်ရာ ဖြစ်စဉ်တစ်ခုဖြစ်နေကြောင်း Daily Mail သတင်းဌာနက ကိုးကားဖော်ပြသည့် အမေရိကန်ထောက်လှမ်းရေး သတင်းရင်းမြစ်များ အရ သိရှိရသည်။ နောက်ဆုံးဖြစ်ပွားခဲ့သည့်ဖြစ်စဉ်တွင် ပျောက်ဆုံးနေသော ကင်ဆာသုတေသနပညာရှင် Jason Thomas ၏ ရုပ်အလောင်းကို ပြီးခဲ့သည့်လက မက်ဆာချူးဆက်ပြည်နယ်ရှိ ရေကန်တစ်ခုအတွင်း၌ တွေ့ရှိ ခဲ့သည်။ ၎င်းမတိုင်မီ တစ်လအလိုတွင်လည်း အမေရိကန် နျူကလီးယား စီမံကိန်းတွင်လုပ်ကိုင်ခဲ့သည့် အငြိမ်းစား လေတပ်ဗိုလ်ချုပ်ကြီး William McCasland ပျောက်ဆုံးသွားခဲ့ပြီး နက္ခတ္တဗေဒပညာရှင် Carl Grillmair မှာမူ ကယ်လီဖိုးနီးယားပြည်နယ်ရှိ ၎င်း၏နေအိမ်ဝရန်တာ၌ သေနတ်ဖြင့် ပစ်သတ်ခြင်းခံခဲ့ရသည်။FBI ၏ လက်ထောက်ညွှန်ကြားရေးမှူးဟောင်း Chris Swecker က “ဒီဖြစ်ရပ်တွေဟာ သံသယဖြစ်ဖွယ် ရှိတယ်လို့ ဆိုနိုင်သလို၊ သူတို့ဟာ အရေးပါတဲ့ နည်းပညာကဏ္ဍတွေမှာ လုပ်ကိုင်ခဲ့ကြတဲ့ သိပ္ပံပညာရှင်တွေလည်း ဖြစ်ပါတယ်” ဟု ပြောကြားခဲ့ကြောင်း Daily Mail က ကိုးကား ဖော်ပြ ခဲ့သည်။ဆယ်စုနှစ်များစွာအတွင်း အမေရိကန်၏ မဟာမိတ်နိုင်ငံများနှင့် ရန်ဘက် နိုင်ငံများမှ ပြည်ပထောက်လှမ်းရေးအဖွဲ့များသည် ထိပ်တန်းသိပ္ပံဆိုင်ရာ လျှို့ဝှက်ချက်များကို ပိုင်ဆိုင်ထားသည့် အမေရိကန်နိုင်ငံသားများကို ပစ်မှတ်ထားခဲ့ကြကြောင်း ၎င်းက ပြောကြားခဲ့သည်။ “ဒါဟာ စစ်အေး တိုက်ပွဲခေတ်ကတည်းက ဖြစ်ပျက်နေတာပါ၊ အထူးသဖြင့် နျူကလီးယားနဲ့ ဒုံးကျည်နည်းပညာတွေ ရှေ့တန်းရောက်လာတဲ့ အချိန်ကစလို့ပေါ့” ဟု ၎င်းက ဆိုသည်။McCasland သည် မပျောက်ဆုံးမီက လေတပ်သုတေသနဓာတ်ခွဲခန်း (AFRL) ကို ဦးဆောင်ခဲ့သူဖြစ်ပြီး NASA ၏ Jet Propulsion Laboratory (JPL) မှ ပစ္စည်းကိရိယာဆိုင်ရာဌာန အကြီးအကဲ Monica Reza ၏ ဂျက်အင်ဂျင်စီမံကိန်းတစ်ခုအတွက် ရန်ပုံငွေထောက်ပံ့မှုကို ကြီးကြပ်ခဲ့သူ ဖြစ်သည်ဟု သိရှိရသည်။ Monica Reza သည်လည်း ယင်းရာထူးကို လက်ခံရရှိပြီး လအနည်းငယ်အကြာ လွန်ခဲ့သည့်နှစ်အတွင်းမှာပင် ပျောက်ဆုံး သွားခဲ့သူ ဖြစ်သည်။Grillmair ၏ NEOWISE နှင့် NEO Surveyor ပတ်လမ်းသွား အဝေးကြည့်မှန်ပြောင်း သုတေသနလုပ်ငန်းများသည်လည်း လေတပ်နှင့်ဆက်စပ်လျက်ရှိသည်။ အဆိုပါ မှန်ပြောင်းနှစ်မျိုးစလုံးကို အမေရိကန် စစ်တပ်က နိုင်ငံခြားဂြိုဟ်တုများနှင့် ဒုံးကျည်ပစ်လွှတ်မှုများကို ခြေရာခံ ရာတွင် အသုံးပြုနေကြောင်း အဆိုပါသတင်းမီဒီယာက ဖော်ပြထားသည်။NASA ၏ JPL မှ အခြားသော သိပ္ပံပညာရှင်နှစ်ဦးဖြစ်သည့် Frank Maiwald နှင့် Michael Hicks တို့သည်လည်း ၂၀၂၃ ခုနှစ်တွင် သေဆုံးခဲ့ကြောင်း သိရှိရသည်။ Daily Mail ၏ ဖော်ပြချက်အရ အဆိုပါ နောက်ဆုံး ဖြစ်စဉ်နှစ်ခုတွင် ပြစ်မှုကျူးလွန်ခံရသည့် လက္ခဏာမျိုးရှိကြောင်း စွပ်စွဲထားခြင်း မရှိသကဲ့သို့ သေဆုံးရသည့်အကြောင်းရင်းကိုလည်း လူသိရှင်ကြား ထုတ်ပြန်ထားခြင်း မရှိပေ။နျူကလီးယား သုတေသနလုပ်ငန်းများတွင် AFRL နှင့် ပူးပေါင်းဆောင်ရွက်နေသည့် Los Alamos အမျိုးသားဓာတ်ခွဲခန်း (LANL) မှ Anthony Chavez နှင့် Melissa Casias တို့မှာမူ ပြီးခဲ့သည့် နွေရာသီက ပျောက်ဆုံး သွားခဲ့ကြောင်း သတင်းရရှိသည်။ ၎င်းတို့ နှစ်ဦးစလုံးသည် နယူးမက္ကစီကို ရှိ ၎င်းတို့၏ နေအိမ်များမှ ခြေကျင်ထွက်ခွာသွားခဲ့ကြပြီး မပျောက်ဆုံးမီ ၎င်းတို့၏ မော်တော်ယာဉ်များ၊ သော့များ၊ ပိုက်ဆံအိတ်များနှင့် ဖုန်းများ ကို ထားပစ်ခဲ့ကြသည်ဟု ဆိုသည်။ထို့အပြင် အဏုမြူပေါင်းစပ်ခြင်း စွမ်းအင် (Fusion Energy) ဆိုင်ရာ အောင်မြင်မှုအသစ်များအတွက် သုတေသနပြုနေသူ ရူပဗေဒပညာရှင် Nuno Loureiro မှာလည်း ဒီဇင်ဘာလအတွင်းက မက်ဆာချူးဆက် ပြည်နယ်၌ သေနတ်ဖြင့် ပစ်သတ်ခြင်းခံခဲ့ရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 9-Apr-2026
ဟော်မုဇ်ရေလက်ကြားတွင် တိုက်ခိုက်ခံခဲ့ရသော ထိုင်းကုန်တင်သင်္ဘောပေါ်မှ သင်္ဘောသားသုံးဦး သေဆုံးကြောင်း အတည်ပြု
ဟော်မုဇ်ရေလက်ကြားတွင် တိုက်ခိုက်ခံခဲ့ရသော ထိုင်းကုန်တင်သင်္ဘောပေါ်မှ သင်္ဘောသားသုံးဦး သေဆုံးကြောင်း အတည်ပြု
ဘန်ကောက်   ဧပြီ   ၈လွန်ခဲ့သည့်လက ဟော်မုဇ်ရေလက်ကြားတွင် တိုက်ခိုက်ခံခဲ့ရသော ထိုင်းအလံတင် ကုန်တင်သင်္ဘောပေါ်မှ သင်္ဘောသားသုံးဦး သေဆုံးခဲ့ကြောင်း   ထိုင်းနိုင်ငံခြားရေးဝန်ကြီး  ဆီဟာဆက်   ဖုန်ကတ်ကရောင်းက  ဧပြီ  ၈ ရက်တွင် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။ထိုင်းကုန်တင်သင်္ဘောတစ်စင်းသည် ဟော်မုဇ်ရေလက်ကြားတွင် မတ် ၁၁ ရက်က ခုတ်မောင်းသွားနေစဉ် တိုက်ခိုက်ခံခဲ့ရခြင်းဖြစ်သည်။ တိုက်ခိုက်ခံရပြီးနောက် သင်္ဘောသား  ၂၀ ကို ကယ်တင်နိုင်ခဲ့ပြီး ၎င်းတို့၏ လုပ်ဖော်ကိုင်ဖက်သုံးဦး ပျောက်ဆုံးခဲ့သည်။ ကယ်တင်ခံရသူအားလုံး မတ်လလယ်ခန့်တွင်  ထိုင်းနိုင်ငံသို့ ပြန်လည်ရောက်ရှိခဲ့ကြသည်။ပျောက်ဆုံးနေသော သင်္ဘောသားသုံးဦး သေဆုံးသွားပြီဖြစ်ကြောင်း မကြာသေးမီက  နိုင်ငံခြားရေးဝန်ကြီးဌာနထံ အကြောင်းကြားခဲ့သည်ဟု ဆီဟာဆက်က ဧပြီ ၈ ရက်တွင် ပြောကြားခဲ့ပြီး သေဆုံးသူများ၏   မိသားစုများအတွက် အထူးဝမ်းနည်းကြောင်း ထုတ်ဖော်ပြောကြားခဲ့သည်။လက်ရှိအချိန်အထိ  ထိုင်းကုန်တင်သင်္ဘောတစ်စင်းသာ ဟော်မုဇ်ရေလက်ကြားကို ဘေးကင်းစွာဖြတ်သန်းနိုင်ခဲ့ပြီး ထိုင်းနိုင်ငံသို့ ရောက်ရှိလာခဲ့သည်။ အရေးကြီးသော ဓာတ်မြေသြဇာများတင်ဆောင်လာသည့် သင်္ဘောတစ်စင်းအပါအဝင် ကျန်သင်္ဘောကိုးစင်းသည် သက်ဆိုင်ရာ အာဏာပိုင်များ၏  ခွင့်ပြုချက်ရရှိရန် စောင့်ဆိုင်းနေဆဲဖြစ်သည်။ဆီဟာဆက်သည် ဧပြီ ၁၅ ရက်မှ ၁၆ ရက်အထိ အိုမန်သို့ သွားရောက်ရန် စီစဉ်ထားသည်ဟု ဆိုသည်။ အပစ်အခတ်ရပ်စဲရေးကာလအတွင်း ကျန်ရှိသည့် ထိုင်းရေယာဉ်များကို ဟော်မုဇ် ရေလက်ကြားမှ  ဖြတ်သန်းသွားလာခွင့်ပြုရန် အီရန်နှင့် ညှိနှိုင်းဆောင်ရွက်မှုများ ပြုလုပ်နိုင်ရေးအတွက်  ထိုင်းနိုင်ငံသည်  အိုမန်နိုင်ငံ၏  အကူအညီကို  ရယူသွားမည်ဖြစ်သည်။         ဆင်ဟွာMDN
Thu, 9-Apr-2026
ပင်တဂွန်၏ အံ့ဖွယ်စစ်ရေး ကိန်းဂဏန်းများက မေးခွန်းထုတ်စရာများ ဖြစ်ပေါ်စေ
ပင်တဂွန်၏ အံ့ဖွယ်စစ်ရေး ကိန်းဂဏန်းများက မေးခွန်းထုတ်စရာများဖြစ်ပေါ်စေ
ဗုဒ္ဓဟူးနေ့ (ဧပြီ ၈) က ပြုလုပ်ခဲ့သော အပစ်အခတ်ရပ်စဲရေးအပြီး သတင်းစာရှင်းလင်းပွဲတွင် အမေရိကန် ကာကွယ်ရေးဝန်ကြီး Pete Hegseth နှင့် ပူးတွဲစစ်ဦးစီးချုပ်များအဖွဲ့ ဥက္ကဋ္ဌ ဗိုလ်ချုပ်ကြီး Dan Caine တို့သည် အီရန်နှင့် ရက် ၄၀ ကြာဖြစ်ပွားခဲ့သော တိုက်ပွဲများအတွင်း ပင်တဂွန်စစ်ဌာနချုပ်၏ စွမ်းဆောင်ရည်နှင့်ပတ်သက်၍ အမွှမ်းတင်စကားများနှင့် များပြားလှသော ကိန်းဂဏန်းများကို ထုတ်ဖော် ပြောကြားခဲ့ကြသည်။ သို့သော် ၎င်းတို့ပြောကြားချက်အချို့တွင် အခြေအနေအရပ်ရပ်ကို ခြုံငုံသုံးသပ်နိုင်မည့် နောက်ခံအချက်အလက်များ လိုအပ်နေသည်ကို သတိပြုသင့်သည်။Stimson Center မှ အကြီးတန်းသုတေသီ Kelly Grieco က "ဒီကိန်းဂဏန်းတွေက အတော်လေး အထင်ကြီးစရာကောင်းပေမဲ့ အဲဒီကိန်းဂဏန်း တွေကနေ ထွက်ပေါ်လာတဲ့ မေးခွန်းတွေက ပိုပြီး စိတ်ဝင်စားဖို့ကောင်းပါတယ်" ဟု X လူမှုကွန်ရက်တွင် ရေးသားခဲ့သည်။ဗိုလ်ချုပ်ကြီး Caine ၏ ပြောကြားချက်အရ Ballistic ဒုံးကျည်သိုလှောင်ရုံ ၄၅၀ နှင့် ဒရုန်းသိုလှောင်ရုံ ၈၀၀ တို့ကို တိုက်ခိုက်ဖျက်ဆီးနိုင်ခဲ့ကြောင်း သိရှိရသည်။ "ဒီစနစ်တွေအားလုံး ပျက်စီးသွားပါပြီ" ဟု ဗိုလ်ချုပ်ကြီးက ဆိုသည်။ သို့သော် အဆိုပါ သိုလှောင်ရုံများအတွင်း ဒုံးကျည် သို့မဟုတ် ဒရုန်းအရေအတွက် မည်မျှရှိနေသည်ဆိုသည့် ခန့်မှန်းချက်ကိုမူ ၎င်းက ထည့်သွင်းပြောကြားခဲ့ခြင်း မရှိပေ။ ထို့အပြင် သိုလှောင်ရုံများအတွင်းရှိ လက်နက်များကို မပျက်စီးသေးဘဲ ကျန်ရှိနေသည့် အခြားသော လျှို့ဝှက်သိုလှောင်ရုံများသို့ ပြောင်းရွှေ့ထားခြင်း ရှိ၊ မရှိကိုလည်း ထည့်သွင်း ပြောဆိုခြင်း မရှိခဲ့ပါ။"စုစုပေါင်းအရေအတွက် (Denominator) ကို မသိဘဲနဲ့ အကဲဖြတ်ဖို့ ခက်ပါတယ်၊ အစကတည်းက အီရန်မှာ လက်နက်အရေအတွက် ဘယ်လောက် ရှိနေသလဲဆိုတာ သိဖို့လိုပါတယ်" ဟု Grieco က ရေးသားခဲ့သည်။ ဆက်လက်၍ သူမက "တကယ်တမ်း ပိုပြီးအသုံးဝင်မယ့်ကိန်းဂဏန်းကတော့ ပျက်စီးမသွားဘဲ ကျန်ရှိနေသေးတဲ့ ဒုံးကျည်နဲ့ ဒရုန်းအရေအတွက်ပဲ ဖြစ်ပါတယ်၊ ကျွန်မသာ မကြားလိုက်တာ မဟုတ်ရင် အဲဒီအချက်ကို သူတို့ (ပင်တဂွန်) က လုံးဝထုတ်မပြောသွားတာပါပဲ" ဟု ဆိုသည်။လတ်တလော အမေရိကန်ထောက်လှမ်းရေး အကဲဖြတ်ချက်များကို သိရှိထားသူ သတင်းရင်းမြစ် သုံးဦး၏အဆိုအရ အီရန်၏ ဒုံးကျည်ပစ်လွှတ်စင် ထက်ဝက်ခန့်မှာ အကောင်းအတိုင်း ကျန်ရှိနေသေးပြီး အသေခံတိုက်ခိုက်ရေးဒရုန်း ထောင်ပေါင်းများစွာမှာလည်း လက်နက်တိုက်အတွင်း ကျန်ရှိ နေသေးကြောင်း CNN က ပြီးခဲ့သည့်သီတင်းပတ်တွင် ဖော်ပြခဲ့သည်။ဗိုလ်ချုပ်ကြီး Caine က အီရန်တော်လှန်ရေးအစောင့်တပ်ဖွဲ့ (IRGC) ၏ အသေးစားတိုက်ခိုက်ရေးစက်လှေများ၏ ၅၀ ရာခိုင်နှုန်းကို ဖျက်ဆီးနိုင် ခဲ့ကြောင်းလည်း ပြောကြားခဲ့သည်။ စစ်ပွဲမတိုင်မီ ခန့်မှန်းချက်များအရ အဆိုပါစက်လှေငယ်အရေအတွက်မှာ ရာဂဏန်းအများအပြားမှ ထောင် ဂဏန်းအထိ ရှိနိုင်ကြောင်း သိရှိရသည်။စက်လှေငယ်လေးများသည် ပြင်းအားကောင်းသော ဖောက်ခွဲရေးပစ္စည်းများကို သယ်ဆောင်နိုင်စွမ်းရှိသည် (၂၀၀၀ ပြည့်နှစ်က ယီမင် ဆိပ်ကမ်း တွင် အမေရိကန် ဖျက်သင်္ဘော USS Cole ကို တိုက်ခိုက်ခဲ့စဉ်က အမေရိကန်သင်္ဘောသား ၁၇ ဦး သေဆုံးခဲ့ဖူးသည်) ။ ထို့အပြင် ဟော်မုဇ် ရေလက်ကြားကဲ့သို့သော အချက်အချာကျသည့်နေရာများတွင် ယင်းစက်လှေငယ်များမှာ အလွန်အန္တရာယ်များလှသည်။ထို့ကြောင့် ဝန်ကြီး Hegseth က ဗုဒ္ဓဟူးနေ့ (ဧပြီ ၈) တွင် "ပြတ်သားသော စစ်ရေးအောင်မြင်မှု" ရရှိခဲ့ပြီဟု ကြေညာခဲ့သော်လည်း အီရန်တွင် ကြီးမားသော ပျက်စီးဆုံးရှုံးမှုများဖြစ်ပေါ်စေနိုင်သည့် လက်နက်များကျန်ရှိနေဆဲဖြစ်ပြီး ကာကွယ်ရေးဝန်ကြီးကိုယ်တိုင် ပြောသကဲ့သို့ပင် "ပစ်ခတ်နိုင်စွမ်းရှိနေဆဲ" ပင် ဖြစ်သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 9-Apr-2026
ဖမ်းဝရမ်း ၆၀ ကျော်ဖြင့် သေချင်ယောင်ဆောင်ထွက်ပြေးနေသည့် ဘတ် ၁ သန်း ဆုငွေထုတ်ခံထားရသူ ထိုင်းမူးယစ်ရာဇာကို တောင်ကိုရီးယားတွင် ဖမ်းမိပြီး ထိုင်းသို့ပြန်လည်လွှဲပြောင်း
ဖမ်းဝရမ်း ၆၀ ကျော်ဖြင့် သေချင်ယောင်ဆောင်ထွက်ပြေးနေသည့် ဘတ် ၁ သန်း ဆုငွေထုတ်ခံထားရသူ ထိုင်းမူးယစ်ရာဇာကို တောင်ကိုရီးယားတွင် ဖမ်းမိပြီး ထိုင်းသို့ပြန်လည်လွှဲပြောင်း
ဘတ် ၁ သန်း ဆုငွေထုတ်ခံထားရပြီး ဖမ်းဝရမ်းပေါင်း ၆၀ ကျော်ဖြင့် သေချင်ယောင်ဆောင်ကာ ထွက်ပြေးတိမ်းရှောင်နေသည့် ထိုင်း မူးယစ် ရာဇာတစ်ဦးကို တောင်ကိုရီးယားနိုင်ငံတွင် ဖမ်းဆီးရမိခဲ့ပြီးနောက် အင်္ဂါနေ့ (ဧပြီ ၇) တွင် ထိုင်းနိုင်ငံသို့ ပြန်လည်လွှဲပြောင်းပေးခဲ့သည်။အသက် ၄၃ နှစ်အရွယ် Thapanan (ခေါ်) Noo Chen ဟု အမည်ရှိ အဆိုပါ သံသယရှိသူသည် တောင်ကိုရီးယားနိုင်ငံမှတစ်ဆင့် သုဝဏ္ဏဘူမိ အပြည်ပြည်ဆိုင်ရာလေဆိပ်သို့ ရောက်ရှိလာခဲ့ရာ ၎င်းအား ထိုင်းနိုင်ငံ မူးယစ်ဆေးဝါးထိန်းချုပ်ရေးအဖွဲ့ (ONCB) ရုံး၌ပြုလုပ်သော သတင်းစာ ရှင်းလင်းပွဲသို့ တာဝန်ရှိသူများက ခေါ်ဆောင်လာခဲ့သည်။ONCB ၏ ထုတ်ပြန်ချက်အရ Thapanan သည် ၂၀၀၀ ပြည့်နှစ်မှ ၂၀၀၂ ခုနှစ်အတွင်း စမွတ်ပရာကန်ပြည်နယ်၊ သီရိနဂရိန္ဒြာလမ်းတစ်လျှောက် တွင် မူးယစ်ဆေးစွဲသူဘဝမှသည် လက်လီဖြန့်ဖြူးသူအဖြစ် စတင်ခဲ့သူဖြစ်ကြောင်း သိရှိရသည်။ နောက်ပိုင်းတွင် ၎င်းသည် အိမ်နီးချင်းနိုင်ငံရှိ တိုင်းရင်းသားအဖွဲ့အစည်းများနှင့် ဆက်သွယ်မှုရရှိခဲ့ပြီး ထိုင်းနိုင်ငံနှင့် ထိစပ်နေသောနေရာတွင် မူးယစ်ဆေးဝါးချက်လုပ်သည့် စက်ရုံတစ်ရုံကို တည်ဆောက်ခဲ့သည်။၎င်း၏ကွန်ရက်သည် ဆယ်စုနှစ်တစ်ခုအတွင်း စိတ်ကြွဆေးပြား သန်းပေါင်းများစွာနှင့် အိုက်စ် (Crystal Meth) ၁ တန်ကျော်ကို ထိုင်းနိုင်ငံ အတွင်းသို့ မှောင်ခိုသွင်းခဲ့သဖြင့် ၎င်းကိုဖမ်းဆီးရန် ဖမ်းဝရမ်းပေါင်း ၆၀ ကျော် ထုတ်ပြန်ထားခဲ့ခြင်းဖြစ်သည်။ ၎င်းကို ၂၀၀၉ ခုနှစ်တွင် စိတ်ကြွ ဆေးပြား ၂၆,၀၀၀ နှင့်အတူ စမွတ်ပရာကန်တွင် ဖမ်းဆီးရမိခဲ့ဖူးသော်လည်း အယူခံဝင်နေစဉ်အတွင်း အိမ်နီးချင်းနိုင်ငံသို့ ထွက်ပြေးတိမ်းရှောင် သွားခဲ့သည်။၂၀၂၂ ခုနှစ် နှောင်းပိုင်းတွင် Thapanan သည် မြဝတီမြို့ရှိ သောင်ရင်း မြစ်အတွင်းသို့ အလောင်းစွန့်ပစ်ခံရကာ "အသတ်ခံလိုက်ရပြီ" ဟု သတင်း များ ထွက်ပေါ်ခဲ့သည်။ သို့သော်လည်း ၎င်းသည် အသက်ရှင်လျက်ရှိနေသေးကြောင်း ထိုင်းလူဝင်မှုကြီးကြပ်ရေးရဲတပ်ဖွဲ့က နောက်ပိုင်းတွင် ဖော်ထုတ်နိုင်ခဲ့သည်။၎င်းသည် လာအို၊ ဗီယက်နမ်၊ ဂျပန်နှင့် နောက်ဆုံးတွင် တောင်ကိုရီးယား နိုင်ငံတို့၌ ပုန်းအောင်းနေခဲ့ပြီး တနင်္လာနေ့ (ဧပြီ ၆) တွင် တောင်ကိုရီးယား ၌ ဖမ်းဆီးခံခဲ့ရခြင်းဖြစ်သည်။ Thapanan ၏ ဂိုဏ်းသည် ထိုင်းနိုင်ငံ အတွင်းသို့ နှစ်စဉ်မှောင်ခိုဝင်ရောက်နေသည့် မူးယစ်ဆေးဝါးစုစုပေါင်း၏ ၂၅ ရာခိုင်နှုန်းမှ ၃၀ ရာခိုင်နှုန်းအထိ နောက်ကွယ်မှ ကြိုးကိုင်နေခြင်း ဖြစ်ကြောင်း ONCB က ပြောကြားခဲ့သည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 9-Apr-2026
အမေရိကန်-အီရန် နှစ်ပတ်ကြာ အပစ်ရပ်ထားစဉ်အတွင်း ဟော်မုဇ် ရေလက်ကြားကို ဘေးကင်းစွာဖြတ်သန်းနိုင်ရေး သင်္ဘောလုပ်ငန်းရှင် များ စောင့်ကြည့်နေကြ
အမေရိကန်-အီရန် နှစ်ပတ်ကြာ အပစ်ရပ်ထားစဉ်အတွင်း ဟော်မုဇ် ရေလက်ကြားကို ဘေးကင်းစွာဖြတ်သန်းနိုင်ရေး သင်္ဘောလုပ်ငန်းရှင်များ စောင့်ကြည့်နေကြ
အမေရိကန်နှင့် အီရန်တို့အကြား သီတင်းနှစ်ပတ်ကြာ အပစ်အခတ်ရပ်စဲရေးကာလအတွင်း အလွန်အရေးပါသော ဟော်မုဇ် ရေလက်ကြားမှတစ်ဆင့် သင်္ဘောများမည်သို့ဘေးကင်းစွာ ဖြတ်သန်းနိုင်မည်ဆိုသည့် အသေးစိတ်အချက်အလက်များကိုရရှိရန် သင်္ဘောလုပ်ငန်းကဏ္ဍက ကြိုးပမ်းနေကြသည်။Mandarin Shipping ၏ ဥက္ကဋ္ဌ Tim Huxley က အပစ်အခတ်ရပ်စဲရေးကြေညာပြီးနောက် "အခြေအနေကိုပြောဖို့ စောလွန်းပါသေးတယ်၊ တချို့သင်္ဘောတွေကတော့ အခုဒီဒေသကနေ ထွက်ခွာကြမှာသေချာပေမဲ့ အခြေအနေက တင်းမာနေဆဲပါပဲ" ဟု ပြောကြားခဲ့သည်။ ဟောင်ကောင် သင်္ဘောလိုင်းများအသင်း (Hong Kong Liner Shipping Association) ၏ ဥက္ကဋ္ဌ Roberto Giannetta ကလည်း လုံခြုံရေးဆိုင်ရာ တိကျသေချာမှုမရှိသေးခြင်းကြောင့် ရေလက်ကြားကို ဖြတ်သန်းရန် သတိထားနေသည်။၎င်းက "ကျွန်တော်သာ ပါရှန်ပင်လယ်ကွေ့ထဲမှာပိတ်မိနေတဲ့ သင်္ဘောပိုင်ရှင် ဒါမှမဟုတ် လုပ်ငန်းလုပ်ကိုင်သူဆိုရင် အခုစီစဉ်ထားတဲ့ အပစ် ရပ်စဲရေးအပေါ် အမေရိကန်၊ အစ္စရေးနဲ့ အီရန်တို့ ဘယ်လိုတုံ့ပြန်မလဲ ဆိုတာကိုသိရဖို့ နောက်ထပ် ရက်အနည်းငယ်လောက် စောင့်ကြည့်ဦးမှာပါ၊ အပစ်ရပ်စဲရေးက ခိုင်မာတယ်လို့ ယူဆရရင်တော့ ဒုတိယမြောက် သီတင်းပတ်ထဲမှာ ကျွန်တော့်သင်္ဘောတွေကို အပြင်ထုတ်ဖို့ ကြိုးစားပါလိမ့်မယ်၊ ဒါမှမဟုတ် တခြားသင်္ဘောတွေနဲ့ အစုအဖွဲ့လိုက်ဖြစ်ဖြစ်၊ အစောင့်အရှောက်နဲ့ဖြစ်ဖြစ် အတူတူထွက်ဖို့ ကြိုးစားမှာပါ" ဟု ဆိုသည်။သင်္ဘောကဏ္ဍအတွက် အာမခံကြေးများမှာ မြင့်မားနေဆဲဖြစ်သည်။ အာမခံလုပ်ငန်းရှင်များက အဆိုပါအပစ်ရပ်စဲရေးကို ယေဘုယျအားဖြင့် အလားအလာကောင်းတစ်ခုဟု ရှုမြင်ကြသော်လည်း စိန်ခေါ်မှုများစွာ ရှိနေသည်ဟု ဆိုသည်။ အထူးသဖြင့် မည်သည့်အီရန်အာဏာပိုင်အဖွဲ့က ဖြတ်သန်းခွင့်ပြုရန် တာဝန်ရှိသည်ဆိုခြင်းနှင့် အချိန်တိုအတွင်း မည်သည့် သင်္ဘောများက ဦးစွာဖြတ်သန်းခွင့်ရမည်ဆိုသည့်အချက်များမှာ ရှင်းလင်းမှု မရှိသေးပေ။ကမ္ဘာ့သင်္ဘောအုပ်စုအများစုအတွက် တာဝန်ယူမှုအာမခံ (Liability Insurance) ပေးနေသော NorthStandard မှ Simon Kaye က "ဒါဟာ အခြေအနေ ကို စောင့်ကြည့်ရမယ့် အနေအထားပါ၊ အကုန်လုံးက တစ်ပြိုင်နက်တည်း အပြေးအလွှားထွက်လို့မရပါဘူး၊ သင်္ဘောတစ်စီးချင်းစီက ရေလက်ကြား ကို ဖြတ်သန်းဖို့ အထူးခွင့်ပြုချက်ရယူဖို့လိုပါတယ်၊ ဒါကြောင့် ပင်လယ်ကွေ့နိုင်ငံတွေ၊ အမေရိကန်သင်္ဘောတွေ ဒါမှမဟုတ် တီဟီရန်နဲ့ သီးသန့်ချိတ်ဆက်ထားသူတွေကို ဦးစားပေးမှာလားဆိုတဲ့ မေးခွန်းရှိ နေပါတယ်" ဟု ပြောကြားခဲ့သည်။ "ပြီးတော့ သီတင်းနှစ်ပတ်တာ ကာလအတွင်း သင်္ဘောတွေအကုန်လုံး ထွက်ခွာနိုင်ဖို့ဆိုတာ တကယ်ပဲ ခက်ခဲပါလိမ့်မယ်" ဟု Kaye က ဆိုသည်။Lloyd’s List ၏ အချက်အလက်များအရ ဗုဒ္ဓဟူးနေ့ (ဧပြီ ၈) တွင် သင်္ဘော ၃ စီးသာ ရေလက်ကြားကို ဖြတ်သန်းသွားလာခဲ့ကြောင်း သိရှိရသည်။ Marine Traffic မှ ဒေတာများအရ ရေနံတင်သင်္ဘော ၄၂၆ စီး၊ LPG တင်သင်္ဘော ၃၄ စီးနှင့် LNG တင်သင်္ဘော ၁၉ စီး အပါအဝင် သင်္ဘောရာပေါင်းများစွာသည် ထိုဒေသအတွင်း ပိတ်မိနေဆဲဖြစ်သည်။Giannetta က အပစ်ရပ်စဲရေးသဘောတူညီချက်နှင့်ပတ်သက်၍ "ဒါဟာ သင်္ဘောတွေကို ပါရှန်ပင်လယ်ကွေ့ထဲကနေ အပြင်ထုတ်ဖို့ အခွင့်အရေးကောင်းတစ်ခု ဖြစ်နိုင်တယ်လို့ မြင်ပါတယ်၊ ဒါပေမဲ့ သင်္ဘောလိုင်းတွေက အထဲကိုပြန်ဝင်ဖို့ တန်းစီစောင့်ဆိုင်းနေကြလိမ့်မယ်လို့တော့ ကျွန်တော် မထင်ပါဘူး" ဟု ဖြည့်စွက်ပြောကြားခဲ့သည်။ကိုးကား- CNNPhoto: WIREDဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 9-Apr-2026
အပစ်အခတ်ရပ်စဲပြီးနောက်ပိုင်း ပထမဆုံးအကြိမ် တိုက်ခိုက်မှုအဖြစ် ဟစ်ဇဘိုလာအဖွဲ့က အစ္စရေးနိုင်ငံအတွင်းသို့ ဒုံးကျည်များဖြင့် ပစ်ခတ်
အပစ်အခတ်ရပ်စဲပြီးနောက်ပိုင်း ပထမဆုံးအကြိမ် တိုက်ခိုက်မှုအဖြစ် ဟစ်ဇဘိုလာအဖွဲ့က အစ္စရေးနိုင်ငံအတွင်းသို့ ဒုံးကျည်များဖြင့် ပစ်ခတ်
အီရန်၏လက်ဝေခံ လက်နက်ကိုင်အဖွဲ့ဖြစ်သော လက်ဘနွန်အခြေစိုက် ဟဇ်ဘိုလာအဖွဲ့သည် အစ္စရေး၏ အပစ်အခတ်ရပ်စဲရေး ချိုးဖောက်မှုများကို တုံ့ပြန်သည့်အနေဖြင့် အစ္စရေးမြောက်ပိုင်းသို့ ဒုံးကျည်များဖြင့် ပစ်ခတ်ခဲ့ကြောင်း ကြာသပတေးနေ့ (ဧပြီ ၉) အစောပိုင်းတွင် ပြောကြားခဲ့သည်။ ယင်းသည် အပစ်ရပ်စဲရေးသဘောတူညီချက် ရရှိပြီးနောက်ပိုင်း ၎င်းတို့၏ ပထမဆုံးအကြိမ်တိုက်ခိုက်မှုဖြစ်ကြောင်း Reuters သတင်းဌာနက ဖော်ပြခဲ့သည်။အစ္စရေးကာကွယ်ရေးတပ်ဖွဲ့ (IDF) ၏ ထုတ်ပြန်ချက်အရ အစ္စရေး စစ်တပ်သည် ဗုဒ္ဓဟူးနေ့ (ဧပြီ ၈) က လက်ဘနွန်နိုင်ငံအတွင်းရှိ နေရာပေါင်း ၁၀၀ ကျော်ကို ၁၀ မိနစ်အတွင်း ပစ်မှတ်ထားတိုက်ခိုက်ခဲ့ကြောင်း သိရှိရသည်။ ယင်းသည် စစ်ပွဲစတင်ကတည်းက အကြီးမားဆုံး အချိတ်အဆက်မိမိ ပူးပေါင်းတိုက်ခိုက်မှု ဖြစ်သည်။ လက်ဘနွန် ကျန်းမာရေးဝန်ကြီးဌာန၏ အဆိုအရ အဆိုပါ တိုက်ခိုက်မှုများကြောင့် အနည်းဆုံး လူပေါင်း ၁၈၂ ဦး သေဆုံးပြီး ၉၀၀ နီးပါး ဒဏ်ရာရရှိခဲ့သည်။အမေရိကန်သမ္မတ ထရမ့်၏ အစိုးရအဖွဲ့နှင့် အစ္စရေးဝန်ကြီးချုပ် နေတန်ယာဟုတို့ကမူ အမေရိကန်နှင့် အီရန်တို့ကြားရရှိထားသော အပစ်အခတ်ရပ်စဲရေးတွင် လက်ဘနွန်ရှိ ဟစ်ဇဘိုလာအဖွဲ့အား တိုက်ခိုက်သည့် စစ်ဆင်ရေးများမပါဝင်ကြောင်း ပြောကြားခဲ့သည်။သို့သော်လည်း အစ္စရေးက လက်ဘနွန်တွင် အပစ်အခတ်ရပ်စဲရေးကို ချိုးဖောက်ခဲ့သည်ဟုဆိုကာ အရေးပါသော ဟော်မုဇ်ရေလက်ကြားမှတစ်ဆင့် သင်္ဘောသွားလာမှုများကို ရပ်တန့်လိုက်ကြောင်း အီရန် တော်လှန်ရေးအစောင့်တပ်ဖွဲ့ (IRGC) က အခိုင်အမာ ပြောဆိုခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 9-Apr-2026
© Copyright 2024 SAC All Rights Reserved.