ပဲခူးတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက် ၁၈ နှစ်အောက် အမျိုးသား ဘောလုံးပြိုင်ပွဲ ကျင်းပ

NoahJune222

News Image

  • ပဲခူးတိုင်းဒေသကြီး ဝန်ကြီးချုပ်ဖလား ခရိုင်ပေါင်းစုံ အသက် ၁၈ နှစ်အောက် အမျိုးသား ဘောလုံးပြိုင်ပွဲ ကျင်းပ

ပဲခူး    ဧပြီ    ၁

     ပဲခူးမြို့ ဥဿာမြို့သစ်ရှိ တိုင်းဒေသကြီး အားကစားဥယျာဉ် ဘောလုံးကွင်း၌ ယနေ့ နံနက်ပိုင်းတွင် ၂၀၂၆ ခုနှစ် ပဲခူးတိုင်းဒေသ ကြီးဝန်ကြီးချုပ်ဖလား ခရိုင်ပေါင်းစုံ အသက် ၁၈ နှစ်အောက် အမျိုးသားဘောလုံးပြိုင်ပွဲ ကျင်းပသည်။

အဆိုပါ ပဲခူးတိုင်းဒေသကြီးဝန်ကြီးချုပ်ဖလား ခရိုင်ပေါင်းစုံ အသက် ၁၈ နှစ်အောက်   အမျိုးသားဘောလုံးပြိုင်ပွဲကိုဧပြီလ ၁ ရက်မှ ၄ ရက်အထိ ကျင်းပမည်ဖြစ်ပြီး ပဲခူး၊ တောင်ငူ၊ ပြည်၊ သာယာဝတီစသည့် ခရိုင်ကိုယ်စားပြု ဘောလုံးအသင်းလေးသင်း ပါဝင်ကာ   အုပ်စုပတ်လည် ယှဉ်ပြိုင်ကစားကြမည်ဖြစ်သည်။  ဧပြီလ ၁ ရက် နံနက်ပိုင်းတွင်  အဖွင့်ပွဲစဉ်အဖြစ် ပြည်ခရိုင်အသင်းနှင့် သာယာဝတီခရိုင်အသင်း တို့ယှဉ်ပြိုင်ကစားကြရာ     သာယာဝတီခရိုင်အသင်းက ၃ ဂိုး ၁ ဂိုးဖြင့် အနိုင်ရရှိ သည်။

ဧပြီလ ၁ ရက် ညနေပိုင်းတွင် တောင်ငူ ခရိုင်နှင့် ပဲခူးခရိုင်အသင်း၊ ဧပြီလ ၂ ရက် နံနက်ပိုင်းတွင်  ပြည်ခရိုင်နှင့်  ပဲခူးခရိုင်အသင်း၊   ညနေပိုင်းတွင်   သာယာဝတီခရိုင်နှင့် တောင်ငူခရိုင်အသင်း၊  ဧပြီလ  ၃ ရက် နံနက်ပိုင်းတွင် ပြည်ခရိုင်နှင့် တောင်ငူခရိုင်အသင်း၊ ညနေပိုင်းတွင် ပဲခူးခရိုင်နှင့် သာယာဝတီခရိုင် အသင်းတို့ ယှဉ်ပြိုင်ကစားကြမည်ဖြစ်ပြီး ဗိုလ်လုပွဲအား ဧပြီလ ၄ ရက် ညနေပိုင်းတွင် ယှဉ်ပြိုင်ကစားသွား ကြမည် ဖြစ်ကြောင်း သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

အီတလီအသင်း ကမ္ဘာ့ဖလားပြိုင်ပွဲဝင်ခွင့် သုံးကြိမ်ဆက်တိုက်လွဲချော်
အီတလီအသင်း ကမ္ဘာ့ဖလားပြိုင်ပွဲဝင်ခွင့် သုံးကြိမ်ဆက်တိုက်လွဲချော်
ကမ္ဘာ့ဖလားကို လေးကြိမ်အထိ ရယူဆွတ်ခူးနိုင်ခဲ့တဲ့ အီတလီအသင်းဟာ ၂၀၂၆ ခုနှစ် ကမ္ဘာ့ဖလား ဝင်ခွင့်အတွက် မတ် ၃၁ ရက်ညပိုင်းက ယှဉ်ပြိုင်ကစားတဲ့ play-offs ပွဲစဉ်မှာ ဘော့စနီးယားအသင်း ကို  ရှုံးနိမ့်ခဲ့တာကြောင့်  ကမ္ဘာ့ဖလားပြိုင်ပွဲဝင်ခွင့်   သုံးကြိမ်ဆက်လွဲချော်ခဲ့ရပြီ ဖြစ်ပါတယ်။အီတလီအသင်းဟာ  ဘော့စနီးယားအသင်းနဲ့ပွဲစဉ်မှာ  သာမန်ပွဲကစားချိန်  မိနစ် ၉၀ အတွင်း တစ်ဖက်တစ်ဂိုးစီ သရေရလဒ်ထွက်ပေါ်ခဲ့လို့   ပင်နယ်တီအဆုံးအဖြတ် ခံယူရာမှာ ဘော့စနီးယားအသင်းက လေးဂိုး- တစ်ဂိုးနဲ့ အနိုင်ရရှိခဲ့တာဖြစ်ပါတယ်။အခုလို ရှုံးနိမ့်ခဲ့တာကြောင့် ၂၀၁၈  ခုနှစ်  ရုရှားကမ္ဘာ့ဖလားပြိုင်ပွဲ၊   ၂၀၂၂  ခုနှစ်  ကာတာကမ္ဘာ့ ဖလားပြိုင်ပွဲတို့မှာ ဝင်ခွင့်မရရှိခဲ့တဲ့ အီတလီအသင်းဟာ အမေရိကန်၊ မက္ကဆီကိုနဲ့ ကနေဒါတို့   ပူးတွဲအိမ်ရှင်အဖြစ် လက်ခံကျင်းပမယ့် ၂၀၂၆ ခုနှစ် ကမ္ဘာ့ဖလားပြိုင်ပွဲနဲ့လည်း  ထပ်မံလွဲခဲ့ရပြီ ဖြစ်ပါတယ်။အခြားသော ကမ္ဘာ့ဖလားပြိုင်ပွဲဝင်ခွင့် play-offs ပွဲစဉ်တွေမှာ  ချက်အသင်းက ဒိန်းမတ်အသင်းကို ပင်နယ်တီအဆုံးအဖြတ်မှာ သုံးဂိုး-တစ်ဂိုးဖြင့်  လည်းကောင်း၊ တူကီယဲအသင်းက ကိုဆိုဗိုအသင်း ကို တစ်ဂိုး-ဂိုးမရှိဖြင့် လည်းကောင်း၊ ဆွီဒင်အသင်းက ပိုလန်အသင်းကို သုံးဂိုး-နှစ်ဂိုးဖြင့်   လည်းကောင်း အသီးသီးအနိုင်ရရှိခဲ့ပြီး ၂၀၂၆ ခုနှစ်  ကမ္ဘာ့ဖလားပြိုင်ပွဲဝင်ခွင့်ရရှိခဲ့တာဖြစ်ပါတယ်။ငွေကြယ်MDN
Thu, 2-Apr-2026
အာဆီယံဖူဆယ်ပြိုင်ပွဲတွင် မြန်မာဖူဆယ်အသင်း ဗီယက်နမ်အသင်းနှင့် စတင်ကစားရမည်
အာဆီယံဖူဆယ်ပြိုင်ပွဲတွင် မြန်မာဖူဆယ်အသင်း ဗီယက်နမ်အသင်းနှင့် စတင်ကစားရမည်
ရန်ကုန်   ဧပြီ   ၁ထိုင်းနိုင်ငံက အိမ်ရှင်အဖြစ်လက်ခံကျင်းပမည့် ၂၀၂၆ အာဆီယံ ဖူဆယ်ချန်ပီယံရှစ်ပြိုင်ပွဲတွင်    မြန်မာ့လက်ရွေးစင်ဖူဆယ်အသင်း ဝင်ရောက်ယှဉ်ပြိုင်မည်ဖြစ်ပြီး ဗီယက်နမ်အသင်းနှင့် စတင်ကစားရမည်ဖြစ်သည်။၂၀၂၆ အာဆီယံ ဖူဆယ်ချန်ပီယံရှစ်ပြိုင်ပွဲကို ဧပြီ ၆ ရက်မှ ၁၂ ရက်အထိ ထိုင်းနိုင်ငံ  နာခွန်ရတ် ချာစီမာမြို့၌ကျင်းပမည်ဖြစ်ပြီး အုပ်စု (A)တွင် ထိုင်း၊ ဗီယက်နမ်၊ မြန်မာ၊ တီမော၊ အုပ်စု (B) တွင် အင်ဒိုနီးရှား၊ မလေးရှား၊ သြစတြေးလျ၊  ဘရူနိုင်းအသင်းတို့  ပါဝင်နေသည်။ အုပ်စုပွဲများကို ဧပြီ ၆ ရက်မှ ၉ ရက်အထိ ကျင်းပမည်ဖြစ်ပြီး မြန်မာအသင်းသည် ဧပြီ ၆ ရက်တွင် ဗီယက်နမ်အသင်း၊ ဧပြီ ၇ ရက်တွင် ထိုင်းအသင်း၊ ဧပြီ ၉ ရက်တွင် တီမောအသင်းနှင့် ကစားရမည်ဖြစ် သည်။မြန်မာအသင်းသည် ပြိုင်ပွဲအကြိုပြင်ဆင်မှုအဖြစ် မတ် ၂၉ ရက်မှစ၍ ထိုင်းနိုင်ငံ ဗန်ကောက်မြို့၌ လေ့ကျင့်နေပြီး ခြေစမ်းပွဲများ ယှဉ်ပြိုင်ကစားလျက်ရှိသည်။ မြန်မာ့လက်ရွေးစင် ဖူဆယ်အသင်းသည် ကစားသမား ၁၇ ဦး ခေါ်ဆောင်သွားပြီး ခြေစမ်းပွဲများအပြီးတွင် ကစားသမား ၁၄ ဦး ရွေးချယ်ကာ ဧပြီ ၅ ရက်တွင် ဗန်ကောက်မြို့မှ ပြိုင်ပွဲကျင်းပမည့် နာခွန်ရတ်ချာစီမာမြို့သို့ ထွက်ခွာမည်ဖြစ်သည်။မြန်မာ့လက်ရွေးစင် အမျိုးသားဖူဆယ်အသင်းတွင် ဂိုးသမား- မိုင်းစိုးမြတ်ထွေး(MIU)၊   ကျော်ရဲသွေး (YCDC Dream Team)၊ ညီညီသန့်(TG United)၊ ကစားသမား- ဆက်ဝေယံ၊  မင်းခန့်သူ၊  ထွန်းအောင်ကျော်၊ သက်ထွန်း (MIU)၊ သိုင်းဘွဲ့အောင်၊ မင်းချစ်သူ၊ မျိုးမင်းလှိုင်၊ ထွန်းထွန်းဝင်း (M2K)၊ နိုင်ထွန်းလူ(SGF)၊ ဟဲမာဌေး(Team Lions)၊ ဝေယံဖြိုး၊ ကျော်ဇောသိန်း (VUC)၊ ကိုကိုလွင်၊ ထွဋ်ဝေထွန်း (YRG) တို့ ပါဝင်ကြသည်။သတင်း-ကိုညီလေးဓာတ်ပုံ-MFFMDN
Thu, 2-Apr-2026
ရွှေမော်ဓောစေတီတော်မြတ်ကြီး ဗုဒ္ဓပူဇနိယပွဲတော်အထိမ်းအမှတ် မျိုးဆက်သစ်မြန်မာ့ရိုးရာလက်ဝှေ့ပြိုင်ပွဲ (Myanmar Fight 31)ပြိုင်ပွဲများ ကျင်းပ
ရွှေမော်ဓောစေတီတော်မြတ်ကြီး ဗုဒ္ဓပူဇနိယပွဲတော်အထိမ်းအမှတ် မျိုးဆက်သစ်မြန်မာ့ရိုးရာလက်ဝှေ့ပြိုင်ပွဲ (Myanmar Fight 31)ပြိုင်ပွဲများ ကျင်းပ
ပဲခူး      ဧပြီ     ၁အားကစားနှင့် လူငယ်ရေးရာဝန်ကြီးဌာန   မြန်မာနိုင်ငံရိုးရာ လက်ဝှေ့အဖွဲ့ချုပ်က  ကြီးမှူးပြီး ပဲခူးတိုင်းဒေသကြီး ရိုးရာလက်ဝှေ့ ဆပ်ကော်မတီနှင့်  ရပ်မိရပ်‌ဖ စေတနာရှင်၊ ဝါသနာရှင်များ၊ ပဲခူးတိုင်းဒေသကြီးအားကစားနှင့် ကာယပညာဦးစီးဌာနတို့ ပူးပေါင်းစီစဉ်သော ရွှေမော်ဓောစေတီတော်မြတ်ကြီး  ဗုဒ္ဓပူဇနိယပွဲတော် အထိမ်းအမှတ်မျိုးဆက်သစ် မြန်မာ့ရိုးရာလက်ဝှေ့ပြိုင်ပွဲ (Myanmar Fight 31)ပြိုင်ပွဲကို ယနေ့နံနက်ပိုင်းက ပဲခူးတိုင်းဒေသကြီး မိုးလုံလေလုံအားကစားရုံ၌ ကျင်းပသည်။အဆိုပါပြိုင်ပွဲတွင် နှစ်ချီပြိုင်ပွဲ ၂၂  ပွဲ၊  သုံးချီပြိုင်ပွဲ ၁၂ ပွဲ၊  လေးချီပြိုင်ပွဲ သုံးပွဲကျင်းပခဲ့သည်။ လေးချီ စိန်ခေါ်ပွဲများတွင် မြင့်မြတ်မောင်(ပဲခူးကလပ်)နှင့် ခွန်မင်းမင်း (ရွှေဘားလား/သထုံ)တို့  ပြိုင်ပွဲတွင် မြင့်မြတ်မောင် လက်သီးတွဲလုံးကြောင့် ဒုတိယအချီတွင် ခွန်မင်းမင်း အနားတောင်းခဲ့ရသည်။ တတိယအချီတွင်  သူတစ်ပြန်ကိုယ်တစ်ပြန်ထိုးကြရာ မြင့်မြတ်မောင် လက်သီးထိုးချက်များကြောင့် ခွန်မင်းမင်း  အရှုံးပေးလိုက်ရသည်။အာကာဗိုလ်(ပဲခူးကလပ်)နှင့် ရဲရင့်မာန်(တောင်ဇလပ်)တို့ ပြိုင်ပွဲတွင် အာကာဗိုလ်က ဒုတိယအချီတွင်   ရဲရင့်မာန်ကို  အလဲထိုးနိုင်ခဲ့သည်။ကျော်နိုင်ထွန်း(အဖြူရောင်သွေးသစ်)နှင့် ကောင်းထက်ဟိန်း(လုံးချောကလပ်)တို့ ပြိုင်ပွဲတွင် အလူးအလဲဖြင့်  ပူးတွဲသရေကျခဲ့သည်။ထို့‌နောက် မြန်မာနိုင်ငံ‌ မွေအဖွဲ့ချုပ်ဥက္ကဋ္ဌ ဦးဝဏ္ဏက အားကစားသမားများအား ဆု‌ငွေများ ချီးမြှင့်ခဲ့‌ပြီး ပဲခူးတိုင်းဒေသကြီး ရိုးရာလက်ဝှေ့ဆပ်ကော်မတီဥက္ကဋ္ဌ ဦးမင်းထွဋ်က ဂုဏ်ပြုမှတ်တမ်းလွှာပေးအပ်ခဲ့ကြောင်း သိရသည်။                        ဗလMDN
Thu, 2-Apr-2026
ဒက္ခိဏသီရိမြို့နယ်၌ လူငယ်များအတွက် နွေရာသီအခြေခံ အားကစားသင်တန်းများ အခမဲ့ဖွင့်လှစ် သင်ကြား
ဒက္ခိဏသီရိမြို့နယ်၌ လူငယ်များအတွက် နွေရာသီအခြေခံ အားကစားသင်တန်းများ အခမဲ့ဖွင့်လှစ် သင်ကြား
နေပြည်တော်   ဧပြီ   ၁      ပြည်ထောင်စုနယ်မြေ နေပြည်တော် ဒက္ခိဏသီရိမြို့နယ်အတွင်းရှိ ကျောင်းသား၊ကျောင်းသူလူငယ်များအတွက် နွေရာသီကျောင်းပိတ်ရက်ကာလအတွင်း မိမိဝါသနာပါသည့် အားကစားနည်းများကို စနစ်တကျ လေ့လာသင်ယူနိုင်ရေးအတွက် မြို့နယ်အားကစားနှင့် ကာယပညာဦးစီးဌာနအနေဖြင့်  ၂၀၂၆ ခုနှစ် နွေရာသီအခြေခံ အားကစားသင်တန်းများကို ကြံ့ခိုင်ရေးဘောလုံးကွင်း ရန်အောင်မြင် OIAC(2)ကျောင်း၊ အမှတ်(၁၈) အခြေခံပညာ အထက်တန်းကျောင်း    ရန်အောင်မြင်ကျောင်းများ၌   အခမဲ့ဖွင့်လှစ် သင်ကြားပေးလျက်ရှိကြောင်း သိရသည်။မြို့နယ်အားကစားနှင့် ကာယပညာဦးစီးဌာနအနေဖြင့် ကျောင်းသား၊ ကျောင်းသူ လူငယ်များအတွက် ဘောလုံး၊ ဘော်လီဘော၊ ဘတ်စကက်ဘော၊ တိုက်ကွမ်ဒို၊ မြန်မာ့သိုင်း၊ အေရိုးဗစ် စသည့် အားကစားနည်းများကို အခြေခံ သင်ကြားပေးခြင်းဖြစ်ကြောင်း၊ အဆိုပါသင်တန်းများကို မတ်လ ၂၅ ရက်မှ ဧပြီလ ၈ ရက်အထိ အခမဲ့ ဖွင့်လှစ်သင်ကြားပေးလျက် ရှိကြောင်း သိရသည်။ MWD
Thu, 2-Apr-2026
ပျဉ်းမနားမြို့နယ်၌ ကျောင်းသား ကျောင်းသူလူငယ်များအတွက် နွေရာသီအခြေခံ အားကစားသင်တန်းများ ဖွင့်လှစ်ဆောင်ရွက်ပေး
ပျဉ်းမနားမြို့နယ်၌ ကျောင်းသား ကျောင်းသူလူငယ်များအတွက် နွေရာသီအခြေခံ အားကစားသင်တန်းများ ဖွင့်လှစ်ဆောင်ရွက်ပေး
နေပြည်တော်    ဧပြီ   ၁     ပြည်ထောင်စုနယ်မြေ နေပြည်တော် ပျဉ်းမနားမြို့နယ်အတွင်းရှိ ကျောင်းသား၊ကျောင်းသူ လူငယ်များအတွက် နွေရာသီကျောင်းပိတ်ရက် ကာလအတွင်း   မိမိဝါသနာပါသည့် အားကစားနည်းများကို စနစ်တကျလေ့လာ သင်ယူနိုင်ရေးအတွက် မြို့နယ်အားကစားနှင့် ကာယပညာဦးစီး ဌာနအနေဖြင့် ၂၀၂၆  ခုနှစ် နွေရာသီအခြေခံအားကစား သင်တန်းများကို ပေါင်းလောင်း အားကစားကွင်းနှင့် သတ်မှတ်ထားသည့်  အခြေခံပညာကျောင်းများ၌  အခမဲ့ဖွင့်လှစ်သင်ကြား ပေးလျက်ရှိကြောင်း သိရသည်။မြို့နယ်အားကစားနှင့် ကာယပညာဦးစီးဌာန အနေဖြင့် ကျောင်းသား၊ ကျောင်းသူ လူငယ်များအတွက် ဘောလုံး၊ ဘော်လီဘော၊ ဘတ်စကက်ဘော၊ တိုက်ကွမ်ဒို၊ မြန်မာ့သိုင်း၊ အေရိုးဗစ် စသည့်အားကစားနည်းများကို အခြေခံ သင်ကြားပေးခြင်းဖြစ်ကြောင်း၊ အဆိုပါသင်တန်းများကို မတ်လ ၂၅ ရက်မှ ဧပြီလ ၇ ရက်အထိ အခမဲ့ ဖွင့်လှစ်သင်ကြား ပေးလျက်ရှိကြောင်း သိရသည်။ MWD
Thu, 2-Apr-2026
ချယ်လ်ဆီးအသင်းက ကိုးလ်ပယ်မာ၏ အပြောင်းအရွှေ့အတွက် ယူရို သန်း ၂၀၀ ရရှိမှသာ လက်ခံဆွေးနွေးမည်ဖြစ်ကြောင်း အတည်ပြု
ချယ်လ်ဆီးအသင်းက ကိုးလ်ပယ်မာ၏ အပြောင်းအရွှေ့အတွက် ယူရို သန်း ၂၀၀ ရရှိမှသာ လက်ခံဆွေးနွေးမည်ဖြစ်ကြောင်း အတည်ပြု
လန်ဒန်   ဧပြီ   ၁      ချယ်လ်ဆီးအသင်းက အသင်းမှ ကွင်းလယ်ကစား သမား ကိုးလ်ပယ်မာအား ခေါ်ယူလိုသည့်အသင်းများ အနေဖြင့် ပြောင်းရွှေ့ကြေး ယူရို သန်း ၂၀၀ ရရှိမှသာ အပြောင်းအရွှေ့အတွက်     လက်ခံဆွေးနွေးမည်ဖြစ်ကြောင်း အတည်ပြုကြေညာခဲ့သည်။အသက် ၂၃ နှစ်အရွယ် ကိုးလ်ပယ်မာသည် မန်စီးတီး အသင်းအကယ်ဒမီထွက်ကစားသမား တစ်ဦးဖြစ်သော်လည်း  အသင်း၌   ပွဲကစားခွင့်မရရှိသည့်အတွက် ၂၀၂၃ ခုနှစ်က ချယ်လ်ဆီးအသင်းထံ ပြောင်းရွှေ့ကစား ခဲ့ပြီး  အသင်းနှင့်အတူ ဘောလုံးရာသီတိုင်းတွင် အကောင်းဆုံးခြေစွမ်းပြလျက်ရှိသည်။သို့သော်  ကိုးလ်ပယ်မာသည်  ယခုဘောလုံးရာသီတွင်   အသင်း၌   မပျော်မရွှင်ဖြစ်နေသည့်အတွက် လာမည့်နွေရာသီကစားသမားအပြောင်းအရွှေ့ကာလ တွင်  ဇာတိမြို့ဖြစ်သည့်  မန်ချက်စတာမြို့ခံ  မန်ယူ အသင်းထံ ပြောင်းရွှေ့ကစားလိုနေပြီး မန်ယူအသင်း ကလည်း   ဖာနန်ဒက်၏နေရာ၌   ရေရှည်အစားထိုး ရန် ကိုးလ်ပယ်မာအား ခေါ်ယူလိုနေသည်ဟု သတင်း များထွက်ပေါ်နေခြင်းဖြစ်သည်။ကိုးလ်ပယ်မာသည် ယခုဘောလုံးရာသီတွင် ချယ်လ်ဆီးအသင်းနှင့် ပြိုင်ပွဲစုံ ၃၁ ပွဲပါဝင်ကစားပြီး ချိန်တွင်  ၁၃  ဂိုး သွင်းယူထားသော်လည်း  အသင်း၌ မပျော်မရွှင်ဖြစ်နေသည့်အတွက် ထွက်ခွာလိုနေခြင်း ဖြစ်သည်။သို့သော် ချယ်လ်ဆီးအသင်းနှင့် ကိုးလ်ပယ်မာတို့ ၏ စာချုပ်သက်တမ်းမှာ ၂၀၃၁ ခုနှစ်အထိ ကျန်ရှိနေပြီး ချယ်လ်ဆီးအသင်းက အဓိကကွင်းလယ် ကစားသမား တစ်ဦးကို လက်မလွှတ်လိုသည့်အတွက်    မြင့်မား သည့်ပြောင်းရွှေ့ကြေးတစ်ရပ် သတ်မှတ်ထားကြောင်း သိရသည်။ MWD
Thu, 2-Apr-2026
© Copyright 2024 SAC All Rights Reserved.