Artemis II အာကာသယာဉ်၏ ခရီးစဉ်က လူသားများ ကမ္ဘာမြေနှင့် အဝေးဆုံးသို့ ခရီးသွားနိုင်ခဲ့သည့် ခရီးစဉ်အဖြစ် စံချိန်သစ်တင်

NoahJune222

News Image

  • Artemis II အာကာသယာဉ်၏ ခရီးစဉ်က လူသားများ ကမ္ဘာမြေနှင့် အဝေးဆုံးသို့ ခရီးသွားနိုင်ခဲ့သည့် ခရီးစဉ်အဖြစ် စံချိန်သစ်တင်

     အာကာသယာဉ်မှူးများကို တင်ဆောင်သွားသည့် Artemis II အာကာသယာဉ်၏ ခရီးစဉ်သည် လူသားများက ကမ္ဘာမြေနှင့် အဝေးဆုံး အာကာသအတွင်းသို့ ခရီးသွားနိုင်ခဲ့သည့် ခရီးစဉ်အဖြစ် စံချိန်သစ်တင်နိုင်ခဲ့ကြောင်းသိရသည်။

အဆိုပါ Artemis II အာကာသယာဉ်သည် ယခင် Apollo 13 အာကာသယာဉ်က ရာစုနှစ်ဝက်ကျော်ကြာ ထိန်းသိမ်းထားနိုင်ခဲ့သည့် စံချိန်ဟောင်းကိုချိုးဖျက်၍ သမိုင်းမှတ်တိုင်သစ် စိုက်ထူနိုင်ခဲ့ခြင်းဖြစ်သည်။

Artemis II အာကာသယာဉ်သည် ဧပြီလ၁ ရက်တွင် နာဆာမှ အာကာသယာဉ်မှူးများဖြစ်ကြသည့် ရိဝိုက်စမန်း၊ ဗစ်တာဂလက်ဗာနှင့် ခရစ်စတီနာကော့ချ် အပြင် ကနေဒါနိုင်ငံမှ ဂျယ်ရမီဟန်ဆင် တို့အားတင်ဆောင်၍ အာသာသအတွင်းသို့ ထွက်ခွာခဲ့ခြင်းဖြစ်သည်။ အဆိုပါ အာကာသယာဉ်မှူးများ လိုက်ပါသွားသည့်ခရီးစဉ်သည် ၁၉၇၀ ပြည့်နှစ်အတွင်း၌ Apollo 13 အာကာသ ယာဉ်က စံချိန်တင်ထားခဲ့သော ကမ္ဘာမြေမှ မိုင်ပေါင်း ၂၄၈၆၅၅ အကွာအဝေးစံချိန်ကို ကျော်ဖြတ်၍ ခန့်မှန်းခြေအရ ကမ္ဘာမြေမှ အများဆုံးအကွာအဝေး ၂၅၂၇၅၇ မိုင်အထိ    ရောက်ရှိခဲ့ခြင်းဖြစ်ကြောင်း သိရသည်။

၁၀ ရက်ကြာမြင့်မည့် အဆိုပါအာကာသခရီးစဉ်အတွင်း အာကာသယာဉ်မှူးများသည် လကမ္ဘာကိုပတ်ပြီးနောက် Orion အာကာသယာဉ်ဖြင့် ကမ္ဘာမြေသို့ပြန်လည် ရောက်ရှိလာမည်ဖြစ်သည်။

MWD

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

Artemis II အာကာသယာဉ်၏ ခရီးစဉ်က လူသားများ ကမ္ဘာမြေနှင့် အဝေးဆုံးသို့ ခရီးသွားနိုင်ခဲ့သည့် ခရီးစဉ်အဖြစ် စံချိန်သစ်တင်
Artemis II အာကာသယာဉ်၏ ခရီးစဉ်က လူသားများ ကမ္ဘာမြေနှင့် အဝေးဆုံးသို့ ခရီးသွားနိုင်ခဲ့သည့် ခရီးစဉ်အဖြစ် စံချိန်သစ်တင်
     အာကာသယာဉ်မှူးများကို တင်ဆောင်သွားသည့် Artemis II အာကာသယာဉ်၏ ခရီးစဉ်သည် လူသားများက ကမ္ဘာမြေနှင့် အဝေးဆုံး အာကာသအတွင်းသို့ ခရီးသွားနိုင်ခဲ့သည့် ခရီးစဉ်အဖြစ် စံချိန်သစ်တင်နိုင်ခဲ့ကြောင်းသိရသည်။အဆိုပါ Artemis II အာကာသယာဉ်သည် ယခင် Apollo 13 အာကာသယာဉ်က ရာစုနှစ်ဝက်ကျော်ကြာ ထိန်းသိမ်းထားနိုင်ခဲ့သည့် စံချိန်ဟောင်းကိုချိုးဖျက်၍ သမိုင်းမှတ်တိုင်သစ် စိုက်ထူနိုင်ခဲ့ခြင်းဖြစ်သည်။Artemis II အာကာသယာဉ်သည် ဧပြီလ၁ ရက်တွင် နာဆာမှ အာကာသယာဉ်မှူးများဖြစ်ကြသည့် ရိဝိုက်စမန်း၊ ဗစ်တာဂလက်ဗာနှင့် ခရစ်စတီနာကော့ချ် အပြင် ကနေဒါနိုင်ငံမှ ဂျယ်ရမီဟန်ဆင် တို့အားတင်ဆောင်၍ အာသာသအတွင်းသို့ ထွက်ခွာခဲ့ခြင်းဖြစ်သည်။ အဆိုပါ အာကာသယာဉ်မှူးများ လိုက်ပါသွားသည့်ခရီးစဉ်သည် ၁၉၇၀ ပြည့်နှစ်အတွင်း၌ Apollo 13 အာကာသ ယာဉ်က စံချိန်တင်ထားခဲ့သော ကမ္ဘာမြေမှ မိုင်ပေါင်း ၂၄၈၆၅၅ အကွာအဝေးစံချိန်ကို ကျော်ဖြတ်၍ ခန့်မှန်းခြေအရ ကမ္ဘာမြေမှ အများဆုံးအကွာအဝေး ၂၅၂၇၅၇ မိုင်အထိ    ရောက်ရှိခဲ့ခြင်းဖြစ်ကြောင်း သိရသည်။၁၀ ရက်ကြာမြင့်မည့် အဆိုပါအာကာသခရီးစဉ်အတွင်း အာကာသယာဉ်မှူးများသည် လကမ္ဘာကိုပတ်ပြီးနောက် Orion အာကာသယာဉ်ဖြင့် ကမ္ဘာမြေသို့ပြန်လည် ရောက်ရှိလာမည်ဖြစ်သည်။MWD
Wed, 8-Apr-2026
အာကာသနယ်ပယ်တွင် လွှမ်းမိုးနိုင်စွမ်းရှိသည့် နိုင်ငံကြီးအဖြစ် အခိုင်အမာ တည်ဆောက်နေသည့် ရုရှား သို့မဟုတ် မော်စကိုမြေမှ ထွက်ပေါ်လာမည့် ရုရှားအာကာသဖိုရမ်
အာကာသနယ်ပယ်တွင် လွှမ်းမိုးနိုင်စွမ်းရှိသည့် နိုင်ငံကြီးအဖြစ် အခိုင်အမာ တည်ဆောက်နေသည့် ရုရှား သို့မဟုတ် မော်စကိုမြေမှ ထွက်ပေါ်လာမည့် ရုရှားအာကာသဖိုရမ်
     ရုရှားနိုင်ငံသည် မျက်မှောက်ကာလတွင် မိတ်ဖက်နိုင်ငံများနှင့် ပူးပေါင်းဆောင်ရွက်မှုများ တိုးမြှင့်၍ အာကာသနယ်ပယ်တွင် လွှမ်းမိုးနိုင်စွမ်းရှိသည့်    ထိပ်တန်းနိုင်ငံကြီးအဖြစ် အခိုင်အမာ တည်ဆောက်နိုင်ရန်ကြိုးပမ်းလျက်ရှိသည်။ ရုရှားနိုင်ငံသည် အာကာသနယ်ပယ်တွင် ဦးဆောင်ဦးရွက်ပြုခြင်းကို ဆက်လက်ထိန်းသိမ်းသည့် အနေဖြင့်   အာကာသဖိုရမ်တစ်ခုကို အိမ်ရှင်အဖြစ် လက်ခံကျင်းပမည်ဖြစ်သည်။ အဆိုပါ အာကာသဖိုရမ်ကို ဧပြီလ ၉ ရက်နေ့တွင် မော်စကိုမြို့၌ ကျင်းပမည်ဖြစ်သည်။ ရုရှားအာကာသဖိုရမ် (Russian Space Forum) ဟု အမည်ပေးထားသည့် အဆိုပါအခမ်းအနားသို့ နိုင်ငံပေါင်း ၄၀ မှ ကိုယ်စားလှယ်များ တက်ရောက်မည်ဖြစ်ကြောင်း ရုရှား Roscosmos ၏သတင်းထုတ်ပြန်ချက်အရ သိရသည်။ ဖိုရမ်တွင် အဓိကပါဝင်မည့်နိုင်ငံများမှာ  တရုတ်၊ အိန္ဒိယနိုင်ငံနှင့် အာရပ်စော်ဘွားများ ပြည်ထောင်စုတို့အပြင် မြန်မာနိုင်ငံလည်းပါဝင်မည်ဖြစ်သည်။ရုရှားနိုင်ငံသည် လကမ္ဘာစူးစမ်းလေ့လာရေးပြိုင်ပွဲတွင် တက်ကြွစွာပါဝင်လျက်ရှိပြီး တရုတ်နိုင်ငံနှင့်အတူ နိုင်ငံတကာသိပ္ပံဆိုင်ရာ လကမ္ဘာလေ့လာရေးစခန်းတည်ဆောက်ရေးအပါအဝင် စီမံကိန်းများတွင်လည်း    ပူးပေါင်းဆောင်ရွက်လျက်ရှိသည်။ ၁၉၆၁ ခုနှစ် ဧပြီလတွင်စတင်ခဲ့သော ဆိုဗီယက်ယူနီယံ (ရုရှား) အာကာသယာဉ်မှူး ယူရီ ဂါဂါရင်၏သမိုင်းဝင်ခရီးစဉ်သည် အာကာသစူးစမ်းလေ့လာရေးတွင် အရေးအကြီးဆုံးမှတ်တိုင်တစ်ခု ဖြစ်လာခဲ့သည်။ မျက်မှောက်ကာလတွင်လည်း ရုရှားနိုင်ငံသည်  အာကာသနယ်ပယ်ဖွံ့ဖြိုးတိုးတက်ရေးကဏ္ဍအပါအဝင် နိုင်ငံအများအပြား၏သိပ္ပံနှင့် နည်းပညာဖွံ့ဖြိုးတိုးတက်မှုအတွက် အဓိကမောင်းနှင်အားတစ်ခုဖြစ်လာခဲ့သည်။ ဧပြီလ ၉ ရက်နေ့တွင် မော်စကိုမြို့၌ ကျင်းပမည့် ရုရှား အာကာသဖိုရမ်သည် အဆိုပါရည်မှန်းချက် အတွက် ရည်ရွယ်ထားခြင်းဖြစ်သည်။အာကာသနယ်ပယ်အပြင် အခြားကဏ္ဍ အများအပြား၌ ပူးပေါင်းဆောင်ရွက်နေသည့် ရုရှားနိုင်ငံ၏ အဓိကမိတ်ဖက်နိုင်ငံမှာ တရုတ်နိုင်ငံဖြစ်သည်။ ၂၀၂၁ ခုနှစ်မှစ၍ တရုတ်အမျိုးသား အာကာသစီမံခန့်ခွဲမှုဌာနနှင့် ရုရှားအာကာသအေဂျင်စီ Roscosmos တို့သည် နိုင်ငံတကာ လကမ္ဘာလေ့လာရေးစခန်း     တည်ထောင်ရန် သဘောတူညီခဲ့ကြပြီးဖြစ်သည်။ယခင်က ရုရှားနှင့် တရုတ်နိုင်ငံတို့သည် အဆိုပါစခန်းအတွက် စွမ်းအင်စနစ် တည်ဆောက်ရေးဆိုင်ရာ   နားလည်မှုစာချွန်လွှာတစ်ရပ်ကို လက်မှတ်ရေးထိုးခဲ့ကြပြီးဖြစ်သည်။ ထို့အတူပင် ရုရှားနှင့် တရုတ်နိုင်ငံတို့သည် ၎င်းတို့၏ လကမ္ဘာလေ့လာရေးမစ်ရှင်များဖြစ်သည့် Luna-26 နှင့် Chang'e-7 တို့နှင့်စပ်လျဉ်း၍လည်း ညှိနှိုင်းဆောင်ရွက်လျက်ရှိသည်။ အနောက်နိုင်ငံများ၏ ပိတ်ဆို့အရေးယူမှုများရှိနေသော်လည်း ရုရှားနိုင်ငံသည် အာကာသနယ်ပယ်တွင်   အမေရိကန်ပြည်ထောင်စုနှင့် ပူးပေါင်းဆောင်ရွက်နေဆဲဖြစ်သည်။ အဆိုပါ ပူးပေါင်းဆောင်ရွက်မှုသည် ရုရှားနှင့်အမေရိကန်တို့အကြား နည်းပညာပူးပေါင်းဆောင်ရွက်မှုများကို ဆက်လက်ထိန်းသိမ်းထားသည့် တစ်ခုတည်းသော    နည်းပညာကဏ္ဍဖြစ်သည်။လက်ရှိအသုံးပြုနေသည့် နိုင်ငံတကာ အာကာသစခန်းကို ၂၀၃၀ ပြည့်နှစ်တွင် ပတ်လမ်းကြောင်းအတွင်းမှ ဖယ်ရှားရန် စီစဉ်ထားသည်။ ထို့ကြောင့် အာကာသနယ်ပယ်တွင် တရုတ်အပါအဝင် အခြားနိုင်ငံများနှင့် ပူးပေါင်းဆောင်ရွက်ခြင်းအားဖြင့် ရုရှားနိုင်ငံအနေဖြင့် ၎င်း၏ကိုယ်ပိုင် အာကာသစခန်းတစ်ခုကို တည်ဆောက်နိုင်မည့် အလားအလာကို ပိုမိုတိုးတက် လာစေနိုင်ပြီး အာကာသနယ်ပယ်တွင် ဦးဆောင်နိုင်ငံတစ်နိုင်ငံအဖြစ် အခိုင်အမာ ရပ်တည်စေနိုင်မည်ဖြစ်ကြောင်း ရေးသား ဖော်ပြလိုက်ရပါသည်။ MWD
Wed, 8-Apr-2026
Artemis II အာကာသယာဉ်သည် ထိန်းချုပ်ရေးစင်တာနှင့် ဆက်သွယ်မှုပြတ်တောက်နေစဉ်အတွင်း လနှင့်အနီးကပ်ဆုံးအကွာအဝေးမှ ဖြတ်သန်းမှုပြုလုပ်
Artemis II အာကာသယာဉ်သည် ထိန်းချုပ်ရေးစင်တာနှင့် ဆက်သွယ်မှုပြတ်တောက်နေစဉ်အတွင်း လနှင့်အနီးကပ်ဆုံးအကွာအဝေးမှ ဖြတ်သန်းမှုပြုလုပ်
NASA အာကာသယာဉ်မှူး သုံးဦးနှင့် ကနေဒါအာကာသအေဂျင်စီ (CSA) မှ အာကာသယာဉ်မှူး တစ်ဦးတို့ လိုက်ပါလာသည့် Orion အာကာသ ယာဉ်သည် လူအများစောင့်မျှော်နေကြသည့် လအနီးမှပျံသန်းမှုကို ပြုလုပ်ခဲ့သည်။ ယင်းသို့ ပျံသန်းရာတွင် လမျက်နှာပြင်နှင့် ၄,၀၇၀ မိုင် (၆,၅၅၀ ကီလိုမီတာ) ခန့်အကွာအထိ ချဉ်းကပ်ခဲ့ပြီး လ၏ဒြပ်ဆွဲအား သက်ရောက်မှု နယ်ပယ်အတွင်းသို့ ဝင်ရောက်ခဲ့သည်။ကြိုတင်စီစဉ်ထားပြီး လူအများစိတ်ဝင်တစား စောင့်ကြည့်နေသည့် ခရီးစဉ်၏ အဆင့်တစ်ခုတွင် ဟူစတန်ရှိ မစ်ရှင်ထိန်းချုပ်ရေးစင်တာ (Mission Control) သည် အရှေ့ဘက်စံတော်ချိန် ညနေ ၆:၄၃ နာရီခန့် မှစ၍ မိနစ် ၄၀ ကြာ ခရီးစဉ်အဖွဲ့သားများနှင့် ဆက်သွယ်ရေး ပြတ်တောက် သွားခဲ့သည်။ ကမ္ဘာပေါ်ရှိ နက်ရှိုင်းသော အာကာသဆက်သွယ်ရေး ကွန်ရက် (Deep Space Network) နှင့် Orion အာကာသယာဉ်ကြားမှ ရေဒီယိုနှင့် လေဆာအချက်ပြလှိုင်းများကို လ၏ကိုယ်ထည်က ကာဆီးလိုက်ခြင်းကြောင့် ယင်းကဲ့သို့ ဆက်သွယ်ရေးပြတ်တောက်မှု ဖြစ်ပွားခဲ့ခြင်း ဖြစ်သည်။ဆက်သွယ်ရေး ပြတ်တောက်နေစဉ်အတွင်း NASA အာကာသယာဉ်မှူးများဖြစ်ကြသော Reid Wiseman၊ Victor Glover၊ Christina Koch နှင့် ကနေဒါအာကာသအေဂျင်စီမှ Jeremy Hansen တို့သည် ၎င်းတို့၏ သိပ္ပံဆိုင်ရာရည်မှန်းချက်များကို အာရုံစိုက် ဆောင်ရွက်ခဲ့ကြသည်။ ၎င်းတို့သည် မိုင် ၆၀၀ ကျယ်ဝန်းသော Orientale Basin အပါအဝင် ကမ္ဘာမှ မမြင်ရသည့် လ၏တစ်ဖက်ခြမ်းကို ဓာတ်ပုံရိုက်ကူးခြင်းနှင့် လေ့လာစောင့်ကြည့်ခြင်းများကို လုပ်ဆောင်ခဲ့ကြသည်။အဆိုပါမစ်ရှင်၏ အရေးပါဆုံးသော အခိုက်အတန့်တွင် အာကာသ ယာဉ်မှူးများသည် ၁၉၇၀ ပြည့်နှစ်က Apollo 13 မစ်ရှင် တင်ထားခဲ့သည့် မိုင်ပေါင်း ၂၄၈,၆၅၅ စံချိန်ကို ကျော်ဖြတ်ကာ ၅၆ နှစ်ကြာ စံချိန်ဟောင်းကို ချိုးဖျက်နိုင်ခဲ့သည်။ NASA စီမံခန့်ခွဲသူ Jared Isaacman က "ကမ္ဘာ နှင့် မိုင်ပေါင်း ၂၅၂,၇၅၆ အကွာ၊ လ၏ တစ်ဖက်ခြမ်းတွင် Reid၊ Victor၊ Christina နှင့် Jeremy တို့သည် လူသားသမိုင်းတွင် ကမ္ဘာနှင့် အဝေးဆုံး သို့ရောက်ရှိသွားခဲ့ပြီဖြစ်သလို ယခုအခါ နေရပ်သို့အပြန်ခရီးစဉ်ကို စတင် နေပြီဖြစ်သည်" ဟု X လူမှုကွန်ရက်ပေါ်ရှိ ထုတ်ပြန်ချက်တွင် ဖော်ပြခဲ့သည်။မစ်ရှင်ထိန်းချုပ်ရေးဗဟိုနှင့် ဆက်သွယ်ရေး ပြန်လည်ရရှိပြီးနောက် အာကာသယာဉ်မှူး Koch က "ကမ္ဘာမြေဆီက အသံကို ပြန်ကြားရတာ တကယ့်ကို ဝမ်းသာစရာပါပဲ" ဟု ပြောကြားခဲ့သည်။ ၎င်းက ဆက်လက်၍ "ကျွန်မတို့ နောက်တစ်ကြိမ် ထပ်လာဦးမှာပါ၊ သိပ္ပံသုတေသန စခန်းတွေ တည်ဆောက်မယ်၊ လသွားယာဉ် (Rovers) တွေကို မောင်းနှင်မယ်၊ ရေဒီယို နက္ခတ္တဗေဒ တိုင်းတာမှုတွေ လုပ်ဆောင်မယ်၊ ကုမ္ပဏီတွေ တည်ထောင်မယ်၊ လုပ်ငန်းကဏ္ဍတွေကို မြှင့်တင်မယ်၊ ပြီးတော့ စိတ်ကူးစိတ်သန်းတွေကို လှုံ့ဆော်ပေးသွားပါမယ် ၊ ဒါပေမဲ့ နောက်ဆုံးမှာတော့ ကျွန်မတို့ဟာ ကမ္ဘာမြေကိုပဲ အမြဲတမ်းရွေးချယ်သွားမှာပါ" ဟု ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 7-Apr-2026
မည်သည့်ဒရုန်းအမျိုးအစားနှင့်မဆို တွဲဖက်အသုံးပြုနိုင်သည့် ဒရုန်းထိန်းချုပ်ရေး ဆော့ဝဲတစ်ခုကို ရုရှားအင်ဂျင်နီယာများဖန်တီး
မည်သည့်ဒရုန်းအမျိုးအစားနှင့်မဆို တွဲဖက်အသုံးပြုနိုင်သည့် ဒရုန်းထိန်းချုပ်ရေး ဆော့ဝဲတစ်ခုကို ရုရှားအင်ဂျင်နီယာများဖန်တီး
     ရုရှားနိုင်ငံမှ အင်ဂျင်နီယာများသည် ဒရုန်းများ  ထိန်းချုပ်မောင်းနှင်သူများကို လေ့ကျင့်သင်ကြားပေးရာတွင်  အလုံးစုံအသုံးချနိုင်မည့်  ဒရုန်းထိန်းချုပ်ရေး ဆော့ဝဲတစ်ခုကို ဖန်တီးထုတ်လုပ်လိုက်ပြီဖြစ်ကြောင်း သိရသည်။ မော်စကိုလေကြောင်းတက္ကသိုလ်မှ လူငယ်အင်ဂျင်နီယာ အဖွဲ့တစ်ဖွဲ့သည် မည်သည့်ဒရုန်းအမျိုးအစား နှင့်မဆို တွဲဖက်အသုံးပြုနိုင်သည့်  ဆော့ဝဲတစ်ခုကို တီထွင်ဖန်တီးလိုက်ခြင်းဖြစ်သည်။အဆိုပါဆော့ဝဲသည် WiFi မှတစ်ဆင့် မည်သည့်ဒရုန်း အမျိုးအစားကိုမဆိုထိန်းချုပ်နိုင်သည့် အဝေးထိန်းစနစ်ပင်ဖြစ်သည်။ သာမန်လက်ကိုင်ထိန်းချုပ်စနစ်နှင့် အထူးကျွမ်းကျင်မှုများ မလိုအပ်ဘဲ ပျံသန်းမှုကို လုပ်ဆောင်နိုင်စေသောကြောင့် အော်ပရေတာများကို လေ့ကျင့်သင်ကြားပေးရာတွင်  ပိုမိုမြန်ဆန်စေမည်ဖြစ်သည်။ထို့ကြောင့် အဆိုပါ ဒရုန်းထိန်းချုပ်ရေး ဆော့ဝဲသည်     WiFi ချိတ်ဆက်မှုကို အသုံးပြု၍ မည်သည့်ဒရုန်း အမျိုးအစားနှင့်မဆို တွဲဖက်အသုံးပြုနိုင်သည့် မိုဘိုင်းအက်ပလီကေးရှင်း တစ်ခုဖြစ်လာမည်ဖြစ်သည်။ MWD
Thu, 2-Apr-2026
နောက်ဆုံးပေါ် မောင်းသူမဲ့ရေယာဉ်များကို တပ်ဖွဲ့ဝင်များထံ ရုရှားပေးအပ်
နောက်ဆုံးပေါ် မောင်းသူမဲ့ရေယာဉ်များကို တပ်ဖွဲ့ဝင်များထံ ရုရှားပေးအပ်
      ရုရှားနိုင်ငံသည်   အထူးစစ်ဆင်ရေး နယ်မြေအတွင်းရှိ ၎င်းတို့၏တပ်ဖွဲ့ဝင်များ အသုံးပြုနိုင်ရန်     ဖိုက်ဘာအော့ပတစ် ဆက်သွယ်ရေးစနစ်သုံး နောက်ဆုံးပေါ် မောင်းသူမဲ့ရေယာဉ်များကို ပေးအပ်လိုက်ပြီဖြစ်ကြောင်း ရုရှားစစ်ဘက်သုံးလက်နက် ထုတ်လုပ်ရေးနှင့်    သုတေသနဌာနမှ ဒုတိယအထွေထွေညွှန်ကြားရေးမှူး အဗ်ဂျီနီ မန်ဒယ်လ်စတမ်က မတ်လ ၃၁ ရက်တွင် ပြောကြားသည်။Shell ဟုအမည်ပေးထားသည့် အဆိုပါမောင်းသူမဲ့ရေယာဉ်များအား ရုရှားတပ်ဖွဲ့အချို့    လက်ခံရရှိထားပြီးဖြစ်ကြောင်း၊ ၎င်းတပ်ဖွဲ့များအား အော်ပရေတာများက ကြိုတင်လေ့ကျင့် ပေးထားပြီးဖြစ်ကြောင်း  မန်ဒယ်လ်စတမ်က TASS သတင်းဌာနနှင့် လုပ်ဆောင်ခဲ့သည့် တွေ့ဆုံမေးမြန်းခန်းတစ်ခုတွင်ပြောကြားသည်။ထို့ပြင် လူမဲ့စနစ်များဆိုင်ရာ နည်းပညာနှင့် စစ်ဆင်ရေးဌာနမှ စစ်ဘက်ကျွမ်းကျင်သူများသည် Koshchey ဟု အမည်ပေးထားသည့် အကြီးစားဒရုန်းအသစ်များကို အထူးစစ်ဆင်ရေး နယ်မြေအတွင်းရှိ ရုရှားတပ်ဖွဲ့များထံ ပေးပို့ရန် ပြင်ဆင်လျက်ရှိကြောင်း  ရုရှားကာကွယ်ရေး ဝန်ကြီးဌာနက ဇန်နဝါရီလ ၃၁ ရက်နေ့တွင် ထုတ်ပြန်ထားသည်။MWD
Thu, 2-Apr-2026
မျိုးသုဉ်းသွားသည့် အမွေးရှည်ကြံ့ကြီးများ၏ မေးရိုးများကို ပထမဆုံးအကြိမ်အဖြစ် ကွန်ပျူတာဓာတ်မှန်အား အသုံးပြု၍ ရုရှားသိပ္ပံပညာရှင်များ လေ့လာ
မျိုးသုဉ်းသွားသည့် အမွေးရှည်ကြံ့ကြီးများ၏ မေးရိုးများကို ပထမဆုံးအကြိမ်အဖြစ် ကွန်ပျူတာဓာတ်မှန်အား အသုံးပြု၍ ရုရှားသိပ္ပံပညာရှင်များ လေ့လာ
     ရုရှားနိုင်ငံ နိုဗိုစီဘတ်တက္ကသိုလ်မှ  သိပ္ပံပညာရှင်များသည်  သမိုင်းမတင်မီခေတ်အတွင်း၌ ရှင်သန်ကျက်စားပြီး မျိုးသုဉ်းသွားခဲ့သည့်  အမွေးရှည်ကြံ့ကြီးများ၏ မေးရိုးများကို  ပထမဆုံးအကြိမ်အဖြစ် ကွန်ပျူတာဓာတ်မှန်အား အသုံးပြု၍ လေ့လာခဲ့ကြကြောင်း သိရသည်။သိပ္ပံပညာရှင်များ၏ အဆိုပါလေ့လာမှုသည် ရှေးဟောင်းတိရစ္ဆာန်များ၏ သွားများ မည်သို့ပြောင်းလဲလာသည်ကို နားလည်သဘောပေါက်စေရန် အထောက်အကူပြုမည်ဖြစ်ပြီး ထိုသို့လေ့လာရာမှ ရရှိလာသည့်တွေ့ရှိမှုများကို   လက်ရှိမျိုးသုဉ်းမည့်ဘေးနှင့် ကြုံတွေ့နေရသည့်ကြံ့များအား လေ့လာရာတွင် အသုံးပြုသွားမည်ဖြစ်ကြောင်း အဆိုပါတက္ကသိုလ်ရှိ ပြန်ကြားရေးဌာနက ထုတ်ပြန်ထားသည်။လေ့လာခဲ့သည့်ပစ္စည်းများတွင် ပလိုက်စတိုဆင်းခေတ်အတွင်း    ဆိုက်ဘေးရီးယားတောင်ပိုင်း၌ နေထိုင်ခဲ့သည့် အမွေးရှည်ကြံ့များ၏ မေးရိုးအပိုင်းအစ ငါးခုပါဝင်ပြီး သိပ္ပံပညာရှင်များက အရည်အသွေးမြင့် 3D ပုံရိပ်ဖော်စနစ်ကိုအသုံးပြု၍ လေ့လာခဲ့ကြခြင်းဖြစ်သည်။ ယခုလေ့လာခဲ့သည့်နမူနာများသည်  အသက် ၃ နှစ်ခွဲမှ ၅ နှစ်ဝန်းကျင်ရှိ အမွေးရှည် ကြံ့အကောင်ပေါက်လေးများ၏ မေးရိုးများဖြစ်ကြောင်း၊ အဆိုပါအသက်အရွယ်သည် ၎င်းတို့၏ ငယ်သွားများမှ အရွယ်ရောက်ပြီး ကြံ့များ၏ သွားများအဖြစ် ပြောင်းလဲသည့် အချိန်ဖြစ်ကြောင်း ဘူမိဗေဒနှင့် တွင်းထွက်ပစ္စည်းဗေဒဌာနမှ    အကြီးတန်းသုတေသီ တစ်ဦးဖြစ်သူ ဒီမီထရီမာလီကော့က ပြောကြားထားကြောင်း သိရသည်။MWD
Thu, 2-Apr-2026
© Copyright 2024 SAC All Rights Reserved.