ယူကရိန်းစစ်သားစုဆောင်းရေးအဖွဲ့ တိုက်ခိုက်ရေးရိုင်ဖယ်ဖြင့် ပစ်ခတ်ခံရမှုကြောင့် အရာရှိနှစ်ဦး ဒဏ်ရာရ

KookieSpace97

News Image

  • ယူကရိန်းစစ်သားစုဆောင်းရေးအဖွဲ့ တိုက်ခိုက်ရေးရိုင်ဖယ်ဖြင့် ပစ်ခတ် ခံရမှုကြောင့် အရာရှိနှစ်ဦး ဒဏ်ရာရ

ယူကရိန်းနိုင်ငံတွင် စစ်မှုထမ်းရန်ငြင်းဆန်မှုနှင့် အတင်းအကျပ် လူသစ်စုဆောင်းမှုများကြောင့် ပြည်တွင်းပဋိပက္ခများ မြင့်တက်နေစဉ်အတွင်း ရစ်ဗ်နီဒေသတွင် စစ်သားစုဆောင်းရေးအရာရှိများ သေနတ်ဖြင့် ပစ်ခတ်တိုက်ခိုက်ခံရသည့် ဖြစ်စဉ်တစ်ခု ဖြစ်ပွားခဲ့သည်။ 

ဗုဒ္ဓဟူးနေ့ (ဧပြီ ၂၉) က ဗာဘာကျေးရွာအနီးတွင် စစ်ဆေးရေးဆောင်ရွက်နေသည့် စစ်သားစုဆောင်းရေးအဖွဲ့ (TCC) နှင့် ရဲအရာရှိတစ်ဦးအားအသက် ၄၈ နှစ်အရွယ် အမျိုးသားတစ်ဦးက မောင်းပြန်ရိုင်ဖယ်ဖြင့် ပစ်ခတ်ခဲ့သဖြင့် အရာရှိနှစ်ဦးဒဏ်ရာရရှိကာ ဆေးရုံတင်လိုက်ရသည်။ အဆိုပါ တိုက်ခိုက်သူမှာ ထွက်ပြေးလွတ်မြောက်နေဆဲဖြစ်ပြီး အာဏာပိုင်များက လိုက်လံဖမ်းဆီးလျက်ရှိသည်။

လက်ရှိတွင် ယူကရိန်းအစိုးရသည် စစ်မြေပြင်ရှိ ထိခိုက်ကျဆုံးမှုများကို အစားထိုးရန်အတွက် လမ်းပေါ်တွင် လိုက်လံဖမ်းဆီးခြင်း (Busification) ကဲ့သို့သော အတင်းအကျပ် စစ်သားစုဆောင်းသည့် နည်းလမ်းများကိုအသုံးပြုလာရာ ပြည်သူလူထု၏ ခုခံမှုမှာလည်း ပိုမိုပြင်းထန်လာသည်။ ၂၀၂၂ ခုနှစ်မှစ၍ စစ်သားစုဆောင်းရေးဝန်ထမ်းများအပေါ် တိုက်ခိုက်မှုပေါင်း ၆၀၀ ကျော် ဖြစ်ပွားခဲ့ပြီး ပြီးခဲ့သည့် ရက်သတ္တပတ်များအတွင်း၌ပင် အရာရှိများ ဓားဖြင့်ထိုးသတ်ခံရခြင်းနှင့် ရိုက်နှက်ခံရခြင်းများ ရှိခဲ့သည်။

အချက်အလက်များအရ ယူကရိန်းတွင် စစ်မှုထမ်းရန် တိမ်းရှောင်နေသူ ၂ သန်းခန့်အထိ ရှိနေပြီး စစ်သားအသစ်များ၏ ၁၀ ရာခိုင်နှုန်းအောက်သာ မိမိသဘောဆန္ဒအလျောက် ဝင်ရောက်ကြခြင်းဖြစ်သည်။ 

တစ်ဖက်တွင်လည်း ရုရှားကာကွယ်ရေးဝန်ကြီးဌာနက ယူကရိန်း အနေဖြင့် ၂၀၂၅ ခုနှစ်အတွင်း၌ပင် စစ်သည်အင်အား ၅ သိန်းခန့် ဆုံးရှုံးခဲ့ရသည်ဟု ခန့်မှန်းထားရာ ယခုကဲ့သို့ အတင်းအကျပ်စစ်သားစုဆောင်းမှုများနှင့် ၎င်းအပေါ်တုံ့ပြန်သည့် အကြမ်းဖက်မှုများသည် ယူကရိန်းစစ်တပ် အတွက် လူအင်အားပြန်လည်ဖြည့်တင်းရန် ခက်ခဲနေသည့် အခြေအနေကို ပေါ်လွင်စေလျက်ရှိသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

စမ်းသပ်မှုမပြုရသေးသည့် အသံနှုန်းလွန်ဒုံးကျည်များကို အရှေ့အလယ်ပိုင်းတွင် အသုံးပြုရန် အမေရိကန်စစ်ဘက် အဆိုပြု
စမ်းသပ်မှုမပြုရသေးသည့် အသံနှုန်းလွန်ဒုံးကျည်များကို အရှေ့အလယ်ပိုင်းတွင် အသုံးပြုရန် အမေရိကန်စစ်ဘက် အဆိုပြု
အမေရိကန် အလယ်ပိုင်းစစ်ဌာနချုပ်က စမ်းသပ်မှုမပြုရသေးသည့် Dark Eagle အမည်ရှိ အသံနှုန်းလွန်ဒုံးကျည်များကို အရှေ့အလယ်ပိုင်းဒေသတွင် ဖြန့်ကြက်အသုံးပြုရန် တောင်းဆိုထားကြောင်း Bloomberg သတင်းဌာနက ဧပြီလ ၃၀ ရက်တွင် ဖော်ပြခဲ့သည်။အဆိုပါ တာဝေးပစ် အသံနှုန်းလွန်ဒုံးကျည်စီမံကိန်းကို ၂၀၁၈ ခုနှစ်မှ စတင်ခဲ့ခြင်းဖြစ်ပြီး ရုရှားနှင့် တရုတ်တို့၏ အလားတူလက်နက်စနစ်များကို တုံ့ပြန်ရန် ရည်ရွယ်ကာ အမေရိကန်စစ်ဘက်က ဒေါ်လာ ၁၂ ဘီလီယံကျော် အသုံးပြုထားသည်။သို့သော် ယင်းစီမံကိန်းသည် သတ်မှတ်ထားသည့် အချိန်ဇယားထက် နောက်ကျနေပြီး လက်ရှိအချိန်အထိ အပြည့်အဝ စစ်ဆင်ရေးဝင်နိုင်သည့်အဆင့်သို့ မရောက်ရှိသေးကြောင်း သိရသည်။အီရန်နိုင်ငံသည် အမြင့်ပျံဒုံးကျည်ပစ်လွှတ်စနစ်များကို အမေရိကန်၏ PrSM ဒုံးကျည်များ လက်လှမ်းမမီနိုင်သောနေရာများသို့ ရွှေ့ပြောင်းထားသည်ဟု ထောက်လှမ်းရေးသတင်းများအရ သိရပြီးနောက် အမေရိကန်စစ်ဘက်က ယင်းဒုံးကျည်စနစ်အသုံးပြုရန် တောင်းဆိုလာခြင်းဖြစ်သည်။အဆိုပါတောင်းဆိုချက်အပေါ် အမေရိကန်အစိုးရဘက်မှ တစ်စုံတစ်ရာဆုံးဖြတ်ချက် ချမှတ်ထားခြင်းမရှိသေးကြောင်း သတင်းတွင် ဖော်ပြထားသည်။Ref: RTMWD
Sat, 2-May-2026
လက်ဘနွန်တောင်ပိုင်းတွင် အစ္စရေး၏တိုက်ခိုက်မှုများ ပြင်းထန်နေပြီး အပစ်ရပ်ရေးသဘောတူညီချက် ပျက်ပြားမည့်အရေး ပြည်သူများ စိုးရိမ်နေ
လက်ဘနွန် တောင်ပိုင်းတွင် အစ္စရေး၏ တိုက်ခိုက်မှုများ ပြင်းထန်နေပြီး အပစ်ရပ်ရေးသဘောတူညီချက် ပျက်ပြားမည့်အရေး ပြည်သူများ စိုးရိမ်နေ
လက်ဘနွန်တောင်ပိုင်းတွင် အစ္စရေးစစ်တပ်၏ ထိခိုက်သေဆုံးမှု များပြားစေသော စစ်ဆင်ရေးများ တစ်ကျော့ပြန် ပြင်းထန်လာခြင်းကြောင့် ဒေသခံပြည်သူများအကြား စိုးရိမ်ထိတ်လန့်မှုနှင့် မရေရာမှုများ မြင့်တက်နေကြောင်း သိရှိရသည်။ အမေရိကန်ဦးဆောင်သည့် အစ္စရေးနှင့်ဟစ်ဇဘိုလာတို့အကြား အပစ်အခတ်ရပ်စဲရေး ကြေညာချက်သည် ဒေသခံများအတွက် ခေတ္တခဏသာ စိတ် သက်သာရာရစေခဲ့ပြီး လက်ရှိတွင် စစ်ရေးလှုပ်ရှားမှုများနှင့် လုံခြုံရေးဆိုင်ရာဖြစ်ရပ်များ ဆက်တိုက်ဖြစ်ပွားနေခြင်းကြောင့် အဆိုပါ သဘောတူညီချက်သည် အချိန်မရွေးပျက်ပြားသွားနိုင်ကြောင်း ကယ်ဆယ်ရေး ဝန်ထမ်းများက သတိပေးပြောကြားထားသည်။လက်ဘနွန်ကျန်းမာရေးဝန်ကြီးဌာန၏ ထုတ်ပြန်ချက်အရ ဧပြီ ၃၀ ရက်နေ့တွင် ဖြစ်ပွားခဲ့သော အစ္စရေး၏ တိုက်ခိုက်မှုများကြောင့် ကလေးငယ်နှစ်ဦးအပါအဝင် အနည်းဆုံး လူကိုးဦး သေဆုံးခဲ့ရသည်။ မတ်လ အစောပိုင်းမှစတင်ခဲ့သော အစ္စရေး၏ထိုးစစ်ဆင်မှုများအတွင်း လက်ဘနွန် တွင် လူပေါင်း ၂,၅၈၆ ဦး သေဆုံးကာ ၈,၀၂၀ ဦး ဒဏ်ရာရရှိခဲ့ပြီး တောင်ပိုင်းရှိ ကျေးရွာအများအပြားမှာလည်း မြေလှန်ဖျက်ဆီးခြင်းခံထားရသည်။ တစ်ဖက်တွင်လည်း ဟစ်ဇဘိုလာတို့၏ ဒရုန်းဖြင့်တိုက်ခိုက်မှုကြောင့် အစ္စရေးစစ်သည် ၁၂ ဦး ဒဏ်ရာရရှိခဲ့ကြောင်း အစ္စရေး စစ်တပ်က အတည်ပြုထားသည်။လက်ဘနွန်သမ္မတ ဂျိုးဆက်ဖ်အောင်းက အစ္စရေးအနေဖြင့် နိုင်ငံတကာဥပဒေများကိုလေးစားရန် တောင်းဆိုလိုက်ပြီး အပစ်အခတ်ရပ်စဲရေး ကြေညာထားသော်လည်း အစ္စရေးဘက်မှ နေအိမ်များနှင့် ဘာသာရေးအဆောက်အအုံများကို ဆက်လက်ဖျက်ဆီးနေခြင်းသည် လူသားချင်းစာနာထောက်ထားမှုဆိုင်ရာ ချိုးဖောက်မှုများဖြစ်ကြောင်း ပြစ်တင်ဝေဖန်ခဲ့သည်။ လက်ရှိတွင် လက်ဘနွန်ပြည်သူအများစုမှာအကူအညီမဲ့နေပြီး မည်သည့်နေရာတွင်မဆို ဘေးကင်းလုံခြုံမှုမရှိသကဲ့သို့ စိတ်ခံစားနေရကြောင်း မြို့တော်ဘေရွတ်အခြေစိုက် ကူညီကယ်ဆယ်ရေးအဖွဲ့များက ထုတ်ဖော်ပြောဆိုထားသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
ဟစ်ဇဘိုလာအဖွဲ့၏ ဒရုန်းဖြင့်တိုက်ခိုက်မှုကြောင့် အစ္စရေး မြောက်ပိုင်း တွင် စစ်သည် ၁၂ ဦး ဒဏ်ရာရရှိ
ဟစ်ဇဘိုလာအဖွဲ့၏ ဒရုန်းဖြင့်တိုက်ခိုက်မှုကြောင့် အစ္စရေး မြောက်ပိုင်းတွင် စစ်သည် ၁၂ ဦး ဒဏ်ရာရရှိ
ဧပြီ ၃၀ ရက်နေ့ နံနက်ပိုင်းက အစ္စရေးမြောက်ပိုင်းရှိ စစ်ဘက်သုံးယာဉ် တစ်စီးကို ဟစ်ဇဘိုလာအဖွဲ့၏ ဒရုန်းတစ်စင်းဖြင့် ပစ်ခတ်တိုက်ခိုက်ခဲ့ရာ အနည်းဆုံး စစ်သည် ၁၂ ဦး ဒဏ်ရာရရှိခဲ့ကြောင်း အစ္စရေးစစ်တပ်က ပြောကြားခဲ့သည်။ ယင်းဖြစ်ရပ်သည် အီရန်ကျောထောက်နောက်ခံပြု အဖွဲ့အစည်းများထံမှ ဒရုန်းခြိမ်းခြောက်မှု မြင့်တက်လာခြင်းကို မီးမောင်းထိုးပြနေသည်။အစ္စရေး-လက်ဘနွန် နယ်စပ်အနီးရှိ Shomera မြို့အနီးတွင် ဒရုန်းကျရောက်ခဲ့ခြင်းဖြစ်ကြောင်း အစ္စရေးကာကွယ်ရေးတပ်ဖွဲ့ (IDF) က ပြောကြားခဲ့ပြီး စစ်သည်နှစ်ဦးမှာ ဒဏ်ရာအနည်းပြင်းထန်ခဲ့ကာ ကျန် ၁၀ ဦးမှာ ဒဏ်ရာအနည်းငယ်ရရှိခဲ့ကြသည်ဟု ဆိုသည်။အစ္စရေး မီးသတ်နှင့်ကယ်ဆယ်ရေးဌာနမှ မျှဝေထားသော ဓာတ်ပုံတစ်ပုံတွင် စစ်ဘက်သုံးယာဉ်တစ်စီး မီးလောင်ကျွမ်းနေပြီး ကောင်းကင်ယံတွင် မီးခိုးများ ထွက်ပေါ်နေသည်ကို တွေ့ရှိရသည်။ထို့နေ့အတွင်း လက်ဘနွန်ဘက်မှ ပစ်လွှတ်လိုက်သည့် ဒုံးကျည် သို့မဟုတ် ဒရုန်းများအား တားဆီးနိုင်ရန် အစ္စရေးစစ်တပ်က ကြားဖြတ် ဒုံးကျည်များဖြင့် အနည်းဆုံး လေးကြိမ်ခန့်တားဆီးခဲ့ရကြောင်း IDF က ဆိုသည်။ အများစုကို အောင်မြင်စွာ ကြားဖြတ်ဟန့်တားနိုင်ခဲ့သော်လည်း အခြား တိုက်ခိုက်မှုအချို့အား တားဆီးနိုင်ခြင်း ရှိ၊ မရှိကိုမူ ပြန်လည်စစ်ဆေးနေဆဲဖြစ်သည်ဟု IDF က ဆက်လက်ပြောကြားခဲ့သည်။ဟစ်ဇဘိုလာအဖွဲ့သည် လက်ဘနွန်တောင်ပိုင်းနှင့် အစ္စရေး မြောက်ပိုင်းရှိ အစ္စရေးတပ်ဖွဲ့များကို ပစ်မှတ်ထားရာတွင် ကုန်ကျစရိတ်သက်သာပြီး ထိရောက်မှုရှိသည့် နည်းလမ်းတစ်ခုအဖြစ် ဒရုန်းများကို ပိုမိုအသုံးပြုလာခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
အမေရိကန်၏ စစ်ရေးခြေလှမ်းများအပေါ် အီရန်က ပြင်းထန်စွာ တုံ့ပြန်မည်ဟု သတိပေး
အမေရိကန်၏ စစ်ရေးခြေလှမ်းများအပေါ် အီရန်က ပြင်းထန်စွာ တုံ့ပြန်မည်ဟု သတိပေး
အမေရိကန်၏ နောက်ထပ် ဗုံးကြဲတိုက်ခိုက်မှုမှန်သမျှကို ‘ရှည်လျားပြီး နာကျင်စေမည့် တိုက်ခိုက်မှုများ’ ဖြင့် တုံ့ပြန်သွားမည်ဟု အီရန် အစ္စလာမ္မစ် တော်လှန်ရေး အစောင့်တပ်ဖွဲ့ (IRGC) မှ အကြီးတန်းအရာရှိ မာဂျစ် မူဆာဗီက ဧပြီ ၃၀ ရက်နေ့တွင် ပြင်းပြင်းထန်ထန် သတိပေး ပြောကြားလိုက်သည်။ ၎င်းက ဒေသတွင်းရှိ အမေရိကန် စစ်အခြေစိုက်စခန်းများ ကြုံတွေ့ခဲ့ရသည့်အခြေအနေကို သာဓကပြ၍ အမေရိကန် စစ်သင်္ဘောများသည်လည်း အလားတူကံကြမ္မာမျိုးနှင့် ရင်ဆိုင်ရမည်ဖြစ်ကြောင်း၊ ရန်သူ၏ စစ်ဆင်ရေးများသည် တိုတောင်းပြင်းထန်သည့် ပုံစံမျိုးဖြစ်နေစေကာမူ မိမိတို့ဘက်ကမူ နာကျင်စေမည့်တုံ့ပြန်မှုများ ပြုလုပ်သွားမည်ဖြစ်ကြောင်း အီရန်နိုင်ငံပိုင် Tasnim သတင်းဌာနမှတစ်ဆင့် ပြောကြားခဲ့သည်။အဆိုပါ ခြိမ်းခြောက်မှုသည် သမ္မတ ဒေါ်နယ်ထရမ့်အနေဖြင့် အီရန် အပေါ် ‘တိုတောင်းသော်လည်း အားကောင်းပြင်းထန်သည့်’ စစ်ရေးအရ အရေးယူဆောင်ရွက်မည့် အစီအစဉ်သစ်များကို လေ့လာသုံးသပ်နေကြောင်း သတင်းများထွက်ပေါ်လာပြီးနောက်တွင် ပေါ်ပေါက်လာခြင်း ဖြစ်သည်။ လက်ရှိတွင် အမေရိကန်နှင့်အီရန်တို့အကြား ဆွေးနွေးမှုများရပ်တန့်နေသဖြင့် သမ္မတထရမ့်သည် တီဟီရန်အစိုးရအား စေ့စပ်ညှိနှိုင်းရေးစားပွဲဝိုင်းသို့ ပြန်လည်ရောက်ရှိလာစေရန် စီးပွားရေးအရ အကျပ်ကိုင်သည့်နည်းလမ်းများကို အဓိက အသုံးပြုနေသည်။ ၎င်းတွင် အီရန် ဆိပ်ကမ်းများကို ရေတပ်က ဆက်လက်ပိတ်ဆို့ထားရန်နှင့် ဗျူဟာမြောက်အရေးပါသော ဟော်မုဇ်ရေလက်ကြားကို ရေရှည်ပိတ်ပစ်နိုင်ရေးအတွက် ပြင်ဆင်မှုများလည်း ပါဝင်နေသည်။သို့သော်လည်း အမေရိကန်အစိုးရသည် စစ်ရေးအရတိုက်ခိုက်မှုများကို ချက်ချင်း ပြန်လည်မစတင်မီ အီရန်အပေါ် စီးပွားရေးအရ အထိနာဆုံး ဖြစ်အောင်လုပ်ဆောင်သည့် မဟာဗျူဟာကိုသာ လတ်တလောတွင် ဦးစားပေးဆောင်ရွက်နေကြောင်း သိရှိရသည်။ ထိုသို့သော အခြေအနေများကြောင့် နှစ်နိုင်ငံကြား စစ်ရေးပဋိပက္ခ ဖြစ်ပွားနိုင်ခြေနှင့်ပတ်သက်၍ ဒေသတွင်း တင်းမာမှုများ ပိုမိုမြင့်တက်လာလျက် ရှိသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
လက်ဘနွန်တောင်ပိုင်းတွင် အစ္စရေး၏ တိုက်ခိုက်မှုကြောင့် ကလေးငယ် ၂ ဦးအပါအဝင် စုစုပေါင်း ၉ ဦး သေဆုံး
လက်ဘနွန်တောင်ပိုင်းတွင် အစ္စရေး၏ တိုက်ခိုက်မှုကြောင့် ကလေးငယ် ၂ ဦးအပါအဝင် စုစုပေါင်း ၉ ဦး သေဆုံး
လက်ဘနွန်အာဏာပိုင်များနှင့် နိုင်ငံပိုင်မီဒီယာများ၏ဖော်ပြချက်အရ ဧပြီ ၃၀ ရက်နေ့တွင် လက်ဘနွန်တောင်ပိုင်း၌ အစ္စရေး၏ အသစ်တဖန် တိုက်ခိုက်မှုများကြောင့် ကလေးငယ် နှစ်ဦးအပါအဝင် လူကိုးဦး သေဆုံးခဲ့သည်။ အဆိုပါဒေသအတွင်း အကြိမ်ကြိမ် တိုက်ခိုက်ခံရမှုကြောင့်အခြားလူ ၂၃ ဦး ထိခိုက်ဒဏ်ရာရရှိခဲ့ကြောင်း လက်ဘနွန် ကျန်းမာရေးဝန်ကြီးဌာနက ပြောကြားခဲ့သည်။အပစ်အခတ်ရပ်စဲရေး ကြေညာထားသော်လည်း အစ္စရေးနှင့် ဟစ်ဇဘိုလာ တို့အကြား တိုက်ခိုက်မှုများ အပြန်အလှန်ရှိနေဆဲဖြစ်ရာ အစ္စရေး စစ်ဦးစီးချုပ်အီယယ်လ် ဇာမာ (Eyal Zamir) က ၎င်းတို့အနေဖြင့် ရှေ့တန်း စစ်မျက်နှာများတွင် ဆက်လက် လှုပ်ရှားဆောင်ရွက်သွားမည်ဖြစ်ကြောင်း ဗုဒ္ဓဟူးနေ့ (ဧပြီ ၂၉) တွင် စစ်သည်များကို ပြောကြားခဲ့သည်။စစ်ပွဲစတင်ကတည်းက သေဆုံးသူ ၂,၅၀၀ ကျော်နှင့် ဒဏ်ရာရရှိသူ ၇,၉၀၀ ကျော်ရှိပြီဖြစ်ကြောင်း လက်ဘနွန် ကျန်းမာရေးဝန်ကြီးဌာနက ပြောကြားထားပြီး အပစ်အခတ်ရပ်စဲရေးရှိနေသော်လည်း သေဆုံးမှုနှုန်းမှာ ဆက်လက် မြင့်တက်လျက်ရှိသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
မာလီအစိုးရတပ်ဖွဲ့များ မြောက်ပိုင်းရှိ အရေးပါသောမြို့ကို ပြန်လည် ထိန်းချုပ်နိုင်
မာလီအစိုးရတပ်ဖွဲ့များ မြောက်ပိုင်းရှိ အရေးပါသောမြို့ကို ပြန်လည်ထိန်းချုပ်နိုင်
IS နှင့် ဆက်နွှယ်နေသည့် စစ်သွေးကြွများကို တိုက်ထုတ်နိုင်ခဲ့ပြီးနောက် မာလီအစိုးရတပ်ဖွဲ့များသည် နိုင်ငံမြောက်ပိုင်းရှိ အရေးပါသော မြို့တစ်မြို့ ကို ပြန်လည်ထိန်းချုပ်နိုင်ခဲ့ကြောင်း ဒေသတွင်းသတင်းရင်းမြစ်များက ဗုဒ္ဓဟူးနေ့ (ဧပြီ ၂၉) တွင် ပြောကြားခဲ့သည်။နိုင်ဂျာနယ်စပ်တွင်တည်ရှိပြီး ယခုသီတင်းပတ်အစောပိုင်းက သူပုန်များ သိမ်းပိုက်ထားသည့် Menaka မြို့မှ စစ်သွေးကြွများသည် အစိုးရတပ်နှင့် မဟာမိတ်တပ်ဖွဲ့များ၏ တန်ပြန်တိုက်ခိုက်မှုများကြောင့် ထိခိုက်မှုများစွာဖြင့် ဆုတ်ခွာသွားခဲ့ကြောင်း ဒေသခံများနှင့် သံတမန် သတင်းရင်းမြစ်တစ်ခုကို ကိုးကား၍ Reuters သတင်းဌာနက ဖော်ပြခဲ့သည်။အဆိုပါ ဆုတ်ခွာမှုဖြစ်စဉ်သည် ပြီးခဲ့သည့် စနေနေ့ (ဧပြီ ၂၅) က အနောက်အာဖရိကနိုင်ငံရှိ စစ်ဘက်ဆိုင်ရာပစ်မှတ်များကို အယ်လ်ကေးဒါး နှင့် ဆက်နွှယ်သည့် JNIM အဖွဲ့နှင့် တူအာရက်ဂ် (Tuareg) ဦးဆောင်သော အာဇာဝပ်လွတ်မြောက်ရေးတပ်ဦး (FLA) တို့က ပူးပေါင်းတိုက်ခိုက်ခဲ့ပြီးနောက် ပေါ်ပေါက်လာခြင်းဖြစ်သည်။ ထိုတိုက်ခိုက်မှုအတွင်း ကာကွယ်ရေးဝန်ကြီး ဗိုလ်ချုပ် ဆာဒီယို ကာမာရာ (Sadio Camara) သည် ၎င်း၏ နေအိမ်ကို အသေခံဗုံးခွဲတိုက်ခိုက်ခံရမှုကြောင့် ရရှိသောဒဏ်ရာများဖြင့် ကွယ်လွန်သွားခဲ့ကြောင်း အာဏာပိုင်များက အတည်ပြုခဲ့သည်။မာလီရှိ ရုရှားကာကွယ်ရေးဝန်ကြီးဌာန၏ ယူနစ်တစ်ခုဖြစ်သော Africa Corps ၏ ပံ့ပိုးကူညီမှုဖြင့် မာလီတပ်ဖွဲ့များသည် စစ်သွေးကြွများ၏ စစ်စခန်းများနှင့် အခြေခံအဆောက်အအုံများကို သိမ်းပိုက်ရန်ကြိုးပမ်းမှုကို တွန်းလှန်နိုင်ခဲ့ကြောင်း တာဝန်ရှိသူများက ဆိုသည်။ ဖြစ်ပွားခဲ့သော တိုက်ပွဲများ အတွင်း စစ်သွေးကြွ ၂၀၀ ကျော် သေဆုံးခဲ့ပြီး စစ်အသုံးအဆောင်ပစ္စည်း အမြောက်အမြားကို သိမ်းဆည်းရမိခဲ့ကြောင်း မာလီစစ်ဘက်ဆိုင်ရာအထွေထွေစစ်ဦးစီးချုပ် အူမာ ဒီယာရာ (Oumar Diarra) က တနင်္ဂနွေနေ့ (ဧပြီ ၂၆) ညတွင် နိုင်ငံပိုင်ရုပ်သံမှတစ်ဆင့် ပြောကြားခဲ့သည်။မာလီဝန်ကြီးချုပ် အဗ္ဗဒူလာယေ မိုင်ဂါ (Abdoulaye Maiga) က သူပုန်များသည် နောက်ကွယ်မှ ထောက်ပံ့သူများ၏ အကူအညီဖြင့် အစိုးရကို ဖြုတ်ချရန်နှင့် နိုင်ငံ၏အဖွဲ့အစည်းများကို မတည်မငြိမ်ဖြစ်အောင် ကြိုးပမ်းခဲ့ကြကြောင်း ပြောကြားခဲ့သည်။ ၎င်းက ထောက်ပံ့သူသည် မည်သူမည်ဝါ ဖြစ်သည်ကို အတိအကျထုတ်ဖော်ပြောဆိုခြင်းမရှိသော်လည်း ရုရှား ကာကွယ်ရေးဝန်ကြီးဌာနကမူ စစ်သွေးကြွအင်အား ၁၂,၀၀၀ ခန့်ကို ယူကရိန်းနှင့် ဥရောပကြေးစား စစ်ရေးနည်းပြများက လေ့ကျင့်ပေးခဲ့ခြင်းဖြစ်ကြောင်း နောက်ပိုင်းတွင် ထုတ်ပြန်ချက်တစ်ခု ထုတ်ပြန်ခဲ့သည်။ ထို့အပြင် အဆိုပါတိုက်ခိုက်မှုသည် မာလီ စစ်အစိုးရကို ဖြုတ်ချရန် JNIM နှင့် FLA တို့၏ အာဏာသိမ်းရန် ကြိုးပမ်းမှုဖြစ်ကြောင်းလည်း ဖော်ပြခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 30-Apr-2026
© Copyright 2024 SAC All Rights Reserved.