ဥရောပတိုက်သား ၇၀ ရာခိုင်နှုန်းခန့်က အမေရိကန်၏ ဩဇာမှ ရုန်းထွက်၍ ကိုယ်ပိုင်လမ်းစဉ်လျှောက်လှမ်းလိုကြ

KookieSpace97

News Image

  • ဥရောပတိုက်သား ၇၀ ရာခိုင်နှုန်းခန့်က အမေရိကန်၏ ဩဇာမှ ရုန်းထွက်၍ ကိုယ်ပိုင်လမ်းစဉ်လျှောက်လှမ်းလိုကြ

ဂျာမနီအခြေစိုက် Bertelsmann Stiftung သုတေသနအဖွဲ့၏ နောက်ဆုံးစစ်တမ်းအရ ဥရောပသမဂ္ဂ (EU) နှင့် ဗြိတိန်နိုင်ငံရှိ ပြည်သူအများစုသည် အမေရိကန်နိုင်ငံအပေါ် မှီခိုနေရမှုမှ ကင်းစင်ပြီး ပိုမိုလွတ်လပ်သော မူဝါဒများကို ကျင့်သုံးလိုကြကြောင်း သိရှိရသည်။

စစ်တမ်းအရ EU ပြည်သူ ၇၃ ရာခိုင်နှုန်းနှင့် ဗြိတိန်ပြည်သူ ၆၇ ရာခိုင်နှုန်း ခန့်က ဥရောပအနေဖြင့် အမေရိကန်၏လွှမ်းမိုးမှုမှခွာ၍ ကိုယ်ပိုင် လမ်းစဉ် အတိုင်း သွားရမည့်အချိန်ရောက်ပြီဟု ယုံကြည်နေကြသည်။ အဆိုပါ သဘောထားသည် ၂၀၂၄ ခုနှစ်တွင် ၆၃ ရာခိုင်နှုန်းသာရှိခဲ့ရာမှ ယခုနှစ် တွင် သိသိသာသာမြင့်တက်လာခြင်းဖြစ်ပြီး အမေရိကန်အပေါ် ယုံကြည်မှု မှာလည်း ၄၂ ရာခိုင်နှုန်းသို့ ကျဆင်းသွားခဲ့သည်။

အမေရိကန်သမ္မတ ဒေါ်နယ်ထရမ့် ဒုတိယအကြိမ် အာဏာရလာပြီး နောက်ပိုင်း နှစ်ဖက်ဆက်ဆံရေးမှာ ပိုမိုတင်းမာလာခဲ့ပြီး နိုင်ငံခြားရေးနှင့် လုံခြုံရေးမူဝါဒများတွင် သဘောထားကွဲလွဲမှုများ အရှိန်မြင့်လာခဲ့သည်။အထူးသဖြင့် ကုန်သွယ်ရေးစစ်ပွဲဖြစ်ပွားခြင်း၊ ယူကရိန်းပဋိပက္ခအပေါ်ချဉ်းကပ်ပုံကွဲပြားခြင်းနှင့် ဒိန်းမတ်နိုင်ငံပိုင် ဂရင်းလန်ကျွန်းကို သိမ်းယူရန် ဝါရှင်တန်ကခြိမ်းခြောက်ခဲ့ခြင်းတို့သည် မဟာမိတ်များအကြား အက်ကြောင်း ထင်စေခဲ့သည်။

လတ်တလောတွင် အမေရိကန်နှင့်အစ္စရေးတို့ ပူးပေါင်း၍ အီရန်ကို တိုက်ခိုက်မှုအပေါ် ဥရောပနိုင်ငံများက လက်မခံခြင်းနှင့် ယင်းပဋိပက္ခကြောင့် ကမ္ဘာ့လောင်စာဆီထောက်ပံ့မှု ပြတ်တောက်ကာ ဥရောပစီးပွားရေးကို ထိခိုက်စေခြင်းတို့သည် အမေရိကန်နှင့် ခပ်ခွာခွာနေလိုသည့်ဆန္ဒကို ပိုမို တွန်းအားပေးလျက်ရှိသည်။

ကြာသပတေးနေ့ (မေ ၇) က ထုတ်ပြန်ခဲ့သည့် အဆိုပါစစ်တမ်းကို EU အဖွဲ့ဝင် ၂၇ နိုင်ငံလုံးမှ ဖြေဆိုသူ ၁၈,၀၀၀ ခန့်နှင့် ဗြိတိန်မှ ၂,၀၀၀ ခန့် တို့၏ သဘောထားများအပေါ် အခြေခံထားခြင်းဖြစ်သည်။ အဆိုပါလူထု စစ်တမ်းကို ယခုနှစ် မတ်လအတွင်း အသက် ၁၈ နှစ်မှ ၆၉ နှစ်ကြားရှိ သူများအကြား ကောက်ယူခဲ့ခြင်းဖြစ်ပြီး အသက်အရွယ်၊ ကျား/မ နှင့် လူဦးရေသိပ်သည်းမှုတို့အပေါ် မူတည်၍ လက်ရှိလူဦးရေ ပျံ့နှံ့နေထိုင်မှု အချိုးအစားအတိုင်း ကိုယ်စားပြုနိုင်ရန် ဆောင်ရွက်ခဲ့ခြင်းဖြစ်သည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အီရန်ဆွေးနွေးပွဲများအပေါ် အခြေခံ၍ အလောင်းအစား မပြုလုပ်ရန် အမေရိကန်သံတမန်များကို သတိပေး
အီရန်ဆွေးနွေးပွဲများအပေါ် အခြေခံ၍ အလောင်းအစား မပြုလုပ်ရန် အမေရိကန်သံတမန်များကို သတိပေး
အီရန်နှင့်ဆွေးနွေးမှုများအပေါ်အခြေခံပြီး အစိုးရ၏လျှို့ဝှက်ချက်များကို အသုံးပြုကာ အလောင်းအစားပြုလုပ်ခြင်းမျိုး မလုပ်ဆောင်ရန် အမေရိကန် သံတမန်များကို သတိပေးထားကြောင်း Wall Street Journal (WSJ) က ဖော်ပြခဲ့သည်။ အရှေ့အလယ်ပိုင်းစစ်ပွဲနှင့်ဆက်နွှယ်နေသော အချိန်အခါ ကိုက် လောင်းကြေးထပ်မှုများနှင့် ကုန်သွယ်မှုများအပေါ် စောင့်ကြည့် စစ်ဆေးမှုများမြင့်တက်နေချိန်တွင် ယခုသတိပေးချက်ထွက်ပေါ်လာခြင်း ဖြစ်သည်။ထုတ်ဖော်ပြောကြားခြင်းမရှိသေးသည့် ရုံးသုံးအချက်အလက်များကို ကိုယ်ကျိုးစီးပွားအတွက် အသုံးပြုခြင်းသည် ‘အလွန်ပြင်းထန်သော ပြစ်မှုဖြစ်ပြီး ခွင့်လွှတ်မည်မဟုတ်ကြောင်း’ ကမ္ဘာတစ်ဝှမ်းရှိ ဝန်ထမ်းများထံသို့ အမေရိကန်နိုင်ငံခြားရေးဝန်ကြီးဌာနက ညွှန်ကြားချက်တစ်စောင် ထုတ်ပြန်ခဲ့သည်ဟု WSJ က ကြာသပတေးနေ့ (မေ ၇) တွင် ရေးသားခဲ့သည်။ အဆိုပါညွှန်ကြားချက်တွင် ကမ္ဘာလုံးဆိုင်ရာဖြစ်ရပ်များကို ခန့်မှန်း လောင်းကြေးထပ်နိုင်သည့် Kalshi နှင့် Polymarket ကဲ့သို့သော အွန်လိုင်းပလက်ဖောင်းများကို ရည်ညွှန်းထားကြောင်း သိရှိရသည်။သတင်းဖော်ပြချက်အရ ဗင်နီဇွဲလားသမ္မတ နီကိုလက်စ် မာဒူရိုအား ရာထူးမှဖယ်ရှားမည့်အရေးနှင့်ပတ်သက်သည့် အလောင်းအစားများမှအမြတ်ထုတ်ရန် လျှို့ဝှက်အချက်အလက်များကိုအသုံးပြုခဲ့သည်ဟု စွပ်စွဲခံရသော အမေရိကန်အထူးတပ်ဖွဲ့ဝင်တစ်ဦးအဖမ်းခံရပြီး တစ်ပတ်အကြာ တွင် ယခုညွှန်ကြားချက် ထွက်ပေါ်လာခြင်းဖြစ်သည်။ ၎င်းသံသယရှိသူ သည် ဇန်နဝါရီလအတွင်းက အမေရိကန်စစ်တပ်၏ စီးနင်း တိုက်ခိုက်မှုမတိုင်မီ ကြိုတင်လောင်းကြေးထပ်မှုများမှတစ်ဆင့် ဒေါ်လာ ၄ သိန်းကျော်ရရှိခဲ့သည်ဟု တရားလိုများကစွပ်စွဲထားသော်လည်း ၎င်းကမူ အပြစ်မရှိကြောင်း ငြင်းဆိုထားသည်။အီရန်နှင့်ဆက်နွှယ်သော အလောင်းအစားများနှင့်ပတ်သက်၍ Polymarket သည်လည်း စစ်ဆေးမှုများနှင့် ရင်ဆိုင်နေရသည်။ အမေရိကန်-အစ္စရေး တို့က အီရန်ကိုဗုံးကြဲတိုက်ခိုက်မည်ဟု ခန့်မှန်းလောင်းကြေးထပ်ခဲ့သော အကောင့်အစုအဖွဲ့တစ်ခုသည် ဒေါ်လာ ၁ သန်းကျော် အမြတ်ရရှိခဲ့ ကြောင်း မီဒီယာများက ဖော်ပြခဲ့ကြသည်။အတွင်းလူများက သတင်းအချက်အလက်အသာစီးယူ၍ ကုန်သွယ်မှုပြုလုပ်သည့် (Insider trading) ပြဿနာသည် သမားရိုးကျ ဘဏ္ဍာရေးစျေးကွက် များသို့လည်း ပျံ့နှံ့ရောက်ရှိနေပြီဖြစ်သည်။အမေရိကန်-အီရန် ငြိမ်းချမ်းရေးသဘောတူညီချက် ရရှိနိုင်ခြေရှိကြောင်း သတင်းများကြောင့် ရေနံစျေးနှုန်းများ ထိုးဆင်းမသွားမီ တစ်နာရီအလို ဗုဒ္ဓဟူးနေ့ (မေ ၆) တွင် ရေနံစိမ်းစျေးကွက်၌ အလုံးအရင်းဖြင့် အရောင်းဖွင့်မှု (Short position) တစ်ခု ပြုလုပ်ခဲ့သည်။ စွမ်းအင်စျေးကွက် လေ့လာဆန်းစစ်သူများက MarketWatch သို့ ပြောကြားရာတွင် ယင်းလုပ်ဆောင်ချက်သည် သံသယဖြစ်ဖွယ်ကောင်းပြီး ဖေဖော်ဝါရီလ နှောင်းပိုင်း ပဋိပက္ခများစတင်ကတည်းက ပေါ်ပေါက်လာသည့် ပုံစံတူ လုပ်ဆောင်ချက်များထဲမှ တစ်ခုဖြစ်ကြောင်း ဖော်ပြခဲ့ကြသည်။အမေရိကန်နှင့် အီရန်အရာရှိများ၏ စျေးကွက်ကို လှုပ်ခတ်စေနိုင်သောထုတ်ပြန်ချက်များ မထွက်ပေါ်မီ တိုက်ဆိုင်စွာပြုလုပ်ခဲ့သည့် ဒေါ်လာ ၂.၆ ဘီလီယံကျော် တန်ဖိုးရှိ ရေနံကုန်သွယ်မှု အနည်းဆုံးလေးခုကိုလည်း တရားရေးဌာနနှင့် ကုန်စည်ဒိုင် ကြိုတင်ကုန်သွယ်မှုကော်မရှင် (CFTC) တို့က စစ်ဆေးနေကြောင်း သိရှိရသည်။ပထဝီနိုင်ငံရေး အခြေအနေများအပေါ်အခြေခံ၍ အလောင်းအစားပြုလုပ်မှုများအပေါ် စောင့်ကြည့်စစ်ဆေးမှုများ ရှိလာရာမှတစ်ဆင့် ဒေါ်နယ်ထရမ့်၏မိသားစုနှင့် အဆိုပါ လုပ်ငန်းနယ်ပယ်ကြား ဆက်နွှယ်မှုများမှာ အကျိုးစီးပွား ပဋိပက္ခဖြစ်နိုင်ခြေရှိမရှိကိုလည်း အာရုံစိုက်လာကြသည်။ ဒေါ်နယ်ထရမ့် ဂျူနီယာ (Donald Trump Jr.) သည် Polymarket နှင့် Kalshi နှစ်ခုစလုံးတွင် အကြံပေးအဖြစ်ဆက်နွှယ်မှုရှိနေပြီး ၎င်း၏ ရင်းနှီးမြှုပ်နှံမှုကုမ္ပဏီဖြစ်သော 1789 Capital မှတစ်ဆင့် Polymarket တွင် ရင်းနှီးမြှုပ်နှံထားကြောင်း New York Times က ဇန်နဝါရီလတွင် ဖော်ပြခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
ဥရောပတိုက်သား ၇၀ ရာခိုင်နှုန်းခန့်က အမေရိကန်၏ ဩဇာမှ ရုန်းထွက်၍ ကိုယ်ပိုင်လမ်းစဉ်လျှောက်လှမ်းလိုကြ
ဥရောပတိုက်သား ၇၀ ရာခိုင်နှုန်းခန့်က အမေရိကန်၏ ဩဇာမှ ရုန်းထွက်၍ ကိုယ်ပိုင်လမ်းစဉ်လျှောက်လှမ်းလိုကြ
ဂျာမနီအခြေစိုက် Bertelsmann Stiftung သုတေသနအဖွဲ့၏ နောက်ဆုံးစစ်တမ်းအရ ဥရောပသမဂ္ဂ (EU) နှင့် ဗြိတိန်နိုင်ငံရှိ ပြည်သူအများစုသည် အမေရိကန်နိုင်ငံအပေါ် မှီခိုနေရမှုမှ ကင်းစင်ပြီး ပိုမိုလွတ်လပ်သော မူဝါဒများကို ကျင့်သုံးလိုကြကြောင်း သိရှိရသည်။စစ်တမ်းအရ EU ပြည်သူ ၇၃ ရာခိုင်နှုန်းနှင့် ဗြိတိန်ပြည်သူ ၆၇ ရာခိုင်နှုန်း ခန့်က ဥရောပအနေဖြင့် အမေရိကန်၏လွှမ်းမိုးမှုမှခွာ၍ ကိုယ်ပိုင် လမ်းစဉ် အတိုင်း သွားရမည့်အချိန်ရောက်ပြီဟု ယုံကြည်နေကြသည်။ အဆိုပါ သဘောထားသည် ၂၀၂၄ ခုနှစ်တွင် ၆၃ ရာခိုင်နှုန်းသာရှိခဲ့ရာမှ ယခုနှစ် တွင် သိသိသာသာမြင့်တက်လာခြင်းဖြစ်ပြီး အမေရိကန်အပေါ် ယုံကြည်မှု မှာလည်း ၄၂ ရာခိုင်နှုန်းသို့ ကျဆင်းသွားခဲ့သည်။အမေရိကန်သမ္မတ ဒေါ်နယ်ထရမ့် ဒုတိယအကြိမ် အာဏာရလာပြီး နောက်ပိုင်း နှစ်ဖက်ဆက်ဆံရေးမှာ ပိုမိုတင်းမာလာခဲ့ပြီး နိုင်ငံခြားရေးနှင့် လုံခြုံရေးမူဝါဒများတွင် သဘောထားကွဲလွဲမှုများ အရှိန်မြင့်လာခဲ့သည်။အထူးသဖြင့် ကုန်သွယ်ရေးစစ်ပွဲဖြစ်ပွားခြင်း၊ ယူကရိန်းပဋိပက္ခအပေါ်ချဉ်းကပ်ပုံကွဲပြားခြင်းနှင့် ဒိန်းမတ်နိုင်ငံပိုင် ဂရင်းလန်ကျွန်းကို သိမ်းယူရန် ဝါရှင်တန်ကခြိမ်းခြောက်ခဲ့ခြင်းတို့သည် မဟာမိတ်များအကြား အက်ကြောင်း ထင်စေခဲ့သည်။လတ်တလောတွင် အမေရိကန်နှင့်အစ္စရေးတို့ ပူးပေါင်း၍ အီရန်ကို တိုက်ခိုက်မှုအပေါ် ဥရောပနိုင်ငံများက လက်မခံခြင်းနှင့် ယင်းပဋိပက္ခကြောင့် ကမ္ဘာ့လောင်စာဆီထောက်ပံ့မှု ပြတ်တောက်ကာ ဥရောပစီးပွားရေးကို ထိခိုက်စေခြင်းတို့သည် အမေရိကန်နှင့် ခပ်ခွာခွာနေလိုသည့်ဆန္ဒကို ပိုမို တွန်းအားပေးလျက်ရှိသည်။ကြာသပတေးနေ့ (မေ ၇) က ထုတ်ပြန်ခဲ့သည့် အဆိုပါစစ်တမ်းကို EU အဖွဲ့ဝင် ၂၇ နိုင်ငံလုံးမှ ဖြေဆိုသူ ၁၈,၀၀၀ ခန့်နှင့် ဗြိတိန်မှ ၂,၀၀၀ ခန့် တို့၏ သဘောထားများအပေါ် အခြေခံထားခြင်းဖြစ်သည်။ အဆိုပါလူထု စစ်တမ်းကို ယခုနှစ် မတ်လအတွင်း အသက် ၁၈ နှစ်မှ ၆၉ နှစ်ကြားရှိ သူများအကြား ကောက်ယူခဲ့ခြင်းဖြစ်ပြီး အသက်အရွယ်၊ ကျား/မ နှင့် လူဦးရေသိပ်သည်းမှုတို့အပေါ် မူတည်၍ လက်ရှိလူဦးရေ ပျံ့နှံ့နေထိုင်မှု အချိုးအစားအတိုင်း ကိုယ်စားပြုနိုင်ရန် ဆောင်ရွက်ခဲ့ခြင်းဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
ကိယက်ဗ်အနေဖြင့် ဒွန်ဘတ်စ်မှ တပ်ဆုတ်ပေးမှသာ ငြိမ်းချမ်းရေး ဆွေးနွေးပွဲများ ဆက်လက်ပြုလုပ်မည်ဟု ရုရှားသတိပေး
ကိယက်ဗ်အနေဖြင့် ဒွန်ဘတ်စ်မှ တပ်ဆုတ်ပေးမှသာ ငြိမ်းချမ်းရေးဆွေးနွေးပွဲများ ဆက်လက်ပြုလုပ်မည်ဟု ရုရှားသတိပေး
ယူကရိန်း၊ အမေရိကန်တို့နှင့်ပြုလုပ်မည့် သုံးပွင့်ဆိုင် ငြိမ်းချမ်းရေးဆွေးနွေးမှုများ ရှေ့ဆက်နိုင်ရန်အတွက် ကိယက်ဗ်အနေဖြင့် အရေးကြီးသော ခြေလှမ်းတစ်ရပ်ကို ဦးစွာလှမ်းရမည်ဟု ရုရှားသမ္မတ၏ အကြံပေးပုဂ္ဂိုလ် ယူရီ အူရှာကော့ဗ်က ပြောကြားလိုက်သည်။ ထိုခြေလှမ်းမှာ ၎င်းတို့ ထိန်းချုပ်ထားဆဲဖြစ်သော ဒွန်ဘတ်စ်နယ်မြေများမှ ယူကရိန်းတပ်ဖွဲ့များ ရုပ်သိမ်းပေးရေးဖြစ်ပြီး ယင်းသို့လုပ်ဆောင်မှသာ စစ်ရေးဆောင်ရွက်မှုများရပ်တန့်ကာ ရေရှည်ဖြေရှင်းချက်များအတွက် လမ်းပွင့်လာမည်ဖြစ်ကြောင်း ၎င်းက ဆိုသည်။ ပြီးခဲ့သည့် ဖေဖော်ဝါရီလ ဂျနီဗာတွေ့ဆုံမှုအပြီးတွင် အမေရိကန်က ကြားဝင်စေ့စပ်ပေးသည့် ဆွေးနွေးမှုများရပ်တန့်နေခဲ့ခြင်းမှာ အမေရိကန်ဘက်က အရှေ့အလယ်ပိုင်း အကျပ်အတည်းကိုသာ အာရုံစိုက်နေခြင်းကြောင့် ဖြစ်သည်ဟုလည်း အူရှာကော့ဗ်က ဝေဖန်ခဲ့သည်။သို့သော်လည်း ယူကရိန်းအစိုးရဘက်ကမူ ၎င်းတို့၏ နယ်မြေများကို စွန့်လွှတ်ရန် အစဉ်တစိုက် ငြင်းဆန်ထားပြီး ရုရှားလက်ထဲသို့ ရောက်ရှိသွားသော နယ်မြေအားလုံးကို ပြန်လည်သိမ်းပိုက်ရန်သာ ရည်မှန်းထားဆဲ ဖြစ်သည်။ မတ်လအတွင်းက ယူကရိန်းသမ္မတ ဇီလန်စကီးက ဒွန်ဘတ်စ်နယ်မြေများကို ရုရှားထံပေးအပ်ရန် အမေရိကန်က ဖိအားပေးခဲ့သည်ဟု ပြောကြားခဲ့သော်လည်း အမေရိကန် နိုင်ငံခြားရေးဝန်ကြီး မာကို ရူဘီယိုကမူ ယင်းပြောဆိုချက်မှာ မဟုတ်မှန်ကြောင်း တုံ့ပြန်ပယ်ချခဲ့သည်။ လက်ရှိတွင် ဒွန်ဘတ်စ်ဒေသ၏ အခြေအနေမှာ နှစ်ဖက်စလုံးက လုံးဝဆန့်ကျင်ဘက်ရပ်တည်ချက်များကို ကိုင်စွဲထားကြသဖြင့် ငြိမ်းချမ်းရေးဆွေးနွေးမှုများအတွက် အဓိက အတားအဆီးတစ်ခု ဖြစ်နေပါသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
အီရန်နှင့် အမေရိကန်ကြား တင်းမာမှုများမြင့်တက်နေသော်လည်း အီရန် အောင်ပွဲခံရန် နီးစပ်နေဟု အီရန် ဒုသမ္မတဆို
အီရန်နှင့် အမေရိကန်ကြား တင်းမာမှုများမြင့်တက်နေသော်လည်း အီရန် အောင်ပွဲခံရန် နီးစပ်နေဟု အီရန် ဒုသမ္မတဆို
အီရန်နိုင်ငံအနေဖြင့် အမေရိကန်နှင့် အစ္စရေးတို့အပေါ် စစ်ရေးအရ ‘ကြီးကျယ်သောအောင်ပွဲ’ ကို မကြာမီဆင်နွှဲနိုင်တော့မည်ဖြစ်ကြောင်း အီရန်ဒုတိယသမ္မတ မိုဟာမက် ရီဇာ အာရက်ဖ် က ကြာသပတေးနေ့ (မေ ၇) တွင် ပြောကြားလိုက်သည်။ နိုင်ငံပိုင် Press TV ၏ ထုတ်ပြန်ချက်အရ ယင်းအောင်ပွဲနှင့်အတူ အီရန်နိုင်ငံအပေါ် နှစ်ရှည်လများ ချမှတ်ထားသည့် နိုင်ငံတကာပိတ်ဆို့မှုများနှင့် ဖိအားများအားလုံးသည်လည်း အဆုံးသတ်သွားလိမ့်မည်ဟု အာရက်ဖ်က ယုံကြည်မှုအပြည့်ဖြင့် ဆိုခဲ့သည်။အဆိုပါ ပြောကြားချက်များသည် ဟော်မုဇ်ရေလက်ကြားအတွင်း နှစ်ဖက်တပ်ဖွဲ့များကြား အပြန်အလှန် ပစ်ခတ်မှုများဖြစ်ပွားခဲ့သည့် တစ်နေ့တည်းမှာပင် ထွက်ပေါ်လာခြင်းဖြစ်သည်။ အဆိုပါ ပစ်ခတ်မှုနှင့်ပတ်သက်၍ အီရန်ဘက်က အမေရိကန်သည် အပစ်အခတ်ရပ်စဲရေးကို ချိုးဖောက်နေသည်ဟု စွပ်စွဲထားသော်လည်း အမေရိကန်ဘက်ကမူ ၎င်းတို့အနေဖြင့် ပဋိပက္ခကို ပိုမိုကြီးထွားအောင် လုပ်ဆောင်လိုသည့်ဆန္ဒမရှိဘဲ အပစ်အခတ်ရပ်စဲရေးမှာ ဆက်လက်တည်မြဲနေကြောင်း တုံ့ပြန်ခဲ့သည်။အမေရိကန်သမ္မတ ဒေါ်နယ်ထရမ့်ကမူ အီရန်အနေဖြင့် သဘောတူညီချက်အသစ်တစ်ရပ်ကို မကြာမီ လက်မှတ်မထိုးပါက ယခုထက်ပိုမို ပြင်းထန် ရက်စက်သော စစ်ရေးအရအရေးယူမှုများဖြင့် နှိမ်နင်းသွားမည်ဟု သတိပေးခဲ့သည်။ သို့သော်လည်း ABC News နှင့် အင်တာဗျူးတွင် ထရမ့်က လက်ရှိဖြစ်ပွားခဲ့သော တိုက်ခိုက်မှုများကို ‘စနောက်မှု’ ဟုသာ ခိုင်းနှိုင်းခဲ့ပြီး အပစ်အခတ်ရပ်စဲရေးသည် အသက်ဝင်နေဆဲဖြစ်ကြောင်း ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
အပစ်အခတ်ရပ်စဲရေး ပျက်ပြယ်ပါက အီရန်နိုင်ငံ မီးဟုန်းဟုန်းတောက် သွားမည်ဟု သမ္မတထရမ့် သတိပေး
အပစ်အခတ်ရပ်စဲရေး ပျက်ပြယ်ပါက အီရန်နိုင်ငံ မီးဟုန်းဟုန်းတောက်သွားမည်ဟု သမ္မတ ထရမ့် သတိပေး
ဟော်မုဇ် ရေလက်ကြားအတွင်း အမေရိကန်နှင့် အီရန်တပ်ဖွဲ့များအကြား စစ်ရေးအရ ထိပ်တိုက်တွေ့မှုများဖြစ်ပွားခဲ့သော်လည်း နှစ်နိုင်ငံအကြား အပစ်အခတ်ရပ်စဲရေးမှာ ယခုထက်ထိ အသက်ဝင်နေဆဲဖြစ်ကြောင်းသမ္မတ ဒေါ်နယ်ထရမ့်က ကြာသပတေးနေ့ (မေ ၇) တွင် ပြောကြားလိုက်သည်။ လင်ကွန်းအထိမ်းအမှတ်ဗိမာန်အနီးတွင် သတင်းထောက်များနှင့်တွေ့ဆုံစဉ် သမ္မတက အကယ်၍ အပစ်အခတ်ရပ်စဲရေးသာ ပျက်ပြယ်သွားပါက ကမ္ဘာက ချက်ချင်းသိသာမြင်တွေ့ရမည်ဖြစ်ကြောင်းနှင့် “အီရန် နိုင်ငံအတွင်းမှ အလွန်ကြီးမားသော မီးတောက်အလင်းတန်းကြီး ထွက်ပေါ်လာသည်ကို မြင်တွေ့ရလိမ့်မည်” ဟု ပြင်းထန်စွာ သတိပေး ပြောဆိုခဲ့သည်။ယခုဖြစ်ပွားခဲ့သော စစ်ရေးတင်းမာမှုတွင် အမေရိကန် ရေတပ် ဖျက်သင်္ဘောများကို ဒုံးကျည်များ၊ ဒရုန်းများနှင့် ရေယာဉ်ငယ်များအသုံးပြု၍ တိုက်ခိုက်ခဲ့သော အီရန်စစ်ဘက်ဆိုင်ရာ အဆောက်အအုံများကို အမေရိကန် အလယ်ပိုင်းစစ်ဌာနချုပ် (Central Command) က တုံ့ပြန်တိုက်ခိုက်ခဲ့ကြောင်း သိရှိရသည်။ သမ္မတထရမ့်က အီရန်၏ လုပ်ဆောင်ချက်များကို “စနောက်မှု” (Trifle) အဖြစ်သာ သတ်မှတ်ပြီး အမေရိကန် တပ်ဖွဲ့များက ထိုစနောက်မှုများကို အပြတ်အသတ် ချေမှုန်းနိုင်ခဲ့ကြောင်း ကြွားဝါပြောဆို ခဲ့သည်။ထို့ပြင် အီရန်နှင့် သံတမန်ရေးအရ ညှိနှိုင်းမှုများနှင့်ပတ်သက်၍ သမ္မတ က ဆက်လက်ပြောကြားရာတွင် သဘောတူညီချက်တစ်ခုရရှိရန်မှာ မရေရာ သော်လည်း မည်သည့်အချိန်တွင်မဆို ဖြစ်လာနိုင်သည်ဟု ဆိုသည်။ လက်ရှိတွင် အခြေအနေများမှာ တင်းမာနေဆဲဖြစ်သော်လည်း အမေရိကန် အနေဖြင့် အခြေအနေကို ထိန်းချုပ်ထားနိုင်ကြောင်းနှင့် အီရန် ဘက်က အပစ်အခတ်ရပ်စဲရေးကို ချိုးဖောက်ပါက ပြင်းထန်သော စစ်ရေးတုံ့ပြန်မှုများ ကြုံတွေ့ရမည်ဖြစ်ကြောင်း ၎င်း၏ ပြောကြားချက်များအရ သိရှိရပါသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
အီရန်သို့ အမေရိကန်၏ ကမ်းလှမ်းချက်မှာ စာမျက်နှာတစ်မျက်နှာထက် ပိုမိုကျယ်ပြန့်ကြောင်း သမ္မတ ထရမ့် ပြောကြား
အီရန်သို့ အမေရိကန်၏ ကမ်းလှမ်းချက်မှာ စာမျက်နှာတစ်မျက်နှာထက် ပိုမိုကျယ်ပြန့်ကြောင်း သမ္မတ ထရမ့် ပြောကြား
အမေရိကန်သမ္မတ ဒေါ်နယ်ထရမ့်က အီရန်နိုင်ငံနှင့် ဖြစ်ပွားနေသော ပဋိပက္ခများကို အဆုံးသတ်ရန်ပေးပို့ထားသည့် အဆိုပြုချက်သည် ယခင်က သတင်းထွက်ပေါ်နေသကဲ့သို့ စာမျက်နှာတစ်မျက်နှာတည်းမဟုတ်ဘဲ ထို့ထက် ပိုမိုကျယ်ပြန့်သည့် ကမ်းလှမ်းချက်ဖြစ်ကြောင်း ကြာသပတေးနေ့ (မေ ၇) တွင် ထုတ်ဖော်ပြောကြားခဲ့သည်။ ယင်းအဆိုပြုချက်တွင် အီရန်အနေဖြင့် နျူကလီးယားလက်နက်များ လုံးဝပိုင်ဆိုင်ခွင့်မရှိစေရေး၊ နျူကလီးယားဆိုင်ရာ ပစ္စည်းကိရိယာများကို အမေရိကန်သို့ လွှဲပြောင်းပေးအပ်ရေးနှင့် အမေရိကန်ဘက်က အလိုရှိသည့် အခြားတောင်းဆိုချက်များစွာပါဝင်ကြောင်း သတင်းထောက်များကို ရှင်းလင်းခဲ့သည်။သမ္မတ ထရမ့်က အီရန် ဘက်မှ အဆိုပါအချက်များကို သဘောတူညီထားသည်ဟု ဆိုသော်လည်း အီရန် ခေါင်းဆောင်များသည် ကတိကဝတ်များကို အလွယ်တကူ ပြောင်းလဲတတ်သည့်အတွက် ၎င်းတို့၏ သဘောတူညီမှုအပေါ် အပြည့်အဝယုံကြည်ရန် ခက်ခဲကြောင်း ဝေဖန်ပြောဆိုခဲ့သည်။ လက်ရှိတွင် အီရန်အစိုးရသည် ပါကစ္စတန် ကြားဝင်စေ့စပ်ပေးသူများမှတစ်ဆင့် ပေးပို့လာသော အမေရိကန်၏ သဝဏ်လွှာများကို ဆက်လက်သုံးသပ်နေဆဲဖြစ်ပြီး တရားဝင်တုံ့ပြန်မှုကိုမူ မေလ ၇ ရက်နေ့ အထိ အတည်ပြုထုတ်ပြန်ခြင်းမရှိသေးကြောင်း သိရှိရသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 8-May-2026
© Copyright 2024 SAC All Rights Reserved.