ဒုတိယဝန်ကြီး ဦးကိုကိုကျော် မြန်မာနိုင်ငံဆိုင်ရာ ဘယ်လာရုစ်သံအမတ်ကြီး H.E. Mr. Uladzimir BARAVIKOU အား လက်ခံတွေ့ဆုံ

NoahJune222

News Image

  • ဒုတိယဝန်ကြီး ဦးကိုကိုကျော် မြန်မာနိုင်ငံဆိုင်ရာ ဘယ်လာရုစ်သံအမတ်ကြီး H.E. Mr. Uladzimir BARAVIKOU အား လက်ခံတွေ့ဆုံ

နေပြည်တော် မေ ၂၈

 

နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်သည် ဟနွိုင်းမြို့အခြေစိုက် မြန်မာနိုင်ငံ ဆိုင်ရာ ဘယ်လာရုစ်သံအမတ်ကြီး H.E. Mr. Uladzimir BARAVIKOU အား ယနေ့မွန်းလွဲ ၁ နာရီတွင် နေပြည်တော် နိုင်ငံခြားရေးဝန်ကြီးဌာန၌ လက်ခံ တွေ့ဆုံသည်။

 

တွေ့ဆုံစဉ် မြန်မာ-ဘယ်လာရုစ် နှစ်နိုင်ငံအကြား အပြန်အလှန် ခရီးစဉ်များမှတစ်ဆင့် နှစ်နိုင်ငံ ထိတွေ့ဆက်ဆံမှုများ တိုးမြှင့်ရေး၊ နှစ်နိုင်ငံအကြား ညှိနှိုင်းဆောင်ရွက်လျက်ရှိသည့် သဘောတူစာချုပ်များ အကောင်အထည်ဖော်ဆောင်နိုင်ရေး၊ နှစ်နိုင်ငံ နိုင်ငံခြားရေးဝန်ကြီးဌာနများအကြား နီးကပ်စွာ ပူးပေါင်းဆောင်ရွက်သွားရေး၊ နှစ်နိုင်ငံအကြား ရှိရင်းစွဲချစ်ကြည်ရင်းနှီးသော ဆက်ဆံရေး ပိုမိုခိုင်မာရေး၊ ကဏ္ဍစုံ ပူးပေါင်းဆောင်ရွက်မှုမြှင့်တင်ရေးနှင့် နေပြည်တော်တွင် ဘယ်လာရုစ်သံရုံး ဖွင့်လှစ်နိုင်ရေး ကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြကြောင်း သိရသည်။

 

သတင်းစဉ်

MDN

MM-News-Category
နိုင်ငံရေးကဏ္ဍသတင်းများ
နိုင်ငံရေး-ပြည်တွင်းသတင်းများ

ဆက်စပ်သတင်းများ

ဒုတိယဝန်ကြီး ဦးကိုကိုကျော် မြန်မာနိုင်ငံဆိုင်ရာ ဘယ်လာရုစ်သံအမတ်ကြီး H.E. Mr. Uladzimir BARAVIKOU အား လက်ခံတွေ့ဆုံ
ဒုတိယဝန်ကြီး ဦးကိုကိုကျော် မြန်မာနိုင်ငံဆိုင်ရာ ဘယ်လာရုစ်သံအမတ်ကြီး H.E. Mr. Uladzimir BARAVIKOU အား လက်ခံတွေ့ဆုံ
နေပြည်တော် မေ ၂၈ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်သည် ဟနွိုင်းမြို့အခြေစိုက် မြန်မာနိုင်ငံ ဆိုင်ရာ ဘယ်လာရုစ်သံအမတ်ကြီး H.E. Mr. Uladzimir BARAVIKOU အား ယနေ့မွန်းလွဲ ၁ နာရီတွင် နေပြည်တော် နိုင်ငံခြားရေးဝန်ကြီးဌာန၌ လက်ခံ တွေ့ဆုံသည်။ တွေ့ဆုံစဉ် မြန်မာ-ဘယ်လာရုစ် နှစ်နိုင်ငံအကြား အပြန်အလှန် ခရီးစဉ်များမှတစ်ဆင့် နှစ်နိုင်ငံ ထိတွေ့ဆက်ဆံမှုများ တိုးမြှင့်ရေး၊ နှစ်နိုင်ငံအကြား ညှိနှိုင်းဆောင်ရွက်လျက်ရှိသည့် သဘောတူစာချုပ်များ အကောင်အထည်ဖော်ဆောင်နိုင်ရေး၊ နှစ်နိုင်ငံ နိုင်ငံခြားရေးဝန်ကြီးဌာနများအကြား နီးကပ်စွာ ပူးပေါင်းဆောင်ရွက်သွားရေး၊ နှစ်နိုင်ငံအကြား ရှိရင်းစွဲချစ်ကြည်ရင်းနှီးသော ဆက်ဆံရေး ပိုမိုခိုင်မာရေး၊ ကဏ္ဍစုံ ပူးပေါင်းဆောင်ရွက်မှုမြှင့်တင်ရေးနှင့် နေပြည်တော်တွင် ဘယ်လာရုစ်သံရုံး ဖွင့်လှစ်နိုင်ရေး ကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြကြောင်း သိရသည်။ သတင်းစဉ်MDN
Fri, 29-May-2026
အီရန်အရေးတွင် စေ့စပ်ဆွေးနွေးခြင်းဖြင့် အောင်မြင်မှုရရှိမည်ဟု တရုတ်နိုင်ငံယုံကြည်
အီရန်အရေးတွင် စေ့စပ်ဆွေးနွေးခြင်းဖြင့် အောင်မြင်မှုရရှိမည်ဟု တရုတ်နိုင်ငံယုံကြည်
ပေကျင်း မေ ၂၈အီရန်အရေးတွင် စေ့စပ်ဆွေးနွေးခြင်းဖြင့် အောင်မြင်မှုရရှိမည်ဟု တရုတ်နိုင်ငံက ယုံကြည်ပြီး အင်အားသုံးဖြေရှင်းခြင်းဖြင့် အဖြေမရရှိနိုင်ကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာအိုနင်က ပြောကြားသည်။အီရန်နှင့် အမေရိကန်ကြား သဘောတူညီချက်ရရှိရန် နီးကပ်လာသည့် အခြေအနေနှင့် ပတ်သက်ပြီး သတင်းစာရှင်းလင်းပွဲတွင် မေးမြန်းရာ၌ ၎င်းက အထက်ပါအတိုင်းပြောကြားခြင်းဖြစ်သည်။လက်ရှိအချိန်တွင် စေ့စပ်ဆွေးနွေးရေးလမ်းကြောင်း ဖွင့်ထားသည့်အချိန်ဖြစ်ရာ တင်းမာမှုများ လျှော့ချရေးအတွက် တာဝန်ရှိသူများက အရှိန်အဟုန်ဖြင့်ဆောင်ရွက်ရန် အရေးကြီးပြီး နိုင်ငံရေးလမ်းကြောင်းဖြင့် ညှိနှိုင်းဆွေးနွေးဆောင်ရွက်ခြင်းဖြင့် အဖြေရရှိနိုင်မည်ဟု ယုံကြည်ကြောင်း ၎င်းက ပြောကြားသည်။ကိုးကား - ဆင်ဟွာဘာသာပြန် - စိုးသူရMDN
Fri, 29-May-2026
ဂျပန်ဝန်ကြီးချုပ် တာကာချီဆာနေးနှင့် ဖိလစ်ပိုင်သမ္မတ ဖာဒီနန်မားကို့စ်ဂျူနီယာတို့ နှစ်နိုင်ငံကိစ္စရပ်များ ဆွေးနွေး
ဂျပန်ဝန်ကြီးချုပ် တာကာချီဆာနေးနှင့် ဖိလစ်ပိုင်သမ္မတ ဖာဒီနန်မားကို့စ်ဂျူနီယာတို့ နှစ်နိုင်ငံကိစ္စရပ်များ ဆွေးနွေး
တိုကျို   မေ   ၂၈ဂျပန်ဝန်ကြီးချုပ် တာကာချီဆာနေးနှင့် ဖိလစ်ပိုင်သမ္မတ ဖာဒီနန်မားကို့စ်ဂျူနီယာတို့  မေ ၂၈ ရက်တွင်   တိုကျိုမြို့၌ တွေ့ဆုံပြီး  နှစ်နိုင်ငံကိစ္စရပ်များ ဆွေးနွေးခဲ့သည်။ခေါင်းဆောင်နှစ်ဦးက နှစ်နိုင်ငံဆက်ဆံရေးကို ဘက်စုံမဟာဗျူဟာမြောက် မိတ်ဖက်ဆက်ဆံရေးအဖြစ် အဆင့်မြှင့်တင်ရန် သဘောတူညီခဲ့ကြသည်။ဂျပန်နှင့်  ဖိလစ်ပိုင် နှစ်နိုင်ငံအနေဖြင့်  ခေတ်မီလွတ်လပ်ပြီး ပွင့်လင်းသော အင်ဒို - ပစိဖိတ် မျှော်မှန်းချက်ကို  အကောင်အထည်ဖော်ရန် ယခင်ကထက် ပိုမိုအရေးကြီးကြောင်း ဂျပန်ဝန်ကြီးချုပ် တာကာချီဆာနေးက ပြောကြားသည်။နှစ်နိုင်ငံကြား ပူးပေါင်းဆောင်ရွက်မှုသည် လုံခြုံရေးနှင့် စီးပွားရေးအပါအဝင် နယ်ပယ်များစွာတွင်  တိုးတက်နေသောကြောင့်   ဖိလစ်ပိုင်သည် ဂျပန်နိုင်ငံ၏ အနီးကပ်ဆုံး မိတ်ဖက်နိုင်ငံဖြစ်ကြောင်း ဖိလစ်ပိုင်သမ္မတ ဖာဒီနန်မားကို့စ်ဂျူနီယာက  ပြောကြားသည်။ဆွေးနွေးပွဲအပြီးတွင် နှစ်နိုင်ငံခေါင်းဆောင်များက ကျယ်ပြန့်သော နယ်ပယ်အသီးသီးတွင် နှစ်နိုင်ငံ  ပူးပေါင်းဆောင်ရွက်မှု အားကောင်းလာစေရန် ရည်ရွယ်သည့် ပူးတွဲကြေညာချက်ကို ထုတ်ပြန်ခဲ့သည်။ထို့ပြင် နှစ်နိုင်ငံ ကာကွယ်ရေးဆိုင်ရာအချက်အလက်များကို ချက်ချင်းမျှဝေသုံးစွဲနိုင်စေမည့် သဘောတူညီချက်တစ်ခုအတွက် ဆွေးနွေးခဲ့ကြသည်။နှစ်နိုင်ငံ သံတမန်ဆက်ဆံရေး ပုံမှန်ပြန်လည်ထူထောင်ရေး နှစ် ၇၀ ပြည့် အထိမ်းအမှတ်အခမ်းအနားတွင် နှစ်နိုင်ငံ  ပူးပေါင်းဆောင်ရွက်မှုများ ပိုမိုဖွံ့ဖြိုးတိုးတက်လာမည်ဖြစ်ကြောင်း ဂျပန်ဝန်ကြီးချုပ်  တာကာချီ ဆာနေးက ပြောကြားသည်။ကိုးကား - အင်န်အိတ်ချ်ကေဘာသာပြန် - အောင်ကျော်ကျော်MDN
Fri, 29-May-2026
ထိုင်းနှင့် ဗီယက်နမ် နှစ်နိုင်ငံနယ်စပ်ဖြတ်ကျော် ရာဇ၀တ်မှုများတားဆီးရန် ပူးပေါင်းဆောင်ရွက်မှုအပေါ် သဘောတူ
ထိုင်းနှင့် ဗီယက်နမ် နှစ်နိုင်ငံနယ်စပ်ဖြတ်ကျော် ရာဇ၀တ်မှုများတားဆီးရန် ပူးပေါင်းဆောင်ရွက်မှုအပေါ် သဘောတူ
ဘန်ကောက်   မေ   ၂၈ထိုင်းဝန်ကြီးချုပ် အနုတင် ချာဝီရာကူးလ်နှင့် ဗီယက်နမ်ကွန်မြူနစ်ပါတီ အထွေထွေအတွင်းရေးမှူးနှင့်  နိုင်ငံတော်သမ္မတ တိုလမ်တို့  ဘန်ကောက်မြို့၌  ယနေ့တွေ့ဆုံခဲ့သည်။နှစ်နိုင်ငံလုံခြုံရေးနှင့်  စီးပွားရေးနယ်ပယ်များတွင် ပူးပေါင်းဆောင်ရွက်မှုကို ပိုမိုခိုင်မာစေရန် နှစ်နိုင်ငံခေါင်းဆောင်များက သဘောတူညီခဲ့ကြသည်။ ထို့ပြင် အွန်လိုင်းလိမ်လည်မှုများကဲ့သို့သော နိုင်ငံဖြတ်ကျော်ရာဇဝတ်မှုများကို တားဆီးရန် ပူးပေါင်းဆောင်ရွက်မှုနှင့် ကြိုးပမ်းအားထုတ်မှုများကို တိုးမြှင့်ဆောင်ရွက်ရန်လည်း ၎င်းတို့က  သဘောတူညီခဲ့ကြသည်။နှစ်နိုင်ငံစလုံးက အရှေ့အလယ်ပိုင်းမှ ရေနံတင်သွင်းမှုအပေါ် မှီခိုအားထားရသည့် စွမ်းအင်လုံခြုံရေးအတွက် ပူးပေါင်းဆောင်ရွက်မှုကိုလည်း ခေါင်းဆောင်များက  ဆွေးနွေးခဲ့သည်။လက်ရှိ ကမ္ဘာ့စီးပွားရေးအခြေအနေ မတည်ငြိမ်မှုများကို ကိုင်တွယ်ဖြေရှင်းရန် ထိုင်းနှင့် ဗီယက်နမ် တို့ ပိုမိုနီးကပ်စွာ ပူးပေါင်းဆောင်ရွက်ရန် လိုအပ်ကြောင်း ထိုင်းဝန်ကြီးချုပ် အနုတင်က ပြောကြားသည်။ကာကွယ်ရေးနှင့် လုံခြုံရေးပူးပေါင်းဆောင်ရွက်မှုကို တိုးမြှင့်ပြီး နိုင်ငံဖြတ်ကျော် ရာဇဝတ်မှုတားဆီးရေးပူးပေါင်းဆောင်ရွက်မှုကို အားကောင်းအောင် ဆက်လက်လုပ်ဆောင်သွားရန် လိုအပ်ကြောင်း ဗီယက်နမ်ကွန်မြူနစ်ပါတီ အထွေထွေအတွင်းရေးမှူးနှင့် နိုင်ငံတော်သမ္မတ တိုလမ်က ပြောကြားခဲ့သည်။နှစ်နိုင်ငံအကြား လေကြောင်း လမ်းကြောင်းသစ်များ ဖန်တီးနိုင်ရန် ရည်ရွယ်ပြီး ထိုင်းခရီးသွားလုပ်ငန်းအာဏာပိုင်အဖွဲ့က ဗီယက်နမ်လေကြောင်းလိုင်းနှင့် နှစ်နိုင်ငံခရီးသွားကဏ္ဍမြှင့်တင်ရန် သဘောတူလက်မှတ်ရေးထိုးခဲ့သည်။အရှေ့အလယ်ပိုင်းပဋိပက္ခကြောင့် လောင်စာဆီဈေးနှုန်းများ မြင့်တက်ခဲ့ပြီး အရှေ့တောင်အာရှ၏ ခရီးသွားလုပ်ငန်းများ အပြင်းအထန်ထိခိုက်ခဲ့သည်။ အထူးသဖြင့် အမေရိကန်နှင့် ဥရောပမှ ခရီးသွားဦးရေကျဆင်းလာခြင်းကြောင့် အရှေ့တောင်အာရှလေကြောင်းလိုင်းများအပေါ် သက်ရောက်မှုအများအပြားရှိခဲ့သည်။ကိုးကား - အင်န်အိတ်ချ်ကေဘာသာပြန် - အောင်ကျော်ကျော်MDN
Fri, 29-May-2026
ထိန်းသိမ်းခံထားရသော ပိုင်ဆိုင်မှုများကို အပြည့်အဝ ပြန်လွှဲပေးရန် အီရန်တောင်းဆို
ထိန်းသိမ်းခံထားရသော ပိုင်ဆိုင်မှုများကို အပြည့်အဝ ပြန်လွှဲပေးရန် အီရန်တောင်းဆို
      ပြည်ပရှိထိန်းသိမ်း ခံထားရသော အီရန်နိုင်ငံ၏ ပိုင်ဆိုင်မှုများကို အကြောင်းပြချက်မရှိနှင့် အပြည့်အဝပြန် လွှဲပြောင်းပေးရန် ထိပ်တန်းတာဝန်ရှိသူတစ်ဦးက တောင်းဆိုထားသည်ဟု Tasnim သတင်းဌာနကဖော်ပြထားသည်။ အမေရိကန်ကထိန်းသိမ်းထားသော အီရန်နိုင်ငံ၏ ပိုင်ဆိုင်မှုများကိုပြန်လွှဲပေးရန် တောင်းဆိုကြောင်းနှင့် ထိုသို့တောင်းဆိုခြင်းသည် အီရန်၏ တရားဝင် အခွင့်အရေးဖြစ်ကြောင်း အီရန်အမျိုးသား လုံခြုံရေးကောင်စီ၏ လက်ထောက်အတွင်းရေးမှူး အလီဘာဂါရီကာနီက ပြောသည်။အမေရိကန်အစိုးရ ထိန်းချုပ်ထားသည့် အီရန်နိုင်ငံ၏ပိုင်ဆိုင်မှုများမှာ အမေရိကန်ဒေါ်လာ ၂၄ ဘီလီယံအထိရှိကြောင်းနှင့် ထိုပိုင်ဆိုင်မှုများကိုပြန်လည် လွှဲပြောင်းပေးရန် အီရန်က စစ်ပွဲအဆုံးသတ်ရေးအတွက် အမေရိကန်နှင့်ဆွေးနွေး ညှိနှိုင်းစဉ်တောင်းဆိုခဲ့ခြင်းဖြစ်ကြောင်း သတင်းဌာနကဆက်လက်ဖော်ပြထားသည်။အမေရိကန်နှင့်အစ္စရေးတို့ပူးပေါင်း၍ အီရန်ကိုတိုက်ခိုက်မှုများ လုပ်ဆောင်ပြီးနောက် ဧပြီလ ၈ ရက်တွင်  အပစ်အခတ် ရပ်စဲရေးရရှိခဲ့ခြင်းဖြစ်သည်။ အပစ်အခတ်ရပ်စဲစဉ် ငြိမ်းချမ်းရေးအတွက် ဆွေးနွေးမှုများ လုပ်ဆောင်နေသော်လည်း ယခုအချိန်အထိ သဘောတူညီချက်ရရှိခြင်း မရှိသေးကြောင်း  သိရသည်။MWD
Fri, 29-May-2026
ဂျပန်ဧကရာဇ် နာရူဟီတိုနှင့် ကြင်ရာတော် မာဆာကိုတို့က ဖိလစ်ပိုင်သမ္မတနှင့် ဇနီးတို့အား ဂျပန်ဘုရင့်နန်းတော်တွင် လက်ခံကြိုဆို
ဂျပန်ဧကရာဇ် နာရူဟီတိုနှင့် ကြင်ရာတော် မာဆာကိုတို့က ဖိလစ်ပိုင်သမ္မတနှင့် ဇနီးတို့အား ဂျပန်ဘုရင့်နန်းတော်တွင် လက်ခံကြိုဆို
တိုကျို မေ ၂၇ဂျပန်ဧကရာဇ် နာရူဟီတိုနှင့် ကြင်ရာတော် မာဆာကိုတို့က ဖိလစ်ပိုင်သမ္မတ ဖာဒီနန်မားကို့စ် ဂျူနီယာနှင့် ဇနီးတို့အား တိုကျိုမြို့တော်ရှိ ဂျပန်ဘုရင့်နန်းတော်တွင် လက်ခံကြိုဆိုကြသည်။ယခုနှစ်သည် ဂျပန်နှင့် ဖိလစ်ပိုင်နိုင်ငံတို့အကြား သံတမန်ဆက်ဆံရေး ပုံမှန်ပြန်လည်ထူထောင်ခဲ့သည့် နှစ် ၇၀ ပြည့် နှစ်ပတ်လည်နေ့ဖြစ်သည်။ ဖိလစ်ပိုင် သမ္မတဇနီးမောင်နှံသည် ဂျပန်နိုင်ငံသို့ နိုင်ငံတော် အလည်အပတ်ခရီး ရောက်ရှိနေကြပြီး ၎င်းတို့ နှစ်ဦးသည် မေ ၂၇ ရက် နံနက်ပိုင်းတွင် နန်းတော်သို့ ရောက်ရှိခဲ့ကြသည်။ဂျပန်ဧကရာဇ်က အိမ်ရှေ့မင်းသား ဖူမီဟီတို နှင့် မင်းသမီး အာကီရှီနိုတို့ကို ဝန်ကြီးချုပ် တာကာချီ ဆာနေးနှင့် မိတ်ဆက်ပေးခဲ့သည်။ ထို့နောက် နန်းတော်ဥယျာဉ်၌ ကြိုဆိုဂုဏ်ပြုသည့် အခမ်းအနား ကို ကျင်းပသည်။နှစ်နိုင်ငံ နိုင်ငံတော်သီချင်း တီးမှုတ်ပြီးနောက် သမ္မတဖာဒီနန်မားကို့စ်ဂျူနီယာက ဂုဏ်ပြုတပ်ဖွဲ့၏ အလေးပြုခြင်းကို ခံယူပြီး ဖိလစ်ပိုင်ရိုးရာ တေးဂီတကိုလည်း ဖျော်ဖြေတင်ဆက်ခဲ့သည်။ဂျပန်ဧကရာဇ်နှင့် ကြင်ရာတော်တို့ တည်ခင်းဧည့်ခံသည့် ညစာစားပွဲကို နန်းတော်၌ ကျင်းပရန် စီစဉ်ထားသည်။ အိမ်ရှေ့မင်းသား ဖူမီဟီတိုနှင့် မင်းသမီး အာကီရှီနိုတို့၏ သားတော် မင်းသား ဟီဆာဟီတိုလည်း တက်ရောက်မည်ဖြစ်ကြောင်း သိရသည်။ကိုးကား - အင်န်အိတ်ချ်ကေဘာသာပြန် - အောင်ကျော်ကျော်MDN
Thu, 28-May-2026
© Copyright 2024 SAC All Rights Reserved.