အခြေခံလေကြောင်းလူငယ်သင်တန်း အမှတ်စဉ် (၁၀) နှင့် တန်းမြင့်လေကြောင်းလူငယ်သင်တန်း အမှတ်စဉ် (၉) မှ သင်တန်းသားများနှင့် နည်းပြ/ အုပ်ချုပ်သူများအား သက်ဆိုင်ရာသင်တန်းစခန်းအသီးသီးသို့ ပြန်လည်ပို့ဆောင်
News Image
နေပြည်တော် မေ ၃၀
တန်းမြင့်လေကြောင်း လူငယ်သင်တန်းအမှတ်စဉ် (၉) ကို မြန်မာပြည်မြောက်ပိုင်းသင်တန်းစခန်းနှင့် မြန်မာပြည်တောင်ပိုင်းသင်တန်းစခန်းတို့တွင် လည်းကောင်း၊ အခြေခံလေကြောင်းလူငယ်သင်တန်းအမှတ်စဉ် (၁၀) ကို ရန်ကုန်သင်တန်းစခန်း၊ မော်လမြိုင်သင်တန်းစခန်း၊ မြစ်ကြီးနားသင်တန်းစခန်း၊ နမ့်စန်သင်တန်းစခန်း၊ တောင်ကြီးသင်တန်းစခန်း၊ တောင်ငူသင်တန်းစခန်း၊ လွိုင်ကော်သင်တန်းစခန်း၊ မြိတ်သင်တန်းစခန်း၊ မကွေးသင်တန်းစခန်း၊ မုံရွာသင်တန်းစခန်း၊ ဟုမ္မလင်းသင်တန်းစခန်း၊ ပုသိမ်သင်တန်းစခန်း၊ မိတ္ထီလာသင်တန်းစခန်း၊ နေပြည်တော်သင်တန်းစခန်း၊ ကျိုင်းတုံသင်တန်းစခန်း၊ ပြည်သင်တန်းစခန်း၊ မန္တလေးသင်တန်းစခန်းနှင့် ကိုကိုးကျွန်းသင်တန်းစခန်းတို့တွင် လည်းကောင်း စုစုပေါင်းသင်တန်းသား ၁၀၄၄ ဦးဖြင့် ဧပြီ ၂၇ ရက်မှ မေ ၂၉ ရက် အထိ ရက်သတ္တ ငါးပတ်ကြာ ဖွင့်လှစ်ပို့ချခဲ့ပြီး ယနေ့တွင် သက်ဆိုင်ရာ သင်တန်းစခန်းများသို့ နည်းပြ/ အုပ်ချုပ်သူများ၊ ဆရာ ဆရာမများနှင့်အတူ တပ်မတော်လေယာဉ်၊ မော်တော်ယာဉ်များဖြင့် ပြန်လည်ရောက်ရှိကြသည်။
အဆိုပါ သင်တန်းသားများအား သက်ဆိုင်ရာ တိုင်းဒေသကြီးနှင့် ပြည်နယ်ဝန်ကြီးချုပ်များ၊ တိုင်းမှူးများနှင့် တာဝန်ရှိသူများ၊ ဌာနဆိုင်ရာ တာဝန်ရှိသူများက ကြိုဆိုခဲ့ကြပြီး တာဝန်ရှိသူများက အုပ်ထိန်းသူမိဘများထံ စနစ်တကျ ပြန်လည်အပ်နှံခဲ့ကြကြောင်း သိရသည်။
သတင်းစဉ်
MDN
