နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူ ဦးမင်းအောင်လှိုင်၊ ဒုတိယသမ္မတအဖြစ် ရွေးချယ်တင်မြှောက်ခံထားရသူများဖြစ်သည့် ဦးညိုစောနှင့် ဒေါ်နန်းနီနီအေးတို့ ပြည်ထောင်စုလွှတ်တော်နာယက၏ ရှေ့မှောက်၌ ကတိသစ္စာပြု
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်၏ မိန့်ခွန်းနာခံခြင်းနှင့် ကတိသစ္စာပြုခြင်းအခမ်းအနားကျင်းပ ပြည်ထောင်စုရာထူးဝန်အဖွဲ့ဥက္ကဋ္ဌ၊ နေပြည်တော်ကောင်စီဥက္ကဋ္ဌ၊ ဒုတိယဝန်ကြီးများ၊ ဒုတိယစာရင်းစစ်ချုပ်၊ ပြည်ထောင်စုရာထူးဝန်အဖွဲ့ အဖွဲ့ဝင်များနှင့် နေပြည်တော်ကောင်စီအဖွဲ့ဝင်များအဖြစ် ခန့်အပ်တာဝန်ပေးရန် ရွေးချယ်ထားသောပုဂ္ဂိုလ်များ နိုင်ငံတော်သမ္မတ၏ ရှေ့မှောက်၌ ကတိသစ္စာပြု
ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့်လုံခြုံရေးကောင်စီ ကြေညာချက်အမှတ် ၃ / ၂၀၂၆
နေပြည်တော်စည်ပင်သာယာရေးကော်မတီဝင်များ ခန့်ထားခြင်း
မြန်မာနိုင်ငံရဲတပ်ဖွဲ့ ရဲချုပ် ခန့်အပ်တာဝန်ပေးခြင်း

တိုးတက်ခိုင်မာအားကောင်းသည့် လူမှုအသိုက်အဝန်းဖော်ဆောင်ရေး နှင့် နိုင်ငံတကာပူးပေါင်း ဆောင်ရွက်ရေး ဆောင်ရွက်ချက်များ

ထူးခြားသတင်းများ

ပြည်သူ့လွှတ်တော်ဥက္ကဋ္ဌ ဦးခင်ရီ ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌအား လက်ခံတွေ့ဆုံ
ပြည်သူ့လွှတ်တော်ဥက္ကဋ္ဌ ဦးခင်ရီ ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌအား လက်ခံတွေ့ဆုံ

နေပြည်တော် ဧပြီ ၁၀

ပြည်သူ့လွှတ်တော်ဥက္ကဋ္ဌ ဦးခင်ရီသည် ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌ H.E. Mr. Igor Sergeyenko အား ယနေ့ညနေပိုင်းတွင် နေပြည်တော်ရှိ လွှတ်တော်အဆောက်အအုံ ဇမ္ဗူသီရိဧည့်ခန်းမဆောင်၌ လက်ခံတွေ့ဆုံသည်၊၊

အဆိုပါတွေ့ဆုံပွဲသို့ ပြည်သူ့လွှတ်တော်ဥက္ကဋ္ဌနှင့်အတူ ဒုတိယဥက္ကဋ္ဌ ဦးမောင်မောင်အုန်း၊ ဥပဒေကြမ်းကော်မတီဥက္ကဋ္ဌ ဒေါက်တာ နန္ဒကျော်စွာ၊ ပြည်သူ့ငွေစာရင်းကော်မတီဥက္ကဋ္ဌ ဦးတေဇကျော်၊ အစိုးရ၏ အာမခံချက်များ၊ ကတိများနှင့်တာဝန်ခံချက်များ စိစစ်ရေးကော်မတီဥက္ကဋ္ဌ ဦးသန်းထွန်းဦးနှင့် ပြည်သူ့လွှတ်တော်ရုံးမှ တာဝန်ရှိသူများ တက်ရောက်ကြပြီး ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌနှင့်အတူ ကိုယ်စားလှယ်အဖွဲ့များ တက်ရောက်ကြသည်။

ထိုသို့ တွေ့ဆုံစဉ် မြန်မာ-ဘယ်လာရုစ်နှစ်နိုင်ငံ ချစ်ကြည်ရင်းနှီးမှုပိုမိုတိုးမြှင့်နိုင်ရေးနှင့် ပူးပေါင်းဆောင်ရွက်ရေး၊ နှစ်နိုင်ငံပြည်သူလူထုအတွက် အကျိုးရှိမည့်ကိစ္စရပ်များ ပူးပေါင်းဆောင်ရွက်ရေး၊ လွှတ်တော်အချင်းချင်း ပူးပေါင်းဆောင်ရွက်ရေးဆိုင်ရာ ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။

တွေ့ဆုံပွဲအပြီးတွင် ပြည်သူ့လွှတ်တော်ဥက္ကဋ္ဌနှင့် ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌတို့သည့် အမှတ်တရလက်ဆောင်ပစ္စည်းများ အပြန်အလှန်ပေးအပ်ကြပြီး တက်ရောက်လာကြသူများနှင့်အတူ စုပေါင်းမှတ်တမ်းတင်ဓာတ်ပုံရိုက်ကြကာ ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌက ဧည့်သည်တော်မှတ်တမ်းတွင် လက်မှတ်ရေးထိုးခဲ့ကြောင်း သိရသည်။

moi

Sat, 11-Apr-2026
ဒုတိယသမ္မတ ဒေါ်နန်းနီနီအေး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို လက်ခံတွေ့ဆုံ
ဒုတိယသမ္မတ ဒေါ်နန်းနီနီအေး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို လက်ခံတွေ့ဆုံ

နေပြည်တော် ဧပြီ ၁၀

ပြည်ထောင်စုသမ္မတမြန်မာနိုင်ငံ ဒုတိယသမ္မတ ဒေါ်နန်းနီနီအေးသည် အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံး ဧည့်ခန်းမ၌ လက်ခံတွေ့ဆုံသည်။

တွေ့ဆုံစဉ် မြန်မာ - အိန္ဒိယ နှစ်နိုင်ငံအကြား ဆက်ဆံရေးနှင့် ပူးပေါင်းဆောင်ရွက်မှုတိုးမြှင့်ရေးဆိုင်ရာ ကိစ္စရပ်များ၊ အမျိုးသမီးနှင့် လူငယ်ကဏ္ဍဖွံ့ဖြိုးတိုးတက်ရေး ဆောင်ရွက်သွားမည့်ကိစ္စရပ်များ၊ နှစ်နိုင်ငံလူငယ်များအကြား ထိတွေ့ဆက်ဆံမှုမြင့်မားလာစေရေးအတွက် နှီးနှောဖလှယ်ပွဲများနှင့် လေ့လာရေးခရီးစဉ်များ၊ စာတမ်းဖတ်ပွဲများ ဆောင်ရွက်သွားနိုင်ရေးကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးကြပြီး လက်ဆောင်ပစ္စည်းများ အပြန်အလှန်ပေးအပ်ကြသည်။

တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်နှင့် တာဝန်ရှိသူများ တက်ရောက်ကြပြီး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီးနှင့်အတူ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E.Mr. Abhay Thakur နှင့် တာဝန်ရှိသူများ တက်ရောက်ကြသည်။

moi

Sat, 11-Apr-2026
ဒုတိယသမ္မတ ဦးညိုစော အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E.Mr. Kirti Vardhan Singh ကို လက်ခံတွေ့ဆုံ
ဒုတိယသမ္မတ ဦးညိုစော အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E.Mr. Kirti Vardhan Singh ကို လက်ခံတွေ့ဆုံ

နေပြည်တော် ဧပြီ ၁၀

ပြည်ထောင်စုသမ္မတမြန်မာနိုင်ငံ ဒုတိယသမ္မတ ဦးညိုစောသည် အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံးဧည့်ခန်းမ၌ လက်ခံတွေ့ဆုံသည်။

တွေ့ဆုံစဉ် မြန်မာ - အိန္ဒိယ နှစ်နိုင်ငံအကြား ရှိရင်းစွဲချစ်ကြည်ရင်းနှီးမှုများ ပိုမိုမြှင့်တင်ဆောင်ရွက်နိုင်ရေး၊ စိုက်ပျိုးရေး၊ မွေးမြူရေးနှင့် လယ်ယာထွက်ကုန်ပစ္စည်းများ တင်ပို့နိုင်ရေးအတွက် ပူးပေါင်းဆောင်ရွက်သွားမည့်ကိစ္စရပ်များ၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်လျက်ရှိသည့် အခြေအနေများ၊ အသေးစား၊ အငယ်စား၊ အလတ်စားစီးပွားရေးလုပ်ငန်းများနှင့် ကုန်သွယ်မှုမြှင့်တင်ရေးဆိုင်ရာကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာဆွေးနွေးကြပြီး လက်ဆောင်ပစ္စည်းများ အပြန်အလှန်ပေးအပ်ကြသည်။

တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်နှင့် တာဝန်ရှိသူများ တက်ရောက်ကြပြီး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီးနှင့်အတူ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E.Mr. Abhay Thakur နှင့် တာဝန်ရှိသူများ တက်ရောက်ကြသည်။

moi

Sat, 11-Apr-2026
ပိုမိုကြည့်ရှုရန် ≫
အရှေ့အလယ်ပိုင်းပဋိပက္ခကြောင့် ကမ္ဘာ့စီးပွားရေးတိုးတက်မှုနှုန်း ခန့်မှန်းချက်ကို IMF လျှော့ချသတ်မှတ်
အရှေ့အလယ်ပိုင်းပဋိပက္ခကြောင့် ကမ္ဘာ့စီးပွားရေးတိုးတက်မှုနှုန်း ခန့်မှန်းချက်ကို IMF လျှော့ချသတ်မှတ်

အရှေ့အလယ်ပိုင်းဒေသတွင် ဖြစ်ပွားနေသော စစ်ပွဲနှင့်ပဋိပက္ခများကြောင့် ကမ္ဘာ့စီးပွားရေး အလားအလာအပေါ်ရှုမြင်ချက်များ သိသိသာသာ ပြောင်းလဲသွားပြီး တိုးတက်မှုနှုန်း ပြန်လည်ကျဆင်းနိုင်ကြောင်း အပြည်ပြည်ဆိုင်ရာငွေကြေးရန်ပုံငွေအဖွဲ့ (IMF) ၏ ညွှန်ကြားရေးမှူးချုပ် Kristalina Georgieva က ဧပြီ ၉ ရက်နေ့တွင် သတိပေး ပြောကြားလိုက်သည်။

အကယ်၍ အဆိုပါစစ်ပွဲရိုက်ခတ်မှုသာမရှိခဲ့ပါက ကမ္ဘာ့စီးပွားရေး တိုးတက်မှုနှုန်းခန့်မှန်းချက်ကို ယခင်ကထက် တိုးမြှင့်သတ်မှတ်ရန် အစီအစဉ်ရှိခဲ့ သော်လည်း လက်ရှိတွင် အခြေခံအဆောက်အအုံပျက်စီးမှု၊ ကုန်စည် စီးဆင်းမှု ပြတ်တောက်မှုနှင့် ရင်းနှီးမြှုပ်နှံသူများ၏ ယုံကြည်မှုကျဆင်း လာမှုတို့ကြောင့် အဆိုးဆုံးအခြေအနေကို ရင်ဆိုင်နေရကြောင်း သူမက ဆိုသည်။

IMF အနေဖြင့် ပြီးခဲ့သည့် ဇန်နဝါရီလကထုတ်ပြန်ခဲ့သော အစီရင်ခံစာတွင် ကမ္ဘာ့စီးပွားရေး တိုးတက်မှုနှုန်းကို ယခုနှစ်အတွက် 3.3% နှင့် ၂၀၂၇ ခုနှစ်အတွက် 3.2% ရှိမည်ဟု ခန့်မှန်းခဲ့သော်လည်း လာမည့် သီတင်းပတ်တွင် ထွက်ရှိမည့် အစီရင်ခံစာသစ်၌ ယင်းကိန်းဂဏန်းများကို လျှော့ချ သတ်မှတ်သွားရန် ရှိနေသည်။ 

အထူးသဖြင့် ပင်လယ်နီအတွင်းရှိ Bab-el-Mandeb ရေလက်ကြားတွင် ဟူသီလက်နက်ကိုင်များ၏တိုက်ခိုက်မှုကြောင့် သင်္ဘောဖြတ်သန်းသွားလာမှုမှာ ၂၀၂၃ ခုနှစ်ကထက် ထက်ဝက်ခန့် လျော့နည်းနေဆဲဖြစ်ပြီး ဟော်မုဇ်ရေလက်ကြား၏ အနာဂတ်မှာလည်း မရေမရာဖြစ်နေခြင်းက စီးပွားရေးအပေါ် ကြီးမားသောစိုးရိမ်ပူပန်မှုများ ဖြစ်စေသည်။

ထို့အပြင် Georgieva က အမေရိကန်နှင့် အီရန်ကြား အပစ်အခတ်ရပ်စဲရေးရရှိပြီး ငြိမ်းချမ်းရေး ခိုင်မြဲနေဦးမည်ဆိုလျှင်ပင် စီးပွားရေးမှာ ယခင်အခြေအနေသို့ လွယ်ကူစွာ ပြန်လည်ရောက်ရှိနိုင်တော့မည် မဟုတ်ကြောင်း အလေးအနက် ပြောကြားခဲ့သည်။ 

စစ်ပွဲ၏ နောက်ဆက်တွဲ ဂယက်ရိုက်ခတ်မှုများအဖြစ် ဒီဇယ်နှင့် လေယာဉ်ဆီပြတ်လပ်မှုများ ဖြစ်ပေါ်နေသည့်အပြင် ဓာတ်မြေသြဇာ ဈေးနှုန်း မြင့်တက်လာမှုကြောင့် ကမ္ဘာတစ်ဝှမ်းရှိ လူပေါင်း ၄၅ သန်းခန့် မှာ ငတ်မွတ်ခေါင်းပါးမှု ဘေးအန္တရာယ်နှင့် ရင်ဆိုင်နေရကြောင်း၊ အဆိုပါ ပြဿနာများသည် ရေရှည်တွင် ပိုမိုဆိုးရွားလာနိုင်ကြောင်း ၎င်းက ဖြည့်စွက် သတိပေးခဲ့သည်။

ကိုးကား- CNN

Photo: France 24

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

Thu, 9-Apr-2026
အီရန်စစ်ပွဲအတွင်း ဥရောပက လုံလောက်စွာမကူညီဟု စွပ်စွဲချက်များအပေါ် EU နိုင်ငံခြားရေးအကြီးအကဲ တုံ့ပြန်
အီရန်စစ်ပွဲအတွင်း ဥရောပက လုံလောက်စွာမကူညီဟု စွပ်စွဲချက်များအပေါ် EU နိုင်ငံခြားရေးအကြီးအကဲ တုံ့ပြန်

အီရန်နှင့်ဖြစ်ပွားနေသော စစ်ပွဲတစ်လျှောက်တွင် ဥရောပနိုင်ငံများ အနေဖြင့် ပံ့ပိုးကူညီမှု လုံလောက်စွာမရှိခဲ့ဟု Trump အစိုးရနှင့် ပင်လယ်ကွေ့နိုင်ငံအချို့မှ တာဝန်ရှိသူများ၏ ဝေဖန်စွပ်စွဲချက်များသည် မတရားရာရောက်သည်ဟု ဥရောပသမဂ္ဂ (EU) ၏ နိုင်ငံခြားရေး မူဝါဒ ဆိုင်ရာ အကြီးအကဲ Kaja Kallas က CNN သို့ ပြောကြားခဲ့သည်။

ဒေသတွင်းဖြစ်ပေါ်နေသော အခြေအနေများကို ဥရောပက ဖန်တီးခဲ့ခြင်း မဟုတ်သော်လည်း လေကြောင်းရန်ကာကွယ်ရေးစနစ်များ ပံ့ပိုးပေးခြင်း၊ ပင်လယ်နီဒေသကို ကာကွယ်ပေးခြင်းနှင့် လက်ဘနွန်အစိုးရကို ကူညီ ထောက်ပံ့ခြင်းအပါအဝင် လုပ်ဆောင်ချက်များစွာကို ဥရောပက လုပ်ဆောင်နေဆဲဖြစ်ကြောင်း သူမက တုံ့ပြန်ပြောဆိုခဲ့သည်။

၂၀၂၂ ခုနှစ်တွင် ရုရှားက ယူကရိန်းကိုကျူးကျော်ချိန်၌ ပင်လယ်ကွေ့ နိုင်ငံများသည် ဥရောပဘက်မှရပ်တည်ပေးရန် အများအားဖြင့် ပျက်ကွက် ခဲ့ကြကြောင်း Kallas က ထောက်ပြခဲ့ပြီး ယင်းအခြေအနေမှာ ‘တစ်ဖက်သတ် အကူအညီ’ သဘောမျိုး မဖြစ်သင့်ကြောင်း ဆိုသည်။

“ဒါဟာ တကယ့်ကို မတရားဘူးလို့ ကျွန်မ ခံစားရပါတယ် ၊ ဟုတ်ပါတယ် … ကျွန်မတို့အားလုံး အခုထက်ပိုပြီး လုပ်ဆောင်နိုင်ကြတာမှန်ပေမဲ့ မေးစရာ ရှိတာက ကျွန်မတို့ ဥရောပမှာလည်း ကိုယ်တိုင်ရင်ဆိုင်နေရတဲ့ လုံခြုံရေး ပြဿနာနဲ့ ရုရှားရဲ့ စစ်ပွဲရှိနေပါတယ် ၊ ကျွန်မတို့ဘက်ကို ပင်လယ်ကွေ့ နိုင်ငံတွေက ကူညီတာမျိုး တကယ့်ကို မတွေ့ရသေးပါဘူး ၊ ဒါက တစ်ဖက်သတ်ပဲ မဖြစ်သင့်ဘူးလေ … အကယ်၍ ကျွန်မတို့ရဲ့ရန်သူတွေ စည်းလုံးနေကြသလိုမျိုး ကျွန်မတို့တွေသာ အတူတကွ ရှိနေမယ်ဆိုရင် ဒီထက်မက ပိုပြီး အင်အားတောင့်တင်းလာမှာပါ” ဟု သူမက CNN ၏ Becky Anderson သို့ ပြောကြားခဲ့သည်။

ထို့အပြင် ပါကစ္စတန်အရာရှိများနှင့် ဆွေးနွေးမှုများအပေါ်အခြေခံ၍ ကြားဝင်စေ့စပ်ထားသည့် အပစ်အခတ်ရပ်စဲရေး သဘောတူညီချက်တွင် လက်ဘနွန်နိုင်ငံကိုပါ ထည့်သွင်းသင့်ကြောင်းနှင့် အစ္စရေး၏ ပြင်းထန်သော ဗုံးကြဲတိုက်ခိုက်မှုများကို ရပ်တန့်ရန် Kallas က တောင်းဆိုခဲ့သည်။

“တုံ့ပြန်မှုတွေက အရမ်းကို ပြင်းထန်လွန်းနေပါတယ် ၊ အရပ်သားတွေ သေဆုံးနေရတာဟာ တကယ့်ကို လက်ခံနိုင်စရာ မရှိပါဘူး ၊ အကယ်၍ အပစ်အခတ်ရပ်စဲရေးထဲမှာ မပါဝင်သေးဘူးဆိုရင်လည်း အခုချက်ချင်း ထည့်သွင်းရပါမယ် ၊ အပစ်အခတ်ရပ်စဲရေးဟာ နုနယ်သေးတယ်ဆိုတာ ရှင်းပါတယ်၊ သက်ဆိုင်ရာအဖွဲ့အစည်းတွေအနေနဲ့ ဆွေးနွေးပွဲစားပွဲဝိုင်း မှာထိုင်ပြီး ညှိနှိုင်းနိုင်ဖို့အတွက် ဒီအပစ်ရပ်မှု ခိုင်မြဲအောင် ကျွန်မတို့ အတတ်နိုင်ဆုံး လုပ်ဆောင်ရပါလိမ့်မယ်” ဟု သူမက ဖြည့်စွက် ပြောကြားခဲ့သည်။

ကိုးကား- CNN

Photo: The National

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

Thu, 9-Apr-2026
ကျိုးပျက်လွယ်သော အပစ်အခတ်ရပ်စဲရေးကာလအတွင်း ဟော်မုဇ် ရေလက်ကြားကို ဖြတ်သန်းသွားလာသည့် သင်္ဘောအရေအတွက်မှာ အနည်းငယ်မျှသာရှိ
ကျိုးပျက်လွယ်သော အပစ်အခတ်ရပ်စဲရေးကာလအတွင်း ဟော်မုဇ် ရေလက်ကြားကို ဖြတ်သန်းသွားလာသည့် သင်္ဘောအရေအတွက်မှာ အနည်းငယ်မျှသာရှိ

အင်္ဂါနေ့ (ဧပြီ ၇) ညပိုင်းတွင် အမေရိကန်နှင့် အီရန်တို့အကြား အပစ် အခတ်ရပ်စဲရေး ကြေညာပြီးကတည်းက ရေနံတင်သင်္ဘောတစ်စီးနှင့် ကုန်ခြောက်တင်သင်္ဘော အချို့အပါအဝင် သင်္ဘောအရေအတွက် အနည်းငယ်မျှသာ ဟော်မုဇ်ရေလက်ကြားကို ဖြတ်သန်းခွင့် ရရှိခဲ့သည်။

သင်္ဘောသွားလာမှု ခြေရာခံဝန်ဆောင်မှုလုပ်ငန်းဖြစ်သော MarineTraffic ၏ ပြောကြားချက်အရ ဗုဒ္ဓဟူးနေ့ (ဧပြီ ၈) တွင် ဂရိအလံတင် သင်္ဘော တစ်စီးနှင့် လိုက်ဘေးရီးယားအလံတင်သင်္ဘောတစ်စီး၊ စုစုပေါင်း သင်္ဘော နှစ်စီး ဖြတ်သန်းသွားခဲ့သည်ဟု သိရှိရသည်။

တစ်ချိန်တည်းမှာပင် Lloyd’s List မှ သင်္ဘောလုပ်ငန်းဆိုင်ရာ ကျွမ်းကျင်သူများက ဗုဒ္ဓဟူးနေ့ (ဧပြီ ၈) ညနေပိုင်းတွင် သင်္ဘောသုံးစီး ဖြတ်သန်းသွားခဲ့ကြောင်းနှင့် ၎င်းတို့အားလုံးမှာ "အီရန်နှင့် လက်ရှိ သို့မဟုတ် ယခင်က ဆက်နွှယ်မှုရှိသည့် သင်္ဘောများ" ဖြစ်ကြောင်း ပြောကြားခဲ့သည်။ ထို့အပြင် အခြားသင်္ဘောသုံးစီးမှာလည်း ရေလက်ကြား ကိုဖြတ်ကျော်ရန် ပြင်ဆင်နေကြပြီး သို့မဟုတ်ပါက အီရန် က ခွင့်ပြု ထားသည့် လာရက်ခ်ကျွန်း (Larak Island) ပတ်လမ်းအတိုင်း ဦးတည် မောင်းနှင်နေကြသည်ဟု ဆိုသည်။

Reuters သတင်းဌာနကမူ သင်္ဘောသွားလာမှု အချက်အလက်များကို ကိုးကား၍ လွန်ခဲ့သည့် ၂၄ နာရီအတွင်း သင်္ဘောခြောက်စီး ဖြတ်သန်း သွားခဲ့ကြောင်း ကြာသပတေးနေ့ (ဧပြီ ၉) တွင် ဖော်ပြခဲ့သည်။ သို့သော်လည်း အစ္စရေး၏ လက်ဘနွန်အပေါ် ဗုဒ္ဓဟူးနေ့ (ဧပြီ ၈) က တိုက်ခိုက်မှုသည် အပစ်အခတ်ရပ်စဲရေးကို ချိုးဖောက်ခြင်းဖြစ်သည်ဟု အီရန်က ဆိုကာ ထိုတိုက်ခိုက်မှုအပြီးတွင် ဟော်မုဇ်ရေလက်ကြားမှ သင်္ဘော ဖြတ်သန်းမှုများ ရပ်တန့်သွားပြီဖြစ်ကြောင်း အီရန်တော်လှန်ရေး အစောင့် တပ်ဖွဲ့ (IRGC) က ပြောကြားခဲ့သည်။

အာရပ်စော်ဘွားများပြည်ထောင်စု (UAE) ၏ စက်မှုနှင့် အဆင့်မြင့် နည်းပညာဝန်ကြီး Sultan Al Jaber က ဟော်မုဇ်ရေလက်ကြားကို "အပြည့်အဝ၊ အကန့်အသတ်မရှိဘဲ မည်သည့် စည်းကမ်းချက်မျှ မထားဘဲ" ပြန်ဖွင့်ပေးရန် အီရန်ကို တိုက်တွန်းခဲ့သည်။ ၎င်းက "စွမ်းအင်လုံခြုံရေးနဲ့ ကမ္ဘာ့စီးပွားရေး တည်ငြိမ်မှုဟာ ထိုရေလက်ကြားအပေါ်မှာ မူတည် နေပါတယ်" ဟု ထပ်လောင်းပြောကြားခဲ့သည်။

LinkedIn ပေါ်ရှိ ၎င်း၏ထုတ်ပြန်ချက်တွင် "ခန့်မှန်းခြေအားဖြင့် သင်္ဘော အစီးပေါင်း ၂၃၀ ခန့်ဟာ ရေနံတွေအပြည့်တင်ဆောင်ပြီး ထွက်ခွာဖို့ အသင့်စောင့်ဆိုင်းနေကြပါတယ်" ဟု ဖော်ပြထားသည်။

ကိုးကား- CNN

Photo: Fortune

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

Thu, 9-Apr-2026
ပိုမိုကြည့်ရှုရန် ≫

နောက်ဆုံးရရုပ်သံများ

ပိုမိုကြည့်ရှုရန် ≫
ပိုမိုကြည့်ရှုရန် ≫
  • ဥပဒေ၊ နည်းဥပဒေများ
  • သိကောင်းစရာများ
  • မှတ်တမ်းဓာတ်ပုံများ
  • ဗီဒီယိုမှတ်တမ်းများ
  • ဆောင်းပါးများ
  • လက်ကမ်းစာစောင်များ

ပြည်တွင်းသတင်းများ

တာချီလိတ်မြို့နယ် ပန်ကူကျေးရွာအနီး၌ အွန်လိုင်းလိမ်လည်လောင်းကစားမှုလုပ်ငန်းများ လုပ်ကိုင်ခဲ့သည့် တရားမဝင်ပြည်ပနိုင်ငံသား ၅၇ ဦး ထပ်မံဖမ်းဆီးရမိ
တာချီလိတ်မြို့နယ် ပန်ကူကျေးရွာအနီး၌ အွန်လိုင်းလိမ်လည်လောင်းကစားမှုလုပ်ငန်းများ လုပ်ကိုင်ခဲ့သည့် တရားမဝင်ပြည်ပနိုင်ငံသား ၅၇ ဦး ထပ်မံဖမ်းဆီးရမိ

နေပြည်တော် ဧပြီ ၈

နိုင်ငံတော်အစိုးရအနေဖြင့် နိုင်ငံတကာနှင့် တစ်ကမ္ဘာလုံးကို အန္တရာယ်ပေးနေသည့် အွန်လိုင်းလိမ်လည် လောင်းကစားမှုတိုက်ဖျက်ရေး လုပ်ငန်းစဉ်များကို အမျိုးသားရေးတာဝန်တစ်ရပ် အဖြစ်ခံယူကာ မြန်မာနိုင်ငံအတွင်း လုံးဝအခြေမပြုနိုင်ရေးအတွက် ပြည်တွင်းအင်အားစုများအပြင် အိမ်နီးချင်းနိုင်ငံအစိုးရများနှင့်လည်း ပေါင်းစပ်ညှိနှိုင်း၍ တက်ကြွစွာဆောင်ရွက်လျက်ရှိသည်။

ထိုသို့ဆောင်ရွက်လျက်ရှိရာ ရှမ်းပြည်နယ် (အရှေ့ပိုင်း) တာချီလိတ်မြို့နယ်အတွင်း၌ အွန်လိုင်းလိမ်လည် လောင်းကစားမှုလုပ်ငန်းများ လုပ်ဆောင်နေကြောင်း သတင်းအရ လုံခြုံရေးတပ်ဖွဲ့ ဝင်များပါဝင်သော ပူးပေါင်းအဖွဲ့က သွားရောက်စစ်ဆေးရာ ဧပြီ ၇ ရက် မွန်းလွဲ ၁ နာရီခွဲခန့်တွင် တာချီလိတ်မြို့နယ် ပန်ကူကျေးရွာအနီး၌ အွန်လိုင်းလိမ်လည်လောင်းကစားမှုလုပ်ငန်းများ လုပ်ကိုင်နေသည့် တရားမဝင်ပြည်ပ နိုင်ငံသား ၁၂၆ ဦးတို့ကို အွန်လိုင်းလိမ်လည်လောင်းကစားမှုလုပ်ငန်းများ လုပ်ကိုင်ရာတွင် အသုံးပြုသည့် ပစ္စည်းများနှင့်အတူ ဖမ်းဆီးရမိခဲ့သည့်သတင်းအား ထုတ်ပြန်ပြီးဖြစ်သည်။

ဆက်လက်၍ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က ရှာဖွေစစ်ဆေးမှုများ ဆက်လက်ဆောင်ရွက်ရာ ယနေ့နံနက် ၇ နာရီ မိနစ် ၄၀ ခန့်တွင် အဆိုပါပန်ကူကျေးရွာ၏ အရှေ့တောင်ဘက် မီတာ ၅၂၀၀ ခန့်အကွာသို့အရောက်၌ အွန်လိုင်းလိမ်လည်လောင်းကစားမှုလုပ်ငန်းများ ကျူးလွန်ရာတွင် ပါဝင်ခဲ့သည့် တရုတ်နိုင်ငံသား အမျိုးသား ၁၇ ဦး၊ အမျိုးသမီးနှစ်ဦးနှင့် လာအိုနိုင်ငံသူ အမျိုးသမီးတစ်ဦး စုစုပေါင်း ၂၀ တို့ကိုလည်းကောင်း၊ ပန်ကူကျေးရွာ၏ အနောက်တောင်ဘက် မီတာ ၂၇၀၀ ခန့်အကွာသို့ အရောက်၌ အွန်လိုင်းလိမ်လည်လောင်းကစားမှုလုပ်ငန်းများ ကျူးလွန်ရာတွင် ပါဝင်ခဲ့သည့် တရုတ်နိုင်ငံသား အမျိုးသားခုနစ်ဦးအားလည်းကောင်း၊ ပန်ကူကျေးရွာ၏ အရှေ့တောင်ဘက် မီတာ ၁၅၀၀ ခန့်ကွာသို့အရောက်၌ အွန်လိုင်းလိမ်လည်လောင်းကစားမှုလုပ်ငန်းများ ကျူးလွန်ရာတွင် ပါဝင်ခဲ့သည့် တရုတ်နိုင်ငံသားအမျိုးသားကိုးဦးအားလည်းကောင်း၊ ပန်ကူကျေးရွာ၏ အနောက်တောင်ဘက် မီတာ ၄၅၀၀ ခန့်အကွာသို့ အရောက်၌ အွန်လိုင်းလိမ်လည်လောင်းကစားမှုလုပ်ငန်းများ ကျူးလွန်ရာတွင် ပါဝင်ခဲ့သည့် တရုတ်နိုင်ငံသား အမျိုးသား ၁၂ ဦးအားလည်းကောင်း၊ ပန်ကူကျေးရွာ၏ အရှေ့တောင်ဘက် မီတာ ၃၈၀၀ ခန့်အကွာသို့အရောက်၌ အွန်လိုင်းလိမ်လည်လောင်းကစားမှုလုပ်ငန်းများ ကျူးလွန်ရာတွင် ပါဝင်ခဲ့သည့် တရုတ်နိုင်ငံသား အမျိုးသားကိုးဦးအားလည်းကောင်း စုစုပေါင်း တရားမဝင်ပြည်ပနိုင်ငံသား အမျိုးသား ၅၄ ဦးနှင့် အမျိုးသမီးသုံးဦးတို့ကို ထပ်မံဖမ်းဆီးရမိခဲ့သည်။

အဆိုပါဖမ်းဆီးရမိသူများကိုလည်း ဥပဒေနှင့်အညီ ထိထိရောက်ရောက် အရေးယူဆောင်ရွက်သွားမည်ဖြစ်ကြောင်းနှင့် နောက်ကွယ်မှ ပါဝင်ပတ်သက်သူများကိုလည်း စိစစ်ဖော်ထုတ်ကာ တရားဥပဒေနှင့်အညီ ထိရောက်စွာအရေးယူနိုင်ရေး ဆက်လက်ဆောင်ရွက်သွားမည်ဖြစ်သည်။

မြန်မာနိုင်ငံအစိုးရအနေဖြင့် အွန်လိုင်းလိမ်လည်မှုများနှင့် အွန်လိုင်းလောင်းကစားမှုတိုက်ဖျက်ရေးလုပ်ငန်းစဉ်များကို တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် မြန်မာနိုင်ငံအတွင်းသို့ ရောက်ရှိနေပြီး အွန်လိုင်းလိမ်လည်လောင်းကစားမှုတွင် တစ်နည်းနည်းဖြင့် ပါဝင်ပတ်သက်နေသည့် ပြည်ပနိုင်ငံသားများကိုလည်း တရားဥပဒေနှင့်အညီ စစ်ဆေးကာ လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကိုရှေးရှု၍ သက်ဆိုင်ရာနိုင်ငံများသို့ ပြန်လည်လွှဲပြောင်းပေးခြင်းများ၊ အဓိက ပြစ်မှုကျူးလွန်ခဲ့သူများကိုလည်း ဖမ်းဆီးထိန်းသိမ်းပြီး သက်ဆိုင်ရာအစိုးရအဖွဲ့ထံ တရားဝင်လွှဲပြောင်းပေးခြင်းများနှင့် တရားဥပဒေနှင့်အညီ ထိရောက်စွာအရေးယူခြင်းများ ဆောင်ရွက်လျက်ရှိကြောင်း သိရသည်။

MOI

Thu, 9-Apr-2026
မန္တလေးမြို့၌ ခန့်မှန်းတန်ဖိုးငွေကျပ် ၁၅ ဒသမ ၀၂ ဘီလီယံခန့် တန်ဖိုးရှိ မူးယစ်ဆေးဝါးများ သိမ်းဆည်းရမိ
မန္တလေးမြို့၌ ခန့်မှန်းတန်ဖိုးငွေကျပ် ၁၅ ဒသမ ၀၂ ဘီလီယံခန့် တန်ဖိုးရှိ မူးယစ်ဆေးဝါးများ သိမ်းဆည်းရမိ

နေပြည်တော် ဧပြီ ၇ 

 

နိုင်ငံတော် အစိုးရအနေဖြင့် အနာဂတ်မျိုးဆက်သစ် လူငယ်များအပါအဝင် လူသားမျိုးနွယ်စု တစ်ခုလုံးအား အန္တရာယ်ဖြစ်စေသည့် မူးယစ်ဆေးဝါးတိုက်ဖျက်ရေး လုပ်ငန်းစဉ်များကို အမျိုးသားရေးတာဝန်တစ်ရပ်အဖြစ် သတ်မှတ်၍ အရှိန်အဟုန်မြှင့်ဆောင်ရွက်လျက်ရှိရာ မူးယစ်ဆေးဝါး သယ်ဆောင်ရောင်းဝယ် သုံးစွဲမှုများကို စစ်ဆေးရှာဖွေ ဖော်ထုတ်ဖမ်းဆီးမှုများ တိုးမြှင့်လုပ်ဆောင်နေသကဲ့သို့ အိမ်နီးချင်းနိုင်ငံများနှင့် ပူးပေါင်း၍ မူးယစ်ဆေးဝါး တားဆီးနှိမ်နင်းရေး ပူးတွဲစစ်ဆင်ရေးများကိုလည်း အင်တိုက်အားတိုက် ဆောင်ရွက်လျက်ရှိသည်။ 

 

ထိုသို့ ဆောင်ရွက်လျက်ရှိရာ မန္တလေးတိုင်းဒေသကြီး မန္တလေးမြို့ ပြည်ကြီးတံခွန်မြို့နယ်အတွင်း မူးယစ်ဆေးဝါးရောင်းချနေသူများ ရောက်ရှိနေကြောင်း တာဝန်သိ ပြည်သူတစ်ဦး၏ သတင်းပေးချက်အရ လုံခြုံရေးတပ်ဖွဲ့ဝင်များက ဖမ်းဆီးရမိရေး ဆောင်ရွက်ခဲ့ရာ ၂၀၂၆ ခုနှစ် ဧပြီ ၆ ရက် နံနက် ၈ နာရီခွဲခန့်တွင် ပြည်ကြီးတံခွန်မြို့နယ် (ဆ) ရပ်ကွက် ၅၄ (ဘီ) လမ်း ၁၂၈ x ၁၂၉ လမ်းကြား၌ မူးယစ်ဆေးဝါးများ ဖြန့်ဖြူးရောင်းချသူများ ဖြစ်သည့် အောင်ကျော်စိုးနှင့် ဇနီးဖြစ်သူ သူဇာသန်း (ခ) သီတာ တို့အား ဖမ်းဆီးရမိခဲ့ပြီး အမရပူရမြို့နယ် ဒေါင်းရွေးကျေးရွာရှိ ၎င်းတို့၏ နေအိမ်အား သွားရောက်ရှာဖွေခဲ့ရာ စိတ်ကြွရူးသွပ်ဆေးပြား ၉၉ ဒသမ ၂၂ သိန်း (ခန့်မှန်းတန်ဖိုး တစ်ပြားလျှင် ကျပ် ၁၅၀၀)၊ ဘိန်းဖြူ ၅ ဒသမ ၅ ကီလိုဂရမ် (ခန့်မှန်းတန်ဖိုး တစ်ကီလိုဂရမ်လျှင် ငွေကျပ်သိန်း ၂၅၀)၊ စုစုပေါင်း ခန့်မှန်းတန်ဖိုး ငွေကျပ် ၁၅ ဒသမ ၀၂ ဘီလီယံခန့် ကို တွေ့ရှိ သိမ်းဆည်းရမိခဲ့သည်။

 

ဖမ်းဆီးရမိသူများ၏ ထွက်ဆို ချက်အရ ဖမ်းဆီးရန်ကျန်ရှိသည့် ရှမ်းပြည်နယ် (မြောက်ပိုင်း) ကွတ်ခိုင်မြို့နေ အိုက်ချွမ် (ဖမ်းဆီးရန်ကျန်) က မူးယစ်ဆေးဝါးများကို မန္တလေးမြို့အတွင်း ပြန်လည်ရောင်းချရန် ၎င်း၏ အစီအစဉ်ဖြင့် အမရပူရမြို့နယ် ဒေါင်းရွေးကျေးရွာရှိ အောင်ကျော်စိုးနှင့် ဇနီးဖြစ်သူ သူဇာသန်း (ခ) သီတာ တို့၏နေအိမ်သို့ ပို့ဆောင်ပေးခဲ့ကြောင်း၊ အိုက်ချွမ် (ဖမ်းဆီးရန်ကျန်) ပို့ဆောင်ပေးသည့် မူးယစ်ဆေးဝါးများကို အောင်ကျော်စိုး နှင့် ဇနီးဖြစ်သူ သူဇာသန်း (ခ) သီတာတို့က မန္တလေးမြို့တွင် ပြန်လည်ဖြန့်ဖြူးရောင်းချခဲ့ကြောင်း သိရသည်။

 

အဆိုပါ မူးယစ်ဆေးဝါးနှင့်အတူ ဖမ်းဆီးရမိသူများအား ဥပဒေအရ ထိရောက်စွာအရေးယူနိုင်ရေး ဆက်လက်ဆောင်ရွက်သွားမည်ဖြစ်ပြီး ဆက်စပ်ပါဝင်ပတ်သက်သူများအား ဖော်ထုတ်ဖမ်းဆီးရမိရေး ဆောင်ရွက်လျက်ရှိကြောင်း၊ လူသားမျိုးနွယ် တစ်ရပ်လုံးနှင့် နိုင်ငံတော်၏ အနာဂတ်မျိုးဆက်သစ် လူငယ်များအတွက် ပျက်စီးဒုက္ခရောက်စေနိုင်သော မူးယစ်ဆေးဝါးနှင့် ပတ်သက်သည့်သတင်းများ ရရှိပါက သက်ဆိုင်ရာသို့ လျှို့ဝှက်စွာ သတင်းပေးတိုင်ကြားနိုင်ပါကြောင်းနှင့် သတင်းပေးသူနှင့် ပူးပေါင်းပါဝင်ဖမ်းဆီးပေးသူများအား လျှို့ဝှက်၍ ဆုငွေများ ထိုက်တန်စွာ ချီးမြှင့်ပေးမည်ဖြစ်ကြောင်း အသိပေးသတင်းထုတ်ပြန်အပ်ပါသည်။ 

 

MDN

Wed, 8-Apr-2026
မွန်ပြည်နယ်၊ ရေးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ သုံးဦး သေဆုံးကာ တစ်ဦး ထိခိုက်ဒဏ်ရာရရှိ
မွန်ပြည်နယ်၊ ရေးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ သုံးဦး သေဆုံးကာ တစ်ဦး ထိခိုက်ဒဏ်ရာရရှိ
    အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။
    ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၅ ရက် ည ၁၀ နာရီတွင် မွန်ပြည်နယ်၊ ရေးမြို့နယ်၊ မီးတိုင်တက်ကျေးရွာနေ ကိုမင်း(၂၆)နှစ်၊ ကိုဇင်ကိုကို(၂၆)နှစ်၊ ဦးသိန်းငွေ(၅၇)နှစ်နှင့် ဦးသန်းလှိုင်(၃၂)နှစ်တို့သည် ၎င်းတို့၏နေအိမ်အသီးသီး၌ ရှိနေစဉ် PDF အမည်ခံ အကြမ်းဖက်သမားများ ၂၀ ဦးခန့်က ဆိုင်ကယ်များဖြင့် ရောက်ရှိလာပြီး “ဒလန်များ” ဟုစွပ်စွဲပြောဆို၍ ဖမ်းဆီးခေါ်ဆောင်၍ မီးတိုင်တက်ကျေးရွာတောင်ဘက် တစ်မိုင်ခန့်အကွာ ခေါဇာ-ကျုံညဲကားလမ်းပေါ်အရောက်၌ သေနတ်ဖြင့် ပစ်ခတ်သွားခဲ့သဖြင့် ကိုမင်း၊ ကိုဇင်ကိုကိုနှင့် ဦးသိန်းငွေတို့ သုံးဦးတွင် ကျည်ထိမှန် ဒဏ်ရာများရရှိကာ သေဆုံးသွားခဲ့ပြီး ဦးသန်းလှိုင်တွင် ကျည်ထိမှန် ဒဏ်ရာများရရှိခဲ့၍ ဆေးကုသနိုင်ရေး ရေးမြို့နယ်ပြည်သူ့ဆေးရုံသို့ ပို့ဆောင်ထားရှိကြောင်း သိရသည်။
    အထက်ပါဖြစ်စဉ်တွင် လက်နက်ကိုင်အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံ တရားကင်းမဲ့စွာ သေနတ်ဖြင့် ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချ လျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက်သမားများအား အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။
MOHA
Wed, 8-Apr-2026
အွန်လိုင်းလိမ်လည်မှု (Telecom Fraud) လုပ်ငန်းများအား ဆက်လက်စစ်ဆေး ဆောင်ရွက်လျက်ရှိပြီး ဘင်္ဂလားဒေ့ရှ်နိုင်ငံသား သုံးဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့
အွန်လိုင်းလိမ်လည်မှု (Telecom Fraud) လုပ်ငန်းများအား ဆက်လက်စစ်ဆေး ဆောင်ရွက်လျက်ရှိပြီး ဘင်္ဂလားဒေ့ရှ်နိုင်ငံသား သုံးဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့
     နိုင်ငံတော်အစိုးရအနေဖြင့် နယ်စပ်ဒေသများ၌ တရားမဝင် ဝင်ရောက်နေထိုင်ပြီး အွန်လိုင်းလောင်းကစားမှု၊ အွန်လိုင်းလိမ်လည်မှုအပါအဝင် ဒုစရိုက်မှုလုပ်ငန်းများတွင် ပါဝင်ဆောင်ရွက်ခဲ့ကြသည့် ပြည်ပနိုင်ငံသားများကို စုံစမ်းစစ်ဆေးဖော်ထုတ်၍ သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ  ပြည်နှင်လွှဲပြောင်း ပေးအပ်လျက်ရှိသည်။
     ထိုသို့ ပြည်နှင်လွှဲပြောင်းပေးလျက်ရှိရာ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ ကရင်ပြည်နယ်၊ မြဝတီမြို့အနီးဝန်းကျင်သို့ တရားမဝင်လမ်းကြောင်းမှတစ်ဆင့် ဝင်ရောက်နေခဲ့သည့် ဘင်္ဂလားဒေ့ရှ်နိုင်ငံသား သုံးဦးအား ထပ်မံဖော်ထုတ် ထိန်းသိမ်းနိုင်ခဲ့ပြီး ပြည်နှင်နိုင်ရေး စစ်ဆေးနိုင်ခဲ့သည်။ 
     ၂၀၂၅ ခုနှစ်၊ ဇန်နဝါရီ ၃၀ ရက်မှ ၂၀၂၆ ခုနှစ်၊ ဧပြီ ၆ ရက်အထိ မြဝတီမြို့နယ်အတွင်းသို့ တရားမဝင် ဝင်ရောက်လာသည့် စုစုပေါင်း ပြည်ပနိုင်ငံသား ၁၄,၆၂၀ ဦးအား ထိန်းသိမ်းနိုင်ခဲ့ကြောင်းနှင့် ယင်းနိုင်ငံသားအားလုံးကို စစ်ဆေးပြီးစီးခဲ့ပြီး ၎င်းတို့အနက်မှ ၁၃,၄၀၄ ဦးအား ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့သည်။
     လွှဲပြောင်းပေးအပ်ရန်ကျန်ရှိသည့် ပြည်ပနိုင်ငံသား ၁,၂၁၆ ဦးတွင် မြန်မာနိုင်ငံလူဝင်မှုကြီးကြပ်ရေး(လတ်တလောပြဋ္ဌာန်းချက်) များအက်ဥပဒေပုဒ်မ ၃(၁)/၁၃(၁) အရ အပြစ်ပေး အရေးယူခဲ့သည့် ပြည်ပနိုင်ငံသား ၇၄၁ ဦးရှိသည့်အတွက် ကျန်ရှိသည့် ပြည်ပနိုင်ငံသား ၄၇၅ ဦးတို့အား သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာ ထိန်းသိမ်းစောင့်ရှောက်ထားရှိသည်။
     နိုင်ငံတော်အနေဖြင့် Online Scam Center လုပ်ငန်းများတွင် ပါဝင်ပတ်သက်နေသူများနှင့် နောက်ကွယ်မှ ကြိုးကိုင်သော နိုင်ငံခြားသားများကို ဖော်ထုတ်ဖမ်းဆီးပြီး ထိထိရောက်ရောက် ပြင်းပြင်းထန်ထန် အရေးယူနိုင်ရေး အိမ်နီးချင်းနှင့် ဒေသတွင်းနိုင်ငံများ၊ နိုင်ငံတကာအဖွဲ့အစည်းများနှင့် တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် ဒုက္ခရောက်နေကြသော နိုင်ငံခြားသားများနှင့် လူကုန်ကူးခံရသည့် နိုင်ငံခြားသားများကို သက်ဆိုင်ရာနိုင်ငံများသို့ အမြန်ဆုံး ပြည်နှင်လွှဲပြောင်းပေးနိုင်ရေး ထိရောက်စွာ ညှိနှိုင်းဆောင်ရွက်လျက်ရှိကြောင်း သတင်းရရှိပါသည်။
MOHA
Tue, 7-Apr-2026
မန္တလေးတိုင်းဒေသကြီးနှင့် ပဲခူးတိုင်းဒေသကြီးတို့ရှိ မြို့နယ်အချို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံးကာ တစ်ဦး ထိခိုက်ဒဏ်ရာရရှိ
မန္တလေးတိုင်းဒေသကြီးနှင့် ပဲခူးတိုင်းဒေသကြီးတို့ရှိ မြို့နယ်အချို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ နှစ်ဦး သေဆုံးကာ တစ်ဦး ထိခိုက်ဒဏ်ရာရရှိ
     အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သော ဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။
     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၅ ရက် နံနက် ၈ နာရီတွင် မန္တလေးတိုင်းဒေသကြီး၊ ရမည်းသင်းမြို့နယ်၊ အင်တိုင်းကျေးရွာ၌ သေနတ်ဖြင့် ပစ်ခတ်ခံရ၍ အမျိုးသား တစ်ဦး   သေဆုံးကာ တစ်ဦး ကျည်ထိမှန်ဒဏ်ရာများ ရရှိခဲ့ကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ဧပြီ ၄ ရက် ည ၁၂ နာရီ ၃၀ မိနစ်တွင် အဆိုပါကျေးရွာနေ ဦးဇော်မင်း(၄၅)နှစ်သည် ၎င်း၏ဇနီးဖြစ်သူ ဒေါ်စိုး(၅၆)နှစ်၊ အစ်ကိုဖြစ်သူ ဦးဇော်မိုး(၄၇)နှစ်၊ မရီးဖြစ်သူ ဒေါ်မျိုးမျိုး(၄၀)နှစ်တို့နှင့်အတူ နေအိမ်၌ ရှိနေစဉ် PDF အမည်ခံ အကြမ်းဖက်သမား နှစ်ဦး ရောက်ရှိလာပြီး ၅ မူးသားခန့်ရှိ ရွှေလက်စွပ် တစ်ကွင်း၊ ၁ မတ်သားခန့်စီရှိ ရွှေလက်စွပ် နှစ်ကွင်း၊ ၅ မူးသားခန့်ရှိ ရွှေဆွဲကြိုး တစ်ကုံး၊ ဖုန်း တစ်လုံးတို့အား လုယက်ယူဆောင်၍ သေနတ်ဖြင့် ပစ်ခတ်သွားခဲ့သဖြင့် ဦးဇော်မင်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ပြီး ဦးဇော်မိုးတွင် ထိခိုက်ဒဏ်ရာများ ရရှိခဲ့၍ ရမည်းသင်းခရိုင်ပြည်သူ့ဆေးရုံကြီးသို့ ပို့ဆောင်ထားရှိကြောင်း သိရသည်။
     အလားတူ နံနက် ၉ နာရီ ၂၀ မိနစ်တွင် ပဲခူးတိုင်းဒေသကြီး၊ ဖြူးမြို့နယ်၊ ကညွတ်ကွင်းအနောက်(၂)ရပ်ကွက်နေ မီးရထားသံလမ်းစောင့်ဖြစ်သူ ဦးမြင့်စန်း(၆၃)နှစ်သည် အဆိုပါရပ်ကွက်ရှိ မီးရထားသံလမ်းမိုင်တိုင်အမှတ်(၂၀၀/၁)၊ မီးရထားသံလမ်းကင်းအမှတ်(၈)၌ ကင်းစောင့်နေစဉ် PDF အမည်ခံ အကြမ်းဖက်သမား နှစ်ဦး ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။
  အထက်ပါဖြစ်စဉ်တွင် လက်နက်ကိုင်အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံတရားကင်းမဲ့စွာ ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက်သမားများအား အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။
MOHA
Tue, 7-Apr-2026
မကွေးတိုင်းဒေသကြီးနှင့် ရှမ်းပြည်နယ်တို့ရှိ မြို့နယ်အချို့၌ လက်နက်ကိုင်အကြမ်းဖက်အဖွဲ့များ ထောင်ထားသည့် မိုင်းများ ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ လေးဦး ထိခိုက် ဒဏ်ရာရရှိ
မကွေးတိုင်းဒေသကြီးနှင့် ရှမ်းပြည်နယ်တို့ရှိ မြို့နယ်အချို့၌ လက်နက်ကိုင်အကြမ်းဖက်အဖွဲ့များ ထောင်ထားသည့် မိုင်းများ ပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ လေးဦး ထိခိုက် ဒဏ်ရာရရှိ
     အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများကို ပြုလုပ်လျက်ရှိပါသည်။
     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၅ ရက် နံနက် ၉ နာရီ ၁၅ မိနစ်တွင် မကွေးတိုင်းဒေသကြီး၊ မင်းဘူးမြို့နယ်၊ စကုတိုက်နယ်ဆေးရုံသို့ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦးနှင့် အမျိုးသမီး တစ်ဦးတို့ ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၅ နာရီ ၃၀ မိနစ်တွင် မင်းဘူးမြို့နယ်၊ ညောင်ကိုင်းကျေးရွာနေ ဦးညွန့်ဝင်း(၅၅)နှစ်သည် ၎င်း၏သမီးဖြစ်သူ မကြည်လဲ့လဲ့ဝင်း(၂၃)နှစ်နှင့်အတူ ဆေးခန်းပြရန် စကုတိုက်နယ်ဆေးရုံသို့ ဆိုင်ကယ်ဖြင့်ထွက်ခွာလာစဉ် ပေါင်းရွာကျေးရွာအနီးအရောက်၌ လမ်းဘေးမှ PDF အမည်ခံ အကြမ်းဖက်သမားများထောင်ထားသည့် မိုင်း တစ်လုံး ပေါက်ကွဲခဲ့မှုကြောင့် ၎င်းတို့ နှစ်ဦးတွင် မိုင်းပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
     အလားတူ မွန်းလွဲ ၂ နာရီ ၃၀ မိနစ်တွင် မကွေးတိုင်းဒေသကြီး၊ ချောက်မြို့နယ်ပြည်သူ့ ဆေးရုံ၌ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ မွန်းလွဲ ၁၂ နာရီ ၁၅ မိနစ်တွင် ချောက်မြို့နယ်၊ သလုံးသွေးကျေးရွာနေ ဒေါ်သန်းသန်း(ခ)ဒေါ်ပိုက်ရှင်(၆၆)နှစ်သည် ကျေးရွာအနောက်မြောက်ဘက် မီတာ ၁၀၀ ခန့်အကွာရှိ ထန်းတောအတွင်း ထင်းရှာနေစဉ် PDF အမည်ခံ အကြမ်းဖက်သမားများထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
     အလားတူ မွန်းလွဲ ၃ နာရီ ၁၀ မိနစ်တွင် ရှမ်းပြည်နယ်၊ ဆီဆိုင်မြို့နယ်ပြည်သူ့ဆေးရုံ၌ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသမီး တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ မွန်းလွဲ ၁၂ နာရီတွင် ဆီဆိုင်မြို့နယ်၊ နောင်ဘိုကျေးရွာနေ ဒေါ်နန်းခမ်းဘို့(၃၀)နှစ်သည် နောင်စကာကျေးရွာအနီး ရွှေတဂူဘုရားရှိ အင်ကြင်းတောအတွင်း အင်ကြင်းရွက်များခူးနေစဉ် TNLA အကြမ်းဖက်အဖွဲ့နှင့် PDF အမည်ခံ အကြမ်းဖက်သမားများ ထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
     အထက်ပါဖြစ်စဉ်များမှ အကြမ်းဖက်မှု ကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။
MOHA
Tue, 7-Apr-2026
မန္တလေးတိုင်းဒေသကြီး၊ ချမ်းအေးသာစံမြို့နယ်နှင့် စစ်ကိုင်းတိုင်းဒေသကြီး၊ ကလေးမြို့တို့တွင် တရားမဝင် သယ်ဆောင်ရောင်းဝယ်သည့် ငွေကျပ် ၁ ဘီလီယံ ကျော်တန်ဖိုးရှိ ထိန်းချုပ်ဓာတုပစ္စည်း ကဖင်း ၄ ဒသမ ၈ တန်ကျော် ဖမ်းဆီးရမိ
မန္တလေးတိုင်းဒေသကြီး၊ ချမ်းအေးသာစံမြို့နယ်နှင့် စစ်ကိုင်းတိုင်းဒေသကြီး၊ ကလေးမြို့တို့တွင် တရားမဝင် သယ်ဆောင်ရောင်းဝယ်သည့် ငွေကျပ် ၁ ဘီလီယံ ကျော်တန်ဖိုးရှိ ထိန်းချုပ်ဓာတုပစ္စည်း ကဖင်း ၄ ဒသမ ၈ တန်ကျော် ဖမ်းဆီးရမိ
       ၂၀၂၆ ခုနှစ်၊ မတ် ၂၁ ရက်က ညနေ ၄ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မန္တလေးတိုင်းဒေသကြီး၊ ချမ်းအေးသာစံမြို့နယ်၊ ကန်ကောက်ရပ်ကွက်၊ ၂၆ လမ်း၊ ၅၇ လမ်းနှင့် ၅၈ လမ်းကြားရှိ နေအိမ်အား သတင်းအရ ဝင်ရောက်ရှာဖွေခဲ့ရာ အိမ်ရှင် ကိုဦးနှင့်အတူ ဇော်ဝင်းနိုင်(ခ)ဖိုးသားတို့အား တရားမဝင် သိုလှောင်ထားသည့် ထိန်းချုပ်ဓာတုပစ္စည်း ကဖင်း ၁ ဒသမ ၀၂၅ တန်၊ TOYOTA HILUX SURF မော်တော်ယာဉ် တစ်စီးနှင့်အတူ ဖမ်းဆီးရမိခဲ့သည်။
     ကွင်းဆက်ဖော်ထုတ်ချက်အရ ဖမ်းဆီးရမိ ကဖင်းများအား စစ်ကိုင်းတိုင်းဒေသကြီး၊ ကလေးမြို့မှ မန္တလေးမြို့သို့ NISSAN ခြောက်ဘီး မော်တော်ယာဉ်ဖြင့် သယ်ဆောင်ခဲ့ကြသည့် ယာဉ်ပိုင်ရှင် မတင့်တင့်အေး၊ နိုင်လင်း၊ ဖြိုးကိုကိုနှင့် နိုင်ချိန်းအောင်တို့ လေးဦးအား မန္တလေးမြို့၌ ဆက်လက်ဖမ်းဆီးရမိခဲ့သည်။ 
     ၎င်းတို့၏ဖော်ထုတ်ချက်အရ ဖမ်းဆီးရမိ ကဖင်းများအား ကလေးမြို့မှ မန္တလေးမြို့သို့ သယ်ဆောင်ခိုင်းသူ ညီညီဇော်(ခ)ဖိုးငယ်အား စစ်ကိုင်းတိုင်းဒေသကြီး၊ ကလေးမြို့နယ်၊ မြို့သာရပ်ကွက်ရှိ နေအိမ်တွင် ထိန်းချုပ်ဓာတုပစ္စည်းများ သယ်ဆောင်ရာတွင် အသုံးပြုခဲ့သည့် SANGDA KSD MPV မော်တော်ယာဉ်နှင့်အတူ ဖမ်းဆီးရမိခဲ့သည်။ ယင်း၏ဖော်ထုတ်ချက်အရ ကလေးမြို့နေ ကဖင်းအိတ်များပိုင်ရှင် မခင်မို့မို့အေး(ခ)အန်တီမိုးနှင့် ပူးပေါင်းပါဝင်ခဲ့သည့် နေမျိုးလင်း(ခ)ရော့ကီ(ခ)မုတ်ဆိတ်၊ မကြွယ်သင်ပါးရ်အီး(ခ)ပါးရ်အီးနှင့် ခိုင်လင်းထွဋ်တို့ လေးဦးအား ကလေးမြို့၌ ဆက်လက်ဖမ်းဆီးရမိခဲ့သည်။
       ကွင်းဆက်စစ်ဆေးဖော်ထုတ်ချက်များအရ ကလေးမြို့နယ်၊ စမ်းမြို့ရပ်ကွက်ရှိ လားရင်မွှာနာ(ခ)မွမ်သဲ၏နေအိမ်မှ ကဖင်း ၃ ဒသမ ၈ တန် ထပ်မံဖော်ထုတ်ဖမ်းဆီးရမိခဲ့သဖြင့် မန္တလေးမြို့၌ ဖမ်းဆီးရမိသည့် ထိန်းချုပ်ဓာတုပစ္စည်း ကဖင်း ၁ ဒသမ ၀၂၅ တန်(တစ်ကီလိုလျှင် ငွေကျပ် ၄ သိန်းနှုန်းဖြင့် ၎င်းဒေသကာလတန်ဖိုး ငွေကျပ် သိန်း ၄,၁၀၀)၊ ကလေးမြို့တွင် ဖမ်းဆီးရမိသည့် ထိန်းချုပ်ဓာတုပစ္စည်း ကဖင်း ၃ ဒသမ ၈ တန်(တစ်ကီလိုလျှင် ငွေကျပ် ၃ သိန်းနှုန်းဖြင့် ၎င်းဒေသကာလတန်ဖိုး ငွေကျပ် ၁ ဒသမ ၁၄ ဘီလီယံ)၊ စုစုပေါင်း ထိန်းချုပ်ဓာတုပစ္စည်း ကဖင်း ၄ ဒသမ ၈၂၅ တန် (၎င်းဒေသကာလတန်ဖိုး ငွေကျပ် ၁ ဒသမ ၅၅ ဘီလီယံ)အား ဖမ်းဆီးရမိခဲ့ခြင်းဖြစ်သည်။
      စစ်ဆေးဖော်ထုတ်ချက်များအရ ဖမ်းဆီးရမိ ထိန်းချုပ်ဓာတုပစ္စည်း ကဖင်းများအား မြန်မာ-အိန္ဒိယနယ်စပ်၊ ချင်းပြည်နယ်၊ ဖလမ်းမြို့နယ်၊ ရိဒ်ခေါဒါရ်မြို့မှ ကလေးမြို့သို့ လည်းကောင်း၊ ကလေးမြို့မှ မန္တလေးမြို့သို့လည်းကောင်း တရားမဝင် တင်သွင်းသယ်ဆောင်ရောင်းဝယ်သူမှာ ချင်းပြည်နယ်၊ ဖလမ်းခရိုင်၊ ရိဒ်ခေါဒါရ်မြို့၊ မြန်မာ-အိန္ဒိယနယ်စပ်နေ မမားစောဆန်းအီး(ခ)ဆန်းအီး(ခ)သဲသဲ(ဖမ်းဆီးရန်ကျန်)ဖြစ်ကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်း သတင်းရရှိပါသည်။
MOHA
Tue, 7-Apr-2026
ပြည်သူ့လွှတ်တော်ဥက္ကဋ္ဌ ဦးခင်ရီ ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌအား လက်ခံတွေ့ဆုံ
ပြည်သူ့လွှတ်တော်ဥက္ကဋ္ဌ ဦးခင်ရီ ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌအား လက်ခံတွေ့ဆုံ

နေပြည်တော် ဧပြီ ၁၀

ပြည်သူ့လွှတ်တော်ဥက္ကဋ္ဌ ဦးခင်ရီသည် ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌ H.E. Mr. Igor Sergeyenko အား ယနေ့ညနေပိုင်းတွင် နေပြည်တော်ရှိ လွှတ်တော်အဆောက်အအုံ ဇမ္ဗူသီရိဧည့်ခန်းမဆောင်၌ လက်ခံတွေ့ဆုံသည်၊၊

အဆိုပါတွေ့ဆုံပွဲသို့ ပြည်သူ့လွှတ်တော်ဥက္ကဋ္ဌနှင့်အတူ ဒုတိယဥက္ကဋ္ဌ ဦးမောင်မောင်အုန်း၊ ဥပဒေကြမ်းကော်မတီဥက္ကဋ္ဌ ဒေါက်တာ နန္ဒကျော်စွာ၊ ပြည်သူ့ငွေစာရင်းကော်မတီဥက္ကဋ္ဌ ဦးတေဇကျော်၊ အစိုးရ၏ အာမခံချက်များ၊ ကတိများနှင့်တာဝန်ခံချက်များ စိစစ်ရေးကော်မတီဥက္ကဋ္ဌ ဦးသန်းထွန်းဦးနှင့် ပြည်သူ့လွှတ်တော်ရုံးမှ တာဝန်ရှိသူများ တက်ရောက်ကြပြီး ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌနှင့်အတူ ကိုယ်စားလှယ်အဖွဲ့များ တက်ရောက်ကြသည်။

ထိုသို့ တွေ့ဆုံစဉ် မြန်မာ-ဘယ်လာရုစ်နှစ်နိုင်ငံ ချစ်ကြည်ရင်းနှီးမှုပိုမိုတိုးမြှင့်နိုင်ရေးနှင့် ပူးပေါင်းဆောင်ရွက်ရေး၊ နှစ်နိုင်ငံပြည်သူလူထုအတွက် အကျိုးရှိမည့်ကိစ္စရပ်များ ပူးပေါင်းဆောင်ရွက်ရေး၊ လွှတ်တော်အချင်းချင်း ပူးပေါင်းဆောင်ရွက်ရေးဆိုင်ရာ ကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြသည်။

တွေ့ဆုံပွဲအပြီးတွင် ပြည်သူ့လွှတ်တော်ဥက္ကဋ္ဌနှင့် ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌတို့သည့် အမှတ်တရလက်ဆောင်ပစ္စည်းများ အပြန်အလှန်ပေးအပ်ကြပြီး တက်ရောက်လာကြသူများနှင့်အတူ စုပေါင်းမှတ်တမ်းတင်ဓာတ်ပုံရိုက်ကြကာ ဘယ်လာရုစ်သမ္မတနိုင်ငံ အောက်လွှတ်တော်ဥက္ကဋ္ဌက ဧည့်သည်တော်မှတ်တမ်းတွင် လက်မှတ်ရေးထိုးခဲ့ကြောင်း သိရသည်။

moi

Sat, 11-Apr-2026
ဒုတိယသမ္မတ ဒေါ်နန်းနီနီအေး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို လက်ခံတွေ့ဆုံ
ဒုတိယသမ္မတ ဒေါ်နန်းနီနီအေး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို လက်ခံတွေ့ဆုံ

နေပြည်တော် ဧပြီ ၁၀

ပြည်ထောင်စုသမ္မတမြန်မာနိုင်ငံ ဒုတိယသမ္မတ ဒေါ်နန်းနီနီအေးသည် အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံး ဧည့်ခန်းမ၌ လက်ခံတွေ့ဆုံသည်။

တွေ့ဆုံစဉ် မြန်မာ - အိန္ဒိယ နှစ်နိုင်ငံအကြား ဆက်ဆံရေးနှင့် ပူးပေါင်းဆောင်ရွက်မှုတိုးမြှင့်ရေးဆိုင်ရာ ကိစ္စရပ်များ၊ အမျိုးသမီးနှင့် လူငယ်ကဏ္ဍဖွံ့ဖြိုးတိုးတက်ရေး ဆောင်ရွက်သွားမည့်ကိစ္စရပ်များ၊ နှစ်နိုင်ငံလူငယ်များအကြား ထိတွေ့ဆက်ဆံမှုမြင့်မားလာစေရေးအတွက် နှီးနှောဖလှယ်ပွဲများနှင့် လေ့လာရေးခရီးစဉ်များ၊ စာတမ်းဖတ်ပွဲများ ဆောင်ရွက်သွားနိုင်ရေးကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးကြပြီး လက်ဆောင်ပစ္စည်းများ အပြန်အလှန်ပေးအပ်ကြသည်။

တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော်နှင့် တာဝန်ရှိသူများ တက်ရောက်ကြပြီး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီးနှင့်အတူ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E.Mr. Abhay Thakur နှင့် တာဝန်ရှိသူများ တက်ရောက်ကြသည်။

moi

Sat, 11-Apr-2026
ဒုတိယသမ္မတ ဦးညိုစော အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E.Mr. Kirti Vardhan Singh ကို လက်ခံတွေ့ဆုံ
ဒုတိယသမ္မတ ဦးညိုစော အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E.Mr. Kirti Vardhan Singh ကို လက်ခံတွေ့ဆုံ

နေပြည်တော် ဧပြီ ၁၀

ပြည်ထောင်စုသမ္မတမြန်မာနိုင်ငံ ဒုတိယသမ္မတ ဦးညိုစောသည် အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh ကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံးဧည့်ခန်းမ၌ လက်ခံတွေ့ဆုံသည်။

တွေ့ဆုံစဉ် မြန်မာ - အိန္ဒိယ နှစ်နိုင်ငံအကြား ရှိရင်းစွဲချစ်ကြည်ရင်းနှီးမှုများ ပိုမိုမြှင့်တင်ဆောင်ရွက်နိုင်ရေး၊ စိုက်ပျိုးရေး၊ မွေးမြူရေးနှင့် လယ်ယာထွက်ကုန်ပစ္စည်းများ တင်ပို့နိုင်ရေးအတွက် ပူးပေါင်းဆောင်ရွက်သွားမည့်ကိစ္စရပ်များ၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်လျက်ရှိသည့် အခြေအနေများ၊ အသေးစား၊ အငယ်စား၊ အလတ်စားစီးပွားရေးလုပ်ငန်းများနှင့် ကုန်သွယ်မှုမြှင့်တင်ရေးဆိုင်ရာကိစ္စရပ်များနှင့်စပ်လျဉ်း၍ ရင်းနှီးပွင့်လင်းစွာဆွေးနွေးကြပြီး လက်ဆောင်ပစ္စည်းများ အပြန်အလှန်ပေးအပ်ကြသည်။

တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်နှင့် တာဝန်ရှိသူများ တက်ရောက်ကြပြီး အိန္ဒိယနိုင်ငံ ပြည်ပရေးရာဝန်ကြီးဌာန ဒုတိယဝန်ကြီးနှင့်အတူ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E.Mr. Abhay Thakur နှင့် တာဝန်ရှိသူများ တက်ရောက်ကြသည်။

moi

Sat, 11-Apr-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတအသစ် ကတိသစ္စာပြုခြင်းအခမ်းအနားသို့ တက်ရောက်လာကြသည့် နိုင်ငံအသီးသီးမှ ကိုယ်စားလှယ်အဖွဲ့များအား နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေက ညစာစားပွဲဖြင့် တည်ခင်းဧည့်ခံ
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတအသစ် ကတိသစ္စာပြုခြင်းအခမ်းအနားသို့ တက်ရောက်လာကြသည့် နိုင်ငံအသီးသီးမှ ကိုယ်စားလှယ်အဖွဲ့များအား နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေက ညစာစားပွဲဖြင့် တည်ခင်းဧည့်ခံ

နေပြည်တော် ဧပြီ ၁၀

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတအသစ် ကတိသစ္စာပြုခြင်းနှင့် စတင်တာဝန်ယူခြင်း အခမ်းအနားသို့ တက်ရောက်လာကြသည့် နိုင်ငံအသီးသီးမှအစိုးရများ၏အဆင့်မြင့် ကိုယ်စားလှယ်များ၊ ဧည့်သည်တော်များနှင့် သံအမတ်ကြီးများအား နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေက ယနေ့ညနေပိုင်းတွင် နေပြည်တော်ရှိ M Gallery ဟိုတယ်၌ ညစာစားပွဲဖြင့် တည်ခင်းဧည့်ခံသည်။

ညစာစားပွဲ၌ ပြည်ထောင်စုဝန်ကြီးက နှုတ်ခွန်းဆက်အမှာ စကားပြောကြားရာတွင် နိုင်ငံတော်သမ္မတအသစ် ကတိသစ္စာပြုခြင်း အခမ်းအနားသို့ တက်ရောက်လာကြသည့် ဧည့်သည်တော်များနှင့် ၎င်းတို့အား စေလွှတ်သည့် မိတ်ဆွေနိုင်ငံများကို ကျေးဇူးတင်ရှိကြောင်း၊ မြန်မာနိုင်ငံအစိုးရသစ်အနေဖြင့် လွတ်လပ်ပြီး တက်ကြွ၍ ဘက်မလိုက်သော နိုင်ငံခြားရေးမူဝါဒကို ဆက်လက်ကျင့်သုံးမည်ဖြစ်ကြောင်း၊ ငြိမ်းချမ်းစွာ အတူယှဉ်တွဲနေထိုင်ရေးမူများကို လေးစားလိုက်နာပြီး နိုင်ငံအားလုံးနှင့် ချစ်ကြည်ရင်းနှီးမှု၊ ပူးပေါင်းဆောင်ရွက်မှုတို့ကို မြှင့်တင်တည်ဆောက်သွားမည်ဖြစ်ကြောင်း ထည့်သွင်းပြောကြားသည်။

အဆိုပါ ညစာစားပွဲအခမ်းအနားသို့ ရုရှားဒူးမား (အောက်လွှတ်တော်) ဒုတိယဥက္ကဋ္ဌ H.E. Mr. Sholban KARA-OOL၊ ကမ္ဘောဒီးယားတော်ဝင်အစိုးရ၏ အာဆီယံဆိုင်ရာ အထူးကိုယ်စားလှယ် H.E. Kitti Settha Pandita CHAM Prasidh၊ နီကာရာဂွါ နိုင်ငံခြားရေးဝန်ကြီး H.E. Mr. Valdrack Ludwing Jaentschke Whitaker၊ အိန္ဒိယပြည်ပရေးရာဝန်ကြီးဌာန ဒုတိယဝန်ကြီး H.E. Mr. Kirti Vardhan Singh၊ လာအို ဝန်ကြီးချုပ်၏ အထူးကိုယ်စားလှယ်ဝန်ကြီးချုပ်ရုံး ဝန်ကြီးဟောင်း H.E. Mr. Alounkeo KITI-KHOUN၊ ဂျပန်-မြန်မာအသင်း ဒုတိယဥက္ကဋ္ဌ Mr. Yusuke WATANAB တို့ အပါအဝင် တရုတ်၊ ရုရှား၊ အိန္ဒိယ၊ ကမ္ဘောဒီးယား၊ လာအို၊ ထိုင်း၊ အင်ဒိုနီးရှား၊ ဗီယက်နမ်၊ ဘရူနိုင်း၊ ဖိလစ်ပိုင်၊ နီပေါ၊ သီရိလင်္ကာ၊ ကာဇက်စတန်၊ ဂျပန်၊ ကိုရီးယား ဒီမိုကရက်တစ် သမ္မတနိုင်ငံ၊ ဘင်္ဂလားဒေ့ရှ်၊ ပါကစ္စတန်၊ ဘရာဇီး၊ နီကာရာဂွါ၊ ယူအေအီး၊ ဟိုလီဆီး စသည့်နိုင်ငံများမှ အဆင့်မြင့်ကိုယ်စားလှယ်များ ပါဝင်တက်ရောက်ခဲ့ကြသည်။

အဆိုပါ ညစာစားပွဲအခမ်းအနားသို့ ပြည်ထောင်စုဝန်ကြီးနှင့် အတူ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုး၊ စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံ၊ နိုင်ငံခြားရေးဝန်ကြီးဌာနမှ ဒုတိယဝန်ကြီးများဖြစ်ကြသည့် ဦးကိုကိုကျော်နှင့် ဦးနိုင်မင်းကျော်တို့ ပါဝင်တက်ရောက်ခဲ့ကြသည်။

ညစာစားပွဲ တည်ခင်းဧည့်ခံ နေစဉ် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာနက မြန်မာ့ရိုးရာတေးသံသာများဖြင့် တီးမှုတ်ဖျော်ဖြေခဲ့သည်။ ပြည်ထောင်စုဝန်ကြီးက ယဉ်ကျေးမှုအဖွဲ့များအား ဂုဏ်ပြုပန်းခြင်း ပေးအပ်ချီးမြှင့်ခဲ့ကြောင်း သိရသည်။

moi

Sat, 11-Apr-2026
နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူ ဦးမင်းအောင်လှိုင်၊ ဒုတိယသမ္မတအဖြစ် ရွေးချယ်တင်မြှောက်ခံထားရသူများဖြစ်သည့် ဦးညိုစောနှင့် ဒေါ်နန်းနီနီအေးတို့ ပြည်ထောင်စုလွှတ်တော်နာယက၏ ရှေ့မှောက်၌ ကတိသစ္စာပြု
နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူ ဦးမင်းအောင်လှိုင်၊ ဒုတိယသမ္မတအဖြစ် ရွေးချယ်တင်မြှောက်ခံထားရသူများဖြစ်သည့် ဦးညိုစောနှင့် ဒေါ်နန်းနီနီအေးတို့ ပြည်ထောင်စုလွှတ်တော်နာယက၏ ရှေ့မှောက်၌ ကတိသစ္စာပြု

နေပြည်တော် ဧပြီ ၁၀

တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေးဆဋ္ဌမနေ့ကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော်အစည်းအဝေးခန်းမ၌ ကျင်းပရာ တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဆောင်ရွက်ချက်များအပါအဝင် လွှတ်တော်လုပ်ငန်းဆိုင်ရာများ ရှင်းလင်းတင်ပြခြင်း၊ နိုင်ငံတော်သမ္မတနှင့် ဒုတိယသမ္မတများအဖြစ် ရွေးချယ်တင်မြှောက်ခံရသူများ ကတိသစ္စာပြုခြင်း၊ ပြည်ထောင်စုအဆင့်အဖွဲ့အစည်းဝင်များအဖြစ် ခန့်အပ်တာဝန်ပေးရန် သဘောတူထားသည့်ပုဂ္ဂိုလ်များ ကတိသစ္စာပြုခြင်းနှင့် နိုင်ငံတော်သမ္မတ မိန့်ခွန်းပြောကြားခြင်းတို့ကို ဆောင်ရွက်ကြသည်။

အစည်းအဝေးတွင် ပြည်ထောင်စုလွှတ်တော်နာယက ဦးအောင်လင်းဒွေးက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဆဋ္ဌမနေ့သို့ တက်ရောက်ခွင့်ရှိသည့် ပြည်ထောင်စုလွှတ်တော် ကိုယ်စားလှယ်ဦးရေ စုစုပေါင်း ၅၈၅ ဦးရှိသည့်အနက် ယနေ့အစည်းအဝေးသို့ ၅၈၃ ဦး တက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်း ကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။

ယနေ့ကျင်းပသည့် ပြည်ထောင်စုလွှတ်တော်အစည်းအဝေးသို့ အထူးဧည့်သည်တော်များအဖြစ် တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး၊ ဒုတိယတပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာလင်း၊ တရုတ်ပြည်သူ့သမ္မတနိုင်ငံသမ္မတ၏ အထူးကိုယ်စားလှယ်၊ တရုတ်ပြည်သူ့နိုင်ငံရေးအတိုင်ပင်ခံ ကွန်ဖရင့် ဒုတိယဥက္ကဋ္ဌ H.E. Mr. Jiang Xinzhi ၊ ဘယ်လာရုစ်အောက်လွှတ်တော်ဥက္ကဋ္ဌ H.E. Mr. Igor Sergeyenko ၊ ရုရှားဖက်ဒရေးရှင်းနိုင်ငံ ဒူးမားအောက်လွှတ်တော် ဒုတိယဥက္ကဋ္ဌ H.E. Mr. Sholban Kara-ool ၊ ကမ္ဘောဒီးယားတော်ဝင်အစိုးရ၏ အာဆီယံဆိုင်ရာ အထူးကိုယ်စားလှယ် H.E. Kitti Settha Pandita Cham Prasidh ၊ ထိုင်းနိုင်ငံ ယခင် ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Dr. Parnpree Bahiddha – Nukara တို့အပါအဝင် နိုင်ငံပေါင်း ၂၃ နိုင်ငံမှ သံအမတ်ကြီး ၁၆ ဦးနှင့် သံတမန်များ၊ ပြည်တွင်း/ပြည်ပအဖွဲ့အစည်းများမှ ကိုယ်စားလှယ်များ တက်ရောက်လေ့လာကြသည်။

ထို့နောက် ပြည်ထောင်စုလွှတ်တော်နာယကက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဆောင်ရွက်ချက်များအပါအဝင် လွှတ်တော်လုပ်ငန်းဆိုင်ရာများ၊ ဥပဒေပြုရေး၊ အုပ်ချုပ်ရေး၊ တရားစီရင်ရေးဆိုင်ရာ ပြည်ထောင်စုအဆင့်အဖွဲ့အစည်းများနှင့်ပုဂ္ဂိုလ်များအား ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်တို့က ဥပဒေနှင့်အညီ ဖွဲ့စည်းရွေးချယ်တင်မြှောက်ခြင်းနှင့် သဘောတူညီချက်ရယူခြင်းကိစ္စရပ်များ၊ ယင်းကိစ္စရပ်များအပေါ် အမျိုးသားကာကွယ်ရေးနှင့်လုံခြုံရေးကောင်စီ ယာယီသမ္မတထံမှပေးပို့သည့် အကြောင်းပြန်ကြားစာ၊ အမျိုးသားကာကွယ်ရေးနှင့် လုံခြုံရေးကောင်စီ၏ ကြေညာချက်အမှတ် (၃/၂၀၂၆) တို့နှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။

ယင်းနောက် နိုင်ငံတော်သမ္မတအဖြစ် ရွေးချယ်တင်မြှောက်ခံရသူ ဦးမင်းအောင်လှိုင်၊ ဒုတိယသမ္မတအဖြစ် ရွေးချယ်တင်မြှောက်ခံရသူများဖြစ်သည့် ဦးညိုစောနှင့် ဒေါ်နန်းနီနီအေးတို့က ပြည်ထောင်စုလွှတ်တော် နာယက၏ရှေ့မှောက်၌ ကတိသစ္စာပြုကြသည်။

ဆက်လက်၍ ပြည်ထောင်စုလွှတ်တော်နာယကက ခန့်အပ်တာဝန်ပေးရန် သဘောတူထားသည့် ပြည်ထောင်စုဝန်ကြီးများအား ဝန်ကြီးဌာနအလိုက် တာဝန်ချထားမှုအမိန့်များကို ဖတ်ကြားတင်ပြသည်။

ထို့နောက် ပြည်ထောင်စုအဆင့် အဖွဲ့အစည်းဝင်များအဖြစ် ခန့်အပ်တာဝန်ပေးရန် သဘောတူထားသည့် ပြည်ထောင်စုတရားသူကြီးချုပ်၊ နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံးဥက္ကဋ္ဌ၊ ပြည်ထောင်စုရွေးကောက်ပွဲကော်မရှင်ဥက္ကဋ္ဌ၊ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ ပြည်ထောင်စုစာရင်းစစ်ချုပ်၊ မြန်မာနိုင်ငံတော်ဗဟိုဘဏ်ဥက္ကဋ္ဌ၊ အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ၊ ပြည်ထောင်စုတရားလွှတ်တော်ချုပ် တရားသူကြီးများ၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးအဖွဲ့ဝင်များ၊ ပြည်ထောင်စုရွေးကောက်ပွဲကော်မရှင်အဖွဲ့ဝင်များ၊ မြန်မာနိုင်ငံတော် ဗဟိုဘဏ်ဒုတိယဥက္ကဋ္ဌများ၊ အဂတိလိုက်စားမှုတိုက်ဖျက်ရေးကော်မရှင် အဖွဲ့ဝင်များသည် ပြည်ထောင်စုလွှတ်တော်နာယက၏ ရှေ့မှောက်၌ ကတိသစ္စာပြုကြသည်။

ယင်းနောက် နိုင်ငံတော်သမ္မတ ဦးမင်းအောင်လှိုင်က မိန့်ခွန်းပြောကြားသည်။

ဆက်လက်၍ ပြည်ထောင်စုလွှတ်တော်နာယကက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဆဋ္ဌမနေ့တွင် ပြောကြားခဲ့သည့် နိုင်ငံတော်သမ္မတ၏ မိန့်ခွန်းကို လွှတ်တော်၏ သဘောထားရယူပြီး မှတ်တမ်းတင်သည်။

ထို့နောက် ပြည်ထောင်စုလွှတ်တော်နာယကက နှုတ်ခွန်းဆက်အမှာစကားပြောကြားရာတွင် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ ၂၀၀၈ ခုနှစ်အရ ဖွဲ့စည်းပေါ်ပေါက် လာသည့် တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး၏ လုပ်ငန်းများသည် ယနေ့တွင် ပြီးဆုံးပြီဖြစ်ပါကြောင်း၊ လွှတ်တော်ကိုယ်စားလှယ်များအနေဖြင့် ယနေ့ကျင်းပပြီးစီးသည့် လွှတ်တော်အစည်းအဝေးများကတစ်ဆင့် အတွေ့အကြုံများရရှိပြီး ပြည်သူ့အကျိုးကို မျှော်ကိုး ဆောင်ရွက်နိုင်ကြလိမ့်မည်ဟု ယုံကြည်ပါကြောင်း၊ ပြည်ထောင်စုလွှတ်တော်ဆိုသည်မှာ ပြည်သူ့လွှတ်တော်၊ အမျိုးသားလွှတ်တော်တို့တွင် ပြည်ထောင်စုအစိုးရအဖွဲ့အပါအဝင် ပြည်ထောင်စုအဆင့်အဖွဲ့အစည်းများနှင့် လွှတ်တော်ကိုယ်စားလှယ်များ တင်ပြ ဆွေးနွေးအတည်ပြုကြသည့် ဥပဒေကြမ်းများကို ဥပဒေတစ်ခုဖြစ်လာရန် အပြီးသတ်အတည်ပြုပေးသည့် လွှတ်တော်ကြီးဖြစ်ပါကြောင်း။

ဖွဲ့စည်းပုံအခြေခံဥပဒေပုဒ်မ ၁၂ အရ ပြည်ထောင်စုလွှတ်တော်တွင် ဥပဒေပြုရေး အာဏာရှိပြီး ပုဒ်မ ၉၆ အရ ဇယား (၁) တွင် ပါရှိသည့် ကိစ္စရပ်များကို ဥပဒေပြုခွင့်ရှိခြင်းကြောင့် ဇယား (၁) တွင်ပါရှိသည့် ကဏ္ဍရပ်၊ ကိစ္စရပ်များကို ထဲထဲဝင်ဝင်လေ့လာထားကြရန် လိုအပ်ပါကြောင်း၊ ထို့ကြောင့် ဥပဒေကြမ်းရေးဆွဲရေးဆိုင်ရာ သဘောလက္ခဏာများ၊ ဥပဒေရေးထုံးများကိုလည်း လေ့လာထားကြရန်လိုအပ်ပါကြောင်း၊ ယခုကျင်းပပြီးစီးခဲ့သည့် လွှတ်တော်အစည်းအဝေးများတွင် ဥပဒေပြုရေး၊ အုပ်ချုပ်ရေး၊ တရားစီရင်ရေးဆိုင်ရာကိစ္စရပ်များနှင့် စပ်လျဉ်းပြီး ပြည်ထောင်စုလွှတ်တော်မှ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ပေးခြင်း၊ အစိုးရအဖွဲ့ဖွဲ့စည်းနိုင်ရေး ဆောင်ရွက်ပေးခြင်း၊ လွှတ်တော်ကော်မတီများဖွဲ့စည်းခြင်း၊ တရားရေးရာအဖွဲ့အစည်းများ ပေါ်ပေါက်လာရေး ဆောင်ရွက်ပေးခြင်း စသည်တို့ကို ဆောင်ရွက်ပေးနိုင်ခဲ့သည့်အတွက်လည်း လွှတ်တော်ကိုယ်စားလှယ်များ ကိုယ်စားများစွာ ဂုဏ်ယူဝမ်းမြောက်မိပါကြောင်း။

ပြည်ထောင်စုလွှတ်တော်ဆိုသည်မှာ ပြည်သူ့လွှတ်တော်နှင့် အမျိုးသားလွှတ်တော်တို့ ပူးတွဲဆောင်ရွက်ကြသည့် လွှတ်တော်ဖြစ်သည်နှင့်အညီ နိုင်ငံတော်၏ အမျိုးသားအကျိုးစီးပွား၊ နိုင်ငံတော်နှင့် နိုင်ငံသားများ၏ အကျိုးစီးပွားကို ဖော်ဆောင်နိုင်ရန်အတွက် လက်တွဲညီညီ ဆောင်ရွက်သွားကြရမည်ဖြစ်ပါကြောင်း၊ ဖွဲ့စည်းပုံအခြေခံဥပဒေပုဒ်မ ၁၁၊ ပုဒ်မခွဲ (က) တွင် နိုင်ငံတော်၏ ခက်မသုံးဖြာဖြစ်သည့် ဥပဒေပြုရေးအာဏာ၊ အုပ်ချုပ်ရေးအာဏာနှင့် တရားစီရင်ရေးအာဏာများကို တတ်နိုင်သမျှ ပိုင်းခြားသုံးစွဲခြင်းနှင့် အချင်းချင်း အပြန်အလှန်ထိန်းကျောင်းခြင်းတို့ပြုသည်ဆိုသည့် ပြဋ္ဌာန်းချက်အရ အချင်းချင်း အပြန်အလှန်ထိန်းကျောင်း သည်ဆိုရာတွင်လည်း ကဏ္ဍရပ်တစ်ခုကို အခြားကဏ္ဍရပ်တစ်ခုက ထိပါးရန်မဟုတ်ဘဲ ဥပဒေနှင့်အညီ လျော်ကန်သင့်မြတ်မှုရှိရေး အပြုသဘောအမြင်များနှင့် ဆောင်ရွက်သွားကြရန်သာ ဖြစ်ပါကြောင်း။

နိဂုံးချုပ်အနေဖြင့် မိမိတို့အရပ်ဒေသအသီးသီးသို့ ပြန်ကြမည့် လွှတ်တော်ကိုယ်စားလှယ် များအနေဖြင့် လိုရာခရီးကို ဘေးမသီရန်မခ၊ ခလုတ်မထိ ဆူးမငြိဘဲ ရောက်ရှိကြပါစေ။ မိမိတို့ကို တင်မြှောက်လိုက်သည့် ပြည်သူများ၏ ဘဝကိုအနီးကပ်လေ့လာပြီး ပြည်သူ့အကျိုးကို သယ်ပိုး စောင့်ရှောက်နိုင်ကြပါစေ ဟု ပြောကြားရင်း နှုတ်ဆက်လိုက်ပါကြောင်း ပြောကြားသည်။

ယင်းနောက် ပြည်ထောင်စုလွှတ်တော်နာယကက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဆဋ္ဌမနေ့ပြီးဆုံးကြောင်းနှင့် တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ကျင်းပပြီးစီးကြောင်း လွှတ်တော်သို့ အသိပေးကြေညာပြီး အစည်းအဝေးကို ရုပ်သိမ်းလိုက်သည်။

အစည်းအဝေးအပြီးတွင် တတိယအကြိမ် လွှတ်တော်များ၏ ပထမပုံမှန်အစည်းအဝေးများ အောင်မြင်စွာပြီးမြောက်ခြင်း ဂုဏ်ပြုနေ့လယ်စာစားပွဲကို လွှတ်တော်အဆောက်အအုံ ထမင်းစား ခန်းမဆောင်ကြီး၌ကျင်းပရာ နိုင်ငံတော်သမ္မတ၊ ဒုတိယသမ္မတများ၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ ပြည်သူ့လွှတ်တော် ဒုတိယဥက္ကဋ္ဌ၊ အမျိုးသားလွှတ်တော် ဒုတိယဥက္ကဋ္ဌ၊ တပ်မတော်ကာကွယ်ရေးဦးစီးချုပ်၊ ဒုတိယတပ်မတော်ကာကွယ်ရေးဦးစီးချုပ်၊ ပြည်ထောင်စုအဆင့် အဖွဲ့အစည်းဝင်များ၊ လွှတ်တော်ကိုယ်စားလှယ်များ၊ နိုင်ငံတကာမှ အထူးဧည့်သည်တော်များ၊ သံတမန်များ၊ ပြည်တွင်း/ ပြည်ပ အဖွဲ့အစည်းများမှ ကိုယ်စားလှယ်များ တက်ရောက်ကြသည်။

ဂုဏ်ပြုနေ့လယ်စာ မသုံးဆောင်မီနှင့် သုံးဆောင်နေစဉ်အတွင်း မြန်မာ့အသံနှင့်ရုပ်မြင်သံကြားနိုင်ငံတော်သံစုံတီးဝိုင်းနှင့်အတူ အနုပညာရှင်များက တေးသံသာများဖြင့် သီဆိုကပြ ဖျော်ဖြေကြသည်။

moi

Sat, 11-Apr-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်၏ မိန့်ခွန်းနာခံခြင်းနှင့် ကတိသစ္စာပြုခြင်းအခမ်းအနားကျင်းပ ပြည်ထောင်စုရာထူးဝန်အဖွဲ့ဥက္ကဋ္ဌ၊ နေပြည်တော်ကောင်စီဥက္ကဋ္ဌ၊ ဒုတိယဝန်ကြီးများ၊ ဒုတိယစာရင်းစစ်ချုပ်၊ ပြည်ထောင်စုရာထူးဝန်အဖွဲ့ အဖွဲ့ဝင်များနှင့် နေပြည်တော်ကောင်စီအဖွဲ့ဝင်များအဖြစ် ခန့်အပ်တာဝန်ပေးရန် ရွေးချယ်ထားသောပုဂ္ဂိုလ်များ နိုင်ငံတော်သမ္မတ၏ ရှေ့မှောက်၌ ကတိသစ္စာပြု
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်၏ မိန့်ခွန်းနာခံခြင်းနှင့် ကတိသစ္စာပြုခြင်းအခမ်းအနားကျင်းပ ပြည်ထောင်စုရာထူးဝန်အဖွဲ့ဥက္ကဋ္ဌ၊ နေပြည်တော်ကောင်စီဥက္ကဋ္ဌ၊ ဒုတိယဝန်ကြီးများ၊ ဒုတိယစာရင်းစစ်ချုပ်၊ ပြည်ထောင်စုရာထူးဝန်အဖွဲ့ အဖွဲ့ဝင်များနှင့် နေပြည်တော်ကောင်စီအဖွဲ့ဝင်များအဖြစ် ခန့်အပ်တာဝန်ပေးရန် ရွေးချယ်ထားသောပုဂ္ဂိုလ်များ နိုင်ငံတော်သမ္မတ၏ ရှေ့မှောက်၌ ကတိသစ္စာပြု

နေပြည်တော် ဧပြီ ၁၀

ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင်၏ မိန့်ခွန်းနာခံခြင်းနှင့် ကတိသစ္စာပြုခြင်းအခမ်းအနားကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတ၏ ဧည့်ဆောင်တော်၌ ကျင်းပပြုလုပ်သည်။

ဦးစွာ နိုင်ငံတော်သမ္မတ ဦးမင်းအောင်လှိုင် လိုက်ပါလာသည့် အထူးယာဉ်တန်းသည် ဂုဏ်ပြုမြင်းစီးတပ်ဖွဲ့၏ ဦးဆောင်ကြိုဆိုမှုဖြင့် နိုင်ငံတော်သမ္မတ၏ ဧည့်ဆောင်တော်ရှိ ဂုဏ်ပြုဆောင်ခန်းမကြီးသို့ ရောက်ရှိလာရာ ဒုတိယသမ္မတ ဦးညိုစော၊ နိုင်ငံတော်သမ္မတရုံး ပြည်ထောင်စုဝန်ကြီး ဦးခင်မောင်ရီတို့က ကြိုဆိုနှုတ်ဆက်ကြသည်။

ထို့နောက် နိုင်ငံတော်သမ္မတ ဦးမင်းအောင်လှိုင်သည် ဂုဏ်ပြုခံစင်မြင့်၌ နေရာယူပြီး ဂုဏ်ပြုတပ်ဖွဲ့၏ အလေးပြုခြင်းကိုခံယူသည်။ ထိုသို့ ဂုဏ်ပြုတပ်ဖွဲ့၏ အလေးပြုခြင်းကို ခံယူနေချိန်တွင် ဂုဏ်ပြုအမြောက်တပ်ဖွဲ့မှလည်း အမြောက် ၂၁ ချက်ကို စစ်ရေးပြအခမ်းအနားဖြင့် ဂုဏ်ပြုပစ်ဖောက်သည်။

အပြည့်အစုံဖတ်ရှုရန်- https://www.moi.gov.mm/news/81661

Fri, 10-Apr-2026
ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့်လုံခြုံရေးကောင်စီ ကြေညာချက်အမှတ် ၃ / ၂၀၂၆
ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့်လုံခြုံရေးကောင်စီ ကြေညာချက်အမှတ် ၃ / ၂၀၂၆
Fri, 10-Apr-2026
(၈-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့်ပမာဏနှင့်‌ ငွေလဲလှယ်နှုန်းများ
(၈-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့်ပမာဏနှင့်‌ ငွေလဲလှယ်နှုန်းများ

(၈-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့်ပမာဏနှင့်‌ ငွေလဲလှယ်နှုန်းများ

 

-          ဈေးကွက်အတွင်း   ရောင်းဝယ်သည့်ပမာဏမှာ   စားသုံးဆီ၊ စက်သုံးဆီ၊  ဓာတ်မြေဩဇာ၊ ဆေးနှင့် ဆေးဝါးကုန်ကြမ်းပစ္စည်း၊  ဆက်သွယ်ရေး လုပ်ငန်းသုံးပစ္စည်း၊  စက်မှုကုန်ကြမ်း၊ ကား/ဆိုင်ကယ်အပိုပစ္စည်းနှင့် စားသုံးကုန်စည်များ တင်သွင်းခြင်းအတွက် ရောင်းချပေးခဲ့ခြင်းဖြစ်ပါသည်။ CMP ကဏ္ဍဝင်ရောက်ငွေမှ  စားသုံးဆီကဏ္ဍသို့  အမေရိကန်ဒေါ်လာ  သုည ဒသမ ၇၅ သန်းကို လည်းကောင်း၊ ဗဟိုဘဏ်မှ ဆောက်လုပ်ရေးကဏ္ဍသို့  ထိုင်းဘတ် ၃ ဒသမ ၃၄  သန်းကိုလည်းကောင်း ရောင်းချပေးခဲ့ပါသည်။                                                                                                                                                                                                                  

    မြန်မာနိုင်ငံတော်ဗဟိုဘဏ် 

Thu, 9-Apr-2026
ကျောက်ဆည်မြို့နယ် တိုက်နယ် (၃) ၌ မိုးကြိုသီးနှံမျိုးစုံ ၅၇၂၂ ဧက စိုက်ပျိုးပြီးဖြစ်
ကျောက်ဆည်မြို့နယ် တိုက်နယ် (၃) ၌ မိုးကြိုသီးနှံမျိုးစုံ ၅၇၂၂ ဧက စိုက်ပျိုးပြီးဖြစ်

ကျောက်ဆည်၊ ဧပြီ ၈

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ် တိုက်နယ် (၃) ၌ ၂၀၂၅-၂၀၂၆ ခုနှစ် မိုးကြို ရာသီတွင် ဒေသနှင့်ကိုက်ညီသည့်သီးနှံများ မျိုးစုံစိုက်ပျိုးလျက်ရှိရာ မတ် ၃၀ ရက်နေ့ ကွင်းဆင်းစစ်ဆေး တိုင်းတာမှု များအရ မိုးကြိုသီးနှံမျိုးစုံ ၅၇၂၂ ဧက စိုက်ပျိုးပြီးဖြစ်ကြောင်း မြို့နယ်မြေစာရင်း ဦးစီးဌာနမှ သိရသည်။

မိုးကြိုသီးနှံစိုက်ပျိုးရာ၌ နွေစပါး ၃၅၃ ဧက၊ နွေနှမ်း ၄၀၂၈ ဧက၊ မိုးကြိုပဲတီစိမ်း ၁၃၁၁ ဧက စုစုပေါင်း ၅၆၉၂ ဧက စိုက်ပျိုးရန် လျာထားခဲ့ရာ နွေစပါး ၁၉၅ ဧက၊ နွေနှမ်း ၃၇၈၂ ဧက၊ မိုးကြိုပဲတီစိမ်း ၁၆၈၉ ဧက၊ ငရုတ်သီးနှံ စိုက်ခင်း ၃၀ ဧကနှင့် ဟင်းသီးဟင်းရွက် ၂၆ ဧက စုစုပေါင်း ၅၇၂၂ ဧက စိုက်ပျိုး ပြီးကြောင်း သိရသည်။

တိုက်နယ်(၃)၌ လက်ပန်ပင်၊ မယ်ဇယ်ပင်၊ တံစိုး၊ သူငယ်တော်၊ ပွတ္တိုင်၊ မြောင်းဦး၊ အနောက်သာဂရ၊ ရွာပုလဲ၊ ကတဲ၊ ပနန်ကျေးရွာအုပ်စုများပါဝင်ပြီး မိုးကြိုရာသီ၌ လျာထားသီးနှံမျိုးစုံစိုက်ဧကများ ပြည့်မီ ကျော်လွန်စွာ စိုက်ပျိုး နိုင်ရေး မြို့နယ်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ စိုက်ပျိုးရေများ ပြည့်ဝစွာ ပေးဝေလျက် ရှိကြောင်း သိရသည်။

သက်မောင်(ကျောက်ဆည်)

 

Wed, 8-Apr-2026
ကျောက်ဆည်မြို့နယ်၌ နနွင်းတစ်ဧက တူးဖော်ရာ နနွင်းတက်အစို ၄၀၀၀ ပိသာ ထွက်ရှိ
ကျောက်ဆည်မြို့နယ်၌ နနွင်းတစ်ဧက တူးဖော်ရာ နနွင်းတက်အစို ၄၀၀၀ ပိသာ ထွက်ရှိ

ကျောက်ဆည်၊ ဧပြီ ၇

မန္တလေးတိုင်းဒေသကြီး၊ ကျောက်ဆည်မြို့နယ်တွင် ဆန်စပါး၊ နှံစားပြောင်း၊ ပြောင်းဖူး၊ ဆီထွက် သီးနှံအမျိုးမျိုး၊ ပဲအမျိုးမျိုး၊ ငရုတ်၊ ချည်မျှင်ရှည်ဝါ၊ ငှက်ပျော၊ သရက်၊ ကွမ်း၊ ရှောက်၊ သံပရာ၊ နနွင်း စသည့် သီးနှံမျိုးစုံ စိုက်ပျိုးလျက်ရှိရာ ယာမြေအချို့၌ နနွင်းသီးနှံများ စိုက်ပျိုးထားရှိကြောင်းနှင့် စပါယ်တောကျေးရွာ တောင်သူ ဦးကျော်မင်း စိုက်ပျိုးထားသော နနွင်းစိုက်ခင်းအား တူးဖော်ရာ တစ်ဧက နနွင်းတက်အစို ၄၀၀၀ ပိသာထွက်ရှိ ကြောင်း သိရသည်။

နနွင်းသီးနှံ မြေကြီးထဲတွင် အတက်ပွားပြီး တူးဖော်သိမ်းဆည်းရသည့် သီးနှံဖြစ်ပြီး မြေကြီးထဲတွင် အတက်ပွား နိုင်ရေး အမြင့်(၁)ပေ၊ အကျယ်(၃)ပေခန့် မြေဘောင်များပြုလုပ်ကာ ရေသွင်းစိုက်ပျိုးရကြောင်း၊ စိုက်ပျိုးရာတွင် နနွင်းမျိုးခေါင်းများအား ခွဲခြမ်း၍စိုက်ပျိုးခြင်းနှင့် နနွင်းမျိုးအတက်များအား စိုက်ပျိုးခြင်းဟူ၍ မျိုး ၂ မျိုးဖြင့် စိုက်ပျိုးကြကြောင်းနှင့် နနွင်းမျိုးခေါင်းဖြင့် စိုက်ပျိုးပါက တစ်ဧကမျိုးခေါင်း ၅၀၀ပိသာခန့် စိုက်ပျိုးရပြီး၊ နနွင်း အတက်မျိုးဖြင့်စိုက်ပျိုးပါက ၆၀၀ ပိသာခန့် စိုက်ပျိုးရကြောင်း၊ စိုက်ပျိုးရာ၌ တစ်ပင်နှင့် တစ်ပင်၊ တစ်တန်းနှင့် တစ်တန်း ၅လက်မအကွာ စိုက်ပျိုးရကြောင်း၊ စိုက်ပျိုးပြီး ၈ လ ကျော်တွင်နနွင်းအတက်များ တူးဖော်နိုင်ပြီး တစ်ဧက နနွင်းတက်အစို ၃၇၀၀ ပိသာမှ  ၄၀၀၀ ပိသာ ထွက်ရှိကြောင်း နနွင်းစိုက် တောင်သူများထံမှ သိရသည်။

ကျောက်ဆည်မြို့နယ်အနေဖြင့် နနွင်းသီးနှံများကို ပေါင်လောင်ကြီး၊ ပွတ္တိုင်၊ ညောင်ဝန်း၊ ကြောင်ပန်းကုန်း၊ သင်္ဂတုံ၊ အရှေ့သာဂရ၊ ကလေး၊ မှိုင်းပန်၊ ပြည်တော်သာ၊ ရှမ်းတောင်ဦး၊ ကုလားကျောင်း၊ ဟံမြင့်မိုရ်၊ လယ်ကြီး၊ ပုန်းညက်ကျေး၊ ကျားကာ၊ သံရွာ၊ ခါးတက်ကုန်း၊ ဆူးလေကုန်း၊ ပေါက်ပင်ကွေ့၊ မြေစိုမိုး၊ ပဲခင်းကျေးရွာများတွင်  အများဆုံး စိုက်ပျိုးကြကြောင်း  မြို့နယ်စိုက်ပျိုးရေးဦးစီးဌာနမှ သိရှိရသည်။

သက်မောင်(ကျောက်ဆည်)

 

Tue, 7-Apr-2026
နတ်တလင်းမြို့၌ ရေဆင်းပေါ်ဆန်း-၁ နှင့် ရေဆင်းပေါ်ဆန်း-၂ စပါးမျိုးများစိုက်ပျိုး
နတ်တလင်းမြို့၌ ရေဆင်းပေါ်ဆန်း-၁ နှင့် ရေဆင်းပေါ်ဆန်း-၂ စပါးမျိုးများစိုက်ပျိုး

နတ်တလင်း ဧပြီ ၆

 

ပဲခူးတိုင်းဒေသကြီး နတ်တလင်းမြို့နယ်တွင် ၂၀၂၅-၂၀၂၆ နွေစပါးစိုက်ပျိုးရာသီ၌ (နွေစပါး၊ မိုးစပါး) အဖြစ်စိုက်ပျိုးနိုင်ပြီး အထွက်နှုန်းနှင့် အရည်အသွေးကောင်းပြီး ဈေးကွက်ဝယ်လိုအားမြင့်မားသော စပါးမျိုးများဖြစ်သည့် ရေဆင်းပေါ်ဆန်း-၁ စပါးမျိုး၊ မျိုးသန့်ပွားစိုက်ပျိုး ထုတ်လုပ်ခြင်း ဧက ၄၀ နှင့် ရေဆင်းပေါ်ဆန်း-၂ စပါးမျိုး ၁၅ ဧကတို့ မျိုးသန့်ပွား စိုက်ပျိုးထုတ်လုပ်လျက်ရှိသည်။

 

နတ်တလင်းမြို့နယ်အနေဖြင့် ၂၀၂၆- ၂၀၂၇ မိုးစပါးစိုက်ပျိုးရာသီတွင် အထွက်ကောင်း၊ အရည်အသွေးကောင်း ရေဆင်းပေါ်ဆန်း-၁ စပါးမျိုး ၁၈၁ ဧက၊ ရေဆင်းပေါ်ဆန်း-၂ စပါးမျိုး ၁၈၂ ဧက၊ တောင်ပျံမွှေး စပါးမျိုး ဧက ၅၀ နှင့် ငကျွဲမွှေးစပါးမျိုး ဧက ၃၀ တို့ကို ဆက်လက်မျိုးသန့်ပွားစိုက်ပျိုးသွားရန် လျာထားဆောင်ရွက်လျက်ရှိရာ သဘာဝမြေဩဇာနှင့် ဓာတ်မြေဩဇာများ အချိန်ကိုက်အချိုးညီ ထည့်သွင်းခြင်းနှင့် သဘာဝမြေဆွေး ပြုလုပ်သုံးစွဲတတ်စေရန် နည်းပညာပေးလုပ်ငန်းများ ဆောင်ရွက်ပေးလျက်ရှိကြောင်း သိရသည်။

ဝေယံဖြိုး(ပြန်/ဆက်)

MDN

Tue, 7-Apr-2026
(၆-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့် ပမာဏနှင့်‌ ငွေလဲလှယ်နှုန်းများ
(၆-၄-၂၀၂၆) ရက်နေ့ရှိ နိုင်ငံခြားငွေကြေး စျေးကွက်အတွင်း ရောင်းဝယ်သည့် ပမာဏနှင့်‌ ငွေလဲလှယ်နှုန်းများ

-          ဈေးကွက်အတွင်း ရောင်းဝယ်သည့်ပမာဏမှာ စားသုံးဆီ၊ စက်သုံးဆီ၊ ဓာတ်မြေဩဇာ၊ ဆေးနှင့်ဆေးဝါးပစ္စည်း ကုန်ကြမ်းပစ္စည်း၊ တိရစ္ဆာန်အစာ ၊ စက်မှုကုန်ကြမ်း၊ ကား/ဆိုင်ကယ်အပိုပစ္စည်း၊ အီလက်ထရောနစ်ပစ္စည်းနှင့် စားသုံးကုန်စည်များတင်သွင်းခြင်းအတွက်ရောင်းချပေးခဲ့ခြင်းဖြစ်ပါသည်။ CMP ကဏ္ဍဝင်ရောက်ငွေမှ စားသုံးဆီကဏ္ဍသို့ အမေရိကန်ဒေါ်လာ ၂.၉၉ သန်းကိုလည်းကောင်း၊ စက်သုံးဆီကဏ္ဍသို့ အမေရိကန်ဒေါ်လာ ၀.၂၆ သန်းကိုလည်းကောင်း၊ ပုံနှိပ်ပစ္စည်းကဏ္ဍ၊ စားသောက်ကုန်ကြမ်းကဏ္ဍ၊ လျှပ်စစ်ပစ္စည်းကဏ္ဍ၊ ဆေးနှင့်ဆေးဝါးပစ္စည်းကဏ္ဍ၊ စက်မှုကုန်ကြမ်းကဏ္ဍနှင့် ဆောက်လုပ်ရေး ကဏ္ဍတို့သို့ အမေရိကန်ဒေါ်လာ ၀.၃၅ သန်းကိုလည်းကောင်း ရောင်းချပေးခဲ့ပါသည်။

 မြန်မာနိုင်ငံတော်ဗဟိုဘဏ်                               

Tue, 7-Apr-2026
တောင်ကြီးမြို့၌ ရုရှားနေကြာစမ်းသပ်စိုက်ခင်းအား ကွင်းဆင်းကြည့်ရှု
တောင်ကြီးမြို့၌ ရုရှားနေကြာစမ်းသပ်စိုက်ခင်းအား ကွင်းဆင်းကြည့်ရှု

တောင်ကြီး ဧပြီ ၅

 

ရှမ်းပြည်နယ် တောင်ကြီးမြို့နယ် ဆူးပုတ်ကွေ့ကျေးရွာရှိ သိန်းဓနထွန်းလယ်ယာနှင့် အထွေထွေလုပ်ငန်း သမဝါယမအသင်းနှင့် ညောင်ရွှေမြို့နယ် မိုင်းသောက်ကျေးရွာရှိ ပင်မြင့်စံငွေစုငွေချေး သမဝါယမအသင်းတို့မှ စိုက်ပျိုးထားသော ရုရှားနေကြာမျိုး စမ်းသပ်စိုက်ခင်းအား ရှမ်းပြည်နယ် သမဝါယမဦးစီးဌာနမှ ပြည်နယ်ဦးစီးမှူး ဦးကျော်မိုးတင့်၊ မြို့နယ်အဆင့် တာဝန်ရှိသူများနှင့် အသင်းမှတာဝန်ရှိသူများသည် အသင်းသားများ စိုက်ပျိုးထားသည့် ရုရှားနေကြာ စမ်းသပ်စိုက်ပျိုးထားရှိမှု အခြေအနေများကို ယနေ့နံနက်ပိုင်းက ကွင်းဆင်း ကြည့်ရှုစစ်ဆေးသည်။

 

ကွင်းဆင်းကြည့်ရှု

ထိုသို့ ကြည့်ရှုရာတွင် ပြည်နယ်ဦးစီးမှူး ဦးကျော်မိုးတင့်က အပင်၏ အသက်ရက်အလိုက် ကျွေးရမည့် အစာအာဟာရများ အချိုးကျ အချိန်ကိုက်ကျွေးရန်၊ ပိုးမွှားရောဂါ မကျရောက်စေရေး အထူးဂရုပြု ဆောင်ရွက်ရန်၊ ရာသီကုန်ချိန်တွင် သတ်မှတ်အထွက်နှုန်းရရှိရေး ဦးတည်ကြိုးပမ်း ကြပ်မတ်ဆောင်ရွက်သွားကြရန်နှင့် အပွင့်ပွင့်ချိန် အပွင့်အားဆေး၊ ငှက်၊ ကြွက်ရန် ကာကွယ်ရေး၊ ရေလုံလောက်စွာရရှိရေး၊ ပျားပုံးများထားရှိမှု အခြေအနေများကို ကွင်းဆင်းကြည့်ရှုခဲ့ကြောင်း သိရသည်။

ဝိုးတောင်း

MDN

Mon, 6-Apr-2026
ကျောက်ဆည်မြို့နယ်၌ ကောက်စိုက်စက်ဖြင့် နွေစပါးစိုက်ပျိုး သရုပ်ပြသခြင်းနှင့် ဓာတ်မြေဩဇာ ထောက်ပံ့ပေးအပ်ပွဲ အခမ်းအနား ကျင်းပ
ကျောက်ဆည်မြို့နယ်၌ ကောက်စိုက်စက်ဖြင့် နွေစပါးစိုက်ပျိုး သရုပ်ပြသခြင်းနှင့် ဓာတ်မြေဩဇာထောက်ပံ့ပေးအပ်ပွဲအခမ်းအနား ကျင်းပ

ကျောက်ဆည်၊ ဧပြီ ၃

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ် ပတ္တာကျေးရွာ ကွင်းအမှတ်(၂၀၉-ခ)၊ ဦးပိုင် အမှတ်(၂၆)၊ တောင်သူဦးခင်မောင်အေး၏ စိုက်ကွင်းတွင် ယနေ့နံနက်ပိုင်းက ကောက်စိုက်စက် ဖြင့် နွေစပါး စိုက်ပျိုးသရုပ်ပြသခြင်းနှင့် သွင်းအားစု ဓာတ်မြေဩဇာပေးအပ်ပွဲအခမ်းအနား ကျင်းပပြုလုပ်ခဲ့ကြောင်း သိရသည်။

အခမ်းအနားတွင် ကျောက်ဆည်မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးထိုက်ထိုက်ဇော် က နွေသီးနှံစိုက်ပျိုးရာသီ၌ ပန်းတိုင်အထွက်နှုန်းရရှိရေး၊ ကုန်ကျစရိတ်သက်သာပြီး လယ်ယာလုပ်သား ရှားပါးမှု ပြသနာ ဖြေရှင်းနိုင်ရန်အတွက် ကောက်စိုက်စက်ဖြင့် နွေစပါးစိုက်ပျိုးသရုပ်ပြပွဲကျင်းပပြုလုပ် ရခြင်းဖြစ်ကြောင်း အမှာစကားပြောကြားခဲ့ပြီး အင်းကုန်းစက်ရုံ(ကျောက်ဆည်)မှ စက်ရုံးမှူးဦးမျိုးလွင်ဦး က ကောက်စိုက်စက် တီထွင် ထုတ်လုပ်မှုများနှင့်ပတ်သတ်၍ ရှင်းလင်းပြောကြားခဲ့သည်။

ဆက်လက်ပြီး ကျောက်ဆည်ခရိုင်စိုက်ပျိုးရေးဦးစီးဌာနမှ ခရိုင်ဦးစီးမှူးဒေါ်ခင်ငြိမ်းထွေးက ကောက်စိုက်စက်ဖြင့် နွေစပါးစိုက်ပျိုးခြင်း၏ အားသာချက်များအား ရှင်းလင်းပြောကြားခဲ့ပြီး တောင်သူများအား သွင်းအားစု ဓာတ်မြေဩဇာ များအား ထောက်ပံ့ပေးအပ်ခဲ့သည်။

ထို့နောက် မန္တလေးတိုင်းဒေသကြီးဝန်ကြီးချုပ်၏ ထောက်ပံ့ပေးထားသော အင်းကုန်းစက်ရုံ (ကျောက်ဆည်)မှ ထုတ်လုပ်ထားသည့် စိုက်တန်းအရေအတွက် ၈ တန်း၊ တန်းကြား ၂၃၀ မီလီမီတာ၊ ပင်ကြား ၁၀၀ မှ ၁၅၀ မီလီမီတာ၊ မြင်းကောင်ရေ ၅ ကောင် အင်ဂျင်စွမ်းအား ကောက်စိုက်စိုက်ဖြင့် နွေစပါးစိုက်ပျိုးသရုပ်ပြသပွဲပြုလုပ်ခဲ့ကြောင်းနှင့် အဆိုပါကောက်စိုက်စက်ဖြင့် စပါးစိုက်ပျိုးရာ၌ တစ်ဧက ၁ ဒဿမ ၅၀ နာရီမှ ၁ ဒဿမ ၇၅ နာရီခန့် ကြာမြင့်ကြောင်း သိရသည်။

သက်မောင်(ကျောက်ဆည်)

Fri, 3-Apr-2026
မြန်မာသက္ကရာဇ် ၁၃၈၇ ခုနှစ်၊ မဟာသင်္ကြန်ပွဲတော်နှင့်စပ်လျဉ်း၍ သာသနာရေးနှင့်ယဉ်ကျေးမှုဝန်ကြီးဌာန၏ နှိုးဆော်ချက်
မြန်မာသက္ကရာဇ် ၁၃၈၇ ခုနှစ်၊ မဟာသင်္ကြန်ပွဲတော်နှင့်စပ်လျဉ်း၍ သာသနာရေးနှင့်ယဉ်ကျေးမှုဝန်ကြီးဌာန၏ နှိုးဆော်ချက်

နေပြည်တော်ပြည်သူ့ ဆေးရုံကြီး(ခုတင်-၃၀၀)၌ အပူဒဏ်အန္တရာယ် ကုသရေးအတွက် ဆောင်ရွက်ထားရှိ
နေပြည်တော်ပြည်သူ့ ဆေးရုံကြီး(ခုတင်-၃၀၀)၌ အပူဒဏ်အန္တရာယ် ကုသရေးအတွက် ဆောင်ရွက်ထားရှိ

ချန်ပီယံလိဂ်ကွာတားဖိုင်နယ် ပထမအကျော့တွင် အာဆင်နယ်နဲ့ ဘိုင်ယန်မြူးနစ်တို့ နိုင်ပွဲကိုယ်စီရရှိ
ချန်ပီယံလိဂ်ကွာတားဖိုင်နယ် ပထမအကျော့တွင် အာဆင်နယ်နဲ့ ဘိုင်ယန်မြူးနစ်တို့ နိုင်ပွဲကိုယ်စီရရှိ

မြန်မာနေရှင်နယ်လိဂ်ကလပ် ရတနာပုံအသင်း ရာသီသစ်အတွက် ကစားသမားစတင်ခေါ်ယူ
မြန်မာနေရှင်နယ်လိဂ်ကလပ် ရတနာပုံအသင်း ရာသီသစ်အတွက် ကစားသမားစတင်ခေါ်ယူ

အရှေ့ပိုင်းတိုင်းစစ်ဌာနချုပ် (၁၅) ကြိမ်မြောက် စုပေါင်းဒုလ္လဘရဟန်းခံရှင်ပြု အလှူတော်မင်္ဂလာကျင်းပ
အရှေ့ပိုင်းတိုင်းစစ်ဌာနချုပ် (၁၅) ကြိမ်မြောက် စုပေါင်းဒုလ္လဘရဟန်းခံရှင်ပြု အလှူတော်မင်္ဂလာကျင်းပ

ဘင်္ဂလားဒေ့ရှ်နိုင်ငံတွင် ဝက်သက်ရောဂါ အကြီးအကျယ် ကူးစက် ပြန့်ပွား လျက်ရှိပြီး ၂၄ နာရီအတွင်း သံသယလူနာ ၁,၀၀၀ ကျော် ရှိကြောင်း အစိုးရထုတ်ပြန်
ဘင်္ဂလားဒေ့ရှ်နိုင်ငံတွင် ဝက်သက်ရောဂါ အကြီးအကျယ် ကူးစက်ပြန့်ပွားလျက်ရှိပြီး ၂၄ နာရီအတွင်း သံသယလူနာ ၁,၀၀၀ ကျော် ရှိကြောင်း အစိုးရထုတ်ပြန်

ဘင်္ဂလားဒေ့ရှ်နိုင်ငံတစ်ဝှမ်းတွင် ၂၄ နာရီအတွင်း ဝက်သက်ရောဂါ သံသယရှိသူပေါင်း ၁,၀၀၀ ကျော်ရှိကြောင်း အစိုးရက ထုတ်ပြန်လိုက်ပြီးနောက် နိုင်ငံအတွင်း အကြီးအကျယ် ကူးစက်ပြန့်ပွားနေသည့် ဝက်သက်

ကျောက်ဆည်မြို့၌ ကျင်းပပြုလုပ်မည့် မြန်မာ့ရိုးရာအတာသင်္ကြန်ပွဲတော် လမ်းလျှောက်သင်္ကြန် စည်ကားသိုက်မြိုက်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ
ကျောက်ဆည်မြို့၌ ကျင်းပပြုလုပ်မည့် မြန်မာ့ရိုးရာအတာသင်္ကြန်ပွဲတော် လမ်းလျှောက်သင်္ကြန် စည်ကားသိုက်မြိုက်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေး ကျင်းပ

ကျောက်ဆည်၊ ဧပြီ ၈

ငွေဆောင်ကမ်းခြေသို့ ဇန်နဝါရီလအစမှ မတ်လကုန်အထိ ခရီးသွားဧည့်သည် ၁၁၂၉၃၆ ဦး လာရောက်လည်ပတ်ခဲ့
ငွေဆောင်ကမ်းခြေသို့ ဇန်နဝါရီလအစမှ မတ်လကုန်အထိ ခရီးသွားဧည့်သည် ၁၁၂၉၃၆ ဦး လာရောက်လည်ပတ်ခဲ့

ငွေဆောင် ဧပြီ ၁

 

ဧရာဝတီတိုင်းဒေသကြီး ငွေဆောင်မြို့ရှိ မြန်မာနိုင်ငံ၏ နာမည်ကြီး အပန်းဖြေကမ်းခြေတစ်ခုဖြစ်သော ငွေဆောင်ကမ်းခြေသို့ ဇန်နဝါရီလ အစမှ မတ်လကုန်အထိ ပြည်တွင်း၊ ပြည်ပခရီးသွား ဧည့်သည် ၁၁၂၉၃၆ ဦးအထိ ဝင်ရောက်လည်ပတ်ခဲ့ကြောင်း ဟိုတယ်နှင့်ခရီးသွားညွှန်ကြားမှု ဦးစီးဌာနမှ သိရသည်။

 

ကြည့်ရှုခံစားနိုင်

 

ငွေဆောင်ကမ်းခြေသည် ပင်လယ်ရေကြည်လင်ခြင်း၊ ကမ်းခြေသဲသောင်ပြင် သန့်ရှင်းသပ်ရပ်ခြင်း၊ လုံခြုံမှုစိတ်ချရခြင်းတို့ကြောင့် ရေကူးခြင်း၊ လှိုင်း ကစားခြင်း၊ ကမ်းခြေတစ်လျှောက် လမ်းလျှောက်ခြင်းတို့ကို စိတ်အေးချမ်းသာစွာ ပြုလုပ်နိုင်ခြင်း၊ Jet Ski၊ Banana Boat၊ Speed boat စသည့် ရေ​ယာဉ်များဖြင့်လည်း ပင်လယ်၏အလှအပနှင့် ကျွန်းများ၏ အလှအပကို အနီးကပ်ကြည့်ရှုခံစားနိုင်ခြင်း၊ လည်ပတ်စရာနေရာပေါများခြင်းတို့ကြောင့် ခရီးသွား ဧည့်သည်များ စိတ်ဝင်တစားဖြင့် စဉ်ဆက်မပြတ် လာရောက်လည်ပတ် အပန်းဖြေလျက်ရှိကြောင်း သိရသည်။

 

ငွေဆောင်ကမ်းခြေတွင် ဟိုတယ် ၃၈ လုံး၊ တည်းခိုရိပ်သာအလုံး ၇၀ ဖြင့် ကမ်းခြေသို့လာရောက် လည်ပတ်သည့် ခရီးသွားဧည့်သည်များကို ဝန်ဆောင်မှု ပေးလျက်ရှိကြောင်း သိရသည်။

 

ကျော်လင်းဦး(ပြန်/ဆက်)

MDN

Thu, 2-Apr-2026
ဂျေရုဆလင်ရှိ ဘာသာရေးဆိုင်ရာ ကန့်သတ်မှုများအပေါ် နိုင်ငံတကာ ဝေဖန်မှုများ မြင့်တက်လာပြီးနောက် အစ္စရေးက ခရစ်ယာန် အထွတ် အမြတ်နေရာကို ပြန်လည်ဖွင့်လှစ်ပေး
ဂျေရုဆလင်ရှိ ဘာသာရေးဆိုင်ရာ ကန့်သတ်မှုများအပေါ် နိုင်ငံတကာ ဝေဖန်မှုများ မြင့်တက်လာပြီးနောက် အစ္စရေးက ခရစ်ယာန် အထွတ် အမြတ်နေရာကို ပြန်လည်ဖွင့်လှစ်ပေး

ဂျေရုဆလင်မြို့ရှိ ခရစ်ယာန်ဘာသာဝင်တို့၏ အထွတ်အမြတ်ထားရာ Church of the Holy Sepulchre ဘုရားကျောင်းသို့ ဝင်ရောက်ခွင့် ပိတ်ပင်ထားမှုအပေါ် နိုင်ငံတကာမှ ပြင်းထန်စွာ ဝေဖန်ကန့်ကွက်မှုများ ထွက်ပေါ်လာပြီးနောက် အစ္စရေးအစိုးရသည် အဆိုပါနေရာ၌ ‘ကန့်သတ်ချက်များဖြင့် ဝတ်ပြုဆုတောင်းခြင်း’ ကို ပြန်လည်ခွင့်ပြုလိုက်ပြီ ဖြစ်သည်။ 

ပြီးခဲ့သည့် တနင်္ဂနွေနေ့ (မတ် ၂၉) က ကျရောက်သော Palm Sunday ပွဲတော်တွင် အစ္စရေးရဲတပ်ဖွဲ့သည် ကက်သလစ်သာသနာပိုင် အကြီးအကဲ များကို ဘုရားကျောင်းအတွင်း ဝင်ရောက်ခွင့်တားဆီးခဲ့သဖြင့် ကာဒီနယ် Pierbattista Pizzaballa သည် နီးစပ်ရာကျောင်းတိုက်တစ်ခု၌သာ ဝတ်ပြုပွဲကျင်းပခဲ့ရသည်။ ထိုကဲ့သို့ အဟန့်အတားဖြစ်မှုသည် ရာစုနှစ်ပေါင်းများစွာအတွင်း ပထမဆုံးအကြိမ်ဖြစ်ပြီး ဝတ်ပြုကိုးကွယ်ခွင့် လွတ်လပ်ခွင့်ကို ထိပါးရာရောက်ကြောင်း လက်တင်သာသနာပိုင်ရုံးက ပြင်းထန်စွာ ကန့်ကွက်ခဲ့သည်။

အဆိုပါ ဖြစ်စဉ်နှင့်ပတ်သက်၍ အစ္စရေးဝန်ကြီးချုပ် ဘင်ဂျမင် နေတန်ယာဟု က အီရန်၏ လက်စားချေတိုက်ခိုက်မှုများ ဖြစ်လာနိုင်သည့် လုံခြုံရေး စိုးရိမ်ရမှုကြောင့်ဖြစ်ကြောင်း ရှင်းလင်းခဲ့သော်လည်း ယခုအခါ ကာဒီနယ် Pizzaballa ကို အပြည့်အဝ ဝင်ရောက်ခွင့်ပြုရန်နှင့် ဝတ်ပြုပွဲများ ကျင်းပနိုင်ရန် သက်ဆိုင်ရာအာဏာပိုင်များကို ညွှန်ကြားထားပြီးဖြစ်သည်။ တနင်္လာနေ့ (မတ် ၃၀) အစောပိုင်းတွင် အစ္စရေးရဲတပ်ဖွဲ့နှင့် သာသနာပိုင် ရုံးတို့ ညှိနှိုင်းမှုအရ ‘ကန့်သတ်ဆုတောင်းမှုဆိုင်ရာ မူဘောင်’ တစ်ခုကို အတည်ပြုခဲ့ပြီး အသေးစိတ်အစီအစဉ်များကို ဆက်လက် ဆွေးနွေး သွားမည်ဖြစ်သည်။

တစ်ချိန်တည်းမှာပင် ဂျေရုဆလင်ရှိ အခြားသော ဘာသာရေးဆိုင်ရာနေရာများတွင်လည်း ကန့်သတ်ချက်များ ရှိနေဆဲဖြစ်သည်။ အစ္စလာမ် ဘာသာဝင်တို့၏ အထွတ်အမြတ်ထားရာ အယ်လ်အက်ဆာ ဗလီ (Al-Aqsa Mosque) သည် ၁၉၆၇ ခုနှစ်နောက်ပိုင်း ပထမဆုံးအကြိမ်အဖြစ် အိဒ်ဖီတာ (Eid al-Fitr) ပွဲတော်ကာလအတွင်း ပိတ်ထားခဲ့ရသည်။ ယင်းကန့်သတ်မှုများသည် အမေရိကန်၊ ပြင်သစ်နှင့် အီတလီ အစိုးရများ၏ ဝေဖန်မှုကိုခံနေရပြီး အမေရိကန် သံအမတ်ကြီးကမူ လုပ်ပိုင်ခွင့်ကို အလွဲသုံးစားလုပ်ခြင်းဟု တုံ့ပြန်ခဲ့သည်။ ထို့အပြင် ရုရှား အော်သိုဒေါ့စ် အသင်းတော်ကလည်း ဧပြီလ ၁၁ ရက်နေ့တွင် ကျရောက်မည့် ‘သန့်ရှင်းသော မီးတောက် (Holy Fire)’ အခမ်းအနားအတွက် ဘုရားကျောင်းရှိ ကန့်သတ်ချက်များအပေါ် စိုးရိမ်ကြောင်း ထုတ်ဖော်ပြောဆိုထားသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Tue, 31-Mar-2026
ရေခဲတောင်တက်အတွေ့အကြုံမရှိသော ခရီးသွားများအား ဖုန်ကန်ရာဇီရေခဲတောင်ကို ပထမဆုံးတက်ရောက်၍ အခြားသောရေခဲတောင်များတက်ရောက်ရန် ဝန်ဆောင်မှုပေး
ရေခဲတောင်တက်အတွေ့အကြုံမရှိသော ခရီးသွားများအား ဖုန်ကန်ရာဇီရေခဲတောင်ကို ပထမဆုံးတက်ရောက်၍ အခြားသောရေခဲတောင်များတက်ရောက်ရန် ဝန်ဆောင်မှုပေး

ရန်ကုန် မတ် ၂၈

မြန်မာပြည်မြောက်ဘက်စွန်း ပူတာအိုတွင် ရေခဲတောင်တက် ခရီးသွားရာသီသို့ ဝင်ရောက်လာချိန်၌ ဝန်ဆောင်မှုကုမ္ပဏီများက ရေခဲတောင်တက်အတွေ့အကြုံမရှိသော ခရီးသွားများအား ဖုန်ကန်ရာဇီ ရေခဲတောင်သို့ ပထမဆုံးတက်ရောက်ပြီးမှသာ အခြားသောရေခဲတောင်များကို တက်ရောက်ရန် အကြံပြုဝန်ဆောင်မှုပေးနေကြောင်း ပူတာအို ရေခဲတောင်ခရီးသွားပို့ဆောင်ရေးကုမ္ပဏီမှ သိရသည်။

ရေခဲတောင်ခရီးစဉ်အတွေ့အကြုံမရှိသူများအား ခရီးသွားဝန်ဆောင်မှုကုမ္ပဏီများက Level – 1 ဟု သတ်မှတ်ထားသည့် ဖုန်ကန်ရာဇီ ရေခဲတောင်သို့ ပထမဆုံးတက်ရောက်စေပြီး အောင်မြင်ခဲ့ပါက ခရီးလမ်းပန်းကြမ်းသော အခြားရေခဲတောင်များသို့ တက်ရောက်ရန် တိုက်တွန်းအကြံပြုထားခြင်းဖြစ်သည်။

ဖုန်ကန်ရာဇီရေခဲတောင်သည် ပင်လယ်ရေမျက်နှာပြင်အမြင့်ပေ ၁၁၉၂၈ ပေရှိ၍ ခရီးသွားများအား ပူတာအိုမြို့မှ ညအိပ်ခရီးအဖြစ် အသွား/အပြန် ခြောက်ညအိပ် ခုနစ်ရက်ခရီးစဉ်အဖြစ် ဝန်ဆောင်မှု ပေးလျက်ရှိသည်။ ခရီးစဉ်ပထမဆုံးနေ့၌ ပူတာအိုမြို့မှ ဆိုင်ကယ်ဖြင့် သုံးနာရီကျော်ကြာမောင်းနှင်၍ အထက်ဆန်ဂေါင်ရွာလမ်း၊ ကျောက်စိမ်းတောင် ရှိန်းလိန်းလျက်လမ်းသို့ ဖြတ်ကျော်ပြီး ထိုမှ မူလာချောင်းနား ကျားခုန်တံတားသို့ ရောက်ရှိကာ ဝမ်လိုင်ဒမ်းရွာ၊ လုံးနဒမ်းရွာ၊ ခါးလန်ရွာမှ ဇီယာဒမ်းရွာ(ရေခဲတောင်ခြေရွာ)သို့ ရောက်ရှိပြီး ခရီးစဉ်ပထမညအဖြစ် အိပ်စက်ရပ်နားသည်။

ဒုတိယနေ့တွင် ဇီယာဒမ်းရွာမှ သစ်ပင်ကြီးစခန်းသို့ ခုနစ်မိုင်ခရီး ခြေကျင်ခရီးစတင်ကြပြီး ချောင်းများ၊ ကြိုးတံတားများကို ဖြတ်ကျော်၍ မွန်းလွဲပိုင်းတွင် ဖုန်ကန်ချောင်းဆုံနေရာ၌ အနားယူကာ သစ်ပင်ကြီးစခန်းသို့ ညနေပိုင်းတွင် ရောက်ရှိပြီး ဒုတိယနေ့ညအဖြစ် စခန်းချ ရပ်နားကြလေ့ရှိသည်။

တတိယနေ့တွင် သစ်ပင်ကြီးစခန်းမှ ခုနစ်မိုင်ရှိသော ခမ်းတောက်မြစ်စခန်းသို့ ခြေကျင်တက်ကြပြီး လေးမိုင်ခန့် ရောက်ပါက ဖုန်ကန်ရာဇီရေခဲတောင်ကို စတင်မြင်တွေ့ရကာ ထိုင်ခုံရပ်နားစခန်း တွင် ခေတ္တနား၍ ထိုမှ တစ်မိုင်ခန့်တက်ပါက ခမ်းတောက်မြစ်စခန်းသို့ ရောက်ရှိပြီး ညအိပ်ရပ်နားကြသည်။

စတုတ္ထနေ့တွင် ခမ်းတောက်မြစ်စခန်းမှ ခြောက်နာရီကြာ ခြေကျင်ခရီးတက်ပြီးပါက ရေခဲပြင်များကို စတင်တွေ့ရှိရာ ရေခဲစပ်(ဖုန်ကန်ရာဇီတောင်ခြေ) စခန်းသို့ ရောက်ရှိပြီး ထိုနေရာမှ နှစ်မိုင်ကျော် ခန့်ဝေးကွာသည့် ဖုန်ကန်ရာဇီတောင်ထိပ်ကို တွေ့မြင်ရသော ရေခဲစပ်စခန်း၌ ညအိပ် ရပ်နားသည်။ ပဉ္စမနေ့တွင် အတက်အဆင်းမတ်စောက်သော ရေခဲစပ်စခန်းမှ ဖုန်ကန်ရာဇီတောင်ထိပ်သို့ တက်ရောက်ကြပြီး မြန်မာပြည်မြောက်ဖျား၏ ရေခဲတောင်များအလှကို အားပါးတရ ကြည့်ရှု ခံစားကြကာ နေ့ချင်းပြန်အဖြစ် ရေခဲစပ် စခန်းသို့ ပြန်ဆင်း၍ ညအိပ်ရပ်နားကြသည်။

ဆဋ္ဌမနေ့တွင် ရေခဲစပ်စခန်းမှ ရှစ်နာရီကြာခရီးအဖြစ် ဇီယာဒမ်းရွာသို့ ခရီးသွား များ ပြန်ဆင်းလာကြပြီး ညအိပ်ရပ်နားသည်။ သတ္တမနေ့တွင် ဇီယာဒမ်းရွာမှ ဆိုင်ကယ်ခရီးစဉ်ဖြင့် ပူတာအိုမြို့သို့ တောင်တက်ခရီးသွားများ ပြန်လည်ပို့ဆောင်ကာ ဝန်ဆောင်မှုပေးထားသည်။

“ဒီမှာ မတ်လဆိုရင် ရေခဲတောင် ခရီးသွားတွေကို စပြီး ဝန်ဆောင်မှုပေးနေပါပြီ။ မနှစ်ကတည်းက ကြိုပြီး ခရီးစဉ်တွေကို လက်ခံထားပြီးမှ ကြိုတင်ပြင်ဆင် ဆောင်ရွက်ရတာပါ။ မတ်လတတိယပတ် အကုန်မှာ ရာသီဥတုပြောင်းလဲသွားတာကြောင့် ဒီရက်ပိုင်းလေးမှာ ခရီးစဉ်အချို့ကို ခေတ္တရပ်ထားတာရှိပေမယ့် ရာသီဥတု ကောင်းတာနဲ့ ဆက်ထွက်မှာပါ။ ခရီးသွား တွေရဲ့ အလုံးစုံကို တာဝန်ယူရတာဖြစ်တဲ့အတွက် အားလုံးအဆင်ပြေချောမွေ့အောင်၊ အန္တရာယ်ကင်းအောင် အထူးကြပ်မတ် ဆောင်ရွက်ပေးပါတယ်။ ကုမ္ပဏီအနေနဲ့ ရေခဲတောင်ခရီးစဉ် အတွေ့အကြုံကောင်း တွေရှိတဲ့အတွက် အထိအခိုက်မရှိအောင်၊ ခရီးသွားတွေနှစ်ခြိုက်အောင်၊ ကိုယ့်နိုင်ငံရဲ့ ရေခဲတောင်အလှကို ရုပ်ရှင်၊ အင်တာနက်မှာ မဟုတ်ဘဲ ကိုယ်တိုင်လက်တွေ့ခံစား ဖမ်းဆုပ်လို့ရအောင် အကောင်းဆုံး ဝန်ဆောင်မှုပေးနေပါတယ်။ ဒီလကုန်ပိုင်း မှာ နှင်းမိုးတွေရွာတဲ့အတွက် အထူးသတိထားပြီး ခရီးသွားတွေ စိတ်ကျေနပ်မှုရှိအောင် ဆောင်ရွက်ပေးနေပါတယ်”ဟု ပူတာအိုမြို့မှ ELSSM ရေခဲတောင် ပို့ဆောင်ရေးဝန်ဆောင်မှုကုမ္ပဏီမှ တာဝန်ရှိသူ ဦးဒမ်ရိမ်းက ပြောသည်။

ပူတာအိုမြို့မှ ဖုန်ကန်ရာဇီရေခဲတောင် ခုနစ်ရက်ခရီးစဉ်တွင် လည်းကောင်း၊ ခါကာဘိုရာဇီ ရေခဲတောင် ၁၇ ရက်ကြာ ခရီးစဉ်တွင် လည်းကောင်း တစ်ဦးလျှင် ငွေကျပ် သိန်း ၃၀ မှ သိန်း ၄၀ ခန့်ဖြင့် ဝန်ဆောင်မှုပေးထားသည်။ ရေခဲတောင် ခရီးစဉ်တက်ကြမည့် ခရီးသွားများ အနေဖြင့် ကျန်းမာရေးကောင်းမွန်သူ ဖြစ်ရမည်ဖြစ်ပြီး ရေခဲတောင်ခရီးစဉ် မတက်ရောက်မီ ကြိုတင်ကျန်းမာရေးလေ့ကျင့်ခန်းများ ဆောင်ရွက်ခြင်း၊ တောင်တက်အတွေ့အကြုံနှင့် သက်ဆိုင် သော ဗဟုသုတ လေ့ကျင့်ခန်းများ ဆောင်ရွက်ထားရန် ခရီးသွားဝန်ဆောင်မှု ကုမ္ပဏီများက ကြိုတင်အသိပေးထားသည်။ မိုးရာသီ၌ ရေခဲတောင်တန်းဒေသတွင် မိုးရွာသွန်းမှုမရှိ၍ ရေခဲတောင်ခရီးစဉ်များကို ဇူလိုင်လ ဒုတိယအပတ်အထိ ခရီးသွားဝန်ဆောင်မှု ပေးလျက်ရှိကြောင်း သိရသည်။

သတင်း - ဥဿ

ဓာတ်ပုံ - ကိုလွင်

MDN

Sun, 29-Mar-2026
Church of England က ပထမဦးဆုံးသော အမျိုးသမီး ဂိုဏ်းချုပ် ဘုန်းတော်ကြီး ကိုခန့်အပ်
Church of England က ပထမဦးဆုံးသော အမျိုးသမီး ဂိုဏ်းချုပ်ဘုန်းတော်ကြီးကို ခန့်အပ်

အင်္ဂလန်အသင်းတော် (Church of England) သည် ၁၅၃၄ ခုနှစ်တွင် စတင်တည်ထောင်ခဲ့ပြီးနောက်ပိုင်း ပထမဦးဆုံးသော အမျိုးသမီး ကန်တာဘာရီ ဂိုဏ်းချုပ်ဘုန်းတော်ကြီးအဖြစ် ဒိမ်း စာရာ မူလာလီ (Dame Sarah Mullally) ကို ရာထူးအပ်နှင်းခဲ့သည်။

ရာထူးအပ်နှင်းပွဲအခမ်းအနားကို ဗုဒ္ဓဟူးနေ့ (မတ် ၂၅) က ကန်တာဘာရီ ကသီဒရယ် (Canterbury Cathedral) ဘုရားရှိခိုးကျောင်းကြီးတွင် ကျင်းပခဲ့ပြီး ဗြိတိန်ဝန်ကြီးချုပ် ကီယာ စတာမာနှင့်အတူ ဝေလမင်းသား ဝီလျံနှင့် ကြင်ယာတော် ကက်သရင်းတို့ တက်ရောက်ခဲ့ကြသည်။

NHS သူနာပြုဟောင်းတစ်ဦးဖြစ်သူ မူလာလီက သူမ၏မိန့်ခွန်းတွင် အတိတ်က အလွဲသုံးစားပြုခံခဲ့ရသူများဘက်မှ ရပ်တည်သွားမည် ဖြစ်ကြောင်း နှင့် ဘေးကင်းလုံခြုံရေးနှင့် တာဝန်ခံမှုရှိစေရေးတို့ကို အလေးထား ဆောင်ရွက်သွားမည်ဖြစ်ကြောင်း ကတိပြုခဲ့သည်။

“ကျွန်မတို့ရဲ့ ခရစ်ယာန်အသင်းတော်တွေနှင့် လူ့အဖွဲ့အစည်းတွေအတွင်းမှာ ရှိနေသည့်သူများ၏ လုပ်ဆောင်မှုတွေ၊ ပျက်ကွက်မှုတွေကြောင့် နစ်နာခဲ့ရသူများ၏ နာကျင်မှုကို ကျွန်မတို့ လျစ်လျူမရှုသင့်သလို အလေးမထားဘဲလည်း မနေသင့်ပါဘူး” ဟု သူမက ဆိုသည်။

ယခင် ဂိုဏ်းချုပ်ဘုန်းတော်ကြီး ဂျက်စတင် ဝဲလ်ဘီ (Justin Welby) သည် ၁၉၇၀ နှင့် ၁၉၈၀ ပြည့်လွန်နှစ်များအတွင်း ယူကေနှင့် အာဖရိကရှိ အသင်းတော်များအတွင်း ဩဇာတိက္ကမရှိသူ ရှေ့နေ ဂျွန် စမိုက် (John Smyth) ၏ လိင်ပိုင်းဆိုင်ရာ ဆက်တိုက်အလွဲသုံးစားပြုမှုများကို ဖုံးကွယ် ထားခဲ့မှုအပေါ် ကိုင်တွယ်ဖြေရှင်းပုံနှင့်ပတ်သက်၍ ဝေဖန်မှုများ ပြင်းထန်လာပြီးနောက် ရာထူးမှ နုတ်ထွက်သွားခဲ့ခြင်း ဖြစ်သည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Thu, 26-Mar-2026
ဂျေရုဆလင်ရှိ အလ်-အက်ဆာ ဗလီဝတ်ကျောင်းတော်ကို အစ္စရေး အာဏာပိုင်များ ဆက်လက်ပိတ်ထား
ဂျေရုဆလင်ရှိ အလ်-အက်ဆာ ဗလီဝတ်ကျောင်းတော်ကို အစ္စရေး အာဏာပိုင်များ ဆက်လက်ပိတ်ထား

ဂျေရုဆလင်မြို့ရှိ မွတ်စလင်ဘာသာဝင်တို့၏ အထွတ်အမြတ်ထားရာ နေရာတစ်ခုဖြစ်သော အလ်-အက်ဆာ ဗလီဝတ်ကျောင်းတော် (Al-Aqsa Mosque) ကို အစ္စရေးအာဏာပိုင်များက ဆက်လက်ပိတ်ထားဆဲ ဖြစ်သည်။ ကမ္ဘာတစ်ဝှမ်းရှိ မွတ်စလင်ဘာသာဝင်များသည် ရာမာဒန်ဥပုသ်လ၏ နောက်ဆုံးသောနေ့နှင့် အိဒ်ပွဲတော် (Eid al-Fitr) ကို ဆင်နွှဲနေကြသော်လည်း ယခုကဲ့သို့ ပိတ်ပင်ထားခြင်း ဖြစ်သည်။

အဆိုပါ ဝတ်ကျောင်းတော်ဝင်းကို အီရန်နှင့်ဖြစ်ပွားနေသော စစ်ပွဲကြောင့် ပိတ်ထားခြင်းဖြစ်ပြီး ၁၉၆၇ ခုနှစ်နောက်ပိုင်း ပထမဆုံးအကြိမ်အဖြစ် ဘာသာဝင်များအား ၎င်းနေရာ၌ ပွဲတော်ကျင်းပခွင့်ကို ပိတ်ပင်ထားခြင်းဖြစ်သည်။

သောကြာနေ့ (မတ် ၂၀) တွင် လူအများအပြားသည် ဝတ်ပြုဆုတောင်းရန် ဂျေရုဆလင်မြို့၌ စုဝေးခဲ့ကြသော်လည်း မြို့ဟောင်း (Old City) ၏ ဂိတ်တံခါးများသို့ ချဉ်းကပ်ရန် ကြိုးပမ်းမှုများကို စစ်ဆေးရေးဂိတ်များတွင် တပ်စွဲထားသော အစ္စရေးလုံခြုံရေးတပ်ဖွဲ့များက မျက်ရည်ယိုဗုံးများ ဖြင့် လူစုခွဲခဲ့ကြောင်း အခင်းဖြစ်ပွားရာနေရာမှ ဗီဒီယိုမှတ်တမ်းများအရ သိရှိရသည်။

ဖေဖော်ဝါရီ ၂၈ ရက်တွင် အစ္စရေးသည် အမေရိကန်နှင့် ပူးပေါင်း၍ အီရန်ကို စတင်တိုက်ခိုက်ချိန်ကတည်းက လုံခြုံရေး အကြောင်းပြချက်ဖြင့် အလ်-အက်ဆာ ဗလီဝတ်ကျောင်းတော်အပါအဝင် မြို့ဟောင်းအတွင်းသို့ဝင်ရောက်ခွင့်ကို ကန့်သတ်ခဲ့သည်။ ယခုအခါ ပဋိပက္ခသည် စတုတ္ထပတ် အတွင်းသို့ ရောက်ရှိလာသော်လည်း ဗလီကို ဆက်လက်ပိတ်ထားဆဲ ဖြစ်သည်။

မတ်လအစောပိုင်းတွင် မွတ်စလင်အများစုနေထိုင်ရာ အီဂျစ်၊ ဂျော်ဒန်၊ အင်ဒိုနီးရှား၊ ပါကစ္စတန်၊ ကာတာ၊ တူရကီ၊ ဆော်ဒီအာရေဗျနှင့် ယူအေအီး စသည့် ရှစ်နိုင်ငံက ဗလီပိတ်ထားမှုကို ရှုတ်ချကြောင်း ပူးတွဲ ကြေညာချက်တစ်စောင် ထုတ်ပြန်ခဲ့သည်။ "ဂျေရုဆလင် မြို့ဟောင်းနှင့် ဘာသာရေးဝတ်ပြုရာနေရာများသို့ဝင်ရောက်ခွင့်ကို လုံခြုံရေးအကြောင်းပြကန့်သတ်ထားခြင်းသည် နိုင်ငံတကာဥပဒေကို ပြောင်ပြောင် တင်းတင်း ချိုးဖောက်ခြင်းဖြစ်သည်" ဟု အဆိုပါအဖွဲ့က ပြောကြားခဲ့ပြီး သိမ်းပိုက်ထားသော ဂျေရုဆလင် သို့မဟုတ် အဆိုပါ နယ်မြေရှိ အစ္စလာမ်နှင့် ခရစ်ယာန် အထွတ်အမြတ်ထားရာနေရာများအပေါ် အစ္စရေးတွင် အချုပ်အခြာအာဏာ မရှိကြောင်း အလေးပေး ပြောကြားခဲ့သည်။

ခရစ်ယာန်ပွဲတော်များပါ ထိခိုက်နိုင်ခြေရှိ 

အီစတာ (Easter) ပွဲတော်ရာသီ နီးကပ်လာသည်နှင့်အမျှ အစ္စရေး၏ လုံခြုံရေးတင်းကျပ်မှုများသည် ခရစ်ယာန်ဘာသာဝင်တို့၏ ပွဲတော်များ ကိုပါ စိုးရိမ်စရာ ဖြစ်လာစေသည်။ ခရစ်ယာန်ဘာသာ၏ အထွတ်အမြတ် အထားဆုံးနေရာဖြစ်သော Holy Sepulchre ဘုရားကျောင်း ကိုလည်း ပိတ်ထားဆဲဖြစ်ရာ နှစ်စဉ် ကျင်းပမြဲဖြစ်သော Holy Fire (ဓမ္မမီး) အခမ်းအနား ကျင်းပနိုင်ခြေအပေါ် စိုးရိမ်မှုများ မြင့်တက်နေသည်။

ယခုနှစ်တွင် အဆိုပါအခမ်းအနားသည် ဧပြီ ၁၁ ရက်တွင် ကျရောက်မည်ဖြစ်သော်လည်း ခရစ်ယာန်ဘုန်းတော်ကြီးများနှင့် ဝတ်ပြုသူများကို ဘုရား ကျောင်းအတွင်းသို့ ဝင်ရောက်ခွင့်ပေးမည်၊ မပေးမည်ကို ရှင်းရှင်းလင်းလင်း မသိရှိရသေးပေ။ ရုရှား အော်သိုဒေါ့စ်အသင်းတော် (Russian Orthodox Church) ကလည်း အဆိုပါကန့်သတ်ချက်များအပေါ် ထုတ်ဖော်ပြောဆို ခဲ့ပြီး ဘုရားကျောင်းပိတ်ထားမှုကြောင့် ဓမ္မမီးလွှဲပြောင်းပေးသည့် အစီ အစဉ်ကို မထိခိုက်စေရန်မျှော်လင့်ကြောင်း ပြောကြားခဲ့သည်။ အော်သိုဒေါ့စ် ခရစ်ယာန်ဘာသာဝင်များအကြားတွင် ဓမ္မမီးကို မရရှိခြင်းသည် နိမိတ်မကောင်းခြင်း သို့မဟုတ် လောကပျက်ကပ် (Armageddon) နီးကပ် လာခြင်း ၏ လက္ခဏာအဖြစ် ယူဆလေ့ရှိကြသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Sat, 21-Mar-2026
နိုင်ငံတော်လုံခြုံရေးနှင့် အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေး မွန်ပြည်နယ်နေ့အထိမ်းအမှတ် သဝဏ်လွှာဖတ်ကြားခြင်းအခမ်းအနားနှင့် ပြည်နယ်ဂုဏ်ထူးဆောင်ဆုချီးမြှင့်ခြင်းအခမ်းအနားသို့ တက်ရောက်
နိုင်ငံတော်လုံခြုံရေးနှင့် အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေး မွန်ပြည်နယ်နေ့အထိမ်းအမှတ် သဝဏ်လွှာဖတ်ကြားခြင်းအခမ်းအနားနှင့် ပြည်နယ်ဂုဏ်ထူးဆောင်ဆုချီးမြှင့်ခြင်းအခမ်းအနားသို့ တက်ရောက်

နေပြည်တော် မတ် ၁၉

၂၀၂၆ ခုနှစ် (၅၂)နှစ်မြောက် မွန်ပြည်နယ်နေ့အထိမ်းအမှတ် သဝဏ်လွှာဖတ်ကြားခြင်းအခမ်းအနားနှင့် ပြည်နယ်ဂုဏ်ထူးဆောင်ဆုများ ချီးမြှင့်ခြင်းအခမ်းအနားကို ယနေ့နံနက်ပိုင်းတွင် မော်လမြိုင်မြို့ သမိန်ဗရမ်း(ဘက်စုံသုံးကွင်း)နှင့် ပြည်နယ်ခန်းမတို့၌ကျင်းပရာ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေး တက်ရောက်ချီးမြှင့်သည်။

သဝဏ်လွှာဖတ်ကြားခြင်းအခမ်းအနားသို့ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင် ဒုတိယဗိုလ်ချုပ်ကြီး ရာပြည့်၊ ပြည်ထောင်စုဝန်ကြီးများဖြစ်ကြသည့် ဦးမင်းနောင်၊ ဦးလှမိုး၊ ဒေါက်တာချာလီသန်း၊ ဒေါက်တာမျိုးသိန်းကျော်၊ ဒေါက်တာစိုးဝင်း၊ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ အရှေ့တောင်တိုင်းစစ်ဌာနချုပ်တိုင်းမှူး၊ ဒုတိယဝန်ကြီးများ၊ ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများ၊ ဖိတ်ကြားထားသည့် ဧည့်သည်တော်များနှင့် ဒေသခံပြည်သူများ တက်ရောက်ကြသည်။

အစီအစဉ်အရ အခမ်းအနားသို့ တက်ရောက်လာကြသူများက ပြည်ထောင်စုသမ္မတမြန်မာနိုင်ငံတော်အလံနှင့် ကျဆုံးလေပြီးသော အာဇာနည်ခေါင်းဆောင်ကြီးများနှင့် ရဲဘော်အပေါင်းတို့အား အလေးပြုကြသည်။

သဝဏ်လွှာဖတ်ကြား

ထို့နောက် ပြည်ထောင်စုသမ္မတမြန်မာနိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်ထံမှပေးပို့သည့် ၂၀၂၆ ခုနှစ် (၅၂)နှစ်မြောက် မွန်ပြည်နယ်နေ့အထိမ်းအမှတ် သဝဏ်လွှာကို နိုင်ငံတော်လုံခြုံရေးနှင့် အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးက ဖတ်ကြားသည်။

နှုတ်ခွန်းဆက်စကားပြောကြား

ယင်းနောက် ပြည်နယ်ဝန်ကြီးချုပ် ဦးအောင်ကြည်သိန်းက (၅၂)နှစ်မြောက် မွန်ပြည်နယ်နေ့အထိမ်းအမှတ် နှုတ်ခွန်းဆက်စကားပြောကြား၍ အခမ်းအနားကို ရုပ်သိမ်းလိုက်သည်။

ဆက်လက်၍ ကော်မရှင်အဖွဲ့ဝင် ဗိုလ်ချုပ်ကြီးမောင်မောင်အေးနှင့်အဖွဲ့သည် မော်လမြိုင်မြို့ ပြည်နယ်ခန်းမ၌ကျင်းပသည့် (၅၂)နှစ်မြောက် မွန်ပြည်နယ်နေ့အထိမ်းအမှတ် ပြည်နယ်ဂုဏ်ထူးဆောင်ဆုများ ချီးမြှင့်ခြင်းအခမ်းအနားသို့ တက်ရောက်ကြသည်။

အခမ်းအနားတွင် ပြည်နယ်ဝန်ကြီးချုပ် ဦးအောင်ကြည်သိန်းက ဂုဏ်ပြုအမှာစကား ပြောကြားသည်။

မှတ်တမ်းဓာတ်ပုံရိုက်

ထို့နောက် ကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးနှင့်အဖွဲ့ဝင်များက ပြည်နယ်ဂုဏ်ထူးဆောင်ထူးချွန်ဆုများဖြစ်ကြသည့် စီမံခန့်ခွဲရေးထူးချွန်မှု ဂုဏ်ထူးဆောင်ဆု၊ စီးပွားရေးထူးချွန်မှု ဂုဏ်ထူးဆောင်ဆု၊ စိုက်ပျိုးရေးထူးချွန်မှုဂုဏ်ထူးဆောင်ဆု၊ မွေးမြူရေးထူးချွန်မှု ဂုဏ်ထူးဆောင်ဆု၊ စက်မှုလက်မှုထူးချွန်မှုဂုဏ်ထူးဆောင်ဆု၊ ဝန်ဆောင်မှု ထူးချွန်မှုဂုဏ်ထူးဆောင်ဆုနှင့် လူမှုရေးထူးချွန်မှု ဂုဏ်ထူးဆောင်ဆုရရှိသူများအား ဆုများပေးအပ်ချီးမြှင့်ပြီး ဆုရရှိသူများနှင့်အတူ မှတ်တမ်းဓာတ်ပုံ ရိုက်ကြသည်။

ယင်းနောက် ကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးနှင့်အဖွဲ့ဝင်များသည် မော်လမြိုင် မြို့နယ်မင်းရွာကျေးရွာရှိ တိုင်းရင်းသားယဉ်ကျေးမှု စင်တာဖွင့်ပွဲအခမ်းအနားတက်ရောက်၍ ကော်မရှင်အဖွဲ့ဝင် ဒုတိယဗိုလ်ချုပ်ကြီး ရာပြည့်၊ ပြည်ထောင်စုဝန်ကြီးများဖြစ်ကြသည့် ဦးမင်းနောင်၊ ဦးလှမိုး၊ ဒေါက်တာချာလီသန်းနှင့် ပြည်နယ်ဝန်ကြီးချုပ် ဦးအောင်ကြည်သိန်းတို့က ဖဲကြိုးဖြတ်၍ လည်းကောင်း၊ ကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးက စင်တာမုခ်ဦးကို စက်ခလုတ်နှိပ်၍လည်းကောင်း ဖွင့်လှစ်ပေးသည်။ ဆက်လက်၍ ကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးနှင့် အဖွဲ့ဝင်များက စင်တာကမ္ပည်းမော်ကွန်းကို အမွှေးနံ့သာများဖြင့် ပက်ဖျန်းခဲ့ပြီး တက်ရောက်လာသူများနှင့်အတူ မှတ်တမ်းတင်ဓာတ်ပုံရိုက်ကြသည်။

လှည့်လည်ကြည့်ရှု

ဆက်လက်၍ စင်တာအတွင်းရှိ ကရင်၊ ဗမာ၊ မွန်၊ ပအိုဝ်း၊ တိုင်းရင်းသားရိုးရာနေအိမ်များနှင့် ယဉ်ကျေးမှုပြတိုက်အတွင်း လှည့်လည်ကြည့်ရှုကြသည်။

ညပိုင်းတွင် နိုင်ငံတော်လုံခြုံရေးနှင့် အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးနှင့်အဖွဲ့ဝင်များသည် သမိန်ဗရမ်း(ဘက်စုံသုံးကွင်း)၌ ကျင်းပသည့် မွန်ပြည်နယ် နေ့အထိမ်းအမှတ် ဂုဏ်ပြုညစာစားပွဲအခမ်းအနားသို့ တက်ရောက်ချီးမြှင့်ကြသည်။

အခမ်းအနားတွင် မွန်ရိုးရာယဉ်ကျေးမှုအဖွဲ့များက (၅၂)နှစ်မြောက် မွန်ပြည်နယ်နေ့ ဂုဏ်ပြုသီချင်း များဖြင့် ဖျော်ဖြေတင်ဆက်ကြသည်။

ပေးအပ်ချီးမြှင့်

ယင်းနောက် ကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးသည် အခမ်းအနားသို့ တက်ရောက်လာကြသူများနှင့်အတူ မွန်ပြည်နယ်နေ့အထိမ်းအမှတ် ဂုဏ်ပြုညစာကို အတူတကွသုံးဆောင်ပြီး မွန်ရိုးရာယဉ်ကျေးမှုအဖွဲ့များ၏ ရိုးရာအကအလှများ၊ တေးသီချင်းများဖြင့် ဖျော်ဖြေတင်ဆက်မှုကို ကြည့်ရှုအားပေးကာ ဖျော်ဖြေရေးအဖွဲ့များအား ဂုဏ်ပြုဆုငွေနှင့် ဂုဏ်ပြုပန်းခြင်းပေးအပ်ချီးမြှင့်ခဲ့ကြောင်း သတင်းရရှိသည်။

moi

Fri, 20-Mar-2026
နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေး မွန်ပြည်နယ်နေ့အထိမ်းအမှတ် ဝါရီရူမြစ်ကမ်းသာအပန်းဖြေနေရာဖွင့်ပွဲနှင့် မွန်ပြည်နယ်နေ့အထိမ်းအမှတ် ပြခန်းများ၊ ဒေသထွက်ကုန်နှင့် ရိုးရာအစားအစာ အရောင်းဆိုင်များဖွင့်ပွဲသို့တက်ရောက်
နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေး မွန်ပြည်နယ်နေ့အထိမ်းအမှတ် ဝါရီရူမြစ်ကမ်းသာအပန်းဖြေနေရာဖွင့်ပွဲနှင့် မွန်ပြည်နယ်နေ့အထိမ်းအမှတ် ပြခန်းများ၊ ဒေသထွက်ကုန်နှင့် ရိုးရာအစားအစာ အရောင်းဆိုင်များဖွင့်ပွဲသို့တက်ရောက်

နေပြည်တော် မတ် ၁၈

နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးသည် အဖွဲ့ဝင်များဖြစ်ကြသည့် ကော်မရှင်အဖွဲ့ဝင် ဒုတိယဗိုလ်ချုပ်ကြီးရာပြည့်၊ ပြည်ထောင်စုဝန်ကြီးများဖြစ်ကြသည့် ဦးမင်းနောင်၊ ဦးလှမိုး၊ ဒေါက်တာချာလီသန်း၊ ဒေါက်တာမျိုးသိန်းကျော်၊ ဒေါက်တာစိုးဝင်း၊ မွန်ပြည်နယ်ဝန်ကြီးချုပ် ဦးအောင်ကြည်သိန်း၊ အရှေ့တောင်တိုင်းစစ်ဌာနချုပ်တိုင်းမှူး၊ ဒုတိယဝန်ကြီးများ၊ ပြည်နယ်ဝန်ကြီးများနှင့် အဖွဲ့ဝင်များသည် ယနေ့မွန်းလွဲပိုင်းတွင် မွန်ပြည်နယ်နေ့အထိမ်းအမှတ် မော်လမြိုင်မြို့ ကမ်းနားလမ်းရှိ ဝါရီရူမြစ်ကမ်းသာ အပန်းဖြေနေရာဖွင့်ပွဲအခမ်းအနားသို့ တက်ရောက်သည်။ အခမ်းအနားတွင် မွန်ပြည်နယ် စည်ပင်သာယာရေးအဖွဲ့ ညွှန်ကြားရေးမှူးက လုပ်ငန်းဆောင်ရွက်မှုများနှင့်ပတ်သက်၍ ရှင်းလင်းတင်ပြပြီး တက်ရောက်လာသူများက ဖဲကြိုးဖြတ် ဖွင့်လှစ်ပေးသည်။

ထို့နောက် ဘင်ခရာ/ ပန်းဖွားအဖွဲ့နှင့် တိုင်းရင်းသားအကအဖွဲ့များအား ဂုဏ်ပြုချီးမြှင့်ငွေများ ပေးအပ်ခြင်း၊ တက်ရောက်လာသူများက ဝါရီရူမြစ်ကမ်းသာအပန်းဖြေနေရာ ကမ္ပည်းအား အမွှေးနံ့သာများ ပက်ဖျန်းခြင်း၊ မှတ်တမ်းတင်ဓာတ်ပုံရိုက်ကူးခြင်းများ ဆောင်ရွက်ခဲ့ပြီး အပန်းဖြေနေရာ အတွင်း လှည့်လည်ကြည့်ရှုကြသည်။

ညနေပိုင်းတွင် ကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးနှင့် အဖွဲ့ဝင်များသည် မွန်ပြည်နယ် နေ့အထိမ်းအမှတ်ပြခန်းများ၊ ဒေသထွက်ကုန်နှင့် ရိုးရာအစားအစာ အရောင်းဆိုင်များ ဖွင့်ပွဲအခမ်း အနားကို တက်ရောက်သည်။

ဦးစွာ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင်များဖြစ်သော ဗိုလ်ချုပ်ကြီး မောင်မောင်အေးနှင့် ဒုတိယဗိုလ်ချုပ်ကြီး ရာပြည့်၊ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်း၊ ပြည်နယ်ဝန်ကြီးချုပ် ဦးအောင်ကြည်သိန်းနှင့် အရှေ့တောင်တိုင်းစစ်ဌာနချုပ်တိုင်းမှူး ဗိုလ်ချုပ် ကျော်လင်းမောင်တို့က ပြခန်းဖွင့်ပွဲအခမ်းအနားကို ဖဲကြိုးဖြတ်ဖွင့်လှစ်ပေးပြီး ပြခန်းများအား လိုက်လံကြည့်ရှုကြရာ တာဝန်ရှိသူများက ရှင်းလင်းပြသကြသည်။

ဆက်လက်၍ တောင်သူများသို့ မျိုးစေ့ချကိရိယာ (Seeder) လွှဲပြောင်းပေးအပ်ခြင်းအခမ်းအနားသို့ တက်ရောက်သည်။ အခမ်းအနားတွင် မွန်ပြည်နယ်အစိုးရအဖွဲ့ မွန်ပြည်နယ်ဝန်ကြီးချုပ်က အမှာစကားပြောကြားပြီး ကော်မရှင်အဖွဲ့ဝင်များဖြစ်ကြသည့် ဗိုလ်ချုပ်ကြီး မောင်မောင်အေးနှင့် ဒုတိယဗိုလ်ချုပ်ကြီး ရာပြည့်၊ ပြည်ထောင်စုဝန်ကြီးများ၊ ပြည်နယ်ဝန်ကြီးချုပ်၊ အရှေ့တောင်တိုင်းစစ်ဌာနချုပ်တိုင်းမှူးနှင့် ပြည်နယ်လုံခြုံရေးနှင့်နယ်စပ်ရေးရာဝန်ကြီးတို့က မြို့နယ်အလိုက် မျိုးစေ့ချကိရိယာ (Seeder) များ ပေးအပ်ခဲ့သည်။

ထို့နောက် တောင်သူတစ်ဦးက ကျေးဇူးတင်စကား ပြောကြားပြီး အခမ်းအနားကို ရုပ်သိမ်းခဲ့သည်။

နိုင်ငံတော်လုံခြုံရေးနှင့်အေးချမ်းသာယာရေးကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးသည် သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်၊ ပြည်နယ်ဝန်ကြီးချုပ် ဦးအောင်ကြည်သိန်းနှင့် ပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်တို့ လိုက်ပါလျက် ယနေ့ နံနက်ပိုင်းက မော်လမြိုင်မြို့ရှိ နည်းပညာတက္ကသိုလ်သို့ သွားရောက်၍ လှည့်လည်ကြည့်ရှုစစ်ဆေးရာ တာဝန်ရှိသူများက ကြိုဆို၍ တက္ကသိုလ်ဆိုင်ရာ အချက်အလက်များအား ပြည်ထောင်စုဝန်ကြီး ဒေါက်တာမျိုးသိန်းကျော်က ရှင်းလင်းတင်ပြခဲ့ရာ ကော်မရှင်အဖွဲ့ဝင်က လိုအပ်သည်များ မှာကြား ခဲ့သည်။

ဆက်လက်၍ ကော်မရှင်အဖွဲ့ဝင် ဗိုလ်ချုပ်ကြီး မောင်မောင်အေးနှင့် အဖွဲ့ဝင်များသည် မော်လမြိုင်မြို့ ဖက်တန်းရပ်ကွက် အထက်လမ်းမကြီးရှိ ပြည်ထဲရေးဝန်ကြီးဌာနပိုင် မြေနေရာအား သွားရောက်ကြည့်ရှုစစ်ဆေးရာ တာဝန်ရှိသူများက ကြိုဆို၍ မြေနေရာနှင့် ပတ်သက်သည့် အချက်အလက်များအား ရှင်းလင်းတင်ပြခဲ့ရာ ကော်မရှင်အဖွဲ့ဝင်က လိုအပ်သည်များ မှာကြားခဲ့ကြောင်း သတင်းရရှိသည်။

moi

Thu, 19-Mar-2026
ဧရာဝတီတိုင်းဒေသကြီး မအူပင်မြို့ရှိ မအူပင် (တောင်) ရေနံနှင့်သဘာဝဓာတ်ငွေ့မြေတွင်သဲကြောများအား သုတေသနပြုဆန်းစစ်ပြီး ဖောက်ယူရာ သဘာဝဓာတ်ငွေ့များ တိုးတက်ထွက်ရှိ
ဧရာဝတီတိုင်းဒေသကြီး မအူပင်မြို့ရှိ မအူပင် (တောင်) ရေနံနှင့်သဘာဝဓာတ်ငွေ့မြေတွင်သဲကြောများအား သုတေသနပြုဆန်းစစ်ပြီး ဖောက်ယူရာ သဘာဝဓာတ်ငွေ့များ တိုးတက်ထွက်ရှိ

Fri, 10-Apr-2026
သင်္ကြန်ပိတ်ရက်ရှည်ကာလ ငွေဆောင်၊ ချောင်းသာ ဟိုတယ်များတွင် ၇၅ ရာခိုင်နှုန်းခန့် အခန်းများ ကြိုတင်မှာယူထား
သင်္ကြန်ပိတ်ရက်ရှည်ကာလ ငွေဆောင်၊ ချောင်းသာ ဟိုတယ်များတွင် ၇၅ ရာခိုင်နှုန်းခန့် အခန်းများ ကြိုတင်မှာယူထား

Fri, 10-Apr-2026
ငလျင်တုံ့ပြန်ဆောင်ရွက်ရေးဆိုင်ရာ (၅) ကြိမ်မြောက် Movement Partner Call ကျင်းပ
ငလျင်တုံ့ပြန်ဆောင်ရွက်ရေးဆိုင်ရာ (၅) ကြိမ်မြောက် Movement Partner Call ကျင်းပ

Thu, 9-Apr-2026
နှစ်သစ်ကူးရုံးပိတ်ရက်များတွင် သတင်းစာများ အလှည့်ကျထုတ်ဝေမည်
နှစ်သစ်ကူးရုံးပိတ်ရက်များတွင် သတင်းစာများ အလှည့်ကျထုတ်ဝေမည်

Thu, 9-Apr-2026
မြန်မာသက္ကရာဇ် ၁၃၈၇ ခုနှစ် တန်ခူးလဆုတ် (၁၂) ရက်နေ့မှ ကဆုန်လဆန်း (၁) ရက်နေ့အထိ (၂၀၂၆ ခုနှစ် ဧပြီလ ၁၃ ရက်နေ့မှ ၁၆ ရက်နေ့အထိ) မြန်မာ့ရိုးရာမဟာသင်္ကြန်ပွဲတော်တွင် ယာဉ်မောင်းသူများမှ သတိပြုရန်အချက်များ
မြန်မာသက္ကရာဇ် ၁၃၈၇ ခုနှစ် တန်ခူးလဆုတ် (၁၂) ရက်နေ့မှ ကဆုန်လဆန်း (၁) ရက်နေ့အထိ (၂၀၂၆ ခုနှစ် ဧပြီလ ၁၃ ရက်နေ့မှ ၁၆ ရက်နေ့အထိ) မြန်မာ့ရိုးရာမဟာသင်္ကြန်ပွဲတော်တွင် ယာဉ်မောင်းသူများမှ သတိပြုရန်အချက်များ
Thu, 9-Apr-2026
ရန်ကုန်မြို့နှင့် မန္တလေးမြို့အတွက် ရည်ညွှန်းလက်ကားဈေးနှုန်းများနှင့် ပြည်ထောင်စုနယ်မြေ နေပြည်တော်၊ တိုင်းဒေသကြီး/ပြည်နယ် မြို့တော်များအတွက် ရည်ညွှန်းလက်လီဈေးနှုန်းများ
ရန်ကုန်မြို့နှင့် မန္တလေးမြို့အတွက် ရည်ညွှန်းလက်ကားဈေးနှုန်းများနှင့် ပြည်ထောင်စုနယ်မြေ နေပြည်တော်၊ တိုင်းဒေသကြီး/ပြည်နယ် မြို့တော်များအတွက် ရည်ညွှန်းလက်လီဈေးနှုန်းများ
Thu, 9-Apr-2026
နိုင်ငံတော်သမ္မတသစ် ကတိသစ္စာပြုခြင်းနှင့် စတင်တာဝန်ယူခြင်းအခမ်းအနားသို့ တက်ရောက်မည့် ပြည်ပအစိုးရကိုယ်စားလှယ်များ နေပြည်တော်သို့ ရောက်ရှိ
နိုင်ငံတော်သမ္မတသစ် ကတိသစ္စာပြုခြင်းနှင့် စတင်တာဝန်ယူခြင်းအခမ်းအနားသို့ တက်ရောက်မည့် ပြည်ပအစိုးရကိုယ်စားလှယ်များ နေပြည်တော်သို့ ရောက်ရှိ

Thu, 9-Apr-2026

နိုင်ငံတကာသတင်းများ

ပိုမိုကြည့်ရှုရန် ≫

အမိန့်ကြော်ငြာစာများ

ပိုမိုကြည့်ရှုရန် ≫
မြန်မာနိုင်ငံအမျိုးသားလူ့အခွင့်အရေးကော်မရှင် ဖွဲ့စည်းခြင်း
Fri, 10-Apr-2026
အဂတိလိုက်စားမှုတိုက်ဖျက်ရေးကော်မရှင် ဖွဲ့စည်းခြင်း
Fri, 10-Apr-2026
မြန်မာနိုင်ငံတော်ဗဟိုဘဏ်၏ ဒါရိုက်တာအဖွဲ့ဝင်များ ခန့်အပ်တာဝန်ပေးခြင်း
Fri, 10-Apr-2026

အစိုးရဝန်ကြီးဌာနများ နှင့် အခြား Website များ

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်
ပို့ဆောင်ရေးနှင့်ဆက်သွယ်ရေးဝန်ကြီးဌာန
ကာကွယ်ရေးဝန်ကြီးဌာန
ပြည်ထဲရေးဝန်ကြီးဌာန
ဘဏ္ဍာရေးနှင့်အခွန်ဝန်ကြီးဌာန
နိုင်ငံခြားရေးဝန်ကြီးဌာန
နယ်စပ်ရေးရာဝန်ကြီးဌာန
ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန
ဥပဒေရေးရာဝန်ကြီးဌာန
ပြန်ကြားရေးဝန်ကြီးဌာန
သာသနာရေးနှင့် ယဉ်ကျေးမှုဝန်ကြီးဌာန(သာသနာရေး)
သာသနာရေးနှင့်ယဉ်ကျေးမှုဝန်ကြီးဌာန(ယဉ်ကျေးမှု)
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
လျှပ်စစ်စွမ်းအားဝန်ကြီးဌာန
စွမ်းအင်ဝန်ကြီးဌာန
စက်မှုဝန်ကြီးဌာန
လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန
အလုပ်သမားဝန်ကြီးဌာန
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန
ပညာရေးဝန်ကြီးဌာန
သိပ္ပံနှင့်နည်းပညာဝန်ကြီးဌာန
ကျန်းမာရေးဝန်ကြီးဌာန
အားကစားနှင့်လူငယ်ရေးရာဝန်ကြီးဌာန
ဆောက်လုပ်ရေးဝန်ကြီးဌာန
လူမူဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန
ဟိုတယ်နှင့်ခရီးသွားလာရေးဝန်ကြီးဌာန
တိုင်းရင်းသားလူမျိုးရေးရာဝန်ကြီးဌာန
ပြည်ထောင်စုတရားလွှတ်တော်ချုပ်ရုံး
နိုင်ငံတော်ဖွဲ့စည်းပုံအခြေခံဥဒေဆိုင်ရာခုံရုံး
ပြည်ထောင်စုရွေးကောက်ပွဲကော်မရှင်ရုံး
ပြည်ထောင်စုစာရင်းစစ်ချုပ်ရုံး
ပြည်ထောင်စုရာထူးဝန်အဖွဲ့
နေပြည်တော်ကောင်စီ
မြန်မာနိုင်ငံတော်ဗဟိုဘဏ်
အဂတိလိုက်စားမှုတိုက်ဖျက်ရေးကော်မရှင်ရုံး
မြန်မာနိုင်ငံအမျိုးသားလူ့အခွင့်အရေးကော်မရှင်ရုံး
စစ်ကိုင်းတိုင်းဒေသကြီး အစိုးရအဖွဲ့
ကချင်ပြည်နယ်အစိုးရအဖွဲ့
ကယားပြည်နယ်အစိုးရအဖွဲ့
ပဲခူးတိုင်းဒေသကြီးအစိုးရအဖွဲ့
မန္တလေးတိုင်းဒေသကြီး အစိုးရအဖွဲ့
ရန်ကုန်တိုင်းဒေသကြီး အစိုးရအဖွဲ့
ရှမ်းပြည်နယ် အစိုးရအဖွဲ့ရုံး
ဧရာဝတီတိုင်းဒေသကြီး အစိုးရအဖွဲ့
မြန်မာနိုင်ငံရဲတပ်ဖွဲ့
အခွန်အယူခံခုံအဖွဲ့
အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီ
တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်
ဝန်ဆောင်မှုကုန်သွယ်ရေးနှင့် ရင်းနှီးမြှုပ်နှံမှု အချက်အလက်များဘဏ္ဍာတိုက်
မိုးလေဝသနှင့်ဇလဗေဒညွှန်ကြားမှုဦးစီးဌာန
E-Mandalay
မြန်မာဥပဒေသတင်းအချက်အလက်စနစ်
နေပြည်တော်စည်ပင်သာယာရေးကော်မတီ
ရန်ကုန်မြို့တော်စည်ပင်သာယာရေးကော်မတီ
မန္တလေးမြို့တော်စည်ပင်သာယာရေးကော်မတီ
မြန်မာနိုင်ငံအမျိုးသားစာကြည့်တိုက်(နေပြည်တော်)
Myanmar Ebook Library
ဖတ်မယ်
အမျိုးသားမှတ်တမ်းများ မော်ကွန်းတိုက်ဦးစီးဌာန
ကုန်းလမ်းပို့ဆောင်ရေးညွှန်ကြားမှုဦးစီးဌာန
တပ်မတော်ကာကွယ်ရေးဦးစီးချုပ်ရုံး
Myanmar Education Guide
Myanmar Earthquake
ပြန်ကြားရေးနှင့်ပြည်သူ့ဆက်ဆံရေးဦးစီးဌာန ပြည်သူ့စာကြည့်တိုက်
မြန်မာနိုင်ငံဆန်စပါးအသင်းချုပ်
နည်းပညာ၊ သက်မွေးပညာနှင့် လေ့ကျင့်ရေးဦးစီးဌာန
အဆင့်မြင့်သိပ္ပံနှင့်နည်းပညာဦးစီးဌာန

အမေးအဖြေကဏ္ဍ

  • မေး :
    ၂ဝ၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲနှင့်ပတ်သက်၍ မီဒီယာများ၏ မေးမြန်းမှုများအပေါ် အမျိုးသားကာကွယ်ရေးနှင့်လုံခြုံရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြန်လည်ဖြေကြားချက်
    ဖြေ :

    မေး။ ။ ရွေးကောက်ပွဲပထမပိုင်းမှာ (၅၂)ရာခိုင်နှုန်းကျော်မဲပေးခဲ့တယ်လို့ သိရှိရပါတယ်။ မဲပေးရာမှာ ပြည်သူပြည်သားတွေ ပါဝင်အောင်လို့ ဘယ်လိုလုံခြုံရေးအစီအမံတွေ လုပ်ခဲ့လဲဆိုတာ သိချင်ပါတယ်။

    ဖြေ။ ။ အဓိကတော့ ကျွန်တော်တို့က ရွေးကောက်ပွဲအပိုင်း (၁)မှာ ပြည်သူတွေ မဲပေးတာပေါ့နော်။ ပြည်သူတွေမဲပေးတာကြည့်ရတာ တော်တော်လေးအားရဖွယ်ကောင်းတယ်။ ကျွန်တော်ပြောခဲ့သလိုပဲ ဒါဟာအစိုးရရဲ့အောင်ပွဲလည်း မဟုတ်ဘူး။ ပြည်သူ့အောင်ပွဲပေါ့နော်။ ဒီမိုကရေစီလိုလားတဲ့ ပြည်သူတွေ၊ ငြိမ်းချမ်းမှုကို လိုလားတဲ့ပြည်သူတွေရဲ့အောင်ပွဲပါ။ အခု အပိုင်း(၂)မှာလည်း ခင်ဗျားတို့ ကျွန်တော်တို့ တွေ့ကြတာပဲ။ အပိုင်း(၂)မှာလည်း ရန်ကုန်မြို့ကို ရောက်နေတဲ့ နိုင်ငံတော်ယာယီသမ္မတ ဗိုလ်ချုပ်မှူးကြီးမင်းအောင်လှိုင်ကိုယ်တိုင် ဒီနေ့မဲရုံတွေကို လိုက်ကြည့်တယ်။ ကြည့်တဲ့အခါမှာလည်း တော်တော့်ကို တက်တက်ကြွကြွမဲပေးနေကြတာကို မြင်တွေ့ခဲ့ရမှာပဲ။ ဥပမာ - ဗိုလ်ချုပ်မှူးကြီးကိုယ်တိုင်လည်း ပြည်သူတွေနဲ့တွေ့ဆုံပြီး မေးမြန်းခဲ့တယ်။ မေးမြန်းခဲ့တဲ့အခါမှာလည်း ခင်ဗျားတို့ ကျွန်တော်တို့ မြင်လိမ့်မယ်။ မဲပေးစက်နဲ့ ပတ်သက်ပြီးလည်း မဲပေးတဲ့ပြည်သူတွေကို သူကိုယ်တိုင်မေးတယ်။ ခင်ဗျားနှိပ်တဲ့ ခလုတ်အတိုင်း စက္ကူကထွက်လားဆိုတော့ ထွက်တယ်ပေါ့နော်။ ဒါဟာပွင့်လင်းမြင်သာတဲ့ဟာပါပဲဗျ။ နောက်တစ်ခုကတော့ တချို့ဆိုရင် မနက် ၄ နာရီ ကတည်းကထပြီး မဲပေးကြရတာ။ အပိုင်း (၂)မှာလည်း ညနေမဲစာရင်းတွေပြီးရင်တော့ ထွက်လာမှာ ပေါ့ဗျာ။ အောင်မြင်မယ်လို့ ယုံကြည်တယ်။ အပိုင်း(၃)မှာလည်း အောင်မြင်မယ်လို့ ယုံကြည်ပါတယ်။ အရင်တုန်းက ၁၉၅၂ ခုနှစ်မှာ ပါလီမန်ဒီမိုကရေစီရွေးကောက်ပွဲ လုပ်ခဲ့တယ်။ အပိုင်း သုံးပိုင်း ခွဲပြီးလုပ်တာ ၅ လ လောက်ကြာတယ်။ အပိုင်းတစ်ပိုင်းကို (၇) ရက်လောက်၊ (၁၀) ရက်လောက်ကြာတယ်။ အဲ့ဒီမှာ မဲပေးခွင့်ရှိတဲ့သူ ၈ သန်းမှာ ၁ ဒသမ ၅ သန်းပဲပေးတာဆိုတော့ ၂၀ ရာခိုင်နှုန်းလောက်အထိ ရောက်သွားတာပေါ့နော်။ အခုတော့ ကျွန်တော်တို့နိုင်ငံမှာ မဲပေးတာနဲ့ပတ်သက်ပြီး တချို့ပြောနေကြတာတွေရှိတယ်။ မဲပေးတာနဲ့ပတ်သက်ပြီး မဲမပေးဖို့လှုံ့ဆော်နေကြတာတွေရှိတယ်။ အတိုက်အခံလုပ်ကြတာပေါ့။ ဘယ်လိုပဲပြောပြော ဒီမိုကရေစီစနစ်ကို ထူထောင်တဲ့နေရာမှာ ရွေးကောက်ပွဲကနေပဲတစ်ဆင့်ဖြတ်သန်းရမှာဖြစ်တယ်။ ဒီနေ့ပြောချင်တာကတော့ ရွေးကောက်ပွဲနဲ့ပတ်သက်ပြီး စိတ်ပါဝင်စားစွာလုပ်ဆောင်ပေးတဲ့၊ လာပြီးမဲပေးတဲ့ ပြည်သူပြည်သားတွေအားလုံး၊ ပြီးရင်မဲရုံမှာကြီးကြပ်နေတဲ့လူတွေအားလုံး၊ လုံခြုံရေးဝန်ထမ်းတွေအပါအဝင် ကူညီတဲ့လူတွေအားလုံးက ပြည်သူကိုစိတ်ချမ်းသာစွာ မဲပေးနိုင်ဖို့လုပ်ပေးတဲ့အတွက် အားလုံးကိုကျေးဇူးတင်ကြောင်း ပြောချင်တယ်။

    မေး။ ။ ရွေးကောက်ပွဲပြီးလို့ ပါတီစုံဒီမိုကရေစီစနစ်ဖြစ်ပေါ်လာတဲ့အခါ အိမ်နီးချင်းနိုင်ငံတွေ အပါအဝင် နိုင်ငံတကာဆက်ဆံရေးတည်ဆောက်တဲ့အခါမှာ ဘာတွေဘယ်လိုအထိမျှော်လင့်ထားပါသလဲ။

    ဖြေ။ ။ ကျွန်တော်တို့ကတော့ နိုင်ငံတကာဆက်ဆံရေးနဲ့ပတ်သက်ပြီးတော့ အခုချိန်မှာတော့ ပိတ်ဆို့တဲ့ဟာတွေ ရှိတာပေါ့။ ဒီဟာသည် ရွေးကောက်ခံအစိုးရမဟုတ်တဲ့အတွက် ပိတ်ဆို့တာတွေရှိတယ်။ သို့သော်ဆက်ဆံနေတဲ့နိုင်ငံတွေလည်း ရှိပါတယ်။ ကျွန်တော်တို့ မိတ်ဆွေနိုင်ငံတွေလည်း အများကြီးရှိတယ်။

    ဥပမာဆိုရင် အိမ်နီးချင်းနိုင်ငံတွေနဲ့ဆိုရင် မြန်မာနိုင်ငံနဲ့က ဆက်ဆံနေတာပဲ။ တကယ့်ကိုမိတ်ဆွေရင်းချာလိုပဲ ဆက်ဆံနေတာပဲ။ ဒီရွေးကောက်ပွဲပြီးတဲ့အခါမှာတော့ ခုနကပြောတဲ့ ကန့်သတ်ချက်တွေနည်းသွားတဲ့အတွက်ကြောင့် နိုင်ငံတကာဆက်ဆံရေး ပိုပြီးပွင့်လင်းလာမယ်။ ပိုပြီးမြင်သာလာမယ်လို့ပဲ ကျွန်တော်မြင်တယ်။ ရင်းနှီးမြှုပ်နှံမှုတွေလည်း မြန်မာနိုင်ငံမှာ ပိုပြီးဝင်လာမယ်လို့လည်း ကျွန်တော်မျှော်လင့်ပါတယ်ဗျ။ ဒီဟာနဲ့အတူ ကျွန်တော်တို့ နိုင်ငံသူ၊ နိုင်ငံသားတွေအားလုံးလည်း ပိုပြီးတော့ စီးပွားရေးအခွင့်အလမ်းတွေ ပွင့်လင်းလာမယ်လို့ မြင်ပါတယ်။

    မေး။ ။ ရွေးကောက်ပွဲပြီးသွားရင် လွှတ်တော်ခေါ်မယ်၊ အစိုးရဖွဲ့မယ်၊ ပေါ်ပေါက်လာတဲ့အစိုးရသစ်ကို အာဏာလွှဲပြောင်းမှုတွေလုပ်မယ်။ အဲ့ဒီအချိန်ဇယားက ဘယ်နှစ်လပိုင်းလောက်ဖြစ်မလဲ။ ပုံမှန်ဆိုရင်တော့ ဧပြီမှာ လွှဲတဲ့အခြေအနေမျိုးတွေရှိတာပေါ့၊ ဗိုလ်ချုပ်အနေနဲ့ ပြောပြလို့ရနိုင်လား။

    ဖြေ။ ။လွှတ်တော်ကတော့ မတ်လထဲမှာ ခေါ်ပြီးလုပ်ရမှာပဲ။ လုပ်ပြီးရင်အစိုးရသစ်တာဝန်တွေကတော့ ဧပြီလထဲမှာ ထမ်းဆောင်မှာပဲ။ ယခင်တုန်းကလုပ်ခဲ့တဲ့ ပုံမှန်ဇယားတွေအတိုင်းပဲ လုပ်ပါလိမ့်မယ်။

    မေး။ ။ ကြိုတင်မဲနဲ့ပတ်သက်ပြီးတော့ နိုင်ငံရေးပါတီများက ဗိုလ်ချုပ်မှူးကြီးကို တင်ပြတောင်းခံထားတာတွေရှိတယ်လို့ သိရပါတယ်။ အဲ့ဒါနဲ့ပတ်သက်ပြီးတော့ ဘယ်လိုတွေဆက်လက်လုပ်ဆောင်သွားဖို့ရှိပါသလဲ။

    ဖြေ။ ။ ဒါကတော့ ကော်မရှင်ရဲ့ကိစ္စပဲ။ ကော်မရှင်ကလုပ်ပါလိမ့်မယ်။ အဓိကတော့ ကြိုတင်မဲနဲ့ပတ်သက်ပြီး သူတို့ပြောနေတာများတယ်။ ကြိုတင်မဲရေတွက်တဲ့အခါမှာလည်း ကိုယ်စားလှယ်လောင်းတွေ အကုန်လုံးဖိတ်တာပဲ။ ခင်ဗျားတို့လည်းမြင်ပြီးသားပဲ။ ကျွန်တော်သိရသလောက် တချို့ကိုယ်စားလှယ်တွေက မလာဘူး။ မလာဘဲနဲ့ပြောတာပေါ့နော်။ ဥပမာဆိုရင် မရမ်းကုန်းဆိုရင် ပထမအကြိမ်မှာ ပြီးသွားပြီ။ ခင်ဗျားတို့ ကျွန်တော်တို့လည်းကြားခဲ့မှာပဲလေ။ ပုဂ္ဂလိကကိုယ်စားလှယ်လောင်း ဒေါက်တာခင်ခင်ကျော့ သူဆိုရင် သူကိုယ်တိုင်လည်း ပြောခဲ့တာပဲ။ သူဆိုရင် တော်တော်လေးစားဖို့ကောင်းပါတယ်။ သူရှုံးခဲ့တယ်။ ကြိုတင်မဲတွေရေတွက်တဲ့နေရာမှာ သူကိုယ်တိုင်လည်းသွားကြည့်တယ်။ သွားကြည့်တဲ့အခါမှာ ဒီလိုပဲပွင့်လင်းမြင်သာတာပါပဲ။ အကုန်လုံးကကျွန်တော်တို့က ကွယ်ဝှက်ပြီးလုပ်လို့မရပါဘူး။ ပွင့်လင်းမြင်သာစွာပဲလုပ်ရတာပဲ။ သို့သော်ချို့ယွင်းချက်လေးတွေရှိတာကို ကျွန်တော်တွေ့ရတယ်။ ဘာချို့ယွင်းချက်ရှိတာလည်းဆိုတော့ ကိုယ်စားလှယ်လောင်းတွေကို မဲရေတွက်တဲ့အချိန် ခေါ်တဲ့အခါမလာတာတွေရှိတယ်။ မလာဘဲနဲ့ပြောနေတာတွေရှိတာပေါ့နော်။ ဒါကျွန်တော်တွေ့ခဲ့တဲ့ဟာကိုပဲ ပြောခြင်းဖြစ်ပါတယ်။ တစ်ဖက်သတ်ပြောခြင်း မဟုတ်ပါဘူး။ သို့သော် ချို့ယွင်းချက်တွေလည်း ရှိကောင်းရှိနိုင်တယ်။ ရှိရင်လည်းကော်မရှင်နဲ့ ရှင်းလို့ရပါတယ်။ ကော်မရှင်နဲ့ ပြောလို့ရပါတယ်။ အားလုံးပွင့်လင်းမြင်သာစွာပဲ သူတို့ဆောင်ရွက်ပေးပါလိမ့်မယ်။

    မေး။ ။ ဒီရွေးကောက်ပွဲအပေါ် နိုင်ငံတကာရဲ့အမြင်ကရော ဘယ်လိုရှိပါသလဲ။

    ဖြေ။ ။ နိုင်ငံတကာအမြင်ကတော့ ပထမဦးဆုံးအကြိမ်ရွေးကောက်ပွဲမှာ နိုင်ငံတကာစောင့်ကြည့်လေ့လာရေးအဖွဲ့တွေလာတယ်။ စောင့်ကြည့်လေ့လာရေးအဖွဲ့က သေချာလေ့လာခဲ့တယ်။ လေ့လာပြီးမှ သူတို့တွေ့ပြီးတာတွေကို ပြောခဲ့တာရှိတယ်။ ပွင့်လင်းမြင်သာစွာ ထုတ်ပြန်ခဲ့တာတွေရှိတယ်။ အနှစ်ချုပ်ပြန်ပြောရရင် နံပါတ်တစ်က မြန်မာနိုင်ငံမှာရွေးကောက်ပွဲကို ဒီလောက်အောင်အောင်မြင်မြင် လုပ်နိုင်လိမ့်မယ်လို့ သူတို့ထင်မထားဘူး။ ဒီလောက်လူများလိမ့်မယ်လို့လည်းသူတို့ ထင်မထားဘူး။

    သူတို့သွားကြည့်တဲ့အခါမှာ မဲရုံမှာတန်းစီပြီးတော့ လူတွေမဲပေးနေတာကို တွေ့ရတယ်။ ဒါကြောင့်မို့ သူတို့ကိုယ်တိုင်လည်းအံ့ဩတယ်။ နောက်တစ်ခုက မဲပေးစက်ပေါ့။ မဲပေးစက်နဲ့ပတ်သက်ပြီး သူတို့ကိုယ်တိုင်လည်း လေ့လာခဲ့ပါတယ်။ ပွင့်လင်းမြင်သာမှုရှိတဲ့ မဲပေးစက်၊ ဘယ်လိုမှ လိမ်လို့မရတဲ့ မဲပေးစက်ဆိုပြီး ပြောသွားတယ်။ နောက်တစ်ခုက ကျွန်တော်တို့ မြန်မာပြည်သူလူထုရဲ့ ဒီမိုကရေစီကိုချစ်မြတ်နိုးတဲ့စိတ်ကို သူတို့ထုတ်ဖော်ပြီးတော့ ချီးကျူးသွားတာရှိတယ်။ ဒုတိယအကြိမ် ရွေးကောက်ပွဲမှာလည်း ကျွန်တော်တို့ မြန်မာနိုင်ငံမှာ အခြေစိုက်တဲ့သံရုံးတွေက စောင့်ကြည့်ရေးကိုယ်စားလှယ်တွေ သူတို့လွှတ်ထားတယ်။ အယောက် ၁၀၀ ကျော်ရှိတယ်။ အများအားဖြင့် မြို့ကြီးတွေမှာပဲများတယ်။ အပေါ်မြို့တွေမှာ ရန်ကုန်၊ မန္တလေး၊ ပြီးရင် အောက်မှာမော်လမြိုင်၊ ဟိုဘက်ကတောင်ကြီးတို့၊ စစ်ကိုင်းတို့ အဲ့ဒီအထိလွှတ်ထားတာရှိပါတယ်။ သူတို့လည်း အလျဉ်းသင့်တဲ့အချိန်မှာ ဒီစောင့်ကြည့်ရေးအဖွဲ့တွေက သူတို့တွေ့တာနဲ့ပတ်သက်ပြီး ပြန်ပြီးပြောပါလိမ့်မယ်။ အားလုံးကို ကျေးဇူးတင်ပါတယ်။

    moi

  • မေး :
    ပြည်ထောင်စုသမ္မတမြန်မာနိုင်ငံတော်အစိုးရ၏ အမျိုးသားအဆင့် အွန်လိုင်းလိမ်လည်မှုအမြစ်ပြတ်နှိမ်နင်းရေး လုပ်ငန်းစဉ်များနှင့်ပတ်သက်၍ သတင်းစာရှင်းလင်းပွဲအမေး/အဖြေများ
    ဖြေ :

    နေပြည်တော် ဒီဇင်ဘာ ၁၆

    Popular News ဂျာနယ်မှ အကြီးတန်းသတင်းထောက် ဒေါ်မဉ္ဇူဇော်တိုးက မင်းလက်ပံရှိ အွန်လိုင်းလိမ်လည်မှုလုပ်ငန်းများနှင့်တရားမဝင် ဝင်ရောက်နေထိုင်နေသည့် ပြည်ပနိုင်ငံသားများကိစ္စကို အစိုးရနှင့်တပ်မတော်အနေဖြင့် မည်သို့ကိုင်တွယ်ဖြေရှင်းသွားမည်ကို သိလိုပါကြောင်း မေးမြန်းသည်။

    နှစ်နိုင်ငံအထင်အမြင်လွဲစေရန်လုပ်ဆောင်မှုများကို မိမိတို့နှစ်နိုင်ငံချစ်ကြည်ရင်းနှီးမှုဖြင့် တိုက်ဖျက်သွားမည်

    ဗိုလ်ချုပ်ဇော်မင်းထွန်းက မင်းလက်ပံကိစ္စကို မီဒီယာများလည်း သိရှိပြီးဖြစ်ကြောင်း၊ မင်းလက်ပံကိစ္စသည် KNU အနေနှင့် အွန်လိုင်းလိမ်လည်မှုများကို ကျူးလွန်ပြီးသည့်နောက်ပိုင်းတွင် အွန်လိုင်းလိမ်လည်မှုနှင့် ၎င်းတို့မပတ်သက်ကြောင်းကိုပြလိုသည့် လုပ်ကွက်တစ်ခုဖြစ်သည်ကို မိမိအနေဖြင့် ပထမဦးဆုံးပြောလိုပါကြောင်း၊ နိုင်ငံတော်အစိုးရ အနေဖြင့် အွန်လိုင်းလိမ်လည်လောင်းကစားမှုလုပ်ငန်းများ အရှိန်အဟုန်နှင့် အမြစ်ပြတ်အောင် ဖြေရှင်းနေသည့်အပေါ်တွင် အာရုံပြောင်းရန်အတွက် KNU အနေဖြင့် ၎င်းတို့ကိုယ်တိုင်ပါဝင်ပတ်သက်နေသည့် KKO အဖွဲ့ကို (KKO အဖွဲ့နှင့် KNU အဖွဲ့အချို့ နေရာများတွင် မည်ကဲ့သို့ပတ်သက်ခဲ့သည်၊ မည်သို့ဖြစ်ပေါ်လာသည်ကို မိမိယခင်ကလည်း ပြောပြီးဖြစ်ကြောင်း) ဟန်ပြသိမ်းပိုက်ပြီး ၎င်းတို့ ထဲထဲဝင်ဝင် ပါဝင်ပတ်သက်နေသည့်အကြောင်းကို လူမသိအောင်လုပ်ရန်ဆောင်ရွက်ခြင်းဖြစ်သည်ဟု မိမိအနေဖြင့်ပြောလိုပါကြောင်း၊ ယင်းနှင့်ပတ်သက်ပြီးလည်း PowerPoint တွင် မိမိတို့ပြထား‌ကြောင်း၊ မိမိတို့ကိုလည်း ပြည်ပနိုင်ငံတစ်ခုက သံရုံးမှတစ်ဆင့် မင်းလက်ပံကိစ္စတွင်သေဆုံးခဲ့သည့် ၎င်းတို့ နိုင်ငံသားများရှိသည်ကိုလည်း သတင်းလက်ခံရရှိပါကြောင်း၊ ယင်းနှင့်ပတ်သက်ပြီး မိမိတို့အနေဖြင့်လည်း စုံစမ်းဖော်ထုတ်လျက်ရှိပါကြောင်း၊ စုံစမ်း ဖော်ထုတ်ပြီး ဆက်လက်ဆောင်ရွက်သွားမည်ဖြစ်ပါကြောင်း၊ အွန်လိုင်းလိမ်လည်မှုကိစ္စများနှင့်ပတ်သက်ပြီး မိမိပြောကြားခဲ့သည့်အတိုင်း အမြစ်ပြတ်သည်အထိ သုတ်သင်ချေမှုန်းသွားမည်ဖြစ်ပါကြောင်း၊ မြန်မာနိုင်ငံမည်သည့်နေရာဒေသတွင်ရှိသည့် နေရာတွင်ဖြစ်စေ၊ အွန်လိုင်းလိမ်လည်မှုဖြစ်စဉ်များနှင့် ပတ်သက်ပြီး ပြင်းပြင်းထန်ထန် ချေမှုန်းသွားမည် ဖြစ်ကြောင်း၊ မေးခွန်းနှင့်ဆက်စပ်ပြီး မြန်မာ-ထိုင်း နယ်စပ်တွင်ဖြစ်ပေါ်နေသည့် တချို့အခြေအနေနှင့် ပတ်သက်ပြီးလည်း ပြောလိုပါကြောင်း၊ မြန်မာ-ထိုင်းနယ်စပ်တွင် မိမိတို့အနေနှင့်ထိန်းသိမ်းမှုများ၊ အဆောက်အအုံများ မြေလှန်ဖျက်ဆီးမှုများဆောင်ရွက်နေကြောင်း၊ ဆောင်ရွက်နေရသည့် ရည်ရွယ်ချက်ကိုလည်း ပြောပြီးဖြစ်ကြောင်း၊ ယင်းကို နှောင့်ယှက်ရန်အတွက် KNU အနေဖြင့် ထိုဒေသများတွင် တိုက်ပွဲဖြစ်စဉ်များ ဖော်ဆောင်နေခြင်းများရှိကြောင်း၊ မိမိတို့ တပ်မတော်သားများနှင့်လည်း တိုက်ပွဲဖြစ်နေခြင်းများ ရှိကြောင်း၊ ထိုင်းနိုင်ငံအနေဖြင့်လည်း ၎င်းတို့၏နယ်မြေထဲသို့ မြန်မာ့တပ်မတော်ကပစ်သည့်ကျည်များကျသည်ဟု ပြောကြားမှုများရှိကြောင်း၊ ယင်းနှင့်ပတ်သက်ပြီး မိမိအနေဖြင့် လုံးဝမငြင်းပယ်ပါကြောင်း၊ မိမိတို့နှင့်ထိုင်းနိုင်ငံသည် အိမ်နီးချင်းနိုင်ငံများဖြစ်ကြောင်း၊ မိမိတို့တွင် နှစ်နိုင်ငံနယ်ခြားဒေသများနှင့်ပတ်သက်ပြီး အခြေခံအဆင့်ထိဖွဲ့စည်းပြီးဖြစ်ကြောင်း၊ မြို့နယ်အဆင့် နှစ်နိုင်ငံနယ်ခြားဒေသကော်မတီများ၊ ခရိုင်အဆင့်များ၊ ဒေသတွင်းအဆင့်များမှတစ်ဆင့် ညှိနှိုင်းဆောင်ရွက်နေပါကြောင်း၊ သို့သော်မိမိပြောလိုသည်မှာ တချို့သည်မိမိတို့ဘက်က ပစ်လိုက်ခြင်း မဟုတ်ပါကြောင်း၊ KNU အနေဖြင့် ထိုင်းနှင့်မြန်မာကြားတွင် ပြဿနာဖြစ်အောင် တမင်သက်သက်လုပ်နေခြင်းဖြစ်ကြောင်း၊ KNU က တိုက်ပွဲဖြစ် သယောင်နှင့် ထိုင်းနိုင်ငံထဲကို ကျည်များကျအောင် ပစ်နေခြင်းများရှိကြောင်း၊ ယင်းနှင့်ပတ်သက်ပြီး လည်း ယခုမိမိပြမည့် မင်းလက်ပံတွင် ဖြစ်နေသည့် နေရာ၌ တမင်သက်သက် ထိုင်းနိုင်ငံထဲကို KNU များအနေနှင့် ၄၀ မမ ဗုံးသီးများ ပစ်သွင်းနေခြင်းကို တွေ့ရမည်ဖြစ်ကြောင်း၊ ယင်း Video ဖိုင်ကို မိမိပြလို ပါကြောင်း၊ ၎င်းတို့ပစ်နေသည်မှာ ထိုင်းနိုင်ငံဘက်ကို ပစ်နေခြင်းဖြစ်ကြောင်း၊ မည်သည့်တိုက်ပွဲမျှ မဖြစ်ဘဲ လုပ်ဆောင်နေခြင်းဖြစ်ကြောင်း၊ ယင်းသည် သက်သေဖြစ်ကြောင်း၊ တစ်ဖက်တွင် သောင်ရင်းမြစ် ရှိပါကြောင်း၊ KNU များအနေဖြင့် မည်သည့်တိုက်ပွဲမျှ မဖြစ်ဘဲ သောင်ရင်းမြစ်ကိုကျော်ပြီး ထိုင်းနိုင်ငံထဲ သို့ပစ်နေသည့် သက်သေခံ Video ဖြစ်ကြောင်း၊ ယင်းကဲ့သို့ လုပ်ဆောင်နေပြီး နှစ်နိုင်ငံကြားတွင် အထင်အမြင်လွဲအောင်၊ နှစ်နိုင်ငံကြားတွင် ပြဿနာဖြစ်အောင် ၎င်းတို့အနေဖြင့် လုပ်ဆောင်နေခြင်း ဖြစ်ပါကြောင်း၊ ထိုကဲ့သို့ လုပ်ဆောင်မှသာ KNU ဆိုသည့် အဖွဲ့အစည်း၊ KNU နှင့်ပတ်သက်နေသည့် အကြမ်းဖက်အဖွဲ့အစည်းများသည် ရပ်တည်၍ ရမည်ဖြစ်ကြောင်း၊ နှစ်နိုင်ငံနယ်ခြားဒေသများတွင် ယခုကဲ့သို့ပြဿနာဖြစ်မှ၊ နှစ်နိုင်ငံနယ်ခြားဒေသများတွင် မတည်မငြိမ်ဖြစ်မှ ၎င်းတို့၏ရပ်တည်မှု၊ ၎င်းတို့၏ နေထိုင်မှုများသည် ခိုင်မာမည်ဖြစ်သည့် အတွက် ထိုကဲ့သို့လုပ်ဆောင်နေခြင်းဖြစ်သည်ကို ပြောလိုပါကြောင်း၊ ထိုင်းနှင့်မြန်မာနိုင်ငံ နှစ်နိုင်ငံသည် ဆက်သွယ်ဆက်ဆံရေးတွင် ရှေးနှစ်ပေါင်းများစွာကတည်းက ဆက်ဆံဆက်သွယ်နေသည့် အိမ်နီးချင်းနိုင်ငံများဖြစ်ကြောင်း၊ အထက်ပါအတိုင်း နှစ်နိုင်ငံအထင်အမြင်လွဲစေရန် လုပ်ဆောင်မှုများကို မိမိတို့နှစ်နိုင်ငံ ချစ်ကြည်ရင်းနှီးမှုဖြင့် တိုက်ဖျက်သွားမည်ဖြစ်ကြောင်း၊ နှစ်နိုင်ငံပူးပေါင်း ဆောင်ရွက်သွားမည်ဖြစ်ကြောင်း ဖြေကြားသည်။

    အမိမြေသစ္စာ သတင်းစုံသတင်းဂျာနယ်မှ ဒုတိယအယ်ဒီတာချုပ် ဦးမျိုးမင်းလတ်က အမြစ်ပြတ်နှိမ်နင်းရေးလမ်းစဉ်နှင့်ပတ်သက်ပြီး လက်ရှိ ကရင်ပြည်နယ်အတွင်းရှိ NCA ကို လက်မှတ်ရေးထိုး ထားသည့် DKBA ကဲ့သို့သောအဖွဲ့အစည်းမျိုး၊ KNU/ KNLA - PC ကဲ့သို့ အဖွဲ့အစည်းမျိုး၊ လက်ရှိနိုင်ငံတော် ကာကွယ်ရေးလက်အောက်တွင်ရှိနေသည့် BGF ကဲ့သို့အဖွဲ့အစည်းမျိုးနှင့် နိုင်ငံတော်အစိုးရတို့ ပူးပေါင်းဆောင်ရွက်မှုကဏ္ဍတချို့ကို သိလိုပါကြောင်း မေးမြန်းသည်။

    ဗိုလ်ချုပ် ဇော်မင်းထွန်းက မိမိပြောသွားသည့် အသုံးအနှုန်းများထဲတွင် ပါပြီးဖြစ်ပါကြောင်း၊ အွန်လိုင်းလိမ်လည်မှုများထဲတွင် တချို့သော EAO အဖွဲ့များအပြင်၊ တချို့သော လက်နက်ကိုင်အဖွဲ့များ ပါဝင်နေသည်ကို မိမိပြောလိုပါကြောင်း၊ အဖွဲ့အစည်းအနေဖြင့် ပါဝင်သည်ဆိုခြင်းထက် အဖွဲ့အစည်းထဲတွင်ရှိသည့် ပုဂ္ဂိုလ်တစ်ဦးချင်းသော်လည်း ကောင်း၊ အဖွဲ့အစည်းထဲတွင်ရှိသည့် ယင်းပုဂ္ဂိုလ်များ၏ တစ်ဦးချင်းနောက်တွင်လိုက်နေသည့် အဖွဲ့ငယ်လေးများအလိုက်သော်လည်းကောင်း ဆောင်ရွက်နေခြင်းရှိပါကြောင်း၊ မိမိပြောလိုသည်မှာ မကောင်းသည့်သွေးဆိုလျှင် ဖောက်ထုတ်ပစ်ရမည်ဖြစ်ပါကြောင်း၊ အဖွဲ့အစည်းတိုင်းတွင် ကောင်းသည့်လူရှိသကဲ့သို့ မကောင်းသည့်လူလည်းရှိကြောင်း၊ အဖွဲ့ အစည်းအားလုံးသည် မကောင်းခြင်းမဟုတ်ပါကြောင်း၊ ယခုဆိုလျှင် ရွှေကုက္ကိုလ်တွင်လုပ်ဆောင် နေသည့်အထဲတွင် BGF အဖွဲ့ဝင်များပူးပေါင်းပါဝင် ဆောင်ရွက်နေခြင်းရှိပါကြောင်း၊ တချို့ BGF အဖွဲ့ဝင်များလည်း ပူးပေါင်းပါဝင်ခြင်းမရှိကြောင်း၊ မိမိတို့ အနေဖြင့် ခွဲခွဲခြားခြားလုပ်ပစ်ရမည်ဖြစ်ကြောင်း၊ EAO အဖွဲ့အစည်းများအနေဖြင့်လည်း မိမိတို့အစိုးရ ၏မျက်နှာကိုမကြည့်ချင်နေ၊ နိုင်ငံတော်၏မျက်နှာ၊ ပြည်သူလူထု၏မျက်နှာကိုပဲကြည့်ပါဟု မိမိပြောလိုကြောင်း ပြန်လည်ဖြေကြားသည်။

    ဟိဏ်းသစ္စာသတင်းစုံဂျာနယ်မှ အယ်ဒီတာချုပ် ဒေါ်ခိုင်စံပယ်ဦးက ယခုမိမိတို့ မြန်မာနိုင်ငံသည် အခြားနိုင်ငံကဝင်ရောက်လာပြီး အွန်လိုင်းလိမ်လည် မှုလုပ်ငန်းဆိုင်ရာများ၊ ကျူးလွန်ခဲ့တဲ့သူများ၊ ပါဝင်ပတ်သက်ခဲ့သည့်သူများကို စရိတ်များအကုန်ကျခံကာ ကျွေးမွေးစောင့်ရှောက်ပြီး ၎င်းတို့၏ မူရင်းတိုင်းပြည်များသို့ ပြန်လည်အပ်နှံနေကြောင်းကို သိရ ပါကြောင်း၊ မိမိတို့မြန်မာနိုင်ငံသားများ တခြားနိုင်ငံတွင် ယင်းကဲ့သို့လုပ်ငန်းများထဲ ပါဝင်ပတ်သက်ခြင်းဖြစ်စေ၊ အခြားလုပ်ငန်းတစ်ခုခုတွင် ဥပဒေနှင့်မညီ သည့်အသုံးချခံရခြင်းများဖြစ်စေဖြစ်ပွားခဲ့သည့် ပြည်သူများကို တခြားနိုင်ငံများက မိမိတို့နိုင်ငံကို ယခုကဲ့သို့ပြုစုစောင့်ရှောက်ပြီး ပြန်လည်အပ်နှံပေးပါသလား၊ မည်မျှရှိခဲ့ပါသလဲဟု သိလိုပါကြောင်းမေးမြန်းသည်။

     ပြတ်ပြတ်သားသားအရေးယူရမည့်သူများကိုလည်း ပြတ်ပြတ်သားသားအရေးယူသွားမည်

    ဗိုလ်ချုပ်ဇော်မင်းထွန်းက နိုင်ငံတကာတွင် ယင်းကိစ္စများသည် နိုင်ငံတကာရာဇဝတ်မှုမြောက်ကြောင်း၊ နိုင်ငံတကာမှမသမာမှုဖြင့် ထွက်ပြေးနေသည့် ရာဇဝတ်သားများ၊ ရာဇဝတ်ပြေးများက စုပေါင်းပြီးလုပ်ခြင်းဖြစ်ပါကြောင်း၊ သတင်းထောက်ကြီးမေးသည့် အရေအတွက်ကို အတိအကျမပြောနိုင်သော်လည်း နိုင်ငံတကာတွင်လည်း နိုင်ငံတိုင်းနိုင်ငံတိုင်း စံနှုန်းရှိပါကြောင်း၊ ယင်းစံနှုန်းတွင် လူသားချင်းစာနာထောက်ထားမှုစံနှုန်းသည် နိုင်ငံတကာတွင်ရှိပြီးဖြစ်ပါကြောင်း၊ ထို့ကြောင့် ၎င်းတို့နိုင်ငံထဲတွင် ဥပမာ-မြန်မာနိုင်ငံသားက ပြစ်မှုကျူးလွန်သည်ဆိုပါက ၎င်းတို့အနေဖြင့် ၎င်းတို့တရားဥပဒေနှင့်ဆောင်ရွက်ကြောင်း၊ စားစရာ၊ နေရာပေးခြင်း၊ ပြန်လည်မအပ်နှံခင်စစ်ဆေးခြင်းတို့သည် နိုင်ငံတိုင်းတွင် လုပ်ဆောင်သည့်လုပ်ငန်းစဉ်များ ဖြစ်ပါ ကြောင်း၊ ယင်းတို့လုပ်ဆောင်နေခြင်းလည်းရှိပါကြောင်း၊ မြန်မာနိုင်ငံကိုပြန်လည်ပြီး အပ်နှံနေခြင်းလည်းရှိပါကြောင်း ဖြေကြားသည်။

    သတင်းနဂါးသတင်းစုံဂျာနယ်မှ အမှုဆောင်အရာရှိချုပ် ဦးမင်းထက်ပိုင်က မြန်မာနိုင်ငံထဲတွင် အွန်လိုင်းလိမ်လည်လောင်းကစားမှု ကျယ်ပြန့်လာသည်နှင့်အမျှ နစ်နာသည့် မြန်မာနိုင်ငံမှပြည်သူများ၊ အခြားနိုင်ငံမှ ပြည်သူပြည်သားများပါ ထိရောက်သည့် ဒုစရိုက်ကျူးလွန်မှုများ ခံစားနေရသည်ကို တွေ့ရပါကြောင်း၊ ဒုစရိုက်မှုများကို ချေမှုန်းပြီး အမြစ် ပြတ်နှိမ်နင်းနေသည့် ကာလဟုသိရသော်လည်း မိမိတို့လိုလားမှုမရှိဘဲနှင့် အွန်လိုင်းလိမ်လည်သည့် ဖြစ်စဉ်အောက်ကို ရောက်ရှိသွားသည့် အခြားနိုင်ငံက ပြည်သူများ၊ မိမိတို့မြန်မာနိုင်ငံကပြည်သူများကိုလည်း အမြန်ဆုံးကယ်ဆယ်စောင့်ရှောက်သွားမည့်အခြေအနေ၊ ထောက်ပံ့သွားမည့်အခြေအနေကို သိလိုပါကြောင်းမေးမြန်းသည်။

    ဗိုလ်ချုပ်ဇော်မင်းထွန်းက အွန်လိုင်းလိမ်လည်မှု ဖြစ်စဉ်တွင် အနည်းငယ်ရှုပ်ထွေးသည့် အပိုင်းများရှိကြောင်း၊ ရှုပ်ထွေးသည့်အပိုင်းဆိုသည်မှာ ပြစ်မှုကျူးလွန်ခြင်းမဟုတ်ဘဲ ၎င်း၏ ဖုန်းနံပါတ်၊ မှတ်ပုံတင်နံပါတ်၊ ရုပ်သွင်ကိုအသုံးချခံလိုက်ရခြင်းမျိုး ရှိကြောင်း၊ ယင်းနှင့်ပတ်သက်ပြီး နစ်နာမှုရှိသည့် လူများလည်း မြန်မာနိုင်ငံထဲတွင် ရှိပါကြောင်း၊ သို့သော် တချို့က ထိုသို့မဟုတ်ဘဲ အကျိုးတူဆောင် ရွက်ခြင်းဖြစ်ကြောင်း၊ ပြည်ထဲရေးဝန်ကြီးဌာန ဒုတိယဝန်ကြီး ပြောခဲ့သကဲ့သို့ တချို့ကသားကောင် ဖြစ်ခဲ့သည်မှာမှန်သော်လည်း တချို့က သားကောင်မဟုတ်ဘဲ ၎င်းတို့ကိုယ်တိုင်လုပ်ဆောင်ခဲ့ခြင်းဖြစ်ကြောင်း၊ မိမိတို့ မြန်မာနိုင်ငံတွင်လည်းရှိသည်ကို မိမိတို့ဝန်ခံကြောင်း၊ နိုင်ငံခြားသားများလည်း ရှိကြောင်း၊ မိမိတို့ဖမ်းမိသည်မှာအရေအတွက် အနည်းငယ်သာဖြစ်ကြောင်း၊ ပြည်ထဲရေးဒုတိယ ဝန်ကြီးပြောသကဲ့သို့ ၎င်းတို့ ကိုယ်တိုင်ဖမ်းဆီးပြီး ပြန်ပို့လိုက်သော်လည်း တချို့လူများက ဒုတိယအကြိမ် လိုလိုလားလား ပြန်ဝင်လာကြောင်း၊ ထိုလူမျိုးများကို မိမိတို့က ခွဲခြားသတ်မှတ်ရမည်ဖြစ်ကြောင်း၊ အပြစ်ရှိသည့်သူများကိုလည်း မိမိတို့က ပြင်းပြင်းထန်ထန်ချေမှုန်းမည်ဖြစ်ကြောင်း၊ မိမိတို့ မြန်မာနိုင်ငံ၏ သဘောထားကိုပြောပြီးဖြစ်ကြောင်း၊ မိမိတို့မြန်မာနိုင်ငံ၏ သဘောထားသည် အွန်လိုင်း လိမ်လည်မှုဆိုသည်မှာ လူတစ်ဦးတည်းကိုလိမ်လည် ခြင်းမဟုတ်ဘဲ၊ လူအများစုကို လိမ်လည်ခြင်းဖြစ်ကြောင်း၊ ထို့ကြောင့် လူအများစုပေါ်တွင်ကျူးလွန်သည့် ကြီးလေးသည့်ပြစ်မှုအဖြစ် မိမိတို့ခံယူထားကြောင်း၊ ထို့ကြောင့် အကာအကွယ်လိုအပ်သည့်လူများကိုလည်း မိမိတို့ အကာအကွယ်ပေးသွားမည် ဖြစ်ပြီး ပြတ်ပြတ်သားသားအရေးယူရမည့်သူများကိုလည်း ပြတ်ပြတ်သားသားအရေးယူသွားမည်ဟု ပြောလိုပါကြောင်း ဖြေကြားသည်။

    အမှန်တရားသတင်းစုံဂျာနယ်မှ သတင်းထောက်ဦးဝင်းဇော်က အွန်လိုင်းလိမ်လည်မှုနှင့် အွန်လိုင်းလောင်းကစားတိုက်ဖျက်ရေးကြီးကြပ်မှု ကော်မတီဖွဲ့စည်းဆောင်ရွက်ခြင်းကို တွေ့ရ၍ ကြိုဆိုပါကြောင်း၊ အွန်လိုင်းလိမ်လည်မှုနှင့် အွန်လိုင်းလောင်းကစား အမြန်ဆုံးရှင်းလင်း ကွယ်ပျောက်သွားမည်ဟုလည်း ယုံကြည်ပါကြောင်း၊ အွန်လိုင်းလိမ်လည်မှုနှင့် အွန်လိုင်းလောင်းကစားတစ်ခုဖြစ်သည့် အွန်လိုင်းပေါ်တွင် ထိုင်းထီဂဏန်း သုံးလုံးတူလျှင် ပေါက်မဲဟုဆိုသည့် ကားကံစမ်းမဲ၊ ဆိုင်ကယ်ကံစမ်းမဲ၊ မြေကွက်ကံစမ်းမဲ၊ အိမ်ကံစမ်းမဲ များကို လိမ်လည်ရောင်းချနေသူ အများအပြားတွေ့ရပါကြောင်း၊ ယင်းကဲ့သို့လုပ်ဆောင်နေသည့် အွန်လိုင်းကံစမ်းမဲများကို အရေးယူဖမ်းဆီးမှုရှိ၊ မရှိသိလိုပါကြောင်း မေးမြန်းသည်။

    ရဲမှူးချုပ်ကျော်လင်းက အွန်လိုင်းလောင်းကစားမှုများနှင့်ပတ်သက်ပြီး အွန်လိုင်းပေါ်တွင် နည်းမျိုးစုံ၊ ကစားနည်းမျိုးစုံနှင့် လုပ်ဆောင်နေသည်ကိုတွေ့ရမည်ဖြစ်ပါကြောင်း၊ ယင်းကဲ့သို့ တရားမဝင်ထိုင်းထီများ၊ ကားများ၊ မြေများ၊ အိမ်စသည့်ကံစမ်းမဲများ လိမ်လည်ရောင်းချသည့်သူများကို နည်းပညာပိုင်းအရဖော်ထုတ်ပြီးမှ လောင်းကစားဥပဒေနှင့် အရေးယူနေခြင်းများ ရှိပါကြောင်း၊ ၂၀၂၅ ခုနှစ်၊ ဒီဇင်ဘာလအထိ အွန်လိုင်းလောင်းကစားမှု ၁၀၇ မှု ဖော်ထုတ်အရေးယူနိုင်ခဲ့ကြောင်း ရှင်းလင်းဖြေကြားသည်။

    NP News သတင်းဌာနမှ သတင်းထောက်ချုပ် ကိုသုတကျော်က Online Scam ကို နယ်စပ်တွင် တိုက်ဖျက်နေသည်ကိုသိရကြောင်း၊ ယင်းနောက်တွင် ၎င်းတို့ထဲက တချို့သည် ပြည်မဘက်ကို စိမ့်ဝင်လာသည်ဟု သတင်းထွက်ခြင်းမျိုးများရှိကြောင်း၊ ၎င်းတို့နှင့်ပတ်သက်ပြီး အရေးယူဆောင်ရွက်သည့် အပိုင်းတွင် အဂတိရှိနေသည်ဟု သတင်းထွက်ခြင်း များ ရှိနေပါကြောင်း၊ ယင်းကိစ္စနှင့်ပတ်သက်၍ ပြန်လည်ဖြေကြားပေးစေလိုကြောင်း မေးမြန်း သည်။

    ဗိုလ်ချုပ်ဇော်မင်းထွန်းက အွန်လိုင်းလောင်းကစားသည် နည်းပညာပိုင်းဆိုင်ရာများ၊ လုပ်ဆောင်သည့်သူများဖြင့် ရှုပ်ထွေးမှုနှစ်ခုဖြစ်ကြောင်း၊ နံပါတ်တစ် နည်းပညာပိုင်းဆိုင်ရာ၊ နံပါတ်နှစ် လုပ်ဆောင်သည့်သူများဖြစ်ကြောင်း၊ နံပါတ်တစ် နည်းပညာပိုင်းဆိုင်ရာဆိုသည်မှာ အွန်လိုင်းလောင်း ကစားမှုကို ဒီနေရာတွင် နှိမ်နင်းလိုက်သော်လည်း နည်းပညာပိုင်းဆိုင်ရာ တချို့သောအချက်များကို ဒီထဲတွင် ဖျက်ဆီးလိုက်နိုင်ခြင်းရှိသော်လည်း လေပေါ်တွင် ရှိနေသည့်အရာကို မိမိတို့မဖျက်ဆီး နိုင်ကြောင်း၊ ဥပမာ-အနီးဆုံး ပြောရမည်ဆိုလျှင် Cloud နည်းပညာနှင့် အင်တာနက်အပေါ်တွင် တင်ထားသည့် အချက်အလက်များကို သတင်းထောက်ကြီးတို့လည်း မသိနိုင်သလို မိမိတို့လည်း မသိနိုင်ကြောင်း၊ အချက်အလက်နှိမ်နင်းရန် ခက်ခဲမှု၊ နံပါတ်နှစ်မှာ အွန်လိုင်းလောင်းကစားမှုကို ကျူးလွန် နေသည့်သူများဖြစ်ကြောင်း၊ အွန်လိုင်းလောင်း ကစားမှုကို ကျူးလွန်နေသည့်သူများက အများအားဖြင့် မည်သည့်လူကြီးလူကောင်းမှ မကျူးလွန်ကြောင်း၊ နိုင်ငံတကာတွင်ရှိနေသည့် ရာဇဝတ်မှု ကျူးလွန်ပြီး ထွက်ပြေးနေသည့် ပြည်ပြေးများ သို့မဟုတ် ရာဇဝတ်သားများက အများအားဖြင့် ကျူးလွန်ခြင်းဖြစ်ကြောင်း၊ ၎င်းတို့၏ နောက်ကွယ်တွင် အရေခြုံများရှိနေနိုင်ကြောင်း၊ ထို့ကြောင့် မိမိတို့အနေဖြင့် တချို့ကိစ္စများကို ခြေရာခံပြီး ကွင်းဆက်လိုက်ကာ အားလုံးနှင့်ပူးပေါင်းဆောင် ရွက်ရခြင်းဖြစ်ကြောင်း၊ နယ်စပ်များတွင် နှိမ်နင်းလိုက်သည့်သူများက မြန်မာနိုင်ငံထဲကို ဝင်လာနိုင်ကြောင်း၊ ဤသည်ကိုလည်းမဖြစ်နိုင်ဟု ပြော၍မရကြောင်း၊ မိမိတို့လည်း မငြင်းကြောင်း၊ ပြည်ပကို မည်မျှထွက်သွားသည်ကိုလည်း သတင်းထောက် ကြီးတို့ မြင်ပြီးဖြစ်ကြောင်း၊ မြန်မာနိုင်ငံထဲကိုလည်း ဝင်လာနိုင်ကြောင်း၊ ထိုကဲ့သို့ မြန်မာနိုင်ငံထဲကို ဝင်လာသည့်အခါ မိမိတို့အနေဖြင့် ပြတ်ပြတ်သားသား နှိမ်နင်းသွားမည်ဖြစ်ကြောင်း၊ မြန်မာနိုင်ငံထဲကို ဝင်လာသည်ဆိုသည့်နေရာတွင် အဓိကလုပ်ဆောင်ရမည်မှာ၊ အဓိက အကူအညီတောင်းလိုခြင်းမှာ မိမိတို့ပြည်သူလူထုသာဖြစ်ကြောင်း၊ နံပါတ်တစ်အနေနှင့် ပြည်သူလူထုအနေဖြင့် မမြင်ချင်ယောင် မဆောင်ဘဲ၊ မကြားချင်ယောင်မဆောင်ဘဲ သက်ဆိုင်ရာကိုပြောသင့်ကြောင်း၊ မမြင်ယောင် မကြားချင်ယောင် မဆောင်ဘူးဆိုလျှင် ပထမဦးဆုံး နှိမ်နင်းပြီးသားဖြစ်ကြောင်း၊ နံပါတ်နှစ်အချက်အနေဖြင့် ပုန်းကွယ်ရန် နေရာမပေးသင့်ကြောင်း၊ ၎င်းတို့ ဘယ်နေရာတွင်ပုန်းမည်လဲ၊ မိမိတို့ပြည်သူ လူထုထဲတွင်သာ ပုန်းမည်ဖြစ်ကြောင်း၊ ပုန်းစရာ နေရာမရှိရလေအောင် မသင်္ကာဖွယ်ရာတွေ့ရှိပါက တရားဥပဒေစိုးမိုးရေးအဖွဲ့နှင့် ပြည်သူလူထုက ဝိုင်းဝန်းကူညီ ပူးပေါင်းဆောင်ရွက်သွားကြပါရန် မိမိအနေဖြင့် တိုက်တွန်းလိုပါကြောင်းဖြေကြားသည်။

    Myanmar Transparency News Agency မှ အကြီးတန်းသတင်းထောက် ဦးဇေယျာငြိမ်းက ပြီးခဲ့သည့်ရက်ပိုင်းတွင် တရုတ်နိုင်ငံကဂိုဏ်းကြီး လေးဂိုဏ်းနှင့် သံသယရှိသူအယောက် ၁၀၀ ကိုလည်း ဖမ်းဝရမ်းထုတ်ထားကြောင်း၊ ယင်းကိုကြည့်ခြင်း အားဖြင့် MNDAA ၊ TNLA တို့ကဲ့သို့ မြောက်ပိုင်းအဖွဲ့များကလည်း Online Scam ကျူးလွန်သည့်သူများကို အခကြေးငွေယူပြီး လက်ခံပေးထားခြင်းမျိုး၊ ကာကွယ်ပေးထားခြင်းမျိုးရှိနေကြောင်း၊ လက်ရှိမြဝတီမြို့နယ်တွင် တပ်မတော်က အမြစ်ပြတ်ချေမှုန်းနေမှုများ လုပ်ဆောင်လျက်ရှိကြောင်း၊ ယင်းအခြေအနေမျိုးတွင် တပ်မတော်နှင့် တိုက်ပွဲဖြစ်နေသည့် အဖွဲ့အစည်းများက Online Scam လုပ်သည့် သူများကို အခကြေးငွေယူပြီး အကာအကွယ်ပေးထားခြင်း၊ လွတ်မြောက်အောင် လုပ်ပေးနေခြင်းမျိုးရှိနေကြောင်း၊ ယင်းကိစ္စများကို တာဝန်ရှိသူများနှင့် တပ်မတော်အနေဖြင့် မည်သို့ကိုင်တွယ်ဖြေရှင်း သွားမည်ဆိုသည်ကို သိလိုပါကြောင်း မေးမြန်းသည်။

    ဗိုလ်ချုပ်ဇော်မင်းထွန်းက တချို့သတင်းများလည်း မိမိတို့ရရှိကြောင်း၊ တချို့ရရှိသည့် သတင်းများကိုလည်း အတည်မပြုနိုင်သေးကြောင်း၊ လောက်ကိုင်နယ်မြေအတွင်းတွင်ပင် ယခင်ကလို အလုံးအရင်းနှင့်မဟုတ်ဘဲ အွန်လိုင်းလိမ်လည်မှု အဖွဲ့ငယ်လေးများ လုပ်ဆောင်နေသည်ဆိုသည့် သတင်းမျိုးလည်း မိမိတို့ရရှိထားပြီး၊ အတည်မပြုနိုင်သေးကြောင်း၊ ယင်းနေရာတွင် သတင်းရယူရေးအဖွဲ့အစည်းများ မရှိသေးသည့်အတွက်၊ သတင်းရယူရေး အဖွဲ့အစည်းများကလည်း တစ်ဆင့်ပြန်လည်ရရှိသည့် သတင်းများဖြစ်သည့်အတွက် အတည်မပြုနိုင်သေးသော်လည်း ယုံကြည်ရလောက်သည့် သတင်းအရင်းအမြစ်များထံမှ သတင်းများကိုရခြင်းဖြစ်ကြောင်း၊ ထို့ကြောင့် မိမိတို့အနေဖြင့် မိမိတို့ပူးပေါင်းဆောင်ရွက်နေသည့် အိမ်နီးချင်းနိုင်ငံဖြစ်သည့် တရုတ်နိုင်ငံနှင့် ပူးပေါင်းဆောင်ရွက်နေမှုများလည်းရှိကြောင်း၊ ယင်းသတင်းကို ပိုမိုခိုင်မာနိုင်ရေးအတွက် ဆက်လက်ဆောင်ရွက်သွားမည်ဖြစ်ကြောင်း၊ ဆက်လက်ဆောင်ရွက်ပြီးလျှင် ၎င်း၏အောက်ဘက်တွင်ရှိနေသည့် EAO နယ်မြေများရှိကြောင်း၊ အတွင်းဘက်တွင်လည်း တချို့လက်နက်ကိုင်အဖွဲ့များ၏ နယ်မြေများရှိကြောင်း၊ ယင်းနယ်မြေများထဲတွင်လည်း တချို့လုပ်ငန်းလေးများလုပ်နေခြင်းရှိကြောင်း၊ ရှမ်းပြည်တောင်ပိုင်း နမ့်စန်မြို့နှင့် ပတ်ဝန်းကျင်တွင် မိမိတို့ဖမ်းဆီးရမိခြင်းများ ရှိကြောင်း၊ မိမိတို့နှစ်နိုင်ငံ သတင်းညှိနှိုင်းဖလှယ် ထားသည့်ရရှိခဲ့သည့် သတင်းကွင်းဆက်များအရ လုပ်ဆောင်နေခြင်းဖြစ်ကြောင်း၊ မိမိတို့အနေဖြင့် နှစ်နိုင်ငံပူးပေါင်းပြီး ယင်းနယ်မြေများကို သတင်း အရင်းအမြစ်ဖော်ထုတ်ပြီး နှိမ်နင်းနိုင်ရန်အတွက် ဆက်လက်ဆောင်ရွက်သွားမည်ဖြစ်သည်ကို ပြောကြားလိုကြောင်း ဖြေကြားသည်။

    ဆက်လက်၍ ဦးဇေယျာငြိမ်းက အကယ်၍များ ယင်းသတင်းအရင်းအမြစ် မှန်သည်ဆိုပါက ၎င်းတို့ ဖုံးကွယ်ပေးထားခြင်းများ၊ ကယ်တင်ပေးထားခြင်းများ မှန်သည်ဆိုပါက မည်ကဲ့သို့ ဆောင်ရွက်သွားနိုင် မည်ကို သိလိုကြောင်းမေးမြန်းသည်။

    ဗိုလ်ချုပ်ဇော်မင်းထွန်းက မိမိတို့အနေဖြင့် တချို့အဖွဲ့အစည်းများနှင့်ပတ်သက်ပြီး စကားပြောနေခြင်းများရှိကြောင်း၊ ထိုသို့စကားပြောနေ ခြင်းသည် ပစ်ခတ်တိုက်ခိုက်မှုရပ်စဲရေး၊ ငြိမ်းချမ်းရေးအတွက်ဖြစ်ကြောင်း၊ ၎င်းတို့၏လုပ်ဆောင်ချက်နှင့်ပတ်သက်ပြီး ပထမအဆင့် သတိပေးသွားမည်ကြောင်း၊ နောက်မလိုက်နာဘူးဆိုလျှင် နိုင်ငံတော်အဆင့်အနေဖြင့် အရေးယူဆောင်ရွက်သွားမည်ဖြစ်ကြောင်း ဖြေကြားသည်။

    အထူးဟစ်တိုင်သတင်းအေဂျင်စီမှ အကြီးတန်းသတင်းထောက် ဦးအောင်ကျော်ဦးက နိုင်ငံတော်အစိုးရအနေဖြင့် အွန်လိုင်းလိမ်လည်မှုကို နယ်စပ်ဒေသတွင် အမြစ်ပြတ်ချေမှုန်း တိုက်ဖျက်နေသည်ကိုတွေ့ရသဖြင့် ဝမ်းသာမိပါကြောင်း၊ သို့သော်လည်း နည်းစနစ်တစ်မျိုးဖြင့် Link ချပြီး ဖုန်းများထဲတွင် အွန်လိုင်းမှ ဝင်လာခြင်းများရှိကြောင်း၊ တစ်နေ့ကို သိန်းတစ်ရာခန့် တစ်ခဏအတွင်းကုန်သွားသည့် ကျွဲဂိမ်းကဲ့သို့ တချို့ဂိမ်းများလည်းရှိကြောင်း၊ ယင်းကိစ္စနှင့်ပတ်သက်၍ တချို့အနုပညာရှင်များဖြင့် ကြော်ငြာနေသည်ကိုပင် တွေ့ရကြောင်း၊ ယင်းနှင့်ပတ်သက်၍ မည်ကဲ့သို့စီမံထားသည်ကို သိလိုကြောင်း မေးမြန်းသည်။

    ရဲမှူးချုပ် ကျော်လင်းကသတင်းထောက်ကြီး မေးမြန်းသွားသည့်အတိုင်း နည်းပညာများ တိုးတက်လာသည်နှင့်အမျှ နည်းပညာများကို အသုံးပြုပြီး ကျူးလွန်သည့်ပြစ်မှုများသည် ပုံသဏ္ဌာန် အမျိုးမျိုးနှင့် များပြားလာသည်ကို တွေ့ရကြောင်း၊ ကျွဲဂိမ်းကဲ့သို့ Slot ဂိမ်းများ၊ အွန်လိုင်းလောင်း ကစားနှင့်ပတ်သက်ပြီး ဆက်စပ်နေသည်ဟု မိမိတို့ စိစစ်ဖော်ထုတ်တွေ့ရှိ ရသော Facebook အ‌ကောင့်များ၊ Telegram အကောင့်များ အစရှိသဖြင့် လူမှုကွန်ရက်အကောင့်များကို စောင့်ကြည့်စုံစမ်းပြီး အရေးယူဆောင်ရွက်နေခြင်းများရှိပါကြောင်း၊ ၂၀၂၃ ခုနှစ်မှ ၂၀၂၅ ခုနှစ်အထိ အွန်လိုင်းဂိမ်းများနှင့် ဆက်စပ်သည်ဟု သံသယရှိသည့် Facebook အကောင့်၊ Telegram အကောင့်နှင့်တခြားလူမှုကွန်ရက်အကောင့် ၂၀၀၀ ကျော်ကို ဖော်ထုတ်နိုင်ခဲ့ပါကြောင်း၊ ယင်းနှင့်ဆက်စပ်နေသည့် ဖုန်းဆင်းကတ် ၂၃၀၀ ကျော်ကို ပိတ်သိမ်းနိုင်ခဲ့ကြောင်း၊ Link ချပေးသည့် ဖုန်းနံပါတ် ၄၅၆ ခုကိုလည်း ပိတ်သိမ်းဆောင်ရွက်ခဲ့ကြောင်း၊တစ်ဆက်တည်း အွန်လိုင်းလောင်းကစားများဖြင့် ဆက်စပ်နေပြီး ငွေသွင်းငွေထုတ်ပြုလုပ်သည့် Pay အကောင့်ပေါင်း ၁၉၀၀ ကျော်ကိုလည်း ပိတ်သိမ်းဆောင်ရွက်ခဲ့ကြောင်း၊ တချို့ကြော်ငြာများတွင် သရုပ်ဆောင်များ ဝင်ရောက်ကြော်ငြာနေခြင်းရှိကြောင်း၊ ယင်းနှင့်ပတ်သက်၍ ၂၀၂၅ ခုနှစ်တွင် Miles Ceno Facebook Page တွင် ဝင်ရောက်ကြော်ငြာသည့် သရုပ်ဆောင်တစ်ဦးကို ဖော်ထုတ်ဖမ်းဆီးရမိသဖြင့် ဥပဒေနှင့်အညီ အမှုဖွင့်အရေးယူဆောင်ရွက်ခဲ့ကြောင်း၊ မိမိတို့မြန်မာနိုင်ငံ ရဲတပ်ဖွဲ့အနေဖြင့် အွန်လိုင်းလောင်းကစားမှုများနှင့် ပတ်သက်လျှင် နည်းပညာပိုင်းအရ စောင့်ကြည့်စုံစမ်းဖော်ထုတ်ပြီး အကောင့်များ၊ Pay အကောင့်များ၊ လူမှုကွန်ရက်အကောင့်များကို ပိတ်သိမ်းနိုင်ရန် ဆောင်ရွက်ကြောင်း၊ တယ်လီဖုန်းဆင်းကတ်များကိုလည်း ပိတ်သိမ်းနိုင်ရန်ဆောင်ရွက်နေကြောင်း၊ ထို့ပြင် Links များကိုလည်း အမြဲတမ်းစောင့်ကြည့် ဆောင်ရွက်နေကြောင်း၊ Links များနှင့် ဆက်စပ်နေသည့် ဖုန်းနံပါတ်များကိုလည်း ပိတ်သိမ်းဆောင်ရွက်နေသည်ဟု ပြောကြားလိုကြောင်း ဖြေကြားသည်။

    Myanmar National Post News Agency မှ အယ်ဒီတာချုပ် နောင်တော်လေးက အွန်လိုင်းလိမ်လည်မှုလုပ်ငန်းများ အဓိကဦးဆောင်လုပ်ကိုင်ခဲ့သည့် KNU အကြမ်းဖက်အဖွဲ့ခေါင်းဆောင် စောကွယ်ထူးဝင်းနှင့် အပေါင်းအပါများကို အမှုဖွင့်လှစ်ဆောင်ရွက်ထားမှု ရှိ/မရှိနှင့်အကယ်၍ မရှိသေးပါက အမှုဖွင့်လှစ်ဆောင်ရွက်ရန် ရှိ/မရှိ သိလို ပါကြောင်း မေးမြန်းသည်။

    ဒုတိယရဲဗိုလ်ချုပ်ကြီးဝင်းဇော်မိုးက ယခင်က KNU အဖွဲ့သည် မတရားအသင်းဖြစ်ကြောင်း၊ NCA တစ်နိုင်ငံလုံး ပစ်ခတ်တိုက်မှုရပ်စဲရေးသဘောတူစာချုပ်လက်မှတ်ရေးထိုးပြီးနောက်တွင် KNU အဖွဲ့ကို မတရားအသင်းအဖြစ်မှ ပယ်ဖျက်ပေးခဲ့ကြောင်း၊ ပယ်ဖျက်ပေးခဲ့ပြီးနောက် ၂၀၂၁ ခုနှစ် နိုင်ငံရေးဖြစ်စဉ်နောက်ပိုင်းတွင် KNU အဖွဲ့သည် အကြမ်းဖက် လုပ်ရပ်ကို လုပ်ဆောင်လာတာရှိခဲ့ကြောင်း၊ မိမိတို့ အစိုးရဌာနဆိုင်ရာ အဆောက်အအုံများကို ဖောက်ခွဲဖျက်ဆီးမှုများလည်း ရှိခဲ့ကြောင်း၊ လမ်း၊ တံတားများကို ချိုးဖျက်မှုများရှိခဲ့ကြောင်း၊ အာရှ Highway လမ်းမကြီးပြတ်တောက်မှုဖြစ်ပေါ်ကြောင်း၊ ထိုသို့ ပြတ်တောက်သွားသည့်အချိန်တွင် နိုင်ငံတော်အစိုးရအနေဖြင့် KNU အဖွဲ့ကို လက်ပိုက်ကြည့်နေ၍ မရကြောင်း၊ ထို့ကြောင့် ၂၀၂၅ ခုနှစ် ဩဂုတ်လ ၂၈ ရက် တွင် KNU အဖွဲ့ကို အကြမ်းဖက်အဖွဲ့အစည်းအဖြစ်ရော၊ မတရားအသင်းအဖွဲ့အစည်းအဖြစ်ရော ထပ်ပြီး ကြေညာထားခဲ့ပြီဖြစ်ကြောင်း၊ လက်ရှိနယ်စပ်ဒေသတွင် ဖြစ်နေသည့် အွန်လိုင်းလိမ်လည်မှု၊ အွန်လိုင်း လောင်းကစားမှုများမှာ KNU အဖွဲ့ဘယ်လိုအနေအထားနှင့်ပတ်သက်နေသည်ကို မိမိတို့ ရှေ့တွင်ရှင်းပြခဲ့ပြီးဖြစ်သည့်အတွက်ကြောင့် သိပြီးဖြစ်မည်ဟု မိမိထင်ကြောင်း၊ လက်ရှိတွင် KNU အဖွဲ့ကို ဖဒိုစောကွယ်ထူးဝင်းနှင့် ဗဟိုကော်မတီဝင်များ၊ ၎င်းတို့၏ လက်အောက်ခံအဖွဲ့ဝင်များကိုလည်း အကြမ်းဖက်မှုတိုက်ဖျက်ရေးဥပဒေ၊ မတရားအသင်းအက်ဥပဒေနှင့် မိမိတို့အမှုဖွင့်ထားကြောင်း၊ ထို့ပြင် ပါတီစုံဒီမိုကရေစီ အထွေထွေရွေးကောက်ပွဲ နှောင့်ယှက်ဟန့်တားဖျက်ဆီးခြင်းမှ ကာကွယ်ရေးဥပဒေနှင့်လည်း အမှုဖွင့်ထားကြောင်း၊ ဆက်လက်ပြီး ပြည်တွင်းဥပဒေနှင့်အညီ KNU အဖွဲ့ကို ဆက်လက် အရေးယူနိုင်အောင် ဆောင်ရွက်သွားမည်ဖြစ်ကြောင်း၊ ယခုပြောသွားသည်မှာ မိမိတို့၏ Internal Process ဖြစ်ကြောင်း၊ ထို့အပြင် မိမိတို့ရပ်တည်နေသည့် အဖွဲ့အစည်းရှိကြောင်း၊ မိမိတို့က Aseanapol အဖွဲ့ဝင်နိုင်ငံဖြစ်ကြောင်း၊ အာဆီယံရဲအဖွဲ့ဖြစ်ကြောင်း၊ မြန်မာနိုင်ငံအနေဖြင့် အဖွဲ့ဝင်နိုင်ငံဖြစ်ကြောင်း၊ မနှစ်က မြန်မာနိုင်ငံတွင် (၄၂)ကြိမ်မြောက် Aseanapol Conference ကို နေပြည်တော်တွင်ကျင်းပခဲ့ပါကြောင်း၊ ယခုနှစ် ထိုင်းနိုင်ငံတွင် (၄၃)ကြိမ် မြောက် Aseanapol Conference ကို ကျင်းပ ပြီးခဲ့ပြီဖြစ်ကြောင်း၊ မိမိဦးဆောင်သည့် ကိုယ်စားလှယ်အဖွဲ့များ တက်ရောက်ခဲ့ခြင်းဖြစ်ကြောင်း၊ ထို့ပြင် မိမိတို့က နိုင်ငံတကာရဲအဖွဲ့ဖြစ်သည့် Interpol နှင့်လည်း ဆောင်ရွက်နေခြင်းဖြစ်ကြောင်း၊ Internal တွင် မိမိတို့ဆောင်ရွက်နေခြင်းအပြင် ယင်း၏ Criteria နှင့် ပြည့်စုံပြီဆိုလျှင် မိမိတို့သည် Aseanapol ၊ Interpol ကိုလည်း ထပ်မံပြီး မိမိတို့ဆက်လက်၍ ဆက်သွယ်ဆောင်ရွက်သွားမည်ဖြစ်ကြောင်း၊ သို့သော်လည်း International အဖွဲ့အစည်းများတွင် မိမိတို့က ၎င်းတို့၏ Constitution ကိုလိုက်နာရကြောင်း၊ Interpol ၏ Constitution နှင့် အညီ မိမိတို့ဆက်လက်ပြီး ဆောင်ရွက်သွားရန်ရှိပါကြောင်း ပြန်လည်ဖြေကြားသည်။

    Union Politics News မှ အယ်ဒီတာချုပ် ဦးထူးမောင်မောင်က မိမိမေးမြန်းလိုသည်မှာမြဝတီရှိ အွန်လိုင်းလိမ်လည်မှုနှင့် ပတ်သက်ပြီး နိုင်ငံတော်အစိုးရက ကရင်လက်နက်ကိုင်သူပုန် KNU ထိန်းချုပ်ထားသည့် KK Park ကိုလည်း ဝင်ရောက်ထိန်းချုပ်ပြီး လာရောက်သည့်သူများကိုလည်း နိုင်ငံတော်အဆင့် လွှဲပြောင်းခြင်းများပြုလုပ်ထားကြောင်း၊ ယင်းနေရာတွင် မင်းလက်ပံနှင့် ပတ်သက်ပြီး KKO အဖွဲ့ရှိနေသည့် အွန်လိုင်းလိမ်လည်မှုကို ကရင်လက်နက်ကိုင်သူပုန်က ဝင်ရောက်စီးနင်းပြီးနောက် နိုင်ငံတော်အစိုးရကို လွှဲပြောင်းခြင်းမရှိဘဲ ၎င်းတို့က တစ်ဖက်သတ်အနေနှင့် ဝင်ရောက်ဖမ်းဆီးပြီး ထိုင်းနိုင်ငံသို့ လွှဲပြောင်းသည်ဆိုသည့် သတင်းကိုလည်း ကြားသိရပါကြောင်း၊ ထိုင်းနိုင်ငံအစိုးရအနေဖြင့် ယင်းသို့ တရားဝင်လွှဲပြောင်းမှုများကို မြန်မာနိုင်ငံအစိုးရထံ ပြန်လည်သတင်းပို့ခြင်း ရှိ/မရှိနှင့် နှစ်နိုင်ငံအစိုးရပူးပေါင်းဆောင်ရွက်မှုနှင့်ပတ်သက်ပြီး သိလိုပါကြောင်း မေးမြန်းသည်။

    အွန်လိုင်းလောင်းကစားလုပ်ငန်းအတွက် ဆောင်ရွက်လျက်ရှိ

    ဒုတိယရဲဗိုလ်ချုပ်ကြီး ဝင်းဇော်မိုးက အွန်လိုင်းလိမ်လည်မှုဂိုဏ်းများသည် ကွင်းဆက်တစ်ခုလုံး ပါဝင်ပတ်သက်နေသည့် Multi Jurisdictional ရာဇဝတ်မှုဖြစ်ကြောင်း၊ ထို့ကြောင့် မြန်မာနိုင်ငံ အနေဖြင့် နိုင်ငံ၏ပိုင်နက်အတွင်း ရာဇဝတ်မှုများကို ကိုင်တွယ်ဖြေရှင်းရန် မိမိတို့တွင် တာဝန်ရှိကြောင်း၊ ထို့ပြင် မိမိတို့နေရာတွင် Online Scam လုပ်ငန်း လုပ်ကိုင်နိုင်ရန်အတွက် Original Country ရှိကြောင်း၊ ထို့နောက် မိမိတို့နိုင်ငံရောက်ရန်အတွက် Transist လုပ်လာပြီး Transist Country ရှိကြောင်း၊ မိမိတို့တွင်တာဝန်ရှိသကဲ့သို့ မိမိတို့မြန်မာနိုင်ငံကို ရောက်ရန်အတွက် ဖြတ်သန်းလာသည့်နိုင်ငံတွင်လည်း တာဝန်ရှိကြောင်း၊ လူနှင့်ငွေကြေးစီးဆင်းမှု လမ်းကြောင်းဖြတ်တောက်ပေးရန် Transist Country တွင် တာဝန်ရှိကြောင်း၊ ထို့ပြင် နယ်စပ်ဒေသ ထိန်းချုပ်ရေးအတွက် Border Control and Border Monitoring အစီအမံကိုလည်း မိမိတို့နှစ်နိုင်ငံ တိုးမြှင့်ဆောင်ရွက်ရမည်ဖြစ်ကြောင်း၊ မြန်မာနိုင်ငံ၏ နယ်စပ်ဒေသ ထိန်းချုပ်မှုပြဿနာအဖြစ် သတ်မှတ်ခြင်းက ရာဇဝတ်ကွန်ရက်၏ တစ်ကမ္ဘာလုံးဆိုင်ရာလည်ပတ်မှုကို လျစ်လျူရှုသည်ဟု မိမိတို့ မြင်ကြောင်း၊ ထို့ကြောင့် မူရင်းနိုင်ငံအနေဖြင့်လည်း မိမိတို့နိုင်ငံ၏ နိုင်ငံသားများအတွက် ကြိုတင်တားဆီးကာကွယ်ရေးအစီအမံကို ထိထိရောက်ရောက် အကောင်အထည်ဖော်ဆောင်ရွက်ရန် လိုမည်ဖြစ်ကြောင်း၊ ထို့ပြင် ဒီရာဇဝတ်မှုကို ထိရောက်စွာတိုက်ဖျက်ရန်အတွက် ကွင်းဆက်တစ်ခုလုံး ပါဝင်နေသည့်နိုင်ငံများက ယခုအချိန်တွင် ပူးပေါင်းပြီးဆောင်ရွက်ရမည်ဖြစ်ကြောင်း၊ မိမိအစက ရှင်းပြခဲ့သည့်အတိုင်း ဒီနိုင်ငံသားထွက်လာသည့်အတွက် ယင်း၏ Original Country ရှိကြောင်း၊ ထို့ပြင် ဖြတ်သန်းသည့် Transist Country ရှိကြောင်း၊ မိမိတို့မြန်မာနိုင်ငံက Destination ဖြစ်သွားကြောင်း၊ လက်ရှိဟော့ဖြစ်နေခြင်းက မိမိတို့မြန်မာနိုင်ငံနှင့် ထိုင်းနိုင်ငံဖြစ်ကြောင်း၊ ပါဝင်ပတ်သက်ကျူးလွန်နေသည့် လူအများစုကိုကြည့်လိုက်လျှင် တရုတ်နိုင်ငံသားများဖြစ်ကြောင်း၊ ထို့ကြောင့် တရုတ်၊ ထိုင်း၊ မြန်မာနိုင်ငံတို့ပူးပေါင်းပြီး ဆောင်ရွက်နေ ခြင်းရှိကြောင်း၊ မြန်မာ-ထိုင်း နယ်စပ်ဒေသ တစ်လျှောက်လုံးတွင်ရှိသည့် အွန်လိုင်းလိမ်လည်မှုနှင့် အွန်လိုင်းလောင်းကစားလုပ်ငန်းများကို တားဆီးရေးအတွက် မြန်မာ၊ တရုတ်၊ ထိုင်း Trilateral Cooperation ပူးပေါင်း ဆောင်ရွက်နေခြင်းရှိကြောင်း၊ လက်ရှိတွင်လည်း တရုတ်နိုင်ငံက လက်ထောက်ပြည်သူ့လုံခြုံရေးဝန်ကြီး ဦးဆောင် နေကြောင်း၊ ယမန်နေ့ကဆိုလျှင် မိမိတို့ နိုင်ငံမှ ကိုယ်စားလှယ်အဖွဲ့နှင့်ဘန်ကောက်သို့သွားကြောင်း၊ ယနေ့ဆိုလျှင် KK Park ၊ ရွှေကုက္ကိုလ်အထိ သွားရောက်မည်ဖြစ်ကြောင်း၊ ပြီးလျှင် မိမိတို့၏ ပြည်ထဲရေးဒုတိယဝန်ကြီးကလည်း ယခုသတင်းစာ ရှင်းလင်းပွဲပြီးလျှင် နောက်ကနေလိုက်မည်ဖြစ် ကြောင်း၊ အွန်လိုင်း လောင်းကစားမှုတားဆီးနှိမ်နင်း ရေးလုပ်ငန်းအတွက် မိမိတို့သုံးနိုင်ငံက ပူးပေါင်းပြီး ဆောင်ရွက်လျက်ရှိကြောင်း၊ သုံးနိုင်ငံအကြားတွင် အဆင့်မြင့်အရာရှိ အစည်းအဝေးကိုလည်း သုံးကြိမ် ဆောင်ရွက်ခဲ့ပြီးဖြစ်ကြောင်း၊ ဝန်ကြီးအဆင့် အစည်းအဝေးကိုလည်း နှစ်ကြိမ်ပြုလုပ်ခဲ့ပြီးဖြစ်ကြောင်း၊ မင်းလက်ပံနယ်မြေတွင်ရှိသည့် အွန်လိုင်းလိမ်လည်မှုလုပ်ကိုင်သူများကို ထိုင်းနိုင်ငံဘက်သို့ KNU က တိုက်ရိုက်လွှဲပြောင်းမှုနှင့် ပတ်သက်ပြီး ထိုင်းနိုင်ငံတွင် အစည်းအဝေးပြုလုပ်ရန်ရှိကြောင်း၊ ထိုင်းနိုင်ငံတွင်ပြုလုပ်မည့် အစည်းအဝေးတွင် မိမိတို့သုံးနိုင်ငံ ပွင့်ပွင့်လင်းလင်း ရင်းနှီးပွင့်လင်းစွာ ညှိနှိုင်းဆောင်ရွက်သွားမည်ဖြစ်ကြောင်း၊ မင်းလက်ပံတွင်ဖြစ်သည့်ကိစ္စက မိမိတို့အစိုးရဖြစ်ကြောင်း၊ အစိုးရဖြစ်သည့်အတွက်ကြောင့် အစိုးရကပဲ ကိုင်တွယ်ဖြေရှင်းသွားမည်ဖြစ်ကြောင်း၊ တိုက်ရိုက်လွှဲပြောင်းမှုနှင့်ပတ်သက်ပြီး ယင်းအစည်းအဝေးတွင် ရင်းနှီးပွင့်လင်းစွာ ညှိနှိုင်းဆောင်ရွက်ရန်ရှိကြောင်း၊ လက်ရှိတွင်လည်း မိမိတို့သုံးနိုင်ငံညှိနှိုင်းပူးပေါင်းပြီး ဒေသအတွင်းတွင် Online Scam လုပ်ငန်းများပပျောက်ရန်အထိ ရည်မှန်းချက်ထားပြီး တက်ညီလက်ညီ လက်ရှိပူးပေါင်းဆောင်ရွက် လျက်ရှိကြောင်း ပြန်လည်ဖြေကြားသည်။

    (ဆက်လက်ဖော်ပြပါမည်။)

    MOI

  • မေး :
    ရှမ်းပြည်နယ်တောင်ပိုင်း၊ လဲချားမြို့နယ်အတွင်း စိတ်ကြွရူးသွပ်ဆေးဝါးများနှင့် ဘိန်းဖြူ K Happy Water အစရှိသည့် မူးယစ်ဆေးဝါး များကို ပေါ်ပေါ်တင်တင် ရောင်းချနေပါသဖြင့် အချိန်မီ မဖမ်းဆီးပါက အနာဂတ်လူငယ်များအတွက် များစွာဆုံးရှုံးနစ်နာမှုများ ဖြစ်ပေါ် စေနိုင်သည့်အတွက် သက်ဆိုင်ရာ တာ၀န်ရှိ အဖွဲ့အစည်းများမှ အရေးယူဆောင်ရွက်ရန် အစီအစဉ် ရှိ၊ မရှိ သိရှိလိုပါသည်။
    ဖြေ :

    အဆိုပါမေးမြန်းချက်နှင့်ပတ်သက်၍ အောက်ပါအတိုင်း ဆောင်ရွက်ထားရှိပါသည်-

    (က) အမှတ်(၂)မူးယစ်တပ်ဖွဲ့ခွဲ (တောင်ကြီး) ကွပ်ကဲမှုအောက်ရှိ အမှတ်(၂၇)မူးယစ်တပ်ဖွဲ့စု (လွိုင်လင်)မှ လွိုင်လင်ခရိုင်တွင် လွိုင်လင် မြို့နယ်၊ လဲချားမြို့နယ်နှင့် မိုင်းကိုင် မြို့နယ်တို့တွင်လည်းကောင်း၊ နမ့်စန်ခရိုင်တွင် နမ့်စန်မြို့နယ်နှင့် မိုးနဲမြို့နယ်တို့တွင် လည်းကောင်း၊ လင်းခေးခရိုင်တွင် လင်းခေးမြို့နယ်၊ မိုင်းပန်မြို့နယ်နှင့် မောက်မယ် မြို့နယ်တို့တွင်လည်းကောင်း တားဆီးနှိမ်နင်းရေးလုပ်ငန်းများအား ဆောင်ရွက်လျက် ရှိပါကြောင်း။

    (ခ) လွိုင်လင်ခရိုင်အတွင်းရှိ လဲချားမြို့နယ်၊ မိုင်းကိုင်မြို့နယ်၊ လင်းခေးခရိုင်အတွင်းရှိလင်းခေးမြို့နယ်၊ မိုင်းပန်မြို့နယ်၊ မောက်မယ် မြို့နယ်နှင့် နမ့်စန်ခရိုင်အတွင်းရှိ မိုးနဲမြို့နယ်တို့သည် တိုင်းရင်းသားလက်နက်ကိုင်အဖွဲ့များနှင့် ပြည်သူ့စစ်အဖွဲ့များ လှုပ်ရှားသွားလာ လျက်ရှိသော နယ်မြေများဖြစ်ပါကြောင်း၊ လွိုင်လင်မြို့ပေါ် ရပ်ကွက်များ၊ ပင်လုံမြို့ပေါ်ရပ်ကွက်များနှင့် နမ့်စန်မြို့ပေါ်ရပ်ကွက်များ တွင်သာ တားဆီးနှိမ်နင်းရေးလုပ်ငန်းများကို ကျယ်ကျယ်ပြန့်ပြန့်ဆောင်ရွက်နိုင်ပြီး တချို့နယ်မြေများတွင် အကန့်အသတ်ဖြင့်သာ ဆောင်ရွက်နိုင်ပါကြောင်း။

    ( ဂ ) လဲချားမြို့သည် မြို့ပေါ်ရပ်ကွက် ၄ ရပ်ကွက်၊ ကျေးရွာအုပ်စု ၁၉ အုပ်စု၊ ကျေးရွာ ပေါင်း ၁၃၄ ရွာ တည်ရှိပြီး SSPP/SSA နှင့် RCSS အဖွဲ့များ သွားလာလှုပ်ရှားလျက် ရှိသော နယ်မြေဖြစ်ပါကြောင်း၊ လဲချားမြို့နယ်ရဲတပ်ဖွဲ့အနေဖြင့် မြို့ပေါ် ၄ ရပ်ကွက်နှင့် မြို့မကျေးရွာ အုပ်စုများတွင် ရဲလုပ်ငန်းများ ကျယ်ကျယ်ပြန့်ပြန့် ဆောင်ရွက်နိုင်ပါကြောင်း၊ တချို့နယ်မြေများတွင် အကန့်အသတ်ဖြင့် ဆောင်ရွက် လျက်ရှိပါကြောင်း။

    (ဃ) လဲချားမြို့နယ်တွင် KTV ၃ ခု ဖွင့်လှစ်ထားရှိပြီး အဆိုပါ KTV ၃ ခုသည် နယ်မြေအတွင်း လှုပ်ရှားသွားလာလျက်ရှိသော တိုင်းရင်းသားလက်နက်ကိုင်အဖွဲ့များနှင့် ဆက်နွှယ်မှုရှိပါကြောင်း၊ လတ်တလောအခြေအနေတွင် ပူးပေါင်းအဖွဲ့များဖြင့် ရှောင်တခင် ဝင်ရောက်စစ်ဆေးနိုင်ရန် အခက်အခဲများရှိပါကြောင်း။

    ( င) အမှတ်(၂၇)မူးယစ်တပ်ဖွဲ့စု(လွိုင်လင်)အနေဖြင့် နယ်မြေအခြေအနေအရ လဲချားမြို့အား ဖြတ်သန်း၍ တောင်ကြီးမြို့သို့ သွားရောက်မည့် မော်တော်ယာဉ်/မော်တော် ဆိုင်ကယ်များကို ပင်လုံမြို့၊ ပန်မုန့်ကျေးရွာအုပ်စု၊ ပေါင်းလိုင်ကျေးရွာအဝင် ပင်လုံ-ကျောက်တန်းသွားလမ်းတွင်လည်းကောင်း၊ လွိုင်လင်မြို့နယ်၊ ပန်ဝိုးကျေးရွာအုပ်စု၊ ဟိုတင့်ကျေးရွာအနီး လွိုင်လင်-တောင်ကြီး သွားလမ်းတွင်လည်းကောင်း ပုံသေပိတ်ဆို့/ရှောင်တခင်ရှာဖွေစစ်ဆေးခြင်းအား ဆောင်ရွက်ခဲ့ပါကြောင်း၊ ယခုလက်ရှိအချိန်တွင် လဲချား မြို့နယ်ရဲတပ်ဖွဲ့အနေဖြင့် လဲချားမြို့၊ နောင်မိန်းကျေးရွာအဝင်လမ်းရှိ မိုင်းရှူး-မိုင်းနောင်-ကျေးသီး-လဲချားလမ်းတွင် ရှောင်တခင် ပိတ်ဆို့စစ်ဆေးရှာဖွေခြင်းနှင့် လဲချားမြို့ အဝင်/အထွက် စစ်ဆေးရေးဂိတ်များတွင် အမှတ်(၆၄)ခြေလျင်တပ်ရင်းမှ တပ်မတော်သားများ နှင့်ပူးပေါင်း၍ ပုံသေပိတ်ဆို့ရှာဖွေစစ်ဆေးခြင်းများ ဆောင်ရွက်လျက်ရှိပါကြောင်း။

    ( စ) အမှတ်(၂၇)မူးယစ်တပ်ဖွဲ့စု(လွိုင်လင်)အနေဖြင့် ၂၀၂၂ ခုနှစ်အတွင်း စိတ်ကြွဆေးပြား ၄ မှု၊ ဘိန်းစိမ်း ၁ မှု၊ ပေါင်း ၅ မှုမှ တရားခံ ကျား ၆ ဦး၊ မ ၁ ဦး၊ ပေါင်း ၇ ဦးတို့အား စိတ်ကြွဆေးပြား ၁၃၅,၁၈ဝ ပြား၊ ဘိန်းစိမ်း ၄၅ဝ ဂရမ်၊ မော်တော်ယာဉ် ၁ စီး၊ မော်တော်ဆိုင်ကယ် ၂ စီးနှင့်အတူ ဖမ်းဆီးအရေးယူနိုင်ခဲ့ပါကြောင်း၊ ၂ဝ၂၃ ခုနှစ်အတွင်း စိတ်ကြွဆေးပြား ၂ မှုမှ တရားခံ ကျား ၂ ဦးအား စိတ်ကြွဆေးပြား ၂,၂၀၀ ပြား၊ မော်တော်ဆိုင်ကယ် ၁ စီးနှင့်အတူ ဖမ်းဆီးအရေးယူနိုင်ခဲ့ပါကြောင်း။

    (ဆ) ၂ဝ၂၄ ခုနှစ်အတွင်း Happy Water ၆ မှုမှ တရားခံ ကျား ၇ ဦး၊ မ ၂ ဦး၊ ပေါင်း ၉ ဦး တို့အား Happy Water ၆.၅၈၁ ကီလိုဂရမ်၊ Ketamine ၉ဝဝ ဂရမ်၊ ခတ်ခူး ၅ ဂရမ်၊ မော်တော်ယာဉ် ၅ စီး၊ ဖုန်း ၈ လုံးတို့နှင့်အတူ ဖမ်းဆီးအရေးယူနိုင်ခဲ့ပါကြောင်း။

    (ဇ) လဲချားမြို့နယ်ရဲတပ်ဖွဲ့မှလည်း လဲချားမြို့နယ်အတွင်း၌ ၂ဝ၂၂ ခုနှစ်အတွင်း စိတ်ကြွ ဆေးပြား ၁ မှု၊ ၂၀၂၃ ခုနှစ်အတွင်း စိတ်ကြွဆေးပြား ၁ မှုနှင့် ၂ဝ၂၄ ခုနှစ်အတွင်း စိတ်ကြွဆေးပြား ၁ မှု၊ စုစုပေါင်း ၃ မှုမှ တရားခံ ကျား ၃ ဦးအား စိတ်ကြွဆေးပြား ၂၈,၂၂၂ ပြား၊ မော်တော်ဆိုင်ကယ် ၂ စီးနှင့်အတူ ဖမ်းဆီးအရေးယူနိုင်ခဲ့ပါကြောင်း။

    (ဈ) အမှတ် (၂) မူးယစ်တပ်ဖွဲ့ခွဲ(တောင်ကြီး) ကွပ်ကဲမှုအောက်ရှိ အမှတ် (၂၇) မူးယစ်တပ်ဖွဲ့စု (လွိုင်လင်)အနေဖြင့် မူးယစ်ဆေးဝါးသတင်းရရှိမှုအပေါ် မူတည်၍ ရှောင်တခင် ပိတ်ဆို့စစ်ဆေးမှုများအား လွိုင်လင်တပ်နယ်မှူး/လဲချားတပ်နယ်မှူးတို့ထံ သတင်းပို့ပြီး ၁ လလျှင် (၆) ကြိမ်ခန့် ပူးပေါင်းဆောင်ရွက်လျက်ရှိပါကြောင်း။

    (ည) ထို့ပြင် လဲချားမြို့ပေါ်ရပ်ကွက်များတွင် မိမိတပ်ဖွဲ့ဝင်များ၊ အမာခံသတင်းပေးများ၊ ရပ်ကွက်/ကျေးရွာအုပ်စုအုပ်ချုပ်ရေးမှူး၊ ကျေးရွာတာဝန်ခံများနှင့် ပေါင်းစပ် ညှိနှိုင်း၍ မူးယစ်ဆေးဝါးသတင်းများရယူပြီး စစ်ဘက်ရေးရာလုံခြုံရေးတပ်ဖွဲ့မှ တပ်ဖွဲ့ဝင်များ၊ လွိုင်လင်ခရိုင်ရဲတပ်ဖွဲ့၊ ဒုစရိုက်နှိမ်နင်းရေးဌာနစုမှ တပ်ဖွဲ့ဝင်များ၊ နယ်မြေခံရဲတပ်ဖွဲ့မှ တပ်ဖွဲ့ဝင်များနှင့်ပူးပေါင်းပြီး အရှေ့ အလယ်ပိုင်းတိုင်းစစ်ဌာနချုပ်နှင့် လဲချားတပ်နယ်မှူးတို့ထံ သတင်းပို့၍ ဖမ်းဆီးအရေးယူနိုင်ရေး ဆောင်ရွက်သွားမည် ဖြစ်ပါကြောင်း။

    ဖြေကြားပေးသည့်ဌာန- ပြည်ထဲရေးဝန်ကြီးဌာန

  • မေး :
    ဘင်္ဂလားဒေ့ရှ်၏ ယာယီအစိုးရခေါင်းဆောင် မိုဟာမက် ယူနွတ်စ် သည် အိန္ဒိယ၏ မဟာဗျူဟာမြောက် အကျိုးသက်ရောက်မှုမှ ရုန်းထွက်ရန် လာမိုနီရဟတ်တွင် လေတပ်စခန်းတည်ဆောက်ရန် တရုတ်နိုင်ငံအား အဆိုပြုမှုနှင့်စပ်လျဉ်း၍ မည်သည့်အကျိုးဆက်များ ဖြစ်ပေါ်လာနိုင်သနည်း။
    ဖြေ :

    တရုတ်-ဘင်္ဂလားဒေ့ရှ် ပူးပေါင်းမှုသည် အိန္ဒိယ၏ “ကြက်လည်ပင်းကြိုး” Chicken’s Neck (Siliguri Corridor) ကဲ့သို့သော မဟာဗျူဟာမြောက် နေရာများကို ခြိမ်းခြောက်နိုင်သည်။  
    ပါကစ္စတန်၏ ပါဝင်မှုသည် ဒေသတွင်း စစ်ရေးတည်ငြိမ်မှုကို ပိုမို ထိခိုက်စေနိုင်ပါသည်။
    ကိုးကား - GG political

  • မေး :
    ရက် ၃၀ အပစ်အခတ်ရပ်စဲရေးနှင့် ပတ်သက်၍ ယူကရိန်း-ရုရှား နှစ်ဖက် အသာ-အနာ မည်သို့ရှိနိုင်မည်နည်း။
    ဖြေ :

    ရုရှားနှင့် ရက်ပေါင်း ၃၀ အပစ်အခတ်ရပ်စဲရေးကို လက်ခံရန် ယူကရိန်း အသင့်ရှိနေသော်လည်း ပူတင်ကို မြေပြင်၊ ရေပြင်နှင့် ဝေဟင်မှာ ၃၀ ရက်ကြာ စစ်ရပ်စဲရေး သဘောတူညီချက်ကို လက်မှတ်ရေးထိုးရန် လုပ်ဆောင်နိုင်ခြင်းမရှိသေးပါ။

    အဆိုပါ သဘောတူညီချက်ကို အမေရိကန် ကိုယ်စားလှယ်အဖွဲ့က ယူကရိန်းများနှင့် မကြာသေးမီက ဆော်ဒီအာရေဗျနိုင်ငံ၊ ဂျက်ဒါးတွင် ဆွေးနွေးခဲ့ခြင်းဖြစ်ပါသည်။ ရုရှားနှင့် ယူကရိန်းတို့သည် ၂၀၂၂ ခုနှစ် ကတည်းက စွမ်းအင်လိုင်းများကို အပြန်အလှန် အကြိမ်ကြိမ် တိုက်ခိုက် နေခဲ့ခြင်းဖြစ်ပါသည်။ သို့သော် မတ်လ ၁၈ ရက်နေ့တွင် ကြေညာခဲ့သည့် စွမ်းအင်အခြေခံအဆောက်အဦတွေကို ရက် ၃၀ ကြာ တိုက်ခိုက်မှုရပ်တန့်မည့်အချက်သည် စစ်ပွဲကြောင့် ပင်ပန်းနွမ်းနယ်နေသော ယူကရိန်း ပြည်သူများကို စိတ်သက်သာရာရစေမည်ဖြစ်ပါသည်။ 

    စစ်ရေးအရ အဆိုပါအချက်သည် ယူကရိန်းအတွက် အဆင်ပြေစေ မည်ဟု အတိအကျမပြောနိုင်ပါ။ ယူကရိန်း၏ မြေပြင်တပ်များသည်ကာ့စ်ဒေသနှင့် ယူကရိန်းရှေ့တန်းမြေပြင်များကနေ ဆုတ်ခွာနေသော်လည်း ရုရှား၏ ရေနံစွမ်းအင် အခြေခံအဆောက်အဦများကို တာဝေးကနေ ဒရုန်းများဖြင့် တိုက်ခိုက်မှုကြောင့် တိုက်ရိုက်ထိမှန်သည့် တိုက်ခိုက်မှုများ အများအပြား ရှိခဲ့ပါသည်။ ထိုအချက်များသည် ရုရှား၏ စစ်ရေး ထောက်ပို့ ပိုင်းများကို ထိခိုက်ခဲ့သော်လည်း ယခုအခြေအနေတွင် ရပ်တန့်ရမည် ဖြစ်ပါသည်။

    ဖြေကြားသူ- နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၁)

  • မေး :
    ဟစ်ဇ်ဘိုလာက အစ္စရေးအလယ်ပိုင်းသို့ မည်သည့်တိုက်ခိုက်မှုများ ပြုလုပ်ခဲ့သနည်း။
    ဖြေ :

    လက်ဘနွန်ရှိ ဟစ်ဇ်ဘိုလာတိုက်ခိုက်ရေးသမားများသည် အောက်တိုဘာလ ၇ ရက်နေ့ညပိုင်းတွင် အစ္စရေးနိုင်ငံ အလယ်ပိုင်းသို့ ဒုံးကျည်ငါးစင်းခန့် ပစ်လွှတ်တိုက်ခိုက်ခဲ့ကြောင်း၊ တဲလ်အဗစ်မြို့ဝန်းကျင်တွင် ဥဩသံများကြားရသော်လည်း ထိခိုက်သေဆုံးသူမရှိကြောင်း အစ္စရေးအာဏာပိုင်များက ပြောသည်။

    နယ်စပ်မှ ကီလိုမီတာ ၁၀၀ ခန့်အကွာ လက်ဘနွန်မှ ဟစ်ဇ်ဘိုလာတို့က ဒုံးကျည်ငါးစင်းခန့် ပစ်လွှတ်တိုက်ခိုက်ကြောင်း၊ ဒုံးကျည်အများအပြားကို ကြားဖြတ်ပစ်ချ ဟန့်တားနိုင်ခဲ့ကြောင်းနှင့် အခြားသော ဒုံးကျည်အချို့မှာ လဟာပြင်တွင် ကျရောက်ခဲ့ကြောင်း အစ္စရေးတပ်မတော်က ပြောသည်။ အောက်တိုဘာလ ၇ ရက်နေ့အစောပိုင်းတွင် အစ္စရေးစစ်ဘက်သုံး လေယာဉ်များက လက်ဘနွန်နိုင်ငံ တောင်ပိုင်းသို့ ပြင်းထန်သောလေကြောင်းတိုက်ခိုက်မှုများ လုပ်ဆောင်ခဲ့သည်။ အစ္စရေးတပ်မတော်၏ ပြောကြားချက်အရ အခြေခံအဆောက်အအုံများ၊ ကွပ်ကဲထိန်းချုပ်ရေးစင်များ၊ လက်နက်သိုလှောင်ရုံများအပါအဝင် ဟစ်ဇ်ဘိုလာပစ်မှတ် ၁၂၀ ‌ကျော်ထိမှန်ခဲ့ကြောင်း သိရသည်။

    ဆင်ဟွာ

    နမူနာ မေးခွန်းနှင့် အဖြေများ ဖြစ်ပါသည်။
     

  • မေး :
    နိုင်ငံတော်၏ လုံခြုံရေးဆိုင်ရာအခြေအနေများနှင့် ပတ်သက်၍ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ ပြောကြားချက်ကို သိရှိပါရစေ။
    ဖြေ :

    ချစ်ခင်လေးစားရပါတဲ့ မိဘပြည်သူများခင်ဗျာ- ယခုကာလများအတွင်း နိုင်ငံတော်မှာဖြစ်ပေါ်ခဲ့တဲ့ အခြေ အနေများကို ဆက်စပ် တင်ပြလိုပါတယ်။ အချို့အခြေအနေများကို အမျိုးသားကာကွယ်ရေးနှင့် လုံခြုံရေး‌ ကောင်စီအစည်းအဝေးမှာ ကျွန်တော်တင်ပြခဲ့ပြီးလည်းဖြစ်ပါတယ်။

    ၂၀၂၀ ပြည့်နှစ်ရွေးကောက်ပွဲမှာ NLD ပါတီရဲ့ မဲမသမာမှု ၁၁ သန်းကျော် ပြုလုပ်ခဲ့မှုတွေကြောင့် နိုင်ငံတော်မှာ မတည်မငြိမ်မှုတွေ ဖြစ်ပေါ်လာခဲ့ရပါတယ်။ ဒါ့ကြောင့်နိုင်ငံတော်ရဲ့ ယာယီသမ္မတကနေ အမျိုးသားကာကွယ်ရေးနှင့် လုံခြုံရေးကောင်စီအစည်းအဝေးခေါ်ယူပြီး တပ်မတော်ကို ဖွဲ့စည်းပုံအခြေခံဥပဒေနှင့်အညီ နိုင်ငံတော်ရဲ့ တာဝန်ကို ထိန်းသိမ်းစေခဲ့ပါတယ်။ တပ်မတော်အနေနဲ့ စစ်ဘက်၊ အရပ်ဘက် ပူးပေါင်းပြီး နိုင်ငံတော်စီမံ အုပ်ချုပ်ရေးကောင်စီကို ဖွဲ့စည်းကာ တာဝန်ထမ်းဆောင်ခဲ့ပါတယ်။ နိုင်ငံတော်ရဲ့တာဝန်စတင်ထမ်းဆောင်ချိန် ကတည်းက ရွေးကောက်ပွဲတစ်ရပ် ပြန်လည်ကျင်းပပေးရေးသည် အန္တိမရည်မှန်းချက်ဖြစ်တယ်လို့ တိုင်းသိ ပြည်သိကြေညာခဲ့ပါတယ်။ ဒီလိုနိုင်ငံရေးအပြောင်းအလဲဖြစ်ပြီးချိန်မှာ သာမန်ဆန္ဒပြရာကနေ တဖြည်းဖြည်း မင်းမဲ့စရိုက်ဆန်တဲ့ ဆူပူလှုပ်ရှားမှုတွေဖြစ်ပေါ်ခဲ့ပါတယ်။ NLD အစွန်းရောက်ပါတီဝင်အချို့ရဲ့ ဦးဆောင်မှုနဲ့ လက်နက်ကိုင်ဆူပူအကြမ်းဖက်လုပ်ရပ်တွေကို စတင်လုပ်ဆောင်ခဲ့ကြပါတယ်။ ဒါတင်မကဘဲ အချို့ လူငယ် တွေကို ဝါဒမှိုင်းရိုက်သွင်းပြီးတော့မှ ငြိမ်းချမ်းရေးကိုမလိုလားတဲ့၊ နိုင်ငံတော်အပေါ် သဘောထားမမှန်တဲ့ လက်နက်ကိုင်အဖွဲ့အချို့ထံမှာ အကြမ်းဖက် စစ်သင်တန်းများ သွားရောက်သင်ကြားစေခဲ့ပါတယ်။ PDF အမည်ခံ အကြမ်းဖက်အဖွဲ့တွေကို ဖွဲ့စည်းခဲ့ကြပါတယ်။ တိုင်းရင်းသားလက်နက်ကိုင်အဖွဲ့များထဲက NCA ကို လက်မှတ် မရေးထိုးရသေးတဲ့အဖွဲ့များရော၊ NCA ကိုလက်မှတ်ရေးထိုးထားတဲ့အဖွဲ့ထဲက အချို့ သော EAO တို့ကပါ PDF အကြမ်းဖက်အဖွဲ့တွေကို အားပေးအားမြှောက်ပြုပြီး သင်တန်းများပေးခဲ့တာ တွေ့ခဲ့ရပါတယ်။ PDF အကြမ်းဖက် သမားတွေ EAO အဖွဲ့အချို့ထံမှာ အကြမ်းဖက်သင်တန်းများတက်ပြီးတဲ့နောက်မှာ နိုင်ငံတစ်ဝန်း လူသတ်၊ ဗုံးထောင်၊ ဗုံးခွဲ၊ အကြောင်းမဲ့ပစ်ခတ်မှုတွေ လုပ်ဆောင်ခဲ့ပြီး ပြည်သူလူထုကို ခြောက်လှန့်နေတာ ဒီနေ့ အချိန်အထိပဲဖြစ်ပါတယ်။ ဒီလို နိုင်ငံတစ်ဝန်းမတည်မငြိမ်မှုတွေလုပ်ဆောင်တဲ့အချိန်မှာပဲ အချို့သော လက်နက်ကိုင်အဖွဲ့တွေအနေနဲ့ ဒီအပေါ်မှာ အခွင့်အရေးအဖြစ် ဖန်တီးပြီး နယ်မြေချဲ့ထွင်သိမ်းပိုက်ဖို့ ကြိုးပမ်း လာခဲ့ကြပါတယ်။

    MNDAA ၊ TNLA ၊ AA သောင်းကျန်းသူအဖွဲ့တွေအနေနဲ့ နိုင်ငံတော်အစိုးရရဲ့ ၂၀၂၂ ခုနှစ် ဧပြီလက ဖိတ်ခေါ်ခဲ့တဲ့ ငြိမ်းချမ်းရေးကမ်းလှမ်းချက်တွေကိုငြင်းပယ်ပြီး ရှမ်းပြည်နယ်မြောက်ပိုင်း၊ နယ်စပ်ဒေသမှာရှိတဲ့ တပ်မတော်လုံခြုံရေးတပ်စခန်းများနဲ့ ချင်းရွှေဟော်မြို့ကို ၂၀၂၃ ခုနှစ်၊ အောက်တိုဘာလ ၂၇ ရက်မှာ အင်အားသုံးစတင် တိုက်ခိုက်ခဲ့ပါတယ်။ ဒီလိုတိုက်ခိုက်နိုင်ဖို့အတွက် ၂၀၂၂ ခုနှစ် လောက်ကတည်းက လူအင်အား၊ လက်နက်အင်အား စုဆောင်းတာတွေ၊ Drone များကိုအသုံးပြုပြီး တိုက်ခိုက်ဖို့ လေ့ကျင့်တာတွေကို ဆောင်ရွက်ခဲ့တယ်လို့ သိရှိရပါတယ်။ တည်ငြိမ် အေးချမ်းနေတဲ့ နယ်မြေဒေသတစ်ခုလုံးကို စစ်ပွဲဒဏ်သင့်အောင် လုပ်ဆောင်ခဲ့ပါတယ်။ သောင်းကျန်းသူအဖွဲ့တွေအနေနဲ့ ဒေသဖွံ့ဖြိုးရေးအတွက် အဓိကကျတဲ့လမ်း တံတားတွေ ကစပြီး စီးပွားရေး၊ လူမှုရေးဆိုင်ရာ အခြေခံအဆောက်အဦများကို ဖျက်ဆီးခဲ့ကြပါတယ်။ အစိုးရအနေနဲ့ နယ်စပ်ဒေသတည်ငြိမ်ရေးနဲ့ဒေသတွင်း ပြန်လည် တည်ငြိမ်အေးချမ်းရေးကိုရှေးရှုပြီး နှစ်ဖက်အပစ်အခတ် ရပ်စဲရေးကို ဇန်နဝါရီလမှာ သဘောတူညီခဲ့ပါတယ်။ ဒါပေမယ့် MNDAA ၊ TNLA အဖွဲ့တို့အနေနဲ့ အကြောင်းပြချက်မျိုးစုံပြပြီး ရှမ်းပြည်နယ်မြောက်ပိုင်းမှာရှိတဲ့ သီပေါ၊ နောင်ချို၊ ကျောက်မဲ၊ မိုးမိတ်နဲ့ မန္တလေးတိုင်း ဒေသကြီးအတွင်းမှာရှိတဲ့ မိုးကုတ်မြို့တို့ကို တိုက်ခိုက်ခဲ့ကြပါတယ်။ ဇူလိုင်လ ၃ ရက်နေ့မှာ လားရှိုးမြို့ကို တိုက်ခိုက်ခဲ့ပါတယ်။ ပြည်သူလူထုနေထိုင်တဲ့ မြို့ရွာတွေထဲမှာရှိတဲ့ လူနေအိမ်တွေ၊ ဆေးရုံတွေ၊ စာသင် ကျောင်းတွေ၊ ဘာသာရေး အဆောက်အဦတွေကို ပစ်မှတ်ထားပြီး အဓိကအားဖြင့် အဆင့်မြှင့်တင်ထားတဲ့ ရှော့တိုက်ဒုံးများနဲ့ ပစ်ခတ်တာတွေ၊ Drop Bomb များနဲ့ တိုက်ခိုက်တာတွေကို အကြိမ်ပေါင်းများစွာ လုပ်ဆောင်ခဲ့တာ အားလုံးတွေ့မြင်ပြီးဖြစ်ပါ တယ်။ ဩဂုတ်လ ၂ ရက်နေ့မှာတော့ လားရှိုးမြို့မှာရှိတဲ့ တပ်မတော်ဆေးရုံကို Drop Bomb များ အဆက်မပြတ်ကြဲချပြီး ဝင်ရောက်စီးနင်းတိုက်ခိုက်ခဲ့ပါတယ်။ လူနာများနဲ့ ကျန်းမာရေးဝန်ထမ်းတွေကို ပစ်ခတ်သတ်ဖြတ်တာတွေ၊ အမျိုးသမီးများ၊ မိသားစုဝင်များနဲ့ ကလေးသူငယ်များ အပါအဝင် အချို့လူနာများကို ဖမ်းဆီးခေါ်ဆောင်သွား တာတွေလုပ်ဆောင်ခဲ့ကြပါတယ်။ တပ်မတော်ဆေးရုံဆိုတာ တပ်မတော်သားတွေသာမက တပ်မတော်သားမိသားစုဝင်များ၊ ရဟန်းသံဃာများ၊ သာမန်တိုင်းရင်းသား ပြည်သူများ တက်ရောက်ကုသနေတဲ့ ဆေးရုံဖြစ်ပြီး သက်ဆိုင်ရာနယ်မြေအလိုက် ဒေသခံပြည်သူတို့ရဲ့ ကျန်းမာရေးစောင့်ရှောက်မှုလုပ်ငန်းတွေကို နယ်လှည့်ဆေးကုသရေးအဖွဲ့များနဲ့ ဆောင်ရွက်ပေးနေတဲ့ ဆေးရုံများ ပဲဖြစ်ပါတယ်။ သူတို့အကြမ်းဖက် တိုက်ခိုက်ခဲ့တဲ့ဒေသတွေကိုကြည့်ရင် သူတို့လူမျိုးနေထိုင်တဲ့ရာခိုင်နှုန်း အနည်းငယ်သာ ရှိနေတာကိုလည်း တွေ့နိုင်ပါတယ်။ ဥပမာ လားရှိုးမြို့နယ်အတွင်းမှာ ကိုးကန့်လူမျိုးများ နေထိုင်တာ ၂၀ ရာခိုင်နှုန်းပတ်ဝန်းကျင်ရှိပေမယ့် အများစုဟာလားရှိုးမြို့ပေါ်မှာမဟုတ်ဘဲ ကျေးရွာများမှာသာ နေထိုင်ကြပါတယ်။ မြို့ပေါ်မှာ ရှမ်း၊ ဗမာနဲ့ ကချင်တို့သာ အများဆုံးနေထိုင်ကြပါတယ်။ ထို့အတူပဲကျောက်မဲ၊ သီပေါမြို့နယ်ဘက်မှာ ပလောင်လူမျိုးများနေထိုင်မှုက ၁၅ ရာခိုင်နှုန်းပတ်ဝန်းကျင်သာရှိပါတယ်။ နောင်ချို မြို့နယ်မှာဆိုရင်လည်း ပလောင်လူမျိုးနေထိုင်မှုဟာ တစ်ရာခိုင်နှုန်းတောင်မပြည့်ပါဘူး။ ရှမ်း၊ ဗမာ၊ ဓနုလူမျိုး တွေသာ အများဆုံးနေထိုင်ကြတာဖြစ်ပါတယ်။ ဒီလို အကြောင်းမဲ့အကြမ်းဖက်လုပ်ရပ်တွေကြောင့် ဒေသခံ ပြည်သူတွေအနေနဲ့ မိမိတို့ရဲ့ အိုးအိမ်တွေကိုစွန့်ခွာပြီး တိုက်ပွဲရှောင်များအဖြစ် အခြားဒေသများမှာ သွားရောက် ခိုလှုံနေကြတာကို ပြည်သူအားလုံး မျက်မြင်ကိုယ်တွေ့ဖြစ်ပါတယ်။ စစ်ဘေးရှောင် ပြည်သူတွေဆီက အဖိုးတန် ရွှေ၊ ငွေ၊ ပစ္စည်းတွေ လုယက်တာတွေ၊ ပြည်သူလူထု စွန့်ခွာထွက်ပြေးခဲ့ရတဲ့ အိုးအိမ်နဲ့ ပိုင်ဆိုင်မှုတွေကနေ အဖိုးတန်ပစ္စည်းတွေ ဖောက်ထွင်းခိုးဝှက် ရယူတာတွေ၊ စစ်ဘေးရှောင်တွေနဲ့ ဒေသခံပြည်သူတွေကို ခြိမ်းခြောက်ပြီး ကလေးငယ်တွေကို စစ်မှုထမ်းဆောင်စေပြီး အတင်းအဓမ္မ တိုက်ပွဲဝင်စေတာတွေကို ပြုလုပ်ခဲ့ ကြပါတယ်။ သူတို့ထိန်းချုပ်ထားတဲ့ နယ်မြေတွေမှာ အစိုးရအခြေခံ အဆောက်အဦတွေ၊ လူမျိုးရေးနှင့်ဘာသာရေး အထိမ်းအမှတ် အဆောက်အဦတွေကို စက်ယန္တရားတွေကိုသုံးပြုပြီး မြေလှန်ဖျက်ဆီးတာတွေ လုပ်ဆောင်ခဲ့ ပါတယ်။ ငြိမ်းချမ်းရေးရရှိသွားပြီး တရားဥပဒေစိုးမိုးမှု အပြည့်ရှိရင် ဒေသခံပြည်သူတွေကို လက်နက်ပြ ခြိမ်းခြောက်ပြီး လိုသလိုချုပ်ချယ်မရနိုင်တော့မှာ၊ ကိုယ်ကျိုးစီးပွားရှာလို့မရနိုင်တော့မှာကိုသိတဲ့အတွက် အခုလို မိုက်တွင်းနက်တဲ့ လုပ်ရပ်မျိုးကို လုပ်ဆောင်နေတာပဲဖြစ်ပါတယ်။ MNDAA သောင်းကျန်းသူအဖွဲ့အနေနဲ့ လက်ရှိအချိန်မှာ လောက်ကိုင်မြို့မှာရှိတဲ့ ဗမာလူမျိုးများကိုဖမ်းဆီးပြီး မြို့က နှင်ထုတ် နေတဲ့သတင်းတွေလည်း တွေ့ရှိနေရပါတယ်။ ဒါပေမယ့် သောင်းကျန်းသူအဖွဲ့တွေရဲ့ ထုတ်ပြန်ချက်တွေမှာ မြန်မာ့တပ်မတော်ကပဲ တိုက်ခိုက်ဖျက်စီးနေတယ်၊ လူမျိုးရေး ခွဲခြားနေတယ်ဆိုပြီး စွပ်စွဲထားတာကိုလည်း တွေ့ရမှာဖြစ်ပါတယ်။ လောက်ကိုင် မြို့ဟာ ၂၀၀၈ ခုနှစ် ဖွဲ့စည်းပုံအခြေခံဥပဒေအရ ကိုးကန့်ကိုယ်ပိုင်အုပ်ချုပ်ခွင့်ရဒေသရဲ့ မြို့ဖြစ်ပါတယ်။ နိုင်ငံခြားသားများ ဝင်ထွက်မှုပြုလုပ်ခြင်းကို အစိုးရရဲ့ တရားဝင် လုပ်ထုံးလုပ်နည်း၊ ခွင့်ပြုချက်များနဲ့အညီသာ ဆောင်ရွက်ရမယ့်ဒေသဖြစ်ပါတယ်။ ယခင်ကတရားမဝင် ဝင်ရောက်နေထိုင်ခဲ့ကြတဲ့ သူများနဲ့ ပတ်သက်ဆက်နွယ် နေသူများပူးပေါင်းပြီးတော့ ကျားဖြန့်ခေါ်အွန်လိုင်းလိမ်လည်မှု၊ လောင်းကစားမှု များနဲ့ တရားမဝင်လုပ်ငန်းများကို လုပ်ဆောင်ခဲ့ကြပါတယ်။ နိုင်ငံတော်အစိုးရအနေနဲ့ အဲ့ဒီလို တရားမဝင် ဝင်ရောက်နေထိုင်သူတွေနဲ့ ပတ်သက်ဆက်နွယ်နေသူတွေကို အရေးယူခြင်း၊ လွှဲပြောင်းပေးခြင်း၊ နှိမ်နင်းခြင်း တွေကိုလည်း ပြတ်ပြတ်သားသား ဆောင်ရွက်ခဲ့ပြီးဖြစ်ပါတယ်။ ယခုအချိန်မှာလည်း တရားဝင်လုပ်ထုံး လုပ်နည်းများနဲ့အညီ ဝင်ရောက်နေထိုင်ရန် ခွင့်ပြုထားတဲ့ နိုင်ငံခြားသားများမရှိကြောင်း ပြောကြား လိုပါတယ်။ သောင်းကျန်းသူအဖွဲ့တွေအနေနဲ့ ယခုအချိန်အခါမှာလည်း ကျောက်မဲ၊ နောင်ချိုဒေသများမှာရှိတဲ့ တပ်မတော် လုံခြုံရေးတပ် စခန်းတွေကို အင်အားအလုံးအရင်းနဲ့ အပြင်းအထန် တိုက်ခိုက်လျက်ရှိနေပါတယ်။ ဒါ့ကြောင့် သူတို့ရဲ့ လုပ်ရပ်များနဲ့ ထုတ်ပြန်ချက်များကို မှန်ကန်စွာခွဲခြားပြီးရှုမြင်ဖို့၊ ဝိုင်းဝန်းဆန့်ကျင်ကြဖို့လည်း အရေးကြီးပါတယ်။

    AA သောင်းကျန်းသူအဖွဲ့ဆိုရင်လည်း ၂၀၂၃ ခုနှစ်၊ နိုဝင်ဘာလ ၁၃ ရက်နေ့မှာပဲ ရခိုင်ပြည်နယ် နယ်ခြား စောင့်ရဲကင်းစခန်းငယ်တစ်ခုဖြစ်တဲ့ ဒုံးပိုက်ရဲကင်းစခန်းကို ဝင်ရောက် စီးနင်းတိုက်ခိုက်ခြင်းနဲ့ ရခိုင်ပြည်နယ် အတွင်း မတည်မငြိမ်မှုတွေဖြစ်အောင် စတင်ဖန်တီးခဲ့ပါတယ်။ အဲဒီနောက် ရခိုင်ပြည်နယ်မြောက်ပိုင်းမှာရှိတဲ့ နယ်မြေလုံခြုံရေး ဆောင်ရွက်နေတဲ့ လုံခြုံရေးစခန်းတွေ၊ တပ်စခန်းတွေကို တိုက်ခိုက်ပြီး ဒေသခံ ပြည်သူတွေရဲ့ လူမှုစီးပွားဘဝများ၊ ပညာရေး၊ ကျန်းမာရေးစတဲ့ ကဏ္ဍအစုံကို ဖျက်ဆီးခဲ့ကြပါတယ်။ ဒါကြောင့်လည်း ဒေသခံပြည်သူများအနေနဲ့ ရန်ကုန်၊ နေပြည်တော်နဲ့ အခြားမြို့တွေကို တိုက်ပွဲရှောင်များအဖြစ် တိမ်းရှောင် ထွက်ပြေးခဲ့ကြရပါတယ်။ ယခု အချိန်မှာလည်း ရခိုင်ပြည်နယ်မြောက်ပိုင်းမှာရှိတဲ့ မြို့ရွာတွေသာမက တည်ငြိမ်စွာ အေးချမ်းစွာ နေထိုင်လိုတဲ့ ရခိုင်ပြည်နယ်တောင်ပိုင်းရှိမြို့များကိုလည်း အပြင်းအထန် တိုက်ခိုက်လျက် ရှိတာတွေ့ရပါတယ်။ ရခိုင်ပြည်နယ်မှာ ရခိုင်လူမျိုးသာ ၉၀ ရာခိုင်နှုန်း နေထိုင်တာကြောင့် AA အဖွဲ့ ခေါင်းဆောင်များရဲ့ လုပ်ရပ်များဟာ ကိုယ့်လူမျိုးကို ကိုယ်ပြန်ဖျက်ဆီးနေသလို ဖြစ်နေတာလည်းတွေ့ရပါတယ်။ တပ်မတော်အနေနဲ့လည်း နယ်မြေဒေသတွေ ပြန်လည်တည်ငြိမ်အေးချမ်းဖို့အတွက် ဒေသခံပြည်သူများနဲ့ ပူးပေါင်းပြီး ဆက်လက် ဆောင်ရွက်သွားမှာဖြစ်ပါတယ်။

    အလားတူ KIA အဖွဲ့ဟာဆိုရင်လည်း ၂၀၂၁ ခုနှစ်လောက်ကတည်းက စစ်ကိုင်း တိုင်းဒေသကြီးအထက်ပိုင်းမှာရှိတဲ့ PDF အမည်ခံအကြမ်းဖက်သမားများကို လက်နက်များတပ်ဆင်ပေးတာတွေ၊ အကြမ်းဖက်စစ်သင်တန်းပေးတာ တွေကို လုပ်ဆောင်လာခဲ့ပြီး နယ်မြေမငြိမ်မသက်ဖြစ်အောင်ပုံဖော်ခဲ့ကြပါတယ်။ စစ်ကိုင်းတိုင်းဒေသကြီးနဲ့ စပ်ဆက်နယ်မြေများမှာလည်း PDF အမည်ခံအကြမ်းဖက်အဖွဲ့တွေရဲ့ ပြည်သူ့အသက် အိုးအိမ်နဲ့ မြို့ရွာများ ဖျက်ဆီးနေမှုရဲ့ အဓိကအရင်းအမြစ်ဟာ KIA အဖွဲ့ကြောင့်ဖြစ်ကြောင်းတွေ့ရှိရပါတယ်။ ဒါ့အပြင် ၂၀၂၄ ခုနှစ် မတ်လကတည်းက ကချင်ပြည်နယ် အတွင်းမှာရှိတဲ့ လုံခြုံရေးတပ်စခန်းများနဲ့ မြို့ရွာများကိုလည်း အင်အားသုံး တိုက်ခိုက် လာတာကိုလည်းတွေ့ရပါတယ်။ ဒါ့အပြင် CNF အဖွဲ့ဟာဆိုရင်လည်း PDF အမည်ခံ အကြမ်းဖက် အဖွဲ့တွေနဲ့ပူးပေါင်းပြီးတော့ ချင်းပြည်နယ်အတွင်းမှာ တိုက်ပွဲများဖော်ဆောင်လာတဲ့အတွက် ချင်းပြည်နယ်အတွင်း မှာရှိတဲ့ တည်ငြိမ်အေးချမ်းစွာ နေထိုင်လုပ်ကိုင်စားသောက်နေကြတဲ့ တိုင်းရင်းသားပြည်သူတို့ရဲ့ လူမှုစီးပွား ဘဝများ ထိခိုက်နစ်နာပျက်စီးခဲ့ရပြီး ဖလမ်း၊ မတူပီ၊ လိုင်လင်းပီ၊ မင်းတပ်၊ ထန်တလန် စတဲ့ မြို့ရွာများ ထိခိုက်ပျက်စီးခဲ့ရတာကိုလည်း တွေ့မြင်ရပါတယ်။

    အလားတူ KNU အဖွဲ့မှ အချို့ခေါင်းဆောင်များဟာဆိုရင်လည်း သူတို့ဟာ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) ကို လက်မှတ် ရေးထိုးထားတဲ့အဖွဲ့ဖြစ်သော်လည်း သဘောတူချက်တွေကို ဖောက်ဖျက်လာတာကို တွေ့ရှိရပါတယ်။ သူတို့ဟာ PDF အမည်ခံအကြမ်းဖက်အဖွဲ့တွေကို အကြမ်းဖက်သင် တန်းများ သင်ကြားလေ့ကျင့်ပေးတာတွေ၊ လက်နက်များတပ်ဆင်ပေးတာတွေကို ပြုလုပ်ခဲ့ကြပြီးတော့မှ ကရင် ပြည်နယ်အတွင်းမှာရှိတဲ့ လုံခြုံရေးတပ်စခန်းများ၊ မြို့ရွာများကို  အင်အားသုံးတိုက်ခိုက်ခြင်းများ လုပ်ဆောင်လာ ခဲ့ကြပါတယ်။ ၂၀၂၃ ခုနှစ်၊ ဒီဇင်ဘာလ ၁ ရက်မှာဆိုရင် ကော့ကရိတ်မြို့၊ ၂၀၂၄ ခုနှစ်၊ ဧပြီလ ၅ ရက်မှာ ဆိုရင် သင်္ကန်းညီနောင်မြို့နဲ့ ဧပြီလ ၁၀ ရက်မှာ မြဝတီမြို့တို့ကို တိုက်ခိုက်ခဲ့တာကို တွေ့ရပါတယ်။ KNU အဖွဲ့ရဲ့အကြမ်းဖက်တိုက်ခိုက်မှုတွေကြောင့် ဒေသခံပြည်သူလူထုရဲ့ လူမှုစီးပွားဘဝများ များစွာထိခိုက်နစ်နာ ပျက်စီးခဲ့ရပါတယ်။ ဒါ့အပြင် မြန်မာပြည်သူ လူထု အားထားနေရတဲ့ နယ်စပ်ကုန်သွယ်ရေးလမ်းကြောင်းများ ပိတ်ဆို့ရပ်ဆိုင်းခဲ့ရပြီး ပြည်သူလူထုနဲ့ နိုင်ငံအတွက် များစွာနစ်နာခဲ့ပါတယ်။ ဒါတွေကို လုံခြုံရေးတပ်ဖွဲ့ဝင်များနဲ့ မိတ်ဖက်အဖွဲ့အစည်းတွေက ဒေသတွင်း အမြန်ဆုံးတည်ငြိမ်အေးချမ်းမှုရရှိရေး ဆက်လက်ကြိုးပမ်းဆောင်ရွက် လျက်ရှိနေပါတယ်။ လက်ရှိမှာလည်း KNU အနေနဲ့ တပ်မဟာ(၁၊ ၃၊ ၅) သုံးခုပူးပေါင်းပြီး စစ်တောင်းမြစ် တစ်ဝိုက်မှာ တိုက်ကွက်များ ဖော်ဆောင်နိုင်ရေးလက်ရှိ KNU ဥက္ကဋ္ဌနဲ့ စစ်ဦးစီးချုပ်တို့က ပူးပေါင်းကြံစည်လျက်ရှိ နေတယ်ဆိုတဲ့ သတင်းကိုလည်း ရရှိထားပါတယ်။

    KNPP/KNDF အဖွဲ့နှင့်ပတ်သက်ပြီး KNPP/KNDF သောင်းကျန်းသူအဖွဲ့ တွေဟာ ၂၀၂၃ ခုနှစ်၊ နိုဝင်ဘာလ ၁၁ ရက်နေ့မှာ ကယားပြည်နယ်၊ လွိုင်ကော်မြို့ကို အင်အားအလုံးအရင်းနဲ့ ဝင်ရောက်တိုက်ခိုက်ခဲ့တာရှိပါတယ်။ KNPP/KNDF အဖွဲ့ရဲ့ အကြမ်းဖက်လုပ်ရပ်တွေကို မလိုလားတဲ့ ဒေသခံပြည်သူတွေရဲ့ သတင်းပေးမှုတွေ ကြောင့် KNPP/KNDF သောင်းကျန်းသူအဖွဲ့ဝင်များကို လည်းချေမှုန်းနိုင်ခဲ့ပါတယ်။ တပ်မတော်အပါအဝင် လုံခြုံရေး တပ်ဖွဲ့များကလည်း စွန့်လွှတ်စွန့်စားတဲ့စိတ်ဓာတ်နဲ့ ခုခံတိုက်ခိုက်နေကြတဲ့အတွက် အခြေအနေအရပ်ရပ်ကို ထိန်းချုပ်နိုင်ခဲ့ပါတယ်။ KNPP/KNDF သောင်းကျန်းသူတွေအနေနဲ့ လွိုင်ကော်မြို့ကို မအောင်မြင်တဲ့အခါ ရှမ်းပြည်နယ်နဲ့အစပ်ဖြစ်တဲ့ ဆီဆိုင်ဒေသဘက်ကို ထိုးဖောက်ဝင်ရောက်ခဲ့ပါတယ်။ ဆီဆိုင်ဒေသဟာ ပအိုဝ့် ကိုယ်ပိုင်အုပ်ချုပ်ခွင့်ရဒေသဖြစ်တဲ့အတွက် ပအိုဝ့်ပြည်သူ့စစ်များနဲ့ ဒေသခံပြည်သူများကလုံးဝလက်မခံဘဲ ရွပ်ရွပ်ချွံချွံတိုက်ထုတ်ခဲ့တာ ကိုလည်း တွေ့ရပါတယ်။ ဒါ့ကြောင့် လက်ရှိအချိန်မှာ လွိုင်ကော်နဲ့ ဆီဆိုင်ဒေသတို့မှာ ပြန်လည်ထူထောင်ရေးလုပ်ငန်းများကို စတင်ဆောင်ရွက်နေပြီလည်းဖြစ်ပါတယ်။ ကယားပြည်နယ်တစ်ခုလုံး ယခင်လို တည်ငြိမ်အေးချမ်းမှုအပြည့်အဝရရှိအောင် ဆက်လက် ဆောင်ရွက်သွားမှာဖြစ်ပါတယ်။ သောင်းကျန်းသူ အဖွဲ့တွေအနေနဲ့ ဒီလိုတိုက်ခိုက်မှုတွေ လုပ်ဆောင်တဲ့အခါမှာ အဖျက်စိတ်နဲ့ပြည်သူအများအပြား ထိခိုက်စေခဲ့သလို မြို့ရွာများ ကိုဖျက်ဆီး ခဲ့တာကိုလည်းတွေ့ရပါတယ်။

    လက်နက်ကိုင်ပဋိပက္ခ သက်ဆိုးရှည်ရေးနဲ့ မြန်မာနိုင်ငံအပေါ်မှာ သူတို့လိုချင်တဲ့ လက္ခဏာမျိုးရရှိစေလိုတဲ့ ပြည်ပနိုင်ငံအချို့ဟာ လက်နက်ကိုင်သောင်းကျန်းသူတွေ၊ နိုင်ငံရေးသဘောထားကွဲလွဲသူတွေက အကြမ်းဖက် လမ်းစဉ်ဆောင်ရွက်နေကြတဲ့ အဖွဲ့အစည်းတွေကို ငွေကြေးရရှိအောင်၊ အစားအသောက်ရရှိအောင်၊ ဆေးဝါး ရရှိအောင်၊ လက်နက်ခဲယမ်း မီးကျောက်ရရှိအောင်၊ နည်းပညာများရရှိအောင်၊ အုပ်ချုပ်ထောက်ပံ့မှု အခွင့်အလမ်းများရရှိအောင် လုပ်ဆောင်လျက်ရှိပြီး ပြည်ဖျက်မီဒီယာများကိုလည်း စိတ်ဓာတ်စစ်ဆင်ရေး လုပ်နိုင်အောင် ကူညီပေးလျက်ရှိတာကိုလည်း တွေ့ရပါတယ်။

    တရုတ် – မြန်မာ နယ်စပ်မှာရှိတဲ့ EAO နယ်မြေအချို့မှာ  လက်နက်ခဲယမ်း မီးကျောက်စက်ရုံများ တည်ထောင်ထားပြီး လက်နက်များ၊ ခဲယမ်းများ၊ ဖောက်ခွဲရေး ပစ္စည်းများ ထုတ်လုပ်နေတာကို သိရှိရပါတယ်။ အဲ့ဒီလက်နက်စက်ရုံတွေက ထုတ်လုပ်တဲ့ လက်နက်ခဲယမ်းတွေကို PDF အမည်ခံအကြမ်း ဖက်သမားတွေနဲ့ အခြား EAO အဖွဲ့တွေကို ထောက်ပံ့တာတွေ၊ ရောင်းချတာတွေ ပြုလုပ်နေတာကို တွေ့ရှိရပါတယ်။ လုံခြုံရေးတပ်ဖွဲ့ ဝင်များက ဖမ်းဆီးရမိတဲ့ လက်နက်တွေ၊ ခဲယမ်း အများစုဟာလည်း အဲ့ဒီစက်ရုံများကထုတ်လုပ်တဲ့ လက်နက် ခဲယမ်းများဖြစ်တာကိုလည်း တွေ့ရှိရပါတယ်။ ဒီလိုလက်နက်ခဲယမ်းမီးကျောက် စက်ရုံများထူထောင်ဖို့ဆို တာသာမန်အခြေအနေနဲ့မရပါဘူး။ ငွေကြေးအင်အားနဲ့ နည်းပညာအင်အားများ များစွာလိုအပ်တာဖြစ်တာကြောင့် ဒီစက်ရုံတွေလည်ပတ်ဖို့ငွေကြေးနဲ့နည်းပညာအင်အားဘယ်နေရာကရရှိတာလဲဆိုတာကိုလည်း  ဆန်းစစ်သွားရမှာ လည်းဖြစ်ပါတယ်။ မြန်မာနိုင်ငံတောင်ပိုင်းဒေသမှာရှိတဲ့ လက်နက်ကိုင်အဖွဲ့များ ကိုင်ဆောင်နေတဲ့ လက်နက် များဟာဆိုရင်လည်း ထိုင်း – မြန်မာ နယ်စပ်မှောင်ခိုလမ်းကြောင်းကနေ တင်သွင်းလာတဲ့ လက်နက်များပဲ ဖြစ်ပါ တယ်။ EAO အဖွဲ့တွေနဲ့ PDF အမည်ခံ အကြမ်းဖက်သမားတွေ ကိုင်ဆောင်နေတဲ့ ဆက်သွယ်ရေးစက်တွေ၊ Drone တွေ၊ လက်နက်ခဲယမ်းတွေဟာ အဆိုပါအရင်းအမြစ်တွေက ရရှိနေတာပဲဖြစ်ပါတယ်။

    MNDAA ၊ TNLA အကြမ်းဖက်သောင်းကျန်းသူများနဲ့ဆက်စပ်အဖွဲ့တွေသုံးနေတဲ့ Drop Bomb တွေ၊ ရှော့တိုက်ဒုံး တွေဟာ နည်းပညာအရ  အဆင့်မြှင့်တင်ပြင်ဆင်ထားတဲ့ ပစ္စည်းများဖြစ်ကြောင်းလည်း တွေ့ရှိရ ပါတယ်။ သူတို့ သုံးစွဲနေတဲ့ Drone တွေဟာ ပြည်ပဈေးကွက်မှာ ဝယ်ယူရရှိနိုင်ပေမယ့် ဒါတွေကို ပြင်ပကြေးစား နည်းပညာရှင်များနဲ့ ပူးပေါင်းပြီး နည်းပညာအရ အဆင့်မြှင့်တင်ထားတာတွေ၊ တိုက်ပွဲမှာ ပိုမိုအသုံး ဝင်အောင် ပြုပြင်ထားတာတွေကို လည်းတွေ့ရှိရပါတယ်။

    လုံခြုံရေးတပ်ဖွဲ့ဝင်များအနေနဲ့ ဒီလို အကြမ်းဖက်သောင်းကျန်းသူတွေကို တိုက်ခိုက်ခဲ့တဲ့အချိန်မှာ အရပ်သားပြည်သူတွေ မထိခိုက်စေဖို့ ချမှတ်ထားတဲ့ ကာကွယ်ခုခံပိုင်ခွင့်အတွက် ထိတွေ့တိုက်ခိုက်မှု စည်းမျဉ်းများနှင့် အကြမ်းဖက်သောင်းကျန်းမှု နှိမ်နင်းရေးဆိုင်ရာ တည်ငြိမ်မှုစစ်ဆင်ရေးအတွက် ထိတွေ့ တိုက်ခိုက်မှုစည်းမျဉ်းများ နဲ့အညီ တတ်နိုင်သမျှ ထိန်းထိန်းသိမ်းသိမ်းဆောင်ရွက်ခဲ့ရပါတယ်။

    ကျွန်တော်တို့ မြန်မာနိုင်ငံဟာ တိုင်းရင်းသားလူမျိုးအားလုံးအတူတကွစုစည်းပြီး နေထိုင်ကြတဲ့နိုင်ငံဖြစ်ပြီး တောတောင်ရေမြေကစပြီး လုပ်ကိုင်နေကြတဲ့ စီးပွားရေးအခြေအနေများအထိ ခွဲခြားလို့မရတာတွေ့ရှိနိုင်ပါတယ်။ မြန်မာနိုင်ငံသားတိုင်းဟာ မြန်မာနိုင်ငံအတွင်း မည်သည့်ချုပ်ချယ်ကန့်သတ်မှုမျိုးမှမပါဝင်ဘဲ လွတ်လပ်စွာသွား လာနေထိုင်ခွင့်၊ လွတ်လပ်စွာကုန်စည်ကူးသန်း ရောင်းဝယ်ခွင့်ရရှိရမှာဖြစ်ပါတယ်။ သောင်းကျန်းသူအဖွဲ့တွေ ကြီးစိုးလာတာနဲ့အမျှ ဒီအခွင့်အရေးနဲ့ လွတ်လပ်ခွင့်တွေဟာ အလိုလို ဆုံးရှုံးလျက်ရှိပါတယ်။ ဒီလိုလူမျိုး နှီးနွှယ်တူညီမှု၊ ဘာသာစကားနှီးနွှယ် တူညီမှု၊ ရာဇဝင်အစဉ်အလာ၊ ယဉ်ကျေးမှုအစဉ်အလာတို့နဲ့အညီ အညွတ်ရှိမှုတို့ကို မထောက်ထားဘဲ သမိုင်းမှာမရှိခဲ့ဘူးတဲ့ ဒီလိုဆိုးရွားတဲ့ လူမျိုးစွဲဝါဒနဲ့လူမျိုးရေးအမြင် ကျဉ်းမြောင်းတဲ့  လုပ်ရပ်မျိုးကို လုံးဝလက်ခံမှာလည်းမဟုတ်ပါဘူး။ ရှမ်းပြည်နယ် (မြောက်ပိုင်း) ဒေသဟာ တရုတ်နိုင်ငံနဲ့နယ်နိမိတ်ချင်းထိစပ်နေပြီး တစ်နိုင်ငံလုံးရဲ့ နယ်စပ်ကုန်သွယ်ရေး အဓိကဆောင်ရွက်ရာ ဒေသလည်း ဖြစ်ပါတယ်။ တစ်ဖက်နိုင်ငံနဲ့ ကုန်စည်ကူးသန်းရောင်းဝယ်ရေး လမ်းကြောင်းပေါ်မှာတည်ရှိတာကြောင့် ဒေသခံ ပြည်သူများဟာဖွံ့ဖြိုးတိုးတက်မှုအခွင့်အလမ်းတွေရှိခဲ့ပါတယ်။ ဒါပေမယ့် သောင်းကျန်းသူတွေရဲ့ အကြမ်းဖက် တိုက်ပွဲ ဖော်ဆောင်မှုတွေကြောင့် လူမှုစီးပွားဘဝတွေ၊ ကလေးငယ်တွေရဲ့ ပညာရေးတွေ၊ လူငယ်လူရွယ်တွေရဲ့ အနာဂတ်ဘဝတွေဟာ ဘယ်လိုအိပ်မက်မှ မက်ခွင့်မရတော့ဘဲဆိတ်သုဉ်းရတော့မှာပဲ ဖြစ်ပါတယ်။ သောင်း ကျန်းသူခေါင်းဆောင်တွေရဲ့ စစ်ဘုရင်ဝါဒတွေ ပြန်လည်ကြီးစိုးလာမှုနဲ့အတူ ဒီဒေသခံတွေဟာ ဟိုးယခင်က စစ်ဘုရင်ဝါဒကြီးစိုးခဲ့တဲ့ဒေသတွေလို ဥပဒေမဲ့ အနိုင်ကျင့်ခံရမှုတွေ၊ တရားမဲ့သတ်ဖြတ်ခံရမှုတွေ၊ မှန်ကန်တဲ့ စီးပွားရေးလုပ်ငန်းတွေ နေရာမှာ မူးယစ်ဆေးဝါးနဲ့ လောင်းကစားလုပ်ငန်းတွေ၊ ပြောင်းနဲ့ကြံအစား ဘိန်းစိုက်ပျိုးရမှု တွေ၊ လူငယ်တွေဟာလည်း စာအုပ်နဲ့ဘောပင်အစား သေနတ်တွေကိုင်ရင်းနဲ့ ပြန်လည်ရှင်သန်ကြရတော့မှာ လည်းဖြစ်ပါတယ်။ အလင်းထဲကနေ အမှောင်ထဲကို ပြန်ရောက် ရတော့မယ့်အခြေအနေလည်းဖြစ်ပါတယ်။ ပြည်သူတွေအနေနဲ့ ဒီလိုအခြေအနေမျိုး ပြန်ရောက်ချင်ကြမှာ မဟုတ်ဘူးလို့ ကျွန်တော်ယုံကြည်ပါတယ်။ မြန်မာ့တပ်မတော် အနေနဲ့ ကျွန်တော်တို့ ပြည်သူတွေ ဒီလိုအခြေအနေမျိုးရောက်မှာကို လည်းလုံးဝခွင့်ပြု ပေးမှာ မဟုတ်ပါဘူး။

    ဒီနေရာမှာ စီးပွားရေးနဲ့ပတ်သက်ပြီး အနည်းငယ်ပြောချင်ပါတယ်။ နိုင်ငံတစ်ခုရဲ့ စီးပွားရေးအင်အား တောင့်တင်းမှ ကျန်ရှိတဲ့ အင်အားများဟာလည်း ကောင်းမွန်လာမှာ ဖြစ်ပါတယ်။ ဒါ့ကြောင့် စီးပွားအရကျဆင်းပြီး နိုင်ငံရဲ့ ကာကွယ်ရေးအင်အား လျော့နည်းအောင် မိမိတို့နိုင်ငံအပေါ်မှာ စီးပွားရေးအရ ပိတ်ဆို့တာတွေ၊ ကောလာဟလ သတင်းများဖြန့်တာတွေကို နည်းလမ်းမျိုးစုံနဲ့ လုပ်ဆောင်ခဲ့ကြတာဖြစ်ပါတယ်။ ကျွန်တော်တို့ အနေနဲ့ ဒါတွေကို ကြိုးစားဖြေရှင်းဆောင်ရွက်ပြီး နိုင်ငံ့စီးပွားတိုးတက်အောင် ဆောင်ရွက်ခဲ့ပါတယ်။ နိုင်ငံ့ စီးပွားကောင်းမွန်စေဖို့အတွက် ထုတ်ကုန်များစွာ လိုအပ်တာကြောင့် ကုန်ထုတ်လုပ်ငန်းများ၊ ပို့ကုန်များ ဆက်လက်တိုးတက်အောင် ဆောင်ရွက်သွားကြရမှာလည်းဖြစ်ပါတယ်။ ဒါ့ကြောင့် အဓိကကျပြီး လက်ဆုပ်လက် ကိုင်ရှိနေတဲ့ စိုက်ပျိုးရေးနဲ့ မွေးမြူရေးကို အခြေခံတဲ့ကုန်ထုတ်စွမ်းအားကို မြှင့်တင်ဆောင်ရွက်ကြဖို့ ပြောကြားလိုပါတယ်။

    ရှမ်းပြည်နယ်မြောက်ပိုင်းအခြေအနေနှင့်ပတ်သက်ပြီး လုံခြုံရေးတပ်ဖွဲ့ဝင်များ အနေနဲ့ လက်ရှိနေရာများရဲ့ လုံခြုံရေးနဲ့ လာရောက်ခိုလှုံနေတဲ့ ပြည်သူများဘေး အန္တရာယ်ကင်းရေးကို ဦးစားပေးစဉ်းစားပြီး ဆုတ်ခွာခဲ့ရတာ လည်းရှိပါတယ်။ ဒါကို MNDAA၊ TNLA သောင်းကျန်းသူပူးပေါင်းအဖွဲ့တွေနဲ့ နောက်ကွယ်ကနေအားပေးအား မြှောက်ပြုနေတဲ့ ပြည်တွင်းပြည်ပက လောက်ကောင်တွေနဲ့ချိတ်ဆက်ပြီး သူတို့ကိုခိုင်း စေတဲ့နိုင်ငံများရဲ့အလိုကျ မြန်မာပြည်သူလူထု စိတ်မချမ်းမသာဖြစ်အောင် အင်အားလျော့လာအောင် ဝါဒဖြန့်ချိတာတွေ လုပ်ဆောင်နေ ပါတယ်။ ကျွန်တော်တို့အနေနဲ့ လက်နက် ကိုင် ပဋိပက္ခကို နိုင်ငံရေးနည်းနဲ့မဖြေရှင်းဘဲ အကြမ်းဖက်တိုက်ခိုက်မှုနဲ့ ဖြေရှင်းနေမှုတွေကို ယဉ်ကျေးတဲ့လူ့အဖွဲ့အစည်းတစ်ခုအနေနဲ့ လုံးဝလက်ခံလို့မရတာကြောင့် ဘုံရန်သူအဖြစ် သတ်မှတ်ပြီး ရှမ်းပြည်နယ်မြောက်ပိုင်းဒေသကိုသာမဟုတ်ဘဲ နိုင်ငံတစ်ဝန်းလုံးတည်ငြိမ်အေးချမ်းမှု ပြန်လည် ရရှိတဲ့အထိ ဆက်လက်ကြိုးပမ်း ဆောင်ရွက်သွားမှာ ဖြစ်ပါတယ်။ မြန်မာပြည်ကြီး တည်ငြိမ်အေးချမ်းဖို့ အသက်၊ သွေးချွေးများ ရင်းနှီးပေးဆပ်ပြီး ကြိုးစားကာကွယ်ပေးကြတဲ့ ခေတ်အဆက်ဆက်က မြန်မာ့ တပ်မတော်သားများနဲ့ မြန်မာနိုင်ငံရဲတပ်ဖွဲ့ဝင်များ၊ ပြည်သူ့စစ်တပ်ဖွဲ့ဝင်များနဲ့ မျိုးချစ်စိတ်ဓာတ်ရှိတဲ့ ပြည်သူများဟာ မြန်မာပြည်ကြီး ရဲ့ဦးဆောင်လမ်းပြတဲ့ သူရဲကောင်းတွေအဖြစ် အမြဲတည်ရှိနေမှာပါ။ အသိအမှတ်ပြု လေးစားအမှတ်ရနေမှာ ဖြစ်ပါတယ်။ မြန်မာ့တပ်မတော်သားတွေရဲ့ မှန်ကန်တဲ့စိတ်ဓာတ်၊ ဇွဲမာန်ပြင်းပြမှုတွေကြောင့် နိုင်ငံတော်မှာ လက်နက်ကိုင်အကြမ်းဖက်တဲ့ လမ်းစဉ်ချုပ်ငြိမ်းပြီး တည်ငြိမ်အေးချမ်းမှု၊ တရားဥပဒေစိုးမိုးမှုအပြည့်နဲ့ ပြည်သူ တို့ရဲ့ ပညာရေး၊ ကျန်းမာရေးနဲ့ လူမှုစီးပွားဘဝတွေ ပြန်လည်တိုးတက်မှုရရှိအောင် ဆောင်ရွက်ပေးသွားရမှာလည်း ဖြစ်ပါ တယ်။

    ကျွန်တော်တို့ မြန်မာ့တပ်မတော်ဟာ မြန်မာပြည်ကြီး လွတ်လပ်ရေးရရှိဖို့အတွက် ပြည်သူထဲက ပေါက်ဖွားလာတဲ့ အမျိုးသားရေးစိတ်ဓာတ်အပြည့်ရှိပြီး စွန့်လွှတ်အနစ်နာခံမယ်ဆိုတဲ့စိတ် တစ်ခုတည်းနှင့်သာ မျိုးချစ်လူငယ်များနဲ့ စတင် တည်ထောင်ခဲ့တဲ့ တပ်မတော်ဖြစ်ပါတယ်။ ဒီတပ်မတော်ကပဲ အခက်အခဲအမျိုးမျိုး ကြားကနေ ပြည်သူတစ်ရပ်လုံးရဲ့ အားပေးထောက်ခံမှုနဲ့ နိုင်ငံတော်တစ်ခုလုံးရဲ့ လွတ်လပ်ရေးကို အရယူ ပေးနိုင်ခဲ့ပါတယ်။ ယခုအချိန်မှာလည်း ရှေ့တန်းစစ်မျက်နှာ အသီးသီးမှာ နိုင်ငံတော်ကာကွယ်ရေး တာဝန်တွေကို ရွပ်ရွပ်ချွံချွံ ထမ်းဆောင်နေကြတဲ့ တပ်မတော်သားတွေကို နိုင်ငံချစ်စိတ်ရှိသည့် ပြည်သူလူထုအဖွဲ့အစည်းများ၊ ဝန်ကြီး ဌာနများက စားသောက်ဖွယ်ရာများ၊ ထောက်ပံ့ရေးပစ္စည်းများ၊ အားပေးစာများကို တစ်ခဲနက် ဆောင်ရွက်ပေးနေကြတာကိုလည်း အားရဖွယ်ရာတွေ့ရပါတယ်။ အလားတူ တည်ငြိမ်အေးချမ်းမှုကိုလိုလားတဲ့ နိုင်ငံရေးပါတီများနဲ့ ပြည်သူ့အဖွဲ့အစည်း အသီးသီးက အကြမ်းဖက်လုပ်ရပ်တွေကို ကန့်ကွက်ရှုံ့ချတာ၊ မျိုးချစ်စိတ်၊ နိုင်ငံချစ်စိတ် ကိုအရင်းခံပြီး Volunteer ပုဂ္ဂိုလ်များ၊ အဖွဲ့အစည်းများက တပ်မတော်နှင့်နိုင်ငံတော်ကို ဝိုင်းဝန်းပြောဆို ထောက်ခံအားပေးနေတာကိုလည်း တွေ့ရှိရပါတယ်။ နိုင်ငံတော် အစိုးရနဲ့ တပ်မတော်အနေနဲ့ ယခုလိုဆောင်ရွက်ပေးမှုများအတွက် အထူးကျေးဇူးတင် ရှိကြောင်းနှင့် ခွန်အားများဖြစ်ပေါ်ရသည်ကိုလည်း ပြောကြားလိုပါတယ်။ တပ်မတော်အနေနဲ့ ခေတ်အဆက်ဆက်မှာ ရရှိပြီးသား လွတ်လပ်ရေးကြီးတည်တံ့နေဖို့၊ ပြည်ထောင်စုကြီး တည်တံ့နေဖို့ ပြည်သူ့ရှေ့ကနေ မားမားမတ်မတ်ရပ်တည်ကာ ကာကွယ်စောင့်ရှောက်ပေးခဲ့တာ ဒီနေ့အချိန်အထိ လည်းဖြစ်ပါတယ်။ ဒီနေ့ဒီအချိန်အခါမှာလည်း နိုင်ငံတော်တည်တံ့ခိုင်မြဲရေးနဲ့ တည်ငြိမ် အေးချမ်းရေးတို့အတွက် နိုင်ငံတော်ကာကွယ်ရေးတာဝန်တွေ ထမ်းဆောင်ရင်း ကျဆုံး၊ ပျောက်ဆုံး၊ ထိခိုက် ဒဏ်ရာရရှိခဲ့တဲ့ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ ပြည်သူ့စစ်တပ်ဖွဲ့ဝင်များ၊ ရဲမေများ၊ မိသားစု ဝင်များအတွက် များစွာ စိတ်မကောင်းဖြစ်ရပါတယ်။ သူတို့ရဲ့ စွန့်လွှတ်စွန့်စားမှုကို ဘယ်တော့မှမေ့ပျောက်ပစ်မှာ မဟုတ်ပါဘူး။ နိုင်ငံတော်အစိုးရ၊ တပ်မတော်အနေနဲ့ ချီးကျူးဂုဏ်ပြုခြင်းများ၊ ရရှိရမယ့်အခွင့်အရေးများနဲ့ ကူညီစောင့်ရှောက်မှုများကို ဆောင်ရွက်ပေးသွားမှာလည်းဖြစ်ပါတယ်။ ဒါကြောင့် မြန်မာ့တပ်မတော်သားတိုင်းဟာ ရှေးကလွတ်လပ်ရေးအတွက် အသက်ခန္ဓာစွန့်လွှတ်ကာ တိုက်ပွဲဝင်ခဲ့ကြတဲ့ စစ်သည်တော်တွေလိုပဲ တန်ဖိုးရှိတဲ့ ပြည်သူ့သားကောင်း ရတနာတွေဖြစ်ကြောင်း ဂုဏ်ပြုပြောကြားလိုပါတယ်။ ကျွန်တော်တို့ ပြည်သူတွေအနေနဲ့ လည်း ခေတ်ဆက်ဆက်ပေါ်ပေါက်လာတဲ့ ပြည်ပကျူးကျော်သူတွေနဲ့ ပြည်တွင်းသောင်းကျန်းသူ အမျိုးမျိုးရဲ့ ဒဏ်ကို မြန်မာ့တပ်မတော်နဲ့လက်တွဲပြီး ကြံ့ကြံ့ခံအောင်မြင်စွာ တွန်းလှန်နိုင်ခဲ့ကြတဲ့ သူတွေပဲဖြစ်ပါတယ်။ တပ်မတော်နဲ့ ပြည်သူပူးပေါင်းပြီး ပြည်တွင်းပြည်ပအန္တရာယ်တွေကို ရင်ဆိုင်ကျော်ဖြတ်နိုင်ခဲ့ကြသလို ရင်ဆိုင် ကျော်ဖြတ်နိုင်စွမ်းလည်းရှိကြပါတယ်။ ကျွန်တော်တို့ပြည်သူတွေသတိပြုရမှာက ဒီနေ့ကမ္ဘာ့ရေးရာ အခြေအနေ တွေဟာ အင်မတန်မှ နက်နဲရှုပ်ထွေးလာတာကြောင့် ကျွန်တော်တို့ မြန်မာနိုင်ငံတော်ကြီး ကမ္ဘာတည်သရွေ့ တည်တံ့နေစေဖို့ ကျွန်တော်တို့အားလုံး စည်းလုံးညီညွတ်ဖို့လိုပါတယ်။ စည်းလုံးညီညွတ်မှုအားနဲ့သာ ရင်ဆိုင်နိုင်မှာ လည်းဖြစ်ပါတယ်။ ဒါကြောင့် ခေတ်အဆက်ဆက် အသက်သွေးချွေးများ ရင်းနှီးပေးဆပ်ခဲ့တဲ့ မြန်မာ့တပ်မတော်နဲ့ မျိုးချစ်ပြည်သူများက ဦးဆောင်ဆင်နွှဲနေတဲ့ တရားသောစစ်အောင်မြင်ဖို့ ကျွန်တော်တို့ပြည်သူအားလုံးက ယုံကြည် စွာနဲ့ ဝိုင်းဝန်းပေးကြဖို့လိုအပ်ပါတယ်။ တပ်မတော်နဲ့ မျိုးချစ်ပြည်သူလူထုရှိနေသမျှ မြန်မာနိုင်ငံတော်ကြီး တည်တံ့ခိုင်မြဲရပါမယ်။ တည်တံ့ခိုင်မြဲအောင်လည်း လုပ်ဆောင်ပါမယ်။ စည်းလုံးသောအင်အားဖြင့် အမိနိုင်ငံတော် ကြီးကို ကာကွယ်စောင့်ရှောက်ကြပါစို့ ခင်ဗျာ။ အားလုံးကို ကျေးဇူးတင်ပါတယ်။

  • မေး :
    လွှတ်တော်ကိုယ်စားလှယ်တွေက ပြည်သူတွေရဲ့ နား၊ မျက်စိတွေ ဖြစ်တဲ့အတွက် အစိုးရအဖွဲ့ဝင်တွေကိုယ်စား ပြည်သူတွေရဲ့ လိုအပ်ချက်၊ လိုလားချက်နဲ့ အခြေအနေအမှန်တွေကို ဝိုင်းဝန်းဖော်ဆောင်ပေးတဲ့သူတွေလို့ သဘောထားပြီး အတူတူပူးပေါင်းဆောင်ရွက်ကြစေလိုပါတယ် (ဦးအောင်ကျော်မင်း (အမျိုးသားလွှတ်တော်ကိုယ်စားလှယ်))
    ဖြေ :

    နေပြည်တော် မတ် ၁၃

    “မြန်မာ့မျက်နှာစာသစ်ဖိုရမ်” (ယုံကြည်မှု၊ တည်ငြိမ်အေးချမ်းမှုနှင့် ဖွံ့ဖြိုးတိုးတက်မှု) “FORUM ON THE DAWN OF A NEW STATE”(Trust, Stability & Development) ကို နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန (၁) (MICC- I) ၌ မတ် ၁၃ ရက်နှင့် ၁၄ ရက် နှစ်ရက်တာ ကျင်းပလျက်ရှိသည်။

    အဆိုပါဖိုရမ်သို့ နိုင်ငံရေးပါတီများမှပုဂ္ဂိုလ်များ၊ လွှတ်တော်ကိုယ်စားလှယ်များ၊ ပြည်တွင်းပြည်ပပညာရှင်များ၊ ပြည်တွင်း နိုင်ငံရေးသုတေသီများ၊ မြန်မာနိုင်ငံအရေး စိတ်ဝင်စားကြသူများ တက်ရောက်ဆွေးနွေးကြရာ ဖိုရမ်တက်ရောက်သူများ၏ မျှော်မှန်းချက်များ၊ အမြင်သဘောထားများ တွေ့ဆုံမေးမြန်းခဲ့သည်များကို ဖော်ပြလိုက်ရပါသည်-

    ဦးအောင်ကျော်မင်း အမျိုးသားလွှတ်တော်ကိုယ်စားလှယ်

    ဒီဖိုရမ်က စိတ်ကူးကောင်းကောင်းနဲ့ လွှတ်တော်ကိုယ်စားလှယ်တွေကို အများကြီးအထောက်အကူပြုအောင် ကူညီဆောင်ရွက်ပေးတဲ့ ဖိုရမ်ပဲဖြစ်ပါတယ်။ ပညာရှင်တွေက လွှတ်တော်ကိုယ်စားလှယ်တွေကို တိုင်းပြည်တည်ဆောက်တဲ့ ကိစ္စတွေမှာ ဝိုင်းဝန်းကူညီပေးဖို့ဆိုတဲ့ ရည်ရွယ်ချက်နဲ့ ဆောင်ရွက်တယ်လို့ ယူဆပါတယ်။ ဒီဖိုရမ်ပြီးသွားရင်လည်း ပညာရှင်တွေက လွှတ်တော်ကိုယ်စားလှယ်တွေကို ဆက်လက်ကူညီပေးစေချင်ပါတယ်။ ဒီဖိုရမ်ကျင်းပပေးခြင်းဖြင့် နိုင်ငံတော်အတွက် အများကြီးအကျိုးရှိစေမှာဖြစ်ပါတယ်။ လွှတ်တော်နဲ့ အစိုးရသစ်တို့က နိုင်ငံထူထောင်ရေး၊ ဖွံ့ဖြိုးရေးနဲ့ ပြည်သူဗဟိုပြုမယ့်ကိစ္စရပ်တွေကို ဆောင်ရွက်ကြရမှာဖြစ်ပါတယ်။

    လွှတ်တော်ကိုယ်စားလှယ်တွေက အောက်ခြေမှာပြည်သူတွေရဲ့ အသံနဲ့ လိုအပ်ချက်တွေကို သိကြပါတယ်။ တစ်ခါတလေမှာ ဘယ်လိုလုပ်ရမယ်ဆိုတာကို မသိကြတဲ့အခါ ပညာရှင်တွေရဲ့ အကူအညီကို ထိထိရောက်ရောက် ရရှိခဲ့မယ်ဆိုရင် ခရီးတိုတိုနဲ့ အောင်မြင်မှုပန်းတိုင်ကို မြန်မြန်ရောက်နိုင်မယ်လို့ ယုံကြည်ပါတယ်။ လွှတ်တော်ကိုယ်စားလှယ်တွေနဲ့အစိုးရအဖွဲ့တို့က ပြည်သူကိုဗဟိုပြုတဲ့ အဖွဲ့အစည်းတွေဖြစ်တဲ့အတွက် ညီညီညွတ်ညွတ်နဲ့ ပူးပေါင်းဆောင်ရွက်ကြရမှာဖြစ်ပါတယ်။ လွှတ်တော်ကိုယ်စားလှယ်တွေက ပြည်သူတွေရဲ့ နား၊ မျက်စိတွေဖြစ်တဲ့အတွက် အစိုးရအဖွဲ့ဝင်တွေကိုယ်စား ပြည်သူတွေ ရဲ့လိုအပ်ချက်၊ လိုလားချက်နဲ့ အခြေအနေအမှန်တွေကို ဝိုင်းဝန်းဖော်ဆောင်ပေးတဲ့ သူတွေလို့ သဘောထားပြီး အတူတူ ပူးပေါင်းဆောင်ရွက်ကြစေလိုပါတယ်။

    ဦးကိုကိုကြီး ဥက္ကဋ္ဌ၊ ပြည်သူ့ပါတီ

    ဒီနေ့ကျင်းပတဲ့ ဖိုရမ်မှာထူးခြားတာကတော့ ရွေးကောက်ပွဲအပြီး ရွေးကောက်ခံရတဲ့ လွှတ်တော်ကိုယ်စားလှယ်တွေ ပါဝင်တက်ရောက်တာဖြစ်ပါတယ်၊၊ ဒီနေ့အခမ်းအနားမှာ နိုင်ငံတော်အကြီးအကဲအနေနဲ့ သူ့ရဲ့အယူအဆ၊ သုံးသပ်ချက်တွေကို ဖော်ပြသွားတယ်ဆိုတာ နိုင်ငံ့တာဝန်ထမ်းဆောင်မယ့် ပုဂ္ဂိုလ်တွေအတွက် လက်ဆင့်ကမ်းတယ်လို့ ကျွန်တော်ကတော့မြင်ပါတယ်။ လွှတ်တော် အခင်းအကျင်းပေါ်လာတယ်ဆိုတာက အာဏာခွဲဝေကျင့်သုံးတဲ့ ယဉ်ကျေးမှုပေါ်ထွန်းလာတာ ဖြစ်ပါတယ်၊၊ အပြန်အလှန်စစ်ဆေးထိန်းကျောင်းတဲ့ ပုံသဏ္ဌာန်တစ်ခုပေါ်ပေါက်လာပြီး အဲဒီကနေတစ်ဆင့် ပိုပြီးအားကောင်းတဲ့ နိုင်ငံရေးစနစ်၊ နိုင်ငံရေးယဉ်ကျေးမှု တိုးတက်လာဖို့အတွက် ဝိုင်းပြီးကြိုးစားကြရမယ်လို့ မြင်ပါတယ်။

    မကြာခင်မှာ ကျင်းပတော့မယ့် လွှတ်တော်အစည်းအဝေးတွေမှာ နိုင်ငံအတွက် အရေးကြီးတဲ့ ဆုံးဖြတ်ချက်၊ မူဝါဒဆိုင်ရာတွေကို ဆွေးနွေးကြမယ့်အချိန်မှာ ဒီနေ့ဆွေးနွေးတဲ့ အချက်အလက်တွေဟာ အများကြီး အထောက်အကူဖြစ်လိမ့်မယ်လို့ မျှော်လင့်ပါတယ်။ နိုင်ငံတစ်ခုရဲ့ အပြောင်းအလဲဖြစ်စဉ်ဆိုတာက ကောင်းမွေဆိုးမွေ အားလုံးကိုဆက်ခံရတာပါ၊၊ ဖြစ်ခဲ့တာတွေကို သင်ခန်းစာတွေယူပြီး အဲဒီကနေ ရှေ့ဆက်မယ့်ခရီးအတွက် ပြင်ဆင်ကြရမှာဖြစ်ပါတယ်။

    H.E.Mr.Abhay Thakur မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး

    အခုလို ထူးခြားတဲ့အခမ်းအနားကို တက်ရောက်ခွင့်ရတဲ့အတွက် အထူးဝမ်းမြောက်ဂုဏ်ယူမိပါတယ်။ အစိုးရအသစ်ဖွဲ့စည်းပြီး လွှတ်တော်အသစ်၊ ခေါင်းဆောင်အသစ်တွေ ပေါ်ထွန်းမယ့်ကာလဖြစ်တဲ့အပြင် သမိုင်းဝင်အကူး အပြောင်းကာလလည်းဖြစ်ပါတယ်။ အထူးသဖြင့် အိမ်နီးချင်း နိုင်ငံဖြစ်တဲ့ အိန္ဒိယနိုင်ငံအနေနဲ့ မြန်မာနိုင်ငံမှာ အခုကျင်းပတဲ့ ဆွေးနွေးပွဲကတစ်ဆင့် အနှစ်သာရပြည့်ဝတဲ့ ငြိမ်းချမ်းရေး၊ စီးပွားရေး၊ ဖွံ့ဖြိုးတိုးတက်မှုတွေဆောင်ကြဉ်းပေးနိုင်မယ်လို့ ယုံကြည်ပါတယ်။ ကျွန်တော့်အနေနဲ့ ဒေသတွင်းပေါင်းစည်း ဆက်နွှယ်ချိတ်ဆက်မှုနဲ့ ဖွံ့ဖြိုးရေးဆိုင်ရာကဏ္ဍကို အနည်းငယ် ပြောကြားလိုပါတယ်။

    မြန်မာနိုင်ငံက အိန္ဒိယ၊ တရုတ်၊ အာဆီယံအစရှိတဲ့ ဒေသတွင်းနိုင်ငံတွေနဲ့ ပေါင်းစည်းဆက်နွှယ် ချိတ်ဆက်မှုဆိုင်ရာကဏ္ဍတွေ ဆောင်ရွက်နိုင်ဖို့ မဟာဗျူဟာကျတဲ့နေရာမှာ တည်ရှိနေပါတယ်။ အထူးသဖြင့် ပူးပေါင်းဆောင်ရွက်မှုတွေ ပိုမိုခိုင်မာအားကောင်းလာမယ်ဆိုရင် မြန်မာနိုင်ငံက ဖွံ့ဖြိုးတိုးတက်လာမှာ ဖြစ်ပါတယ်။ အထူးသဖြင့် ကုန်သွယ်ရေး၊ ပညာရေး၊ လျှပ်စစ်ကဏ္ဍ၊ ခရီးသွား လုပ်ငန်းအစရှိတဲ့ ကဏ္ဍတွေဖွံ့ဖြိုးတိုးတက်လာမှာဖြစ်ပါတယ်။ ဒီလိုဖွံ့ဖြိုးတိုးတက်မှုက အိန္ဒိယနိုင်ငံရဲ့မြင်တွေ့လိုတဲ့ ဆန္ဒဖြစ်ပါတယ်။ မြန်မာနိုင်ငံ ဘက်စုံဖွံ့ဖြိုး တိုးတက်လာဖို့အတွက် အိန္ဒိယနိုင်ငံအနေနဲ့ ဆက်လက်ရပ်တည် သွားမှာဖြစ်ပါတယ်။

    ဒေါက်တာဇော်ဦး စီးပွားရေးသုတေသီ

    ဒီနေ့ မြန်မာ့မျက်နှာစာသစ် ဖိုရမ်မှာ “နိုင်ငံတကာအခွင့် အလမ်းများ”ဆိုတဲ့ ဆွေးနွေးပွဲကို နိုင်ငံတကာ ပညာရှင်လေးဦးနဲ့ ကျွန်တော်က သဘာပတိအဖြစ်ဆောင်ရွက်ပြီး ဆွေးနွေးခဲ့ကြပါတယ်။ မြန်မာနိုင်ငံရဲ့ အိမ်နီးချင်း နိုင်ငံတွေဖြစ်တဲ့ တရုတ်၊ အိန္ဒိယနဲ့ ထိုင်းနိုင်ငံက ပညာရှင်တွေလည်း ပါဝင်ဆွေးနွေးကြပါတယ်။

    တရုတ်နဲ့ အိန္ဒိယက ကမ္ဘာပေါ်မှာ ပထမနဲ့ ဒုတိယအများဆုံး လူဦးရေရှိတဲ့အတွက် သူတို့ရဲ့စားနပ်ရိက္ခာ လိုအပ်ချက်ကကြီးမားပါတယ်။ ကျွန်တော်တို့နိုင်ငံဟာ စိုက်ပျိုးမွေးမြူရေးကို အခြေခံတဲ့နိုင်ငံဖြစ်ပါတယ်။ အဲဒီ နိုင်ငံတွေကို ကုန်ကြမ်းတွေ ရောင်းချနေတာထက် စားသုံးသူအဆင့်ဆင့် စားသုံးနိုင်တဲ့အထိ တန်ဖိုးမြင့်ထုတ်ကုန်တွေအထိ တိုးမြှင့်ဆောင်ရွက်သွားမယ်ဆိုရင် ဒေသတွင်းမှာ တင်ရောင်းမလောက်အောင် သုံးစွဲကြမယ့်ဈေးကွက်နဲ့ ပြည်သူလူထုလည်းရှိပါတယ်။ ဒါကြောင့် ပတ်ဝန်းကျင်နိုင်ငံတွေနဲ့ ချိတ်ဆက်နေတဲ့ အစီအစဉ်တွေထဲမှာ လယ်ယာ/ သားငါးကဏ္ဍ ချိတ်ဆက်မှုကိုလည်း အဓိကထားပြီး ဆွေးနွေးခဲ့ပါတယ်။ ဒါ့အပြင် ပထဝီစီးပွားရေး အခွင့်အလမ်းတွေကိုဖော်ထုတ်ပြီး သက်ဆိုင်ရာ ဒေသခံပြည်သူတွေကြားမှာ ငြိမ်းချမ်းရေးရဲ့ အသီးအပွင့်တွေ ရရှိလာမယ့် အကျိုးကျေးဇူးတွေကို ဖော်ထုတ်ပြီး စီမံကိန်းတွေပြန်လည်စတင်နိုင်အောင် ကြိုးစားကြဖို့ ဆွေးနွေးခဲ့ပါတယ်။

    ပါတီစုံဒီမိုကရေစီ အထွေထွေရွေးကောက်ပွဲ အောင်အောင်မြင်မြင် ငြိမ်းငြိမ်းချမ်းချမ်းနဲ့ ပြီးဆုံးသွားတဲ့အတွက် တည်ငြိမ်မှုတွေ ရရှိလာပါပြီ။ ဒီတည်ငြိမ်မှုကနေ ဖွံ့ဖြိုးတိုးတက်မှုရရှိအောင် ဘယ်လိုသွား မလဲဆိုတဲ့အချက်ကို ဆွေးနွေးကြပါတယ်။ အဓိက အကြံပြုချက်တွေထဲမှာ လယ်ယာကဏ္ဍဖွံ့ဖြိုးတိုး တက်ရေးနဲ့ လူသားအရင်းအမြစ် ဖော်ထုတ်လေ့ကျင့် ပျိုးထောင်ပေးတဲ့ကိစ္စတွေကို အိမ်နီးချင်းနိုင်ငံတွေက ဝိုင်းဝန်းဆောင်ရွက်ပေးဖို့ ဆွေးနွေးခဲ့ပါတယ်။

    ကျွန်တော်တို့မှာ အခွင့်အလမ်းတွေ အများကြီးရှိပါတယ်။ ကျွန်တော်တို့နိုင်ငံရဲ့ တည်နေရာဟာ တရုတ်၊ အိန္ဒိယ၊ ထိုင်း၊ ဘင်္ဂလားဒေ့ရှ်၊ လာအိုဆိုတဲ့ အိမ်နီးချင်း နိုင်ငံအားလုံးနဲ့ ကြည့်လိုက်မယ်ဆိုရင် ကျွန်တော်တို့က အချက်အချာကျပါတယ်။ ဒီလောက်ကြီးမားတဲ့ ဈေးကွက်ကြီးတွေကြားက နိုင်ငံတစ်ခုအနေနဲ့ ကျွန်တော်တို့မှာ မျှော်လင့်ချက်တွေ၊ အခွင့်အလမ်းတွေအများကြီး ရှိပါတယ်လို့ ပြောချင်ပါတယ်။

    အမေးအရေး-ကျော်စွာသန့်

    moi

  • မေး :
    နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်နှင့် Buryatia ပြည်နယ် ပြည်နယ်အကြီးအကဲ Mr. Aleksey Sambuyevich Tsydenov တို့သည် Buryatia ပြည်နယ်မှ Arigus ၊ ATV ၊ Tivicom တို့ အပါအဝင် ဒေသခံမီဒီယာများ၏ မေးမြန်းမှုများပေါ် ပြန်လည်ဖြေကြားချက်
    ဖြေ :

    မေး။ ။ မကြာမီနှစ်အတွင်းမှာ ရုရှား-မြန်မာ ပူးပေါင်းဆက်ဆံရေးလုပ်ငန်းတွေဟာ အများကြီးလုပ်ခဲ့တာဖြစ်ပါတယ်။ အထူးသဖြင့် ယဉ်ကျေးမှုအခန်းကဏ္ဍတွေရော၊ ကဏ္ဍပေါင်းစုံမှာ ပူးပေါင်းဆောင်ရွက်မှုတွေ လုပ်ဆောင်ထားတာ ရှိပါတယ်။ ဒီအထဲမှာ Buryatia နဲ့ ပတ်သက်ပြီးတော့လည်း ပူးပေါင်းဆောင်ရွက်မှုလုပ်နေတာတွေရှိပါတယ်။ အနာဂတ်မှာ Buryatia နဲ့ ပတ်သက်ပြီးတော့ Buryatia နဲ့ မြန်မာအကြား ပူးပေါင်းဆောင်ရွက်မှုလုပ်ငန်းတွေ ဘယ်လိုအပိုင်းတွေကိုလုပ်ဖို့အတွက် ရည်ရွယ်ထားတာရှိပါသလဲ။

    ဗိုလ်ချုပ်မှူးကြီး။ ။ အခု ဒီနေ့ကျွန်တော်လာကြည့်တဲ့ မီးရထားစက်ရုံလုပ်ငန်းအပါအဝင် စောစောပိုင်းက လေယာဉ်စက်ရုံလည်း ကျွန်တော်သွားကြည့်ခဲ့တယ်။ ဒါတွေကတော့ ကျွန်တော်တို့ နှစ်ဖက်ပူးပေါင်းဆောင်ရွက်ဖို့အတွက် အလားအလာရှိတဲ့နေရာတွေဖြစ်ပါတယ်။ ဒါပြီးလို့ရှိရင် Buryatia မှာလည်း ဒီပြည်နယ်က ဗုဒ္ဓဘာသာကိုးကွယ်တဲ့ပြည်နယ်သူ ပြည်နယ်သားတွေရှိတယ်။ မြန်မာနိုင်ငံကလည်း ဗုဒ္ဓဘာသာနိုင်ငံဖြစ်တဲ့အခါကျတော့ ဗုဒ္ဓဘာသာနဲ့ပတ်သက်ပြီး ပူးပေါင်းဆောင်ရွက်မှုတွေက အလားအလာတွေလည်းရှိတယ်။ နောက် ကျန်းမာရေးနဲ့ပတ်သက်တာတွေရှိတယ်။ နောက် ဝန်ကြီးချုပ်ကမ်းလှမ်းထားတဲ့ ပညာသင်ကြားရေးနဲ့ပတ်သက်တဲ့ ကမ်းလှမ်းချက်လည်းရှိတယ်။ ပညာရေးအတွက် ပူးပေါင်းဆောင်ရွက်မှုတွေလည်း ကျွန်တော်တို့ ရှိပါလိမ့်မယ်။ နောက် စိုက်ပျိုးရေးနဲ့ပတ်သက်တဲ့ လုပ်ငန်းတွေလည်း ဆွေးလည်းဆွေးနွေးပြီး ဆောင်ရွက်သွားဖို့ရှိပါလိမ့်မယ်။ နယ်ပယ်တော့ အများကြီးရှိတယ်။ လုပ်စရာနယ်ပယ်တွေ အများကြီးရှိတယ်ဆိုတဲ့အကြောင်း ကျွန်တော်ပြောချင်ပါတယ်။

    မေး။ ။ အခုလက်ရှိ Buryatia ကို လာရောက်တဲ့အတွက် အဆွေတော် နိုင်ငံတော်ဝန်ကြီးချုပ်ကြီးအနေနဲ့ Buryatia နဲ့ ပတ်သက်ပြီးတော့ ဘယ်လိုမျိုးမြင်ပါသလဲ။ Buryatia ရဲ့ အလှအပတွေ၊ Buryatia ရဲ့ သန့်ရှင်းမှုတွေနဲ့ပတ်သက်ပြီး ဘယ်လိုမျိုးမြင်ပါသလဲ။

    ဗိုလ်ချုပ်မှူးကြီး ။ ။ အင်မတန်စိတ်ချမ်းသာရပါတယ် လာရတာ။ သာယာလှပတဲ့ဒေသတစ်ခုပေါ့။ ကျွန်တော်တို့ မြန်မာနိုင်ငံနဲ့ရင်းနှီးတဲ့ ပတ်ဝန်းကျင်တစ်ခုကို ကျွန်တော်လာရတယ်လို့ခံစားရပါတယ်။ ကျွန်တော်သုံးကြိမ်ရှိပြီလာတာ။ ကိုယ့်ဒေသကိုလာရသလို ကျွန်တော်ရင်းနှီးတဲ့စိတ်ရှိပါတယ်။ နောက်ထပ်လည်းလာနိုင်ဖို့ ကျွန်တော်ကြိုးစားဦးမယ်လို့ ပြောလိုပါတယ်။

    မေး။ ။ Buryatia ပြည်နယ်အကြီးအကဲအနေနဲ့ ယခုကဲ့သို့ မြန်မာနိုင်ငံကနေ နိုင်ငံတော်ဝန်ကြီးချုပ် ချစ်ကြည်ရေးခရီးစဉ် လာရောက်မှုပတ်သက်ပြီး မည်သို့ခံစားရပါသလဲ။ ပြီးတော့ မြန်မာနိုင်ငံနဲ့ ပူးပေါင်းဆောင်ရွက်မှုတွေနဲ့ပတ်သက်ပြီး ပြောကြားပေးစေလိုပါတယ်။

    Buryatia ပြည်နယ်

    ပြည်နယ်အကြီးအကဲ။ ။ မြန်မာနိုင်ငံကနေသုံးကြိမ်လာတယ်ဆိုတော့ ကျွန်တော်အရမ်းကို ဂုဏ်ယူဝမ်းမြောက်မှုဖြစ်ပါတယ်။ သုံးကြိမ်လာတယ်ဆိုတာက ကျွန်တော်တို့ပြည်နယ်ကို ဘယ်လောက်အထိ ချစ်တယ်ဆိုတာကို ပြယုဂ်ဖြစ်ပါတယ်။ ကျွန်တော်တို့ပြည်နယ်နဲ့ မြန်မာနိုင်ငံနဲ့ ပူးပေါင်းဆောင်ရွက်မှုလုပ်ငန်းတွေလည်း အများကြီးအကောင်အထည်ဖော် ဆောင်ရွက်နိုင်မယ်လို့လည်း မျှော်လင့်ပါတယ်။ ပြီးခဲ့တဲ့မကြာမီနှစ်အတွင်းက ကျွန်တော်တို့ Rapid Bio ဆေးဝါးကုမ္ပဏီအနေနဲ့ မြန်မာနိုင်ငံမှာ ကျွန်တော်တို့ ဆေးဝါးနည်းပညာနဲ့ပတ်သက်ပြီး ပစ္စည်းတင်သွင်းဖို့အတွက် Register တွေ လုပ်နေတာလည်းရှိပါတယ်။ ကျွန်တော်တို့ Ulan-Ude က ထုတ်ထားတဲ့၊ ရဟတ်ယာဉ်စက်ရုံကနေပြီးတော့ ထုတ်ထားတဲ့ရဟတ်ယာဉ်တွေကလည်း မြန်မာနိုင်ငံမှာ အခုဆို နှစ်အကြာကြီးအထိ အသုံးပြုနေတာတွေရှိပါတယ်။ လက်ရှိအချိန်မှာလည်း အသုံးပြုနေသလို အနာဂတ်မှာလည်း ရဟတ်ယာဉ်နဲ့ပတ်သက်ပြီးတော့ ပို့ဆောင်ရေးနဲ့ ပတ်သက်ပြီးတော့လည်း ပူးပေါင်းဆောင်ရွက်မှုလုပ်ငန်းတွေ အများကြီးလုပ်ဖို့အတွက် စီစဉ်ထားတာရှိပါတယ်။ ဒီနေ့မှာဆိုရင်လည်း TMH Holding ကုမ္ပဏီကနေပြီးတော့ သူတို့ရဲ့ထုတ်ကုန်ပစ္စည်းတွေကို သူတို့လုပ်ဆောင်တဲ့ပစ္စည်းတွေနဲ့ ပတ်သက်ပြီးတော့လည်း ရှင်းပြသွားတာရှိပါတယ်။ လာမယ့်အနာဂတ်မှာလည်း မြန်မာနိုင်ငံနဲ့ပူးပေါင်းပြီးတော့ ဒီနယ်ပယ်နဲ့ပတ်သက်ပြီးတော့ ပူးပေါင်းဆောင်ရွက်ဖို့အတွက်လည်း ဆွေးနွေးဖို့အတွက် စီစဉ်ထားတာတွေလည်းရှိပါတယ်။ ကျွန်တော်တို့အနေနဲ့ ဒီပညာရေးပူးပေါင်းဆောင်ရွက်မှုနဲ့ ပတ်သက်လို့ရှိရင်တော့ မြန်မာနိုင်ငံကနေပြီးတော့ ရုရှားဘာသာစကားပညာသင်ကြားတဲ့ ဆရာတွေအနေနဲ့ ထပ်ဆင့်သင်တန်းတွေပေးဖို့၊ အဆင့်မြင့်သင်တန်း တွေပေးဖို့အတွက်ကို Buryatia မှာ သင်ပေးနိုင်သလို၊ ကျွန်တော်တို့ Buryatia မှာရှိတဲ့ တက္ကသိုလ်မှာလည်း မြန်မာဘာသာစကားကို သင်ကြားဖို့အတွက် မြန်မာဘာသာစကားဌာနဖွင့်ဖို့အထိလည်း ရည်ရွယ်ပြီးတော့ ဆောင်ရွက်နေတာ ရှိပါတယ်။ ကျွန်တော့်အနေနဲ့ ဒီနေ့ မြန်မာနိုင်ငံကလာတဲ့ အထူးဧည့်သည်တော်တွေကို ရေကန်ကိုလိုက်လံပြသပေးပါတယ်။ ပြီးခဲ့တဲ့နှစ် ဒီဇင်ဘာကလည်း ကျွန်တော်ကိုယ်တိုင်ဦးဆောင်ပြီးတော့ မြန်မာနိုင်ငံကို Delegation သွားရောက်ခဲ့တာရှိပါတယ်။ သွားရောက်ခဲ့တဲ့အချိန်မှာလည်း မြန်မာနိုင်ငံကနေပြီးတော့ ကျွန်တော်တို့ကို လှိုက်လှဲစွာကြိုဆိုခဲ့တာတွေလည်းရှိပါတယ်။ ကျွန်တော်အနေနဲ့ ဒီကနေ ပြောကြားလိုတာကတော့ မြန်မာနိုင်ငံက သာယာလှပတဲ့ အလှတရားတွေ၊ ယဉ်ကျေးမှုတွေကို ကျွန်တော်တင်မကဘဲနဲ့ Delegation အဖွဲ့ဝင် အားလုံးက ခံစားခဲ့ရတာတွေရှိပါတယ်။ ဒါကြောင့်မို့လို့ နှစ်နိုင်ငံအပြန်အလှန် ကျွန်တော်တို့ Tourism အခန်းကဏ္ဍကို မြှင့်တင်ဖို့အတွက်လည်း ကျွန်တော် တို့ လျာထားစီစဉ်ထားတာရှိပါတယ်။

    ဗိုလ်ချုပ်မှူးကြီး။ ။ ခင်ဗျားတို့ မီဒီယာအဖွဲ့တွေလည်း မြန်မာနိုင်ငံမှာလာပြီး လေ့လာဖို့အတွက် ကျွန်တော်ဖိတ်ပါတယ်။ မြန်မာပြည်ရဲ့ အခြေအနေတွေအားလုံးကို ခင်ဗျားတို့ ပြည်နယ်အကြီးအကဲကတော့ အကြမ်းဖျင်းရှင်းပြတာပေါ့။ ခင်ဗျားတို့လာတဲ့အခါကျရင် ဒီထက်ပိုပြီးထိတွေ့မှုခံစားမှုပိုပြီး ကောင်းပါလိမ့်မယ်။ ကျွန်တော်မကြာခင်မှာ ခင်ဗျားတို့မျက်နှာလေးတွေ မြန်မာနိုင်ငံမှာတွေ့ရမယ်လို့ ယုံကြည်ပါတယ်။

    MOI

  • မေး :
    ငြိမ်းချမ်းရေးအတွက် နောက်ထပ် ခြေတစ်လှမ်း
    ဖြေ :

    ၂၀၂၅ခု မတ်လ ​နောက်ဆုံးပတ်တွင် NSPNC အ​နေဖြင့် ငြိမ်းချမ်း​ရေးစကားဝိုင်းကို ပါတီများ၊တိုင်းရင်းသားများ၊ သု​တေသီများ၊ ​​လေ့လာသူများဖြင့် ၃ရက်တိုင်ကျင်းပခဲ့သည်။ ၃လအကြာ ယခု ဇွန်လ​နောက်ဆုံးပတ်တွင် ငြိမ်းချမ်း​ရေးဖိုရမ်ကို ကျင်းပမည်ဖြစ်ပြီး နစက ဥက္ကဋ္ဌလည်း တက်ရောက်မည်ဟုသိရသဖြင့် ဖိုရမ်နှင့်ပတ်သက်ပြီး NSPNC အတွင်း​ရေးမှူးအား ​ပေါ်ပြူလာနယူးစ်က ဆက်သွယ်​​မေးမြန်းထားသည်များကို ​ဖော်ပြသွားပါမည်။

    Q. ငြိမ်းချမ်း​ရေးအတွက် ယုံကြည်မှုနှင့်ပူးပေါင်းဆောင်ရွက်မှုများ တည်ဆောက်ဖို့ လိုအပ်ချက်များက ဘာတွေပါလဲ။ လက်ရှိအခြေအနေနှင့် ထပ်လုပ်ကြမည့် အချက်များက ဘာပါလဲ

    A. လိုအပ်ချက်​တွေက လုပ်ဆောင်ချက်တွေပွင့်လင်းမြင်သာမှု (Transparency)၊ အပြောနဲ့ အလုပ်တူညီမှု (Consistency)၊ အပြန်အလှန်လေးစားမှု (Mutual Respect) အားလုံးပါဝင်နိုင်တဲ့ အခင်းအကျင်းဖန်တီးနိုင်မှု (Inclusivity)၊ ရေရှည်ဆက်ဆံရေး တည်ဆောက်ထားနိုင်မှု (Long-term Engagement)တို့လိုပါတယ်။

    လက်ရှိအ​ခြေအ​နေမှာ Capacity Building Plans, Stakeholder Mapping, Policy Influence Roadmap တွေကို ကောင်းကောင်းရေးဆွဲဖို့ လိုအပ်သလို အရင်က ရေးဆွဲပြီး သဘောတူညီထားခဲ့တဲ့ သ​ဘောတူညီချက်တွေကိုလည်း အကောင်အထည်ဖော်ဖို့ လိုပါတယ်။

    Q. လူသားချင်းစာနာ​ထောက်ထားမှုနဲ့ပတ်သက်ပြီး မဟာဗျူဟာထဲ ဘာတွေပါဝင်သင့်ပါလဲ။

    A.တကယ့်မြေပြင်မှာ လိုအပ်နေတဲ့ အကူအညီတွေကို ဦးစားပေးလုပ်ဆောင်ရပါမယ်။ လူထုပါဝင်တဲ့ ပုံစံမျိုးခိုင်မာ​အောင်တည်ဆောက်ပြီးမှ ဒေသခံအဖွဲ့အစည်းတွေ၊ CBOs/CSOs တွေနဲ့ပူးပေါင်းပြီး ထောက်ပံ့ရေးလုပ်ငန်း​တွေ​ဆောင်ရွက်ရမယ်။ အကာကွယ်​ပေး​ရေး လုပ်ငန်းစဥ်မှာ ထိခိုက်လွယ်တဲ့အုပ်စု​တွေဖြစ်တဲ့ ကလေးများ၊ သက်ကြီးရွယ်အိုများ၊ မသန်စွမ်းသူများ၊ အမျိုးသမီးများနှင့် လူမျိုးရေးလူနည်းစုတွေရဲ့ အခွင့်အရေးကာကွယ်ရေးတွေကိုပါ မဟာဗျူဟာထဲ မှာထည့်သွင်းသွားနိုင်ရေးဆက်လက်ဆောင်ရွက်သွားရမှာဖြစ်ပါတယ်။

    Q.တိုင်းပြည် ပိုအဆင်​ပြေလာစေမယ့်မူဝါဒများ ပြောင်းလဲသွားနိုင်​ရေး ​ကြားခံအဖွဲ့​တွေ ထားဖို့ရှိပါလား

    A.တိုင်းပြည်အတွက် ပို​ကောင်းလာ​စေနိုင်တဲ့ မူဝါ​ဒ​တွေ (ဥပမာ ဆန်ရှင်၊ isolation တို့အစား engagement ထိတွေ့ဆက်ဆံမှုတွေကနေသွားသင့်တာလိုမျိုးပေါ့ဗျာ) ပြောင်းလဲသွားဖို့ ​ကြားခံအဖွဲ့တစ်ဖွဲ့က လုပ်​ပေးတဲ့ အဖွဲ့ပုံစံမျိုးက တစ်စိတ်တစ်ဒေသအနေနဲ့တော့ ပါဝင်နိုင်ပါတယ်။ ဒါပေမဲ့ တစ်ခုသတိပြုရပါမယ်။ ပဋိပက္ခ တွေအတွက် Myanmar Owned.Myanmar Led ဖြင့်ရေရှည်တည်တံ့သည့်ဖြေရှင်းနည်းကိုကျနော်တို့ရှာဖွေကြရမှာဖြစ်ပါတယ်။

    Q.​ဘာ​တွေ ဦးစား​ပေးဆွေး​နွေးကြပါမလဲ

    A.ဆွေးနွေးမဲ့ Topic ၅ ခုကို ကျနော်တို့အလေးထား ရွေးချယ်ပြင်ဆင်ထားပါတယ်။ ခေါင်းစဥ်တွေဟာချိတ်ဆက်နေပါတယ်။” နိုင်ငံတော်ကြီးတည်ငြိမ်အေးချမ်း ဖွံ့ဖြိုးတိုးတက်ရေးအတွက်” ဆိုတဲ့ စိတ်ခံစားချက် ​တွေနဲ့နားစွင့်​ပေးဖို့​ပြောချင်ပါတယ်။

    Q.ဘယ်သူ​တွေကိုဖိတ်ကြားထားပါလဲ

    A. သံရုံး ၁၇ ရုံးက သံအမတ်ကြီးတွေ သံရုံးယာယီတာဝန်ခံတွေအပါအဝင် ၃၀ကျော် တက်ရောက်ဖို့ပဏာမသိထားရပါတယ်၊ ထပ်တိုးလာဖို့ဘဲရှိပါမယ်။ နိုင်ငံတွင်းကဆို အခုပွဲမှာ NGOs၊ INGOs အဖွဲ့၂၀ကျော်က ခေါင်းဆောင်/ကိုယ်စားလှယ်တွေတက်ကြပါမယ်။ နိုင်ငံ ၆ နိုင်ငံက resource persons တွေလဲ တက်ရောက်ပြီး သူတို့ရဲ့ ငြိမ်းချမ်းရေးဆိုင်ရာအတွေ့အကြုံတွေ၊ နိုင်ငံတည်ဆောက်ရေး၊ ဖွံ့ဖြိုးတိုးတက်ရေးဆိုင်ရာ အတွေ့အကြုံတွေ လေ့လာတွေ့ရှိချက်တွေ မျှဝေဆွေးနွေးကြပါမယ်။

    နိုင်ငံတွင်းက ဖိတ်ကြားသင့်တဲ့သူတွေကိုလည်း အလေးထားဖိတ်ကြားထားပါတယ်၊ ဖိတ်ကြားခံရသူတွေတက်လာကြမယ်ဆိုရင် ကျနော်တို့ရဲ့ အားလုံးပါဝင်ရေးအပေါ် အလေးထားမှုကို ပွဲနေ့မှာမြင်တွေ့လာမယ်လို့ထင်ပါတယ်။

    Q. ဒီဖိုရမ် အပြီးသက်ဆိုင်သူများအကြားနားလည်မှု ရာခိုင်နူန်း ဘယ်လောက်တက်လာမယ်လို့ မှန်းထားပါလဲ

    A.ဒါက​တော့ ပါဝင်တက်​ရောက်​ဆွေး​နွေးကြမယ့် သူ​တွေရဲ့ ယုံကြည်ချက်၊ ခံယူမှု​တွေက​နေ ထွက်​ပေါ်လာမယ့် ရလဒ်​တွေ၊ အ​ကောင်ထည်​ဖော်လုပ်​ဆောင်မှု​တွေ​ပေါ်မူတည်ပါမယ်။ ရပ်​နေတာထက်စာရင် ​ခြေလှမ်း​တွေဆက်လှမ်း​နေတာက တိုးတက်မှု​တွေဖြစ်လာ​စေမယ်လို့ ယူဆပါတယ်ဗျ။

    Popular Myanmar

  • မေး :
    ၆ ကြိမ်မြောက် BIMSTEC ထိပ်သီးအစည်းအဝေး တက်ရောက်ရန် ထိုင်းနိုင်ငံသို့ ရောက်ရှိနေသော အိန္ဒိယဝန်ကြီးချုပ် နာရင်ဒရာမိုဒီ သည် ခရီးစဉ်အတွင်း ထိုင်းဝန်ကြီးချုပ်ဟောင်း သက်ဆင် ရှီနာဝါထရာ နှင့်တွေ့ဆုံဆွေးနွေးမှုအပေါ်သုံးသပ်ချက်ကို သိရှိပါရစေ။
    ဖြေ :

    မိုဒီသည် ထိုင်းဝန်ကြီးချုပ်ဟောင်း သက်ဆင် ရှီနာဝါထရာ နှင့် ဧပြီ ၃ ရက်တွင် တွေ့ဆုံခဲ့ပြီး ၎င်းအား “အိန္ဒိယ၏ ကြီးမြတ်သော မိတ်ဆွေ” ဟု ဂုဏ်ပြုခဲ့ပါသည်။

    မိုဒီ၏ အဆိုပါဂုဏ်ပြုမှုသည် ထိုင်း-အိန္ဒိယ နှစ်နိုင်ငံဆက်ဆံရေး၏ သမိုင်းကြောင်းနှင့် အနာဂတ်အလားအလာ ကို အလေးပေး ပြောဆိုခြင်း ဖြစ်သည်။ 

    အဆိုပါတွေ့ဆုံမှုများသည် အာရှဒေသတွင်း မဟာဗျူဟာမြောက် ပူးပေါင်းမှုများ (အထူးသဖြင့် တရုတ်၏ ဩဇာလွှမ်းမှုကို ဟန်ချက်ညီ စေရန်) အတွက် အရေးပါသော အဆင့်တစ်ခုဖြစ်သည်။ 

    အိန္ဒိယသည် ထိုင်းနှင့် BIMSTEC (ဘင်္ဂလားပင်လယ်အော်ဒေသ ပူးပေါင်း ဆောင်ရွက်ရေးအဖွဲ့) မှတစ်ဆင့် ဒေသဆိုင်ရာဆက်သွယ်ရေး လမ်းကြောင်း များ ဖွံ့ဖြိုးရေးကို အလေးထားလျက်ရှိသည်။

    ကိုးကား-PTI, Reuters

  • မေး :
    ရုရှားသမ္မတပူတင်၏ ဖိတ်ကြားမှုအရ Great Patriotic War နှစ် ၈၀ ပြည့် အခမ်းအနား သို့ ထရမ့် တက်ရောက်နိုင်ပါသလား
    ဖြေ :

    ထရမ့်အနေဖြင့် ၂၀၂၅ခုနှစ်၊ ဇန်နဝါရီ ၂၀ ရက်နေ့တွင် ကျင်းပခဲ့သည့် ၎င်း၏ ဒုတိယအကြိမ်မြောက် ပြန်လည်ရွေးကောက်ခံခဲ့ရသည့် ၄၇ ဦးမြောက် အမေရိကန်သမ္မတအဖြစ် ကျမ်းသစ္စာ ကျိန်ဆိုပွဲသို့ တက်ရောက်ရန်အတွက် တရုတ်သမ္မတ ရှီ ကိုဖိတ်​ကြားခဲ့သော်လည်း ရှီက ဒုတိယသမ္မတ ဟန်ရှန် (Han Zheng) ကိုသာ စေလွှတ်ခဲ့ပါသည်။ ယခု ရုရှားနိုင်ငံ၏ အရေးပါသည့် Great Patriotic War နှစ် ၈၀ ပြည့် အခမ်းအနားသို့ တက်ရောက်ရန် ရုရှားသမ္မတပူတင်၏ ဖိတ်ကြားမှုအပေါ် ထရမ့်အနေဖြင့် အဆိုပါ အခမ်းအနားသို့  ပုံမှန်အားဖြင့် ဒုတိယသမ္မတ ဂျေဒီဗန့်စ် (JD Vance) ကိုသာ စေလွှတ်နိုင်ခြေရှိပါသည်။ သို့သော် မကြာမီက ထရမ့်နှင့် ပူတင်၏ အချိန်ကြာမြင့်စွာ ဖုန်း​ပြောဆိုခဲ့မှုနှင့်  ယူကရိန်းငြိမ်းချမ်း​ရေးကိစ္စ နှင့်ပတ်သက်၍ ပူတင်ကို ဆွဲ​ဆောင်ရန်အတွက်ဆိုပါက ထရမ့် ကိုယ်တိုင်တက်ရောက်မည်ဆိုလျှင် သမိုင်းဝင် အရွေ့( Historic move) တစ်ခု ဖြစ်သွားနိုင်ပါသည်။

    ဖြေကြားသူ - ဦးကိုကိုလှိုင်၊ ပြည်ထောင်စုဝန်ကြီး၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂)

     

  • မေး :
    မြောက်ကိုရီးယားနိုင်ငံအတွင်း တောင်ကိုရီးယားမောင်းသူမဲ့လေယာဉ်များ ထပ်မံတွေ့ရှိပါက မည်သို့ ဆက်လက်လုပ်ဆောင်သွားမည်နည်း။
    ဖြေ :

    မြောက်ကိုရီးယားနိုင်ငံအတွင်း တောင်ကိုရီးယား မောင်းသူမဲ့လေယာဉ်များကို ထပ်မံတွေ့ရှိပါက ပြုံယမ်းအနေဖြင့် လက်တုံ့ပြန်မည်ဖြစ်ကြောင်း မြောက်ကိုရီးယားခေါင်းဆောင်ကင်ဂျုံအန်၏ ညီမဖြစ်သူ ကင်ယိုဂျောင်က အလေးပေးပြောကြားသည်။

    အထက်ပါကိစ္စနှင့်ပတ်သက်ပြီး မြောက်ကိုရီးယားနိုင်ငံပိုင် ကိုရီးယား ဗဟိုသတင်းအေဂျင်စီမှတစ်ဆင့် အောက်တိုဘာ ၁၂ ရက်တွင် ကြေညာချက်တစ်ရပ်ထုတ်ပြန်ခဲ့ကြောင်း သိရသည်။

    ဝါဒဖြန့်စာရွက်များကို ဖြန့်ဝေ

    တောင်ကိုရီးယား မောင်းသူမဲ့လေယာဉ်များသည် ယခုအစောပိုင်းတွင် ပြုံယမ်းမြို့ရှိ ဝေဟင်ပေါ်တွင် ပျံဝဲပြီး ဝါဒဖြန့်စာရွက်များကို ဖြန့်ဝေခဲ့ကြောင်း မြောက်ကိုရီးယားနိုင်ငံခြားရေးဝန်ကြီးဌာနက ယမန်နေ့ တွင် ကြေညာခဲ့သည်။

    အဆိုပါကိစ္စနှင့်ပတ်သက်ပြီး ပြုံယမ်း၏ ပြောကြားချက်ကို တောင်ကိုရီးယားတပ်မတော်က အတည်ပြု ပြောကြားခြင်းမရှိသေးပေ။

    မောင်းသူမဲ့လေယာဉ်ဒရုန်းများကို အစိုးရမဟုတ်သော အဖွဲ့အစည်းတစ်ခုမှ လွှတ်တင်ခြင်းဖြစ်ပါက ယင်းလွှတ်တင်မှုသည် တောင်ကိုရီးယားတပ်မတော်၏ ခိုင်းစေမှုသာဖြစ်ကြောင်း ကင်ယိုဂျောင်က ဆိုသည်။

    အဆိုပါကိစ္စနှင့်ပတ်သက်ပြီး ထိန်းထိန်းသိမ်းသိမ်းလုပ်ဆောင်ရန် တောင်ကိုရီးယားတပ်မတော်အား မြောက်ကိုရီးယားဘက်မှ တိုက်တွန်းထားပြီး ပြည်သူများ၏ ဘေးကင်းလုံခြုံမှုကို ခြိမ်းခြောက်လာပါက ပြင်းပြင်းထန်ထန်တုံ့ပြန်သွားမည်ဟု ကင်ယိုဂျောင်က သတိပေးပြောကြားသည်။

    အင်န်အိတ်ချ်ကေ

     

  • မေး :
    မြန်မာနိုင်ငံ၌ ယခင်ရွေး‌ကောက်ပွဲတွင် ကျင့်သုံးခဲ့သည့် ရွေးကောက်ပွဲစနစ်ကို သိရှိလိုပါသည်။
    ဖြေ :

    မြန်မာနိုင်ငံ၌ ယခင်ရွေး‌ကောက်ပွဲတွင် FPTP (First Past the Post) စနစ်ကို ကျင့်သုံးခဲ့ပါသည်။

  • မေး :
    ယခု စပါးသီးနှံပေါ်ချိန် စျေးနှုန်းကျပြီး အရှုံးပေါ်နေပါသဖြင့် နိုင်ငံတော်မှ စျေးနှုန်းတိုးမြှင့်ဝယ်ယူပေးရန် အစီအစဥ်ရှိပါသလား
    ဖြေ :

    ၁။       ၂၀၂၅-၂၀၂၆ ခုနှစ်ထွက် မိုးစပါးများထွက်ပေါ်နေပြီဖြစ်ရာ လက်ရှိကာလတွင် ဈေးကွက်သို့ဖြိုင်ဖြိုင် ဝင်ရောက်လာပြီ ဖြစ်ပါသည်။ ဆန်စပါး အဓိကထုတ်လုပ်တင်ပို့ရောင်းချနေသော တိုင်းဒေသကြီးများဖြစ်သည့် ဧရာဝတီတိုင်းဒေသကြီး၊ ပဲခူးတိုင်းဒေသကြီးနှင့် ရန်ကုန်တိုင်းဒေသကြီးတို့၏ စပါးဈေးကွက်အတွင်း ဖြစ်ပေါ် နေသည့် မိုးစပါးသစ် အစိုဓာတ် ၁၄ % ရှိသည့် ၄၆ ပေါင် ကိုက် စပါးတင်း ၁၀၀ ဈေးနှုန်းအခြေအနေမှာ အောက်ပါအတိုင်းဖြစ်ပါသည်-

    စဉ်

    တိုင်းဒေသကြီး

    စပါးအမျိုးအစား

    (ဧည့်မထအုပ်စု)

    ၄၆ ပေါင်ကိုက် တင်း (၁၀၀) ဈေးနှုန်းကျပ်

    (က)

    ဧရာဝတီ

    မှော်ဘီ၊ ဆင်းသုခ၊ gw-11

    ၁,၁၉၆,၀၀၀ မှ ၁,၂၈၈,၀၀၀

    (ခ)

    ပဲခူး

    သုခ၊ အသွယ်

    ၁,၃၃၄,၀၀၀ မှ ၁,၄၃၅,၀၀၀

    (ဂ)

    ရန်ကုန်

    ဆင်းသုခ၊ ရက်-၉၀၊ အသွယ်၊ ရွှေမန်း၊ ရာကျော်

    ၁,၂၂၀,၀၀၀ မှ ၁,၂၇၈,၀၀၀

    ၂။       ယခုနှစ်တွင် နိုင်ငံတကာဈေးကွက်၌ ဆန်၊ စပါးဈေးနှုန်းများသည် ယခင်နှစ်နှင့် နှိုင်းယှဉ်ပါက ကျဆင်း လျက်ရှိပါသဖြင့် ပြည်ပတင်ပို့သည့် ဧည့်မထအုပ်စု၊ ငစိန်အုပ်စုဝင် ဆန်စပါးဈေးနှုန်းများ ကျဆင်းနေပါသည်။ သို့သော်လည်း ပြည်ပတင်ပို့မှုကို တိုးမြှင့်ဆောင်ရွက်နေခြင်းကြောင့် မြန်မာနိုင်ငံဆန်စပါးအသင်းချုပ် ဦးဆောင်သော ဆန်စပါးဆိုင်ရာ အသင်းအဖွဲ့များမှ ဆန်စက်များနှင့် ပြည်ပတင်ပို့သည့် ကုမ္ပဏီလုပ်ငန်းရှင်များကို စိုက်ပျိုးသည့် တောင်သူများထံမှ သင့်တင့်မျှတသော ဈေးနှုန်းဖြင့် ဝယ်ယူပေးရန် မေတ္တာရပ်ခံထားပြီး အစိုဓာတ် ၁၄ % ရှိသည့် ဧည့်မထ အုပ်စုဝင် စပါးတင်း ၁၀၀ လျှင် ၁,၃၀၀,၀၀၀ ကျပ်မှ ၁,၄၀၀,၀၀၀ ကျပ်ဖြင့်လည်းကောင်း၊ ဆင်းသုခစပါးတင်း ၁၀၀ လျှင် ၁,၃၅၀,၀၀၀ ကျပ်မှ ၁,၄၅၀,၀၀၀ ကျပ်ဖြင့်လည်းကောင်း ဝယ်ယူပေးလျက် ရှိပါသည်။

    ၃။ စပါးအစို တင်း ၁၀၀ ဈေးနှုန်းသည် ၁,၁၀၀,၀၀၀ ကျပ် အောက်တွင် ဖြစ်ပေါ်နေသည့် ဒေသများအနေဖြင့် ကျေးရွာအမည်၊ တောင်သူအမည်၊ စပါးအမျိုးအစား၊ ရောင်းချလိုသည့် စပါးတင်းအရေအတွက် (ခန့်မှန်း) ၊ ဖုန်းနံပါတ်တို့ဖြင့် မြန်မာနိုင်ငံဆန်စပါးအသင်းချုပ်၏ ဖုန်းနံပါတ် ၀၁-၂၁၈၂၆၆၊ ၀၁-၂၁၈၂၆၈၊ ၀၁-၂၃၀၁၁၂၈ နှင့် ၀၁-၂၃၀၁၁၂၉ သို့ ဆက်သွယ်ရောင်းချနိုင်ပါကြောင်း ၂၀၂၅ ခုနှစ်၊ အောက်တိုဘာလ ၂၉ ရက်တွင် မြန်မာနိုင်ငံဆန်စပါးအသင်းချုပ်၏ Facebook Page (Myanmar Rice Federation – MRF)၊ Website Page နှင့် မီဒီယာများတွင် ဖော်ပြထားပါသည်။ ဧည့်မထ၊ ငစိန်စသော ပြည်ပတင်ပို့သည့် စပါးအမျိုးအစားများ စိုက်ပျိုးသည့် တောင်သူလယ်သမားများအား အကြံပြုပန်ကြားချက်အား အောက်ဖော်ပြပါ  link တွင် ဝင်ရောက်ဖတ်ရှုနိုင်ပါသည်-

    https://presoffministry.gov.mm/my/node/16774 

    ၄။       နိုင်ငံတော်အစိုးရအနေဖြင့်လည်း တောင်သူလယ်သမားများ စိုက်ပျိုးထုတ်လုပ်သည့် စပါးသီးနှံများ ဈေးနှုန်းဈေးကွက်ရရှိရေးနှင့် တောင်သူများ ထုတ်လုပ်မှုစရိတ်ကာမိစေပြီး ထိုက်သင့်သည့် အကျိုးအမြတ် ရရှိရေးအတွက် တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးဦးဆောင်အဖွဲ့က အခြေခံရည်ညွှန်းစပါးဈေးနှုန်းကို နှစ်စဉ်သတ်မှတ်ထုတ်ပြန်ပေးလျက်ရှိပြီး ယခုနှစ် ၂၀၂၅-၂၀၂၆ ဘဏ္ဍာနှစ် အတွက် အစိုဓာတ် ၁၄ % ၊ အဖျင်း၊အမှော်၊ဖုန်၊သဲ၊ခဲ ကင်းစင်သည့် ၄၆ ပေါင်ကိုက် စပါးတင်း ၁၀၀ ၏ ဈေးနှုန်းကို ၁,၁၅၀,၀၀၀ ကျပ်ဖြင့် ၂၀၂၅ ခုနှစ်၊ အောက်တိုဘာလ ၃၁ ရက်နေ့တွင် နိုင်ငံပိုင်သတင်းစာတွင် သတ်မှတ် ထုတ်ပြန်ခဲ့ပါသည်။ ဈေးကွက်အတွင်းဖြစ်ပေါ်နေသော စပါးဈေးနှုန်းမှာ သတ်မှတ်ထုတ်ပြန်သည့် အခြေခံ ရည်ညွှန်းဈေးနှုန်းအောက်ကျရောက်ပါက နိုင်ငံတော်မှ ထုတ်ပြန်ထားသည့် ရည်ညွှန်းဈေးနှုန်းဖြင့် ဝယ်ယူနိုင်ရေး လုပ်ထုံးလုပ်နည်းနှင့်အညီ ဆောင်ရွက်ပေးသွားမည် ဖြစ်ပါသည်။ အခြေခံရည်ညွှန်းစပါးဈေးနှုန်း ထုတ်ပြန် ကြေညာချက် အား အောက်ဖော်ပြပါ link တွင် ဝင်ရောက်ဖတ်ရှုနိုင်ပါသည်-

    https://presoffministry.gov.mm/my/node/16775

    ၅။       တိုင်းဒေသကြီး/ ပြည်နယ်များအနေဖြင့် ဈေးကွက်အတွင်း ဖြစ်ပေါ်နေသော စပါးဈေးနှုန်းသည် နိုင်ငံတော်မှ သတ်မှတ်ထုတ်ပြန်သည့် အခြေခံရည်ညွှန်းဈေးနှုန်းအောက်ကျရောက်နေပါက တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးဥပဒေနှင့်အညီ ရည်ညွှန်းဈေးနှုန်းဖြင့် ဝယ်ယူပေးနိုင်ရေး သက်ဆိုင်ရာ တိုင်းဒေသကြီး/ ပြည်နယ် စပါး၊ ဆန်ဝယ်ယူရေး ကြီးကြပ်မှုလုပ်ငန်းအဖွဲ့များမှတစ်ဆင့် တောင်သူ လယ်သမားအခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးဦးဆောင်အဖွဲ့ထံသို့ တင်ပြပြီး ဝယ်ယူ ဆောင်ရွက်ပေးသွားမည် ဖြစ်ပါကြောင်း ဖြေကြားတင်ပြအပ်ပါသည်။

    ဖြေကြားပေးသည့်ဌာန - စီးပွားရေးနှင့်ကူးသန်းရောင်းဝယ်ရေးဝန်ကြီးဌာန

  • မေး :
    ဘယ်လာရုစ်နိုင်ငံ မင့်စ်မြို့၌ ကျင်းပပြုလုပ်ခဲ့သည့် စတုတ္ထအကြိမ် ဥရောပ-အာရှ စီးပွားရေးဖိုရမ် (EEF 2025) တက်ရောက်ခဲ့ပြီး နေပြည်တော်တပ်မတော်လေဆိပ်သို့ ပြန်လည်ရောက်ရှိစဉ် သတင်းမီဒီယာများ၏ မေးမြန်းမှုများအပေါ် နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ဖြေကြားချက်
    ဖြေ :

    မေး။ ။ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဦးဆောင်တဲ့ မြန်မာ အဆင့်မြင့်ကိုယ်စားလှယ်အဖွဲ့ဟာ ဘယ်လာရုစ်နိုင်ငံမှာကျင်းပတဲ့ ဥရောပ-အာရှ (EEF) စီးပွားရေးဖိုရမ်ကို တက်ရောက်ခဲ့တယ်။ ဒီတက်ရောက်ခဲ့တဲ့ ဖိုရမ်ကနေပြီးတော့ ဘယ်လိုအောင်မြင်မှုတွေ၊ ဘယ်လိုအကျိုးရလဒ်တွေ ရရှိခဲ့ပါသလဲခင်ဗျ။

    ဖြေ။ ။ ပထမဦးဆုံးတော့EAEU နဲ့ပတ်သက်ပြီးတော့ ကျွန်တော်နည်းနည်းလေးပြောပြချင်ပါတယ်။ EAEU ဆိုတာ ဥရောပ-အာရှစီးပွားရေးသမဂ္ဂဆိုတာ ၂၀၁၅ ခုနှစ်မှာ စတင်ထူထောင်ခဲ့တာဖြစ်တယ်။ စတင်ထူထောင်ခဲ့တဲ့ ရည်ရွယ်ချက်ကတော့ နံပါတ်တစ်ကတော့ ပါဝင်တဲ့အဖွဲ့ဝင်နိုင်ငံအချင်းချင်း၊ မိတ်ဆွေနိုင်ငံတွေ၊ အဖွဲ့ဝင်နိုင်ငံတွေအချင်းချင်းမှာ စီးပွားရေးပူးပေါင်းဆောင်ရွက်မှုမြှင့်တင်ဖို့၊ နောက်တစ်ခုကတော့ လူနေမှုအဆင့်အတန်း မြင့်မားလာစေဖို့ဆိုတဲ့ ရည်ရွယ်ချက်နှစ်ခုနဲ့စတင်ပြီးတော့ ထူထောင်ခဲ့တာဖြစ်တယ်။ မြန်မာနိုင်ငံကတော့ ၂၀၂၂ ခုနှစ်ကနေစပြီးတော့ EAEU နဲ့ ဆက်သွယ်ခဲ့တယ်။ ၂၀၂၂ ခုနှစ်မှာ (EAEU)ရဲ့ (EEC) အဖွဲ့ပေါ့။ (EEC) ဆိုတာ ဥရောပ-အာရှ စီးပွားရေးအဖွဲ့ပေါ့။ အဲဒီအဖွဲ့က ကိုယ်စားလှယ်အဖွဲ့ မြန်မာနိုင်ငံကိုရောက်ရှိခဲ့တယ်။ ရောက်ရှိခဲ့ပြီးတော့ သက်ဆိုင်ရာဝန်ကြီးဌာနတွေနဲ့ တွေ့ပြီးတော့ ကဏ္ဍပေါင်းစုံမှာ မြှင့်တင်နိုင်ရေး၊ ကဏ္ဍပေါင်းစုံဆက်ဆံမှု မြှင့်တင်နိုင်ရေးကို ဆောင်ရွက်ခဲ့တယ်။ ၂၀၂၃ ခုနှစ်မှာ ပိုပြီးတော့ အရှိန်အဟုန်ကောင်းစွာ ဆောင်ရွက်နိုင်ခဲ့တယ်။ ၂၀၂၃ ခုနှစ်မှာဆိုရင် EAEU အဖွဲ့နဲ့ ကျွန်တော်တို့မြန်မာနိုင်ငံနဲ့ ပူးပေါင်းဆောင်ရွက်ရေးအတွက်ကို ကဏ္ဍပေါင်းစုံ ပူးပေါင်းဆောင်ရွက်ရေးအတွက် MoU နားလည်မှုစာချွန်လွှာချုပ်ဆိုနိုင်ခဲ့တယ်။ ၂၀၂၃ ခုနှစ် စက်တင်ဘာလမှာပဲ စိန့်ပီတာစဘတ်မှာကျင်းပခဲ့တဲ့ (၂၆) ကြိမ်မြောက် အပြည်ပြည်ဆိုင်ရာစီးပွားရေးဖိုရမ်မှာ ဒီစာချုပ်ကို ကျွန်တော်တို့ချုပ်ဆိုနိုင်ခဲ့တာပါ။ ချုပ်ဆိုနိုင်ခဲ့ပြီးတော့ ၂၀၂၄ ခုနှစ်မှာ EAEU က ကိုယ်စားလှယ်အဖွဲ့ မြန်မာနိုင်ငံကိုလာခဲ့တယ်။ လာတဲ့အချိန်မှာ ဒီ MoU ကို ဆက်လက်ပြီးတော့ အရှိန်အဟုန်မြှင့်တင်နိုင်ရေးအတွက် MoU ပူးပေါင်းဆောင်ရွက်ရေးအဖွဲ့ ဖွဲ့စည်းခဲ့တယ်။ ပထမအကြိမ်အစည်းအဝေးကို နေပြည်တော်မှာကျင်းပခဲ့တယ်။ နောက်တစ်ကြိမ်အစည်းအဝေးကိုတော့ ရုရှားမှာ ကျွန်တော်တို့ကျင်းပခဲ့တယ်။ EAEU ရဲ့ခုနကပြောတဲ့ မူလရည်ရွယ်ချက်ကို ပြောပြခဲ့ပြီးဖြစ်တယ်။ EAEU အနေနဲ့က သူ့ရဲ့အခြေခံပဋိညာဉ်မှာ ဘာပါလဲဆိုတော့ နိုင်ငံအချင်းချင်း အချုပ်အခြာအာဏာတည်တံ့မှု နယ်မြေခိုင်မြဲမှုကိုအလေးထားဖို့ နံပါတ်နှစ်အချက်ကတော့ နိုင်ငံတွေရဲ့ အမျိုးသားအကျိုးစီးပွားကို အလေးထားဖို့ဆိုတာပါပါတယ်။ ဒါဟာ နိုင်ငံတိုင်းအတွက် လိုအပ်တဲ့ကိစ္စတွေဖြစ်ပါတယ်။ ဒီနေ့ ကျွန်တော်တို့ကမ္ဘာမှာ ဖြစ်ပျက်နေတဲ့အခြေအနေအရ စီးပွားရေးအရပဲဖြစ်ဖြစ်၊ နိုင်ငံရေးအရပဲဖြစ်ဖြစ်၊ ကျန်တဲ့ အရေးအရာတွေပဲဖြစ်ဖြစ် သူတို့လိုရင်လိုသလို ပုံဖော်နေတယ်။ မလိုရင်မလိုသလို ပုံဖော်နေတဲ့ဟာတွေ ပိတ်ဆို့နေတဲ့ဟာတွေရှိပါတယ်။ ဒါတွေကို ကျွန်တော်တို့က EAEU နဲ့ ပူးပေါင်းဆောင်ရွက်ခြင်းအားဖြင့် ပူးပေါင်းဆောင်ရွက်မှုအင်အားကို ရရှိလာမှာဖြစ်ပါတယ်။ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်အနေနဲ့ EAEU ရဲ့နှစ်စဉ်ကျင်းပနေကျဖြစ်တဲ့ ဥရောပ-အာရှ စီးပွားရေးဖိုရမ်(EEF)၊ အခုဆိုရင် (၄) ကြိမ်မြောက်ဖြစ်ပါတယ်။ စတုတ္ထအကြိမ်မြောက်မှာလည်း တက်ရောက်ပြီး မိန့်ခွန်းပြောကြားခဲ့ပါတယ်။ မိန့်ခွန်းပြောကြားခဲ့တဲ့နေရာမှာလည်း ကျွန်တော်ပြောကြားခဲ့တဲ့ အချက်အလက်တွေအပြင် ကျယ်ကျယ်ပြန့်ပြန့် ပြောကြားခဲ့တာကို အားလုံးတွေ့နိုင်မှာဖြစ်ပါ တယ်။ မြန်မာနိုင်ငံအနေနဲ့ EAEU ရဲ့အဖွဲ့ဝင်နိုင်ငံဖြစ်ဖို့အတွက် EAEU ရဲ့လေ့လာခွင့်ရရှိတဲ့နိုင်ငံ၊ လေ့လာသူနိုင်ငံဖြစ်ဖို့အတွက် ကျွန်တော်တို့ ကြိုးစားဆောင်ရွက်နေပါတယ်။ ကြိုးစားဆောင်ရွက်မှုလည်း အောင်မြင်နိုင်လိမ့်မယ်လို့မြင်ပါတယ်။ EAEU အဖွဲ့ဝင်နိုင်ငံတွေဖြစ်တဲ့ ရုရှားတို့ အခြားအဖွဲ့ဝင်နိုင်ငံတွေအနေနဲ့လည်း မြန်မာနိုင်ငံကို ကြိုဆိုလက်ခံတယ်လို့ ကျွန်တော်တို့မြင်ပါတယ်။

    မေး။ ။ ခရီးစဉ်အတွင်းမှာ ရုရှားဖက်ဒရေးရှင်းနိုင်ငံ Buryatia ပြည်နယ် Ulan-Ude မြို့ကိုလည်း သွားရောက်ခဲ့တာတွေ့ရပါတယ်။ ဒီခရီးစဉ်ကနေပြီးတော့ ဘယ်လိုအကျိုးအမြတ်တွေကို ရရှိခဲ့ပါသလဲ ခင်ဗျ။

    ဖြေ။ ။ Buryatia ပြည်နယ်အကြီးအကဲက ကျွန်တော်တို့မြန်မာနိုင်ငံကိုလည်း လာခဲ့ဖူးပါတယ်။ သတင်းထောက်ကြီးတို့လည်း တွေ့မှာပဲဖြစ်ပါတယ်။ မာရဝိဇယဘုရားကြီး တန်ဆောင်တိုင် ပွဲတော်မှာ Buryatia ပြည်နယ်အထိမ်းအမှတ်အနေနဲ့ မီးပုံးပျံလွှတ်တင်ခဲ့ တာရှိပါတယ်။ ထူးခြားတာက Buryatia ပြည်နယ်က ဗုဒ္ဓဘာသာကိုးကွယ်တဲ့ ပြည်နယ်ဖြစ်ပါတယ်။ မြန်မာနိုင်ငံနဲ့ ဗုဒ္ဓဘာသာနဲ့ ပတ်သက်ပြီး၊ ဘာသာရေးနဲ့ပတ်သက်ပြီး ဆက်ဆံမှု၊ ဆက်သွယ်မှုတွေ အများကြီးရှိခဲ့ပါတယ်။ ဒါ့အပြင် အဲဒီမှာရှိနေတဲ့ ဗုဒ္ဓဘာသာညီလာခံဖိုရမ်တစ်ခုလုပ်ဖို့လည်း ဆောင်ရွက်နေတာတွေရှိတယ်။ မြန်မာနိုင်ငံက ဆရာတော်ဘုရားကြီးတွေလည်း သူတို့ဆီကိုကြွနေတာရှိတယ်။ နောက်တစ်ခုက ရဟတ်ယာဉ်နဲ့ပတ်သက်ပြီး သယ်ယူပို့ဆောင်ရေး ရဟတ်ယာဉ်တွေ၊ သူတို့နဲ့ပူးပေါင်းလုပ်ဆောင်ဖို့ ဆောင်ရွက်နေတာ ရှိတယ်။ ဒါ့အပြင် Ulan-Ude မြို့မှာ ရထားပို့ဆောင်ရေးနဲ့ပတ်သက်ပြီး စက်ရုံတွေရှိတယ်။ အဲဒီစက်ရုံတွေကိုလည်း ပူးပေါင်းဆောင်ရွက်ဖို့၊ ခရီးသွားမြှင့်တင်ဖို့ ကျွန်တော်တို့သွားရောက်လေ့လာခဲ့တယ်။ ဒီနေ့မှာ ဆို Ulan-Ude မြို့မှာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နဲ့ Buryatia ပြည်နယ်အကြီးအကဲတို့က ရထားစက်ရုံကို လေ့လာပြီးတဲ့နောက်ပိုင်းမှာ သူတို့မီဒီယာတွေကလည်း တော်တော်စိတ်ဝင်စားကြတယ်။ သူတို့ဆီက ပင်မမီဒီယာရှစ်ခုကလာပြီး နိုင်ငံတော်ဝန်ကြီးချုပ်ကိုလည်းမေးတယ်။ Buryatia ပြည်နယ် အကြီးအကဲကိုလည်းမေးတယ်။ သူတို့အနေနဲ့လည်း မြန်မာနိုင်ငံကို စိတ်ဝင်စားတဲ့ပြည်နယ်တစ်ခုဖြစ်ပါတယ်။ အဲဒီကနေ ကဏ္ဍပေါင်းစုံ ပူးပေါင်းဆောင်ရွက်မှု အရှိန်အဟုန်မြှင့်တင်ဆောင်ရွက်နိုင်မယ်လို့ ကျွန်တော်မျှော်လင့်ပါတယ်။

    မေး။ ။ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌဦးဆောင်တဲ့ မြန်မာအဆင့်မြင့်ကိုယ်စားလှယ်အဖွဲ့ ဘယ်လာရုစ်နိုင်ငံနဲ့ ရုရှားနိုင်ငံသို့သွားရောက်ခဲ့တဲ့ ခရီးစဉ်နဲ့ပတ်သက်ပြီး ဗိုလ်ချုပ်အနေနဲ့ ဘာများဖြည့်စွက်ပြောကြားချင်ပါသလဲခင်ဗျ။

    ဖြေ။ ။ ကျွန်တော်တို့မြန်မာနိုင်ငံကကျင့်သုံးနေတဲ့ နိုင်ငံခြားမူဝါဒက လွတ်လပ်တက်ကြွပြီး ဘက်မလိုက်တဲ့ နိုင်ငံခြားရေးမူဝါဒဖြစ်တယ်။ ကျွန်တော့်အနေနဲ့ နိုင်ငံတကာဆက်ဆံရေးမှာဆိုရင် နိုင်ငံအားလုံးကို မိတ်ဆွေအဖြစ် မိတ်ဝတ်မပျက် ဆက်ဆံမှာဖြစ်တယ်။ သို့သော် ကျွန်တော်တို့အနေနဲ့က နိုင်ငံအားလုံးနဲ့ ဆက်ဆံတဲ့နေရာမှာ ကိုယ့်ကိုပိုပြီးအကျိုးပြုမယ့်နိုင်ငံ၊ ကိုယ့်နိုင်ငံအတွက်၊ ကိုယ့်ပြည်သူလူထုရဲ့လူမှုအကျိုးစီးပွားအတွက် လက်တွေ့အကျိုးစီးပွားဖြစ်နိုင်တဲ့ နိုင်ငံတွေနဲ့ ဦးစားပေးပြီးဆက်ဆံသွားရမှာဖြစ်ပါတယ်။ ဒီခရီးစဉ်မှာလည်း မြန်မာပြည်သူလူထု၊ မြန်မာနိုင်ငံ လူမှုစီးပွားဘဝဖွံ့ဖြိုးတိုးတက်ရေးအတွက် ဆောင်ရွက်နိုင်တဲ့ လမ်းစကောင်းတွေကို ရရှိခဲ့တယ်လို့ ကျွန်တော်မြင်ပါတယ်။ အားလုံးကိုကျေးဇူးတင်ပါတယ်။

    MOI

  • မေး :
    စစ်ပွဲနှင့်ရာသီဥတုက ကမ္ဘာ့စီးပွားရေး တိုးတက်မှုအပေါ် ဖိစီးမှုဖြစ်စေပါသလား။
    ဖြေ :

    လက်ရှိကမ္ဘာပေါ်တွင်ဖြစ်ပွားနေသော စစ်ပွဲများနှင့် ပြောင်းလဲလာနေသော ရာသီဥတုတို့က ကမ္ဘာ့ စီးပွားရေးတိုးတက်မှုအပေါ် ဖိစီးမှုဖြစ်စေကြောင်း ပြန်လည်တည်ဆောက်ရေးနှင့် ဖွံ့ဖြိုးတိုးတက်ရေး ဥရောပဘဏ် (EBRD)က စက်တင်ဘာလ ၂၆ ရက်တွင် ထုတ်ပြန်ထားသည်။

  • မေး :
    မြန်မာနိုင်ငံတွင် ကျင့်သုံးလျက်ရှိသည့် စီးပွားရေးစနစ်ကို သိရှိလိုပါသည်။
    ဖြေ :

    မြန်မာနိုင်ငံ၌ လက်ရှိအချိန်တွင် ဈေးကွက်စီးပွားရေးစနစ်ကို ကျင့်သုံးလျက်ရှိပါသည်။ 

  • မေး :
    “ထိပ်ဆုံးအသင်းမှာ ရပ်တည်နိုင်ဖို့ ဘယ်အသင်းကိုမှ လျှော့ပြီး ကစားလို့မရတဲ့အတွက် အကောင်းဆုံးစွမ်းဆောင်ရည်နဲ့ ကြိုးစားသွားဖို့ ပြင်ဆင်ထားပါတယ်”
    ဖြေ :

     

    “ထိပ်ဆုံးအသင်းမှာ ရပ်တည်နိုင်ဖို့ ဘယ်အသင်းကိုမှ လျှော့ပြီး ကစားလို့မရတဲ့အတွက် အကောင်းဆုံးစွမ်းဆောင်ရည်နဲ့ ကြိုးစားသွားဖို့ ပြင်ဆင်ထားပါတယ်”

     

    ဦးစိုးမြတ်မင်း (U-22 အမျိုးသားလက်ရွေးစင်ဘောလုံးအသင်းအုပ်ချုပ်သူ)

    ၂၀၂၅ ခုနှစ် ဒီဇင်ဘာ ၉ ရက်မှ ၂၀ ရက်အထိ ထိုင်းနိုင်ငံ၌ ကျင်းပမည့် (၃၃) ကြိမ်‌မြောက် အရှေ့တောင်အာရှဆီးဂိမ်းအားကစားပြိုင်ပွဲတွင် မြန်မာနိုင်ငံမှ အားကစားနည်း ၃၈ မျိုးကို ဝင်ရောက်ယှဉ်ပြိုင်သွားမည်ဖြစ်ရာ U-22 အမျိုးသားလက်ရွေးစင်ဘောလုံးအသင်းသည် ယနေ့နံနက်ပိုင်းတွင် ရန်ကုန်မြို့မှ အရှေ့တောင်အာရှအားကစားပြိုင်ပွဲကြီးကို အိမ်ရှင်အဖြစ် လက်ခံကျင်းပသည့် ထိုင်းနိုင်ငံသို့လေကြောင်းခရီးဖြင့် ထွက်ခွာသွားကြပြီဖြစ်သည်။ အသင်းအနေဖြင့် ရွှေရောင်အိပ်မက်များနှင့် လေ့ကျင့်စုဖွဲ့ခဲ့မှုတို့ကို U-22 အမျိုးသားဘောလုံးအသင်း၏ အုပ်ချုပ်သူတစ်ဦးဖြစ်သည့် မြန်မာ့လက်ရွေးစင် ဘောလုံးကစားသမားဟောင်း ဦးစိုးမြတ်မင်းအား တွေ့ဆုံမေးမြန်းခဲ့သည်များကို ဖော်ပြအပ်ပါသည်-

    ဦးစိုးမြတ်မင်း

    (U-22 အမျိုးသားလက်ရွေးစင် ဘောလုံးအသင်းအုပ်ချုပ်သူ)

    ထိုင်းနိုင်ငံမှာ ကျင်းပမယ့် (၃၃) ကြိမ်မြောက် အရှေ့တောင်အာရှဆီးဂိမ်းပြိုင်ပွဲကြီးမှာ U-22 အမျိုးသားလက်ရွေးစင်ဘောလုံးအသင်းရဲ့ အုပ်ချုပ်သူအဖြစ် ဆောင်ရွက်သွားမှာပါ။ ဆီးဂိမ်းပြိုင်ပွဲအတွက် အခုနှစ်မတ်လကတည်းကစပြီး အသင်းကို စုဖွဲ့ပြီး ခြေစမ်းပွဲတွေ တောက်လျှောက်ကစားခဲ့ပြီးတော့ ပြိုင်ပွဲတွေလည်း ယှဉ်ပြိုင်ခဲ့ပါတယ်။ အသင်းနည်းပြချုပ်ဖြစ်တဲ့ မစ္စတာကုရုရဲ့ လေ့ကျင့်မှုနဲ့ အကောင်းဆုံးပြင်ဆင်ထားပါတယ်။

    နည်းပြချုပ်အနေနဲ့ လက်ရှိမှာ MNA One ဖြစ်တဲ့ National League One ပြိုင်ပွဲတွေကို ကြည့်ရှုပြီး ပြိုင်ပွဲထဲကမှ စိတ်ကြိုက်အကောင်းဆုံးဘောလုံးသမား ၂၃ ဦးကို ရွေးချယ်ခဲ့ပြီး ပြိုင်ပွဲဝင်တာ ဖြစ်ပါတယ်။ မြန်မာ U-22 အသင်းအနေနဲ့ ဖိလစ်ပိုင်အသင်းနဲ့ ဒီဇင်ဘာ ၅ ရက်မှာ ယှဉ်ပြိုင်ရမှာဖြစ်တာကြောင့် ကြိုတင်လေ့ကျင့်ပြင်ဆင်ချိန်ရအောင် ဒီနေ့ပဲထွက်ခွာတာဖြစ်ပါတယ်။ ချင်းမိုင်မြို့က အယ်လ်ပိုင်း Camp မှာ သုံးရက်လေ့ကျင့်သွားဖို့ရှိပါတယ်။

    ဘောလုံးပြိုင်ပွဲမှာ အုပ်စုသုံးစုရှိပြီး မြန်မာ U-22 အသင်းဟာ အုပ်စု-စီမှာ ပါဝင်ပါတယ်။ အုပ်စု-စီမှာ မြန်မာ-ဖိလစ် ပိုင်နဲ့အင်ဒိုနီးရှား အသင်းတို့ပါဝင်ပါတယ်။ မြန်မာအသင်းအနေနဲ့ ဒီဇင်ဘာ ၅ ရက်မှ ဖိလစ်ပိုင်အသင်းနဲ့ ပထမဆုံးယှဉ်ပြိုင်ပြီး ဒီဇင်ဘာ ၁၂ ရက်မှာ အုပ်စုနောက်ဆုံးပွဲစဉ်ဖြစ်တဲ့ အင်ဒိုနီးရှားအသင်းနဲ့ ယှဉ်ပြိုင်သွားမှာပါ။ ပွဲစဉ်တိုင်းကို မြန်မာအသင်းအနေနဲ့ အင်တိုက်အားတိုက်နဲ့ စွမ်းအား ပြည့် အကောင်းဆုံးယှဉ်ပြိုင်သွားမှာပါ။

    U-22 အသင်းမှာအသင်းသား ၂၃ ဦး၊ နည်းပြနဲ့အုပ်ချုပ်သူ ၁၃ ဦး ပါဝင်ပါတယ်။ လူငယ်တွေရဲ့ လေ့ကျင့်မှုကို တွေ့မြင်ခဲ့ရတာ အားရကျေနပ်မှုရှိပါတယ်။ နည်းပြချုပ်အနေနဲ့ လေ့ကျင့်မှုပိုင်းကို အကောင်း ဆုံးပုံဖော်ထားတာကြောင့် ပြိုင်ပွဲမှာ အသင်းရဲ့ခြေစွမ်းတွေကို တွေ့မြင်ရမှာ ပါ။ အရင်က ဆီးဂိမ်းဘောလုံးပြိုင်ပွဲမှာ အုပ်စုနှစ်စုသာရှိပေမယ့် အခုတော့အုပ်စုသုံးစုခွဲပြီး ကစားရတာကြောင့် ဘယ်လိုပဲဖြစ်နေဖြစ်နေထိပ်ဆုံးအသင်းမှာ ရပ်တည်နိုင်ဖို့ ဘယ်အသင်းကိုမှ လျှော့ပြီးကစားလို့မရတဲ့အတွက် အကောင်းဆုံးစွမ်းဆောင် ရည်နဲ့ကြိုးစားသွားဖို့ ပြင်ဆင်ထားပါတယ်။

    အသင်းအနေနဲ့ နိုင်ငံ့ဂုဏ်ဆောင်ရည်မှန်းချက်နဲ့အညီ အနိုင်ရဗိုလ်စွဲဖို့ အားလုံးရင်ထဲမှာ ရှိနေကြပါတယ်။ အသင်းအုပ်ချုပ်သူထက် ကိုယ်တိုင်ကစားကြမယ့် ညီငယ်လေးတွေရဲ့ ရင်ထဲမှာ ကျောက်စိုင်ကျောက်ခဲလို ပိုပြီးခိုင်မာနေကြတာပါ။ သတိထားရမှာက တစ်ဆင့်ချင်းအောင်မြင်မှုကို တက်လှမ်းသွားဖို့ လိုပါတယ်။ ဆီမီးဖိုင်နယ်ကိုတက်လှမ်းတဲ့ အသင်းလေးသင်းမှာ ပါဝင်အောင် အစွမ်းကုန်ပြင်ဆင်ကြိုးစားထားပြီးသားပါ။ ဆီးဂိမ်းပြိုင်ပွဲမှာ မြန်မာဘောလုံးအသင်းအနေနဲ့ ရလဒ်ကောင်းတစ်ခုကိုရရှိဖို့ ပရိသတ်များရဲ့ ခွန်အားပြည့်အားပေးမှုများကို အသင်းအနေနဲ့ မျှော်လင့်ထားကြပါတယ်။ အကောင်းဆုံးကြိုးစားသွားမယ်လို့လည်း အသင်းကိုယ်စားပြောကြားလိုပါတယ်။

    (၃၃) ကြိမ်မြောက် ဆီးဂိမ်းဘောလုံးပြိုင်ပွဲကြီးတွင် U-22 အမျိုးသားဘောလုံးပြိုင်ပွဲအား အုပ်စုသုံးစုဖြင့် ဖွဲ့စည်းထားပြီး အုပ်စုအေ၌ ထိုင်း၊ စင်ကာပူ၊ တီမော၊ အုပ်စုဘီ၌ ဗီယက်နမ်၊ မလေးရှား၊ လာအိုနှင့် အုပ်စုစီ၌ မြန်မာ၊ ဖိလစ်ပိုင်၊ အင်ဒိုနီးရှားအသင်းတို့ ယှဉ်ပြိုင်ကစားသွားမည်ဖြစ်ရာ ဒီဇင်ဘာ ၅ ရက်တွင် မြန်မာအသင်း၏ အဖွင့်ပွဲစဉ်အဖြစ် ဖိလစ်ပိုင်အသင်းနှင့် ယှဉ်ပြိုင်ကစားသွားမည်ဖြစ်၍ ဘောလုံးအားကစားကို ချစ်မြတ်နိုးကြသည့်၊ မြန်မာဘောလုံးအသင်းကို တက်တက်ကြွကြွ အစဉ်အားပေးနေကြသည့် မြန်မာပြည်သူများအနေဖြင့် နိုင်ငံ့ဂုဏ်ဆောင်ဆုတံဆိပ်များကို ပွေ့ပိုက်ယူဆောင်လာကြမည့် မြန်မာဘောလုံး အသင်းအားတစ်ခဲနက် သောင်းသောင်းဖြဖြအားပေးကြပါစို့ဟု ရေးသားလိုက်ရပါသည်။

    တွေ့ဆုံမေးမြန်း -သစ္စာ (MNA)

    ဓာတ်ပုံ - ဇွဲမာန်

    MOI

  • မေး :
    ရွေးကောက်ပွဲအလွန် မြန်မာ့ပညာရေးရည်မှန်းချက်ကို သိရှိ လိုပါသည်။
    ဖြေ :

    ရွေးကောက်ပွဲအလွန် မြန်မာ့ပညာရေးရည်မှန်းချက်

    ၁။      ပညာရေးမြှင့်တင်ပေးခြင်းဖြင့် ပြည်သူများ၏ လူမှု၊ စီးပွားရေးဖွံ့ဖြိုးတိုးတက်စေရန်၊

    ၂။      ကျောင်းသား၊ ကျောင်းသူများအား ဗလငါးတန်နှင့် ပြည့်စုံစေရန် လေ့ကျင့်သင်ကြားပေးခြင်းဖြင့် နိုင်ငံတော်ဖွံ့ဖြိုးတိုးတက်ရေးအတွက် လိုအပ်သော လူ့စွမ်းအားအရင်းအမြစ်များ ရရှိစေရန်၊

    ၃။      ပြောင်းလဲနေသော ခေတ်မီနည်းပညာများနှင့် လိုက်ပါပြောင်းလဲနိုင်သော သင်ကြားသင်ယူမှုစနစ် ဖြစ်ပေါ်လာစေရန်၊

    ၄။      ကျေးလက်မြို့ပြနှင့် လူတန်းစားအလွှာပေါင်းစုံပါဝင်နိုင်သော လူတိုင်းအကျုံးဝင်သင်ယူနိုင်သော ပညာရေးစနစ် ဖြစ်ပေါ်လာစေရန်၊ သင်ကြားသင်ယူလိုသူတိုင်း သင်ကြားသင်ယူနိုင်မည့် ပညာရေးစနစ်ဖန်တီးပေးရန်၊

    ၅။      နိုင်ငံချစ်စိတ်ရှိသော စိတ်ဓာတ်နှင့်ကိုယ်ကျင့်တရားကောင်းမွန်ပြီး စည်းကမ်းရှိသော နိုင်ငံ့သားကောင်းများအား ပညာရေးစနစ်ဖြင့် မွေးထုတ်ပေးနိုင်ရန်။

    ဖြေကြားပေးသည့်ဌာန- ပညာရေးဝန်ကြီးဌာန

  • မေး :
    သင်ကြားရေးဝန်ထမ်းများသည် ပုံမှန်အားဖြင့် တစ်နှစ်လျှင် တစ်ကြိမ် ရာထူး တိုး/ပြောင်း လျှောက်ထားခွင့် ရရှိကြပြီး စာရေးဝန်ထမ်း/စီမံဝန်ထမ်းများ တစ်နှစ်လျှင် တစ်ကြိမ် ရာထူး တိုး/ပြောင်း လျှောက်ထားခွင့် မရရှိသည်မှာ အဘယ်ကြောင့် ဖြစ်ရသည်ကို သိရှိလိုပါသည်။
    ဖြေ :

    ပညာရေးဝန်ကြီးဌာနအနေဖြင့် စီမံခန့်ခွဲရေးဝန်ထမ်းများ၏ ရာထူးတိုး/ပြောင်းရွှေ့ကိစ္စရပ်များ အောက်ဖော်ပြပါ အတိုင်း စီစဉ်ဆောင်ရွက်ပေးလျက်ရှိပါသည်-

    (က)    အဆင့်မြင့်ပညာဦးစီးဌာနတွင် စီမံခန့်ခွဲရေးဝန်ထမ်းများအတွက် ရာထူးတိုး/ ပြောင်းရွှေ့ ကိစ္စရပ်များအား     ဝန်ထမ်းလိုအပ်ချက်နှင့် လစ်လပ်ရာထူးနေရာ အပေါ် မူတည်၍ ဆောင်ရွက်ခဲ့သော်လည်း ၂၀၂၁ ခုနှစ်မှစ၍     နှစ်စဉ် ပူးတွဲ ဖော်ပြပါအတိုင်း ဆောင်ရွက်ပေးခဲ့ပါကြောင်း၊

    (ခ)    ဆရာအတတ်ပညာဦးစီးဌာနတွင် စီမံခန့်ခွဲရေးဝန်ထမ်းများအတွက် ရာထူး တိုး/ပြောင်းရွှေ့ကိစ္စရပ်များအား           တစ်နှစ်လျှင်တစ်ကြိမ် ဆောင်ရွက်ပေးလျက်ရှိပြီး ၂၀၂၅ ခုနှစ်အတွက် ၆-၂-၂၀၂၅ ရက်နေ့တွင်  ရာထူးတိုး/ ပြောင်းရွှေ့လျှောက်လွှာခေါ်ယူထားပါကြောင်း၊

    (ဂ)    အခြေခံပညာဦးစီးဌာနတွင် စာရေးဝန်ထမ်း/ စီမံဝန်ထမ်းများအား လက်ရှိရာထူးဖြင့် လက်ရှိကျောင်း/ရုံးတွင် တာဝန်ထမ်းဆောင်သည့် လုပ်သက် (၂) နှစ်၊ ဒေသစရိတ်ခံစားခွင့်ရှိသည့် (ဝေးလံခက်ခဲဒေသ)ဖြစ်ပါက လက်ရှိရာထူးဖြင့် လက်ရှိကျောင်း/ရုံးတွင် တာဝန်ထမ်းဆောင်သည့်လုပ်သက် (၁) နှစ် ပြည့်ပါက သင်ကြားရေး ဝန်ထမ်းများကဲ့သို့ ပညာသင်နှစ်အလိုက် ရာထူးတိုး/ပြောင်းရွှေ့ လျှောက်ထားခွင့်ရှိပါကြောင်း။

     

    အဆင့်မြင့်ပညာဦးစီးဌာန

    စီမံခန့်ခွဲရေးဆိုင်ရာ ရာထူးများ အတိုး/ အပြောင်းနှင့်ပတ်သက်၍ ဆောင်ရွက်ချက်များ

    စဉ်

    ဆောင်ရွက်ခဲ့သည့်ခုနှစ်

    လစာနှုန်း

    ရာထူးတိုးမြှင့်ခဲ့သည့်

    ဦးရေ

    ပြောင်းရွှေ့

    ခန့်ထားခဲ့သည့်

    ဦးရေ

    မှတ်ချက်

    ၁

    ၂၀၂၁ ခုနှစ်၊ ဧပြီလ

    ၃၇၄၀၀၀-၄၀၀၀-၃၉၄၀၀၀

    ၁၃

     

     

    ၂

    ၂၀၂၁ ခုနှစ်၊ မေလ

    ၃၀၈၀၀၀-၄၀၀၀-၃၂၈၀၀၀

    ၁၈၄

    ၂၈

     

    ၂၇၅၀၀၀-၄၀၀၀-၂၉၅၀၀၀

     

    ၄၁

     

    ၃

    ၂၀၂၁ ခုနှစ်၊ ဇွန်လ

    ၂၃၄၀၀၀-၂၀၀၀-၂၄၄၀၀၀

    ၆၁၄

     

     

    ၂၁၆၀၀၀-၂၀၀၀-၂၂၆၀၀၀

    ၅၆

     

     

    ၄

    ၂၀၂၁ ခုနှစ်၊ စက်တင်ဘာလ

    ၃၇၄၀၀၀-၄၀၀၀-၃၉၄၀၀၀

    ၁၆

     

     

    ၂၇၅၀၀၀-၄၀၀၀-၂၉၅၀၀၀

     

    ၅

     

    ၅

    ၂၀၂၁ ခုနှစ်၊ နိုဝင်ဘာလ

    ၂၇၅၀၀၀-၄၀၀၀-၂၉၅၀၀၀

    ၂၄

     

     

    ၆

    ၂၀၂၂ ခုနှစ်၊ ဒီဇင်ဘာလ

    ၃၇၄၀၀၀-၄၀၀၀-၃၉၄၀၀၀

    ၁၆

    ၁၉

     

    ၇

    ၂၀၂၂ ခုနှစ်၊ မတ်လနှင့် ဒီဇင်ဘာလ

    ၃၄၁၀၀၀-၄၀၀၀-၃၆၁၀၀၀

    ၃၅

     

     

    ၈

    ၂၀၂၂ ခုနှစ်၊ ဩဂုတ်လ

    ၃၄၁၀၀၀-၄၀၀၀-၃၆၁၀၀၀

    ၁၈

     

     

    ၉

    ၂၀၂၂ ခုနှစ်၊ မတ်လ

    ၃၄၁၀၀၀-၄၀၀၀-၃၆၁၀၀၀

    ၁၀

     

     

    ၃၀၈၀၀၀-၄၀၀၀-၃၂၈၀၀၀

    ၁၀၉

    ၁၄

     

    ၂၇၅၀၀၀-၄၀၀၀-၂၉၅၀၀၀

     

    ၁၄

     

    ၁၀

    ၂၀၂၃ ခုနှစ်၊ စက်တင်ဘာလ

    ၃၀၈၀၀၀-၄၀၀၀-၃၂၈၀၀၀

    ၈

    ၁၁

     

    ၂၇၅၀၀၀-၄၀၀၀-၂၉၅၀၀၀

     

    ၂၀

     

    ၂၃၄၀၀၀-၂၀၀၀-၂၄၄၀၀၀

    ၅၇

    ၁၁

     

    ၂၁၆၀၀၀-၂၀၀၀-၂၂၆၀၀၀

    ၂၀

     

     

    ၁၁

    ၂၀၂၄ ခုနှစ်၊ ဧပြီလ

    ၂၇၅၀၀၀-၄၀၀၀-၂၉၅၀၀၀

    ၂၀

     

     

    ၁၂

    ၂၀၂၅ ခုနှစ်၊ ဇန်နဝါရီလ

    ၃၇၄၀၀၀-၄၀၀၀-၃၉၄၀၀၀

    ၁၄

    ၁၂

     

    ၃၄၁၀၀၀-၄၀၀၀-၃၆၁၀၀၀

    ၁၈

     

     

    ၃၀၈၀၀၀-၄၀၀၀-၃၂၈၀၀၀

    ၆၃

    ၃၄

     

    ၂၇၅၀၀၀-၄၀၀၀-၂၉၅၀၀၀

     

    ၁၄

     

    ၂၃၄၀၀၀-၂၀၀၀-၂၄၄၀၀၀

    ၃၆

    ၁၀

     

    ၂၁၆၀၀၀-၂၀၀၀-၂၂၆၀၀၀

    ၁၆

    ၂

     

     

     

    စုစုပေါင်း

    ၁၃၄၇

    ၂၃၅

     

    မှတ်ချက်။           ၂၁၆၀၀၀-၂၀၀၀-၂၂၆၀၀၀ လစာနှုန်းနှင့်အောက် ရာထူးများ၏ ရာထူးတိုးမြှင့်ခြင်းကိစ္စများကို နှစ်စဉ် ဇန်နဝါရီလတွင် တက္ကသိုလ်၊ ဒီဂရီကောလိပ်၊ ဌာနများအလိုက် ဆောင်ရွက်ပေးလျက် ရှိပါသည်။


    ပညာရေးဝန်ကြီးဌာနက ပြန်လည်ဖြေကြားပေးထားခြင်း ဖြစ်ပါသည်။

  • မေး :
    မြန်မာနိုင်ငံအနေဖြင့် (၃၂)ကြိမ်မြောက် အရှေ့တောင်အာရှအားကစားပြိုင်ပွဲတွင် ဆုတံဆိပ်မည်မျှ ရယူနိုင်ခဲ့သနည်း။
    ဖြေ :

    (၃၂) ကြိမ်မြောက် အရှေ့ တောင်အာရှ    အားကစားပြိုင်ပွဲတွင်   မြန်မာနိုင်ငံအနေဖြင့် အားကစားနည်း ၁၉ နည်း၊  အားကစား သမား ၃၄၁ ဦး၊  အုပ်ချုပ်သူ/  နည်းပြ ၁၀၄ ဦး၊ စုစုပေါင်း  ၄၄၅ ဦးဖြင့်   ဝင်ရောက်ယှဉ်ပြိုင်ခဲ့ပြီး ရွှေတံဆိပ် ၂၁ ခု၊ ငွေတံဆိပ် ၂၅ ခု၊ ကြေးတံဆိပ် ၆၈ ခု စုစုပေါင်းဆုတံဆိပ် ၁၁၄ ခု ရယူပေးနိုင်ခဲ့ပါသည်။

  • မေး :
    လူငယ်ကဏ္ဍမြှင့်တင်ဆောင်ရွက်ပေးရန် လိုအပ်ပုံကို ဖြေကြားပေးစေလိုပါသည်။
    ဖြေ :

    မိမိတို့နိုင်ငံတွင် လူငယ်ဆိုသည်မှာ အသက် ၁၅ နှစ်မှ ၃၅ နှစ်အတွင်းရှိ နိုင်ငံသားများဟူ၍ ဖွင့်ဆိုထား သည်။ နိုင်ငံတော်စီမံအုပ်ချုပ်ရေးကောင်စီ၏ ဦးတည်ချက်(၉)ရပ်တွင် “နိုင်ငံ၏ဖွံ့ဖြိုး တိုးတက်ရေး လုပ်ငန်းစဉ်များ၌ လူငယ်များအနေဖြင့် အဓိကစွမ်းအားစုအဖြစ် ပါဝင်နိုင်ရေး ဗလငါးတန်နှင့်ပြည့်စုံသော လူငယ်များဖြစ်စေရန် လူငယ်ကဏ္ဍကို မြှင့်တင်ဆောင်ရွက်ရေး”ဟူသော လူမှုရေး ဦးတည်ချက် တစ်ရပ်လည်း ပါဝင်သည်။ နိုင်ငံတော်၏ အနာဂတ်ကာလအတွက် လူငယ်များကို တန်ဖိုးမြင့်မားသည့် လူ့စွမ်းအားအရင်းအမြစ်များ ဖြစ်လာစေရန် ပြုစုပျိုးထောင်ရာတွင် ဗလငါးတန်ဖွံ့ဖြိုးရေးဆိုင်ရာ ပတ်ဝန်းကျင်ကောင်းများ ဖန်တီးပေးရန်လိုအပ်သည်။ ကိုယ်ကာယဖွံ့ဖြိုးရေး၊ အသိဉာဏ်ဖွံ့ဖြိုးရေးနှင့် ဗဟုသုတပြည့်စုံရေး၊ စာရိတ္တမဏ္ဍိုင်ကြံ့ခိုင်ရေး၊ ပေါင်းသင်းဆက်ဆံရေး၊ အသက်မွေးဝမ်းကျောင်းနှင့် စီးပွားရေးဆိုင်ရာအသိအမြင်များ ကျယ်ပြန့်ရေးတို့ကို လူငယ်ဘဝတွင် ပြည့်စုံအောင် လေ့ကျင့် ဖြည့်ဆည်းပေးနိုင်သည်နှင့်အမျှ အနာဂတ်ကာလတွင် နိုင်ငံက အားကိုးအားထားပြုရမည့် စွမ်းအားစု များကို ရရှိနိုင်မည်ဖြစ်သည်။

    မျက်မှောက်ခေတ်သည် ပညာခေတ်ဖြစ်ပြီး နိုင်ငံတည်ဆောက်ရေးအတွက်လည်း ပညာတတ်များစွာ လိုအပ်လျက်ရှိရာ ပညာရေးနှင့်ပတ်သက်၍ အားပေးဆောင်ရွက်ရန် နိုင်ငံတော်အကြီးအကဲက အမြဲမပြတ် တိုက်တွန်းအားပေးလျက်ရှိသည်။ နိုင်ငံအတွက် လိုအပ်သော တန်ဖိုးမြင့်သည့် လူ့စွမ်းအားအရင်းအမြစ် များရရှိရန် ပညာရေးနှင့်ကျန်းမာရေးနယ်ပယ်တို့တွင် ရင်းနှီးမြှုပ်နှံမှုများ ပိုမိုပြုလုပ်ရန် လိုအပ်သကဲ့သို့ လူငယ်ထုအတွင်း ဗလငါးတန်ဖွံ့ဖြိုးရေးကိုလည်း ဘက်ပေါင်းစုံမှ စဉ်ဆက်မပြတ် ပြုလုပ်သွားရမည် လည်းဖြစ်သည်။ မြန်မာနိုင်ငံ၏လူဦး‌ရေတွင် လူငယ်ဦးရေအချိုးအစားက မြင့်မားနေခြင်းကြောင့် ‘‘လူဦးရေဆုလာဘ်’’ ရရှိသည်ဟုဆိုရာတွင် အဆိုပါလူငယ်များအား နိုင်ငံအကျိုးပြုသည့် စွမ်းအားစု များဖြစ်လာအောင် လေ့ကျင့်ပေးနိုင်ရန် လိုအပ်သလို နိုင်ငံတည်ဆောက်ရေးတွင် ထိထိရောက်ရောက် အသုံးပြုနိုင်ရန်လည်း လိုအပ်သည်။ အဆိုပါလူဦးရေဆုလာဘ်ကို နှစ်ပေါင်းနှစ်ဆယ်အတွင်း အကျိုးရှိရှိ သုံးစွဲနိုင်ခြင်းဖြင့် နိုင်ငံဖွံ့ဖြိုးတိုးတက်မှုကို အထောက်အကူပြုနိုင်မည်ဖြစ်ရာ ပညာတတ် ရုံမျှမက ကျန်းမာကြံ့ခိုင်သော၊ အကျင့်စာရိတ္တမြင့်မားသော၊ ပေါင်းသင်းဆက်ဆံမှု ကျယ်ပြန့်သော၊ စီးပွားရေး ကျွမ်းကျင်သော လူငယ်များဖြစ်လာအောင် စဉ်ဆက်မပြတ် လေ့ကျင့်ပျိုးထောင်ကြရပါမည်ဖြစ်ပါသည်။

  • မေး :
    မြန်မာနိုင်ငံ၏ယဉ်ကျေးမှုအမွေအနှစ်နေရာဒေသနှင့် ကမ္ဘာ့မှတ်တမ်းအမွေအနှစ်များကို ဖြေကြားပေးစေလိုပါသည်။
    ဖြေ :

    မြန်မာနိုင်ငံတွင် ယဉ်ကျေးမှုအမွေအနှစ် နေရာဒေသမြောက်မြားစွာရှိသည့်အနက် စံသတ်မှတ်ချက်များနှင့် ကိုက်ညီသည့် အမွေအနှစ်များကို နိုင်ငံတကာအဆင့်ထိန်းသိမ်း စောင့်ရှောက်မြှင့်တင်နိုင်ရန်အတွက် UNESCO သို့ အမည်စာရင်းတင်သွင်းခဲ့ရာမှ အောက်ပါ ဒေသများသည် ကမ္ဘာ့အမွေအနှစ်စာရင်းဝင် ဖြစ်လာခဲ့ပါသည် -

    (က) ပျူမြို့ဟောင်း ၃ မြို့ (ဟန်လင်း၊ ဗိဿနိုး၊ သရေခေတ္တရာ) ။ ၂၀၁၄ ခုနှစ်၊ ဇွန်လ ၁၅ ရက်နေ့မှ ဇွန်လ ၂၅ ရက်နေ့အထိ ကာတာနိုင်ငံ ၊ ဒိုဟာမြို့တွင် ကျင်းပခဲ့သည့် (၃၈)ကြိမ်မြောက် ကမ္ဘာ့အမွေအနှစ်ကော်မတီ အစည်းအဝေး { 38th Session of the World Heritage Committee(Doha 2014) } ၌ ပျူမြို့ဟောင်း (၃) မြို့အား ကမ္ဘာ့အမွေအနှစ်ကော်မတီက ၂၀၁၄ခုနှစ်၊ ဇွန်လ ၂၂ ရက်နေ့တွင် (38 COM 8B.28) ဖြင့် အတည်ပြု သတ်မှတ်ပေးခဲ့ပါသည်။

    (ခ) ပုဂံဒေသ။ ၂၀၁၉ ခုနှစ်၊ ဇူလိုင်လ ၆ ရက်နေ့တွင် အဇာဘိုင်ဂျန်နိုင်ငံ၊ ဘာကူမြို့၌ ကျင်းပသော (၄၃) ကြိမ်မြောက် ကမ္ဘာ့အမွေအနှစ်ကော်မတီညီလာခံ အစည်းအဝေး၏ ဆုံးဖြတ်ချက် (43 COM 8B. 20) ဖြင့် ပုဂံယဉ်ကျေးမှု အမွေအနှစ်ဒေသအား ကမ္ဘာ့အမွေအနှစ်စာရင်းဝင်အဖြစ် အတည်ပြုပေးခဲ့ပါသည်။

    ဆက်လက်၍ မြောက်ဦးယဉ်ကျေးမှုအမွေအနှစ်ဒေသကို ကမ္ဘာ့အမွေအနှစ်စာရင်းဝင် ဖြစ်ရေးအတွက် ၂၀၂၁ ခုနှစ်၊ ဒီဇင်ဘာလ ၃၀ ရက်နေ့တွင် အဆိုပြုစာတွဲ (အပြည့်အစုံ) အား ပြင်သစ်နိုင်ငံ၊ ပါရီမြို့ရှိ ကမ္ဘာ့အမွေအနှစ်ဗဟိုသို့ တင်ပြထားခဲ့ပါသည်။

    ထို့အတူ ကမ္ဘာ့မှတ်တမ်းအမွေအနှစ်အဖြစ် သတ်မှတ်ပေးခံရမှုများမှ အောက်ပါ အတိုင်းဖြစ်ပါသည် -

    (က) ကုသိုလ်တော်ကျောက်စာ ။ ကျောက်စာချပ်ပေါင်း ၇၂၉ ချပ်ရှိသော ကုသိုလ်တော် ကျောက်စာများအား ၂၀၁၃ခုနှစ်၊ ဇွန်လ ၁၈ ရက်နေ့တွင် တောင်ကိုရီးယားနိုင်ငံ၊ ဂွမ်ဂျူးမြို့တွင် ပြုလုပ်သော (၁၁) ကြိမ်မြောက် အစည်းအဝေးမှ ကမ္ဘာ့မှတ်တမ်းအမွေအနှစ်အဖြစ် သတ်မှတ်ပေးခဲ့ပါသည်။

    (ခ) မြစေတီ‌ကျောက်စာ ။ ကျန်စစ်သားမင်းလက်ထက် အေဒီ ၁၁၁၃ ခုနှစ်တွင် ပျူ၊ မွန်၊ မြန်မာ၊ ပါဠိဘာသာစကား (၄) မျိုး၊ အက္ခရာ (၂) မျိုးဖြင့် ရေးထိုးခဲ့သော မြစေတီကျောက်စာ (ရာဇကုမာရ်ကျောက်စာ) အား ၂၀၁၅ခုနှစ်၊ အောက်တိုဘာလ ၄ ရက်နေ့တွင် အာရပ်စော်ဘွားများ ပြည်ထောင်စု၊ အဘူဒါဘီမြို့၌ ပြုလုပ်သော (၁၂) ကြိမ်မြောက် အစည်းအဝေးမှ ကမ္ဘာ့ မှတ်တမ်းအမွေအနှစ်အဖြစ် သတ်မှတ်ပေးခဲ့ပါသည်။

    (ဂ) အ‌လောင်းမင်းတရားကြီး သဝဏ်လွှာ။ အလောင်းမင်းတရားကြီးက အေဒီ ၁၇၅၆ခုနှစ်၊ မေလ ၇ ရက်နေ့တွင် ဗြိတိန် ဘုရင်ဂျော့-၂ (George II ) ထံသို့ ချစ်ကြည်ရေးတိုးမြှင့်ဆောင်ရွက်ရန်အတွက် ပေးပို့ခဲ့သော ရွှေပြားပေါ်တွင် ရေးထိုး၍ ဆင်စွယ်ကြုတ်အတွင်း ထည့်သွင်းပေးပို့ခဲ့သည့် စာကြောင်းရေ (၁၀) ကြောင်းပါ သဝဏ်လွှာကို ၂၀၁၅ခုနှစ်၊ အောက်တိုဘာလ ၄ ရက်နေ့တွင် အာရပ် စော်ဘွားများ ပြည်ထောင်စု၊ အဘူဒါဘီမြို့၌ ပြုလုပ်သော (၁၂) ကြိမ်မြောက် အစည်းအဝေးမှ ကမ္ဘာ့မှတ်တမ်းအမွေအနှစ်အဖြစ် သတ်မှတ်ပေးခဲ့ပါသည်။

    (ဃ) ဘုရင့်နောင် မင်းတရားကြီး၏ ခေါင်းလောင်းစာ ။ ဘာသာ(၃)မျိုးဖြင့် ရေးထိုးထားသော ဘုရင့်နောင်မင်းတရားကြီး၏ ခေါင်းလောင်းစာအား ၂၀၁၇ခုနှစ်၊ အောက်တိုဘာလ ၂၄ ရက်နေ့တွင် ပြင်သစ်နိုင်ငံ၊ ပါရီမြို့တွင် ကျင်းပသည့် (၁၃)ကြိမ်မြောက် အစည်းအဝေးမှ ကမ္ဘာ့မှတ်တမ်းအမွေအနှစ် အဖြစ် သတ်မှတ်ပေးခဲ့ပါသည်။

    အာရှ-ပစိဖိတ်ဒေသတွင်း မှတ်တမ်းအမွေအနှစ်အဖြစ် အာနန္ဒစန္ဒြကျောက်စာအား ၂၀၁၈ခုနှစ်၊ မေလ ၃၀ ရက်နေ့တွင် တောင်ကိုရီးယားနိုင်ငံ ၊ ဂွမ်ဂျူးမြို့တွင် ကျင်းပသည့် အာရှ-ပစိဖိတ်ဒေသတွင်း ကမ္ဘာ့မှတ်တမ်းအမွေအနှစ်ကော်မတီ၏ (၈) ကြိမ်မြောက် အစည်းအဝေး၌ သတ်မှတ်ပေးခဲ့ပါသည်။

  • မေး :
    ကရင်တိုင်းရင်းသားတို့၏ စပါးလိပ်ပြာခေါ်ပွဲ ဆိုသည်မှာ အဘယ်နည်း။
    ဖြေ :

    ကရင်လူမျိုးတို့၏ ရိုးရာယဉ်ကျေးမှုဓလေ့ထုံးတမ်းတစ်ချို့မှာ ၎င်းတို့၏ နေထိုင်မှုပုံစံ၊ ခေတ်ကာလနှင့် ရင်ဆိုင် ကြုံတွေ့ခဲ့ရသည့်သမိုင်းကြောင်းရာဇဝင်တို့အပေါ်မှီတည်၍ ဖြစ်ပေါ်လာသည်ဟုလေ့လာမှတ်သားရပြီး လယ်ယာလုပ်ငန်း ကို လုပ်ကိုင်ကြသော ကရင်တိုင်းရင်းသားလူမျိုးများသည် စိုက်ပျိုးရိတ်သိမ်းထွက်ရှိလာသော ဆန်စပါးနှင့် ဥယာဉ်ခြံထွက် သီးနှံများကို ဦးဦးဖျားဖျားစားသုံးခြင်းမပြုမီ (သို့မဟုတ်) စားသုံးပြီးသည့်အခါ အသစ်ကိုအဟောင်းပြု၍ ကောက်သစ်စားပွဲ (မတူညီသည့်ဒေသအပေါ်မူတည်၍ )စပါးလိပ်ပြာခေါ်ပွဲကို ကျင်းပလေ့ရှိကြသည်။  ကရင်အမျိုးသားများနေထိုင်ရာ နေရာဒေသတိုင်းတွင် စပါးလိပ်ပြာခေါ်ပွဲကို နှစ်စဉ်ကျင်းပလေ့ရှိပြီး အိမ်ထောင်စု တစ်စုချင်းသော်လည်ကောင်း၊ မိသားစုဆွေမျိုးများစုပေါင်း၍သော်လည်ကောင်း၊ အစုအဖွဲ့အလိုက်သော်လည်ကောင်း ကျင်းပသည့်ဓလေ့ရှိသော်လည်း ကရင်ပြည်နယ်၊ ဘားအံမြို့နယ်၊ သံလွင်အနောက်ခြမ်း၊ ကြာအင်းပေါ်တော်မူတွင်  သံလွင်မြစ်နှင့်ဒုံသမိမြစ်ကြားရှိ ကျေးရွာများစုပေါင်း၍ တစ်မူထူးစွာ စုပေါင်းကျင်းပလေ့ရှိပြီး သံလွင်အရှေ့ခြမ်းရှိ ကျေးရွာများနှင့် ဒုံသမိမြစ် အနောက်ဘက် သထုံမြို့နယ်ရှိကျေးရွာများမှလည်း အတူတကွလာရောက်စုရုံး၍ စပါးဂဋ္ဌုန် တောင်(ခေါ်)ဖူးဟွဲစပါးလှန်းတောင်တွင် စုပေါင်း၍ စပါးလိပ်ပြာခေါ်ပွဲကို ကျင်းပလေ့ရှိကြသည်။

  • မေး :
    မြန်မာနိုင်ငံ၏KG+12 ပညာရေးစနစ်သစ်သည် နိုင်ငံတကာပညာရေးစနစ်နှင့်ကိုက်ညီမှု ရှိ/မရှိ ဖြေကြား‌ပေးစေလိုပါသည်။
    ဖြေ :

    မြန်မာနိုင်ငံတွင် ပြောင်းလဲသင်ကြားပေးလျက်ရှိသည့် KG+12 ပညာရေးစနစ်သစ်သည် နိုင်ငံတကာတွင် ကျင့်သုံးလျက်ရှိသော IGCSE “A” Level နှင့် ကိုက်ညီမှုရှိပါသည်။

  • မေး :
    မိုးရာသီကာလတွင် ဖြစ်ပွားမှုများပြားနိုင်သည့် ရောဂါများကိုသိရှိလိုပါသည်။
    ဖြေ :

    မိုးရာသီကာလတွင် ဖြစ်ပွားမှုများပြားနိုင်သည့် ရောဂါများသည် ပြင်းထန်ဝမ်းပျက်ဝမ်းလျှော ရောဂါနှင့် သွေးလွန်တုပ်ကွေးရောဂါဖြစ်ပါသည်။ 

  • မေး :
    တောင်ရိုးတိုင်းရင်းသားများ၏ တာတက်ပွဲဆိုသည်မှာအဘယ်နည်း။
    ဖြေ :

    တာတက်ပွဲ 

    တောင်ရိုး တိုင်းရင်းသားတွေရဲ့ ဒီပွဲတော်ကို    အခုလိုကာလ   တန်ခူး၊ ကဆုန်လများအတွင်း        တောင်ရိုး တိုင်းရင်းသားတွေ နေထိုင်ကြတဲ့ မြို့နယ် အလိုက် ရွာအလိုက်တွေမှာ  ကျင်းပလေ့ရှိ ကြပါတယ်။  တစ်ခါတလေ တစ်နေ့တည်းမှာ သုံးလေးပွဲကျင်းပတာလည်းရှိတတ်ကြပါတယ်။ တာတက်ပွဲတွေကိုအလှည့်ကျ  ကျင်းပမယ့်ရက်အလိုက် ရွာတွေမှာ စုပေါင်း ကျင်းပကြတယ်။  သင်္ကြန်အတက် နေ့အပြီး  နောက်ရက်ဖြစ်တဲ့ နှစ်ဆန်း ၁ ရက်နေ့ ကစပြီး ကဆုန်လကွယ်နေ့အထိတိုင်အောင်      အလှည့်ကျကျင်းပလေ့ရှိပါတယ်။  ရှမ်းပြည်နယ်အတွင်း ကလော၊ အောင်ပန်း၊   ပင်းတယနဲ့ ပင်လောင်းမြို့နယ်တွေမှာ တောင်ရိုးတိုင်းရင်းသား တွေ   အများဆုံးတွေ့ရှိရပြီး    လူဦးရေ ငါးသိန်းကျော်ရှိတာမို့ တစ်ရွာပြီးတစ်ရွာ ပွဲတွေပြုလုပ်နေကြတာ ပျော်တပြုံးပြုံးနဲ့ မမောနိုင် မပန်းနိုင်အောင်ပါပဲ။

    တာတက်ပွဲဆိုတာ  ဓနု၊ တောင်ရိုး၊ ပအိုဝ်းလူမျိုးတွေရဲ့   ရိုးရာပွဲတော်တစ်ခုလို့လည်း ဆိုနိုင်ပါသေးတယ်။ တာတက် ပွဲကိုတချို့ဒေသတွေမှာပွဲဝင်တယ်လို့လည်းခေါ်ဝေါ်သုံးစွဲကြပါတယ်။ ပွဲဝင်ခံရတဲ့ ရွာကိုတခြားရွာမှာနေထိုင်ကြတဲ့ တိုင်းရင်းသားလူကြီး၊ လူငယ်မကျန်လာရောက်ကြပါတယ်။ လာတဲ့အခါရွာဘုန်းတော်ကြီးကျောင်းအတွက် လှူဖွယ်ပစ္စည်းတွေအစုံအလင်နဲ့   တပျော်တပါးလာရောက်ကြတာပါ။ အဲဒီထဲမှာ ဘုန်းတော်ကြီးကျောင်းအတွက် ရိုးရာမပျက်ဆွမ်းတော်အုပ်ပါသလို ကျေးရွာအလိုက် ကိုယ့်အစုအဖွဲ့နဲ့ကိုယ် အိုးစည်ဗုံမောင်းတွေ ကို     တီးခတ်ဖျော်ဖြေရင်း တာဝင်ကြတယ်လို့ သိရပါတယ်။
    တစ်နှစ်တာကာလပတ်လုံး လယ်ယာလုပ်ငန်းခွင်မှာ လုပ်ကိုင်ကြတာမို့ အခုလိုပွဲတော်ကာလဟာ  ဆွေမျိုးပေါင်းစုံ နဲ့ပြန်လည်တွေ့ဆုံကြရတဲ့ကာလလည်းဖြစ်ပါတယ်။တာတက်ပွဲကိုအကြောင်းပြုပြီး     ဒီပွဲတော်ကာလမှာ တောင်ရိုး တိုင်းရင်းသားမောင်မယ်တို့ဟာ     လူပျို အပျိုရှာကြတဲ့  ဓလေ့ရိုးရာလည်း   ရှိကြပါတယ်။ 

  • မေး :
    ဆံတော်ရှင်ကျိုက်ထီးရိုးစေတီတော်မြတ်ကြီး၏ သမိုင်းအကြောင်းအရာအချက်အလက်များအား သိရှိလိုပါသည်။
    ဖြေ :

    ဘုရားအမည်

    ကျိုက်ထီးရိုးစေတီတော်

    တိုင်းဒေသကြီး/ပြည်နယ်

    မွန်ပြည်နယ်

    Website Address

    https://kyaikhteeyoepagoda.org/  

    တည်နေရာ

    ကျိုက်ထိုမြို့အနီး၊ မွန်ပြည်နယ်

    သမိုင်းအကြောင်းအရာ

    မြတ်ဗုဒ္ဓသမိုင်းဝင် ဆံတော်ရှင်ကျိုက်ထီးရိုးစေတီတော်မြတ်ကြီးသည် ရသေ့ဦးခေါင်းနှင့်တူသော ကျောက်လုံးတော်ကြီးပေါ်တွင် စေတီတော်တည်ထားခဲ့ခြင်းဖြစ်သည်။

    ဆံတော်ရှင်ကျိုက်ထီးရိုးစေတီတော်သည် မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့ နယ်အတွင်းရှိ ပေါင်းလောင်းတောင်ထိပ် အမြင့်ပေ၃၆၁၅တွင် တည်ရှိပြီး၊ ကျိုက်ထိုမြို့မှ (၁၆) မိုင်အကွာတွင်တည်ရှိပါသည်။ 

    စေတီတော်၏ ဉာဏ်တော်၂၂ပေ၅လက်မရှိပြီး၊ နှမ်းဖတ်ကျောက်အမျိုးအစား ကျောက်လုံးတော်ကြီးပေါ်တွင် တည်ရှိပါသည်။ ကျောက်လုံးတော်ကြီးနှင့် အောက်ခံကျောက်တိုင်ထိပ်တို့ ထိဆက်နေမှုသည် ၇.၆၅စတုရန်းပေသာ ရှိပါသည်။

    မဟာသက္ကရာဇ်(၁၁၁)ခုနှစ်တွင် မြတ်စွာဘုရားသခင်သည် မဇ္ဇျိမဒေသ သုဝဏ္ဏဘူမိ (သထုံ) သို့ ကြွရောက်လာစဉ်ကဇွဲကပင်တောင်နေ သီဟရသေ့၊ဇင်းကျိုက်တောင်နေတိဿရသေ့တို့သည် မြတ်စွာဘုရားထံမှ ရရှိထားသည့် ဆံတော်(၂)ဆူကျစီရရှိထားသည့်အနက် သီဟရသေ့ကြီးသည် ဇွဲကပင်နှင့်ဇင်းကျိုက်တောင်တို့၌ စေတီတော်တစ်ဆူစီကို ဆံတော်တစ်ခုစီ ဌာပနာ၍ တည်ထားကိုး ကွယ်ခဲ့ကြသည်။ ကေလာသရသေ့ကြီး စုတေကွယ်လွန်ခဲ့သဖြင့် ရသေ့ကြီး၏ ဆံကျစ်အတွင်းရှိ ဆံတော်တစ်ဆူကို တိဿရသေ့ကြီးက သိမ်းဆည်း၍ ယခင်ဆံတော်(၂)ဆူနှင့်ပေါင်းလျက် ဆံတော်(၃)ဆူကို ၎င်း၏ဦးခေါင်းဆံကျစ်ကြားတွင် ထားရှိ ကိုးကွယ်ထားပါသည်။

  • မေး :
    မြန်မာတိုင်းရင်းသားတို့၏ ရိုးရာယဉ်ကျေးမှုအဆို၊ အက၊ အရေး၊ အတီး ပြိုင်ပွဲများကို မည်သို့ ယှဉ်ပြိုင်နိုင်သနည်း။
    ဖြေ :

    ယှဉ်ပြိုင်ခွင့်ပြုသည့် ပြိုင်ပွဲဝင်အဆင့်များ

    မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ စတင်ကျင်းပသည့် ၁၉၉၃ ခုနှစ်ပထမအကြိမ်ပြိုင်ပွဲတွင် ဝါသနာရှင်အဆင့် တစ်ဆင့်တည်း ကိုသာ ယှဉ်ပြိုင်ခဲ့၍ ဒုတိယအကြိမ်ပြိုင်ပွဲမှ စတုတ္ထအကြိမ်ပြိုင်ပွဲအထိ ပညာရှင်အဆင့်၊ ဝါသနာရှင်အဆင့်၊ အဆင့်မြင့်ပညာအဆင့်၊ အခြေခံပညာ ၁၂ နှစ်အထက်၊ အခြေခံပညာ ၁၂ အောက်အဆင့်ဟူ၍ ယှဉ်ပြိုင်ခွင့်ပြုခဲ့ပါသည်။ ပဉ္စမအကြိမ်ပြိုင်ပွဲမှ ၁၃ ကြိမ်မြောက်ပြိုင်ပွဲအထိ ပညာရှင်အဆင့်၊ ဝါသနာရှင်အဆင့်၊ အဆင့်မြင့်ပညာအဆင့်၊ အခြေခံပညာ(အသက် ၁၅ နှစ်ပြည့်မှ ၂၀ နှစ်အတွင်း) အဆင့်၊ အခြေခံပညာ(အသက် ၁၀ နှစ်ပြည့်မှ ၁၅ နှစ်အတွင်း)အဆင့်၊ အခြေခံပညာ(အသက် ၅ နှစ်ပြည့်မှ ၁၀ နှစ်အတွင်း)အဆင့်သတ်မှတ်ခဲ့၍ ၂၀၁၆ ခုနှစ်၊ ၁၄ ကြိမ်မြောက် ပြိုင်ပွဲမှ ၂၂ ကြိမ်မြောက် ပြိုင်ပွဲအထိ ဝါသနာရှင်(ပထမတန်း)အဆင့်၊ ဝါသနာရှင်(ဒုတိယတန်း)အဆင့်၊ အဆင့်မြင့် ပညာအဆင့်၊ အခြေခံပညာ(အသက်၁၅နှစ်ပြည့်မှ ၂၀ နှစ်အတွင်း)အဆင့်၊ အခြေခံပညာ (အသက် ၁၀ နှစ်ပြည့်မှ ၁၅ နှစ်အတွင်း)အဆင့်၊ အခြေခံပညာ (အသက် ၅ နှစ်ပြည့်မှ ၁၀ နှစ် အတွင်း)အဆင့်များသတ်မှတ် ယှဉ်ပြိုင်ခဲ့ပါသည်။

    ယှဉ်ပြိုင်ခွင့်ပြုခဲ့သည့် ဘာသာရပ်များ

    မြန်မာတိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ စတင်ကျင်းပသည့် ၁၉၉၃ ခုနှစ် ပထမအကြိမ်ပြိုင်ပွဲတွင် အဆိုဘာသာရပ် ၁ မျိုး၊ အကဘာသာရပ် ၁ မျိုး၊ အရေး ဘာသာရပ် (အမျိုးသား/ အမျိုးသမီး)နှင့် အတီးဘာသာရပ် ၅ မျိုးကိုသာ ယှဉ်ပြိုင်ခဲ့၍ နှစ်စဉ်ဘာသာရပ်များတိုးမြှင့်ယှဉ်ပြိုင်ခဲ့ရာ ၂၂ ကြိမ်မြောက်ပြိုင်ပွဲတွင် အဆိုဘာသာရပ် ၃ မျိုး၊ အကဘာသာရပ် ၇ မျိုး၊ အရေးဘာသာရပ် (အမျိုးသား/အမျိုးသမီး)နှင့် အတီးဘာသာရပ် ၁၃ မျိုးကို ယှဉ်ပြိုင်ခဲ့ပါသည်။

    အမှတ်ပေးစနစ်

    မြန်မာတိုင်းရင်းသားတို့၏ ရိုးရာယဉ်ကျေးမှုအဆို၊ အက၊ အရေး၊ အတီးပြိုင်ပွဲအတွက် အမှတ်ပေးစနစ်မှာ သာမန်အထက်ဟုယူဆပါက ၇ မှတ်မှ ၉ မှတ်၊ သာမန်ဟုယူဆပါက ၄ မှတ်မှ ၆ မှတ်ပေးရန် သတ်မှတ်ထားပါသည်။ ဘာသာရပ်တစ်ခုလျှင် အကဲဖြတ်ရမည့် အရည်အချင်း သတ်မှတ်ချက် ၅ ချက်စီ သတ်မှတ်၍ အရည်အချင်း သတ်မှတ်ချက်တစ်ခုလျှင် အများဆုံး ပေးမှတ် ၉ မှတ်ဖြင့် စုစုပေါင်းပေးမှတ် ၄၅ မှတ် သတ်မှတ်ပါသည်။

  • မေး :
    ပြည်ထောင်စုသမ္မတမြန်မာနိုင်ငံတော်အစိုးရ၏ အမျိုးသားအဆင့် အွန်လိုင်းလိမ်လည်မှု အမြစ်ပြတ်နှိမ်နင်းရေးလုပ်ငန်းစဉ်များနှင့်ပတ်သက်၍ သတင်းစာရှင်းလင်းပွဲအမေး/အဖြေများ
    ဖြေ :

    (ယမန်နေ့မှအဆက်)

    People Media Agency မှ သတင်းထောက်ချုပ် ဦးကျော်စိုးဦးက ရှေ့တွင်လည်း မေးခွန်းက တော်တော်လေးစုံသွားပြီဖြစ်ကြောင်း၊ မိမိတို့ အွန်လိုင်းလိမ်လည်မှုနှင့်ပတ်သက်ပြီး Centre များကို ရန်ကုန်၊ မန္တလေး၊ မော်လမြိုင်အပါအဝင် စသည့်မြို့ကြီးများသို့ ရောက်မလာစေရန် နိုင်ငံတော်အနေဖြင့် မည်ကဲ့သို့စီမံထားပြီး မည်သို့ပြင်ဆင်ထားသည်ကိုသိလိုကြောင်း၊ ယင်းနေရာများတွင် ဖမ်းဆီးရမိခြင်းရှိ/မရှိ သိလိုကြောင်း မေးမြန်းသည်။

    ဗိုလ်ချုပ် ဇော်မင်းထွန်းက မည်သည့်နေရာမဆို မိမိတို့ဖမ်းဆီးနိုင်အောင် ဆောင်ရွက်လျက်ရှိကြောင်း၊ ထို့ပြင် မိမိတို့ထပ်ပြီးသတင်းပေးလိုသည်မှာ မြဝတီဒေသတွင်ရှိသည့် အွန်လိုင်းလိမ်လည် မှုနှင့်ပတ်သက်ပြီး ကွင်းဆက်လိုက်သည့်အခါတွင် မိမိတို့နိုင်ငံအတွင်းတွင်လည်း တချို့နေရာများတွင် ပျံ့နှံ့ရောက်ရှိနေသည်ကို သတင်းရရှိကြောင်း၊ တချို့လည်းပါဝင်ပတ်သက်နေသည့် သတင်းဆက် များလည်းရရှိကြောင်း၊ အချိန်တန်လျှင် ထုတ်ဖော်ပြောကြားသွားမည်ဖြစ်ကြောင်း၊ မိမိတို့ဆောင်ရွက် ဆဲလုပ်ငန်းဖြစ်သည့်အတွက်ကြောင့် ယခုအချိန်တွင် ထုတ်ဖော်ပြောကြားလျှင် လိုက်လံဆောင်ရွက် ရသူများအနေဖြင့် သတင်းကွင်းဆက်လိုက်ရသည်မှာ ခက်ခဲမည်ဖြစ်ကြောင်း၊ အချိန်တန်လျှင် သိရမည်ဖြစ်ကြောင်း ပြန်လည်ဖြေကြားသည်။

    Eleven Media Group သတင်းဌာနမှ အကြီးတန်းသတင်းထောက် ဦးအောင်မင်းသိန်းက အွန်လိုင်းလိမ်လည်မှုများသည် ပြည်သူကြားထဲတွင် ပုံစံ အမျိုးမျိုးနှင့် ပျံ့နှံ့နေကြောင်း၊ ဖုန်းထဲတွင် ဂိမ်းဆော့ခြင်းမျိုးသည်အဓိကအားဖြင့် ဖုန်းအော်ပရေတာများ၊ မိုလ်ဘိုင်းဖုန်းများကနေ သွားနေကြောင်း၊ အများပြည်သူကသိ၍ဖြစ်စေ၊ မသိ၍ဖြစ်စေ၊ အကယ်၍ အွန်လိုင်းပေါ်မှ လိမ်လည်ခံရမည်ဆိုလျှင် မည်သည့်နေရာကို အဓိကထားပြီး တိုင်ကြားရမည်၊ မည်ကဲ့သို့ လျင်လျင်မြန်မြန် ဆောင်ရွက်မှုရှိသည်ကိုသိလိုကြောင်း၊ ဖုန်းအော်ပရေတာများက ယခုအခန်း ကဏ္ဍတွင် အဓိကပါဝင်ပတ်သက်နေသောကြောင့် ဖုန်းအော်ပရေတာများနှင့် မည်သို့ပူးပေါင်း ဆောင်ရွက်ရန်ရှိသည်ကို သိလိုကြောင်း၊ ဆက်စပ်အနေဖြင့် အွန်လိုင်းလိမ်လည်ဖမ်းဆီးရမှုတွင် နိုင်ငံခြားသားများကို ၎င်းတို့၏သက်ဆိုင်ရာ နိုင်ငံအသီးသီးသို့ မြန်မာနိုင်ငံက လွှဲပြောင်းပေးနေသည် ကို တွေ့ရှိရကြောင်း၊ ယင်းလုပ်ငန်းများတွင်သိ၍ ဖြစ်စေ၊ မသိ၍ဖြစ်စေ၊ ဝင်ရောက်လုပ်ကိုင်ခဲ့သည့် မြန်မာနိုင်ငံသားများကို ဖမ်းဆီးရမိမှုရှိ/မရှိနှင့် ၎င်းတို့ကို မည်ကဲ့သို့မျိုးအရေးယူဆောင်ရွက်ထားသည်ကို ရှိရင်သိလိုပါကြောင်း မေးမြန်းသည်။

    အရေးယူသင့်ယူထိုက်သည့်သူများကို တည်ဆဲဥပဒေများနှင့်အညီအရေးယူ

    ရဲမှူးချုပ် ကျော်လင်းက ရှေ့တွင်လည်း အွန်လိုင်းလိမ်လည်မှုများ၊ အွန်လိုင်းဂိမ်းများ အသုံးပြုနေသည့် Facebook ၊ Telegram အကောင့် များနှင့် ပတ်သက်ပြီးဆောင်ရွက်ချက်များကို မိမိ ဖြေကြားခဲ့ကြောင်း၊ Facebook ၊Telegram ၊ Tiktok လူမှုကွန်ရက်အကောင့်ကို ပြန်ကြည့်မည်ဆိုလျှင် အများအားဖြင့် အကောင့်ဖွင့်ရာတွင် မှတ်ပုံတင် အတုများ၊ အခြားသူများ၏ မှတ်ပုံတင်များကို အသုံးပြုခြင်းဖြစ်ကြောင်း၊ အကောင့်ပိုင်ရှင်များ၏ ကိုယ်ရေးအချက်အလက်အမှန်ရရန် အခက်အခဲ အနည်းငယ်ရှိကြောင်း၊ မိမိတို့က ယင်းအကောင့်များနှင့် ဆက်စပ်နေသည့် တယ်လီဖုန်းများကို ပိတ်သိမ်းနိုင်ရေးအတွက် ပို့ဆောင်ရေးနှင့်ဆက်သွယ်ရေး ဝန်ကြီးဌာနနှင့် ပူးပေါင်းဆောင်ရွက်ရကြောင်း၊ ယနေ့အထိ ဆင်းကတ်ပေါင်း ၂၃၀၀ ကို ပိတ်ထားကြောင်း၊ ယင်းနှင့်တစ်ဆက်တည်း Pay အကောင့်များပိတ်သကဲ့သို့ဆက်စပ်နေသည့် Bank အကောင့်များကို စိစစ်ဖော်ထုတ်ရရှိခြင်းများရှိကြောင်း၊ ယခုချိန်အထိ Bank အကောင့်ပေါင်း ၁၄၉ ခုကို ဗဟိုဘဏ်နှင့်ဆက်သွယ်ပြီး ပိတ်သိမ်းခဲ့ကြောင်း၊ အွန်လိုင်းလိမ်လည်မှုနှင့်ပတ်သက်ပြီး ပြစ်မှုကျူးလွန်ခံရပြီး အလိမ်ခံရပြီဆိုလျှင် ပထမဦးဆုံး မိမိနေထိုင်သည့် သက်ဆိုင်ရာနယ်မြေရဲစခန်းတွင် အမှုဖွင့်တိုင်တန်းရန်လိုကြောင်း၊ သက်ဆိုင်ရာရဲစခန်းက အမှုဖွင့်ပြီးမှသာလျှင် ရဲစခန်းက ဆက်လက်စုံစမ်းဖော်ထုတ်ရမည်ဖြစ်ကြောင်း၊ မိမိတို့ဆက်လက် စုံစမ်းမှုလုပ်သည့်အခါတွင် လျင်လျင်မြန်မြန်နှင့် ထိထိရောက်ရောက်ဆောင်ရွက်နိုင်ရန်၊ ဆက်စပ်နေသည့် Bank အကောင့်များပိတ်ရန်၊ ဆင်းကတ် များပိတ်ရန်၊ နည်းပညာပိုင်းအရစိစစ်ရန် SOP များ ထုတ်ပေးပြီးဖြစ်ကြောင်း၊ မိမိတို့က အချိန်တိုအတွင်းတွင် ပေါင်းစပ်ဆောင်ရွက်နိုင်ရန် လုပ်ထားခြင်း ဖြစ်ကြောင်း၊ တချို့အမှုကိစ္စများတွင် ငွေကြေးပမာဏများပြားပြီး နည်းပညာပိုင်းအရလည်း စုံစမ်း ဖော်ထုတ်ရမည့် ကိစ္စရပ်များပါလာမည်ဆိုလျှင် မိမိတို့က CID ကို သီးခြားတာဝန်ပေးပြီး စုံစမ်းဖော်ထုတ်အရေးယူ ဆောင်ရွက်ခြင်းများလည်းရှိကြောင်း၊ အွန်လိုင်းလိမ်လည်မှုများနှင့်ပတ်သက်လာလျှင် သက်ဆိုင်ရာနယ်မြေရဲစခန်းကို အမြန်ဆုံးအမှုဖွင့်တိုင်ကြားရန် လိုအပ်ကြောင်း၊ အွန်လိုင်းလိမ်လည်သည့်လုပ်ငန်းတွင် ဖမ်းဆီးရမိသည့် နိုင်ငံခြားသားများနှင့်အတူ ဝင်ရောက်လုပ်ကိုင်နေသည့် မြန်မာနိုင်ငံသားများလည်းရှိကြောင်း၊ အွန်လိုင်းလိမ်လည်မှုတွင် ပါဝင်ပတ်သက်နေခြင်းရှိ/မရှိ၊ ခြံစောင့်၊ ထမင်းချက်၊ သန့်ရှင်းရေး အစရှိသဖြင့် မိမိတို့ကစိစစ်ပြီး အရေးယူသင့်ယူထိုက်သည့်သူ များကို တည်ဆဲဥပဒေများနှင့်အညီ အရေးယူဆောင်ရွက်ခြင်းများရှိကြောင်း ဖြေကြားသည်။

    Myanmar Hard Talk News မှ သတင်း အယ်ဒီတာ ဦးဥက္ကာက အွန်လိုင်းလိမ်လည်မှု များနှင့်ပတ်သက်ပြီး အဆောက်အအုံများကိုဖြိုချ ဖျက်ဆီးခြင်းများကို နိုင်ငံတကာကသိအောင်၊ ကမ္ဘာ ကသိအောင် ချပြထားခြင်းများလည်းရှိကြောင်း၊ ထိုအဆောက်အအုံများကို ဖြိုချရှင်းလင်းခြင်းသည် သက်သေခံပစ္စည်းများကို ဖျောက်ဖျက်ခြင်းဖြစ်သည်ဆိုပြီး ပြည်ဖျက်မီဒီယာများပြောနေသည်ကိုကြားရကြောင်း၊ ယင်းအပေါ်တွင် ဗိုလ်ချုပ်အနေဖြင့် မည်ကဲ့သို့ တုံ့ပြန်မည်ကို သိလိုကြောင်း၊ အွန်လိုင်းလိမ်လည်မှုကိစ္စများတွင် KNU အကြမ်းဖက်အဖွဲ့အနေဖြင့်မည်မျှထိ နက်နက်ရှိုင်းရှိုင်းပါဝင်ပတ်သက်နေသည်ကို အနည်းငယ်မျှ အကျယ်တဝင့် ရှင်းပြပေးစေလိုကြောင်း မေးမြန်းသည်။

    တစ်ကမ္ဘာလုံးကို ကြေညာပြီးလုပ်နေခြင်းဖြစ်

    ဗိုလ်ချုပ်ဇော်မင်းထွန်းက သက်သေခံပစ္စည်းကို ဖျောက်ဖျက်သည်ဆိုသည်မှာ ယင်းဧရိယာ အကျယ်ကြီးတွင် လုပ်ဆောင်နေသည့်ကိစ္စကို အမှန်တကယ် ကျူးလွန်ခဲ့ခြင်းရှိခဲ့လျှင် သက်သေခံပစ္စည်း ဖျောက်ဖျက်ရန် အလွန်ခဲယဉ်းပါကြောင်း၊ နေရာကျယ်သည်ကို ပြောလိုခြင်းမဟုတ်ကြောင်း၊ သက်သေခံပစ္စည်းနှင့်ပတ်သက်ပြီး သာမန်နိုင်ငံသူနိုင်ငံသားတစ်ယောက် တွေးခေါ်ခြင်းဖြင့် သိနိုင်ကြောင်း၊ လူမသိအောင်လုပ်လိုက်သည့် တစ်ဦးချင်းကျူးလွန်ခဲ့သည့် လူသတ်မှုကဲ့သို့ ပြစ်မှုများတွင် မျက်မြင်သက်သေမရှိသော်လည်း အချိန်တန်လျှင် သက်သေခံပစ္စည်းဆိုတာ ပေါ်လာကြောင်း၊ ပြည်ဖျက်မီဒီယာများက စွပ်စွဲပြောဆိုသည်ကို ပထမဆုံးတုံ့ပြန်ပြောဆိုလိုသည်မှာ အဓိပ္ပာယ်မရှိဟု ပြောလိုပါကြောင်း၊ နံပါတ်နှစ်အချက်သည် ၎င်းတို့က သာမန်ပြည်သူများတွေးသလောက် အတွေး အခေါ်ပင်မရှိသည့် အဖွဲ့အစည်းဟု မှတ်ချက်ပြုလိုကြောင်း၊ ၎င်းတို့အနေဖြင့် နိုင်ငံတော်ပျက်စီးရာ ပျက်စီးကြောင်းကို အမြဲရည်ရွယ်ပြောဆိုနေမည် ဖြစ်ကြောင်း၊ ထိုအဆောက်အအုံများကို ဖောက်ခွဲ ဖျက်ဆီးခြင်းကို မိမိတို့တိတ်တိတ်ဆိတ်ဆိတ် လုပ်နေခြင်းမဟုတ်ဘဲ ပေါ်တင်လုပ်နေခြင်းဖြစ် ကြောင်း၊ တစ်ကမ္ဘာလုံးကို ကြေညာပြီးလုပ်နေခြင်း ဖြစ်ကြောင်း၊ သတင်းထောက်ကြီးများ ဤအခန်း အတွင်းသို့ဝင်လာစဉ်က တွေ့လိမ့်မည်ဖြစ်ကြောင်း၊ သက်သေခံပစ္စည်းအဖြစ်အသုံးပြုခဲ့သည့်ဖုန်းများ၊ ကွန်ပျူတာများ၊ စာရွက်စာတမ်းများကို မြင်ခဲ့ကြ မည်ဖြစ်ကြောင်း၊ သက်သေခံပစ္စည်းကို ခင်းကျင်းပြသထားခြင်းဖြစ်ကြောင်း၊ ဖျောက်ဖျက်စရာ အကြောင်းမရှိကြောင်း၊ အဆောက်အအုံကို ဖျက်ဆီးခြင်းသည် နောက်နောင်မဖြစ်အောင်၊ မိမိတို့အစိုးရအနေဖြင့် စံနမူနာဖြစ်အောင် ပြခြင်းဖြစ်ကြောင်း၊ တချို့လည်းပြောကြကြောင်း၊ ထိုအဆောက်အအုံများကို မည်သို့အကျိုးရှိရှိ အသုံးချလိုက်လျှင် ကောင်းနိုင်သည်ဟု ပြောကြကြောင်း၊ မကောင်းဘူးဟု မိမိပြောလိုကြောင်း၊ အဘယ်ကြောင့်ဆိုသော် ထပ်ဝင်လာဦးမည်ဖြစ်ကြောင်း၊ မိမိတို့မြန်မာနိုင်ငံ၏ လက်နက်ကိုင်ပဋိပက္ခသည် လွတ်လပ်ရေးကစခဲ့ ခြင်းဖြစ်ကြောင်း၊ နှစ် ၇၀ ရှိပြီဖြစ်ကြောင်း၊ နယ်စပ် တစ်လျှောက်လုံးတွင် ဖြစ်နေခြင်းဖြစ်ကြောင်း၊ ငြိမ်းချမ်းရေးလမ်းကြောင်း လျှောက်လှမ်းရန် NCA နှင့် နိုင်ငံတကာပါဝင်ကြောင်း၊ သတင်းထောက်ကြီး များလည်း NCA ပွဲကို အကြိမ်ကြိမ်တက်ရောက်ခဲ့ပြီး ဖြစ်ကြောင်း၊ NCA ထက်ပိုကောင်းသည့်လမ်းကြောင်း မရှိကြောင်း၊ နိုင်ငံတကာကလည်း သဘောတူကြောင်း၊ ဖြောင့်ဖြူးနေအောင် လမ်းကြောင်းဖောက် ပေးသော်လည်း ထိုလမ်းကြောင်းကို မတက်ကြောင်း၊ တက်ပြီးသားသူကလည်း ဆူးတောထဲကိုသာ ဆက်တိုးမည်ဆိုသည့်ပုံစံမျိုးပဲဖြစ်ကြောင်း၊ ယင်းနယ်မြေဒေသကြီးသည် အမြဲတမ်းတည်ငြိမ် အေးချမ်းပြီး ၁၀၀ ရာခိုင်နှုန်း တရားဥပဒေစိုးမိုးရေး အပြည့်အဝရှိနိုင်လားဆိုသည့် သုံးသပ်ချက်အပေါ် တွင်လည်းမူတည်ကြောင်း၊ ထို့အတွက်ကြောင့် ပြန်လည်ပြီး မခိုအောင်းနိုင်ပါဘူးဆိုသည်ကို မယုံကြည်ပါကြောင်း၊ မယုံကြည်သည့်အတွက်ကြောင့် လက်စတုံးချေမှုန်း၍ မြေလှန်ဖောက်ခွဲ ဖျက်ဆီးခြင်းဖြစ်ကြောင်း၊ နံပါတ်နှစ်အနေဖြင့် ထိုကဲ့သို့ လုပ်လျှင် ထိုသို့ဖြစ်မည်ဟု ကမ္ဘာကိုလည်း တိတိလင်းလင်းပြောလိုကြောင်း၊ ထိုကဲ့သို့ လုပ်ဆောင်နေသည့် အဖွဲ့အစည်းများကိုလည်း တိတိလင်းလင်း ပြလိုကြောင်း၊ ထို့ကြောင့် မိမိတို့ လုပ်ဆောင်ရခြင်း ဖြစ်ကြောင်း ဖြေကြားသည်။

    ဆက်လက်၍ ဦးဥက္ကာက KNU ပါဝင်ပတ်သက် နေခြင်းနှင့်ပတ်သက်ပြီး ၎င်းတို့က မည်မျှထိပါဝင်ပတ်သက်နေသည်ကို တစ်ဆက်တည်းရှင်းပြပေးစေလိုကြောင်း မေးမြန်းသည်။

    အွန်လိုင်းလောင်းကစားမှုများ ဆက်ကြေးပေးပြီးလုပ်နေခြင်းဖြစ်

    ဗိုလ်ချုပ်ဇော်မင်းထွန်းက KNU နှင့်ပတ်သက် ပြီး Video ဖိုင်များနှင့်လည်း ပြသခဲ့ကြောင်း၊ KNU အနေနှင့်စာချုပ်များတွင် လက်မှတ်ထိုးထားမှုကိုလည်းပြသခဲ့ကြောင်း၊ သက်သေပြ၍ရသည့် အထောက်အထားများကိုပြသခဲ့ကြောင်း၊ ထိုင်းနှင့် မြန်မာနှစ်နိုင်ငံကြားထဲတွင် KNU အနေဖြင့် မည်ကဲ့သို့ပြဿနာဖြစ်ရန် လုပ်နေသည်ကို မိမိပြသခဲ့ကြောင်း၊ မြန်မာကပစ်သည့်လက်နက်ကြီး ထိုင်းနိုင်ငံတွင်ကျသည်ဟုဆိုကာ ၎င်းတို့ကိုယ်တိုင် ထိုင်းနိုင်ငံဘက်သို့ ပစ်ခတ်ခြင်းမျိုးရှိကြောင်း၊ ယင်းတို့ကိုလည်း ပြသခဲ့ကြောင်း၊ သတင်းထောက် ကြီးများ စဉ်းစားကြည့်စေလိုကြောင်း၊ KNU အနေ ဖြင့် နယ်စပ်ဒေသတစ်လျှောက် နေရာအနှံ့အပြား တွင်ရှိကြောင်း၊ ၎င်းတို့အနေနှင့် စခန်းများ ပေါ်တင် လုပ်ထားခြင်းမျိုးလည်းရှိကြောင်း၊ စိမ့်ဝင်နေသည့် နေရာများလည်းရှိကြောင်း၊ ထိုနေရာမျိုးတွင် လုပ်နေသည့် အွန်လိုင်းလောင်းကစားမှုများသည် ရှင်းရှင်းပြောပြရလျှင် ၎င်းတို့ကို ပိုက်ဆံမပေးဘဲနှင့်လုပ်၍ကိုမရကြောင်း၊ မြဝတီမြို့နားတွင်ကပ်နေပြီး မိမိတို့၏ ရဲတပ်ဖွဲ့ဝင်များသွား၍ရသည့် တရားဥပဒေစိုးမိုးမှု တစ်စိတ်တစ်ပိုင်းရှိသည်ဆိုသည့် နေရာမျိုးတွင်ပင် ၎င်းတို့ကို ပိုက်ဆံမပေးဘဲမရကြောင်း၊ ၎င်းတို့လွှမ်းမိုးနေသည့် နယ်မြေထဲတွင် အွန်လိုင်းလောင်းကစားမှု လုပ်နေသူများပင်မဆို ကရင်ပြည်သူအချင်းချင်းပင်လျှင် ၎င်းတို့ကို ဆက်ကြေးပေးပြီး ရပ်တည်ရကြောင်း၊ ကရင်ပြည်နယ်ထဲရှိ စီးပွားရေးလုပ်ငန်းလုပ်နေသည့် ကရင်ပြည်သူ လူထုကိုစိတ်ကြိုက်မေးကြည့်စေလိုကြောင်း၊ ထိုကဲ့သို့ဆက်ကြေးပေးပြီး လုပ်နေခြင်းဖြစ်သည့်အတွက် တရားမဝင်လုပ်ငန်းများ ယင်းနေရာတွင်ရှိသည်ကို KNU အနေဖြင့် မသိရှိဟုဆိုခြင်းသည် မဖြစ်နိုင်ကြောင်း၊ ၎င်းတို့ကို ဆက်ကြေးပေးပြီး လုပ်နေရခြင်းဖြစ်ကြောင်း ဖြေကြားသည်။

    CCTV သတင်းဌာနမှ ဒေါ်မြင့်မြင့်နွယ်က လက်ရှိ မြန်မာနိုင်ငံတွင် အွန်လိုင်းလောင်းကစားမှုများနှင့် အွန်လိုင်းလိမ်လည်မှုများ တိုက်ဖျက်နေသည်ကို တွေ့ရှိရကြောင်း၊ ဆက်လက်ပြီး မည်သည့်အစီအစဉ်များဖြင့် ဆောင်ရွက်သွားမည်၊ မည်သည့်အကျိုး ရလဒ်များ ထွက်ပေါ်လာမည်ကို သိလိုပါကြောင်း မေးမြန်းသည်။

    လုပ်ငန်းများကို မူဝါဒများအတိုင်း ပြတ်ပြတ်သားသားလုပ်ဆောင်သွားမည်

    ဗိုလ်ချုပ်ဇော်မင်းထွန်းက အွန်လိုင်းလိမ်လည် မှုတိုက်ဖျက်ရေးနှင့်ပတ်သက်ပြီး ပထမဦးဆုံးပူးပေါင်း ဆောင်ရွက်ခဲ့သည်မှာ တရုတ်နိုင်ငံနှင့် မြန်မာနိုင်ငံ ဖြစ်ကြောင်း၊ တရုတ်နိုင်ငံနှင့် မြန်မာနိုင်ငံ၏အွန်လိုင်း လောင်းကစားမှု တိုက်ဖျက်ရေးအခြေအနေသည် အတက်ကြွဆုံးနှင့် အလုပ်အဖြစ်ဆုံးအခြေအနေ ဖြစ်သည်ဟု ပထမဦးဆုံးပြောကြားလိုပါကြောင်း၊ ပူးပေါင်းဆောင်ရွက်မှုခိုင်မာသည့်အတွက် မြန်မာနိုင်ငံအနေဖြင့် တရုတ်နိုင်ငံ၏ပူးပေါင်းဆောင်ရွက်မှုကို အလေးထားတန်ဖိုးထားကြောင်းနှင့် ဆက်လက်ပြီး ခိုင်မာစွာပူးပေါင်းဆောင်ရွက်သွားမည်ဟု ကျေးဇူးတင်စွာ ပြောကြားလိုကြောင်း၊ ဒုတိယအချက်အနေဖြင့် ယနေ့သတင်းစာရှင်းလင်းပွဲတွင် မိမိတို့၏ လုပ်ဆောင်လျက်ရှိသည့် မူဝါဒများ၊ နည်းလမ်းများ ကိုပြောပြီးဖြစ်ပါကြောင်း၊ ယခုလိုလုပ်ဆောင်သည့်အခါ မိမိတို့မြန်မာနိုင်ငံတစ်နိုင်ငံတည်း လုပ်ဆောင် ၍ရသည့် လုပ်ငန်းများကို ဆောင်ရွက်သွားမည်ဖြစ် ကြောင်း၊ မိမိတို့တစ်နိုင်ငံတည်းမဟုတ်ဘဲ နိုင်ငံ တကာနှင့် ပူးပေါင်းဆောင်ရွက်ရမည့် လုပ်ငန်းများ ကို မူဝါဒများအတိုင်း ပြတ်ပြတ်သားသားလုပ်ဆောင်သွားမည်ဟု ပြောလိုကြောင်း၊ ထို့ကြောင့် အွန်လိုင်း လောင်းကစားမှု၊ အွန်လိုင်းလိမ်လည်မှုနှိမ်နင်းရေးနှင့်ပတ်သက်ပြီး နောက်ဖြစ်ပေါ်လာမည့် အကျိုး ရလဒ်သည် မြန်မာနိုင်ငံသူ နိုင်ငံသားများတင်မဟုတ်ဘဲ အိမ်နီးချင်းနိုင်ငံများ၊ ဒေသတွင်းနိုင်ငံများ၊ နိုင်ငံတကာအသိုင်းအဝိုင်းကပါ ကျေနပ်လောက်သည့် အနေအထားအထိ တိုးတက်လာနိုင်လိမ့်မည်ဟု မိမိအနေဖြင့် ပြောကြားလိုကြောင်း ဖြေကြားသည်။

    Xinhua News Agency မှ ဒေါ်အိမွန်ကျော်က မြန်မာနိုင်ငံပြည်တွင်းရှိ နိုင်ငံဖြတ်ကျော် အွန်လိုင်းလိမ်လည်မှုများကို ယခုထက် ပိုမိုထိရောက်သည့် လုပ်ဆောင်မှုများ တစ်ဆင့်တိုး၍ မည်သို့လုပ်ဆောင်သွားမည်ကို သိလိုပါကြောင်း၊ တရုတ်နိုင်ငံသားများ မြန်မာနိုင်ငံအတွင်း၌ ဘေးကင်းလုံခြုံမှုကို အာမခံပေးရန် မြန်မာအစိုးရအနေဖြင့် မည်ကဲ့သို့အသေးစိတ် အစီအမံများဆောင်ရွက်နေသည်ကို သိလိုကြောင်း မေးမြန်းသည်။

    ဗိုလ်ချုပ်ဇော်မင်းထွန်းက နိုင်ငံဖြတ်ကျော် ဆက်သွယ်ရေးလိမ်လည်မှုနှင့်ပတ်သက်၍ လုပ်ဆောင်မည့်အသေးစိတ်ကို ပြောကြားပြီးဖြစ်ကြောင်း၊ မိမိတို့အနေဖြင့် ဖြစ်ပေါ်လာသည့် အခြေအနေများ၊ နိုင်ငံတကာ၏ပူးပေါင်းဆောင်ရွက်မှုများ၊ မိမိတို့ဆောင်ရွက်ချက်များအပေါ် ဖြစ်ပေါ် လာသည့်အခြေအနေအပေါ်မူတည်ပြီး တစ်ဆင့်ချင်း တိုးတက်အောင်ဆောင်ရွက်သွားမှာ ဖြစ်ကြောင်း၊ ထို့ကြောင့် နိုင်ငံတကာပူးပေါင်းဆောင်ရွက်မှု၊ အိမ်နီးနားချင်းနိုင်ငံများနှင့် ပူးပေါင်းဆောင်ရွက်မှုများ များစွာလိုအပ်ကြောင်း၊ မိမိတို့ကိုယ်တိုင်လည်း ပူးပေါင်းဆောင်ရွက်သွားမည်ဖြစ်ကြောင်း၊ တရုတ်နိုင်ငံသားများ မြန်မာနိုင်ငံအတွင်း ဘေးကင်းလုံခြုံရေး အာမခံပေးမှုနှင့်ပတ်သက်၍ တရုတ်နိုင်ငံသား မှမဟုတ်ဘဲ မြန်မာနိုင်ငံအတွင်း နေထိုင်သည့် မည်သည့်နိုင်ငံသားမဆို ဘေးကင်းလုံခြုံရေးအတွက် မိမိတို့မြန်မာနိုင်ငံအစိုးရတွင် တာဝန်ရှိကြောင်း၊ တာဝန်ရှိသည်ဟုလည်းခံယူကြောင်းနှင့် ဆောင်ရွက် ပေးမည်ဖြစ်ကြောင်း၊ ထို့ပြင် မြန်မာနိုင်ငံနှင့် တရုတ်နိုင်ငံကြားတွင် ထူးခြားချက်အနေဖြင့် တရုတ်နိုင်ငံ ၏စီမံကိန်းများ မြန်မာနိုင်ငံတွင် များစွာရှိကြောင်း၊ လုပ်ဆောင်ပြီးသည့် စီမံကိန်းများ၊ မလုပ်ဆောင်ရသေးသည့် စီမံကိန်းများရှိကြောင်း၊ မကြာမီကာလတွင် အကောင်အထည်ဖော်မည့် စီမံကိန်းများ ရှိကြောင်း၊ အဆိုပါစီမံကိန်းများကို အကောင်အထည် ဖော်လုပ်ဆောင်နိုင်ရန် လုံခြုံမှုပိုရှိစေရေးလုပ်ဆောင် ပေးလျက်ရှိကြောင်း၊ အခြားနိုင်ငံများ၏ စီမံကိန်းများလည်းရှိကြောင်း၊ အိမ်နီးနားချင်းနိုင်ငံများမှ မြန်မာနိုင်ငံအတွင်း ရင်းနှီးမြှုပ်နှံထားသည့် စီမံကိန်းများလည်း ရှိပါကြောင်း၊ အဆိုပါစီမံကိန်းများသည်လည်း အလားတူပင်ဖြစ်ပါကြောင်း၊ စီမံကိန်းများ လုံခြုံရေးအတွက် အထူးအစီအစဉ်များကို မြန်မာနိုင်ငံအစိုးရအနေဖြင့် ဆောင်ရွက်လျက်ရှိကြောင်း၊ အချိန်တန်လျှင် သိရမည်ဖြစ်ကြောင်း၊ မိမိပြောလိုသည်မှာ ပို၍လုံခြုံမှုရှိသည့်၊ အာမခံချက်ရှိသည့်အခြေအနေတစ်ရပ် မလွဲမသွေဖြစ်ပေါ်လာမည်ဟု ပြောလိုပါကြောင်း ဖြေကြားသည်။

    BBC သတင်းဌာနမှ အကြီးတန်းသတင်းထောက် ကိုသန့်ဇင်ဦး က KK Park ရှိ အဆောက်အအုံများ ဖြိုချသည့်ကိစ္စနှင့်ပတ်သက်၍ ဆက်စပ်မေးခွန်းများကို မေးလိုပါကြောင်း၊ အဆောက်အအုံများကို ဖြိုချခြင်း၊ အဆောက်အအုံများကို မဖြိုချသေးဘဲ ရှိပြီးသားသက်သေများဖြစ်သည့် ကွန်ပျူတာများ၊ ဖုန်းများက ရရှိသည့်သက်သေများနှင့်အတူ နိုင်ငံတကာနှင့် ပူးပေါင်းဖော်ထုတ်လျှင် ပို၍ကောင်းမည်ဟုထင်မိကြောင်း၊ အမျိုးသားကာကွယ်ရေးနှင့်လုံခြုံရေးကောင်စီ၏ ပြောခွင့်ရသူသည် အမေရိကန် နိုင်ငံကဖွဲ့စည်းလိုက်သည့် Scam နှင့်ပတ်သက်သည့် အထူးအဖွဲ့နောက်တွင် Hidden Agenda ရှိသည် ဟုပြောထားကြောင်း၊ မည်သည့်အကြောင်းအရာ တစ်ခုခုသိရှိထားသည်ကို သိလိုပါကြောင်းမေးမြန်းသည်။

    ဗိုလ်ချုပ် ဇော်မင်းထွန်းက ဖြိုချဖျက်ဆီးမှုနှင့် ပတ်သက်၍ ပြောကြားပြီးဖြစ်သည့်အတွက် ထပ်မံမပြောလိုတော့ကြောင်း၊ အမေရိကန်နှင့် ပတ်သက်သည့် အကြောင်းအရာကိုသာ ပြောမည်ဖြစ်ကြောင်း၊ မိမိပြောခဲ့သည့် Hidden Agenda ဆိုသည်မှာ ၎င်းတို့၏ထုတ်ပြန်ချက်ကို လေ့လာကြည့်လျှင် သိနိုင်ပါကြောင်း၊ ၎င်းတို့၏ထုတ်ပြန်ချက်ထဲတွင် မိမိတို့နိုင်ငံနယ်စပ်ရှိ Online Scam နှင့်ပတ်သက်သည့် နေရာ ၂ နေရာကို ၎င်းတို့ရောက်ရှိစစ်ဆေးခဲ့သည်ဟုပါရှိကြောင်း၊ နံပါတ်(၁)မေးခွန်းအနေဖြင့် ၎င်းနေရာကို အမေရိကန်နိုင်ငံက မည်သူတွေက ရောက်တာလဲ။ မြန်မာအစိုးရပိုင်နက်ထဲ ရှိနေသည့် နေရာကို မည်သူက မည်သည့်နည်းဖြင့် ဝင်ရောက် တာလဲ။ မည်သူနှင့်ပူးပေါင်းဆောင်ရွက်တာလဲ။ သေချာသည်မှာ မိမိတို့အစိုးရနှင့် ပူးပေါင်းဆောင်ရွက်မှုမရှိပါကြောင်း၊ ထိုသို့ဆိုလျှင် ၎င်းတို့၏ အစီအစဉ်ကဘာလဲ။ ပြီးလျှင် ၎င်းတို့က Task Force အဖွဲ့ ဖွဲ့စည်းပြီးသည့်နောက်တွင် မိမိတို့နှင့်တရားဝင် ဆက်သွယ်ဆောင်ရွက်ခဲ့ခြင်းမရှိပါကြောင်း၊ ထူးခြား ချက်အနေဖြင့်တွေ့ရသည်မှာ တချို့ EAOs များ၏ ထုတ်ပြန်ချက်အနေဖြင့် အားလုံးလည်းတွေ့ရမှာ ဖြစ်ပါကြောင်း၊ BBC သတင်းဌာနအနေဖြင့်လည်း နိုင်ငံတကာသတင်းဌာန ဖြစ်သည့်အတွက် မြန်မာ အစိုးရ၏သတင်းကိုလည်း ဖော်ပြကြောင်း၊ EAOs များ၏ သတင်းကိုလည်း ဖော်ပြသည်ကို တွေ့ရမှာ ဖြစ်ကြောင်း၊ တချို့ EAOs များ၏ ထုတ်ပြန်ချက်အနေဖြင့် အမေရိကန်က ပို့လိုက်သည့် Task Forceနှင့် ၎င်းတို့ပူးပေါင်းဆောင်ရွက်ရန် လုပ်နေသည်ဆိုသည်ကို ထူးထူးခြားခြားတွေ့ရကြောင်း၊ ယင်းကိုလည်း ထုတ်ပြန်ထားပါကြောင်း၊ မိမိပြောသကဲ့သို့ နောက်ကွယ်တွင် တစ်ခုခုရှိလို့သာလျှင် ယခု အပြုအမူများ၊ အကြောင်းအရာများပေါ်လာသည်ဟု ထင်မြင်မိပါကြောင်း၊ ဤသည်မှာ မိမိပြောသည့် Hidden Agenda ဖြစ်ပါကြောင်း ဖြေကြားသည်။

    ဆက်လက်၍ BBC သတင်းဌာနမှ ကိုသန့်ဇင်ဦး က မနေ့က တရုတ်လက်ထောက်ဝန်ကြီးနှင့်အဖွဲ့ရောက်လာမှုနှင့်ပတ်သက်ပြီး ဆက်စပ်သည့်မေးခွန်း မေးလိုပါကြောင်း၊ တရုတ်ပြည်သူ့လုံခြုံရေးဝန်ကြီး ဌာနလက်ထောက်ဝန်ကြီးက အွန်လိုင်းငွေလိမ်လုပ်ငန်းများကို ဒေသတွင်းနိုင်ငံများနှင့် ပူးပေါင်းဆောင်ရွက်ရန်၊ ယင်းလုပ်ငန်းများကို အကြောင်းပြပြီး ပြည်ပစွက်ဖက်မှုများ လက်မခံဘူးဆိုသည့် ဆွေးနွေးချက်အပေါ် မြန်မာအစိုးရ၏တုံ့ပြန်ချက်ကို သိလိုပါကြောင်း မေးမြန်းသည်။

    ပြည်ပစွက်ဖက်မှုများကိုလက်မခံ

    ဗိုလ်ချုပ် ဇော်မင်းထွန်းက မြန်မာအစိုးရ၏ တုံ့ပြန်ချက်မှာ တရုတ်နိုင်ငံနှင့် မြန်မာနိုင်ငံ၏ အွန်လိုင်းလိမ်လည်မှုတိုက်ဖျက်ရေးအဖွဲ့သည် နိုင်ငံ တကာအွန်လိုင်းလိမ်လည်မှု တိုက်ဖျက်ရေးအဖွဲ့ တွင် ပထမဦးဆုံး ပေါ်ပေါက်ခဲ့သည့်အဖွဲ့ဖြစ်ပါကြောင်း၊ ထပ်ပြီးပြောရလျှင် လက်တွေ့အလုပ် အဖြစ်ဆုံးနှင့် အထိရောက်ဆုံးအဖွဲ့ဖြစ်ပါကြောင်း၊ ထို့ကြောင့် မိမိတို့အနေဖြင့် ဆက်လက်ပြီးတော့ ပူးပေါင်းဆောင်ရွက်သွားမှာဖြစ်ပါကြောင်း၊ ပြည်ပစွက်ဖက်မှုများကို လက်မခံပါကြောင်း၊ ပြည်ပစွက်ဖက်မှုဆိုသည့်အပိုင်းတွင် တရုတ်နိုင်ငံအနေဖြင့် မြန်မာနိုင်ငံ၏ အိမ်နီးနားချင်းနိုင်ငံဖြစ်သည့်အတွက် ၎င်းတို့၏ တွေ့ရှိချက်များကို သံတမန်ဆက်ဆံရေးမှာ မိမိတို့အား ပြောရသည်များရှိပါကြောင်း၊ မိမိတို့ အနေဖြင့်လည်း မိမိတို့၏တွေ့ရှိချက်များကို ပြောရ သည်လည်းရှိပါကြောင်း၊ တရုတ်-မြန်မာ နှစ်နိုင်ငံ တည်းမဟုတ်ဘဲ၊ မြန်မာ-အိန္ဒိယ ဆက်ဆံရေး၊ မြန်မာ-ထိုင်း ဆက်ဆံရေးတို့တွင်လည်း ယခုကဲ့သို့ ပင်ဖြစ်ပါကြောင်း၊ မြန်မာ-ဘင်္ဂလားဒေ့ရှ် ဆက်ဆံရေး၊ မြန်မာ-လာအို ဆက်ဆံရေးများတွင်လည်း ထိုကဲ့သို့ပင်ရှိပါကြောင်း၊ အိမ်နီးနားချင်းနိုင်ငံ တစ်နိုင်ငံ၏ မတည်ငြိမ်မှုသည် ကျန်အိမ်နီးနားချင်း နိုင်ငံများမှာလည်း မလွဲမသွေခံစားရမည်ဖြစ်ကြောင်း၊ မိမိတို့မြန်မာနိုင်ငံ၏ မတည်ငြိမ်မှုသည်လည်း မိမိတို့၏ အိမ်နီးနားချင်းနိုင်ငံများအနေဖြင့် မလွဲမသွေ အနည်းနှင့် အများရိုက်ခတ်မှုရှိနိုင်ကြောင်း၊ ထိုင်းနိုင်ငံ၏ မတည်ငြိမ်မှုတစ်ခုရှိခဲ့လျှင်လည်း မိမိတို့ မြန်မာနိုင်ငံမှာ ရိုက်ခတ်မှုရှိနိုင်ပါကြောင်း၊ ထို့ကြောင့် မိမိတို့၏သတင်းဖလှယ်မှုသည် မိမိတို့ကြားသိရ သည့် အရာမှန်သမျှကို ဖလှယ်နေရခြင်းဖြစ်ကြောင်း၊ တခြားသော အိမ်နီးနားချင်းနိုင်ငံများအနေဖြင့်လည်း ၎င်းတို့ ကြားသိရသည့် သတင်းများကို မိမိတို့နှင့် သတင်းဖလှယ်နေရကြောင်း၊ ထိုကဲ့သို့ သတင်းဖလှယ်မှုနှင့်ပတ်သက်ပြီး မိမိတို့မြန်မာအစိုးရ၏ သဘောထားမှာ သတင်းဖလှယ်မှုများသည် ဂရုပြု လုပ်ဆောင်ရမည်၊ မိမိတို့၏ပူးပေါင်းဆောင်ရွက်မှု တွင် အလေးထားရမည်ဟု သဘောထားကြောင်း ဖြေကြားသည်။

    ဂျပန်နိုင်ငံ Sankei Shimbun သတင်းစာမှ ဌာနေသတင်းထောက် ဒေါက်တာဇော်သန်း က နိုင်ငံတော်အစိုးရအနေဖြင့် အမျိုးသားအဆင့် အွန်လိုင်းလိမ်လည်မှုကို အမြစ်ပြတ်နှိမ်နင်းရေးအတွက် စွမ်းစွမ်းတမံဆောင်ရွက်နေသည့်အချိန်တွင် အမေရိကန်က Special Striking Force ဆိုပြီး Online Scam ကို နှိမ်နင်းဖို့အဖွဲ့ ဖွဲ့လိုက်သည်ကို ကြားသိရပါကြောင်း၊ ရည်ရွယ်ချက်ချင်းအတူတူ ရဲချုပ်ကြီး အမိန့်ရှိသလို မူးယစ်ဆေးဝါးနှင့်ပတ်သက်၍လည်း အမေရိကန်က မြန်မာနိုင်ငံအစိုးရနှင့် ပူးပေါင်းဆောင်ရွက်မှုများရှိသည်ကို သိရှိရပါကြောင်း၊ Online Scam လိမ်လည်မှုနှိမ်နင်းရေးမှာ အမေရိကန်အစိုးရ၏ Special Striking Force က မြန်မာနိုင်ငံအစိုးရနှင့် ပူးပေါင်းဆောင်ရွက်မည်ဟူသည့် ကမ်းလှမ်းချက်များရှိပါက လက်ခံဖို့ ရှိ/မရှိ သိလိုပါကြောင်း မေးမြန်းသည်။

    ဗိုလ်ချုပ် ဇော်မင်းထွန်းက မိမိတို့ မြန်မာနိုင်ငံအစိုးရ၏မူဝါဒမှာ မိမိတို့နိုင်ငံနှင့် မိမိတို့ပြည်သူ လူထု၏ကောင်းကျိုးကို လိုလားသည့်မည်သည့် အဖွဲ့အစည်းကိုမဆို မိမိတို့အနေဖြင့် ပူးပေါင်းဆောင်ရွက်သွားရန်အတွက် အသင့်ရှိနေပါကြောင်း၊ နံပါတ်(၁)အနေဖြင့် မိမိတို့ပြည်သူ၊ နံပါတ်(၂)က မိမိတို့နိုင်ငံကောင်းကျိုးကို လိုလားရမည်ဖြစ်ပါကြောင်း၊ ထိုကဲ့သို့မဟုတ်ပါက မိမိတို့အနေဖြင့် နိုင်ငံတကာလုပ်ထုံးလုပ်နည်းများနှင့်အညီ မိမိတို့နိုင်ငံ၏အချုပ်အခြာအာဏာကိုကြည့်ပြီး ဆောင်ရွက်သွားမည်ဖြစ်ကြောင်း ဖြေကြားသည်။

    The Statesman Journal မှ အယ်ဒီတာချုပ် ဦးကျော်မျိုးမင်းက ဗိုလ်ချုပ်တို့ ခုနက မတ်တပ်ရပ်ပြီး ပြည်သူလူထုကို မေတ္တာရပ်ခံပြောတာလေးလည်း ချီးကျူးပါကြောင်း၊ ဂုဏ်ပြုပါကြောင်း၊ ဝမ်းသာပါကြောင်း၊ ဗိုလ်ချုပ်တို့ ကြွေးကြော်သွားတာလေးလည်း တော်တော်ကောင်းပါကြောင်း၊ အွန်လိုင်း လိမ်လည်မှုအမြစ်ဖြတ်နှိမ်နင်းရေးဆိုသည့်အတွက် အမြစ်ပြတ်မယ်လို့လည်း မျှော်လင့်ပါကြောင်း၊ လက်ရှိမှာ Online Scam ကိစ္စသည် အမေရိကန်ရော၊ တရုတ်ရော ခြေရှုပ်လာပြီးတော့ နှစ်ဖက်လုံး Political အရပါ ကစားလာခဲ့ကြောင်း၊ Online Scamming Issue က Political Issue အဖြစ်နှင့် တဖြည်းဖြည်း ပြောင်းလဲလာပြီးနောက် တိုင်းပြည်၏ ကံကြမ္မာအထိပါ အပြောင်းအလဲဖြစ်သွားနိုင်သည်အထိ တချို့ကိစ္စများရှိနေသည်ဆိုသည့် Information များရှိသည့်အခါ ပြည်သူလူထုကို ယခု Issue ကနေ မြန်မာအစိုးရအနေဖြင့် မည်သည့်သတင်းစကားများ ပါးလိုပါသလဲ။ Online Scam တွင်တိုက်ရိုက်ဖြစ်စေ၊ သွယ်ဝိုက်ဖြစ်စေ၊ သိ၍ဖြစ်စေ၊ မသိ၍ဖြစ်စေ ပတ်သက်မိနေသူများ၊ ထိုင်းမှာလည်း ထိုင်းအစိုးရ အာဏာပိုင်တွေ ရှိနေသကဲ့သို့၊ ကမ္ဘောဒီးယား၊ လာအိုမှာလည်း အာဏာပိုင်အကြီးအကဲတွေထိ ပတ်သက်မှုများ ကြီးကြီးမားမားရှိနေပါကြောင်း၊ သိသည်ဖြစ်စေ၊ မသိသည်ဖြစ်စေ၊ မတော်တဆဖြစ်စေ ပတ်သက်မိနေသည့် Issue အားလုံးက တိုင်းပြည်တစ်ခုလုံးကို ရှုပ်ယှက်ခတ်သွားနိုင်သည် ဟု မြင်မိပါကြောင်း၊ ၎င်းတို့အားလုံးကို မည်သည့်သတင်းစကားပေးလိုပါသလဲ။ မိမိတို့နယ်စပ်တစ်လျှောက်တွင်ရှိသည့် EAOs များက Online Scam နှင့်ပတ်သက်ပြီး တိုက်ရိုက်ဖြစ်စေ၊ သွယ်ဝိုက်ဖြစ်စေ၊ သိ၍ဖြစ်စေ၊ မသိ၍ဖြစ်စေ ပတ်သက်ခဲ့ကြကြောင်း၊ ၎င်းတို့အားလုံးကိုရော မည်သို့သော သတင်းစကားပေးလိုသည်ကို သိလိုကြောင်း မေးမြန်းသည်။

    EAOs အဖွဲ့များကိုလည်း လမ်းအမှန်ကို ပြန်လည်လျှောက်လှမ်းကြရန် တိုက်တွန်းလို

    ဗိုလ်ချုပ် ဇော်မင်းထွန်းက ယခုမေးခွန်းနှင့် မဆိုင်သည့် အခြေအနေလေးတစ်ခုကို ပြောကြားလိုပါကြောင်း၊ မီဒီယာများပြောကြားချိန်တွင် မိမိတို့က ဖမ်းဆီးရမိသူများကိုသာ အဓိကထားပြီး ပြောကြားရာ တရုတ်နိုင်ငံသား၊ တခြားတစ်ဖက်က ထိုင်းနိုင်ငံသားဆိုပြီးပြောကြကြောင်း၊ ယင်းနှင့်ပတ်သက်၍ မီဒီယာများကို အသိပေးပြောကြား လိုသည်မှာ ယခုကိစ္စသည် နိုင်ငံတကာဖြတ်ကျော်မှု ရာဇဝတ်မှုပုံစံ၊ နိုင်ငံပေါင်းစုံက မသမာသူများ ပူးပေါင်းဆောင်ရွက်နေသည့် ပုံစံဖြစ်သော International Organize Crime ဆိုသည့် ပုံစံဖြစ်ပါကြောင်း၊ မိမိတို့ မီဒီယာများအနေဖြင့် ယင်းကိစ္စကို ပြောကြားရာတွင် လူမျိုးတစ်မျိုး၊ နိုင်ငံတစ်နိုင်ငံ တည်းကိုသာ အပြစ်ပုံမချသင့်ကြောင်း၊ ယင်းသည် International Issue ဖြစ်ကြောင်း၊ ထိုသို့အပြစ်ပုံချလျှင် ဥပမာ- မိမိတို့ မြန်မာနိုင်ငံသော်လည်းကောင်း၊ ထိုင်းနိုင်ငံ၊ တရုတ်နိုင်ငံသော်လည်းကောင်း အပြစ်ပုံချရုံနှင့် ထိုကိစ္စပြီးသွားမည်မဟုတ်ကြောင်း၊ ယင်းသည် International Crime ဖြစ်ကြောင်း၊ မိမိတို့နိုင်ငံအားလုံး၊ အဖွဲ့အစည်းအားလုံး ပူးပေါင်းဆောင်ရွက်သွားရန်လိုကြောင်း၊ သတင်းထောက် ကြီးပြောခဲ့သည့်အတိုင်း တိုင်းပြည်၏ကံကြမ္မာကို ပြောင်းပစ်နိုင်သည်ဆိုတာ မှန်ကန်ပါကြောင်း၊ မိမိတို့သိပြီးသားဖြစ်သည့် အရှေ့မြောက်ဒေသတွင် မည်သို့ဖြစ်ခဲ့သလဲ။ အမျိုးစားပေါင်းစုံ၊ အကြောင်း အရာပေါင်းစုံရှိမည်ဖြစ်ကြောင်း၊ သို့သော်လည်း သတင်းထောက်ကြီးတို့သိပြီးသား ကိစ္စဖြစ်သည့် ၁၀၂၇ စစ်ဆင်ရေးဆိုသည်မှာ အွန်လိုင်းလိမ်လည်မှုကို တိုက်ဖျက်ရန်ဆိုသည့် ခေါင်းစဉ်နှင့်လာခြင်း ဖြစ်ကြောင်း၊ ထိုခေါင်းစဉ်၏နောက်ကွယ်တွင် အကြောင်းမျိုးစုံရှိမည်ဖြစ်ကြောင်း၊ မည်မျှလောက် အထိဖြစ်သွားသည်ကို မီဒီယာများအနေဖြင့် မြင်ပြီးသားဖြစ်ကြောင်း၊ မိမိတို့အနေဖြင့် သတင်းစာရှင်းလင်းပွဲများ အကြိမ်ကြိမ်လုပ်ခဲ့ပြီးဖြစ်ကြောင်း၊ ပြင်ဦးလွင်မှ စစ်ဘေးရှောင်မည်မျှ ရန်ကုန်ကို ရောက်လာပါသလဲ။ ယင်း၏နောက်ဆက်တွဲဖြစ်သည့် မိုးကုတ်မှ စစ်ဘေးရှောင်မည်မျှ ရန်ကုန်ကို ရောက်လာပါသလဲ။ ယင်းတို့ကို မိမိတို့အနေဖြင့် ပြန်လည်ဖြေရှင်းနေရခြင်းဖြစ်ကြောင်း၊ ဤနေရာတွင် မိမိတို့အနေဖြင့်ပြောလိုသည်မှာ အွန်လိုင်းလိမ်လည်မှုကို နိုင်ငံတကာက မုန်းပါသည်ဟုပြောလျှင်၊ ၎င်းတို့မုန်းသည်ထက် မိမိတို့အစိုးရက ခါးခါးသီးသီးမုန်းပါကြောင်း၊ စစ်ဘေးရှောင်နေရသည့် ပြည်သူလူထုတချို့ရှိပါကြောင်း၊ ထိုပြည်သူလူထုကို မေးကြည့်၍ရနိုင်ပါကြောင်း၊ ၎င်းတို့ မည်မျှလောက်မုန်းနေမည်လဲ။ ထို့ကြောင့် မိမိပြောလိုသည်မှာ ယင်းအရာများကို မိမိတို့အနေဖြင့် တိုက်ဖျက်နေရမှာဖြစ်ကြောင်း၊ သိသည်ဖြစ်စေ၊ မသိသည် ဖြစ်စေ ပတ်သက်မှုများစွာရှိနိုင်မည်ဖြစ်ကြောင်း၊ အရှေ့မြောက်ဒေသတွင်လည်း သိသည်ဖြစ်စေ၊ မသိသည်ဖြစ်စေ ပတ်သက်နေသည့်သူများ ရှိနိုင် မှာပဲဖြစ်ကြောင်း၊ မိမိတို့အစိုးရအဖွဲ့အစည်းထဲတွင် လည်းရှိကြောင်း၊ တိုင်းဒေသကြီး၊ ပြည်နယ်အစိုးရ အဖွဲ့အစည်းများတွင်လည်းရှိကြောင်း၊ မိမိတို့အနေဖြင့် အရေးယူပြီးပြီဖြစ်ကြောင်း၊ တော်တော်ကြီးကြီးမားမားကို အရေးယူဆောင်ရွက်ထားခြင်းရှိကြောင်း၊ အလားတူပင်မိမိတို့ အိမ်နီးနားချင်းနိုင်ငံများမှာလည်း ၎င်းတို့၏သတင်းများကိုထုတ်ပြန်သည်ဖြစ်စေ၊ မထုတ်ပြန်သည်ဖြစ်စေ အရေးယူရသည်များရှိပါကြောင်း၊ အစိုးရအဖွဲ့အစည်းများတွင် ပါဝင်နေသည့်လူများ ကိုယ်တိုင်ကပင် အွန်လိုင်းလိမ်လည် မှုလုပ်ဆောင်နေမှန်းမသိကြပါကြောင်း၊ အပေါ်ယံဖုံးကွယ်ထားသည်များ အများအပြားရှိကြောင်း၊ ထို့ကြောင့် မိမိတို့ပြောလိုသည်မှာ သိသည်ဖြစ်စေ၊ မသိသည်ဖြစ်စေ မိမိတို့အနေဖြင့် ဆက်လက်ပြီး အရေးယူဆောင်ရွက်သွားရမည်ဖြစ်ကြောင်း၊ မိမိပြောလိုသည်မှာ မကောင်းသည့်သွေးများကို ဖောက်ထုတ်ရမည်ဖြစ်ကြောင်း၊ ဆူးစူးခြင်းကြောင့် ပြည်တည်တည်၊ ခလုတ်တိုက်ခြင်းကြောင့် ပြည်တည်တည်၊ ဗိုင်းရပ်ပိုးဝင်ခြင်းကြောင့် ပြည်တည်တည်၊ ပြည်တည်ပြီဆိုလျှင်တော့ ဖောက်ထုတ်ရမည်ဖြစ်ကြောင်း၊ ဖောက်မထုတ်၍လည်း မရနိုင်ပါကြောင်း၊ နောက်တစ်ချက်အနေဖြင့် EAOs များနှင့် ပတ်သက်၍ ပွင့်ပွင့်လင်းလင်းပြောရမည်ဆိုလျှင် ၎င်းတို့သည် တိုင်းရင်းသားအရေး၊ လူမျိုးအရေး၊

    ဖယ်ဒရယ်အရေးဟူ၍ အကြောင်းပြချက်ပေါင်း များစွာပေးကြောင်း၊ လက်တွေ့တွင် ၎င်းတို့၏ စီးပွားရေးသာ လုပ်ကိုင်နေကြခြင်းဖြစ်ကြောင်း၊ မြေရှားထွက်သော နေရာများတွင် မြေရှားများကို ခိုးထုတ်မည်ဖြစ်ကြောင်း၊ ရေနံထွက်သော နေရာဆို လျှင်လည်း ရေနံများ ခိုးထုတ်မည်ဖြစ်ကြောင်း၊ သစ်ထွက်သောနေရာများတွင်လည်း သစ်ခိုးထုတ် နေမည်သာဖြစ်ကြောင်း၊ ၎င်းတို့အဖွဲ့အစည်း ရပ်တည်ရေးဟု ပြောမည်ဖြစ်ကြောင်း၊ ၎င်းတို့အဖွဲ့အစည်းရပ်တည်ရေးဟုဆိုလျှင် ၎င်းတို့အဖွဲ့အစည်း၏ လက်အောက်တွင်ရှိသောအဖွဲ့ဝင်များ၊ ပြည်သူလူထုများသည် မည်မျှပြောင်ပြောင်ရောင်ရောင် ဖြစ်နေ၊ ချမ်းသာနေပါသလဲ။ မိမိအနေဖြင့် ပွင့်ပွင့်လင်းလင်းပြောမည်ဆိုလျှင် ကချင်ပြည်နယ်အတွင်း မှာ KIA မှ ဖောက်လုပ်ပေးထားသော ပြည်ထောင်စုလမ်းမကြီးများမည်မျှရှိသနည်း။ ရထားလမ်းများလည်း မည်သည်လောက်ထိရှိသနည်း။ ထိုကဲ့သို့ပင် ကရင်ပြည်နယ်အတွင်းမှာလည်း KNU မှ ဖောက်လုပ် ပေးထားသည့် ပြည်ထောင်စုလမ်းမကြီးများ မည်မျှခန့်ရှိသနည်း။ ရထားလမ်းများလည်း မည်မျှရှိသနည်း။ ပြည်သူလူထုများ နေထိုင်နိုင်ရန်အတွက် လူနေအိမ်များမည်မျှရှိပါသနည်း။ သို့သော်လည်း ထိုနေရာများတွင်ရှိသည့် အရာများကို ၎င်းတို့ အနေဖြင့် ရယူခံစားနေကြခြင်းဖြစ်ကြောင်း၊ ထို့ကြောင့် EAOs များကို မိမိတိုက်တွန်းလိုသည်မှာ NCA ဟူသောလမ်းကြောင်းသည် ရှိနေပြီးသား ဖြစ်ကြောင်း၊ NCA ကို မိမိတို့ရေးဆွဲထားခြင်းမဟုတ် ကြောင်း၊ EAOs အဖွဲ့များကသာ နိုင်ငံတကာအသိုင်း အဝိုင်းများအပါအဝင် ပထမဆုံးရေးဆွဲထားခြင်း ဖြစ်ကြောင်း၊ အခိုင်အမာရှိနေသည့် NCA လမ်းကြောင်းပေါ်မှ သူတစ်ပါး၏သွေးထိုးလှုံ့ဆော်မှုများကြောင့် မည်သည့်အတွက် ဆင်းချင်ရပါသလဲ၊ NCA လမ်းကြောင်းပေါ်တွင်ရှိနေပါက နိုင်ငံတကာ၏ အကာအကွယ်၊ နိုင်ငံတော်၏ အကာအကွယ်၊ ပြည်သူလူထု၏အကာအကွယ်ကို ရရှိနိုင်ကြောင်း၊ ထိုလမ်းကြောင်းပေါ်မှ ဆင်းချင်သည်ကို မိမိအနေဖြင့် အံ့ဩမဆုံးဖြစ်ရပါကြောင်း၊ မိမိအနေဖြင့် တိုက်တွန်းလိုသည်မှာ ပြည်သူလူထုများသည် မိမိတို့နှင့် အပြည့်အဝပူးပေါင်းဆောင်ရွက်ရန်လိုကြောင်း၊ နံပါတ်တစ်အချက်အနေဖြင့် အွန်လိုင်း လိမ်လည်မှုများနှင့်ပတ်သက်၍ ပုန်းကွယ်ရာမပေးကြရန်၊ မသိချင်ယောင်မဆောင်ကြရန်၊ မိမိတို့ နိုင်ငံတော်အစိုးရအနေဖြင့်လည်း ယခုလုပ်ငန်းစဉ်များကို ပူးပေါင်းဆောင်ရွက်သွားမည်ဖြစ်ကြောင်း၊ ပါဝင်ပတ်သက်နေသည့် EAOs အဖွဲ့များကိုလည်း လမ်းအမှန်ကို ပြန်လည်လျှောက်လှမ်းကြရန် တိုက်တွန်းလိုပါကြောင်း ပြောကြားသည်။

    NHK ဂျပန်ရုပ်မြင်သံကြားဌာနမှ ဒေါ်ခင်မိုမိုမြင့်က ရွေးကောက်ပွဲနှင့်ပတ်သက်၍ နိုင်ငံတကာ လူ့အဖွဲ့အစည်းများမှ ယခုရွေးကောက်ပွဲသည် တရားမျှတမှုမရှိဘဲ အတင်းအကျပ်လုပ်ဆောင်နေသည်ဟု ဝေဖန်နေပါကြောင်း၊ ယင်းအချက်နှင့် ပတ်သက်၍ဖြေကြားပေးစေလိုပါကြောင်း၊ ယင်းဝေဖန်မှုကို မည်ကဲ့သို့ထင်မြင်ယူဆပါသလဲ၊ ယခုရွေးကောက်ပွဲသည် လွတ်လပ်ပြီးတရားမျှတသည့် ရွေးကောက်ပွဲဖြစ်မည်ဟု ထင်ပါသလား သိလိုကြောင်း မေးမြန်းသည်။

    ဗိုလ်ချုပ် ဇော်မင်းထွန်းက ပြန်လည်ဖြေကြားရာတွင် တော်တော်မြင့်သည့် စကားလုံးဟု ပြောရမည် ဖြစ်ကြောင်း၊ ယခုမေးခွန်းကို ပြန်လည်မဖြေကြားမီ မိမိအနေဖြင့် အရင်မေးခွန်းတစ်ခု မေးမြန်းလိုပါကြောင်း၊ သတင်းထောက်ကြီးမေးတဲ့ နိုင်ငံတကာလူ့အဖွဲ့အစည်းစံနှုန်းဆိုသည်မှာ ဘာလဲ၊ NHK သတင်းဌာနက သတ်မှတ်ထားသည့် နိုင်ငံတကာ လူ့အဖွဲ့အစည်းဆိုတာ ဘယ်လိုစံနှုန်းလဲဆိုသည်ကို မိမိအနေဖြင့် မေးခွန်းထုတ်လိုကြောင်း၊ မိမိတို့ မြန်မာနိုင်ငံ၏လူ့အဖွဲ့အစည်းများကို NHK သတင်း ဌာနက ပေမမီ ဒေါက်မမီ၊ ကျပ်မပြည့်တဲ့လူ့အဖွဲ့ အစည်းဖြစ်သည်ဟု ယူဆပါသလား၊ ထိုကဲ့သို့မဟုတ်ဘူးထင်ကြောင်း၊ ထိုသို့ယူဆပါက ထိုယူဆချက်ကို ပထမဆုံးပြင်စေလိုကြောင်း၊ ရွေးကောက်ပွဲကို အတင်းအကျပ်လုပ်စရာမလိုကြောင်း၊ မိမိအပါအဝင် သတင်းထောက်ကြီးနှင့် ပြည်သူလူထုများပါ မြင်တွေ့နေတာဖြစ်ကြောင်း၊ ရွေးကောက်ပွဲကို အတင်းအကျပ်လုပ်၊ တုတ်နဲ့ရိုက်၍ မဲလာမထည့်မနေရ၊ ရွေးကောက်ပွဲကို မထောက်ခံဘဲမနေရဟူ၍ မလုပ်ထားပါကြောင်း၊ လုပ်စရာလည်းအကြောင်း မရှိပါကြောင်း၊ ရွေးကောက်ပွဲနှင့်ပတ်သက်၍ ပြည်သူလူထုသိရှိအောင် နေ့စဉ်ထုတ်လွှင့်နေပါကြောင်း၊ ရွေးကောက်ပွဲကို ပြည်သူလူထု ဘယ်လောက်ထိ လိုလားတယ်ဆိုသည်ကို သိနိုင်ကြောင်း၊ မလိုလားတဲ့ ပြည်သူလူထုလည်းရှိနိုင်သည်ကို မိမိ အနေဖြင့် မငြင်းလိုပါကြောင်း၊ လိုလားတဲ့ပြည်သူ လူထုက ပို၍များနိုင်သည်ဟု ပြောကြားလိုပါ ကြောင်း၊ နောက်တစ်ခုအနေဖြင့် ရွေးကောက်ပွဲသည် မြန်မာနိုင်ငံ၏ ပြည်သူလူထုအတွက် ဆောင်ရွက် ခြင်းဖြစ်ကြောင်း၊ နိုင်ငံတကာအတွက် လုပ်ဆောင် နေခြင်းမဟုတ်ကြောင်း၊ မြန်မာနိုင်ငံအတွက် အစိုးရတာဝန်ပေးရန် ဆောင်ရွက်ခြင်းဖြစ်ကြောင်း၊ ထို့ကြောင့်ရွေးကောက်ပွဲနှင့်ပတ်သက်၍ မိမိပြောလိုသည်မှာ ရွေးကောက်ပွဲသည် မြန်မာပြည်သူလူထုကို ဗဟိုပြုသည့် ရွေးကောက်ပွဲဖြစ်ပါကြောင်း၊ မြန်မာပြည်သူလူထု မဲပေးနိုင်ရေးသည်သာ အရေးကြီးကြောင်း၊ နိုင်ငံတကာက ကျေနပ်သည်ဖြစ်စေ၊ မကျေနပ်သည်ဖြစ်စေ အရေးမပါကြောင်း၊ မိမိတို့ ရွေးကောက်ပွဲကို မိတ်ဖက်နိုင်ငံများက ကူညီပေးခြင်း၊ ထောက်ခံပေးခြင်းများရှိကြောင်း၊ မြန်မာနိုင်ငံ၏ ကောင်းရာကောင်းကျိုးအတွက် မည်ကဲ့သို့ အကူအညီပေးရမည်ကိုလိုလားပြီး ဆောင်ရွက်နေသည်များရှိကြောင်း၊ ထို့ကြောင့် အပြစ်တင်လိုသူများက အပြစ်တင်နိုင်ကြောင်း၊ မိမိတို့အနေဖြင့် မူလရည်မှန်းချက်ဖြစ်သော ပါတီစုံဒီမိုကရေစီစနစ်ကို ပြန်သွားနိုင်ရေး ဆောင်ရွက်သွားမည်ဖြစ်ပြီး ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်နိုင်ရေးကို မလွဲမသွေဆောင်ရွက်သွားမည်ဖြစ်ကြောင်း၊ တရားမျှတမှုရှိ၊ မရှိဆိုသည်ကိုတော့ ရွေးကောက်ပွဲအခြေအနေ သုံးရပ်လုံးကြည့်ရန်လိုကြောင်း၊ ရွေးကောက်ပွဲကနဦးအခြေအနေ၊ ရွေးကောက်ပွဲလုပ်တဲ့အချိန်မှာ မည်ကဲ့သို့ လုပ်ခဲ့လဲ၊ ရွေးကောက်ပွဲပြီးတဲ့အချိန်မှာ ဘယ်လိုလုပ်ခဲ့လဲ၊ အခြေအနေသုံးရပ်လုံးဆောင်ရွက်ပြီးမှသာ သုံးသပ်တာ ကောင်းမည်ဖြစ်ကြောင်း၊ ဘာမျှမလုပ်ရသေးဘဲ တရားမျှတသောရွေးကောက်ပွဲမဖြစ်နိုင်၊ တရားမမျှတသော ရွေးကောက်ပွဲမဖြစ်နိုင်ဟု ပြောဆိုနေကြသည်မှာ တရားနည်းလမ်းကျသော ဆုံးဖြတ်ချက်မျိုး၊ သုံးသပ်ချက်မျိုး မဟုတ်ကြောင်း ပြန်လည်ဖြေကြားသည်။

    သူရိယနေဝန်းဂျာနယ်မှ အမှုဆောင်အယ်ဒီတာချုပ် ဦးမိုးဟိန်းက မြန်မာနိုင်ငံ၏ ပြည်သူလူထု ကြား၊ နိုင်ငံတကာအကြား အထူးစိတ်ဝင်စားနေသော မေးခွန်းတစ်ခုရှိပါကြောင်း၊ နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်၏ ရွေးကောက်ပွဲအလွန်ကာလတွင် ပါဝင်ဆောင်ရွက်မည့် နိုင်ငံရေးအခင်းအကျင်း၊ ပါဝင်ဆောင်ရွက်မည့် အခန်းကဏ္ဍကို မေးမြန်းလိုပါကြောင်း၊ ယခုကဲ့သို့ မေးမြန်းနိုင်ရန် သူရိယနေဝန်းမီဒီယာမှ လူထုကြားတွင် မြေပြင်/အွန်လိုင်းမှတစ်ဆင့် လူထုသဘော ထားကို ၃ လခန့် ကွင်းဆင်းကောက်ယူခဲ့ပါကြောင်း၊ ကောက်ခံရရှိသည့် လူထုအများစုမှာ ၂၀၂၁ ခုနှစ်မှ ၂၀၂၅ ခုနှစ်အထိ နိုင်ငံတော်တွင် ကြုံတွေ့နေရသည့် ဘက်စုံအကျပ်အတည်းဖြစ်စဉ်တွင် ပြည်ထောင်စု မပြိုကွဲစေရန် နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်၏ ဦးဆောင်မှု အခန်းကဏ္ဍသည် အလွန်အရေးပါပြီး ကျေးဇူးတင်ရှိ နေကြသည်ကို တွေ့ရှိရပါကြောင်း၊ ထို့ကြောင့် ရွေးကောက်ပွဲအောင်မြင်ပြီး လွှတ်တော်များ ပေါ်ပေါက်လာသည့်အခါ လွှတ်တော်များ၏ရွေးချယ် မှုအရလည်းကောင်း၊ ရရှိသည့် လူထုဆန္ဒသဘောထား အရလည်းကောင်း ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ဆက်လက် ထမ်းဆောင်စေလို၍ ကမ်းလှမ်းခဲ့ပါက နိုင်ငံတော် ယာယီသမ္မတ ဗိုလ်ချုပ်မှူးကြီး မင်းအောင်လှိုင်အနေဖြင့် သမ္မတကြီးတာဝန်ကို ဆက်လက်ထမ်းဆောင်ရန် အနေအထားမျိုး မြင်တွေ့ရနိုင်ပါသလား၊ ဗိုလ်ချုပ်မှူးကြီး မင်းအောင်လှိုင် ကိုယ်တိုင်ကလည်း လူထုကပေးအပ်လာသော၊ လွှတ်တော်ကပေးအပ်လာသော နိုင်ငံတော်သမ္မတရာထူးကို ထမ်းဆောင် ရန်အသင့်အနေအထားမျိုးဆန္ဒရှိပါသလားဟူသောမေးခွန်းကို သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ်ဇော်မင်းထွန်းကို မေးမြန်းလိုပါကြောင်းနှင့် ဖြေကြားပေးစေလိုပါကြောင်း မေးမြန်းသည်။

    သမ္မတရွေးချယ်ရေးအဖွဲ့ဖြင့် ရွေးချယ်ပြီးပါက အဆင့်ဆင့်မဲပေးရ

    ဗိုလ်ချုပ်ဇော်မင်းထွန်းက ယခုမေးခွန်းသည် ပုဂ္ဂလိကနှင့်ဆိုင်သော မေးခွန်းဖြစ်သောကြောင့် မိမိအနေဖြင့် မိမိသိသလောက်အထောက်အထားရှိသလောက်သာ ဖြေကြားမည်ဖြစ်ကြောင်း၊ နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အနေဖြင့် ယခင်တပ်မတော်ကာကွယ် ရေးဦးစီးချုပ်တာဝန်ထမ်းဆောင်သည့်အချိန် ၂၀၁၄ ခုနှစ်ခန့်ကတည်းက ပြောကြားခဲ့သည်များရှိကြောင်း၊ ၂၀၁၅ ခုနှစ် ရွေးကောက်ပွဲမတိုင်မီကာလ တွင် တပ်မတော်ကာကွယ်ရေးဦးစီးချုပ်အနေဖြင့် နိုင်ငံရေးကာလတွင် ဘယ်လိုပါဝင်မလဲဆိုသည်ကို မီဒီယာများက မေးမြန်းခဲ့မှုများရှိကြောင်း၊ ထိုအချိန်ကလည်း ပြောခဲ့ဖူးပါကြောင်း၊ တပ်မတော်ကာကွယ် ရေးဦးစီးချုပ်ကိုယ်တိုင်ကလည်း ယခင်ကတည်းက နိုင်ငံတော်၏တာဝန်အဆင့်ဆင့်ကို ၎င်းကိုယ်တိုင် တာဝန်ယူခဲ့ဖူးကြောင်း၊ နိုင်ငံတော်၏တာဝန်အဆင့် ဆင့်ဆိုသည်မှာ ယခင်တုန်းက တပ်မတော်ကာကွယ် ရေးဦးစီးချုပ်သည် နဝတခေတ်၊ နယကခေတ် မီခဲ့သောကြောင့် နယ်ဘက်တာဝန်များကို တိုင်းပြည် အေးချမ်းသာယာရေးနှင့် ဖွံ့ဖြိုးရေးကောင်စီမှာလည်း ဥက္ကဋ္ဌအဖြစ် တာဝန်ထမ်းဆောင်ခဲ့ဖူးကြောင်း၊ တပ်မတော်ကာကွယ်ရေးဦးစီးချုပ်တာဝန်ကိုလည်း ထမ်းဆောင်နေခြင်းဖြစ်သောကြောင့် အတွေ့အကြုံများစွာရှိကြောင်း၊ နိုင်ငံတော်က တာဝန်ပေးလာပါကလည်း နိုင်ငံတော်အတွက် ၎င်း၏အတွေ့အကြုံများကို အသုံးချ၍ လုပ်ဆောင်သွားမည်ဆိုသည့် စကားကိုလည်း ပြောခဲ့ဖူးပါကြောင်း၊ ယင်းအကြောင်းအရာများကို မိမိအနေဖြင့်ပြန်လည်ကိုးကား၍ ပြောလိုပါ ကြောင်း၊ သမ္မတရွေးချယ်မှုအနေဖြင့် တစ်ဦးချင်း အနေဖြင့် နိုင်ငံတော်သမ္မတကို လုပ်ချင်ပါတယ်လို့ လည်းပြောလို့မရပါကြောင်း၊ မလုပ်ချင်ပါဘူးဟူ၍လည်း ပြောလို့မရပါကြောင်း၊ ဥပဒေအတိုင်းသာဆောင်ရွက်ရမည်ဖြစ်ကြောင်း၊ ဆိုလိုသည်မှာ လုပ်ချင်ပါတယ်ဆိုတိုင်းလည်း ဥပဒေနှင့်မညီလျှင် မဖြစ်နိုင်ကြောင်း၊ မလုပ်ချင်ပါဘူးဆိုတိုင်းလည်း ရွေးကောက်တင်မြှောက်ခံရပါက မလုပ်၍ မရပါ ကြောင်း၊ လုပ်ချင်ပါတယ်လို့ဆိုတိုင်းလည်း မဖြစ်တဲ့ သူများကိုလည်း ရှေ့မှာလည်း တွေ့ခဲ့ဖူးပြီဖြစ်ကြောင်း၊ သမ္မတရွေးချယ်ရာတွင် အခြေခံအချက်များရှိပါကြောင်း၊ အခြေခံအချက်အလက်များမှာ ပြည်သူလူထုက ရွေးချယ်လိုက်သည့် လွှတ်တော်အမတ် ကိုယ်စားလှယ်များမှတစ်ဆင့် ဒုတိယသမ္မတကို ရွေးချယ်ရကြောင်း၊ သမ္မတရွေးချယ်တင်မြှောက်ခြင်း ကိစ္စသည် ဖွဲ့စည်းပုံအခြေခံဥပဒေ(၂၀၀၈ ခုနှစ်)တွင်ပါရှိပြီးဖြစ်ကြောင်း၊ သမ္မတရွေးချယ်ရေး အဖွဲ့ဖြင့် ရွေးချယ်ပြီးပါက အဆင့်ဆင့်မဲပေးရကြောင်း၊ မဲပေးပြီး သမ္မတဖြစ်လာပါက ဥပဒေအရ အကျုံးဝင်သဖြင့် သမ္မတတာဝန်ထမ်းဆောင်နိုင်ပါကြောင်း၊ မိမိအနေဖြင့် အနှစ်ချုပ်ပြောကြားလိုသည်မှာ ဖွဲ့စည်းပုံအခြေခံဥပဒေ (၂၀၀၈ ခုနှစ်)နှင့်အညီ ဖြစ်ပါလိမ့်မည်ဟုသာ ပြောလိုပါကြောင်း ပြောကြားသည်။       

    moi

  • မေး :
    နိုင်ငံတော်စီမံအုပ်ချုပ်ရေးကောင်စီက ဥပဒေအမှတ် ၃၉/၂၀၂၅ ဖြင့် နိုင်ငံ့ဝန်ထမ်း ဥပဒေကို ၂၀၂၅ ခုနှစ် မေလ ၂၇ ရက်နေ့၌ တတိယအကြိမ်ပြင်ဆင်ပြဋ္ဌာန်းခဲ့ရာ၌ နိုင်ငံ့ ဝန်ထမ်းဥပဒေ ပုဒ်မ ၂၉ ၌ “အထူးကိစ္စရပ်မှအပ ဝန်ထမ်းကို ရာထူးတိုးမြှင့် ခန့်ထား ရာတွင်- ပုဒ်မခွဲ (က)တွင် ရာထူးဝန်အဖွဲ့က သက်ဆိုင်ရာ ရာထူးအဆင့်အလိုက် သတ်မှတ် ထားသော သင်တန်းတက်ရောက်ပြီးသူဖြစ်ရမည်" ဟု ပြင်ဆင်ပြဋ္ဌာန်းခဲ့ရာ မိမိအနေဖြင့် နားလည်သည်မှာ အထူးကိစ္စရပ်မှအပ ရာထူးဝန်အဖွဲ့က ရာထူးအဆင့်အလိုက် သတ်မှတ် ထားသော သင်တန်းများ တက်ရောက်ပြီးသူများကိုသာလျှင် ရာထူးတိုးမြှင့်ပေး ရမည်ဟု သိရှိနားလည်ခဲ့ပါသည်။ သို့သော် ယခုအချိန်တွင် အချို့သော လုပ်ငန်း/ ဦးစီးဌာနများ၌ ရာထူးဝန်အဖွဲ့က ရာထူး အဆင့်အလိုက် တက်ရောက်ရန် သတ်မှတ်ထားသော သင်တန်း များ တက်ရောက်ရသေးခြင်း မရှိသူများကို အထူးကိစ္စရပ် မဟုတ်ဘဲ ရာထူးတိုးမြှင့် ပေးခြင်းများ ရှိနေပါသည်။ သို့ဖြစ်ပါ၍ "ရာထူးဝန်အဖွဲ့က ရာထူးအဆင့်အလိုက် တက်ရောက်ရန် သတ်မှတ်ထားသော သင်တန်းများ တက်ရောက်ရသေးခြင်း မရှိသူများ ကို" ရာထူးတိုးမြှင့်ပေးနိုင်ခြင်းရှိ/ မရှိ ဖြေကြားပေးပါရန် တင်ပြအပ်ပါသည်။
    ဖြေ :

    (က) နိုင်ငံ့ဝန်ထမ်းဥပဒေ ပုဒ်မ ၂၉ ၌ အထူး ကိစ္စရပ်မှအပ ဝန်ထမ်းကို ရာထူးတိုးမြှင့် ခန့်ထား ရာတွင် ပုဒ်မခွဲ“(က) ရာထူးဝန်အဖွဲ့က သက်ဆိုင်ရာ ရာထူးအဆင့်အလိုက် သတ်မှတ်ထားသောသင်တန်း တက်ရောက်ပြီးသူဖြစ် ရမည်။”ဟု ပြဋ္ဌာန်းထားပြီး “အထူးကိစ္စရပ်” စကားရပ် နှင့်စပ်လျဉ်း၍ ရှင်းလင်းချက် တွင် “အထူးကိစ္စရပ် ဆိုသည်မှာ ဝန်ထမ်း၏ လုပ်ငန်း စွမ်းဆောင်ရည်ပေါ် မူတည်၍ သက်ဆိုင်ရာဝန်ကြီး ဌာနနှင့်အဖွဲ့အစည်းက ရာထူးတိုးမြှင့်ပေးသင့်သည် ဟု သုံးသပ်ဆုံးဖြတ်သော ကိစ္စရပ်ကိုဆိုသည်” ဟု ဖော်ပြထားပါသည်။ အဆိုပါ နိုင်ငံ့ဝန်ထမ်းဥပဒေကို တတိယအကြိမ်ပြင်ဆင်သည့် ဥပဒေနှင့်စပ်လျဉ်း၍ ပြည်ထောင်စုရာထူးဝန်အဖွဲ့၌ ပြည်ထောင်စု ရာထူးဝန် အဖွဲ့ဥက္ကဋ္ဌ ဦးဆောင်၍ ဝန်ကြီး ဌာနနှင့် အဖွဲ့အစည်း များနှင့် ၃၀-၆-၂၀၂၅ ရက်နေ့တွင် ရှင်းလင်း ဆွေးနွေးပွဲ ပြုလုပ်ခဲ့ပြီး အစည်းအဝေးဆုံးဖြတ်ချက် အပိုဒ် ၁၅ (ခ) တွင် နိုင်ငံ့ဝန်ထမ်းဥပဒေ ပုဒ်မ ၂၉ ရှင်းလင်းချက် အရ လုပ်ငန်းစွမ်းဆောင်ရည် ကြောင့် ရာထူး တိုးမြှင့် သည့် ဝန်ထမ်းများအား နိုင်ငံ့ ဝန်ထမ်း တက္ကသိုလ် များတွင်ဖွင့်လှစ်သည့် အနီးစပ်ဆုံး သင်တန်းသို့ တက်ရောက်နိုင်ရေး ဝန်ကြီးဌာနနှင့်အဖွဲ့ အစည်း များက ဆောင်ရွက်ရန် ဆုံးဖြတ်ခဲ့ပါသည်။ နိုင်ငံ့ ဝန်ထမ်းဥပဒေ ပုဒ်မ ၂၉ ပါ ရှင်းလင်းချက်နှင့် အစည်း အဝေးဆုံးဖြတ်ချက် အပိုဒ် ၁၅ (ခ) တို့အရ သတ်မှတ် ထားသောသင်တန်းများကို တက်ရောက်ရခြင်း မရှိ သေးသော်လည်း ဝန်ထမ်း၏ လုပ်ငန်းစွမ်းဆောင် ရည်ပေါ် မူတည်၍ ရာထူးတိုးမြှင့်ပေးသင့်သည်ဟု သက်ဆိုင်ရာ ဝန်ကြီးဌာနနှင့် အဖွဲ့အစည်းက သုံးသပ် ဆုံးဖြတ်ပြီး တန်းစီဇယားပါ အလှည့်ကျ ရောက်သည့် ဝန်ထမ်းများအား အထူးကိစ္စရပ်အနေဖြင့် ရာထူး တိုးမြှင့် ပေးလျက်ရှိပါသည်။ ပြည်ထောင်စု ရာထူးဝန် အဖွဲ့ အနေဖြင့် ဝန်ကြီးဌာနနှင့် အဖွဲ့အစည်းများရှိ တစ်ဆင့်နိမ့် ဝန်ထမ်းများအား ပြန်တမ်းဝင် အရာရှိ အဆင့် စတင်ခန့်လစ်လပ်ရာထူးနေရာများသို့ တိုးမြှင့် ခန့်ထားပေးနိုင်ရေး အတွက် အဆိုပြုချက် ပေးပို့ ရာတွင် “ရာထူးတိုးမြှင့် ခန့်ထားရန် သဘော တူညီ ပြီးပါကအနီးစပ်ဆုံးအရာထမ်း အခြေခံသင်တန်းသို့ တက်ရောက်ပါမည်” ဟု ဖော်ပြ၍ အဆိုပြုလာခြင်း များကို လက်ခံဖြေလျှော့၍ သဘော တူညီချက် ပေးလျက်ရှိပါသည်။

    ( ခ ) ထိုသို့အဆိုပြုလာခြင်းကိုအချိန်ကာလ ၂ နှစ် အထိသာ ခွင့်ပြုသွားမည်ဖြစ်ပြီး ခွင့်ပြု ကာလ ကျော်လွန် ပါက “အနီးစပ်ဆုံး အရာထမ်းအခြေခံသင်တန်းသို့ တက် ရောက်ပါမည်”ဟုဖော်ပြ၍ အဆိုပြုခြင်းကို ခွင့်ပြုမည် မဟုတ်ပါ၍ ဝန်ကြီးဌာနနှင့် အဖွဲ့အစည်း များအနေဖြင့် ရာထူးတိုးမြှင့်ပေးရန် လျာထားသည့် အမှုထမ်းများကို ပြည်ထောင်စုရာထူးဝန်အဖွဲ့ နိုင်ငံ့ ဝန်ထမ်းတက္ကသိုလ်များတွင် ဖွင့်လှစ်လျက်ရှိသော အရာထမ်းငယ်သင်တန်းနှင့်စာရေးဝန်ထမ်း ကြီးကြပ် သင်တန်းများသို့ ဦးစားပေး စေလွှတ်တက်ရောက် နိုင်ရေး စီစဉ်ဆောင်ရွက်သွားရန် အတွက် ပြည်ထောင်စု ရာထူးဝန်အဖွဲ့မှ ၂၆-၁၁-၂၀၂၅ရက်စွဲပါစာဖြင့် ဝန်ကြီး ဌာန နှင့် အဖွဲ့အစည်းများသို့ ဖြန့်ဝေခဲ့ပါသည်။

    ( ဂ ) သို့ဖြစ်ပါ၍ ပြည်ထောင်စုရာထူးဝန်အဖွဲ့မှ ရာထူး အဆင့်အလိုက် တက်ရောက်ရန် သတ်မှတ် ထားသော သင်တန်းများ တက်ရောက်ရခြင်း မရှိသေး သော်လည်း နိုင်ငံ့ဝန်ထမ်းဥပဒေ ပုဒ်မ ၂၉ ရှင်းလင်းချက် အရ အထူးကိစ္စရပ်အနေဖြင့် လုပ်ငန်းစွမ်းဆောင် ရည်ပေါ် မူတည်၍ သက်ဆိုင်ရာ ဝန်ကြီးဌာနနှင့် အဖွဲ့အစည်းက ရာထူးတိုးမြှင့်ပေးသင့်သည်ဟု သုံးသပ် ဆုံးဖြတ်ပါက ရာထူးတိုးမြှင့်ပေးနိုင်မည်ဖြစ်ပြီး အဆိုပါ ဝန်ထမ်းများ သည်နိုင်ငံ့ဝန်ထမ်းတက္ကသိုလ် နှစ်ခုတွင် ဖွင့်လှစ်သည့် အနီးစပ်ဆုံးသင်တန်းသို့ တက်ရောက် ရမည်ဖြစ် ပါကြောင်း ရှင်းလင်းဖြေကြားအပ်ပါသည်။

    ဖြေကြားပေးသည့်ဌာန - ပြည်ထောင်စုရာထူးဝန်အဖွဲ့

  • မေး :
    နိုင်ငံတော်စီမံအုပ်ချုပ်ရေးကောင်စီက ဥပဒေအမှတ် ၃၉/၂၀၂၅ ဖြင့် နိုင်ငံ့ဝန်ထမ်း ဥပဒေကို ၂၀၂၅ ခုနှစ် မေလ ၂၇ ရက်နေ့၌ တတိယအကြိမ်ပြင်ဆင်ပြဋ္ဌာန်းခဲ့ရာ၌ နိုင်ငံ့ ဝန်ထမ်းဥပဒေ ပုဒ်မ ၂၉ ၌ “အထူးကိစ္စရပ်မှအပ ဝန်ထမ်းကို ရာထူးတိုးမြှင့် ခန့်ထား ရာတွင်- ပုဒ်မခွဲ (က)တွင် ရာထူးဝန်အဖွဲ့က သက်ဆိုင်ရာ ရာထူးအဆင့်အလိုက် သတ်မှတ် ထားသော သင်တန်းတက်ရောက်ပြီးသူဖြစ်ရမည်" ဟု ပြင်ဆင်ပြဋ္ဌာန်းခဲ့ရာ မိမိအနေဖြင့် နားလည်သည်မှာ အထူးကိစ္စရပ်မှအပ ရာထူးဝန်အဖွဲ့က ရာထူးအဆင့်အလိုက် သတ်မှတ် ထားသော သင်တန်းများ တက်ရောက်ပြီးသူများကိုသာလျှင် ရာထူးတိုးမြှင့်ပေး ရမည်ဟု သိရှိနားလည်ခဲ့ပါသည်။ သို့သော် ယခုအချိန်တွင် အချို့သော လုပ်ငန်း/ ဦးစီးဌာနများ၌ ရာထူးဝန်အဖွဲ့က ရာထူး အဆင့်အလိုက် တက်ရောက်ရန် သတ်မှတ်ထားသော သင်တန်း များ တက်ရောက်ရသေးခြင်း မရှိသူများကို အထူးကိစ္စရပ် မဟုတ်ဘဲ ရာထူးတိုးမြှင့် ပေးခြင်းများ ရှိနေပါသည်။ သို့ဖြစ်ပါ၍ "ရာထူးဝန်အဖွဲ့က ရာထူးအဆင့်အလိုက် တက်ရောက်ရန် သတ်မှတ်ထားသော သင်တန်းများ တက်ရောက်ရသေးခြင်း မရှိသူများ ကို" ရာထူးတိုးမြှင့်ပေးနိုင်ခြင်းရှိ/ မရှိ ဖြေကြားပေးပါရန် တင်ပြအပ်ပါသည်။
    ဖြေ :

    (က) နိုင်ငံ့ဝန်ထမ်းဥပဒေ ပုဒ်မ ၂၉ ၌ အထူး ကိစ္စရပ်မှအပ ဝန်ထမ်းကို ရာထူးတိုးမြှင့် ခန့်ထား ရာတွင် ပုဒ်မခွဲ“(က) ရာထူးဝန်အဖွဲ့က သက်ဆိုင်ရာ ရာထူးအဆင့်အလိုက် သတ်မှတ်ထားသောသင်တန်း တက်ရောက်ပြီးသူဖြစ် ရမည်။”ဟု ပြဋ္ဌာန်းထားပြီး “အထူးကိစ္စရပ်” စကားရပ် နှင့်စပ်လျဉ်း၍ ရှင်းလင်းချက် တွင် “အထူးကိစ္စရပ် ဆိုသည်မှာ ဝန်ထမ်း၏ လုပ်ငန်း စွမ်းဆောင်ရည်ပေါ် မူတည်၍ သက်ဆိုင်ရာဝန်ကြီး ဌာနနှင့်အဖွဲ့အစည်းက ရာထူးတိုးမြှင့်ပေးသင့်သည် ဟု သုံးသပ်ဆုံးဖြတ်သော ကိစ္စရပ်ကိုဆိုသည်” ဟု ဖော်ပြထားပါသည်။ အဆိုပါ နိုင်ငံ့ဝန်ထမ်းဥပဒေကို တတိယအကြိမ်ပြင်ဆင်သည့် ဥပဒေနှင့်စပ်လျဉ်း၍ ပြည်ထောင်စုရာထူးဝန်အဖွဲ့၌ ပြည်ထောင်စု ရာထူးဝန် အဖွဲ့ဥက္ကဋ္ဌ ဦးဆောင်၍ ဝန်ကြီး ဌာနနှင့် အဖွဲ့အစည်း များနှင့် ၃၀-၆-၂၀၂၅ ရက်နေ့တွင် ရှင်းလင်း ဆွေးနွေးပွဲ ပြုလုပ်ခဲ့ပြီး အစည်းအဝေးဆုံးဖြတ်ချက် အပိုဒ် ၁၅ (ခ) တွင် နိုင်ငံ့ဝန်ထမ်းဥပဒေ ပုဒ်မ ၂၉ ရှင်းလင်းချက် အရ လုပ်ငန်းစွမ်းဆောင်ရည် ကြောင့် ရာထူး တိုးမြှင့် သည့် ဝန်ထမ်းများအား နိုင်ငံ့ ဝန်ထမ်း တက္ကသိုလ် များတွင်ဖွင့်လှစ်သည့် အနီးစပ်ဆုံး သင်တန်းသို့ တက်ရောက်နိုင်ရေး ဝန်ကြီးဌာနနှင့်အဖွဲ့ အစည်း များက ဆောင်ရွက်ရန် ဆုံးဖြတ်ခဲ့ပါသည်။ နိုင်ငံ့ ဝန်ထမ်းဥပဒေ ပုဒ်မ ၂၉ ပါ ရှင်းလင်းချက်နှင့် အစည်း အဝေးဆုံးဖြတ်ချက် အပိုဒ် ၁၅ (ခ) တို့အရ သတ်မှတ် ထားသောသင်တန်းများကို တက်ရောက်ရခြင်း မရှိ သေးသော်လည်း ဝန်ထမ်း၏ လုပ်ငန်းစွမ်းဆောင် ရည်ပေါ် မူတည်၍ ရာထူးတိုးမြှင့်ပေးသင့်သည်ဟု သက်ဆိုင်ရာ ဝန်ကြီးဌာနနှင့် အဖွဲ့အစည်းက သုံးသပ် ဆုံးဖြတ်ပြီး တန်းစီဇယားပါ အလှည့်ကျ ရောက်သည့် ဝန်ထမ်းများအား အထူးကိစ္စရပ်အနေဖြင့် ရာထူး တိုးမြှင့် ပေးလျက်ရှိပါသည်။ ပြည်ထောင်စု ရာထူးဝန် အဖွဲ့ အနေဖြင့် ဝန်ကြီးဌာနနှင့် အဖွဲ့အစည်းများရှိ တစ်ဆင့်နိမ့် ဝန်ထမ်းများအား ပြန်တမ်းဝင် အရာရှိ အဆင့် စတင်ခန့်လစ်လပ်ရာထူးနေရာများသို့ တိုးမြှင့် ခန့်ထားပေးနိုင်ရေး အတွက် အဆိုပြုချက် ပေးပို့ ရာတွင် “ရာထူးတိုးမြှင့် ခန့်ထားရန် သဘော တူညီ ပြီးပါကအနီးစပ်ဆုံးအရာထမ်း အခြေခံသင်တန်းသို့ တက်ရောက်ပါမည်” ဟု ဖော်ပြ၍ အဆိုပြုလာခြင်း များကို လက်ခံဖြေလျှော့၍ သဘော တူညီချက် ပေးလျက်ရှိပါသည်။

    ( ခ ) ထိုသို့အဆိုပြုလာခြင်းကိုအချိန်ကာလ ၂ နှစ် အထိသာ ခွင့်ပြုသွားမည်ဖြစ်ပြီး ခွင့်ပြု ကာလ ကျော်လွန် ပါက “အနီးစပ်ဆုံး အရာထမ်းအခြေခံသင်တန်းသို့ တက် ရောက်ပါမည်”ဟုဖော်ပြ၍ အဆိုပြုခြင်းကို ခွင့်ပြုမည် မဟုတ်ပါ၍ ဝန်ကြီးဌာနနှင့် အဖွဲ့အစည်း များအနေဖြင့် ရာထူးတိုးမြှင့်ပေးရန် လျာထားသည့် အမှုထမ်းများကို ပြည်ထောင်စုရာထူးဝန်အဖွဲ့ နိုင်ငံ့ ဝန်ထမ်းတက္ကသိုလ်များတွင် ဖွင့်လှစ်လျက်ရှိသော အရာထမ်းငယ်သင်တန်းနှင့်စာရေးဝန်ထမ်း ကြီးကြပ် သင်တန်းများသို့ ဦးစားပေး စေလွှတ်တက်ရောက် နိုင်ရေး စီစဉ်ဆောင်ရွက်သွားရန် အတွက် ပြည်ထောင်စု ရာထူးဝန်အဖွဲ့မှ ၂၆-၁၁-၂၀၂၅ရက်စွဲပါစာဖြင့် ဝန်ကြီး ဌာန နှင့် အဖွဲ့အစည်းများသို့ ဖြန့်ဝေခဲ့ပါသည်။

    ( ဂ ) သို့ဖြစ်ပါ၍ ပြည်ထောင်စုရာထူးဝန်အဖွဲ့မှ ရာထူး အဆင့်အလိုက် တက်ရောက်ရန် သတ်မှတ် ထားသော သင်တန်းများ တက်ရောက်ရခြင်း မရှိသေး သော်လည်း နိုင်ငံ့ဝန်ထမ်းဥပဒေ ပုဒ်မ ၂၉ ရှင်းလင်းချက် အရ အထူးကိစ္စရပ်အနေဖြင့် လုပ်ငန်းစွမ်းဆောင် ရည်ပေါ် မူတည်၍ သက်ဆိုင်ရာ ဝန်ကြီးဌာနနှင့် အဖွဲ့အစည်းက ရာထူးတိုးမြှင့်ပေးသင့်သည်ဟု သုံးသပ် ဆုံးဖြတ်ပါက ရာထူးတိုးမြှင့်ပေးနိုင်မည်ဖြစ်ပြီး အဆိုပါ ဝန်ထမ်းများ သည်နိုင်ငံ့ဝန်ထမ်းတက္ကသိုလ် နှစ်ခုတွင် ဖွင့်လှစ်သည့် အနီးစပ်ဆုံးသင်တန်းသို့ တက်ရောက် ရမည်ဖြစ် ပါကြောင်း ရှင်းလင်းဖြေကြားအပ်ပါသည်။

    ဖြေကြားပေးသည့်ဌာန - ပြည်ထောင်စုရာထူးဝန်အဖွဲ့

  • မေး :
    ပြည်ထောင်စုရာထူးဝန်အဖွဲ့က တတိယအကြိမ် ပြင်ဆင်ပြဋ္ဌာန်းခဲ့သည့် နိုင်ငံ့ဝန်ထမ်း ဥပဒေ ပုဒ်မ ၂၉ ၌ “အထူးကိစ္စရပ်မှအပ ဝန်ထမ်းကို ရာထူးတိုးမြှင့် ခန့်ထားရာတွင်- ပုဒ်မခွဲ (က) တွင် ရာထူးဝန်အဖွဲ့က သက်ဆိုင်ရာ ရာထူးအဆင့် အလိုက် သတ်မှတ်ထားသော သင်တန်းတက်ရောက်ပြီးသူဖြစ်ရမည်" ဟု ပါရှိရာ အလယ်အလတ်အဆင့် အရာထမ်း စီမံခန့်ခွဲမှုသင်တန်းသို့ လက်ထောက်ညွှန်ကြားရေးမှူးနှင့် ဒုတိယညွှန်ကြားရေးမှူး ရာထူးအဆင့် တို့သည် ရာထူးအဆင့်မတူသော်လည်း ပူးတွဲ တက်ရောက်ရလျက်ရှိရာ တစ်ဆင့်မြှင့် ရာထူးတိုးပေးရာတွင် အဆိုပါသင်တန်းသို့ တက်ရောက်ရခြင်းမရှိသေးသည့် လက်ထောက်ညွှန်ကြားရေးမှူး တစ်ဦး အနေဖြင့် ရာထူးတိုးခံစားခွင့်ရှိပါသလား။ သို့မဟုတ် အဆိုပါ လက်ထောက်ညွှန်ကြားရေးမှူးအနေဖြင့် ရာထူးတိုးမြှင့်ခြင်းခံရပြီးမှ ဒုတိယညွှန်ကြားရေးမှူး ရာထူးဖြင့် အလယ်အလတ်အဆင့်အရာထမ်းသင်တန်းသို့ တက်ရောက်နိုင်ပါသလား ရှင်းလင်းစွာ သိရှိလိုပါသဖြင့် ဖြေကြားပေးပါရန် တင်ပြအပ် ပါသည်။
    ဖြေ :

    အလယ်အလတ်အဆင့် အရာထမ်းစီမံခန့်ခွဲမှု သင်တန်းသည် လက်ထောက်ညွှန်ကြားရေးမှူး ရာထူးအဆင့်နှင့် ဒုတိယညွှန်ကြားရေးမှူး ရာထူးအဆင့်တို့တွင် တာဝန်ထမ်းဆောင်နေသည့် ဝန်ထမ်းများနှင့် အကျုံးဝင်မှုရှိသဖြင့် အလယ် အလတ်အဆင့် အရာထမ်းစီမံခန့်ခွဲမှုသင်တန်းကို တက်ရောက်ရခြင်း မရှိသေးသော်လည်း တန်းစီဇယားအရ ရာထူးတိုးမြှင့် ပေးရန် အလှည့် ကျရောက်သည့်အချိန်တွင် ရာထူး တိုးမြှင့်ပေးရမည်ဖြစ်ပြီး အလယ်အလတ်အဆင့် အရာထမ်းစီမံခန့်ခွဲမှုသင်တန်းကို တက်ရောက် စေရမည် ဖြစ်ပါကြောင်း ရှင်းလင်းဖြေကြားအပ်ပါသည်။

    ဖြေကြားပေးသည့်ဌာန - ပြည်ထောင်စုရာထူးဝန်အဖွဲ့

  • မေး :
    နိုင်ငံ့ဝန်ထမ်းတစ်ဦးအား ရာထူးတိုးမြှင့်ရာတွင် ပြည်ထောင်စုရာထူးဝန်အဖွဲ့က ဖွင့်လှစ် ပို့ချသည့် သက်ဆိုင်ရာ သင်တန်းများ တက်ရောက်ဖူးရမည့်အပြင် နိုင်ငံခြားသင်တန်းများ တက်ရောက်ဖူးသူများကိုသာ ဦးစားပေး ဆောင်ရွက်မည် ဟု ဦးစီး/ လုပ်ငန်းဌာနများ အနေဖြင့် မူဝါဒ ချမှတ်ခွင့် ရှိပါသလား သိရှိလိုပါသည်။ ထိုသို့ ချမှတ် ဆောင်ရွက်ခွင့် ရှိပါက အသက်အရွယ်ကြီးရင့်သည့် နိုင်ငံ့ဝန်ထမ်းများအနေဖြင့် ရာထူးတက်နိုင်မည့် အခွင့်အရေး လွန်စွာနည်းပါးသွားမည်ကို စိုးရိမ်မိပါသဖြင့် ဖြေကြားပေးနိုင်ပါရန် မေတ္တာရပ်ခံအပ် ပါသည်။
    ဖြေ :

    နိုင်ငံ့ဝန်ထမ်းဥပဒေ ပုဒ်မ ၂၉ ရှင်းလင်းချက်အရ လည်းကောင်း၊ ပြည်ထောင်စုရာထူးဝန်အဖွဲ့၌ ၃၀-၆-၂၀၂၅ ရက်နေ့တွင် ကျင်းပပြုလုပ်သော အစည်းအဝေး ဆုံးဖြတ်ချက် အပိုဒ် ၅ (ခ) အရလည်းကောင်း ဝန်ကြီးဌာနနှင့် အဖွဲ့အစည်းများသည် အဆိုပြု လာသည့် ပြည်ပသင်တန်းများသို့ တက်ရောက်ရန် သတ်မှတ်ချက်များနှင့်ကိုက်ညီသည့် နိုင်ငံ့ဝန်ထမ်း များကိုသာ ရွေးချယ်အဆိုပြု၍ နိုင်ငံခြားပညာတော် သင်စိစစ်ရွေးချယ် စေလွှတ်ရေးကော်မတီ၏ ထောက်ခံတင်ပြမှုအပေါ် ပြည်ထောင်စုအစိုးရအဖွဲ့၏ ခွင့်ပြုချက်အရ သွားရောက်စေခြင်းဖြစ်၍ နိုင်ငံ့ဝန်ထမ်းအားလုံးနှင့် အကျုံးဝင်ခြင်း မရှိသည့်အတွက် ပြည်ထောင်စု ရာထူးဝန်အဖွဲ့က ဖွင့်လှစ်ပို့ချသည့် “သက်ဆိုင်ရာ သင်တန်းများ တက်ရောက်ဖူးရမည့်အပြင် နိုင်ငံခြား သင်တန်းများ တက်ရောက်ဖူးသူများကိုသာ ဦးစားပေး ဆောင်ရွက် ရမည်” ဟု မူဝါဒ ချမှတ်ဆောင်ရွက်ရန် မသင့်ပါကြောင်း ရှင်းလင်း ဖြေကြားအပ်ပါသည်။

    ဖြေကြားပေးသည့်ဌာန - ပြည်ထောင်စုရာထူးဝန်အဖွဲ့

  • မေး :
    နိုင်ငံ့ဝန်ထမ်းများအနေဖြင့် ဝန်ထမ်းရေးရာကိစ္စများတွင် နစ်နာဆုံးရှုံးမှု များရှိပါက မည်သည့်အဖွဲ့အစည်းထံ တင်ပြခွင့် ရှိပါသလဲ သိရှိလိုပါသဖြင့် ဖြေကြားပေး နိုင်ပါရန် တင်ပြအပ်ပါသည်။
    ဖြေ :

    နိုင်ငံ့ဝန်ထမ်းများ အနေဖြင့် ဝန်ထမ်းရေးရာ ကိစ္စရပ် များတွင် နစ်နာဆုံးရှုံးမှုများရှိပါက သက်ဆိုင်ရာ ဝန်ထမ်းအဖွဲ့အစည်း အကြီးအမှူးထံသို့ တင်ပြရမည် ဖြစ်ပါကြောင်း ရှင်းလင်း ဖြေကြားအပ်ပါသည်။

     

    ဖြေကြားပေးသည့်ဌာန - ပြည်ထောင်စုရာထူးဝန်အဖွဲ့

  • မေး :
    တန်းစီဇယားတွင် ထားရှိသော ဝန်ထမ်းကို ကျော်လွန်၍ နောက်ဝန်ထမ်းအား ရာထူးတိုးဖြေဆိုစေ၍ ရာထူးတိုးမြှင့်ပေးခွင့်ရှိပါသလား သိရှိလိုပါသည်။
    ဖြေ :

    တန်းစီဇယားသက်တမ်းနှင့်စပ်လျဉ်း၍ နိုင်ငံ့ဝန်ထမ်း နည်းဥပဒေများ နည်းဥပဒေ ၄၂ တွင် သတ်မှတ်ထား သည့်အတိုင်း ဆောင်ရွက်ရမည်ဖြစ်၍ တန်းစီဇယား သက်တမ်းအတွင်းရှိနေသော ဝန်ထမ်း ကို ကျော်လွန်၍ တန်းစီဇယားပြင်ပရှိ ဝန်ထမ်းအား ရာထူးတိုးဖြေဆိုစေ၍ ရာထူးတိုးမြှင့်ပေးခွင့်မရှိပါ။ 

    ဖြေကြားပေးသည့်ဌာန - ပြည်ထောင်စုရာထူးဝန်အဖွဲ့

  • မေး :
    လုပ်ငန်းလိုအပ်ချက်အရ တွဲဖက် တာဝန်ထမ်းဆောင်နေသော နိုင်ငံ့ဝန်ထမ်းတစ်ဦးအား မိခင်ဌာန၌ တာဝန်ထမ်းဆောင်ခြင်းမရှိသည့်အတွက် ရာထူးတိုး စာမေးပွဲဖြေဆိုခွင့်ရရှိသော်လည်း တွဲဖက်တာဝန် ထမ်းဆောင်စဉ် ကာလ အတွင်း ရာထူးတိုးခံစားခွင့် မရရှိဘဲ မိခင်ဌာနတွင် ပြန်လည်တာဝန်ထမ်းဆောင်မှသာ ရာထူးတိုး ခံစားခွင့် ရှိပါသလား။
    ဖြေ :

    လုပ်ငန်းလိုအပ်ချက်အရ အခြားဌာနတွင် တွဲဖက် တာဝန်ထမ်းဆောင်နေသော နိုင်ငံ့ဝန်ထမ်းသည် မိခင်ဌာနတွင် တာဝန်ထမ်းဆောင်ခြင်း မရှိ သော်လည်း နိုင်ငံ့ဝန်ထမ်းနည်းဥပဒေများ နည်း ဥပဒေ ၇ နည်းဥပဒေခွဲ (ဂ) အရ ၎င်း၏ ရာထူးအနွယ် သည် မူလရာထူးအနွယ် တွင် တည်ရှိနေမည်ဖြစ်၍ သတ်မှတ်ထားသော ပညာအရည်အချင်း၊ ကျွမ်းကျင်မှု အရည်အချင်းနှင့်ရာထူးသက် တို့နှင့် ပြည့်စုံပါက ရာထူးတိုးဖြေဆိုခွင့်ရှိပြီး တန်းစီဇယားအတွင်း ရာထူး တိုးမြှင့်ပေးရန်အလှည့်ကျရောက်ပါက ဌာနတွင် လက်ရှိ တာဝန်ထမ်းဆောင်နေသော ဝန်ထမ်းများ နည်းတူ ရာထူးတိုးခံစားခွင့် ပြုရမည် ဖြစ်ပါသည်။

    ဖြေကြားပေးသည့်ဌာန - ပြည်ထောင်စုရာထူးဝန်အဖွဲ့

     

  • မေး :
    ဧရာဝတီတိုင်းဒေသကြီးအတွင်းတွင် သဘာဝပတ်ဝန်းကျင်ထိန်းသိမ်းရေးဆိုင်ရာ လုပ်ငန်းများရှိလျှင် ဖြေကြားပေးစေလိုပါသည်။ ဉပမာ ဒီရေတောများ ထိန်းသိမ်းခြင်း၊ ရှားပါးငှက်မျိုးစိတ်များ မျိုးသုဉ်းမှုကို ကာကွယ်ခြင်း)
    ဖြေ :

    ဧရာဝတီတိုင်းဒေသကြီးတွင် ဆောင်ရွက်လျက်ရှိသည့် သဘာဝပတ်ဝန်းကျင်ထိန်းသိမ်းရေးဆိုင်ရာ ဖြေကြားချက်

    သစ်တောဖုံးလွှမ်းမှု

    ၁။       ဧရာဝတီတိုင်းဒေသကြီးတွင် ၂၀၂၀ ပြည့်နှစ်၊ သစ်တောသယံဇာတဆန်းစစ်ခြင်း အစီရင်ခံစာအရ သစ်တောဖုံးလွှမ်းမှုဧရိယာမှာ (၇၁၀,၇၀၄) ဧက၊ သစ်တောဖုံးလွှမ်းမှု (၈.၂၁) ရာခိုင်နှုန်းရှိပြီး ၂ဝ၂၅ ခုနှစ်တွင် သစ်တောဖုံးလွှမ်းမှုဧရိယာ (၈၇၀,၇၅၄.၉၂) ဧက သစ်တောဖုံးလွှမ်းမှုမှာ (၁ဝ.ဝ၆) ရာခိုင်နှုန်း ဖြစ်ပါသည်။

    ဒီရေတောများကို ဖျာပုံခရိုင်၊ လပွတ္တာခရိုင်၊ မြောင်းမြခရိုင်နှင့် ပုသိမ်ခရိုင်တို့တွင် တွေ့ရှိရပြီး ၂၀၂၅ ခုနှစ်၊ ဒီရေတောဖုံးလွှမ်းမှုဧရိယာမှာ ၁၅၉,၅၇၂.၄၅ ဧက ရှိပြီး ၂၀၂၀ ပြည့်နှစ်ထက် ဒီရေတောဧရိယာ ၁၈,၈၁၀.၆၉ ဧက တိုးတက်လာပါကြောင်း စိစစ်တွေ့ရှိ ရပါသည်။

    ကြိုးဝိုင်း/ကြိုးပြင်ကာကွယ်တောဖွဲ့စည်းမှု

    ၂။       မြန်မာနိုင်ငံတွင် ကြိုးဝိုင်း/ ကြိုးပြင်ကာကွယ်တောများ သတ်မှတ်ဖွဲ့စည်းရေးနှင့်စပ်လျဉ်း၍ အမျိုးသား သစ်တောကဏ္ဍပင်မစီမံကိန်း နှစ် (၃၀)၌ နိုင်ငံဧရိယာ၏ ၃၀ ရာခိုင်နှုန်းကို ကြိုးဝိုင်းတော၊ ကြိုးပြင်ကာကွယ်တောများအဖြစ် တိုးချဲ့ဖွဲ့စည်းရန် မူဝါဒချမှတ်ဆောင်ရွက်လျက်ရှိရာ ၂၀၂၅ ခုနှစ်၊ နိုဝင်ဘာလအထိ ဧရာဝတီတိုင်းဒေသကြီးတွင် ကြိုးဝိုင်း/ကြိုးပြင်ကာကွယ်တော(၃၈)ခု၊ ဧရိယာ အားဖြင့် (၁,၅၄၁,၁၄၂.၈၃) ဧက ဖွဲ့စည်းပြီးဖြစ်ပါသည်။

    ဒီရေတောစီမံအုပ်ချုပ်မှုဆိုင်ရာ မဟာဗျူဟာနည်းလမ်း (၃) သွယ်ဖြစ်သည့် အဏ္ဏဝါသဘာဝ ထိန်းသိမ်းရေးနယ်မြေ (Marine Protected Areas) များ ဖွဲ့စည်းခြင်း၊ ဒီရေတော ကြိုးဝိုင်း/ကြိုးပြင်ကာကွယ်တောများဖွဲ့စည်းခြင်းနှင့် ဒီရေတောဂေဟစနစ်များ ပြန်လည်တည်ထောင်ခြင်း ဖြင့် ဒီရေတောများကို သိပ္ပံနည်းကျ စီမံအုပ်ချုပ်လျက်ရှိပြီး ဧရာဝတီတိုင်းဒေသကြီးတွင် ဒီရေတော ကြိုးဝိုင်း (၈) ခု (၃၆၅,၆၀၄.၅၇ ဧက) နှင့် သဘာဝထိန်းသိမ်းရေးနယ်မြေ (Marine Protected Areas) (၂) ခု (၃၃,၉၉၃.၆၀ ဧက) ဖွဲ့စည်းခဲ့ပြီးဖြစ်ပါသည်။

    စိုက်ခင်းများတည်ထောင်ထားခြင်း

    ၃။ ဧရာဝတီတိုင်းဒေသကြီးတွင် မြန်မာနိုင်ငံသစ်တောများ ပြန်လည်တည်ထောင်ရေးစီမံကိန်း (Myanmar Reforestation and Rehabilitation Program- MRRP) အရ ၂၀၁၇ ခုနှစ်မှ ၂၀၂၅ ခုနှစ်၊ မိုးရာသီအထိ စီးပွားရေးစိုက်ခင်း (၂၂,၀၉၅) ဧက၊ စက်မှုကုန်ကြမ်းစိုက်ခင်း (၅၀၀) ဧက၊ ရေဝေ ရေလဲစိုက်ခင်း (၁၅၀) ဧက၊ ဒီရေတောစိုက်ခင်း (၂၁,၉၉၅) ဧက၊ ကျေးရွာထင်းစိုက်ခင်း (၇,၁၁၆) ဧက စိုက်ခင်းစုစုပေါင်း (၅၁,၈၁၆) ဧက တည်ထောင်ထားရှိပြီးဖြစ်ပါသည်။

    ၂ဝ၂၆ (မိုးရာသီ) တွင် စီးပွားရေးစိုက်ခင်း (၂,၂၅ဝ) ဧက၊ စက်မှုကုန်ကြမ်းစိုက်ခင်း (၅၅၀) ဧက၊ ရေဝေရေလဲစိုက်ခင်း (၁၅၀) ဧက၊ ဒီရေတောစိုက်ခင်း (၁၅ဝဝ) ဧက၊ ကျေးရွာထင်းစိုက်ခင်း (၃ဝဝ) ဧက၊ စုစုပေါင်း (၄,၇၅ဝ) ဧက တည်ထောင်စိုက်ပျိုးသွားမည်ဖြစ်ပါသည်။

    ဧရာ၀တီတိုင်းဒေသကြီးတွင် ၂၀၂၆ - ၂၀၂၇ ဘဏ္ဍာရေးနှစ်မှ ၂ဝ၃၀ - ၂၀၃၁ ဘဏ္ဍာရေးနှစ်အထိဒီရေတောစိုက်ခင်းများကို နှစ်စဉ် ၁,၄၀၀ ဧကဖြင့် ဒီရေတောစိုက်ခင်း စုစုပေါင်း (၇,ဝဝဝ) ဧက ကိုလည်းကောင်း၊ နိုင်ငံတော်အကြီးအကဲ၏ လမ်းညွှန်ချက်အရ ဒီရေတောများဖုံးလွှမ်းမှု တိုးပွား စေရန် ရည်ရွယ်၍ (၅)နှစ် အထူးစီမံချက်ရေးဆွဲခဲ့ပြီး ဒီရေတောစိုက်ခင်းစုစုပေါင်း (၅ဝဝ) ဧက ကိုလည်းကောင်း၊ ဆက်လက်စိုက်ပျိုးတည်ထောင်သွားမည်ဖြစ်ပြီး နိုင်ငံအဆင့်ပင်လယ်ကမ်းရိုးတန်း သယံဇာတဘက်စုံစီမံအုပ်ချုပ်ခြင်း (Integrated Coastal Management - ICM) အစီအစဉ် သစ်တောကဏ္ဍ ပထမ (၅) နှစ်စီမံချက်အရ ဒီရေတောထိန်းသိမ်းရေးလုပ်ငန်းများကို လျာထားချက်များ ချမှတ်ဆောင်ရွက်လျက်ရှိပါကြောင်း တင်ပြအပ်ပါသည်။

    ရှားပါးငှက်မျိုးစိတ်များ ထိန်းသိမ်းကာကွယ်ခြင်း

    ၄။       မိန်းမလှကျွန်း တောရိုင်းတိရစ္ဆာန်ဘေးမဲ့တောသည် ရေချိုရေငန်စပ်ဒေသတစ်ခု ဖြစ်ပြီး ရေချိုရေငန်စပ်မိကျောင်းများကို သဘာဝအတိုင်း ထိန်းသိမ်းထားရာ မြန်မာနိုင်ငံ၏ တစ်ခုတည်း သောနယ်မြေ ဖြစ်သည့်အပြင် နို့တိုက်သတ္တဝါများ၊ တွားသွားသတ္တဝါများ၊ ဌာနေငှက်မျိုးများနှင့် ဆောင်းခိုငှက်မျိုးများ ကျရောက်ကျက်စားလျက်ရှိပြီး ရမ်ဆာရေဝပ်ဒေသအဖြစ် လည်းကောင်း၊ အရှေ့အာရှ-ဩစတြေးလျငှက်ပျံသန်းရာ လမ်းကြောင်းကွန်ရက်နယ်မြေအဖြစ် လည်းကောင်း၊ အာဆီယံအမွေအနှစ်ဥယျာဉ်အဖြစ် လည်းကောင်း၊ သတ်မှတ်ခံထားရသည့် သဘာဝထိန်းသိမ်းရေး နယ်မြေတစ်ခု ဖြစ်ပါသည်။

    မိန်းမလှကျွန်းတောရိုင်းတိရစ္ဆာန်ဘေးမဲ့တောတွင် ကျရောက်ကျက်စားလျက်ရှိသည့် ငှက် မျိုးစိတ်များ၌ မျိုးသုဉ်းလုနီးပါးအန္တရာယ်ရှိနေသော မျိုးစိတ် (Critically Endangered) များ ဖြစ်သော ရေညှောင့်နှုတ်ဝိုင်းငှက် (Spoon-Billed Sandpiper) မျိုးစိတ်၊ မျိုးသုဉ်းရန်အန္တရာယ် ရှိသော မျိုးစိတ် (Endangered) များဖြစ်သော ဘွတ်ကလုံ/ ဗွတ်စာမွဲ (Ayeyarwady Bulbul)၊ နော်မန်ခြေစိမ်း (Nordmann's Greenshank) ၊ သဲတလိုင်းလေး (Lesser Sand-plover)၊ နော့ငှက် (Great Knot) တို့ကို လည်းကောင်း၊ မျိုးသုဉ်းရန်အန္တရာယ် ကျရောက်နိုင်သော မျိုးစိတ်များဖြစ်သော ဒုံးမြီးကွက် (Lesser Adjutant)၊ ပိန်ညှင်းခေါင်းမဲ (Black-capped Kingfisher)၊ ချည်ခင်စွပ် (Woolly-necked)၊ တရုတ်ဗျိုင်း (Chinese Egret) ၊ မြစ်တွေး(River Tern) တို့ကို လည်းကောင်း၊ မျိုးသုဉ်းရန်အန္တရာယ်ကျရောက်လုနီးပါး မျိုးစိတ်(Near Threatened) များဖြစ်သော ပိန်ညှင်း (Brown-winged Kingfisher)၊ ရွှံ့ငုံံး/ ဒီရေတောငုံး (Mangrove Pitta)၊ ကုလားမ ကြက်တူရွေး

    (Red-breasted Parakeet)၊ ခရုစုပ်ခေါင်းမဲ (Black-headed Ibis) ၊ နှုတ်သီးကောက်ကြီး (Eurasian Curlew) ၊ ဥပန်း(Oriental Darter) ၊ ဒီလုံးလည်နီ (Red-necked Stint) ၊ အမြီးကြားဂေါ့ဒွစ် (Bar-tailed Godwit)၊ (Black-tailed Godwit)၊ နော့နီ (Red Knot) တို့ကို လည်းကောင်း စာရင်းကောက်ယူရရှိခဲ့ပါသည်။

    မိန်းမလှကျွန်းတောရိုင်းတိရစ္ဆာန်ဘေးမဲ့တောတွင် အုပ်ချူပ်လုပ်ကိုင်မှုစီမံချက် (၂ဝ၂၄-၂၀၂၅ မှ ၂၀၃၀-၂၀၃၁ ဘဏ္ဍာနှစ်အထိ) ရေးဆွဲ၍လည်းကောင်း၊ တောရိုင်းတိရစ္ဆာန်များအတွက် နေရင်း ဒေသ ပြန်လည်တည်ထောင်ခြင်း လုပ်ငန်းအစီအစဉ် (၂၀၁၉ - ၂၀၂၀ ဘဏ္ဍာနှစ်မှ ၂၀၂၈ - ၂၀၂၉ ဘဏ္ဍာနှစ်အထိ) ဖြင့် ကွက်လပ်ဖြည့် (ဒီရေတော) စိုက်ပျိုးခြင်း၊ ကင်းလှည့်ခြင်း၊ ပညာပေး ဟောပြောခြင်း၊ လက်ကမ်းစာစောင်ဖြန့်ဝေခြင်း၊ ငှက်မျိုးစိတ်စာရင်းကောက်ယူခြင်းနှင့် ဆန်းစစ် ခြင်းလုပ်ငန်းများအား ဘဏ္ဍာနှစ်အလိုက် လျာထားဆောင်ရွက်လျက်ရှိပြီး ဒေသရင်းငှက်မျိုးစိတ် များနှင့် ဆောင်းခိုငှက်မျိုးစိတ်များမှ နှစ်စဉ်တွေ့ရှိမှုများ၊ လျော့နည်းပျောက်ကွယ်မှုများ၊ တိုးပွား လာမှုများအပေါ် လေ့လာမှတ်တမ်းတင်ထားရှိခြင်း၊ ငှက်မျိုးစိတ်များအတွက် ခြိမ်းခြောက်မှုများ ဖြစ်သော စားကျက်မြေပျောက်ဆုံးခြင်း၊ အမဲလိုက်ခြင်း၊ သစ်ခုတ်ခြင်း၊ လယ်ယာသုံး ပိုးသတ်ဆေး များ အလွန်အကျွံသုံးစွဲခြင်းများ စသည်တို့ကို ကွက်လပ်ဖြည့် (ဒီရေတော) စိုက်ပျိုးခြင်း၊ လစဉ် SMART နည်းပညာသုံး၍ ကင်းလှည့်ထိန်းသိမ်းခြင်းလုပ်ငန်းဖြင့် ဥပဒေအရ ထိန်းသိမ်းကာကွယ်ခြင်း၊ ပတ်ဝန်းကျင်ကျေးရွာများတွင် ကျေးရွာအုပ်ချုပ်ရေးအဖွဲ့ဝင်များ၊ ဒေသခံများ၊ ကျောင်းဆရာ/ဆရာမများ၊ ကျောင်းသား/သူများအား ပညာပေးဟောပြောခြင်း၊ လက်ကမ်းစာစောင် ဖြန့်ဝေခြင်း တို့ကို ဘဏ္ဍာနှစ်အလိုက် လစဉ် စီမံချက်ရေးဆွဲပြီး ထိန်းသိမ်းကာကွယ်ဆောင်ရွက်လျက်ရှိပါသည်။

    ဖြေကြားပေးသည့်ဌာန - သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန

  • မေး :
    အမေရိကန်နိုင်ငံအစိုးရ၏ မြန်မာနိုင်ငံသားများအပေါ် Temporary Protected Status (TPS) ပေးထားရာမှ ရပ်ဆိုင်းခဲ့ကြောင်း သတင်းထုတ်ပြန်ခဲ့မှုနှင့်ပတ်သက်၍ မီဒီယာများ၏ မေးမြန်းမှုအပေါ် အမျိုးသားကာကွယ်ရေးနှင့်လုံခြုံရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြန်လည်ဖြေကြားချက်
    ဖြေ :

     

    အမေရိကန်နိုင်ငံအစိုးရ၏ မြန်မာနိုင်ငံသားများအပေါ် Temporary Protected Status (TPS) ပေးထားရာမှ ရပ်ဆိုင်းခဲ့ကြောင်း သတင်းထုတ်ပြန်ခဲ့မှုနှင့်ပတ်သက်၍ မီဒီယာများ၏ မေးမြန်းမှုအပေါ် အမျိုးသားကာကွယ်ရေးနှင့်လုံခြုံရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြန်လည်ဖြေကြားချက်

     

    ဒီနေ့မှာတော့ အမေရိကန်နိုင်ငံအစိုးရရဲ့ မြန်မာနိုင်ငံသားများအပေါ်မှာ TPS (Temporary Protected Status) ပေးထားတာကနေ ရပ်ဆိုင်းလိုက်တဲ့ သတင်းထုတ်ပြန်ချက်နဲ့ ပတ်သက်ပြီး မီဒီယာများရဲ့ မေးမြန်းချက်ကို ပြန်လည်ဖြေကြားမှာဖြစ်ပါတယ်။ ဒီနေ့အမေရိကန် ပြည်တွင်းလုံခြုံရေးဝန်ကြီးဌာန Department of Homeland Security ရဲ့ ထုတ်ပြန်ကြေညာချက်နဲ့ အမေရိကန်နိုင်ငံသားနှင့် လူဝင်မှုကြီးကြပ်ရေးအဖွဲ့ရဲ့ ထုတ်ပြန်ကြေညာချက်အရ အမေရိကန်နိုင်ငံရောက် မြန်မာနိုင်ငံသားများကို TPS ပေးထားတာကနေ ရပ်ဆိုင်းလိုက်တယ်ဆိုတဲ့ သတင်းကြားသိရပါတယ်။ ဒါနဲ့ ပတ်သက်ပြီး လေ့လာကြည့်တဲ့အခါမှာ TPS ရပ်ဆိုင်းရတဲ့ အကြောင်းရင်းကတော့ မြန်မာနိုင်ငံရဲ့ အခြေအနေတိုးတက်လာမှုကြောင့်ဆိုတာကို ပြောဆိုထားတာတွေ့ရပါတယ်။ ဒီထဲမှာ မြန်မာနိုင်ငံအစိုးရအနေနဲ့ အရေးပေါ်အခြေအနေက ရုပ်သိမ်းပေးခဲ့မှု၊ ပါတီစုံဒီမိုကရေစီ အထွေထွေရွေးကောက်ပွဲကျင်းပနိုင်ဖို့ ဆောင်ရွက်နေမှု၊ တိုင်းရင်းသားလက်နက်ကိုင်အဖွဲ့များနဲ့ ပစ်ခတ်တိုက်ခိုက်မှုရပ်စဲပြီး ငြိမ်းချမ်းရေးဆောင်ရွက်နိုင်မှု၊ မြန်မာနိုင်ငံရဲ့ အုပ်ချုပ်ရေးပိုင်းဆိုင်ရာ တည်ငြိမ်လာမှုနဲ့ တိုးတက်မှုတို့ကြောင့် TPS အခွင့်အရေးရထားတဲ့ မြန်မာတွေအနေနဲ့ မြန်မာနိုင်ငံကို လုံခြုံစွာ ပြန်နိုင်ပြီဖြစ်ကြောင်း သုံးသပ်ပြီး ရပ်ဆိုင်းခဲ့တယ်ဆိုတာကို သိရပါတယ်။ ဒါနဲ့ပတ်သက်ပြီး ကျွန်တော်တို့ မြန်မာနိုင်ငံအစိုးရအနေနဲ့ အမေရိကန်အစိုးရရဲ့ ဒီထုတ်ပြန်ချက်ဟာ အပြုသဘောဆောင်တဲ့ ထုတ်ပြန်ချက်ဖြစ်တယ်လို့ မှတ်ယူပါတယ်။ အမေရိကန်နိုင်ငံရောက် မြန်မာနိုင်ငံသူ/နိုင်ငံသားများအနေနဲ့ အမိနိုင်ငံကို ပြန်လာလို့ရပါတယ်။ ကြိုဆိုပါတယ်။ ကျွန်တော်တို့အနေနဲ့ ၂၀၂၁ ခုနှစ် ဧပြီလ ၂ ရက်နေ့ကတည်းက အကြောင်းအမျိုးမျိုးကြောင့် နေရာဒေသအသီးသီးကို ရောက်ရှိနေတဲ့ မြန်မာနိုင်ငံသားများကို နိုင်ငံတော်စီမံအုပ်ချုပ်ရေးကောင်စီက တရားဝင်ကြေညာချက်ထုတ်ပြီး ဖိတ်ခေါ်ခဲ့ပါတယ်။ အဲ့ဒီထဲမှာတော့ လူသတ်မှု၊ မုဒိမ်းမှု စတဲ့ပြစ်မှုကြီးများ ကျူးလွန်သူများကတော့ တရားဥပဒေအရ တရားရင်ဆိုင်ရမှာဖြစ်ပြီး ကျန်သူများကတော့ အထူးသက်ညှာစွာ ဖြေလျှော့ဆောင်ရွက်ပေးသွားပါမယ်လို့ ကြေညာချက်မှာ ပါခဲ့ပြီးဖြစ်ပါတယ်။ အဲ့ဒီကြေညာချက်ကြောင့်လည်း ထွက်ပြေးတိမ်းရှောင်သူ တော်တော်များများ ပြန်လည်ဝင်ရောက်ခဲ့ပါတယ်။ သူတို့အနေနဲ့လည်း ကျွန်တော်တို့နိုင်ငံအတွင်းမှာ ကောင်းမွန်စွာ နေထိုင်လျက်ရှိပါတယ်။ ၂၀၂၅ ခုနှစ် ဇူလိုင်လ ၄ ရက်နေ့မှာတော့ ပြည်ထောင်စုအကျိုးအတွက် ဖိတ်ခေါ်ချက်များဆိုပြီး PDF အမည်ခံ လက်နက်ကိုင်အုပ်စုတွေကိုလည်း တရားဥပဒေဘောင်အတွင်း ဝင်ရောက်နိုင်ဖို့ ဖိတ်ခေါ်ခဲ့ပါတယ်။ ဒီဖိတ်ခေါ်ချက်ကြောင့်လည်း PDF အမည်ခံ လက်နက်ကိုင်အဖွဲ့ဝင်ရာပေါင်းများစွာ တရားဥပဒေဘောင်အတွင်း ဝင်ရောက်ခဲ့ပြီးဖြစ်ပါတယ်။ ၂၀၂၄ ခုနှစ် စက်တင်ဘာလ ၂၆ ရက်နေ့မှာလည်း ကျွန်တော်တို့ နိုင်ငံမှာ ရွေးကောက်ပွဲကျင်းပတော့မှာ ဖြစ်တဲ့အတွက် နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းရန် ကမ်းလှမ်းချက်ထုတ်ပြန်ပြီး ဖိတ်ခေါ်ခဲ့ပါတယ်။ အခုကျွန်တော်တို့နိုင်ငံမှာ မကြာမီအချိန်အတွင်းမှာ ပါတီစုံဒီမိုကရေစီအထွေထွေရွေးကောက်ပွဲကြီး ကျင်းပတော့မှာဖြစ်ပါတယ်။ အမေရိကန်ရောက် မြန်မာနိုင်ငံသားများအနေနဲ့ မြန်မာနိုင်ငံကို ပြန်လာပြီး အထွေထွေရွေးကောက်ပွဲမှာ မဲပေးနိုင်ပါတယ်။ ခေတ်မီဖွံ့ဖြိုးတိုးတက်တဲ့ နိုင်ငံတော်တည်ဆောက်ရေးမှာ ပါဝင်နိုင်ဖို့ လက်ကမ်းကြိုဆိုပါကြောင်း အသိပေးအပ်ပါတယ်။ အားလုံးကို ကျေးဇူးတင်ပါတယ်။

    MOI

  • မေး :
    မိုးရာသီတွင် မြစ်ကမ်းဘေးများ ရေတိုက်စားပြီး ကမ်းပါးပြိုကျခြင်း များကို အထိရောက်ဆုံး ကာကွယ်နိုင်သော နည်းလမ်းများကို ရှင်းပြပေးစေချင်ပါသည်။
    ဖြေ :

    ပို့ဆောင်ရေးနှင့် ဆက်သွယ်ရေးဝန်ကြီးဌာန

    ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန

    မိုးရာသီရေများချိန် ကမ်းပြိုကာကွယ်ရေး ဆောင်ရွက်နိုင်သောလုပ်ငန်းများ တင်ပြချက်

    ၁။       ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက်ရေးဦးစီး ဌာနမှ ဆောင်ရွက်လေ့ရှိသော ရေများချိန် အရေးပေါ်ကမ်းပြိုကာကွယ်ရေးလုပ်ငန်းများမှာ မြစ်ချောင်းများ၏ သဘောသဘာဝ၊ ရေစီးဆင်းမှုပုံသဏ္ဍာန်၊ ရေစီးနှုန်း၊ ကမ်းပါး မြေသား အခြေအနေ၊ လုပ်ငန်းသုံးပစ္စည်း အလွယ်တကူ ရရှိနိုင်မှု အခြေအနေနှင့် ရန်ပုံငွေရရှိနိုင်မှု အခြေအနေတို့အပေါ် မူတည်၍ ဆောင်ရွက်သော ဒီဇိုင်းများ ကွာခြား ပါသည်။ မိုးရာသီ ရေများချိန်ဖြစ်သဖြင့် အရေးပေါ်အလျင်အမြန် ဆောင်ရွက်ရန်လိုအပ်ပြီး၊ ရေများချိန် တစ်လျှောက်လုံး စောင့်ကြည့်စစ်ဆေးခြင်း၊ လိုအပ်သလိုပြုပြင်ပေးခြင်း(Maintenance) တို့အပြင် လိုအပ်ပါက ထပ်မံဖြည့်စွက် (Additional) ဆောင်ရွက်ရန်လိုအပ်ခြင်းစသည်တို့ဖြင့် လုပ်ငန်းအောင်မြင်စေရန် ဆောင်ရွက်ပေးရပါသည်။

    ၂။       မိုးရာသီ ရေများချိန်တွင် ဆောင်ရွက်နိုင်သော အရေးပေါ် ကမ်းပြိုကာကွယ်ရေးနည်းလမ်း (Emergency Nature) များမှာ အောက်ပါအတိုင်းဖြစ်ပါသည်-

    (က)    ကမ်းရင်းတွင် ဝါးဖောင်ရေကာ (Floating Structure)ပြုလုပ်ခြင်း။ ကမ်းရင်းတွင် ဝါးဖောင် ရေကာ (Floating Structure) ပြုလုပ်ခြင်းသည် ရေများချိန်အတွင်း များပြားသော ရေထုထည်စီးဆင်းနှုန်း (Discharge) နှင့် ရေစီးနှုန်း (Velocity) တို့ကြောင့် ကမ်းပါးကို တိုက်စားခြင်းမှလည်းကောင်း၊ ရေများချိန် မြစ်၊ ချောင်းများအတွင်း ခုတ်မောင်း ကြသော လှေ၊ သင်္ဘောများကြောင့် လှိုင်းပုတ်မှု ဒဏ်ကြောင့် ကမ်းပါးပဲ့ကျမှုများအား လည်းကောင်း ကာကွယ်နိုင်ရန် ရည်ရွယ်၍ ဆောင်ရွက်ခြင်း ဖြစ်ပါသည်။ ဝါးဖောင်များကို အများအားဖြင့် ဝါးဘိုးဝါးများ၊ ဝါးနက်ဝါးများဖြင့် ချိတ်ဆက် တုပ်နှောင်၍ ဖောင်ဖွဲ့ကာ၊ ကမ်းရင်းတစ်လျှောက် ချထားတပ်ဆင်ရပါသည်။ ဝါးဖောင်များကို ရေထဲပိုင်းတွင် ကျောက်ဆူးများဖြင့် ချိတ်ဆွဲ၍ ရေစီးတွင် မျောပါ မသွားစေရန် ကျောက်ချထား ပါသည်။ ဝါးဖောင်များ၏ အောက်ခြေတွင်လည်း ဝါးလက်များပါသော ကိုင်းများကို ဇောက်ထိုး ချိတ်ဆွဲထားကာ ကမ်းရင်းရေစီးအားကို လျော့ကျစေပါသည်။ ဝါးဖောင်ရေကာ (Floating Structure) များသည် ကမ်းရင်း ရေစီးနှုန်းအားလျော့ကျစေပြီး၊ ကမ်းပါးတိုက်စားမှုများမှ ကာကွယ်ပေးပါသည်။ မြစ်ရေ ကျဆင်းချိန်တွင်လည်း ဝါးဖောင်များကို နေရာရွှေ့ပေးခြင်းဖြင့် ရေကျချိန်အထိ ကမ်းပါး များကို ရေတိုက်စားမှုမှ ကာကွယ်ပေးပါသည်။

    ( ခ ) ကမ်းရင်းတွင် သံမဏိကြိုးထိန်းရေကာ(Steel Cable Groyne)များ ပြုလုပ်ခြင်း။ ကမ်းရင်းတွင် သံမဏိကြိုးထိန်းရေကာ (Steel Cable Groyne) များ ပြုလုပ်ခြင်းသည် ကမ်းရင်း ပွတ်တိုက် စီးဆင်းနေသော ရေကြောင်းကို ကမ်းမှအဝေးသို့ ဝေးကွာစေခြင်းဖြင့် ကမ်းပါးပြိုကျမှုကို ထိန်းသိမ်း နိုင်ရန် ရည်ရွယ်၍ ဆောင်ရွက်ခြင်းဖြစ်ပါသည်။ သံမဏိကြိုးထိန်းရေကာသည် အဓိကအားဖြင့် Steel ကြိုး၊ ကျောက်ဆူး၊ ရေပေါ်စေမည့် သံတိုင်ကီတွဲများ၊ ရေစီးနှုန်းလျော့ကျစေမည့် အောက်ခြေ တွင် တွဲလျက် တပ်ဆင်သည့် နိုင်လွန်ပိုက်တို့၏ ကြံ့ခိုင်မှုအားဖြင့် ရေစီးအား ကမ်းပါးမှဝေးကွာ စေခြင်းဖြင့် ကမ်းပါးကို ထိန်းသိမ်းခြင်းဖြစ်ပါသည်။ ရေများချိန်နှင့် ရေနည်းချိန်တွင်ပါ ကမ်းပါး ထိန်းသိမ်းနိုင်သဖြင့် များစွာအကျိုးရှိသည့်ဒီဇိုင်း ဖြစ်ပါသည်။ ရေစီးတွင် ပါဝင်လာမည့် ဒိုက်သရိုက် များသည် နိုင်လွန်ပိုက်တွင် ကပ်ငြိ၍ ရေစီးအားလျှော့ချခြင်းဖြစ်ပြီး၊ ဒိုက်များလွန်းပါက ရေစီးတွင် မျောပါနိုင်သဖြင့် စောင့်ကြည့်စစ်ဆေးမှုနှင့် လိုအပ်သလို ဒိုက်သရိုက်များ ဖယ်ရှားပေးခြင်းဖြင့် အချိန်ကာလ ရှည်ကြာသည်အထိကမ်းပါးကို ထိန်းသိမ်းပေးနိုင်ပါသည်။

    ( ဂ )    ကမ်းပါးအခြေတွင် သဲအိတ်များ သို့မဟုတ် Geobags များ ချခြင်းနှင့် ကမ်းပါး ဆင်ခြေလျှောတွင် ကမ်းပြိုကာကွယ်ရေးသုံး ပိတ်စများ (Geotextile Layer) အလွှာလိုက်ကပ်ခြင်း။ ကမ်းပါးအခြေ တွင် သဲအိတ်များ(သို့)Geobags များချခြင်းနှင့် ကမ်းပါးဆင်ခြေလျှောတွင် ကမ်းပြိုကာကွယ်ရေး သုံးပိတ်စများ အလွှာလိုက်ကပ်ခြင်း (Geotextile Layer) သည် ကုန်ကျစရိတ် များပြားသော်လည်း ထိရောက်သော ကာကွယ်မှုတစ်ခု ဖြစ်ပါသည်။ ရေများချိန် ကမ်းပြိုခြင်းများသည် မြစ်ကွေး၏ အပြင်ဘက် (Outer Bend) တွင် ဖြစ်ခြင်း၊ ရေဦးထိုးခြင်း၊ ရေဝဲလှည့်ခြင်းနှင့် အောက်ခြေ တိုက်စားမှု များကြောင့် ပြိုကျရခြင်းဖြစ်သဖြင့် ရေဝဲလှည့်ခံရသောနေရာ (ရေနက်အိုး)များတွင် သဲအိတ်များ သို့မဟုတ် Geobags များ ချခြင်းဖြင့် ရေဦးထိုးခြင်း၊ ဝဲလှည့်တိုက်စားခံရမှုများမှ ကာကွယ်ပြီး နောက်၊ ဆင်ခြေလျှောအား ၁း၂ ရသည် အထိ မြေခုတ်ညှိ၍ နေရောင်ခြည်ခံနိုင်သောပိတ်စ (Woven Geotextile) (20 kN/m) ဖုံးအုပ်ပေးခြင်းဖြင့် ကမ်းပါးကို ကာလရှည်ကြာစွာ ထိန်းသိမ်း ပေးနိုင်ပါသည်။

    (ဃ)    သဲမွေ့ရာ (Sand Mattress)များ ပြုလုပ်၍ ချထားခြင်း (Toe Protection)။ သဲမွေ့ရာ (Sand Mattress) များ ပြုလုပ်၍ ချထားခြင်း (Toe Protection) ဆောင်ရွက်ခြင်းသည် ကမ်းရင်းရေနက်အိုး များ ဖြစ်ပေါ်နေမှု၊ ရေဝဲဖြစ်ပေါ်မှုများကြောင့် အောက်ခြေတိုက်စား ခံရပြီး၊ ကမ်းပါးအပေါ်ပိုင်းများ ပြိုကျခြင်းတွင် သဲမွေ့ရာများ ပြုလုပ်ချထားခြင်းသည် ထိရောက်သော ကာကွယ်မှုတစ်ခု ဖြစ်ပါသည်။ သဲမွေ့ရာအား တာပေါ်လင်စများ၊ ကမ်းပြိုကာကွယ်ရေးသုံးပိတ်စ(Geotextile)များ အသုံးပြု၍ ချုပ်လေ့ရှိပြီး အတွင်းတွင် သဲများထည့်ပါသည်။ သဲမွေ့ရာများသည် ကမ်းပါးအခြေရှိ မြေသားနှင့် ရေစီးကြောင်း အကြား (ကူရှင်ကဲ့သို့) ရှိပေးခြင်းကြောင့် အခြေတိုက်စားမှုအား ကာကွယ်ပေးသဖြင့် ကမ်းပါးအပေါ်ပိုင်း ပြိုကျမှုကို ထိန်းသိမ်းပေးနိုင်ပါသည်။ သဲမွေ့ရာ ပြုလုပ် ချထားခြင်းတွင် ကျွမ်းကျင်ဝန်ထမ်း၊ ကိရိယာပြည့်စုံမှုတို့သည် အရေးကြီးသည့်အပြင် ရေစီးနှုန်း ပြင်းထန်သောမြစ်များတွင် ချထားရာ၌ လူအန္တရာယ်မဖြစ်စေရန် ဂရုပြု ဆောင်ရွက်ရပါသည်။

    ( င )    ရေလမ်းကြောင်းလွှဲခြင်း (သောင်တူးခြင်း)။ ရေလမ်းကြောင်းလွှဲခြင်း သောင်တူးခြင်း (Dredging) ပြုလုပ်ခြင်းသည် ထိရောက်သော အရေးပေါ်ကမ်းပြိုကာကွယ်ရေး နည်းစနစ်တစ်ခု ဖြစ်သော်လည်း နေရာတိုင်းတွင် ဆောင်ရွက်၍ မရခြင်းကြောင့် အချို့ရေလမ်းပိုင်းနေရာများတွင်သာ ဆောင်ရွက် နိုင်သော စနစ်တစ်ခု ဖြစ်ပါသည်။ ရေများချိန် ရေဦးထိုးမှုများကြောင့် ပြိုကျနေသော နေရာများ သည် ရေလမ်းကြောင်း လွှဲလိုက်ခြင်းဖြင့် ရေဦးထိုးမှု မရှိတော့ခြင်းကြောင့် များစွာထိရောက်သော စနစ် ဖြစ်ပါသည်။ ထိုသို့ဆောင်ရွက်ရန်အတွက် ရေလမ်းအကျယ်၊ သောင်ပြန့်များ အခြေအနေနှင့် ရေမြွှာပေါက်များ စသည်တို့အပေါ်တွင် အခြေခံ၍ စဉ်းစားရသော နည်းစနစ် တစ်ခုဖြစ်သဖြင့် နေရာဒေသအားလုံးတွင် ဆောင်ရွက်ရန် မဖြစ်နိုင်ကြောင်း တွေ့ရပါသည်။ မိုးရာသီ အရေးပေါ် ကမ်းပြိုနေသော ရေလမ်းများ၏ အခြေအနေပေါ်တွင် မူတည်၍ ကမ်းပြိုကာကွယ်မည့် နည်းလမ်း ကို စဉ်းစားရသည့် သဘောဖြစ်ပါသည်။

    ( စ )    ကမ်းရင်းတွင် ဝါးကိုင်းများ၊ သစ်ပင်၊ သစ်ကိုင်းများ သို့မဟုတ် ကိုင်းပင်များဖြင့် ရေတောင်ဝှေးများ ပြုလုပ်၍ချထားခြင်း။ ကမ်းရင်းတွင် ဝါးကိုင်းများ၊ သစ်ပင်၊ သစ်ကိုင်းများ သို့မဟုတ် ကိုင်းပင် များဖြင့် ရေတောင်ဝှေးများ ပြုလုပ်၍ချထားခြင်းသည် ကမ်းရင်းစီးဆင်းနေသော ရေစီးနှုန်းကို လျှော့ချခြင်းဖြင့် နုန်းအနည်များ ကျစေရန် ရည်ရွယ်၍ ဆောင်ရွက်ခြင်းဖြစ်ပါသည်။ သစ်ပင် သစ်ကိုင်းများကို သဲအိတ်များ သို့မဟုတ် အလေးဝန် တစ်ခုခု ချိတ်ဆွဲ၍ ကမ်းရင်းတွင်ချထားခြင်း၊ အရေအတွက် များများ ချထားခြင်းသည် ရေစီးကြောင်းကို ကမ်းရင်းမှ ဝေးကွာစေသဖြင့် ရေတိုက် စားခံရမှုမှ လျော့နည်းစေခြင်းဖြစ်ပါသည်။ အဆိုပါ နည်းစနစ်ကို တစ်ဖက်တည်း စီးဆင်းသော မြစ်၊ ချောင်းများတွင်သာမက နှစ်ဖက်စီးဆင်းသော (ဒီရေသက်ရောက်သော) ဒေသများတွင်လည်း များစွာအကျိုးများသော နည်းစနစ်ဖြစ်ပါသည်။ အရေးကြီးသည်မှာ သစ်ကိုင်းများများ ချထားရန် နှင့် သဲအိတ်များများ အသုံးပြုရန်၊ အလေးဝန် ပါသော အရာဝတ္ထုများ အသုံးပြုရန်၊ လိုအပ်သော နေရာများတွင် အရေအတွက် များများ ချထားရန်လိုအပ်ပြီး အကျိုးဖြစ်ထွန်းမှုရှိသော နည်းစနစ် တစ်ခုဖြစ်ပါသည်။

    (ဆ)    ကမ်းရင်းအနီးရှိ အလေးချိန်ရှိသော အဆောက်အဦ/ သစ်ပင်များ ဖယ်ရှားခြင်း။ ကမ်းရင်း အနီးရှိ အလေးချိန်ရှိသော အဆောက်အဦ/ သစ်ပင်များ ဖယ်ရှားခြင်းဖြင့် ကမ်းပါးပြိုကျမှုနှုန်းကို လျော့နည်းစေမည်ဖြစ်ပါသည်။ ကမ်းပါးရင်းအနီးရှိ သစ်ပင်များ၊ အဆောက်အဦများသည် အပေါ်မှ သက်ရောက် သောအား (Surcharge Load) များ ဖြစ်သဖြင့် လျှော့ချရန် လိုအပ်ပါသည်။ သို့မှသာ မိုးရာသီ ကမ်းပြိုမှုများ ထိန်းသိမ်းခြင်းတွင် ထိရောက်အောင်မြင်စွာ ဆောင်ရွက်နိုင်မည်ဖြစ်ပါသည်။

    ၃။      ထိုကဲ့သို့ မိုးရာသီရေများချိန် အရေးပေါ် ကမ်းပြိုကာကွယ်ရေးနည်းလမ်းများ ဆောင်ရွက်ရာတွင် လုပ်ငန်းသုံးပစ္စည်းရရှိနိုင်မှု၊ ရန်ပုံငွေသုံးစွဲနိုင်မှု၊ စောင့်ကြည့်စစ်ဆေးမှု၊ လိုအပ်သလို ထပ်မံ ဖြည့်စွက်ဆောင်ရွက်နိုင်မှု၊ ဒေသခံများ၏ ပူးပေါင်းဆောင်ရွက်မှု စသည်တို့မှာ အရေးကြီးသော အချက်များဖြစ်ပါသည်။ ရေများချိန်ဖြစ်သဖြင့် ကမ်းပါးများကို လိုအပ်သလို ပုံဖော်နိုင်ခြင်းမရှိဘဲ ရေနည်းချိန်မှသာ ကမ်းပါးများကို လိုအပ် သလို ပုံဖော်၍ အခိုင်အမာ တည်ဆောက်သည့် ကမ်းပြိုကာကွယ်ရေးနည်းလမ်း (Permanent Structure) ဖြင့် ဆောင်ရွက်နိုင်မည်ဖြစ်ပါသည်။

    ၄။       မြန်မာနိုင်ငံရှိ မြစ်ချောင်းများသည် မိုးရာသီကမ်းပြိုခြင်းမှာ ရေထုထည်စီးဆင်းနှုန်းများခြင်း၊ ရေစီးနှုန်း များခြင်း၊ ရေဦးထိုးခံရခြင်း၊ ရေဝဲလှည့်ခြင်း စသည်တို့ကြောင့်ဖြစ်ပြီး ရေကျချိန် ကမ်းပြိုရခြင်းမှာ မြေကြီးအတွင်း အောင်းရေများ မြစ်ထဲသို့ ပြန်ထွက်ခြင်း(Seepage)၊ ရေကျချိန်တွင် ရေကြောင်းပြောင်း၍ ရေဦးထိုးခံရခြင်း၊ မြစ်ကွေး၏အပြင်ဘက် (Outer Bend) ဖြစ်၍ ရေတိုက်စားခြင်း၊ မြစ်တစ်ဖက်ကမ်းတွင် သောင်ထွန်းခြင်းကြောင့် အခြားတစ်ဖက်ကမ်းတွင် ရေတိုက်စားကာ ကမ်းပါး ပြိုကျခြင်း၊ ကမ်းရင်းတွင် ရေမြုပ်တုံး တစ်ခုခုရှိသဖြင့် ဝဲလှည့်၍ ပြိုကျခြင်း စသည်တို့ကြောင့်ဖြစ်ပါသည်။ မိုးရာသီရေများချိန်တွင် ကမ်းပါးထိန်းသိမ်းရာ၌ အောက်ခြေ ရေအနက်၊ တိုက်စားမှုတို့ကို ခန့်မှန်းတွက်ချက်၍ ထိန်းသိမ်းရခြင်းဖြစ်သဖြင့် အတိအကျဆောင်ရွက်နိုင်ရန်၊လိုအပ်သောနေရာ၌ ထိရောက်စွာ ဆောင်ရွက်နိုင်ရန် ခက်ခဲသဖြင့် လိုအပ်သည်ထက် ပိုမိုဆောင်ရွက်မှသာ ထိရောက် အောင်မြင်နိုင်သော သဘောရှိပါသည်။ ရေကျချိန်တွင်မူ လိုအပ်သောနေရာ၌ ဆောင်ရွက်ပေးခြင်းဖြင့် ထိရောက် အောင်မြင်စွာ ဆောင်ရွက်နိုင်ကြောင်းတွေ့ရှိရပါသည်။

    ၅။       သို့ဖြစ်ပါ၍ ရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေးဦးစီးဌာနသည် မိုးရာသီတွင် ကမ်းပြိုမှု များကို အရေးပေါ် ကမ်းပြိုကာကွယ်ရေးနည်းလမ်း (Emergency Nature) ဖြင့် ထိန်းသိမ်းလေ့ရှိပါကြောင်းနှင့် ရေနည်းရာသီတွင် အခိုင်အမာတည်ဆောက်သည့် ကမ်းပြိုကာကွယ်ရေးနည်းလမ်း (Permanent Nature) ဖြင့် ထိန်းသိမ်းပါကြောင်း တင်ပြအပ်ပါသည်။

    ဖြေကြားပေးသည့်ဌာန -         ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာန

    မှတ်တမ်းဓာတ်ပုံများကို အောက်ဖော်ပြပါ link တွင် ဝင်ရောက်ကြည့်ရှုနိုင်ပါသည်။

    https://presoffministry.gov.mm/my/node/17960

  • မေး :
    ကျွန်မ၏အမျိုးသားမှာ ကွယ်လွန်ပြီးဖြစ်၍ ကျွန်မသည် မိသားစု ပင်စင်ခံစားနေပါသည်။ ယခုလက်ရှိ ထောက်ပံ့ကြေး ၃ ကြိမ် တိုးပြီး ဖြစ်သော်လည်း ကျွန်မ မခံစားရပါ။ ကျွန်မသည် လက်ရှိ ပညာရေးဝန်ထမ်းဖြစ်ပြီး သားတစ်ယောက်နှင့်အတူ နေထိုင်နေ ပါသည်။ ထို့ကြောင့် ကျွန်မသည် အဆိုပါထောက်ပံ့ကြေးကို ကျွန်မ၏ အမျိုးသားနှင့်သက်ဆိုင်သော အပိုထောက်ပံ့ကြေးနှင့် ကျွန်မ နှင့်သက်ဆိုင်သော အပိုထောက်ပံ့ကြေးတို့ကို အဘယ်ကြောင့် တစ်ပြိုင်နက် ခံစားခွင့်မရှိသည်ကို ဖြေကြားပေးစေချင်ပါသည်။
    ဖြေ :

    ၁။       ဘဏ္ဍာရေးနှင့်အခွန်ဝန်ကြီးဌာနအနေဖြင့် ဖော်ပြပါမေးခွန်းနှင့်စပ်လျဉ်း၍ ရှင်းလင်းဖြေကြားချက်အား အောက်ပါအတိုင်း တင်ပြအပ်ပါသည်-

    (က) နိုင်ငံတော်အတွင်း မှီတင်းနေထိုင်ကြသော အငြိမ်းစားဝန်ထမ်းများအတွက် အပို ထောက်ပံ့ကြေး ခံစားခွင့်ပြုခြင်းနှင့်စပ်လျဉ်း၍ ယခင်စီမံကိန်းနှင့် ဘဏ္ဍာရေးဝန်ကြီးဌာန၏ ၂၆-၇-၂၀၂၄ ရက်စွဲပါ အမိန့်ကြော်ငြာစာ အမှတ်၊ ၅၄/၂၀၂၄၊ အပိုင်း ၆ ၊ အပိုဒ် ၇၊ အပိုဒ်ခွဲ (ခ) တွင် “ပင်စင်လစာ တစ်ခုထက်ပို၍ ရရှိနေသော အငြိမ်းစားဝန်ထမ်းများအတွက် ယင်းသို့ရရှိနေသည့် ပင်စင်လစာ အားလုံး၏ စုစုပေါင်းအပေါ် အပိုထောက်ပံ့ကြေးကို ခံစားခွင့်ပြုရန်ဖြစ်ပါသည်" ဟု လည်းကောင်း၊ အပိုဒ်ခွဲ (ဂ) တွင် “မိသားစုပင်စင်နှင့်ပတ်သက်၍ အကျိုးခံစားခွင့်ရှိသူ အားလုံး (ဥပမာ-ကွယ်လွန်သူဝန်ထမ်း၏ ဇနီးနှင့်သားသမီးများအားလုံး) ခံစားရရှိနေ သည့် ပင်စင်ငွေစုစုပေါင်းအပေါ်တွင် အပိုထောက်ပံ့ကြေးကို ခံစားခွင့်ပြုရန်နှင့် ယင်းအပို ထောက်ပံ့ကြေးကို တစ်ကြိမ်သတ်မှတ်ပြီးဖြစ်ပါက တစ်ဦးတစ်ယောက်၏ ခံစားခွင့်ရပ်စဲ သွားသည့်အခါ အပိုထောက်ပံ့ကြေးကို ထပ်မံပြင်ဆင်သတ်မှတ်ရန် မလိုပါ” ဟုလည်းကောင်း ဖော်ပြထားပါကြောင်း၊ 

    (ခ)      ထို့ပြင် ယခင်စီမံကိန်းနှင့် ဘဏ္ဍာရေးဝန်ကြီးဌာန၏ ၁၅-၈-၂၀၂၄ ရက်စွဲပါ စာအမှတ်၊စဘ/ဘဏ္ဍာ-၂/၂/၃၁၀ (၃၉၀၄/၂၀၂၄)  အပိုဒ် ၂၊ အပိုဒ်ခွဲ (ဂ) တွင် “အငြိမ်းစားယူပြီး နိုင်ငံ့ဝန်ထမ်းအဖြစ် ပြန်လည်တာဝန်ထမ်းဆောင်နေသူများအနေဖြင့် ရာထူးလစာ အပေါ်တွင် အပိုထောက်ပံ့ကြေး ခံစားခွင့်ရှိပြီးဖြစ်ပါ၍ ပင်စင်လစာအပေါ်တွင် အပိုထောက်ပံ့ကြေးအား ထပ်မံခံစားခွင့်မပြုရန်” ဟုလည်းကောင်း၊ အပိုဒ်ခွဲ (ဃ) တွင် “အငြိမ်းစားယူပြီးနောက် အခါအားလျော်စွာ နေ့စားအဖြစ် ဝင်ရောက်လုပ်ကိုင် သူများသည် ၎င်းတို့၏ နေ့စားလုပ်ခတွင် အပိုထောက်ပံ့ကြေး ပါဝင်ပြီးဖြစ်၍ ပင်စင် လစာအပေါ်တွင် အပိုထောက်ပံ့ကြေးအား သီးခြားခံစားခွင့်မပြုရန်” ဟုလည်းကောင်း၊ အပိုဒ်ခွဲ (င) တွင် “အငြိမ်းစားယူပြီးနောက် ကျွမ်းကျင်၊ အကြံပေးအဖြစ်ဝင်ရောက် လုပ်ကိုင်သူများသည် ၎င်းတို့အား အပိုထောက်ပံ့ကြေးခံစားခွင့်ပြုပြီးဖြစ်၍ ပင်စင် လစာအပေါ်တွင် အပိုထောက်ပံ့ကြေးအား သီးခြားခံစားခွင့်မပြုရန်" ဟုလည်းကောင်း ဖော်ပြထားပါကြောင်း၊

    (ဂ)      သို့ဖြစ်ရာ နိုင်ငံတော်အတွင်း မှီတင်းနေထိုင်ကြသော အငြိမ်းစားဝန်ထမ်းများအတွက် ခံစားခွင့်ပြုထားသည့် လစဉ်အပိုထောက်ပံ့ကြေး ကျပ် ၆၀,၀၀၀/-သည် အထက် အပိုဒ်ခွဲ (က) နှင့် (ခ) တို့ပါ ဖော်ပြချက်များအရ လူပုဂ္ဂိုလ်တစ်ဦးအတွက် တစ်မျိုးသာ ခံစားခွင့်ရှိမည်ဖြစ်ပါကြောင်း၊

    (ဃ)    ခင်ပွန်းကွယ်လွန်၍ မိသားစုပင်စင်ခံစားနေသည့် ဒေါက်တာ ------------- သည် လက်ရှိတွင် ပညာရေးဝန်ထမ်း တစ်ဦးဖြစ်ကြောင်း ဖော်ပြထားခြင်းကြောင့် ရာထူးလစာ အပေါ်တွင် အပိုထောက်ပံ့ကြေး တစ်လလျှင် ကျပ် ၉၀,၀၀၀/- ကို ခံစားခွင့် ရရှိပြီးဖြစ် ပါသဖြင့် ၎င်းခံစားခွင့်ရရှိနေသည့် မိသားစုပင်စင်လစာငွေအပေါ်တွင် အပိုထောက်ပံ့ ကြေးကျပ် ၆၀,၀၀၀/- ကို ထပ်မံခံစားခွင့်ရှိမည် မဟုတ်ပါ။ ဒေါက်တာ ----------------- သည် နိုင်ငံ့ဝန်ထမ်းမဟုတ်ပါက ၎င်းခံစားနေသည့် မိသားစုပင်စင်လစာငွေအပေါ်တွင် အပိုထောက်ပံ့ကြေး ခံစားခွင့်ရှိမည်ဖြစ်ပါကြောင်း၊

    (င)      နိုင်ငံတော်အတွင်း နိုင်ငံတော်၏ တာဝန်ထမ်းဆောင်လျက်ရှိကြသည့် နိုင်ငံ့ဝန်ထမ်း များနှင့် အငြိမ်းစားဝန်ထမ်းများအတွက် အပိုထောက်ပံ့ကြေး ထပ်မံခံစားခွင့်ပြုခြင်း ကိစ္စနှင့်စပ်လျဉ်း၍ ဘဏ္ဍာရေးနှင့်အခွန်ဝန်ကြီးဌာန၏ ၃၀-၉-၂၀၂၅ ရက်စွဲပါစာဖြင့် ထုတ်ပြန်ခဲ့သည့် အမိန့်ကြော်ငြာ စာအမှတ် ၁၁၀/၂၀၂၅ အပိုင်း ၆၊ အပိုဒ် ၇၊ အပိုဒ်ခွဲ (ဂ) တွင် “မိသားစုပင်စင်နှင့် ပတ်သက်၍ အကျိုးခံစားခွင့်ရှိသူအားလုံး (ဥပမာ-ကွယ်လွန်သူဝန်ထမ်း၏ ဇနီးနှင့် သားသမီးများအားလုံး) ခံစား ရရှိနေသည့် ပင်စင်ငွေစုစုပေါင်းအပေါ်တွင် အပိုထောက်ပံ့ကြေးကို ခံစားခွင့်ပြုရန်နှင့် ယင်းအပို ထောက်ပံ့ကြေးကို တစ်ကြိမ်သတ်မှတ်ပြီးဖြစ်ပါက တစ်ဦးတစ်ယောက်၏ ခံစားခွင့် ရပ်စဲ သွားသည့်အခါ အပိုထောက်ပံ့ကြေးကို ထပ်မံပြင်ဆင်သတ်မှတ်ရန် မလိုပါ" ဟုဖော်ပြထားပါကြောင်း၊

    (စ)      သို့ဖြစ်ပါ၍ အပိုထောက်ပံ့ကြေးခံစားခွင့်ပြုခြင်းသည် တစ်ဦးလျှင်တစ်ကြိမ်သာခံစား ခွင့်ပြုခြင်း ဖြစ်ပါသည်။ ဒေါက်တာ ------------ အနေဖြင့် ပညာရေးဝန်ထမ်းဖြစ်ပါ သောကြောင့် အပို ထောက်ပံ့ကြေးအား တတိယအကြိမ်အထိ ခံစားခွင့်ပြုပြီးဖြစ်ပါ သဖြင့် မိသားစုပင်စင်တွင် ထပ်မံ ခံစားခွင့်မရှိပါကြောင်း။

    ဖြေကြားပေးသည့် ဝန်ကြီးဌာန - ဘဏ္ဍာရေးနှင့်အခွန်ဝန်ကြီးဌာန

  • မေး :
    လက်ရှိ ပြည်ထောင်စုရာထူးဝန်အဖွဲ့အနေဖြင့် ပြည်ထောင်စုရာထူးဝန် အဖွဲ့၏ ရည်မှန်းချက် အပိုဒ် ၃ အချက်ပါ “ နိုင်ငံ့ဝန်ထမ်း” ဆိုသော အဓိပ္ပာယ်အနက်ဖွင့်ဆိုချက်နှင့် “ပြည်သူ့ဝန်ထမ်း” အနက်အဓိပ္ပာယ် ဖွင့်ဆိုချက် တူညီမှု ရှိ/မရှိ။ အနက်အဓိပ္ပာယ်တူညီမှုရှိခဲ့ပါက နိုင်ငံ့ ဝန်ထမ်းဥပဒေကို ပြည်သူ့ဝန်ထမ်းဥပဒေဟု ယူဆနိုင်မှု ရှိ/မရှိ။ အကယ်၍ အဆိုပါဝန်ထမ်းအဓိပ္ပာယ်ဖွင့်ဆိုချက် မတူညီမှုရှိခဲ့သော် အဆိုပါကွဲပြားခြားနားချက် အနက်အဓိပ္ပာယ်အား ပြည်ထောင်စု ရာထူးဝန်အဖွဲ့၏ ရည်မှန်းချက်အပိုဒ် (၃) ပါ “နိုင်ငံ့ဝန်ထမ်းဥပဒေ၊ နည်းဥပဒေများနှင့်အညီ “ပြည်သူ့ဝန်ထမ်းများအား --------- ပြည်သူ့ ဝန်ထမ်းကောင်းများဖြစ်စေရေး” ဟူသည့်ကိစ္စရပ်ဖြင့် ဆက်စပ်ရှင်းပြ ပေးနိုင်ပါရန် လေးစားစွာတင်ပြအပ်ပါသည်။
    ဖြေ :

    ၁။ နိုင်ငံ့ဝန်ထမ်းနှင့်ပြည်သူ့ဝန်ထမ်းတို့၏အနက်အဓိပ္ပာယ်ဖွင့်ဆိုချက် နှင့်စပ်လျဉ်း၍ အောက်ပါအတိုင်း ရှင်းလင်းဖြေကြားအပ်ပါသည်-

    (က)  “နိုင်ငံ့ဝန်ထမ်း” စကားရပ်အနက်အဓိပ္ပာယ်နှင့်စပ်လျဉ်း၍ နိုင်ငံ့ဝန်ထမ်းဥပဒေ ပုဒ်မ ၂၊ ပုဒ်မခွဲ (င) တွင် “ဝန်ထမ်း ဆိုသည်မှာ ဝန်ထမ်းအဖွဲ့အစည်းတစ်ရပ်ရပ်၏ ဖွဲ့စည်းပုံပါ ရာထူးတစ်ခုတွင် ခန့်အပ်ခြင်းခံရသည့် နိုင်ငံ့ဝန်ထမ်းကို ဆိုသည်။ တပ်မတော်သားများနှင့် မြန်မာနိုင်ငံရဲတပ်ဖွဲ့ ဝင်များသည် နိုင်ငံ့ဝန်ထမ်းများဖြစ်သော်လည်း ယင်းတို့၏ လုပ်ငန်း သဘာဝနှင့်တာဝန်တို့အရ ဤဥပဒေပါကိစ္စရပ် များနှင့် အကျုံးဝင်ခြင်းမရှိစေရ” ဟုလည်းကောင်း၊ ဝန်ထမ်း ဖွဲ့စည်းပုံနှင့်စပ်လျဉ်း၍ ပုဒ်မခွဲ (ခ) တွင် “ဝန်ထမ်းဖွဲ့စည်းပုံ ဆိုသည်မှာဖွဲ့စည်းပုံအခြေခံဥပဒေနှင့်ဤဥပဒေပါ ပြဋ္ဌာန်း ချက်များနှင့်အညီ ပြည်ထောင်စုအစိုးရအဖွဲ့က အတည်ပြု ထားသော ဝန်ထမ်းအဖွဲ့အစည်း၏ ဖွဲ့စည်းပုံကိုလည်းကောင်း၊တိုင်းဒေသကြီး သို့မဟုတ် ပြည်နယ်အစိုးရက ပြည်ထောင်စု အစိုးရအဖွဲ့နှင့် ကြိုတင်ညှိနှိုင်း၍ ဖွဲ့စည်းသော ဝန်ထမ်း အဖွဲ့အစည်း၏ ဖွဲ့စည်းပုံကိုလည်းကောင်း ဆိုသည်” ဟု လည်းကောင်း၊ ဝန်ထမ်းအဖွဲ့အစည်းနှင့်စပ်လျဉ်း၍ ပုဒ်မခွဲ (ဂ) တွင် “ဝန်ထမ်းအဖွဲ့အစည်းဆိုသည်မှာ ဖွဲ့စည်းပုံဖြင့် ဖွဲ့စည်းထားသော နိုင်ငံ့ဝန်ထမ်းအဖွဲ့အစည်းကိုဆိုသည်” ဟု လည်းကောင်း ပြဋ္ဌာန်းထားပါသည်။ အလားတူ ပြည်ထောင်စု ရာထူးဝန်အဖွဲ့ ဥပဒေ ပုဒ်မ ၂၊ ပုဒ်မခွဲ (စ) တွင် “ဝန်ထမ်း ဆိုသည်မှာ ဝန်ထမ်းအဖွဲ့အစည်းတစ်ရပ်ရပ်၏ ဖွဲ့စည်းပုံပါ ရာထူးတွင် ခန့်အပ်ခြင်းခံရသူ နိုင်ငံ့ဝန်ထမ်းကိုဆိုသည်” ဟု ပြဋ္ဌာန်းထားပါသည်။

    (ခ) အဆိုပါပြဋ္ဌာန်းချက်များအရ နိုင်ငံ့ဝန်ထမ်းဆိုသည်မှာ ဖွဲ့စည်းပုံအခြေခံဥပဒေနှင့် နိုင်ငံ့ဝန်ထမ်းဥပဒေပါပြဋ္ဌာန်းချက်များနှင့်အညီ ပြည်ထောင်စုအစိုးရအဖွဲ့က အတည်ပြုထားသော ဝန်ထမ်းအဖွဲ့အစည်း၏ ဖွဲ့စည်းပုံနှင့် တိုင်းဒေသကြီးသို့မဟုတ် ပြည်နယ်အစိုးရက ပြည်ထောင်စုအစိုးရအဖွဲ့နှင့် ကြိုတင်ညှိနှိုင်း၍ ဖွဲ့စည်းသော နိုင်ငံ့ဝန်ထမ်းအဖွဲ့အစည်း တစ်ရပ်ရပ်၏ ဖွဲ့စည်းပုံပါရာထူးတစ်ခုခုတွင် ခန့်အပ်ခြင်း ခံရသူကိုဆိုပါသည်။

    (ဂ)  “ပြည်သူဝန်ထမ်း” စကားရပ်အဓိပ္ပာယ်နှင့်စပ်လျဉ်း၍ နိုင်ငံ့ ဝန်ထမ်းဥပဒေ ပုဒ်မ ၂၊ ပုဒ်မခွဲ (ည) တွင် ပြဋ္ဌာန်းထားပါသည်။ (နိုင်ငံ့ဝန်ထမ်းဥပဒေ ပုဒ်မ ၂၊ ပုဒ်မခွဲ (ည) ပါ ကောက်နုတ်ချက်မိတ္တူကို ပူးတွဲ (၁) ဖြင့် တင်ပြထားပါသည်)

    (ဃ) နိုင်ငံ့ဝန်ထမ်းဥပဒေ ပုဒ်မ ၂၊ ပုဒ်မခွဲ (ခ)၊ (ဂ)၊ (င)၊ (ည)၊ ပြည်ထောင်စုရာထူးဝန်အဖွဲ့ ဥပဒေ ပုဒ်မ ၂၊ ပုဒ်မခွဲ (စ) တို့ပါ ပြဋ္ဌာန်းချက်များအရ နိုင်ငံ့ဝန်ထမ်းများသည် ပြည်သူ့ ဝန်ထမ်းများဖြစ်သော်လည်း ပြည်သူ့ဝန်ထမ်းတိုင်းသည် နိုင်ငံ့ဝန်ထမ်းများ မဟုတ်ကြောင်းတွေ့ရှိရပါသည်။ သို့အတွက် နိုင်ငံ့ဝန်ထမ်းဥပဒေကို ပြည်သူ့ဝန်ထမ်းဥပဒေဟု ယူဆ၍ မရပါ။

    ၂။ ပြည်ထောင်စုရာထူးဝန်အဖွဲ့၏ ရည်မှန်းချက် အပိုဒ် ၃ ပါ နိုင်ငံ့ ဝန်ထမ်းဥပဒေ၊ နည်းဥပဒေများနှင့်အညီ “ပြည်သူ့ဝန်ထမ်းများအား ပြည်သူ့ဝန်ကိုထမ်းမည့်သူ၊ ပြည်သူများ၏လိုအပ်ချက်ကို ဖြည့်ဆည်း ပေးမည့်သူဟူသည့် စိတ်ဓာတ်မျိုးထားရှိနိုင်ရေးနှင့် ပိုမိုကောင်း မွန်သော Service Delivery ပေးနိုင်သော ပြည်သူ့ဝန်ထမ်းကောင်းများ ဖြစ်စေရေး” ဟူသည့် စကားရပ်နှင့်စပ်လျဉ်း၍ အောက်ပါအတိုင်း ရှင်းလင်းဖြေကြားအပ်ပါသည် -

    (က) မြန်မာနိုင်ငံ နိုင်ငံ့ဝန်ထမ်းပြုပြင်ပြောင်းလဲမှုဆိုင်ရာ မဟာ ဗျူဟာစီမံချက် (၂၀၁၇-၂၀၂၀) အရ ရေးဆွဲထားသည့် ဦးတည်ဆောင်ရွက်မည့် နယ်ပယ် ၄ ခု အနက် နယ်ပယ် ၃ တွင် ပြည်သူဗဟိုပြုနိုင်ငံ့ဝန်ထမ်းများဖြစ်လာစေရန် ခေါင်းဆောင်မှု ပေးနိုင်သည့်အရည်အသွေးများနှင့် စွမ်းဆောင်ရည်များကို မြှင့်တင်နိုင်ရေးသင်ယူမှုနှင့် သင်တန်းနည်းစနစ်များတိုးတက်စေရန်အတွက် နိုင်ငံ့ဝန်ထမ်းတက္ကသိုလ် (၂) ခုတွင် ပြည်သူ့ဝန်ထမ်းအကယ်ဒမီအား ၂၀၁၇ ခုနှစ်၊ ဇန်နဝါရီလ ၂ ရက်နေ့၌ ဖွင့်လှစ်ခဲ့ပါသည်။

    (ခ) ပြည်သူ့ဝန်ထမ်းအကယ်ဒမီတွင် မတူကွဲပြားမှုနှင့် အားလုံး ပါဝင်ဆောင်ရွက်နိုင်မှုရှိစေရန်ရည်ရွယ်၍ အရာထမ်းလောင်းများအတွက်ဖွင့်လှစ်သည့် အရာထမ်းလောင်းအခြေခံသင်တန်း၊ ပြည်သူ့ဝန်ထမ်းစီမံခန့်ခွဲမှု ဘွဲ့လွန်ဒီပလိုမာသင်တန်း၌ ပြင်ပပုဂ္ဂလိကလုပ်ငန်းများမှ လူ့စွမ်းအားအရင်းအမြစ်နှင့် စီမံခန့်ခွဲမှုနယ်ပယ်များတွင် စီမံခန့်ခွဲအုပ်ချုပ်သူအနေဖြင့် ဆောင်ရွက်နေသည့်ပုဂ္ဂိုလ်များကိုလည်း ပါဝင်တက်ရောက်နိုင်စေရန် “ပြည်သူ့ဝန်ကိုထမ်းမည့်သူ ပြည်သူများ၏လိုအပ်ချက်ကို ဖြည့်ဆည်းပေးရာတွင် အရည်အချင်း ပြည့်ဝစွာဖြင့် တာဝန်ယူမှု၊ တာဝန်ခံမှုရှိစွာ ဝန်ဆောင်မှု ပေးနိုင်သော ပြည်သူ့ဝန်ထမ်းကောင်းများဖြစ်စေရေး” ဟူ၍ ပြည်ထောင်စုရာထူးဝန်အဖွဲ့၏ ရည်မှန်းချက် အပိုဒ် ၃ တွင် ထည့်သွင်းခဲ့ခြင်းဖြစ်ပါသည်။

    (ဂ) ၂၀၂၀ ခုနှစ် နောက်ပိုင်းမှစ၍ နိုင်ငံတော်စီမံအုပ်ချုပ်ရေး ကောင်စီလက်ထက်တွင် ပြည်ထောင်စုရာထူးဝန်အဖွဲ့၏ မူဝါဒ၊ မျှော်မှန်းချက် (Vision)၊ ရည်မှန်းချက် (Mission) တို့ကို ပြန်လည်သုံးသပ်ချက်အရ မျှော်မှန်းချက် (Vision) ကို “နိုင်ငံတော်နှင့် နိုင်ငံသားတို့၏ အကျိုးစီးပွားကိုရှေးရှု၍ ကဏ္ဍအလိုက်၊ အဆင့်အလိုက် တာဝန်ယူရသောလုပ်ငန်း များအား တာဝန်ယူမှု၊ တာဝန်ခံမှုဖြင့် ပေါင်းစပ်ညှိနှိုင်း ဆောင်ရွက်နိုင်သော ဝန်ထမ်းအဖွဲ့အစည်းဖြစ်စေရေး”ဟု ပြင်ဆင်ခဲ့ပါသည်။ ထို့အပြင် နိုင်ငံ့ဝန်ထမ်းတက္ကသိုလ်များ၌အရာထမ်းလောင်းများအတွက် ဖွင့်လှစ်သည့်သင်တန်းများ၌ပြင်ပပုဂ္ဂိုလ်များကို တက်ရောက်စေခြင်းမပြုတော့ဘဲ နိုင်ငံ့ ဝန်ထမ်းဥပဒေ၊ နိုင်ငံ့ဝန်ထမ်းနည်းဥပဒေများနှင့်အညီ ဝန်ထမ်းများ၏ ထမ်းဆောင်ရမည့်တာဝန်၊ စောင့်ထိန်း ရမည့်ကျင့်ဝတ်၊ လိုက်နာရမည့်စည်းကမ်းများ ကောင်းမွန် စေရေးအတွက် ၂၀၂၄ ခုနှစ်၊ ဒီဇင်ဘာလ ၂၆ ရက်နေ့တွင် ကျင်းပပြုလုပ်သည့် ပြည်ထောင်စုရာထူးဝန်အဖွဲ့အစည်း အဝေး (၅၀/၂၀၂၄) ၏ သဘောတူညီချက်အရ ပြည်ထောင်စု ရာထူးဝန်အဖွဲ့၏ ရည်မှန်းချက်အပိုဒ် ၃ ကို ဝန်ထမ်း ကောင်းများဖြစ်စေရေး နိုင်ငံ့ဝန်ထမ်းဥပဒေ၊ နည်းဥပဒေ များနှင့်အညီ ထိန်းကျောင်းပေးရန်ဟု ပြင်ဆင်သတ်မှတ် ခဲ့ပါသည်။ (ပြည်ထောင်စုရာထူးဝန်အဖွဲ့၏ မျှော်မှန်းချက် (Vision)၊ ရည်မှန်းချက် (Mission) တို့ကို ပူးတွဲ (၂) ဖြင့် တင်ပြထားပါသည်)

    ၃။ သို့ဖြစ်ပါ၍ယခင်ရည်မှန်းချက် (Mission) အပိုဒ် ၃ ပါ“ပြည်ထောင်စု သမ္မတမြန်မာနိုင်ငံတော်ဖွဲ့စည်းပုံအခြေခံဥပဒေ (၂၀၀၈)၊ ပြည်ထောင်စု ရာထူးဝန်အဖွဲ့ဥပဒေ၊ ပြည်ထောင်စုရာထူးဝန်အဖွဲ့နည်းဥပဒေများ၊နိုင်ငံ့ဝန်ထမ်းဥပဒေ၊ နိုင်ငံ့ဝန်ထမ်းနည်းဥပဒေများနှင့်အညီ ပြည်သူ့ ဝန်ထမ်းများအား ပြည်သူ့ဝန်ကို ထမ်းမည့်သူ၊ ပြည်သူများ၏ လိုအပ် ချက်ကို ဖြည့်ဆည်းပေးမည့်သူ ဟူသည့်စိတ်ဓာတ်မျိုးထားရှိနိုင်ရေးနှင့် ပိုမိုကောင်းမွန်သော Service Delivery ပေးနိုင်သော ပြည်သူ့ဝန်ထမ်း ကောင်းများဖြစ်စေရေး ထိရောက်စွာလေ့ကျင့်ပျိုးထောင်ပေးရန်” စကားရပ်အစား ယခု “ဝန်ထမ်းကောင်းများဖြစ်စေရေး၊ နိုင်ငံ့ဝန်ထမ်း ဥပဒေ၊ နည်းဥပဒေများနှင့်အညီ ထိန်းကျောင်းပေးရန်”  စကားရပ်ဖြင့် ပြင်ဆင်ခဲ့ပြီးဖြစ်ပါကြောင်းနှင့် အဆိုပါပြင်ဆင်ချက်ကို ပြည်ထောင်စုရာထူးဝန်အဖွဲ့၏ https://www.ucsb.gov.mm/ တွင် ထည့်သွင်းဖော်ပြထား ပြီးဖြစ်ပါကြောင်း ရှင်းလင်းဖြေကြားအပ်ပါသည်။

    ပူးတွဲ (၁)

    ပုဒ်မ၂(ည)။    ပြည်သူ့ဝန်ထမ်း ဆိုသည်မှာ အစိုးရကခန့်အပ်ထားသည်ဖြစ်စေ၊ မခန့်အပ်ထားသည် ဖြစ်စေ အောက်ပါပုဂ္ဂိုလ်များပါဝင်သည်-

    (၁) နိုင်ငံ့ဝန်ထမ်း၊

    (၂) နိုင်ငံရေးရာထူးတွင် ခန့်အပ်ခံရသူများ၊

    (၃) နိုင်ငံရေးရာထူးတွင် ခန့်အပ်ခြင်းခံရသော ပုဂ္ဂိုလ်များ၏ ချီးမြှင့်ငွေ၊ စရိတ်၊ အဆောင်အယောင်များနှင့်စပ်လျဉ်း၍ပြဋ္ဌာန်းထားသော ဥပဒေများအရ ခန့်အပ်ထားခြင်းခံရသူများ၊

    (၄) အစိုးရဌာနနှင့် အစိုးရအဖွဲ့အစည်းများ၊ လွှတ်တော်များနှင့် တရားရုံးများတွင် တာဝန်ထမ်းဆောင်နေသော်လည်း နိုင်ငံ့ဝန်ထမ်းအဖြစ် ခန့်အပ်ထားခြင်း မဟုတ်သောသူများ၊

    (၅) ရွေးကောက်တင်မြှောက်ခြင်းဖြင့်ဖြစ်စေ၊ ဥပဒေတစ်ရပ်ရပ်အရဖြစ်စေ၊ ရွေးချယ် တာဝန်ပေးခံရသူ သို့မဟုတ် တည်ဆဲဥပဒေတစ်ရပ်ရပ်အရ သတ်မှတ်ထားသော လုပ်ပိုင်ခွင့်ရှိသည့် ပြည်သူ့ဝန်ထမ်းတစ်ဦးဦး သို့မဟုတ်၎င်းကဖွဲ့စည်းပေးသော အဖွဲ့အစည်းတွင်ပါဝင်သူများ၊ ၎င်းတို့၏ကိုယ်စားလွှဲအပ်ခြင်းခံရသူများ သို့မဟုတ် ထပ်ဆင့်တာဝန်ပေးအပ်ခြင်းခံရသူများ၊

    (၆) တည်ဆဲဥပဒေတစ်ရပ်ရပ်အရ ပြည်သူ့ဝန်ထမ်းအဖြစ်မှတ်ယူရမည်ဟု သတ်မှတ် ခြင်းခံရသူများ၊

    (၇) တစ်ဦးတစ်ယောက်သောသူကို ဖမ်းဆီးချုပ်နှောင်ရန်အခွင့်အာဏာရှိသူများ၊

    (၈) လွှတ်တော် သို့မဟုတ် စည်ပင်သာယာရေးကော်မတီ သို့မဟုတ် အများပြည်သူ ဆိုင်ရာလုပ်ပိုင်ခွင့်ရှိသောအဖွဲ့အစည်း၏ အဖွဲ့ဝင်လူကြီးကိုရွေးချယ်ရန် အလို့ငှာ ရွေးကောက်ပွဲစာရင်းကို ရေးသားပြုစုရန်ဖြစ်စေ၊ ထုတ်ပြန်ကြေညာရန်ဖြစ်စေ၊ ပြင်ဆင်ရန်ဖြစ်စေ အခွင့် အာဏာအရ ရာထူးလက်ရှိဖြစ်သူများ၊

    (၉) အစိုးရဌာနနှင့်အစိုးရအဖွဲ့အစည်းများ၊ လွှတ်တော်များနှင့် တရားရုံးများတွင် လုပ်ငန်းသဘာဝအရ သီးခြား ခန့်အပ်တာဝန်ပေးထားသူများ။

    ပူးတွဲ (၂)

    ကောက်နုတ်ချက်မိတ္တူမှန်

    ပြည်ထောင်စုရာထူးဝန်အဖွဲ့၏ မူဝါဒ

    ပြည်ထောင်စုရာထူးဝန်အဖွဲ့သည် ဖွဲ့စည်းပုံအခြေခံဥပဒေပုဒ်မ ၂၄၆ အရ အပ်နှင်းထားသော တာဝန်များကို အောက်ပါမူဝါဒများအပေါ် အခြေခံဆောင်ရွက်ရမည်-

    (က) ဖွဲ့စည်းပုံအခြေခံဥပဒေနှင့် ညီညွတ်မှုရှိရမည်။

    ( ခ) အားလုံးပါဝင်ရမည်။

    ( ဂ) မျှတမှုရှိရမည်။

    (ဃ) ပွင့်လင်းမြင်သာမှုရှိရမည်။

    ( င) နိုင်ငံသားအကျိုးဦးတည်ရှေးရှုရမည်။

    ( စ) သစ္စာရှိရမည်။

    ပြည်ထောင်စုရာထူးဝန်အဖွဲ့၏ မျှော်မှန်းချက် (Vision)

    “နိုင်ငံတော်နှင့် နိုင်ငံသားတို့၏ အကျိုးစီးပွားကိုရှေးရှု၍ ကဏ္ဍအလိုက်၊ အဆင့်အလိုက် တာဝန်ယူရသော လုပ်ငန်းများအား တာဝန်ယူမှု၊ တာဝန်ခံမှုဖြင့် ပေါင်းစပ်ညှိနှိုင်းဆောင်ရွက်နိုင်သော ဝန်ထမ်းအဖွဲ့အစည်းဖြစ်စေရေး”

    ပြည်ထောင်စုရာထူးဝန်အဖွဲ့၏ ရည်မှန်းချက် (Mission)

    • အရည်အချင်းပြည့်ဝသော ပြန်တမ်းဝင်အရာရှိများ ‌ရွေးချယ်ပေးရန်၊

    • နိုင်ငံ့ဝန်ထမ်းများ စွမ်းရည်ထက်မြက်အောင်လေ့ကျင့်ပေးရန်၊

    • ဝန်ထမ်းကောင်းများဖြစ်စေရေး နိုင်ငံ့ဝန်ထမ်းဥပဒေ၊ နည်းဥပဒေများနှင့်အညီ ထိန်းကျောင်း ပေးရန်၊

    • နိုင်ငံ့ဝန်ထမ်းအားလုံးအတွက် အကျုံးဝင်သော မှတ်တမ်းစနစ် တည်ဆောက်ထိန်းသိမ်းရန်။

    ဖြေကြားပေးသည့်ဌာန- ပြည်ထောင်စုရာထူးဝန်အဖွဲ့

  • မေး :
    (ရုံးချုပ်) မှ ထုတ်ပြန်ထားသောအမိန့်ကြောင့် (၂) ကြိမ်နှင့်အထက်ဖြေဆိုပြီးသား နိုင်ငံ့ဝန်ထမ်းအမှုထမ်းများအနေဖြင့် ဆက်လက်ဖြေဆိုခွင့်ရရှိအောင် မည်သို့မည်ပုံ ဆောင်ရွက်ရမည်နည်း။ အကယ်၍ ထိုလုပ်ငန်း ရုံးချုပ်အနေဖြင့် အထက်ပါ အမိန့်ထုတ်ပြန်ချက်သည် နိုင်ငံ့ဝန်ထမ်း နည်းဥပဒေပုဒ်မ ၁၄၊ ပုဒ်မခွဲ(ခ)ကို ဆန့်ကျင်ရာရောက်ပါသလား။ နိုင်ငံ့ဝန်ထမ်းအမှုထမ်းများ၏ စာမေးပွဲ ဖြေဆိုခွင့် အခွင့်အရေးအပြည့်အဝရရှိအောင်မည်သို့ ဆောင်ရွက်သင့်သည်ကို ဖြေကြားပေးစေချင်ပါသည်။
    ဖြေ :

    ပြည်ထောင်စုရာထူးဝန်အဖွဲ့အနေဖြင့် ပြန်တမ်းဝင်အရာရှိအဆင့် စတင်ခန့်လစ်လပ်ရာထူးများအတွက် (၁)နှစ်(၂)ကြိမ်ဖြင့် ကြော်ငြာခေါ်ယူ ရွေးချယ်ပေးလျက်ရှိပါသည်။ ထိုသို့ကြော်ငြာခေါ်ယူရွေးချယ်ပေးရာတွင် နိုင်ငံ့ဝန်ထမ်းနည်းဥပဒေ ပုဒ်မ(၁၄)၊ပုဒ်မခွဲ(ခ)အရ “ဝန်ထမ်းအဖွဲ့အစည်းများအနေဖြင့် သတ်မှတ်အရည်အချင်းနှင့် ပြည့်မီသည့် နိုင်ငံ့ဝန်ထမ်း အမှုထမ်းများကိုလည်း ဝင်ရောက်ယှဉ်ပြိုင်ဖြေဆိုခွင့်ပြုရမည်” ဟု  သတ်မှတ်ပြဋ္ဌာန်းထားသည်နှင့်အညီ သက်ဆိုင်ရာဝန်ကြီးဌာနနှင့် အဖွဲ့အစည်း အသီးသီးမှလည်း လိုက်နာဆောင်ရွက်ကြရမည်ဖြစ်ပါသည်။ 

    သို့ရာတွင် “ဝန်ထမ်းပြုန်းတီးမှုလျော့နည်းပပျောက်ရေးစီမံ ဆောင်ရွက်လျက်ရှိမှုကြောင့် အမှုထမ်းများအား ဦးစီးအရာရှိရာထူးနေရာများသို့ ဖြေဆိုခွင့်ပြုရာတွင် ယခင်(၂)ကြိမ်နှင့်အထက် ဖြေဆိုခွင့်ပြုခဲ့ပြီး ဖြစ်သော ဝန်ထမ်းများကို ထပ်မံဖြေဆိုခွင့်မပြုတော့ပါကြောင်းနှင့် ဖြေဆို လိုသည့် ကျန်ဝန်ထမ်းများကိုလည်း ၂၀၂၅ ခုနှစ်၊ မတ်လမှစ၍ အများဆုံး (၂)ကြိမ်သာ ဖြေဆိုခွင့်ပြုမည်ဖြစ်ကြောင်း” အမိန့်ထုတ်ထားခြင်းမှာ အထက်စာပိုဒ်ပါ နိုင်ငံ့ဝန်ထမ်းနည်းဥပဒေနှင့်ကိုက်ညီမှု မရှိပါကြောင်းနှင့် ဝန်ထမ်းများအနေဖြင့် ပြင်ပပုဂ္ဂိုလ်များနည်းတူ ပြည်ထောင်စုရာထူးဝန် အဖွဲ့မှခေါ်ယူသော ပြန်တမ်းဝင်အရာရှိအဆင့် စတင်ခန့်လစ်လပ်ရာထူး နေရာများသို့ ကြော်ငြာပါသတ်မှတ်အရည်အချင်းများနှင့် ညီညွတ်ပါက အကြိမ်အရေအတွက် အကန့်အသတ်မရှိ လွတ်လပ်စွာ ဝင်ရောက်ယှဉ်ပြိုင် ဖြေဆိုခွင့်ရှိမည်ဖြစ်ပါသည်။


    ဖြေကြားပေးသည့်ဌာန- ပြည်ထောင်စုရာထူးဝန်အဖွဲ့ 

  • မေး :
    ပြည်ထောင်စုရာထူးဝန်အဖွဲ့မှ ဖွင့်လှစ်ပို့ချပေးလျက်ရှိသည့် အလယ်အလတ်အဆင့် အရာထမ်းသင်တန်းများအတွက် Online Training နှင့် In House သင်တန်းများ ပြန်လည်ဖွင့်လှစ်ပေးနိုင်ခြင်း ရှိ/ မရှိ ဖြေကြားပေးစေလိုပါသည်။
    ဖြေ :

    • မေးခွန်းနှင့်စပ်လျဉ်း၍ Online နှင့် In-house ရော၍ ဖွင့်လှစ်ရာတွင် အင်တာနက်လိုင်း အခက်အခဲရှိခြင်း၊  သင်တန်းသားများနှင့် သင်တန်းဆရာအကြား အချိန်အကန့် အသတ်ရှိသဖြင့် ပြည့်စုံစွာ ပြန်လည်မေးခွန်းမေးမြန်း ရာတွင် ဖြေကြားပေးနိုင်မှုမရှိခြင်း၊ Online ဖြစ်၍ သင်တန်းသားများ သင်တန်းတက်ရောက်မှု မမှန်ခြင်း၊ သင်တန်းသားများ၏ အာရုံစူးစိုက်မှုနည်းပါးခြင်း၊ Online ဖြင့် စာမေးပွဲ ဖြေဆိုရာတွင် အမှန်တစ်ကယ် ဖြေဆိုခြင်း ဟုတ်-မဟုတ် စိစစ်ရန်အခက်အခဲရှိခြင်း စသည့် အားနည်းချက်များရှိကြောင်း တက်ရောက်ပြီး သင်တန်းသားများ၏သင်တန်းဆင်းသုံးသပ်အကြံပြုချက်များ၊သင်တန်းသား အများစုမှ အလယ်အလတ်အဆင့် အရာထမ်းသင်တန်းအား Online ဖြင့် ဖွင့်လှစ်သင်ကြားခြင်းအစား In House ဖြင့်သာ ပြင်ဆင်ဖွင့်လှစ်ရန် ရေးသားဖော်ပြ တောင်းဆိုမှုများကြောင့် အရလည်းကောင်း၊ သင်တန်းတွင် နိုင်ငံတော်ကာကွယ်ရေး ဘာသာရပ် ပါဝင်လာသည့်အတွက် လက်တွေ့သင်ကြားရန် အချိန်ပိုမိုလိုအပ်သည့်အတွက်လည်းကောင်း  In House ဖြင့်သာဖွင့်လှစ်ရခြင်းဖြစ်ပါသည်။

    • အဆိုပါသင်တန်းသို့တက်ရောက်မည့် သင်တန်းသားများအား လုပ်ငန်းခွင်မှ ကာလရှည်ကင်းကွာမှုမရှိစေရေး၊ ၎င်းတို့၏ ကုန်ကျစရိတ်သက်သာစေရေး၊ ဝန်ထမ်းမိသားစု အခက်အခဲများပြေလည်စေရေး ကလေးငယ်ရှိသည့် အမျိုးသမီး နိုင်ငံ့ဝန်ထမ်းများအဆင်ပြေရေးတို့အတွက် အလယ်အလတ် အဆင့်အရာထမ်းသင်တန်းကို ၂၀၀၈ ခုနှစ် စတင်ဖွင့်လှစ်စဉ်ကကဲ့သို့ သင်တန်းကာလ (၄) ပတ် (၁) လဖြင့် ဖွင့်လှစ်ပါက ဘွဲ့၊ ဒီပလိုမာများ ပေးအပ်ရန် အခက်အခဲရှိမည်ဖြစ်ပါသည်။

    • ငွေကြေးကုန်ကျသုံးစွဲမှုနှင့်ပတ်သက်၍ အလယ်အလတ် အဆင့်အရာထမ်းသင်တန်း၊ Advanced Diploma in Civil Service Management ဘွဲ့ ပေးအပ်ခြင်း ဖြစ်သည့်အတွက် ပညာဌာန (၇) ခုမှ စာအုပ် (၃၂) အုပ်အား ကျပ်တစ်သိန်း ခြောက်သောင်းနှုန်းဖြင့်ရောင်းချသည့် ကုန်ကျစရိတ်တစ်ခု သာရှိပါသည်။ ငွေပေးချေမှုကိုလည်း အရစ်ကျစနစ်ဖြင့် ပေးချေနိုင်ရန်သတ်မှတ်ထားပါသည်။ ကျန်သင်တန်းသားများ၏ နေထိုင်စားသောက်မှုကိစ္စအဝဝကို နိုင်ငံတော်မှ သတ်မှတ်ခွင့်ပြုထားသောနှုန်းထားများနှင့် တက္ကသိုလ်များအနေဖြင့် အပြည့်အဝ တာဝန်ယူပေးထားပါသည်။ တစ်ဦးချင်း၏ ပုဂ္ဂလိကလိုအပ်ချက်အရ အပိုသုံးစွဲလျှင် သုံးစွဲသလောက် စရိတ်စကများ ပိုမိုကုန်ကျမည်ဖြစ်ပါသည်။ သာမန်အားဖြင့် မေးခွန်းတွင် ဖော်ပြပါ ကျပ် သိန်း (၄၀) ကုန်ကျသည်ဟု ဖော်ပြခြင်းမှာ တစ်ဦးချင်း၏ လိုအပ်ချက်ဖြင့် သာဆိုင်ပြီး သင်တန်းတက်ရခြင်းကြောင့် မဖြစ်မနေကုန်ကျရသော အသုံးစရိတ်များမဟုတ်ပါကြောင်း ပြန်လည်ဖြေကြားပါသည်။

    ဖြေကြားပေးသည့်ဝန်ကြီးဌာန- ပြည်ထောင်စုရာထူးဝန်အဖွဲ့

  • မေး :
    နိုင်ငံ့ဝန်ထမ်း အမှုထမ်းများကို ပြည်ထောင်စုရာထူးဝန်အဖွဲ့ မှ ခေါ်ယူသည့် ပြန်တမ်းဝင်အရာရှိစာမေးပွဲဝင်ရောက်ဖြေဆိုခွင့်ကို ဌာန/ အဖွဲ့အစည်းများက ဖြေဆိုခွင့်မပြုဟု အမိန့်ထုတ်ကာ ပိတ်ပင်တားမြစ်ထားခြင်းသည် တရားဝင်ဖြစ်ပါသလား။ နိုင်ငံတော်ကတရားဝင်ခေါ်ယူခြင်းကို တားမြစ်ပိုင်ခွင့်ရှိပါသလား။ နိုင်ငံဝန်ထမ်းဥပဒေနှင့် နည်းဥပဒေကိုကျော်လွန်ပြီးလုပ်ပိုင်ခွင့်ရှိပါလား။ တားမြစ်ခြင်းကို အမှုထမ်းငယ်များအနေဖြင့် မည်သို့ဆောင်ရွက်ရမည်။ သို့မဟုတ် မည်သို့ဆောင်ရွက်သင့်သည်ကို ဖြေကြားပေးစေချင်ပါသည်။
    ဖြေ :

    • နိုင်ငံ့ဝန်ထမ်းနည်းဥပဒေများ၊နည်းဥပဒေ ၁၄ (ခ) တွင် “ရာထူးလစ်လပ်မှုရှိသဖြင့် ပြင်ပပုဂ္ဂိုလ်ကို ရွေးချယ်ရန် လိုအပ်ပါက သက်ဆိုင်ရာဝန်ထမ်းအဖွဲ့အစည်းသည် ရာထူးဝန်အဖွဲ့သို့ အဆိုပြုညှိနှိုင်း၍ သဘောတူညီချက်ရယူရမည်။ ဝန်ထမ်းအဖွဲ့အစည်းများအနေဖြင့် သတ်မှတ်အရည်အချင်းပြည့်မီသည့် နိုင်ငံ့ဝန်ထမ်း အမှုထမ်းများကိုလည်း ဝင်ရောက်ယှဉ်ပြိုင်ဖြေဆိုခွင့်ပြုရမည်။” ဟု ပြဋ္ဌာန်းထားပါသည်။ အဆိုပါပြဋ္ဌာန်းချက်အရ သတ်မှတ်အရည်အချင်းပြည့်မီသည့် နိုင်ငံ့ဝန်ထမ်းအမှုထမ်းများသည် ပြည်ထောင်စုရာထူးဝန်အဖွဲ့က ကြော်ငြာခေါ်ယူသည့်  ပြန်တမ်းဝင်အရာရှိရာထူးများသို့ ဝင်ရောက်ယှဉ်ပြိုင်ဖြေဆိုခွင့်ရှိပါသည်။ ပိတ်ပင်တားမြစ်ခွင့်မရှိပါ။ သို့ရာတွင်ဝင်ရောက်ဖြေဆိုနိုင်ရေး လျှောက်ထားရာတွင် နိုင်ငံ့ဝန်ထမ်းဖြစ်သည့်အတွက် သက်ဆိုင်ရာဝန်ထမ်းအဖွဲ့အစည်းမှတစ်ဆင့် ဝန်ကြီးဌာန၊ အဖွဲ့အစည်း၏ ခွင့်ပြုချက်ရယူရပါသည်။ 

    • အချို့သော ဝန်ကြီးဌာန၊ အဖွဲ့အစည်းများသည် အမှုထမ်းအဆင့် စတင်ခန့်ရာထူးအဆင့်ခန့်အပ်ရာတွင် ထမ်းဆောင်ရမည့်ကာလ၊ ပေးလျော်ရမည့် လျော်ကြေးသတ်မှတ်ချက်များ မရှိသော်လည်း အချို့သော ဝန်ထမ်းအဖွဲ့အစည်းများသည် အမှုထမ်းအဆင့် ရာထူးများခန့်အပ်ရာတွင် ထမ်းဆောင်ရမည့် ကာလ၊ ပေးလျော်ရမည့် လျော်ကြေး သတ်မှတ်ချက်များရှိသည့်အတွက် သက်ဆိုင်ရာဝန်ကြီးဌာန၊ အဖွဲ့အစည်းနှင့် ထမ်းဆောင်သည့် အမှုထမ်းဝန်ထမ်းတို့အကြား ကတိခံဝန်ချက်၊ စည်းမျဉ်း၊ စည်းကမ်းညွှန်ကြားချက်များနှင့်အညီ ဝန်ခံကတိလက်မှတ်ရေးထိုးသဘောတူညီချက်ရယူဆောင်ရွက်သည်ကို တွေ့ရှိရပါသည်။ ယင်းသို့ ကတိခံဝန်ချက်တွင် လက်မှတ်ရေးထိုးသဘောတူညီထားပါက သက်ဆိုင်ရာအမှုထမ်းဝန်ထမ်းအနေဖြင့် ဝန်ကြီးဌာန၊ အဖွဲ့အစည်း၏ စည်းမျဉ်း၊ စည်းကမ်း၊ ညွှန်ကြားချက်များကို လိုက်နာရမည်ဖြစ်ပါသည်။

    • အမှုထမ်းဝန်ထမ်းများအနေဖြင့် နိုင်ငံ့ဝန်ထမ်း ဥပဒေပုဒ်မ ၁၀ ၊ ပုဒ်မခွဲ (စ) ပါ ဤဥပဒေအရ ပြုလုပ်သော နည်းဥပဒေ၊ စည်းမျဉ်း၊ စည်းကမ်းများ၊ အမိန့်ညွှန်ကြားချက်များ ဝန်ထမ်း အဖွဲ့အစည်းအလိုက် သီးခြားသတ်မှတ်ထားသော လုပ်ငန်းခွင် စည်းကမ်းများ အမိန့်နှင့်ညွှန်ကြားချက်များကို လိုက်နာရန် တာဝန်ရှိပါသည်။

    • ၎င်းအပြင် ပြည်ထောင်စုရာထူးဝန်အဖွဲ့မှ ခေါ်ယူသော ပြန်တမ်းဝင်အရာရှိ စတင်ခန့်ရာထူးအတွက် အချို့သော အဖွဲ့အစည်းများသည် အကြောင်းကိစ္စ ခိုင်ခိုင်မာမာမရှိဘဲ အမှုထမ်းများကို ဝင်ရောက်ဖြေဆိုခွင့် ကန့်သတ်ထားသည်ကို တွေ့ရသည့်အတွက် အမှုထမ်းများ ဝင်ရောက်ဖြေဆိုခွင့် မဖြစ်မနေရရှိရန် ၂၀၂၄ ခုနှစ်တွင် နိုင်ငံ့ဝန်ထမ်းနည်းဥပဒေများတွင် ဖြည့်စွက်ပြဋ္ဌာန်းခဲ့ခြင်းဖြစ်ပါသည်။ ဖြေဆိုခွင့်ပေးထားသည်ဆိုသော်လည်း အမှုထမ်းများအနေဖြင့် ပြန်တမ်းဝင်အဆင့် စတင်ခန့်ရာထူးသို့ အောင်မြင်သွားပါက သင်တန်းစတင် ဖွင့်လှစ်သည့်နေ့တွင် ပြန်တမ်းဝင်အရာရှိ အစမ်းခန့်ထားခြင်းခံရပါသည်။ ယင်းအချိန်တွင် မူလတာဝန်ထမ်းဆောင်ခဲ့သောဝန်ကြီးဌာနနှင့် အဖွဲ့အစည်းများအနေဖြင့် အမှုထမ်းနှင့်ပတ်သက်သော ဝန်ထမ်းရေးရာခံစားခွင့်များဆုံးရှုံးမှုမရှိစေရေး အသစ်တာဝန်ထမ်းဆောင်မည့်ဌာနနှင့် ချိတ်ဆက်ဆောင်ရွက်ပေးရသည့်လုပ်ငန်းစဉ်များကိုဆက်လက်ဆောင်ရွက်ပေးရသည့်အတွက် ဝန်ကြီးဌာနနှင့်အဖွဲ့အစည်းများသိရှိရန် ခွင့်ပြုချက် မဖြစ်မနေတောင်းခံရန် လိုအပ်ခြင်းဖြစ်ပါသည်။ 

    • သို့ဖြစ်ပါ၍ အမှုထမ်းများသည် သတ်မှတ်အရည်အချင်း ပြည့်မီပြီး သက်ဆိုင်ရာဌာနများက သတ်မှတ်ထားသော စည်းမျဉ်း၊ စည်းကမ်း၊ ညွှန်ကြားချက်များနှင့် ညီညွတ်မှုရှိပါက ပြည်ထောင်စုရာထူးဝန်အဖွဲ့ကခေါ်ယူသော ပြန်တမ်းဝင်အရာရှိစာမေးပွဲကိုဖြေဆိုခွင့်ရှိမည်ဖြစ်သော်လည်း ဝန်ကြီးဌာနနှင့် အဖွဲ့အစည်းများ၏ ခွင့်ပြုချက် မဖြစ်မနေရယူရန်လည်းလိုအပ်ပါသည်။ 

    ဖြေကြားပေးသည့်ဝန်ကြီးဌာန- ပြည်ထောင်စုရာထူးဝန်အဖွဲ့

  • မေး :
    ကောင်းမွန်သည့်အလုပ်ရှင်၊ အလုပ်သမားဆက်ဆံရေးထူထောင်နိုင်ရေးအတွက် အလုပ်သမားဝန်ကြီးဌာနအနေဖြင့် မည်သို့ဆောင်ရွက်ပေးနေသည်ကို သိရှိလိုပါတယ်။
    ဖြေ :

    ကောင်းမွန်သည့် အလုပ်ရှင်၊ အလုပ်သမားဆက်ဆံရေးထူထောင်နိုင်ရန်အတွက် ဌာနမှ အစိုးရ၊ အလုပ်ရှင်၊ အလုပ်သမား သုံးပွင့်ဆိုင်တွေ့ဆုံဆွေးနွေးပွဲများကို ကျင်းပပြုလုပ်ပြီး စက်ရုံ၊ အလုပ်ရုံများမှ အလုပ်ရှင်နှင့် အလုပ်သမားများ၏ အခက်အခဲများကို တင်ပြစေ၍ လိုအပ်သည်များ ညှိနှိုင်းဖြေရှင်းဆောင်ရွက်ပေးလျက်ရှိသည့်အပြင် အလုပ်ခန့်ထားမှုဆိုင်ရာ သဘောတူညီချက်စာချုပ် (EC) အပိုဒ် ၁၇ (က) ပါအတိုင်း အလုပ်ရှင်၏ တာဝန်ဝတ္တရားများကို ဆောင်ရွက်ပေးရန် လိုအပ်သကဲ့သို့ အလုပ်သမားများဘက်မှလည်း အပိုဒ်(၁၇)(ခ)ပါ အလုပ်သမားများ၏ တာဝန်ဝတ္တရားများနှင့် အပိုဒ် ၁၄ ပါ အလုပ်သမားများ၏စည်းကမ်းများအတိုင်း လိုက်နာဆောင်ရွက်ရန် လိုအပ်ပါတယ်။ သို့မှသာ လုပ်ငန်းခွင်အေးချမ်းသာယာရေးနှင့် အလုပ်ရှင်၊ အလုပ်သမားမျှတသော အလုပ်သမားရေးရာကျင့်စဉ်များ ရရှိနိုင်မည်ဖြစ်သည့်အတွက် အစိုးရ၊ အလုပ်ရှင်၊ အလုပ်သမား သုံးပွင့်ဆိုင် တွေ့ဆုံဆွေးနွေးမှုများ ဆက်လက်ဆောင်ရွက်သွားမည်ဖြစ်ပါကြောင်း၊ အလုပ်ရှင်၊ အလုပ်သမားဆက်ဆံရေးကောင်းမွန်စေရန် မြို့နယ်အဆင့်၊ တိုင်းဒေသကြီး/ပြည်နယ်အဆင့် မိတ်ဖက်ဌာနများနှင့် ပူးပေါင်း အလုပ်သမားရေးရာ အသိပညာပေးဆွေးနွေးပွဲများကို ဆောင်ရွက်ပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်သမားရေးရာဥပဒေများအား အလုပ်ရှင်နှင့် အလုပ်သမားများအား သိရှိလိုက်နာ ဆောင်ရွက်နိုင်ရေး မည်သို့အသိပညာပေးဆောင်ရွက်နေသည်ကို သိရှိလိုပါတယ်။
    ဖြေ :

    လုပ်ငန်းခွင်အေးချမ်းသာယာစေရေး၊ မျှတသောလုပ်ငန်းခွင်ဆက်ဆံရေးစနစ် ကျင့်သုံး တတ်စေရေး၊ အလုပ်သမား ရေးရာဥပဒေ၊ နည်းဥပဒေနှင့် မူဝါဒလုပ်ထုံးလုပ်နည်းများအား အလုပ်ရှင်၊ အလုပ်သမားများက သိရှိလိုက်နာနိုင်ရေး အတွက် အလုပ်ရှင်များ၊ အလုပ်ရှင် ကိုယ်စားစီမံခန့်ခွဲသူများ၊ စက်ရုံအတွင်း အလုပ်သမားရေးရာလုပ်ငန်း ညှိနှိုင်းရေး ကော်မတီ (WCC) အဖွဲ့ဝင်များ၊ အလုပ်သမားများအား မိတ်ဖက်ဌာနများနှင့်ပေါင်းစပ်၍ စီမံချက်များ ချမှတ်ကာ အလုပ်သမားရေးရာအသိပညာပေးဆွေးနွေးပွဲများကို ကျင်းပပြုလုပ်ပေးလျက် ရှိရာ ၂၀၂၁ ခုနှစ်၊ ဖေဖော်ဝါရီလမှ ၂၀၂၃ ခုနှစ်၊ ဧပြီလအထိ စက်ရုံ၊ အလုပ်ရုံ၊ အလုပ်ဌာန ၂၇၀၇ ရုံမှ တက်ရောက်သူ အလုပ်ရှင်၊ အလုပ်သမား ၉၇၉၈၅ ဦးကို အသိပညာပေးဆွေးနွေး နိုင်ခဲ့ပါသည်။ ဆက်လက်၍ အလုပ်သမားရေးရာအသိပညာပေးဆွေးနွေးပွဲများ ပိုမိုဆောင်ရွက်နိုင်ရေး ဆောင်ရွက်သွားမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရှင်အနေဖြင့် EC စာချုပ်သက်တမ်းကာလထက်စော၍ လုပ်ငန်းပြီးဆုံးသွားလျှင် သော်လည်းကောင်း၊ မမျှော်လင့်သောအကြောင်းကြောင့် လုပ်ငန်းတစ်ခုလုံးကိုဖြစ်စေ၊ လုပ်ငန်းတစ်စိတ်တစ်ဒေသကိုဖြစ်စေ ရပ်စဲလိုက်ရလျှင်သော်လည်းကောင်း၊ အကြောင်းအမျိုးမျိုးကြောင့် အလုပ်ရပ်စဲရန် ကိစ္စ ပေါ်ပေါက်လာလျှင်သော်လည်းကောင်း အလုပ်ရှင်က အလုပ်သမားအား နစ်နာကြေးပေးရန် လိုအပ်ပါသလား။
    ဖြေ :

    ၂၀၁၃ ခုနှစ်၊ အလုပ်အကိုင်နှင့်ကျွမ်းကျင်မှုဖွံ့ဖြိုးတိုးတက်ရေးဥပဒေပုဒ်မ ၅ (ဃ) အရ EC စာချုပ်သက်တမ်းကာလထက်စော၍ လုပ်ငန်းပြီးဆုံးသွားလျှင်သော်လည်းကောင်း၊ မမျှော်လင့်သောအကြောင်းကြောင့် လုပ်ငန်းတစ်ခုလုံးကိုဖြစ်စေ၊ လုပ်ငန်းတစ်စိတ်တစ်ဒေသကို ဖြစ်စေ ရပ်စဲလိုက်ရလျှင်သော်လည်းကောင်း၊ အကြောင်းအမျိုးမျိုးကြောင့် အလုပ်ရပ်စဲရန် ကိစ္စပေါ်ပေါက်လာလျှင်သော်လည်းကောင်း အလုပ်ရှင်သည် အလုပ်သမားအား ဝန်ကြီးဌာနမှ ၃–၇–၂၀၁၅ ရက်စွဲပါအမိန့်ကြော်ငြာစာအမှတ် (၈၄/၂၀၁၅) ဖြင့် ထုတ်ပြန်ထားသည့် လုပ်သက်အလိုက် နစ်နာကြေးနှုန်းထားများအတိုင်း ပေးချေရမည်ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    CMP လုပ်ငန်းဆိုသည်မှာ မည်သည့်လုပ်ငန်းများဖြစ်ကြောင်းနှင့် အဆိုပါလုပ်ငန်းများသည် နိုင်ငံအတွက် မည်မျှအရေးပါသည်ကို သိရှိလိုပါသည်။
    ဖြေ :

    အလုပ်သမားဝန်ကြီးဌာနအနေဖြင့် နိုင်ငံခြားဝင်ငွေရရှိရန် CMP လုပ်ငန်းများကြီးကြပ်ရေးကော်မတီကို ပြည်ထောင်စုဝန်ကြီးက ဥက္ကဌအဖြစ်ဆောင်ရွက်ပြီး အမြဲတမ်းအတွင်းဝန်မှ အတွင်းရေးမှူးအဖြစ်ဆောင်ရွက်ကာ အဖွဲ့ဝင် (၁၉)ဦးဖြင့် ဖွဲ့စည်းခဲ့ပါတယ်။ CMP လုပ်ငန်းများ ရေရှည်ဖွံ့ဖြိုးတိုးတက်ရှင်သန်စေရန် ကော်မတီကို အထောက်အကူပြုရန် ဆပ်ကော်မတီ(၃)ရပ်ဖြင့် အကြံပေးကော်မတီဖွဲ့စည်း၍ လုပ်ငန်းများဆောင်ရွက်လျက်ရှိပါတယ်။ CMP လုပ်ငန်းဆိုသည်မျာ ပြည်ပမှကုန်ကြမ်းများတင်သွင်းပြီး ကုန်ချော များထုတ်လုပ်ကာ ပြန်လည်တင်ပို့သည့် Cutting, Making, Packaging လုပ်ငန်းများဖြစ်ပါတယ်။ Garment နှင့် Non-Garment လုပ်ငန်းများသည် နိုင်ငံတော်အတွက် အထူးအရေးပါသည့် ကုန်ထုတ်လုပ်ငန်းများဖြစ်ခြင်း၊ တိုင်းပြည်၏ လုပ်သားအရင်းအမြစ်များကို အခြေခံ၍ နိုင်ငံခြားဝင်ငွေရရှိအောင် ဖန်တီးပေးသောလုပ်ငန်းဖြစ်သဖြင့် အလုပ်အကိုင်အခွင့်အလမ်းများ ဖန်တီးပေးနိုင်ပြီး တိုင်းပြည်၏ သွင်းကုန်၊ ထုတ်ကုန်အပိုင်းတွင် အဓိကအရေးပါတဲ့ အခန်းကဏ္ဍတစ်ခုဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရှင်သည် အလုပ်သမားအင်အားလျှော့ချခြင်း၊ အလုပ်ရပ်စဲခြင်းများအတွက် မည်သို့ ဆောင်ရွက်ရမည်ကို သိရှိလိုပါတယ်။
    ဖြေ :

    EC စာချုပ်အပိုဒ် ၁၅(ခ)(၄)အရ အလုပ်ရှင်သည် အလုပ်သမားအင်အားလျှော့ချခြင်း၊ အလုပ်ရပ်စဲခြင်းများအတွက် အလုပ်သမားအဖွဲ့အစည်းမရှိပါက အလုပ်သမားရေးရာလုပ်ငန်းညှိနှိုင်းရေးကော်မတီ(WCC) နှင့်ညှိနှိုင်းဆောင်ရွက်ရမည်ဖြစ်ပြီး အလုပ်သမားအဖွဲ့အစည်းရှိပါက အလုပ်သမားအဖွဲ့အစည်းကိုယ်စားလှယ်နှင့် ညှိနှိုင်းဆောင်ရွက်ရမည်ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနအနေနဲ့ လုပ်ငန်းခွင် ဘေးအန္တရာယ် ကင်းရှင်းရေး၊ ကျန်းမာရေးနှင့်စပ်လျဉ်းပြီး နိုင်ငံတကာနဲ့မည်ကဲ့သို့ ပူးပေါင်းဆောင်ရွက်နေပါသလဲ။
    ဖြေ :

    အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနအနေနဲ့ အာဆီယံ လုပ်ငန်းခွင်ဘေးအန္တရာယ်ကင်းရှင်းရေးနဲ့ ကျန်းမာရေးကွန်ရက် (ASEAN Occupational Safety and Health – ASEAN-OSHNET) အဖွဲ့ဝင် နိုင်ငံအဖြစ် အာဆီယံဒေသတွင်း လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာ ရေးဆိုင်ရာ ကိစ္စရပ်များကို ပူးပေါင်းပါဝင်ဆောင်ရွက်လျက်ရှိပါတယ်။ ၂၀၂၂-၂၀၂၃ ကာလ အတွင်း ကွန်ရက်အဖွဲ့၏ အလှည့်ကျဥက္ကဋ္ဌတာဝန်ကို ထမ်းဆောင်လျက်ရှိပြီး ၂၀၂၂ ခုနှစ်၊ စက်တင်ဘာလ၊ ၂၉ ရက်နေ့နှင့် ၃၀ ရက်နေ့တွေမှာ (၂၃) ကြိမ်မြောက် အာဆီယံ လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးကွန်ရက် ညှိနှိုင်းရေးအဖွဲ့ အစည်းအ‌ဝေး၊ (၉) ကြိမ်မြောက် အာဆီယံ လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးကွန်ရက် ညီလာခံ၊ (၄) ကြိမ်မြောက် အာဆီယံ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးကွန်ရက် ဆုချီးမြှင့်ခြင်း အခမ်းအနားတို့ကို အိမ်ရှင်အဖြစ် ကျင်းပပြုလုပ်ခဲ့ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနအနေနဲ့ စက်ရုံ၊ အလုပ်ရုံတွေမှာ လုပ်ငန်းခွင် ပတ်ဝန်းကျင်အခြေအနေ တိုင်းတာခြင်းကို မည်ကဲ့သို့ ဆောင်ရွက်ပေးနေ ပါသလဲ။
    ဖြေ :

    လုပ်ငန်းခွင် ဆူညံသံနှင့် အလင်းရောင်တို့ကြောင့် အလုပ်သမားများရဲ့ လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးအပေါ် ထိခိုက်မှုမရှိစေရန်နဲ့ လုပ်ငန်းခွင် ပတ်ဝန်းကျင်အခြေအနေ တိုးတက်ကောင်းမွန်စေရန် ရည်ရွယ်ပြီး ဆူညံသံနှင့် အလင်းရောင်ဆိုင်ရာ လုပ်ငန်းခွင် ပတ်ဝန်းကျင်အခြေအနေတွေကို အခမဲ့ တိုင်းတာဆောင်ရွက် ပေးလျက်ရှိပါတယ်။ ယခင်က ရန်ကုန်တိုင်းဒေသကြီးအတွင်းမှာသာ တိုင်းတာပေးနိုင်ခဲ့သော်လည်း ၂၀၂၂ ခုနှစ်ကစပြီး တိုင်းတာရေးကိရိယာများ တိုးချဲ့ဝယ်ယူပြီး မန္တလေး တိုင်းဒေသကြီး၊ ပဲခူးတိုင်းဒေသကြီးနဲ့ ဧရာဝတီတိုင်းဒေသကြီးများရှိ စက်ရုံ၊ အလုပ်ရုံများကိုပါ တိုင်းတာပေးနိုင်ခဲ့ပါတယ်။
    တိုင်းဒေသကြီးတစ်ခုချင်းအလိုက် လစဉ်စီမံချက်တွေ ချမှတ်ပြီး လူဉီးရေထူထပ် များပြား တဲ့လုပ်ငန်းများ၊ ဆူညံသံထွက်ရှိမှုများပြားတဲ့ လုပ်ငန်းများနဲ့ အာရုံစူးစိုက်၍ ဆောင်ရွက်ရတဲ့လုပ်ငန်းများကို ဦးစားပေး တိုင်းတာပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနအနေနဲ့ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးဆိုင်ရာ စစ်ဆေးစည်းကြပ်ခြင်းကို မည်ကဲ့သို့ ဆောင်ရွက်ပေးနေပါသလဲ။
    ဖြေ :

    ဦးစီးဌာနက အလုပ်ရုံစစ်ဆေးရေးအရာရှိများအနေနဲ့ စက်ရုံ၊ အလုပ်ရုံ၊ ဆိုင်နှင့် အလုပ် ဌာနများရှိ အလုပ်သမားများရဲ့ လုပ်ငန်းခွင် ဘေးအန္တရာယ်ကင်းရှင်းရေးနဲ့ ကျန်းမာရေး အတွက် လစဉ်စီမံချက်များချမှတ်၍ စစ်ဆေးစည်းကြပ်ခြင်း၊ လုပ်ငန်းခွင် ထိခိုက်မှုများ ဖြစ်ပွားပါက အချိန်နှင့်တပြေးညီ သွားရောက်စစ်ဆေးခြင်း၊ မီးလောင်မှု၊ ပေါက်ကွဲမှု စတဲ့ ထူးခြားဖြစ်စဉ်များ ဖြစ်ပွားပါက သွားရောက်စစ်ဆေးခြင်း၊ စစ်ဆေးတွေ့ရှိမှုများအရ လိုက်နာဆောင်ရွက်ရန် ညွှန်ကြားချက်များ ထုတ်ပြန်ခြင်းတို့ကို ဆောင်ရွက်ပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနအနေနဲ့ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးနှင့်စပ်လျဉ်း၍ မည်ကဲ့သို့ ဆောင်ရွက်ပေးနေပါသလဲ။
    ဖြေ :

    ၁၉၅၁ ခုနှစ်၊ အလုပ်ရုံများအက်ဥပဒေ၊ ၂၀၁၆ ခုနှစ်၊ ဆိုင်နှင့် အလုပ်ဌာနများအက်ဥပဒေတို့နှင့်အညီ စက်ရုံ၊ အလုပ်ရုံ၊ ဆိုင်နှင့် အလုပ်ဌာနများရှိ အလုပ်သမားများရဲ့ လုပ်ငန်းခွင် ဘေးအန္တရာယ်ကင်းရှင်းရေးနဲ့ ကျန်းမာရေးအတွက် စစ်ဆေးစည်းကြပ်ခြင်း၊ လိုက်နာဆောင်ရွက်ရန် ညွှန်ကြားချက်များ ထုတ်ပြန်ခြင်း၊ အသိပညာပေးခြင်း၊ လုပ်ငန်းခွင် ပတ်ဝန်းကျင်အခြေအနေ တိုင်းတာအကဲဖြတ်ခြင်း၊ ဥပဒေပါပြဋ္ဌာန်းချက်များကို လိုက်နာဆောင်ရွက်မှု မရှိပါက တရားစွဲဆို ခြင်းတို့ကို ဆောင်ရွက်ပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်သမားရေးရာ တိုင်ကြားစာများ၊ အငြင်းပွားမှုများ ဖြေရှင်းပေးမှုများကို ရှင်းပြပေးပါ။
    ဖြေ :

    အလုပ်သမားရေးရာကိစ္စများ တိုင်ကြားလာပါက စနစ်တကျ မှတ်ပုံတင်၍ လက်ခံထားရှိခြင်း၊ ဤဦးစီးဌာနမှ စစ်ဆေးစည်းကြပ်သည့် ဥပဒေများနှင့် သက်ဆိုင်ပါက ဖြေရှင်းဆောင်ရွက်ပေးခြင်း၊ ဤဦးစီးဌာနမှ စစ်ဆေးစည်းကြပ်သည့် ဥပဒေများနှင့် မသက်ဆိုင်ပါက သက်ဆိုင်ရာဌာနသို့ လွှဲပြောင်းပေးပို့ခြင်း၊ တိုင်ကြားသူအား အခြေအနေများကို အသိပေးအကြောင်းကြားနိုင်ရေးအတွက် ဆက်သွယ်ရမည့် လိပ်စာယူထား၍ အခြေအနေကို ပြန်လည်ပြောကြားပေးခြင်းများဖြင့် ဖြေရှင်းဆောင်ရွက်ပေးလျက်ရှိပါတယ်။ ၁-၂-၂၀၂၂ ရက်နေ့မှ ၃၁-၁-၂၀၂၃ ရက်နေ့ကာလအထိ တိုင်ကြားခဲ့တဲ့ အမှုတွေထဲမှာ ညှိနှိုင်း ဖျန်ဖြေရေး အဖွဲ့ဖြင့် ဖြေရှင်းခဲ့တာက (၁၁)မှု၊ တိုင်းဒေသကြီး/ မြို့နယ်ပေါင်းစပ်အဖွဲ့ဖြင့် ဖြေရှင်းခဲ့တာက (၃၄)မှု၊ ဤဦးစီးဌာနဥပဒေနှင့်အညီ ဆောင်ရွက်ခဲ့တာက (၁၂၂)မှု၊ စုစုပေါင်း(၁၆၇)မှုမှာ (၁၆၅)မှု ဆောင်ရွက်ပြီးစီးခဲ့ပြီး (၂)မှုကတော့ ဆောင်ရွက်ဆဲ ကျန်ရှိနေပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရုံနှင့် အလုပ်သမား ဥပဒေစစ်ဆေးရေးဦးစီးဌာနအနေဖြင့် အလုပ်သမားများ၏ အချိန်ပိုလုပ်ကိုင်ခွင့်ဆိုင်ရာ ဥပဒေပြဋ္ဌာန်းချက်များနှင့် ဆောင်ရွက်ပေးမှုအခြေအနေကို သိရှိလိုပါတယ်။
    ဖြေ :

    အလုပ်သမားများ ရက်သတ္တပတ်၊ အများပြည်သူ အလုပ်ပိတ်ရက်နှင့် အပတ်စဉ်အချိန်ပို နာရီများတွင် အချိန်ပိုလုပ်ကိုင်မှုနှင့်စပ်လျဉ်း၍ –
    (က)    ၁၉၅၁ ခုနှစ်၊ အလုပ်ရုံများအက်ဥပဒေ ပုဒ်မ ၇၃(၁)တွင် အလုပ်သမား တဦးတယောက်သည် အလုပ်ရုံတွင် ပုဒ်မ ၅၉နှင့် ၆၂ တွင် သတ်မှတ် ထားသည့် အချိန်ထက်ပို၍ လုပ်ရလျှင်ထိုသူသည် မိမိအချိန်ပို လုပ်ရသည့် နေ့အတွက် ပေးမြဲနှုန်းအတိုင်း ရှားပါးစရိတ်ကိုလည်း ရစေရမည်ဟု ပြဋ္ဌာန်းထားပါတယ်။
    ( ခ )   ၂၀၁၆ ခုနှစ်၊ ဆိုင်များနှင့်အလုပ်ဌာနများဥပဒေပုဒ်မ ၁၁ (က) အရ ဆိုင် သို့မဟုတ် အလုပ်ဌာန၌ အလုပ်လုပ်သော အလုပ်သမားတစ်ဦးကို တစ်ရက် လျှင် ရှစ်နာရီထက် ပို၍လည်းကောင်း၊ ရက်သတ္တပတ်လျှင် ၄၈ နာရီထက် ပို၍လည်းကောင်း အလုပ်မလုပ်စေရ။ သို့ရာတွင် တစ်ရက်လျှင် ရှစ်နာရီ ထက်ပို၍လည်းကောင်း၊ ရက်သတ္တပတ်လျှင် ၄၈ နာရီထက်ပို၍ လည်းကောင်း အလုပ်သမား၏ သဘောဆန္ဒရယူ၍ ဥပဒေနှင့်အညီ အချိန်ပိုလုပ်ကိုင်သည်ကို ပြဋ္ဌာန်းထားပါတယ်၊
    ( ဂ )   ၂၀၁၆ ခုနှစ်၊ ဆိုင်များနှင့်အလုပ်ဌာနများဥပဒေပုဒ်မ ၁၁ (ခ) အရ အချိန်ပို လုပ်သော နာရီစုစုပေါင်းသည် မည်သည့်ရက်သတ္တပတ်၌မဆို ၁၂ နာရီ ထက်မပိုစေရ၊ သို့ရာတွင် အထူးကိစ္စရပ်အနေဖြင့် လိုအပ်ချက် ရှိပါက ရက်သတ္တပတ်၌ ၁၆ နာရီထက်မပိုစေရ။ ထို့ပြင်ညဉ့်သန်းခေါင် ၁၂ နာရီ ထက် ကျော်လွန် လုပ်ကိုင်ခြင်းမပြုရဟု ပြဋ္ဌာန်းထားပါတယ်၊
    (ဃ)    ခွင့်ရက်နှင့် အလုပ်ပိတ်ရက် နည်းဥပဒေများ အပိုဒ် ၁၇ တွင် အများပြည်သူ အလုပ်ပိတ်ရက်တွင် အလုပ်လုပ်ရမည်ဆိုပါက အလုပ်သမား၏ဆန္ဒကို ရယူပြီး ယင်းနေ့မတိုင်မီ ဦးစီးဌာနသို့ ကြိုတင် ခွင့်ပြုမိန့် တောင်းခံရမည်။ ခွင့်ပြုချက်ရမှသာ အလုပ်ခိုင်းစေမည်ဟု ပြဋ္ဌာန်းထားပါတယ်၊
    ( င)    ခွင့်ရက်နှင့် အလုပ်ပိတ်ရက် နည်းဥပဒေများ အပိုဒ် ၅၀ အပိုဒ်ခွဲ (ည) တွင် လုပ်ငန်းလိုအပ်ချက်အရ အများပြည်သူအလုပ်ပိတ်ရက်တွင် အလုပ် လုပ်ကိုင်လိုပါက အလုပ်သမား၏ သဘောဆန္ဒရယူ၍ စစ်ဆေးရေးအရာရှိထံ ပုံစံ(၈)ဖြင့် တင်ပြပြီး  ခွင့်ပြုချက်ရယူ လုပ်ကိုင်ရမည်ဟု ပြဋ္ဌာန်းထားပါတယ်၊
    ( စ )   ၂၀၁၆ ခုနှစ်၊ အခကြေးငွေပေးချေရေး နည်းဥပဒေ ၂၀ တွင် အချိန်ပို အခကြေးငွေနှင့်စပ်လျဉ်း၍ လစားအလုပ်သမားများ၊ နေ့စားအလုပ်သမား များ၊ ပုတ်ပြတ် အလုပ်သမားများအတွက် အချိန်ပိုလုပ်ခ ခံစားခွင့်နှုန်းထား များ ပြဋ္ဌာန်းထားပါတယ်၊
    (ဆ)    အချိန်ပိုလုပ်ကိုင်ရန် လျှောက်ထားရမည့် လုပ်ငန်းစဉ်နှင့် လိုအပ်သည့် အချက်အလက်များ၊ အခြားသတ်မှတ်ချက်များနှင့်စပ်လျဉ်း၍ သက်ဆိုင်ရာ နေပြည်တော်ကောင်စီ၊ တိုင်းဒေသကြီး/ ပြည်နယ်/ ခရိုင်/ မြို့နယ်တာဝန်ခံ စစ်ဆေးရေးမှူးများထံ ဆက်သွယ်ဆောင်ရွက်နိုင်ပါတယ်၊
    ( ဇ )   ယခုအခါ တိုးတက်များပြားလာသော စက်ရုံ၊ အလုပ်ရုံများအနေဖြင့် အလုပ်သမားများ၏ အချိန်ပိုလုပ်ကိုင်ခွင့် ခွင့်ပြုမိန့် တင်ပြတောင်းခံရာတွင် ပိုမိုလျင်မြန်သေချာစွာ ဆောင်ရွက်နိုင်ရေးအတွက်  ညွှန်ကြားရေးမှူးချုပ် ကိုယ်စား တိုင်းဒေသကြီး၊ ပြည်နယ်၊ အထူး စီးပွားရေးဇုန်၊ စက်မှု ဇုန်၊ ခရိုင်၊ မြို့နယ်များမှ တာဝန်ခံအရာရှိများမှ တည်ဆဲ ဥပဒေ၊ အမိန့်၊ ညွှန်ကြားချက် များနှင့်အညီ ပိုမိုလျင်မြန်သေချာစွာ စိစစ်ခွင့်ပြု ဆောင်ရွက်လျက်ရှိပါတယ်၊
    ( ဈ )   သက်ဆိုင်ရာ နေပြည်တော်ကောင်စီ၊ တိုင်းဒေသကြီး/ ပြည်နယ်၊ ခရိုင်/ စက်မှုဇုန်၊ အထူးစီးပွားရေးဇုန်၊ မြို့နယ်ရုံးများမှ စစ်ဆေးရေးအရာရှိများ အနေဖြင့် အသိပညာပေးဆွေးနွေးပွဲများ ဆောင်ရွက်ရာတွင် အချိန်ပို လုပ်ကိုင်ခွင့်နှင့်သက်ဆိုင်သည့် ဥပဒေ၊ နည်းဥပဒေ၊ အမိန့်နှင့်ညွှန်ကြားချက်များအား ထည့်သွင်းဆွေးနွေးနိုင်ရေးအတွက် တိုင်းဒေသကြီး/ ပြည်နယ် အလိုက် အသိပညာပေးဆွေးနွေးပွဲ လစဉ်စီမံချက် ချမှတ်ဆောင်ရွက်လျက်ရှိပါတယ်၊
    (ည)    ဤဦးစီးဌာန စည်းကြပ်ဥပဒေ၊ နည်းဥပဒေများ၊ အမိန့်၊ ညွှန်ကြားချက်များ၊ အလုပ်သမားရေးရာတိုင်ကြားစာများအပေါ် ဖြေရှင်းဆောင်ရွက်ပေးမှုများ၊ အလုပ်သမား ဥပဒေပါရပိုင်ခွင့်များ (အလုပ်ချိန်၊ နားချိန်၊ အချိန်ပိုနာရီ၊ ခွင့်ရက်၊ အလုပ်ပိတ်ရက်၊ အပတ်စဉ်နားရက်၊ လုပ်ခလစာ၊ အချိန်ပိုလုပ်ခ) နှင့်စပ်လျဉ်းသည့် လိုက်နာဆောင်ရွက်ရမည့် လုပ်ငန်းစဉ်များ၊ လမ်းညွှန်ချက်များကို အလုပ်သမားဝန်ကြီးဌာန Web Portal Website Social Media ၌ ကြည့်ရှုလေ့လာနိုင်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားအနေဖြင့် ဆေးဖိုးပြန်လည်လျှောက်ထားရာတွင် အချိန်ကန့်သတ်ချက်ရှိပါသလား။
    ဖြေ :

    ရှိပါတယ်။ ယခင်ဆေးဖိုးပြန်အမ်းခြင်းဆိုင်ရာ ညွှန်ကြားချက် (၁/ဆေး-၂၀၁၈) တွင် ရက်သတ္တပတ် (၁၂)ပတ်အတွင်း ပြန်လည်တင်ပြရန်ပါရှိသော်လည်း အာမခံအလုပ်သမား အကျိုးငှာ အဆိုပါ  ညွှန်ကြားချက်အား ရက်သတ္တ(၅၂) ပတ်အထိ ဖြေလျော့ထားသဖြင့် ရက်သတ္တ (၅၂) ပတ် အတွင်းဝယ်ယူထားသော ဆေးမှတ်တမ်းနှင့်ကိုက်ညီသည့် ဆေးဖိုး ကုန်ကျစရိတ်များကို ပြန်လည်တောင်းခံနိုင်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦးသည် ပုဂ္ဂလိကဆေးရုံသို့ သွားရောက်ပြသပါက ဆေးဖိုးပြန်လျှောက်လို့ ရပါသလား။
    ဖြေ :

    ရောဂါအခြေအနေမှာ အရေးပေါ်အခြေအနေဖြစ်ပါက ပြန်အမ်းပေးနိုင်ပါသည်။ သို့သော် ဆရာဝန်စမ်းသပ်ခ၊ အသုံးအဆောင်ပစ္စည်းများ၊ ဆေးရုံအခန်းခများ၊ အာဟာရ ဖြည့်စွက်စာများ၊ ခွဲစိတ်ခန်းခများ၊ ဝန်ဆောင်ခများအား ပြန်လည်ပေးအမ်းမည်မဟုတ်ပါ။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦးအတွက် ဆေးဖိုးပြန်အမ်းခြင်းတွင် ကျောက်ကပ်ဆေးခြင်းအား မည်မျှပေးပါသလဲ။
    ဖြေ :

    ဆေးဖိုးပြန်အမ်းခြင်းတွင် ကျောက်ကပ်ဆေးခြင်းအားတစ်ကြိမ် ၃၀၀၀၀/-ဖြင့် ပေးအမ်းပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦးသည် ဆေးဝယ်ပြေစာတွင် တာဝန်ခံဆရာဝန်ကြီးလက်မှတ်တောင်းခံလို့မရရင် ဘယ်လိုလုပ်ရမလဲ။
    ဖြေ :

    တာဝန်ခံဆရာဝန်၏ ထောက်ခံချက်ဖြင့် တင်ပြနိုင်ပါသည်။ သို့သော် တာဝန်ခံဆရာဝန်လက်မှတ်ခက်ခဲပါက ဆေးကုသဆောင်တံဆိပ်တုံးနှင့်တကွ လူမှုဖူလုံရေးဆေးခန်း ဆရာဝန်မှ တိုက်ဆိုင်စစ်ဆေးပြီး ကိုက်ညီပါကပေးနိုင်ပါသည်။

  • မေး :
    ဆေးဖိုးပြန်အမ်းလျှောက်ထားရာတွင် မည်သည့်အချက်များ လိုအပ်ပါသလဲ။
    ဖြေ :

    ဆေးကုသမှုစရိတ် တောင်းခံရာတွင် ပါဝင်ရမည့်အချက်များ-
    (က)    နိုင်ငံပိုင် ဆေးရုံတွင်ပြသထားသည့် ဆေးမှတ်တမ်း (အရေးပေါ်အခြေအနေ တွင် ပုဂ္ဂလိကဆေးရုံ ပြသခြင်း ခွင့်ပြုသည်။)
    (ခ)   ဆေးရုံတက်/ဆင်းလက်မှတ်
    (ဂ)  အာမခံအလုပ်သမားလူနာ၏ ကိုယ်တိုင်ရေးလျှောက်လွှာ
    (ဃ)  အာမခံစိစစ်ရေးကတ်ပြားမိတ္တူ
    (င)   အလုပ်ရှင်မှ မိမိအလုပ်သမားဖြစ်ကြောင်း ထောက်ခံချက်
    (စ)   ဆေးဝါးဝယ်ယူပြေစာများမူရင်း (ဆေးမှတ်တမ်းနှင့် ကိုက်ညီမှုရှိရမည်။)

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အတွင်းလူနာကုသမှု (ဆေးရုံတက်လူနာကုသမှု) ဝန်ဆောင်မှုကို လူမှုဖူလုံရေးအဖွဲ့နှင့် ပူးပေါင်းဆောင်ရွက်သော ပုဂ္ဂလိက ဆေးရုံများတွင် ရရှိနိုင်ပါသလား။
    ဖြေ :

    မရရှိနိုင်ပါ။ 

  • မေး :
    လူမှုဖူလုံရေးအဖွဲ့နှင့် ပူးပေါင်းဆောင်ရွက်သည့် စာချုပ်ဆေးခန်းများ၏ ဝန်ဆောင်မှု အမျိုးအစားများကို သိရှိလိုပါသည်။
    ဖြေ :

    ပြင်ပလူနာကုသမှု (OPD Care) ဝန်ဆောင်မှုဆောင်ရွက်ပါသည်။ လူမှုဖူလုံရေး-ကဲဝဲလ်ဆေးခန်း (လှိုင်သာယာ၊  ရွှေလင်ပန်း၊  ရွှေပြည်သာ၊  မင်္ဂလာဒုံ၊  အရှေ့ဒဂုံ) တို့တွင်  သားဖွားမီးယပ်ပြင်ပလူနာကုသမှုဝန်ဆောင်မှုဆောင်ရွက်ပေးလျက်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအဖွဲ့နှင့် စာချုပ်ချုပ်ဆိုဆောင်ရွက်လျက်ရှိသော ပုဂ္ဂလိကဆေးရုံ၊ ဆေးခန်းများကို သိရှိလိုပါသည်။
    ဖြေ :

    Provider Purchaser Split (Fee for service Payment) ဖြင့် ဆောင်ရွက်သော စာချုပ်ဆေးခန်း (၁၂)ခန်း ၊ Capitation Payment ဖြင့်ဆောင်ရွက်သော စာချုပ်ဆေးခန်း (၂၄)ခန်း၊ မီးဖွားမှုဆိုင်သည့် ဝန်ဆောင်မှုများဆောင်ရွက်သည့် စာချုပ်ဆေးရုံ/ သားဖွားခန်း (၉)ခန်းတို့ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    မည်သည့်အခြေအနေများတွင် လူမှုဖူလုံရေးဆေးခန်းများမှ ဆေးသက်သေခံလက်မှတ် ထုတ်ပေးသနည်း။
    ဖြေ :

    အာမခံထားသူ လူမှုဖူလုံရေးဆေးခန်းသို့ လာရောက်ပြသသည့်အခါ တာဝန်ခံ ဆရာဝန်မှ ကြည့်ရှုစစ်ဆေးပြီး ရောဂါအခြေအနေအရ အလုပ်လုပ်ကိုင်နိုင်ခြင်းမရှိဟု ယူဆပါက အလုပ်ခွင်မှအနားယူရန် မကျန်းမာမှုနှင့်ဆိုင်သည့် ငွေကြေးအကျိုးခံစားခွင့်များရရှိစေရန်    မီးဖွားမှု (မီးမဖွားမီခွင့်+မီးဖွားပြီးခွင့်) (ဆ-၂)၊ ဖခင်ဘဝဖြစ်မှုအတွက် ဆေးသက်သေခံ လက်မှတ် (ဆ-၂ ခ)၊ သေဆုံးမှုဆေးသက်သေခံလက်မှတ် (ဆ-၄) ထုတ်ပေးပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအဖွဲ့တွင် မှတ်ပုံတင်ထားသော အာမခံထားသူသည် မည်သည့်နေရာတွင် ဆေးကုသမှုခံယူနိုင်ပါသနည်း။
    ဖြေ :

    လူမှုဖူလုံရေးအဖွဲ့တွင် မှတ်ပုံတင်ထားသော အာမခံထားသူများသည် လူမှုဖူလုံရေး ဆေးရုံကြီး (၃)ခု၊ မြို့နယ်လူမှုဖူ လုံရေးဆေးခန်းများ၊ လူမှုဖူလုံရေးနှင့် စာချုပ်ချုပ်ဆိုထားသော ပုဂ္ဂလိကဆေးရုံ / ဆေးခန်းများနှင့် ဌာနကြီးဆေးခန်းများတွင် အခမဲ့ဆေးကုသမှုရယူနိုင်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအဖွဲ့တွင် မှတ်ပုံတင်ထားသော အာမခံထားသူအမျိုးသား၏ ဇနီးမီးဖွားသည့်အခါ အာမခံထားသူအမျိုးသားသည် ခွင့်အနေဖြင့် မည်မျှခံစားခွင့်ရှိပါသနည်း။
    ဖြေ :

    လူမှုဖူလုံရေးအဖွဲ့တွင် မှတ်ပုံတင်ထားသော အာမခံထားသူများသည် လူမှုဖူလုံရေး         ဆေးရုံကြီး (၃)ခု၊ မြို့နယ်လူမှုဖူလုံရေးဆေးခန်းများ၊ လူမှုဖူလုံရေးနှင့် စာချုပ် ချုပ်ဆိုထားသော ပုဂ္ဂလိကဆေးရုံ / ဆေးခန်းများနှင့် ဌာနကြီးဆေးခန်းများတွင် အခမဲ့ဆေးကုသမှုရယူနိုင်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး အာမခံထားသူ ကိုယ်ဝန်ဆောင်အမျိုးသမီးများအနေဖြင့် မီးဖွားမှုနှင့်ဆိုင်သည့်ခွင့်အား ကာလမည်မျှအထိ ခံစားခွင့်ရနိုင်ပါသနည်း။
    ဖြေ :

    အာမခံထားသူအမျိုးသမီးတစ်ဦး ကိုယ်ဝန်ဆောင်ထားပါက မီးဖွားမှုနှင့်ဆိုင်သည့် ခွင့်အနေဖြင့် မီးမဖွားမီရက်သတ္တပတ် (၆)ပတ်နှင့်  မီးဖွားပြီးနောက် ရက်သတ္တပတ် (၈)ပတ် အထိခံစားခွင့်ရရှိမည်ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားမှ ပြင်ပပုဂ္ဂလိကဆေးရုံ/ဆေးခန်းများတွင် ကုသခြင်းအတွက် လူမှုဖူလုံရေးအဖွဲ့မှ ပြန်လည်ပေးအမ်းပါသလား။
    ဖြေ :

    ဆရာဝန်မှသတ်မှတ်သည့် အရေးပေါ်အခြေအနေတွင်သာ ပုဂ္ဂလိကကုသမှုအတွက်  ဆေးဖိုးပြန်အမ်းခြင်းဆိုင်ရာ ညွှန်ကြားချက် (၁/၂၀၁၈) အရပြန်လည်ပေးအမ်းပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အာမခံအလုပ်သမားမှ ဆေးဖိုးတောင်းခံရာတွင် လိုအပ်သည့်အချက်အလက် အထောက်အထားများကို ဖော်ပြပေးစေလိုပါတယ်။
    ဖြေ :

    ဆေးဖိုးတောင်းခံရာတွင် လိုအပ်သည့်အချက်အလက်အထောက်အထားများမှာ-   
    (က)      အာမခံကဒ်ပြားမိတ္တူ
    (ခ)       အလုပ်ရှင်ထောက်ခံချက်/ ကိုယ်တိုင်ရေးလျှောက်လွှာ
    (ဂ)     ဆေးဝယ်ပြေစာမူရင်း
    (ဃ)    ဆေးကုသမှုမှတ်တမ်းမိတ္တူ
    (င)     တက်ရောက်ကုသခဲ့သည့် ပြည်သူ့ဆေးရုံမှ ဆရာဝန်၏ ထောက်ခံချက်(သို့) သက်ဆိုင်ရာလူမှုဖူလုံရေးဆေးခန်းမှ တာဝန်ခံဆရာဝန်၏ ထောက်ခံချက်

  • မေး :
    လူမှုဖူလုံရေးအဖွဲ့အနေဖြင့် လူမှုဖူလုံရေးအဖွဲ့ Mobile Application နှင့် Website လွှင့်တင်ပေးထားတယ်လို့ သိရပါတယ်။ အဲ့တာနှင့်ပတ်သက်ပြီး ပြောပြပေးပါဦးရှင့်။
    ဖြေ :

    လူမှုဖူလုံရေးအဖွဲ့၏ ဝန်ဆောင်မှုလုပ်ငန်းများအား လွယ်ကူလျင်မြန်စွာ ဆောင်ရွက်နိုင်ရန်နှင့် အသိပညာပေးလုပ်ငန်းများအား ထိထိရောက်ရောက်ဆောင်ရွက်နိုင်ရန်အတွက် e-Services ဝန်ဆောင်မှုလုပ်ငန်းအနေဖြင့် SSB Website နှင့် Mobile Application ကို လူမှုဖူလုံရေးအဖွဲ့၏ သတင်းအချက်အလက်စီမံခန့်ခွဲမှုစနစ် (SSB Information System) ကို မစတင်မီ Pilot App အဖြစ် အကောင်အထည်ဖော်ရန် ၂၀၂၀ ခုနှစ်မှစတင်၍ ရေးသားခဲ့တာဖြစ်ပါတယ်။ ဒီနေ့မှာ SSB Website မှ Update သတင်းအချက်အလက်များကို https://ssb.gov.mm တွင်လည်ကောင်း၊ SSB Mobile App မှာ ဝင်ရောက်ကြည့်ရှုနိုင်ပါတယ်။

    အဓိကပါဝင်တဲ့လုပ်ငန်းစဉ်များမှာ-
    (က) လူမှုဖူလုံရေးအဖွဲ့က ခွင့်ပြုထုတ်ပေးလျက်ရှိတဲ့ အကျိုးခံစားခွင့်များ (အလုပ်တွင် ထိခိုက်မှုအကျိုးခံစားခွင့်များ၊ နာရေးစရိတ်များ၊ ၄၀ % လူမှုဖူလုံရေး ထောက်ပံ့ငွေခွင့်ပြုမှုစသည်) လုပ်ငန်းဆောင်ရွက်မှုအခြေအနေများ စသည့် Update သတင်းအချက်အလက်များ၊
    (ခ)  အများပြည်သူကို အသိပေးလိုသည့် အလုပ်သမားဝန်ကြီးဌာနမှ ကိုဗစ်-၁၉ ကာလ အတွင်း ကြေညာချက်များ၊ လူမှုဖူလုံရေးဥပဒေနှင့်အညီ အာမခံအလုပ်သမားများ အတွက် လက်ရှိဆောင်ရွက်ပေးနေမှုအခြေအနေများနှင့်         ထပ်မံဖြေလျော့ကင်း လွတ်ခွင့်ပြုမှုများစသည့် ကြေညာချက်များ၊
    (ဂ)  လူမှုဖူလုံရေးအဖွဲ့မှ လစဉ်ရငွေနှင့်ထည့်ဝင်ကြေးများအား  ရငွေနှင့်ထည့်ဝင်ကြေးစာရင်းများ၊
    (ဃ)   လူမှုဖူလုံရေးအဖွဲ့၏ လစဉ်ဘုတ်အလိုက် ကျန်းမာရေးအသုံးစရိတ်နှင့် ခွင့်ပြုပေးခဲ့သည့် အကျိုးခံစားခွင့်အခြေအနေများကို ကျန်းမာရေးအသုံးစရိတ်နှင့် ခွင့်ပြုခဲ့သော အကျိူးခံစားခွင့်အခြေအနေများ၊
    (င)  ဆေးရုံဆေးခန်းနှင့် ရုံးလိပ်စာများအား Google Map ဖြင့် ဖော်ပြထားခြင်း၊
    (စ)  အလုပ်သမားဆေးရုံကြီးများ၏ ပြင်ပလူနာဌာနအတွက် ဆေးကုသပေးနေသည့် အချိန်ဇယားများ ၊
    (ဆ) အာမခံစနစ်များနှင့်အကျိုးခံစားခွင့်များ၊
    (ဇ) လက်ရှိအကောင်အထည်ဖော်နေသည့် အာမခံစနစ်(၂)မျိုးနှင့် ၂၀၁၂ခုနှစ် လူမှုဖူလုံရေးဥပဒေအရ  အကောင် အထည်ဖော်ဆောင်မည့်  အခြားအာမခံစနစ်နှင့် ပတ်သက်၍ တွက်ချက်မှုများအား ထည့်ဝင်ကြေးတွက်ချက်ခြင်း တွင်လည်းကောင်း၊
    (ဈ) အကျိုးခံစားခွင့်များအား ၂၀၁၂ခုနှစ်  လူမှုဖူလုံရေးဥပဒေအရ ထည့်ဝင်ကြေးပေးသွင်းမှု၊ ပျမ်းမျှလစာ၏ % အလိုက် ခံစားခွင့်များအား တွက်ချက်ခြင်းတို့ကို အကျိုးခံစားခွင့်တွက်ချက်ခြင်း ၊
    (ည) ခွင့်ပြုထုတ်ပေးလျက်ရှိသည့်အကျိုးခံစားခွင့်များအား ခွင့်ပြုခဲ့သည့်အကျိုးခံစားခွင့်များ၊
    (ဋ) အလုပ်ဌာနနှင့် အလုပ်သမားစာရင်းနှင့်လူမှုဖူလုံရေးကတ်နှင့် SSN (Social Security  Number) အရေးပါပုံများ၊ လူမှုဖူလုံရေးအကျိုးခံစားခွင့်၊ ဆေးကုသမှုစရိတ်တောင်းခံခြင်း စသည့်အချက်အလက်များ၊
    (ဌ)   လူမှုဖူလုံရေးအဖွဲ့နှင့်ပတ်သက်ပြီး သိသင့်သည်များကို အမေးများသောမေးခွန်းများ၊ 
    (ဍ) ဌာနအလိုက်ဆက်သွယ်ရမည့်လိပ်စာများ၊
    (ဎ) လက်ရှိ လူမှုဖူလုံရေးအကျုံးဝင်အလုပ်သမားများအတွက် လျောက်ထားသူအမည်၊ လူမှုဖူလုံရေးအာမခံစိစစ်ရေးအမှတ် (SSN) နှင့် ဖခင်အမည်များ ဖြည့်စွက်ပြီး သင့်အချက်အလက်များ နှင့်
    (ဏ)   လူမှုဖူလုံရေးအဖွဲ့သို့ အကြံပြုလွှာများပေးပို့လိုပါက အကြံပြုလွှာနှင့်ဆက်သွယ်ရန် တို့ကို အဓိကလုပ်ငန်းများအဖြစ် ဖော်ပြထားပါတယ်။

    SSB Mobile App ကို အများပြည်သူမည်သူမဆို ဝင်ရောက်ကြည့်ရှုနိုင်ပါတယ်။ လတ်တလောအနေဖြင့် Update သတင်းအချက်အလက်များကို သိရှိနိုင်ရေး၊ အသိပညာ ပေးတဲ့ App အနေနဲ့အသုံးပြုလို့ရပါတယ်။

    အဓိကအနေဖြင့်Update အချက်အလက်တွေနှင့် ကြေညာချက်တွေစသည့် လူမှုဖူလုံရေးရဲ့အကြောင်းကို ကျယ်ကျယ်ပြန့်ပြန့်သိနိုင်မယ်၊ လူမှုဖူလုံရေးအဖွဲ့ရှိ ရုံးခွဲ/ ဆေးခန်းများရဲ့လိပ်စာတွေ၊ ကိုယ်ကထည့်ဝင်ကြေးဘယ်လိုသွင်းရလဲ၊ ဥပမာကိုယ်ခွင့် ယူတဲ့ကာလအရ မီးဖွားမှုအကျိုးခံစားခွင့်ကို တွက်ချက်နိုင်တဲ့အတွက် ကိုယ်ခံစားခွင့်များကို  သိရှိနိုင်ခြင်းစသည့် တို့ကိုရရှိနိုင်ပါတယ်။

    Android ဖုန်းများအတွက်  Play Store တွင်လည်ကောင်း၊  iOS ဖုန်းများအတွက် App Store တွင်လည်းကောင်း အောက်ပါ  Logo နှင့် Download လုပ်ပြီး အသုံးပြုနိုင်ပါတယ်။

    လတ်တလောအနေဖြင့် လူမှုဖူလုံရေးအဖွဲ့၏ Update သတင်းအချက်အလက်များ ကို သိရှိနိုင်ရေး၊ အသိပညာပေးတဲ့ App အနေနဲ့အသုံးပြုနိုင်ပြီး နောက်ပိုင်း SSB Information      System ကို ရေးဆွဲပြီးချိန်မှာ အလုပ်ဌာနများအနေဖြင့် Online မှ မှတ်ပုံတင်ခြင်း/ထည့်ဝင်ကြေးပေးသွင်းခြင်း၊ အလုပ်သမားတွေအနေနဲ့ အကျိုးခံစားခွင့်လျှောက်တာတွေ /ထုတ်ယူတာတွေကို Online ကနေဆောင်ရွက်လို့ရအောင်၊ အလုပ်သမားတစ်ဦး အနေနဲ့ မိမိနဲ့ပတ်သက်တဲ့အချက်အလက်တွေဖြစ်တဲ့ ထည့်ဝင်ကြေးပေးသွင်း လ/ ငွေတွေ၊ အကျိုးခံစားခွင့်မှတ်တမ်းတွေ၊ ဆေးကုသမှုမှတ်တမ်းတွေစသည့် အချက်အလက်များကို ကြည့်ရှုနိုင်ရန် ဆက်လက်ဆောင်ရွက်သွားမှာဖြစ်ပါတယ်။ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    ကိုဗစ်ကာလအတွင်း လူမှုဖူလုံရေးအဖွဲ့၏ အလုပ်ရှင်၊ အလုပ်သမားများအပေါ် ဖြေလျော့ဆောင်ရွက်ပေးနေမှုအခြေအနေများကို ရှင်းပြပေးပါ။
    ဖြေ :

    လူမှုဖူလုံရေးအဖွဲ့သည် ၂၀၁၂ ခုနှစ် လူမှုဖူလုံရေးဥပဒေပုဒ်မ ၁၀၀ ကိုကျင့်သုံးပြီး လက်ရှိဆောင်ရွက်နေသည့် အာမခံစနစ်(၂)မျိုးအရ အကျိုးခံစားခွင့်(၁၅)မျိုးကို ခွင့်ပြုလျက်ရှိသည့်အပြင် ကိုဗစ်-၁၉ ကာလအတွင်း လူမှုဖူလုံရေးအဖွဲ့မှ အလုပ်ရှင်၊ အလုပ်သမားများအား အခက်အခဲများလျော့ပါးစေရေး ဖြေလျော့ကင်းလွတ်ခွင့်ပြုတာတွေ၊ ထောက်ပံ့မှုပေးခဲ့တာတွေကတော့-
    အလုပ်ရှင်အတွက်
    (က)    Frist wave နှင့်Second wave ကာလများတွင် သတ်မှတ်ကာလအတွင်း ပေးသွင်းရမည့် ထည့်ဝင်ကြေးကို (၃)လ နောက်ကျပေးသွင်းခွင့်၊
    (ခ)   ကိုဗစ်-၁၉ third wave တွင် သတ်မှတ်ကာလအတွင်း ပေးသွင်းရမည့် ထည့်ဝင်ကြေးကို (၆)လ နောက်ကျပေးသွင်းခွင့်၊        
    အာမခံအလုပ်သမားများအတွက်
    (က)    ကိုဗစ်-၁၉ ကာလအတွင်း အာမခံအလုပ်သမားများ အလုပ်လက်မဲ့ဖြစ်ပွားသည့်နေ့မှစ၍ တစ်နှစ်အထိကျန်းမာရေးစောင့်ရှောက်မှုပေးခြင်းနှင့် ဆေးဖိုး နှင့် ခရီးစရိတ်ခွင့်ပြုထုတ်ပေးခဲ့ပါသည်။
    (ခ)  ကိုဗစ်-၁၉ ကာလအတွင်း first wave တွင် အလုပ်ပိတ်ရက်အသီးသီး အတွက် အာမခံအလုပ်သမားများကို လူမှုဖူလုံရေးထောက်ပံ့မှုအကျိုးခံစား ခွင့် ၄၀%ခွင့်ပြုထုတ်ပေးခြင်း၊ (အလုပ်ဌာန(၉၀၁၈)ရှိ အလုပ်သမား(၈၅၇,၇၆၈))  ဦး အတွက် ငွေကျပ်သန်း ၂၁,၆၂၇.၆၃၉ ကို ခွင့်ပြုထုတ်ပေးခဲ့ပါသည်။
    (ဂ)   ကိုဗစ်-၁၉ ကာလအတွင်း second wave တွင် stay at home ကာလအတွက် အာမခံအလုပ်သမားများကို လူမှုဖူလုံရေးထောက်ပံ့မှု အကျိုးခံစားခွင့် ၄၀% ခွင့်ပြုထုတ်ပေးခြင်း၊ (အလုပ်ဌာန (၉၅၉၇)မှ အာမခံ အလုပ်သမား(၇၇၈,၈၉၆)ဦး အတွက် ခွင့်ပြုငွေကျပ်သန်း ၄၉,၃၉၂.၉၇၁ ကို ခွင့်ပြုထုတ်ပေးခဲ့ပါသည်။)
    (ဃ)    မီးလောင်မှုဖြစ်ပွားသောအလုပ်ဌာနများရှိ အာမခံအလုပ်သမားများ အလုပ် လက်မဲ့ဖြစ်ပွားခြင်းကြောင့် လူမှုဖူလုံရေးထောက်ပံ့မှုအကျိုးခံစားခွင့် ၄၀% ကို အလုပ်ဌာန (၂၅)ရှိ အာမခံအလုပ် သမား ( ၁၄,၆၀၃) ဦးအတွက် ခွင့်ပြု ငွေကျပ်သန်း ၈၃၄.၉၄၀ ကို ခွင့်ပြုထုတ်ပေးခဲ့ပါသည်။
    (င)   ကျန်းမာရေးနှင့် အားကစားဝန်ကြီးဌာန၏ လမ်းညွှန်ချက်နှင့်အညီ ကိုဗစ် ၁၉ positive အတည်ပြုလူနာနှင့် quarantine လူနာများအတွက် ဆေးသက် သေခံလက်မှတ် ဆ-၁ ထုတ်ပေးပြီး မကျန်းမာမှုအကျိုးခံစားခွင့်အဖြစ် အများဆုံး ၂၆ ပတ်အထိကို လွန်ခဲ့သော ၄ လအတွင်း ပေးသွင်းခဲ့သော ပျမ်းမျှလုပ်ခလစာ၏ ၆၀%ကို အာမခံအလုပ်သမား (၆,၂၅၂) ဦးအတွက် ငွေကျပ် သန်း ၃၇၁.၄၀၉ ကို ခွင့်ပြုထုတ်ပေးခဲ့ပါသည်။
    (စ)   ကိုဗစ်-၁၉ ကာလတွင် လုပ်ငန်းခွင်သို့ သွားရောက်ရန် တားမြစ်ခံခဲ့ရသော ကိုယ်ဝန်ဆောင်မိခင်များ မီးဖွားခွင့်မစတင်မီ မကျန်းမာမှုအကျိုးခံစားခွင့် ၆၀% အဖြစ် အာမခံအလုပ်သမား (၄,၀၂၈) ဦး အတွက် ငွေကျပ်သန်း ၅၈၅.၄၇၂ ကို ခွင့်ပြုထုတ်ပေးခဲ့ပါသည်။
    (ဆ)    ကိုဗစ်-၁၉ ကာလ ၄/၂၀၂၀ လမှ ၁/၂၀၂၃ လအထိ (၃၄)လတာ ကာလ အတွင်း လက်ရှိအကောင်အထည်ဖော်နေသော ကျန်းမာရေးနှင့်လူမှုရေး စောင့်ရှောက်မှုအာမခံစနစ်နှင့် အလုပ်တွင်ထိခိုက်မှုအကျိုးခံစားခွင့် အာမခံ စနစ်ပါ အကျိုးခံစားခွင့်(၁၅)မျိုး (ကိုဗစ်-၁၉ကာလအတွင်း လူမှုဖူလုံရေး ထောက်ပံ့မှု အကျိုးခံစားခွင့်မပါ)အတွက် အမှုတွဲပေါင်း ၆၇၁,၅၃၈ မှုအတွက် ငွေကျပ်သန်းပေါင်း ၄၁,၁၆၅.၀၁၉ သန်း ကို ခွင့်ပြုထုတ်ပေးနိုင်ခဲ့ပါသည်။
    (ဇ)   လူမှုဖူလုံရေးအဖွဲ့အနေဖြင့် ၂၀၁၂ခုနှစ် လူမှုဖူလုံရေးဥပဒေကို စတင် ကျင့်သုံးသည့် ၂၀၁၄-၂၀၁၅ ဘဏ္ဍာနှစ်မှစ၍ ၂၀၂၂-၂၀၂၃ ဘဏ္ဍာရေးနှစ် (၄/၂၀၂၂ မှ ၁/၂၀၂၃ လအထိ) အာမခံအလုပ်သမားများအတွက် အကျိုး ခံစားခွင့်အမှုတွဲပေါင်း ၃၇ သိန်းကျော်ကို ငွေကျပ်သန်းပေါင်း ၁၇၉,၅၂၂.၂၉၃ ကို ခွင့်ပြုထုတ်ပေးခဲ့ပါသည်။
    (ဈ)   နောက်ဆုံးအနေနဲ့ လူမှုဖူလုံရေးစီမံကိန်းနှင့်ပတ်သက်ပြီး အဓိက အသိပေး လိုတာကတော့ လူမှုဖူလုံရေးစီမံကိန်းဆိုတာ “စုပေါင်းခြင်းဖြင့်ဖူလုံအံ့” ဆို သည့် ဆောင်ပုဒ်နှင့်အညီအလုပ်ရှင်၊ အလုပ်သမား၊ နိုင်ငံတော်တို့မှ စုပေါင်း အာမခံသော လူမှုရေးအာမခံစနစ်တစ်ခုဖြစ်ပြီး အလုပ်သမားများနှင့် မှီခိုသူ မိသားစုများ လူမှုဒုက္ခကြုံတွေ့ရသည့်အချိန်မှာ ဆေးကုသမှုပေးခြင်း၊ ငွေကြေးအကျိုးခံစားခွင့်တွေ ခွင့်ပြုထုတ်ပေးခြင်းဖြင့် အလုပ်သမားနှင့် မှီခိုသူမိသားစုများကို လူမှုဒုက္ခမှ လျော့ပါးသက်သာအောင် ဆောင်ရွက်ပေး သည့်စီမံကိန်းဖြစ်ခြင်းကြောင့် လူမှုဖူလုံရေးဥပဒေနှင့် အညီအကျုံးဝင်မှတ် ပုံတင်ရမည့် အလုပ်ဌာနများအနေနဲ့ မိမိဌာနကို မဖြစ်မနေမှတ်ပုံတင်ပြီး မိမိဌာနမှာလုပ်ကိုင်နေတဲ့ အလုပ်သမားအားလုံးကိုလည်း မပျက်မကွက် အကျုံးဝင်မှတ်ပုံတင်ရန် လိုအပ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးဆေးခန်းပြဖို့အတွက် ဆေးခန်းဖွင့်ချိန်နှင့်ဘယ်မြို့နယ်တွေမှာ ဖွင့်လှစ်ထားတယ်ဆိုတာ ဘယ်လိုသိနိုင်သလဲ။ Online Website တွေရောရှိလား။
    ဖြေ :

    လူမှုဖူလုံရေး ဆေးခန်းတွေမှာတော့ ရုံးဖွင့်ရက်များမှာ နံနက် ၈ နာရီ၊ ညနေ ၄ : ၃၀ နာရီ သတ်မှတ်ပြီးပြသနိုင်သလို လူမှုဖူလုံရေးအဖွဲ့နှင့် စာချုပ်ချုပ်ဆိုထားသည့် ဆေးခန်းတွေမှာ ဆိုလျှင် ပိတ်ရက်မရှိဆေးကုသမှုခံယူနိုင်ပါတယ်။ လူမှုဖူလုံရေးအဖွဲ့အနေဖြင့် ဥပဒေပါ အကျိုးခံစားခွင့်တွေ ဆေးကုသမှုဆိုင်ရာကိစ္စတွေ၊ သတင်းထုတ်ပြန်ချက်တွေအပါအဝင် လူမှုဖူလုံရေးစီမံကိန်း နှင့် ပတ်သက်တဲ့သိကောင်းစရာများကို ဝန်ကြီးဌာန Website ဖြစ်တဲ့ https://mol.gov.mm နှင့် လူမှုဖူလုံရေး Website ဖြစ်တဲ့ https://ssb.gov.mm မှာ လေ့လာနိုင်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအာမခံကို အသင်းဝင်အသစ်အနေနဲ့လျောက်ထားမယ်ဆိုလျှင် ဘယ်လို လျောက်ထားလို့ရနိုင်မလဲ။ စည်းကမ်းချက်တွေရရှိလည်းပြောပြပေးပါ။ ပင်စင်ယူခါနီး လူတွေကရော အသင်းဝင်အသစ်အနေနဲ့ လျှောက်ထားမယ်ဆိုရင်ရမလား။ ဘာတွေလိုအပ်မလဲ။
    ဖြေ :

    လူမှုဖူလုံရေးအာမခံကို အသင်းဝင်အသစ်အနေနဲ့လျောက်ထားမယ်ဆိုလျှင် လူမှုဖူလုံရေးအဖွဲ့တင် အကျုံးဝင်မှတ်ပုံတင်ထားသည့် လုပ်ငန်းဌာနတွင် လုပ်ကိုင်ပါက အလုပ်ရှင်မှ ၎င်းအာမခံအလုပ်သမားအား လူမှုဖူလုံရေးအဖွဲ့တွင် အကျုံးဝင်နိုင်ရေး ဆက်လက်ဆောင်ရွက်ပေးရမှာဖြစ်ပြီး မိမိဆန္ဒအလျောက်အာမခံထားမယ့်သူတွေကတော့ အလုပ်ရှင်၊ အလုပ်သမားထည့်ဝင်ကြေးပေးသွင်း၍ အာမခံထားနိုင်ပါတယ်။ အာမခံအလုပ်သမားများအနေဖြင့် ပင်စင်ယူသည့်အခါ လူမှုဖူလုံရေးအာမခံကြေးကို ဆက်လက်ပေးဆောင်ခွင့်ရှိပါတယ်။ ၎င်းတို့အနေဖြင့် ဆန္ဒအလျောက် မှတ်ပုံတင်ခြင်း (သို့) အငြိမ်းစားစိစစ်ရေးသက် သေခံကတ်ပြား (ပုံစံ-၁၄) ကိုလျှောက်ထားနိုင်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး ထည့်ဝင်ထားသည့် ပင်စင်ယူသွားမည့်သူတွေအနေနဲ့ရော လူမှုဖူလုံရေးအာမခံကြေးကို ဒီအသင်းဝင်အနေဖြင့် ဆက်လက်ပေး ဆောင်ခွင့်၊ ခံစားခွင့်ရှိလား။
    ဖြေ :

    အာမခံအလုပ်သမားများအနေဖြင့် ပင်စင်ယူသည့်အခါ မိမိဆန္ဒအလျောက် ဆက်လက်အကျုံးဝင်မှတ်ပုံတင်၍ လူမှုဖူလုံရေးအာမခံကြေးကို ဆက်လက်ပေးဆောင်မည်ဆိုလျှင် ဥပဒေပါ ခံစားခွင့်တွေကို ဆက်လက်ခံစားခွင့်ရှိပြီး ထည့်ဝင်ကြေးကို လပေါင်း ၁၈၀ ပေးသွင်းထားတယ်ဆိုလျင် အငြိမ်းစားစိစစ်ရေးသက်သေခံကတ်ပြား(ပုံစံ-၁၄)ကို လျောက်ထားပြီး ဆေးကုသမှုကုန်ကျ စရိတ် ၅၀% ကို ကာယကံရှင်ကကျခံပြီး၊ ကျန် ၅၀% ကို လူမှုဖူလုံရေးအဖွဲ့က ဆေးဖိုးပြန်အမ်းငွေအဖြစ် ပြန်လည်ပေးအမ်းပါတယ်။ မိမိဆန္ဒအလျောက် ဆက်လက်အကျုံးဝင်လိုပါက ထည့်ဝင်ကြေး ၄% ပေးသွင်း၍ နည်းဥပဒေ အပိုဒ်၅၁ (ခ) အရ အာမခံထားသူအဖြစ် ဆက်လက်ရပ်တည်ခွင့်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦးသည် ပုဂ္ဂလိကဆေးရုံ၊ ဆေးခန်းမှာကုသပြီးတဲ့သူတွေအနေနဲ့ အာမခံဆေးကုသစရိတ်ကို လျှောက်ထားလို့ရနိုင်သလား။
    ဖြေ :

    လူမှုဖူလုံရေးအဖွဲ့နှင့် စာချုပ်ချုပ်ဆိုထားသည့် ပုဂ္ဂလိကဆေးရုံ၊ ဆေးခန်းမှာ ကုသ ပြီးတဲ့သူတွေကို ကိုဗစ်ကာလအတွင်း သတ်မှတ်ချက်များနှင့်အညီ ဆေးဖိုးကုန်ကျစရိတ် များကို  ပြန်လည်ပေးအမ်းလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရှင်၊ အလုပ်သမားများ လိုက်နာရမည့်စည်းကမ်းချက်တွေရှိရင်လည်းပြောပြပေးပါ။
    ဖြေ :

    အလုပ်ဌာနတစ်ခုအနေဖြင့် မှတ်ပုံမတင်မနေရ မှတ်ပုံတင်ရမည့်ဌာနဆိုလျှင် အလုပ်ဌာနစတင်လုပ်ကိုင်သည့် ရက်ပေါင်း ၃၀ အတွင်းမှတ်ပုံတင်ရန်၊ အလုပ်သမား အားလုံးကို မှတ်ပုံတင်ရန်၊ အလုပ်သမားအသစ်ခန့်ပြီးတိုင်း မှတ်ပုံတင်ရန်၊ အလုပ်ရှင်၊အလုပ်သမားများအနေဖြင့် အလုပ်သမား၊ အလုပ်ဌာနမှတ်ပုံတင်သည့် အချက်အလက်များကို ပြည့်စုံမှန်ကန်စွာဖြည့်စွက်၍ လက်မှတ်ရေးထိုးရန်၊ အလုပ်သမား အကျိုးခံစားခွင့်များ နစ်နာမှုမရှိစေရေးအတွက် လုပ်ခလစာအမှန်ဖော်ပြပြီး ထည့်ဝင်ကြေး များပေးသွင်းရန်၊ အလုပ်သမားများ နှုတ်ထွက်၊ ပြောင်းရွှေ့၊ သေဆုံး၊ ပင်စင်ယူစာရင်းများ ကိုလည်း သက်ဆိုင်ရာ မြို့နယ်ရုံးခွဲသို့ ၁၀ရက်အတွင်း သတင်းပို့ရန်၊ လူမှုဖူလုံရေးအဖွဲ့ ဆေးရုံ၊ ဆေးခန်းများမှ တရားဝင်ဆေးသက်သေခံလက်မှတ်ဖြင့် ဆေးခွင့်ခံစားနေသူများ အား အလုပ်ရှင်များမှ ရာထူးအဆင့်လျော့ချခြင်း၊ ထုတ်ပစ်ခြင်း၊ အလုပ်နေရာပြောင်းရွှေ့ ခြင်းများကိုမပြုလုပ်ရန်၊ အလုပ်တွင်ထိခိုက်မှုဖြစ်ပေါ်ခြင်း၊ သေဆုံးခြင်းများဖြစ်ပေါ်ပါက ချက်ချင်း/၂၄နာရီအတွင်း သတင်းပို့ရန်၊ အလုပ်သမားများအနေဖြင့် မည်သည့် အလုပ်ဌာန သို့ ပြောင်းပြောင်း ယခင်မှတ်ပုံတင်စဉ်ကရရှိခဲ့သည့် လူမှုဖူလုံရေးအာမခံစိစစ်ရေးအမှတ် ကိုသာ ဆက်လက်အသုံးပြုရန်၊ သက်ဆိုင်ရာ မြို့နယ်ရုံးခွဲများနှင့်ချိတ်ဆက်ရန်၊ အလုပ်ရှင် များအနေဖြင့် အလုပ်သမားများကို အချိန်မီမှတ်ပုံမတင်ခြင်းကြောင့် အလုပ်သမားများ ဥပဒေပါ အကျိုးခံစားခွင့်များဆုံးရှုံးပါက ဥပဒေပုဒ်မ ၆၉ နှင့်အညီ လူမှုဖူလုံရေးအဖွဲ့ ကိုယ်စား အလုပ်ရှင်များက အကျိုးခံစားခွင့်များကိုပေးလျော်ရမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/
     

     

  • မေး :
    အလုပ်ရှင်၊ အလုပ်သမားများ လိုက်နာရမည့်စည်းကမ်းချက်တွေရှိရင်လည်းပြောပြပေးပါ။
    ဖြေ :

    အလုပ်ဌာနတစ်ခုအနေဖြင့် မှတ်ပုံမတင်မနေရ မှတ်ပုံတင်ရမည့်ဌာနဆိုလျှင် အလုပ်ဌာနစတင်လုပ်ကိုင်သည့် ရက်ပေါင်း ၃၀ အတွင်းမှတ်ပုံတင်ရန်၊ အလုပ်သမား အားလုံးကို မှတ်ပုံတင်ရန်၊ အလုပ်သမားအသစ်ခန့်ပြီးတိုင်း မှတ်ပုံတင်ရန်၊ အလုပ်ရှင်၊အလုပ်သမားများအနေဖြင့် အလုပ်သမား၊ အလုပ်ဌာနမှတ်ပုံတင်သည့် အချက်အလက်များကို ပြည့်စုံမှန်ကန်စွာဖြည့်စွက်၍ လက်မှတ်ရေးထိုးရန်၊ အလုပ်သမား အကျိုးခံစားခွင့်များ နစ်နာမှုမရှိစေရေးအတွက် လုပ်ခလစာအမှန်ဖော်ပြပြီး ထည့်ဝင်ကြေး များပေးသွင်းရန်၊ အလုပ်သမားများ နှုတ်ထွက်၊ ပြောင်းရွှေ့၊ သေဆုံး၊ ပင်စင်ယူစာရင်းများ ကိုလည်း သက်ဆိုင်ရာ မြို့နယ်ရုံးခွဲသို့ ၁၀ရက်အတွင်း သတင်းပို့ရန်၊ လူမှုဖူလုံရေးအဖွဲ့ ဆေးရုံ၊ ဆေးခန်းများမှ တရားဝင်ဆေးသက်သေခံလက်မှတ်ဖြင့် ဆေးခွင့်ခံစားနေသူများ အား အလုပ်ရှင်များမှ ရာထူးအဆင့်လျော့ချခြင်း၊ ထုတ်ပစ်ခြင်း၊ အလုပ်နေရာပြောင်းရွှေ့ ခြင်းများကိုမပြုလုပ်ရန်၊ အလုပ်တွင်ထိခိုက်မှုဖြစ်ပေါ်ခြင်း၊ သေဆုံးခြင်းများဖြစ်ပေါ်ပါက ချက်ချင်း/၂၄နာရီအတွင်း သတင်းပို့ရန်၊ အလုပ်သမားများအနေဖြင့် မည်သည့် အလုပ်ဌာန သို့ ပြောင်းပြောင်း ယခင်မှတ်ပုံတင်စဉ်ကရရှိခဲ့သည့် လူမှုဖူလုံရေးအာမခံစိစစ်ရေးအမှတ် ကိုသာ ဆက်လက်အသုံးပြုရန်၊ သက်ဆိုင်ရာ မြို့နယ်ရုံးခွဲများနှင့်ချိတ်ဆက်ရန်၊ အလုပ်ရှင်များအနေဖြင့် အလုပ်သမားများကို အချိန်မီမှတ်ပုံမတင်ခြင်းကြောင့် အလုပ်သမားများ ဥပဒေပါ အကျိုးခံစားခွင့်များဆုံးရှုံးပါက ဥပဒေပုဒ်မ ၆၉ နှင့်အညီ လူမှုဖူလုံရေးအဖွဲ့ ကိုယ်စား အလုပ်ရှင်များက အကျိုးခံစားခွင့်များကိုပေးလျော်ရမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အာမခံအလုပ်သမားတစ်ဦး မှတ်ပုံတင်ပြီးတာနဲ့ ထည့်ဝင်ကြေးမပေးသွင်းရသေးသော်လည်း ခံစားခွင့်(၅)မျိုးအာမခံအလုပ်သမားတစ်ဦး မှတ်ပုံတင်ပြီးတာနဲ့ ထည့်ဝင်ကြေးမပေးသွင်းရသေးသော်လည်း ခံစားခွင့်(၅)မျိုး ကိုသိရှိလိုပါတယ်။
    ဖြေ :

    အာမခံအလုပ်သမားတစ်ဦး မှတ်ပုံတင်ပြီးတာနဲ့ ထည့်ဝင်ကြေးမပေးသွင်းရသေးသော်လည်း ခံစားခွင့်(၅)မျိုးဖြစ်တဲ့

    (၁)   ဆေးကုသမှုခံယူခွင့် သာမန်မကျန်းမာမှုများကို (၂၆)ပတ်အထိ၊ ထပ်တလဲလဲ မကျန်းမာမှုနာတာရှည် ရောဂါများ အတွက်   ရက်သတ္တပတ်(၅၂)ပတ်အထိ (သို့မဟုတ်) လူမှုဖူလုံရေးအဖွဲ့က  သီးခြားသတ်မှတ်ပေးသည့်ကာလအထိ၊ အလုပ်ခွင် ထိခိုက်ခြင်း ကြောင့်ရရှိသည့် ဒဏ်ရာများကိုမူ ပျောက်ကင်း သည်အထိ
    (၂)    ယာယီမသန်စွမ်းမှုအကျိုးခံစားခွင့် (လွန်ခဲ့သော ၄လ အတွင်းရရှိသော ပျမ်းမျှ လုပ်ခလစာ၏ ၇၀ % အများဆုံး (၅၂) ပတ်အထိခံစားခွင့်)
    (၃)   အမြဲတမ်းမသန်စွမ်းမှု အကျိုးခံစားခွင့်(လုပ်အားဆုံးရှုံးမှုအပေါ်မူတည်၍ (၅) နှစ်စာ ငွေလုံးငွေရင်းမှ (၉)နှစ်စာ ငွေလုံးငွေရင်းထိ)
    (၄)   ကျန်ရစ်သူ အကျိုးခံစားခွင့်( ပေးသွင်းထားသော ထည့်ဝင်ကြေးကာလပေါ် မူတည်၍ လွန်ခဲ့သောလေးလအတွင်း ရရှိသောပျမ်းမျှလုပ်ခလစာ၏ အဆ (၃၀) မှ အဆ (၈၀) အထိ)
    (၅)  မည်သည့်အကြောင်းကြောင့်မဆို နာရေးစရိတ်အကျိုးခံစားခွင့် (လွန်ခဲ့သော လေးလအတွင်းရရှိသော ပျမ်းမျှလုပ်ခလစာ၏ (၁) ဆ မှ (၅) ဆအထိ) ရရှိနိုင်ပါတယ်။
    မှတ်ပုံတင်ကာလ (၆)လ ထည့်ဝင်ကြေး(၄)လရှိပါက ခံစားခွင့်
    (၆)   မကျန်းမာမှုအကျိုးခံစားခွင့် (အများဆုံး ၂၆ ပတ်ခံစားခွင့်အထိကို လွန်ခဲ့သော (၄)လ အတွင်းရရှိသော ပျမ်းမျှလုပ်ခလစာ၏ ၆၀%)
    မှတ်ပုံတင်ကာလ (၁၂)လ ထည့်ဝင်ကြေး(၆)လရှိပါက ခံစားခွင့် (၇)မျိုးကတော့
    (၇)   မီးဖွားမှုအကျိုးခံစားခွင့် (မီးမဖွားမီ (၆)ပတ်၊ မီးဖွားပြီး (၈) ပတ်၊ အမွှာက လေးမွေးသူများအတွက် နောက်ထပ် (၄)ပတ်အထိကို လွန်ခဲ့သော (၁၂)လ အတွင်းရရှိသော ပျမ်းမျှလုပ်ခလစာ၏ ၇၀%ခံစားခွင့်)
    (၈)   အာမခံအမျိုးသမီးမီးဖွားစရိတ်(လွန်ခဲ့သော (၁၂)လ အတွင်းရရှိသော ပျမ်းမျှ လုပ်ခလစာ၏ ကလေးတစ်ဦးမီးဖွားလျှင် ၅၀%၊ နှစ်ဦးလျှင် ၇၅%၊ သုံးဦးနှင့် အထက် ၁၀၀%) အထိ ခံစားခွင့်
    (၉)   ကိုယ်ဝန်ပျက်မှုအတွက် အကျိုးခံစားခွင့်(လွန်ခဲ့သော (၁၂)လအတွင်းရရှိသော ပျမ်းမျှ လုပ်ခလစာ၏ ၇၀%ကို (၆) ပတ်အထိခံစားခွင့်)
    (၁၀)   တစ်နှစ်အောက်ကလေးမွေးစားမှုအတွက် အကျိုးခံစားခွင့်၊ (လွန်ခဲ့သော ၁၂လ အတွင်းရရှိသော ပျမ်းမျှလုပ်ခလစာ၏ ၇၀% ကို ၈ပတ်အထိခံစားခွင့်)
    (၁၁)   ဖခင်ဘဝဖြစ်မှု အကျိုးခံစားခွင့် (လွန်ခဲ့သော ၁၂လအတွင်း ရရှိသော ပျမ်းမျှ လုပ်ခလစာ၏ ၇၀% ကို အများဆုံးခွင့် ၁၅ ရက်ထိ ခံစားခွင့်)
    (၁၂)    ဖခင်ဘဝဖြစ်မှုအတွက်မီးဖွားစရိတ်၊ (အာမခံထားသူ အမျိုးသမီးများခံစား ခွင့်၏ ပျမ်းမျှလစာ၏ (၂၅%) ထက်ဝက်ခံစားခွင့်)
    (၁၃)   အာမခံအမျိုးသမီးအလုပ်သမား၏ မွေးကင်းစကလေးအား တစ်နှစ်အထိ ဆေး ကုသမှုခံယူခွင့်၊
    ၁၉၅၄ ခုနှစ်၊အက်ဥပဒေနှင့် ၂၀၁၂ခုနှစ် ဥပဒေနှစ်ရပ်ပေါင်း ထည့်ဝင်ကြေးကာလ ၁၈၀ လရှိပါက
    (၁၄)   သတ်မှတ်ချက်များနှင့်အညီ ဆေးကုသမှုဆက်လက်ခံယူခွင့်
    မှတ်ပုံတင်ကာလတစ်လအတွင်း ထည့်ဝင်ကြေးပေးသွင်းထားပါက
    (၁၅)   ဆေးဖိုးနှင့်ခရီးစရိတ်များအား ပြန်လည်ခံစားခွင့်ရှိပါသည်။
    လူမှုဖူလုံရေး အာမခံအကျိုးခံစားခွင့်တွေကို လျောက်ထားသည့်အခါ လူမှုဖူလုံရေး အဖွဲ့တွင် အကျုံးဝင်မှတ်ပုံတင်ထားသည့် အလုပ်ဌာနတွင် လုပ်ကိုင်နေသော အလုပ်သမား များအား အလုပ်ရှင်/HR တို့မှ အလုပ်သမားများ၏ ကိုယ်ရေးအချက်အလက်များအား ဖြည့်စွက်၍ လူမှုဖူလုံရေးအဖွဲ့တွင် အကျုံးဝင်မှတ်ပုံတင်ပေးရမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအာမခံဝင်ထားတဲ့လူတွေကို ဘယ်လိုခံစားခွင့်တွေပေးထားလဲ။ လူမှုဖူလုံရေး အာမခံခံစားခွင့်တွေကို လျှောက်ထားမယ်ဆိုရင် ဘယ်လိုလျှောက်ထားလို့ရနိုင်လဲ။
    ဖြေ :

    လူမှုဖူလုံရေးဥပဒေတွင် မှတ်ပုံမတင်မနေရ မှတ်ပုံတင်ရမည့် အလုပ်သမား(၅)ဦးနှင့် အထက် စီးပွားရေး လုပ်ငန်းလုပ်ကိုင်သော အစိုးရဌာန၊ အဖွဲ့အစည်းများနှင့် ပုဂ္ဂလိကလုပ်ငန်း ဌာန(၁၅)မျိုး ရှိပါတယ်။ အဲ့ဒီလုပ်ငန်းဌာနတွေဟာ လုပ်ငန်းစတင်လုပ်ကိုင်ပြီး ရက်ပေါင်း (၃၀)အတွင်းမှာ အလုပ်ဌာနကို အရင်မှတ်ပုံတင်ရမှာဖြစ်ပါတယ်။ အလုပ်ဌာနမှတ်ပုံတင် စဉ်မှာ အလုပ်လုပ်ကိုင်နေတဲ့ အလုပ်သမားအားလုံးကိုလည်းမှတ်ပုံတင်ဖို့လိုပါတယ်။ အလုပ်သမားအသစ်ခန့်ပြီးတိုင်းလည်း(၁၀)ရက်အတွင်း မဖြစ်မနေမှတ်ပုံတင်ဖို့လိုပါတယ်။
    မှတ်ပုံမတင်မနေရ လုပ်ငန်းဌာနများနှင့် သက်ဆိုင်ခြင်းမရှိတဲ့ အလုပ်သမားများနှင့် အများပြည်သူများအနေနဲ့ လူမှုဖူလုံရေးဥပဒေပါ အကျိုးခံစားခွင့်တွေကို ခံစားချင်တယ်ဆိုရင် အလုပ်ရှင်၊ အလုပ်သမားထည့်ဝင်ကြေးတွေကို ကိုယ်တိုင်ပေးသွင်းပြီး မိမိဆန္ဒအလျောက် အကျုံးဝင်မှတ်ပုံတင်နိုင်ပါတယ်။
    အလုပ်သမားတစ်ဦးဟာ မှတ်ပုံတင်ပြီးသည် နှင့် လက်ရှိအကောင်အထည်ဖော်နေတဲ့ အာမခံစနစ်ကျန်းမာရေးနှင့် လူမှုရေးစောင့်ရှောက်မှုအာမခံစနစ်နှင့် အလုပ်တွင်ထိခိုက်မှု အကျိုးခံစားခွင့် အာမခံစနစ်(၂)မျိုးကနေ ဆေးကုသမှုခံယူခွင့်နှင့် ငွေကြေးအကျိုးခံစားခွင့် (၁၅)မျိုးကို မှတ်ပုံတင်ကာလနှင့် ထည့်ဝင်ကြေးကာလတွေပေါ်မှာမူတည်ပြီးရရှိမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးဥပဒေတွင် အလုပ်ရှင်၊ အလုပ်သမားက ရရှိလစာပေါ်မူတည်၍ လစာ၏ ရာခိုင်နှုန်းအတိုင်း ထည့်ဝင်နေရပါတယ်။ အလုပ်ရှင်ကလစာလျော့၍ သူထည့်ဝင်ရမည့် လစာကိုထည့်နေသော်လည်း အလုပ်သမားကလည်း သူ့သဘောတူညီချက်နှင့်အညီ လစာကို လျော့ပြ၍ ထည့်ဝင်နေခြင်းဖြစ်ပါတယ်။ တစ်ခုခုထိခိုက်မှုရှိမှသာ အလုပ်သမား က သူ့လစာ ဒီလောက်မကရ နေပါတယ်ဟု တိုင်ကြားလာပါက မျှတမှု ရှိ/မရှိ သိရှိလိုပါ ကြောင်း။
    ဖြေ :

    လူမှုဖူလုံရေးကို လစဉ်ထည့်ဝင်ကြေး ပေးသွင်းရမည့် တာဝန်သည်အလုပ်ရှင်၏ တာဝန် ဖြစ်ပါတယ်။ လူမှုဖူလုံရေးဥပဒေပုဒ်မ ၁၇နှင့် ၅၀ ၊ နည်းဥပဒေ ၅၄ နှင့် ၅၇ တို့အရ အလုပ်ရှင်သည် လူမှုဖူလုံရေးအဖွဲ့သို့ ပေးသွင်းရမည့်ထည့်ဝင်ကြေးများကို အလုပ်သမား၏ လုပ်ခလစာမှ ဖြတ်တောက်၍ လူမှုဖူလုံရေးအဖွဲ့သို့ဖြစ်စေ၊ လူမှုဖူလုံရေးအဖွဲ့မှ ဖွင့်လှစ် ထားသော ဘဏ်စာရင်းသို့ ဖြစ်စေ လစဉ်ပေးသွင်းရန်တာဝန်ရှိပါသည်။ အလုပ်သမားများ၏ လုပ်ခလစာ မှန်မှန်ကန်ကန်ဖြင့် ထည့်ဝင်ကြေးပေးသွင်းရန် အလုပ်ရှင်တွင် တာဝန် ရှိပါသည်။ အကယ်၍ အလုပ်သမားမှ အလုပ်ရှင်၊ အလုပ်သမားသဘောတူညီချက်ဖြင့် လုပ်ခလျော့ပြပါကလည်း ထည့်ဝင်ကြေးပေးသွင်းရန် တာဝန်မှာ အလုပ်ရှင်၏တာဝန် ဖြစ်သောကြောင့် ဥပဒေပုဒ်မ ၆၉ အရ လိုအပ်သည့် အကျိုးခံစားခွင့်ကို အလုပ်ရှင်မှ ဖြည့်စွက်ပေးရမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်သမားတစ်ဦး အလုပ်စတင်လုပ်ချိန်မှစ၍ လူမှုဖူလုံရေးငွေကြေးများကို ပုံမှန် ထည့်ဝင်နေပြီး အသက်အရွယ်ကြီးရင့်၍သော်လည်းကောင်း၊ အလုပ်ဆက်မလုပ်လို၍ သော်လည်းကောင်း အလုပ်မှထွက်ပါက မည်သည့်အကျိုးခံစားခွင့်ရရှိပါမည်နည်း။
    ဖြေ :

    ဥပေဒေနှင့်အညီ ထည့်ဝင်ကြေးပေးသွင်းထားသူသည် ယခင် ၁၉၅၄ လူမှုဖူလုံရေး အက်ဥပဒေနှင့် လက်ရှိကျင့်သုံးနေသော ၂၀၁၂ ခုနှစ်၊ လူမှုဖူလုံရေး ဥပဒေနှစ်ရပ်ပေါင်း လပေါင်း ၁၈၀ ရှိပြီး၊ သို့မဟုတ် လက်ရှိဥပဒေမှာပဲ လပေါင်း ၁၈၀ ထည့်ဝင်ပြီး ဖြစ်တယ် ဆိုရင် ပင်စင်ယူတဲ့အခါ ထည့်ဝင်ကြေးဆက်မသွင်းလည်း သတ်မှတ်ချက်များနှင့်အညီ ဆေးကုသမှုခံယူခွင့်ရှိပါတယ်။ တကယ်လို့ ပင်စင်လစာနှင့် ထည့်ဝင်ကြေး ဆက်သွင်းမယ် ဆိုရင်လည်း ကျန်းမာရေးနှင့်လူမှုရေးစောင့်ရှောက်မှုစနစ်ပါ အကျိုးခံစားခွင့်များကိုရရှိမှာ ဖြစ်တဲ့အပြင် ဆုံးပါးသွားခဲ့လျှင် နာရေးစရိတ်ကို ခံစားခွင့်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရှင်တစ်ဦးသည် ၎င်း၏ အလုပ်သမားကို လူမှုဖူလုံရေး ထည့်ဝင်ရန်အတွက် မှတ်ပုံတင်ထားခြင်းမရှိပါက လုပ်ငန်းရှင်များကို အရေးယူဆောင်ရွက်မှုများ ရှိပါသလား။ ရှိခဲ့ရင် ဆောင်ရွက်ခဲ့မှုများအား သိရှိလိုပါသည်။
    ဖြေ :

    အလုပ်ရှင်တစ်ဦးသည် လုပ်ငန်းစတင်လုပ်ကိုင်ပြီး ရက်ပေါင်း ၃၀ အတွင်း သက်ဆိုင်ရာ နယ်မြေအတွင်းမှ လူမှုဖူလုံရေးရုံးတွင် မှတ်ပုံတင်ရန် တာဝန်ရှိပါတယ်။ အလုပ်ဌာနကို မှတ်ပုံတင်တဲ့အခါ အလုပ်သမားများကိုပါ တစ်ခါတည်း သတ်မှတ်ချက်များနှင့်အညီ မှတ်ပုံ တင်ရမှာဖြစ်ပါတယ်။ အလုပ်သမားတစ်ဦးတိုးတိုင်းလည်း မဖြစ်မနေ ၁၀ ရက် အတွင်း မှတ်ပုံတင်ဖို့လိုပါတယ်။ လူမှုဖူလုံရေးအဖွဲ့မှာမှတ်ပုံတင်ပြီးလျှင် ဥပဒေပါခံစားခွင့်ရှိရန် ဖြစ်ပေါ်သည့်အခါ လူမှုဖူလုံရေးအဖွဲ့က တာဝန်ယူမှာဖြစ်ပြီး မှတ်ပုံတင်ရမည့်ဌာန၊ မှတ်ပုံ တင်ရမည့်အလုပ်သမားကို ဥပဒေနှင့် အညီမှတ်ပုံမတင်ထားလျှင် ဥပဒေပုဒ်မ ၆၉ အရ ထည့်ဝင်ကြေးများ ပြန်လည်ပေးသွင်းရပြီး အလုပ်သမားရထိုက်ခွင့်ရှိသည့် အကျိုးခံစားခွင့်ကိုလည်း အလုပ်ရှင်မှ လူမှုဖူလုံရေးအဖွဲ့ကိုယ်စား ပေးလျော်ရမှာဖြစ်ပါတယ်။ ဥပဒေသစ် ကို အကောင်အထည်ဖော်သည့် ၂၀၁၄-၂၀၁၅ ဘဏ္ဍာနှစ်မှစ၍ ယခုအချိန်ထိ အလုပ်ရှင်မှပေးလျော်ရသည့် အမှု ၂၄ မှု ရှိပြီ ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦး၏ အကျိုးခံစားခွင့်တောင်းဆိုရာတွင် အချိန်ကန့်သတ်ချက်ရှိပါသလား။
    ဖြေ :

    အကျိုးခံစားခွင့် တောင်းဆိုရမည့်ကန့်သတ်ချက်တွေကို ဥပဒေပုဒ်မ ၇၃ မှာ တရားဝင်ပြဋ္ဌာန်းထားပါတယ်။  အလုပ်တွင်ထိခိုက်မှုနှင့်ပတ်သက်သည့်  ယာယီမသန်စွမ်းမှု၊ အမြဲတမ်းမသန်စွမ်းမှုနှင့် ကျန်ရစ်သူအကျိုးခံစားခွင့်တွေကို တစ်နှစ်အတွင်း တောင်းခံရန် လိုအပ်သလို အငြိမ်းစားယူပြီး ဆေးကုသမှုဆက်လက်ခံယူခွင့်ကိုလည်း တစ်နှစ်အတွင်း တောင်းဆိုရမှာဖြစ်ပါတယ်။ ကျန်အကျိုးခံစားခွင့်များကို ၃လ အတွင်းတောင်းဆိုရမှာ ဖြစ်ပါတယ်။ အကြောင်းအမျိုးမျိုးကြောင့် နောက်ကျခဲ့လျှင် အကြောင်းပြချက်ခိုင်လုံပါက အမှုတွဲတစ်ခုချင်းအလိုက် စိစစ်ခွင့်ပြုပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်ရှင်က အလုပ်သမားတွေအတွက် မှတ်ပုံတင်ပေးထားပြီး ထည့်ဝင်ကြေးများ ပေးသွင်း ထားပါက ထိခိုက်ဒဏ်ရာရသေဆုံးခြင်းအတွက် မည်သည့်လျော်ကြေး၊ နစ်နာကြေးကိုမှ အလုပ်ရှင်က မပေးအပ်ခြင်းကို လူမှုဖူလုံရေးဥပဒေက အကာအကွယ်ပေးနိုင်လား။
    ဖြေ :

    လူမှုဖူလုံရေးဥပဒေနှင့်အညီ အကျူံးဝင်မှတ်ပုံတင်ရမည့် အလုပ်ရှင်တစ်ဦးသည် ၎င်း၏ အလုပ်သမားကို ဥပဒေနှင့်အညီအကျုံးဝင်မှတ်ပုံတင်ပြီး ထည့်ဝင်ကြေးပေးသွင်း ထားလျှင် အလုပ်ကိုအကြောင်းပြု၍ အလုပ်သမားထိခိုက်ဒဏ်ရာရခြင်း၊ သေဆုံးခြင်း ဖြစ်ပါက အလုပ်သမားလျော်ကြေးဥပဒေနှင့်အညီပေးလျော်ရခြင်းမှ ကင်းလွတ်ခွင့်ရှိပါတယ်။ လူမှုဖူလုံရေးဥပဒေအရ အကျိုးခံစားခွင့်ခွင့်ပြုမှာဖြစ်တဲ့အတွက် အလုပ်သမားအနေဖြင့် အလုပ်ရှင်ထံမှ လျော်ကြေးတောင်းခံခွင့်မရှိပါ။ အလုပ်ရှင်တွေအတွက် လူမှုဖူလုံရေးဥပဒေ ပုဒ်မ-၄၉ နှင့်အညီ အလုပ်သမားလျော်ကြေးမှ ကင်းလွတ်ခွင့်ရှိအောင် ကာကွယ်ပေးထားပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လုပ်ငန်းဌာနတွင် ၂၀၀၁ မှ ၂၀၀၉ အထိ တာဝန်ထမ်းဆောင်ခဲ့စဉ်က မှတ်ပုံတင်ပြီး အလုပ်ရှင်၊ အလုပ်သမားထည့်ဝင်ကြေးများပေးသွင်းခဲ့ပြီးဦးစီးဌာန အသွင်ပြောင်းရာတွင် ထည့်ဝင်ကြေးပေးသွင်းမှုရပ်ဆိုင်းခဲ့ပါသည်။ မှတ်ပုံတင်ပယ်ဖျက် ရှိ/မရှိ၊ အလုပ်သမား အနေနဲ့ ဆန္ဒအလျောက် ထည့်ဝင်ကြေး ဆက်လက်ပေးသွင်းလို့ ရ/မရ သိလိုပါတယ်။
    ဖြေ :

    လူမှုဖူလုံရေးဥပဒေ၊ နည်းဥပဒေတွေမှာ တရားဝင်ပြဋ္ဌာန်းထားပါတယ်။ အကျုံးဝင်တဲ့ နိုင်ငံပိုင်လုပ်ငန်းမှ အကျူံးမဝင်တဲ့ဦးစီးဌာနကို ပြောင်းသွားလျှင် မိမိဆန္ဒအလျောက် ဆက်လက်အာမခံထားခွင့်ရှိပါတယ်။ ထည့်ဝင်ကြေးကို ဆက်လက်ပေးသွင်းခြင်းမရှိရင် တော့ ၃၆လနှင့် အထက်ပြတ်တောက်ပါက ယာယီရပ်ဆိုင်းထားပြီး အကယ်၍ လူမှုဖူလုံရေး နှင့် အကျူံးဝင်သောလုပ်ငန်းဌာန၊ မြို့နယ်ကိုပြန်လည်ပြောင်းရွှေ့လာပါက ပြန်လည်မှတ်ပုံတင်ခြင်း ၊ သို့မဟုတ် ဆန္ဒအလျောက်ပြန်ဝင်ပြီး ယခင်လူမှုဖူလုံရေးအာမခံစိစစ်ရေး အမှတ်ဖြင့် ထည့်ဝင်ကြေးများပြန်လည်ပေးသွင်းနိုင်ပါတယ်။ ယခင်ထည့်ဝင်ကြေးပေးသွင်းထားသောကာလများဖြင့် ပြန်လည်ဆက်စပ်၍ ဥပဒေပါခံစားခွင့်များကို ခံစားခွင့်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    ဝန်ထမ်းလစာမှ ၂ ရာခိုင်နှုန်း၊ အလုပ်ရှင်ဖြစ်သည့် ပြည်ထောင်စုဘဏ္ဍာရန်ပုံငွေမှ ဝန်ထမ်း လစာ၏ ၃ ရာခိုင်နှုန်း လစဉ်ပေးသွင်းရမည်ဖြစ်၍ ပြည်ထောင်စုဘဏ္ဍာရန်ပုံငွေမှ ထည့်သွင်း ပေးနိုင်ရေး ရန်ပုံငွေတောင်းခံရမယ်လို့ ပြောထားပါတယ်။ တိုင်းဒေသကြီး/ ပြည်နယ်ဘဏ္ဍာရန်ပုံ ငွေဖြင့် ရပ်တည်နေသည့် အဖွဲ့အစည်းများရှိ ဝန်ထမ်းများအတွက် လူမှုဖူလုံရေးကြေးကို ဘယ်လို ဆောင်ရွက်ပါသလဲ သိချင်ပါတယ်။
    ဖြေ :

    လူမှုဖူလုံရေးဥပဒေနှင့် အကျုံးဝင်တဲ့အစိုးရဝန်ထမ်းများအတွက် အလုပ်ရှင်ထည့်ဝင်ကြေးကို ကြိုတင်လျာထားပြီး ပြည်ထောင်စုရန်ပုံငွေမှ ဘတ်ဂျက်တောင်းခံရပါတယ်။ တိုင်းဒေသကြီး/ပြည်နယ်ရန်ပုံငွေဖြင့် ရပ်တည်နေသည့် အဖွဲ့အစည်းများအနေဖြင့် လုပ်ခ လစာပေးသော တာဝန်ရှိသူသည် အလုပ်ရှင်ဖြစ်သည့်အတွက် အလုပ်ရှင်ထည့်ဝင်ကြေးကို တိုင်းဒေသကြီး/ပြည်နယ် ဘဏ္ဍာရန်ပုံငွေမှ ပေးဆောင်ရမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    “၂၀၁၂ ခုနှစ်၊ လူမှုဖူလုံရေးဥပဒေပါ ထည့်ဝင်ကြေးနှုန်းထားများ” အာမခံစနစ်များတွင် အလုပ်လက်မဲ့ အကျိုး ခံစားခွင့်အာမခံစနစ်တွင် အလုပ်လက်မဲ့ဆိုရာမှာ အလုပ်ရှင်/ (အလုပ်မပေးနိုင်)တဲ့သူကပဲ လျှောက်ခွင့်အာမခံထားခွင့် ဖြစ်နေပါတယ်လို့ နားလည်ပါတယ်။ မည်သည့်လုပ်ငန်းမှ မလုပ်တဲ့အလုပ်လက်မဲ့ဆိုရင် ထည့်ဝင်ကြေးနှုန်းထား မည်သို့ သတ်မှတ်ထည့်ဝင်ရပါမလဲ။ အာမခံစနစ်ထည့်ဝင်ခွင့် ရှိ / မရှိ သိချင်ပါတယ်။
    ဖြေ :

    လူမှုဖူလုံရေးဥပဒေပုဒ်မ (၁၂) နှင့် (၂၀) တို့အရ ဥပဒေနှင့်အညီ မှတ်ပုံမတင်မနေရ မှတ်ပုံတင်ရမည့် ဌာနများနှင့် သက်ဆိုင်ခြင်းမရှိသည့် မည်သူမဆို ကျန်းမာကြောင်းဆေး သက်သေခံလက်မှတ်နှင့်အတူ မှတ်ပုံတင်ပြီး အာမခံထားခွင့်ရှိပါတယ်။ အလုပ်လက်မဲ့ဖြစ် နေသူများ မှီခိုမိသားစုများ၊ လက်လုပ်လက်စားပြည်သူများအနေဖြင့် မိမိတို့စားဝတ်နေရေးအတွက်ဝင်ငွေအဖြစ် သတ်မှတ်ရမည့် အသုံးစရိတ်မှာ လူမှုဖူလုံရေး နည်းဥပဒေအပိုဒ် ၅၀(ခ)အရ ပြည်နယ်နှင့်တိုင်းဒေသကြီး အစိုးရအားဖြစ်စေ၊ ဒေသအလိုက် ကြေညာထားသော အနိမ့်ဆုံးလုပ်ခဝင်ငွေအောက်မနည်းသည့်လုပ်ခဝင်ငွေအဖြစ်ဖော်ပြ၍ ဆန္ဒအလျောက် ကျန်းမာရေးနှင့်လူမှုရေးစောင့်ရှောက်မှု အာမခံစနစ်သို့ အဆိုပြုငွေ၏ ၄ ရာခိုင်နှုန်းကို ပေးသွင်းပြီး အာမခံထားခွင့်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    ကိုယ်ပိုင်တစ်ပိုင်တစ်နိုင်ဖွင့်ထားကြသည့် ကိုယ်ပိုင်ဆိုင်ဖွင့်ထားသူများ၊ ကိုယ်ပိုင် Taxi မောင်းသည့် ယာဉ်ပိုင်ရှင်တွေက လူမှုဖူလုံရေးကြေးသွင်းချင်ပါက သွင်းလို့ရပါသလား။ ရမယ်ဆိုပါ က ဘယ်လို ပေးသွင်းရမလဲ သိချင်ပါတယ်။ အလုပ်ရှင်၊ အလုပ်သမား ထည့်ဝင်ကြေးကို ဘယ်လို ထည့်ဝင်ရမလဲသိချင်ပါတယ်။
    ဖြေ :

    ကိုယ်ပိုင်လုပ်ငန်းလုပ်ကိုင်နေသူ မည်သူမဆို လူမှုဖူလုံရေးအဖွဲ့မှ ကျန်းမာကြောင်း ထောက်ခံစာနှင့်အတူ ဆန္ဒအလျောက်မှတ်ပုံတင်လို့ရပါတယ်။ မှတ်ပုံတင်ပြီဆိုပါက မိမိ၏ အဆိုပြုလစာအရ ကျန်းမာရေးနှင့်လူမှုရေးစောင့်ရှောက်မှုအာမခံစနစ်မှာ အလုပ်ရှင် ထည့်ဝင်ကြေး ၂ ရာခိုင်နှုန်းနှင့် အလုပ်သမားထည့်ဝင်ကြေး ၂ ရာခိုင်နှုန်း၊ စုစုပေါင်း ၄ ရာခိုင် နှုန်းကိုပေးသွင်းပြီး ဆေးကုသမှုခံယူခွင့်အပါအဝင် အဆိုပါအာမခံစနစ်မှ ကျန်အကျိုးခံစား ခွင့် (၁၂) မျိုးကို ခံစားခွင့်ရမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    ဝန်ကြီးဌာနအားလုံး လူမှုဖူလုံရေးနှင့် အကျုံးဝင်ပါသလား။ လူမှုဖူလုံရေးအဖွဲ့နှင့် မဝင်မနေရ ဌာနမဟုတ်သည့် ဦးစီးဌာနများအနေဖြင့် အကျုံးဝင်လိုပါက မည်သို့လုပ်ဆောင်ရမည်နည်း။
    ဖြေ :

    ပြည်သူပိုင်ကဏ္ဍရှိ လုပ်ငန်းဌာနများအနေဖြင့် စီးပွားရေးလုပ်ကိုင်သည့် အစိုးရဌာန၊ အစိုးရအဖွဲ့အစည်းနှင့် ဒေသဆိုင်ရာအုပ်ချုပ်ရေး အဖွဲ့အစည်းများသည် မဝင်မနေရ မှတ်ပုံတင်ရန်လိုအပ်ပြီး မှတ်ပုံမတင်မနေရပြဋ္ဌာန်းချက်နှင့် သက်ဆိုင်ခြင်းမရှိသည့် ဦးစီးဌာနသို့ ပြောင်းသွားခြင်း၊ လူမှုဖူလုံရေးနှင့် အကျုံးမဝင်ရသေးသည့် မြို့နယ်များသို့ ပြောင်းရွှေ့ သွားခြင်းဖြစ်ပါက အာမခံအလုပ်သမားအနေဖြင့် ဆက်လက်အကျုံးဝင်ချင်လျှင် ဝန်ကြီးဌာနမှတစ်ဆင့် အလုပ်ရှင်ထည့်ဝင်ကြေးအတွက် ဘတ်ဂျက်ဆက်လက်တောင်းခံပြီး ခွင့်ပြုချက်ရရှိပါက ယခင်ပေးသွင်းနေကျ ရုံးခွဲမှတာဝန်ယူပေးသွင်းမယ်ဆိုပါက ဆက်လက် အကျုံးဝင်နိုင်သလို အကယ်၍ အလုပ်ရှင်ထည့်ဝင်ကြေးအတွက် ခွင့်ပြုရန်ပုံငွေမရရှိပါက မိမိ၏ လုပ်ခလစာဖြင့် ကျန်းမာရေးနှင့်လူမှုရေးစောင့်ရှောက်မှုအာမခံစနစ်သို့ အလုပ်ရှင်နှင့် အလုပ်သမားထည့်ဝင်ကြေးများကိုပေးသွင်းပြီး ဥပဒေပါခံစားခွင့်များကို ဆက်လက်ခံစား ခွင့်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    ပုဂ္ဂလိကဆေးခန်းက လူမှုဖူလုံရေးအဖွဲ့နှင့် စာချုပ်ချုပ်ဆိုဖို့ ဘယ်လို အခြေအနေတွေ လိုအပ်ပါသလဲ။
    ဖြေ :

    ဆရာဝန်၊ သူနာပြု၊ လူမှုဖူလုံရေးအဖွဲ့မှ သတ်မှတ်ထားသည့် ဆေးခန်းအကျယ်အဝန်းရှိရမယ်။ အဲဒီပတ်ဝန်းကျင်မှာ လူမှုဖူလုံရေးအဖွဲ့နဲ့ အကျုံးဝင်မှတ်ပုံတင်ထားတဲ့ အလုပ်ဌာန၊ အလုပ်သမားတွေ နေထိုင်ရာနေရာနဲ့နီးရပါမယ်။ အဲဒါဆိုရင် အလုပ်သမား ဦးရေများပြားတဲ့နေရာတွေမှာ ဦးစားပေးအနေနဲ့ စာချုပ်ဆေးခန်းတွေချုပ်ဆိုပြီး အာမခံ အလုပ်သမားတွေကို ပိတ်ရက်မရှိ (နံနက် ၈ နာရီ မှ ည ၈ နာရီအထိ) ဆေးကုသမှုပေးပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ရန်အတွက် ကျန်းမာကြောင်းထောက်ခံချက်ဆိုတာ မည်သည့်အခြေအနေကို ရည်ညွှန်းပါသလဲ။ ရည်ညွှန်းသတ်မှတ်ချက် ဖော်ပြချက်ရှိပါသလား။
    ဖြေ :

    တစ်ကြိမ်တစ်ခါမျှ လူမှုဖူလုံရေးတွင် အကျုံးဝင်မှတ်ပုံတင်ခဲ့ခြင်းမရှိသော ဆန္ဒအလျောက် မှတ်ပုံတင်တဲ့သူ တွေဟာမဖြစ်မနေ ကျန်းမာကြောင်းထောက်ခံစာယူဖို့ လိုပါတယ်။ အများစုပေါင်းထည့်ဝင်ထားတဲ့ ထည့်ဝင်ကြေးများနဲ့ ဆေးကုသမှုခံယူခွင့်နှင့် ငွေကြေးအကျိုးခံစားခွင့် ခွင့်ပြုတာဖြစ်တဲ့အတွက် မကျန်းမာတဲ့အခြေအနေမှလာရောက် အာမခံထားပြီး ထည့်ဝင်ကြေးပေးသွင်းတာမျိုးမဖြစ်ရအောင် ဆန္ဒအလျောက်မှတ်ပုံတင်သူအတွက်ကို ကျန်းမာကြောင်းထောက်ခံ စာယူတာ ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    ဝန်ထမ်းဖြစ်သူက လူမှုဖူလုံရေး ထည့်ဝင်မှ မိသားစုက ထည့်ဝင်လို့ရတာလား။
    ဖြေ :

    ဝန်ထမ်းဖြစ်သူက လူမှုဖူလုံရေးထည့်ဝင်မှ မိသားစုက ထည့်ဝင်လို့ရတာ မဟုတ်ပါဘူး။ ဥပဒေပုဒ်မ ၁၂၊ ၂၀ တို့အရ လက်လုပ်လက်စား ပြည်သူတွေဟာလည်း လူမှုဖူလုံရေးနဲ့ အကျုံးဝင်မယ်ဆိုရင် ကျန်းမာကြောင်း ထောက်ခံချက်နဲ့အညီ မည်သူမဆို ဆန္ဒအလျောက် အကျုံးဝင်မှတ်ပုံတင်ခွင့်ရှိပါတယ်။ (၁/၂၀၂၃)လ မှာ (၁,၃၃၃) ဦးဟာ အလုပ်ရှင်မရှိဘဲ ကိုယ်ပိုင်အလုပ်လုပ်သူတွေ၊  ပင်စင်သွားသူတွေ အကျုံးဝင်မှတ်ပုံတင်ထားတာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    စည်ပင်သာယာ/လူမှုဖူလုံရေးဌာနတွေသည် ကိုယ်ပိုင်ဝင်ငွေဖြင့် ရပ်တည်သည့်ဌာန သို့မဟုတ် ပြည်သူ့ဝန်ထမ်းတွေလို့ သိထားပါတယ်။ ၁ နှစ်ကို အလုပ်သမား ဥပဒေအရ ခံစားခွင့်တွေအတွက် ဌာနမှငွေကြေး ဘယ်လောက် သုံးစွဲပါသလဲ၊ ဘတ်ဂျက်လျာထားမှုတွေကို ရသုံးမှန်းခြေကို တင်ပြပြီး ခွင့်ပြုချက်ရမှသုံးတာလား။
    ဖြေ :

    လူမှုဖူလုံရေးအဖွဲ့ရဲ့ လက်ရှိအကောင်အထည်ဖော်နေသော အာမခံစနစ် (၂)မျိုး အရ ကောက်ခံရရှိတဲ့ ထည့်ဝင်ကြေးများကို အလုပ်သမားများ၏ အကျိုးခံစားခွင့်အတွက် ဥပဒေနှင့်အညီ ခွင့်ပြုထုတ်ပေးလျက်ရှိပြီး စီမံခန့်ခွဲမှုကုန်ကျ စရိတ်တွေကိုလည်း ဥပဒေ ပုဒ်မ ၈၂၊ ၈၃ တို့နှင့် အညီသုံးစွဲ၍ စာရင်းစစ် စစ်ဆေးခြင်းကို နှစ်စဉ်ခံယူရပါတယ်။ လူမှုဖူလုံရေးဝန်ထမ်းများ၏လစာကို နိုင်ငံတော်ဘတ်ဂျက်မှ ကျခံခွင့်ပြုပါတယ်။ အသုံးစရိတ်အကုန်လုံးအတွက် ရသုံးမှန်းခြေငွေစာရင်းဌာနသို့ ကြိုတင်ဘတ်ဂျက် လျာထား၍ ခွင့်ပြုချက်နှင့်အညီ သုံးစွဲရတာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

     

  • မေး :
    ၂၀၁၂ ခုနှစ် လူမှုဖူလုံရေး ဥပဒေအရ မဖြစ်မနေဆောင် ရွက်ရမည့် အလုပ်ရှင်၏ တာဝန်များကို သိရှိလိုပါသည်။
    ဖြေ :

    ၂၀၁၂ ခုနှစ် လူမှုဖူလုံရေးဥပဒေအရ ဆောင်ရွက်ရမည့် အလုပ်ရှင်၏တာဝန်များမှာ-
    (က)     လူမှုဖူလုံရေးအဖွဲ့နှင့် အကျုံးမဝင်မနေရ ပြဋ္ဌာန်းချက်များနှင့်သက်ဆိုင်သော အလုပ်ရှင်သည် လုပ်ငန်း စတင်လုပ်ကိုင်သည့်နေ့မှ ရက်ပေါင်း (၃၀) အတွင်း သက်ဆိုင်ရာ လူမှုဖူလုံရေးရုံးတွင် မိမိ၏ အလုပ်ဌာနအား မှတ်ပုံတင်ရန် တာဝန်ရှိပါသည်။ (နည်း ၄၀(ခ)) 
    (ခ)     အလုပ်ရှင်သည် အလုပ်သမားအသစ်တစ်ဦးခန့်တိုင်း ခန့်အပ်ပြီး (၁၀)ရက် အတွင်း လူမှုဖူလုံရေးရုံးတွင် မှတ်ပုံတင်ရန် တာဝန်ရှိပါသည်။ (နည်း ၄၂(ဂ))
    (ဂ)     အလုပ်သမားတစ်ဦး ပြောင်းရွှေ့၊ နှုတ်ထွက်၊ သေဆုံးသည့်အခါ သက်ဆိုင်ရာ မြို့နယ်လူမှုဖူလုံရေးရုံးသို့ (၁၀)ရက် အတွင်း အကြောင်းကြားရမည်။ (နည်း ၄၃)
    (ဃ)     အလုပ်သမား ၅၀ ဦးနှင့်အောက်ရှိသော အလုပ်ဌာနများအနေဖြင့် ထည့်ဝင်ကြေးများပေးသွင်းရာတွင် သတ်မှတ်ထားသော ထည့်ဝင်ကြေးစာရင်း (ပုံစံ-၁၃) တွင် အာမခံထားသူအားလုံးအတွက် အချက်အလက်များအား ပြည့်စုံစွာ ဖြည့်စွက်ခြင်း၊ အလုပ်သမား ၅၀ ဦးအထက် အလုပ်ဌာနများအနေဖြင့် သတ်မှတ်ထားသည့် Contribution Excel File (Soft Copy) တွင် အာမခံထားသူ အားလုံးအတွက် အချက်အလက်များအား ပြည့်စုံစွာဖြည့်စွက်၍ သက်ဆိုင်ရာမြို့နယ်လူမှုဖူလုံရေးရုံးသို့ လစဉ် ပေးပို့ရမည်။ (နည်း ၆၆(က)) 
    (င)     လစဉ် မိမိအလုပ်သမားများအတွက် လူမှုဖူလုံရေးအဖွဲ့သို့ ပေးသွင်းထားသော ထည့်ဝင်ကြေးစာရင်းအား အလုပ်ဌာနရှိ အလုပ်သမားများမြင်သာသောနေရာတွင် လစဉ် လစဉ်ကပ်ထားပေးရမည်။ (နည်း ၆၆(ခ))
    (စ)     အလုပ်တွင် ထိခိုက်ဒဏ်ရာရလျှင် အလုပ်ရှင်သည် (၂၄) နာရီ အတွင်း သက်ဆိုင်ရာရုံးခွဲသို့ အကြောင်းကြားရပါမည်။ (နည်း ၁၇၅)
    (ဆ)     သေဆုံးသည့် အာမခံထားသူ၏ အလုပ်ရှင် (သို့မဟုတ်) ကျန်ရစ်သူသည် ထိုအာမခံထားသူ သေဆုံးသည့်နေ့  (သို့မဟုတ်)  ထိုသူသေဆုံးကြောင်း သိရှိသည့်နေ့ရက်မှ ၂၄ နာရီအတွင်း သက်ဆိုင်ရာ မြိုနယ်လူမှုဖူလုံရေးရုံးသို့  အကြောင်းကြားရမည်။ (နည်း ၁၂၇)
    (ဇ)     ဥပဒေ၊နည်းဥပဒေများနှင့်အညီ မှတ်ပုံတင်ထားပြီးသူ အလုပ်သမားအတွက် အကျိုးခံစားခွင့်များ ရရှိရန်ကိစ္စ ပေါ်ပေါက်လျှင်  လူမှုဖူလုံရေးအဖွဲ့မှ  တာဝန်ယူမည်ဖြစ်သော်လည်း မှတ်ပုံမတင်ရသေးသည့် အလုပ်သမား အတွက် အဖွဲ့ မှတာဝန်ယူဆောင်ရွက်ပေးမည်မဟုတ်ဘဲ   အလုပ်ရှင်ကသာ  အကျိုးခံစား ခွင့်အားလုံးအတွက် တာဝန်ယူဆောင်ရွက်ရမည်ဖြစ်ပါသည်။ သို့ပါ၍ အလုပ်သမားတစ်ဦး အသစ်ခန့်တိုင်း လူမှုဖူလုံရေးအဖွဲ့တွင် ချက်ချင်းမှတ်ပုံတင်ရန် အရေးကြီးပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအဖွဲ့မှာ ထည့်ဝင် ကြေးထည့်ဝင်ထားသည့်သူများထဲမှ ထောက်ပံ့ကြေးမပေး ရသည့်သူရှိပါသလား၊၊ ရှိခဲ့မည်ဆိုပါက သူတို့ထည့်ဝင်ငွေကို မည်ကဲ့သို့ ပြန်လည်ဆောင်ရွက်ပေးပါသလဲ။
    ဖြေ :

    လူမှုဖူလုံရေးစီမံကိန်းသည် အာမခံအလုပ်သမားများ ပုံမှန်ဝင်ငွေရှိသည့်အချိန်တွင် ဥပဒေနှင့်အညီ အလုပ်ရှင်၊ အလုပ်သမား ထည့်ဝင်ကြေးများ ပေးသွင်းထားပြီး ၎င်းအလုပ် သမားများထဲမှ မကျန်းမာမှု၊ မီးဖွားမှု၊ အလုပ်တွင်ထိခိုက်မှု၊ သေဆုံးမှု၊ အသက်အရွယ် ကြီးရင့်မှုတို့ဖြစ်တဲ့အခါ ခံစားခွင့်ပေးတာဖြစ်လို့ ဥပဒေနှင့်အညီ ခံစားခွင့်ရတဲ့အချိန်မှာ ခွင့်ပြုသလို တစ်ချို့ အာမခံအလုပ်သမားတွေအနေနဲ့ ကာလတစ်လျှောက်လုံးမှာ မည်သည့် အကျိုးခံစားခွင့်မျှ ရယူထားခြင်းမရှိသော်လည်း ပင်စင်ယူသည့်အချိန်မှာ ထည့်ဝင်ကြေး လပေါင်း ၁၈၀ လ ပေးသွင်းပြီးပါက ဆေးကုသမှု ဆက်လက်ခံယူခွင့်ကိုရပါတယ်။
    တကယ်လို့ အဲဒီအလုပ်သမားက မိမိရဲ့ပင်စင်လစာနဲ့ ဆန္ဒအလျောက် ဆက်လက် အာမခံထားပြီး ထည့်ဝင်ကြေး ပေးသွင်းတယ်ဆိုရင် ကျန်းမာရေးနှင့်လူမှုရေးစနစ်အောက်မှာရှိတဲ့ အကျိုးခံစားခွင့်များ ခံစားခွင့် ရှိမည်ဖြစ်ပြီး သေဆုံးသွားပါကလည်း နာရေးစရိတ် ခံစားခွင့်ရှိပါတယ်။
    မိမိဆန္ဒအလျောက် မှတ်ပုံတင်ရမည့် လုပ်ခလစာအနေနဲ့ကတော့ ပင်စင်လစာနဲ့ဖြစ်စေ၊ အနည်းဆုံးလုပ်ခ လစာနဲ့ဖြစ်စေ ဆက်လက်မှတ်ပုံတင်ပြီး ဥပဒေပါခံစားခွင့်တွေကို ခံစားခွင့်ရှိပါတယ်။ ထည့်ဝင်ကြေးအနေနဲ့ ကျန်းမာရေးနှင့် လူမှုရေးစောင့်ရှောက်မှုအာမခံ စနစ်ကို လုပ်ခလစာ ရဲ့ အလုပ်ရှင်၊ အလုပ်သမားထည့်ဝင်ကြေး (၂)ခုလုံးအတွက် ၄ ရာခိုင်နှုန်းကို ပေးသွင်းပြီး ကျန်းမာရေးနှင့်လူမှုရေးစောင့်ရှောက်မှုစနစ်ပါ အကျိုးခံစားခွင့်များ ကိုခံစားခွင့်ရှိပါတယ်။ အာမခံစနစ်ဖြစ်သည့်အတွက် မကျန်းမာမှု၊ မီးဖွားမှုနှင့် အလုပ်တွင် ထိခိုက်မှု ဖြစ်တဲ့အခါ ခံစားခွင့်ရှိပြီး စုပေါင်းအာမခံစနစ်ဖြစ်သည့်အတွက် ထည့်ဝင်ကြေး များကို ပြန်လည်ထုတ်ယူခွင့်မရှိပါ။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦးသည် အကျိုးခံစားခွင့်များခံစားရာတွင် တစ်ပြိုင်တည်း ခံစားခွင့်မရှိသော အကျိုးခံစားခွင့်များ ရှိပါသလား။ ရှိပါက မည်သည့်အကျိုး ခံစားခွင့်များ ဖြစ်ကြောင်း သိရှိလိုပါသည်။
    ဖြေ :

    အကျိုးခံစားခွင့်နှစ်မျိုး တစ်ပြိုင်နက်တည်းပေးရမည့် ကိစ္စဖြစ်ပေါ်လာပါက အကျိုး ခံစားခွင့်များသည့်အကျိုး ခံစားခွင့်ကို ခံစားခွင့်ပေးရပါမည်။ လူမှုဖူလုံရေးဥပဒေ ပုဒ်မ ၆၃ အရ အောက်ပါအကျိုးခံစားခွင့်များအား တစ်ပြိုင်နက်တည်း ခံစားခွင့်မရှိပါ-
    (က)    မကျန်းမာမှုနှင့်ဆိုင်သည့် အကျိုးခံစားခွင့်နှင့် မီးဖွားမှုနှင့်ဆိုင်သည့် အကျိုး ခံစားခွင့်၊ 
    (ခ)    မကျန်းမာမှုနှင့်ဆိုင်သည့်အကျိုးခံစားခွင့်နှင့် ယာယီမသန်စွမ်းမှုနှင့်ဆိုင်သည့် အကျိုးခံစားခွင့်၊
    (ဂ)    မီးဖွားမှုနှင့်ဆိုင်သည့် အကျိုးခံစားခွင့်နှင့် ယာယီမသန်စွမ်းမှုနှင့်ဆိုင်သည့် အကျိုးခံစားခွင့်၊
    (ဃ)   မကျန်းမာမှု၊ မီးဖွားမှု၊ ယာယီမသန်စွမ်းမှု အကျိုးခံစားခွင့်များနှင့် အလုပ်လက်မဲ့အကျိုးခံစားခွင့်။


    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေးအဖွဲ့တွင် အကျုံး ဝင်မှတ်ပုံတင်ထားသော အာမခံမှတ်ပုံတင် အလုပ်ဌာနများအတွက် ရရှိနိုင်သည့် အကျိုး ခံစားခွင့်များကိုလည်း သိရှိလိုပါသည်။
    ဖြေ :

    လူမှုဖူလုံရေး ဥပဒေပုဒ်မ ၄၉ ပုဒ်မခွဲ (က) အရ ဥပဒေနှင့်အညီ မှတ်ပုံတင်ထားသူ အလုပ်ရှင်သည် မိမိတို့အလုပ်သမား အလုပ်တွင်ထိခိုက်မှုဖြစ်သည့်အခါ အလုပ်သမားလျော်ကြေး ဥပဒေပါ ပြဋ္ဌာန်းချက်များနှင့် ကင်းလွတ်ခွင့်ရှိပါသည်။ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    ၂၀၁၂ ခုနှစ်၊ လူမှုဖူလုံရေး ဥပဒေအရမိမိဆန္ဒအ‌လျောက် အာမခံထားရှိ နိုင်ခြင်းရှိ/မရှိ သိရှိလိုပါသည်။
    ဖြေ :

    ၂၀၁၂ ခုနှစ်၊ လူမှုဖူလုံရေးဥပဒေတွင် မဝင်မနေရဟု ပြဋ္ဌာန်းချက်နှင့် သက်ဆိုင်သည့် အလုပ်သမားများသည် ဥပ‌‌ဒေပါခံစားခွင့်များကို ခံစားခွင့်ရှိသကဲ့သို့ မဝင်မနေရဟု ပြဋ္ဌာန်းချက်နှင့်သက်ဆိုင်ခြင်းမရှိသည့် အလုပ်ဌာနများရှိ အလုပ်သမားများ၊ အလုပ်ရှင်အတည်တကျမရှိသော အလုပ်သမားများ၊ ပျံကျဈေးသည်များ၊ တောင်သူလယ်သမား များမှစ၍ ကျောင်းသူ၊ ကျောင်းသားအဆုံး ပြည်သူပြည်သားအားလုံးသည်  မိမိတို့ဆန္ဒအလျောက် အလုပ်ရှင်၊ အလုပ်သမားထည့်ဝင်ကြေးများပေးသွင်း၍ အာမခံထားရှိပြီး ဥပဒေပါခံစားခွင့်များကို ခံစားခွင့်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး အာမခံထားသူများသည် မည့်သည့်အခြေအနေတွင် ထည့်ဝင်ကြေးငွေပေးသွင်းရန်ပျက်ကွက်သော်လည်း အကျိုးခံစားခွင့် ရရှိနိုင်ပါသနည်း။
    ဖြေ :

    ဥပဒေ ပုဒ်မ ၆၉ အရ လူမှုဖူလုံရေးအဖွဲ့တွင် မှတ်ပုံတင်ပြီးသော အလုပ်ရှင်ကသော် လည်းကောင်း၊ မှတ်ပုံတင်ရန် တာ၀န်ရှိသောအလုပ်ရှင်ကသော်လည်းကောင်း  မိမိ၏ အလုပ်သမားအတွက် ထည့်ဝင်ကြေးငွေများ ပေးသွင်းခြင်းမပြုစေကာမူ သို့မဟုတ် အလုပ်သမား၏လုပ်ခထဲမှ ထည့်ဝင်ကြေးငွေကို နုတ်ယူပေးသွင်း ခြင်းမပြုစေကာမူ အာမခံထားသူသည်လည်းကောင်း၊ အာမခံထားသူသေဆုံးပြီးနောက် ထိုသူက အမည်စာရင်း ပေးသွင်းခြင်းခံရသူ သို့မဟုတ် ထိုသို့ အမည်စာရင်းပေးသွင်းခြင်းမရှိခဲ့လျှင် ထိုသူအား မှီခိုသူသည် လည်းကောင်း ဤဥပဒေပါ အကျိုး ခံ၁စားခွင့်များကို ရထိုက်ခွင့်ရှိနိုင်ပါသည်။ ထည့်၀င်ကြေး ငွေပေးသွင်းရန် ပျက်ကွက်သည့် အလုပ်ရှင်သည် ပေးသွင်းရမည့် ထည့်၀င်ကြေးငွေများနှင့်ပျက်ကွက်ကြေးကိုပါ ပေးသွင်း ရမည့်အပြင် အာမခံထားသူအား လူမှုဖူလုံရေးအဖွဲ့က ပေးရမည့်အကျိုးခံစားခွင့်များနှင့် ကုန်ကျစရိတ်အားလုံးကိုလည်း ကျခံရမည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး အာမခံထားသူတစ်ဦးဦး၏ လူမှုဖူလုံရေးအဖွဲ့မှ ခွင့်ပြုပြီးသောမမာမကျန်းမှု အကျိုးခံစားခွင့်များအား မည်သည့် အခြေအနေများတွင် ခွင့်ပြု ခြင်းကိုရပ်ဆိုင်းနိုင်ပါသနည်း။
    ဖြေ :

    မိမိကိုယ်မိမိတမင်မမာမကျန်းဖြစ်အောင်ပြုမှုခြင်း၊ ရာဇဝတ်ပြစ်ဒဏ်ထိုက်သည့် မိမိ၏ပြုမူမှုကြောင့် မမာမကျန်း ဖြစ်ခြင်း၊ ဆရာဝန်၏ ညွှန်ကြားချက်များကို လိုက်နာရန် ပျက်ကွက်ခြင်း၊ မကျန်းမာမှု၊ မီးဖွားမှုနှင့် ယာယီ မသန်စွမ်းမှုအကျိုးခံစားခွင့် တစ်ခုခု ခံစားနေသော အာမခံထားသူတစ်ဦးဦးသည် အလုပ်မလုပ်နိုင် ကြောင်း ဆေးသက်သေခံလက်မှတ်ထုတ်ပေးထားသည့် လုပ်ငန်းဌာနတွင်ဖြစ်စေ၊ အခြားလုပ်ငန်းဌာန တစ်ခုခုတွင်ဖြစ်စေ လုပ်ခဖြင့်ဝင်ရောက်လုပ်ကိုင်နေလျှင် ထိုသူအား အဆိုပါအကျိုးခံစားခွင့်များကို ရပ်ဆိုင်းရပါမည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦးသည် အလုပ်တွင်ထိခိုက်မှုဖြစ်ပေါ်ပါက မည်သည့်အချိန်တွင် လူမှုဖူလုံရေးအဖွဲ့သို့ အကြောင်းကြားရမည်နည်း။
    ဖြေ :

    အလုပ်တွင်ထိခိုက်ဒဏ်ရာရခြင်း၊ သေဆုံးခြင်းဖြစ်ပွားခဲ့လျှင် လူမှုဖူလုံရေးဥပဒေ ပုဒ်မ-၅၄(က)အရ အလုပ်ရှင် သည် မိမိ၏ အာမခံထားသူအလုပ်သမား ပြင်းထန်သည့် မတော်တဆထိခိုက်ဒဏ်ရာရမှုဖြစ်ပွားပါက နည်းဥပဒေ ၁၇၅ (က) အရ အလုပ်တွင်မတော် တဆထိခိုက်ဒဏ်ရာရမှုနှင့်ဆိုင်သည့် အလုပ်ရှင်များ၏ အစီရင်ခံစာ (ပုံစံ-၃၇) (၃) စုံနှင့် အတူ(၂၄)နာရီအတွင်း သက်ဆိုင်ရာ လူမှုဖူလုံရေးရုံးသို့ ချက်ချင်း အကြောင်းကြားရပါမည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေးအဖွဲ့မှပေးသော အကျိုးခံစားခွင့်များ ရရှိနိုင်ရေးအတွက် အကျိုးခံစားခွင့် လျှောက်ထားရမည့် ကာလကန့်သတ်ချက်များကိုသိရှိလိုပါသည်
    ဖြေ :

    ။အလုပ်တွင်ထိခိုက်ဒဏ်ရာရမှုကြောင့် အမြဲတမ်းမသန်စွမ်းမှု အကျိုးခံစားခွင့်၊ အလုပ်တွင်ထိခိုက်မှုကြောင့် သေဆုံးခြင်းတို့အတွက် အကျိုးခံစားခွင့်များအားဖြစ်ပွားသည့် နေ့မှတစ်နှစ်အတွင်း တောင်းခံရမည်ဖြစ်ပြီး ကျန်အကျိုးခံစားခွင့်များဖြစ်သည့် မကျန်းမာမှု၊ မီးဖွားမှုနှင့်ဆိုင်သောအကျိုးခံစားခွင့်များ၊ သေဆုံးမှုအကျိုးခံစားခွင့်၊ ယာယီမသန်စွမ်းမှု အကျိုးခံစားခွင့်များအတွက် (၃) လ အတွင်း သက်ဆိုင်ရာ လူမှုဖူလုံရေးအဖွဲ့သို့ အထောက်အထားများ ပူးတွဲလျက် လျှောက်ထားရမည်ဖြစ်ပါသည်။ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦး၏ ကျန်ရစ်သူအကျိုးခံစားခွင့်ရရှိရန်အတွက် လျှောက်ထားရမည့် နည်းလမ်းများ နှင့် လိုအပ်သည့် အထောက်အထား များကိုသိရှိလိုပါသည်။
    ဖြေ :

    အာမခံအလုပ်သမားသည်   လုပ်ငန်းခွင်ထိခိုက်ဒဏ်ရာရမှုကြောင့် သေဆုံးကြောင်းကို  ရုံးခွဲတာဝန်ခံ၊ စစ်ဆေးရေးမှူး၊ ဆေးဘက်ဆိုင်ရာတာဝန်ရှိသူနှင့်လိုအပ်လျှင် အလုပ်ရုံနှင့်အလုပ်သမားဥပဒေစစ်ဆေးရေး ဦးစီးဌာနမှ တာဝန်ရှိသူတို့၏ အတည်ပြုချက်ရရှိပြီးပါက  ကျန်ရစ်သူမိသားစုသည်  အကျိုးခံစားခွင့်ရရှိနိုင်ရေးအတွက်  နည်း ၁၉၈ နှင့်အညီ  အောက်ပါအထောက်အထားများနှင့်တကွ တင်ပြရပါမည်-
    (က)     အလုပ်တွင်ထိခိုက်မှုကြောင့် သေဆုံးခြင်းအတွက် ကျန်ရစ်သူ အကျိုးခံစား ခွင့်တောင်းဆိုလွှာ၊
    (ခ)     အလုပ်ရှင်၏ ထောက်ခံစာ၊
    (ဂ)    သေဆုံးသူက မိမိ အား အမည်စာရင်း တင်သွင်းထားကြောင်း ဝန်ခံချက် (သို့မဟုတ်) မိမိသည် အဆိုပါ အကျိုးခံစားခွင့်ကို ရထိုက်သူဖြစ်ကြောင်း         အထောက်အထား ၊
    (ဃ)    သေဆုံးသူ၏ လူမှုဖူလုံရေးအာမခံစိစစ်ရေးကတ်ပြား ၊
    (င)    လျှောက်ထားသူ၏ နိုင်ငံသားစိစစ်ရေးမိတ္တူ ၊
    (စ)     လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနမှ ထုတ်ပေးထားသော အိမ်ထောင်စု စာရင်းမိတ္တူ။ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦး အလုပ်တွင်ထိခိုက်မှုကြောင့် သေဆုံးပါက ကျန်ရစ်သူမိသားစုအတွက် ရရှိနိုင်မည့် အကျိုးခံစားခွင့်များ အကြောင်းသိရှိလိုပါသည်။
    ဖြေ :

    အလုပ်တွင်ထိခိုက်မှုကြောင့် သေဆုံးသည့်အခါ အာမခံထားသူ အလုပ်တွင်ထိခိုက်မှုမဖြစ်မီ ပေးသွင်းခဲ့သော (၄) လ အတွင်း ရရှိသည့် ပျှမ်းမျှလုပ်ခအပေါ်မူတည်၍ ဥပဒေပုဒ်မ  ၆၂ နှင့်အညီ အောက်ပါအတိုင်း ခံစားခွင့်ရှိပါသည်-
    (က)     ထည့်ဝင်ကြေးငွေကို (၅) နှစ်နှင့် အောက်ပေးသွင်းထားပါက ပျမ်းမျှလုပ်ခ၏ ၃၀ဆ၊ (ဥပဒေကို အကောင် အထည်ဖော်ပြီး ၅ နှစ် ထိ)၊
    (ခ)     ထည့်ဝင်ကြေးငွေကို (၅) နှစ်အထက် မှ (၁၀) နှစ်အထိ ပေးသွင်းထားပါက ပျမ်းမျှလုပ်ခ၏  ၅၀ ဆ၊
    (ဂ)    ထည့်ဝင်ကြေးငွေကို (၁၀) နှစ်အထက်မှ (၂၀) နှစ်အထိ ပေးသွင်းထားပါက ပျမ်းမျှလုပ်ခ၏ ၆၀ဆ၊  
    (ဃ)    ထည့်ဝင်ကြေးငွေကို (၂၀) နှစ်အထက် ပေးသွင်းပြီး ဖြစ်ပါက ပျမ်းမျှလုပ်ခ၏ ၈၀ ဆ။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦး၏ အမြဲတမ်းမသန်စွမ်းမှုအတွက် အကျိုးခံစားခွင့် ရရှိရန်အတွက် လျှောက်ထားရမည့် နည်းလမ်းများ နှင့် လိုအပ်သည့်အထောက်အထားများကို သိရှိလိုပါသည်။
    ဖြေ :

    အလုပ်တွင်ထိခိုက်ပြီး အလုပ်လုပ်နိုင်သည့် အင်အားတစ်စိတ်တစ်ဒေသဖြစ်စေ၊ လုံးဝ ဖြစ်စေ ဆုံးရှုံးခဲ့လျှင် အမြဲတမ်းမသန်စွမ်းမှု အကျိုးခံစားခွင့်ကို  သတ်မှတ်ချက်နှင့်အညီ ခံစားခွင့်ရရှိရေးအတွက် အောက်ပါအထောက်အထားများဖြင့်တင်ပြရပါမည်-
    (က)  အလုပ်တွင်ထိခိုက်မှုကြောင့်ဖြစ်ပေါ်သည့် အမြဲတမ်းမသန်စွမ်းမှု မှန်ကန်ကြောင်း ရုံးခွဲတာဝန်ခံ၊ စစ်ဆေးရေးမှူး၊ ဆေးဘက်ဆိုင်ရာတာဝန်ရှိသူတို့က       စစ်ဆေးအတည်ပြုထားသည့် အတည်ပြုချက်၊
    (ခ)    လိုအပ်လျှင် အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနမှ တာဝန်ရှိသူတို့၏ အလုပ်တွင် ထိခိုက်မှုဖြစ်သည်ကို စစ်ဆေးအတည်ပြုထားသည့် အတည်ပြုချက်၊
    (ဂ)    အမြဲတမ်းမသန်စွမ်းမှုအကျိုးခံစားခွင့် တောင်းဆိုလွှာ၊
    (ဃ)    ဆရာဝန်၏ နောက်ဆုံးဆေးခွင့်ပေးထားသည့် ဆေးစာ၊
    (င)     လူမှုဖူလုံရေးဆေးဘက်ဆိုင်ရာခုံအဖွဲ့၏ လုပ်အားဆုံးရှုံးမှု တန်ဖိုးဖြတ် ရာခိုင်နှုန်းသက်သေခံလက်မှတ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေးအဖွဲ့တွင် အာမခံထားသူ အလုပ်သမားတစ်ဦး အမြဲတမ်း မသန်စွမ်းမှုရရှိမည့် ဆေးကုသမှုခံယူခွင့်နှင့် ငွေကြေးအကျိုး ခံစားခွင့် ကာလများကို သိရှိလိုပါသည်။
    ဖြေ :

    လူမှုဖူလုံရေးအဖွဲ့တွင် အာမခံထားသူ အလုပ်သမားတစ်ဦး အမြဲတမ်းမသန်စွမ်းမှုဖြစ်ပွားပါက ဒဏ်ရာ ပျောက်ကင်းသည်အထိ  ဆေးကုသမှုအကျိုးခံစားခွင့်ရှိသည့်အပြင် အလုပ်တွင် ထိခိုက်မှုမဖြစ်မီ လေးလအတွင်း ပျမ်းမျှလုပ်ခ၏ ၇၀% ကို အခြေပြု၍ အမြဲတမ်း လုပ်အားဆုံးရှုံးမှု ရာခိုင်နှုန်း သတ်မှတ်ချက်အရ-
    (က)     လုပ်အားဆုံးရှုံးမှု ၂၀% နှင့်အောက်ဖြစ်ပါက (၅)နှစ်နှင့် ညီမျှသော ငွေကြေးခံစားခွင့်၊
    (ခ)  လုပ်အားဆုံးရှုံးမှု ၂၀% အထက်မှ ၇၅% ထိ ဖြစ်ပါက လစဉ်ပင်စင် သို့မဟုတ် (၇)နှစ်နှင့်ညီမျှသော ငွေကြေးခံစားခွင့်၊
    (ဂ)     လုပ်အားဆုံးရှုံးမှု ၇၅% အထက်ဖြစ်ပါက လစဉ်ပင်စင် သို့မဟုတ် (၉) နှစ်နှင့် ညီမျှသောငွေကြေးခံစားခွင့်၊
    (ဃ)     အမြဲတမ်းမသန်စွမ်းမှုကြောင့် အခြားသူတစ်ဦးတစ်ယောက် အမြဲမပြတ်ပြုစုရန်လိုအပ်ပါက ၁၀% နှုန်း ထပ်ပေါင်း၍ ခံစားခွင့်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦး၏ ယာယီမသန်စွမ်းမှု အကျိုး ခံစားခွင့်ရရှိရန်အတွက် လျှောက်ထားရမည့် နည်းလမ်းများနှင့် လိုအပ်သည့်အထောက်အထားများကို သိရှိလိုပါသည်။
    ဖြေ :

    အလုပ်တွင်ထိခိုက်ပြီး ယာယီမသန်စွမ်းမှုဖြစ်၍ အလုပ်မလုပ်နိုင်လျှင် ယာယီမသန်စွမ်းမှုအကျိုးခံစားခွင့်ကို သတ်မှတ်ချက်နှင့်အညီ ခံစားခွင့်ရရှိရေးအတွက် အောက်ပါအထောက်အထားနှင့်တကွတင်ပြရန် လိုအပ်ပါသည်-
    (က)     အလုပ်ရှင်၏ အကြောင်းကြားစာ၊
    (ခ)  ရုံးခွဲတာဝန်ခံ၊ စစ်ဆေးရေးမှူး၊ ဆေးဘက်ဆိုင်ရာတာဝန်ရှိသူနှင့် လိုအပ်လျှင်   အလုပ်ရုံနှင့်အလုပ်သမား ဥပဒေစစ်ဆေးရေးဦးစီးဌာနမှ တာဝန်ရှိသူတို့၏ အလုပ်တွင်ထိခိုက်မှုဖြစ်သည်ကို  စစ်ဆေးအတည်ပြု ထားသည့် အတည်ပြုချက်၊
    (ဂ)  ယာယီမသန်စွမ်းမှု အကျိုးခံစားခွင့်တောင်းဆိုလွှာ၊ 
    (ဃ)    သက်ဆိုင်ရာဆရာဝန်မှ ဆေးကုသမှုပေးထားသည့် ယာယီမသန်စွမ်းမှု ဆေးလက်မှတ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအဖွဲ့တွင် အာမခံထားသူ အလုပ်သမားတစ်ဦး ယာယီမသန်စွမ်းမှုဖြစ်ပွားပါက ရရှိမည့်ဆေးကုသမှု ခံယူခွင့်နှင့် ငွေကြေး အကျိုးခံစားခွင့်ကာလများကို သိရှိလိုပါသည်။
    ဖြေ :

    လူမှုဖူလုံရေးအဖွဲ့တွင် အာမခံထားသူ အလုပ်သမားတစ်ဦး ယာယီမသန်စွမ်းမှု ဖြစ်ပွားပါကဒဏ်ရာ ပျောက်ကင်းသည်အထိ ဆေးကုသမှုအကျိုးခံစားခွင့်ရှိသည့်အပြင် အလုပ်တွင်ထိခိုက်မှုမဖြစ်မီ လေးလအတွင်း ပျမ်းမျှလုပ်ခ၏ ၇၀% ကို အများဆုံး (၁၂) လ အထိ ခံစားခွင့် ရှိသည်။ အလုပ်တွင်ထိခိုက်မှုအကျိုးခံစားခွင့်ကို မှတ်ပုံတင်ပြီးပါက ထည့်ဝင်ကြေးကာလ အပိုင်းအခြားသတ်မှတ်ချက်မရှိဘဲ ခံစားခွင့်ရှိသည်။ ယာယီမသန်စွမ်းမှု အကျိုးခံစားခွင့်ကို ဆေးသက်သေခံလက်မှတ်အရ အလုပ်မလုပ်နိုင်သည့် ကာလကုန်ဆုံးသည့်နေ့မှစ၍ (၃)လအတွင်း တောင်းဆိုရမည်။ အလုပ်တွင်ထိခိုက်မှုဖြစ်ပေါ်သည့်နေ့မှစ၍ အရစ်ကျဖြင့် ရက်သတ္တပတ် ကုန်ဆုံးသည့်အခါဖြစ်စေ၊ ဆေးသက်သေခံလက်မှတ်အရ ယာယီမသန်စွမ်းမှုကာလပြီးဆုံးသည့် အခါဖြစ်စေ အလုပ်မလုပ်နိုင်သည့်နေ့ အသီးသီးအတွက် ရထိုက်ခွင့်ရှိသောငွေကို  လူမှုဖူလုံရေးအဖွဲ့မှပေးရမည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေးအဖွဲ့တွင် အာမခံထားသူ အလုပ်သမားတစ်ဦးသည် အလုပ်တွင် ထိခိုက်မှု အကြောင်းနှင့် ရရှိနိုင်သည့် အကျိုးခံစားခွင့်များအကြောင်း သိရှိလိုပါသည်။
    ဖြေ :

    လူမှုဖူလုံရေးအဖွဲ့တွင် အာမခံထားသူ အလုပ်သမားတစ်ဦးသည် အလုပ်ခွင်အတွင်းနှင့်အလုပ်ခွင်ပြင်ပတွင် အလုပ်ကိုအကြောင်းပြု၍ဖြစ်စေ၊ အလုပ်တာ၀န်နှင့် ဆက်စပ်၍ ဖြစ်စေ၊ အလုပ်ရှင်၏အကျိုးငှာ အခြားလုပ်ငန်းများ ဆောင်ရွက်ရာတွင်ဖြစ်စေ၊ အလုပ်တာ၀န်ထမ်းဆောင်ရန် အလုပ်ခွင်သို့အသွား သို့မဟုတ် အလုပ်ခွင်မှ အပြန် လမ်းခရီးတွင်ဖြစ်စေဖြစ်ပေါ်သော မတော်တဆထိခိုက်ဒဏ်ရာရရှိမှု၊ သေဆုံးမှု သို့မဟုတ် အလုပ်နှင့်ဆိုင်သည့် ရောဂါရရှိမှုကိုဆိုသည်။ (လုပ်ငန်းခွင်ဘေးအန္တရာယ် ကင်းရှင်းရေးနှင့်စပ်လျဉ်းသည့် အမိန့်နှင့် ညွှန်ကြားချက်များ၊ စည်းမျဉ်းစည်းကမ်းများကို လိုက်နာရန်ပျက်ကွက်ခြင်း၊ ဘေးအန္တရာယ် အကာအကွယ်၊ အတားအဆီးပစ္စည်း ကိရိယာများကိုဖယ်ရှားခြင်း (သို့မဟုတ်) အသုံးမပြုခြင်းကြောင့်လည်းကောင်း၊ အရက်သေစာ သောက်စားမှု၊ မူးယစ်ဆေးဝါးသုံးစွဲမှုတို့ကြောင့်သော်လည်းကောင်းရရှိသည့် ထိခိုက်မှုဒဏ်ရာရခြင်း၊ သေဆုံးခြင်း တို့မပါဝင်ပါ။) (ဥပဒေပုဒ်မ ၂ ပုဒ်မခွဲ-စ)
    အလုပ်တွင်ထိခိုက်မှုဖြစ်ပွားပါက ဒဏ်ရာပျောက်ကင်းသည်အထိ ဆေးကုသမှုအကျိုးခံစားခွင့်၊ ယာယီမသန်စွမ်းမှုနှင့်ဆိုင်သည့် ငွေကြေးအကျိုးခံစားခွင့်၊ အမြဲတမ်းမသန်စွမ်းမှုနှင့်ဆိုင်သည့် အကျိုးခံစားခွင့်၊ အလုပ်တွင်ထိခိုက်မှုကြောင့် သေဆုံးသွားပါက ကျန်ရစ်သူမိသားစုအတွက် အကျိုးခံစားခွင့်များကို ခံစားခွင့်ရှိမှာဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦး၏ မိသားစုထောက်ပံ့မှုအာမခံ စနစ် အကျိုးခံစားခွင့်များ ကို သိရှိလိုပါသည်။
    ဖြေ :

    နည်း-၁၃၂ (က) အရ ကျန်းမာရေးနှင့် လူမှုရေးစောင့်ရှောက်မှု အာမခံစနစ် ရန်ပုံငွေသို့ ပညာသင်နှစ်  မစတင်မီ နှင့်  သဘာဝဘေးအန္တရာယ်မကြုံတွေ့မီ  ထည့်ဝင်ကြေးအနည်းဆုံး (၃၆) လ ပေးသွင်းထားသူမှသာ အောက်ပါ အကျိုးခံစားခွင့်များကို ခံစားခွင့်ရှိပါသည်-
    (က)     သားသမီး ပညာသင်စရိတ်။ နောက်ဆုံး (၁၂) လ အတွင်း ရရှိခဲ့သော ပျမ်းမျှ လုပ်ခတစ်လစာ၏ ၁၀% ကို ကလေးတစ်ဦးအတွက် တစ်နှစ်စာ ပညာသင် စရိတ်ခံစားခွင့် ရှိပါသည်။
    (ခ)    သဘာဝဘေးအန္တရာယ်ကြုံတွေ့ရသည့်အခါခံစားခွင့်။ တစ်နှစ်အတွင်းရရှိခဲ့သော ပျမ်းမျှလုပ်ခ တစ်လစာ ၏  ၄၀ % အပြင် အဖွဲ့ကသတ်မှတ်ပေးသော ကယ်ဆယ်ရေးပစ္စည်းများ ခံစားခွင့်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

     

  • မေး :
    လူမှုဖူလုံရေး အာမခံထားသူများ အငြိမ်းစားယူပြီးနောက် ဆေးကုသမှု ဆက်လက်ခံယူခွင့် ရရှိရန်အတွက် လျှောက်ထားမည့် နည်းလမ်းများနဲ့ လိုအပ်သည့် အထောက်အထားများကို သိရှိလိုပါသည်။
    ဖြေ :

    လူမှုဖူလုံရေး အာမခံထားသူများ အငြိမ်းစားယူပြီးနောက် ဆေးကုသမှုဆက်လက်ခံယူခွင့် ရရှိရန်အတွက် နည်းဥပဒေ ၁၀၂ (ဂ) အရ ထည့်ဝင်ကြေးကာလ လပေါင်း(၁၈၀) နှင့် အထက်ပေးသွင်းထားရပါမည်။ ဆေးကုသမှုဆက်လက်ခံယူနိုင်ရေးအတွက် အငြိမ်းစားစိစစ်ရေး သက်သေခံလက်မှတ်ကို ကိုင်ဆောင်ထားရမည်ဖြစ်ပြီး ထိုလက်မှတ် ရရှိနိုင်ရေးအတွက် မိမိအား အငြိမ်းစားယူခွင့်ပြုသော ဌာနဆိုင်ရာရုံးအမိန့်စာနှင့် ပင်စင်ကတ်တို့ကို တင်ပြလျက် သက်ဆိုင်ရာလူမှုဖူလုံရေးရုံးတွင် အငြိမ်းစားစိစစ်ရေးသက်သေခံလက်မှတ်ကို အငြိမ်းစားယူသည့်နေ့မှ တစ်နှစ်အတွင်းလျှောက်ထားနိုင်သည်။
     ဆေးစတင်ကုသည့်နေ့မှ (၂၆) ပတ်အထိသာ ဆေးကုသမှုခံယူခွင့်ရှိသည်။ အငြိမ်းစားယူပြီးနောက် ဆေးကုသမှုအတွက် နည်းဥပဒေ (၁၀၄) နှင့်အညီ ဆေးကုသမှုကုန်ကျ စရိတ်၏ ၅၀% ကို လူမှုဖူလုံရေးအဖွဲ့မှ ကျခံမည် ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး အာမခံအလုပ်သမားမျာ နာရေးစရိတ်ရရှိရန်အတွက် လျှောက်ထားရမည့်နည်းလမ်းများနှင့်လိုအပ်သည့် အထောက်အထားများကို သိရှိလိုပါသည်။
    ဖြေ :

    လူမှုဖူလုံရေး အာမခံအလုပ်သမားများ မည်သည့်အကြောင်းကြောင့်မဆို သေဆုံးလျှင် သက်ဆိုင်ရာလူမှုဖူလုံရေးရုံးတွင် အောက်ပါ အထောက်အထားများနှင့်တကွ နာရေးစရိတ် လျှောက်ထား ခွင့်ရှိပါသည်-
    (က)    မိမိအလုပ်သမားသေဆုံးသည်မှာ မှန်ကန်ကြောင်းအလုပ်ရှင်၏ ထောက်ခံစာ၊
    (ခ)  ကျန်ရစ်သူမိသားစု၏ နာရေးစရိတ်လျှောက်လွှာ၊
    (ဂ)     တာဝန်ခံဆရာဝန်မှ ထုတ်ပေးသည့် ဆေးလက်မှတ် သေစာရင်းပုံစံ၊
    (ဃ)    သေဆုံးမှုလက်မှတ် (သို့) ရပ်ကွက်ထောက်ခံစာ၊
    (င)    နာရေးစရိတ်ထုတ်ယူသူမှာ မိသားစုဝင်ဖြစ်ကြောင်း(သို့မဟုတ်) နာရေးကိစ္စကို တာဝန်ယူဆောင်ရွက်ခဲ့သူ ဖြစ်ကြောင်း ခိုင်လုံသည့်အထောက်အထား၊ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး အာမခံအလုပ်သမားသေဆုံးလျှင်ရရှိမည့် နာရေးစရိတ် ခံစားခွင့်များ အကြောင်း သိရှိလိုပါသည်။
    ဖြေ :

    လူမှုဖူလုံရေးအာမခံအလုပ်သမားတစ်ဦးသည် မှတ်ပုံတင်ပြီးထည့်ဝင်ကြေး မပေးသွင်းပေးနိုင်မီ သေဆုံးပါက မှတ်ပုံတင်စဉ် တင်ပြထားသည့် လစာ၏ တစ်ဆ၊ ထည့်ဝင်ကြေးပေးသွင်းပြီးပါက ထည့်ဝင်ကြေးကာလ အပေါ်မူတည်ပြီး တိုးမြှင့်ခံစားခွင့်ရှိသည်။ ထည့်ဝင်ကြေးကို (၆)နှစ် နှင့်အထက် ပေးသွင်းပြီးထားပါက နောက်ဆုံး (၄) လ ပျမ်းမျှ လုပ်ခဝင်ငွေ၏ အများ ဆုံး ၅ ဆ ခံစားခွင့်ရှိသည်။ သို့ရာတွင် နောက်ဆုံး (၄)လ အတွင်း (၃)လသာ ထည့်ဝင်ကြေးရှိပါက အဆိုပါ (၃)လ ၏ ပျမ်းမျှလုပ်ခဝင်ငွေဖြင့်သာ ခံစားခွင့်ရှိသည်။ အကယ်၍ နောက်ဆုံး ၄ လသည် ဆေးခွင့်/ဆေးရုံတက်ကာလဖြစ်ပါက နောက်ဆုံးပေးသွင်းထားသော လစာဖြင့်သာ ခံစားခွင့်ရှိသည်။ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး အာမခံထားသူ ဖခင်ဘဝဖြစ်မှုစရိတ်ရရှိရန်အတွက် လျှောက်ထားရမည့်နည်းလမ်းများ နှင့် လိုအပ်သည့် အထောက်အထားများကို သိရှိလိုပါသည်။
    ဖြေ :

    လူမှုဖူလုံရေး အာမခံထားသူ အမျိုးသား၏ဇနီး မီးဖွားကြောင်းတင်ပြပါက လူမှုဖူလုံရေးအဖွဲ့က အသိအမှတ်ပြုသည့် ဆရာဝန်မှစိစစ်ပြီး ဖခင်ဘဝအကျိုးခံစားခွင့်ဆိုင်ရာ ဆေးသက်သေခံ လက်မှတ်(ဆ-၂)ကို ထုတ်ပေးပါမည်။ ဥပဒေနှင့်အညီခံစားခွင့်ရရှိရေးအတွက် အောက်ပါစာရွက်စာတမ်းများကို မြို့နယ်လူမှုဖူလုံရေးရုံးသို့ တင်ပြရပါမည်-
    (က)    ဖခင်ဘဝအကျိုးခံစားခွင့်ဆိုင်ရာ ဆေးသက်သေခံလက်မှတ် (ဆ-၂ခ) ၊
    (ခ)    အိမ်ထောင်စုစာရင်းမိတ္တူ၊
    (ဂ)  ဇနီးမီးဖွားခဲ့သော ဆေးရုံ/ဆေးခန်းကဖြစ်စေ၊ ကျန်းမာရေးဦးစီးဌာနကဖြစ်စေ၊ ဒေသဆိုင်ရာအုပ်ချုပ်ရေးအဖွဲ့အစည်းကဖြစ်စေထုတ်ပေးသည့် မီးဖွား ကြောင်း သက်သေအထောက်အထား၊
    (ဃ)     အာမခံထားသူ၏ ဇနီးမီးဖွားကြောင်း အလုပ်ရှင်၏ထောက်ခံချက်၊ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး အာမခံထားသူ၏ ဇနီးမီးဖွားသည့်အခါရရှိမည့် ဖခင်ဘဝ ဖြစ်မှု အကျိုးခံစားခွင့်များ ကို သိရှိလိုပါသည်။
    ဖြေ :

    လူမှုဖူလုံရေး အာမခံထားသူ အလုပ်သမား၏ ဇနီးမီးဖွားသည့်အခါ ဖခင်ဘဝဖြစ်မှုခွင့် (၁၅) ရက် ကို လွန်ခဲ့သော (၁၂) လ အတွင်း ပျမ်းမျှ လုပ်ခ၏ ၇၀% နှင့် မီးဖွားစရိတ် ၂၅% မှ ၅၀% ထိ ခံစားခွင့်ရှိပါသည်။ အကယ်၍ ဇနီးနှင့် ခင်ပွန်း (၂) ဦးလုံး အာမခံအလုပ်သမားများဖြစ်ပါက မီးဖွားစရိတ်ကို အမျိုးသမီးအတွက်သာ ခံစားခွင့်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး အာမခံထားသူ အမျိုးသမီး မီးဖွားမှု အကျိုးခံစားခွင့်နှင့် မီးဖွားစရိတ် ရရှိရန်အတွက် လျှောက်ထားရမည့် နည်းလမ်းများနှင့် လိုအပ်သည့် အထောက်အထားများကို သိရှိလိုပါသည်။
    ဖြေ :

    အာမခံထားသူ အမျိုးသမီး မီးဖွားသည့်အခါ မီးဖွားမှုအကျိုးခံစားခွင့်နှင့် မီးဖွားစရိတ်များကို သတ်မှတ်ချက်များနှင့်အညီခံစားခွင့်ရှိပါသည်။ လိုအပ်သည့် အထောက်အထားများမှာ အောက်ပါ အတိုင်းဖြစ်ပါသည်- 
    (က)     အလုပ်ရှင်ထံမှ မီးဖွားကြောင်းထောက်ခံသည့် အကြောင်းကြားစာပုံစံ၊
    (ခ)    သက်ဆိုင်ရာ လူမှုဖူလုံရေးဆရာဝန်မှထုတ်ပေးသည့် မီးမဖွားမီနှင့် မီးဖွားပြီး ဆေးလက်မှတ်ပုံစံ၊
    (ဂ)  ဆေးရုံ/ ဆေးခန်းကဖြစ်စေ၊ ကျန်းမာရေးဦးစီးဌာနကဖြစ်စေ၊ ဒေသဆိုင်ရာအုပ်ချုပ်ရေး အဖွဲ့အစည်းကဖြစ်စေထုတ်ပေးသည့် မီးဖွားကြောင်းသက်သေ အထောက်အထား၊
    (ဃ)     လူနာ၏ကိုယ်တိုင်ရေးလျှောက်လွှာ၊
    (င) လူမှုဖူလုံရေးအာမခံစိစစ်ရေးကတ်ပြားမူရင်း 
    (စ)     ဆေးရုံတက်ရပါက ဆေးရုံတက်ဆင်းလက်မှတ်များ ပူးတွဲတင်ပြရန်၊

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး အာမခံထားသူ အမျိုးသမီးများ ကိုယ်ဝန်ဆောင်ခြင်း နှင့် မီးဖွားခြင်းများ ဖြစ်ပေါ်သည့်အခါ ရရှိမည့် ဆေးကုသမှု ခံယူခွင့်နှင့် ငွေကြေး အကျိုး ခံစားခွင့် ကာလများကို သိရှိလိုပါသည်။
    ဖြေ :

    လူမှုဖူလုံရေးအဖွဲ့တွင် အာမခံထားသူ အမျိုးသမီးများသည် မီးဖွားမှုအကျိုးခံစားခွင့်များ ရရှိခံစားနိုင်ရန်အတွက် မီးဖွားခွင့်မယူမီ လူမှုဖူလုံရေးအဖွဲ့၌ အကျုံးဝင်ထားသော မှတ်ပုံတင်ကာလ (၁၂)လ အတွင်း ထည့်ဝင်ကြေးကာလ (၆)လရှိရပါမည်။ လူမှုဖူလုံရေးအဖွဲ့ဆေးရုံ၊ ဆေးခန်းများတွင် လည်းကောင်း၊ လူမှုဖူလုံရေးအဖွဲ့နှင့် သဘောတူ စာချုပ်ချုပ်ထားသည့် ဆေးရုံ၊ ဆေးခန်းများတွင် လည်းကောင်း အခမဲ့ဆေးကုသခွင့်ရှိပါသည်။ မီးမဖွားမီ (၆)ပတ်၊ မီးဖွားပြီး (၈) ပတ်၊ စုစု ပေါင်းမီးဖွားခွင့် (၁၄) ပတ်ပေးပါသည်။ အမြွှာကလေး မွေးပါက နောက်ထပ် (၄) ပတ် ငွေကြေး အကျိုးခံစားခွင့် ပေးပါသည်။ မီးမဖွားမီ လွန်ခဲ့သည့် (၁၂) လအတွင်း အမှန်ရရှိသော ပျမ်းမျှလစာ ဝင်ငွေ ၏ ၇၀% ကို မီးဖွားခွင့်ကာလအတွင်း မီးဖွားမှုငွေကြေးအကျိုးခံစားခွင့်အဖြစ်ပေးပါသည်။ မီးဖွားပြီး မွေးကင်းစကလေးကို တစ်နှစ် အထိ ဆေးကုသမှုခံစားခွင့်ရှိပါသည်။ ကိုယ်ဝန်ဆောင်စဉ် ခွင့်ပြုထားသည့်ဆေးရုံ၊ ဆေးခန်း၌ စမ်းသပ်စစ်ဆေးပြသ နိုင်ရန်အတွက် တစ်ကြိမ်လျှင် တစ်ရက်နှုန်းဖြင့် အများဆုံး(၇) ကြိမ် အထိ လုပ်ခအပြည့်ဖြင့် ကိုယ်ဝန်စောင့်ရှောက်မှု ခံယူခွင့်ရှိပါသည်။
    ထို့အပြင် မီးဖွားစရိတ်အဖြစ် လွန်ခဲ့သော (၁၂) လ အတွင်း ပေးသွင်းထားသော ထည့်ဝင်ကြေးကာလများ၏ ပျမ်းမျှတစ်လစာ၏ ၅၀% ကို ကလေးတစ်ဦးအတွက် မီးဖွားစရိတ်အဖြစ် ခံစားခွင့်ရှိပြီး အမြွှာကလေးနှစ်ဦးမွေးလျှင် ၇၅%၊ အမြွာကလေး သုံးဦးနှင့် အထက်မွေးလျှင် ၁၀၀% ခံစားခွင့်ရှိပါသည်။ ကိုယ်ဝန်ပျက်မှုဖြစ်ပေါ်ခဲ့ပါက ကိုယ်ဝန်ပျက်သည့်နေ့မှ မီးဖွားခွင့်အဖြစ် (၆) ပတ် ကို ဆေးကုသမှု ခံယူခွင့်နှင့် ငွေကြေးခံစားခွင့်ရှိသည်။ လွန်ခဲ့သည့် (၁၂)လ အတွင်း အမှန်ရရှိသောပျမ်းမျှလစာဝင်ငွေ၏ ၇၀% ကို ခံစားခွင့်ပေးပါသည်။ 
    အာမခံထားသူအမျိုးသမီးသည် တစ်နှစ်အောက် ကလေးမွေးစားပါက လွန်ခဲ့သည့် (၁၂) လအတွင်း အမှန်ရရှိသော ပျှမ်းမျှလစာဝင်ငွေ၏ ၇၀% ဖြင့် စတင်မွေးစားသည့်နေ့မှ ကလေးတစ်နှစ်ပြည့်သည့် နေ့တွင်ဖြစ်စေ၊ ရက်သတ္တ (၈) ပတ် ပြည့်သည့်နေ့တွင်ဖြစ်စေ စောရာနေ့ရက်တွင် ခွင့်ကာလကို ရပ်ဆိုင်းရမည်။ တစ်နှစ်အောက်ကလေးမွေးစားမှုဆိုင်ရာခွင့်ကို တစ်ကြိမ်သာ ခံစားခွင့်ရှိပါသည်။ ကိုယ်ဝန်ဆောင်ခြင်းနှင့် မီးဖွားခြင်းများ ဖြစ်ပေါ်သည့်အခါ လူမှုဖူလုံရေးအဖွဲ့ နှင့် စာချုပ်ချုပ်ဆိုဆောင်ရွက်သော စာချုပ်ဆေးရုံ/ သားဖွားခန်း (၉)ခန်းတွင် မွေးဖွား နိုင်သကဲ့သို့ ပြည်သူ့ဆေးရုံကြီးများ၊ ပုဂ္ဂလိကဆေးရုံ၊ ဆေးခန်းများတွင် မွေးဖွားသည့် အာမခံထားသူ အမျိုးသမီးများ အတွက် လူမှုဖူလုံရေးအဖွဲ့မှ သတ်မှတ်ထားသည့်နှုန်းထားများအတိုင်း ပေးကမ်းဆောင်ရွက်လျက်ရှိပါသည်။ ရိုးရိုးမီးဖွားခြင်းအတွက် ၃၀၀,၀၀ဝိ/- ကျပ်၊ လေစုပ်၊ ညှပ်ဆွဲမီးဖွားခြင်းအတွက် ၃၂၀,၀၀ဝိ/- ကျပ်၊ ခွဲစိတ်မီးဖွားခြင်း အတွက် ၅၅၀,၀၀ဝိ/- ကျပ်၊ ကိုယ်ဝန်ပျက်ခြင်း အတွက် ၂၈၀,၀၀ဝိ/- ကျပ်၊ နေရာလွဲမှား သန္ဓေတည်ခြင်းအတွက် ၅၀၀,၀၀ဝိ/- ခွင့်ပြုပေးလျက်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လူမှုဖူလုံရေး ထည့်ဝင်ထားသည့် အာမခံအလုပ်သမားတစ်ဦးသည် မကျန်းမာမှုဖြစ်ပေါ်ပါက ဆေးကုသမှုခံယူခွင့်နှင့် ငွေကြေးအကျိုးခံစားခွင့် ရရှိရန်အတွက် လျှောက်ထားရမည့် နည်းလမ်းများနဲ့ လိုအပ်သည့် အထောက်အထားများကို သိရှိလိုပါသည်။
    ဖြေ :

    (က) မကျန်းမာမှုဖြစ်လျှင် သက်ဆိုင်ရာ လူမှုဖူလုံရေးဆေးပေးခန်းခန်းသို့ သွားရောက် ကုသမှုခံယူနိုင်ပြီး အနားယူရန် လိုအပ်လျှင် ဆရာဝန်က ဆေးလက်မှတ်ဖြင့် ဆေးခွင့်ပေးပါမည်။
    (ခ) လူမှုဖူလုံရေးဆေးခန်း၏ ဆေးကုသမှုဖြင့် မလုံလောက်သော ဆေးကုသမှုများအတွက် အလုပ်သမားဆေးရုံကြီး (သို့မဟုတ်) နီးစပ်ရာ ပြည်သူ့ဆေးရုံကြီးများး သို့ ဆေးစာနှင့်တကွ လွှဲပြောင်းပေးပို့ပါမည်။
    (ဂ) အလုပ်မဆင်းနိုင်သည့်အတွက် ဆေးခွင့်ယူရန် တစ်ပတ်အတွင်း သက်ဆိုင်ရာ လူမှုဖူရေး ဆေးခန်းသို့ အကြောင်းကြားရမည်။
    (ဃ) အကျိုးခံစားခွင့်ရရှိနိုင်‌ရေးအတွက် အပတ်စဉ်ဖြစ်စေ၊ ဆေးခွင့်ကာလ ကုန်ဆုံးသည့်အခါတွင် ဖြစ်စေ လျှောက်ထားနိုင်သည်။
    (င) အကျိုးခံစားခွင့် ရရှိနိုင်ရေးအတွက် လိုအပ်သည့် အထောက်အထားများမှာ-
    (၁) မကျန်းမာမှုဖြစ်ကြောင်း အလုပ်ရှင်ထံမှ အကြောင်းကြားစာပုံစံ
    (၂) ဆရာဝန်မှ ဆေးခွင့်ပေးသည့် ဆေးလက်မှတ်ပုံစံ
    (၃) ဆေးရုံတက်ရပါက ဆေးရုံတက်ဆင်းလက်မှတ်များ
    (၄) လူနာ၏ ကိုယ်တိုင်ရေးလျှောက်လွှာ
    (၅) လူမှုဖူလုံရေး အာမခံစိစစ်ရေးကတ်ပြား။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အာမခံအလုပ်သမားတစ်ဦးသည် မကျန်းမာမှုဖြစ်ပေါ်သည့်အခါ ရရှိမည့် ဆေးကုသမှုခံယူခွင့်နှင့် ငွေကြေးအကျိုးခံစားခွင့် ကလများကို သိရှိလိုပါသည်။
    ဖြေ :

    အာမခံအလုပ်သမားတစ်ဦးသည် မကျန်းမာမှုဖြစ်ပေါ်သည့်အခါ ဆေးကုသမှုခံယူရန်အတွက် လူမှုဖူလုံရေးအဖွဲ့တွင် မှတ်ပုံတင်ပြီးသည်နှင့် ဆေးကုသမှုခံယူခွင့်ရှိသည့်အပြင် အကျိုးခံစားခွင့်အဖြစ် ရောဂါတစ်မျိုးအတွက် အများဆုံးရက်သတ္တပတ်( ၂၆)ပတ် အထိ ခံစားခွင့်ရရှိမှာ ဖြစ်ပါသည်။ မှတ်ပုံတင်ကာ (၆)လအတွင်း ထည့်ဝင်ကြေး အနည်းဆုံး (၄)လ ပေးသွင်းထားပါက ဆေးကုသမှုခံစားနေရပြီး အလုပ်မဆင်းနိုင်သည့် ကာလများအတွက် လွန်ခဲ့သော (၄)လအတွင်း ရရှိခဲ့သည့် ပျမ်းမျှလုပ်ခ၏ ၆၀% ကို ငွေကြေးအကျိုးခံစားခွင့်အဖြစ် ခွင့်ပြုထုတ်ပေးလျက်ရှိပါသည်။ 

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အာမခံအလုပ်သမားများ ဆေးဝါးကုသမှုခံယူရာတွင် အလုပ်သမားဆေးရုံကြီးနှင့် လူမှုဖူလုံရေး ဆေးခန်းများ၌သာ ခံယူခွင့်ရှိပါသလား။ ၎င်းတို့နှင့် အလှမ်းဝေးကွာသော အရပ်ဒေသများတွင် ကျန်းမာရေး စောင့်ရှောက်မှုရရှိစေရေးအတွက် မည်သို့ ဆောင်ရွက်နိုင်ပါသနည်း။
    ဖြေ :

    အာမခံအလုပ်သမားများ မကျန်းမာမှု၊ ကိုယ်ဝန်ဆောင်မှု၊ မီးဖွားမှုနှင့် အလုပ်တွင် ထိခိုက်မှုတို့ကြောင့် ဆေးကုသမှုခံယူရန် လိုအပ်ချိန်များတွင် လူမှုဖူလုံရေးဆေးခန်းများ၊ ဆေးရုံကြီးများ၍ အခမဲ့ ဆေးကုသမှုခံယူခွင့်ရှိပါ သည်။ ကျန်းမာရေးစောင့်ရှောက်မှုလုပ်ငန်းများကို ပိုမိုထိရောက်စွာ ဆောင်ရွက်နိုင်ရန်အတွက် အောက်ဖော်ပြပါ အစီအစဉ်များအတိုင်း စီမံဆောင်ရွက်လျက်ရှိပါသည်-
    (က) အာမခံအလုပ်သမားများ အလွယ်တကူဆေးကုသမှုခံယူနိုင်ရေးအတွက် ပုဂ္ဂလိကဆေးရုံ၊ ဆေးခန်းများနှင့် စာချုပ်ချုပ်ဆို၍ ကျန်းမာရေးစောင့်ရှောက်မှုပေးခြင်း၊
    (ခ ) ထို့အပြင် အာမခံအလုပ်သမားများ လုပ်ငန်းခွင်မပျက် ဆေးကုသသမှုခံယူနိုင်ရေးအတွက် Mobile Medical Unit ဖြင့် အလုပ်ဌာနများအရောက် ကွင်းဆင်း ဆေးကုသပေးခြင်း၊
    (ဂ ) တိုင်းရင်းဆေးဖြင့် ဆေးကုသမှုခံယူလိုသော အာမခံအလုပ်သမားများအတွက် တိုင်းရင်းဆေးခန်း (၁)ခန်းအား ဖွင့်လှစ်ပေးထားခြင်း။
    အကယ်၍ အရေးပေါ်ကိစ္စများ ပေါ်ပေါက်လာပါက သက်ဆိုင်ရာမြို့နယ် ပြည့်သူ့ဆေးရုံကြီးများတွင် ပြသ၍ ဆေးဝါးကုသမှုခံယူနိုင်ပါသည်။ ပြည်သူ့ဆေးရုံကြီးများသို့ တက်ရောက်ကုသရခြင်းကြောင့် ကုန်ကျခဲ့သည့် ဆေးဖိုး ကုန်ကျငွေများကိုလည်း ပြန်လည်ထုတ်ပေးလျက်ရှိပါသည်။ ထို့အပြင် အာမခံအလုပ်မသားများ ဆေးရုံတက်ကုသရသည့် အခါ မိမိနေထိုင်ရာဒေသမှ အလုပ်သမားဆေးရုံကြီးသို့ သွားရောက်ရသည့် ဆေးကုသမှု ခရီးစရိတ်ကို အများပြည်သူသုံးယာဉ်စီးခနှုန်းထားများဖြင့် တွက်ချက်၍ ပြန်လည်ထုတ်ပေးလျက်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လူမှုဖူလုံရေး ထည့်ဝင်ကြေးသက်တမ်းဘယ်လောက်ရှိချိန်တွင် ၎င်းအကျိုးခံစားခွင့်များကို ခံစားနိုင်မည်ကို သိရှိလိုပါသည်။
    ဖြေ :

    အလုပ်ရှင်က မိမိလုပ်ငန်းဌာနမှ အလုပ်သမားများအား လူမှုဖူလုံရေးအဖွဲ့တွင် မှတ်ပုံတင်ပြီးသည်နှင့် ထည့်ဝင်ကြေးကာလအပိုင်းအခြား သတ်မှတ်ချက်မရှိသော်လည်း ဆေးကုသမှုခံစားခွင့်၊ ယာယီမသန်စွမ်းမှုအကျိုး ခံစားခွင့်၊ အမြဲတမ်းမသန်းစွမ်းမှုအကျိုးခံစားခွင့်၊ အလုပ်တွင်ထိခိုက်မှုကြောင့် သေဆုံးရခြင်းအတွက် ကျန်ရစ်သူ အကျိုးခံစားခွင့်၊ မည့်သည့် အကြောင်းကြောင့်မဆို သေဆုံးခြင်းအတွက် နာရေးစရိတ်တို့ကို ခံစားခွင့်ရှိမည် ဖြစ်ပါသည်။
    မှတ်ပုံတင်ကာလ ၆ လ အတွင်း ထည့်ဝင်ကြေးပေးသွင်းသည့်ကာလ ၄ လ ရှိပါက မကျန်းမာမှု ငွေကြေးအကျိုး ခံစားခွင့်ကို ရရှိမှာ ဖြစ်ပါသည်။
    မှတ်ပုံတင်ကာက ၁၂ လအတွင်း ထည့်ဝင်ကြေးပေးသွင်းသည့်ကာလ ၆ လ ရှိပါက မီးဖွားမှု အကျိုးခံစားခွင့်တွေ ဖြစ်တဲ့ မီးဖွားမှုအကျိုးခံစားခွင့်၊ မီးဖွားစရိတ်၊ ဖခင်ဘဝဖြစ်မှု အကျိုးခံစားခွင့်၊ ဖခင်ဘဝဖြစ်မှု အတွက် မီးဖွားစရိတ်၊ အာမခံထားသူအမျိုးသမီး၏ မွေးကင်းစကလေးအား ဆေးကုသမှုခံယူခွင့်နှင့် အာမခံထားသူ အမျိုးသမီးများ၏ တစ်နှစ်အောက် ကလေးမွေးစားမှုအတွက် အကျိုးခံစားခွင့်တို့ကို ရရှိမှာ ဖြစ်ပါသည်။
    ၂၀၁၂ ခုနှစ် ဥပဒေအရ ထည့်ဝင်ကြေးပေးသွင်းသည့်ကာလ လပေါင်း (၁၈၀) ကျော်ပါက အငြိမ်းစားယူပြီးနောက် ဆေးကုသမှု ဆက်လက်ခံစားခွင့်ကို အငြိမ်းစားဆေးကုသမှုဆိုင်ရာ ကန့်သတ်ချက်များနှင့်အညီ လူမှုဖူလုံရေးအဖွဲ့မှ ဆေးကုသမှုကုန်ကျစရိတ်၏ ၅၀ ရာခိုင်နှုန်း ကို ကျခံပေးမှာ ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    လက်ရှိကျင့်သုံးနေသော အာမခံစနစ်(၂)မျိုးအရ အလုပ်သမားများခံစားခွင့်ရှိသည့် အကျိုးခံစားခွင့်များကို သိရှိလိုပါသည်။
    ဖြေ :

    မည်သည့်အကြောင်းကြောင့်မဆို နာမကျန်းဖြစ်သည့်အခါ အခမဲ့ဆေးကုသမှုခံစားခွင့်ရှိသည့်အပြင် အောက်ပါ ငွေကြေးခံစားခွင့်များကိုလည်း ခံစားခွင့်ရှိပါသည်-
    (က) ကျန်းမာရေးနှင့် လူမှုရေးစောင့်ရှောက်မှု အာမခံစနစ်
    (၁) ဆေးကုသမှုခံစားခွင့်၊
    (၂) မကျန်းမာမှု အကျိုးခံစားခွင့်၊
    (၃) မီးဖွားမှု အကျိုးခံစားခွင့်၊ မီးဖွားစရိတ်၊
    (၄) ကိုယ်ဝန်ပျက်မှုအတွက် ငွေကြေးအကျိုးခံစားခွင့်၊
    (၅) တစ်နှစ်အောက် ကလေးမွေးစားမှုအတွက် အကျိုးခံစားခွင့်၊
    (၆) ဖခင်ဘဝဖြစ်မှုအကျိုးခံစားခွင့်၊ ဖခင်ဘဝဖြစ်မှုအတွက် မီးဖွားစရိတ်၊
    (၇) အာမခံအလုပ်သမား၏ မွေးကင်းစကလေးအား တစ်နှစ်အထိ ဆေးကုသမှုခံယူခွင့်၊
    (၈) မည်သည့်အကြောင်းကြောင့်မဆို သေဆုံးခြင်းအတွက် နာရေးစရိတ်၊
    (၉) ဆေးဖိုးခရီးစရိတ်များ ပြန်လည်ထုတ်ပေးခြင်း၊
    (၁၀) ၂၀၁၂ ခုနှစ်၊ လူမှုဖူလုံရေး ဥပဒေအရ လပေါင်း (၁၈၀)နှင့် အထက် ထည့်ဝင်ကြေး ပေးသွင်းထားပြီးသူများ
    ပင်စင်ယူသည့်အခါ ဆေးကုသမှုဆက်လက်ခံယူခွင့်၊
    (ခ) အလုပ်တွင်ထိခိုက်မှု အကျိုးခံစားခွင့် အာမခံစနစ်
    (၁) ဆေးကုသမှုခံစားခွင့်၊
    (၂) ယာယီမသန်မစွမ်းဖြစ်မှု၊ အမြဲတမ်းမသန်မစွမ်းဖြစ်မှုတို့အတွက် ငွေကြေးအကျိုးခံစားခွင့်၊
    (၃) အလုပ်တွင်ထိခိုက်မှုကြောင့် သေဆုံးမှုအတွက် ကျန်ရစ်သူ ငွေကြေး အကျိုးခံစားခွင့်၊

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    လူမှုဖူလုံရေးအဖွဲ့သို့ ထည့်ဝင်ရမယ့် ထည့်ဝင်ကြေးများကို သိရှိလိုပါသည်။
    ဖြေ :

    ထည့်ဝင်ကြေးများအနေနဲ့ အလုပ်သမား၏ တစ်လအတွင်းရရှိသော လုပ်ခဝင်ငွေအပေါ် အခြေပြု၍ ကျန်းမာရေးနှင့် လူမှုရေးစောင့်ရှောက်မှု အာမခံစနစ်အတွက် အလုပ်ရှင် ၂% ၊ အလုပ်သမား ၂% ၊ အလုပ်တွင် ထိခိုက်မှု အကျိုးခံစားခွင့် အာမခံစနစ်အတွက် အလုပ်သမားမှ ထည့်ဝင်ကြေးပေးဆောင်ရန် မလိုဘဲ အလုပ်ရှင်မှ ၁% နှင့် စုစုပေါင်း အလုပ်ရှင်၊ အလုပ်သမားထည့်ဝင်ကြေး၏ ၅% ကို အလုပ်ရှင်မှ တာဝန်ယူ၍ လစဉ်လဆန်း (၁၅) ရက်အတွင်း သက်ဆိုင်ရာ လူမှုဖူလုံရေးရုံးသို့ ပေးသွင်းရမည်ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    ၂၀၁၂ ခုနှစ်၊ လူမှုဖူလုံရေးဥပဒေပါ အာမခံစနစ်များနဲ့ အကောင်အထည်ဖော်ဆောင်ရွက်လျက်ရှိသော အာမခံစနစ်များကို သိရှိလိုပါသည်။
    ဖြေ :

    ၂၀၁၂ ခုနှစ် လူမှုဖူလုံရေးဥပဒေတွင် အာမခံစနစ်(၆)မျိုး ပြဋ္ဌာန်းထားသော်လည်း လက်ရှိအချိန်တွင် (၁) ကျန်းမာရေးနှင့် လူမှုရေးစောင့်ရှောက်မှုအာမခံစနစ်နှင့် (၂) အလုပ်တွင် ထိခိုက်မှုအကျိုးခံစားခွင့် အာမခံစနစ်စသည့် အာမခံစနစ် (၂)မျိုးကိုသာ အကောင်အထည်ဖော် ‌ဆောင်ရွက်လျက်ရှိပါသည်။ ကျန်အာမခံစနစ်များဖြစ်သည့် မိသားစုထောက်ပံ့မှုအာမခံစနစ်အကျိုးခံစားခွင့်နှင့် ကျန်ရစ်သူအကျိုးခံစားခွင့် အာမခံစနစ်၊ အလုပ်လက်မဲ့ ကျိုးခံစားခွင့် အာမခံစနစ်၊ အခြားလူမှုဖူလုံရေးအာမခံစနစ် (အိမ်ရာစီမံကိန်း) များကိုတော့ ဥပဒေပုဒ်မ ၁၀၀ အရ နိုင်ငံတော်၏ စီးပွားရေးဖွံ့ဖြိုးတိုးတက်မှု၊ ဘဏ္ဍာရန်ပုံငွေဖူလုံမှုနှင့် လုပ်ငန်းဌာနများ၏ စီးပွားရေးဖွံ့ဖြိုးတိုးတက်မှု တို့ကိုလည်းကောင်း၊ ပြောင်းလဲလာသည့် လူမှုရေးလိုအပ်ချက်များကိုလည်းကောင်း၊ နယ်မြေဒေသအလိုက်၊ ဇုန်အလိုက်ဖွံ့ဖြိုးတိုးတက်မှု အခြေအနေများကို လည်းကောင်း၊ အခြေပြုပြီး အဆင့်ဆင့်အကောင်အထည်ဖော် ဆောင်ရွက်သွားမည် ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    လူမှုဖူလုံရေးအာမခံစိစစ်ရေးကတ်၏ အရေးပါပုံ၊ ကတ်အား အလုပ်သမားများ လက်ဝယ်ရရှိပြီးနောက် ဆောင်ရွက်ရမည့် အချက်အလက်များကို သိရှိလိုပါသည်။
    ဖြေ :

    လူမှုဖူလုံရေးအာမခံစိစစ်ရေးကတ်ပြားသည် လူမှုဖူလုံရေးအဖွဲ့တွင် အာမခံထားသူဖြစ်ကြောင်း သက်သေခံဖြစ်သည်။ လူမှုဖူလုံရေးအကျိုးခံစားခွင့်များရရှိရန်နှင့် သတ်မှတ်ထားသော ဆေးခန်းများ၊ ဆေးရုံများတွင် ဆေးကုသမှုခံယူရန်ကတ်ပြားကို တင်ပြရမည်။ အဆိုပါကတ်ပြား ပျောက်ဆုံး/ပျက်စီးလျှင် နီးစပ်ရာ လူမှုဖူလုံရေးရုံးတွင် ပြန်လည်လျှောက်ထားရပါမည်။ ကတ်ပြားကို တစ်ဆင့်လွှဲပြောင်းခြင်း မပြုရ။ အလုပ်ဌာနအသစ်သို့ ပြောင်းရွှေ့လုပ်ကိုင်ပါက ၎င်းကတ်ပြားပါ အာမခံနံပါတ်ကိုသာ ဆက်လက်အသုံးပြု၍ ထည့်ဝင်ကြေး ဆက်လက်ပေးဆောင်ရမည် ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    လူမှုဖူလုံရေးအာမခံစိစစ်ရေးကတ်ရရှိရန် မည်သို့ဆောင်ရွက်ရမည်ကို သိရှိလိုပါသည်။
    ဖြေ :

    လူမှုဖူလုံရေးအာမခံစိစစ်ရေးကတ်ရရှိနိုင်ရေးအတွက် အလုပ်သမားတစ်ဦးသည် အာမခံအလုပ်သမားမှတ်ပုံတင် ပုံစံ (၂)ပါ အချက်အလက် (၁၈)ချက်ကို ပြည့်စုံမှန်ကန်စွာ ဖြည့်စွက်ပြီး အချက်အလက်များ မှန်ကန်ကြောင်းကို အလုပ်ရှင်နှင့် အလုပ်သမားတို့မှ လက်မှတ်ရေးထိုး၍ ဓါတ်ပုံ(၁)ပုံနှင့် သက်ဆိုင်ရာ လူမှုဖူလုံရေးရုံးသို့ ပေးအပ်ရပါမည်။ လူမှုဖူလုံရေးရုံးမှ အာမခံအလုပ်သမားမှတ်ပုံတင်ပုံစံပါ အချက်အလက်များအားစိစစ်၍ မှန်ကန်မှု ရှိလျှင် လူမှုဖူလုံရေးအာမခံနံပါတ်ပါဝင်သော လူမှုဖူလုံရေး အာမခံစိစစ်ရေးကတ်ပြားကို ထုတ်ပေးမည်ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    ၂၀၁၂ ခုနှစ်၊ လူမှုဖူလုံရေးဥပဒေအရ အလုပ်သမားများ အကျုံးဝင်မှတ်ပုံတင်ခြင်းနှင့် မှတ်ပုံတင်ရန် လိုအပ်တဲ့ စာရွက်စာတမ်းများကို သိရှိလိုပါသည်။
    ဖြေ :

    လုပ်ငန်းဌာနတစ်ခုခုတွင် အမြဲတမ်းဖြစ်စေ၊ ယာယီဖြစ်စေ ကာယအား သို့မဟုတ် ဉာဏအားကို အသုံးပြုပြီး လုပ်ကိုင်၍ရရှိသောလုပ်ခဖြင့် အသက်မွေးဝမ်းကျောင်းမှုပြုနေသူများ၊ လုပ်ခရသည်ဖြစ်စေ၊ မရသည်ဖြစ်စေ အလုပ်လုပ်ကိုင်လျက်ရှိသော အလုပ်သင်များ၊ ပညာသင်များသည်လည်း လူမှုဖူလုံရေးအဖွဲ့တွင် အကျုံးဝင်မှတ်ပုံတင်ရပါမည်။ (ပုဒ်မ-၂(က))
    အလုပ်ရှင်တစ်ဦးသည် အလုပ်သမားသစ်စတင်ခန့်အပ်ပြီး (၁၀)ရက်အတွင်း မိမိလုပ်ငန်းဌာနနှင့် သက်ဆိုင်သည့် နယ်မြေရှိလူမှုဖူလုံရေးရုံးတွင် မှတ်ပုံတင်ရန် တာဝန်ရှိပါသည်။ မှတ်ပုံတင်ရန်လိုအပ်သည့် စာရွက်စာတမ်းများမှာ-
    (က) အာမခံအလုပ်သမားမှတ်ပုံတင် ပုံစံ(၂)
    (ခ ) ကျန်းမာကြောင်း ထောက်ခံချက် (မိမိဆန္ဒအလျောက် မှတ်ပုံတင်သူများအတွက်သာ)

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    အလုပ်ဌာနမှတ်ပုံတင်ခြင်းအတွက် လိုအပ်သည့်အချက်များနှင့် လိုအပ်တဲ့ စာရွက်စာတမ်းများကို သိရှိလိုပါသည်။
    ဖြေ :

    အကျုံးဝင်မှတ်ပုံတင်ရမည့် အလုပ်ရှင်တစ်ဦးသည် လုပ်ငန်းစတင်လုပ်ကိုင်ပြီး ရက်ပေါင်း ၃၀ အတွင်း မိမိတို့လုပ်ငန်းများနှင့်အတူ မှတ်ပုံတင်ရန် တာဝန်ရှိပါသည်-
    (က) အလုပ်ဌာနမှတ်ပုံတင်ပုံစံ ပုံစံ(၁)နှင့် မိမိအလုပ်ဌာနတွင် လုပ်ကိုင်နေသော အလုပ်သမားစာရင်း ပုံစံ (၁-က) တွဲတင်ရန်၊
    (ခ ) လုပ်ငန်းဌာနတည်ထောင်ဖွင့်လှစ်ခြင်းမှတ်တမ်းနှင့် လုပ်ငန်းလိုင်စင်မိတ္တူ၊

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    လူမှုဖူလုံရေးအဖွဲ့မှာ မဝင်မနေရ အကျုံးဝင်ရမယ့် အလုပ်ဌာနများကို သိချင်ပါသည်။ ဘာကြောင့် မဝင်မနေရ အလုပ်ဌာနအဖြစ် သတ်မှတ်ထားကြောင်း သိရှိလိုပါသည်။
    ဖြေ :

    ၂၀၁၂ ခုနှစ်၊ လူမှုဖူလုံရေးဥပဒေအရ အလုပ်သမား (၅)ဦးနှင့်အထက် လုပ်ကိုင်သော အောက်ပါအလုပ်ဌာနများ အကျုံးဝင်ပါသည်-
    (က) စက်မှုလက်မှု အလုပ်ဌာနများ၊
    (ခ ) စီးပွားရေးလုပ်ကိုင်သောအစိုးရဌာန၊ အစိုးရ(အဖွဲ့အစည်းနှင့် ဒေသဆိုင်ရာအုပ်ချုပ်ရေးအဖွဲ့အစည်းများ)
    (ဂ ) စည်ပင်သာယာရေးအဖွဲ့အစည်းများ၊
    (ဃ) ငွေရေးကြေးရေး အဖွဲ့အစည်းများ၊
    (င ) စီးပွားရေးလုပ်ကိုင်သောကုမ္ပဏီ၊ အသင်း၊ အဖွဲ့အစည်းများနှင့် လက်အောက်ခံဌာနများ၊
    (စ ) ဆိုင်များ၊ ကုန်သွယ်အလုပ်ဌာနများ၊ အများပြည်သူဖျော်ဖြေရေးအလုပ်ဌာနများ၊
    (ဆ) သယ်ယူပို့ဆောင်ရေးလုပ်ငန်းများ၊
    (ဇ ) တစ်နှစ်နှင့်အထက်လုပ်ကိုင်သော ဆောက်လုပ်ရေးလုပ်ငန်းများ၊
    (ဈ ) ဖက်စပ်လုပ်ငန်းများ၊
    (ည) သတ္တုတွင်းနှင့် ကျောက်မျက်ရတနာဆိုင်ရာလုပ်ငန်းများ၊
    (ဋ ) ရေနံနှင့် သဘာဝဓာတ်ငွေ့လုပ်ငန်းများ၊
    (ဌ ) ဆိပ်ကမ်းများနှင် ပြင်ပဆိပ်ကမ်းများ၊
    (ဍ ) ကုန်တင်ကုန်ချလုပ်ငန်း အဖွဲ့အစည်းများ၊
    (ဎ ) အလုပ်သမားဝန်ကြီးဌာနနှင့် လက်အောက်ခံဌာနအဖွဲ့အစည်းများ၊
    (ဏ) အခါအားလျော်စွာသတ်မှတ်သော အခြားလုပ်ငန်းဌာနများ၊
    လူမှုဖူလုံရေးအဖွဲ့တွင် အကျုံးဝင်မှတ်ပုံတင်ထားသော အလုပ်များသည် လျော်ကြေးဥပဒေမှ ကင်းလွတ်ခွင့်ရှိပြီး၊ ၎င်းအလုပ်ဌာနများမှ ဝန်ထမ်း/အလုပ်သမားများ အကြောင်းအမျိုးမျိုးကြောင့် မကျန်းမာမှု၊ အလုပ်တွင်ထိခိုက်မှု၊ သေဆုံးမှု၊ ကျန်ရစ်သူ အကျိုးခံစားခွင့်များ၊ အငြိမ်းစားယူပြီးနောက် ကျန်းမာရေးစောင့်ရှောက်မှုများ ဆက်လက်ခံယူခွင့်စသည့် အခွင့်အရေးများရရှိစေရန် အလုပ်ဌာနကိုယ်စား လူမှုဖူလုံရေးအဖွဲ့မှ တာဝန်ယူဆောင်ရွက်ပေးသည်ဖြစ်၍ အလုပ်ရှင်နှင့်အလုပ်သမားများ ငြိမ်းချမ်းစွာအတူလက်တွဲပြီး ကုန်ထုတ်စွမ်းအားတိုးတက်အောင် ဆောင်ရွက်နိုင်ရန်ရည်ရွယ်ပြီး မဝင်မနေရ အကျုံးဝင်ရမည့် အလုပ်ဌာနအဖြစ် သတ်မှတ်ထားခြင်းဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

     

  • မေး :
    အလုပ်သမားရေးရာ အငြင်းပွားမှုနှင့်ပတ်သက်၍ ဆုံးဖြတ်ချက်များအပေါ် လိုက်နာရန် ပျက်ကွက်ပါက မည်ကဲ့သို့ ဆောင်ရွက်နိုင်ပါသလဲ။
    ဖြေ :

    ခုံသမာဓိအဖွဲ့ သို့မဟုတ် ခုံသမာဓိကောင်စီ၏ အတည်ဖြစ်ပြီးသည့် ဆုံးဖြတ်ချက်ကို လိုက်နာရန်ပျက်ကွက်ပါက အနည်းဆုံး ကျပ်သိန်း ၁၀၀ မှ အများဆုံး ကျပ်သိန်း ၃၀၀ အထိ ငွေဒဏ်ချမှတ်ခြင်းခံရမည့်အပြင် အလုပ်သမားရရန် ရှိသည့် ငွေကြေးအကျိုးခံစားခွင့်ကိုလည်း အလုပ်သမားအား ပေးချေရမှာ ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/

     

  • မေး :
    အလုပ်သမားရေးရာ အငြင်းပွားမှုနှင့်ပတ်သက်၍ ခုံသမာဓိအဖွဲ့ သို့မဟုတ် ခုံသမာဓိကောင်စီ၏ ဆုံးဖြတ်ချက်ကို ပြင်ဆင်ပြောင်းလဲခွင့် ရှိ/မရှိ သိလိုပါတယ်။
    ဖြေ :

    သက်ဆိုင်ရာအငြင်းပွားသူများသည် ခုံသမာဓိအဖွဲ့ သို့မဟုတ် ခုံသမာဓိကောင်စီ၏ ဆုံးဖြတ်ချက်အတည်ဖြစ်သည့် နေ့ရက်မှ ရက်ပေါင်း ၉၀ ကျော်လွန်ပါက ယင်းဆုံးဖြတ်ချက်ကို ပြင်ဆင်ပြောင်းလဲရန် သဘောတူညီနိုင်ပါတယ်။ ယင်းသဘောတူညီမှုအရ ပြင်ဆင်ပြောင်းလဲချက်သည် ခုံသမာဓိဆုံးဖြတ်ချက်၏ သက်ဆိုင်ရာအပိုင်းကို လွှမ်းမိုးပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

     

  • မေး :
    အလုပ်သမားရေးရာ အငြင်းပွားမှုနှင့်ပတ်သက်၍ ခုံသမာဓိကောင်စီ၏ဆုံးဖြတ်ချက်သည် မည်သည့်နေ့ရက်မှ စ၍ အတည်ဖြစ်ပါသလဲ။
    ဖြေ :

    အလုပ်သမားရေးရာ အငြင်းပွားမှုဖြေရှင်းရေးဥပဒေအရ ခုံသမာဓိကောင်စီသည် အငြင်းပွားမှုဖြေရှင်းရေးယန္တရားတွင် နောက်ဆုံးအဆင့်ဖြစ်ပြီး ခုံသမာဓိကောင်စီ၏ ဆုံးဖြတ်ချက်သည် ချမှတ်သည့်နေ့ရက်မှစ၍ အတည်ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားရေးရာ အငြင်းပွားမှုနှင့်ပတ်သက်၍ အငြင်းပွားသူများအနေဖြင့် ခုံသမာဓိအဖွဲ့၏ ဆုံးဖြတ်ချက်ကို ကျေနပ်မှုမရှိပါက မည်ကဲ့သို့ လုပ်ဆောင်နိုင်ပါသလဲ။
    ဖြေ :

    မရှိမဖြစ်လိုအပ်သည့် ဝန်ဆောင်မှုလုပ်ငန်းနှင့် သက်ဆိုင်သည့်ဆုံးဖြတ်ချက်မှတစ်ပါး ခုံသမာဓိအဖွဲ့၏ဆုံးဖြတ်ချက်ကို မကျေနပ်ပါက အငြင်းပွားသူများသည် ခုံသမာဓိအဖွဲ့၏ ဆုံးဖြတ်ချက်ကို လက်ခံရရှိသည့်နေ့ရက်မှ ခုနစ်ရက်အတွင်း ခုံသမာဓိကောင်စီ၏ အဆုံးအဖြတ်ခံယူရန် အငြင်းပွားသူ တစ်ဖက်ဖက်မှ လျှောက်ထားနိုင်ပါတယ်။
    မရှိမဖြစ်လိုအပ်သည့် ဝန်ဆောင်မှုလုပ်ငန်းနှင့်စပ်လျဉ်း၍ ခုံသမာဓိအဖွဲ့၏ဆုံးဖြတ်ချက်ကို လက်ခံရရှိသည့်နေ့ရက်မှ တရားဝင်ရုံးပိတ်ရက်များမပါ ခုနစ်ရက်အတွင်း ခုံသမာဓိကောင်စီသို့ လျှောက်ထားရမှာ ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    ခုံသမာဓိအဖွဲ့အနေဖြင့် အလုပ်သမားရေးရာ အငြင်းပွားမှုများကို မည်သည့်ကာလအတွင်း ဆုံးဖြတ်ခြင်းပြုရန် သတ်မှတ်ထားပါသလဲ။
    ဖြေ :

    ညှိနှိုင်းဖျန်ဖြေရာတွင် ပြေငြိမ်းမှုမရရှိသောကြောင့် ညှိနှိုင်းဖျန်ဖြေရေးအဖွဲ့က လွှဲအပ်သော အကျိုးစီးပွားဆိုင်ရာ အငြင်းပွားမှုအား လက်ခံရရှိသည့်နေ့ရက်မှ ခုနစ်ရက်အတွင်း ဆုံးဖြတ်ချက်ချမှတ်ရမည်ဖြစ်ပြီး တရားဝင် ရုံးပိတ်ရက်များမပါ နှစ်ရက်အတွင်း သက်ဆိုင်ရာ အငြင်းပွားသူများထံ ဆုံးဖြတ်ချက်ပေးပို့ရမှာ ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားရေးရာ အငြင်းပွားမှုများကို ဖြေရှင်းပေးသည့်အဖွဲ့များကို ပြင်ဆင်ဖွဲ့စည်းခြင်းရှိ၊ မရှိနှင့် သက်တမ်းသတ်မှတ်ထားမှု ရှိ/မရှိ သိရှိလိုပါတယ်။
    ဖြေ :

    အလုပ်သမားရေးရာ လုပ်ငန်းညှိနှိုင်းရေးကော်မတိ၏ သက်တမ်းမှာ (၂)နှစ် ဖြစ်ပြီး ကျန်ရှိသည့် ညှိနှိုင်းဖျန်ဖြေရေးအဖွဲ့၊ ခုံသမားဓိအဖွဲ့နှင့် ခုံသမာဓိကောင်စီတို့၏ သက်တမ်းမှာ (၃)နှစ် ဖြစ်ပါတယ်။ သက်မှတ်သက်တမ်း ကုန်ဆုံးပါက ဥပဒေနှင့်အညီ အသစ်ပြန်လည်ဖွဲ့စည်းဆောင်ရွက်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    ညှိနှိုင်းဖျန်ဖြေရေးအဖွဲ့အနေဖြင့် အလုပ်သမားရေးရာ အငြင်းပွားမှုများကို မည်သည့်ကာလအထိ ညှိနှိုင်းဖျန်ဖြေမှု ပြုလုပ်ပေးပါသလဲ။
    ဖြေ :

    ညှိနှိုင်းဖျန်ဖြေရမည့် ကာလအနေဖြင့် အငြင်းပွားမှုကို သိရှိသည့် သို့မဟုတ် လက်ခံရရှိသည့်နေ့ရက်မှ ခုနှစ်ရက်အတွင်း ပြေငြိမ်းစေရန် ဖျန်ဖြေရေးအဖွဲ့ရှေ့မှောက်တွင် နှစ်ဖက်သဘောတူစာချုပ် ချုပ်ဆိုရမှာ ဖြစ်ပါတယ်။ သတ်မှတ်ရက်အတွင်း ပြေငြိမ်းမှုရရှိအောင် ဖျန်ဖြေခြင်း မပြုနိုင်သည့်အခါ အလုပ်ရှင်၊ အလုပ်သမား နှစ်ဦးနှစ်ဖက်လုံးက ဆက်လက် ဖျန်ဖြေပေးစေလိုကြောင်း တောင်းဆိုလျှင် ပြေငြိမ်းမှုရသည်အထိ ဖျန်ဖြေပေးနိုင်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားရေးရာ အငြင်းပွားမှုများကို မြို့နယ်ညှိနှိုင်းဖျန်ဖြေရေးအဖွဲ့သို့ မည်သို့ တိုင်ကြားဆောင်ရွက်ရပါသလဲ။
    ဖြေ :

    အလုပ်ရှင်၊ အလုပ်သမားအကြား ဖြစ်ပွားသော နစ်နာချက်များ၊ အလုပ်သမားရေးရာပြဿနာများ၊ အငြင်းပွားမှုများ ပေါ်ပေါက်လာပါက နစ်နာသူသည် စက်ရုံ၊ အလုပ်ရုံတည်ရှိရာ မြို့နယ်များရှိ သက်ဆိုင်ရာမြို့နယ် ညှိနှိုင်းဖျန်ဖြေရေးအဖွဲ့သို့ တိုင်ကြားစာ ပေးပို့တိုင်ကြားနိုင်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အကျိုးစီးပွားဆိုင်ရာ အငြင်းပွားမှုများနှင့်စပ်လျဉ်း၍ ဖြေရှင်းဆောင်ရွက်ပေးလျက်ရှိသည့် အငြင်းပွားမှု ဖြေရှင်းရေးယန္တရားအဆင့်ဆင့်ကို ရှင်းပြပေးစေလိုပါတယ်။
    ဖြေ :

    သတ်မှတ်လုပ်သားဦးရေပြည့်မီသည့် လုပ်ငန်းများ၊ စက်ရုံများတွင် WCC ဖွဲ့စည်းရမည်ဖြစ်ပြီး အဆိုပါ WCC တွင် လုပ်ငန်းခွင်ဆိုင်ရာ နစ်နာချက်များကို ကနဦးဆွေးနွေးညှိနှိုင်းမှု ပြုလုပ်ခြင်း၊ ပြေငြိမ်းမှုမရရှိသော အကျိုးစီးပွားဆိုင်ရာ အငြင်းပွားမှုနှင့် စပ်လျဉ်း၍ မြိုနယ်အဆင့်ဖြစ်သော ညှိနှိုင်းဖျန်ဖြေမှု ပြုပြီးနောက် ပြေငြိမ်းမှုရရှိပါက နှစ်ဖက်သဘောတူစာချုပ် ချုပ်ဆိုခြင်းဖြင့် ပြေငြိမ်းမှုမရရှိပါက တိုင်းဒေသကြီး/ပြည်နယ်အဆင့်ဖြစ်သော ခုံသမာဓိ အဖွဲ့သို့ အမှုတွဲလွှဲပြောင်း ပေးပို့ခြင်း၊ ခုံသမာဓိအဖွဲ့က စစ်ဆေးဆုံးဖြတ်ခြင်း၊ ခုံသမာဓိအဖွဲ့၏ ဆုံးဖြတ်ချက်ကို ကျေနပ်မှုမရှိသော အငြင်းပွားသူများသည် ခုံသမာဓိကောင်စီသို့ လျှောက်ထားခြင်း၊ ခုံသမာဓိကောင်စီက ခုံသမာဓိ ဖြင့် စစ်ဆေးဆုံးဖြတ်ခြင်းတို့ ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားဝန်ကြီး ဌာန အနေ ဖြင့် အလုပ်ရှင်၊အလုပ်သမား အငြင်းပွားမှုများကို ဖြေရှင်းဆောင်ရွက်ရာတွင် မည်သို့ ဆောင်ရွက်ပေးနေသည်ကို သိရှိလိုပါတယ်။
    ဖြေ :

    စက်ရုံ အလုပ်ရုံများတွင် အလုပ်ရှင်၊ အလုပ်သမား အငြင်းပွားမှုများ ဖြစ်ပေါ်လာပါက အကျိုးစီးပွားဆိုင်ရာ အငြင်းပွားမှုနှင့် အခွင့်အရေးဆိုင်ရာ အငြင်းပွားမှုများ ကွဲပြားလျက် စက်ရုံအတွင်း ဖွဲ့စည်းထားသော အလုပ်သမားရေးရာ လုပ်ငန်းညှိနှိုင်းရေး ကော်မတီ၊ မြို့နယ် ညှိနှိုင်းဖျန်ဖြေရေး အဖွဲ့၊ ခုံသမာဓိအဖွဲ့နှင့် ခုံသမာဓိကောင်စီ အဆင့်ဆင့်ဖြင့် ဖြေရှင်း ဆောင်ရွက်ပေးလျက်ရှိကြောင်း၊ EC စာချုပ်ပါ အချက်များအပေါ်တွင် အခြေခံပြီး အခွင့်အရေးဆိုင်ရာ အငြင်းပွားမှုများကို သက်ဆိုင်ရာ ဌာနများတွင် စည်းကြပ်လျက်ရှိသော ဥပဒေတွင် ပြဋ္ဌာန်းပြီး အကျိုးခံစားခွင့်နှင့် အညီ ညှိနှိုင်း ဖြေရှင်းဆောင်ရွက်ပေးလျက်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အကျိုးစီးပွားဆိုင်ရာအငြင်းပွားမှုဆိုတာ မည်သည့်အငြင်းပွားမှုဖြစ်ပါသလဲ။
    ဖြေ :

    အလုပ်သမားရေးရာအငြင်းပွားမှုဖြေရှင်းရေးဥပဒေအရ အလုပ်ရှင်နှင့် အလုပ်သမားအကြားဖြစ်ပွားသော အငြင်းပွားမှုများကို အခွင့်အရေးဆိုင်ရာ အငြင်းပွားမှုနှင့် အကျိုးစီးပွားဆိုင်ရာအငြင်းပွားမှုများ ဖြစ်ပါတယ်။ စုပေါင်းသဘောတူညီချက်နှင့်စပ်လျဉ်းသော အငြင်းပွားမှု၊ အလုပ်သမားဥပဒေပါရပိုင်ခွင့်များနှင့် အကျုံးဝင်မှု မရှိသော်လည်း အလုပ်သမားအများစု၏ ရသင့်ရထိုက်သော အကျိုးစီးပွားနှင့်သက်ဆိုင်သည့် အငြင်းပွားမှုများနှင့် လုပ်ငန်းခွင်ဆက်ဆံရေးနှင့် စပ်လျဉ်းသော အငြင်းပွားမှုများကိုတော့ အကျိုးစီးပွားဆိုင်ရာ အငြင်းပွားမှုများအဖြစ် သတ်မှတ်ပြဋ္ဌာန်းထားပါတယ်။
    အခွင့်အရေးဆိုင်ရာအငြင်းပွားမှုများကို စည်းကြပ်ဥပဒေအလိုက် သက်ဆိုင်ရာဌာနများ၊ စီရင်ပိုင်ခွင့်ရှိသော တရားရုံးသို့ လျှောက်ထားနိုင်ပြီး အကျိုးစီးပွားဆိုင်ရာ အငြင်းပွားမှုများကို အငြင်းပွားမှုဖြေရှင်းရေးယန္တရား အဆင့်ဆင့်ဖြင့် ဖြေရှင်းပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားရေးရာအငြင်းပွားမှုများ ဖြစ်ပွားပါက ဆောင်ရွက်ရမည့်ဥပဒေ ပြဋ္ဌာန်းထားပါသလား။
    ဖြေ :

    အလုပ်သမားများ၏ အခွင့်အရေးကို ကာကွယ်စောင့်ရှောက်ရန်၊ အလုပ်ရှင်နှင့်အလုပ်သမားများအကြားဆက်ဆံရေး ကောင်းမွန်ပြီး လုပ်ငန်းခွင် အေးချမ်းသာယာစေရန်၊ အလုပ်ရှင်နှင့် အလုပ်သမားအငြင်းပွားမှုအား တရားမျှတစွာ ဖြေရှင်းဆောင်ရွက်ပေးခြင်းဖြင့် ရပိုင်ခွင့်များကို မျှတမှန်ကန်စွာနှင့် မြန်ဆန်စွာ ရရှိခံစားနိုင်စေရန်အတွက် အလုပ်သမားရေးရာအငြင်းပွားမှုဖြေရှင်းရေးဥပဒေကို ပြဋ္ဌာန်းထားပါတယ်။ အဆိုပါ ဥပဒေအရ အကျိုးစီးပွားဆိုင်ရာ အငြင်းပွားမှုများကို အငြင်းပွားမှုဖြေရှင်းရေး ယန္တရားဖြင့် ဖြေရှင်းဆောင်ရွက်ပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    လက်ရှိမြန်မာနိုင်ငံတွင် လုပ်သားအင်အား မည်မျှရှိပါသလဲ၊ အလုပ်လက်မဲ့နှုန်းနဲ့ ပတ်သက်ပြီး ရှင်းပြပေးစေလိုပါတယ်။
    ဖြေ :

    ၂၀၂၀ပြည့်နှစ်၊ လုပ်သားအင်အားစစ်တမ်း(ပထမအကြိမ်) အစီရင်ခံစာအရ လုပ်သား အင်အား ၂၂.၂၂ သန်းရှိပါတယ်။ အလုပ်လက်မဲ့နှုန်းအနေနဲ့ ၁.၆% ရှိပြီး၊ အလုပ်လက်မဲ့ နှုန်း နည်းပါးခြင်းဟာ ILO ရဲ့ အဓိပ္ပာယ်သတ်မှတ်ချက်အရ မြန်မာနိုင်ငံ တစ်နိုင်ငံတည်း မဟုတ်ဘဲ ဖွံ့ဖြိုးဆဲနိုင်ငံတွေတိုင်းမှာ တွေ့ရှိရမှာဖြစ်ပါတယ်။ ဒါကြောင့်လဲ ILO အနေနဲ့ ၂၀၁၃ ခုနှစ်မှာ ကျင်းပခဲ့တဲ့ ၁၉ ကြိမ်မြောက် အပြည်ပြည်ဆိုင်ရာ အလုပ်သမားရေးရာ စာရင်းအင်းပညာရှင်များညီလာခံမှာ ဖွံ့ဖြိုးဆဲနိုင်ငံတွေအနေနဲ့ အလုပ်လက်မဲ့နှုန်းအပြင် လုပ်သားအင်အားအပြည့်အဝ အသုံးမချနိုင်မှုနှုန်း (Labour Underutilization Rate) ကိုပါ တစ်ပေါင်းတည်းဖော်ပြဖို့ တိုက်တွန်းထားပြီး၊ မြန်မာနိုင်ငံအနေနဲ့ တွက်ချက်ဖော်ပြ လျက်ရှိရာ ၂၀၂၀ ပြည့်နှစ်၊ နှစ်စဉ်လုပ်သားအင်အားစစ်တမ်း (ပထမအကြိမ်) အစီရင် ခံစာအရ လုပ်သားအင်အားအပြည့်အဝ အသုံးမချနိုင်မှုနှုန်း ၅.၂% ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်အကိုင်ရှာဖွေသူများအနေဖြင့် အလုပ်လိုအပ်သည့်အခါ အလုပ်အကိုင်နှင့် အလုပ်သမားရှာဖွေရေးရုံးများမှ မည်သို့ဆောင်ရွက်ပေးပါသလဲ။
    ဖြေ :

    အလုပ်ရှာဖွေသူများအနေဖြင့် အလုပ်သမားမှတ်ပုံတင်ကတ်ပြား လာရောက်ပြုလုပ် ရာတွင် အသက်(၁၈)နှစ်ပြည့်ပြီးသူဖြစ်ရမည်ဖြစ်ပြီး အလုပ်အကိုင်ရှာဖွေသူများ အနေဖြင့် အလုပ်လိုအပ်သည့်အခါ အလုပ်အကိုင်နှင့် အလုပ်သမားရှာဖွေရေးရုံးသို့ လူကိုယ်တိုင်လာရောက်၍ အလုပ်သမားမှတ်ပုံတင်ရမည်။ ဤကဲ့သို့ လူကိုယ်တိုင် လာရောက်မှတ်ပုံတင်ခြင်းဖြင့် မှတ်ပုံတင်သူ၏ အရည်အချင်းနှင့် ကျွမ်းကျင်မှုအခြေ အနေကိုပြည့်စုံစွာရရှိနိုင်ပြီး၊ လျှောက်ထားရာရုံးတွင် ၎င်း၏ အရည်အချင်းနှင့် အလုပ်အကိုင်ပေါ်ပေါက်လျက်ရှိပါက ချက်ချင်းပင်ဆက်သွယ်ပေးနိုင်ရန်ဖြစ်သည်။ အလုပ်အကိုင်နှင့်အလုပ်သမားရှာဖွေရေးရုံးသို့ အလုပ်သမားမှတ်ပုံတင်ကတ်ပြား လာရောက်လျှောက်ထားပါက ကိုယ်ရေးအချက်အလက်အား စနစ်တကျမှတ်တမ်းတင်နိုင်ရန်အတွက် နိုင်ငံသားမှတ်ပုံတင်ကတ်ပြား(မူရင်း)၊ ပညာအရည်အချင်း အောင်လက်မှတ်(မူရင်း)နှင့် ကျွမ်းကျင်မှုလက်မှတ်(မူရင်း) အထောက်အထားများ ပြည့်စုံစွာတင်ပြပြီး အလုပ်သမားမှတ်ပုံတင်ကတ်ပြား အလလခ(ပုံစံ-၂)ကို ထုတ်ယူရမည်ဖြစ်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    (NSSA) အနေဖြင့် လုပ်သားများကို ကျွမ်းကျင်မှုစစ်ဆေးအကဲဖြတ်ရေး လုပ်ငန်းစဉ်များ ဆောင်ရွက်လျက်ရှိရာ အောင်မြင်သူလုပ်သားများအား အမျိုးသားအဆင့် အလုပ်အကိုင် ဆိုင်ရာ ကျွမ်းကျင်မှုအသိအမှတ်ပြုလက်မှတ် ပေးအပ်ပြီးစီးမှုအခြေအနေကို သိရှိလိုပါ သည်။
    ဖြေ :

    (NSSA) သည် ၂၀၁၄ ခုနှစ်မှစတင်၍ အလုပ်အကိုင်အလိုက် ကျွမ်းကျင်မှုစစ်ဆေးအကဲ ဖြတ်ရေးလုပ်ငန်းစဉ်များ ဆောင်ရွက်လျက်ရှိရာ ယနေ့အထိ ဖြေဆိုအောင်မြင်သူလုပ်သား (၂၁,၅၅၅) ဦးရှိသည့်အနက် လုပ်သား (၁၈,၁၇၀)ဦးကို အမျိုးသားအဆင့် အလုပ်အကိုင်ဆိုင်ရာ ကျွမ်းကျင်မှုအသိအမှတ်ပြုလက်မှတ်များကို အခမ်းအနားဖြင့် ကျင်းပ၍ ပေးအပ်နိုင်ခဲ့ပါသည်။ ပေးအပ်ရန်ကျန်ရှိသော အသိအမှတ်ပြုလက်မှတ်များနှင့် ၂၀၂၂-၂၀၂၃ ဘဏ္ဍာရေးနှစ်တွင် ဖြေဆိုအောင်မြင်သူများအတွက် အသိအမှတ်ပြုလက်မှတ်များကို အလုပ်သမားဝန်ကြီးဌာန၊ ပြည်ထောင်စုဝန်ကြီး ဦးဆောင်၍ အခမ်းအနားဖြင့် ဆက်လက် ပေးအပ်နိုင်ရေး စီစဉ်ဆောင်ရွက်လျက်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားဝန်ကြီးဌာနက ဦးဆောင်ဝန်ကြီးဌာနအဖြစ် တာဝန်ယူဆောင်ရွက်လျက် ရှိသည့် မြန်မာနိုင်ငံ လုပ်သားများ ကျွမ်းကျင်မှု “စံ” သတ်မှတ်ပြဋ္ဌာန်းရေးအဖွဲ့ (NSSA) အနေဖြင့် ကျွမ်းကျင်မှုစစ်ဆေးအကဲဖြတ်ရေးဌာန တည်ထောင်ပြီးစီးမှုနှင့် ကျွမ်းကျင် လုပ်သားမွေးထုတ်ပေးနိုင်မှုအခြေအနေကို သိရှိလိုပါသည်။
    ဖြေ :

    မြန်မာနိုင်ငံလုပ်သားများ ကျွမ်းကျင်မှု “စံ”သတ်မှတ်ပြဋ္ဌာန်းရေးအဖွဲ့ (NSSA)သည် မြန်မာလုပ်သားထု ကျွမ်းကျင်မှုဖွံ့ဖြိုးတိုးတက်ရေးလုပ်ငန်းစဉ်များကို ၂၀၁၄ ခုနှစ်မှ စတင် အကောင်အထည်ဖော်ဆောင်ရွက်လျက်ရှိရာ ယနေ့အထိ အလုပ်အကိုင် (၃၆) မျိုးအတွက် ကျွမ်းကျင်မှုစစ်ဆေးအကဲဖြတ်ရေးဌာန ကျွမ်းကျင်မှုအဆင့် (၁) (၁၈၄) ခု၊ အလုပ်အကိုင် (၁၅) မျိုးအတွက် ကျွမ်းကျင်မှုအဆင့် (၂) (၃၂)ခု၊ အလုပ်အကိုင် (၁) မျိုးအတွက် ကျွမ်းကျင်မှုအဆင့် (၃) (၁)ခု၊ စုစုပေါင်း ကျွမ်းကျင်မှုစစ်ဆေးအကဲဖြတ်ရေးဌာန (၂၁၇)ခုကို တည်ထောင်နိုင်ခဲ့ပြီး အလုပ်အကိုင် (၃၅)မျိုးအတွက် အရည်အသွေးပြည့်မီသူ ကျွမ်းကျင်လုပ်သား (၂၁,၅၅၅) ဦးကို အသိအမှတ်ပြုလက်မှတ်များပေးအပ်နိုင်ခဲ့ပါသည်။ ၂၀၂၂–၂၀၂၃ ဘဏ္ဍာရေးနှစ်အတွင်း ကျွမ်းကျင်လုပ်သားများ ထပ်မံမွေးထုတ်နိုင်ရေး အတွက် ဖြေဆိုသူ ၅၀၀၀ ဦးကို စစ်ဆေးအကဲဖြတ်နိုင်ရေး စီမံချက်ရေးဆွဲ၍ လျာထားချက်အတိုင်း ပြည့်မီအောင် အကောင် အထည်ဖော်ဆောင်ရွက်လျက်ရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    ကျွမ်းကျင်မှုလေ့ကျင့်ရေးသင်တန်းကျောင်းများအနေဖြင့် Mobile Training များဆောင် ရွက်ပေးခြင်းများ ရှိပါသလား။
    ဖြေ :

    ဦးစီးဌာနသင်တန်းကျောင်းများအနေဖြင့် အခြေခံဂဟေဆက်၊ အခြေခံလျှပ်စစ်နှင့် အိမ်တွင်း လျှပ်စစ်သင်တန်းအတွက်သာ Mobile Training သင်ကြားပေးနိုင်ပြီး သင်တန်းပေး စေလိုသောဒေသများရှိ သက်ဆိုင်ရာအဖွဲ့အစည်းများမှ ဦးဆောင်၍ အလုပ်သမား ညွှန်ကြားရေးဦးစီးဌာန ညွှန်ကြားရေးမှူးချုပ်ထံသို့ လိပ်မူ၍ ညှိနှိုင်းလာပါက စီစဉ်ဆောင်ရွက်ပေးပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားညွှန်ကြားရေးဦးစီးဌာနအောက်ရှိ ကျွမ်းကျင်မှုလေ့ကျင့်ရေးသင်တန်းကျောင်းများတွင် သင်တန်းများတက်ရောက်လိုပါက မည်သည့်သင်တန်းများ တက်ရောက်နိုင် သလဲ။ မည်သို့သင်တန်းများ သင်ကြားတက်ရောက်နိုင်သလဲ။
    ဖြေ :

    ဦးစီးဌာနအောက်တွင် ကျွမ်းကျင်မှုလေ့ကျင့်ရေးသင်တန်းကျောင်း (ရန်ကင်း၊ မြောက်ဒဂုံ၊ မန္တလေး၊ ပုသိမ်၊ စက်စဲ၊ ဘားအံ၊ ပဲခူး) တို့ရှိပြီး သင်တန်းကျောင်းများတည်ရှိရာ တိုင်းဒေသကြီး/ ပြည်နယ်များရှိ အလုပ်သမားညွှန်ကြားရေးဦးစီးဌာနရုံးများတွင် လည်းကောင်း၊ သင်တန်းကျောင်း များတွင်လည်းကောင်း လိုင်စင်ဓါတ်ပုံ၊ မှတ်ပုံတင် မိတ္တူတို့နှင့်အတူ သင်တန်းကျောင်းအလိုက် လျှောက်ထားနိုင်သော အခြေခံဂဟေဆက် သင်တန်း၊ အခြေခံလျှပ်စစ်နှင့် အိမ်တွင်းလျှပ်စစ် သင်တန်း၊ လေအေးပေးစက်တပ်ဆင်/ ပြုပြင်သင်တန်းများထဲမှ လျှောက်ထားနိုင်သော သင်တန်းများကို တက်ရောက်ရန် လျှောက်လွှာများရယူလျှောက်ထားနိုင်ပြီး သင်တန်းသားများမှ သင်တန်းကြေးပေးရန် မလိုဘဲ အခမဲ့သင်ကြားပေး၍ သင်တန်းဆိုင်ရာ ကုန်ကျစရိတ်များကို နိုင်ငံတော် ဘဏ္ဍာငွေဖြင့် သင်ကြားပေးလျက်ရှိသော်လည်း သင်တန်းသားများအတွက် သီးခြား အဆောင်စီစဉ်ပေးခြင်း၊ တစ်ဦးစီအတွက် ပညာသင်ထောက်ပံ့ပေးခြင်းနှင့် သင်တန်းပြီးဆုံး ပါက တနိုင်တပိုင် သို့မဟုတ် လုပ်ငန်းခွင်၌ အထောက်အကူပြုနိုင်မည့် စက်ပစ္စည်းများနှင့် လက်သုံးကိရိယာများ ပံ့ပိုးပေးခြင်းတို့ ဆောင်ရွက်ပေးခြင်းမပြုပါ။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

     

  • မေး :
    ဦးစီးဌာန (သို့) NSSA အသိအမှတ်ပြုသင်တန်းကျောင်း လျှောက်ထားရာတွင် မည့်သို့ ကွဲပြားပါသလဲ။ မည်သို့ လျှောက်ထားနိုင်သလဲ။
    ဖြေ :

    NSSA ၏ အလုပ်အကိုင်ဆိုင်ရာ ကျွမ်းကျင်မှု “စံ” ရေးဆွဲထားရှိပြီးဖြစ်သည့် အလုပ်အကိုင်အမျိုးအစား (၆၂) မျိုးအတွက် NSSA အသိအမှတ်ပြုသင်တန်းကျောင်း လျှောက်ထား၍ NSSA ကျွမ်းကျင်မှု “စံ” အခြေပြုသင်တန်းများ သင်ကြားနေသော NSSA သင်တန်းကျောင်း အဖြစ် လျှောက်ထားနိုင်ပြီး NSSA ၏ အလုပ်အကိုင်ဆိုင်ရာ ကျွမ်းကျင်မှု “စံ” ရေးဆွဲထား ရှိပြီးဖြစ်သည့် အလုပ်အကိုင်အမျိုးအစား (၆၂) မျိုးတွင် မပါဝင်သော အလုပ်အကိုင်၊ ကျွမ်းကျင်မှု “စံ” သင်ရိုးညွှန်းတမ်းနှင့် ကိုက်ညီမှုမရှိသည့် အလုပ်အကိုင်များ၊ သင်တန်းများ သင်ကြားပို့ချနေသော သင်တန်းကျောင်းများသည် ဦးစီးဌာန အသိအမှတ်ပြုသင်တန်းကျောင်း လျှောက်ထားနိုင်ပြီး ဦးစီးဌာနနှင့် NSSA အသိအမှတ်ပြု သင်တန်းကျောင်းလျှောက်ထားရာတွင် သတ်မှတ်ချက်အတိုင်း လျှောက်ထားရမည်ဖြစ်ပြီး NSSA နှင့် ဝန်ကြီးဌာန Websiteများဖြစ်သော www.nssa.gov.mm  နှင့် www.mol.gov.mm တို့တွင် လျှောက်ထားရန်လိုအပ်သည့် Application Form နှင့် လျှောက်ထားလျှင် လိုအပ်သည့်အချက်အလက်များ၊ လိုက်နာရမည့်ညွှန်ကြားချက်များကို ရယူ လျှောက်ထားနိုင်ပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အစိုးရနှင့် ပုဂ္ဂလိကသင်တန်းကျောင်းများတွင် သင်ကြားပို့ချနေသော သင်တန်းအမျိုး အစား ဘယ်နှစ်မျိုး ရှိပါသလဲ။
    ဖြေ :

    အလုပ်သမားညွှန်ကြားရေးဦးစီးဌာနအောက်ရှိ ကျွမ်းကျင်မှုလေ့ကျင့်ရေးသင်တန်းကျောင်း (၇) ကျောင်း၊ အလုပ်သမားညွှန်ကြားရေးဦးစီးဌာန အသိအမှတ်ပြု မှတ်ပုံတင် ပေးထားသော သင်တန်းကျောင်းနှင့် မြန်မာနိုင်ငံ အလုပ်သမားများ ကျွမ်းကျင်မှု “စံ” သတ်မှတ်ပြဋ္ဌာန်းရေးအဖွဲ့ (NSSA) အသိအမှတ်ပြုမှတ်ပုံတင်ပေးထားသော သင်တန်းကျောင်း (၁၁) ကျောင်းတို့မှ သင်ကြားပို့ချနေသောသင်တန်းများမှာ အောက်ပါ အတိုင်း ဖြစ်ပါသည်-
    (၁)အခြေခံဂဟေဆက်သင်တန်း
    (၂)အိမ်တွင်းလျှပ်စစ်သွယ်တန်းတပ်ဆင်ခြင်းသင်တန်း
    (၃)လေအေးပေးစက်ပြုပြင်/ တပ်ဆင်ခြင်းသင်တန်း
    (၄)Air- Compressor ပြုပြင်ထိန်းသိမ်းနည်းသင်တန်း
     (၅)Food and Beverage (အစားအသောက်နှင့် အဖျော်ယမကာဝန်ဆောင်မှု)
     (၆)Waiting Staff (ဟိုတယ်စားပွဲထိုးဝန်ထမ်း)
    (၇)Restaurant Service  (စားသောက်ဆိုင်ဝန်ဆောင်မှု)
     (၈)Room Attendant (အိပ်ခန်းဆောင်ထိန်းသိမ်းရေးဝန်ဆောင်မှု)
     (၉)Hotel & Gastronomy Assistant (ဟိုတယ်နှင့် အစားအသောက်ဆိုင်ရာလက် ထောက်)
     (၁၀)ဝါးလက်မှုအနုပညာသင်တန်း
     (၁၁)‌ဆောက်လုပ်ရေးလက်သမား
     (၁၂)လေအေးပေးစက်ကျွမ်းကျင်သင်တန်း
     (၁၃)ဂဟေဆက်ကျွမ်းကျင်သင်တန်း(GMAW၊ GTAW၊ SMAW)
     (၁၄)လျှပ်စစ်ကျွမ်းကျင်သင်တန်း
     (၁၅)အခြေခံမော်တော်ယာဉ်စက်ပြင်သင်တန်း/ အဆင့်မြင့်မော်တော်ယာဉ်စက်ပြင်သင်တန်း
     (၁၆)အထည်ချုပ်သင်တန်း
     (၁၇)ပိုက်ပြင်ပိုက်ဆက် (Plumbing & Pipe Fitting)
     (၁၈)ပရိဘောဂလက်သမား (Cabinet Maker)
     (၁၉)IT နည်းပညာသင်တန်းများ
     (၂၀)ဂျပန်ဘာသာစကားသင်တန်းများ
     (၂၁)မြေတူးစက်မောင်းသင်တန်း
     (၂၂)အရောင်းဝန်ထမ်း (Sale Person)
     (၂၃)​ငွေစာရင်းကိုင်ဝန်ထမ်း(Cashier)
     (၂၄)ရိုးရာလက်နှိပ်ပညာ(Traditional Message)
     (၂၅)ဆောက်လုပ်ရေး (လက်သမား၊ ပန်းရံ၊ သံချည်သံကွေး)
     (၂၆)အဆင့်မြင့် PLC လျှပ်စစ်သင်တန်း/ အဆောက်အဦလျှပ်စစ်ဒီဇိုင်းသင်တန်း

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားညွှန်ကြားရေးဦးစီးဌာန အသိအမှတ်ပြုမှတ်ပုံတင်ပေးထားသော သင်တန်း ကျောင်းနှင့် မြန်မာနိုင်ငံလုပ်သားများ ကျွမ်းကျင်မှု “စံ” သတ်မှတ်ပြဋ္ဌာန်းရေးအဖွဲ့ (NSSA)  အသိအမှတ်ပြုမှတ်ပုံတင်ပေးထားသော သင်တန်းကျောင်း ဘယ်နှစ်ကျောင်း ရှိပါသလဲ။
    ဖြေ :

    အလုပ်သမားညွှန်ကြားရေးဦးစီးဌာန အသိအမှတ်ပြုမှတ်ပုံတင်ပေးထားသော သင်တန်းကျောင်း (၂၄) ကျောင်းနှင့် မြန်မာနိုင်ငံလုပ်သားများ ကျွမ်းကျင်မှု “စံ” သတ်မှတ် ပြဋ္ဌာန်းရေးအဖွဲ့ (NSSA) အသိအမှတ်ပြုမှတ်ပုံတင်ပေးထားသော သင်တန်းကျောင်း (၂၄)ကျောင်းနှင့် မြန်မာနိုင်ငံ လုပ်သားများ ကျွမ်းကျင်မှု “စံ” သတ်မှတ်ပြဌာန်းရေးအဖွဲ့ (NSSA) အသိအမှတ်ပြု မှတ်ပုံတင်ထားသော သင်တန်းကျောင်း (၁၁) ကျောင်းရှိပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားညွှန်ကြားရေးဦးစီးဌာနအောက်တွင် ကျွမ်းကျင်မှုလေ့ကျင့်ရေးသင်တန်းကျောင်း ဘယ်နှစ်ကျောင်းရှိပါသလဲ။
    ဖြေ :

    အလုပ်သမားညွှန်ကြားရေးဦးစီးဌာနအောက်တွင် ကျွမ်းကျင်မှုလေ့ကျင့်ရေးသင်တန်းကျောင်း (၇) ကျောင်း ရှိပြီး ရန်ကင်း၊ မြောက်ဒဂုံ၊ မန္တလေး၊ ပုသိမ်၊ စက်စဲ၊ ဘားအံနှင့် ပဲခူးတို့တွင် ဖွင့်လှစ် ထားပါသည်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

     

  • မေး :
    NSSA ၏ အလုပ်အကိုင်ဆိုင်ရာ ကျွမ်းကျင်မှု “စံ” များ ရေးဆွဲထားမှုနှင့်ပတ်သက်ပြီး ဆောင်ရွက်ပြီးစီးမှုအခြေအနေနှင့် လက်ရှိဆောင်ရွက်နေမှုအခြေအနေများကို သိရှိလိုပါသည်။
    ဖြေ :

    NSSA ၏ အလုပ်အကိုင်ဆိုင်ရာ ကျွမ်းကျင်မှု “စံ” များ ရေးဆွဲထားရှိမှုအနေဖြင့် အလုပ်အကိုင် (၆၇) မျိုးအတွက် ကျွမ်းကျင်မှုအဆင့်-၁ (၄၄) မျိုး၊ ကျွမ်းကျင်မှု အဆင့်-၂ (၃၆) မျိုး၊ ကျွမ်းကျင်မှု အဆင့်-၃ (၉) မျိုး၊ စုစုပေါင်း ကျွမ်းကျင်မှု “စံ” အဆင့် အလိုက် (၈၉) မျိုးကို အတည်ပြုပြဋ္ဌာန်းခဲ့ပြီးဖြစ်ပြီး  အလုပ်အကိုင် (၁၉) မျိုးအား ကျွမ်းကျင်မှု “စံ”ရေးဆွဲနိုင် ရေးဆက်လက်ဆောင်ရွက်လျက်ရှိပါသည်။        

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    ပြည်ပအလုပ်အကိုင်အလုပ်သမား သက်သေခံကတ်(OWIC) လျှောက်ထားခြင်းနှင့် ပတ်သက်၍ လိုအပ်သည့် စာရွက်စာတမ်း အထောက်အထားများကို သိရှိလိုပါတယ်။
    ဖြေ :

    ပြည်ပအလုပ်အကိုင်အလုပ်သမားသက်သေခံကတ်(OWIC) လျှောက်ထားရန် လိုအပ်သည့် စာရွက်စာတမ်းများမှာ အောက်ပါအတိုင်း ဖြစ်ပါတယ်-

    စဉ်အကြောင်းအရာမိမိ အစီအစဉ်မိမိအစီအစဉ် (ဂျပန်ကျွမ်းကျင်)ခွင့်ပြန်PR ခွင့်ပြန်OWIC သက်တမ်းတိုးOWIC ပျောက်ဆုံး  
    ၁။ညွှန်ကြားရေးမှူးချုပ် ထံ လိပ်မူသည့် အပေါ်စာ        
    ၂။နိုင်ငံကူးလက်မှတ် မိတ္တူ (PJ)        
    ၃။Offer Letter (or) Demand Letter        
    ၄။အလုပ်ရှင်၊ အလုပ်သမား သဘောတူစာချုပ်        
    ၅။ပြည်ဝင်ခွင့်ဗီဇာ        
    ၆။သက်တမ်းရှိ အလုပ် လုပ်ခွင့် ပါမစ်၊ နေထိုင်ခွင့်ပါမစ်        
    ၇။အလုပ်ရှင်၏ ခွင့်စာ        
    ၈။ကာလရှည်နေထိုင်ခွင့် (COE)        
    ၉။ဂျပန်စာ အရည်အချင်း လက်မှတ်        
    ၁၀။ဘွဲ့လက်မှတ်၊ ကျွမ်းကျင်မှု လက်မှတ်        
    ၁၁။ပြည်ဝင်/ ပြည်ထွက် လဝက တံဆိပ်တုံး        
    ၁၂။ပြည်ပအလုပ်အကိုင် လမ်းညွှန် သင်တန်းဆင်းလက်မှတ်        
    ၁၃။OWIC အဟောင်း ရှေ့ /နောက် မိတ္တူ        
    ၁၄။ရဲစခန်း ထောက်ခံချက်၊ သတင်းစာ ကြော်ငြာ ဖြတ်ပိုင်း        

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/



     

  • မေး :
    ၂၀၁၁ခုနှစ်၊ အလုပ်သမားအဖွဲ့အစည်းဥပဒေ ပြင်ဆင်ရန်ရှိပါသလား။
    ဖြေ :

    ဥပဒေပြင်ဆင်ရေးနှင့်ပတ်သက်၍ အလုပ်ရှင်အဖွဲ့အစည်း သို့မဟုတ် အလုပ်သမား အဖွဲ့အစည်းတစ်ခုခုမှ အဆိုပြုလာပါက အစိုးရ၊ အလုပ်ရှင်နှင့် အလုပ်သမား သုံးပွင့်ဆိုင်မိတ်ဖက်များ၏ သဘောထားများရယူ၍ လုပ်ထုံးလုပ်နည်းများနှင့်အညီ ဥပဒေပြင်ဆင်နိုင်ရေး ဆောင်ရွက်သွားမှာဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    ၂၀၁၁ ခုနှစ်၊ အလုပ်သမားအဖွဲ့အစည်း ဥပဒေပြဋ္ဌာန်းပြီးချိန်မှစပြီး ယနေ့ထိ  အဖွဲ့အစည်း ဘယ်နှစ်ဖွဲ့ ဖွဲ့စည်းပေးခဲ့ပါသလဲ။
    ဖြေ :

    အလုပ်သမားအဖွဲ့အစည်း ၃၀၂၄ ဖွဲ့နှင့် အလုပ်ရှင်အဖွဲ့အစည်း ၂၈ ဖွဲ့ စုစုပေါင်း ၃၀၅၂ ဖွဲ့ ဖွဲ့စည်းပေးထားပါတယ်။ ကျယ်ကျယ်ပြန့်ပြန်သိလိုလျှင် အလုပ်သမား အဖွဲ့အစည်းအဖြစ် မှတ်ပုံတင်ရမည့်နည်းလမ်းများနှင့် လျှောက်လွှာပုံစံများကို  ၂၀၁၁ ခုနှစ်၊ အလုပ်သမားအဖွဲ့အစည်း ဥပဒေတွင်ပြဋ္ဌာန်းထားသကဲ့သို့ အလုပ်သမားဝန်ကြီးဌာန Website တွင်လည်းဖော်ပြထားပြီး အလုပ်သမားညွှန်ကြားရေးဦးစီးဌာန၊ တိုင်းဒေသကြီး/ ပြည်နယ်ဦးစီးမှူးရုံးများနှင့် မြို့နယ်ရုံးများတွင်လည်း မေးမြန်းစုံစမ်းနိုင်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်အမှုဆောင်သက်တမ်းကျော်လွန်သည့် အဖွဲ့အစည်းများနှင့်ပတ်သက်၍ မည်ကဲ့သို့ ဆောင်ရွက်ထားရှိသည်ကို သိရှိလိုပါတယ်။
    ဖြေ :

    အလုပ်အမှုဆောင်သက်တမ်း ကျော်လွန်နေသည့်အဖွဲ့အစည်းများကို ၂၀၁၁ ခုနှစ်၊ အလုပ်သမားအဖွဲ့အစည်းဥပဒေနှင့်အညီ အလုပ်အမှုဆောင် ပြန်လည်ရွေးချယ်စေရေး သက်ဆိုင်ရာအဖွဲ့အစည်းများသို့ ညှိနှိုင်းအကြောင်းကြား ဆောင်ရွက်လျက် ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားအဖွဲ့အစည်းများ လျှောက်ထားရာတွင် နှောင့်နှေးကြန့်ကြာမှုမရှိစေရန်မည်ကဲ့သို့ စီမံထားရှိပါသလဲ။     
    ဖြေ :

    အလုပ်သမားအဖွဲ့အစည်းများ လျှောက်ထားမှုနှင့်ပတ်သက်၍ နှောင့်နှေးကြန့်ကြာမှုမရှိစေရန် အဖွဲ့အစည်းများလာရောက်လျှောက်ထားချိန်တွင် ဥပဒေအရလိုအပ်သည့်အချက်အလက်များ ပြည့်စုံမှန်ကန်မှုရှိပါက အသိအမှတ်ပြုလက်မှတ်ရရှိစေရေး အမြန်ဆုံးဆောင်ရွက်ပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားအဖွဲ့အစည်း အသိအမှတ်ပြုလက်မှတ် လျှောက်ထားရမည့်  လုပ်ငန်းစဉ်များကိုလည်း သိရှိလိုပါတယ်။
    ဖြေ :

    အလုပ်သမားအဖွဲ့အစည်းလျှောက်ထားရာမှာ အခြေခံ၊ မြို့နယ်၊ တိုင်းဒေသကြီး/ ပြည်နယ်၊ အဖွဲ့ချုပ်နှင့် မြန်မာနိုင်ငံလုံးဆိုင်ရာအလုပ်သမားရေးရာအဖွဲ့ ဆိုပြီး အဆင့်ဆင့် ရှိပါတယ်၊
    အခြေခံအလုပ်သမားအဖွဲ့အစည်းကို ၂၀၁၁ ခုနှစ်၊ အလုပ်သမားအဖွဲ့အစည်းဥပဒေ ပုဒ်မ ၄ (က) အရဖွဲ့စည်းနိုင်ပြီး နည်းဥပဒေ ၁၀ အရ အလုပ်သမားအဖွဲ့အစည်း မှတ်ပုံတင်ရန်လျှောက်လွှာ ပုံစံ(၁)၊ အခြေခံအလုပ်သမားအဖွဲ့အစည်း ဖွဲ့စည်းခြင်း ဆိုင်ရာအချက်အလက်များ ပုံစံ(၂)၊ ဖွဲ့စည်းပုံစည်းမျဉ်းကို အလုပ်အမှုဆောင် အဖွဲ့ဝင်များကသဘောတူကြောင်း လက်မှတ်ရေးထိုးချက် ပုံစံ(၄)၊ အဖွဲ့အစည်း၏ ဖွဲ့စည်းပုံစည်းမျဉ်း၊ ဥပဒေ ပုဒ်မ ၄ (က) (၂) အရ သက်ဆိုင်ရာလုပ်ငန်းရှိ စုစုပေါင်း အလုပ်သမားများ၏ ၁၀ ရာခိုင်နှုန်းထောက်ခံချက် ပူးတွဲလျက်လျှောက်ထားနိုင်ပါတယ်။
    မြို့နယ်အဖွဲ့အစည်းကို ၂၀၁၁ ခုနှစ်၊ အလုပ်သမားအဖွဲ့အစည်းဥပဒေ ပုဒ်မ ၄ (ခ) အရဖွဲ့စည်းနိုင်ပြီး နည်းဥပဒေ ၁၀ အရ အလုပ်သမားအဖွဲ့အစည်းမှတ်ပုံတင်ရန် လျှောက်လွှာ ပုံစံ(၁)၊ မြို့နယ်၊ တိုင်းဒေသကြီး/ပြည်နယ်အလုပ်သမားအဖွဲ့အစည်း ဖွဲ့စည်းခြင်းဆိုင်ရာအချက်အလက်များ ပုံစံ(၃)၊ ဖွဲ့စည်းပုံစည်းမျဉ်းကိုအလုပ်အမှုဆောင်အဖွဲ့ဝင်များကသဘောတူကြောင်းလက်မှတ်ရေးထိုးချက် ပုံစံ(၄)၊ အဖွဲ့ အစည်း၏ဖွဲ့စည်းပုံစည်းမျဉ်းပူးတွဲလျက်လျှောက်ထား နိုင်ပါတယ်၊
    တိုင်းဒေသကြီး/ပြည်နယ်အဖွဲ့အစည်းကို ၂၀၁၁ ခုနှစ်၊ အလုပ်သမားအဖွဲ့အစည်း ဥပဒေ ပုဒ်မ ၄ (ဂ)  အရဖွဲ့စည်းနိုင်ပြီး နည်းဥပဒေ ၁၀ အရ အလုပ်သမားအဖွဲ့ အစည်းမှတ်ပုံတင်ရန် လျှောက်လွှာပုံစံ(၁)၊ မြို့နယ်၊ တိုင်းဒေသကြီး/ပြည်နယ် အလုပ်သမားအဖွဲ့အစည်း ဖွဲ့စည်းခြင်းဆိုင်ရာ အချက်အလက်များ ပုံစံ(၃)၊ ဖွဲ့စည်းပုံစည်းမျဉ်းကို အလုပ်အမှုဆောင်အဖွဲ့ဝင်များက သဘောတူကြောင်းလက်မှတ်ရေးထိုးချက် ပုံစံ(၄)၊ အဖွဲ့အစည်း၏ ဖွဲ့စည်းပုံစည်းမျဉ်းပူးတွဲလျက် လျှောက်ထားနိုင်ပါတယ်။
    အလုပ်သမားအဖွဲ့ချုပ်ကို ၂၀၁၁ ခုနှစ်၊ အလုပ်သမားအဖွဲ့အစည်း ဥပဒေ ပုဒ်မ ၄ (ဃ) အရဖွဲ့စည်းနိုင်ပြီး နည်းဥပဒေ ၁၁ အရ အလုပ်သမားအဖွဲ့အစည်း မှတ်ပုံတင်ရန်လျှောက်လွှာ ပုံစံ(၁)၊ အလုပ်သမားအဖွဲ့ချုပ်ဖွဲ့စည်းခြင်းဆိုင်ရာ အချက်အလက်များပုံစံ (၅-က)၊  ဖွဲ့စည်းပုံစည်းမျဉ်းကို အလုပ်အမှုဆောင်အဖွဲ့ဝင်များက သဘောတူကြောင်းလက်မှတ်ရေးထိုးချက် ပုံစံ(၄)၊ အဖွဲ့အစည်း၏ဖွဲ့စည်းပုံ စည်းမျဉ်းပူးတွဲလျက် လျှောက်ထားနိုင်ပါတယ်၊
    မြန်မာနိုင်ငံလုံးဆိုင်ရာ အလုပ်သမားရေးရာအဖွဲ့ကို ၂၀၁၁ ခုနှစ်၊ အလုပ်သမား အဖွဲ့အစည်းဥပဒေ ပုဒ်မ ၄ (င)  အရဖွဲ့စည်းနိုင်ပြီးနည်း ဥပဒေ ၁၁ အရ အလုပ်သမားအဖွဲ့အစည်း မှတ်ပုံတင်ရန်လျှောက်လွှာ ပုံစံ(၁)၊ မြန်မာနိုင်ငံလုံးဆိုင်ရာ အလုပ်သမားရေးရာအဖွဲ့ ဖွဲ့စည်းခြင်းဆိုင်ရာအချက်အလက်များ ပုံစံ (၅-ခ)၊ ဖွဲ့စည်းပုံစည်းမျဉ်းကို အလုပ်အမှုဆောင်အဖွဲ့ဝင်များက သဘောတူကြောင်း လက်မှတ်ရေးထိုးချက် ပုံစံ(၄)၊ အဖွဲ့အစည်း၏ ဖွဲ့စည်းပုံစည်းမျဉ်းပူးတွဲလျက် လျှောက်ထားနိုင်ပါတယ်၊
    အခြေခံ၊ မြို့နယ်၊ တိုင်းဒေသကြီး/ပြည်နယ် အလုပ်သမားအဖွဲ့အစည်းများကို သက်ဆိုင်ရာမြို့နယ် မှတ်ပုံတင်အရာရှိထံတွင် လျှောက်ထားနိုင်ပြီး  လျှောက်လွှာတွင် ဖော်ပြရမည့်အချက်များနှင့် ပူးတွဲပါရှိရမည့်အထောက်အထားများ ပြည့်စုံမှန်ကန်မှုရှိပါက အလုပ်သမားအဖွဲ့အစည်းအဖြစ် မှတ်ပုံတင်ပေးရန်လျှောက်လွှာကို လက်ခံရရှိကြောင်းပြေစာ ပုံစံ(၆) ထုတ်ပေးပါတယ်၊ လျှောက်လွှာတွင်ဖော်ပြရမည့်အချက်များနှင့် ပူးတွဲပါရှိရမည့် အထောက်အထားများများ မှန်ကန်ခိုင်လုံခြင်း ရှိ၊မရှိ မှတ်ပုံတင်အရာရှိက မြေပြင်ကွင်းဆင်းစစ်ဆေးပြီး တိုင်းဒေသကြီး/ ပြည်နယ်ဦးစီးမှူး(တာဝန်ခံ)၏ ကြီးကြပ်စိစစ်မှုဖြင့် ရက်ပေါင်း ၃၀ အတွင်း မှတ်ပုံတင်အရာရှိချုပ်ထံ တင်ပြပါတယ်။ မှတ်ပုံတင်အရာရှိချုပ်က စိစစ်ခွင့်ပြုပါက အလုပ်သမားအဖွဲ့အစည်းအဖြစ် အသိအမှတ်ပြုလက်မှတ်ပုံစံ(၇) ထုတ်ပေးပါတယ်။
    အလုပ်သမားအဖွဲ့ချုပ်နှင့် မြန်မာနိုင်ငံလုံးဆိုင်ရာ အလုပ်သမားရေးရာအဖွဲ့တို့ကို မှတ်ပုံတင်အရာရှိချုပ်ထံ တိုက်ရိုက်လျှောက်ထားရမှာ ဖြစ်ပါတယ်။ မှတ်ပုံတင်အရာရှိချုပ်က ပူးတွဲပါအထောက်အထားများ မှန်ကန်ခိုင်လုံမှုရှိပါက ရက်ပေါင်း ၆၀ အတွင်း အလုပ်သမားအဖွဲ့အစည်းအဖြစ် အသိအမှတ်ပြုလက်မှတ်ပုံစံ (၇) ထုတ် ပေးပါတယ်။
    လျှောက်လွှာတွင် ဖော်ပြရမည့်အချက်များနှင့် ပူးတွဲပါရှိရမည့် အထောက်အထား များပြည့်စုံမှန်ကန်မှုမရှိပါက လိုအပ်ချက်များကို လုံလောက်သောအချိန်အတွင်း ထပ်မံဖြည့်ဆည်း၍ ပြန်လည်တင်ပြစေပြီး ဥပဒေနှင့်အညီ အသိအမှတ်ပြု   လက်မှတ်ထုတ်ပေးနိုင်ရေး ဆက်လက်ဆောင်ရွက်ပေးပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားအဖွဲ့အစည်းကို မည်ကဲ့သို့ဖွဲ့စည်းနိုင်ပါသလဲ။
    ဖြေ :

    လုပ်ငန်းအမျိုးအစားအလိုက်  အလုပ်သမားအနည်းဆုံးဦးရေ ၃၀ ဖြင့် အခြေခံ အလုပ်သမားအဖွဲ့အစည်းကိုဖွဲ့စည်းနိုင်ပြီး အခြေခံစုစုပေါင်း၏ ၁၀ ရာခိုင်နှုန်း အောက်မနည်းသော အလုပ်သမားအဖွဲ့အစည်းကထောက်ခံလျှင် မြို့နယ်အလုပ်သမားအဖွဲ့အစည်း၊ မြို့နယ်စုစုပေါင်း၏ ၁၀ ရာခိုင်နှုန်းအောက်မနည်းသော  အလုပ်သမားအဖွဲ့အစည်းကထောက်ခံလျှင် တိုင်းဒေသကြီး/ပြည်နယ် အလုပ်သမားအဖွဲ့အစည်း၊ တိုင်းဒေသကြီး/ ပြည်နယ်စုစုပေါင်း၏ ၁၀ ရာခိုင်နှုန်းအောက် မနည်း အလုပ်သမားအဖွဲ့အစည်းက ထောက်ခံလျှင် အလုပ်သမားအဖွဲ့ချုပ်၊  ၂၀ ရာခိုင်နှုန်းအောက်မနည်းသော အလုပ်သမားအဖွဲ့ချုပ်က ထောက်ခံလျှင် မြန်မာနိုင်ငံလုံးဆိုင်ရာ အလုပ်သမားရေးရာအဖွဲ့ကို ဖွဲ့စည်းနိုင်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    ၂၀၁၁ ခုနှစ်၊ အလုပ်သမားအဖွဲ့အစည်း ဥပဒေ ပြဋ္ဌာန်းရခြင်းရဲ့ ရည်ရွယ်ချက်ကို သိချင်ပါတယ်။
    ဖြေ :

    အလုပ်သမားများ၏ အခွင့်အရေးများကို ကာကွယ်စောင့်ရှောက်ရန်၊ အလုပ်သမား အချင်းချင်းအကြား၊ အလုပ်ရှင်နှင့် အလုပ်သမားအကြား ဆက်ဆံရေးကောင်းမွန် စေရန်၊ အလုပ်သမားအဖွဲ့အစည်းများကို စနစ်တကျနှင့် လွတ်လပ်စွာ ဖွဲ့စည်း ဆောင်ရွက်နိုင်စေရန်ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားအဖွဲ့အစည်းကို မည်သည့်အတွက်ကြောင့်ဖွဲ့စည်းသင့်ပါသလဲ။
    ဖြေ :

    အလုပ်သမားများ၏ အခွင့်အရေးများကို ဥပဒေနှင့်အညီရရှိစေရန်နှင့် အလုပ်ချိန်နှင့်အခြား အလုပ်ခန့်ထားမှုဆိုင်ရာ စည်းမျဉ်းစည်းကမ်းများကို အလုပ်ရှင်နှင့် ဆွေးနွေးညှိနှိုင်းရာမှာ အလုပ်သမားအဖွဲ့အစည်းများ၏ ကိုယ်စားလှယ်များမှ တစ်ဆင့်ဆောင်ရွက်ခြင်းဖြင့် အလုပ်သမားများအားလုံး အကျိုးခံစားရရုံသာမက အလုပ်ရှင်နှင့် အလုပ်သမားအငြင်းပွားမှုများ လျော့နည်းလာပြီး လုပ်ငန်းခွင်အေးချမ်းသာယာရေးအတွက် အဓိကကျတဲ့အတွက် စက်ရုံ၊ အလုပ်ရုံ၊ လုပ်ငန်းခွင်များမှာ အလုပ်သမားအဖွဲ့အစည်းများကို ဥပဒေနှင့်အညီဖွဲ့စည်းသင့်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    အလုပ်သမားအဖွဲ့အစည်းများ ဖွဲ့စည်းခြင်းဖြင့် အလုပ်သမားများ မည်ကဲ့သို့အကျိုး ကျေးဇူးများရရှိ ခံစားနိုင်ပါသလဲ။
    ဖြေ :

    အဖွဲ့အစည်းများ ဖွဲ့စည်းခြင်းအားဖြင့် အလုပ်သမားများ၏ အကျိုးခံစားခွင့်များ၊ အလုပ်ချိန်၊ လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေး၊ လူမှုဖူလုံရေး အပါအဝင် အခြားလုပ်ငန်းခွင်ဆိုင်ရာ အကျိုးခံစားခွင့်များကို အလုပ်သမားများ ကိုယ်တိုင်ရွေးချယ်ထားသော အလုပ်သမားအဖွဲ့အစည်းများ၏ ကိုယ်စားလှယ်များမှ တစ်ဆင့်လုပ်ငန်းခွင်မပျက် အလုပ်ရှင်နှင့်ညှိနှိုင်းဆောင်ရွက်နိုင်ခြင်း၊  အလုပ်ခွင်အတွင်း အခက်အခဲတစ်စုံတစ်ရာပေါ်ပေါက်ပါက အလုပ်ရှင်နှင့် အလုပ်သမားများ ကြားညှိနှိုင်းဆွေးနွေးအဖြေရှာ၍ ပြေလည်အောင်ဆောင်ရွက်နိုင်ခြင်းဖြင့်  အလုပ်ရှင်နှင့် အလုပ်သမားအငြင်းပွားမှုများ လျော့နည်းလာမှာ ဖြစ်ပါတယ်။ အကျိုးဆက်အနေနဲ့ လုပ်ငန်းခွင်အေးချမ်းသာယာပြီး ကုန်ထုတ်လုပ်မှုပိုင်းမှာ ပိုမိုတိုးတက်လာမှာ ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/


     

  • မေး :
    ကောင်းမွန်သည့် အလုပ်ရှင်၊ အလုပ်သမား ဆက်ဆံရေး ထူထောင်နိုင်ရေးအတွက် ဌာနမှ  မည်သို့ဆောင်ရွက်ပေးနေသည်ကို သိရှိလိုပါတယ်။
    ဖြေ :

    ကောင်းမွန်သည့် အလုပ်ရှင်၊ အလုပ်သမားဆက်ဆံရေးထူထောင်နိုင်ရန်အတွက် ဌာနမှ အစိုးရ၊ အလုပ်ရှင်၊ အလုပ်သမားသုံးပွင့်ဆိုင်တွေ့ဆုံဆွေးနွေးပွဲများကို ကျင်းပ ပြုလုပ်ပြီး စက်ရုံ၊ အလုပ်ရုံများမှ အလုပ်ရှင်နှင့်အလုပ်သမားများ၏ အခက်အခဲများကို တင်ပြစေ၍ လိုအပ်သည်များ ညှိနှိုင်း ဖြေရှင်းဆောင်ရွက်ပေးလျက်ရှိသည့်အပြင် အလုပ်ခန့်ထားမှုဆိုင် ရာသဘောတူညီချက် စာချုပ် (EC) အပိုဒ် ၁၇ (က) ပါအတိုင်း အလုပ်ရှင်၏ တာဝန်ဝတ္တရားများကို ဆောင်ရွက်ပေးရန် လိုအပ်သကဲ့သို့  အလုပ်သမားများဘက်မှလည်း အပိုဒ် ၁၇(ခ)ပါ အလုပ်သမားများ၏ တာဝန်ဝတ္တရားများနှင့် အပိုဒ် ၁၃ ပါ အလုပ်သမားများ၏ စည်းကမ်းများအတိုင်း လိုက်နာ ဆောင်ရွက်ရန် လိုအပ်ပါသည်။ သို့မှသာ လုပ်ငန်းခွင် အေးချမ်းသာယာရေးနှင့် အလုပ်ရှင်၊ အလုပ်သမားမျှတသော အလုပ်သမားရေးရာ ကျင့်စဉ်များ ရရှိနိုင်မည် ဖြစ်သည့်အတွက် အစိုးရ၊ အလုပ်ရှင်၊ အလုပ်သမား၊ သုံးပွင့်ဆိုင် တွေ့ဆုံဆွေးနွေးမှုများ ဆက်လက်ဆောင်ရွက်သွားမည်ဖြစ်ပါကြောင်း၊ အလုပ်ရှင်၊ အလုပ်သမားဆက်ဆံရေးကောင်းမွန်စေရန် မြို့နယ်အဆင့်၊ တိုင်းဒေသကြီး / ပြည်နယ်အဆင့် မိတ်ဖက်ဌာနများနှင့် ပူးပေါင်း၍ အလုပ်သမားရေးရာ အသိပညာပေးဆွေးနွေးပွဲများကို ဆောင်ရွက်ပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/
     

  • မေး :
    လုပ်သားအင်အားစစ်တမ်းကို ဘယ်အချိန်မှာ ဘယ်သူတွေက ကောက်ယူခဲ့ပါသလဲ။
    ဖြေ :

    ၂၀၁၇ ခုနှစ်ကစပြီး နှစ်စဉ်လုပ်သားအင်အားစစ်တမ်းကို နိုင်ငံတော်ဘဏ္ဍာငွေဖြင့် တစ်နှစ်လျှင်နှစ်ကြိမ် ပုံမှန်ကောက်ယူပြုစုလျက်ရှိပြီး၊ ထိုသို့ကောက်ယူပြုစုရာတွင် ပြည်ထောင်စုနယ်မြေ၊ တိုင်းဒေသကြီး၊ ပြည်နယ်များ၌ နမူနာစာရင်းကောက်ကွက်များ အတွင်းရှိ ရပ်ကွက်၊ ကျေးရွာများမှာ အလုပ်သမားညွှန်ကြား‌ရေးဦးစီးဌာနမှ ဝန်ထမ်းများ က ကွင်းဆင်းစာရင်းကောက်ယူခြင်းဖြစ်ပြီး၊ နှစ်စဉ် ဇန်နဝါရီလမှ မတ်လအထိ ပထမအကြိမ်၊ စက်တင်ဘာလမှ နိုဝင်ဘာလအထိ ဒုတိယအကြိမ် ကွင်းဆင်းစစ်တမ်း ကောက်ယူခဲ့ရာမှာ ၂၀၂၀ ပြည့်နှစ်၊ နှစ်စဉ်လုပ်သားအင်အားစစ်တမ်း (ပထမအကြိမ်)ထိ ကွင်းဆင်းကောက်ယူခဲ့ပြီး၊ အစီရင်ခံစာထုတ်ပြန်ခဲ့ပြီးဖြစ်ပါတယ်။ ကိုဗစ်-၁၉ ကူးစက် ရောဂါကြောင့် ၂၀၂၀ ပြည့်နှစ်၊ နှစ်စဉ်လုပ်သာအင်အားစစ်တမ်း (ဒုတိယအကြိမ်) မှစ၍ ကွင်းဆင်းစာရင်းကောက်ယူခြင်းကို ရပ်နားခဲ့ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/
     

  • မေး :
    လက်ရှိမြန်မာနိုင်ငံတွင် လုပ်သားအင်အား မည်မျှရှိပါသလဲ၊ အလုပ်လက်မဲ့နှုန်းနဲ့ ပတ်သက်ပြီး ရှင်းပြပေးစေလိုပါတယ်။
    ဖြေ :

    ၂၀၂၀ပြည့်နှစ်၊ လုပ်သားအင်အားစစ်တမ်း(ပထမအကြိမ်) အစီရင်ခံစာအရ လုပ်သားအင်အား ၂၂.၂၂ သန်းရှိပါတယ်။ အလုပ်လက်မဲ့နှုန်းအနေနဲ့ ၁.၆% ရှိပြီး၊ အလုပ်လက်မဲ့နှုန်း နည်းပါးခြင်းဟာ ILO ရဲ့ အဓိပ္ပာယ်သတ်မှတ်ချက်အရ မြန်မာနိုင်ငံ တစ်နိုင်ငံတည်းမဟုတ်ဘဲ ဖွံ့ဖြိုးဆဲနိုင်ငံတွေတိုင်းမှာ တွေ့ရှိရမှာဖြစ်ပါတယ်။ ဒါကြောင့်လဲ ILO အနေနဲ့ ၂၀၁၃ ခုနှစ်မှာ ကျင်းပခဲ့တဲ့ ၁၉ ကြိမ်မြောက် အပြည်ပြည်ဆိုင်ရာ အလုပ်သမားရေးရာ စာရင်းအင်းပညာရှင်များညီလာခံမှာ ဖွံ့ဖြိုးဆဲနိုင်ငံတွေအနေနဲ့ အလုပ်လက်မဲ့နှုန်းအပြင် လုပ်သားအင်အားအပြည့်အဝ အသုံးမချနိုင်မှုနှုန်း (Labour Underutilization Rate) ကိုပါ တစ်ပေါင်းတည်းဖော်ပြဖို့ တိုက်တွန်းထားပြီး၊ မြန်မာနိုင်ငံအနေနဲ့ တွက်ချက်ဖော်ပြလျက်ရှိရာ ၂၀၂၀ ပြည့်နှစ်၊ နှစ်စဉ်လုပ်သားအင်အား စစ်တမ်း (ပထမအကြိမ်) အစီရင်ခံစာအရ လုပ်သားအင်အားအပြည့်အဝ အသုံးမချနိုင်မှု နှုန်း ၅.၂% ဖြစ်ပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/
     

  • မေး :
    လုပ်ငန်းခွင်အေးချမ်းသာယာစေရန် ကောင်းမွန်သည့် အလုပ်ရှင်၊ အလုပ်သမားဆက်ဆံရေး တည်ဆောက်နိုင်ရန်အတွက် ဌာနမှဆောင်ရွက်ပေးနေမှု အခြေအနေများကို သိရှိလို ပါတယ်။
    ဖြေ :

    ကောင်းမွန်သည့် အလုပ်ရှင်၊ အလုပ်သမားဆက်ဆံရေး Fair Labour  Practice ထူထောင် နိုင်ရန်အတွက်ဌာနမှ အစိုးရ၊ အလုပ်ရှင်၊ အလုပ်သမားသုံးပွင့်ဆိုင်တွေ့ဆုံဆွေးနွေးပွဲများကို ကျင်းပခြင်းအပေါ် ဝန်ကြီးဌာန၏ တည်ဆဲဉပဒေများနှင့်အညီ စက်ရုံ၊ အလုပ်ရုံများမှ အလုပ်ရှင်နှင့် အလုပ်သမားများ၏ အခက်အခဲများကိုတင်ပြစေ၍ လိုအပ်သည်များညှိနှိုင်း ဖြေရှင်းဆောင်ရွက်ပေးလျက်ရှိပါတယ်။ ၂၀၁၃ ခုနှစ်၊ ကျွမ်းကျင်မှုဖွံ့ဖြိုးတိုးတက်ရေးဥပဒေ ပုဒ်မ ၅(က)(၁)အရ ချုပ်ဆိုသည့် EC စာချုပ်တွင် အလုပ်ရှင်အနေဖြင့် အလုပ်ခန့်ထားမှု သဘောတူညီချက်စာချုပ်(EC)အပိုဒ် ၁၇(က)ပါအတိုင်း အလုပ်ရှင်၏တာဝန်ဝတ္တရားများကို ဆောင်ရွက်ပေးရန်လိုအပ်သကဲ့သို့ အလုပ်သမားများဘက်မှလည်း အပိုဒ် ၁၇(ခ)ပါ အလုပ် သမားများ၏ စည်းကမ်းများအတိုင်းလိုက်နာဆောင်ရွက်ရန်လိုအပ်ပါတယ်။ ထို့အပြင် အလုပ်ရှင်၊ အလုပ်သမားဆက်ဆံရေးကောင်းမွန်စေရန် မြို့နယ်အဆင့်၊ တိုင်းဒေသကြီး/ ပြည်နယ်အဆင့် မိတ်ဖက်ဌာနများနှင့်ချိတ်ဆက်၍ အလုပ်သမားရေးရာအသိပညာပေး ဆွေးနွေးပွဲများကို ပူးပေါင်းဆောင်ရွက်ပေးလျက်ရှိပါတယ်။

    Source: https://www.mol.gov.mm

    အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
    https://www.mol.gov.mm/faq/
     

  • မေး :
    ဂျပန်ရထားများပေါ်၌ ဓါးထိုးတိုက်ခိုက်မှုများအတွက် မည်သို့သော အစီအမံများပြုလုပ်ထားသနည်း။
    ဖြေ :

    ဂျပန်နိုင်ငံ၌ ပြီးခဲ့သည့်နှစ်များအတွင်း ဓားထိုးတိုက်ခိုက်မှုများ ဖြစ်ပွားပြီးနောက် နောင်တွင် အလားတူ ဖြစ်စဉ်များ ဖြစ်ပွားမှုကို ကာကွယ်နိုင်ရေးအတွက် ရထားများပေါ်၌ ဓားမတိုးသည့်ထီးများကို အသုံးပြု သွားမည်ဖြစ်ပါသည်။

  • မေး :
    တိုင်းရင်းသားဒေသများတွင် သန်းခေါင်စာရင်းကောက်ယူနိုင်ရေးအတွက် မည်သို့ စီမံဆောင်ရွက်ထားရှိသနည်း။
    ဖြေ :

    တိုင်းရင်းသားဘာသာစကားကိုသာ အသုံးပြုသည့် ဒေသများတွင် ဒေသခံဘာသာ စကားဖြင့် မေးမြန်း၍ သန်းခေါင် စာရင်းကောက်ယူနိုင်ရန်အတွက် တိုင်းရင်းသားလူမျိုးများရေးရာဝန်ကြီးဌာန၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာနတို့က ပူးပေါင်း၍ ဆောင်ရွက်သွားမည်ဖြစ်ပါသည်။

    တိုင်းရင်းသားလူမျိုးများရေးရာဝန်ကြီးဌာနအနေဖြင့် တိုင်းဒေသကြီး/ ပြည်နယ်တိုင်းရင်းသားရေးရာ ညွှန်ကြားရေးမှူးရုံးမှ ဝန်ထမ်းများအပါအဝင် ဝန်ထမ်း (၁၀၇)ဦးနှင့် တိုင်းရင်းသားစာပေနှင့် ယဉ်ကျေးမှုအဖွဲ့များမှ ပြင်ပပုဂ္ဂိုလ် ဖြစ်သည့် တိုင်းရင်းသားစာပေနှင့် ယဉ်ကျေးမှုအသင်းအဖွဲ့အသီးသီးတို့၏ အဖွဲ့ခေါင်းဆောင်/ အဖွဲ့ဝင် (၃၂၂)ဦးတို့ဖြင့် အသီးသီးပါဝင်ပံ့ပိုးသွားမည်ဖြစ်ပါသည်။ ၎င်းတို့မှတစ်ဆင့် တိုင်းရင်းသားဘာသာစာပေသင်ကြားရေး အထောက်အကူပြု Teaching Assistant-TA နှင့် တိုင်းရင်းသားဘာသာစာပေသင် Language Teacher-LT စုစုပေါင်း (၁၈၁၇၆) ဦးဖြင့်  ပိုမိုကျယ်ပြန့်စွာ အထောက်အကူပြု ပါဝင်ဆောင်ရွက်သွားမည်ဖြစ်ပါသည်။ 

    တိုင်းရင်းသားဘာသာစကားကိုသာ အသုံးပြုသည့် တိုင်းရင်းသားများအတွက် ၎င်းတို့၏ ဘာသာစကားဖြင့် မေးခွန်း များကို သေချာစွာနားလည်သဘောပေါက်မှသာ မှန်မှန်ကန်ကန်ဖြေဆိုနိုင်မည်ဖြစ်ပြီး တိုင်းရင်းသားလူမျိုးများ ရေးရာဝန်ကြီးဌာနအနေဖြင့် လိုအပ်သည့်နေရာများမှ ပူးပေါင်းပါဝင်ဆောင်ရွက်နိုင်ရန် အလေးထားစီစဉ် ဆောင်ရွက်လျက်ရှိပါသည်။ တိုင်းရင်းသားဒေသများ ဖွံ့ဖြိုးတိုးတက်ရေးနှင့် ဘက်စုံဖွံ့ဖြိုးတိုးတက်ရေးအတွက် သန်းခေါင်စာရင်းကောက်ယူမှု၏ မေးခွန်းပါအချက်အလက်များ မှန်မှန်ကန်ကန်ရရှိမှုသည်အလွန်အရေးကြီး သဖြင့် ရရှိလာသည့်  လုပ်ငန်းစဉ်လိုအပ်ချက်များကို မှန်ကန်စွာဆက်လက်အကောင်အထည် ဖော်နိုင်မှသာ ပင်မ နိုင်ငံသားများဖြစ်ကြသည့် ပြည်ထောင်စုဖွား မိမိတို့တိုင်းရင်းသားလူမျိုးများအားလုံးအတွက်   လိုအပ်သည့် ဘက်စုံ ဖွံ့ဖြိုးတိုးတက်ရေးရလဒ်ကောင်းကို ပိုမိုပြီး စနစ်တကျရရှိနိုင်မည်ဖြစ်ပါသည်။  

 

နိုင်ငံတော်နှင့် အများပြည်သူအတွက် အကျိုးပြုမည့် သင့်လျော်သော မေးခွန်းများကိုသာ မေးမြန်းကြပါရန်နှင့် သက်ဆိုင်ရာ ဝန်ကြီးဌာနများသို့မေးမြန်း၍ တိကျမှန်ကန်သော အဖြေများကို စိစစ်ဖြေကြားပေးသွားပါမည်။

မှတ်တမ်းဓာတ်ပုံများ

ပြည်ထောင်စုအစိုးရအဖွဲ့ ဖွဲ့စည်းခြင်း , ပြည်ထောင်စုအစိုးရအဖွဲ့ ဖွဲ့စည်းခြင်း , ပြည်ထောင်စုအစိုးရအဖွဲ့ ဖွဲ့စည်းခြင်း , ပြည်ထောင်စုအစိုးရအဖွဲ့ ဖွဲ့စည်းခြင်း
© Copyright 2024 SAC All Rights Reserved.